ദിവ്യ പരമാ​ധി​കാ​ര​ത്തി​നു​വേ​ണ്ടി​യുള്ള ക്രിസ്‌തീയ സാക്ഷികൾ

“അന്ധകാ​ര​ത്തിൽനി​ന്നു തന്റെ അത്ഭുത പ്രകാ​ശ​ത്തി​ലേക്കു നിങ്ങളെ വിളി​ച്ച​വന്റെ സദ്‌ഗു​ണ​ങ്ങളെ നിങ്ങൾ ഘോഷി​ക്കണം.”—1 പത്രോസ്‌ 2:9, NW.

1. ക്രിസ്‌തീയ-പൂർവ കാലത്തു യഹോ​വ​യെ​ക്കു​റിച്ച്‌ ഏതു ഫലപ്ര​ദ​മായ സാക്ഷ്യം നൽക​പ്പെട്ടു?

ക്രിസ്‌തീയ-പൂർവ കാലത്ത്‌, യഹോ​വ​യാണ്‌ ഏകസത്യ​ദൈ​വ​മെന്നു ധൈര്യ​പൂർവം സാക്ഷീ​ക​രിച്ച സാക്ഷി​ക​ളു​ടെ ഒരു നീണ്ട നിരത​ന്നെ​യു​ണ്ടാ​യി​രു​ന്നു. (എബ്രായർ 11:4–12:1) വിശ്വാ​സ​ത്തിൽ ശക്തരാ​യി​രുന്ന അവർ യഹോ​വ​യു​ടെ നിയമങ്ങൾ നിർഭയം അനുസ​രി​ക്കു​ക​യും ആരാധ​ന​യു​ടെ കാര്യ​ത്തിൽ വിട്ടു​വീഴ്‌ച ചെയ്യാൻ വിസമ്മ​തി​ക്കു​ക​യും ചെയ്‌തു. യഹോ​വ​യു​ടെ പരമാ​ധി​കാ​ര​ത്തിന്‌ അവർ ഒരു ശക്തമായ സാക്ഷ്യം കൊടു​ത്തു.—സങ്കീർത്തനം 18:21-23; 47:1, 2.

2. (എ) യഹോ​വ​യു​ടെ ഏറ്റവും മഹാനായ സാക്ഷി ആരാണ്‌? (ബി) യഹോ​വ​യു​ടെ സാക്ഷി എന്നനി​ല​യിൽ ഇസ്രാ​യേൽ ജനതയു​ടെ സ്ഥാനത്തു വേറെ ആർ വന്നു? അതു നമുക്ക്‌ എങ്ങനെ അറിയാം?

² അവസാ​ന​ത്തെ​യും ഏറ്റവും മഹാനു​മായ ക്രിസ്‌തീയ-പൂർവ സാക്ഷി സ്‌നാപക യോഹ​ന്നാ​നാ​യി​രു​ന്നു. (മത്തായി 11:11) തിര​ഞ്ഞെ​ടു​ക്ക​പ്പെ​ട്ട​വന്റെ വരവു പ്രഖ്യാ​പി​ക്കാ​നുള്ള പദവി ലഭിച്ചത്‌ അവനാ​യി​രു​ന്നു. അവൻ യേശു​വി​നെ വാഗ്‌ദത്തം ചെയ്യപ്പെട്ട മിശി​ഹാ​യാ​യി പരിച​യ​പ്പെ​ടു​ത്തി. (യോഹ​ന്നാൻ 1:29-34) യഹോ​വ​യു​ടെ “വിശ്വ​സ്‌ത​നും സത്യവാ​നു​മായ” ഏറ്റവും മഹാനായ സാക്ഷി യേശു​വാണ്‌. (വെളി​പ്പാ​ടു 3:14) ജഡിക ഇസ്രാ​യേൽ യേശു​വി​നെ തള്ളിയ​തി​നാൽ, യഹോ​വ​യും അവരെ തള്ളി, എന്നിട്ട്‌ ഒരു പുതിയ ജനതയെ, ദൈവ​ത്തി​ന്റെ ആത്മീയ ഇസ്രാ​യേ​ലി​നെ, തന്റെ സാക്ഷി​യാ​യി നിയമി​ച്ചു. (യെശയ്യാ​വു 42:8-12; യോഹ​ന്നാൻ 1:11, 12; ഗലാത്യർ 6:16) ഇസ്രാ​യേ​ലി​നെ​ക്കു​റി​ച്ചുള്ള ഒരു പ്രവചനം ഉദ്ധരി​ച്ചിട്ട്‌ അതു ബാധക​മാ​കു​ന്നതു ക്രിസ്‌തീയ സഭയായ “ദൈവ​ത്തി​ന്റെ യിസ്രാ​യേലി”നാണെന്നു പത്രോസ്‌ പ്രകട​മാ​ക്കി. അവൻ പറഞ്ഞു: “നിങ്ങളോ അന്ധകാ​ര​ത്തിൽനി​ന്നു തന്റെ അത്ഭുത​പ്ര​കാ​ശ​ത്തി​ലേക്കു നിങ്ങളെ വിളി​ച്ച​വന്റെ സദ്‌ഗു​ണ​ങ്ങളെ ‘ഘോഷി​ക്കേ​ണ്ട​തി​നു തിര​ഞ്ഞെ​ടു​ക്ക​പ്പെട്ട ഒരു ജാതി​യും രാജകീയ പുരോ​ഹിത വർഗവും വിശുദ്ധ ജനതയും ഒരു പ്രത്യേക സമ്പത്തായ ജനവു​മാ​കു​ന്നു.’”—1 പത്രോസ്‌ 2:9, NW; പുറപ്പാ​ടു 19:5, 6; യെശയ്യാ​വു 43:21; 60:2.

3. ദൈവ​ത്തി​ന്റെ ഇസ്രാ​യേ​ലി​ന്റെ​യും “മഹാപു​രു​ഷാര”ത്തിന്റെ​യും പ്രാഥ​മിക ഉത്തരവാ​ദി​ത്വം എന്താണ്‌?

³ യഹോ​വ​യു​ടെ മഹത്ത്വ​ത്തെ​ക്കു​റി​ച്ചു പരസ്യ​മായ സാക്ഷ്യം കൊടു​ക്കു​ക​യെ​ന്ന​താ​ണു ദൈവ​ത്തി​ന്റെ ഇസ്രാ​യേ​ലി​ന്റെ പ്രാഥ​മിക ഉത്തരവാ​ദി​ത്വ​മെന്നു പത്രോ​സി​ന്റെ വാക്കുകൾ പ്രകട​മാ​ക്കു​ന്നു. നമ്മുടെ നാളിൽ, ഈ ആത്മീയ ജനത​യോ​ടൊ​പ്പം സാക്ഷി​ക​ളു​ടെ ഒരു “മഹാപു​രു​ഷാര”വും ചേർന്നി​രി​ക്കു​ന്നു. അവരും ദൈവത്തെ പരസ്യ​മാ​യി മഹത്ത്വ​പ്പെ​ടു​ത്തു​ന്നവർ തന്നെ. അവർ എല്ലാവ​രും കേൾക്കെ ഇങ്ങനെ ഉച്ചത്തിൽ വിളി​ച്ചു​പ​റ​യു​ന്നു: “രക്ഷ എന്നുള്ളതു സിംഹാ​സ​ന​ത്തിൽ ഇരിക്കു​ന്ന​വ​നായ നമ്മുടെ ദൈവ​ത്തി​ന്റെ​യും കുഞ്ഞാ​ടി​ന്റെ​യും ദാനം.” (വെളി​പ്പാ​ടു 7:9, 10; യെശയ്യാ​വു 60:8-10) ദൈവ​ത്തി​ന്റെ ഇസ്രാ​യേ​ലി​നും അതിന്റെ സഹകാ​രി​കൾക്കും തങ്ങളുടെ സാക്ഷീ​ക​രണം നിർവ​ഹി​ക്കാൻ സാധി​ക്കു​ന്ന​തെ​ങ്ങനെ? അവരുടെ വിശ്വാ​സ​ത്താ​ലും അനുസ​ര​ണ​ത്താ​ലും.

വ്യാജ സാക്ഷികൾ

4. യേശു​വി​ന്റെ നാളിലെ യഹൂദ​ന്മാർ വ്യാജ സാക്ഷികൾ ആയിരു​ന്ന​തെ​ന്തു​കൊണ്ട്‌?

⁴ വിശ്വാ​സ​വും അനുസ​ര​ണ​വും എന്നതിൽ ദൈവിക തത്ത്വങ്ങൾക്കു ചേർച്ച​യിൽ ജീവി​ക്കു​ന്നത്‌ ഉൾപ്പെ​ടു​ന്നു. തന്റെ നാളിലെ യഹൂദ മതനേ​താ​ക്ക​ന്മാ​രെ​ക്കു​റി​ച്ചു യേശു പറഞ്ഞതിൽനിന്ന്‌ ഇതിന്റെ പ്രാധാ​ന്യം കാണാ​വു​ന്ന​താണ്‌. ന്യായ​പ്ര​മാ​ണ​ത്തി​ന്റെ ഉപദേ​ഷ്ടാ​ക്ക​ന്മാർ എന്നനി​ല​യിൽ ഇവർ ‘മോ​ശെ​യു​ടെ പീഠത്തിൽ ഇരുന്നു.’ അവിശ്വാ​സി​കളെ മതപരി​വർത്തനം ചെയ്യാൻ അവർ മിഷന​റി​മാ​രെ അയയ്‌ക്കു​ക​പോ​ലും ചെയ്‌തു. എന്നിട്ടും യേശു അവരോ​ടു പറഞ്ഞു: “ഒരുവനെ നിങ്ങളു​ടെ മതത്തിൽ ചേർക്കാൻ നിങ്ങൾ കടലും കരയും ചുറ്റി​സ​ഞ്ച​രി​ക്കു​ന്നു, അവൻ അങ്ങനെ ആയിത്തീ​രു​മ്പോൾ നിങ്ങൾ അവനെ നിങ്ങ​ളെ​ക്കാൾ ഇരട്ടി ഗീഹെ​ന്ന​യ്‌ക്ക്‌ ഇരയാ​ക്കു​ന്നു.” ഈ മതസ്ഥർ ഗർവി​ഷ്‌ഠ​രും കപടഭ​ക്ത​രും സ്‌നേ​ഹ​മി​ല്ലാ​ത്ത​വ​രു​മായ വ്യാജ സാക്ഷി​ക​ളാ​യി​രു​ന്നു. (മത്തായി 23:1-12, 15, NW) ഒരവസ​ര​ത്തിൽ, യേശു ചില യഹൂദ​ന്മാ​രോ​ടു പറഞ്ഞു: “നിങ്ങൾ പിശാ​ചെന്ന പിതാ​വി​ന്റെ മക്കൾ; നിങ്ങളു​ടെ പിതാ​വി​ന്റെ മോഹ​ങ്ങളെ ചെയ്‌വാ​നും ഇച്ഛിക്കു​ന്നു.” അവൻ അത്തര​മൊ​രു സംഗതി ദൈവ​ത്തി​ന്റെ തിര​ഞ്ഞെ​ടു​ക്ക​പ്പെട്ട ജനതയി​ലെ അംഗങ്ങ​ളോ​ടു പറയേ​ണ്ടി​വ​ന്ന​തെ​ന്തു​കൊണ്ട്‌? എന്തു​കൊ​ണ്ടെ​ന്നാൽ യഹോ​വ​യു​ടെ ഏറ്റവും മഹാനായ സാക്ഷി​യു​ടെ വാക്കുകൾ അവർ ശ്രദ്ധി​ക്കു​ക​യി​ല്ലാ​യി​രു​ന്നു.—യോഹ​ന്നാൻ 8:41, 44, 47.

5. ക്രൈ​സ്‌ത​വ​ലോ​കം ദൈവ​ത്തെ​ക്കു​റി​ച്ചു കൊടു​ത്തി​രി​ക്കു​ന്നതു വ്യാജ സാക്ഷ്യ​മാ​ണെന്നു നമു​ക്കെ​ങ്ങനെ അറിയാം?

⁵ സമാന​മായ വിധത്തിൽ, യേശു​വി​ന്റെ നാളു​കൾമു​ത​ലുള്ള നൂറ്റാ​ണ്ടു​ക​ളിൽ ക്രൈ​സ്‌ത​വ​ലോ​ക​ത്തി​ലുള്ള കോടാ​നു​കോ​ടി​യാ​ളു​കൾ അവന്റെ ശിഷ്യ​ന്മാ​രാ​ണെന്ന്‌ അവകാ​ശ​പ്പെ​ട്ടി​രി​ക്കു​ന്നു. എന്നിരു​ന്നാ​ലും, അവർ ദൈ​വേഷ്ടം ചെയ്‌തി​ട്ടില്ല, അതു​കൊ​ണ്ടു​തന്നെ അവർക്കു യേശു​വി​ന്റെ അംഗീ​കാ​ര​വു​മില്ല. (മത്തായി 7:21-23; 1 കൊരി​ന്ത്യർ 13:1-3) ക്രൈ​സ്‌ത​വ​ലോ​കം മിഷന​റി​മാ​രെ അയച്ചി​ട്ടുണ്ട്‌. നിസ്സം​ശ​യ​മാ​യും അവരിൽ അനേക​രും ആത്മാർഥ​ത​യു​ള്ള​വ​രാ​യി​രു​ന്നു. എങ്കിലും, പാപി​കളെ അഗ്നിന​ര​ക​ത്തിൽ ദണ്ഡിപ്പി​ക്കുന്ന ഒരു ത്രിത്വ​ദൈ​വത്തെ ആരാധി​ക്കാ​നാണ്‌ അവർ ആളുകളെ പഠിപ്പി​ച്ചത്‌. അവർ മതത്തിൽ ചേർത്ത മിക്കയാ​ളു​ക​ളും ക്രിസ്‌ത്യാ​നി​ക​ളാ​ണെ​ന്ന​തി​നുള്ള തെളിവു നൽകു​ന്നില്ല. ഉദാഹ​ര​ണ​ത്തിന്‌, ആഫ്രിക്കൻ രാജ്യ​മായ റുവാണ്ട, റോമൻ കത്തോ​ലി​ക്കാ മിഷന​റി​മാർക്ക്‌ വളക്കൂ​റുള്ള ഒരു വയലാ​യി​രു​ന്നു. എന്നിട്ടും, ആ രാജ്യത്ത്‌ ഈയിടെ നടന്ന വംശീയ യുദ്ധത്തിൽ റുവാണ്ടൻ കത്തോ​ലി​ക്കർ സർവാ​ത്മനാ പങ്കെടു​ത്തു. ആ മിഷനറി വയലിലെ ഫലങ്ങൾ പ്രകട​മാ​ക്കു​ന്നത്‌ ക്രൈ​സ്‌ത​വ​ലോ​ക​ത്തിൽനിന്ന്‌ ഒരു യഥാർഥ ക്രിസ്‌തീയ സാക്ഷ്യം അതിനു ലഭിച്ചി​ല്ലെ​ന്നാണ്‌.—മത്തായി 7:15-20.

ദൈവിക തത്ത്വങ്ങൾക്കു​ചേർച്ച​യിൽ ജീവിക്കൽ

6. ശരിയായ നടത്ത സാക്ഷ്യം കൊടു​ക്കു​ന്ന​തി​ന്റെ ഒരു മർമ​പ്ര​ധാന ഭാഗമാ​യി​രി​ക്കു​ന്നത്‌ ഏതെല്ലാം വിധങ്ങ​ളി​ലാണ്‌?

⁶ ക്രിസ്‌ത്യാ​നി​കൾ എന്ന്‌ അവകാ​ശ​പ്പെ​ടു​ന്ന​വ​രു​ടെ തെറ്റായ നടത്ത “സത്യമാർഗ്ഗ”ത്തിന്മേൽ നിന്ദ കൈവ​രു​ത്തു​ന്നു. (2 പത്രൊസ്‌ 2:2) ഒരു യഥാർഥ ക്രിസ്‌ത്യാ​നി ദൈവിക തത്ത്വങ്ങൾക്കു ചേർച്ച​യിൽ ജീവി​ക്കു​ന്നു. അയാൾ മോഷ്ടി​ക്കു​ക​യോ വ്യാജം പറയു​ക​യോ ചതിക്കു​ക​യോ അധാർമി​ക​ത​യിൽ ഏർപ്പെ​ടു​ക​യോ ചെയ്യു​ന്നില്ല. (റോമർ 2:22) അയാൾ തന്റെ അയൽക്കാ​രനെ തീർച്ച​യാ​യും കൊല്ലു​ന്നില്ല. ക്രിസ്‌തീയ ഭർത്താ​ക്ക​ന്മാർ തങ്ങളുടെ കുടും​ബ​ങ്ങ​ളു​ടെ കാര്യ​ത്തിൽ സ്‌നേ​ഹ​പു​ര​സ്സ​ര​മായ മേൽനോ​ട്ടം വഹിക്കു​ന്നു. ഭാര്യ​മാർ ആ മേൽനോ​ട്ടത്തെ ആദര​വോ​ടെ പിന്തു​ണ​യ്‌ക്കു​ന്നു. മാതാ​പി​താ​ക്കൾ കുട്ടി​കൾക്കു പരിശീ​ലനം നൽകുന്നു, അങ്ങനെ അവരെ ഉത്തരവാ​ദി​ത്വ​മുള്ള മുതിർന്ന ക്രിസ്‌ത്യാ​നി​ക​ളാ​കു​ന്ന​തി​നു സജ്ജരാ​ക്കു​ന്നു. (എഫെസ്യർ 5:21–6:4) നാമെ​ല്ലാ​വ​രും അപൂർണ​രും തെറ്റുകൾ വരുത്തു​ന്ന​വ​രു​മാ​ണെ​ന്നതു ശരിതന്നെ. എന്നാൽ ഒരു യഥാർഥ ക്രിസ്‌ത്യാ​നി ബൈബിൾ നിലവാ​ര​ങ്ങളെ ആദരി​ക്കു​ക​യും അവ ബാധക​മാ​ക്കാൻ ആത്മാർഥ​മാ​യി ശ്രമി​ക്കു​ക​യും ചെയ്യുന്നു. മറ്റുള്ള​വ​രു​ടെ ശ്രദ്ധയിൽപ്പെ​ടു​ന്ന​തു​കൊണ്ട്‌ ഇത്‌ ഒരു നല്ല സാക്ഷ്യ​മാ​യി ഉതകുന്നു. സത്യത്തെ എതിർത്തി​രു​ന്നവർ ഏതെങ്കി​ലും ക്രിസ്‌ത്യാനി​യു​ടെ ശരിയായ നടത്ത കണ്ട്‌ ചില​പ്പോൾ അനുകൂല മനോ​ഭാ​വം കൈ​ക്കൊ​ണ്ടി​ട്ടുണ്ട്‌.—1 പത്രൊസ്‌ 2:12, 15; 3:1.

7. ക്രിസ്‌ത്യാ​നി​കൾ പരസ്‌പരം സ്‌നേ​ഹി​ക്കു​ന്നത്‌ എത്ര പ്രധാ​ന​മാണ്‌?

⁷ “നിങ്ങൾക്കു തമ്മിൽ തമ്മിൽ സ്‌നേഹം ഉണ്ടെങ്കിൽ നിങ്ങൾ എന്റെ ശിഷ്യ​ന്മാർ എന്ന്‌ എല്ലാവ​രും അറിയും” എന്നു പറഞ്ഞു​കൊണ്ട്‌ ക്രിസ്‌തീയ നടത്തയു​ടെ ഒരു മർമ​പ്ര​ധാന വശം യേശു പ്രകട​മാ​ക്കി. (യോഹ​ന്നാൻ 13:35) “അനീതി​യും ദുഷ്ടത​യും അത്യാ​ഗ്ര​ഹ​വും ദുർബ്ബു​ദ്ധി​യും നിറഞ്ഞവർ; അസൂയ, കുല, പിണക്കം, കപടം, ദുശ്ശീലം എന്നിവ തിങ്ങി​യവർ, കുരള​ക്കാർ, ഏഷണി​ക്കാർ, ദൈവ​ദ്വേ​ഷി​കൾ, നിഷ്‌ഠൂ​ര​ന്മാർ, ഗർവ്വി​ഷ്‌ഠ​ന്മാർ, ആത്മപ്ര​ശം​സ​ക്കാർ, പുതു​ദോ​ഷം സങ്കല്‌പി​ക്കു​ന്നവർ, മാതാ​പി​താ​ക്ക​ന്മാ​രെ അനുസ​രി​ക്കാ​ത്തവർ” എന്നിവ സാത്താന്റെ ലോക​ത്തി​ന്റെ പ്രത്യേ​ക​ത​ക​ളാണ്‌. (റോമർ 1:29, 30) അത്തര​മൊ​രു പരിസ്ഥി​തി​യിൽ, സ്‌നേഹം മുഖമു​ദ്ര​യാ​യുള്ള ഒരു ലോക​വ്യാ​പക സംഘടന ദൈവ​ത്തി​ന്റെ ആത്മാവു പ്രവർത്തി​ക്കു​ന്നു​വെ​ന്ന​തി​നുള്ള ശക്തമായ തെളിവ്‌—ഒരു ഫലപ്ര​ദ​മായ സാക്ഷ്യം—ആയിരി​ക്കും. അത്തര​മൊ​രു സംഘട​ന​യാ​ണു യഹോ​വ​യു​ടെ സാക്ഷി​ക​ളു​ടേത്‌.—1 പത്രൊസ്‌ 2:17.

സാക്ഷികൾ ബൈബി​ളി​ന്റെ പഠിതാ​ക്ക​ളാണ്‌

8, 9. (എ) ദൈവ​ത്തി​ന്റെ ന്യായ​പ്ര​മാ​ണം പഠിച്ച​തി​ലൂ​ടെ​യും അതി​നെ​ക്കു​റി​ച്ചു ധ്യാനി​ച്ച​തി​ലൂ​ടെ​യും സങ്കീർത്ത​ന​ക്കാ​രന്‌ എങ്ങനെ​യാ​ണു ശക്തില​ഭി​ച്ചത്‌? (ബി) സാക്ഷ്യം കൊടു​ത്തു​കൊ​ണ്ടേ​യി​രി​ക്കാൻ ബൈബിൾ പഠനവും ധ്യാന​വും നമ്മെ ഏതെല്ലാം വിധങ്ങ​ളിൽ ശക്തരാ​ക്കും?

⁸ ഒരു നല്ല സാക്ഷ്യം കൊടു​ക്കു​ന്ന​തിൽ വിജയിക്കാൻ ഒരു ക്രിസ്‌ത്യാ​നി യഹോ​വ​യു​ടെ നീതി​നി​ഷ്‌ഠ​മായ തത്ത്വങ്ങൾ അറിയു​ക​യും അവയെ സ്‌നേ​ഹി​ക്കു​ക​യും ലോക​ത്തി​ന്റെ ദുഷി​പ്പി​നെ സത്യമാ​യും വെറു​ക്കു​ക​യും വേണം. (സങ്കീർത്തനം 97:10) ലോകം അതിന്റെ സ്വന്തം ചിന്താ​ഗതി ഉന്നമി​പ്പി​ക്കു​ന്ന​തി​നു തുടർച്ച​യാ​യി പ്രേരി​പ്പി​ക്കു​ന്നു. അതിന്റെ ആത്മാവി​നെ ചെറു​ത്തു​നിൽക്കുക ബുദ്ധി​മു​ട്ടു​ള്ള​താ​യി​രു​ന്നേ​ക്കാം. (എഫെസ്യർ 2:1-3; 1 യോഹ​ന്നാൻ 2:15, 16) ശരിയായ മാനസിക ഭാവം നിലനിർത്താൻ നമ്മെ എന്തിനു സഹായി​ക്കാൻ കഴിയും? ബൈബി​ളി​ന്റെ ക്രമമായ, അർഥവ​ത്തായ പഠനത്തി​നു കഴിയും. സങ്കീർത്തനം 119-ന്റെ എഴുത്തു​കാ​രൻ യഹോ​വ​യു​ടെ ന്യായ​പ്ര​മാ​ണ​ത്തോ​ടുള്ള തന്റെ പ്രിയം പലവട്ടം ആവർത്തി​ച്ചു. അത്‌ അവൻ വായി​ക്കു​ക​യും അതുസം​ബ​ന്ധി​ച്ചു നിരന്തരം “ദിവസം​മു​ഴു​വ​നും” ധ്യാനി​ക്കു​ക​യും ചെയ്‌തു. (സങ്കീർത്തനം 119:92, 93, 97-105, പി.ഒ.സി. ബൈബിൾ) അതിന്റെ ഫലമായി അവന്‌ ഇപ്രകാ​രം എഴുതാൻ സാധിച്ചു: “അസത്യത്തെ ഞാൻ വെറു​ക്കു​ന്നു, അതി​നോട്‌ എനിക്ക്‌ അറപ്പാണ്‌; എന്നാൽ അങ്ങയുടെ നിയമത്തെ ഞാൻ സ്‌നേ​ഹി​ക്കു​ന്നു.” മാത്രമല്ല, അഗാധ സ്‌നേഹം അവനു പ്രവർത്ത​ന​ത്തി​നു പ്രേര​ണ​യാ​യി. അവൻ പറയുന്നു: “അങ്ങയുടെ നീതി​യു​ക്ത​മായ കല്‌പ​ന​ക​ളെ​പ്രതി ദിവസം ഏഴു​പ്രാ​വ​ശ്യം ഞാൻ അങ്ങയെ സ്‌തു​തി​ക്കു​ന്നു.”—സങ്കീർത്തനം 119:163, 164, പി.ഒ.സി. ബൈ.

⁹ സമാന​മായ ഒരു വിധത്തിൽ, നാം ദൈവ​വ​ചനം നിരന്തരം പഠിക്കു​ന്ന​തും അതേക്കു​റി​ച്ചു ധ്യാനി​ക്കു​ന്ന​തും നമ്മുടെ ഹൃദയത്തെ സ്‌പർശി​ക്കു​ക​യും കൂടെ​ക്കൂ​ടെ, “ദിവസം ഏഴു​പ്രാ​വ​ശ്യം”പോലും ‘അവനെ സ്‌തുതി’ക്കാൻ—യഹോ​വ​യെ​ക്കു​റി​ച്ചു സാക്ഷ്യം പറയാൻ—നമ്മെ പ്രേരി​പ്പി​ക്കു​ക​യും ചെയ്യും. (റോമർ 10:10) ഇതി​നോ​ടുള്ള യോജി​പ്പിൽ, ഒന്നാമത്തെ സങ്കീർത്ത​ന​ത്തി​ന്റെ എഴുത്തു​കാ​രൻ ഇങ്ങനെ പറയുന്നു: യഹോ​വ​യു​ടെ വചന​ത്തെ​ക്കു​റി​ച്ചു നിരന്തരം ധ്യാനി​ക്കു​ന്നവൻ “ആറ്റരി​കത്തു നട്ടിരി​ക്കു​ന്ന​തും തക്ക കാലത്തു ഫലം കായ്‌ക്കു​ന്ന​തും ഇല വാടാ​ത്ത​തു​മായ വൃക്ഷം​പോ​ലെ ഇരിക്കും; അവൻ ചെയ്യു​ന്ന​തൊ​ക്കെ​യും സാധി​ക്കും.” (സങ്കീർത്തനം 1:3) അപ്പോ​സ്‌ത​ല​നായ പൗലോ​സും പിൻവ​രു​ന്ന​പ്ര​കാ​രം എഴുതി​യ​പ്പോൾ ദൈവ​വ​ച​ന​ത്തി​ന്റെ ശക്തി പ്രകട​മാ​ക്കി: “എല്ലാതി​രു​വെ​ഴു​ത്തും ദൈവ​ശ്വാ​സീ​യ​മാ​ക​യാൽ ദൈവ​ത്തി​ന്റെ മനുഷ്യൻ സകല സൽപ്ര​വൃ​ത്തി​ക്കും വക പ്രാപി​ച്ചു തികഞ്ഞവൻ ആകേണ്ട​തി​ന്നു ഉപദേ​ശ​ത്തി​ന്നും ശാസന​ത്തി​നും ഗുണീ​ക​ര​ണ​ത്തി​ന്നും നീതി​യി​ലെ അഭ്യാ​സ​ത്തി​ന്നും പ്രയോ​ജ​ന​മു​ള്ളതു ആകുന്നു.”—2 തിമൊ​ഥെ​യൊസ്‌ 3:16, 17.

10. ഈ അവസാന നാളു​ക​ളിൽ യഹോ​വ​യു​ടെ ജനത്തെ​ക്കു​റിച്ച്‌ എന്തു വ്യക്തമാണ്‌?

¹⁰ ഇരുപ​താം നൂറ്റാ​ണ്ടിൽ സത്യാ​രാ​ധ​ക​രു​ടെ എണ്ണത്തിലെ ദ്രുത​ഗ​തി​യി​ലുള്ള വർധനവു യഹോ​വ​യു​ടെ അനു​ഗ്ര​ഹ​ത്തി​ന്റെ സൂചന​യാണ്‌. ദിവ്യ പരമാ​ധി​കാ​ര​ത്തി​നു​വേണ്ടി നില​കൊ​ള്ളുന്ന ഈ ആധുനി​ക​കാല സാക്ഷികൾ ഒരു കൂട്ടമെന്ന നിലയിൽ തങ്ങളുടെ ഹൃദയ​ങ്ങ​ളിൽ യഹോ​വ​യു​ടെ നിയമ​ത്തോ​ടു പ്രിയം നട്ടുവ​ളർത്തി​യി​രി​ക്കു​ന്നു​വെ​ന്ന​തി​നു യാതൊ​രു സംശയ​വു​മില്ല. സങ്കീർത്ത​ന​ക്കാ​ര​നെ​പ്പോ​ലെ, അവന്റെ നിയമങ്ങൾ അനുസ​രി​ക്കാ​നും യഹോ​വ​യു​ടെ മാഹാ​ത്മ്യ​ത്തെ​ക്കു​റി​ച്ചു “രാപ്പകൽ” വിശ്വ​സ്‌ത​ത​യോ​ടെ സാക്ഷീ​ക​രി​ക്കാ​നും അവർ പ്രചോ​ദി​ത​രാ​വു​ക​യാണ്‌.—വെളി​പ്പാ​ടു 7:15.

യഹോ​വ​യു​ടെ വീര്യ​പ്ര​വൃ​ത്തി​കൾ

11, 12. യേശു​വും അവന്റെ അനുഗാ​മി​ക​ളും പ്രവർത്തിച്ച അത്ഭുത​ങ്ങ​ളി​ലൂ​ടെ എന്തു​നേടി?

¹¹ ഒന്നാം നൂറ്റാ​ണ്ടിൽ, പരിശു​ദ്ധാ​ത്മാവ്‌ വിശ്വസ്‌ത ക്രിസ്‌തീയ സാക്ഷി​കൾക്ക്‌ അത്ഭുതങ്ങൾ പ്രവർത്തി​ക്കാ​നുള്ള ശക്തിനൽകി. അവരുടെ സാക്ഷ്യം സത്യമാ​യി​രു​ന്നു​വെ​ന്ന​തി​നുള്ള ശക്തമായ തെളി​വാ​യി​രു​ന്നു അത്‌. യോഹ​ന്നാൻ സ്‌നാ​പകൻ തടവി​ലാ​യി​രു​ന്ന​പ്പോൾ, അവൻ ശിഷ്യ​ന്മാ​രെ യേശു​വി​ന്റെ അടുക്കൽ അയച്ചു ചോദി​ച്ചു: “വരുവാ​നു​ള്ളവൻ നീയോ, ഞങ്ങൾ മറ്റൊ​രു​വനെ കാത്തി​രി​ക്ക​യോ.” യേശു അതിന്‌ അതേ എന്നോ അല്ല എന്നോ ഉത്തരം പറഞ്ഞില്ല. അതിനു​പ​കരം അവൻ പറഞ്ഞു: “കുരുടർ കാണുന്നു; മുടന്തർ നടക്കുന്നു; കുഷ്‌ഠ​രോ​ഗി​കൾ ശുദ്ധരാ​യി​ത്തീ​രു​ന്നു; ചെകിടർ കേൾക്കു​ന്നു; മരിച്ചവർ ഉയിർക്കു​ന്നു; ദരി​ദ്ര​രോ​ടു സുവി​ശേഷം അറിയി​ക്കു​ന്നു എന്നിങ്ങനെ നിങ്ങൾ കേൾക്ക​യും കാണു​ക​യും ചെയ്യു​ന്നതു യോഹ​ന്നാ​നെ ചെന്നു അറിയി​പ്പിൻ. എന്നാൽ എങ്കൽ ഇടറി​പ്പോ​കാ​ത്തവൻ എല്ലാം ഭാഗ്യ​വാൻ.” (മത്തായി 11:3-6) ഈ വീര്യ​പ്ര​വൃ​ത്തി​കൾ “വരുവാ​നി​രു​ന്നവൻ” തീർച്ച​യാ​യും യേശു​തന്നേ എന്നതിനു യോഹ​ന്നാ​നുള്ള ഒരു സാക്ഷ്യ​മാ​യി ഉതകി.—പ്രവൃ​ത്തി​കൾ 2:22.

¹² സമാന​മായ ഒരു വിധത്തിൽ, യേശു​വി​ന്റെ അനുഗാ​മി​ക​ളിൽ ചിലർ രോഗി​കളെ സുഖ​പ്പെ​ടു​ത്തു​ക​യും മരിച്ച​വരെ ഉയിർപ്പി​ക്കു​ക​യും​പോ​ലും ചെയ്‌തു. (പ്രവൃ​ത്തി​കൾ 5:15, 16; 20:9-12) അവർക്കു​വേണ്ടി ദൈവ​ത്തിൽനി​ന്നുള്ള ഒരു സാക്ഷ്യം​പോ​ലെ​യാ​യി​രു​ന്നു ഈ അത്ഭുതങ്ങൾ. (എബ്രായർ 2:4) അത്തരം പ്രവൃ​ത്തി​കൾ യഹോ​വ​യു​ടെ സർവശ​ക്തി​യെ പ്രകട​മാ​ക്കി. ഉദാഹ​ര​ണ​ത്തിന്‌, “ലോക​ത്തി​ന്റെ ഭരണാ​ധിപ”നായ സാത്താനു മരണം കൈവ​രു​ത്താ​നുള്ള ഉപാധി​ക​ളു​ണ്ടെ​ന്നതു സത്യം​തന്നെ. (യോഹ​ന്നാൻ 14:30; എബ്രായർ 2:14) ഡോർക്കാസ്‌ എന്നൊരു വിശ്വസ്‌ത സ്‌ത്രീ​യെ പത്രോസ്‌ മരിച്ച​വ​രിൽനിന്ന്‌ ഉയിർപ്പി​ച്ച​പ്പോൾ, അവന്‌ അതു യഹോ​വ​യു​ടെ ശക്തിയാൽമാ​ത്രമേ ചെയ്യു​വാൻ സാധി​ക്കു​മാ​യി​രു​ന്നു​ള്ളൂ, കാരണം യഹോ​വ​ക്കു​മാ​ത്രമേ ജീവൻ വീണ്ടും കൊടുക്കാൻ കഴിയു​ക​യു​ള്ളൂ.—സങ്കീർത്തനം 16:10; 36:9; പ്രവൃ​ത്തി​കൾ 2:25-27; 9:36-43.

13. (എ) ബൈബി​ളി​ലെ അത്ഭുതങ്ങൾ യഹോ​വ​യു​ടെ ശക്തി സംബന്ധിച്ച്‌ ഇപ്പോ​ഴും ഏതെല്ലാം വിധങ്ങ​ളിൽ സാക്ഷ്യ​പ്പെ​ടു​ത്തു​ന്നു? (ബി) യഹോ​വ​യു​ടെ ദൈവ​ത്വം തെളി​യി​ക്കു​ന്ന​തി​നു പ്രവചന നിവൃത്തി ഒരു നിർണാ​യക പങ്കുവ​ഹി​ക്കു​ന്ന​തെ​ങ്ങനെ?

¹³ ഇന്ന്‌, ആ അത്ഭുത​പ്ര​വൃ​ത്തി​കൾ മേലാൽ സംഭവി​ക്കു​ന്നില്ല. അവയുടെ ഉദ്ദേശ്യം നിവർത്തി​ച്ചി​രി​ക്കു​ന്നു. (1 കൊരി​ന്ത്യർ 13:8) എന്നിരു​ന്നാ​ലും, നിരീ​ക്ഷകർ സാക്ഷ്യ​പ്പെ​ടു​ത്തി​യി​ട്ടുള്ള, അവയെ​ക്കു​റി​ച്ചുള്ള വിവരണം ഇപ്പോ​ഴും ബൈബി​ളി​ലുണ്ട്‌. ക്രിസ്‌ത്യാ​നി​കൾ ഇന്ന്‌ ഈ ചരിത്ര വിവര​ണ​ങ്ങ​ളി​ലേക്കു ശ്രദ്ധ ചെലു​ത്തു​മ്പോൾ, ആ പ്രവൃ​ത്തി​കൾ ഇപ്പോ​ഴും യഹോ​വ​യു​ടെ ശക്തി സംബന്ധിച്ച്‌ ഒരു ഫലപ്ര​ദ​മായ സാക്ഷ്യം തരിക​യാണ്‌. (1 കൊരി​ന്ത്യർ 15:3-6) മാത്രമല്ല, പണ്ട്‌ യെശയ്യാ​വി​ന്റെ നാളിൽ, താൻ സത്യ​ദൈ​വ​മാ​ണെ​ന്ന​തി​നുള്ള ഒരു മികച്ച തെളി​വാ​യി യഹോവ ചൂണ്ടി​ക്കാ​ട്ടി​യതു കൃത്യ​ത​യുള്ള പ്രവച​ന​ത്തി​ലേ​ക്കാ​യി​രു​ന്നു. (യെശയ്യാ​വു 46:8-11) ദിവ്യ നിശ്വ​സ്‌ത​മായ അനേകം പ്രവച​നങ്ങൾ ഇന്നു നിവൃ​ത്തി​യേ​റി​ക്കൊ​ണ്ടി​രി​ക്കു​ക​യാണ്‌—അവയിൽ പലതും ക്രിസ്‌തീയ സഭയെ സംബന്ധി​ച്ചു​ള്ള​താണ്‌. (യെശയ്യാ​വു 60:8-10; ദാനീ​യേൽ 12:6-12; മലാഖി 3:17, 18; മത്തായി 24:9; വെളി​പ്പാ​ടു 11:1-13) ഈ പ്രവച​ന​ങ്ങ​ളു​ടെ നിവൃത്തി നാം “അവസാന നാളു​കളി”ലാണു ജീവി​ക്കു​ന്നത്‌ എന്ന്‌ അതിസൂ​ക്ഷ്‌മ​ത​യോ​ടെ സൂചി​പ്പി​ക്കു​ക​മാ​ത്രമല്ല, യഹോ​വയെ ഏകസത്യ​ദൈ​വ​മാ​യി സംസ്ഥാ​പി​ക്കു​ക​യും ചെയ്യുന്നു.—2 തിമോ​ത്തി 3:1, NW.

14. യഹോ​വ​യാ​ണു പരമാ​ധി​കാ​രി​യാം കർത്താവ്‌ എന്നതിനു യഹോ​വ​യു​ടെ സാക്ഷി​ക​ളു​ടെ ആധുനി​ക​കാല ചരിത്രം ശക്തമാ​യൊ​രു സാക്ഷ്യ​മാ​യി​രി​ക്കു​ന്നത്‌ ഏതെല്ലാം വിധങ്ങ​ളി​ലാണ്‌?

¹⁴ അവസാ​ന​മാ​യി, തന്റെ ജനത്തി​നു​വേണ്ടി യഹോവ ഇപ്പോ​ഴും വൻകാ​ര്യ​ങ്ങൾ, അത്ഭുത​ക​ര​മായ കാര്യങ്ങൾ, ചെയ്യു​ന്നുണ്ട്‌. ബൈബിൾ സത്യത്തി​ന്മേൽ വർധിച്ച അളവിൽ ലഭിക്കുന്ന പ്രകാശം യഹോ​വ​യു​ടെ ആത്മാവി​നാ​ലുള്ള നടത്തി​പ്പി​നാ​ലാണ്‌. (സങ്കീർത്തനം 86:10; വെളി​പ്പാ​ടു 4:5, 6) യഹോവ ‘തക്ക സമയത്തു അതിനെ ശീഘ്ര​മാ​യി നിവർത്തി​ക്കു​ക​യാണ്‌’ എന്നതി​നുള്ള തെളി​വാ​ണു ലോക​ത്തി​ന്റെ എല്ലാ ഭാഗത്തു​നി​ന്നും റിപ്പോർട്ടു​ചെ​യ്യ​പ്പെ​ടുന്ന മികച്ച വർധന​വു​കൾ. (യെശയ്യാ​വു 60:22) ഈ അവസാന നാളു​ക​ളി​ലു​ട​നീ​ളം ഓരോ​രോ രാജ്യ​ങ്ങ​ളിൽ കടുത്ത പീഡനം പൊട്ടി​പ്പു​റ​പ്പെ​ട്ട​പ്പോൾ, യഹോ​വ​യു​ടെ ജനത്തിനു സധൈ​ര്യം സഹിച്ചു​നിൽക്കാ​നാ​യത്‌ പരിശു​ദ്ധാ​ത്മാ​വു ശക്തിനൽകി പിന്തു​ണ​ച്ച​തു​കൊ​ണ്ടാ​യി​രു​ന്നു. (സങ്കീർത്തനം 18:1, 2, 17, 18; 2 കൊരി​ന്ത്യർ 1:8-10) അതേ, യഹോ​വ​യു​ടെ സാക്ഷി​ക​ളു​ടെ ആധുനി​ക​കാല ചരി​ത്രം​തന്നെ യഹോ​വ​യാ​ണു പരമാ​ധി​കാ​രി​യാം കർത്താവ്‌ എന്നതി​നുള്ള ശക്തമാ​യൊ​രു സാക്ഷ്യ​മാണ്‌.—സെഖര്യാ​വു 4:6.

പ്രസം​ഗി​ക്കേ​ണ്ട​തായ സുവാർത്ത

15. ക്രിസ്‌തീയ സഭ ഏതു വിപു​ല​മായ സാക്ഷ്യം കൊടു​ക്ക​ണ​മാ​യി​രു​ന്നു?

¹⁵ യഹോവ ഇസ്രാ​യേ​ലി​നെ ജനതകൾക്കുള്ള തന്റെ സാക്ഷി​യാ​ക്കി​വെച്ചു. (യെശയ്യാ​വു 43:10) എന്നിരു​ന്നാ​ലും, ഇസ്രാ​യേ​ല്യ​ര​ല്ലാ​ത്ത​വ​രോ​ടു പോയി പ്രസം​ഗി​ക്കാ​നുള്ള ദിവ്യ കൽപ്പന ലഭിച്ചി​രു​ന്നത്‌ ഏതാനും ഇസ്രാ​യേ​ല്യർക്കു​മാ​ത്ര​മാ​യി​രു​ന്നു. ഇതാകട്ടെ, പലപ്പോ​ഴും യഹോ​വ​യു​ടെ ന്യായ​വി​ധി​കൾ പ്രഖ്യാ​പി​ക്കാൻവേ​ണ്ടി​യാ​യി​രു​ന്നു. (യിരെ​മ്യാ​വു 1:5; യോനാ 1:1, 2) എന്നിരു​ന്നാ​ലും, ഒരുനാൾ യഹോവ ജാതി​ക​ളു​ടെ നേർക്കു വളരെ വിപു​ല​മായ തോതിൽ തന്റെ ശ്രദ്ധതി​രി​ക്കു​മെന്ന്‌ എബ്രായ തിരു​വെ​ഴു​ത്തു​ക​ളി​ലെ പ്രവച​നങ്ങൾ സൂചി​പ്പി​ക്കു​ന്നു. ഈ ശ്രദ്ധതി​രി​ക്കൽ ദൈവം തന്റെ ആത്മീയ ഇസ്രാ​യേ​ലി​ലൂ​ടെ നിവർത്തി​ച്ചി​രി​ക്കു​ന്നു. (യെശയ്യാ​വു 2:2-4; 62:2) സ്വർഗാ​രോ​ഹ​ണ​ത്തി​നു​മു​മ്പു യേശു തന്റെ അനുഗാ​മി​ക​ളോ​ടു കൽപ്പിച്ചു: “ആകയാൽ നിങ്ങൾ പുറ​പ്പെട്ടു . . .  സകലജാ​തി​ക​ളെ​യും ശിഷ്യ​രാ​ക്കി​ക്കൊൾവിൻ.” (മത്തായി 28:19, 20) യേശു ശ്രദ്ധ​കേ​ന്ദ്രീ​ക​രി​ച്ചത്‌ “യിസ്രാ​യേൽഗൃ​ഹ​ത്തി​ലെ കാണാ​തെ​പോയ ആടുകളു”ടെ കാര്യ​ത്തി​ലാ​യി​രു​ന്നു. അതേസ​മയം, അവന്റെ അനുഗാ​മി​കൾ “സകലജാ​തി​കളു”ടെ അടുക്ക​ലേ​ക്കും “ഭൂമി​യു​ടെ അറ്റത്തോ​ള​വും”പോലും അയയ്‌ക്ക​പ്പെട്ടു. (മത്തായി 15:24; പ്രവൃ​ത്തി​കൾ 1:8) സകല മനുഷ്യ​വർഗ​വും ക്രിസ്‌തീയ സാക്ഷ്യം കേൾക്ക​ണ​മാ​യി​രു​ന്നു.

16. ഒന്നാം നൂറ്റാ​ണ്ടി​ലെ ക്രിസ്‌തീയ സഭ എന്തു നിയോ​ഗം നിറ​വേറ്റി, ഏത്‌ അളവോ​ളം?

¹⁶ ഇതു പൗലോസ്‌ നന്നായി മനസ്സി​ലാ​ക്കി​യെന്ന്‌ അവൻ പ്രകട​മാ​ക്കി. സുവാർത്ത “സർവ്വ​ലോ​ക​ത്തി​ലും ഫലം കായി​ച്ചും വർദ്ധി​ച്ചും വരുന്നു”വെന്നു പൊ.യു. 61 ആയപ്പോ​ഴേ​ക്കും അവനു പറയാൻ സാധിച്ചു. ‘ദൂതന്മാ​രു​ടെ ആരാധന’യിൽ ഏർപ്പെ​ട്ടി​രു​ന്ന​തു​പോ​ലുള്ള ഏതെങ്കി​ലും ഒരു ജനതയ്‌ക്കോ ഒരു മതവി​ഭാ​ഗ​ത്തി​നോ വേണ്ടി​മാ​ത്ര​മാ​യി സുവാർത്താ​ഘോ​ഷണം പരിമി​ത​പ്പെ​ടു​ത്തി​യി​രു​ന്നില്ല. മറിച്ച്‌, “ആകാശ​ത്തിൻകീ​ഴെ സകലസൃ​ഷ്ടി​ക​ളു​ടെ​യും ഇടയിൽ” അത്‌ പരസ്യ​മാ​യി “ഘോഷി”ക്കപ്പെട്ടു. (കൊ​ലൊ​സ്സ്യർ 1:6, 23; 2:13, 14, 16-18) അങ്ങനെ, ഒന്നാം നൂറ്റാ​ണ്ടി​ലെ ദൈവ​ത്തി​ന്റെ ഇസ്രാ​യേൽ ‘അന്ധകാ​ര​ത്തിൽനി​ന്നു തന്റെ അത്ഭുത പ്രകാ​ശ​ത്തി​ലേക്കു തങ്ങളെ വിളി​ച്ച​വന്റെ സദ്‌ഗു​ണ​ങ്ങളെ ഘോഷി​ക്കാ​നു’ള്ള അവരുടെ നിയോ​ഗം നിറ​വേറ്റി.

17. മത്തായി 24:14 എങ്ങനെ ഒരു വലിയ അളവിൽ നിവൃ​ത്തി​യേ​റു​ന്ന​തിൽ തുടരു​ന്നു?

¹⁷ എന്നിരു​ന്നാ​ലും, അവസാന നാളിൽ നിർവ​ഹി​ക്ക​പ്പെ​ടാ​നി​രു​ന്ന​തി​ന്റെ കേവല​മൊ​രു രുചി​നോ​ക്കലേ ആയിരു​ന്നു​ള്ളൂ ഒന്നാം നൂറ്റാ​ണ്ടി​ലെ പ്രസം​ഗ​വേല. വിശേ​ഷി​ച്ചും നമ്മുടെ നാൾ മനസ്സിൽ കണ്ടു​കൊണ്ട്‌, യേശു പറഞ്ഞു: “രാജ്യ​ത്തി​ന്റെ ഈ സുവി​ശേഷം സകലജാ​തി​കൾക്കും സാക്ഷ്യ​മാ​യി ഭൂലോ​ക​ത്തിൽ ഒക്കെയും പ്രസം​ഗി​ക്ക​പ്പെ​ടും; അപ്പോൾ അവസാനം വരും.” (മത്തായി 24:14; മർക്കൊസ്‌ 13:10) ഈ പ്രവചനം നിവൃ​ത്തി​യേ​റി​യി​ട്ടു​ണ്ടോ? തീർച്ച​യാ​യും ഉണ്ട്‌. 1919-ലെ ചെറി​യൊ​രു തുടക്ക​ത്തിൽനി​ന്നു സുവാർത്താ​പ്ര​സം​ഗം ഇപ്പോൾ 230-ലധികം രാജ്യ​ങ്ങ​ളി​ലേക്കു വ്യാപി​ച്ചി​രി​ക്കു​ന്നു. തണുത്തു മരവിച്ച ഉത്തര​മേ​ഖ​ല​യി​ലും വെന്തു​രു​കുന്ന ഉഷ്‌ണ​മേ​ഖ​ല​യി​ലും സുവാർത്താ​പ്ര​സം​ഗം നടക്കു​ക​യാണ്‌. വൻകര​ക​ളി​ലെ​ല്ലാം സാക്ഷീ​ക​രി​ക്ക​പ്പെ​ട്ടി​രി​ക്കു​ന്നു, വിദൂര ദ്വീപു​ക​ളിൽ പ്രവർത്തനം നടന്നു​കൊ​ണ്ടി​രി​ക്കു​ന്നു, അങ്ങനെ ദ്വീപു​നി​വാ​സി​കൾക്കും ഒരു സാക്ഷ്യം ലഭ്യമാണ്‌. ബോസ്‌നി​യ​യി​ലെ​യും ഹെർട്‌സെ​ഗോ​വി​ന​യി​ലെ​യും യുദ്ധം​പോ​ലുള്ള വലിയ കലങ്ങി​മ​റിഞ്ഞ അവസ്ഥയിൽപ്പോ​ലും സുവാർത്താ​പ്ര​സം​ഗം തുടരു​ക​യാണ്‌. ഒന്നാം നൂറ്റാ​ണ്ടി​ലേ​തു​പോ​ലെ, “സർവ്വ​ലോ​ക​ത്തി​ലും” സാക്ഷീ​ക​രണം ഫലം കായ്‌ക്കു​ക​യാണ്‌. “ആകാശ​ത്തിൻകീ​ഴെ സകലസൃ​ഷ്ടി​ക​ളു​ടെ​യും ഇടയിൽ” അത്‌ പരസ്യ​മാ​യി ഘോഷി​ക്ക​പ്പെ​ടു​ക​യാണ്‌. ഫലമോ? ഒന്നാമ​താ​യി, ദൈവ​ത്തി​ന്റെ ഇസ്രാ​യേ​ലിൽ ശേഷി​ക്കു​ന്നവർ “സർവ്വ​ഗോ​ത്ര​ത്തി​ലും ഭാഷയി​ലും വംശത്തി​ലും ജാതി​യി​ലും”നിന്നു​മാ​യി കൂട്ടി​വ​രു​ത്ത​പ്പെ​ട്ടി​രി​ക്കു​ന്നു. രണ്ടാമ​താ​യി, “സകല ജാതി​ക​ളി​ലും ഗോ​ത്ര​ങ്ങ​ളി​ലും വംശങ്ങ​ളി​ലും ഭാഷക​ളി​ലും”നിന്നുള്ള ലക്ഷക്കണ​ക്കി​നാ​ളു​കൾ “മഹാപു​രു​ഷാര”ത്തിലേക്കു കൂട്ടി​വ​രു​ത്ത​പ്പെ​ടാൻ തുടങ്ങി. (വെളി​പ്പാ​ടു 5:9; 7:9) മത്തായി 24:14 ഒരു വലിയ അളവിൽ നിവൃ​ത്തി​യേ​റു​ന്ന​തിൽ തുടരു​ക​യാണ്‌.

18. ലോക​വ്യാ​പ​ക​മാ​യുള്ള സുവാർത്താ​പ്ര​സം​ഗ​ത്താൽ സാധ്യ​മാ​യി​ക്കൊ​ണ്ടി​രി​ക്കുന്ന ചില സംഗതി​കൾ എന്തെല്ലാം?

¹⁸ യേശു​വി​ന്റെ രാജകീയ സാന്നി​ധ്യം തുടങ്ങി​യെന്നു തെളി​യി​ക്കാൻ ലോക​വ്യാ​പ​ക​മാ​യുള്ള സുവാർത്താ​പ്ര​സം​ഗം സഹായി​ക്കു​ന്നു. (മത്തായി 24:3) കൂടാതെ, “ഭൂമി​യിൽ കൊയ്‌ത്തു​നട”ത്തുന്നതി​നുള്ള പ്രധാന ഉപാധി​യാണ്‌ അത്‌. കാരണം, അതു മനുഷ്യ​വർഗ​ത്തി​ന്റെ ഏകപ്ര​ത്യാ​ശ​യായ യഹോ​വ​യു​ടെ രാജ്യ​ത്തി​ലേക്ക്‌ ആളുകളെ തിരി​ച്ചു​വി​ടു​ന്നു. (വെളി​പ്പാ​ടു 14:15, 16) സുവാർത്ത പ്രസം​ഗി​ക്കു​ന്ന​തിൽ യഥാർഥ ക്രിസ്‌ത്യാ​നി​കൾ മാത്രം പങ്കെടു​ക്കു​ന്ന​തു​കൊണ്ട്‌, വ്യാജ​ക്രി​സ്‌ത്യാ​നി​ക​ളിൽനി​ന്നു സത്യ​ക്രി​സ്‌ത്യാ​നി​കളെ തിരി​ച്ച​റി​യാൻ ഈ പ്രധാന വേല സഹായി​ക്കു​ന്നു. (മലാഖി 3:18) ഈ വിധത്തിൽ, അതു പ്രസം​ഗി​ക്കു​ന്ന​വ​രു​ടെ​യും അതി​നോ​ടു പ്രതി​ക​രി​ക്കു​ന്ന​വ​രു​ടെ​യും രക്ഷ സാധ്യ​മാ​ക്കു​ന്നു. (1 തിമൊ​ഥെ​യൊസ്‌ 4:16) ഏറ്റവും പ്രധാ​ന​മാ​യി, സുവാർത്താ​പ്ര​സം​ഗം അതു നിർവ​ഹി​ക്ക​ണ​മെന്നു കൽപ്പിച്ച, അതു നിർവ​ഹി​ക്കു​ന്ന​വരെ പിന്തു​ണ​ക്കുന്ന, അതിനെ ഫലകര​മാ​ക്കുന്ന യഹോ​വ​യാം ദൈവ​ത്തി​നു സ്‌തു​തി​യും മഹത്ത്വ​വും കരേറ്റു​ന്നു.—2 കൊരി​ന്ത്യർ 4:7.

19. പുതിയ സേവന​വർഷ​ത്തി​ലേക്കു പ്രവേ​ശി​ക്കു​മ്പോൾ, എന്തു ദൃഢനി​ശ്ച​യ​മു​ണ്ടാ​യി​രി​ക്കാ​നാ​ണു സകല ക്രിസ്‌ത്യാ​നി​ക​ളും പ്രോ​ത്സാ​ഹി​പ്പി​ക്ക​പ്പെ​ടു​ന്നത്‌?

¹⁹ “ഞാൻ സുവി​ശേഷം അറിയി​ക്കു​ന്നില്ല എങ്കിൽ എനിക്കു അയ്യോ കഷ്ടം!” എന്നു പറയാൻ പൗലോസ്‌ അപ്പോ​സ്‌തലൻ പ്രചോ​ദി​ത​നാ​യ​തിൽ അതിശ​യി​ക്കാ​നില്ല. (1 കൊരി​ന്ത്യർ 9:16) ഇന്നത്തെ ക്രിസ്‌ത്യാ​നി​കൾക്കും അങ്ങനെ​തന്നെ തോന്നു​ന്നു. ഈ അന്ധകാര ലോകത്തു സത്യത്തി​ന്റെ പ്രകാശം പരത്തി​ക്കൊണ്ട്‌ “ദൈവ​ത്തി​ന്റെ കൂട്ടു​വേ​ല​ക്കാർ” ആയിരി​ക്കു​ന്നത്‌ ഒരു മഹത്തായ പദവി​യും ഒരു വലിയ ഉത്തരവാ​ദി​ത്വ​വു​മാണ്‌. (1 കൊരി​ന്ത്യർ 3:9; യെശയ്യാ​വു 60:2, 3) 1919-ൽ ചെറു​താ​യി തുടങ്ങിയ വേല ഇന്നു വിസ്‌മ​യാ​വ​ഹ​മായ വ്യാപ്‌തി കൈവ​രി​ച്ചി​രി​ക്കു​ന്നു. മറ്റുള്ള​വർക്കു രക്ഷയുടെ സന്ദേശം എത്തിച്ചു​കൊ​ടു​ക്കാൻ ഒരു ശതകോ​ടി​യി​ല​ധി​കം മണിക്കൂർ ചെലവ​ഴി​ച്ചു​കൊണ്ട്‌ ഏതാണ്ട്‌ 50 ലക്ഷത്തോ​ളം ക്രിസ്‌ത്യാ​നി​കൾ ദിവ്യ പരമാ​ധി​കാ​ര​ത്തി​നു​വേണ്ടി സാക്ഷീ​ക​രി​ക്കു​ക​യാണ്‌. യഹോ​വ​യു​ടെ നാമം വിശു​ദ്ധീ​ക​രി​ക്കുന്ന ഈ വേലയിൽ ഒരു പങ്ക്‌ ഉണ്ടായി​രി​ക്കു​ന്നത്‌ എന്തൊരു സന്തോ​ഷ​മാണ്‌! 1996 എന്ന സേവന​വർഷ​ത്തി​ലേക്കു പ്രവേ​ശി​ക്കവേ, നാം മന്ദഗതി​യി​ലാ​യി​പ്പോ​കാ​തി​രി​ക്കാൻ നമുക്കു ദൃഢചി​ത്ത​രാ​യി​രി​ക്കാം. നേരേ​മ​റിച്ച്‌, തിമോ​ത്തി​ക്കുള്ള പൗലോ​സി​ന്റെ ഈ വാക്കു​കൾക്കു നാം മുമ്പെ​ന്ന​ത്തെ​ക്കാ​ളു​മ​ധി​കം ശ്രദ്ധ​കൊ​ടു​ക്കു​ന്ന​താ​യി​രി​ക്കും: “വചനം പ്രസം​ഗി​ക്കുക, അതിൽ അടിയ​ന്തി​ര​ത​യോ​ടെ ഏർപ്പെ​ടുക.” (2 തിമോ​ത്തി 4:2, NW) നമ്മൾ അങ്ങനെ ചെയ്യു​മ്പോൾ, യഹോവ നമ്മുടെ ശ്രമങ്ങളെ തുടർന്നും അനു​ഗ്ര​ഹി​ക്ക​ട്ടെ​യെന്നു നമ്മൾ മുഴു​ഹൃ​ദ​യ​ത്തോ​ടെ പ്രാർഥി​ക്കു​ക​യാണ്‌.

നിങ്ങൾ ഓർമി​ക്കു​ന്നു​വോ?

◻ ജാതി​കൾക്കുള്ള യഹോ​വ​യു​ടെ “സാക്ഷി” എന്നനി​ല​യിൽ ഇസ്രാ​യേ​ലി​ന്റെ സ്ഥാനത്തു വേറെ ആർ വന്നു?

◻ സാക്ഷ്യം കൊടു​ക്കാൻ ക്രിസ്‌തീയ നടത്ത സഹായി​ക്കു​ന്ന​തെ​ങ്ങനെ?

◻ ബൈബിൾ പഠനവും അതി​നെ​ക്കു​റി​ച്ചുള്ള ധ്യാന​വും ക്രിസ്‌തീയ സാക്ഷ്യ​ത്തിന്‌ അത്യന്താ​പേ​ക്ഷി​ത​മാ​യി​രി​ക്കു​ന്നത്‌ എന്തു​കൊണ്ട്‌?

◻ യഹോ​വ​യാ​ണു പരമാ​ധി​കാ​രി​യാം കർത്താവ്‌ എന്നതിനു യഹോ​വ​യു​ടെ സാക്ഷി​ക​ളു​ടെ ആധുനി​ക​കാല ചരിത്രം തെളി​വാ​യി​രി​ക്കു​ന്നത്‌ ഏതെല്ലാം വിധങ്ങ​ളി​ലാണ്‌?

◻ സുവാർത്താ​പ്ര​സം​ഗ​ത്തി​ലൂ​ടെ എന്താണു നിർവ​ഹി​ച്ചു​കൊ​ണ്ടി​രി​ക്കു​ന്നത്‌?

[15-ാം പേജിലെ ചിത്രം]

ഏതാനും പ്രദേ​ശ​ത്തു​മാ​ത്ര​മാ​യി പരിമി​ത​പ്പെ​ടാ​തെ, “ആകാശ​ത്തിൻകീ​ഴെ സകലസൃ​ഷ്ടി​ക​ളു​ടെ​യും ഇടയിൽ” സുവാർത്ത പ്രസം​ഗി​ക്ക​പ്പെ​ടു​ക​യാണ്‌