സഹോ​ദ​ര​പ്രീ​തി​ക്കുള്ള താക്കോൽ കണ്ടെത്തൽ

“നിങ്ങളു​ടെ ദൈവ​ഭ​ക്തി​ക്കു സഹോ​ദ​ര​പ്രീ​തി​യും . . . പ്രദാനം ചെയ്യുക.”—2 പത്രോസ്‌ 1:7, NW.

1. യഹോ​വ​യു​ടെ ജനത്തിന്റെ കൂടി​വ​ര​വു​കൾ ഇത്ര സന്തോ​ഷ​ക​ര​മായ അവസരങ്ങൾ ആയിരി​ക്കു​ന്ന​തി​ന്റെ ഒരു മുഖ്യ കാരണ​മെ​ന്താണ്‌?

ഒരിക്കൽ യഹോ​വ​യു​ടെ സാക്ഷി​യ​ല്ലാത്ത ഒരു ഡോക്ടർ തന്റെ മകൾക്കു മിഷനറി പരിശീ​ലനം ലഭിച്ച വാച്ച്‌ ടവർ ഗിലെ​യാദ്‌ ബൈബിൾ സ്‌കൂ​ളി​ന്റെ ബിരു​ദ​ദാന ചടങ്ങിൽ പങ്കെടു​ത്തു. അവിടെ കണ്ട സന്തുഷ്ട​രായ ജനക്കൂ​ട്ട​ത്തിൽ അത്യന്തം മതിപ്പു തോന്നി​യിട്ട്‌, ഇവർക്കി​ട​യിൽ രോഗങ്ങൾ വളരെ കുറവാ​യി​രി​ക്കണം എന്ന്‌ അദ്ദേഹം അഭി​പ്രാ​യ​പ്പെട്ടു. ആ കൂട്ടത്തെ അത്ര സന്തുഷ്ട​രാ​ക്കി​യത്‌ എന്താണ്‌? അക്കാര്യ​ത്തിൽ, സഭകളി​ലും സർക്കിട്ട്‌ സമ്മേള​ന​ങ്ങ​ളി​ലും ഡിസ്‌ട്രി​ക്‌ററ്‌ കൺ​വെൻ​ഷ​നു​ക​ളി​ലും ഉള്ള യഹോ​വ​യു​ടെ ജനത്തിന്റെ എല്ലാ കൂടി​വ​ര​വു​ക​ളെ​യും സന്തോ​ഷാ​വ​സ​ര​ങ്ങ​ളാ​ക്കു​ന്നത്‌ എന്താണ്‌? അവർ പരസ്‌പരം പ്രകട​മാ​ക്കുന്ന സഹോ​ദ​ര​പ്രീ​തി​യല്ലേ? തീർച്ച​യാ​യും യഹോ​വ​യു​ടെ സാക്ഷി​ക​ളു​ടേ​തു​പോ​ലെ ഇത്ര ആനന്ദവും സന്തോ​ഷ​വും സംതൃ​പ്‌തി​യും കിട്ടുന്ന വേറൊ​രു മതവു​മി​ല്ലെന്നു പറയ​പ്പെ​ട്ടി​രി​ക്കു​ന്ന​തി​ന്റെ ഒരു കാരണം സഹോ​ദ​ര​പ്രീ​തി ആണെന്നു​ള്ള​തിന്‌ ഒരു സംശയ​വും വേണ്ട.

2, 3. നമുക്ക്‌ അന്യോ​ന്യം അനുഭ​വ​പ്പെ​ടേ​ണ്ടത്‌ എങ്ങനെ​യെന്നു കാണി​ക്കുന്ന രണ്ടു ഗ്രീക്കു​പ​ദങ്ങൾ ഏവ, അവയെ വേർതി​രി​ച്ച​റി​യി​ക്കുന്ന സ്വഭാ​വ​വി​ശേ​ഷ​തകൾ എന്തെല്ലാം?

² ഒന്നു പത്രൊസ്‌ 1:22-ലെ “എന്നാൽ സത്യം അനുസ​രി​ക്ക​യാൽ നിങ്ങളു​ടെ ആത്മാക്കളെ [ദേഹികളെ, NW] നിർവ്യാ​ജ​മായ സഹോ​ദ​ര​പ്രീ​തി​ക്കാ​യി നിർമ്മ​ലീ​ക​രി​ച്ചി​രി​ക്ക​കൊ​ണ്ടു ഹൃദയ​പൂർവ്വം അന്യോ​ന്യം ഉററു സ്‌നേ​ഹി​പ്പിൻ” എന്ന പത്രോ​സി​ന്റെ വാക്കു​ക​ളു​ടെ കാഴ്‌ച​പ്പാ​ടിൽ ഇത്തരം സഹോ​ദ​ര​പ്രീ​തി ദൃശ്യ​മാ​കാൻ നാം പ്രതീ​ക്ഷി​ക്കേ​ണ്ട​തുണ്ട്‌. ഇവിടെ “സഹോ​ദ​ര​പ്രീ​തി” എന്നു വിവർത്തനം ചെയ്‌തി​രി​ക്കുന്ന ഗ്രീക്കു​പ​ദ​ത്തി​ന്റെ അടിസ്ഥാന ഘടകങ്ങ​ളിൽ ഒന്നു ഫീലിയ (പ്രീതി) ആണ്‌. അതിന്റെ അർഥം “സ്‌നേഹം” എന്നു സാധാ​ര​ണ​മാ​യി വിവർത്തനം ചെയ്യുന്ന അഗാ​പെ​യോ​ടു വളരെ ബന്ധപ്പെ​ട്ട​താണ്‌. (1 യോഹ​ന്നാൻ 4:8) സഹോ​ദ​ര​പ്രീ​തി​യും സ്‌നേ​ഹ​വും അർഥവ്യ​ത്യാ​സം കൽപ്പി​ക്കാ​തെ മാറി​മാ​റി ഉപയോ​ഗി​ക്കു​മെ​ങ്കി​ലും അവയ്‌ക്കു പ്രത്യേക സ്വഭാ​വ​വി​ശേ​ഷ​ങ്ങ​ളുണ്ട്‌. നിരവധി ബൈബിൾ വിവർത്തകർ ചെയ്യു​ന്ന​തു​പോ​ലെ നാം അവ തമ്മിൽ കൂട്ടി​ക്കു​ഴ​യ്‌ക്ക​രുത്‌. (ഈ ലേഖന​ത്തി​ലും അടുത്ത ലേഖന​ത്തി​ലും നാം ഈ വാക്കു​ക​ളിൽ ഓരോ​ന്നും കൈകാ​ര്യം ചെയ്യു​ന്ന​താ​യി​രി​ക്കും.)

³ ഈ ഗ്രീക്കു​പ​ദ​ങ്ങ​ളു​ടെ വ്യത്യാ​സം വിശദ​മാ​ക്കവേ, ഫീലിയ “തീർച്ച​യാ​യും ഊഷ്‌മ​ള​ത​ക്കും അടുപ്പ​ത്തി​നും പ്രീതി​ക്കും ഉള്ള ഒരു പദമാണ്‌” എന്ന്‌ ഒരു പണ്ഡിതൻ കുറി​ക്കൊ​ണ്ടു. നേരെ​മ​റിച്ച്‌, അഗാ​പെക്കു മനസ്സു​മാ​യാ​ണു കൂടുതൽ ബന്ധം. അതു​കൊണ്ട്‌, നാം നമ്മുടെ ശത്രു​ക്കളെ സ്‌നേ​ഹി​ക്ക​ണ​മെന്നു (അഗാപെ) പറയു​മ്പോ​ഴും നമുക്ക്‌ അവരോ​ടു പ്രീതി തോന്നു​ന്നില്ല. എന്തു​കൊ​ണ്ടില്ല? എന്തു​കൊ​ണ്ടെ​ന്നാൽ “മോശ​മായ സഹവാ​സങ്ങൾ പ്രയോ​ജ​ന​പ്ര​ദ​മായ ശീലങ്ങളെ പാഴാ​ക്കു​ന്നു.” (1 കൊരി​ന്ത്യർ 15:33, NW) ഇങ്ങനെ​യൊ​രു വ്യത്യാ​സ​മു​ണ്ടെന്നു വീണ്ടും കാട്ടി​ത്ത​രു​ന്ന​വ​യാണ്‌ അപ്പോ​സ്‌ത​ല​നായ പത്രോ​സി​ന്റെ “നിങ്ങളു​ടെ സഹോ​ദ​ര​പ്രീ​തി​ക്കു സ്‌നേ​ഹ​വും പ്രദാനം ചെയ്യുക” എന്ന വാക്കുകൾ.—2 പത്രോസ്‌ 1:7, NW; യോഹ​ന്നാൻ 21:15-17a താരത​മ്യ​പ്പെ​ടു​ത്തുക.

വളരെ സവി​ശേ​ഷ​മായ സഹോ​ദ​ര​പ്രീ​തി​യു​ടെ ദൃഷ്ടാ​ന്ത​ങ്ങൾ

4. യേശു​വി​നും യോഹ​ന്നാ​നും പരസ്‌പരം സവി​ശേ​ഷ​മായ പ്രീതി​യു​ണ്ടാ​യി​രു​ന്നത്‌ എന്തു​കൊണ്ട്‌?

⁴ ദൈവ​വ​ചനം നമുക്കു വളരെ സവി​ശേ​ഷ​മായ സഹോ​ദ​ര​പ്രീ​തി​യു​ടെ നിരവധി ദൃഷ്ടാ​ന്തങ്ങൾ നൽകുന്നു. ഈ സവി​ശേ​ഷ​മായ സഹോ​ദ​ര​പ്രീ​തി എന്തെങ്കി​ലും ഭ്രമത്തി​ന്റെ ഫലമല്ല, മറിച്ച്‌ വിശി​ഷ്ട​മായ ഗുണങ്ങ​ളോ​ടുള്ള വിലമ​തി​പ്പിൽ അധിഷ്‌ഠി​ത​മാണ്‌. അറിയ​പ്പെ​ടുന്ന ഏററവും നല്ല ദൃഷ്ടാന്തം യേശു​ക്രി​സ്‌തു​വിന്‌ അപ്പോ​സ്‌ത​ല​നായ യോഹ​ന്നാ​നോട്‌ ഉണ്ടായി​രുന്ന പ്രീതി​യാ​ണെ​ന്ന​തി​നു സംശയ​മില്ല. യേശു​വി​നു തന്റെ വിശ്വ​സ്‌ത​രായ എല്ലാ അപ്പോ​സ്‌ത​ലൻമാ​രോ​ടും സഹോ​ദ​ര​പ്രീ​തി ഉണ്ടായി​രു​ന്നു​വെ​ന്ന​തി​നു തർക്കമില്ല, അതിനു നല്ല കാരണ​വു​മുണ്ട്‌. (ലൂക്കൊസ്‌ 22:28) അവിടുന്ന്‌ ഇതു പ്രകട​മാ​ക്കിയ ഒരു മാർഗം അവരുടെ പാദങ്ങൾ കഴുകി, അവർക്ക്‌ എളിമ​യു​ടെ ഒരു നല്ല പാഠം നൽകി​ക്കൊ​ണ്ടാണ്‌. (യോഹ​ന്നാൻ 13:3-16) എന്നാൽ യേശു​വി​നു യോഹ​ന്നാ​നോട്‌ ഒരു പ്രത്യേക പ്രീതി​യു​ണ്ടാ​യി​രു​ന്നു, അതു യോഹ​ന്നാൻ ആവർത്തിച്ച്‌ സൂചി​പ്പി​ക്കു​ന്നുണ്ട്‌. (യോഹ​ന്നാൻ 13:23; 19:26; 20:2) യേശു​വി​നു തന്റെ ശിഷ്യൻമാ​രോ​ടും അപ്പോ​സ്‌ത​ലൻമാ​രോ​ടും പ്രീതി കാട്ടാ​നുള്ള കാരണ​മു​ണ്ടാ​യി​രു​ന്നു എന്നിരി​ക്കെ, യേശു​വി​നോ​ടുള്ള തന്റെ ആഴമേ​റിയ വിലമ​തി​പ്പു നിമിത്തം തന്നോടു പ്രത്യേക പ്രീതി തോന്നാൻ യോഹ​ന്നാൻ യേശു​വിന്‌ ഇടനൽകി​യി​രി​ക്കാം. ഇതു യോഹ​ന്നാ​ന്റെ പുസ്‌ത​ക​ങ്ങ​ളിൽനിന്ന്‌, അദ്ദേഹ​ത്തി​ന്റെ സുവി​ശേ​ഷ​ത്തിൽനി​ന്നും നിശ്വസ്‌ത ലേഖന​ങ്ങ​ളിൽനി​ന്നും നമുക്കു കാണാ​വു​ന്ന​താണ്‌. ആ പുസ്‌ത​ക​ങ്ങ​ളിൽ അദ്ദേഹം എത്ര കൂടെ​ക്കൂ​ടെ സ്‌നേ​ഹ​ത്തെ​ക്കു​റി​ച്ചു പരാമർശി​ക്കു​ന്നു! യേശു​വി​ന്റെ ആത്മീയ ഗുണങ്ങ​ളോ​ടുള്ള യോഹ​ന്നാ​ന്റെ വലിയ മതിപ്പ്‌ അദ്ദേഹം യോഹ​ന്നാൻ 1, 13-17 എന്നീ അധ്യാ​യ​ങ്ങ​ളിൽ എഴുതി​യി​രി​ക്കു​ന്ന​തിൽനി​ന്നും മനുഷ്യ​നാ​കു​ന്ന​തി​നു മുമ്പത്തെ യേശു​വി​ന്റെ അസ്ഥിത്വ​ത്തെ​ക്കു​റി​ച്ചുള്ള അദ്ദേഹ​ത്തി​ന്റെ ആവർത്തി​ച്ചുള്ള പരാമർശ​ങ്ങ​ളിൽനി​ന്നും ദൃശ്യ​മാണ്‌.—യോഹ​ന്നാൻ 1:1-3; 3:13; 6:38, 42, 58; 17:5; 18:37.

5. പൗലോ​സി​നും തിമോ​ഥെ​യോ​സി​നും പരസ്‌പ​ര​മു​ണ്ടാ​യി​രുന്ന സവി​ശേ​ഷ​മായ പ്രീതി​യെ​ക്കു​റിച്ച്‌ എന്തു പറയാ​വു​ന്ന​താണ്‌?

⁵ സമാന​മാ​യി, അപ്പോ​സ്‌ത​ല​നായ പൗലോ​സി​നും അദ്ദേഹ​ത്തി​ന്റെ ക്രിസ്‌തീയ സഹകാ​രി​യാ​യി​രുന്ന തിമോ​ഥെ​യോ​സി​നും പരസ്‌പ​ര​മു​ണ്ടാ​യി​രുന്ന വളരെ സവി​ശേ​ഷ​മായ പ്രീതി​യെ നാം അവഗണി​ക്കാൻ ആഗ്രഹി​ക്കു​ക​യില്ല, അതു തീർച്ച​യാ​യും ഇരുവ​രു​ടെ​യും ഗുണങ്ങ​ളോ​ടുള്ള വിലമ​തി​പ്പിൽ അധിഷ്‌ഠി​ത​മാ​യി​രു​ന്നു. പൗലോ​സി​ന്റെ എഴുത്തു​ക​ളിൽ തിമോ​ഥെ​യോ​സി​നെ​ക്കു​റിച്ച്‌ “നിങ്ങളെ സംബന്ധിച്ച്‌ പരമാർത്ഥ​മാ​യി കരുതു​വാൻ തുല്യ​ചി​ത്ത​നാ​യി എനിക്കു മററാ​രു​മില്ല. . . . അവനോ മകൻ അപ്പന്നു ചെയ്യു​ന്ന​തു​പോ​ലെ എന്നോ​ടു​കൂ​ടെ സുവി​ശേ​ഷ​ഘോ​ഷ​ണ​ത്തിൽ സേവ ചെയ്‌തു എന്നുള്ള അവന്റെ സിദ്ധത നിങ്ങൾ അറിയു​ന്നു​വ​ല്ലോ.” (ഫിലി​പ്പി​യർ 2:20-22) തിമോ​ഥെ​യോ​സി​നോ​ടുള്ള പൗലോ​സി​ന്റെ പ്രീതി​വാ​ത്സ​ല്യ​ത്തെ വെളി​പ്പെ​ടു​ത്തുന്ന വ്യക്തി​പ​ര​മായ പരാമർശങ്ങൾ അദ്ദേഹ​ത്തി​ന്റെ ലേഖന​ങ്ങ​ളിൽ അനവധി​യാണ്‌. ഉദാഹ​ര​ണ​ത്തിന്‌, 1 തിമൊ​ഥെ​യൊസ്‌ 6:20 ശ്രദ്ധി​ക്കുക: “അല്ലയോ തിമൊ​ഥെ​യൊ​സേ, നിന്റെ പക്കൽ ഏല്‌പി​ച്ചി​രി​ക്കുന്ന ഉപനിധി കാത്തു”കൊള്ളുക. (1 തിമൊ​ഥെ​യൊസ്‌ 4:12-16; 5:23; 2 തിമൊ​ഥെ​യൊസ്‌ 1:5; 3:14, 15 എന്നിവ​കൂ​ടെ കാണുക.) തീത്തോ​സി​നുള്ള പൗലോ​സി​ന്റെ ലേഖന​ങ്ങ​ളോ​ടു തിമോ​ഥെ​യോ​സി​നു​ള്ളവ താരത​മ്യം ചെയ്‌താൽ ഈ യുവാ​വി​നോ​ടുള്ള പൗലോ​സി​ന്റെ സവി​ശേ​ഷ​മായ പ്രീതി പ്രത്യേ​കിച്ച്‌ എടുത്തു​കാ​ട്ടു​ന്ന​താ​യി കാണാം. “എന്റെ പ്രാർഥ​ന​യിൽ . . . ഇടവി​ടാ​തെ നിന്നെ സ്‌മരി​ച്ചു നിന്റെ കണ്ണുനീർ ഓർത്തും നിന്നെ കണ്ടു സന്തോ​ഷ​പൂർണ്ണ​നാ​കു​വാൻ വാഞ്‌ഛി​ച്ചും​കൊ​ണ്ടു” എന്ന തിമോ​ഥെ​യോ​സി​നോ​ടുള്ള 2 തിമൊ​ഥെ​യൊസ്‌ 1:3, 4-ലെ പൗലോ​സി​ന്റെ വാക്കു​ക​ളിൽനി​ന്നു നമുക്കു കാണാ​വു​ന്ന​തു​പോ​ലെ, തിമോ​ഥെ​യോ​സി​നും തങ്ങൾക്കി​ട​യി​ലെ സൗഹൃ​ദ​ത്തെ​ക്കു​റിച്ച്‌ അതു​പോ​ലെ​തന്നെ തോന്നി​യി​രി​ക്കണം.

6, 7. ദാവീ​ദി​നും യോനാ​ഥാ​നും പരസ്‌പരം എന്തു വികാ​ര​മു​ണ്ടാ​യി​രു​ന്നു, എന്തു​കൊണ്ട്‌?

⁶ ദാവീ​ദി​ന്റെ​തും യോനാ​ഥാ​ന്റെ​തും പോലുള്ള നല്ല ഉദാഹ​ര​ണങ്ങൾ എബ്രായ തിരു​വെ​ഴു​ത്തു​ക​ളും നൽകു​ന്നുണ്ട്‌. ദാവീദ്‌ ഗോലി​യാ​ത്തി​നെ കൊന്ന​തി​നു​ശേഷം, “യോനാ​ഥാ​ന്റെ മനസ്സു ദാവീ​ദി​ന്റെ മനസ്സോ​ടു പററി​ച്ചേർന്നു; യോനാ​ഥാൻ അവനെ സ്വന്ത​പ്രാ​ണ​നെ​പ്പോ​ലെ സ്‌നേ​ഹി​ച്ചു” എന്നു നാം വായി​ക്കു​ന്നു. (1 ശമൂവേൽ 18:1) യഹോ​വ​യു​ടെ നാമ​ത്തോ​ടുള്ള ദാവീ​ദി​ന്റെ തീക്ഷ്‌ണ​ത​യു​ടെ ദൃഷ്ടാ​ന്ത​ത്തോ​ടും മല്ലനായ ഗോലി​യാ​ത്തി​നെ നേരി​ടാൻ പുറ​പ്പെ​ട്ടു​പോ​കു​ന്ന​തി​ലുള്ള അദ്ദേഹ​ത്തി​ന്റെ നിർഭ​യ​ത്വ​ത്തോ​ടും ഉള്ള വിലമ​തിപ്പ്‌ യോനാ​ഥാ​നു ദാവീ​ദി​നോ​ടു സവി​ശേ​ഷ​മായ പ്രീതി​യു​ണ്ടാ​കാൻ ഇടയാക്കി.

⁷ ദാവീ​ദി​നെ ശൗൽ രാജാ​വിൽനി​ന്നു സംരക്ഷി​ക്കു​ന്ന​തി​നു തന്റെ ജീവനെ അപകട​ത്തി​ലാ​ക്കാൻ തക്കവണ്ണം യോനാ​ഥാ​നു ദാവീ​ദി​നോട്‌ അത്ര പ്രീതി​യു​ണ്ടാ​യി​രു​ന്നു. ഇസ്ര​യേ​ലി​ന്റെ അടുത്ത രാജാ​വാ​യി​രി​ക്കാൻ യഹോവ ദാവീ​ദി​നെ തിര​ഞ്ഞെ​ടു​ത്ത​തിൽ യോനാ​ഥാൻ ഒരിക്ക​ലും നീരസ​പ്പെ​ട്ടില്ല. (1 ശമൂവേൽ 23:17) ദാവീ​ദി​നു യോനാ​ഥാ​നോ​ടും തുല്യ അളവിൽ അഗാധ​മായ പ്രീതി​യു​ണ്ടാ​യി​രു​ന്നു. ഇത്‌ അദ്ദേഹം യോനാ​ഥാ​ന്റെ മരണത്തിൽ ദുഃഖി​ച്ചു​ക​ര​ഞ്ഞ​പ്പോൾ പറഞ്ഞ “സോദരാ, ജോനാ​ഥാൻ, നിന്നെ​യോർത്തു ഞാൻ ദുഃഖി​ക്കു​ന്നു; നീ എനിക്കു അതിവ​ത്സ​ല​നാ​യി​രു​ന്നു; എന്നോ​ടുള്ള നിന്റെ സ്‌നേഹം സ്‌ത്രീ​ക​ളു​ടെ പ്രേമ​ത്തെ​ക്കാൾ അഗാധ​മാ​യി​രു​ന്നു” എന്ന വാക്കു​ക​ളിൽനി​ന്നു വ്യക്തമാണ്‌.—2 സാമുവൽ 1:26, പി.ഒ.സി. ബൈ.

8. ഏതു രണ്ടു സ്‌ത്രീ​കൾ പരസ്‌പരം സവി​ശേ​ഷ​മായ പ്രീതി പ്രകട​മാ​ക്കി, എന്തു​കൊണ്ട്‌?

⁸ എബ്രായ തിരു​വെ​ഴു​ത്തു​ക​ളിൽ, നവോമി, വിധവ​യായ മരുമകൾ രൂത്ത്‌, എന്നീ രണ്ടു സ്‌ത്രീ​ക​ളു​ടെ ഭാഗത്തെ സവി​ശേ​ഷ​മായ പ്രീതി​യു​ടെ നല്ല ദൃഷ്ടാ​ന്ത​വു​മുണ്ട്‌. നവോ​മി​യോ​ടുള്ള രൂത്തിന്റെ വാക്കുകൾ ഓർമി​ക്കുക: “നിന്നെ വിട്ടു​പി​രി​വാ​നും നിന്റെ കൂടെ വരാതെ മടങ്ങി​പ്പോ​കു​വാ​നും എന്നോടു പറയരു​തേ; നീ പോകു​ന്നേ​ടത്തു ഞാനും പോരും; നീ പാർക്കു​ന്നേ​ടത്തു ഞാനും പാർക്കും; നിന്റെ ജനം എന്റെ ജനം, നിന്റെ ദൈവം എന്റെ ദൈവം.” (രൂത്ത്‌ 1:16) നവോമി, തന്റെ നടത്ത, യഹോ​വ​യെ​ക്കു​റി​ച്ചുള്ള തന്റെ സംസാരം എന്നിവ​യി​ലൂ​ടെ​യാണ്‌ രൂത്തിന്റെ വിലമ​തി​പ്പോ​ടെ​യുള്ള ഈ പ്രതി​ക​ര​ണ​ത്തിന്‌ ഉത്തേജ​ന​മേ​കി​യ​തെന്നു നാം നിഗമനം ചെയ്യേ​ണ്ട​തല്ലേ?—ലൂക്കൊസ്‌ 6:40 താരത​മ്യം ചെയ്യുക.

അപ്പോ​സ്‌ത​ല​നായ പൗലോ​സി​ന്റെ ദൃഷ്ടാന്തം

9. സഹോ​ദ​ര​പ്രീ​തി​യു​ടെ കാര്യ​ത്തിൽ പൗലോസ്‌ മാതൃ​കാ​യോ​ഗ്യ​നാ​യി​രു​ന്നെന്ന്‌ എന്തു പ്രകട​മാ​ക്കു​ന്നു?

⁹ നാം കണ്ടതു​പോ​ലെ, അപ്പോ​സ്‌ത​ല​നായ പൗലോ​സി​നു തിമോ​ഥെ​യോ​സി​നോ​ടു വളരെ സവി​ശേ​ഷ​മായ പ്രീതി​യു​ണ്ടാ​യി​രു​ന്നു. എന്നാൽ അദ്ദേഹം തന്റെ സഹോ​ദ​രൻമാ​രോ​ടു മൊത്ത​ത്തിൽ ഊഷ്‌മ​ള​മായ സഹോ​ദ​ര​പ്രീ​തി കാണി​ക്കു​ന്ന​തി​ലും വിശി​ഷ്ട​മായ മാതൃക വെച്ചു. “ഞാൻ മൂന്നു സംവത്സരം രാപ്പകൽ ഇടവി​ടാ​തെ കണ്ണുനീർ വാർത്തും​കൊ​ണ്ടു ഓരോ​രു​ത്തന്നു ബുദ്ധി പറഞ്ഞു​ത​ന്നതു ഓർത്തു​കൊൾവിൻ” എന്ന്‌ അദ്ദേഹം എഫേസൂ​സിൽനി​ന്നുള്ള മൂപ്പൻമാ​രോ​ടു പറഞ്ഞു. ഇത്‌ ഊഷ്‌മ​ള​മായ ക്രിസ്‌തീയ സ്‌നേ​ഹ​മാ​യി​രു​ന്നി​ല്ലേ? യാതൊ​രു സംശയ​വു​മില്ല! അവർക്കു പൗലോ​സി​നോ​ടും അങ്ങനെ​തന്നെ തോന്നി. അദ്ദേഹത്തെ തങ്ങൾ മേലാൽ കാണു​ക​യില്ല എന്നു മനസ്സി​ലാ​ക്കി​യ​പ്പോൾ “എല്ലാവ​രും വളരെ കരഞ്ഞു. . . . അവർ ഏററവും ദുഃഖി​ച്ചു പൌ​ലോ​സി​ന്റെ കഴുത്തിൽ കെട്ടി​പ്പി​ടി​ച്ചു അവനെ ചുംബി​ച്ചു.” (പ്രവൃ​ത്തി​കൾ 20:31, 37, 38) വിലമ​തി​പ്പിൽ അധിഷ്‌ഠി​ത​മായ സഹോ​ദ​ര​പ്രീ​തി? അതേ! “ഞങ്ങളുടെ വായി നിങ്ങ​ളോ​ടു തുറന്നി​രി​ക്കു​ന്നു; ഞങ്ങളുടെ ഹൃദയം വിശാ​ല​മാ​യി​രി​ക്കു​ന്നു. ഞങ്ങളുടെ ഉള്ളിൽ നിങ്ങൾക്കു ഇടുക്ക​മില്ല, നിങ്ങളു​ടെ ഹൃദയ​ങ്ങ​ളിൽ അത്രേ ഇടുക്ക​മു​ള്ളതു. ഇതിന്നു പ്രതി​ഫ​ല​മാ​യി നിങ്ങളും വിശാ​ല​ത​യു​ള്ള​വ​രാ​യി​രി​പ്പിൻ എന്നു ഞാൻ മക്കളോ​ടു എന്നപോ​ലെ നിങ്ങ​ളോ​ടു പറയുന്നു” എന്ന്‌ അദ്ദേഹം 2 കൊരി​ന്ത്യർ 6:11-13-ൽ പറഞ്ഞ വാക്കു​ക​ളിൽനി​ന്നും അദ്ദേഹ​ത്തി​ന്റെ സഹോ​ദ​ര​പ്രീ​തി മനസ്സി​ലാ​ക്കാ​വു​ന്ന​താണ്‌.

10. രണ്ടു കൊരി​ന്ത്യർ 11-ാമധ്യാ​യ​ത്തിൽ താൻ അനുഭ​വിച്ച പീഡാ​നു​ഭ​വ​ങ്ങ​ളെ​ക്കു​റി​ച്ചു പറയാൻ പൗലോ​സി​നെ സഹോ​ദ​ര​പ്രീ​തി​യു​ടെ എന്തു കുറവാണ്‌ ഇടയാ​ക്കി​യത്‌?

¹⁰ അപ്പോ​സ്‌ത​ല​നായ പൗലോ​സി​നോ​ടുള്ള വിലമ​തി​പ്പോ​ടു​കൂ​ടിയ സഹോ​ദ​ര​പ്രീ​തി​യു​ടെ കാര്യ​ത്തിൽ കൊരി​ന്തി​ലുള്ള അനേകർ കുറവു​ള്ള​വ​രാ​യി​രു​ന്നു എന്നതു വ്യക്തമാ​യി​രു​ന്നു. അതു​കൊണ്ട്‌ അവരിൽ ചിലർ ഇങ്ങനെ പരാതി​പ്പെട്ടു: “അവന്റെ ലേഖനങ്ങൾ ഘനവും ഊററ​വും ഉള്ളവ തന്നേ. ശരീര​സ​ന്നി​ധി​യോ ബലഹീ​ന​വും വാക്കു നിന്ദ്യ​വു​മ​ത്രേ.” (2 കൊരി​ന്ത്യർ 10:10) അതു​കൊ​ണ്ടാ​ണു പൗലോസ്‌ “അതി​ശ്രേ​ഷ്‌ഠ​ത​യുള്ള അപ്പോ​സ്‌ത​ലൻമാ”രെക്കു​റി​ച്ചു പരാമർശി​ച്ച​തും 2 കൊരി​ന്ത്യർ 11:5, 22-33-ൽ രേഖ​പ്പെ​ടു​ത്തി​യി​രി​ക്കുന്ന പ്രകാരം താൻ അനുഭ​വിച്ച പീഡാ​നു​ഭ​വ​ങ്ങ​ളെ​ക്കു​റി​ച്ചു പറയാൻ പ്രേരി​ത​നാ​യ​തും.

11. തെസ്സ​ലോ​നി​ക്ക​യി​ലെ ക്രിസ്‌ത്യാ​നി​ക​ളോ​ടു പൗലോ​സി​നു പ്രീതി​യു​ണ്ടാ​യി​രു​ന്നു എന്നതിന്‌ എന്തു തെളി​വുണ്ട്‌?

¹¹ താൻ ശുശ്രൂഷ ചെയ്‌ത​വ​രോ​ടുള്ള പൗലോ​സി​ന്റെ പ്രീതി 1 തെസ്സ​ലൊ​നീ​ക്യർ 2:8-ലെ “ഇങ്ങനെ ഞങ്ങൾ നിങ്ങളെ ഓമനി​ച്ചു​കൊ​ണ്ടു നിങ്ങൾക്കു ദൈവ​ത്തി​ന്റെ സുവി​ശേഷം പ്രസം​ഗി​പ്പാൻ മാത്രമല്ല, നിങ്ങൾ ഞങ്ങൾക്കു പ്രിയ​രാ​ക​യാൽ ഞങ്ങളുടെ പ്രാണ​നും​കൂ​ടെ വെച്ചു​ത​രു​വാൻ ഒരുക്ക​മാ​യി​രു​ന്നു” എന്ന തന്റെ വാക്കു​ക​ളിൽനി​ന്നു വ്യക്തമാണ്‌. വാസ്‌ത​വ​ത്തിൽ, ഈ പുതിയ സഹോ​ദ​രൻമാർ പീഡനങ്ങൾ സഹിച്ചു​നിൽക്കു​ന്നത്‌ എങ്ങനെ​യെന്ന്‌ അറിയാ​നുള്ള ആകാംക്ഷ അടക്കാ​നാ​കാ​ത്ത​വി​ധം വർധി​ച്ച​പ്പോൾ അദ്ദേഹം തിമോ​ഥെ​യോ​സി​നെ അയച്ചു. അദ്ദേഹം നല്ല റിപ്പോർട്ടു നൽകു​ക​യും അതു പൗലോ​സിന്‌ ആശ്വാസം പകരു​ക​യും ചെയ്‌തു. (1 തെസ്സ​ലൊ​നീ​ക്യർ 3:1, 2, 6, 7) തിരു​വെ​ഴു​ത്തു​കൾ സംബന്ധിച്ച ഉൾക്കാഴ്‌ച (Insight on the Scriptures) എന്ന പുസ്‌തകം “പൗലോ​സും അദ്ദേഹം ശുശ്രൂഷ ചെയ്‌ത​വ​രും തമ്മിൽ സഹോ​ദ​ര​പ്രീ​തി​യു​ടെ ഒരു ഉററ ബന്ധം നിലനി​ന്നു” എന്ന്‌ ഉചിത​മാ​യി കുറി​ക്കൊ​ള്ളു​ന്നു.

വിലമ​തിപ്പ്‌—സഹോ​ദ​ര​പ്രീ​തി​യു​ടെ താക്കോൽ

12. നമ്മുടെ സഹോ​ദ​രൻമാ​രോട്‌ ഊഷ്‌മ​ള​മായ പ്രീതി കാട്ടു​ന്ന​തിന്‌ എന്തു കാരണ​ങ്ങ​ളുണ്ട്‌?

¹² നിസ്സം​ശ​യ​മാ​യും, സഹോ​ദ​ര​പ്രീ​തി​യു​ടെ താക്കോൽ വിലമ​തി​പ്പാണ്‌. യഹോ​വ​യു​ടെ സമർപ്പിത ദാസൻമാർക്കെ​ല്ലാം നാം വിലമ​തി​ക്കു​ന്ന​തും നമ്മുടെ പ്രീതി പിടി​ച്ചു​പ​റ​റാൻ പോന്ന​തും അവരെ നമുക്കു പ്രിയ​പ്പെ​ട്ട​വ​രാ​ക്കു​ന്ന​തും ആയ ഗുണങ്ങൾ ഇല്ലേ? നാമെ​ല്ലാം ഒന്നാമതു ദൈവ​ത്തി​ന്റെ രാജ്യ​വും നീതി​യും അന്വേ​ഷി​ക്കു​ന്നു. നാമെ​ല്ലാം നമ്മുടെ മൂന്നു പൊതു ശത്രു​ക്കൾക്കെ​തി​രെ—സാത്താ​നും അവന്റെ ഭൂതങ്ങൾക്കും സാത്താന്റെ നിയ​ന്ത്ര​ണ​ത്തിൻ കീഴി​ലുള്ള ദുഷ്ട ലോക​ത്തി​നും വീഴ്‌ച ഭവിച്ച ജഡം അവകാ​ശ​പ്പെ​ടു​ത്തിയ സ്വാർഥ പ്രവണ​ത​കൾക്കും എതിരെ—ധീരമായ പോരാ​ട്ടം നടത്തുന്നു. നമ്മുടെ സഹോ​ദ​രൻമാർ സാഹച​ര്യ​ങ്ങ​ളു​ടെ വെളി​ച്ച​ത്തിൽ തങ്ങളുടെ പരമാ​വധി ചെയ്യു​ന്നു​വെന്ന നിലപാ​ടു നാം എല്ലായ്‌പോ​ഴും സ്വീക​രി​ക്കേ​ണ്ട​തല്ലേ? ലോക​ത്തി​ലെ സകലരും ഒന്നുകിൽ ദൈവ​ത്തി​ന്റെ പക്ഷത്ത്‌ അല്ലെങ്കിൽ സാത്താന്റെ പക്ഷത്ത്‌ ആയിരി​ക്കു​ന്നു. നമ്മുടെ സമർപ്പിത സഹോ​ദ​രീ​സ​ഹോ​ദ​രൻമാർ യഹോ​വ​യു​ടെ ഭാഗത്താണ്‌, അതേ, നമ്മുടെ ഭാഗത്താണ്‌, അതിനാൽ അവർ നമ്മുടെ സഹോ​ദ​ര​പ്രീ​തി അർഹി​ക്കു​ന്നു.

13. മൂപ്പൻമാ​രോ​ടു നമുക്ക്‌ ഊഷ്‌മ​ള​മായ പ്രീതി​യു​ണ്ടാ​യി​രി​ക്കേ​ണ്ടത്‌ എന്തു​കൊണ്ട്‌?

¹³ നമ്മുടെ മൂപ്പൻമാ​രെ വിലമ​തി​ക്കു​ന്ന​തി​നെ​ക്കു​റി​ച്ചെന്ത്‌? സഭയുടെ താത്‌പ​ര്യ​ങ്ങൾക്കു​വേണ്ടി കഠിന​മാ​യി പ്രയത്‌നി​ക്കുന്ന അവരുടെ രീതി കണക്കി​ലെ​ടുത്ത്‌ നമ്മുടെ ഹൃദയ​ത്തിൽ അവർക്കാ​യി ഊഷ്‌മ​ള​മായ ഒരു സ്ഥാനമു​ണ്ടാ​യി​രി​ക്കേ​ണ്ട​തല്ലേ? നാമെ​ല്ലാ​വ​രെ​യും​പോ​ലെ​തന്നെ, അവർക്കു സ്വന്തമാ​യും കുടും​ബ​ങ്ങൾക്കു​വേ​ണ്ടി​യും കരു​തേ​ണ്ട​തുണ്ട്‌. അവർക്ക്‌, ബാക്കി​യുള്ള നാമെ​ല്ലാം ചെയ്യു​ന്ന​തു​പോ​ലെ വ്യക്തി​പ​ര​മായ പഠനം നടത്താ​നും സഭാ​യോ​ഗ​ങ്ങൾക്കു ഹാജരാ​കാ​നും വയൽശു​ശ്രൂ​ഷ​യിൽ പങ്കുപ​റ​റാ​നും ഉള്ള അതേ ഉത്തരവാ​ദി​ത്വ​ങ്ങ​ളു​മുണ്ട്‌. കൂടു​ത​ലാ​യി, അവർക്ക്‌ യോഗ​ങ്ങ​ളി​ലെ പരിപാ​ടി​കൾക്കു​വേണ്ടി തയ്യാറാ​കാ​നും പരസ്യ​പ്ര​സം​ഗങ്ങൾ അവതരി​പ്പി​ക്കാ​നും ചില​പ്പോൾ മണിക്കൂ​റു​ക​ളോ​ളം വിസ്‌താ​രം നടത്തേ​ണ്ടി​വ​രുന്ന, സഭയിൽ പൊന്തി​വ​രുന്ന പ്രശ്‌നങ്ങൾ കൈകാ​ര്യം ചെയ്യാ​നും ഉള്ള ഉത്തരവാ​ദി​ത്വ​മുണ്ട്‌. തീർച്ച​യാ​യും “അത്തരം പുരു​ഷൻമാ​രെ പ്രിയ​രാ​യി കണക്കാ”ക്കാൻ നാം ആഗ്രഹി​ക്കു​ന്നു.—ഫിലി​പ്പി​യർ 2:29.

സഹോ​ദ​ര​പ്രീ​തി പ്രകട​മാ​ക്കൽ

14. സഹോ​ദ​ര​പ്രീ​തി കാട്ടാൻ ഏതു തിരു​വെ​ഴു​ത്തു​കൾ നമ്മോടു കൽപ്പി​ക്കു​ന്നു?

¹⁴ യഹോ​വയെ പ്രസാ​ദി​പ്പി​ക്കു​ന്ന​തിന്‌, യേശു​ക്രി​സ്‌തു​വും പൗലോ​സും ചെയ്‌ത​തു​പോ​ലെ നാം നമ്മുടെ സഹവി​ശ്വാ​സി​ക​ളോ​ടു സഹോ​ദ​ര​പ്രീ​തി​യു​ടെ ഊഷ്‌മ​ള​മായ വികാ​രങ്ങൾ പ്രകട​മാ​ക്കേ​ണ്ട​തുണ്ട്‌. “[സഹോ​ദ​ര​പ്രീ​തി​യിൽ] പരസ്‌പരം മൃദുല വാത്സല്യ​മു​ണ്ടാ​യി​രി​ക്കുക” എന്നു നാം വായി​ക്കു​ന്നു. (റോമർ 12:10, കിംഗ്‌ഡം ഇൻറർലീ​നി​യർ) “[സഹോ​ദ​ര​പ്രീ​തി​യെ​ക്കു​റി​ച്ചു] ഞങ്ങൾ നിങ്ങൾക്ക്‌ എഴുതേണ്ട ആവശ്യ​മില്ല, കാരണം അന്യോ​ന്യം സ്‌നേ​ഹി​പ്പാൻ ദൈവം നിങ്ങളെ പഠിപ്പി​ച്ചി​രി​ക്കു​ന്നു.” (1 തെസ്സ​ലൊ​നീ​ക്യർ 4:9, ഇൻറർ.) “നിങ്ങളു​ടെ [സഹോ​ദ​ര​പ്രീ​തി] തുടരട്ടെ.” (എബ്രായർ 13:1, ഇൻറർ.) നമ്മുടെ സ്വർഗീയ പിതാ​വി​ന്റെ ഭൗമിക മക്കളോ​ടു നാം സഹോ​ദ​ര​പ്രീ​തി കാട്ടു​മ്പോൾ അവിടു​ന്നു തീർച്ച​യാ​യും സന്തുഷ്ട​നാ​യി​ത്തീ​രു​ന്നു!

15. സഹോ​ദ​ര​പ്രീ​തി പ്രകട​മാ​ക്കാ​നുള്ള ചില മാർഗങ്ങൾ ഏവ?

¹⁵ അപ്പോ​സ്‌ത​ലിക കാലങ്ങ​ളിൽ ക്രിസ്‌ത്യാ​നി​കൾ “വിശുദ്ധ ചുംബ​നം​കൊ​ണ്ടു” അഥവാ “സ്‌നേ​ഹ​ചും​ബ​ന​ത്താൽ” പരസ്‌പരം അഭിവാ​ദനം ചെയ്യു​ന്നതു ശീലമാ​ക്കാൻ കല്‌പി​ക്ക​പ്പെ​ട്ടി​രു​ന്നു. (റോമർ 16:16; 1 പത്രൊസ്‌ 5:14) തീർച്ച​യാ​യും സഹോ​ദ​ര​പ്രീ​തി​യു​ടെ ഒരു പ്രകട​നം​തന്നെ! ഇന്ന്‌, ഭൂമി​യു​ടെ മിക്ക ഭാഗങ്ങ​ളി​ലും ഏറെ അനു​യോ​ജ്യ​മായ പ്രകടനം ആത്മാർഥ​വും സൗഹൃ​ദ​പ​ര​വും ആയ ഒരു പുഞ്ചി​രി​യും ദൃഢമായ ഒരു ഹസ്‌ത​ദാ​ന​വും ആയിരി​ക്കും. മെക്‌സി​ക്കോ​പോ​ലുള്ള ലത്തീൻ നാടു​ക​ളിൽ ആലിം​ഗ​ന​ത്തി​ന്റെ രൂപത്തി​ലുള്ള അഭിവാ​ദ​ന​മുണ്ട്‌, തീർച്ച​യാ​യും പ്രീതി​യു​ടെ ഒരു പ്രകട​നം​തന്നെ. ഈ സഹോ​ദ​രൻമാ​രു​ടെ പക്ഷത്തു​നി​ന്നുള്ള ഊഷ്‌മ​ള​മായ പ്രീതി​യാ​യി​രി​ക്കാം തങ്ങളുടെ രാജ്യ​ങ്ങ​ളി​ലെ വൻവർധ​ന​വി​ന്റെ ഒരു കാരണം.

16. നമ്മുടെ രാജ്യ​ഹാ​ളിൽ സഹോ​ദ​ര​പ്രീ​തി കാട്ടാൻ നമുക്ക്‌ ഏതവസ​രങ്ങൾ ഉണ്ട്‌?

¹⁶ നാം രാജ്യ​ഹാ​ളിൽ പ്രവേ​ശി​ക്കു​മ്പോൾ, സഹോ​ദ​ര​പ്രീ​തി പ്രകട​മാ​ക്കാൻ ഒരു പ്രത്യേക ശ്രമം നടത്താ​റു​ണ്ടോ? അതു പ്രോ​ത്സാ​ഹ​ജ​ന​ക​മായ വാക്കുകൾ പറയാൻ നമ്മെ ഇടയാ​ക്കും, പ്രത്യേ​കി​ച്ചും വിഷാ​ദ​മ​ഗ്ന​രാ​യി കാണ​പ്പെ​ടു​ന്ന​വ​രോട്‌. “വിഷാ​ദ​മുള്ള ദേഹി​ക​ളോട്‌ ആശ്വാ​സ​ദാ​യ​ക​മാ​യി സംസാ​രി​ക്കുക” എന്നു നമ്മോട്‌ ആവശ്യ​പ്പെ​ട്ടി​രി​ക്കു​ന്നു. (1 തെസ്സ​ലോ​നി​ക്യർ 5:14, NW) അതു തീർച്ച​യാ​യും സഹോ​ദ​ര​പ്രീ​തി​യു​ടെ ഊഷ്‌മളത പ്രകട​മാ​ക്കാ​നുള്ള ഒരു മാർഗ​മാണ്‌. മറെറാ​രു നല്ല മാർഗം നല്ല ഒരു പരസ്യ​പ്ര​സം​ഗ​ത്തെ​ക്കു​റി​ച്ചോ, നന്നായി കൈകാ​ര്യം ചെയ്‌ത ഒരു യോഗ​ഭാ​ഗ​ത്തെ​ക്കു​റി​ച്ചോ, ദിവ്യാ​ധി​പത്യ ശുശ്രൂ​ഷാ​സ്‌കൂ​ളിൽ ഒരു വിദ്യാർഥി ചെലു​ത്തിയ നല്ല ശ്രമ​ത്തെ​ക്കു​റി​ച്ചോ മറേറാ വിലമ​തി​പ്പു പ്രകട​മാ​ക്കു​ന്ന​താണ്‌.

17. ഒരു മൂപ്പൻ സഭയുടെ പ്രീതി നേടി​യത്‌ എങ്ങനെ?

¹⁷ നമ്മുടെ ഭവനത്തി​ലേക്ക്‌ ഒരു ഭക്ഷണത്തി​നോ അല്ലെങ്കിൽ ഒരുപക്ഷേ അധികം വൈകു​ന്നി​ല്ലെ​ങ്കിൽ യോഗാ​ന​ന്തരം ഒരു കാപ്പി​സ​ത്‌കാ​ര​ത്തി​നോ പലരെ ക്ഷണിക്കു​ന്നതു സംബന്ധി​ച്ചെന്ത്‌? ലൂക്കൊസ്‌ 14:12-14 വരെയുള്ള യേശു​വി​ന്റെ ബുദ്ധ്യു​പ​ദേശം നമ്മെ ഭരിക്കാൻ നാം അനുവ​ദി​ക്കേ​ണ്ട​തല്ലേ? മറെറ​ല്ലാ​വ​രും ഒരു വ്യത്യസ്‌ത വംശത്തിൽ പെട്ടവ​രാ​യി​രുന്ന ഒരു സഭയിൽ ഒരു മുൻ മിഷനറി അധ്യക്ഷ​മേൽവി​ചാ​ര​ക​നാ​യി നിയമി​ക്ക​പ്പെട്ടു. സഹോ​ദ​ര​പ്രീ​തി​യു​ടെ അഭാവം അദ്ദേഹം മനസ്സി​ലാ​ക്കി. അതു​കൊണ്ട്‌, ആ അവസ്ഥ തിരു​ത്തു​ന്ന​തിന്‌ അദ്ദേഹം ഒരു പദ്ധതി നടപ്പി​ലാ​ക്കി. എങ്ങനെ? ഞായറാ​ഴ്‌ച​തോ​റും ഓരോ കുടും​ബത്തെ ഭക്ഷണത്തി​നു ക്ഷണിച്ചു​കൊണ്ട്‌. ഒരു വർഷം കഴിഞ്ഞ​പ്പോൾ എല്ലാവ​രും അദ്ദേഹ​ത്തോട്‌ ഊഷ്‌മ​ള​മായ സഹോ​ദ​ര​പ്രീ​തി പ്രകട​മാ​ക്കി.

18. അസുഖ​മുള്ള നമ്മുടെ സഹോ​ദ​രീ​സ​ഹോ​ദ​രൻമാ​രോ​ടു നമുക്ക്‌ എങ്ങനെ സഹോ​ദ​ര​പ്രീ​തി പ്രകട​മാ​ക്കാം?

¹⁸ ഒരു സഹോ​ദ​ര​നോ സഹോ​ദ​രി​യോ അസുഖ​മാ​യി വീട്ടി​ലോ ഒരാശു​പ​ത്രി​യി​ലോ ആയിരി​ക്കു​മ്പോൾ നാം കരുത​ലു​ള്ള​വ​രാ​ണെന്ന്‌ ആ വ്യക്തിയെ അറിയി​ക്കാൻ സഹോ​ദ​ര​പ്രീ​തി നമുക്ക്‌ ഇടവരു​ത്തും. അല്ലെങ്കിൽ ആതുരാ​ല​യ​ങ്ങ​ളിൽ ജീവി​ക്കു​ന്ന​വ​രെ​ക്കു​റി​ച്ചെന്ത്‌? എന്തു​കൊണ്ട്‌ ഒരു വ്യക്തി​പ​ര​മായ സന്ദർശനം നടത്തു​ക​യോ, ഒന്നു ഫോൺ വിളി​ക്കു​ക​യോ, ഊഷ്‌മ​ള​മായ വികാ​രങ്ങൾ പ്രകട​മാ​ക്കി​ക്കൊണ്ട്‌ ഒരു കാർഡ്‌ അയയ്‌ക്കു​ക​യോ ചെയ്‌തു​കൂ​ടാ?

19, 20. നമ്മുടെ സഹോ​ദ​ര​പ്രീ​തി വിശാ​ല​ത​യു​ള്ള​താ​ണെന്നു നമു​ക്കെ​ങ്ങനെ കാട്ടാം?

¹⁹ സഹോ​ദ​ര​പ്രീ​തി​യു​ടെ ഇത്തരം പ്രകട​നങ്ങൾ നടത്തു​മ്പോൾ നമുക്കു നമ്മോ​ടു​തന്നെ ഇങ്ങനെ ചോദി​ക്കാം, ‘എന്റെ സഹോ​ദ​ര​പ്രീ​തി പക്ഷപാ​ത​പ​ര​മാ​ണോ? എന്റെ സഹോ​ദ​ര​പ്രീ​തി​യു​ടെ പ്രകട​ന​ങ്ങളെ തൊലി​യു​ടെ നിറമോ, വിദ്യാ​ഭ്യാ​സ​മോ, ഭൗതിക സ്വത്തു​ക്ക​ളോ സ്വാധീ​നി​ക്കാ​റു​ണ്ടോ? കൊരി​ന്തി​ലുള്ള ക്രിസ്‌ത്യാ​നി​കളെ പൗലോസ്‌ ബുദ്ധ്യു​പ​ദേ​ശി​ച്ച​തു​പോ​ലെ എന്റെ സഹോ​ദ​ര​പ്രീ​തി​യിൽ ഞാൻ വിശാ​ല​ത​യു​ള്ള​വ​നാ​കേ​ണ്ട​തു​ണ്ടോ?’ സഹോ​ദ​ര​പ്രീ​തി നമ്മുടെ സഹോ​ദ​രൻമാ​രു​ടെ നല്ല വശങ്ങളെ വിലമ​തി​ച്ചു​കൊണ്ട്‌ അവരെ ക്രിയാ​ത്മ​ക​മാ​യി വീക്ഷി​ക്കാൻ നമ്മെ ഇടയാ​ക്കും. നമ്മുടെ സഹോ​ദ​രൻമാ​രു​ടെ ആത്മീയ മുന്നേ​റ​റ​ങ്ങ​ളിൽ അസൂയ​പ്പെ​ടു​ന്ന​തി​നു പകരം സന്തോ​ഷി​ക്കാ​നും സഹോ​ദ​ര​പ്രീ​തി നമ്മെ സഹായി​ക്കും.

²⁰ ശുശ്രൂ​ഷ​യിൽ നമ്മുടെ സഹോ​ദ​രൻമാ​രെ സഹായി​ക്കാ​നും സഹോ​ദ​ര​പ്രീ​തി നമ്മെ ജാഗ്ര​ത​യു​ള്ള​വ​രാ​ക്കണം. അതു നമ്മുടെ ഒരു ഗീതത്തിൽ (നമ്പർ 92) പറയു​ന്ന​തു​പോ​ലെ​യാണ്‌:

“ആർദ്ര​മായ്‌ താങ്ങാം ക്ഷീണി​തരെ,

അവരും ധീരം ഘോഷി​ക്കു​വാൻ.

ബാലകരെ നാം ഓർക്കു​കെ​ന്നും;

ഭയവിഹീനം ശക്തി​പ്രാ​പി​പ്പാൻ.”

21. നാം സഹോ​ദ​ര​പ്രീ​തി കാട്ടു​മ്പോൾ നമുക്ക്‌ എന്തു പ്രതി​ക​രണം പ്രതീ​ക്ഷി​ക്കാം?

²¹ അതു​കൊണ്ട്‌, സഹോ​ദ​ര​പ്രീ​തി പ്രകട​മാ​ക്കു​ന്ന​തിൽ യേശു തന്റെ ഗിരി​പ്ര​ഭാ​ഷ​ണ​ത്തിൽ പ്രസ്‌താ​വിച്ച തത്ത്വം ബാധക​മാ​കു​ന്നു​വെ​ന്നതു നമുക്കു മറക്കാ​തി​രി​ക്കാം: “കൊടു​പ്പിൻ; എന്നാൽ നിങ്ങൾക്കു കിട്ടും; അമർത്തി കുലുക്കി കവിയു​ന്നൊ​രു നല്ല അളവു നിങ്ങളു​ടെ മടിയിൽ തരും; നിങ്ങൾ അളക്കുന്ന അളവി​നാൽ നിങ്ങൾക്കും അളന്നു​കി​ട്ടും.” (ലൂക്കൊസ്‌ 6:38) നമ്മെ​പ്പോ​ലെ​തന്നെ യഹോ​വ​യു​ടെ ദാസൻമാ​രാ​യി​രി​ക്കുന്ന മററു​ള്ള​വ​രോ​ടു മതിപ്പു പ്രകട​മാ​ക്കി​ക്കൊ​ണ്ടു സഹോ​ദ​ര​പ്രീ​തി കാട്ടു​മ്പോൾ നാം സ്വയം പ്രയോ​ജനം അനുഭ​വി​ക്കു​ന്നു. സഹോ​ദ​ര​പ്രീ​തി പ്രകട​മാ​ക്കു​ന്ന​തിൽ ആനന്ദി​ക്കു​ന്നവർ തീർച്ച​യാ​യും സന്തുഷ്ട​രാണ്‌!

[അടിക്കു​റിപ്പ്‌]

നിങ്ങൾ എങ്ങനെ ഉത്തരം പറയും?

◻ ഏതു ഗ്രീക്കു​പ​ദങ്ങൾ നമ്മുടെ വികാ​ര​ങ്ങ​ളോ​ടു ബന്ധപ്പെ​ട്ടി​രി​ക്കു​ന്നു, അവ തമ്മിൽ വ്യത്യാ​സ​പ്പെ​ട്ടി​രി​ക്കു​ന്നത്‌ എങ്ങനെ?

◻ സഹോ​ദ​ര​പ്രീ​തി​യു​ടെ താക്കോൽ എന്താണ്‌?

◻ സവി​ശേ​ഷ​മായ സഹോ​ദ​ര​പ്രീ​തി​ക്കു നമുക്ക്‌ ഏതു തിരു​വെ​ഴു​ത്തു ദൃഷ്ടാ​ന്തങ്ങൾ ഉണ്ട്‌?

◻ നമ്മുടെ സഹോ​ദ​രൻമാ​രോ​ടും മൂപ്പൻമാ​രോ​ടും നമുക്ക്‌ ഊഷ്‌മ​ള​മായ പ്രീതി​യു​ണ്ടാ​യി​രി​ക്കേ​ണ്ടത്‌ എന്തു​കൊണ്ട്‌?

[15-ാം പേജിലെ ചിത്രം]

അപ്പോസ്‌തലനായ പത്രോസ്‌ തന്റെ സഹോ​ദ​രൻമാ​രോട്‌ അവരുടെ വിശ്വാ​സ​ത്തി​നും മററു ക്രിസ്‌തീയ ഗുണങ്ങൾക്കും സഹോ​ദ​ര​പ്രീ​തി പ്രദാനം ചെയ്യാൻ പ്രോ​ത്സാ​ഹി​പ്പി​ച്ചു