മനുഷ്യ​ന്റെ അനുസ​ര​ണ​ക്കേ​ടു​ണ്ടാ​യി​ട്ടും പറുദീ​സാ​പ്ര​തീ​ക്ഷകൾ പ്രബലം

1. കാലം കഴിഞ്ഞു​പോ​യ​പ്പോൾ, ആദ്യമ​നു​ഷ്യ​നെ​യും സ്‌ത്രീ​യെ​യും എവിടെ കാണാൻ കഴിയു​ന്നു, ഏതു സാഹച​ര്യ​ങ്ങ​ളിൽ?

കാലം കടന്നു​പോ​യി​രി​ക്കു​ന്നു. ആദ്യമ​നു​ഷ്യ​നും സ്‌ത്രീ​യും മേലാൽ നിർദ്ദോ​ഷി​ക​ളാ​യി നഗ്നരാ​യി​രി​ക്കു​ന്നില്ല. അവർ മൃഗചർമ്മം​കൊ​ണ്ടുള്ള നീണ്ട ഉടുപ്പു​കൾ ധരിച്ചി​രി​ക്കു​ന്നു. അവർ പൂർണ്ണ​ത​യുള്ള ഏദൻതോ​ട്ട​ത്തി​ന്റെ പ്രവേ​ശ​ന​ക​വാ​ട​ത്തി​നു പുറത്തു​ത​ന്നെ​യാണ്‌. അവരുടെ പിൻഭാ​ഗങ്ങൾ തോട്ട​ത്തി​ലേക്കു തിരി​ഞ്ഞി​രി​ക്കു​ന്നു. അവർ തങ്ങളുടെ മുമ്പാ​കെ​യുള്ള രംഗത്തെ വീക്ഷി​ക്കു​ന്നു. അവർ കൃഷി​ചെ​യ്‌തി​ട്ടി​ല്ലാത്ത നിലം​മാ​ത്ര​മാണ്‌ കാണു​ന്നത്‌. അതിൻമേൽ ദൈവാ​നു​ഗ്രഹം ഇല്ലെന്ന്‌ തികച്ചും വ്യക്തമാണ്‌. അവരുടെ മുമ്പിൽ മുള്ളും പറക്കാ​ര​യു​മാണ്‌ കാണാൻ കഴിയു​ന്നത്‌. ഈ ഭൂമിയെ അല്ലേ അവർ കീഴട​ക്കാൻ നിയോ​ഗി​ക്ക​പ്പെ​ട്ടത്‌? അതെ, എന്നാൽ ആദ്യമ​നു​ഷ്യ​നും സ്‌ത്രീ​യും ഇപ്പോൾ അവി​ടെ​യാ​യി​രി​ക്കു​ന്നത്‌ ഏദൻതോ​ട്ടത്തെ അങ്ങനെ​യുള്ള പരിപാ​ലി​ക്ക​പ്പെ​ടാത്ത ദേശ​ത്തേക്കു വ്യാപി​പ്പി​ക്കു​ക​യെന്ന ഉദ്ദേശ്യ​ത്തി​ലല്ല.

2. മനുഷ്യ​നും സ്‌ത്രീ​യും പറുദീ​സാ​ത്തോ​ട്ട​ത്തിൽ വീണ്ടും പ്രവേ​ശി​ക്കാൻ ശ്രമി​ക്കാ​ത്ത​തെ​ന്തു​കൊണ്ട്‌?

² അത്തര​മൊ​രു വൈരു​ദ്ധ്യം നിറഞ്ഞ കാഴ്‌ച​യിൽ അവർ തിരിഞ്ഞ്‌ പറുദീ​സാ​തോ​ട്ട​ത്തിൽ വീണ്ടും പ്രവേ​ശി​ക്കാ​ത്ത​തെ​ന്തു​കൊണ്ട്‌? നിർദ്ദേ​ശി​ക്കാൻ എളുപ്പ​മാണ്‌, എന്നാൽ തോട്ട​ത്തി​ന്റെ കവാട​ത്തി​ങ്കൽ അവരുടെ പിന്നിൽ ആരാണു​ള്ള​തെന്നു നോക്കുക. അവർ തോട്ട​ത്തി​നു​ള്ളിൽ പോലും മുമ്പെ​ങ്ങും കണ്ടിട്ടി​ല്ലാത്ത ജീവികൾ, കെരു​ബു​കൾ. മാത്ര​വു​മല്ല, തുടർച്ച​യാ​യി താനേ കറങ്ങി​ക്കൊ​ണ്ടി​രി​ക്കുന്ന ഒരു വാളിന്റെ ജ്വലി​ക്കുന്ന വായ്‌ത്ത​ല​യും. മനുഷ്യ​നും സ്‌ത്രീ​ക്കും ഇവയെ കടന്ന്‌ തോട്ട​ത്തിൽ ജീവ​നോ​ടെ പ്രവേ​ശി​ക്കാൻ കഴിയു​മാ​യി​രു​ന്നില്ല!—ഉല്‌പത്തി 3:24.

3. ആദ്യമ​നു​ഷ്യ​ജോ​ടി​യു​ടെ സാഹച​ര്യ​ങ്ങ​ളിൽ ഇത്ര കർശന​മായ മാററങ്ങൾ ഉളവാ​ക്കാൻ എന്തു സംഭവി​ച്ചി​രു​ന്നു?

³ എന്താണ്‌ സംഭവി​ച്ചി​രു​ന്നത്‌? ആയിര​ക്ക​ണ​ക്കി​നു വർഷങ്ങ​ളിൽ ശാസ്‌ത്രത്തെ അന്ധാളി​പ്പി​ച്ചു​കൊ​ണ്ടി​രുന്ന മർമ്മമ​ല്ലത്‌. അത്‌ ലളിത​മാ​യി വിശദീ​ക​രി​ക്ക​പ്പെ​ട്ടി​രി​ക്കു​ന്നു. ആദ്യമ​നു​ഷ്യ​ന്റെ​യും സ്‌ത്രീ​യു​ടെ​യും വിവാ​ഹ​ദി​ന​ത്തിൽ അവരുടെ മുമ്പാകെ വെക്ക​പ്പെ​ട്ടി​രുന്ന അത്ഭുത​ക​ര​മായ പ്രതീ​ക്ഷകൾ അവർ സാക്ഷാ​ത്‌ക്ക​രി​ക്കേ​ണ്ട​താ​യി​രു​ന്നു, എന്നാൽ അവർ തങ്ങളുടെ സ്വർഗ്ഗീ​യ​പി​താ​വി​നെ ഏററവും ചെറിയ കാര്യ​ത്തിൽപോ​ലും അനുസ​രി​ക്ക​ണ​മെ​ന്നുള്ള വ്യവസ്ഥ​യു​ണ്ടാ​യി​രു​ന്നു. അവരുടെ പൂർണ്ണ​മായ അനുസ​രണം ഒരു ലളിത​മായ ഭക്ഷ്യനി​യ​ന്ത്ര​ണ​ത്താൽ പരീക്ഷി​ക്ക​പ്പെ​ടു​മാ​യി​രു​ന്നു: അവർ “നൻമയു​ടെ​യും തിൻമ​യു​ടെ​യും അറിവി​ന്റെ വൃക്ഷ”ത്തിൻഫലം തിന്നരുത്‌. (ഉല്‌പത്തി 2:16, 17) അവർ ദൈവ​ത്തി​ന്റെ ആജ്ഞകൾക്കു വിരു​ദ്ധ​മാ​യി അങ്ങനെ ചെയ്‌താൽ അവർ തീർച്ച​യാ​യും മരിക്കും. അതാണ്‌ ദൈവ​ത്തി​ന്റെ പ്രവാ​ച​ക​നെന്ന നിലയിൽ ആദാം പ്രായം കുറഞ്ഞ മനുഷ്യ​ജീ​വി​യാ​യി​രുന്ന തന്റെ ഭാര്യ​യോ​ടു പറഞ്ഞി​രു​ന്നത്‌. എന്നാൽ അതിശ​യ​ക​ര​മാ​യി, ആ നാഖാശ, ആ സർപ്പം, വിലക്ക​പ്പെ​ട്ടി​രുന്ന “നൻമയു​ടെ​യും തിൻമ​യു​ടെ​യും അറിവി​ന്റെ വൃക്ഷ”ത്തിൽനിന്ന്‌ തിന്നു​ന്ന​തി​നെ​തി​രാ​യുള്ള മുന്നറി​യി​പ്പിൽ ദൈവം ആദാമി​നോ​ടു പറഞ്ഞി​രു​ന്ന​തി​ന്റെ സത്യതയെ നിഷേ​ധി​ച്ചു. ദൈവ​നി​യമം ലംഘി​ക്കു​ന്ന​തും വിലക്ക​പ്പെട്ട ഫലം തിന്നു​ന്ന​തും അവൾ ദൈവ​ത്തെ​പ്പോ​ലെ​യാ​യി​ത്തീ​രു​ന്ന​തിൽ കലാശി​ക്കു​മെ​ന്നും നൻമ​യെ​ന്തെ​ന്നും തിൻമ​യെ​ന്തെ​ന്നും തീരു​മാ​നി​ക്കു​ന്ന​തിൽ അവൾക്ക്‌ ദൈവ​ത്തിൽനി​ന്നുള്ള സ്വാത​ന്ത്ര്യം കൈവ​രു​ത്തു​മെ​ന്നും വിശ്വ​സി​ക്കു​ന്ന​തി​ലേക്ക്‌ സർപ്പം സ്‌ത്രീ​യെ വഞ്ചിച്ചു.—ഉല്‌പത്തി 3:1-5.

കെട്ടു​ക​ഥ​യല്ല

4, 5. സർപ്പം ഹവ്വായെ വഞ്ചിക്കു​ന്ന​തു​സം​ബ​ന്ധിച്ച വിവരണം കെട്ടു​ക​ഥ​യ​ല്ലെന്ന്‌ അപ്പോ​സ്‌ത​ല​നായ പൗലോസ്‌ പ്രകട​മാ​ക്കു​ന്ന​തെ​ങ്ങനെ?

⁴ അവിശ്വ​സ​നീ​യ​മോ? അത്‌ ഏറെയും വസ്‌തു​ത​ക​ളിൽ അടിസ്ഥാ​ന​പ്പെ​ട്ടി​രി​ക്കാത്ത ഒരു കെട്ടുകഥ, ഒരു ഐതീ​ഹ്യം​പോ​ലെ​യാ​ണോ തോന്നി​ക്കു​ന്നത്‌? അതു​കൊണ്ട്‌ അത്‌ മുതിർന്ന​വ​രു​ടെ പ്രബു​ദ്ധ​മായ ആധുനിക മനസ്സു​കൾക്ക്‌ അസ്വീ​കാ​ര്യ​മാ​ണോ? അല്ല, താൻ എഴുതി​യ​തി​ന്റെ ശരി​യെ​ക്കു​റിച്ച്‌ അറിയാ​മാ​യി​രുന്ന വിശ്വാ​സ​യോ​ഗ്യ​നായ ഒരു എഴുത്തു​കാ​രന്‌, വിപു​ല​മാ​യി വായി​ക്ക​പ്പെ​ടുന്ന ഒരു എഴുത്തു​കാ​രന്‌, പ്രത്യേ​കാൽ തിര​ഞ്ഞെ​ടു​ക്ക​പ്പെട്ട ഒരു അപ്പോ​സ്‌ത​ലന്‌ അങ്ങനെയല്ല. ലോക​ജ്ഞാ​ന​ത്തി​ന്റെ നഗരമായ കൊരി​ന്തി​ലെ മുതിർന്ന ക്രിസ്‌ത്യാ​നി​ക​ളു​ടെ സഭക്ക്‌ ഈ അപ്പോ​സ്‌ത​ല​നായ പൗലോസ്‌ എഴുതി: “സർപ്പം അതിന്റെ കൗശല​ത്താൽ ഹവ്വായെ വശീക​രി​ച്ച​തു​പോ​ലെ, ക്രിസ്‌തു​വി​നോ​ടുള്ള ആത്മാർത്ഥ​ത​യിൽനി​ന്നും നിർമ്മ​ല​ത​യിൽനി​ന്നും നിങ്ങളു​ടെ ഹൃദയങ്ങൾ എങ്ങനെ​യെ​ങ്കി​ലും വഷളാ​ക്കി​യ​ക​റ​റ​പ്പെ​ടു​മോ​യെന്ന്‌ ഞാൻ ഭയപ്പെ​ടു​ന്നു.”—2 കൊരി​ന്ത്യർ 11:3.

⁵ പുറജാ​തീയ ഗ്രീക്ക്‌മ​ത​ത്തി​ലെ കെട്ടു​ക​ഥകൾ സുപരി​ചി​ത​മാ​യി​രുന്ന ആ കൊരി​ന്ത്യ​ക്കാർക്ക്‌ തന്റെ ആശയം വ്യക്തമാ​ക്കി​ക്കൊ​ടു​ക്കാൻ പൗലോസ്‌ അത്തര​മൊ​രു കെട്ടു​ക​ഥയെ, ഒരു സങ്കല്‌പത്തെ, അശേഷം ഉപയോ​ഗി​ക്ക​യില്ല. താൻ “ദൈവ​വചന”മാണെന്നു പ്രഖ്യാ​പിച്ച നിശ്വസ്‌ത എബ്രാ​യ​തി​രു​വെ​ഴു​ത്തു​ക​ളിൽനിന്ന്‌ ഉദ്ധരി​ച്ചു​കൊണ്ട്‌ അപ്പോ​സ്‌ത​ല​നായ പൗലോസ്‌ “സർപ്പം അതിന്റെ കൗശല​ത്താൽ ഹവ്വായെ വഞ്ചിച്ചു”വെന്ന്‌ ഉറപ്പായി പറഞ്ഞു. (1 തെസ്സ​ലോ​നീ​ക്യർ 2:13) മാത്ര​വു​മല്ല, “ആരോ​ഗ്യ​പ്ര​ദ​മായ വചനങ്ങ​ളു​ടെ മാതൃക” പഠിപ്പി​ക്കാൻ ചുമത​ല​പ്പെ​ടു​ത്ത​പ്പെ​ട്ടി​രുന്ന ഒരു ക്രിസ്‌തീ​യ​മേൽവി​ചാ​ര​കന്‌ എഴുതി​യ​പ്പോൾ അപ്പോ​സ്‌ത​ല​നായ പൗലോസ്‌ ഇങ്ങനെ പറഞ്ഞു: “ആദാം ആദ്യം നിർമ്മി​ക്ക​പ്പെട്ടു, പിന്നെ ഹവ്വാ. കൂടാതെ, ആദാം വഞ്ചിക്ക​പ്പെ​ട്ടില്ല, എന്നാൽ സ്‌ത്രീ പൂർണ്ണ​മാ​യും വഞ്ചിക്ക​പ്പെ​ടു​ക​യും ലംഘന​ത്തിൽ അകപ്പെ​ടു​ക​യും​ചെ​യ്‌തു.”—2 തിമൊ​ഥെ​യോസ്‌ 1:13; 1 തിമൊ​ഥെ​യോസ്‌ 2:13, 14.

6. (എ) ദൈവ​ത്തി​നെ​തി​രായ ആദാമി​ന്റെ ലംഘനം ഹവ്വായു​ടേ​തിൽനിന്ന്‌ വ്യത്യ​സ്‌ത​മാ​യി​രു​ന്ന​തെ​ങ്ങനെ? (ബി) സ്‌ത്രീ സർപ്പ​ത്തെ​ക്കു​റിച്ച്‌ ഒരു കഥ കെട്ടി​ച്ച​മ​ക്കു​ക​യ​ല്ലാ​യി​രു​ന്നു​വെന്ന്‌ നമുക്ക്‌ ഉറപ്പു​ണ്ടാ​യി​രി​ക്കാൻ കഴിയു​ന്ന​തെ​ന്തു​കൊണ്ട്‌?

⁶ സ്‌ത്രീ സർപ്പത്താൽ വഞ്ചിക്ക​പ്പെ​ട്ടു​വെ​ന്നത്‌ ഒരു വസ്‌തു​ത​യാണ്‌, ഒരു കെട്ടു​ക​ഥയല്ല; അവൾ വിലക്ക​പ്പെട്ട കനി ഭക്ഷിച്ച​തി​ന്റെ പരിണ​ത​ഫ​ലങ്ങൾ കഠിന​ച​രി​ത്ര​വ​സ്‌തു​തകൾ ആയിരി​ക്കു​ന്ന​തു​പോ​ലെ​തന്നെ തീർച്ച​യാ​ണത്‌. അങ്ങനെ ദൈവ​ത്തോ​ടു ലംഘനം​ചെ​യ്‌ത​ശേഷം, തിന്നു​ന്ന​തിൽ തന്നോടു പങ്കു​ചേ​രാൻ അവൾ അവളുടെ ഭർത്താ​വി​നെ പ്രേരി​പ്പി​ച്ചു. എന്നാൽ അവനും പൂർണ്ണ​മാ​യി വഞ്ചിക്ക​പ്പെ​ട്ട​തു​കൊ​ണ്ടാ​യി​രു​ന്നില്ല അവൻ തിന്നത്‌. (ഉല്‌പത്തി 3:6) അവർ പിന്നീട്‌ ദൈവ​ത്തോ​ടു കണക്കു​ബോ​ധി​പ്പി​ക്കു​ന്ന​തി​നെ​ക്കുറി​ച്ചുള്ള വിവരണം ഇങ്ങനെ പറയുന്നു: “മനുഷ്യൻ ഇങ്ങനെ തുടർന്നു​പ​റഞ്ഞു: ‘എന്നോ​ടു​കൂ​ടെ​യി​രി​ക്കാൻ നീ തന്ന സ്‌ത്രീ എനിക്ക്‌ വൃക്ഷഫലം തന്നു, തന്നിമി​ത്തം ഞാൻ തിന്നു.’ അതിങ്കൽ യഹോ​വ​യായ ദൈവം സ്‌ത്രീ​യോട്‌ ‘നീ എന്താണ്‌ ഈ ചെയ്‌തത്‌?’ എന്നു ചോദി​ച്ചു. ഇതിനു സ്‌ത്രീ: ‘സർപ്പം—അത്‌ എന്നെ വഞ്ചിച്ചു, തന്നിമി​ത്തം ഞാൻ തിന്നു’ എന്ന്‌ മറുപടി പറഞ്ഞു.” (ഉല്‌പത്തി 3:12, 13) സ്‌ത്രീ ആ നാഖാ​ശി​നെ, സർപ്പ​ത്തെ​ക്കു​റിച്ച്‌, ഒരു കഥ കെട്ടി​ച്ച​മ​ക്കു​ക​യാ​യി​രു​ന്നില്ല, യഹോ​വ​യാം ദൈവം അവളുടെ വിശദീ​ക​ര​ണത്തെ കെട്ടി​ച്ചമച്ച ഒരു കെട്ടു​ക​ഥ​യാ​യി എടുത്തില്ല. അവളുടെ ദൈവ​വും സ്രഷ്ടാ​വു​മായ തന്നോട്‌ ലംഘനം​ചെ​യ്യു​ന്ന​തി​ലേക്ക്‌ സ്‌ത്രീ​യെ വഞ്ചിക്കു​ന്ന​തിൽ ഒരു ഉപകര​ണ​മെന്ന നിലയിൽ ആ സർപ്പ​ത്തോ​ടു അവൻ ഇടപെട്ടു. കേവലം കെട്ടു​ക​ഥാ​പ​ര​മായ ഒരു സർപ്പ​ത്തോട്‌ ഇടപെ​ടു​ന്നത്‌ ദൈവ​ത്തി​ന്റെ മാന്യ​ത​യിൽ താണതാ​യി​രി​ക്കും.

7. (എ) സർപ്പ​ത്തോ​ടുള്ള ദൈവ​ത്തി​ന്റെ നീതി​ന്യാ​യ​പ​ര​മായ ഇടപെ​ട​ലി​നെ ബൈബിൾ വിവരണം വർണ്ണി​ക്കു​ന്ന​തെ​ങ്ങനെ? (ബി) ആദ്യസ്‌ത്രീ​യെ വഞ്ചിച്ച സർപ്പത്തിന്‌ നമ്മെയും വഞ്ചിക്കാൻ കഴിയു​ന്ന​തെ​ങ്ങനെ? (അടിക്കു​റി​പ്പി​നെ​സം​ബ​ന്ധിച്ച അഭി​പ്രാ​യം ഉൾപ്പെ​ടു​ത്തുക)

⁷ ഏദൻതോ​ട്ട​ത്തിൽ സർപ്പവു​മാ​യുള്ള ദൈവ​ത്തി​ന്റെ നീതി​ന്യാ​യ​പ​ര​മായ ഇടപെ​ട​ലി​നെ വർണ്ണി​ച്ചു​കൊണ്ട്‌ വിവരണം പറയുന്നു: “യഹോ​വ​യായ ദൈവം സർപ്പ​ത്തോട്‌ ഇങ്ങനെ പറയാൻ തുടങ്ങി: ‘നീ ഇതു ചെയ്‌തി​രി​ക്കു​ന്ന​തു​കൊണ്ട്‌ സകല വീട്ടു​മൃ​ഗ​ങ്ങ​ളി​ലും വയലിലെ സകല കാട്ടു​മൃ​ഗ​ങ്ങ​ളി​ലും​വെച്ച്‌ ശപിക്ക​പ്പെ​ട്ടവൻ നീയാണ്‌, നീ നിന്റെ ഉദരത്തിൻമേൽ ഗമിക്കു​ക​യും നിന്റെ ആയുസ്സിൻ നാളു​ക​ളി​ലെ​ല്ലാം നീ തിന്നു​ന്നത്‌ പൊടി​യാ​യി​രി​ക്കു​ക​യും ചെയ്യും. ഞാൻ നിനക്കും സ്‌ത്രീ​ക്കും തമ്മിലും നിന്റെ സന്തതി​ക്കും അവളുടെ സന്തതി​ക്കും തമ്മിലും ശത്രുത വെക്കും. അവൻ നിന്നെ തലയിൽ ചതക്കു​ക​യും നീ അവനെ കുതി​കാ​ലിൽ ചതക്കു​ക​യും​ചെ​യ്യും.’” (ഉല്‌പത്തി 3:14, 15) ന്യായ​ബോ​ധ​മുള്ള ഏതു കോട​തി​യും വസ്‌തു​തകൾ കൈകാ​ര്യം​ചെ​യ്യു​ക​യും കെട്ടു​ക​ഥയല്ല യഥാർത്ഥ​തെ​ളിവ്‌ കൊഴി​ച്ചെ​ടു​ക്കു​ക​യും​ചെ​യ്യു​ന്നു. യഹോ​വ​യാം ദൈവം തന്റെ നീതി​ന്യാ​യ​പ​ര​മായ വിധി കെട്ടു​ക​ഥ​യി​ലെ ഒരു സർപ്പത്തി​ലേക്കു തിരി​ച്ചു​വി​ട്ടു​കൊണ്ട്‌ തന്നേത്തന്നെ മൂഢൻ, കഥയി​ല്ലാ​ത്തവൻ ആക്കുക​യ​ല്ലാ​യി​രു​ന്നു, പിന്നെ​യോ കാരണ​ക്കാ​ര​നെന്ന നിലയിൽ സ്ഥിതി​ചെ​യ്‌തി​രുന്ന ഒരു യഥാർഥ ജീവിയെ ന്യായം വിധി​ക്കു​ക​യാ​യി​രു​ന്നു. അതേ സർപ്പം അവൻ ഒരിക്ക​ലും സ്ഥിതി​ചെ​യ്യു​ന്നി​ല്ലെ​ന്നും ഒരു കെട്ടു​ക​ഥ​യാ​യി​രു​ന്നു​വെ​ന്നും ഭൂമി​യി​ലെ യാതൊ​രു തെററി​നും അവൻ ഉത്തരവാ​ദി​യ​ല്ലെ​ന്നും വിചാ​രി​ക്കു​ന്ന​തി​ലേക്ക്‌ നമ്മെ വഞ്ചിക്കു​ക​യാ​ണെ​ങ്കിൽ അത്‌ ചിരി​ക്കുള്ള വകയല്ല, പരിതാ​പ​ക​ര​മാ​യി​രി​ക്കും.a

8. ദൈവം സ്‌ത്രീ​യു​ടെ​മേൽ എന്തു ന്യായ​വി​ധി ഉച്ചരിച്ചു, അവളുടെ പുത്രി​മാർക്കും പൗത്രി​മാർക്കും എന്തു പരിണ​ത​ഫ​ല​ത്തോ​ടെ?

⁸ സർപ്പത്തെ ഉൾപ്പെ​ടു​ത്തി പറഞ്ഞ സ്‌ത്രീ​യു​ടെ പ്രസ്‌താ​വ​നയെ ഒരു വസ്‌തു​ത​യാ​യി കൈകാ​ര്യം​ചെ​യ്‌തു​കൊണ്ട്‌ മമനു​ഷ്യ​ന്റെ ഭാര്യ​യെ​സം​ബ​ന്ധി​ച്ചുള്ള രേഖ പറയുന്നു: “സ്‌ത്രീ​യോട്‌ അവൻ പറഞ്ഞു: ‘ഞാൻ നിന്റെ ഗർഭധാ​ര​ണ​ത്തി​ന്റെ വേദനയെ അതിയാ​യി വർദ്ധി​പ്പി​ക്കും; നീ പ്രസവ​വേ​ദ​ന​ക​ളോ​ടെ മക്കളെ പ്രസവി​ക്കും, നിന്റെ വാഞ്‌ഛ നിന്റെ ഭർത്താ​വി​നോ​ടാ​യി​രി​ക്കും, അവൻ നിന്നെ ഭരിക്കും.’” (ഉല്‌പത്തി 3:16) “സന്താന​പു​ഷ്ടി​യു​ള്ള​വ​രാ​യി പെരുകി ഭൂമിയെ നിറക്കുക” എന്ന്‌ ദൈവം ആദാമു​മാ​യുള്ള അവളുടെ വിവാ​ഹ​സ​മ​യത്ത്‌ കൊടുത്ത അനു​ഗ്ര​ഹ​ത്തിൽ ഇതു​പോ​ലെ യാതൊ​ന്നും ഉൾപ്പെ​ടു​ത്തി​യി​രു​ന്നില്ല. (ഉല്‌പത്തി 1:28) പൂർണ്ണ​ത​യുള്ള മനുഷ്യ​ജോ​ടി​ക്കുള്ള നിയോ​ഗം സ്‌ത്രീക്ക്‌ വളരെ​യ​ധി​കം പ്രസവം സൂചി​പ്പി​ച്ചി​രു​ന്നെ​ങ്കി​ലും അനുചി​ത​മായ വേദന​യും അങ്ങേയ​റ​റത്തെ പ്രസവ​വേ​ദ​ന​ക​ളും അവളുടെ ഭർത്താ​വി​നാ​ലുള്ള മർദ്ദന​വും സൂചി​പ്പി​ക്ക​പ്പെ​ട്ടി​രു​ന്നില്ല. ലംഘനം​ചെയ്‌ത സ്‌ത്രീ​യു​ടെ​മേൽ ഉച്ചരി​ക്ക​പ്പെട്ട ന്യായ​വി​ധി തലമു​റ​ത​ല​മു​റ​ക​ളിൽ അവളുടെ പുത്രി​മാ​രെ​യും പൗത്രി​മാ​രെ​യും ബാധി​ക്കേ​ണ്ട​താ​യി​രു​ന്നു.

ആദാമി​നെ​തി​രെ​യുള്ള വിധി​യാൽ ദൈവ​നി​യമം മഹിമ​പ്പെ​ടു​ത്ത​പ്പെ​ടു​ന്നു

9, 10. (എ) ദൈവം ആദാമിന്‌ നേരിട്ട്‌ എന്തു മുന്നറി​യി​പ്പു കൊടു​ത്തി​രു​ന്നു, ദൈവം അത്തര​മൊ​രു ശിക്ഷ​യോ​ടു പററി​നിൽക്കു​ന്ന​തി​ന്റെ പരിണ​ത​ഫ​ല​ങ്ങ​ളെ​ന്താ​യി​രി​ക്കും? (ബി) ദൈവം ആദാമി​നെ​തി​രെ എന്തു ന്യായ​വി​ധി പുറ​പ്പെ​ടു​വി​ച്ചു?

⁹ എന്നാൽ, ലംഘന​ത്തിൽ തന്നോ​ടു​ചേ​രാൻ സ്‌ത്രീ പ്രേരി​പ്പി​ച്ചി​രുന്ന മനുഷ്യ​നു​മാ​യി മാററം ഭവിച്ച ഏതു സാഹച​ര്യ​ങ്ങ​ളിൽ അവൾ പങ്കുപ​റ​റ​ണ​മാ​യി​രു​ന്നു? ഈ മനുഷ്യ​നോ​ടു ദൈവം നേരിട്ട്‌ ഇങ്ങനെ പറഞ്ഞി​രു​ന്നു: “നൻമയു​ടെ​യും തിൻമ​യു​ടെ​യും അറിവി​ന്റെ വൃക്ഷ​ത്തെ​സം​ബ​ന്ധി​ച്ചാ​ണെ​ങ്കിൽ നീ അതിൽനിന്ന്‌ തിന്നരുത്‌, എന്തു​കൊ​ണ്ടെ​ന്നാൽ നീ അതിൽനിന്ന്‌ തിന്നുന്ന ദിവസ​ത്തിൽ നീ തീർച്ച​യാ​യും മരിക്കും.” (ഉല്‌പത്തി 2:17) ന്യായാ​ധി​പ​തി​യായ ദൈവം ആദാം കേവലം ഒരു കനിയു​ടെ കഷണം തിന്നതിന്‌ അത്ര സുനി​ശ്ചി​ത​മായ ഒരു വിധി​യോ​ടു പററി​നിൽക്കു​മോ? അത്തര​മൊ​രു ശിക്ഷ നടപ്പി​ലാ​ക്കു​ന്നത്‌ എന്തർത്ഥ​മാ​ക്കു​മെന്ന്‌ ചിന്തി​ക്കുക! അത്‌ അതിൽത്തന്നെ ആദാമും ഹവ്വായും അവരുടെ വിവാ​ഹ​ദി​ന​ത്തിൽ താലോ​ലി​ച്ചി​രുന്ന ആ ആത്മപ്ര​ചോ​ദ​ക​മായ പ്രതീ​ക്ഷയെ നശിപ്പി​ക്കും, തങ്ങളുടെ സന്താന​ങ്ങ​ളെ​ക്കൊണ്ട്‌, തങ്ങളുടെ ദൈവ​വും സ്വർഗ്ഗീ​യ​പി​താ​വു​മാ​യ​വ​നോ​ടുള്ള സമാധാ​ന​പ​ര​മായ ബന്ധങ്ങളിൽ നിത്യ​യൗ​വ​ന​ത്തോ​ടെ ഒരു പറുദീ​സാ​ഭൂ​മി​യിൽ സമാധാ​ന​ത്തോ​ടെ വസിക്കുന്ന ഒരു പൂർണ്ണ​മ​നു​ഷ്യ​സ​മു​ദാ​യ​ത്തെ​ക്കൊണ്ട്‌, മുഴു​ഭൂ​മി​യെ​യും നിറക്കു​ന്ന​തി​ന്റെ പ്രതീ​ക്ഷ​യാ​യി​രു​ന്നു അത്‌! തീർച്ച​യാ​യും, ദൈവം സകല മനുഷ്യ​വർഗ്ഗ​ത്തി​ന്റെ​യും ആദ്യ മനുഷ്യ​മാ​താ​പി​താ​ക്ക​ളു​ടെ​മേൽ കർശന​മാ​യി മരണശിക്ഷ നടപ്പി​ലാ​ക്കി​ക്കൊണ്ട്‌ മനുഷ്യ​വർഗ്ഗ​ത്തെ​യും മമനു​ഷ്യ​ന്റെ ഭൗമി​ക​ഭ​വ​ന​ത്തെ​യും സംബന്ധിച്ച അത്ഭുത​ക​ര​മായ തന്റെ സ്വന്തം ഉദ്ദേശ്യ​ത്തെ പരാജ​യ​പ്പെ​ടു​ത്തു​ക​യില്ല! എന്നാൽ ബൈബിൾ വിവര​ണ​ത്തിൽ വ്യക്തമാ​യി രേഖ​പ്പെ​ടു​ത്തി​യി​രി​ക്കുന്ന ദിവ്യ​ക​ല്‌പന ശ്രദ്ധി​ക്കുക:

¹⁰ “ആദാമി​നോട്‌ അവൻ പറഞ്ഞു: നീ നിന്റെ ഭാര്യ​യു​ടെ ശബ്ദം ശ്രദ്ധി​ക്കു​ക​യും “നീ അതിൽനിന്ന്‌ തിന്നരുത്‌” എന്ന കല്‌പന ഞാൻ തന്നിരുന്ന വൃക്ഷത്തിൽനിന്ന്‌ തിന്നു​ക​യും ചെയ്‌ത​തു​കൊണ്ട്‌ നിന്റെ നിമിത്തം ഭൂമി ശപിക്ക​പ്പെ​ട്ടി​രി​ക്കു​ന്നു. നിന്റെ ആയുസ്സി​ന്റെ നാളു​ക​ളി​ലെ​ല്ലാം നീ വേദന​യോ​ടെ അതിന്റെ ഉല്‌പന്നം തിന്നും. അത്‌ നിനക്കു​വേണ്ടി മുള്ളും പറക്കാ​ര​യും മുളപ്പി​ക്കും, നീ വയലിലെ സസ്യം തിന്നേ​ണ്ട​താണ്‌. നീ നില​ത്തേക്കു തിരികെ പോകു​ന്ന​തു​വരെ നിന്റെ മുഖത്തെ വിയർപ്പോ​ടെ നീ അപ്പം ഭക്ഷിക്കും, എന്തു​കൊ​ണ്ടെ​ന്നാൽ അതിൽനിന്ന്‌ നീ എടുക്ക​പ്പെട്ടു. എന്തെന്നാൽ നീ പൊടി​യാ​കു​ന്നു, പൊടി​യി​ലേക്കു നീ തിരി​കെ​പോ​കും.’”—ഉല്‌പത്തി 3:17-19.

11. അനുസ​ര​ണത്തെ സംബന്ധിച്ച ഏതു വസ്‌തു​തകൾ ആദാമി​നെ​തി​രാ​യുള്ള ദൈവ​ത്തി​ന്റെ ന്യായ​വി​ധി​യു​ടെ അർഹതയെ ചിത്രീ​ക​രി​ക്കു​ന്നു?

¹¹ ആ ന്യായ​വി​ധി ഭൂവ്യാ​പ​ക​മായ പറുദീ​സാ​തോ​ട്ട​ത്തിൽ എന്നേക്കും കൃഷി​ചെ​യ്‌തു​കൊ​ണ്ടും അതിനെ പരിപാ​ലി​ച്ചു​കൊ​ണ്ടും സ്‌നേ​ഹ​പൂർവ​വും സമാധാ​ന​പ​ര​മാ​യും ഒരുമി​ച്ചു​വ​സി​ക്കുന്ന പൂർണ്ണ​സ്‌ത്രീ​പു​രു​ഷൻമാ​രെ​ക്കൊണ്ട്‌ നിറയുന്ന ഒരു പറുദീ​സാ​ഭൂ​മി ഉണ്ടാക്കു​ക​യെന്ന ദൈ​വോ​ദ്ദേ​ശ്യ​ത്തിൻമേ​ലുള്ള പരിണ​ത​ഫലം ഗണ്യമാ​ക്കാ​തെ മരണശിക്ഷ നടപ്പി​ലാ​ക്കു​ന്ന​തി​നെ അർത്ഥമാ​ക്കി. വിലക്ക​പ്പെട്ട “നൻമയു​ടെ​യും തിൻമ​യു​ടെ​യും അറിവി​ന്റെ വൃക്ഷ”ത്തിൽനിന്ന്‌ തിന്നരു​തെന്ന്‌ പറഞ്ഞി​രുന്ന ദൈവ​ത്തി​ന്റെ ശബ്ദത്തിനു പകരം തന്റെ ഭാര്യ​യു​ടെ ശബ്ദം മനുഷ്യൻ കേട്ടനു​സ​രി​ച്ചി​രു​ന്നു. അവൻതന്നെ തന്റെ ദൈവ​വും സ്രഷ്ടാ​വു​മാ​യ​വന്റെ ശബ്ദം അനുസ​രി​ച്ചി​ല്ലെ​ങ്കിൽ അവൻ പൊരു​ത്ത​ത്തോ​ടെ അങ്ങനെ ചെയ്യാൻ തന്റെ മക്കളെ ഉപദേ​ശി​ക്കു​മോ? യഹോ​വ​യാം ദൈവത്തെ അനുസ​രി​ക്കാൻ അവരെ പഠിപ്പി​ക്കു​ന്ന​തിൽ അവന്റെ സ്വന്തം ദൃഷ്ടാന്തം ഒരു സംസാ​ര​വി​ഷ​യ​മാ​കു​മോ?—1 ശമുവേൽ 15:22 താരത​മ്യം​ചെ​യ്യുക.

12, 13. (എ) ആദാമി​ന്റെ പാപം അവന്റെ മക്കളെ എങ്ങനെ ബാധി​ക്കും? (ബി) ആദാമിന്‌ പറുദീ​സ​യി​ലോ ഭൂമി​യി​ലെ​വി​ടെ​യെ​ങ്കി​ലു​മോ ജീവി​ക്കാൻ അർഹത​യി​ല്ലാ​ഞ്ഞ​തെ​ന്തു​കൊണ്ട്‌?

¹² ആദാമി​ന്റെ മക്കൾക്ക്‌ അവൻ ഒരിക്കൽ തന്റെ മനുഷ്യ​ത്വ​പൂർണ്ണ​ത​യിൽ ദൈവ​നി​യമം പൂർണ്ണ​മാ​യി അനുസ​രി​ക്കാൻ പ്രാപ്‌ത​നാ​യി​രു​ന്ന​തു​പോ​ലെ അനുസ​രി​ക്കാൻ കഴിയു​മാ​യി​രു​ന്നോ? പാരമ്പ​ര്യ​നി​യ​മ​ങ്ങ​ളു​ടെ പ്രവർത്ത​ന​ത്താൽ അവൻ തന്റെ ദൗർബ​ല്യ​വും ദൈവ​ശബ്ദം അനുസ​രി​ക്കാ​തെ മറേറ​തെ​ങ്കി​ലും ശബ്ദം അനുസ​രി​ക്കാ​നുള്ള പ്രവണ​ത​യും അവന്റെ മക്കളി​ലേക്ക്‌ പകരു​ക​യി​ല്ലേ? യഥാർത്ഥ ചരിത്രം ഈ ചോദ്യ​ങ്ങൾക്കുള്ള ഉത്തരം നൽകുന്നു.—റോമർ 5:12.

¹³ ഒരു മനുഷ്യ​ജീ​വി​ക്കു​വേണ്ടി മാത്രം ദൈവ​ത്തോ​ടുള്ള പൂർണ്ണ​സ്‌നേ​ഹ​പ്ര​ക​ട​ന​മാ​യുള്ള അവനോ​ടുള്ള പൂർണ്ണ അനുസ​ര​ണ​ത്തിൽനിന്ന്‌ മാറി​പ്പോയ അത്തര​മൊ​രു മനുഷ്യൻ പറുദീ​സ​യി​ലോ ഭൂമി​യിൽ എവി​ടെ​യെ​ങ്കി​ലു​മോ ജീവി​ക്കാൻ അർഹനാ​ണോ? ഭൂമി​യിൽ എന്നേക്കും ജീവി​ച്ചി​രി​ക്കാൻ അവനെ അനുവ​ദി​ക്കു​ന്നത്‌ സുരക്ഷി​തം പോലു​മാ​യി​രി​ക്കു​മോ? ലംഘന​ത്തിൽ ഭൂമി​യിൽ എന്നേക്കും ജീവി​ച്ചി​രി​ക്കാൻ അവനെ അനുവ​ദി​ക്കു​ന്നത്‌ ദൈവ​നി​യ​മത്തെ മഹിമ​പ്പെ​ടു​ത്തു​ക​യും അവന്റെ പൂർണ്ണ​നീ​തി​യെ പ്രദർശി​പ്പി​ക്കു​ക​യും ചെയ്യു​മോ? അതോ അത്‌ ദൈവ​നി​യ​മ​ത്തോ​ടുള്ള അനാദ​രവു പഠിപ്പി​ക്കു​ക​യും ദൈവ​നി​യ​മത്തെ ആശ്രയി​ക്കാ​വു​ന്ന​ത​ല്ലെന്ന്‌ സൂചി​പ്പി​ക്കു​ക​യും ചെയ്യു​മോ?

ഏദൻതോ​ട്ട​ത്തിൽനി​ന്നു പുറത്താ​ക്ക​പ്പെ​ടു​ന്നു

14. ദൈവം ആദാമി​നും അവന്റെ ഭാര്യ​ക്കു​മെ​തി​രെ നടപടി സ്വീക​രി​ക്കു​ന്ന​തി​നെ​ക്കു​റിച്ച്‌ ബൈബിൾരേഖ വർണ്ണി​ക്കു​ന്ന​തെ​ങ്ങനെ?

¹⁴ ഈ കാര്യങ്ങൾ എങ്ങനെ ദൈവം തീരു​മാ​നി​ച്ചു​വെന്ന്‌ ബൈബിൾരേഖ നമ്മോടു പറയുന്നു: “യഹോ​വ​യായ ദൈവം ആദാമി​നും അവന്റെ ഭാര്യ​ക്കും​വേണ്ടി തുകൽകൊണ്ട്‌ നീണ്ട ഉടുപ്പു​കൾ ഉണ്ടാക്കാ​നും അവരെ ഉടുപ്പി​ക്കാ​നും നടപടി​കൾ തുടങ്ങി. യഹോ​വ​യായ ദൈവം ഇങ്ങനെ തുടർന്നു​പ​റഞ്ഞു: ‘ഇതാ മനുഷ്യൻ നൻമയും തിൻമ​യും അറിയു​ന്ന​തിൽ നമ്മിൽ ഒരുവ​നെ​പ്പോ​ലെ​യാ​യി​രി​ക്കു​ന്നു, ഇപ്പോൾ അവൻ കൈനീ​ട്ടി യഥാർത്ഥ​ത്തിൽ ജീവവൃ​ക്ഷ​ത്തിൽനി​ന്നുള്ള ഫലവും പറിച്ചു​തിന്ന്‌ അനിശ്ചി​ത​കാ​ലം ജീവി​ക്കാ​തി​രി​ക്കാൻ,—അതോടെ യഹോ​വ​യായ ദൈവം അവൻ എടുക്ക​പ്പെ​ട്ടി​രുന്ന നിലത്തു കൃഷി​ചെ​യ്യാൻ അവനെ ഏദൻതോ​ട്ട​ത്തിൽനിന്ന്‌ പുറത്താ​ക്കി. അങ്ങനെ അവൻ മനുഷ്യ​നെ പുറത്താ​ക്കു​ക​യും ജീവവൃ​ക്ഷ​ത്തി​ങ്ക​ലേ​ക്കുള്ള വഴി കാക്കാൻ ഏദൻതോ​ട്ട​ത്തി​ന്റെ കിഴക്ക്‌ കെരു​ബു​ക​ളെ​യും തുടർച്ച​യാ​യി താനേ തിരി​ഞ്ഞു​കൊ​ണ്ടി​രുന്ന ഒരു വാളിന്റെ ജ്വലി​ക്കുന്ന വായ്‌ത്ത​ല​യേ​യും നിർത്തു​ക​യും ചെയ്‌തു.”—ഉല്‌പത്തി 3:21-24.

15. (എ) ആദാമി​നും ഹവ്വായി​ക്കും നഗ്നരാ​യി​രു​ന്ന​തി​നാൽ തോന്നിയ ലജ്ജാ​ബോ​ധ​ത്തോട്‌ ദൈവം പരിഗണന കാണി​ച്ച​തെ​ങ്ങനെ? (ബി) ഒന്നാമത്തെ ഇണകൾ ഏദൻതോ​ട്ട​ത്തിൽനിന്ന്‌ പുറത്താ​ക്ക​പ്പെ​ട്ട​തെ​ങ്ങനെ? (സി) ആദാമി​നെ​യും ഹവ്വാ​യെ​യും ഏദൻതോ​ട്ട​ത്തി​നു പുറത്ത്‌ ഏതു സാഹച​ര്യ​ങ്ങൾ അഭിമു​ഖീ​ക​രി​ച്ചു?

¹⁵ ഇപ്പോൾ ആദാമി​നും അവന്റെ ഭാര്യ​ക്കും നഗ്നരാ​യി​രി​ക്കു​ന്ന​തിൽ തോന്നിയ ലജ്ജാ​ബോ​ധ​ത്തോ​ടു ദിവ്യ ന്യായാ​ധി​പൻ പരിഗണന കാണിച്ചു. അവർ തങ്ങൾക്കു​വേണ്ടി അത്തിയി​ലകൾ തുന്നി ഉണ്ടാക്കി​യി​രുന്ന അരയാ​ടക്കു പകരം, പ്രസ്‌താ​വി​ച്ചി​ട്ടി​ല്ലാത്ത ഏതോ വിധത്തിൽ തുകൽകൊ​ണ്ടുള്ള നീണ്ട ഉടുപ്പു​കൾ പ്രദാ​നം​ചെ​യ്‌തു. (ഉല്‌പത്തി 3:7) തുകലു​ടു​പ്പു​കൾ കൂടുതൽ പഴക്കം​ചെ​യ്യു​ക​യും ഏദൻതോ​ട്ട​ത്തി​നു പുറത്തെ മുള്ളു​ക​ളിൽനി​ന്നും പറക്കാ​ര​ക​ളിൽനി​ന്നും മററു ഹാനി​ക​ര​മായ വസ്‌തു​ക്ക​ളിൽനി​ന്നും കൂടുതൽ സംരക്ഷണം കൊടു​ക്കു​ക​യും ചെയ്യും. പാപം ചെയ്‌ത​ശേഷം ഒരു ചീത്ത മനഃസാ​ക്ഷി ഉണ്ടാകു​ക​യാൽ അവർ ഏദൻതോ​ട്ട​ത്തി​ലെ വൃക്ഷങ്ങ​ളു​ടെ ഇടയിൽ ദൈവ​വീ​ക്ഷ​ണ​ത്തിൽനിന്ന്‌ തങ്ങളേ​ത്തന്നെ മറയ്‌ക്കാൻ ശ്രമി​ച്ചി​രു​ന്നു. (ഉല്‌പത്തി 3:8) ഇപ്പോൾ, വിധി​ക്ക​പ്പെ​ട്ട​ശേഷം, ഏദൻതോ​ട്ട​ത്തിൽനിന്ന്‌ പുറത്താ​ക്ക​പ്പെ​ടു​ന്ന​തിൽ അവർക്ക്‌ ഏതോ ദിവ്യ​സ​മ്മർദ്ദം അനുഭ​വ​പ്പെട്ടു. അവർ കിഴ​ക്കോ​ട്ടാണ്‌ പുറത്താ​ക്ക​പ്പെ​ട്ടത്‌, പെട്ടെന്ന്‌ അവർ ഏദൻ തോട്ട​ത്തിൽനിന്ന്‌ എന്നേക്കും നിരോ​ധി​ക്ക​പ്പെട്ട്‌ പുറത്താ​ക്ക​പ്പെ​ട്ടി​രി​ക്കു​ന്ന​താ​യി കണ്ടെത്തി. അവർ മേലാൽ ആ തോട്ടത്തെ വികസി​പ്പി​ക്കാ​നും അതിന്റെ പറുദീ​സാ​യ​വ​സ്ഥകൾ ഭൂമി​യു​ടെ അറുതി​ക​ളി​ലേക്ക്‌ വ്യാപി​പ്പി​ക്കാ​നും പ്രവർത്തി​ക്കു​ന്നതല്ല. അന്നു മുതൽ, അവർ വയലിലെ സസ്യങ്ങ​ളിൽനിന്ന്‌ ആഹാരം കഴിക്കും, എന്നാൽ അത്‌ മനുഷ്യ​ജീ​വ​നിൽ അവരെ എന്നേക്കും നിലനിർത്തു​ക​യില്ല. അവർ “ജീവവൃക്ഷ”ത്തിൽനിന്ന്‌ ഛേദി​ക്ക​പ്പെട്ടു. കുറേ കാലം​ക​ഴിഞ്ഞ്‌ അവർ മരിക്കണം!—എത്രകാ​ലം കഴിഞ്ഞ്‌?

യഹോ​വ​യു​ടെ ആദിമ ഉദ്ദേശ്യം പരാജ​യ​പ്പെ​ടു​ത്താൻ കഴിയാ​ത്തത്‌

16. ദൈവം എന്തു​ചെ​യ്യാൻ ഉദ്ദേശി​ച്ചി​ട്ടി​ല്ലാ​യി​രു​ന്നു, എന്തു​കൊണ്ട്‌?

¹⁶ ഇപ്പോൾ പൊടി​യിൽനി​ന്നുള്ള ഈ രണ്ടു ജീവികൾ തനി​ക്കെ​തി​രെ പാപം​ചെ​യ്‌ത​തു​കൊണ്ട്‌ ഒരു സാർവ​ത്രിക സ്‌ഫോ​ട​ന​ത്തിൽ ചന്ദ്ര​നോ​ടും സൂര്യ​നോ​ടും​കൂ​ടെ ഭൂമിയെ നശിപ്പി​ക്കാൻ ദൈവം തീരു​മാ​നി​ച്ചോ? അങ്ങനെ​യൊ​രു കാര്യം അവൻ ചെയ്യു​ക​യാ​ണെ​ങ്കിൽ ഒരു നാഖാശ തുടക്ക​മിട്ട കാര്യം നിമിത്തം തന്റെ മഹത്തായ ഉദ്ദേശ്യം പരാജ​യ​പ്പെ​ട്ടു​വെന്ന്‌ അതർഥ​മാ​ക്കു​ക​യി​ല്ലേ? വെറു​മൊ​രു സർപ്പത്തിന്‌ ദൈ​വോ​ദ്ദേ​ശ്യ​ത്തെ​യെ​ല്ലാം തകർക്കാൻ കഴിയു​മോ? ആദാമി​ന്റെ​യും ഹവ്വായു​ടെ​യും വിവാ​ഹ​ദി​ന​ത്തിൽ അവൻ അവരെ അനു​ഗ്ര​ഹി​ക്കു​ക​യും അവരെ സംബന്ധിച്ച തന്റെ ഇഷ്ടമെ​ന്താ​ണെന്ന്‌ പറയു​ക​യും ചെയ്‌ത​പ്പോൾ അവൻ തന്റെ ഉദ്ദേശ്യം വിവരി​ച്ചി​രു​ന്നു: പൂർണ്ണ​ത​യുള്ള ഒരു മനുഷ്യ​വർഗ്ഗ​ത്തെ​ക്കൊണ്ട്‌ മുഴു ഭൂമി​യെ​യും നിറക്കു​ന്ന​തും ഏദൻതോ​ട്ട​ത്തി​ന്റെ പൂർണ്ണ​ത​യോ​ളം മുഴു​ഭൂ​മി​യെ​യും കീഴട​ക്കു​ന്ന​തും ഭൂമി​യി​ലും അതിലെ വെള്ളങ്ങ​ളി​ലു​മുള്ള സകല കീഴ്‌ത്ത​ര​ജ​ന്തു​ക്ക​ളെ​യും സകല മനുഷ്യ​രും അധീന​ത​യിൽ നിർത്തു​ന്ന​തും​തന്നെ. ആയിര​ക്ക​ണ​ക്കി​നു വർഷങ്ങ​ളി​ലെ വേല ഉൾപ്പെ​ടുന്ന ആറു സൃഷ്ടി​ദി​വ​സ​ങ്ങ​ളിൽ ദൈവം ഒരുക്കം​ചെ​യ്‌തി​രുന്ന ഉദ്ദേശ്യം നിവർത്തി​ക്ക​പ്പെ​ടു​ന്ന​തി​ന്റെ ഒരു ഉജ്ജ്വല ദർശനം! ഈ സ്‌തു​ത്യർഹ​മായ ഉദ്ദേശ്യം ഇപ്പോൾ ഒരു സർപ്പവും ആദ്യമ​നു​ഷ്യ​ജോ​ടി​യു​ടെ വികട​ത്ത​ര​വും നിമിത്തം മാത്രം സാക്ഷാ​ത്‌ക്ക​രി​ക്ക​പ്പെ​ടാ​തെ വിടേ​ണ്ട​താ​യി​രു​ന്നോ? അശേഷമല്ല!—യെശയ്യാവ്‌ 46:9-11 താരത​മ്യം​ചെ​യ്യുക.

17. ഏഴാം​ദി​വ​സത്തെ സംബന്ധിച്ച്‌ എന്തു ചെയ്യാൻ ദൈവം നിശ്ചയി​ച്ചി​രു​ന്നു, അതു​കൊണ്ട്‌ ഈ ദിവസം എങ്ങനെ അവസാ​നി​ക്കും?

¹⁷ അപ്പോ​ഴും യഹോ​വ​യാം ദൈവ​ത്തി​ന്റെ ഏഴാം ദിവസ​മായ വിശ്ര​മ​ദി​വ​സ​മാ​യി​രു​ന്നു. അവൻ ആ ദിവസത്തെ അനു​ഗ്ര​ഹി​ക്കാൻ തീരു​മാ​നി​ച്ചി​രു​ന്നു, അതിനെ വിശു​ദ്ധ​മാ​ക്കു​ക​യും​ചെ​യ്‌തി​രു​ന്നു. അതിനെ ഒരു ശപിക്ക​പ്പെട്ട ദിവസ​മാ​ക്കാൻ അവൻ യതൊ​ന്നി​നെ​യും അനുവ​ദി​ക്കു​ക​യില്ല, തന്റെ ആ വിശ്ര​മ​ദി​വ​സ​ത്തിൻമേൽ വരാൻ ആരെങ്കി​ലും പദ്ധതി​യി​ടുന്ന ശാപത്തെ അവൻ ഒരു അനു​ഗ്ര​ഹ​മാ​ക്കി മാററു​ക​യും ദിവസത്തെ അനുഗൃ​ഹീ​ത​മാ​യി അവസാ​നി​പ്പി​ക്കു​ക​യും​ചെ​യ്യും. അത്‌ മുഴു ഭൂമി​യെ​യും ഒരു വിശു​ദ്ധ​സ്ഥ​ല​മാ​യി അവശേ​ഷി​പ്പി​ക്കു​ക​യും ദൈവ​ത്തി​ന്റെ ഇഷ്ടം സ്വർഗ്ഗ​ത്തി​ലെ​പ്പോ​ലെ ഭൂമി​യി​ലും ചെയ്യ​പ്പെ​ടു​ക​യും ചെയ്യും, അത്‌ പൂർണ്ണ​മ​നു​ഷ്യ​രു​ടെ ഒരു വർഗ്ഗത്താ​ലാ​യി​രി​ക്കും.—മത്തായി 6:10 താരത​മ്യ​പ്പെ​ടു​ത്തുക.

18, 19. (എ) പാപി​ക​ളായ ആദ്യമ​നു​ഷ്യ​ജോ​ടി​യു​ടെ ദുരി​ത​മ​നു​ഭ​വി​ക്കുന്ന സന്തതി​കൾക്ക്‌ സന്തോ​ഷി​ക്കാൻ കഴിയു​ന്ന​തെ​ന്തു​കൊണ്ട്‌? (ബി) വീക്ഷാ​ഗോ​പു​ര​ത്തി​ന്റെ ഭാവി​പം​ക്തി​കൾ എന്തു ചർച്ച​ചെ​യ്യും?

¹⁸ ദൈവ​ത്തിന്‌ ആശാഭം​ഗം അനുഭ​വ​പ്പെ​ട്ടില്ല. അവൻ തന്റെ ഉദ്ദേശ്യ​ത്തെ ഉപേക്ഷി​ച്ചു​ക​ള​ഞ്ഞില്ല. ഉദ്ദേശി​ക്കു​ന്ന​വ​നും താൻ ഉദ്ദേശി​ക്കു​ന്ന​തി​നെ പൂർണ്ണ​മാ​യും നിറ​വേ​റ​റു​ന്ന​വ​നു​മാ​യി തികച്ചും ആശ്രയി​ക്കാ​വുന്ന ഏകനെന്ന നിലയിൽ തന്നേത്തന്നെ സംസ്ഥാ​പി​ക്കാൻ അവൻ തീരു​മാ​നി​ച്ചു, അതിന്റെ സകല ബഹുമ​തി​യും അവനു​ത​ന്നെ​യാ​യി​രി​ക്കു​ക​യും ചെയ്യും. (യെശയ്യാവ്‌ 45:18) പാപി​ക​ളായ ആദ്യമ​നു​ഷ്യ​ജോ​ടി​യു​ടെ അപൂർണ്ണ​രും ദൂരി​ത​മ​നു​ഭ​വി​ക്കു​ന്ന​വ​രു​മായ സന്തതി​കൾക്ക്‌ സന്തോ​ഷി​ക്കാ​നും തങ്ങൾക്കു​തന്നെ നിത്യ​പ്ര​യോ​ജ​ന​ത്തോ​ടെ ദൈവം തന്റെ ആദിമ ഉദ്ദേശ്യം വിശ്വ​സ്‌ത​മാ​യി നിവർത്തി​ക്കു​ന്ന​തി​നാ​യി നോക്കി​പ്പാർത്തി​രി​ക്കാ​നും കഴിയും. ഇപ്പോൾത്തന്നെ അവന്റെ വിശ്ര​മ​ദി​വ​സ​ത്തി​ന്റെ സഹസ്രാ​ബ്ദങ്ങൾ കടന്നു​പോ​യി​രി​ക്കു​ന്നു, അവന്റെ പ്രത്യേക അനു​ഗ്ര​ഹ​മുള്ള ദിവസ​ത്തി​ന്റെ അന്തിമ ഭാഗം അടുത്തി​രി​ക്കണം. അവന്റെ വിശ്ര​മ​ദി​വ​സ​ത്തി​ന്റെ “സന്ധ്യ” കടന്നു​പോ​കു​ക​യാണ്‌, മുമ്പത്തെ ആറു സൃഷ്ടി​ദി​വ​സ​ങ്ങ​ളു​ടെ​യും കാര്യ​ത്തി​ലെ​ന്ന​പോ​ലെ “ഉഷസ്സ്‌” വരേണ്ട​താണ്‌. ഈ ഉഷസ്സ്‌ അതിന്റെ പൂർണ്ണ​ത​യി​ലെ​ത്തു​ക​യും ദൈവ​ത്തി​ന്റെ മാററ​മി​ല്ലാത്ത ഉദ്ദേശ്യ​ത്തി​ന്റെ മഹത്തായ സാക്ഷാ​ത്‌ക്കാ​രത്തെ സകല കാണി​കൾക്കും പൂർണ്ണ​മാ​യും ദൃശ്യ​മാ​ക്കു​ക​യും ചെയ്യു​മ്പോൾ, ‘സന്ധ്യയാ​യി, ഉഷസ്സു​മാ​യി, ഒരു ഏഴാം ദിവസം’ എന്ന്‌ രേഖ​പ്പെ​ടു​ത്തുക സാദ്ധ്യ​മാ​യി​രി​ക്കും. വിസ്‌മ​യാ​വ​ഹ​മായ ഒരു പ്രതീ​ക്ഷ​തന്നെ!

¹⁹ ഇതി​നെ​ക്കു​റി​ച്ചെ​ല്ലാം ചിന്തി​ക്കു​ന്നത്‌ ആവേശ​ജ​ന​ക​മാണ്‌! അനുസ​ര​ണ​മുള്ള മനുഷ്യർക്ക്‌, ദൈവ​നി​യ​മത്തെ സ്‌നേ​ഹി​ക്കു​ന്ന​വർക്ക്‌, ഭാവി​യി​ലുള്ള അത്യാ​ന​ന്ദ​ക​ര​മായ പറുദീ​സാ​പ്ര​ത്യാ​ശ​ക​ളെ​ക്കു​റിച്ച്‌ വീക്ഷാ​ഗോ​പു​ര​ത്തി​ന്റെ ഭാവി​പം​ക്തി​ക​ളിൽ കൂടുതൽ പറയു​ന്ന​താ​യി​രി​ക്കും. (w89 8⁄1)

[അടിക്കു​റിപ്പ്‌]

നിങ്ങൾ എന്തു പറയും?

◻ ആദ്യമാ​നുഷ ദമ്പതി​കൾക്ക്‌ തങ്ങളുടെ പറുദീ​സാ​ഭ​വനം നഷ്ടപ്പെ​ട്ട​തെ​ന്തു​കൊണ്ട്‌?

◻ ഒരു സർപ്പത്തി​ലൂ​ടെ ഹവ്വായി​ക്ക​നു​ഭ​വ​പ്പെട്ട വഞ്ചന കെട്ടു​ക​ഥ​യ​ല്ലെന്ന്‌ നാം അറിയു​ന്ന​തെ​ന്തു​കൊണ്ട്‌?

◻ ദൈവം സ്‌ത്രീ​യു​ടെ​മേൽ എന്തു വിധി ഉച്ചരിച്ചു?

◻ ദൈവം ആദാമിൻമേൽ എന്തു വിധി ഉച്ചരിച്ചു, ഇത്‌ ദൈവ​നി​യ​മത്തെ മഹിമ​പ്പെ​ടു​ത്തി​യ​തെ​ന്തു​കൊണ്ട്‌?

◻ പരദീ​സ​യി​ലെ പൂർണ്ണ​മ​നു​ഷ്യ​രെ​ക്കൊണ്ട്‌ ഭൂമിയെ നിറക്കു​ക​യെന്ന തന്റെ ഉദ്ദേശ്യം സംബന്ധിച്ച്‌ ദൈവ​ത്തിന്‌ ആശാഭം​ഗം തോന്നാ​ഞ്ഞ​തെ​ന്തു​കൊണ്ട്‌?