വയലുകൾ കൊയ്‌ത്തി​നു പാകമാ​യി​രി​ക്കു​ന്നു

 1. ഏതു സുപ്ര​ധാന വേലയാണ്‌ ഇപ്പോൾ നടന്നു​കൊ​ണ്ടി​രി​ക്കു​ന്നത്‌?

¹ ശമര്യ​ക്കാ​രി​യായ സ്‌ത്രീ​യോട്‌ സാക്ഷീ​ക​രി​ച്ച​ശേഷം യേശു ശിഷ്യ​ന്മാ​രോ​ടു പറഞ്ഞു: “കണ്ണുക​ളു​യർത്തി വയലി​ലേക്കു നോക്കു​വിൻ. അവ കൊയ്‌ത്തി​നു പാകമാ​യി​രി​ക്കു​ന്നു.” (യോഹ. 4:35, 36) അപ്പോൾ ഒരു ആത്മീയ കൊയ്‌ത്ത്‌ നടന്നു​കൊ​ണ്ടി​രി​ക്കു​ക​യാ​യി​രു​ന്നു. ഭാവി​യിൽ അത്‌ ലോക​വ്യാ​പ​ക​മാ​യി നിവർത്തി​ക്ക​പ്പെ​ടു​മെന്ന കാര്യം മുൻകൂ​ട്ടി​ക്കാ​ണാൻ യേശു​വി​നു കഴിഞ്ഞു. ഇപ്പോൾ യേശു സ്വർഗ​ത്തി​ലാ​ണെ​ങ്കി​ലും ആ വേലയിൽ അവൻ സുപ്ര​ധാ​ന​മായ ഒരു പങ്ക്‌ വഹിക്കു​ന്നു. (മത്താ. 28:19, 20) പരിസ​മാ​പ്‌തി​യി​ലേക്ക്‌ അടുക്കവെ, ഈ വേല കൂടുതൽ ഊർജി​ത​മാ​യി​ക്കൊ​ണ്ടി​രി​ക്കു​ക​യാണ്‌. പിൻവ​രുന്ന വസ്‌തു​തകൾ അതിനു തെളി​വാണ്‌.

 2. കൊയ്‌ത്തു​വേല ഊർജി​ത​മാ​യി​ക്കൊ​ണ്ടി​രി​ക്കു​ക​യാണ്‌ എന്നതിന്‌ എന്തു തെളി​വുണ്ട്‌?

² ആഗോള വയൽ: സേവന​വർഷം 2009-ൽ ലോക​വ്യാ​പ​ക​മാ​യുള്ള പ്രസാ​ധ​ക​രു​ടെ എണ്ണത്തിൽ 3.2 ശതമാനം വർധന​യു​ണ്ടാ​യി. പ്രസം​ഗ​വേ​ല​യ്‌ക്ക്‌ നിയ​ന്ത്ര​ണ​ങ്ങ​ളുള്ള രാജ്യ​ങ്ങ​ളി​ലാ​കട്ടെ വർധന 14 ശതമാ​ന​മാ​യി​രു​ന്നു. ഗോള​മെ​മ്പാ​ടു​മാ​യി പ്രതി​മാ​സം 76,19,000 ബൈബി​ള​ധ്യ​യ​ന​ങ്ങ​ളാണ്‌ റിപ്പോർട്ടു​ചെ​യ്യ​പ്പെ​ട്ടത്‌. പ്രസാ​ധ​ക​രു​ടെ എണ്ണത്തെ​ക്കാൾ കൂടു​ത​ലാ​യി​രു​ന്നു അത്‌, കഴിഞ്ഞ​വർഷം റിപ്പോർട്ട്‌ ചെയ്‌ത അധ്യയ​ന​ങ്ങ​ളെ​ക്കാൾ ഏതാണ്ട്‌ 5 ലക്ഷം കൂടുതൽ. പല ദേശങ്ങ​ളി​ലും പ്രസം​ഗ​വേല ത്വരി​ത​ഗ​തി​യിൽ പുരോ​ഗ​മി​ച്ചു​കൊ​ണ്ടി​രി​ക്കവെ, പരിശീ​ലനം സിദ്ധിച്ച പയനി​യർമാർക്കു​വേ​ണ്ടി​യുള്ള ആവശ്യം ഏറിവ​രി​ക​യാണ്‌. പല രാജ്യ​ങ്ങ​ളി​ലും അന്യഭാ​ഷാ വയലുകൾ കൂടുതൽ വിളവ്‌ ഉത്‌പാ​ദി​പ്പി​ച്ചു​കൊ​ണ്ടി​രി​ക്കു​ന്നു. കൊയ്‌ത്തു​വേല പരിസ​മാ​പ്‌തി​യി​ലേക്ക്‌ അടുക്കുന്ന ഈ സാഹച​ര്യ​ത്തിൽ യഹോവ അത്‌ ത്വരി​ത​പ്പെ​ടു​ത്തു​ക​യാ​ണെന്നു വ്യക്തമല്ലേ? (യെശ. 60:22) നിങ്ങളു​ടെ വയലു​കളെ നിങ്ങൾ എങ്ങനെ​യാ​ണു വീക്ഷി​ക്കു​ന്നത്‌?

 3. പ്രാ​ദേ​ശിക വയലിനെ ചിലർ എങ്ങനെ വീക്ഷി​ച്ചേ​ക്കാം?

³ പ്രാ​ദേ​ശിക വയൽ: “എന്റെ പ്രദേ​ശത്തു പ്രവർത്തി​ച്ചിട്ട്‌ അത്ര ഫലമു​ണ്ടാ​കു​ന്നില്ല” എന്നു ചിലർ പറഞ്ഞേ​ക്കാം. ചില പ്രദേ​ശങ്ങൾ മറ്റുള്ള​വയെ അപേക്ഷിച്ച്‌ ഫലം തരാത്ത​താ​യി കാണ​പ്പെ​ട്ടേ​ക്കാം. അതുമ​ല്ലെ​ങ്കിൽ മുൻകാ​ലത്ത്‌ ലഭിച്ചി​രു​ന്നത്ര ഫലം ഇപ്പോൾ അവി​ടെ​നിന്ന്‌ ലഭിക്കു​ന്നി​ല്ലാ​യി​രി​ക്കാം. അതു​കൊണ്ട്‌ ആ പ്രദേ​ശ​ങ്ങ​ളി​ലുള്ള സത്യസ്‌നേ​ഹി​കൾ കൂട്ടി​ച്ചേർക്ക​പ്പെട്ടു കഴി​ഞ്ഞെ​ന്നും ഇനി അവിടെ പ്രവർത്തി​ച്ചിട്ട്‌ കാര്യ​മി​ല്ലെ​ന്നും ചിലർ വിചാ​രി​ച്ചേ​ക്കാം. എന്നാൽ അതു ശരിയാ​ണോ?

 4. ശുശ്രൂ​ഷ​യോട്‌ നാം ഉചിത​മായ ഏതു മനോ​ഭാ​വം വളർത്തി​യെ​ടു​ക്കണം, എന്തു​കൊണ്ട്‌?

⁴ ഊർജി​ത​മായ പ്രവർത്ത​ന​ത്തി​ന്റെ സമയമാണ്‌ കൊയ്‌ത്തു​കാ​ലം. യേശു​വി​ന്റെ വാക്കു​ക​ളിൽ പ്രതി​ഫ​ലി​ക്കുന്ന അടിയ​ന്തി​രത കാണുക: “കൊയ്‌ത്തു വളരെ​യുണ്ട്‌; വേലക്കാ​രോ ചുരുക്കം; അതു​കൊണ്ട്‌ കൊയ്‌ത്തി​ലേക്കു വേലക്കാ​രെ അയയ്‌ക്കാൻ കൊയ്‌ത്തി​ന്റെ യജമാ​ന​നോ​ടു യാചി​ക്കു​വിൻ.” (മത്താ. 9:37, 38) എപ്പോൾ, എവി​ടെ​യാണ്‌ വിളവ്‌ പാകമാ​കു​ന്ന​തെന്നു നിർണ​യി​ക്കു​ന്നത്‌ കൊയ്‌ത്തി​ന്റെ യജമാ​ന​നായ യഹോ​വ​യാണ്‌. (യോഹ. 6:44; 1 കൊരി. 3:6-8) അപ്പോൾ നമ്മുടെ ദൗത്യ​മെ​ന്താണ്‌? ബൈബിൾ ഉത്തരം നൽകുന്നു: “രാവിലെ വിത്തു​വി​ത​യ്‌ക്കുക, വൈകു​ന്നേ​ര​വും കൈ പിൻവ​ലി​ക്ക​രുത്‌.” (സഭാ. 11:4-6, പി.ഒ.സി. ബൈബിൾ) അതെ, കൊയ്‌ത്തു​വേല പരിസ​മാ​പ്‌തി​യോട്‌ അടുക്കുന്ന ഈ വേളയിൽ നമുക്ക്‌ വെറുതെ വിശ്ര​മി​ച്ചി​രി​ക്കാ​നാ​വില്ല!

 5. പ്രവർത്തി​ച്ചിട്ട്‌ കാര്യ​മി​ല്ലെന്നു തോന്നുന്ന പ്രദേ​ശ​ങ്ങ​ളി​ലും നാം തീക്ഷ്‌ണ​ത​യോ​ടെ പ്രസം​ഗി​ക്കേ​ണ്ടത്‌ എന്തു​കൊണ്ട്‌?

⁵ കൊയ്‌ത്തു​വേല തുടരുക: നമ്മുടെ പ്രദേ​ശത്ത്‌ നാം കൂടെ​ക്കൂ​ടെ പ്രവർത്തി​ച്ചി​ട്ടു​ണ്ടാ​യി​രി​ക്കാ​മെങ്കി​ലും, അവി​ടെ​നിന്ന്‌ കാര്യ​മായ ഫലം ലഭിക്കു​ക​യി​ല്ലെന്നു തോന്നി​യാ​ലും, നാം തീക്ഷ്‌ണ​ത​യും അടിയ​ന്തി​ര​താ​ബോ​ധ​വും കൈവി​ട​രുത്‌. (2 തിമൊ. 4:2) ലോക​ത്തിൽ പെട്ടെ​ന്നു​ണ്ടാ​കുന്ന ഓരോ​രോ മാറ്റങ്ങൾ ആളുക​ളു​ടെ വീക്ഷണ​ത്തി​ലും മാറ്റങ്ങൾ വരുത്തു​ന്നുണ്ട്‌; അവർ ഭാവി​യെ​ക്കു​റിച്ച്‌ ഗൗരവ​മാ​യി ചിന്തി​ക്കാൻ തുടങ്ങി​യി​രി​ക്കു​ന്നു. മുതിർന്നു​വ​രുന്ന യുവ​പ്രാ​യ​ക്കാർ സുരക്ഷി​ത​ത്വ​വും മനശ്ശാ​ന്തി​യും കണ്ടെത്താൻ ശ്രമി​ക്കു​ന്നു​ണ്ടാ​യി​രി​ക്കും. ശുശ്രൂ​ഷ​യിൽ നാം കാണി​ക്കുന്ന ഉത്സാഹ​ത്തിൽ ആകൃഷ്ട​രാ​കുന്ന മറ്റൊരു കൂട്ടമുണ്ട്‌. അതെ, മുമ്പ്‌ സുവാർത്ത​യ്‌ക്കു ചെവി​കൊ​ടു​ക്കാ​തി​രു​ന്നവർ ഇപ്പോൾ അതു ശ്രദ്ധി​ക്കാൻ മനസ്സു​കാ​ട്ടി​യേ​ക്കാം. ഇനി, മനപ്പൂർവം നമ്മുടെ സന്ദേശം തള്ളിക്ക​ള​യു​ന്ന​വർക്കു​പോ​ലും നാം മുന്നറി​യിപ്പ്‌ നൽകണം. എന്നാൽ ഒരു പ്രദേ​ശ​ത്തുള്ള പലരും സുവാർത്ത​യോട്‌ കടുത്ത എതിർപ്പ്‌ പ്രകടി​പ്പി​ക്കു​ക​യാ​ണെ​ങ്കിൽ നാം ജാഗ്രത പുലർത്തേ​ണ്ട​തുണ്ട്‌.—യെഹെ. 2:4, 5; 3:19.

 6. നമ്മുടെ പ്രദേ​ശത്തു പ്രവർത്തി​ക്കു​ന്നത്‌ ദുഷ്‌ക​ര​മാ​ണെ​ങ്കിൽ, തീക്ഷ്‌ണത കൈവി​ടാ​തി​രി​ക്കാൻ നമ്മെ എന്തു സഹായി​ക്കും?

⁶ നമ്മുടെ പ്രദേ​ശത്തു പ്രവർത്തി​ക്കു​ന്നത്‌ ദുഷ്‌ക​ര​മാ​യി തോന്നുന്ന സാഹച​ര്യ​ങ്ങ​ളി​ലും തീക്ഷ്‌ണത കൈവി​ടാ​തി​രി​ക്കാൻ നമ്മെ എന്തു സഹായി​ക്കും? അങ്ങനെ​യു​ള്ള​പ്പോൾ വീടു​തോ​റു​മുള്ള ശുശ്രൂ​ഷ​യ്‌ക്കു​പ​കരം നമുക്ക്‌ ടെല​ഫോൺ സാക്ഷീ​ക​ര​ണ​മോ കടകൾതോ​റു​മുള്ള സാക്ഷീ​ക​ര​ണ​മോ നടത്താ​വു​ന്ന​താണ്‌. അല്ലെങ്കിൽ നമുക്ക്‌ ആളുകളെ സമീപി​ക്കുന്ന രീതി​യിൽ അൽപ്പം മാറ്റം വരുത്താൻ കഴി​ഞ്ഞേ​ക്കും. “നിത്യ​ജീ​വ​നു​വേണ്ട ഹൃദയ​നില” ഉള്ളവരെ അന്വേ​ഷി​ക്കവെ, നമുക്ക്‌ നയവും വിവേ​ച​ന​യും പ്രകട​മാ​ക്കാം. (പ്രവൃ. 13:48) ഇനി, മറ്റൊരു സമയത്ത്‌, അതായത്‌ ആളുകൾ വീട്ടി​ലു​ണ്ടാ​കാൻ സാധ്യ​ത​യു​ള്ള​പ്പോൾ അവരെ സന്ദർശി​ക്കാൻ ക്രമീ​ക​രണം ചെയ്യാം. കൂടുതൽ ആളുക​ളു​ടെ പക്കൽ സുവാർത്ത എത്തിക്കാൻ മറ്റൊരു ഭാഷ പഠിക്കു​ന്ന​തി​നെ​ക്കു​റി​ച്ചെന്ത്‌? സാധാരണ പയനി​യ​റിങ്‌ ചെയ്‌തു​കൊണ്ട്‌ ശുശ്രൂഷ വിപു​ലീ​ക​രി​ക്കാൻ നമുക്കു സാധി​ക്കു​മോ? ‘കൂടുതൽ വേലക്കാ​രെ’ ആവശ്യ​മു​ള്ളി​ട​ത്തേക്ക്‌ മാറി​ത്താ​മ​സി​ക്കാൻ നമുക്കാ​കു​മോ? കൊയ്‌ത്തു​വേ​ല​യെ​ക്കു​റിച്ച്‌ ശരിയായ മനോ​ഭാ​വം ഉണ്ടെങ്കിൽ, ഈ സുപ്ര​ധാ​ന​വേ​ല​യിൽ പൂർണ​പ​ങ്കു​ണ്ടാ​യി​രി​ക്കാൻ നമ്മാലാ​വു​ന്ന​തെ​ല്ലാം നാം ചെയ്യും.

 7. കൊയ്‌ത്തു​വേല നാം എത്ര നാൾ ചെയ്യേ​ണ്ടി​വ​രും?

⁷ വിള​വെ​ടു​ക്കാൻ ഒരു കർഷകന്‌ പരിമി​ത​മായ സമയമേ ലഭിക്കാ​റു​ള്ളൂ. അതു​കൊണ്ട്‌ വിള​വെ​ടു​ത്തു തീരു​ന്ന​തു​വരെ അയാൾക്കു വെറു​തെ​യി​രി​ക്കാ​നാ​വില്ല. ആത്മീയ കൊത്തു​വേ​ല​യു​ടെ കാര്യ​ത്തി​ലും അതു സത്യമാണ്‌. ഈ വേല നാം എത്ര നാൾ ചെയ്യേ​ണ്ടി​വ​രും? “യുഗസ​മാ​പ്‌തി​യോ​ളം” അഥവാ “അന്ത്യം”വരെ. (മത്താ. 24:14; 28:20) യേശു​വി​നെ​പ്പോ​ലെ, നമ്മെ ഭരമേൽപ്പി​ച്ചി​രി​ക്കുന്ന വേല പൂർത്തി​യാ​ക്കാൻ നാം ആഗ്രഹി​ക്കു​ന്നു. (യോഹ. 4:34; 17:4) അതു​കൊണ്ട്‌ തീക്ഷ്‌ണ​ത​യോ​ടും സന്തോ​ഷ​ത്തോ​ടും കൂടെ നമ്മുടെ ശുശ്രൂഷ നമുക്ക്‌ നിർവ​ഹി​ക്കാം. (മത്താ. 24:13) കൊയ്‌ത്തു​വേല ഇനിയും അവസാ​നി​ച്ചി​ട്ടില്ല!

[2-ാം പേജിലെ ആകർഷക വാക്യം]

ഊർജിതമായ പ്രവർത്ത​ന​ത്തി​ന്റെ സമയമാണ്‌ കൊയ്‌ത്തു കാലം