ക്രിസ്‌ത്യാ​നി​കൾ സ്വസ്ഥത​യു​ടെ ഒരു ദിവസം ആചരി​ക്ക​ണ​മോ?

ജൂണിൽ പതിവി​നു വിപരീ​ത​മാ​യി മഴ കൂടു​ത​ലാ​യി​രു​ന്നു. ഇക്കാര​ണ​ത്താൽ 1991 വിംബിൾഡൺ ടെന്നീസ്‌ ചാമ്പ്യൻഷി​പ്പിൽ യുഗപ​ഴ​ക്ക​മുള്ള ഒരു ലൗകിക പാരമ്പ​ര്യം ലംഘി​ക്ക​പ്പെട്ടു. ചരി​ത്ര​ത്തി​ലാ​ദ്യ​മാ​യി, സമയനഷ്ടം പരിഹ​രി​ക്കു​ന്ന​തിന്‌, മത്സരക്ക​ളി​കൾ ഞായറാഴ്‌ച നടത്ത​പ്പെട്ടു. ചില​പ്പോ​ഴൊ​ക്കെ​യുള്ള, നിയമ​ങ്ങ​ളു​ടെ ഇത്തരത്തി​ലുള്ള അവഗണന ഒഴിച്ചാൽ ഇംഗ്ലണ്ടി​ലും മററ​നേകം രാജ്യ​ങ്ങ​ളി​ലും ഞായറാഴ്‌ച സ്വസ്ഥത​യ്‌ക്കുള്ള ഒരു വിശുദ്ധ ദിനമാ​യി നില​കൊ​ള്ളു​ന്നു.

ചില ആളുകൾ മറെറാ​രു സ്വസ്ഥതാ​ദി​വസം ആചരി​ക്കു​ന്നു. യഹൂദർ ലോക​വ്യാ​പ​ക​മാ​യി വെള്ളി​യാഴ്‌ച സൂര്യാ​സ്‌ത​മയം മുതൽ ശനിയാഴ്‌ച സൂര്യാ​സ്‌ത​മയം വരെ കർക്കശ​മാ​യി ശബ്ബത്ത്‌ ആചരി​ക്കു​ന്നു. ശബ്ബത്തിൽ ഇസ്ര​യേ​ലി​ന്റെ ദേശീയ വിമാനം പറക്കു​ന്നില്ല, ചില പട്ടണങ്ങ​ളിൽ പൊതു ഗതാഗതം ഇല്ല. യെരൂ​ശ​ലേ​മിൽ പാരമ്പ​ര്യ​വാ​ദി​കൾ, ശബ്ബത്തിൽ നിയമ​വി​രു​ദ്ധ​മെന്നു തങ്ങൾ വിചാ​രി​ക്കുന്ന എല്ലാ ഗതാഗ​ത​വും നിരോ​ധി​ക്കു​ന്ന​തി​നു ചില തെരു​വു​കൾ അടച്ചി​ടു​ന്നു.

അനേകം മതങ്ങൾ ഇപ്പോ​ഴും ഒരു പ്രതി​വാര സ്വസ്ഥതാ​ദി​വസം അഥവാ ശബ്ബത്ത്‌ ആചരി​ക്കു​ന്നു​വെന്ന വസ്‌തുത പല ചോദ്യ​ങ്ങൾ ഉദിപ്പി​ക്കു​ന്നു. ശബ്ബത്താ​ച​രണം യഹൂദർക്കു മാത്രമേ ഉള്ളോ? ക്രൈ​സ്‌ത​വ​ലോ​ക​ത്തി​ലെ മിക്ക മതങ്ങളും ഒരു വ്യത്യസ്‌ത സ്വസ്ഥതാ​ദി​നം സ്വീക​രി​ക്കാൻ ഇടയാ​യ​തെ​ങ്ങനെ? ഒരു പ്രതി​വാര സ്വസ്ഥതാ​ദി​നാ​ച​രണം ഇന്നും ബൈബിൾപ​ര​മായ ഒരു വ്യവസ്ഥ​യാ​യി​രി​ക്കു​ന്നു​വോ?

ശബ്ബത്ത്‌ എല്ലായ്‌പോ​ഴും സ്ഥിതി ചെയ്‌തി​രു​ന്നു​വോ?

ശബ്ബത്ത്‌ സംബന്ധിച്ച ആദ്യത്തെ തിരു​വെ​ഴു​ത്തു സൂചന നാം പുറപ്പാ​ടു പുസ്‌ത​ക​ത്തിൽ കാണുന്നു. ഇസ്ര​യേ​ല്യർ മരുഭൂ​മി​യി​ലാ​യി​രു​ന്ന​പ്പോൾ അവർക്കു യഹോ​വ​യിൽ നിന്ന്‌ അത്ഭുത​ക​ര​മായ ഒരു ഭക്ഷണമായ മന്നാ ലഭിച്ചു. വാരത്തി​ലെ ഓരോ ആറാം ദിവസ​വും അവർ രണ്ടു പങ്കു പെറു​ക്കേ​ണ്ടി​യി​രു​ന്നു, കാരണം ഏഴാമത്തെ ദിവസം എല്ലാ വേലയും വിലക്കി​യി​രുന്ന “യഹോ​വ​യു​ടെ ശബ്ബത്ത്‌” ആയിരി​ക്ക​ണ​മാ​യി​രു​ന്നു.—പുറപ്പാ​ടു 16:4, 5, 22-25.

കൂടാതെ, ഈജി​പ്‌റ​റു​ദേ​ശത്തു തങ്ങൾ അടിമ​ക​ളാ​യി​രു​ന്നു എന്ന്‌ ഇസ്ര​യേ​ല്യ​രെ അനുസ്‌മ​രി​പ്പി​ക്കു​ന്ന​തി​നും​കൂ​ടി​യാ​യി​രു​ന്നു അവർക്കു ശബ്ബത്താ​ച​രണം നൽകി​യി​രു​ന്നത്‌. ഇത്തരം ഒരു നിയമം അവർ നേരത്തെ പാലി​ച്ചി​രു​ന്നെ​ങ്കിൽ ഈ ഓർമ്മി​പ്പി​ക്ക​ലി​നു യാതൊ​രു പ്രസക്തി​യു​മു​ണ്ടാ​വി​ല്ലാ​യി​രു​ന്നു. അതു​കൊണ്ട്‌, ശബ്ബത്തി​നെ​ക്കു​റി​ച്ചുള്ള ചട്ടങ്ങൾ ഇസ്ര​യേ​ല്യർക്കു മാത്രമേ നൽകി​യി​രു​ന്നു​ള്ളു.—ആവർത്തനം 5:2, 3, 12-15.

അതിസൂ​ക്ഷ്‌മ​വും ക്ലേശക​ര​വു​മായ ആചാരങ്ങൾ

മോ​ശൈക നിയമം ശബ്ബത്ത്‌ സംബന്ധി​ച്ചു വളരെ വിശദ​മ​ല്ലാ​ഞ്ഞ​തി​നാൽ റബ്ബിമാർ നൂററാ​ണ്ടു​ക​ളിൽ അനവധി വിലക്കു​കൾ ഏർപ്പെ​ടു​ത്തി, മുഖ്യ​മാ​യും ശബ്ബത്തു​ദി​വസം എല്ലാത്തരം വേലക​ളും നിരോ​ധി​ച്ചു​കൊ​ണ്ടു​തന്നെ. മിഷ്‌നാ പറയു​ന്ന​ത​നു​സ​രിച്ച്‌, നിരോ​ധി​ച്ചി​രുന്ന വേലകളെ തയ്യൽ, എഴുത്ത്‌, കൃഷി​പ്പണി തുടങ്ങിയ 39 മുഖ്യ വിഭാ​ഗ​ങ്ങ​ളാ​യി തരം തിരി​ച്ചി​രു​ന്നു. ഈ ചട്ടങ്ങളിൽ മിക്കതും ബൈബി​ള​ധി​ഷ്‌ഠി​തമല്ല. “തിരു​വെ​ഴു​ത്തു​ക​ളിൽ ഈ വിഷയം സംബന്ധിച്ച്‌ അധിക​മൊ​ന്നും ഇല്ലെങ്കി​ലും നിയമങ്ങൾ അനവധി​യാ​യ​തി​നാൽ ചട്ടങ്ങൾ തലമു​ടി​യിൽ തൂങ്ങി​ക്കി​ട​ക്കുന്ന പർവ്വത​ങ്ങളാ”ണെന്നു മിഷ്‌ന ഉദ്ധരി​ച്ചു​കൊ​ണ്ടു എൻ​സൈ​ക്ലോ​പ്പീ​ഡി​യാ ജൂഡയ്‌ക്കാ സമ്മതി​ച്ചു​പ​റ​യു​ന്നു.

“ഏഴാം ദിവസം ആരും തന്റെ സ്ഥലത്തു​നി​ന്നു പുറ​പ്പെ​ട​രു​തു” എന്ന കല്‌പന ബാധക​മാ​ക്കാൻ പരമാ​വധി ദൂരം നിശ്ചയി​ക്കു​ക​യും അതിനെ “ശബ്ബത്തു പരിധി” എന്നു വിളി​ക്കു​ക​യും ചെയ്‌തു. ചില ഉറവി​ട​ങ്ങ​ളിൽനി​ന്നുള്ള വിവര​മ​നു​സ​രിച്ച്‌ അതു രണ്ടായി​രം മുഴത്തി​നു അഥവാ 900 മീററ​റി​നു തുല്യ​മാ​യി​രു​ന്നു. (പുറപ്പാ​ടു 16:29, കിംഗ്‌ ജയിംസ്‌ വേർഷൻ) എന്നുവ​രി​കി​ലും ഈ നിയമ​വ്യ​വസ്ഥ കൗശല​പൂർവ്വം ലംഘി​ക്കാൻ കഴിയു​മാ​യി​രു​ന്നു: തലേ വൈകു​ന്നേരം ശബ്ബത്തു ദിവസത്തെ ആഹാരം ഭവനത്തിൽനി​ന്നു രണ്ടായി​രം മുഴം ദൂരെ​ക്കൊ​ണ്ടു​പോ​യി സൂക്ഷി​ക്കാ​മാ​യി​രു​ന്നു. ഇവിടം കുടും​ബ​ഭ​വ​ന​ത്തി​ന്റെ മറെറാ​രു ഭാഗമാ​യി കണക്കാ​ക്കാ​മാ​യി​രു​ന്നു, അവി​ടെ​നി​ന്നു മറെറാ​രു രണ്ടായി​രം മുഴം കണക്കാ​ക്കാ​മാ​യി​രു​ന്നു.

ഈ മനുഷ്യ​നിർമ്മിത നിയ​ന്ത്ര​ണ​ങ്ങ​ളിൽ അനേക​വും യേശു​വി​ന്റെ നാളിൽ പ്രാബ​ല്യ​ത്തി​ലു​ണ്ടാ​യി​രു​ന്നു. അതു​കൊ​ണ്ടാ​ണു വയലു​ക​ളി​ലൂ​ടെ കടന്നു​പോ​യ​പ്പോൾ യേശു​വി​ന്റെ ശിഷ്യൻമാർ കതിർ പറിച്ചു തിന്നതി​നു മതനേ​താ​ക്കൾ അവരെ ശകാരി​ച്ചത്‌. അവർ ശബ്ബത്തു ലംഘി​ച്ച​താ​യി കുററ​പ്പെ​ടു​ത്തി—കതിർ പറിച്ചതു കൊയ്‌ത്താ​യും അതു തിരു​മ്മി​യതു ധാന്യം കുത്തു​ന്ന​താ​യും അഥവാ അരയ്‌ക്കു​ന്ന​താ​യും കണക്കാ​ക്ക​പ്പെട്ടു. യേശു പല അവസര​ങ്ങ​ളി​ലും അവരുടെ അതിരു​കടന്ന വീക്ഷണത്തെ അപലപി​ച്ചു, കാരണം അവർ യഹോ​വ​യു​ടെ നിയമ​ത്തി​ന്റെ അന്തഃസ​ത്തയെ തെററി​ദ്ധ​രി​പ്പി​ച്ചു.—മത്തായി 12:1-8; ലൂക്കൊസ്‌ 13:10-17; 14:1-6; യോഹ​ന്നാൻ 5:1-16; 9:1-16.

ശനിയാ​ഴ്‌ച​ശ​ബ്ബ​ത്തിൽ നിന്നു ഞായറാഴ്‌ച ശബ്ബത്തി​ലേക്ക്‌

“ഞായറാ​ഴ്‌ചകൾ ദൈവത്തെ ഭക്തിപൂർവ്വം ആരാധി​ക്കു​ന്ന​തി​നു നീക്കി​വെ​ക്ക​പ്പെ​ടും.” ഇങ്ങനെ​യാ​ണു ശബ്ബത്തി​നെ​ക്കു​റി​ച്ചു കത്തോ​ലി​ക്കാ സഭ അവതരി​പ്പി​ക്കു​ന്ന​പ്ര​കാ​ര​മുള്ള നാലാ​മത്തെ കല്‌പന. അടുത്ത കാലത്തു പ്രസി​ദ്ധ​പ്പെ​ടു​ത്തിയ കാറേ​റ​ഷീ​സം ഫൂർ അഡുൾട്‌സ്‌ എന്ന ഫ്രഞ്ച്‌ പുസ്‌തകം ഇങ്ങനെ വിശദീ​ക​രി​ക്കു​ന്നു: “ക്രിസ്‌ത്യാ​നി​യു​ടെ ഞായറാഴ്‌ച ശബ്ബത്തിന്റെ പിറേറ ദിവസം ആഘോ​ഷി​ക്ക​പ്പെ​ടു​ന്നു: എട്ടാം ദിവസം, അതായതു പുതിയ സൃഷ്ടി​യു​ടെ ഒന്നാം ദിവസം​തന്നെ. അതു ശബ്ബത്തിന്റെ മുഖ്യ ഘടകങ്ങളെ സ്വീക​രി​ക്കു​ന്നു​വെ​ങ്കി​ലും ക്രിസ്‌തു​വി​ന്റെ പെസഹാ​യെ കേന്ദ്രീ​ക​രി​ക്കു​ന്നു.” ശനിയാ​ഴ്‌ച​ശ​ബ്ബ​ത്തിൽനി​ന്നു ഞായറാ​ഴ്‌ച​ശ​ബ്ബ​ത്തി​ലേ​ക്കുള്ള ഈ മാററം ഉണ്ടായത്‌ എങ്ങനെ​യാണ്‌?

യേശു ഉയിർത്തെ​ഴു​ന്നേററ ദിവസം ഞായറാ​ഴ്‌ച​യാ​യി​രു​ന്നെ​ങ്കി​ലും ആദ്യകാല ക്രിസ്‌ത്യാ​നി​കൾക്ക്‌ അതു മറേറതു ദിവസ​വും​പോ​ലെ ഒരു പ്രവൃ​ത്തി​ദി​വ​സ​മാ​യി​രു​ന്നു. എന്നാൽ കാലം കടന്നു​പോ​യ​തോ​ടെ യഹൂദൻമാ​രു​ടെ ശനിയാ​ഴ്‌ചത്തെ ശബ്ബത്തിനു പകരമാ​യി “ക്രിസ്‌തീ​യ​മായ” ഞായറാ​ഴ്‌ചത്തെ ശബ്ബത്തു സ്ഥാപി​ക്ക​പ്പെട്ടു എന്ന്‌ ഒരു ലവോ​ദി​ക്ക്യാ സഭാസ​മി​തി (പൊ.യു. നാലാം നൂററാ​ണ്ടി​ന്റെ മദ്ധ്യം മുതൽ അവസാ​ന​ത്തോ​ട​ടുത്ത കാലം വരെ) വെളി​പ്പെ​ടു​ത്തു​ന്നു. ഈ കാനോൻനി​യമം “ക്രിസ്‌ത്യാ​നി​കൾ യഹൂദാ​ചാ​രം സ്വീക​രി​ക്കു​ന്ന​തും [യഹൂദ]ശബ്ബത്തു​നാ​ളിൽ വെറു​തെ​യി​രി​ക്കു​ന്ന​തും വിലക്കി. കർത്താ​വി​ന്റെ ദിവസം [അവിടുന്ന്‌ ഉയിർത്തെ​ഴു​ന്നേററ, ആഴ്‌ച​യി​ലെ ദിവസം] ഒരു ക്രിസ്‌തീയ രീതി​യിൽ മാനി​ക്ക​പ്പെ​ട​ണ​മാ​യി​രു​ന്നു.” അന്നുമു​തൽ ക്രൈ​സ്‌ത​വ​ലോ​ക​ത്തി​ന്റെ അനുയാ​യി​കൾ ശനിയാ​ഴ്‌ച​ക​ളിൽ ജോലി ചെയ്യു​ക​യും ഞായറാ​ഴ്‌ച​ക​ളിൽ ജോലി​യിൽനി​ന്നു ഒഴിഞ്ഞി​രി​ക്കു​ക​യും ചെയ്യണ​മാ​യി​രു​ന്നു. പിന്നീട്‌, ഞായറാഴ്‌ച ദിവസം കുർബാ​നക്കു സംബന്ധി​ക്ക​ണ​മെന്ന്‌ അവരോട്‌ ആവശ്യ​പ്പെട്ടു.

താമസി​യാ​തെ ലൗകിക അധികാ​രി​ക​ളു​ടെ പിന്തു​ണ​യോ​ടെ ക്രൈ​സ്‌ത​വ​ലോ​ക​ത്തു​ട​നീ​ളം ഞായറാ​ഴ്‌ച​ക​ളി​ലെ ജോലി നിരോ​ധി​ക്ക​പ്പെട്ടു. ആറാം നൂററാ​ണ്ടു മുതൽ ലംഘകർക്കു പിഴയി​ടു​ക​യോ അവരെ ചാട്ട കൊണ്ട​ടി​ക്കു​ക​യോ ചെയ്‌തു. അവരുടെ മാടു​കളെ കണ്ടു​കെ​ട്ടു​ക​യും ചെയ്യാ​മാ​യി​രു​ന്നു. ചില അവസര​ങ്ങ​ളിൽ അനുതാ​പ​മി​ല്ലാത്ത ലംഘകരെ ദാസരാ​ക്കു​ക​യും ചെയ്യാ​മാ​യി​രു​ന്നു.

ഒരർത്ഥ​ത്തിൽ, ഞായറാ​ഴ്‌ച​ക​ളിൽ ചെയ്യാ​മാ​യി​രുന്ന വേലകൾ സംബന്ധിച്ച നിയമങ്ങൾ യഹൂദ ശബ്ബത്തിനെ ഭരിച്ചി​രുന്ന പാരമ്പ​ര്യ​ങ്ങൾപോ​ലെ സങ്കീർണ്ണ​മാ​യി​രു​ന്നു. സഭയുടെ ധർമ്മാ​ധർമ്മ വിവേ​ച​ന​ത്തി​ന്റെ വളർച്ച സംബന്ധി​ച്ചു ഡീക്‌സ്യോ​നർ ഡാ ടേയോ​ളോ​ഷി കേത്തോ​ലീക്‌ നീണ്ട വിശദീ​ക​ര​ണങ്ങൾ നൽകു​ക​യും വിലക്ക​പ്പെട്ട കാര്യ​ങ്ങ​ളു​ടെ കൂട്ടത്തിൽ ദാസ്യ​വേല, കൃഷി​പ്പണി, നിയമ നടപടി​കൾ, കമ്പോ​ളങ്ങൾ, വേട്ട എന്നിവ​യെ​ക്കു​റി​ച്ചു പറയു​ക​യും ചെയ്യുന്നു.

വിരോ​ധാ​ഭാ​സ​മാ​യി, ഈ വിലക്കു​കൾക്കുള്ള ഒരു ന്യായീ​ക​ര​ണ​മാ​യി യഹൂദ​ശ​ബ്ബ​ത്തി​നെ പരാമർശി​ച്ചു. ന്യൂ കാത്തലിക്ക്‌ എൻ​സൈ​ക്ലോ​പ്പീ​ഡിയ ഞായറാ​ഴ്‌ച​ക​ളെ​ക്കു​റി​ച്ചുള്ള ഷാർലി​മാൻ ചക്രവർത്തി​യു​ടെ നിയമ​ങ്ങളെ പരാമർശി​ക്കു​ന്നുണ്ട്‌: “സെൻറ്‌ ജെറോം വ്യക്തമാ​യി നിരാ​ക​രി​ച്ച​തും യഹൂദ്യ​മെ​ന്നും അ​ക്രൈ​സ്‌ത​വ​മെ​ന്നും 538-ൽ കൗൺസിൽ ഓഫ്‌ ഓർലി​യൻസ്‌ കുററ​പ്പെ​ടു​ത്തു​ക​യും ചെയ്‌ത ശബ്ബത്തനു​ഷ്‌ഠാന ആശയ​ത്തെ​ക്കു​റി​ച്ചു ഷാർലി​മാ​ന്റെ 789-ലെ കല്‌പ​ന​യിൽ വ്യക്തമാ​യി പ്രസ്‌താ​വി​ക്ക​പ്പെട്ടു. അത്‌ എല്ലാ വേല​യെ​യും [പത്തു കല്‌പ​ന​ക​ളു​ടെ] ലംഘന​മെ​ന്ന​നി​ല​യിൽ നിരോ​ധി​ക്കു​ക​യും ചെയ്‌തു.” അങ്ങനെ, രാഷ്‌ട്രീയ അധികാ​രി​കൾ ഒരു ഞായർസ്വ​സ്ഥ​താ​ദി​വസം ഏർപ്പെ​ടു​ത്തി​ക്ക​ണ്ടതു സഭയെ സന്തോ​ഷി​പ്പി​ച്ചെ​ങ്കി​ലും സഭ തള്ളിക്കളഞ്ഞ ഒരു നിയമാ​ടി​സ്ഥാ​ന​ത്തിൽ, അതായതു ശബ്ബത്തു സംബന്ധിച്ച മോ​ശൈക ന്യായ​പ്ര​മാ​ണ​ത്തിൽ അധിഷ്‌ഠി​ത​മാ​യി, ഈ നിയ​ന്ത്ര​ണ​ങ്ങളെ ന്യായീ​ക​രി​ക്കാൻ അത്‌ ഈ ലൗകിക അധികാ​രത്തെ അനുവ​ദി​ച്ചു.

തിരു​വെ​ഴു​ത്തു​പ​ര​മ​ല്ലാത്ത ഒരു നിലപാട്‌

ശബ്ബത്ത്‌ യഹൂദർക്കു മാത്ര​മാ​യി പരിമി​ത​പ്പെ​ടു​ത്തിയ ഒരു തൽക്കാ​ലിക ക്രമീ​ക​ര​ണ​മാ​യി​രു​ന്നെന്നു നൂററാ​ണ്ടു​കൾക്കു മുമ്പ്‌, പല സഭാ പുരോ​ഹി​തൻമാ​രും വിശേ​ഷാൽ അഗസ്‌റ​റീ​നും ശരിയാ​യി പ്രഖ്യാ​പി​ച്ചു. ഇങ്ങനെ ചെയ്യവെ, ക്രിസ്‌തീയ ഗ്രീക്കു തിരു​വെ​ഴു​ത്തു​കൾ വിശദീ​ക​രി​ക്കു​ന്ന​തി​നെ, അതായത്‌, യേശു​വി​ന്റെ ബലി നീക്കി​ക്കളഞ്ഞ ന്യായ​പ്ര​മാണ ഉടമ്പടി​യു​ടെ അവിഭാ​ജ്യ​ഘ​ട​ക​മാ​ണു ശബ്ബത്ത്‌ എന്നതിനെ, ആ സഭാപി​താ​ക്കൻമാർ നിർവ്യാ​ജ​മാ​യി സ്വീക​രി​ച്ചു.—റോമർ 6:14; 7:6; 10:4; ഗലാത്യർ 3:10-14, 24, 25.

“യേശു വരിക​യും മരിക്കു​ക​യും ഉയിർത്തെ​ഴു​ന്നേ​ല്‌ക്കു​ക​യും ചെയ്‌ത​തി​നാൽ [പഴയ നിയമ​ത്തി​ലെ] ഉത്സവങ്ങൾ ഇപ്പോൾ നിവർത്തി​യേ​റി​യി​രി​ക്കു​ന്നു, അവ ഇനിയും തുടരു​ന്നതു ‘യേശു ഒരിക്ക​ലും വന്നിട്ടി​ല്ലെന്ന മട്ടിൽ പഴയ ഉടമ്പടി​യി​ലേക്കു തിരികെ പോകു​ന്ന​തി​നെ അർത്ഥമാ​ക്കു​ന്നു’” എന്നു പ്രോ​ട്ട​സ്‌റ​റൻറ്‌ വൈദി​ക​നായ ഓസ്‌കാർ കൾമാൻ സമ്മതി​ച്ച​താ​യി സമകാ​ലീന വൊക്കാ​ബു​ലർ ബീബ്ലീ​ക്കൽ ഉദ്ധരി​ക്കു​ന്നു. ഈ വിലപ്പെട്ട ആശയം പരിചി​ന്തി​ച്ച​തി​നു​ശേഷം നിർബ​ന്ധിത ശബ്ബത്താ​ച​ര​ണത്തെ ന്യായീ​ക​രി​ക്കാൻ സാധി​ക്കു​മോ?

ഭക്ഷണത്തി​നാ​യി പൗലോസ്‌ തന്റെ സുഹൃ​ത്തു​ക്ക​ളോ​ടൊ​പ്പം കൂടിവന്ന “ആഴ്‌ച​വ​ട്ട​ത്തി​ന്റെ ഒന്നാം ദിവസ”ത്തെക്കു​റി​ച്ചു (ഞായറാഴ്‌ച) പറയുന്ന പ്രവൃ​ത്തി​കൾ 20:7-ൽ ഇന്ന്‌, കത്തോ​ലി​ക്കാ ഗ്രന്ഥകാ​രൻമാർ പൊതു​വെ തെളിവ്‌ അന്വേ​ഷി​ക്കു​ന്നു. എന്നാൽ, ഇതു വെറു​മൊ​രു വിശദാം​ശം മാത്ര​മാ​യി​രു​ന്നു. ഈ വിവരണം ക്രിസ്‌ത്യാ​നി​കൾ അനുക​രി​ക്കേണ്ട ഒരു മാതൃ​ക​യാ​യി​രി​ക്കാൻ ഉദ്ദേശി​ക്ക​പ്പെ​ട്ടി​രു​ന്നു​വെന്ന്‌ ഈ വാക്യ​ത്തി​ലോ മററു വാക്യ​ങ്ങ​ളി​ലോ ഉള്ള യാതൊ​ന്നും സൂചി​പ്പി​ക്കു​ന്നില്ല, ഇതു തീർച്ച​യാ​യും ഒരു കടപ്പാടല്ല. അതേ, ഒരു ഞായർ ശബ്ബത്താ​ച​ര​ണ​ത്തി​നു തിരു​വെ​ഴു​ത്തു​പ​ര​മായ പിന്തു​ണ​യില്ല.

ക്രിസ്‌ത്യാ​നി​കൾക്ക്‌ എന്തു സ്വസ്ഥത​യാ​ണു​ള്ളത്‌?

വാരം​തോ​റു​മുള്ള ഒരു സ്വസ്ഥതാ​ദി​വസം ആചരി​ക്കാൻ ക്രിസ്‌ത്യാ​നി​കൾക്കു കടപ്പാ​ടി​ല്ലെ​ങ്കി​ലും അവർ മറെറാ​രു തരത്തി​ലുള്ള സ്വസ്ഥത ആചരി​ക്കാൻ ക്ഷണിക്ക​പ്പെ​ടു​ന്നു. ഇതു പൗലോസ്‌ തന്റെ സഹയഹൂ​ദ​ക്രി​സ്‌ത്യാ​നി​കൾക്കു വിശദീ​ക​രി​ച്ചു​കൊ​ടു​ക്കു​ന്നു, ഇങ്ങനെ പറഞ്ഞു​കൊണ്ട്‌: “ആകയാൽ ദൈവ​ത്തി​ന്റെ ജനത്തിന്നു ഒരു ശബ്ബത്തനു​ഭവം ശേഷി​ച്ചി​രി​ക്കു​ന്നു. . . . നാം ആ സ്വസ്ഥത​യിൽ പ്രവേ​ശി​പ്പാൻ ഉത്സാഹിക്ക.” (എബ്രായർ 4:4-11) ക്രിസ്‌ത്യാ​നി​ക​ളാ​യി​ത്തീ​രു​ന്ന​തി​നു മുമ്പ്‌ ഈ യഹൂദർ പരമാ​വധി നിഷ്‌കർഷ​യോ​ടെ മോ​ശൈ​ക​ന്യാ​യ​പ്ര​മാ​ണം അനുസ​രി​ച്ചി​രു​ന്നു. ഇനി പ്രവൃ​ത്തി​ക​ളി​ലൂ​ടെ രക്ഷ തേടാനല്ല മറിച്ച്‌, തങ്ങളുടെ നിർജ്ജീവ പ്രവൃ​ത്തി​ക​ളിൽനി​ന്നു “വിശ്ര​മി​ക്കാ”നാണു പൗലോസ്‌ അവരെ പ്രോ​ത്സാ​ഹി​പ്പി​ക്കു​ന്നത്‌. അതിനു​ശേഷം, ദൈവ​ദൃ​ഷ്ടി​യിൽ നീതി​മാൻമാ​രാ​കു​ന്ന​തി​നുള്ള ഏക മാർഗ്ഗ​മായ യേശു​വി​ന്റെ യാഗത്തി​ലാ​യി​രു​ന്നു അവർ വിശ്വാ​സം അർപ്പി​ക്കേ​ണ്ടി​യി​രു​ന്നത്‌.

ഇന്ന്‌, ദൈവ​ത്തി​ന്റെ വീക്ഷണ​ത്തിന്‌ അതേ പരിഗണന നൽകാൻ നമുക്ക്‌ എങ്ങനെ​യാ​ണു കഴിയുക? തങ്ങളുടെ സഹമനു​ഷ്യ​രെ​പ്പോ​ലെ, ന്യായ​ബോ​ധ​മു​ള്ള​വ​രെന്ന നിലയിൽ, യഹോ​വ​യു​ടെ സാക്ഷികൾ ഇന്ന്‌ അനേകം രാജ്യ​ങ്ങ​ളിൽ പ്രാബ​ല്യ​ത്തി​ലി​രി​ക്കുന്ന ലൗകിക ജോലി​യിൽനി​ന്നുള്ള പ്രതി​വാര സ്വസ്ഥതാ​ദി​വ​സത്തെ വിലമ​തി​ക്കു​ന്നു. ഇത്‌ അവർക്കു കുടും​ബ​സ​ഹ​വാ​സ​ത്തി​നും വിശ്ര​മ​ത്തി​നും സമയം അനുവ​ദി​ക്കു​ന്നു. എന്നാൽ വിശേ​ഷ​ത​ര​മാ​യി, അതു മററു ക്രിസ്‌തീയ പ്രവർത്ത​ന​ങ്ങൾക്കുള്ള ഒരു സമയമാ​ണെന്നു തെളി​ഞ്ഞി​രി​ക്കു​ന്നു. (എഫെസ്യർ 5:15, 16) ഇവയിൽ യോഗ​ങ്ങ​ളും വിശ്വ​സി​ക്കുന്ന മനുഷ്യ​വർഗ്ഗം സർവ്വഭൂ​മി​യി​ലും സമാധാ​നം ആസ്വദി​ക്കാൻപോ​കുന്ന സമയം ആഗതമാ​യി​ക്കൊ​ണ്ടി​രി​ക്കു​ന്നതു സംബന്ധിച്ച ബൈബിൾവി​വ​രങ്ങൾ പങ്കു​വെ​ക്കു​ന്ന​തി​നു തങ്ങളുടെ അയൽവാ​സി​കളെ സന്ദർശി​ച്ചു​കൊ​ണ്ടു പരസ്യ​ശു​ശ്രൂ​ഷ​യിൽ ഏർപ്പെ​ടു​ന്ന​തും ഉൾപ്പെ​ടു​ന്നു. ഇതി​നെ​ക്കു​റി​ച്ച​റി​യാൻ നിങ്ങൾ ആഗ്രഹി​ക്കു​ന്നെ​ങ്കിൽ നിങ്ങളെ സഹായി​ക്കാൻ യഹോ​വ​യു​ടെ സാക്ഷി​കൾക്കു സന്തോ​ഷ​മാണ്‌, അതു ശനിയാ​ഴ്‌ച​യോ ഞായറാ​ഴ്‌ച​യോ വാരത്തി​ലെ ഏതു ദിവസ​മോ ആയി​ക്കൊ​ള്ളട്ടെ.

[28-ാം പേജിലെ ചിത്രം]

യേശു യഹൂദ പാരമ്പ​ര്യ​ങ്ങൾക്കു​പ​കരം ശബ്ബത്തു​നി​യമം പൂർണ്ണ​മാ​യി പാലിച്ചു

[29-ാം പേജിലെ ചിത്രം]

ലൗകിക ജോലി​യിൽനി​ന്നുള്ള സ്വസ്ഥത​യു​ടെ ദിവസ​ങ്ങ​ളിൽ ക്രിസ്‌തീയ പ്രവൃ​ത്തി​കൾ ഉൻമേഷം നൽകുന്നു