നിങ്ങളു​ടെ ജീവിതം—അതിന്റെ ഉദ്ദേശ്യം എന്ത്‌?

“മനുഷ്യ​പു​ത്ര​ന്മാർക്കു ജീവപ​ര്യ​ന്തം ചെയ്യാൻ നല്ലത്‌ എന്തെന്ന്‌ എനിക്കു കാണാൻ കഴിയു​ന്ന​തു​വരെ . . . ഞാൻ എന്റെ ഹൃദയത്തെ ജ്ഞാന​ത്തോ​ടെ നടത്തു​ക​യാ​യി​രു​ന്നു.”—സഭാ​പ്ര​സം​ഗി 2:3, NW.

1, 2. ഒരുവനു തന്നിൽത്തന്നെ ന്യായ​മായ താത്‌പ​ര്യം ഉണ്ടായി​രി​ക്കു​ന്നത്‌ തെറ്റല്ലാ​ത്തത്‌ എന്തു​കൊണ്ട്‌?

നിങ്ങൾക്കു നിങ്ങളിൽത്തന്നെ താത്‌പ​ര്യ​മുണ്ട്‌, ഇല്ലേ? അതു സാധാ​ര​ണ​മാണ്‌. അതു​കൊണ്ട്‌ നാം ദിവസ​വും ഭക്ഷണം കഴിക്കു​ന്നു, ക്ഷീണി​ക്കു​മ്പോൾ ഉറങ്ങുന്നു. കൂടാതെ നാം സുഹൃ​ത്തു​ക്ക​ളോ​ടും പ്രിയ​പ്പെ​ട്ട​വ​രോ​ടു​മൊ​പ്പം ആയിരി​ക്കാ​നും ആഗ്രഹി​ക്കു​ന്നു. ചില​പ്പോൾ നാം കളിക​ളി​ലേർപ്പെ​ടും, നീന്താൻ പോകും, അല്ലെങ്കിൽ നമുക്ക്‌ ആസ്വാ​ദ്യ​മായ മറ്റു സംഗതി​ക​ളിൽ ഏർപ്പെ​ടും. ഇതെല്ലാം പ്രകട​മാ​ക്കു​ന്നത്‌ നമുക്കു നമ്മിൽത്തന്നെ സമനി​ല​യുള്ള താത്‌പ​ര്യ​മു​ണ്ടെ​ന്നാണ്‌.

² അത്തരം താത്‌പ​ര്യ​ങ്ങൾ ദൈവ​ത്തി​നു നിരക്കാത്ത സംഗതി​കളല്ല, കാരണം അവൻ ശലോ​മോ​നെ​ക്കൊണ്ട്‌ ഇങ്ങനെ എഴുതി​ച്ചു: “തിന്നു കുടിച്ചു തന്റെ കഠിന പ്രയത്‌ന​ത്താൽ തന്റെ ദേഹിക്കു നന്മ ഭവിക്കു​ന്നതു കാണാ​നി​ട​യാ​ക്കു​ന്ന​തി​നെ​ക്കാൾ മെച്ചമാ​യി മനുഷ്യ​നു മറ്റൊ​ന്നു​മില്ല.” അനുഭ​വത്തെ അടിസ്ഥാ​ന​മാ​ക്കി ശലോ​മോൻ ഇങ്ങനെ കൂട്ടി​ച്ചേർത്തു: “ഞാൻ, ഞാൻതന്നെ, ഇതും സത്യ​ദൈ​വ​ത്തി​ന്റെ കയ്യിൽനി​ന്നു​ള്ള​താ​ണെന്നു കണ്ടിരി​ക്കു​ന്നു. കാരണം എന്നെക്കാൾ മെച്ചമാ​യി ആരാണു തിന്നു​കു​ടി​ക്കു​ന്നത്‌?”—സഭാ​പ്ര​സം​ഗി 2:24, 25, NW.

3. മിക്കവർക്കും ഉത്തരമി​ല്ലാ​ത്ത​താ​യി തോന്നുന്ന കുഴപ്പി​ക്കുന്ന ചോദ്യ​ങ്ങൾ ഏതെല്ലാം?

³ എന്നാൽ ജീവിതം കേവലം തിന്നു​കു​ടിച്ച്‌ ഉറങ്ങു​ന്ന​തും പിന്നെ എന്തെങ്കി​ലും നന്മചെ​യ്യു​ന്ന​തും മാത്ര​മ​ല്ലെന്നു നിങ്ങൾക്ക്‌ അറിയാം. നമുക്കു വേദന​ക​ളും നിരാ​ശ​ക​ളും വേവലാ​തി​ക​ളും ഉണ്ട്‌. ജീവി​ത​ത്തി​ന്റെ അർഥ​ത്തെ​ക്കു​റി​ച്ചു ചിന്തി​ക്കാ​നാ​കാ​ത്ത​വി​ധം നാം അത്രയ്‌ക്കു തിരക്കി​ലാ​ണെ​ന്നും നമുക്കു തോന്നും. നിങ്ങളു​ടെ കാര്യം അങ്ങനെ​യല്ലേ? ദ വാൾ സ്‌ട്രീറ്റ്‌ ജേർണ​ലി​ന്റെ മുൻ പത്രാ​ധി​പ​രായ വെർമാൻറ്‌ റോയ്‌സ്റ്റർ നമ്മുടെ വികസിത ജ്ഞാന​ത്തെ​യും സിദ്ധി​ക​ളെ​യും കണക്കി​ലെ​ടുത്ത്‌ എഴുതി: “പുതു​മ​യു​ള്ളൊ​രു സംഗതി ഇതാ. മനുഷ്യ​നെ​യും അവന്റെ ധർമസ​ങ്ക​ട​ങ്ങ​ളെ​യും ഈ പ്രപഞ്ച​ത്തിൽ അവനുള്ള സ്ഥാന​ത്തെ​യും കുറിച്ചു നാം ചിന്തി​ക്കു​മ്പോൾ, നാമി​പ്പോ​ഴും നിന്നട​ത്തു​ത​ന്നെ​യാണ്‌. നാം ആരാണ്‌, നാം ഇവിടെ ആയിരി​ക്കു​ന്നത്‌ എന്തു​കൊണ്ട്‌, നാം എങ്ങോട്ടു പോകു​ന്നു എന്നിങ്ങ​നെ​യുള്ള ചോദ്യ​ങ്ങൾ ഇപ്പോ​ഴും അവശേ​ഷി​ക്കു​ക​യാണ്‌.”

4. നമ്മളു​മാ​യി ബന്ധപ്പെട്ട ചോദ്യ​ങ്ങൾക്ക്‌ ഉത്തരം കൊടു​ക്കാൻ പ്രാപ്‌ത​രാ​യി​രി​ക്ക​ണ​മെന്ന്‌ നാം ഓരോ​രു​ത്ത​രും ആഗ്രഹി​ക്കേ​ണ്ടത്‌ എന്തു​കൊണ്ട്‌?

⁴ നാം ആരാണ്‌, നാം ഇവിടെ ആയിരി​ക്കു​ന്നത്‌ എന്തു​കൊണ്ട്‌, നാം എങ്ങോട്ടു പോകു​ന്നു എന്നീ ചോദ്യ​ങ്ങൾക്കു നിങ്ങ​ളെ​ങ്ങനെ ഉത്തരം നൽകും? കഴിഞ്ഞ ജൂലൈ മാസത്തിൽ ശ്രീ. റോയ്‌സ്റ്റർ അന്തരിച്ചു. തൃപ്‌തി​ക​ര​മായ ഉത്തരങ്ങൾ കണ്ടെത്തി​യി​ട്ടാ​കും അദ്ദേഹം മരിച്ച​തെന്നു നിങ്ങൾ വിചാ​രി​ക്കു​ന്നു​ണ്ടോ? സുസ്‌പ​ഷ്ട​മാ​യി പറഞ്ഞാൽ, നിങ്ങൾക്ക്‌ അതി​നെ​ന്തെ​ങ്കി​ലും മാർഗ​മു​ണ്ടോ? കൂടുതൽ സന്തുഷ്ട​വും അർഥവ​ത്തു​മായ ജീവിതം നയിക്കാൻ അതു നിങ്ങളെ എങ്ങനെ സഹായി​ക്കും? നമുക്കു നോക്കാം.

ഉൾക്കാ​ഴ്‌ച​യ്‌ക്കുള്ള പ്രാഥ​മിക ഉറവിടം

5. ജീവി​ത​ത്തി​ന്റെ അർഥ​ത്തെ​ക്കു​റി​ച്ചുള്ള ചോദ്യ​ങ്ങ​ളു​ടെ കാര്യ​ത്തിൽ ഉൾക്കാഴ്‌ച തേടു​മ്പോൾ, നാം ദൈവ​ത്തി​ലേക്കു തിരി​യേ​ണ്ട​തെ​ന്തു​കൊണ്ട്‌?

⁵ നാം ഓരോ​രു​ത്ത​രും തനിച്ചാ​യി​രു​ന്നു ജീവി​ത​ത്തി​ന്റെ ഉദ്ദേശ്യം അന്വേ​ഷി​ച്ചി​രു​ന്ന​തെ​ങ്കിൽ, നമുക്കു കാര്യ​മായ വിജയം ഉണ്ടാകു​മാ​യി​രു​ന്നില്ല, ചില​പ്പോൾ ഒട്ടും​തന്നെ വിജയി​ക്കു​ക​യി​ല്ലെ​ന്നും വരാം. കാരണം മിക്ക സ്‌ത്രീ​പു​രു​ഷ​ന്മാ​രു​ടെ​യും, എന്തിന്‌ ബൃഹത്തായ അറിവും അനുഭ​വ​വും ഉള്ളവരു​ടെ​യും കാര്യ​ത്തിൽ സംഗതി മറിച്ചാ​യി​രു​ന്നി​ട്ടില്ല. എന്നാൽ നമുക്കു സഹായ​മി​ല്ലാ​തില്ല. നമ്മുടെ സ്രഷ്ടാവു സഹായം പ്രദാനം ചെയ്‌തി​ട്ടുണ്ട്‌. നിങ്ങൾ അതി​നെ​ക്കു​റി​ച്ചു ചിന്തി​ക്കു​മ്പോൾ, “അനാദി​യാ​യും ശാശ്വ​ത​മാ​യു”മിരി​ക്കു​ന്ന​വ​നും പ്രപഞ്ച​ത്തെ​ക്കു​റി​ച്ചും ചരി​ത്ര​ത്തെ​ക്കു​റി​ച്ചും പൂർണ അറിവ്‌ ഉള്ളവനും ആയതി​നാൽ ഉൾക്കാ​ഴ്‌ച​യ്‌ക്കും ജ്ഞാനത്തി​നു​മുള്ള അന്തിമ ഉറവിടം അവനല്ലേ? (സങ്കീർത്തനം 90:1, 2) അവൻ മനുഷ്യ​നെ സൃഷ്ടിച്ചു, മനുഷ്യ​ന്റെ സകല അനുഭ​വ​ങ്ങ​ളും നിരീ​ക്ഷി​ക്കു​ക​യും ചെയ്‌തി​രി​ക്കു​ന്നു. അതു​കൊണ്ട്‌, അവനി​ലേ​ക്കാണ്‌ നാം ഉൾക്കാ​ഴ്‌ച​യ്‌ക്കാ​യി നോ​ക്കേ​ണ്ടത്‌, മറിച്ച്‌ പരിമി​ത​മായ അറിവും ഗ്രാഹ്യ​വു​മുള്ള അപൂർണ മനുഷ്യ​രി​ലേക്കല്ല.—സങ്കീർത്തനം 14:1-3; റോമർ 3:10-12.

6. (എ) ആവശ്യ​മുള്ള ഉൾക്കാഴ്‌ച സ്രഷ്ടാവ്‌ പ്രദാനം ചെയ്‌തി​രി​ക്കു​ന്ന​തെ​ങ്ങനെ? (ബി) ശലോ​മോൻ ഉൾപ്പെ​ട്ടി​രി​ക്കു​ന്ന​തെ​ങ്ങനെ?

⁶ സ്രഷ്ടാവു നമ്മുടെ കാതിൽ മന്ത്രിച്ച്‌ ജീവി​ത​ത്തി​ന്റെ അർഥ​ത്തെ​ക്കു​റി​ച്ചു നമുക്കു വെളി​പ്പെ​ടു​ത്തി​ത്ത​രു​മെന്നു പ്രതീ​ക്ഷി​ക്കാ​നാ​വില്ല. എന്നാൽ ഉൾക്കാ​ഴ്‌ച​യ്‌ക്കുള്ള ഒരു ഉറവിടം അവൻ പ്രദാനം ചെയ്‌തി​ട്ടുണ്ട്‌—അവന്റെ നിശ്വസ്‌ത വചനം. (സങ്കീർത്തനം 32:8; 111:10) ഇക്കാര്യ​ത്തിൽ സഭാ​പ്ര​സം​ഗി എന്ന പുസ്‌തകം വിശേ​ഷാൽ മൂല്യ​വ​ത്താണ്‌. ദൈവം അതിന്റെ എഴുത്തു​കാ​രനെ നിശ്വ​സ്‌ത​നാ​ക്കി​യ​തി​നാൽ, “സകലപൂർവ്വ​ദി​ഗ്വാ​സി​ക​ളു​ടെ​യും ജ്ഞാന​ത്തെ​ക്കാ​ളും . . . ശലോ​മോ​ന്റെ ജ്ഞാനം ശ്രേഷ്‌ഠ​മാ​യി​രു​ന്നു.” (1 രാജാ​ക്ക​ന്മാർ 3:6-12; 4:30-34) സന്ദർശ​ക​യാ​യി എത്തിയ ഒരു രാജ്ഞിക്ക്‌ ‘ശലോ​മോ​ന്റെ ജ്ഞാന’ത്തിൽ വലിയ മതിപ്പു​തോ​ന്നി​യിട്ട്‌ താൻ അവനെ​ക്കു​റി​ച്ചു പാതിയേ കേട്ടി​രു​ന്നു​ള്ളൂ​വെ​ന്നും അവന്റെ ജ്ഞാനം ശ്രദ്ധി​ക്കു​ന്നവർ തീർച്ച​യാ​യും സന്തുഷ്ട​രാ​യി​രി​ക്കു​മെ​ന്നും അവർ പറഞ്ഞു.a (1 രാജാ​ക്ക​ന്മാർ 10:4-8) ശലോ​മോ​നി​ലൂ​ടെ നമ്മുടെ സ്രഷ്ടാവു പ്രദാനം ചെയ്‌തി​രി​ക്കുന്ന ദിവ്യ ജ്ഞാനത്തിൽനി​ന്നു നമുക്കും ഉൾക്കാ​ഴ്‌ച​യും സന്തുഷ്ടി​യും നേടാ​നാ​കും.

7. (എ) ആകാശ​ത്തി​നു കീഴുള്ള മിക്ക പ്രവർത്ത​ന​ങ്ങ​ളെ​യും കുറിച്ച്‌ ശലോ​മോൻ എന്തു നിഗമനം ചെയ്‌തു? (ബി) ശലോ​മോ​ന്റെ വിലയി​രു​ത്തൽ യാഥാർഥ്യ ബോധ​ത്തോ​ടെ​യു​ള്ള​താ​ണെന്ന്‌ എന്തു ദൃഷ്ടാ​ന്തീ​ക​രി​ക്കു​ന്നു?

⁷ സഭാ​പ്ര​സം​ഗി​യിൽ പ്രതി​ഫ​ലി​ക്കു​ന്നത്‌ ശലോ​മോ​ന്റെ ഹൃദയ​ത്തി​ലും മസ്‌തി​ഷ്‌ക​ത്തി​ലും ആഴ്‌ന്നി​റ​ങ്ങിയ ദൈവദത്ത ജ്ഞാനമാണ്‌. അപ്രകാ​രം പ്രവർത്തി​ക്കു​ന്ന​തി​നുള്ള സമയവും വിഭവ​ങ്ങ​ളും ഉൾക്കാ​ഴ്‌ച​യും ഉണ്ടായി​രു​ന്ന​തി​നാൽ, ശലോ​മോൻ “ആകാശ​ത്തിൻ കീഴിൽ സംഭവി​ക്കു​ന്ന​തൊ​ക്കെ​യും” പരി​ശോ​ധി​ച്ചു. അതിൽ മിക്കവ​യും “മായയും വൃഥാ​പ്ര​യ​ത്‌ന​വും അത്രേ” എന്ന്‌ അവൻ കണ്ടു. അത്‌, നമ്മുടെ ജീവി​ത​ത്തി​ന്റെ ഉദ്ദേശ്യ​ത്തെ​ക്കു​റി​ച്ചു ചിന്തി​ക്കു​മ്പോൾ നാം മനസ്സിൽപ്പി​ടി​ക്കേണ്ട നിശ്വസ്‌ത വിലയി​രു​ത്ത​ലാണ്‌. (സഭാ​പ്ര​സം​ഗി 1:13, 14, 16) ശലോ​മോന്‌ ആത്മാർഥ​ത​യും യാഥാർഥ്യ​ബോ​ധ​വും ഉണ്ടായി​രു​ന്നു. ഉദാഹ​ര​ണ​ത്തിന്‌, സഭാ​പ്ര​സം​ഗി 1:15, 18-ൽ കാണുന്ന അവന്റെ വാക്കുകൾ വിചി​ന്തനം ചെയ്യു​വിൻ. മനുഷ്യർ നൂറ്റാ​ണ്ടു​ക​ളി​ലു​ട​നീ​ളം പല തരത്തി​ലുള്ള ഗവൺമെ​ന്റു​കൾ പരീക്ഷി​ച്ചു​നോ​ക്കി​യി​ട്ടു​ണ്ടെന്നു നിങ്ങൾക്ക​റി​യാം. പലപ്പോ​ഴും അതു പ്രശ്‌നങ്ങൾ പരിഹ​രി​ക്കാ​നും ആളുക​ളു​ടെ ജീവി​ത​ഗു​ണ​നി​ല​വാ​രം മെച്ച​പ്പെ​ടു​ത്താ​നു​മുള്ള ആത്മാർഥ​മായ ശ്രമത്തി​ന്റെ ഭാഗമാ​യി​രു​ന്നു​താ​നും. എങ്കിലും ഏതെങ്കി​ലും ഗവൺമെൻറ്‌ ഈ അപൂർണ വ്യവസ്ഥി​തി​യി​ലെ ‘വളഞ്ഞ’ സംഗതി​കളെ യഥാർഥ​ത്തിൽ നേരെ​യാ​ക്കി​യി​ട്ടു​ണ്ടോ? ഒരു വ്യക്തി​യു​ടെ അറിവു വികസി​ക്കും​തോ​റും ഹ്രസ്വ​മായ ജീവി​ത​കാ​ല​യ​ള​വിൽ സംഗതി​കൾ പൂർണ​മാ​യി നേരെ​യാ​ക്കുക അസാധ്യ​മാ​ണെന്ന്‌ അയാൾ കൂടുതൽ വ്യക്തമാ​യി തിരി​ച്ച​റി​യു​ന്ന​താ​യി നിങ്ങൾ കണ്ടിട്ടു​ണ്ടാ​കും. അത്തര​മൊ​രു ബോധ്യം അനേക​രെ​യും നിരാ​ശ​രാ​ക്കു​ന്നു. എന്നാൽ നമ്മുടെ കാര്യ​ത്തിൽ അങ്ങനെ​യാ​ക​ണ​മെ​ന്നില്ല.

8. പണ്ടേയുള്ള പരിവൃ​ത്തി​കൾ ഏതെല്ലാം?

⁸ മറ്റൊരു സംഗതി​യെ​ടു​ക്കാം. സൂര്യോ​ദ​യ​വും അസ്‌ത​മ​യ​വും അല്ലെങ്കിൽ കാറ്റി​ന്റെ​യും വെള്ളത്തി​ന്റെ​യും ഗതിവി​ഗ​തി​ക​ളും​പോ​ലുള്ള, നമ്മെ ബാധി​ക്കുന്ന ആവർത്ത​ന​സ്വ​ഭാ​വ​മുള്ള പരിവൃ​ത്തി​കൾ. അവ മോശ​യു​ടെ​യും ശലോ​മോ​ന്റെ​യും നെപ്പോ​ളി​യ​ന്റെ​യും നമ്മുടെ മുത്തശ്ശ​ന്മാ​രു​ടെ​യും നാളു​ക​ളി​ലു​ണ്ടാ​യി​രു​ന്നു, ഇപ്പോ​ഴു​മുണ്ട്‌. സമാന​മാ​യി, “ഒരു തലമുറ പോകു​ന്നു; മറ്റൊരു തലമുറ വരുന്നു.” (സഭാ​പ്ര​സം​ഗി 1:4-7) മനുഷ്യ വീക്ഷണ​ത്തിൽനി​ന്നു നോക്കു​മ്പോൾ, കാര്യ​മായ മാറ്റ​മൊ​ന്നും സംഭവി​ച്ചി​ട്ടില്ല. പുരാതന നാളി​ലെ​യും ആധുനിക നാളി​ലെ​യും ആളുകൾ അത്തരം സംഭവ​ഗ​തി​ക​ളി​ലൂ​ടെ കടന്നു​പോ​യി​ട്ടുണ്ട്‌. അവർക്കു പ്രത്യാ​ശ​ക​ളും വിജയാ​ഭി​ലാ​ഷ​ങ്ങ​ളും നേട്ടങ്ങ​ളും ഉണ്ടായി​ട്ടു​മുണ്ട്‌. മനുഷ്യ​രു​ടെ​യി​ട​യിൽ ഏതെങ്കി​ലും ഒരു വ്യക്തി ശ്രദ്ധേ​യ​മായ പേരു​ണ്ടാ​ക്കു​ക​യോ സൗന്ദര്യ​ത്തി​ലോ പ്രാപ്‌തി​യി​ലോ മികവു കാട്ടു​ക​യോ ചെയ്‌തി​ട്ടു​ണ്ടെന്നു കരുതുക. എന്നാൽ ഇപ്പോൾ ആ വ്യക്തി എവി​ടെ​യാണ്‌? മരിച്ചു വിസ്‌മൃ​തി​യി​ലാ​ണ്ടു പോയി​ട്ടു​ണ്ടാ​കാം. ആ വീക്ഷണം അങ്ങേയറ്റം വിഷാ​ദാ​ത്മ​കമല്ല. മിക്കയാ​ളു​കൾക്കും അവരുടെ മുത്തശ്ശീ​മു​ത്ത​ശ്ശ​ന്മാ​രു​ടെ പേർ ഓർക്കാ​നോ അവർ എവിടെ ജനിച്ചു​വെ​ന്നും അവരെ എവിടെ അടക്കി​യെ​ന്നും പറയാ​നോ ആവില്ല. മാനു​ഷിക സംരം​ഭ​ങ്ങ​ളും പ്രയത്‌ന​ങ്ങ​ളും പാഴ്‌വേ​ല​യാ​ണെന്നു ശലോ​മോൻ യാഥാർഥ്യ​ബോ​ധ​ത്തോ​ടെ​തന്നെ കണ്ടതിന്റെ കാരണ​മെ​ന്തെന്നു നിങ്ങൾക്കു കാണാ​നാ​കും.—സഭാ​പ്ര​സം​ഗി 1:9-11.

9. മനുഷ്യ​വർഗ​ത്തി​ന്റെ സ്ഥിതി​വി​ശേഷം സംബന്ധിച്ച്‌ യാഥാർഥ്യ​ബോ​ധ​ത്തോ​ടെ​യുള്ള ഉൾക്കാഴ്‌ച ലഭിക്കു​ന്ന​തി​ലൂ​ടെ നാം എങ്ങനെ സഹായി​ക്ക​പ്പെ​ട്ടേ​ക്കാം?

⁹ നമ്മെ നിരാ​ശ​രാ​ക്കു​ന്ന​തി​നു​പ​കരം, മനുഷ്യ​വർഗ​ത്തി​ന്റെ അടിസ്ഥാന സ്ഥിതി​വി​ശേഷം സംബന്ധിച്ച ഈ ദിവ്യ ഉൾക്കാ​ഴ്‌ച​യ്‌ക്കു നമുക്കു പ്രയോ​ജനം ചെയ്യാ​നാ​കും. കാരണം ഉടനെ പൊയ്‌പ്പോ​കു​ന്ന​തോ വിസ്‌മ​രി​ക്ക​പ്പെ​ടു​ന്ന​തോ ആയ ലക്ഷ്യങ്ങൾക്കോ അനുധാ​വ​ന​ങ്ങൾക്കോ തെറ്റി​ദ്ധാ​ര​ണ​യിൽ അധിഷ്‌ഠി​ത​മായ മൂല്യങ്ങൾ കൽപ്പി​ക്കു​ന്നത്‌ ഒഴിവാ​ക്കാൻ അതു നമ്മെ പ്രേരി​പ്പി​ക്കു​ന്നു. ജീവി​ത​ത്തിൽനി​ന്നു നമുക്കു ലഭിക്കു​ന്ന​തും നാം നേടാൻ ശ്രമി​ക്കു​ന്ന​തും വിലയി​രു​ത്താൻ അതു നമ്മെ സഹായി​ക്കണം. ഉദാഹ​ര​ണ​ത്തിന്‌, താപസ​ന്മാ​രാ​യി​ത്തീ​രു​ന്ന​തി​നു​പ​കരം, സമനി​ല​യോ​ടെ​യുള്ള തീറ്റി​യി​ലും കുടി​യി​ലും നമുക്കു സന്തോഷം കണ്ടെത്താ​നാ​കും. (സഭാ​പ്ര​സം​ഗി 2:24) നാം കാണാൻ പോകു​ന്ന​തു​പോ​ലെ, ശലോ​മോൻ വളരെ ക്രിയാ​ത്മ​ക​വും ശുഭാ​പ്‌തി​വി​ശ്വാ​സ​മു​ള്ള​തു​മായ ഒരു നിഗമ​ന​ത്തിൽ എത്തുന്നു. ചുരു​ക്കി​പ്പ​റ​ഞ്ഞാൽ, നിത്യ​സ​ന്തു​ഷ്ടി​യോ​ടു​കൂ​ടിയ ഉദ്ദേശ്യ​പൂർണ​മായ ഭാവി​യു​ണ്ടാ​കാൻ നമ്മെ സഹായി​ക്കുന്ന നമ്മുടെ സ്രഷ്ടാ​വു​മാ​യുള്ള ബന്ധത്തെ നാം ആഴത്തിൽ വിലമ​തി​ക്കണം. ശലോ​മോൻ ഇങ്ങനെ ഊന്നി​പ്പ​റഞ്ഞു: “എല്ലാം കേട്ടതി​നു​ശേഷം സംഗതി​യു​ടെ സാരം ഇതാണ്‌: സത്യ​ദൈ​വത്തെ ഭയപ്പെ​ടു​ക​യും അവന്റെ കൽപ്പനകൾ പാലി​ക്കു​ക​യും ചെയ്യുക. എന്തെന്നാൽ മനുഷ്യ​ന്റെ മുഴു കടപ്പാ​ടും ഇതാണ്‌.”—സഭാ​പ്ര​സം​ഗി 12:13, NW.

ജീവന​ച​ക്ര​ത്തി​ന്റെ കാഴ്‌ച​പ്പാ​ടി​ലുള്ള ഉദ്ദേശ്യം

10. ഏതു വിധത്തി​ലാ​ണു ശലോ​മോൻ മൃഗങ്ങ​ളെ​യും മനുഷ്യ​രെ​യും താരത​മ്യ​പ്പെ​ടു​ത്തി​യത്‌?

¹⁰ സഭാ​പ്ര​സം​ഗി​യിൽ പ്രതി​ഫ​ലി​ച്ചി​രി​ക്കുന്ന ദിവ്യ​ജ്ഞാ​ന​ത്തി​നു ജീവി​തോ​ദ്ദേ​ശ്യം പരിചി​ന്തി​ക്കാൻ നമ്മെ ഇനിയും സഹായി​ക്കാ​നാ​കും. എങ്ങനെ? നാം അത്ര ചിന്തി​ക്കാൻ സാധ്യ​ത​യി​ല്ലാത്ത മറ്റു സത്യങ്ങൾക്കു ശലോ​മോൻ അതിൽ യാഥാർഥ്യ​ബോ​ധ​ത്തോ​ടെ ശ്രദ്ധ​കൊ​ടു​ക്കു​ന്നുണ്ട്‌. അതി​ലൊന്ന്‌ മനുഷ്യർക്കും മൃഗങ്ങൾക്കു​മി​ട​യി​ലെ സാദൃ​ശ്യ​ങ്ങ​ളെ​ക്കു​റി​ച്ചാണ്‌. യേശു തന്റെ അനുഗാ​മി​കളെ ചെമ്മരി​യാ​ടു​ക​ളോ​ടു സാമ്യ​പ്പെ​ടു​ത്തി, എങ്കിലും പൊതു​വേ ആളുകൾക്കു തങ്ങളെ മൃഗങ്ങ​ളോ​ടു താരത​മ്യ​പ്പെ​ടു​ത്തു​ന്നത്‌ ഇഷ്ടമല്ല. (യോഹ​ന്നാൻ 10:11-16) എന്നിട്ടും ശലോ​മോൻ അനി​ഷേ​ധ്യ​മായ ചില വസ്‌തു​തകൾ അവതരി​പ്പി​ച്ചു: “ദൈവം [മനുഷ്യ​പു​ത്ര​ന്മാ​രെ] ശോധന കഴി​ക്കേ​ണ്ട​തി​ന്നും തങ്ങൾ മൃഗങ്ങൾ മാത്രം എന്നു അവർ കാണേ​ണ്ട​തി​ന്നും തന്നേ. മനുഷ്യർക്കു ഭവിക്കു​ന്നതു മൃഗങ്ങൾക്കും ഭവിക്കു​ന്നു; രണ്ടിന്നും ഗതി ഒന്നു തന്നേ; അതു മരിക്കു​ന്ന​തു​പോ​ലെ അവനും മരിക്കു​ന്നു; . . . മനുഷ്യ​ന്നു മൃഗ​ത്തെ​ക്കാൾ വിശേ​ഷ​ത​യില്ല; സകലവും മായയ​ല്ലോ. . . . എല്ലാം പൊടി​യിൽനി​ന്നു​ണ്ടാ​യി, എല്ലാം വീണ്ടും പൊടി​യാ​യ്‌തീ​രു​ന്നു.”—സഭാ​പ്ര​സം​ഗി 3:18-20.

11. (എ) ഒരു മൃഗത്തി​ന്റെ സാധാരണ ജീവന​ച​ക്രത്തെ എങ്ങനെ വർണി​ക്കാം? (ബി) അത്തര​മൊ​രു അപഗ്ര​ഥ​ന​ത്തെ​ക്കു​റി​ച്ചു നിങ്ങൾക്ക്‌ എന്തു തോന്നു​ന്നു?

¹¹ നിങ്ങൾ നോക്കി​നി​ന്നു രസിക്കുന്ന ഒരു മൃഗ​ത്തെ​ക്കു​റി​ച്ചു ചിന്തി​ക്കുക. ഒരു കുരങ്ങോ മുയലോ ആകട്ടെ. (ആവർത്ത​ന​പു​സ്‌തകം 14:7) അല്ലെങ്കിൽ ഒരു അണ്ണാനെ ഭാവന​യിൽ കാണുക; ലോക​മെ​മ്പാ​ടും അതിന്റെ 300-ലധികം വർഗങ്ങ​ളുണ്ട്‌. അതിന്റെ ജീവന​ച​ക്രം എന്ത്‌? ജനന​ശേഷം, ഏതാനും ആഴ്‌ച​ത്തേക്ക്‌ അത്‌ അതിന്റെ അമ്മയുടെ പരിച​ര​ണ​യി​ലാണ്‌. താമസി​യാ​തെ അതിനു രോമം വളരുന്നു. പിന്നെ അതിനു കൂടിനു പുറത്തു​പോ​കാൻ കഴിയു​ന്നു. അതു ഭക്ഷണം തേടി പരക്കം​പാ​ഞ്ഞു​ന​ട​ക്കു​ന്നത്‌ കാണാം. എന്നാൽ മിക്ക​പ്പോ​ഴും അതു കളിച്ചു​ര​സിച്ച്‌ അതിന്റെ യുവത്വം ആസ്വദി​ക്കു​ന്ന​താ​യി തോന്നു​ന്നു. ഏതാണ്ട്‌ ഒരു വർഷത്തെ വളർച്ച​യ്‌ക്കു​ശേഷം അത്‌ ഒരു ഇണയെ കണ്ടെത്തു​ന്നു. പിന്നെ അതിനു കൂടോ അളയോ ഉണ്ടാക്കി സന്താന​ങ്ങളെ പരിപാ​ലി​ക്കണം. ആവശ്യ​ത്തി​നുള്ള പഴങ്ങളും പരിപ്പു​ക​ളും വിത്തു​ക​ളും ലഭിച്ചാൽ, അണ്ണാൻകു​ടും​ബം പുഷ്ടി​പ്രാ​പി​ക്കു​ക​യും കുടും​ബം വലുതാ​ക്കു​ന്ന​തി​നു സമയം ചെലവ​ഴി​ക്കു​ക​യും ചെയ്യുന്നു. എന്നാൽ ഏതാനും വർഷങ്ങൾക്കു​ള്ളിൽ, ഈ ജീവി വാർധ​ക്യം പ്രാപി​ക്കു​ന്നു. തുടർന്ന്‌ അതിന്‌ അപകടം പിണയാ​നും അസുഖങ്ങൾ പിടി​പെ​ടാ​നു​മുള്ള സാധ്യ​ത​യേ​റു​ന്നു. ഏതാണ്ട്‌ പത്തു വയസ്സാ​കു​ന്ന​തോ​ടെ അതു ചാകുന്നു. അണ്ണാൻ വർഗങ്ങൾത​മ്മിൽ അൽപ്പസ്വൽപ്പം വ്യത്യാ​സ​മു​ണ്ടെ​ങ്കി​ലും, പൊതു​വേ അതാണ്‌ അതിന്റെ ജീവന​ച​ക്രം.

12. (എ) യാഥാർഥ്യ​ബോ​ധ​ത്തോ​ടെ പറയു​മ്പോൾ, അനേകം മനുഷ്യ​രു​ടെ ജീവന​ച​ക്ര​ത്തി​നും ഒരു ശരാശരി മൃഗത്തി​ന്റേ​തി​നും സാദൃ​ശ്യ​മു​ള്ളത്‌ എന്തു​കൊണ്ട്‌? (ബി) നമ്മുടെ മനസ്സി​ലുള്ള മൃഗത്തെ നാം അടുത്ത​പ്രാ​വ​ശ്യം കാണു​മ്പോൾ നാം എന്തു ചിന്തി​ച്ചേ​ക്കാം?

¹² ഒരു മൃഗത്തിന്‌ അത്തര​മൊ​രു ജീവന​ച​ക്ര​മു​ള്ള​തിൽ മിക്കവ​രും വിയോ​ജി​പ്പു പ്രകടി​പ്പി​ക്കു​ക​യില്ല. അണ്ണാന്‌ അതിന്റെ ജീവി​ത​ത്തി​നു യുക്തി​സ​ഹ​മായ ഒരു ഉദ്ദേശ്യ​മു​ണ്ടാ​യി​രി​ക്കാൻ അവരൊ​ട്ടു പ്രതീ​ക്ഷി​ക്കു​ക​യു​മില്ല. എന്നാൽ, അനേകം മനുഷ്യ​രു​ടെ​യും ജീവി​ത​ത്തിന്‌ അതി​ന്റേ​തിൽനി​ന്നു കാര്യ​മായ വ്യത്യാ​സ​മില്ല, ഉണ്ടോ? അവരും ജനിക്കു​ന്നു, കുട്ടി​ക​ളാ​യി​രി​ക്കു​മ്പോൾ പരിച​ര​ണ​വും ലഭിക്കു​ന്നു. അവർ ഭക്ഷിക്കു​ന്നു, വളർച്ച​പ്രാ​പി​ക്കു​ന്നു, കൊച്ചു​കു​ട്ടി​കൾ എന്നനി​ല​യിൽ കളിക്കു​ന്നു. അധികം വൈകാ​തെ പ്രായ​പൂർത്തി​യെത്തി ഒരു ഇണയെ കണ്ടെത്തി, പാർക്കാൻ ഒരിട​വും ഭക്ഷണം പ്രദാനം ചെയ്യാ​നുള്ള ഒരു ഉപാധി​യും തേടുന്നു. വിജയി​ക്കു​ന്ന​പക്ഷം, അവർ പുഷ്ടി​പ്രാ​പി​ക്കു​ക​യും സന്താന​ങ്ങളെ വളർത്തി​ക്കൊ​ണ്ടു​വ​രാ​നുള്ള തങ്ങളുടെ ഭവനം (കൂട്‌) വികസി​പ്പി​ക്കു​ക​യും ചെയ്യുന്നു. എന്നാൽ പതിറ്റാ​ണ്ടു​കൾ പെട്ടെന്നു കടന്നു​പോ​കു​ന്നു. അവർ വാർധ​ക്യം പ്രാപി​ക്കു​ന്നു. “പ്രയാ​സ​വും ദുഃഖ”വും നിറഞ്ഞ 70-ഓ 80-ഓ വർഷങ്ങൾക്കു​മു​മ്പോ പിമ്പോ അവർ മരിക്കു​ന്നു. (സങ്കീർത്തനം 90:9, 10, 12) ഒരു അണ്ണാനെ (അല്ലെങ്കിൽ നിങ്ങളു​ടെ മനസ്സി​ലുള്ള മറ്റേ​തെ​ങ്കി​ലും മൃഗത്തെ) അടുത്ത​പ്രാ​വ​ശ്യം കാണു​മ്പോൾ, ഗൗരവ​സ്വ​ഭാ​വ​മുള്ള ഈ വസ്‌തു​ത​ക​ളെ​ക്കു​റി​ച്ചു നിങ്ങൾ ചിന്തി​ച്ചേ​ക്കാം.

13. മൃഗങ്ങ​ളു​ടെ​യും മനുഷ്യ​രു​ടെ​യും ഗതി എന്താ​ണെന്നു തെളി​യു​ന്നു?

¹³ ശലോ​മോൻ ആളുക​ളു​ടെ ജീവി​തത്തെ മൃഗങ്ങ​ളു​ടേ​തി​നോ​ടു താരത​മ്യ​പ്പെ​ടു​ത്തി​യത്‌ എന്തു​കൊ​ണ്ടെന്നു നിങ്ങൾക്കു കാണാ​നാ​കും. അവൻ എഴുതി: “എല്ലാറ്റി​നും ഒരു സമയമു​ണ്ടു . . . ജനിപ്പാൻ ഒരു കാലം; മരിപ്പാൻ ഒരു കാലം.” ആ പിൽക്കാല ഗതി, മരണം, മനുഷ്യർക്കും മൃഗങ്ങൾക്കും ഒരു​പോ​ലെ​യാണ്‌, “അതു മരിക്കു​ന്ന​തു​പോ​ലെ അവനും മരിക്കു​ന്നു.” അവൻ തുടരു​ന്നു: “എല്ലാം പൊടി​യിൽനി​ന്നു​ണ്ടാ​യി, എല്ലാം വീണ്ടും പൊടി​യാ​യ്‌തീ​രു​ന്നു.”—സഭാ​പ്ര​സം​ഗി 3:1, 2, 19, 20.

14. ചിലർ സാധാരണ ജീവന​ച​ക്ര​ത്തി​നു മാറ്റം വരുത്താൻ ശ്രമി​ക്കു​ന്ന​തെ​ങ്ങനെ, അതിന്റെ ഫലമോ?

¹⁴ യാഥാർഥ്യ​ബോ​ധ​ത്തോ​ടെ​യുള്ള ഈ വിലയി​രു​ത്ത​ലി​നെ നാം നിരാ​ശാ​ജ​ന​ക​മായ ചിന്തയാ​യി കാണണ​മെ​ന്നില്ല. കൂടുതൽ സമയം ജോലി​ചെ​യ്‌തു​കൊണ്ട്‌ മാതാ​പി​താ​ക്കൾക്കു​ണ്ടാ​യി​രു​ന്ന​തി​നെ​ക്കാൾ മെച്ചമായ സാമ്പത്തിക സ്ഥിതി​വി​ശേഷം വരുത്താൻ ചിലർ ശ്രമി​ക്കു​ന്നു​ണ്ടെ​ന്നതു ശരിതന്നെ. ഉയർന്ന ജീവിത നിലവാ​രം ലക്ഷ്യം​വെ​ച്ചു​കൊണ്ട്‌ അവർ കൂടുതൽ വർഷം വിദ്യാ​ഭ്യാ​സം ചെയ്‌തേ​ക്കാം, അങ്ങനെ അവർ ജീവി​ത​ത്തെ​ക്കു​റി​ച്ചുള്ള തങ്ങളുടെ ഗ്രാഹ്യ​ത്തി​ന്റെ വ്യാപ്‌തി വർധി​പ്പി​ക്കാ​നും ശ്രമി​ച്ചേ​ക്കാം. അല്ലെങ്കിൽ മെച്ചമായ ആരോ​ഗ്യ​ത്തി​നും അൽപ്പം​കൂ​ടി ആയുസ്സ്‌ നീട്ടാ​നും​വേണ്ടി അവർ വ്യായാ​മ​ത്തി​ലോ കർശന​മായ ഭക്ഷണ​ക്ര​മ​ങ്ങ​ളി​ലോ ശ്രദ്ധ കേന്ദ്രീ​ക​രി​ച്ചേ​ക്കാം. ഈ ശ്രമങ്ങൾക്കൊ​ണ്ടു കുറ​ച്ചൊ​ക്കെ പ്രയോ​ജ​നങ്ങൾ ഉണ്ടാ​യേ​ക്കാം. എന്നാൽ അത്തരം ശ്രമങ്ങൾ വിജയി​ക്കു​മെന്ന്‌ ആർക്കാണ്‌ ഉറപ്പു​ള്ളത്‌? ഇനി വിജയി​ച്ചാൽത്തന്നെ, എത്ര നാള​ത്തേക്ക്‌?

15. മിക്കയാ​ളു​ക​ളു​ടെ​യും ജീവി​ത​ത്തെ​ക്കു​റി​ച്ചുള്ള ഏതു തുറന്ന വിലയി​രു​ത്തൽ ഈടു​റ്റ​താണ്‌?

¹⁵ ശലോ​മോൻ ചോദി​ച്ചു: “മായയെ വർദ്ധി​പ്പി​ക്കുന്ന വാക്കു പെരു​ക്കി​യാ​ലും മനുഷ്യ​ന്നു എന്തു ലാഭം? മനുഷ്യ​ന്റെ ജീവി​ത​കാ​ലത്തു, അവൻ നിഴൽപോ​ലെ കഴിച്ചു​കൂ​ട്ടുന്ന വ്യർത്ഥ​മാ​യുള്ള ആയുഷ്‌കാ​ല​ത്തൊ​ക്കെ​യും അവന്നു എന്താകു​ന്നു നല്ലതു എന്നു ആർക്കറി​യാം? അവന്റെ ശേഷം . . . എന്തു സംഭവി​ക്കും എന്നു മനുഷ്യ​നോ​ടു ആർ അറിയി​ക്കും?” (സഭാ​പ്ര​സം​ഗി 6:11, 12) മരണ​ത്തോ​ടെ ഒരു വ്യക്തി​യു​ടെ ശ്രമങ്ങൾ പെട്ടെ​ന്നു​തന്നെ നിലയ്‌ക്കു​ന്ന​തു​കൊണ്ട്‌, കൂടുതൽ ഭൗതിക വസ്‌തു​ക്കൾ സ്വരു​ക്കൂ​ട്ടാൻ പെടാ​പ്പാ​ടു​പെ​ടു​ന്ന​തിൽ, അല്ലെങ്കിൽ മുഖ്യ​മാ​യും കൂടുതൽ സമ്പാദി​ക്ക​ണ​മെന്ന ലക്ഷ്യത്തിൽ ദീർഘ​നാൾ വിദ്യാ​ഭ്യാ​സം ചെയ്യു​ന്ന​തിൽ വാസ്‌ത​വ​ത്തിൽ കാര്യ​മായ മെച്ചമു​ണ്ടോ? നിഴൽപോ​ലെ കടന്നു​പോ​കുന്ന ജീവിതം വളരെ ഹ്രസ്വ​മാ​യ​തി​നാൽ, പരാജ​യ​സാ​ധ്യത മനസ്സി​ലാ​ക്കു​മ്പോൾ മറ്റൊരു മാനു​ഷിക ലക്ഷ്യത്തി​നു​വേണ്ടി ശ്രമങ്ങൾ തിരി​ച്ചു​വി​ടാൻ സമയമി​ല്ലെന്ന്‌ അനേക​രും മനസ്സി​ലാ​ക്കു​ന്നു. ഒരു മനുഷ്യ​നും ‘തന്റെ ശേഷം’ തന്റെ മക്കൾക്ക്‌ എന്തു സംഭവി​ക്കു​മെന്ന്‌ ഉറപ്പു​ണ്ടാ​യി​രി​ക്കാ​നാ​വില്ല.

ഒരു നല്ല പേർ ഉണ്ടാക്കാ​നുള്ള സമയം

16. (എ) മൃഗങ്ങൾക്കു ചെയ്യാൻ അസാധ്യ​മായ എന്തു നാം ചെയ്യണം? (ബി) വേറെ ഏതു സത്യം നമ്മുടെ ചിന്തയെ സ്വാധീ​നി​ക്കണം?

¹⁶ മൃഗങ്ങ​ളിൽനി​ന്നു വ്യത്യ​സ്‌ത​മാ​യി, മനുഷ്യ​രായ നമുക്കു ഗഹനമാ​യി ഇങ്ങനെ ചിന്തി​ക്കു​ന്ന​തി​നുള്ള പ്രാപ്‌തി​യുണ്ട്‌, ‘എന്റെ അസ്‌തി​ത്വ​ത്തി​ന്റെ അർഥ​മെന്ത്‌? അത്‌ ജനിക്കാ​നും മരിക്കാ​നു​മുള്ള സമയപ​രി​ധി​യോ​ടെ​യുള്ള അചഞ്ചല​മായ ഒരു പരിവൃ​ത്തി​യാ​ണോ?’ ഇക്കാര്യ​ത്തിൽ, മനുഷ്യ​നെ​യും മൃഗ​ത്തെ​യും കുറി​ച്ചുള്ള ശലോ​മോ​ന്റെ വാക്കു​ക​ളി​ലെ സത്യം അനുസ്‌മ​രി​ക്കുക: “എല്ലാം [“അവരെ​ല്ലാം,” NW] വീണ്ടും പൊടി​യാ​യ്‌തീ​രു​ന്നു.” അതിന്റെ അർഥം മരണ​ത്തോ​ടെ നമ്മുടെ അസ്‌തി​ത്വം പൂർണ​മാ​യും അവസാ​നി​ക്കു​ന്നു​വെ​ന്നാ​ണോ? മരണത്തെ അതിജീ​വി​ക്കുന്ന ഒരു അമർത്യ ദേഹി മനുഷ്യർക്കി​ല്ലെന്നു ബൈബിൾ പ്രകട​മാ​ക്കു​ന്നു. മനുഷ്യർ ദേഹി​ക​ളാണ്‌, പാപം​ചെ​യ്യുന്ന ദേഹി മരിക്കും. (യെഹെ​സ്‌കേൽ 18:4, 20) ശലോ​മോൻ ഇങ്ങനെ വിശദീ​ക​രി​ച്ചു: “ജീവി​ച്ചി​രി​ക്കു​ന്നവർ തങ്ങൾ മരിക്കും എന്നറി​യു​ന്നു; മരിച്ച​വ​രോ ഒന്നും അറിയു​ന്നില്ല; മേലാൽ അവർക്കു ഒരു പ്രതി​ഫ​ല​വും ഇല്ല; അവരെ ഓർമ്മ വിട്ടു​പോ​കു​ന്നു​വ​ല്ലോ. ചെയ്‌വാൻ നിനക്കു സംഗതി​വ​രു​ന്ന​തൊ​ക്കെ​യും ശക്തി​യോ​ടെ ചെയ്‌ക; നീ ചെല്ലുന്ന പാതാ​ള​ത്തിൽ പ്രവൃ​ത്തി​യോ സൂത്ര​മോ, അറിവോ, ജ്ഞാനമോ ഒന്നും ഇല്ല.”—സഭാ​പ്ര​സം​ഗി 9:5, 10.

17. സഭാ​പ്ര​സം​ഗി 7:1, 2 എന്തി​നെ​ക്കു​റിച്ച്‌ ആഴമായി ചിന്തി​ക്കാൻ നമ്മെ പ്രേരി​പ്പി​ക്കണം?

¹⁷ ഒഴിവാ​ക്കാ​നാ​വാത്ത ആ വസ്‌തു​ത​യു​ടെ വീക്ഷണ​ത്തിൽ, ഈ പ്രസ്‌താ​വന പരിചി​ന്തി​ക്കുക: “നല്ല പേർ സുഗന്ധ​തൈ​ല​ത്തെ​ക്കാ​ളും മരണദി​വസം ജനനദി​വ​സ​ത്തെ​ക്കാ​ളും ഉത്തമം. വിരു​ന്നു​വീ​ട്ടിൽ പോകു​ന്ന​തി​നെ​ക്കാൾ വിലാ​പ​ഭ​വ​ന​ത്തിൽ പോകു​ന്നതു നല്ലതു; അതല്ലോ സകലമ​നു​ഷ്യ​രു​ടെ​യും അവസാനം; ജീവി​ച്ചി​രി​ക്കു​ന്നവൻ അതു ഹൃദയ​ത്തിൽ കരുതി​ക്കൊ​ള്ളും.” (സഭാ​പ്ര​സം​ഗി 7:1, 2) മരണം “സകലമ​നു​ഷ്യ​രു​ടെ​യും അവസാനം” ആണെന്നു നാം സമ്മതി​ക്കണം. നിത്യ​ജീ​വൻ കൈവ​രു​ത്തുന്ന ഏതെങ്കി​ലും അമൃത്‌ കഴിക്കാ​നോ ഏതെങ്കി​ലും ജീവക മിശ്രി​തം കഴിക്കാ​നോ ഏതെങ്കി​ലും ഭക്ഷണ​ക്രമം പിൻപ​റ്റാ​നോ അല്ലെങ്കിൽ ഏതെങ്കി​ലും വ്യായാ​മ​ത്തിൽ ഏർപ്പെ​ടാ​നോ യാതൊ​രു മനുഷ്യ​നും കഴിഞ്ഞി​ട്ടില്ല. സാധാ​ര​ണ​മാ​യി അവരുടെ മരണ​ശേഷം അധികം താമസി​യാ​തെ “അവരെ ഓർമ്മ വിട്ടു​പോ​കു​ന്നു.” അതിനാൽ പേർ “സുഗന്ധ​തൈ​ല​ത്തെ​ക്കാ​ളും മരണദി​വസം ജനനദി​വ​സ​ത്തെ​ക്കാ​ളും ഉത്തമം” ആയിരി​ക്കു​ന്ന​തെ​ന്തു​കൊണ്ട്‌?

18. ശലോ​മോൻ പുനരു​ത്ഥാ​ന​ത്തിൽ വിശ്വ​സി​ച്ചി​രു​ന്ന​താ​യി നമുക്ക്‌ ഉറപ്പു​ള്ള​തെ​ന്തു​കൊണ്ട്‌?

¹⁸ നേരത്തേ കണ്ടതു​പോ​ലെ, ശലോ​മോൻ യാഥാർഥ്യ​ബോ​ധ​മു​ള്ള​വ​നാ​യി​രു​ന്നു. നമ്മുടെ സ്രഷ്ടാ​വു​മാ​യി തീർച്ച​യാ​യും നല്ല പേർ ഉണ്ടാക്കിയ തന്റെ പൂർവി​ക​രായ അബ്രാ​ഹാം, ഇസ്‌ഹാക്ക്‌, യാക്കോബ്‌ എന്നിവ​രെ​ക്കു​റി​ച്ചെ​ല്ലാം അവന്‌ അറിയാ​മാ​യി​രു​ന്നു. അബ്രാ​ഹാ​മി​നോ​ടുള്ള നല്ല പരിച​യം​നി​മി​ത്തം, യഹോ​വ​യാം ദൈവം അവനെ​യും അവന്റെ സന്തതി​യെ​യും അനു​ഗ്ര​ഹി​ക്കു​മെന്നു വാഗ്‌ദാ​നം ചെയ്‌തു. (ഉല്‌പത്തി 18:18, 19; 22:17) അതേ, അബ്രാ​ഹാം ദൈവ​ത്തി​ന്റെ സുഹൃ​ത്താ​യി​ത്തീർന്നു​കൊണ്ട്‌ ദൈവ​വു​മാ​യി നല്ലൊരു പേർ ഉണ്ടാക്കി​യി​രു​ന്നു. (2 ദിനവൃ​ത്താ​ന്തം 20:7; യെശയ്യാ​വു 41:8; യാക്കോബ്‌ 2:23) തന്റെയും തന്റെ പുത്ര​ന്റെ​യും ജീവിതം അന്തമി​ല്ലാത്ത ജനനമ​ര​ണ​പ​രി​വൃ​ത്തി​യു​ടെ ഭാഗമ​ല്ലെന്ന്‌ അബ്രാ​ഹാ​മിന്‌ അറിയാ​മാ​യി​രു​ന്നു. നിശ്ചയ​മാ​യും അതിന്‌ അതിലും വലിയ ഉദ്ദേശ്യ​മു​ണ്ടാ​യി​രു​ന്നു. വീണ്ടും ജീവി​ക്കാ​മെന്ന കാര്യ​ത്തിൽ അവർക്ക്‌ ഉറപ്പുള്ള പ്രതീ​ക്ഷ​യു​ണ്ടാ​യി​രു​ന്നു. അത്‌ അവർക്ക്‌ ഒരു അമർത്യ ദേഹി ഉണ്ടായി​രു​ന്ന​തു​കൊ​ണ്ടല്ല, പ്രത്യുത, അവർ ഉയിർപ്പി​ക്ക​പ്പെ​ടു​മെ​ന്ന​തു​കൊ​ണ്ടാ​യി​രു​ന്നു. “മരിച്ച​വ​രു​ടെ ഇടയിൽനി​ന്നു [ഇസ്‌ഹാ​ക്കി​നെ] ഉയിർപ്പി​പ്പാൻ ദൈവം ശക്തൻ” എന്ന്‌ അബ്രാ​ഹാ​മി​നു ബോധ്യ​മു​ണ്ടാ​യി​രു​ന്നു.—എബ്രായർ 11:17-19.

19. സഭാ​പ്ര​സം​ഗി 7:1-ന്റെ അർഥം സംബന്ധിച്ച്‌ ഇയ്യോ​ബിൽനി​ന്നു നമുക്ക്‌ എന്ത്‌ ഉൾക്കാഴ്‌ച നേടാ​നാ​കും?

¹⁹ “നല്ല പേർ സുഗന്ധ​തൈ​ല​ത്തെ​ക്കാ​ളും മരണദി​വസം ജനനദി​വ​സ​ത്തെ​ക്കാ​ളും ഉത്തമം” ആയിരി​ക്കു​ന്നത്‌ എങ്ങനെ​യെന്നു മനസ്സി​ലാ​ക്കു​ന്ന​തി​നുള്ള ഒരു മുഖ്യ​ഘ​ട​ക​മാണ്‌ അത്‌. തനിക്കു മുമ്പു ജീവി​ച്ചി​രുന്ന ഇയ്യോ​ബി​നെ​പ്പോ​ലെ, മനുഷ്യ​ജീ​വൻ സൃഷ്ടി​ച്ച​വന്‌ അതു വീണ്ടെ​ടു​ക്കാ​നാ​കും എന്ന ബോധ്യം ശലോ​മോ​നു​ണ്ടാ​യി​രു​ന്നു. അവനു മരിച്ച വ്യക്തി​കളെ ജീവനി​ലേക്കു തിരി​കെ​ക്കൊ​ണ്ടു​വ​രാ​നാ​കും. (ഇയ്യോബ്‌ 14:7-14) വിശ്വ​സ്‌ത​നായ ഇയ്യോബ്‌ പറഞ്ഞു: “നീ [യഹോവ] വിളി​ക്കും; ഞാൻ നിന്നോ​ടു ഉത്തരം പറയും; നിന്റെ കൈ​വേ​ല​യോ​ടു നിനക്കു താല്‌പ​ര്യ​മു​ണ്ടാ​കും [“ഒരു വാഞ്‌ഛ ഉണ്ടായി​രി​ക്കും,” NW].” (ഇയ്യോബ്‌ 14:15) അതി​നെ​ക്കു​റി​ച്ചു ചിന്തി​ക്കുക! മരിച്ചു​പോയ തന്റെ വിശ്വസ്‌ത ദാസന്മാർക്കാ​യി നമ്മുടെ സ്രഷ്ടാ​വിന്‌ “ഒരു വാഞ്‌ഛ”യുണ്ട്‌. (“നിന്റെ കരങ്ങളു​ടെ വേല ഒരിക്കൽക്കൂ​ടെ കാണാൻ നീ ആഗ്രഹി​ക്കും.”—ദ ജെറു​സ​ലേം ബൈബിൾ) യേശു​ക്രി​സ്‌തു​വി​ന്റെ മറുവി​ല​യാ​ഗം ബാധക​മാ​ക്കി​ക്കൊണ്ട്‌, സ്രഷ്ടാ​വി​നു മനുഷ്യ​രെ ഉയിർപ്പി​ക്കാ​നാ​കും. (യോഹ​ന്നാൻ 3:16; പ്രവൃ​ത്തി​കൾ 24:15) വ്യക്തമാ​യും, ചാകുന്ന മൃഗങ്ങ​ളിൽനി​ന്നു മനുഷ്യർക്കു വ്യത്യാ​സ​മുണ്ട്‌.

20. (എ) മരണദി​വസം ജനനദി​വ​സ​ത്തെ​ക്കാൾ മെച്ചമാ​കു​ന്ന​തെ​പ്പോൾ? (ബി) ലാസറി​ന്റെ പുനരു​ത്ഥാ​നം അനേക​രെ​യും എങ്ങനെ സ്വാധീ​നി​ച്ചി​രി​ക്കാം?

²⁰ ഇതിനർഥം മരിക്കുന്ന വിശ്വ​സ്‌തനെ പുനരു​ത്ഥാ​ന​ത്തി​ലേക്കു കൊണ്ടു​വ​രാൻ കഴിയു​ന്ന​വ​നായ യഹോ​വ​യു​മാ​യി ഒരുവൻ ഒരു നല്ല പേർ ഉണ്ടാക്കി​യി​ട്ടു​ണ്ടെ​ങ്കിൽ, അവന്റെ മരണദി​വസം ജനനദി​വ​സ​ത്തെ​ക്കാൾ മെച്ചമാ​യി​രി​ക്കു​മെ​ന്നാണ്‌. വലിയ ശലോ​മോ​നായ യേശു​ക്രി​സ്‌തു അതു തെളി​യി​ക്കു​ക​യു​ണ്ടാ​യി. ഉദാഹ​ര​ണ​ത്തിന്‌, അവൻ വിശ്വസ്‌ത മനുഷ്യ​നായ ലാസറി​നെ ജീവനി​ലേക്കു തിരികെ കൊണ്ടു​വന്നു. (ലൂക്കൊസ്‌ 11:31; യോഹ​ന്നാൻ 11:1-44) നിങ്ങൾക്കു വിഭാവന ചെയ്യാൻ കഴിയു​ന്ന​തു​പോ​ലെ, ലാസറി​നെ ജീവനി​ലേക്കു തിരികെ കൊണ്ടു​വ​ന്ന​തി​നു സാക്ഷ്യം​വ​ഹിച്ച അനേക​രു​ടെ​മേ​ലും അതിനു കാര്യ​മായ സ്വാധീ​ന​മു​ണ്ടാ​യി. അവർ ദൈവ​പു​ത്ര​നിൽ വിശ്വാ​സ​മർപ്പി​ച്ചു. (യോഹ​ന്നാൻ 11:45) തങ്ങൾ ആർ, എങ്ങോട്ടു പോകു​ന്നു എന്നതി​നെ​ക്കു​റി​ച്ചെ​ല്ലാം യാതൊ​രു വിവര​വു​മി​ല്ലാ​തെ, അവർക്കു ജീവി​ത​ത്തിന്‌ ഉദ്ദേശ്യ​മി​ല്ലെന്നു തോന്നി​യെന്നു നിങ്ങൾ വിചാ​രി​ക്കു​ന്നു​ണ്ടോ? നേരേ​മ​റിച്ച്‌, തങ്ങൾ ജനിച്ച്‌, കുറെ നാൾ ജീവിച്ച്‌, പിന്നെ മരിച്ചു​പോ​കുന്ന മൃഗങ്ങൾ ആയിരി​ക്കേ​ണ്ട​തി​ല്ലെന്ന്‌ അവർക്കു കാണാൻ കഴിഞ്ഞു. ജീവി​ത​ത്തിൽ അവർക്കു​ണ്ടാ​യി​രുന്ന ഉദ്ദേശ്യം, അവർ യേശു​വി​ന്റെ പിതാ​വി​നെ അറിഞ്ഞ്‌ അവന്റെ ഹിതം നിവർത്തി​ക്കു​ന്ന​തു​മാ​യി നേരി​ട്ടും ദൃഢമാ​യും ബന്ധപ്പെ​ട്ടി​രു​ന്നു. നിങ്ങളു​ടെ കാര്യ​മോ? നിങ്ങളു​ടെ ജീവി​ത​ത്തിന്‌ എങ്ങനെ യഥാർഥ ഉദ്ദേശ്യം ഉണ്ടായി​രി​ക്കാ​മെ​ന്നും ഉണ്ടായി​രി​ക്ക​ണ​മെ​ന്നും കാണാൻ, അല്ലെങ്കിൽ കൂടുതൽ വ്യക്തമാ​യി കാണാൻ ഈ ചർച്ച നിങ്ങളെ സഹായി​ച്ചി​ട്ടു​ണ്ടോ?

21. നമ്മുടെ ജീവി​ത​ത്തി​ന്റെ അർഥം കണ്ടെത്തു​ന്ന​തി​ന്റെ ഏതു വശമാണു നാം ഇനിയും പരി​ശോ​ധി​ക്കാ​നാ​ഗ്ര​ഹി​ക്കു​ന്നത്‌?

²¹ എങ്കിലും, ജീവി​ത​ത്തിൽ യഥാർഥ​വും അർഥവ​ത്തു​മായ ഉദ്ദേശ്യ​മു​ണ്ടാ​യി​രി​ക്കു​ക​യെ​ന്നാൽ മരണ​ത്തെ​യും അതിനു​ശേഷം വീണ്ടും ജീവി​ക്കു​ന്ന​തി​നെ​യും കുറിച്ചു ചിന്തി​ക്കു​ന്ന​തി​നെ​ക്കാൾ അധികം അർഥമാ​ക്കു​ന്നുണ്ട്‌. ദൈനം​ദിന അടിസ്ഥാ​ന​ത്തിൽ നാം നമ്മുടെ ജീവി​തം​കൊണ്ട്‌ എന്തു ചെയ്യുന്നു എന്നതും അതിലുൾപ്പെ​ടു​ന്നു. അടുത്ത ലേഖന​ത്തിൽ നാം കാണു​ന്ന​തു​പോ​ലെ, ശലോ​മോൻ അതും സഭാ​പ്ര​സം​ഗി​യിൽ വ്യക്തമാ​ക്കി.

[അടിക്കു​റി​പ്പു​കൾ]

നിങ്ങൾ ഓർമി​ക്കു​ന്നു​വോ?

◻ ഏതെല്ലാം വിധങ്ങ​ളി​ലാ​ണു മൃഗങ്ങൾക്കും മനുഷ്യർക്കും സാദൃ​ശ്യ​മു​ള്ളത്‌?

◻ മനുഷ്യ ശ്രമവും പ്രവർത്ത​ന​വും ഏറിയ​പ​ങ്കും പാഴ്‌വേ​ല​യാ​ണെന്നു മരണം പ്രദീ​പ്‌ത​മാ​ക്കു​ന്ന​തെ​ങ്ങനെ?

◻ മരണദി​വസം ജനനദി​വ​സ​ത്തെ​ക്കാൾ മെച്ചമാ​യി​രി​ക്കാ​വു​ന്ന​തെ​ങ്ങനെ?

◻ നമ്മുടെ ജീവി​ത​ത്തിന്‌ അർഥവ​ത്തായ ഉദ്ദേശ്യ​മു​ണ്ടാ​യി​രി​ക്കു​ന്നത്‌ ഏതു ബന്ധത്തെ ആശ്രയി​ച്ചി​രി​ക്കു​ന്നു?

[10-ാം പേജിലെ ചിത്രം]

നിങ്ങളുടെ ജീവിതം മൃഗങ്ങ​ളു​ടേ​തിൽനി​ന്നു ശ്രദ്ധേ​യ​മാം​വി​ധം വ്യത്യാ​സ​പ്പെ​ട്ടി​രി​ക്കു​ന്ന​തെ​ങ്ങനെ?