നിങ്ങൾ ആത്മത്യാഗ മനോ​ഭാ​വം പ്രകടി​പ്പി​ക്കു​ന്നു​ണ്ടോ?

¹ തന്റെ നിസ്വാർഥ ഗതിയി​ലൂ​ടെ യേശു മനുഷ്യ​വർഗ​ത്തി​നു നേടിത്തന്ന സംഗതി​ക​ളോ​ടുള്ള വിലമ​തിപ്പ്‌, നമ്മുടെ പ്രാപ്‌തി​ക​ളും ഊർജ​വും ശക്തിയു​മെ​ല്ലാം ആത്മത്യാ​ഗ​പ​ര​മായ ഒരു വിധത്തിൽ ഉപയോ​ഗി​ക്കാൻ നമ്മെ പ്രേരി​പ്പി​ക്കേ​ണ്ട​താണ്‌. തിരു​വെ​ഴു​ത്തു​കൾ ഇപ്രകാ​രം പ്രബോ​ധി​പ്പി​ക്കു​ന്നു: “നിങ്ങൾ ബുദ്ധി​യുള്ള ആരാധ​ന​യാ​യി നിങ്ങളു​ടെ ശരീര​ങ്ങളെ ജീവനും വിശു​ദ്ധി​യും ദൈവ​ത്തി​ന്നു പ്രസാ​ദ​വു​മുള്ള യാഗമാ​യി സമർപ്പി​പ്പിൻ.” (റോമ. 12:1) വ്യക്തി​പ​ര​മായ സാഹച​ര്യ​ങ്ങൾ അനുവ​ദി​ക്കു​ന്നി​ട​ത്തോ​ളം പൂർണ​മായ അളവിൽ നിങ്ങൾ അത്തരത്തി​ലുള്ള ഒരു ആത്മാവു പ്രകടി​പ്പി​ക്കു​ന്നു​ണ്ടോ എന്നു മനസ്സി​ലാ​ക്കാൻ ഇടയ്‌ക്കി​ട​യ്‌ക്കുള്ള ആത്മപരി​ശോ​ധന നിങ്ങളെ സഹായി​ക്കും.

² ബൈബിൾ പരിജ്ഞാ​നം സമ്പാദി​ക്കു​ന്ന​തിൽ: ഒരു ക്രമമായ അടിസ്ഥാ​ന​ത്തിൽ വ്യക്തി​പ​ര​മാ​യി ബൈബിൾ വായി​ക്കു​ന്ന​തി​നും പഠിക്കു​ന്ന​തി​നും നിങ്ങൾ സമയം പട്ടിക​പ്പെ​ടു​ത്തി​യി​ട്ടു​ണ്ടോ? ആ പട്ടിക​യോ​ടു നിങ്ങൾ പറ്റിനിൽക്കു​ന്നു​ണ്ടോ? സഭാ​യോ​ഗ​ങ്ങൾക്കു നന്നായി തയ്യാറാ​കു​ന്നതു നിങ്ങളു​ടെ ഒരു ശീലമാ​ണോ? നിങ്ങൾ ഒരു കുടും​ബ​നാ​ഥ​നാ​ണെ​ങ്കിൽ, നിങ്ങൾ ക്രമമാ​യി കുടുംബ ബൈബിൾ അധ്യയനം നടത്താ​റു​ണ്ടോ? ഇതൊക്കെ ചെയ്യു​ന്ന​തിന്‌ ടെലി​വി​ഷ​ന്റെ​യോ കമ്പ്യൂ​ട്ട​റി​ന്റെ​യോ മുന്നിൽ ചെലവ​ഴി​ക്കുന്ന സമയത്തി​ലും മറ്റു കാര്യ​ങ്ങൾക്കാ​യി ചെലവ​ഴി​ക്കുന്ന സമയത്തി​ലും വെട്ടി​ച്ചു​രു​ക്കൽ നടത്തേണ്ടി വന്നേക്കാം. എന്നാൽ ദൈവ​വ​ചനം പഠിക്കു​ന്ന​തി​നാ​യി ചെലവ​ഴി​ക്കുന്ന സമയം നിങ്ങളെ നിത്യ​ജീ​വൻ നേടാൻ സഹായി​ക്കും എന്നോർക്കു​മ്പോൾ അത്‌ എത്ര ചെറിയ ഒരു ത്യാഗ​മാണ്‌!—യോഹ. 17:3.

³ കുട്ടി​കളെ പരിശീ​ലി​പ്പി​ക്കു​ന്ന​തിൽ: ആത്മത്യാഗ മനോ​ഭാ​വം നട്ടുവ​ളർത്താൻ പറ്റിയ ഏറ്റവും നല്ല സമയം കുട്ടി​ക്കാ​ല​മാണ്‌. അതു​കൊണ്ട്‌, കളിക്കാൻ ഒരു സമയം ഉണ്ടെന്നി​രി​ക്കെ ജോലി ചെയ്യാ​നും ദിവ്യാ​ധി​പത്യ പ്രവർത്ത​ന​ങ്ങ​ളിൽ ഏർപ്പെ​ടാ​നും ഒരു സമയം ഉണ്ടെന്ന്‌ നിങ്ങളു​ടെ കുട്ടി​കളെ പഠിപ്പി​ക്കുക. (എഫെ. 6:4) ചില വീട്ടു​ജോ​ലി​ക​ളൊ​ക്കെ അവരെ​ക്കൊ​ണ്ടു ചെയ്യി​ക്കുക. അവരോ​ടൊ​പ്പം ക്രമമാ​യി ശുശ്രൂ​ഷ​യിൽ ഏർപ്പെ​ടു​ന്ന​തിന്‌ ഒരു പട്ടിക തയ്യാറാ​ക്കുക. നിങ്ങളു​ടെ നല്ല മാതൃ​ക​യി​ലൂ​ടെ നിങ്ങളു​ടെ പ്രബോ​ധ​നത്തെ ദൃഢീ​ക​രി​ക്കുക.

⁴ സഭാ​പ്ര​വർത്ത​ന​ങ്ങ​ളിൽ: സഭയുടെ മൊത്ത​ത്തി​ലുള്ള പ്രയോ​ജ​ന​ത്തി​നാ​യി എല്ലാവ​രും മനസ്സോ​ടെ ത്യാഗങ്ങൾ ചെയ്യു​മ്പോൾ സഭ അനു​ഗ്ര​ഹി​ക്ക​പ്പെ​ടും. (എബ്രാ. 13:16) പ്രസംഗ-ശിഷ്യ​രാ​ക്കൽ വേലയിൽ കൂടുതൽ സമയം ചെലവ​ഴി​ക്കാൻ നിങ്ങൾക്കാ​കു​മോ? യോഗ​ങ്ങൾക്ക്‌ എത്തി​ച്ചേ​രു​ന്ന​തി​നും മറ്റും സഹായി​ച്ചു​കൊണ്ട്‌ രോഗി​ക​ളോ​ടും പ്രായ​മാ​യ​വ​രോ​ടും കരുതൽ പ്രകട​മാ​ക്കാൻ നിങ്ങൾ സന്നദ്ധത​യു​ള്ളവർ ആയിരി​ക്കു​മോ?

⁵ തന്റെ ഭൗമിക ജീവി​ത​ത്തി​ലെ ഏറ്റവും വലിയ ത്യാഗം നടത്തു​ന്ന​തി​നു മുമ്പ്‌ യേശു തന്റെ ശിഷ്യ​ന്മാർക്ക്‌ വില​യേ​റിയ ഒരു ബുദ്ധി​യു​പ​ദേശം നൽകി, മറ്റെല്ലാ സംഗതി​ക​ളെ​യും പിമ്പി​ലേക്കു മാറ്റി​ക്കൊണ്ട്‌ രാജ്യ​താ​ത്‌പ​ര്യ​ങ്ങ​ളിൽ ദൃഷ്ടി പതിപ്പി​ക്കാൻ. (മത്താ. 6:33) സന്തോ​ഷ​പൂർവം യഹോ​വയെ സേവി​ക്കു​ന്ന​തിൽ തുടരവെ ആത്മത്യാ​ഗ​ത്തി​ന്റെ അത്തര​മൊ​രു ആത്മാവു പ്രകടി​പ്പി​ക്കു​ന്ന​തി​ലൂ​ടെ നമുക്ക്‌ ഏറ്റവും വലിയ സന്തോഷം സ്വായ​ത്ത​മാ​ക്കാൻ കഴിയും.