വിശ്വാ​സം—നമ്മളെ ശക്തരാക്കി നിറുത്തുന്ന ഗുണം

വിശ്വാ​സ​ത്തിന്‌ അസാമാ​ന്യ​മായ ശക്തിയുണ്ട്‌. ഉദാഹ​ര​ണ​ത്തിന്‌, നമ്മളെ​യെ​ല്ലാം ആത്മീയ​മാ​യി കൊന്നു​ക​ള​യാൻ സാത്താൻ ആഗ്രഹി​ക്കു​ന്നു​ണ്ടെ​ങ്കി​ലും, വിശ്വാ​സ​മു​ണ്ടെ​ങ്കിൽ ആ “ദുഷ്ടന്റെ തീയമ്പു​കളെ മുഴുവൻ കെടു​ത്തി​ക്ക​ള​യാൻ” നമുക്കു കഴിയും. (എഫെ. 6:16) മലപോ​ലെ​യുള്ള പ്രശ്‌നങ്ങൾ ഉയർന്നു​വ​ന്നാ​ലും, വിശ്വാ​സ​മു​ണ്ടെ​ങ്കിൽ അവ നേരി​ടാൻ നമ്മൾ പ്രാപ്‌ത​രാ​കും. യേശു ശിഷ്യ​ന്മാ​രോട്‌ ഇങ്ങനെ പറഞ്ഞു: “നിങ്ങൾക്ക്‌ ഒരു കടുകു​മ​ണി​യു​ടെ അത്ര​യെ​ങ്കി​ലും വിശ്വാ​സ​മു​ണ്ടെ​ങ്കിൽ ഈ മലയോട്‌, ‘ഇവി​ടെ​നിന്ന്‌ അങ്ങോട്ടു നീങ്ങുക’ എന്നു പറഞ്ഞാൽ അതു നീങ്ങും.” (മത്താ. 17:20) വിശ്വാ​സ​ത്തി​നു നമ്മളെ ആത്മീയ​മാ​യി ശക്തരാ​ക്കി​നി​റു​ത്താൻ കഴിയും. അതു​കൊണ്ട്‌ നമുക്കു പിൻവ​രുന്ന ചോദ്യ​ങ്ങൾക്ക്‌ ഉത്തരം കണ്ടെത്താം: എന്താണു വിശ്വാ​സം? നമ്മുടെ ഹൃദയ​നി​ല​യും വിശ്വാ​സ​വും തമ്മിലുള്ള ബന്ധം എന്താണ്‌? നമുക്കു നമ്മുടെ വിശ്വാ​സം എങ്ങനെ ശക്തമാ​ക്കാം? നമ്മൾ ആരിലാ​ണു വിശ്വാ​സം അർപ്പി​ക്കേ​ണ്ടത്‌?—റോമ. 4:3.

ബൈബിൾസ​ത്യം വെറുതേ അംഗീ​ക​രി​ക്കു​ന്നതു മാത്രമല്ല വിശ്വാ​സം. കാരണം, “ഭൂതങ്ങ​ളും (ദൈവ​മു​ണ്ടെന്ന്‌) വിശ്വ​സി​ക്കു​ക​യും വിറയ്‌ക്കു​ക​യും ചെയ്യുന്നു.” (യാക്കോ. 2:19) അങ്ങനെ​യെ​ങ്കിൽ, എന്താണു വിശ്വാ​സം?

വിശ്വാ​സ​ത്തി​നു രണ്ടു വശങ്ങളു​ണ്ടെന്നു ബൈബിൾ പറയുന്നു. ഒന്ന്‌, ‘വിശ്വാ​സം എന്നത്‌, പ്രത്യാ​ശി​ക്കുന്ന കാര്യങ്ങൾ സംഭവി​ക്കു​മെന്ന ഉറച്ച ബോധ്യ​മാണ്‌.’ (എബ്രാ. 11:1എ) വിശ്വാ​സ​മു​ണ്ടെ​ങ്കിൽ യഹോവ പറയുന്ന എല്ലാ കാര്യ​ങ്ങ​ളും സത്യമാ​ണെ​ന്നും അവയെ​ല്ലാം നടപ്പാ​കു​മെ​ന്നും നിങ്ങൾ ഉറച്ച്‌ വിശ്വ​സി​ക്കും. ഉദാഹ​ര​ണ​ത്തിന്‌, യഹോവ ഇസ്രാ​യേ​ല്യ​രോട്‌ ഇങ്ങനെ പറഞ്ഞു: “രാത്രി​യെ​ക്കു​റി​ച്ചും പകലി​നെ​ക്കു​റി​ച്ചും ഉള്ള എന്റെ ഉടമ്പടി വിഫല​മാ​ക്കി രാത്രി​യും പകലും കൃത്യ​മായ സമയത്ത്‌ വരുന്നതു തടയാൻ നിനക്കു കഴിയു​മോ? എങ്കിൽ മാത്രമേ എന്റെ ദാസനായ ദാവീ​ദി​നോ​ടുള്ള എന്റെ ഉടമ്പടി ലംഘി​ക്ക​പ്പെ​ടു​ക​യു​ള്ളൂ.” (യിരെ. 33:20, 21) സൂര്യൻ ഉദിക്കു​ന്ന​തും അസ്‌ത​മി​ക്കു​ന്ന​തും ഒരു ദിവസം അവസാ​നി​ക്കു​മെ​ന്നും അങ്ങനെ പകലും രാത്രി​യും ഇല്ലാതാ​കു​മെ​ന്നും നിങ്ങൾക്ക്‌ എപ്പോ​ഴെ​ങ്കി​ലും പേടി തോന്നി​യി​ട്ടു​ണ്ടോ? ഭൂമി അതിന്റെ അച്ചുത​ണ്ടിൽ കറങ്ങാ​നും സൂര്യനു ചുറ്റും വലം​വെ​ക്കാ​നും ഇടയാ​ക്കുന്ന ഭൗതി​ക​നി​യ​മ​ങ്ങളെ നിങ്ങൾ സംശയി​ക്കു​ന്നി​ല്ലെ​ങ്കിൽ, ആ നിയമങ്ങൾ സ്ഥാപിച്ച സ്രഷ്ടാ​വി​നു തന്റെ വാക്കു നിവർത്തി​ക്കാൻ കഴിയു​മോ എന്നു നിങ്ങൾ സംശയി​ക്ക​ണോ? ഒരു ആവശ്യ​വു​മില്ല.—യശ. 55:10, 11; മത്താ. 5:18.

രണ്ട്‌, വിശ്വാ​സം ‘കണ്ടിട്ടി​ല്ലാത്ത യാഥാർഥ്യ​ങ്ങ​ളെ​ക്കു​റി​ച്ചുള്ള ശക്തമായ തെളി​വിൽ അധിഷ്‌ഠി​ത​മായ നിശ്ചയമാണ്‌.’ എന്നു പറഞ്ഞാൽ, നമുക്കു കാണാൻ കഴിയാത്ത, അതേസ​മയം സ്ഥിതി ചെയ്യുന്ന കാര്യ​ങ്ങ​ളെ​ക്കു​റി​ച്ചുള്ള ബോധ്യം. പക്ഷേ അതിനു ശക്തമായ തെളി​വുണ്ട്‌. വിശ്വാ​സത്തെ ‘ശക്തമായ തെളിവ്‌’ എന്നു​പോ​ലും വിളി​ച്ചി​ട്ടുണ്ട്‌. (എബ്രാ. 11:1ബി, അടിക്കു​റിപ്പ്‌) അത്‌ എങ്ങനെ? ഇങ്ങനെ ചിന്തി​ക്കുക: ഒരു കുട്ടി നിങ്ങ​ളോ​ടു ചോദി​ക്കു​ന്നു: ‘വായു ഉണ്ടെന്ന്‌ എങ്ങനെ അറിയാം?’ നിങ്ങൾ ഇതേവരെ വായു കണ്ടിട്ടി​ല്ലെ​ങ്കി​ലും അതു ശരിക്കു​മു​ണ്ടെന്നു കാണി​ക്കുന്ന തെളി​വു​ക​ളെ​ക്കു​റിച്ച്‌ ചിന്തി​ക്കാൻ നിങ്ങൾ കുട്ടിയെ സഹായി​ക്കും. ഉദാഹ​ര​ണ​ത്തിന്‌, ശ്വസന​ത്തെ​യും കാറ്റി​നെ​യും കുറി​ച്ചൊ​ക്കെ നിങ്ങൾ പറഞ്ഞേ​ക്കാം. ഈ തെളിവ്‌ കിട്ടി​ക്ക​ഴി​യു​മ്പോൾ അവനു കാണാൻ കഴിയു​ന്നി​ല്ലെ​ങ്കി​ലും വായു ശരിക്കു​മു​ണ്ടെന്ന്‌ അവനു ബോധ്യ​മാ​കും. സമാന​മാ​യി, വിശ്വാ​സ​ത്തി​ന്റെ അടിസ്ഥാ​നം ശക്തമായ തെളി​വു​ക​ളാണ്‌. —റോമ. 1:20.

വിശ്വാ​സ​ത്തി​ന്റെ അടിസ്ഥാ​നം തെളി​വു​ക​ളാ​യ​തു​കൊണ്ട്‌ വിശ്വാ​സം വളർത്ത​ണ​മെ​ങ്കിൽ ഒരു വ്യക്തി ‘സത്യത്തി​ന്റെ ശരിയായ അറിവ്‌ നേടണം.’ (1 തിമൊ. 2:4) എന്നാൽ അതു മാത്രം പോരാ. കാരണം പൗലോസ്‌ അപ്പോ​സ്‌തലൻ ‘ഹൃദയം​കൊണ്ട്‌ വിശ്വ​സി​ക്കു​ന്ന​തി​നെ​ക്കു​റിച്ച്‌’ പറയുന്നു. (റോമ. 10:10, സത്യ​വേ​ദ​പു​സ്‌തകം) ഹൃദയം​കൊണ്ട്‌ വിശ്വ​സി​ക്കുന്ന ഒരു വ്യക്തി​യാ​ണു ബൈബിൾസ​ത്യ​ങ്ങൾ വിലമ​തി​ക്കു​ന്നത്‌. അപ്പോൾ മാത്രമേ വിശ്വാ​സം പ്രവൃ​ത്തി​ക​ളി​ലൂ​ടെ കാണി​ക്കാൻ, അഥവാ വിശ്വാ​സ​ത്തി​നു ചേർച്ച​യിൽ ജീവി​ക്കാൻ, ആ വ്യക്തിക്കു പ്രചോ​ദനം തോന്നു​ക​യു​ള്ളൂ. (യാക്കോ. 2:20) സത്യ​ത്തോട്‌ ആത്മാർഥ​മായ വിലമ​തി​പ്പി​ല്ലാത്ത ഒരു വ്യക്തി ശക്തമായ തെളി​വു​കൾപോ​ലും അവഗണി​ച്ചേ​ക്കാം. കാരണം സ്വന്തം വിശ്വാ​സങ്ങൾ പിൻപ​റ്റാ​നാണ്‌ അയാൾ ആഗ്രഹി​ക്കു​ന്നത്‌, തന്റെ ജഡിക​മോ​ഹ​ങ്ങ​ളാണ്‌ അയാൾക്കു പ്രധാനം. (2 പത്രോ. 3:3, 4; യൂദ 18) അതു​കൊ​ണ്ടാ​ണു ബൈബിൾക്കാ​ല​ങ്ങ​ളിൽ അത്ഭുതങ്ങൾ കണ്ട എല്ലാവർക്കും വിശ്വാ​സം ഇല്ലാതി​രു​ന്നത്‌. (സംഖ്യ 14:11; യോഹ. 12:37) സത്യത്തെ ശരിക്കും സ്‌നേ​ഹി​ക്കു​ന്ന​വ​രു​ടെ ഹൃദയ​ങ്ങ​ളിൽ മാത്രമേ പരിശു​ദ്ധാ​ത്മാവ്‌ വിശ്വാ​സം വളർത്തു​ക​യു​ള്ളൂ.—ഗലാ. 5:22; 2 തെസ്സ. 2:10, 11.

അസാധാ​ര​ണ​മായ വിശ്വാ​സ​മു​ണ്ടാ​യി​രുന്ന ഒരാളാ​യി​രു​ന്നു ദാവീദ്‌ രാജാവ്‌. (എബ്രാ. 11:32, 33) എന്നാൽ ദാവീ​ദി​ന്റെ കുടും​ബ​ത്തി​ലെ എല്ലാവർക്കും അത്തരം വിശ്വാ​സം ഉണ്ടായി​രു​ന്നില്ല. ഉദാഹ​ര​ണ​ത്തിന്‌, ദാവീ​ദി​ന്റെ മൂത്ത ചേട്ടനായ എലിയാ​ബി​ന്റെ കാര്യ​മെ​ടു​ക്കുക. ഗൊല്യാത്ത്‌ ഇസ്രാ​യേ​ലി​നെ വെല്ലു​വി​ളി​ച്ച​പ്പോൾ ദാവീ​ദിന്‌ ആകെ വിഷമം തോന്നി. പക്ഷേ അതിന്റെ പേരിൽ എലിയാബ്‌ ദാവീ​ദി​നെ കുറ്റ​പ്പെ​ടു​ത്തു​ക​യാ​ണു ചെയ്‌തത്‌. എലിയാബ്‌ യഹോ​വ​യിൽ വിശ്വാ​സം അർപ്പി​ച്ചി​ല്ലെ​ന്നാണ്‌ ഇതു കാണി​ച്ചത്‌. (1 ശമു. 17:26-28) ഒരാൾ ജനിക്കു​മ്പോൾ കിട്ടുന്ന ഒന്നല്ല വിശ്വാ​സം. അതു മാതാ​പി​താ​ക്ക​ളിൽനിന്ന്‌ അവകാ​ശ​മാ​യി കിട്ടു​ന്ന​തു​മല്ല. അതു​കൊണ്ട്‌ ദാവീ​ദി​ന്റെ വിശ്വാ​സം ദാവീ​ദിന്‌ ദൈവ​വു​മാ​യുള്ള ബന്ധത്തിൽനി​ന്നും ഉളവാ​യ​താണ്‌.

എങ്ങനെ​യാണ്‌ ഇത്ര ശക്തമായ വിശ്വാ​സം വളർത്തി​യെ​ടു​ക്കാൻ കഴിഞ്ഞ​തെന്ന്‌ 27-ാം സങ്കീർത്ത​ന​ത്തിൽ ദാവീദ്‌ പറയു​ന്നുണ്ട്‌. (1-ാം വാക്യം) സ്വന്തം ജീവി​താ​നു​ഭ​വ​ങ്ങ​ളെ​യും തന്റെ ശത്രു​ക്കളെ യഹോവ തുരത്തി​യ​തി​നെ​യും കുറിച്ച്‌ ദാവീദ്‌ ധ്യാനി​ച്ചു. (2-ഉം 3-ഉം വാക്യങ്ങൾ) ആരാധ​ന​യ്‌ക്കു​വേണ്ടി യഹോവ ചെയ്‌ത ക്രമീ​ക​രണം ദാവീദ്‌ ആഴമായി വിലമ​തി​ച്ചു. (4-ാം വാക്യം) സഹവി​ശ്വാ​സി​ക​ളു​ടെ​കൂ​ടെ ദാവീദ്‌ ദൈവത്തെ വിശു​ദ്ധ​കൂ​ടാ​ര​ത്തിൽ ആരാധി​ച്ചു. (6-ാം വാക്യം) യഹോ​വ​യോട്‌ ആത്മാർഥ​മാ​യി പ്രാർഥി​ച്ചു. (7-ഉം 8-ഉം വാക്യങ്ങൾ) ദൈവ​ത്തി​ന്റെ വഴികൾ തന്നെ പഠിപ്പി​ക്ക​ണ​മെന്നു ദാവീദ്‌ ആഗ്രഹി​ച്ചു. (11-ാം വാക്യം) ഈ ഗുണം അത്ര പ്രധാ​ന​മാ​യി കണ്ടതു​കൊണ്ട്‌ ദാവീദ്‌ ഇങ്ങനെ ചോദി​ച്ചു: “വിശ്വാ​സ​മി​ല്ലാ​യി​രു​ന്നെ​ങ്കിൽ ഞാൻ ഇപ്പോൾ എവി​ടെ​യാ​യി​രു​ന്നേനേ?”—13-ാം വാക്യം.

27-ാം സങ്കീർത്ത​ന​ത്തിൽ വിവരി​ച്ചി​രി​ക്കുന്ന ദാവീ​ദി​ന്റെ മനോ​ഭാ​വ​വും പ്രവൃ​ത്തി​ക​ളും അനുക​രി​ക്കു​ന്നെ​ങ്കിൽ ദാവീ​ദി​നെ​പ്പോ​ലെ വിശ്വാ​സം വളർത്താൻ നിങ്ങൾക്കു കഴിയും. ശരിയായ അറിവാ​ണു വിശ്വാ​സ​ത്തി​ന്റെ അടിസ്ഥാ​നം. അതു​കൊണ്ട്‌ ദൈവ​വ​ച​ന​വും പ്രസി​ദ്ധീ​ക​ര​ണ​ങ്ങ​ളും എത്ര കൂടുതൽ പഠിക്കു​ന്നോ, ദൈവാ​ത്മാ​വി​ന്റെ ഈ ഗുണം വളർത്തി​യെ​ടു​ക്കു​ന്നതു നിങ്ങൾക്ക്‌ അത്ര എളുപ്പ​മാ​യി​ത്തീ​രും. (സങ്കീ. 1:2, 3) പഠിക്കു​മ്പോൾ ധ്യാനി​ക്കാൻ സമയ​മെ​ടു​ക്കുക. ധ്യാനം എന്ന മണ്ണിലാ​ണു വിലമ​തിപ്പ്‌ എന്ന ചെടി വളർന്നു​വ​രു​ന്നത്‌. യഹോ​വ​യോ​ടുള്ള നിങ്ങളു​ടെ വിലമ​തി​പ്പു കൂടു​മ്പോൾ വിശ്വാ​സം പ്രവൃ​ത്തി​ക​ളി​ലൂ​ടെ കാണി​ക്കാ​നുള്ള ആഗ്രഹ​വും വർധി​ക്കും. അങ്ങനെ നിങ്ങൾ സഭാ​യോ​ഗ​ങ്ങ​ളിൽ യഹോ​വയെ ആരാധി​ക്കു​ക​യും നിങ്ങളു​ടെ പ്രത്യാ​ശ​യെ​ക്കു​റിച്ച്‌ മറ്റുള്ള​വ​രോ​ടു പറയു​ക​യും ചെയ്യും. (എബ്രാ. 10:23-25) ‘മടുത്തു​പോ​കാ​തെ എപ്പോ​ഴും പ്രാർഥി​ച്ചു​കൊ​ണ്ടും’ നമ്മൾ വിശ്വാ​സം പ്രകട​മാ​ക്കും. (ലൂക്കോ. 18:1-8) അതു​കൊണ്ട്‌ യഹോ​വ​യ്‌ക്കു ‘നമ്മളെ​ക്കു​റിച്ച്‌ ചിന്തയുണ്ട്‌’ എന്ന ഉറപ്പോ​ടെ “ഇടവി​ടാ​തെ പ്രാർഥി​ക്കുക.” (1 തെസ്സ. 5:17; 1 പത്രോ. 5:7) വിശ്വാ​സം പ്രവർത്തി​ക്കാൻ നമ്മളെ പ്രേരി​പ്പി​ക്കും. ആ പ്രവൃ​ത്തി​ക​ളോ? നമ്മുടെ വിശ്വാ​സം കൂടുതൽ ശക്തമാ​ക്കും.—യാക്കോ. 2:22.

മരിക്കു​ന്ന​തി​ന്റെ തലേ രാത്രി യേശു ശിഷ്യ​ന്മാ​രോ​ടു പറഞ്ഞു: “നിങ്ങളു​ടെ ഹൃദയം അസ്വസ്ഥ​മാ​ക​രുത്‌. ദൈവ​ത്തിൽ വിശ്വ​സി​ക്കുക. എന്നിലും വിശ്വ​സി​ക്കുക.” (യോഹ. 14:1) അതു​കൊണ്ട്‌ നമ്മൾ യഹോ​വ​യിൽ മാത്രം വിശ്വ​സി​ച്ചാൽ പോരാ, യേശു​വി​ലും വിശ്വ​സി​ക്കണം. യേശു​വിൽ വിശ്വ​സി​ക്കു​ന്നെന്നു നിങ്ങൾക്ക്‌ എങ്ങനെ തെളി​യി​ക്കാം? മൂന്നു വിധങ്ങൾ നോക്കാം.

ഒന്ന്‌, മോച​ന​വില ദൈവം നിങ്ങൾക്കു നേരിട്ട്‌ തന്ന ഒരു സമ്മാന​മാ​യി കാണുക. പൗലോസ്‌ അപ്പോ​സ്‌തലൻ പറഞ്ഞു: “ഈ ശരീര​ത്തിൽ ഞാൻ ഇങ്ങനെ ജീവി​ച്ചി​രി​ക്കു​ന്ന​തു​തന്നെ എന്നെ സ്‌നേ​ഹിച്ച്‌ എനിക്കു​വേണ്ടി തന്നെത്തന്നെ ഏൽപ്പി​ച്ചു​കൊ​ടുത്ത ദൈവ​പു​ത്ര​നി​ലുള്ള വിശ്വാസംകൊണ്ടാണ്‌.” (ഗലാ. 2:20) യേശു​വി​ലുള്ള വിശ്വാ​സ​ത്തിൽ പിൻവ​രുന്ന കാര്യങ്ങൾ ഉറച്ച്‌ വിശ്വ​സി​ക്കു​ന്നത്‌ ഉൾപ്പെ​ടു​ന്നു: മോച​ന​വില നിങ്ങൾക്കു പ്രയോ​ജനം ചെയ്യും, നിങ്ങളു​ടെ പാപങ്ങൾ ക്ഷമിച്ചു​കി​ട്ടു​ന്ന​തി​ന്റെ അടിസ്ഥാ​നം അതാണ്‌, അതിലൂ​ടെ​യാണ്‌ എന്നേക്കും ജീവി​ക്കാ​നുള്ള പ്രത്യാശ കിട്ടി​യത്‌, അതാണു ദൈവ​ത്തി​നു നിങ്ങ​ളോ​ടുള്ള സ്‌നേ​ഹ​ത്തി​ന്റെ ഏറ്റവും വലിയ തെളിവ്‌. (റോമ. 8:32, 38, 39; എഫെ. 1:7) സ്വയം വിലകു​റച്ച്‌ കാണു​ന്നത്‌ ഒഴിവാ​ക്കാൻ ആ വിശ്വാ​സം നമ്മളെ സഹായി​ക്കും.—2 തെസ്സ. 2:16, 17.

രണ്ട്‌, യേശു​വി​ന്റെ ബലിയു​ടെ അടിസ്ഥാ​ന​ത്തിൽ പ്രാർഥ​ന​യി​ലൂ​ടെ യഹോ​വ​യോട്‌ അടുത്ത്‌ ചെല്ലുക. മോച​ന​വി​ല​യു​ടെ ക്രമീ​ക​ര​ണ​മു​ള്ള​തു​കൊണ്ട്‌, “സഹായം ആവശ്യ​മുള്ള സമയത്തു​തന്നെ നമുക്കു കരുണ​യും അനർഹ​ദ​യ​യും” ലഭിക്കും. അതു​കൊണ്ട്‌ “ധൈര്യ​മാ​യി” യഹോ​വ​യോ​ടു പ്രാർഥി​ക്കാം. (എബ്രാ. 4:15, 16; 10:19-22) പാപം ചെയ്യാ​നുള്ള പ്രലോ​ഭനം ചെറു​ത്തു​നിൽക്കാ​നുള്ള നമ്മുടെ തീരു​മാ​നത്തെ പ്രാർഥന ശക്തമാ​ക്കും. —ലൂക്കോ. 22:40.

മൂന്ന്‌, യേശു​വി​നെ അനുസ​രി​ക്കുക. യോഹ​ന്നാൻ അപ്പോ​സ്‌തലൻ എഴുതി: “പുത്ര​നിൽ വിശ്വ​സി​ക്കു​ന്ന​വനു നിത്യ​ജീ​വ​നുണ്ട്‌. പുത്രനെ അനുസ​രി​ക്കാ​ത്ത​വ​നോ ജീവനെ കാണില്ല. ദൈവ​ക്രോ​ധം അവന്റെ മേലുണ്ട്‌.” (യോഹ. 3:36) ഇവിടെ, യോഹ​ന്നാൻ വിശ്വാ​സത്തെ അനുസ​ര​ണ​ക്കേ​ടു​മാ​യി താരത​മ്യം ചെയ്യു​ക​യാണ്‌. അതു​കൊണ്ട്‌ യേശു​വി​നെ അനുസ​രി​ക്കു​മ്പോൾ നിങ്ങൾ യേശു​വിൽ വിശ്വ​സി​ക്കു​ന്നു​ണ്ടെന്നു കാണി​ക്കു​ക​യാണ്‌. ‘ക്രിസ്‌തു​വി​ന്റെ നിയമ​ത്തി​നു’ ചേർച്ച​യിൽ ജീവി​ച്ചു​കൊണ്ട്‌ യേശു​വി​നെ അനുസ​രി​ക്കാം. ആ നിയമ​ത്തിൽ യേശു​വി​ന്റെ എല്ലാ പഠിപ്പി​ക്ക​ലു​ക​ളും കല്‌പ​ന​ക​ളും ഉൾപ്പെ​ടു​ന്നു. (ഗലാ. 6:2) ‘വിശ്വ​സ്‌ത​നും വിവേ​കി​യും ആയ അടിമ​യി​ലൂ​ടെ’ തരുന്ന മാർഗ​നിർദേ​ശങ്ങൾ ശ്രദ്ധി​ച്ചു​കൊ​ണ്ടും യേശു​വി​നെ അനുസ​രി​ക്കാം. (മത്താ. 24:45) യേശു​വി​നെ അനുസ​രി​ക്കു​ന്നെ​ങ്കിൽ, കൊടു​ങ്കാ​റ്റു​പോ​ലെ​യുള്ള പ്രശ്‌ന​ങ്ങ​ളു​ണ്ടാ​യാ​ലും പിടി​ച്ചു​നിൽക്കാ​നുള്ള കരുത്തു നമ്മൾ നേടും.—മത്താ. 7:24, 25.

ഒരിക്കൽ ഒരു മനുഷ്യൻ യേശു​വി​നോട്‌ ഇങ്ങനെ വിളി​ച്ചു​പ​റഞ്ഞു: “എനിക്കു വിശ്വാ​സ​മുണ്ട്‌! എങ്കിലും വിശ്വാ​സ​ത്തിൽ എനിക്കുള്ള കുറവ്‌ നികത്താൻ സഹായി​ക്കണേ.” (മർക്കോ. 9:24) ആ മനുഷ്യ​നു വിശ്വാ​സ​മു​ണ്ടാ​യി​രു​ന്നു. എന്നാൽ വിശ്വാ​സ​ത്തി​ന്റെ കാര്യ​ത്തിൽ താൻ ഇനിയും മെച്ച​പ്പെ​ട​ണ​മെന്ന്‌ അയാൾ താഴ്‌മ​യോ​ടെ സമ്മതിച്ചു. ആ മനുഷ്യ​നെ​പ്പോ​ലെ, ജീവി​ത​ത്തി​ന്റെ ഏതെങ്കി​ലു​മൊ​രു ഘട്ടത്തിൽ നമുക്കു കൂടുതൽ വിശ്വാ​സം ആവശ്യ​മാ​യി​വ​രും. നമ്മുടെ വിശ്വാ​സം ശക്തമാ​ക്കാ​നുള്ള സമയം ഇപ്പോ​ഴാണ്‌. നമ്മൾ കണ്ടതു​പോ​ലെ, ദൈവ​വ​ചനം പഠിക്കു​ക​യും ധ്യാനി​ക്കു​ക​യും ചെയ്യു​ന്നത്‌ യഹോ​വ​യോ​ടുള്ള നമ്മുടെ വിലമ​തി​പ്പു വർധി​പ്പി​ക്കു​ക​യും വിശ്വാ​സം ബലപ്പെ​ടു​ത്തു​ക​യും ചെയ്യും. സഹവി​ശ്വാ​സി​ക​ളു​ടെ​കൂ​ടെ യഹോ​വയെ ആരാധി​ക്കു​ക​യും നമ്മുടെ പ്രത്യാ​ശ​യെ​ക്കു​റിച്ച്‌ മറ്റുള്ള​വ​രോ​ടു പറയു​ക​യും മടുത്തു​പോ​കാ​തെ പ്രാർഥി​ക്കു​ക​യും ചെയ്യു​ന്നതു നമ്മുടെ വിശ്വാ​സം ശക്തമാ​ക്കും. ഇങ്ങനെ​യൊ​ക്കെ ചെയ്‌തു​കൊണ്ട്‌ നമ്മളെ​ത്തന്നെ അതിവി​ശു​ദ്ധ​മായ വിശ്വാ​സ​ത്തി​ന്മേൽ പണിതു​യർത്തു​ന്നെ​ങ്കിൽ, ‘ദൈവ​സ്‌നേ​ഹ​ത്തിൽ നിലനിൽക്കാൻ’ നമുക്കു കഴിയും. അതിലും വലിയ പ്രതി​ഫലം മറ്റ്‌ എന്താണു​ള്ളത്‌!—യൂദ 20, 21.