വാഗ്‌ദത്ത ദേശത്തു​നി​ന്നുള്ള രംഗങ്ങൾ

യെരു​ശ​ലേം—ബൈബിൾ സംഭവ​ങ്ങ​ളു​ടെ കേന്ദ്രം

മിക്ക രാഷ്‌ട്ര​ങ്ങൾക്കും ഗവൺമെൻറി​ന്റെ ആസ്ഥാനം സ്ഥിതി​ചെ​യ്യുന്ന ഒരു പ്രമുഖ നഗരം തലസ്ഥാ​ന​മാ​യി ഉള്ളപ്പോൾ ബൈബിൾ വിദ്യാർത്ഥി​കൾ യെരു​ശ​ലേ​മി​നെ സംബന്ധിച്ച്‌ മനുഷ്യ​വർഗ്ഗ​ത്തി​ന്റെ ഒരു തലസ്ഥാ​ന​മെ​ന്ന​പോ​ലെ വിചാ​രി​ച്ചേ​ക്കാം. ഇത്‌ അപ്രകാ​ര​മാണ്‌, എന്തു​കൊ​ണ്ടെ​ന്നാൽ അവിടെ സംഭവിച്ച ഗൗരവ​മേ​റിയ കാര്യങ്ങൾ നമു​ക്കെ​ല്ലാം പ്രാധാ​ന്യ​മു​ള്ള​വ​യാണ്‌.

മുകളിൽ, നിങ്ങൾ യെരു​ശ​ലേ​മിന്‌ തെക്കു​ഭാ​ഗത്തെ ഉയർന്ന പ്രതല​ത്തിൽ നിന്നി​ട്ടു​ണ്ടെ​ങ്കിൽ വീക്ഷി​ച്ചി​രി​ക്കാ​നി​ട​യുള്ള കാഴ്‌ച നിങ്ങൾക്കു കാണാൻ കഴിയും.a ഇരുണ്ട പച്ച മരങ്ങൾ കാണുന്ന കണ്ടത്തി​ന​ടുത്ത്‌ താഴ്‌വ​രകൾ ഒരുമി​ച്ചു ചേരുന്നു. കി​ന്ദ്രോൻ താഴ്‌വര വലത്തു​ഭാ​ഗത്തു നിന്നു ഇറങ്ങി വരുന്നു; പടിഞ്ഞാറ്‌ അഥവാ ഇടതു വശത്ത്‌ ഹിന്നോം താഴ്‌വര കിടക്കു​ന്നു, അതാണ്‌ ഗീഹെന്നാ എന്ന ബൈബിൾ നാമം സംജാ​ത​മാ​ക്കി​യത്‌. (മത്തായി 10:28; 23:33) അതിനി​ട​യി​ലാ​യി​രു​ന്നു (നിലവി​ലുള്ള മതിലു​കൾക്കു മുമ്പി​ലാ​യി സൂര്യ​പ്ര​കാ​ശ​മേ​ററു ദൃശ്യ​മാ​യി കിടക്കുന്ന തുണ്ടു​ഭൂ​മി) ദാവീ​ദി​ന്റെ പുരാതന നഗരം പണിതത്‌. ആ മതിലു​കൾക്കു​ള്ളിൽ ഒരു ചരി​ത്ര​പ്ര​ധാ​ന​മായ സ്ഥാനത്ത്‌ പ്രത്യേ​ക​മായ രണ്ടു മുസ്ലീം മന്ദിരങ്ങൾ സ്ഥിതി​ചെ​യ്യു​ന്നു. ആ മതിലി​നോട്‌ ഏററവും ചേർന്ന്‌ ഒരു മുസ്ലീം പള്ളിയു​ടെ രജത നീല ഗോളകം സ്ഥിതി​ചെ​യ്യു​ന്നു. അതിനു പിന്നി​ലാ​യി വലിപ്പം കൂടിയ പാറയു​ടെ കുംഭ​ഗോ​പു​ര​ത്തി​ന്റെ സ്വർണ്ണ താഴി​ക​ക്കു​ട​വും സ്ഥിതി​ചെ​യ്യു​ന്നു.

എന്നാൽ യെരു​ശ​ലേം, പ്രത്യേ​കിച്ച്‌ കുംഭ​ഗോ​പു​ര​ങ്ങ​ളോ​ടു​കൂ​ടിയ രണ്ടു മന്ദിരങ്ങൾ, ഇപ്പോൾ സ്ഥിതി​ചെ​യ്യുന്ന സമതലം നിങ്ങൾക്കു പ്രധാ​ന​മാ​യി​രി​ക്കു​ന്ന​തെ​ന്തു​കൊ​ണ്ടാണ്‌? കൊള്ളാം, ഒരു മരത്തിൽ കുരു​ങ്ങി​ക്കി​ട​ക്കുന്ന ആട്ടു​കൊ​റ​റന്റെ ചിത്രം നിങ്ങളു​ടെ മനസ്സി​ലേക്ക്‌ ഏതു ബൈബിൾ വിവര​ണ​മാണ്‌ കൊണ്ടു​വ​രു​ന്നത്‌? സാധ്യ​ത​യ​നു​സ​രിച്ച്‌ അബ്രാ​ഹാ​മി​ന്റെ. അതെ, അവനാ​യി​രു​ന്നു തന്റെ മകനായ ഇസഹാ​ക്കി​നോ​ടൊത്ത്‌, തെളി​വ​നു​സ​രിച്ച്‌ നിങ്ങൾ രണ്ടു കുംഭ​ഗോ​പു​രങ്ങൾ കാണുന്ന ഉയർന്ന പാറ​പ്ര​ദേ​ശത്തെ അല്ലെങ്കിൽ അതിന​ടുത്ത മോറി​യാ മലയി​ലേക്ക്‌ സഞ്ചരി​ച്ചത്‌. വിശ്വാ​സ​ത്താൽ അബ്രാ​ഹാം തന്റെ പ്രിയ​പ്പെട്ട മകനെ ബലിക​ഴി​ക്കാൻ മനസ്സു​ള്ള​വ​നാ​യി​രു​ന്നു, എന്നാൽ ഒരു ദൂതൻ അവന്റെ കൈ വിലക്കി. അപ്പോൾ അബ്രാ​ഹാം “ഒരു ആട്ടു​കൊ​ററൻ ഒരു കാട്ടിൽ അതിന്റെ കൊമ്പു​കൾ കുരുങ്ങി കിടക്കു​ന്ന​താ​യി” കണ്ടു, അതിനെ “തന്റെ മകനു പകരം” യാഗം കഴിച്ചു. അതു​കൊണ്ട്‌ യെരു​ശ​ലേ​മി​നെ വീക്ഷി​ക്കു​ന്ന​തി​നാൽ ഈ നാടകീയ സംഭവം മനസ്സി​ലേക്കു കൊണ്ടു​വ​ര​പ്പെ​ട്ടേ​ക്കാം.—ഉൽപ്പത്തി 22:1-13.

ഇപ്പോൾ ഈ കുംഭ​ഗോ​പു​രങ്ങൾ സ്ഥിതി​ചെ​യ്യു​ന്ന​തി​ന​ടുത്ത സമതല​ത്തിൽ പിന്നീട്‌ ശലോ​മോൻ യഹോ​വക്ക്‌ ഒരു മഹത്തായ ആലയം പണിത​പ്പോൾ മററു യാഗങ്ങൾ മുൻപ​ന്തി​യി​ലേക്കു വന്നു. (2 ദിനവൃ​ത്താ​ന്തങ്ങൾ 3:1) ഇസ്രാ​യേ​ല്യർ തങ്ങളുടെ മൃഗയാ​ഗ​ങ്ങ​ളു​മാ​യി വാർഷിക ഉത്സവങ്ങൾക്ക്‌ ദേശത്തി​ന്റെ എല്ലാ ഭാഗങ്ങ​ളി​ലും നിന്ന്‌ ഇവിടെ വരുന്ന​തി​നെ​ക്കു​റിച്ച്‌ സങ്കൽപ്പി​ക്കാൻ ശ്രമി​ക്കുക. ഇവയിൽ ഏററം പവി​ത്ര​മാ​യി​രു​ന്നത്‌ പാപ പരിഹാ​ര​ദി​ന​മാ​യി​രു​ന്നു. ആ ദിവസം ഒരു കോലാ​ടി​നെ തിര​ഞ്ഞെ​ടുത്ത്‌, “അസസ്സേ​ലി​നു​വേണ്ടി മരുഭൂ​മി​യി​ലേക്ക്‌,” സാധ്യ​ത​യ​നു​സ​രിച്ച്‌ താഴെ കി​ന്ദ്രോൻ താഴ്‌വ​ര​യി​ലേ​ക്കും അവി​ടെ​നിന്ന്‌ യഹൂദ​യി​ലെ തെക്കു​കി​ഴ​ക്കു​ഭാ​ഗത്ത്‌ മരുഭൂ​മി​യി​ലേ​ക്കും, അയച്ചി​രു​ന്നു. മറെറാ​രു കോലാ​ടി​നെ​യും കാള​യെ​യും അറുത്ത്‌ അവയുടെ രക്തം പുരോ​ഹി​തൻമാ​രു​ടെ​യും ജനത്തി​ന്റെ​യും പാപപ​രി​ഹാ​ര​ത്തി​നു​വേണ്ടി ഉപയോ​ഗി​ച്ചി​രു​ന്നു. കുറച്ചു രക്തം തിരശീ​ലക്കു പിന്നിൽ ആലയത്തി​ന്റെ അതിവി​ശുദ്ധ സ്ഥലത്തേക്കു പോലും കൊണ്ടു​പോ​യി​രു​ന്നു. അതു​കൊണ്ട്‌ നിങ്ങൾക്ക്‌ അതു മനസ്സിൽ പിടി​ച്ചു​കൊണ്ട്‌ ഈ നഗരത്തി​ന്റെ ചിത്ര​ത്തി​ലേക്കു നോക്കാൻ കഴിയും.—ലേവ്യർ 16:1-34.

യെരു​ശ​ലേ​മി​ലെ ഈ യാഗങ്ങ​ളെ​ല്ലാം മുമ്പോട്ട്‌ യേശു​ക്രി​സ്‌തു​വി​ന്റെ പൂർണ്ണ​ത​യുള്ള യാഗത്തി​ലേക്ക്‌ വിരൽചൂ​ണ്ടി. ഭൂമി​യി​ലെ അവന്റെ അവസാ​നത്തെ രാത്രി​യിൽ, ഒരു വെളു​ത്ത​വാ​വിൻസ​മ​യത്ത്‌, യേശു തന്റെ ശിഷ്യൻമാ​രു​മാ​യി സാധു​ത​യുള്ള അവസാ​നത്തെ പെസഹാ ആഘോ​ഷി​ക്കു​ന്ന​തിന്‌ സമ്മേളി​ച്ചു. ഇത്‌ ആലയ​പ്ര​ദേ​ശ​ത്തി​ന്റെ ഇടത്ത്‌ (പടിഞ്ഞാറ്‌) നഗരത്തി​ന്റെ മേൽഭാ​ഗം എന്നു കരുത​പ്പെ​ടുന്ന ഒരു മാളി​ക​മു​റി​യി​ലാ​യി​രു​ന്നു. യേശു കർത്താ​വി​ന്റെ സന്ധ്യാ​ഭ​ക്ഷണം ഏർപ്പെ​ടു​ത്തി​യ​ശേഷം അവൻ അപ്പോ​സ്‌ത​ലൻമാ​രെ ആലയത്തി​നു കിഴക്ക്‌ (വലത്ത്‌) കി​ന്ദ്രോൻ താഴ്‌വ​രക്ക്‌ അക്കരെ സ്ഥിതി​ചെ​യ്യുന്ന ഒലിവു മലയി​ലേക്ക്‌ കൂട്ടി​ക്കൊ​ണ്ടു പോയി.—ലൂക്കോസ്‌ 22:14-39.

ഇത്‌ ഭാവന​യിൽ ദർശി​ക്കു​ന്ന​തി​നു സഹായ​ക​മാ​യി, യെരു​ശ​ലേ​മിൽ സാദ്ധ്യ​ത​യ​നു​സ​രിച്ച്‌ യേശു കർത്താ​വി​ന്റെ സന്ധ്യാ​ഭ​ക്ഷണം ആചരിച്ച പ്രദേ​ശ​ത്തു​നിന്ന്‌ കിഴ​ക്കോട്ട്‌ നോക്കി എടുത്തി​ട്ടുള്ള, താഴെ കൊടു​ക്കുന്ന ഫോട്ടോ നോക്കുക. ഈ ദർശന​കോ​ടി​യിൽ നിന്ന്‌ നിങ്ങൾ, താഴെ ഇടത്ത്‌ ആലയ-പർവ്വത​പ്ര​ദേ​ശത്ത്‌ മുസ്ലീം പള്ളിയു​ടെ കുംഭ​ഗോ​പു​രം (നിലാ​വിൽ നീലി​മ​യാർന്ന്‌) കാണുന്നു. കുറേ​ക്കൂ​ടെ കിഴക്കു​ഭാ​ഗത്ത്‌ കി​ന്ദ്രോൻ താഴ്‌വ​ര​യും (ദർശന​രേ​ഖക്കു താഴെ) അനന്തരം ഗത്സമെനാ തോട്ട​ത്തി​ലെ വൃക്ഷങ്ങ​ളും സ്ഥിതി​ചെ​യ്യു​ന്നു. വലത്ത്‌ മുകളി​ലാണ്‌ ഒലിവു​മല.

ഗോള​ത്തി​നു ചുററു​മുള്ള യഹോ​വ​യു​ടെ സാക്ഷി​ക​ളു​ടെ സഭകൾ യേശു​വി​ന്റെ ബലിമ​ര​ണത്തെ ഓർമ്മി​ക്കുന്ന കർത്താ​വി​ന്റെ സന്ധ്യാ​ഭ​ക്ഷണം ആചരി​ക്കു​ന്ന​തി​നു​വേണ്ടി 1990 ഏപ്രിൽ 10-ാം തീയതി (സൂര്യാ​സ്‌ത​മ​യ​ത്തി​നു​ശേഷം) കൂടി​വ​രു​മ്പോ​ഴും ചന്ദ്രൻ മിക്കവാ​റും പൂർണ്ണ​മാ​യി​രി​ക്കും.b ദയവായി അവിടെ സന്നിഹി​ത​രാ​വാൻ ആസൂ​ത്രണം ചെയ്യുക. ആ ദിവസം, യേശു തന്റെ ദേഹിയെ മരണത്തിന്‌ ഒഴുക്കി​യ​തി​നോ​ടുള്ള ബന്ധത്തിൽ യെരു​ശ​ലേ​മി​ലും പരിസ​ര​പ്ര​ദേ​ശ​ത്തും നടന്ന ചില കഴിഞ്ഞ​കാല സംഭവ​ങ്ങ​ളെ​ക്കു​റി​ച്ചു ധ്യാനി​ക്കു​ന്ന​തി​നും നിങ്ങൾ ആഗ്രഹി​ച്ചേ​ക്കാം. അപ്രകാ​രം യേശു യഹോ​വ​യു​ടെ നീതിയെ സംസ്ഥാ​പി​ക്കു​ക​യും വിശ്വ​സി​ക്കുന്ന മനുഷ്യ വർഗ്ഗത്തെ പാപത്തിൽ നിന്നും മരണത്തിൽ നിന്നും വീണ്ടെ​ടു​ക്കു​ക​യും ചെയ്‌തു.—1 കൊരി​ന്ത്യർ 11:23-26; എബ്രായർ 9:11-28. (w89 3/1)

[അടിക്കു​റി​പ്പു​കൾ]

[26-ാം പേജിലെ ചിത്ര​ത്തിന്‌ കടപ്പാട്‌]

Pictorial Archive (Near Eastern History) Est.

Pictorial Archive (Near Eastern History) Est.