മനുഷ്യൻ പറുദീ​സ​യി​ലെ ജീവിതം ആസ്വദി​ക്ക​ണ​മെന്ന ദൈവം ഉദ്ദേശി​ക്കു​ന്നു

“യഹോ​വ​യായ ദൈവം മനുഷ്യ​നെ കൂട്ടി​ക്കൊ​ണ്ടു​പോ​യി ഏദൻതോ​ട്ട​ത്തിൽ കൃഷി​ചെ​യ്യാ​നും അതിനെ പരിപാ​ലി​ക്കാ​നു​മാ​യി അവിടെ അവനെ പാർപ്പി​ക്കാൻ നടപടി​കൾ സ്വീക​രി​ച്ചു​തു​ടങ്ങി.”—ഉല്‌പത്തി 2:15.

1. അനുസ​ര​ണ​മുള്ള മനുഷ്യ​രെ സംബന്ധിച്ച സ്രഷ്‌ടാ​വി​ന്റെ ആദിമ ഉദ്ദേശ്യം എന്തായി​രു​ന്നു?

മനുഷ്യർ ഒരു പറുദീ​സ​യിൽ യുവസ​ഹ​ജ​മായ പ്രസരി​പ്പോ​ടെ സകല വിരസ​ത​യിൽനി​ന്നും വിമു​ക്ത​രാ​യി എല്ലായ്‌പ്പോ​ഴും ഒരു മൂല്യ​വ​ത്തായ ഉദ്ദേശ്യ​ത്തോ​ടെ​യുള്ള ജീവിതം, യഥാർത്ഥ​വും നിസ്വാർത്ഥ​വു​മായ ഒരു വിധത്തിൽ സ്‌നേ​ഹി​ക്കു​ക​യും സ്‌നേ​ഹി​ക്ക​പ്പെ​ടു​ക​യും ചെയ്യുന്ന ഒരു ജീവിതം, പൂർണ്ണ​മാ​യും ആസ്വദി​ക്ക​ണ​മെ​ന്നു​ള്ളത്‌ സ്രഷ്ടാ​വി​ന്റെ ആദിമ ഉദ്ദേശ്യ​മാ​യി​രു​ന്നു, ഇപ്പോ​ഴും അതാണ​വന്റെ ഉദ്ദേശ്യം!—ഉല്‌പത്തി 2:8; ലൂക്കോസ്‌ 23:42, 43 താരത​മ്യ​പ്പെ​ടു​ത്തുക.

2. (എ) ഒന്നാം മനുഷ്യൻ ബോധ​മു​ള്ള​വ​നാ​യ​പ്പോൾ എന്തു സംഭവി​ച്ചി​രി​ക്കാം? (ബി) ഒന്നാം മനുഷ്യൻ സൃഷ്‌ടി​ക്ക​പ്പെ​ട്ട​തെ​പ്പോൾ, എവിടെ, വർഷത്തി​ന്റെ ഏതു സമയത്ത്‌?

² അതു തിരി​ച്ച​റി​യു​ന്ന​തിന്‌, പുതു​താ​യി സൃഷ്ടി​ക്ക​പ്പെട്ട ആദാമിന്‌ ബോധ​മു​ണ്ടാ​കു​ക​യും സ്വന്തം ശരീര​ത്തെ​യും താൻ കാണു​ക​യും കേൾക്കു​ക​യും അനുഭ​വി​ക്കു​ക​യും ചെയ്‌ത സകല​ത്തെ​യും പരി​ശോ​ധി​ക്കു​ക​യും, താൻ ജീവനു​ള്ള​വ​നാ​ണെന്ന്‌ തിരി​ച്ച​റി​യു​ക​യും​ചെയ്‌ത സമയത്തെ ആദാമി​ലേക്കു തിരി​ഞ്ഞു​നോ​ക്കുക! ഇത്‌ വിശു​ദ്ധ​ബൈ​ബി​ളിൽ നൽക​പ്പെ​ട്ടി​രി​ക്കുന്ന കാലഗ​ണ​ന​യ​നു​സ​രിച്ച്‌ നമ്മുടെ പൊതു​യു​ഗ​ത്തി​നു​മുമ്പ്‌ 4026-ാമാണ്ടിൽ, ഏതാണ്ട്‌ 6,000 വർഷം മുമ്പാണ്‌ സംഭവി​ച്ചത്‌. അത്‌ ഇന്ന്‌ ററർക്കി എന്നറി​യ​പ്പെ​ടുന്ന ഭൂപ്ര​ദേ​ശ​ത്താണ്‌ സംഭവി​ച്ചത്‌, അല്ലെങ്കിൽ ഇപ്പോൾ ഏഷ്യ എന്നു വിളി​ക്ക​പ്പെ​ടു​ന്ന​തി​ന്റെ തെക്കു​പ​ടി​ഞ്ഞാ​റൻഭാ​ഗത്ത്‌ യൂഫ്ര​ട്ടീസ്‌ ടൈ​ഗ്രീസ്‌ നദിക​ളു​ടെ പരിസ​ര​പ്ര​ദേ​ശത്ത്‌, അങ്ങനെ നമ്മുടെ ഭൂമി​യു​ടെ ഉത്തരാർദ്ധ​ഗോ​ള​ത്തിൽ. സമയം ഏതാണ്ട്‌ ഒക്‌ടോ​ബർ 1 ആണ്‌, കാരണം മനുഷ്യ​വർഗ്ഗ​ത്തി​ന്റെ ഏററവും പുരാ​ത​ന​മായ പഞ്ചാം​ഗങ്ങൾ ആ തീയതി​യോ​ട​ടു​ത്താണ്‌ സമയം എണ്ണാൻ തുടങ്ങി​യത്‌.

3. (എ) ഒന്നാമത്തെ മനുഷ്യൻ ഏതവസ്ഥ​യിൽ ജീവനി​ലേക്കു വന്നു, അതിന്റെ പ്രാധാ​ന്യ​മെ​ന്താ​യി​രു​ന്നു? (ബി) ആദ്യമ​മ​നു​ഷ്യ​ന്റെ പേർ എന്തായി​രു​ന്നു, അതിന്റെ അർത്ഥ​മെ​ന്താ​യി​രു​ന്നു?

³ ആദ്യമ​നു​ഷ്യൻ പൂർണ്ണ​വ​ളർച്ച​യു​ള്ള​വ​നാ​യി, പൂർണ്ണ​രൂ​പ​ത്തിൽ, പൂർണ്ണാ​രോ​ഗ്യ​ത്തോ​ടെ, പൂർണ്ണ​ധാർമ്മി​ക​ചി​ന്ത​യു​ള്ള​വ​നാ​യി, ജീവനി​ലേക്കു വന്നു. അവന്‌ ബൈബിൾരേ​ഖ​യിൽ ആവർത്തി​ച്ചു കൊടു​ക്ക​പ്പെ​ട്ടി​രി​ക്കുന്ന പേർ അവൻ നിർമ്മി​ക്ക​പ്പെട്ട വസ്‌തു​വി​ലേക്കു നമ്മുടെ ശ്രദ്ധക്ഷ​ണി​ക്കു​ന്നു. അവന്റെ പേർ ആദാം എന്നായി​രു​ന്നു.a അവൻ എവി​ടെ​നിന്ന്‌ നിർമ്മി​ക്ക​പ്പെ​ട്ടു​വോ ആ ഭൂമി അഥവാ മണ്ണ്‌ ആദമാ എന്നു വിളി​ക്ക​പ്പെ​ട്ടി​രു​ന്നു. അതു​കൊണ്ട്‌ അവന്റെ പേരിന്റെ അർത്ഥം “ഭൗമിക മനുഷ്യൻ” എന്നാ​ണെന്ന്‌ ശരിയാ​യി​ത്തന്നെ പറയാ​വു​ന്ന​താണ്‌. ഇത്‌ ഈ ഒന്നാം മമനു​ഷ്യ​ന്റെ വ്യക്തി​പ​ര​മായ പേരാ​യി​ത്തീർന്നു—ആദാം. ആദാം ജീവനി​ലേക്കു വരുക​യും ബോധ​മുള്ള, ബുദ്ധി​ശ​ക്തി​യുള്ള, ഒരു ആൾ ആയിത്തീ​രു​ക​യും ചെയ്‌ത​പ്പോൾ അത്‌ അവന്‌ എന്തോരു അനുഭൂ​തി​യാ​യി​രു​ന്നി​രി​ക്കണം!

4. ഒന്നാം മനുഷ്യന്‌ ജീവനി​ലേക്ക്‌ ഏത്‌ അസാധാ​രണ ഉണർച്ച ഉണ്ടായില്ല, അതു​കൊണ്ട്‌ അവൻ എന്തിന്റെ ഒരു പുത്രൻ ആയിരു​ന്നില്ല?

⁴ ഈ ഒന്നാമത്തെ മനുഷ്യ​നായ ആദാം ജീവനി​ലേക്കു വരുക​യും ബുദ്ധി​ശ​ക്തി​സ​ഹി​തം ബോധ​ത്തോ​ടെ ഉണരു​ക​യും ചെയ്‌ത​പ്പോൾ, അവൻ കണ്ണു തുറക്കവേ, അവൻ രോമാ​വൃ​ത​മായ ഒരു മാറിൽ കിടക്കു​ന്ന​താ​യും ആൾക്കു​ര​ങ്ങു​പോ​ലെ​യുള്ള ഒരു പെൺജീ​വി​യു​ടെ നീണ്ട ബലിഷ്‌ഠ​കൈ​ക​ളാൽ ആശ്ലേഷി​ക്ക​പ്പെ​ടു​ന്ന​താ​യും അവളോ​ടു പററി​നിന്ന്‌ അവളുടെ കണ്ണുക​ളി​ലേക്കു നോക്കി പ്രീതി​യോ​ടെ അവളെ അമ്മയെന്നു വിളി​ക്കു​ന്ന​താ​യും കണ്ടെത്തി​യില്ല. ഒന്നാം മനുഷ്യ​നായ ആദാമിന്‌ അങ്ങനെ​യുള്ള അസാധാ​ര​ണ​മായ ജീവനി​ലേ​ക്കുള്ള ഉണർച്ച​യു​ണ്ടാ​യില്ല. അവന്‌ ഒരു ആൾക്കു​ര​ങ്ങി​നോട്‌ ജഡിക​ബന്ധം തോന്നി​യില്ല, പീന്നീട്‌ അവൻ ഒന്നിനെ കണ്ടപ്പോൾ പോലും അങ്ങനെ തോന്നി​യില്ല. അവന്റെ സൃഷ്ടി​പ്പിൻദി​വസം അവൻ ഒരു ആൾക്കു​ര​ങ്ങി​ന്റെ അല്ലെങ്കിൽ അതു​പോ​ല​യുള്ള ഒരു ജീവി​യു​ടെ വിദൂ​ര​പു​ത്രൻ ആണെന്നു സൂചി​പ്പി​ക്കാൻ യാതൊ​ന്നു​മി​ല്ലാ​യി​രു​ന്നു. എന്നിരു​ന്നാ​ലും, ഒന്നാം മനുഷ്യ​നായ ആദാം താൻ എങ്ങനെ അസ്‌തി​ത്വ​ത്തി​ലേക്കു വന്നുവെന്ന അറിവി​ല്ലാ​തെ കഴി​യേ​ണ്ട​വ​നാ​യി​രു​ന്നു​വോ? അല്ലായി​രു​ന്നു.

5. ആദാം തന്റെ ഉദ്യാ​ന​തു​ല്യ​മായ തോട്ട​ത്തെ​യും തന്നേക്കു​റി​ച്ചു​ത​ന്നെ​യും തീർച്ച​യാ​യും എന്തറി​ഞ്ഞി​രു​ന്നു?

⁵ മനസ്സി​ലാ​ക്കാ​വു​ന്ന​തു​പോ​ലെ, അവൻ നോക്കി​ക്കണ്ട സകല മനോ​ഹ​ര​വ​സ്‌തു​ക്ക​ളും എങ്ങനെ അസ്‌തി​ത്വ​ത്തി​ലേക്കു വന്നു​വെന്ന്‌ അവൻ അതിശ​യി​ച്ചി​രി​ക്കാം. അവൻ ഉദ്യാ​ന​തു​ല്യ​മായ ഒരു തോട്ട​ത്തി​ലാ​യി​രു​ന്നു. അത്‌ അവൻ സ്വന്തമാ​യി സംവി​ധാ​നം​ചെ​യ്‌തു നിർമ്മി​ച്ച​തും ക്രമീ​ക​രി​ച്ച​തു​മായ ഒരു തോട്ട​മ​ല്ലാ​യി​രു​ന്നു. അത്‌ എങ്ങനെ ഉളവായി? പൂർണ്ണ​ബു​ദ്ധി​യും ന്യായ​ബോ​ധ​വു​മുള്ള ഒരു മനുഷ്യ​നെന്ന നിലയിൽ അവൻ അതറി​യാ​നാ​ഗ്ര​ഹി​ക്കും. അവന്‌ മുൻ അനുഭ​വ​മി​ല്ലാ​യി​രു​ന്നു. അവൻ സ്വനിർമ്മി​ത​നായ, സ്വവി​ക​സി​ത​നായ, ഒരു മനഷ്യ​ന​ല്ലെന്ന്‌ അവനറി​യാ​മാ​യി​രു​ന്നു. അവൻ സ്വന്ത​ശ്ര​മ​ത്താൽ ഈ അവസ്ഥയി​ലേക്ക്‌ ഉയർന്ന​താ​യി​രു​ന്നില്ല.—സങ്കീർത്തനം 100:3; 139:14 താരത​മ്യ​പ്പെ​ടു​ത്തുക.

6. ഒരു പൂർണ്ണ​ത​യുള്ള ഭൗമി​ക​ഭ​വ​ന​ത്തിൽ ജീവ​നോ​ടി​രി​ക്കു​ന്ന​തി​നോട്‌ ആദാം എങ്ങനെ പ്രതി​ക​രി​ച്ചി​രി​ക്കാ​നി​ട​യുണ്ട്‌?

⁶ ഒന്നാം മനുഷ്യ​നായ ആദാം ആരംഭ​ത്തിൽ താൻ എവി​ടെ​നി​ന്നു വന്നു എന്നും, എന്തു​കൊ​ണ്ടെ​ന്നും ചിന്തി​ക്കാ​തി​രി​ക്ക​ത്ത​ക്ക​വണ്ണം ആഹ്ലാദ​പുർവം ജീവ​നോ​ടി​രി​ക്കു​ന്ന​തി​ന്റെ അനുഭ​വ​ത്തിൽ അത്ര ആവേശ​ഭ​രി​ത​നാ​യി​രു​ന്നി​രി​ക്കണം. അവന്‌ സന്തോ​ഷ​പ്ര​ദ​മായ ഉദ്‌ഘോ​ഷങ്ങൾ പുറ​പ്പെ​ടു​വി​ക്കാ​തി​രി​ക്കാൻ കഴിഞ്ഞില്ല. അവന്റെ വായിൽനിന്ന്‌ വാക്കുകൾ വരുന്ന​താ​യി അവൻ കണ്ടു. അവൻ മനുഷ്യ​ഭാ​ഷ​യിൽ സംസാ​രി​ക്കു​ന്ന​താ​യി സ്വയം കേട്ടു, അവൻ കാണു​ക​യും കേൾക്കു​ക​യും​ചെയ്‌ത മനോഹര വസ്‌തു​ക്ക​ളെ​ക്കു​റിച്ച്‌ അഭി​പ്രാ​യങ്ങൾ പറഞ്ഞു​കൊ​ണ്ടു​തന്നെ. ഈ പറുദീ​സാ​തോ​ട്ട​ത്തിൽ ജീവി​ച്ചി​രി​ക്കു​ന്നത്‌ എത്ര നല്ലതാ​യി​രു​ന്നു! എന്നാൽ അവൻ സകല കാഴ്‌ച​ക​ളിൽനി​ന്നും ശബ്ദങ്ങളിൽനി​ന്നും ഗന്ധങ്ങളിൽനി​ന്നും അനുഭൂ​തി​ക​ളിൽനി​ന്നു​മുള്ള വിവര​ങ്ങ​ളാൽ സന്തോ​ഷ​പൂർവം നിറഞ്ഞ​പ്പോൾ കുറെ ചിന്തി​ക്കാൻ അവൻ പ്രേരി​ത​നാ​യി​രി​ക്കണം. നമ്മേ സംബന്ധി​ച്ച​ട​ത്തോ​ളം, നാം അവന്റെ സാഹച​ര്യ​ങ്ങ​ളി​ലാ​ക്ക​പ്പെ​ട്ടി​രു​ന്നെ​ങ്കിൽ മുഴു സംഗതി​യും സംബന്ധിച്ച്‌ ഒരു മർമ്മം ഉണ്ടായി​രി​ക്കു​മാ​യി​രു​ന്നു, നമുക്കു​തന്നെ പരിഹ​രി​ക്കാൻ കഴിയാത്ത ഒരു മർമ്മം​തന്നെ.

മനുഷ്യാ​സ്‌തി​ത്വം സംബന്ധിച്ച്‌ മർമ്മമില്ല

7. ആദാം ഒരു പറുദീ​സാ​തോ​ട്ട​ത്തിൽ ജീവ​നോ​ടി​രു​ന്ന​തു​സം​ബ​ന്ധിച്ച്‌ അവന്‌ ദീർഘ​നാൾ നിഗൂ​ഢ​ത​യി​ല്ലാ​ഞ്ഞ​തെ​ന്തു​കൊണ്ട്‌?

⁷ ഒന്നാം മനുഷ്യ​നായ ആദാം പറുദീ​സാ​തോ​ട്ട​ത്തിൽ തന്നേ​പ്പോ​ലെ മററാ​രു​മി​ല്ലാ​തെ ജീവ​നോ​ടെ തനിച്ചി​രുന്ന അവസ്ഥയിൽ അധിക​നാൾ അന്ധാളി​ച്ചി​രു​ന്നില്ല. അവൻ ആരോ സംസാ​രി​ക്കു​ന്നതു കേട്ടു. മനുഷ്യന്‌ അതു മനസ്സി​ലാ​യി. എന്നാൽ സംസാ​രി​ച്ച​യാൾ എവി​ടെ​യാ​യി​രു​ന്നു? ആരും സംസാ​രി​ക്കു​ന്ന​താ​യി മനുഷ്യൻ കണ്ടില്ല. അദൃശ്യ​മായ, കാണ​പ്പെ​ടാത്ത മണ്ഡലത്തിൽനി​ന്നാണ്‌ ശബ്ദമു​ണ്ടാ​യത്‌. അത്‌ അവനെ സംബോ​ധ​ന​ചെ​യ്‌തു. അത്‌ മമനു​ഷ്യ​ന്റെ നിർമ്മാ​താ​വി​ന്റെ, അവന്റെ സ്രഷ്ടാ​വി​ന്റെ, ശബ്ദമാ​യി​രു​ന്നു! മനുഷ്യന്‌ അതേതരം സംസാ​ര​ത്തിൽ അവനോട്‌ ഉത്തരം പറയാൻ കഴിഞ്ഞു. അവൻ സ്രഷ്ടാ​വായ ദൈവ​ത്തോ​ടു സംസാ​രി​ച്ചു. മനുഷ്യന്‌ ദിവ്യ​ശബ്ദം കേൾക്കു​ന്ന​തിന്‌ ആധുനിക ശാസ്‌ത്രീയ റേഡി​യോ റിസീവർ ആവശ്യ​മി​ല്ലാ​യി​രു​ന്നു. ദൈവം തന്റെ സൃഷ്ടി​യെന്ന നിലയിൽ മനുഷ്യ​നോട്‌ നേരിട്ടു സംഭാ​ഷ​ണം​ന​ടത്തി.

8, 9. (എ) ആദാമിന്‌ ഏതു ചോദ്യ​ങ്ങൾക്ക്‌ ഉത്തരം കിട്ടാൻക​ഴി​യു​മാ​യി​രു​ന്നു, അവനോട്‌ ഏതു പിതൃ​നിർവി​ശേ​ഷ​മായ കരുത​ലും താല്‌പ​ര്യ​വും പ്രകട​മാ​ക്ക​പ്പെട്ടു? (ബി) ആദാമിന്‌ അവന്റെ സ്വർഗ്ഗീ​യ​പി​താ​വിൽനിന്ന്‌ എന്ത്‌ ഉത്തരം കിട്ടി?

⁸ താൻ ഒററക്ക്‌ അല്ലെന്ന്‌ മനുഷ്യൻ ഇപ്പോൾ അറിഞ്ഞു, അത്‌ അവന്‌ സുഖം​തോ​ന്നി​ച്ചി​രി​ക്കണം. അവന്റെ മനസ്സിൽ ചോദ്യ​ങ്ങൾ നിറഞ്ഞി​രു​ന്നു. അവനോ​ടു സംസാ​രി​ക്കുന്ന അദൃശ്യ​നോട്‌ അവന്‌ ചോദ്യ​ങ്ങൾ ചോദി​ക്കാൻ കഴിയു​മാ​യി​രു​ന്നു. അവനെ​യും ഈ ഉല്ലാസ​പ്ര​ദ​മായ ഉദ്യാ​ന​ത്തെ​യും ആരാണു​ണ്ടാ​ക്കി​യത്‌? അവനെ അവിടെ ആക്കി​വെ​ച്ച​തെ​ന്തിന്‌? അവൻ തന്റെ ജീവൻകൊണ്ട്‌ എന്തു ചെയ്യണം? ജീവി​ക്കു​ന്ന​തിൽ എന്തെങ്കി​ലും ഉദ്ദേശ്യ​മു​ണ്ടോ? ഈ ഒന്നാം മനുഷ്യ​നായ ആദാമി​നോട്‌ പിതൃ​നിർവി​ശേ​ഷ​മായ താല്‌പ​ര്യ​വും ശ്രദ്ധയും കാണി​ക്ക​പ്പെട്ടു. എന്തു​കൊ​ണ്ടെ​ന്നാൽ അവന്റെ ജിജ്ഞാ​സ​യുള്ള മനസ്സിനെ തൃപ്‌തി​പ്പെ​ടു​ത്ത​ത്ത​ക്ക​വണ്ണം അവന്റെ ചോദ്യ​ങ്ങൾക്ക്‌ ഒരു ഉത്തരം കൊടു​ക്ക​പ്പെട്ടു. മനുഷ്യൻ സംസാ​രി​ക്കാ​നും തന്റെ ആദ്യവാ​ക്കു​കൾ പറയാ​നും തുടങ്ങു​ന്നതു കേൾക്കു​ന്നത്‌ അവന്റെ നിർമ്മാ​താ​വും ജീവദാ​താ​വു​മായ അവന്റെ സ്വർഗ്ഗീ​യ​പി​താ​വിന്‌ എന്തോരു സന്തോ​ഷ​മാ​യി​രു​ന്നി​രി​ക്കണം! തന്റെ പുത്രൻ തന്നോടു സംസാ​രി​ക്കു​ന്നത്‌ കേൾക്കു​ന്നത്‌ സ്വർഗ്ഗീ​യ​പി​താ​വിന്‌ എന്ത്‌ സന്തുഷ്ടി കൈവ​രു​ത്തി​യി​രി​ക്കണം! സ്വാഭാ​വി​ക​മാ​യി ആദ്യത്തെ ചോദ്യം “ഞാൻ എങ്ങനെ ഉണ്ടായി?” എന്നതാ​യി​രി​ക്കും. ഇതിനു​ത്തരം കൊടു​ക്കാ​നും അങ്ങനെ ഈ ഒന്നാം മനുഷ്യൻ തന്റെ പുത്ര​നാ​ണെന്നു സമ്മതി​ക്കാ​നും സ്വർഗ്ഗീ​യ​പി​താ​വി​നു സന്തോ​ഷ​മു​ണ്ടാ​യി​രു​ന്നു. അവൻ ഒരു “ദൈവ​പു​ത്രൻ” ആയിരു​ന്നു. (ലൂക്കോസ്‌ 3:38) യഹോവ ഈ ഒന്നാമത്തെ മനുഷ്യ​നായ ആദാമി​ന്റെ പിതാ​വാ​യി തന്നേത്തന്നെ തിരി​ച്ച​റി​യി​ച്ചു. തന്റെ സ്വർഗ്ഗീ​യ​പി​താ​വിൽനിന്ന്‌ ആദാമിന്‌ തന്റെ ചോദ്യ​ത്തി​നു കിട്ടി​യ​തും അവൻ തന്റെ സന്താന​ങ്ങൾക്കു കൈമാ​റി​യ​തു​മായ ഉത്തരത്തി​ന്റെ സാരമി​താണ്‌:

⁹ “യഹോ​വ​യായ ദൈവം നിലത്തെ പൊടി​കൊണ്ട്‌ മനുഷ്യ​നെ നിർമ്മി​ക്കാ​നും അവന്റെ നാസാ​ര​ന്ധ്ര​ങ്ങ​ളിൽ ജീവശ്വാ​സം ഊതാ​നും നടപടി​കൾ സ്വീക​രി​ച്ചു​തു​ടങ്ങി. കൂടാതെ, യഹോ​വ​യായ ദൈവം കിഴക്ക്‌ ഏദനിൽ ഒരു തോട്ടം നട്ടുണ്ടാ​ക്കു​ക​യും താൻ നിർമ്മി​ച്ചി​രുന്ന മനുഷ്യ​നെ അവിടെ ആക്കി​വെ​ക്കു​ക​യും ചെയ്‌തു. അങ്ങനെ, യഹോ​വ​യായ ദൈവം ഒരുവന്റെ കാഴ്‌ചക്ക്‌ അഭികാ​മ്യ​വും ആഹാര​ത്തി​നു നല്ലതു​മായ ഓരോ വൃക്ഷവും തോട്ട​ത്തി​ന്റെ നടുവിൽ ജീവന്റെ വൃക്ഷവും നൻമയു​ടെ​യും തിൻമ​യു​ടെ​യും അറിവി​ന്റെ വൃക്ഷവും നിലത്തു​നി​ന്നു വളരു​മാ​റാ​ക്കി. ഇപ്പോൾ തോട്ടത്തെ നനക്കാൻ ഏദനിൽനി​ന്നു പുറ​പ്പെ​ടുന്ന ഒരു നദിയു​ണ്ടാ​യി​രു​ന്നു, അത്‌ അവി​ടെ​നിന്ന്‌ പിരി​യാൻ തുടങ്ങു​ക​യും നാലു ശാഖക​ളാ​യി​ത്തീ​രു​ക​യും​ചെ​യ്‌തു.”—ഉല്‌പത്തി 2:7-10.b

10, 11. (എ) ആദാം ഏതു വസ്‌തുത വ്യക്തമാ​യി പഠിച്ചു, എന്നാൽ അവന്‌ വേറെ ഏതു ചോദ്യ​ങ്ങൾക്ക്‌ ഉത്തരം കിട്ടണ​മാ​യി​രു​ന്നു? (ബി) സ്വർഗ്ഗീ​യ​പി​താവ്‌ ആദാമിന്‌ ഏതു ഉത്തരങ്ങൾ കൊടു​ത്തു?

¹⁰ സമർത്ഥ​വും നവവു​മായ ആദാമി​ന്റെ മനസ്സ്‌ ഈ സംതൃ​പ്‌തി​ക​ര​മായ വിവരങ്ങൾ ആകാം​ക്ഷാ​പൂർവം ഉൾക്കൊ​ണ്ടു. തന്റെ നിർമ്മാ​താ​വും രൂപസം​വി​ധാ​യ​ക​നു​മാ​യവൻ സംസാ​രി​ച്ചു​കൊ​ണ്ടി​രുന്ന അദൃശ്യ​മ​ണ്ഡ​ല​ത്തിൽനി​ന്നല്ല താൻ വന്നതെന്ന്‌ അവനറി​ഞ്ഞു. പകരം താൻ ജീവി​ച്ചി​രുന്ന ഈ ഭൂമി​യിൽനിന്ന്‌ താൻ നിർമ്മി​ക്ക​പ്പെ​ട്ടി​രു​ന്നു, തന്നിമി​ത്തം ഭൗമി​ക​നാ​യി​രു​ന്നു. അവന്റെ ജീവദാ​താ​വും പിതാ​വും യഹോ​വ​യാം ദൈവ​മാ​യി​രു​ന്നു. അവൻ “ജീവനുള്ള ഒരു ദേഹി” ആയിരു​ന്നു. അവന്‌ യഹോ​വ​യാം ദൈവ​ത്തിൽനിന്ന്‌ ജീവൻ കിട്ടി​യി​രു​ന്ന​തു​കൊണ്ട്‌ അവൻ ഒരു “ദൈവ​പു​ത്രൻ” ആയിരു​ന്നു. ഏദൻതോ​ട്ട​ത്തിൽ അവന്റെ ചുററു​മു​ണ്ടാ​യി​രുന്ന വൃക്ഷങ്ങൾ ആഹാര​ത്തി​നു നല്ല ഫലങ്ങൾ ഉല്‌പാ​ദി​പ്പി​ച്ചു, ഒരു ജീവനുള്ള ദേഹി​യെന്ന നിലയിൽ അവനു ഭക്ഷിക്കാ​നും ജീവി​ച്ചി​രി​ക്കാ​നും തന്നെ. എന്നിരു​ന്നാ​ലും, അവൻ എന്തിനു ജീവി​ച്ചി​രി​ക്കണം, അവൻ ഭൂമി​യിൽ ഈ ഏദൻതോ​ട്ട​ത്തിൽ ആക്കി​വെ​ക്ക​പ്പെ​ട്ട​തെ​ന്തിന്‌? അവൻ ഭൗതി​ക​പ്രാ​പ്‌തി​ക​ളോ​ടെ പൂർണ്ണ​രൂ​പം പ്രാപി​ച്ചി​രുന്ന ബുദ്ധി​ശ​ക്തി​യുള്ള ഒരു മനുഷ്യ​നാ​യി​രു​ന്നു, അവൻ അറിയാൻ അർഹത​യു​ള്ള​വ​നാ​യി​രു​ന്നു. അല്ലെങ്കിൽ അവന്‌ ജീവി​തോ​ദ്ദേ​ശ്യം നിറ​വേ​റ​റാ​നും അങ്ങനെ ദിവ്യേ​ഷ്ടം ചെയ്‌തു​കൊണ്ട്‌ തന്റെ നിർമ്മാ​താ​വും പിതാ​വു​മാ​യ​വനെ പ്രസാ​ദി​പ്പി​ക്കാ​നും എങ്ങനെ കഴിയും? ഈ ഉചിത​മായ ചോദ്യ​ങ്ങൾക്കുള്ള ഉത്തരങ്ങൾ ചുവടെ ചേർക്കുന്ന വിവര​ങ്ങ​ളിൽ കൊടു​ക്ക​പ്പെട്ടു:

¹¹ “യഹോ​വ​യായ ദൈവം മനുഷ്യ​നെ കൂട്ടി​ക്കൊ​ണ്ടു​പോ​യി ഏദൻതോ​ട്ട​ത്തിൽ കൃഷി​ചെ​യ്യാ​നും അതിനെ പരിപാ​ലി​ക്കാ​നു​മാ​യി അവിടെ അവനെ പാർപ്പി​ക്കാൻ നടപടി​കൾ സ്വീക​രി​ച്ചു​തു​ടങ്ങി. യഹോ​വ​യായ ദൈവം മനുഷ്യ​ന്റെ​മേൽ ഈ കല്‌പ​ന​യും വെച്ചു: ‘തോട്ട​ത്തി​ലെ സകല വൃക്ഷങ്ങ​ളിൽനി​ന്നും നിനക്ക്‌ തൃപ്‌തി​യാ​വോ​ളം തിന്നാം. എന്നാൽ നൻമയു​ടെ​യും തിൻമ​യു​ടെ​യും അറിവി​ന്റെ വൃക്ഷ​ത്തെ​സം​ബ​ന്ധി​ച്ചാ​ണെ​ങ്കിൽ, നീ അതിൽനിന്ന്‌ തിന്നരുത്‌, എന്തെന്നാൽ നീ അതിൽനിന്ന്‌ തിന്നുന്ന ദിവസ​ത്തിൽ നീ തീർച്ച​യാ​യും മരിക്കും.’”—ഉല്‌പത്തി 2:15-17.

12. ആദാം തന്റെ സ്രഷ്ടാ​വിന്‌ എന്തിനു​വേണ്ടി നന്ദി​കൊ​ടു​ത്തി​രി​ക്കണം, അങ്ങനെ മനുഷ്യന്‌ എങ്ങനെ ദൈവത്തെ മഹത്വീ​ക​രി​ക്കാൻ കഴിഞ്ഞു?

¹² ഈ മനോ​ഹ​ര​മായ ഏദെൻതോ​ട്ട​ത്തിൽ പ്രയോ​ജ​ന​ക​ര​മായ കാര്യ​ങ്ങ​ളിൽ ഏർപ്പെ​ട്ടി​രി​ക്കാൻ ക്രമീ​ക​രണം ചെയ്‌ത​തിൽ ആദാം അവന്റെ സ്രഷ്ടാ​വി​നു നന്ദി കൊടു​ത്തി​രി​ക്കണം. ഇപ്പോൾ അവന്‌ അവന്റെ സ്രഷ്ടാ​വി​ന്റെ ഇഷ്ടം അറിയാ​മാ​യി​രു​ന്നു, അവന്‌ ഭൂമി​യിൽ ചിലതു ചെയ്യാൻ കഴിയു​മാ​യി​രു​ന്നു. അവന്റെ​മേൽ ഇപ്പോൾ ഒരു ഉത്തരവാ​ദി​ത്വം സ്ഥിതി​ചെ​യ്‌തി​രു​ന്നു, ഏദൻതോ​ട്ട​ത്തിൽ കൃഷി​ചെ​യ്യു​ക​യെ​ന്ന​തും അതിനെ പരിപാ​ലി​ക്കു​ക​യെ​ന്ന​തും​തന്നെ. എന്നാൽ അതു ചെയ്യു​ന്നത്‌ ഉല്ലാസ​പ്ര​ദ​മാ​യി​രി​ക്കു​മാ​യി​രു​ന്നു. ഇതു ചെയ്യു​ന്ന​തി​നാൽ അവന്‌ തന്റെ നിർമ്മാ​താ​വായ യഹോ​വ​യാം ദൈവ​ത്തിന്‌ മഹത്വ​വും സ്‌തു​തി​യും കരേറ​റത്തക്ക വിധത്തിൽ ഏദൻതോ​ട്ടത്തെ സൂക്ഷി​ക്കാൻ കഴിയു​മാ​യി​രു​ന്നു. ആദാമിന്‌ വേല​ചെ​യ്‌തു വിശക്കു​മ്പോ​ഴെ​ല്ലാം തോട്ട​ത്തി​ലെ വൃക്ഷങ്ങ​ളിൽനിന്ന്‌ തൃപ്‌തി​യാ​വോ​ളം തിന്നാൻ കഴിയു​മാ​യി​രു​ന്നു. ഈ വിധത്തിൽ അവന്‌ തന്റെ ശക്തി പുതു​ക്കു​ന്ന​തി​നും തന്റെ സന്തുഷ്ട​ജീ​വി​തത്തെ അനിശ്ചി​ത​മാ​യി—അനന്തമാ​യി—നിലനിർത്തു​ന്ന​തി​നും കഴിയു​മാ​യി​രു​ന്നു.—സഭാ​പ്ര​സം​ഗി 3:10-13 താരത​മ്യ​പ്പെ​ടു​ത്തുക.

നിത്യ​ജീ​വന്റെ പ്രതീക്ഷ

13. ഒന്നാം മനുഷ്യന്‌ ഏതു പ്രതീക്ഷ ഉണ്ടായി​രു​ന്നു, അങ്ങനെ എന്തു​കൊണ്ട്‌?

¹³ അനന്തമാ​യോ? പൂർണ്ണ​മ​നു​ഷ്യന്‌ ഇത്‌ മിക്കവാ​റും അവിശ്വ​സ​നീ​യ​മായ എന്തോരു ആശയമാ​യി​രു​ന്നി​രി​ക്കണം! എന്നാൽ എന്തു​കൊ​ണ്ടു പാടില്ല? അവന്റെ സ്രഷ്ടാ​വിന്‌ വിദഗ്‌ദ്ധ സംവി​ധാ​ന​ത്തോ​ടു​കൂ​ടിയ ഈ ഏദൻതോ​ട്ടത്തെ നശിപ്പി​ക്കു​ക​യെന്ന ആശയമോ ഉദ്ദേശ്യ​മോ ഇല്ലായി​രു​ന്നു. അത്‌ വളരെ നല്ലതും അവന്റെ കലാസർഗ്ഗാ​ത്മ​ക​തയെ വെളി​പ്പെ​ടു​ത്തു​ന്ന​തു​മാ​യി​രു​ന്ന​പ്പോൾ അവൻ സ്വന്ത​വേ​ലയെ എന്തിനു നശിപ്പി​ക്കണം? യുക്തി​യ​നു​സ​രിച്ച്‌, അവൻ അങ്ങനെ ചെയ്യാൻ ഉദ്ദേശി​ക്കു​ക​യില്ല. (യെശയ്യാവ്‌ 45:18) ഈ കിടയററ തോട്ട​ത്തിൽ കൃഷി നടക്കേ​ണ്ട​താ​യി​രു​ന്ന​തി​നാൽ, പൂർണ്ണ​മ​നു​ഷ്യ​നാ​യി​രുന്ന ആദാമി​നെ​പ്പോ​ലെ ഒരു കൃഷി​ക്കാ​ര​നും പരിപാ​ല​ക​നും അതിനാ​വ​ശ്യ​മാ​യി​രി​ക്കും. പരിപാ​ല​ക​നായ മനുഷ്യൻ “നൻമയു​ടെ​യും തിൻമ​യു​ടെ​യും അറിവി​ന്റെ വൃക്ഷ”ത്തിന്റെ വിലക്ക​പ്പെട്ട ഫലം ഒരിക്ക​ലും തിന്നാ​തി​രു​ന്നെ​ങ്കിൽ അവൻ ഒരിക്ക​ലും മരിക്കു​ക​യി​ല്ലാ​യി​രു​ന്നു. പൂർണ്ണ​നായ മനുഷ്യന്‌ എന്നേക്കും ജീവി​ക്കാൻ കഴിയു​മാ​യി​രു​ന്നു!

14. ആദാമിന്‌ ഏദനിൽ എങ്ങനെ നിത്യ​ജീ​വൻ ലഭിക്കാ​മാ​യി​രു​ന്നു?

¹⁴ ഏദൻപ​റു​ദീ​സാ​തോ​ട്ട​ത്തി​ലെ നിത്യ​ജീ​വൻ ആദാമി​ന്റെ മുമ്പാകെ വെക്ക​പ്പെട്ടു! മമനു​ഷ്യ​ന്റെ സ്രഷ്ടാ​വി​നാൽ വിലക്ക​പ്പെട്ട ഫലം ഒരിക്ക​ലും തിന്നാ​തി​രു​ന്നു​കൊണ്ട്‌ അവൻ തന്റെ സ്രഷ്ടാ​വി​നോട്‌ പൂർണ്ണ​മായ അനുസ​ര​ണ​ത്തിൽ കഴിയു​ക​യാ​യി​രു​ന്നെ​ങ്കിൽ അത്‌ എന്നേക്കും ആസ്വദി​ക്കാൻ കഴിയു​മാ​യി​രു​ന്നു. പൂർണ്ണ​നായ മനുഷ്യൻ അനുസ​ര​ണ​മു​ള്ള​വ​നാ​യി എന്നേക്കും ജീവി​ക്ക​ണ​മെ​ന്നു​ള്ളത്‌ അവന്റെ ആഗ്രഹ​മാ​യി​രു​ന്നു. “നൻമയു​ടെ​യും തിൻമ​യു​ടെ​യും അറിവി​ന്റെ വൃക്ഷ”ത്തിന്റെ ഫലത്തിന്റെ വിലക്ക്‌ മരണക​ര​മൊ​ന്നു​മ​ല്ലാ​യി​രു​ന്നു. അത്‌ കേവലം മമനു​ഷ്യ​ന്റെ പിതാ​വി​നോ​ടുള്ള പൂർണ്ണ​മായ അനുസ​ര​ണ​ത്തി​ന്റെ ഒരു പരി​ശോ​ധ​ന​യാ​യി​രു​ന്നു. അത്‌ തന്റെ സ്രഷ്ടാ​വായ ദൈവ​ത്തോ​ടുള്ള തന്റെ സ്‌നേഹം തെളി​യി​ക്കു​ന്ന​തി​നുള്ള ഒരു അവസരം മനുഷ്യ​നു കൊടു​ത്തു.

15. ആദാമിന്‌ സ്രഷ്ടാ​വിൽനി​ന്നുള്ള നൻമ സഹിതം ഒരു ശോഭ​ന​മായ ഭാവി​യി​ലേക്ക്‌ നോക്കാൻകഴി​യു​മാ​യി​രു​ന്ന​തെ​ന്തു​കൊണ്ട്‌?

¹⁵ താൻ നിനച്ചി​രി​ക്കാ​തെ​യുള്ള ഒരു യാദൃ​ച്ഛി​ക​സം​ഭ​വ​മ​ല്ലെ​ന്നും തനിക്ക്‌ ഒരു സ്വർഗ്ഗീ​യ​പി​താ​വു​ണ്ടെ​ന്നു​മുള്ള ഹൃദയ​സം​തൃ​പ്‌തി​യോ​ടെ, തന്റെ ജീവി​തോ​ദ്ദേ​ശ്യ​ത്തെ​ക്കു​റി​ച്ചുള്ള ഗ്രാഹ്യ​ത്താൽ മനസ്സ്‌ പ്രബു​ദ്ധ​മാ​യി, പറുദീ​സ​യി​ലെ നിത്യ​ജീ​വന്റെ കാഴ്‌ച​പ്പാ​ടോ​ടെ, പൂർണ്ണ​മ​നു​ഷ്യൻ ശോഭ​ന​മായ ഭാവി​യി​ലേക്കു മുന്നോ​ട്ടു നോക്കി. അവൻ ആഹാര​ത്തി​നു നല്ലതായ വൃക്ഷങ്ങ​ളിൽനി​ന്നു ഭക്ഷിക്കു​ക​യും “നൻമയു​ടെ​യും തിൻമ​യു​ടെ​യും അറിവി​ന്റെ വൃക്ഷം” ഒഴിവാ​ക്കു​ക​യും​ചെ​യ്‌തു. അവൻ തന്റെ സ്രഷ്ടാ​വിൽനിന്ന്‌ നൻമ അറിയാ​നാ​ഗ്ര​ഹി​ച്ചു. ഒരു വിനാ​ശ​ക​ര​മായ തരത്തി​ലു​ള്ളതല്ല, പിന്നെ​യോ ഏദെൻതോ​ട്ട​ത്തിൽ കൃഷി​ചെ​യ്യുന്ന വേല നല്ലതാ​യി​രു​ന്നു, പൂർണ്ണ​മ​നു​ഷ്യൻ ജോലി​ചെ​യ്‌തി​രു​ന്നു.

കാര്യങ്ങൾ വിശദീ​ക​രി​ക്കാൻ കടപ്പാടു തോന്നി​യി​ല്ല

16-18. ആദാമിന്‌ ഏതു മർമ്മങ്ങൾ നിർദ്ധാ​ര​ണം​ചെ​യ്യ​ണ​മെ​ന്നുള്ള തോന്ന​ലു​ണ്ടാ​യില്ല, എന്തു​കൊണ്ട്‌?

¹⁶ പകലത്തെ വലിയ പ്രകാ​ശ​ഗോ​ളം അസ്‌ത​മി​ച്ച​തോ​ടെ പകൽവെ​ളി​ച്ചം കുറഞ്ഞു, ആകാശ​ത്തി​ലൂ​ടെ​യുള്ള അതിന്റെ ഗതിയിൽനിന്ന്‌ അവന്‌ അതു തിരി​ച്ച​റി​യാൻ കഴിയു​മാ​യി​രു​ന്നു. ഇരുട്ടു പരന്നു, രാത്രി​യാ​യി, ചന്ദ്രൻ അവനു ദൃശ്യ​മാ​യി. അത്‌ അവനിൽ ഭയം നിറച്ചില്ല; രാത്രി​യെ വാണ വലിപ്പം​കു​റഞ്ഞ പ്രകാ​ശ​ഗോ​ള​മാ​യി​രു​ന്നു അത്‌. (ഉല്‌പത്തി 1:14-18) മിന്നാ​മി​നു​ങ്ങു​കൾ തോട്ട​ത്തിൽ പറന്നു​ന​ട​ന്നി​രി​ക്കും., അവയുടെ ശീത​വെ​ളി​ച്ചം ചെറിയ വിളക്കു​കൾപോ​ലെ തെളി​യു​ക​യും മറയു​ക​യും​ചെ​യ്‌തു.

¹⁷ രാത്രി​യാ​കു​ക​യും തന്റെമേൽ ഇരുട്ടു വ്യാപി​ക്കു​ക​യും ചെയ്‌ത​പ്പോൾ അവന്‌ ചുററു​പാ​ടു​മു​ണ്ടാ​യി​രുന്ന മൃഗങ്ങ​ളെ​പ്പോ​ലെ ഉറങ്ങേ​ണ്ട​തി​ന്റെ ആവശ്യം തോന്നി. ഉണർന്ന​പ്പോൾ അവന്‌ വിശപ്പു​തോ​ന്നാൻ തുടങ്ങി. അനുവ​ദി​ക്ക​പ്പെ​ട്ടി​രുന്ന ഫലവൃ​ക്ഷ​ങ്ങ​ളിൽനിന്ന്‌ അവൻ നല്ല വിശ​പ്പോ​ടെ ഭക്ഷിച്ചു, ഒരു പ്രഭാ​ത​ഭ​ക്ഷണം എന്ന്‌ അതിനെ വിളി​ക്കാ​വു​ന്ന​താണ്‌.

¹⁸ ബലം പുതു​ക്കി​യും രാത്രി​യി​ലെ വിശ്ര​മ​ത്താൽ നല്ല ഉൻമേ​ഷ​ത്തോ​ടെ​യും അവൻ പകലത്തെ ജോലി​യി​ലേക്കു ശ്രദ്ധ തിരിച്ചു. അവൻ ചുററു​പാ​ടു​മുള്ള പച്ചസസ്യ​ങ്ങ​ളെ​യെ​ല്ലാം നിരീ​ക്ഷി​ക്കവേ, ആയിര​ക്ക​ണ​ക്കി​നു​വർഷ​ങ്ങൾക്കു​ശേഷം, ആളുകൾ പ്രഭാ​ക​ലനം എന്നു വിളി​ക്കു​ന്ന​തി​ന്റെ മർമ്മത്തി​ലേക്ക്‌ ചുഴി​ഞ്ഞി​റ​ങ്ങ​ണ​മെന്ന്‌ അവനു തോന്നി​യില്ല, ഈ നിഗൂഢ പ്രവർത്ത​ന​ത്താ​ലാണ്‌ ചെടി​ക​ളു​ടെ പച്ചനിറം പകരുന്ന വസ്‌തു​വായ ഹരിതകം മനുഷ്യ​നും മൃഗത്തി​നും തിന്നു​ന്ന​തി​നുള്ള ഭക്ഷ്യവ​സ്‌തു ഉല്‌പാ​ദി​പ്പി​ക്കു​ന്ന​തിന്‌ സൂര്യ​പ്ര​കാ​ശ​ത്തി​ന്റെ ഊർജ്ജത്തെ ഉപയു​ക്ത​മാ​ക്കു​ന്ന​തും മനുഷ്യ​നും മൃഗവും പുറ​ത്തേക്കു വിടുന്ന കാർബൺഡ​യോ​ക്‌​സൈഡ്‌ അകത്തേക്കു വലിച്ചിട്ട്‌ അവർക്കു ശ്വസി​ക്കാ​നുള്ള ഓക്‌സി​ജൻ പുറത്തു​വി​ടു​ന്ന​തും. ഒരു മനുഷ്യൻ അതിനെ ഒരു മർമ്മ​മെന്നു വിളി​ച്ചേ​ക്കാം, എന്നാൽ ആദാം അതിനെ നിർദ്ധാ​ര​ണം​ചെ​യ്യേ​ണ്ട​യാ​വ​ശ്യ​മി​ല്ലാ​യി​രു​ന്നു. അതു മമനു​ഷ്യ​ന്റെ സ്രഷ്‌ടാ​വി​ന്റെ ഒരു അത്‌ഭു​ത​മാ​യി​രു​ന്നു. അവന്‌ അതു മനസ്സി​ലാ​യി​രു​ന്നു, ഭൂമി​യി​ലെ മൃഗജാ​ല​ങ്ങ​ളു​ടെ പ്രയോ​ജ​ന​ത്തി​നു​വേണ്ടി അതിനെ പ്രവർത്തി​പ്പി​ക്കു​ക​യും ചെയ്‌തി​രു​ന്നു. അതു​കൊണ്ട്‌, സ്രഷ്ടാ​വായ ദൈവം ജീവവ​സ്‌തു​ക്കളെ വളർത്തു​ന്നു​വെ​ന്നും മമനു​ഷ്യ​ന്റെ ദൈവദത്ത വേല ഏദൻതോ​ട്ട​ത്തിൽ വളരുന്ന സസ്യജീ​വ​രൂ​പ​ങ്ങളെ പരിപാ​ലി​ക്കു​ക​യെ​ന്ന​താ​ണെ​ന്നു​മ​റി​യു​ന്നത്‌ ആദ്യമ​മ​നു​ഷ്യ​ന്റെ പൂർണ്ണ​ബു​ദ്ധിക്ക്‌ മതിയാ​യ​താ​യി​രു​ന്നു.—ഉല്‌പത്തി 1:12 കാണുക.

ഏകൻ—എന്നാൽ സന്തോ​ഷ​ത്തി​നു കുറവില്ല

19. തന്നെ​പ്പോ​ലെ ഭൂമി​യിൽ മററാ​രു​മി​ല്ലാ​തെ താൻ ഏകനാ​ണെന്ന്‌ തിരി​ച്ച​റി​ഞ്ഞെ​ങ്കി​ലും ആദാം എന്തു ചെയ്‌തില്ല?

¹⁹ സ്വർഗ്ഗീ​യ​പി​താ​വി​നാ​ലുള്ള മമനു​ഷ്യ​ന്റെ വിദ്യാ​ഭ്യാ​സം തീർന്നില്ല. തന്നോടു ചേരാ​നോ തന്നെ സഹായി​ക്കാ​നോ ഭൂമി​യിൽ തന്നേ​പ്പോ​ലെ ആരുമി​ല്ലാ​തെ മനുഷ്യൻ ഏദൻതോ​ട്ടത്തെ പരിപാ​ലി​ച്ചു. അവന്റെ വർഗ്ഗത്തെ, മനുഷ്യ​വർഗ്ഗത്തെ, സംബന്ധി​ച്ച​ട​ത്തോ​ളം, അവൻ ഏകനാ​യി​രു​ന്നു. അവൻ ഭൗമി​ക​കൂ​ട്ടി​നു​വേണ്ടി തന്നേ​പ്പോ​ലെ ഒരാളെ കണ്ടെത്താൻ അന്വേ​ഷണം നടത്തി​യില്ല. തനിക്ക്‌ ഒരു സഹോ​ദ​ര​നെ​യോ സഹോ​ദ​രി​യെ​യോ നൽകണ​മെന്ന്‌ അവൻ തന്റെ സ്വർഗ്ഗീ​യ​പി​താ​വായ ദൈവ​ത്തോ​ടു അപേക്ഷി​ച്ചില്ല. ഒരു മനുഷ്യൻ എന്ന നിലയി​ലുള്ള അവന്റെ ഏകാന്തത അവനെ ഒടുവിൽ ഭ്രാന്ത​നാ​ക്കു​ക​യും ജീവി​ത​ത്തി​ലും ജോലി​യി​ലു​മുള്ള സന്തോഷം എടുത്തു​ക​ള​യു​ക​യും​ചെ​യ്‌തില്ല. അവന്‌ ദൈവ​വു​മാ​യി സഖിത്വ​മു​ണ്ടാ​യി​രു​ന്നു.—സങ്കീർത്തനം 27:4 താരത​മ്യം​ചെ​യ്യുക.

20. (എ) ആദാമി​ന്റെ സന്തോ​ഷ​ത്തി​ന്റെ​യും ഉല്ലാസ​ത്തി​ന്റെ​യും പാരമ്യം എന്തായി​രു​ന്നു? (ബി) ഈ ജീവി​ത​രീ​തി​യിൽ തുടരു​ന്നത്‌ ആദാമി​ന്റെ​മേൽ ഹാനി​ക​ര​മായ ക്ലേശമാ​യി​രി​ക്കു​ക​യി​ല്ലാ​ഞ്ഞ​തെ​ന്തു​കൊണ്ട്‌? (സി) അടുത്ത ലേഖനം എന്തു ചർച്ച​ചെ​യ്യും?

²⁰ താനും തന്റെ വേലയും തന്റെ സ്വർഗ്ഗീ​യ​പി​താ​വി​ന്റെ പരി​ശോ​ധ​ന​യിൻകീ​ഴി​ലാ​ണെന്ന്‌ ആദാമി​ന​റി​യാ​മാ​യി​രു​ന്നു. അവന്റെ ഉല്ലാസ​ത്തി​ന്റെ പാരമ്യം തന്റെ ദൈവ​വും സ്രഷ്ടാ​വു​മാ​യ​വനെ പ്രസാ​ദി​പ്പി​ക്കു​ന്ന​തി​ലാ​യി​രു​ന്നു. അവന്റെ അത്ഭുത​ത്വം മമനു​ഷ്യ​ന്റെ ചുററു​മെ​ല്ലാ​മു​ണ്ടാ​യി​രുന്ന മനോഹര സൃഷ്ടി​ക്രി​യ​ക​ളാൽ വെളി​പ്പെ​ടു​ത്ത​പ്പെ​ട്ടി​രു​ന്നു. (വെളി​പ്പാട്‌ 15:3 താരത​മ്യം​ചെ​യ്യുക.) ഈ ജീവി​ത​രീ​തി​യിൽ തുടരു​ന്നത്‌ തന്റെ ദൈവ​വു​മാ​യി സംഭാ​ഷ​ണം​ന​ട​ത്താൻ കഴിയു​മാ​യി​രുന്ന പൂർണ്ണ​സ​മ​നി​ല​യു​ണ്ടാ​യി​രുന്ന ഈ മനുഷ്യന്‌ ഹാനി​ക​ര​മായ ക്ലേശമോ വിരസ​മായ കഠിന​ജോ​ലി​യോ ആയിരു​ന്നില്ല. ആദാമി​നു വലിയ സംതൃ​പ്‌തി​യും ഉല്ലാസ​വും കൈവ​രു​ത്തുന്ന രസകര​മായ, വശ്യമായ, വേലയാണ്‌ ദൈവം അവന്റെ മുമ്പാകെ വെച്ചി​രു​ന്നത്‌. അടുത്ത ലേഖനം ആദാം തന്റെ സ്‌നേ​ഹ​വാ​നായ സ്രഷ്ടാ​വിൽനിന്ന്‌ ആസ്വദിച്ച പറുദീ​സാ​യ​നു​ഗ്ര​ഹ​ങ്ങ​ളെ​യും പ്രതീ​ക്ഷ​ക​ളെ​യും​കു​റിച്ച്‌ കുടുതൽ പറയു​ന്ന​താണ്‌. (w89 8/1)

[അടിക്കു​റി​പ്പു​കൾ]

“ഒന്നാമ​ത്തേ​തി​ന്റെ പേർ പീശോൻ എന്നാണ്‌; അത്‌ ഹവീലാ​ദേ​ശ​മൊ​ക്കെ​യും ചുററു​ന്ന​താണ്‌, അവിടെ പൊന്നുണ്ട്‌. ആ ദേശത്തെ പൊന്ന്‌ നല്ലതാണ്‌. അവിടെ ഗുൽഗു​ലു​വും ഗോ​മേ​ദ​ക​വു​മുണ്ട്‌. രണ്ടാമത്തെ നദിയു​ടെ പേർ ഗീഹോൻ എന്നാണ്‌; അതാണ്‌ കൂശ്‌ദേ​ശ​മൊ​ക്കെ​യും ചുററു​ന്നത്‌. മൂന്നാ​മത്തെ നദിയു​ടെ പേർ ഹിദ്ദേക്കൽ എന്നാണ്‌; അതാണ്‌ അസ്സീറി​യാ​യു​ടെ കിഴ​ക്കോ​ട്ടു​പോ​കു​ന്നത്‌. നാലാ​മത്തെ നദിയാണ്‌ എവു​ഫ്രാ​ത്തേസ്‌.”—ഉല്‌പത്തി 2:11-14.

നിങ്ങളുടെ ഉത്തരങ്ങൾ എന്താണ്‌?

◻ആദാമിന്‌ തന്റെ അസ്‌തി​ത്വം​സം​ബ​ന്ധിച്ച്‌ ദീർഘ​മായ നിഗൂ​ഢ​ത​യി​ല്ലാ​ഞ്ഞ​തെ​ന്തു​കൊണ്ട്‌?

◻ദൈവം ആദാമിന്‌ എതു വേല കൊടു​ത്തു, അവൻ എങ്ങനെ പ്രതി​ക​രി​ച്ചി​രി​ക്കാം?

◻പൂർണ്ണമനുഷ്യൻ ഏതു പ്രതീക്ഷ ആസ്വദി​ച്ചു, എന്തു​കൊണ്ട്‌?

◻ആദാം മർമ്മങ്ങൾ നിർദ്ധാ​ര​ണം​ചെ​യ്യു​ന്നത്‌ തന്റെ ജീവി​ത​വൃ​ത്തി​യാ​ക്കാ​ഞ്ഞ​തെ​ന്തു​കൊണ്ട്‌?

◻ആദാം ഒരു മനുഷ്യൻ എന്ന നിലയിൽ ഏകനാ​യി​രു​ന്നത്‌ ജീവി​ത​ത്തിൽനിന്ന്‌ സന്തോ​ഷത്തെ എടുത്തു​ക​ള​യാ​ഞ്ഞ​തെ​ന്തു​കൊണ്ട്‌?

[14-ാം പേജിലെ ചിത്ര​ത്തിന്‌ കടപ്പാട്‌]

NASA photo