നിങ്ങൾ യേശു​വി​നോ​ടു പ്രാർഥി​ക്ക​ണ​മോ?

യേശു​വി​നോ​ടു പ്രാർഥി​ക്കു​ന്നത്‌ ഉചിത​മാ​ണെന്നു ചിലയാ​ളു​കൾ കരുതു​ന്നു. ഭക്ഷണം കഴിക്കു​ന്ന​തി​നു​മു​മ്പു കൈകൾ കൂപ്പി യേശു​ക്രി​സ്‌തു​വി​നോ​ടു നന്ദി പറയണ​മെന്നു ജർമനി​യിൽ അനേക​രെ​യും കുഞ്ഞി​ലേ​തന്നെ പഠിപ്പി​ക്കു​ന്നു.

യേശു​വി​നു സ്വർഗ​ത്തിൽ ഉന്നതമായ ഒരു സ്ഥാനമു​ണ്ടെന്നു വാസ്‌ത​വ​ത്തിൽ ബൈബിൾ പറയുന്നു. എന്നുവ​രി​കി​ലും, നാം അവനോ​ടു പ്രാർഥി​ക്ക​ണ​മെന്ന്‌ അതിനർഥ​മു​ണ്ടോ? യേശു​വി​നോ​ടുള്ള സ്‌നേ​ഹ​ത്തെ​പ്രതി അവനോ​ടു പ്രാർഥി​ക്കു​ന്ന​വ​രിൽപ്പെട്ട ഒരുവ​നാ​യി​രി​ക്കാം നിങ്ങൾ. എന്നാൽ അത്തരം പ്രാർഥ​ന​ക​ളെ​ക്കു​റിച്ച്‌ യേശു​പോ​ലും എന്താണു വിചാ​രി​ക്കു​ന്നത്‌?

ആദ്യമാ​യി, ഈ ചോദ്യ​ങ്ങൾ ഉയർന്നു​വ​രാൻതന്നെ കാരണ​മെ​ന്താണ്‌? എന്തു​കൊ​ണ്ടെ​ന്നാൽ, “പ്രാർത്ഥന കേൾക്കു​ന്നവ”ൻ യഹോ​വ​യാം ദൈവ​മാ​ണെ​ന്നാ​ണു ബൈബിൾ പറയു​ന്നത്‌. അതു​കൊണ്ട്‌, പുരാ​ത​ന​നാ​ളി​ലെ ഇസ്രാ​യേ​ല്യ​രെ​പ്പോ​ലെ​യുള്ള ദൈവ​ദാ​സൻമാർ സർവശ​ക്ത​നായ യഹോ​വ​യാം ദൈവ​ത്തോ​ടു മാത്ര​മാ​ണു പ്രാർഥി​ച്ചത്‌ എന്നതിൽ അതിശ​യി​ക്കാ​നില്ല.—സങ്കീർത്തനം 5:1, 2; 65:2.

എന്നാൽ, ദൈവ​പു​ത്ര​നായ യേശു മനുഷ്യ​വർഗത്തെ പാപത്തിൽനി​ന്നും മരണത്തിൽനി​ന്നും രക്ഷിക്കു​ന്ന​തി​നു​വേണ്ടി ഭൂമി​യി​ലേക്കു വന്നപ്പോൾ സ്ഥിതി​ഗ​തി​കൾക്കു മാററം വന്നോ? ഇല്ല. അപ്പോ​ഴും യഹോ​വ​യി​ലേ​ക്കാ​ണു പ്രാർഥ​നകൾ തിരി​ച്ചു​വി​ട്ടത്‌. ഭൂമി​യി​ലാ​യി​രു​ന്ന​പ്പോൾ യേശു​ത​ന്നെ​യും തന്റെ പിതാ​വായ ദൈവ​ത്തോ​ടു പതിവാ​യി പ്രാർഥി​ച്ചി​രു​ന്നു. അപ്രകാ​രം ചെയ്യു​ന്ന​തിന്‌ അവൻ മററു​ള്ള​വരെ പഠിപ്പി​ക്കു​ക​യും ചെയ്‌തു. ലോക​മാ​സ​കലം ഏററവു​മ​ധി​കം അറിയ​പ്പെ​ടുന്ന പ്രാർഥ​ന​ക​ളി​ലൊ​ന്നായ, ചില​പ്പോ​ഴെ​ല്ലാം കർത്താ​വി​ന്റെ പ്രാർഥന അഥവാ സ്വർഗ​സ്ഥ​നായ പിതാവേ എന്നു പറയാ​റുള്ള മാതൃകാ പ്രാർഥ​ന​യെ​ക്കു​റിച്ച്‌ ഒന്നു ചിന്തി​ച്ചു​നോ​ക്കൂ. തന്നോടു പ്രാർഥി​ക്കാൻ യേശു നമ്മെ പഠിപ്പി​ച്ചില്ല; മറിച്ച്‌, “സ്വർഗ്ഗ​സ്ഥ​നായ ഞങ്ങളുടെ പിതാവേ, നിന്റെ നാമം വിശു​ദ്ധീ​ക​രി​ക്ക​പ്പെ​ടേ​ണമേ” എന്ന ഈ മാതൃകാ പ്രാർഥന അവൻ നമുക്കു നൽകു​ക​യാ​ണു ചെയ്‌തത്‌.—മത്തായി 6:6, 9; 26:39, 42.

പ്രാർഥന എന്നു പറഞ്ഞാൽ യഥാർഥ​ത്തിൽ എന്താ​ണെന്നു പരി​ശോ​ധി​ച്ചു​കൊ​ണ്ടു നമുക്ക്‌ ഈ വിഷയ​ത്തി​ലേക്ക്‌ ആഴ്‌ന്നി​റ​ങ്ങാം.

പ്രാർഥന എന്നാൽ എന്ത്‌?

ഓരോ പ്രാർഥ​ന​യും ഒരുതരം ആരാധ​ന​യാണ്‌. “പ്രാർഥന എന്നത്‌ ഒരു വ്യക്തി ദൈവ​ത്തി​നു ഭക്തി, നന്ദി, കുററ​സ​മ്മതം, അപേക്ഷ എന്നിവ അർപ്പി​ക്കുന്ന ഒരു തരം ആരാധ​ന​യാണ്‌” എന്ന്‌ ദ വേൾഡ്‌ബുക്ക്‌ എൻ​സൈ​ക്ലോ​പീ​ഡിയ ഉറപ്പോ​ടെ പ്രസ്‌താ​വി​ക്കു​ന്നു.

ഒരു സന്ദർഭ​ത്തിൽ യേശു ഇങ്ങനെ പറഞ്ഞു: “നിന്റെ ദൈവ​മായ കർത്താ​വി​നെ [“യഹോ​വയെ,” NW] നമസ്‌ക​രി​ച്ചു അവനെ മാത്രമേ ആരാധി​ക്കാ​വു എന്നു എഴുതി​യി​രി​ക്കു​ന്നു.” ആരാധന—ആ സ്ഥിതിക്ക്‌ പ്രാർഥ​ന​യും—തന്റെ പിതാ​വായ യഹോ​വ​യാം ദൈവ​ത്തി​നു മാത്രമേ അർപ്പി​ക്കാ​വൂ എന്ന അടിസ്ഥാന സത്യത്തിൽ യേശു അടിയു​റച്ചു നിന്നു.—ലൂക്കൊസ്‌ 4:8; 6:12.

നമ്മുടെ പ്രാർഥ​ന​യിൽ യേശു​വി​നെ തിരി​ച്ച​റി​യൽ

യേശു മനുഷ്യ​വർഗ​ത്തി​നു​വേണ്ടി ഒരു മറുവി​ല​യാ​ഗ​മാ​യി മരിച്ചു. ദൈവം അവനെ ഉയിർപ്പി​ക്കു​ക​യും ഒരു ഉന്നത സ്ഥാനം അവനു നൽകു​ക​യും ചെയ്‌തു. നിങ്ങൾ ഊഹി​ക്കാ​നി​ട​യു​ള്ള​തു​പോ​ലെ ഇതെല്ലാം സ്വീകാ​ര്യ​മായ പ്രാർഥ​ന​യു​ടെ കാര്യ​ത്തിൽ മാററം വരുത്തു​ക​ത​ന്നെ​യു​ണ്ടാ​യി. ഏതു വിധത്തിൽ?

പ്രാർഥ​ന​യിൽ യേശു​വി​ന്റെ സ്ഥാനം ചെലു​ത്തുന്ന വലിയ സ്വാധീ​നം സംബന്ധിച്ച്‌ അപ്പോ​സ്‌ത​ല​നായ പൗലോസ്‌ ഇങ്ങനെ വർണി​ക്കു​ന്നു: ‘അതു​കൊ​ണ്ടു ദൈവ​വും അവനെ ഏററവും ഉയർത്തി സകലനാ​മ​ത്തി​ന്നും മേലായ നാമം നല്‌കി; അങ്ങനെ അവന്റെ നാമത്തി​ങ്കൽ സ്വർല്ലോ​ക​രു​ടെ​യും ഭൂലോ​ക​രു​ടെ​യും അധോ​ലോ​ക​രു​ടെ​യും മുഴങ്കാൽ ഒക്കെയും മടങ്ങു​ക​യും എല്ലാ നാവും “യേശു​ക്രി​സ്‌തു കർത്താവു” എന്നു പിതാ​വായ ദൈവ​ത്തി​ന്റെ മഹത്വ​ത്തി​ന്നാ​യി ഏററു​പ​റ​ക​യും ചെയ്യേ​ണ്ടി​വ​രും.’—ഫിലി​പ്പി​യർ 2:9-11.

‘യേശു​വി​ന്റെ നാമത്തി​ങ്കൽ മുഴങ്കാൽ ഒക്കെയും മടങ്ങു’മെന്ന വാക്കുകൾ നാം അവനോ​ടു പ്രാർഥി​ക്ക​ണ​മെന്ന്‌ അർഥമാ​ക്കു​ന്നു​ണ്ടോ? ഇല്ല. ഇവിടെ ഉൾപ്പെ​ട്ടി​രി​ക്കുന്ന ഗ്രീക്കു വാചകം “മുഴങ്കാൽ മടക്കു​ന്നവർ ഏതു നാമത്തിൽ അപ്രകാ​രം ചെയ്യു​ന്നു​വോ ആ നാമത്തിൽ ഒന്നു​ചേ​രു​ന്ന​തി​നെ, ആരാധ​ന​യിൽ ഏകീകൃ​ത​രാ​യി​രി​ക്കു​ന്ന​തി​നെ (πᾶν γόνυ) അർഥമാ​ക്കു​ന്നു. യേശു സ്വീക​രി​ച്ചി​രി​ക്കുന്ന നാമം സകല​രെ​യും ഏകീകൃ​ത​മായ ആരാധ​ന​യ്‌ക്കു പ്രോ​ത്സാ​ഹി​പ്പി​ക്കു​ന്നു.” (പുതിയ നിയമ​ത്തി​ന്റെ ശൈലി​യെ​ക്കു​റി​ച്ചുള്ള ഒരു വ്യാക​രണം, ജി. ബി വൈന​റി​നാ​ലു​ള്ളത്‌) ഒരു പ്രാർഥന സ്വീകാ​ര്യ​മാ​യി​രി​ക്കു​ന്ന​തിന്‌ അത്‌ ‘യേശു​വി​ന്റെ നാമത്തിൽ’ അർപ്പിച്ചേ മതിയാ​വൂ എന്നുവ​രി​കി​ലും പ്രാർഥന യഹോ​വയെ അഭിസം​ബോ​ധന ചെയ്‌തു​കൊ​ണ്ടു​ള്ള​തും അവന്റെ നാമമ​ഹ​ത്വ​ത്തിൽ കലാശി​ക്കു​ന്ന​തു​മാ​യി​രി​ക്കണം. അക്കാര​ണ​ത്താൽ, “എല്ലാറ​റി​ലും പ്രാർഥ​ന​യാ​ലും അപേക്ഷ​യാ​ലും നിങ്ങളു​ടെ ആവശ്യങ്ങൾ സ്‌തോ​ത്ര​ത്തോ​ടു​കൂ​ടെ ദൈവ​ത്തോ​ടു അറിയി​ക്ക​യ​ത്രേ വേണ്ടതു” എന്നു പൗലോസ്‌ പറഞ്ഞു. (ചെരി​ച്ചെ​ഴു​ത്തു ഞങ്ങളു​ടേത്‌.)—ഫിലി​പ്പി​യർ 4:6.

ഒരു ലക്ഷ്യസ്ഥാ​നത്ത്‌ എത്തി​ച്ചേ​രു​ന്ന​തിന്‌ ഒരു പാതയു​ള്ള​തു​പോ​ലെ സർവശ​ക്ത​നായ ദൈവ​ത്തി​ങ്കൽ എത്തി​ച്ചേ​രു​ന്ന​തി​നുള്ള “വഴി” യേശു​വാണ്‌. “ഞാൻ തന്നേ വഴിയും സത്യവും ജീവനും ആകുന്നു; ഞാൻ മുഖാ​ന്ത​ര​മ​ല്ലാ​തെ ആരും പിതാ​വി​ന്റെ അടുക്കൽ എത്തുന്നില്ല” എന്ന്‌ യേശു തന്റെ അപ്പോ​സ്‌ത​ലൻമാ​രെ പഠിപ്പി​ച്ചു. (യോഹ​ന്നാൻ 14:6) തൻമൂലം, നമ്മുടെ പ്രാർഥന നാം നേരിട്ട്‌ യേശു​വി​നല്ല, യേശു മുഖാ​ന്തരം ദൈവ​ത്തി​നാണ്‌ അർപ്പി​ക്കേ​ണ്ടത്‌.a

‘എന്നാൽ, ശിഷ്യ​നായ സ്‌തേ​ഫാ​നോ​സും അപ്പോ​സ്‌ത​ല​നായ യോഹ​ന്നാ​നും സ്വർഗ​ത്തി​ലി​രി​ക്കുന്ന യേശു​വി​നോ​ടു സംസാ​രി​ച്ച​താ​യി ബൈബിൾ റിപ്പോർട്ടു ചെയ്യു​ന്നി​ല്ലേ’ എന്നു ചിലർ ചോദി​ച്ചേ​ക്കാം. അതു ശരിതന്നെ. എന്നിരു​ന്നാ​ലും, സ്‌തേ​ഫാ​നോ​സും യോഹ​ന്നാ​നും യേശു​വി​നെ ദർശന​ത്തിൽ കാണു​ക​യും അവനോ​ടു നേരിട്ടു സംസാ​രി​ക്കു​ക​യും ചെയ്‌ത​തി​നാൽ ഈ സംഭവ​ങ്ങ​ളിൽ പ്രാർഥന ഉൾപ്പെ​ട്ടില്ല. (പ്രവൃ​ത്തി​കൾ 7:56, 59; വെളി​പ്പാ​ടു 1:17-19; 22:20) ദൈവ​ത്തോ​ടു​പോ​ലും കേവലം സംസാ​രി​ക്കു​ന്നത്‌ അതിൽത്തന്നെ പ്രാർഥ​ന​യാ​കു​ന്നില്ല എന്നതു മനസ്സിൽ പിടി​ക്കുക. ഏദെൻതോ​ട്ട​ത്തിൽവെച്ച്‌ ആദാമി​നെ​യും ഹവ്വാ​യെ​യും അവരുടെ പാപ​ത്തെ​ത്തു​ടർന്നു ദൈവം ന്യായം വിധി​ച്ച​പ്പോൾ തങ്ങളുടെ പാപത്തിന്‌ ഒഴിക​ഴി​വു പറഞ്ഞു​കൊണ്ട്‌ അവർ അവനോ​ടു സംസാ​രി​ച്ചു. അവർ ആ വിധത്തിൽ അവനോ​ടു സംസാ​രി​ച്ചത്‌ ഒരു പ്രാർഥ​ന​യാ​യി​രു​ന്നില്ല. (ഉല്‌പത്തി 3:8-19) അതു​കൊണ്ട്‌, നാം യഥാർഥ​ത്തിൽ യേശു​വി​നോ​ടു പ്രാർഥി​ക്ക​ണ​മെ​ന്ന​തി​നു തെളി​വാ​യി സ്‌തേ​ഫാ​നോ​സും യോഹ​ന്നാ​നും അവനോ​ടു സംസാ​രിച്ച കാര്യം എടുത്തു​പ​റ​യു​ന്നതു തെററാ​യി​രി​ക്കും.

യേശു​വി​ന്റെ നാമത്തെ “വിളി​ച്ച​പേ​ക്ഷി​ക്കുന്ന”തെങ്ങനെ?

യേശു​വി​നോ​ടു പ്രാർഥി​ക്കു​ന്നത്‌ ഉചിത​മാ​ണോ എന്ന കാര്യ​ത്തിൽ നിങ്ങളു​ടെ മനസ്സിൽ ഇപ്പോ​ഴും സംശയം തളം​കെട്ടി നിൽക്കു​ന്നു​ണ്ടോ? “ആദിമ ക്രിസ്‌ത്യാ​നി​കൾ യേശു​വി​നോ​ടു പ്രാർഥി​ച്ചി​രു​ന്നില്ല എന്ന കാര്യ​ത്തിൽ എനിക്കി​പ്പോ​ഴും വിശ്വാ​സം വരുന്നില്ല എന്നതു ഖേദക​ര​മാണ്‌” എന്ന്‌ ഒരു സ്‌ത്രീ വാച്ച്‌ ടവർ സൊ​സൈ​റ​റി​യു​ടെ ഒരു ബ്രാഞ്ച്‌ ഓഫീ​സി​ലേക്ക്‌ എഴുതി. അവളുടെ മനസ്സി​ലു​ണ്ടാ​യി​രു​ന്നത്‌ 1 കൊരി​ന്ത്യർ 1:2-ലെ പൗലോ​സി​ന്റെ വാക്കു​ക​ളാണ്‌. ‘നമ്മുടെ കർത്താ​വായ യേശു​ക്രി​സ്‌തു​വി​ന്റെ നാമത്തെ വിളി​ച്ച​പേ​ക്ഷി​ക്കുന്ന’വരെക്കു​റിച്ച്‌ അവൻ അവിടെ സൂചി​പ്പി​ച്ചു. “വിളി​ച്ച​പേ​ക്ഷി​ക്കുക” എന്ന പദപ്രയോഗത്തിനു മൂലഭാ​ഷ​യിൽ പ്രാർഥന എന്നതിനു പുറമേ പലതും അർഥമാ​ക്കാ​മെന്ന്‌ ഒരുവൻ മനസ്സിൽ പിടി​ക്കേ​ണ്ട​തുണ്ട്‌.

ക്രിസ്‌തു​വി​ന്റെ നാമം എല്ലായി​ട​ത്തും എങ്ങനെ​യാണ്‌ ‘വിളി​ക്ക​പ്പെ​ട്ടത്‌?’ നസറാ​യ​നായ യേശു​വി​ന്റെ അനുഗാ​മി​കൾ അവന്റെ നാമത്തിൽ അനേകം അത്ഭുതങ്ങൾ പ്രവർത്തി​ച്ചു​കൊണ്ട്‌ അവൻ മിശി​ഹാ​യും “ലോക​ര​ക്ഷി​താ”വും ആണെന്നു പരസ്യ​മാ​യി അംഗീ​ക​രി​ച്ചു. (1 യോഹ​ന്നാൻ 4:14; പ്രവൃ​ത്തി​കൾ 3:6; 19:5) അതു​കൊണ്ട്‌, “നമ്മുടെ കർത്താ​വി​ന്റെ നാമത്തെ വിളി​ച്ച​പേ​ക്ഷി​ക്കുക . . . എന്നത്‌ അവനോ​ടു പ്രാർഥി​ക്കുക എന്നതിനു പകരം അവന്റെ കർത്തൃ​ത്വം ഏററു​പ​റ​യുക എന്നാണ്‌ അർഥമാ​ക്കു​ന്നത്‌” എന്ന്‌ ദ ഇൻറർപ്ര​ട്ടേ​ഴ്‌സ്‌ ബൈബിൾ പ്രസ്‌താ​വി​ക്കു​ന്നു.

യേശു​വി​നെ അംഗീ​ക​രി​ക്കു​ക​യും പാപപ​രി​ഹാ​രം സാധ്യ​മാ​ക്കി​ത്തീർക്കുന്ന അവന്റെ ചൊരി​യ​പ്പെട്ട രക്തത്തിൽ വിശ്വാ​സം പ്രകട​മാ​ക്കു​ക​യും ചെയ്യു​ന്നത്‌ “നമ്മുടെ കർത്താ​വി​ന്റെ നാമത്തെ വിളി​ച്ച​പേ​ക്ഷി​ക്കു”ന്നതിനെ അർഥമാ​ക്കും. (പ്രവൃ​ത്തി​കൾ 22:16-മായി 10:43 താരത​മ്യം ചെയ്യുക.) യേശു മുഖാ​ന്തരം ദൈവ​ത്തോ​ടു പ്രാർഥി​ക്കു​മ്പോ​ഴെ​ല്ലാം നാം അക്ഷരീ​യ​മാ​യും അവന്റെ നാമം ഉപയോ​ഗി​ക്കു​ന്നു​മുണ്ട്‌. അതു​കൊണ്ട്‌, നമുക്ക്‌ യേശു​വി​ന്റെ നാമത്തിൽ വിളി​ച്ച​പേ​ക്ഷി​ക്കാ​നാ​വു​മെന്നു പറയു​മ്പോൾ നാം അവനോ​ടു പ്രാർഥി​ക്ക​ണ​മെന്നു ബൈബിൾ സൂചി​പ്പി​ക്കു​ന്നില്ല.—എഫെസ്യർ 5:20; കൊ​ലൊ​സ്സ്യർ 3:17.

യേശു​വി​നു നമുക്കു​വേണ്ടി ചെയ്യാൻ കഴിയു​ന്നത്‌

“നിങ്ങൾ എന്റെ നാമത്തിൽ അപേക്ഷി​ക്കു​ന്നതു ഒക്കെയും ഞാൻ ചെയ്‌തു​ത​രും” എന്ന്‌ യേശു തന്റെ ശിഷ്യൻമാ​രോ​ടു സ്‌പഷ്ട​മാ​യി വാഗ്‌ദാ​നം ചെയ്‌തു. ഇത്‌ അവനോ​ടു പ്രാർഥി​ക്ക​ണ​മെന്ന്‌ അർഥമാ​ക്കു​ന്നു​ണ്ടോ? ഇല്ല. യഹോ​വ​യാം ദൈവത്തെ അഭിസം​ബോ​ധന ചെയ്‌തു​കൊ​ണ്ടാ​ണു ചോദി​ക്കു​ന്നത്‌—പക്ഷേ യേശു​വി​ന്റെ നാമത്തിൽ. (യോഹ​ന്നാൻ 14:13, 14; 15:16) ദൈവ​പു​ത്ര​നായ യേശു നമ്മെ​പ്രതി തന്റെ മഹദ്‌ശക്തി ഉപയോ​ഗി​ക്കു​ന്ന​തി​നു​വേണ്ടി നാം ദൈവ​ത്തോ​ടു പ്രാർഥി​ക്കു​ന്നു.

യേശു ഇന്ന്‌ തന്റെ യഥാർഥ അനുഗാ​മി​ക​ളു​മാ​യി ആശയവി​നി​യമം ചെയ്യു​ന്നത്‌ എങ്ങനെ​യാണ്‌? അഭിഷിക്ത ക്രിസ്‌ത്യാ​നി​ക​ളു​ടെ സഭയെ​ക്കു​റി​ച്ചുള്ള പൗലോ​സി​ന്റെ വിവരണം ഒരു ദൃഷ്ടാ​ന്ത​മാ​യി ഉതകി​യേ​ക്കാം. യേശു തലയാ​യി​ട്ടുള്ള ഒരു ശരീര​ത്തോട്‌ അവൻ അതിനെ തുലനം ചെയ്‌തു. “തല” ആത്മീയ ശരീര​ത്തി​ലെ അംഗങ്ങ​ളു​ടെ ആവശ്യങ്ങൾ “സന്ധിക​ളാ​ലും ഞരമ്പു​ക​ളാ​ലും” പ്രദാനം ചെയ്യുന്നു. അഥവാ തന്റെ സഭയ്‌ക്ക്‌ ആത്മീയ ഭോജ​ന​വും മാർഗ​നിർദേ​ശ​വും പ്രദാനം ചെയ്യു​ന്ന​തി​നുള്ള മാധ്യ​മ​ങ്ങ​ളും ക്രമീ​ക​ര​ണ​ങ്ങ​ളു​മാ​യി അവ ഉതകുന്നു. (കൊ​ലൊ​സ്സ്യർ 2:19) സമാന​മായ ഒരു വിധത്തിൽ യേശു ഇന്ന്‌ “മനുഷ്യ​രാം​ദാ​നങ്ങ”ളെ അഥവാ ആത്മീയ​മാ​യി യോഗ്യ​ത​യുള്ള പുരു​ഷൻമാ​രെ സഭയിൽ നേതൃ​ത്വം വഹിക്കു​ന്ന​തി​നും അത്യാ​വ​ശ്യ​മെ​ങ്കിൽ തിരുത്തൽ നൽകു​ന്ന​തി​നും​വേണ്ടി ഉപയോ​ഗി​ക്കു​ന്നു. യേശു​വു​മാ​യി നേരിട്ട്‌ ആശയവി​നി​യമം ചെയ്യു​ന്ന​തി​നോ അവനോ​ടു പ്രാർഥി​ക്കു​ന്ന​തി​നോ ഉള്ള ഒരു ക്രമീ​ക​രണം സഭയിലെ അംഗങ്ങൾക്കില്ല. എങ്കിലും അവർ തീർച്ച​യാ​യും—അതേ, അവശ്യം—യേശു​വി​ന്റെ പിതാ​വായ യഹോ​വ​യാം ദൈവ​ത്തോ​ടു പ്രാർഥി​ക്കേ​ണ്ട​തുണ്ട്‌.—എഫെസ്യർ 4:8-12.

നിങ്ങൾ യേശു​വി​നെ എങ്ങനെ ആദരി​ക്കു​ന്നു?

മനുഷ്യ​വർഗ​ത്തി​ന്റെ രക്ഷയോ​ടുള്ള ബന്ധത്തിൽ എന്തോരു മുഖ്യ​മായ പങ്കാണ്‌ യേശു കരസ്ഥമാ​ക്കി​യി​രി​ക്കു​ന്നത്‌! “മറെറാ​രു​ത്ത​നി​ലും രക്ഷ ഇല്ല; നാം രക്ഷിക്ക​പ്പെ​ടു​വാൻ ആകാശ​ത്തിൻ കീഴിൽ മനുഷ്യ​രു​ടെ ഇടയിൽ നല്‌ക​പ്പെട്ട വേറൊ​രു നാമവും ഇല്ല” എന്ന്‌ അപ്പോ​സ്‌ത​ല​നായ പത്രോസ്‌ എഴുതി. (പ്രവൃ​ത്തി​കൾ 4:12) നിങ്ങൾ യേശു​വി​ന്റെ നാമത്തി​ന്റെ പ്രാധാ​ന്യം സംബന്ധി​ച്ചു ബോധ്യ​മു​ള്ള​വ​നാ​ണോ?

യേശു​വി​നോ​ടു നേരിട്ടു പ്രാർഥി​ക്കാ​ത്ത​തു​കൊ​ണ്ടു നാം അവന്റെ സ്ഥാനത്തെ അവമതി​ക്കു​കയല്ല. മറിച്ച്‌, യേശു​വി​ന്റെ നാമത്തിൽ നാം പ്രാർഥി​ക്കു​മ്പോൾ അവൻ മഹത്ത്വീ​ക​രി​ക്ക​പ്പെ​ടു​ക​യാണ്‌. കുട്ടികൾ അനുസ​ര​ണ​യു​ള്ള​വ​രാ​യി​രു​ന്നു​കൊ​ണ്ടു മാതാ​പി​താ​ക്കളെ ആദരി​ക്കു​ന്ന​തു​പോ​ലെ യേശു​വി​ന്റെ കൽപ്പനകൾ, പ്രത്യേ​കി​ച്ചും പരസ്‌പരം സ്‌നേ​ഹി​ക്കു​ക​യെന്ന പുതിയ കല്‌പന, അനുസ​രി​ക്കു​ന്ന​തി​ലൂ​ടെ നാം അവനെ ആദരി​ക്കു​ക​യാ​ണു ചെയ്യു​ന്നത്‌.—യോഹ​ന്നാൻ 5:23; 13:34.

സ്വീകാ​ര്യ​മായ പ്രാർഥ​ന​കൾ

സ്വീകാ​ര്യ​യോ​ഗ്യ​മായ പ്രാർഥ​നകൾ അർപ്പി​ക്കാൻ നിങ്ങൾ ആഗ്രഹി​ക്കു​ന്നു​വോ? അങ്ങനെ​യെ​ങ്കിൽ, അത്‌ യേശു​വി​ന്റെ നാമത്തിൽ യഹോ​വ​യാം ദൈവ​ത്തിന്‌ അർപ്പി​ക്കുക. ദൈവ​ഹി​ത​ത്തെ​ക്കു​റിച്ച്‌ അറിയാൻ ശ്രമി​ക്കുക, അങ്ങനെ നിങ്ങളു​ടെ പ്രാർഥ​ന​ക​ളിൽ ആ അറിവു പ്രതി​ഫ​ലി​ക്കട്ടെ. (1 യോഹ​ന്നാൻ 3:21, 22; 5:14) സങ്കീർത്തനം 66:20-ലെ വാക്കു​ക​ളിൽനി​ന്നു ബലം പ്രാപി​ക്കുക: “എന്റെ പ്രാർത്ഥന തള്ളിക്ക​ള​യാ​തെ​യും തന്റെ ദയ എങ്കൽനി​ന്നു എടുത്തു​ക​ള​യാ​തെ​യും ഇരിക്കുന്ന ദൈവം വാഴ്‌ത്ത​പ്പെ​ടു​മാ​റാ​കട്ടെ.”

നാം ഇതി​നോ​ടകം കണ്ടുക​ഴി​ഞ്ഞ​പോ​ലെ, പ്രാർഥന എന്നത്‌ സർവശ​ക്ത​നായ ദൈവ​ത്തി​നു മാത്ര​മുള്ള സമ്പൂർണ ആരാധ​ന​യു​ടെ ഒരു വിധമാണ്‌. നമ്മുടെ പ്രാർഥ​നകൾ യഹോ​വ​യാം ദൈവത്തെ അഭിസം​ബോ​ധന ചെയ്യു​ന്ന​തി​ലൂ​ടെ, “സ്വർഗ്ഗ​സ്ഥ​നായ ഞങ്ങളുടെ പിതാവേ” എന്നു പ്രാർഥി​ക്കു​ന്ന​തി​നുള്ള യേശു​വി​ന്റെ നിർദേശം ഹൃദയ​ത്തിൽ ഉൾക്കൊ​ണ്ടു​വെന്നു നാം പ്രകട​മാ​ക്കു​ക​യാ​ണു ചെയ്യു​ന്നത്‌.—മത്തായി 6:9.

[അടിക്കു​റിപ്പ്‌]