ജീവിത-സേവന യോഗ​ത്തി​നുള്ള പഠനസ​ഹാ​യി—പരാമർശ​ങ്ങൾ

ജൂലൈ 5-11

ദൈവ​വ​ച​ന​ത്തി​ലെ നിധികൾ | ആവർത്തനം 11-12

“തന്നെ എങ്ങനെ ആരാധി​ക്കാ​നാണ്‌ യഹോവ പ്രതീ​ക്ഷി​ക്കു​ന്നത്‌?”

it-2-E 1007 ¶4

ദേഹി

മുഴു​ദേ​ഹി​യോ​ടെ സേവി​ക്കുക. “ദേഹി” എന്ന പദം​കൊണ്ട്‌ അർഥമാ​ക്കു​ന്നത്‌ മുഴു​വ്യ​ക്തി​യെ​യു​മാണ്‌. എന്നാൽ ബൈബി​ളിൽ ചില വാക്യ​ങ്ങ​ളിൽ ദൈവത്തെ ‘മുഴു​ഹൃ​ദ​യ​ത്തോ​ടെ​യും അതു​പോ​ലെ മുഴു​ദേ​ഹി​യോ​ടെ​യും’ സ്‌നേ​ഹി​ക്കാ​നും സേവി​ക്കാ​നും പറയുന്നു. (ആവ 4:29; 11:13, 18) ഇനി, ആവർത്തനം 6:5-ൽ “നിന്റെ ദൈവ​മായ യഹോ​വയെ നീ നിന്റെ മുഴു​ഹൃ​ദ​യ​ത്തോ​ടും നിന്റെ മുഴു​ദേ​ഹി​യോ​ടും നിന്റെ മുഴു​ശ​ക്തി​യോ​ടും കൂടെ സ്‌നേ​ഹി​ക്കണം” എന്നു പറഞ്ഞി​രി​ക്കു​ന്നു. ദൈവത്തെ മുഴു​ദേ​ഹി​യോ​ടെ​യും ശക്തി​യോ​ടെ​യും മാത്രമല്ല “മുഴു​മ​ന​സ്സോ​ടും കൂടെ” സേവി​ക്കാ​നാണ്‌ യേശു പറഞ്ഞത്‌. (മർ 12:30; ലൂക്ക 10:27) ദേഹി എന്നു പറയു​മ്പോൾ അതിൽ ഹൃദയ​വും മനസ്സും ശക്തിയും ഒക്കെ വരും. പിന്നെ എന്തിനാണ്‌ അവ വീണ്ടും എടുത്തു​പ​റ​ഞ്ഞി​രി​ക്കു​ന്നത്‌? അതു മനസ്സി​ലാ​ക്കാൻ നമുക്ക്‌ ഒരു ഉദാഹ​രണം നോക്കാം: ഒരാൾ തന്നെത്തന്നെ (തന്റെ ദേഹിയെ) അടിമ​യാ​യി മറ്റൊ​രാൾക്കു വിൽക്കു​ന്നു. അങ്ങനെ അയാൾ മറ്റെയാ​ളു​ടെ സ്വന്തമാ​യി​ത്തീ​രു​ന്നു. എന്നാൽ അപ്പോ​ഴും അയാൾ ആത്മാർഥ​മാ​യി യജമാ​നനെ സേവി​ക്കാ​തി​രു​ന്നേ​ക്കാം. അങ്ങനെ​യുള്ള ഒരാൾ യജമാ​നനു നേട്ടം ഉണ്ടാക്കാൻവേണ്ടി മുഴു ശക്തി​യോ​ടെ മനസ്സ്‌ അർപ്പിച്ച്‌ ജോലി ചെയ്‌തെ​ന്നു​വ​രില്ല. (എഫ 6:5; കൊലോ 3:22 താരത​മ്യം ചെയ്യുക.) അതു​കൊ​ണ്ടാണ്‌ യഹോ​വയെ മുഴു​ദേ​ഹി​യോ​ടെ സേവി​ക്ക​ണ​മെന്നു പറഞ്ഞ​പ്പോൾത്തന്നെ നമ്മുടെ മനസ്സും ഹൃദയ​വും ശക്തിയും പൂർണ​മാ​യി അർപ്പി​ച്ചു​വേണം അതു ചെയ്യാൻ എന്ന്‌ എടുത്തു​പ​റ​ഞ്ഞി​രി​ക്കു​ന്നത്‌.

it-1-E 84 ¶3

യാഗപീ​ഠം

വ്യാജാ​രാ​ധ​ന​യ്‌ക്കു​വേണ്ടി ഉണ്ടാക്കി​യി​രുന്ന യാഗപീ​ഠ​ങ്ങ​ളും അവയു​ടെ​കൂ​ടെ സാധാരണ ഉണ്ടാക്കി​യി​രുന്ന പൂജാ​സ്‌തം​ഭ​ങ്ങ​ളും പൂജാ​സ്‌തൂ​പ​ങ്ങ​ളും നശിപ്പി​ച്ചു​ക​ള​യാൻ യഹോവ ഇസ്രാ​യേ​ല്യ​രോ​ടു കല്‌പി​ച്ചു. (പുറ 34:13; ആവ 7:5, 6; 12:1-3) അവർ കനാന്യ​രു​ടെ രീതികൾ അനുക​രി​ക്കു​ക​യോ അവർ ചെയ്‌തി​രു​ന്ന​തു​പോ​ലെ മക്കളെ ദൈവ​ങ്ങൾക്കാ​യി തീയിൽ ദഹിപ്പി​ക്കു​ക​യോ ചെയ്യരു​താ​യി​രു​ന്നു. (ആവ 12:30, 31; 16:21) ഇസ്രാ​യേ​ല്യർ കുറെ യാഗപീ​ഠങ്ങൾ ഉണ്ടാക്കു​ന്ന​തി​നു പകരം ഏക സത്യ​ദൈ​വത്തെ ആരാധി​ക്കാൻ ഒരേ ഒരു യാഗപീ​ഠം ഉണ്ടാക്കാ​നാണ്‌ യഹോവ ആവശ്യ​പ്പെ​ട്ടത്‌. അത്‌ യഹോവ പറയു​ന്നി​ട​ത്തു​തന്നെ ഉണ്ടാക്കു​ക​യും വേണമാ​യി​രു​ന്നു. (ആവ 12:2-6, 13, 14, 27; ബാബി​ലോ​ണിൽ ഇഷ്‌തർ ദേവി​ക്കു​വേണ്ടി മാത്രം 180 യാഗപീ​ഠ​ങ്ങ​ളു​ണ്ടാ​യി​രു​ന്നു.) യോർദാൻ കടന്ന​ശേഷം ഏബാൽ പർവത​ത്തിൽ ഒരു യാഗപീ​ഠം പണിയാൻ യഹോവ യോശു​വ​യോട്‌ ആവശ്യ​പ്പെട്ടു. വെട്ടു​ക​യോ ചെത്തു​ക​യോ ചെയ്യാത്ത കല്ലുകൾകൊണ്ട്‌ വേണമാ​യി​രു​ന്നു അതു പണിയാൻ.—ആവ 27:4-8; യോശ 8:30-32.

ആത്മീയ​ര​ത്‌ന​ങ്ങൾ

it-1-E 925-926

ഗരിസീം പർവതം

ഹായി പട്ടണം കീഴട​ക്കി​യ​ശേഷം യോശു​വ​യു​ടെ നേതൃ​ത്വ​ത്തിൽ ഇസ്രാ​യേൽ ഗോ​ത്രങ്ങൾ മോശ നിർദേ​ശി​ച്ചി​രു​ന്ന​തു​പോ​ലെ​തന്നെ ഗരിസീം പർവത​ത്തി​നു മുന്നി​ലും ഏബാൽ പർവത​ത്തി​നു മുന്നി​ലും കൂടി​വന്നു. യഹോ​വയെ അനുസ​രി​ച്ചാൽ കിട്ടുന്ന അനു​ഗ്ര​ഹ​ങ്ങ​ളെ​ക്കു​റി​ച്ചും അനുസ​രി​ച്ചി​ല്ലെ​ങ്കിൽ ഉണ്ടാകാ​വുന്ന ശാപങ്ങ​ളെ​ക്കു​റി​ച്ചും അവി​ടെ​വെച്ച്‌ ജനത്തെ വായി​ച്ചു​കേൾപ്പി​ച്ചു. ശിമെ​യോൻ, ലേവി, യഹൂദ, യിസ്സാ​ഖാർ, യോ​സേഫ്‌, ബന്യാ​മീൻ എന്നീ ഗോ​ത്ര​ങ്ങ​ളാ​ണു ഗരിസീം പർവത​ത്തി​ന്റെ മുന്നിൽ നിന്നത്‌. ലേവ്യ​പു​രോ​ഹി​ത​ന്മാ​രും ഉടമ്പടി​പ്പെ​ട്ട​ക​വും താഴ്‌വാ​ര​ത്തി​ലാ​യി​രു​ന്നു. ബാക്കി ആറു ഗോ​ത്രങ്ങൾ ഏബാൽ പർവത​ത്തി​ന്റെ മുന്നി​ലും നിന്നു. (ആവ 11:29, 30; 27:11-13; യോശ 8:28-35) ഗരിസീം പർവത​ത്തി​നു നേരെ തിരിഞ്ഞ്‌ അനു​ഗ്ര​ഹങ്ങൾ വായി​ച്ചു​കേൾപ്പി​ച്ച​പ്പോൾ അവിടെ കൂടിവന്ന ഗോ​ത്രങ്ങൾ അതി​നോ​ടു യോജി​ച്ചു. ഏബാൽ പർവത​ത്തി​നു നേരെ തിരിഞ്ഞ്‌ ശാപങ്ങൾ വായി​ച്ചു​കേൾപ്പി​ച്ച​പ്പോൾ അവിടെ ഉണ്ടായി​രു​ന്ന​വ​രും അതി​നോ​ടു യോജി​ച്ചു. ഗരിസീം പർവതം അതിമ​നോ​ഹ​ര​വും ഫലപു​ഷ്ടി​യു​ള്ള​തും ആയതു​കൊ​ണ്ടാ​യി​രി​ക്കാം അതിനെ നോക്കി അനു​ഗ്ര​ഹങ്ങൾ വായി​ച്ചു​കേൾപ്പി​ച്ച​തെ​ന്നും ഏബാൽ പർവതം പാറ​ക്കെ​ട്ടു​ക​ളുള്ള തരിശു​പ്ര​ദേ​ശ​മാ​യ​തു​കൊ​ണ്ടാ​യി​രി​ക്കാം അതിനെ നോക്കി ശാപവാ​ക്കു​കൾ പറഞ്ഞ​തെ​ന്നും പൊതു​വേ കരുതു​ന്നു. എന്നാൽ ബൈബിൾ ഇതെക്കു​റിച്ച്‌ ഒന്നും പറയു​ന്നില്ല. “സ്‌ത്രീ​ക​ളും കുട്ടി​ക​ളും ഇസ്രാ​യേ​ല്യ​രു​ടെ ഇടയിൽ വന്നുതാ​മ​സ​മാ​ക്കിയ വിദേ​ശി​ക​ളും ഉൾപ്പെടെ മുഴുവൻ ഇസ്രാ​യേൽസ​ഭ​യു​ടെ​യും മുന്നിൽ” യോശുവ നിയമ​പു​സ്‌ത​ക​ത്തിൽനിന്ന്‌ ഉച്ചത്തിൽ വായിച്ചു.—യോശ 8:35.

ജൂലൈ12-18

ദൈവ​വ​ച​ന​ത്തി​ലെ നിധികൾ | ആവർത്തനം 13-15

“ഇസ്രാ​യേ​ല്യർക്കു കൊടുത്ത നിയമ​ത്തിൽ പാവങ്ങ​ളോ​ടുള്ള യഹോ​വ​യു​ടെ കരുതൽ കാണാം”

it-2-E 1110 ¶3

ദശാംശം

സാധ്യ​ത​യ​നു​സ​രിച്ച്‌ ഇസ്രാ​യേ​ല്യർ മറ്റൊരു ദശാം​ശ​വും നൽകി​യി​രു​ന്നു. അതു നേരിട്ട്‌ ലേവ്യ​പു​രോ​ഹി​ത​ന്മാ​രെ പിന്തു​ണ​യ്‌ക്കാ​നു​ള്ള​താ​യി​രു​ന്നില്ല. പക്ഷേ, ലേവ്യ​പു​രോ​ഹി​ത​ന്മാർക്കും അതിന്റെ പ്രയോ​ജനം കിട്ടി​യി​രു​ന്നു. സാധാ​ര​ണ​ഗ​തി​യിൽ വാർഷി​കാ​ഘോ​ഷ​ങ്ങൾക്കാ​യി ഇസ്രാ​യേ​ല്യ​കു​ടും​ബങ്ങൾ കൂടി​വ​രു​മ്പോ​ഴാണ്‌ ഇത്‌ ഉപയോ​ഗി​ച്ചി​രു​ന്നത്‌. എന്നാൽ യരുശ​ലേ​മി​ലേ​ക്കുള്ള ദൂരക്കൂ​ടു​തൽ കാരണം സാധനങ്ങൾ അവിടെ എത്തിക്കാൻ ബുദ്ധി​മു​ട്ടാ​ണെ​ങ്കിൽ അവർക്ക്‌ അതു വിറ്റ്‌ പണമാ​ക്കാ​മാ​യി​രു​ന്നു. എന്നിട്ട്‌ ആഘോ​ഷ​ത്തി​നാ​യി യരുശ​ലേ​മിൽ വരു​മ്പോൾ അവിടത്തെ ചെലവു​കൾക്കാ​യി ആ പണം ഉപയോ​ഗി​ക്കാ​മാ​യി​രു​ന്നു. (ആവ 12:4-7, 11, 17, 18; 14:22-27) എന്നാൽ ഓരോ മൂന്നാം വർഷത്തി​ന്റെ​യും അവസാനം ആ വർഷത്തെ ദശാംശം വാർഷി​കാ​ഘോ​ഷ​ങ്ങൾക്കാ​യി ഉപയോ​ഗി​ക്കാ​തെ ലേവ്യ​നും വന്നുതാ​മ​സി​ക്കുന്ന വിദേ​ശി​ക്കും അനാഥ​നും വിധവ​യ്‌ക്കും ആയി മാറ്റി​വെ​ക്ക​ണ​മാ​യി​രു​ന്നു.—ആവ 14:28, 29; 26:12.

it-2-E 833

ശബത്തു​വർഷം

ശബത്തു​വർഷത്തെ ‘വിമോ​ച​ന​ത്തി​നുള്ള വർഷം’ എന്നു വിളി​ച്ചി​രു​ന്നു. (ആവ 15:9; 31:10) ആ വർഷം ദേശം കൃഷി ചെയ്യാതെ വെറുതേ ഇടണമാ​യി​രു​ന്നു. (പുറ 23:11) കൂടാതെ കടങ്ങളും എഴുതി​ത്ത​ള്ളി​യി​രു​ന്നു. (ആവ 15:1-3) ഇതൊക്കെ അനുസ​രി​ക്കു​ന്ന​തി​ലൂ​ടെ അവർ യഹോ​വയെ മഹത്ത്വ​പ്പെ​ടു​ത്തു​ക​യാ​യി​രു​ന്നു.

it-2-E 978 ¶6

അടിമ

അടിമ-യജമാനൻ ബന്ധത്തെ​ക്കു​റി​ച്ചുള്ള നിയമങ്ങൾ. ഒരു എബ്രായ അടിമ​യു​ടെ​യും വന്നുതാ​മ​സി​ക്കുന്ന വിദേ​ശി​യായ ഒരു അടിമ​യു​ടെ​യും കാര്യ​ത്തിൽ നിയമങ്ങൾ വ്യത്യ​സ്‌ത​മാ​യി​രു​ന്നു. വിദേ​ശി​യായ ഒരു അടിമയെ പൈതൃ​ക​സ്വ​ത്താ​യി മക്കൾക്കു കൈമാ​റാ​മാ​യി​രു​ന്നു. (ലേവ 25:44-46) എന്നാൽ എബ്രായ അടിമയെ അടിമ​ത്ത​ത്തി​ന്റെ ഏഴാം വർഷമോ ജൂബിലി വർഷമോ സ്വത​ന്ത്ര​നാ​യി വിടണ​മാ​യി​രു​ന്നു. അടിമ​ത്ത​ത്തി​ന്റെ ആ സമയത്ത്‌ അയാളെ ഒരു അടിമ​യാ​യി​ട്ടല്ല, ജോലി​ക്കാ​ര​നാ​യി കണക്കാ​ക്ക​ണ​മാ​യി​രു​ന്നു. (പുറ 21:2; ലേവ 25:10; ആവ 15:12) വന്നുതാ​മ​സി​ക്കുന്ന ഒരു വിദേ​ശിക്ക്‌ ഒരു എബ്രായൻ തന്നെത്തന്നെ അടിമ​യാ​യി വിൽക്കു​ന്നെ​ങ്കിൽ ആ എബ്രാ​യനെ എപ്പോൾ വേണ​മെ​ങ്കി​ലും തിരികെ വാങ്ങാ​മാ​യി​രു​ന്നു. ഒന്നുകിൽ അയാൾക്കു സ്വന്തനി​ല​യിൽ വീണ്ടെ​ടു​പ്പു​വില നൽകാം, അല്ലെങ്കിൽ മറ്റാർക്കെ​ങ്കി​ലും അതു കൊടുത്ത്‌ അയാളെ മോചി​പ്പി​ക്കാ​മാ​യി​രു​ന്നു. (ലേവ 25:47-52; ആവ 15:12) എബ്രായ അടിമയെ സ്വത​ന്ത്ര​നാ​യി വിടു​മ്പോൾ അയാളെ വെറു​ങ്കൈ​യോ​ടെ പറഞ്ഞയ​യ്‌ക്ക​രുത്‌. അയാൾക്കു പുതി​യൊ​രു ജീവിതം തുടങ്ങാൻ കഴി​യേ​ണ്ട​തിന്‌ യജമാനൻ അയാൾക്കു സമ്മാന​മാ​യി എന്തെങ്കി​ലും കൊടു​ത്തു​വി​ട​ണ​മാ​യി​രു​ന്നു.—ആവ 15:13-15.

ആത്മീയ​ര​ത്‌ന​ങ്ങൾ

w06 4/1 31

വായന​ക്കാ​രിൽനി​ന്നുള്ള ചോദ്യ​ങ്ങൾ

“ആട്ടിൻകു​ട്ടി​യെ തള്ളയുടെ പാലിൽ പാകം ചെയ്യരു​തു” എന്ന പുറപ്പാ​ടു 23:19-ലെ കൽപ്പന നമ്മെ എന്തു പഠിപ്പി​ക്കു​ന്നു?

മോ​ശൈക ന്യായ​പ്ര​മാ​ണ​ത്തി​ലെ ഈ കൽപ്പന ബൈബി​ളിൽ മൂന്നു പ്രാവ​ശ്യം കാണാം. യഹോ​വ​യു​ടെ ഔചി​ത്യ​ബോ​ധം, ദയ, ആർദ്രത എന്നിവ മനസ്സി​ലാ​ക്കാൻ ഇതു നമ്മെ സഹായി​ക്കു​ന്നു. യഹോവ വ്യാജാ​രാ​ധ​നയെ വെറു​ക്കു​ന്നു​വെന്ന വസ്‌തു​ത​യ്‌ക്കും ഇത്‌ ഊന്നൽ നൽകുന്നു.—പുറപ്പാ​ടു 34:26; ആവർത്ത​ന​പു​സ്‌തകം 14:21.

ഒരു ആട്ടിൻകു​ട്ടി​യെ​യോ മറ്റേ​തെ​ങ്കി​ലും മൃഗത്തി​ന്റെ കുഞ്ഞി​നെ​യോ അതിന്റെ തള്ളയുടെ പാലിൽ പാകം ചെയ്യു​ന്നത്‌ യഹോവ സ്ഥാപിച്ച സ്വാഭാ​വിക ക്രമീ​ക​ര​ണ​ത്തി​നു വിരു​ദ്ധ​മാ​യി​രി​ക്കു​മാ​യി​രു​ന്നു. കുഞ്ഞിന്റെ പോഷ​ണ​ത്തി​നും വളർച്ച​യ്‌ക്കു​മാണ്‌ യഹോവ പാൽ നൽകി​യി​രി​ക്കു​ന്നത്‌. ഒരു പണ്ഡിതൻ പറയു​ന്ന​ത​നു​സ​രിച്ച്‌ “ആട്ടിൻകു​ട്ടി​യെ തള്ളയുടെ പാലിൽ പാകം​ചെ​യ്യു​ന്നത്‌, തള്ളയ്‌ക്കും കുഞ്ഞി​നു​മി​ട​യിൽ ദൈവം സ്ഥാപി​ച്ചി​രി​ക്കുന്ന പാവന​മായ ബന്ധത്തോ​ടുള്ള അനാദ​ര​വാണ്‌.”

ആട്ടിൻകു​ട്ടി​യെ തള്ളയുടെ പാലിൽ പാകം ചെയ്യു​ന്നത്‌, മഴ ലഭിക്കാ​നാ​യി പുറജാ​തീ​യർ അനുഷ്‌ഠി​ച്ചി​രുന്ന ഒരു ആചാര​മാ​യി​രു​ന്നി​രി​ക്കാ​മെ​ന്നും ചിലർ അഭി​പ്രാ​യ​പ്പെ​ടു​ന്നു. അതു ശരിയാ​ണെ​ങ്കിൽ, തങ്ങൾക്കു ചുറ്റും പാർത്തി​രുന്ന പുറജാ​തി​ക​ളു​ടെ നിരർഥ​ക​വും ക്രൂര​വു​മായ മതാചാ​ര​ങ്ങ​ളിൽനിന്ന്‌ ഈ കൽപ്പന ഇസ്രാ​യേ​ല്യ​രെ സംരക്ഷി​ക്കു​മാ​യി​രു​ന്നു. അവർ പുറജാ​തി​ക​ളു​ടെ ചട്ടങ്ങള​നു​സ​രി​ച്ചു നടക്കരുത്‌ എന്ന പ്രത്യേക വിലക്ക്‌ മോ​ശൈക ന്യായ​പ്ര​മാ​ണ​ത്തിൽ ഉണ്ടായി​രു​ന്നു.—ലേവ്യ​പു​സ്‌തകം 20:23.

അവസാ​ന​മാ​യി, യഹോ​വ​യു​ടെ ആർദ്രാ​നു​ക​മ്പ​യും ഈ നിയമ​ത്തിൽ നമുക്കു കാണാ​വു​ന്ന​താണ്‌. പക്ഷിമൃ​ഗാ​ദി​ക​ളോ​ടു ക്രൂരത കാട്ടു​ന്ന​തി​നെ​തി​രാ​യുള്ള സമാന​മായ നിരവധി കൽപ്പനകൾ ന്യായ​പ്ര​മാ​ണ​ത്തി​ലു​ണ്ടാ​യി​രു​ന്നു. അവ പ്രകൃ​തി​വി​രു​ദ്ധ​മായ പ്രവർത്ത​ന​ങ്ങ​ളിൽനി​ന്നുള്ള സംരക്ഷ​ണ​മാ​യി ഉതകി. ഉദാഹ​ര​ണ​ത്തിന്‌, തള്ളയുടെ കൂടെ ഏഴു ദിവസ​മെ​ങ്കി​ലും കഴിയാത്ത മൃഗത്തെ ബലിയർപ്പി​ക്കു​ന്ന​തി​നെ​യും ഒരേ ദിവസം​തന്നെ മൃഗ​ത്തെ​യും അതിന്റെ കുട്ടി​യെ​യും അറക്കു​ന്ന​തി​നെ​യും പക്ഷിക്കൂ​ട്ടിൽനി​ന്നു തള്ളപ്പക്ഷി​യെ​യും ഒപ്പം അതിന്റെ മുട്ടക​ളെ​യോ കുഞ്ഞു​ങ്ങ​ളെ​യോ എടുക്കു​ന്ന​തി​നെ​യും വിലക്കി​ക്കൊ​ണ്ടുള്ള കൽപ്പനകൾ മോ​ശൈക ന്യായ​പ്ര​മാ​ണ​ത്തിൽ ഉണ്ടായി​രു​ന്നു.—ലേവ്യ​പു​സ്‌തകം 22:27, 28; ആവർത്ത​ന​പു​സ്‌തകം 22:6, 7.

വ്യക്തമാ​യും, ന്യായ​പ്ര​മാ​ണം കുറെ കൽപ്പന​ക​ളു​ടെ​യും വിലക്കു​ക​ളു​ടെ​യും ഒരു മിശ്രി​തം ആയിരു​ന്നില്ല. അതിന്റെ പ്രയോ​ജ​ന​ങ്ങ​ളി​ലൊന്ന്‌, യഹോ​വ​യു​ടെ മഹത്തര​മായ ഗുണങ്ങളെ പ്രതി​ഫ​ലി​പ്പി​ക്കുന്ന ഉയർന്ന ധാർമി​ക​ബോ​ധം നമ്മിൽ ഉൾനടാൻ ഇതിലെ തത്ത്വങ്ങൾ സഹായി​ക്കു​ന്നു എന്നതാണ്‌.—സങ്കീർത്തനം 19:7-11.

ജൂലൈ 19-25

ദൈവ​വ​ച​ന​ത്തി​ലെ നിധികൾ | ആവർത്തനം 16-18

“നീതി​യോ​ടെ ന്യായം വിധി​ക്കാൻ സഹായി​ക്കുന്ന തത്ത്വങ്ങൾ”

it-1-E 343 ¶5

അന്ധത

അഴിമതി മൂലം തെറ്റായി ന്യായം വിധി​ക്കു​ന്ന​തി​നെ അന്ധത​യോ​ടാ​ണു താരത​മ്യം ചെയ്‌തി​രി​ക്കു​ന്നത്‌. കൈക്കൂ​ലി​യോ സമ്മാന​മോ വാങ്ങു​ന്ന​തിന്‌ എതി​രെ​യും അതു​പോ​ലെ മുൻവി​ധി​ക്കെ​തി​രെ​യും ദൈവ​നി​യ​മ​ത്തിൽ പലപ്പോ​ഴും മുന്നറി​യിപ്പ്‌ തന്നിട്ടുണ്ട്‌. കാരണം ഇതൊക്കെ ഒരു ന്യായാ​ധി​പനെ അന്ധനാ​ക്കു​മാ​യി​രു​ന്നു. പക്ഷപാ​ത​മി​ല്ലാ​തെ ന്യായം വിധി​ക്കാൻ ഇത്‌ ഒരു തടസ്സമാ​യി​രു​ന്നു. ‘കൈക്കൂ​ലി സൂക്ഷ്‌മ​ദൃ​ഷ്ടി​യു​ള്ള​വരെ അന്ധരാ​ക്കും.’ (പുറ 23:8) ‘കൈക്കൂ​ലി ജ്ഞാനിയെ അന്ധനാ​ക്കും.’ (ആവ 16:19) ഒരു ന്യായാ​ധി​പൻ എത്രതന്നെ സത്യസ​ന്ധ​നും കാര്യങ്ങൾ വിവേ​ചി​ക്കാൻ കഴിവു​ള്ള​വ​നും ആണെങ്കി​ലും കേസിൽ ഉൾപ്പെ​ട്ടി​രി​ക്കുന്ന വ്യക്തി​ക​ളിൽനിന്ന്‌ സമ്മാനം വാങ്ങി​യാൽ അയാൾ അറിഞ്ഞോ അറിയാ​തെ​യോ പക്ഷംപി​ടി​ക്കാൻ സാധ്യ​ത​യു​ണ്ടാ​യി​രു​ന്നു. സമ്മാന​ത്തി​ന്റെ പേരിൽ മാത്രമല്ല വികാ​ര​ത്തി​ന്റെ പുറത്തും ഒരാൾ അന്ധനാ​യേ​ക്കാം. അതു​കൊണ്ട്‌ ദൈവ​വ​ചനം ഇങ്ങനെ മുന്നറി​യി​പ്പു കൊടു​ത്തു: “ദരി​ദ്ര​നോ​ടു പക്ഷപാ​ത​മോ സമ്പന്ന​നോ​ടു പ്രത്യേ​ക​പ​രി​ഗ​ണ​ന​യോ കാണി​ക്ക​രുത്‌.” (ലേവ 19:15) അതു​കൊണ്ട്‌ വികാ​ര​ത്തി​ന്റെ പേരി​ലോ ജനപ്രീ​തി​ക്കു​വേ​ണ്ടി​യോ, ഒരാൾ സമ്പന്നനാ​ണെന്ന കാരണ​ത്താൽ മാത്രം അയാൾക്കെ​തി​രെ ന്യായം വിധി​ക്ക​രുത്‌.—പുറ 23:2, 3.

it-2-E 511 ¶7

സംഖ്യ

രണ്ട്‌. നീതി​ന്യാ​യ​കാ​ര്യ​ങ്ങ​ളോ​ടു ബന്ധപ്പെട്ട്‌ രണ്ട്‌ എന്ന സംഖ്യക്കു പ്രാധാ​ന്യ​മു​ണ്ടാ​യി​രു​ന്നു. ഒരാളു​ടെ വാക്കി​നെ​ക്കാൾ രണ്ടു സാക്ഷി​ക​ളു​ടെ വാക്കിനു കൂടുതൽ വിലയു​ണ്ടാ​യി​രു​ന്നു. ന്യായാ​ധി​പന്റെ മുമ്പാകെ ഒരു കാര്യം ഉറപ്പി​ക്കു​ന്ന​തിന്‌ രണ്ടോ മൂന്നോ സാക്ഷികൾ വേണമാ​യി​രു​ന്നു. ക്രിസ്‌തീ​യ​സ​ഭ​യി​ലും ഇതേ തത്ത്വമാ​ണു പിൻപ​റ്റു​ന്നത്‌.—ആവ 17:6; 19:15; മത്ത 18:16; 2കൊ 13:1; 1തിമ 5:19; എബ്ര 10:28.

it-2-E 685 ¶6

പുരോ​ഹി​തൻ

ദൈവ​നി​യമം വിശദീ​ക​രി​ക്കാ​നുള്ള ഉത്തരവാ​ദി​ത്വം പ്രധാ​ന​മാ​യും പുരോ​ഹി​ത​ന്മാർക്കാ​യി​രു​ന്നു. ഇസ്രാ​യേ​ലി​ലെ നീതി​ന്യാ​യ കാര്യ​ങ്ങ​ളിൽ അവർ ഒരു വലിയ പങ്കു വഹിച്ചി​രു​ന്നു. ആവശ്യ​മാ​യി വരു​ന്നെ​ങ്കിൽ ന്യായാ​ധി​പ​ന്മാർക്ക്‌ പുരോ​ഹി​ത​ന്മാർ താമസി​ക്കുന്ന നഗരങ്ങ​ളിൽ ചെന്ന്‌ അവരുടെ സഹായം തേടാ​മാ​യി​രു​ന്നു. വളരെ ബുദ്ധി​മു​ട്ടുള്ള ഒരു കേസിൽ പ്രാ​ദേ​ശിക കോട​തിക്ക്‌ ഒരു തീരു​മാ​ന​മെ​ടു​ക്കാൻ പറ്റുന്നി​ല്ലെ​ങ്കിൽ പുരോ​ഹി​ത​ന്മാർ ന്യായാ​ധി​പ​ന്മാ​രെ സഹായി​ക്കു​മാ​യി​രു​ന്നു.—ആവ 17:8, 9.

ആത്മീയ​ര​ത്‌ന​ങ്ങൾ

it-1-E 787

പുറത്താ​ക്കു​ക

കുറ്റക്കാ​രനെ കൊല്ലാൻ ആദ്യം കല്ലെറി​യു​ന്നതു സാക്ഷി​കൾത​ന്നെ​യാ​യി​രി​ക്ക​ണ​മെന്നു നിയമ​ത്തിൽ പറഞ്ഞി​രു​ന്നു. (ആവ 17:7) ദൈവ​നി​യമം അനുസ​രി​ക്കാ​നും ഇസ്രാ​യേൽ സഭയെ ശുദ്ധി​യു​ള്ള​താ​യി സൂക്ഷി​ക്കാ​നും അവർ എത്രമാ​ത്രം ഉത്സാഹ​മു​ള്ള​വ​രാ​ണെന്ന്‌ അതു കാണി​ക്കു​മാ​യി​രു​ന്നു. തെറ്റായ മൊഴി നൽകു​ന്ന​തിൽനി​ന്നും അതു​പോ​ലെ ആലോ​ചി​ക്കാ​തെ എടുത്തു​ചാ​ടി ഒരാൾക്കെ​തി​രെ എന്തെങ്കി​ലും പറയു​ന്ന​തിൽനി​ന്നും അത്‌ അവരെ തടയു​ക​യും ചെയ്യു​മാ​യി​രു​ന്നു.

ജൂലൈ 26–ആഗസ്റ്റ്‌ 1

ദൈവ​വ​ച​ന​ത്തി​ലെ നിധികൾ | ആവർത്തനം 19-21

“മനുഷ്യ​ജീ​വൻ യഹോ​വ​യ്‌ക്ക്‌ അമൂല്യ​മാണ്‌”

w17.11 14 ¶4

യഹോ​വ​യു​ടെ നീതി​യും കരുണ​യും അനുക​രി​ക്കു​ക

⁴ ആറ്‌ അഭയന​ഗ​ര​ങ്ങ​ളി​ലേ​ക്കും എളുപ്പം ചെന്നെ​ത്താൻ കഴിയു​മാ​യി​രു​ന്നു. യോർദാൻ നദിയു​ടെ ഇരുവ​ശ​ത്തും മൂന്ന്‌ അഭയന​ഗ​രങ്ങൾ വീതം വേണ​മെന്ന്‌ യഹോവ ഇസ്രാ​യേ​ല്യ​രോ​ടു കല്‌പി​ച്ചു. എന്തിനു​വേ​ണ്ടി​യാ​യി​രു​ന്നു അത്‌? ജീവര​ക്ഷ​യ്‌ക്കാ​യി ഓടുന്ന ഒരു അഭയാർഥി​ക്കു പെട്ടെന്ന്‌, ഒരു ബുദ്ധി​മു​ട്ടും കൂടാതെ എത്തി​പ്പെ​ടാ​നാ​യി​രു​ന്നു അത്‌. (സംഖ്യ 35:11-14) അഭയന​ഗ​ര​ങ്ങ​ളി​ലേ​ക്കുള്ള വഴികൾ നല്ല നിലയിൽ സൂക്ഷി​ച്ചി​രു​ന്നു. (ആവ. 19:3) ചില ജൂതകൃ​തി​ക​ള​നു​സ​രിച്ച്‌, ഈ നഗരങ്ങ​ളി​ലേക്കു ഓടുന്ന അഭയാർഥി​കൾക്കാ​യി വഴി കാണി​ക്കു​ന്ന​തി​നുള്ള അടയാ​ളങ്ങൾ അങ്ങിങ്ങാ​യി സ്ഥാപി​ച്ചി​രു​ന്നു. അഭയന​ഗ​ര​ങ്ങ​ളു​ണ്ടാ​യി​രു​ന്ന​തു​കൊണ്ട്‌ അബദ്ധത്തിൽ കൊല്ലു​ന്ന​യൊ​രാൾക്ക്‌ ഒരു അന്യ​ദേ​ശ​ത്തേക്ക്‌ ഓടി​പ്പോ​കേ​ണ്ടി​യി​രു​ന്നില്ല. അങ്ങനെ പോ​കേ​ണ്ടി​വ​ന്നി​രു​ന്നെ​ങ്കിൽ അയാൾക്കു വ്യാജാ​രാ​ധ​ന​യിൽ ഉൾപ്പെ​ടാൻ പ്രലോ​ഭ​ന​മു​ണ്ടാ​യേനേ.

w17.11 15 ¶9

യഹോ​വ​യു​ടെ നീതി​യും കരുണ​യും അനുക​രി​ക്കു​ക

⁹ രക്തം ചൊരി​യുന്ന കുറ്റം ഒഴിവാ​ക്കാൻ ഇസ്രാ​യേ​ല്യ​രെ സഹായി​ക്കുക എന്നതാ​യി​രു​ന്നു അഭയന​ഗ​ര​ങ്ങ​ളു​ടെ പ്രധാ​ന​പ്പെട്ട ഉദ്ദേശ്യം. (ആവ. 19:10) യഹോവ ജീവനെ സ്‌നേ​ഹി​ക്കു​ന്നു, അതേസ​മയം “നിരപ​രാ​ധി​ക​ളു​ടെ രക്തം ചൊരി​യുന്ന കൈകൾ” വെറു​ക്കു​ക​യും ചെയ്യുന്നു. (സുഭാ. 6:16, 17) നീതി​യുള്ള വിശു​ദ്ധ​ദൈ​വ​മായ യഹോ​വ​യ്‌ക്ക്‌ അബദ്ധത്തിൽ സംഭവി​ക്കുന്ന കൊല​പാ​ത​ക​ത്തി​നു നേരെ​പോ​ലും കണ്ണടയ്‌ക്കാൻ കഴിയില്ല. അബദ്ധത്തിൽ കൊല്ലുന്ന ഒരാ​ളോ​ടു കരുണ കാണി​ച്ചി​രു​ന്നെ​ന്നതു ശരിയാണ്‌. എങ്കിലും അയാൾ തന്റെ കേസ്‌ മൂപ്പന്മാ​രു​ടെ മുമ്പാകെ അവതരി​പ്പി​ക്ക​ണ​മാ​യി​രു​ന്നു. കൊല​പാ​തകം അറിയാ​തെ സംഭവി​ച്ച​താ​ണെന്നു വിധി​ച്ചാൽ, മഹാപു​രോ​ഹി​തന്റെ മരണം​വരെ അയാൾ അഭയന​ഗ​ര​ത്തിൽ കഴിയ​ണ​മാ​യി​രു​ന്നു. ചിലരു​ടെ കാര്യ​ത്തിൽ അതിന്‌ അർഥം, അയാളു​ടെ ജീവി​ത​കാ​ലം മുഴുവൻ അവിടെ കഴി​യേ​ണ്ടി​വ​രു​മാ​യി​രു​ന്നു എന്നാണ്‌. ഗൗരവ​മുള്ള ഈ പരിണ​ത​ഫ​ലങ്ങൾ മനുഷ്യ​ജീ​വനെ പാവന​മാ​യി കാണണ​മെന്ന പാഠം ഇസ്രാ​യേ​ല്യ​രെ പഠിപ്പി​ച്ചു. സഹമനു​ഷ്യ​ന്റെ ജീവൻ ആപത്തി​ലാ​ണെന്നു കണ്ടാൽ രക്ഷിക്കാൻ വേണ്ടതു ചെയ്‌തു​കൊ​ണ്ടും ജീവന്‌ ആപത്തു​വ​രുന്ന എല്ലാ കാര്യ​ങ്ങ​ളും ഒഴിവാ​ക്കി​ക്കൊ​ണ്ടും അവർ ജീവദാ​താ​വി​നോട്‌ ആദരവ്‌ കാണി​ക്ക​ണ​മാ​യി​രു​ന്നു.

it-1-E 344

രക്തം

തന്റെ സഹോ​ദ​രനെ വെറു​ക്കു​ക​യും അയാളു​ടെ മരണം ആഗ്രഹി​ക്കു​ക​യും ചെയ്യുന്ന വ്യക്തിക്ക്‌ രക്തം ചൊരി​ഞ്ഞ​തി​ന്റെ കുറ്റമു​ണ്ടാ​യി​രി​ക്കും. ഇനി, തന്റെ സഹോ​ദ​ര​നെ​ക്കു​റിച്ച്‌ പരദൂ​ഷണം പറയു​ക​യും അയാൾക്കെ​തി​രെ കള്ളസാക്ഷി പറയു​ക​യും ചെയ്‌തു​കൊണ്ട്‌ അയാളു​ടെ ജീവൻ അപകട​ത്തി​ലാ​ക്കു​ന്ന​വ​രും അതേ കുറ്റം​തന്നെ വഹി​ക്കേ​ണ്ടി​വ​രും.—ലേവ്യ 19:16; ആവ 19:18-21; 1 യോഹ 3:15.

ആത്മീയ​ര​ത്‌ന​ങ്ങൾ

it-1-E 518 ¶1

കോടതി

നഗരത്തി​ന്റെ പ്രവേ​ശ​ന​ഭാ​ഗത്തെ തുറസ്സായ സ്ഥലത്തെ​യാ​ണു “പ്രവേ​ശ​ന​ക​വാ​ടം” എന്നതു​കൊണ്ട്‌ ഉദ്ദേശി​ക്കു​ന്നത്‌. വസ്‌തു ഇടപാ​ടു​മാ​യി ബന്ധപ്പെട്ട കേസു​ക​ളി​ലും മറ്റും സാക്ഷി​കളെ കിട്ടാൻ അവിടെ ബുദ്ധി​മു​ട്ടി​ല്ലാ​യി​രു​ന്നു. കാരണം ആളുകൾ ഏതു സമയവും അതുവഴി പോകു​ക​യും വരുക​യും ചെയ്‌തി​രു​ന്നു. ഇനി, കോടതി കൂടി​യി​രു​ന്നതു പൊതു​സ്ഥ​ലത്ത്‌ ആയിരു​ന്ന​തു​കൊണ്ട്‌ വളരെ സൂക്ഷിച്ച്‌ നീതി​യോ​ടെ കേസുകൾ കൈകാ​ര്യം ചെയ്യാൻ ന്യായാ​ധി​പ​ന്മാർ ശ്രദ്ധി​ക്കു​മാ​യി​രു​ന്നു.

ആഗസ്റ്റ്‌ 2-8

ദൈവ​വ​ച​ന​ത്തി​ലെ നിധികൾ | ആവർത്തനം 22-23

“യഹോ​വ​യ്‌ക്ക്‌ മൃഗങ്ങ​ളോ​ടുള്ള പരിഗണന മോശ​യു​ടെ നിയമം വ്യക്തമാ​ക്കു​ന്നത്‌ എങ്ങനെ?”

it-1-E 375-376

ചുമട്‌

ഒരു ഇസ്രാ​യേ​ല്യൻ, തന്നെ വെറു​ക്കുന്ന ആരു​ടെ​യെ​ങ്കി​ലും കഴുത ചുമടു​മാ​യി വീണു​കി​ട​ക്കു​ന്നതു കണ്ടാൽ അതിനെ കണ്ടി​ല്ലെന്നു നടിച്ച്‌ കടന്നു​പോ​ക​രു​താ​യി​രു​ന്നു. പകരം അതിനെ ചുമടി​നു കീഴെ​നിന്ന്‌ മോചി​പ്പി​ക്കാൻ ഉടമസ്ഥനെ സഹായി​ക്ക​ണ​മാ​യി​രു​ന്നു.—പുറ 23:5.

it-1-E 621 ¶1

ആവർത്തനം

കൂട്ടിൽ ഇരിക്കുന്ന തള്ളപ്പക്ഷിയെ പിടിച്ചുകൊണ്ടുപോകാൻ ഇസ്രാ​യേ​ല്യർക്ക്‌ അനുവാ​ദ​മി​ല്ലാ​യി​രു​ന്നു. കുഞ്ഞുങ്ങളെ സംരക്ഷി​ക്കാ​നാ​ണു തള്ളപ്പക്ഷി അവിടെ ഇരിക്കു​ന്നത്‌. ആ സാഹച​ര്യം മുത​ലെ​ടുത്ത്‌ അതിനെ പിടി​ക്കു​ന്നതു തെറ്റാ​യി​രു​ന്നു. എന്നാൽ തള്ളപ്പക്ഷി​യെ വിട്ടയ​ച്ചിട്ട്‌ കുഞ്ഞു​ങ്ങളെ എടുക്കാൻ അവർക്ക്‌ അനുവാ​ദ​മു​ണ്ടാ​യി​രു​ന്നു. അങ്ങനെ​യാ​കു​മ്പോൾ തള്ളപ്പക്ഷി​ക്കു വീണ്ടും കുഞ്ഞു​ങ്ങളെ വളർത്താ​നാ​കും.—ആവ 22:6, 7.

w03 10/15 32 ¶1-2

“അസമമാ​യി കൂട്ടി​യോ​ജി​പ്പി​ക്ക​പ്പെ​ട​രുത്‌”

ഒരു ഒട്ടകവും കാളയും ഒരുമിച്ച്‌ ഉഴുന്ന ഈ രംഗ​മൊ​ന്നു നോക്കൂ. അവ എത്ര ദുരി​ത​മാണ്‌ അനുഭ​വി​ക്കു​ന്നത്‌ അല്ലേ? ഒരേ ശക്തിയും വലുപ്പ​വു​മുള്ള രണ്ട്‌ മൃഗങ്ങൾക്കാ​യുള്ള നുകത്തിൻ കീഴി​ലാണ്‌ അവയെ കൂട്ടി​യോ​ജി​പ്പി​ച്ചി​രി​ക്കു​ന്നത്‌. ഭാരം വലിക്കുന്ന ഇത്തരം മൃഗങ്ങ​ളു​ടെ ക്ഷേമത്തിൽ തത്‌പ​ര​നാ​യി​രുന്ന ദൈവം ഇസ്രാ​യേ​ല്യ​രോട്‌ ഇങ്ങനെ പറഞ്ഞു: “കാള​യെ​യും കഴുത​യെ​യും ഒന്നിച്ചു പൂട്ടി ഉഴരുത്‌.” (ആവർത്ത​ന​പു​സ്‌തകം 22:10) കാളയു​ടെ​യും ഒട്ടകത്തി​ന്റെ​യും കാര്യ​ത്തി​ലും അതേ തത്ത്വം ബാധക​മാണ്‌.

സാധാ​ര​ണ​ഗ​തി​യിൽ, ഒരു കർഷകൻ തന്റെ മൃഗങ്ങ​ളു​ടെ​മേൽ അത്തര​മൊ​രു ദുരിതം അടി​ച്ചേൽപ്പി​ക്കു​ക​യില്ല. എന്നാൽ രണ്ടു കാള ഇല്ലെങ്കിൽ, ഉള്ള രണ്ട്‌ മൃഗങ്ങളെ അയാൾ നുകത്തിൻ കീഴെ അമി​ച്ചേ​ക്കാം. ഈ ചിത്ര​ത്തിൽ കാണുന്ന 19-ാം നൂറ്റാ​ണ്ടി​ലെ കർഷകൻ ചെയ്‌തത്‌ അതാ​ണെന്നു തോന്നു​ന്നു. വലുപ്പം, ഭാരം എന്നിവ​യി​ലെ വ്യത്യാ​സം നിമിത്തം ശക്തി കുറഞ്ഞ മൃഗത്തിന്‌ മറ്റേതി​നൊ​പ്പം എത്താൻ ബുദ്ധി​മു​ട്ടേ​ണ്ടി​വ​രും, അതു​പോ​ലെ, ശക്തി​യേ​റിയ മൃഗത്തിന്‌ ഭാരം കൂടുതൽ വഹി​ക്കേ​ണ്ട​താ​യും വരും.

ആത്മീയ​ര​ത്‌ന​ങ്ങൾ

it-1-E 600

കടം, കടം വാങ്ങു​ന്ന​വൻ

കടുത്ത സാമ്പത്തി​ക​ബു​ദ്ധി​മുട്ട്‌ ഉള്ളപ്പോൾ മാത്രമേ ഒരു ഇസ്രാ​യേ​ല്യൻ കടം വാങ്ങി​യി​രു​ന്നു​ള്ളൂ. കടം വാങ്ങു​ന്ന​യാൾ കടം കൊടു​ക്കുന്ന വ്യക്തി​യു​ടെ അടിമ​യാ​യി​ത്തീ​രു​ന്ന​തു​കൊണ്ട്‌ നിവൃ​ത്തി​യു​ണ്ടെ​ങ്കിൽ അവർ കടം വാങ്ങി​ല്ലാ​യി​രു​ന്നു. (സുഭ 22:7) ദരി​ദ്ര​രായ ഇസ്രാ​യേ​ല്യർക്കു വായ്‌പ കൊടു​ക്കു​മ്പോൾ ഉദാരത കാണി​ക്കാ​നും നിസ്സ്വാർഥ​രാ​യി​രി​ക്കാ​നും ദൈവ​ജ​ന​ത്തോ​ടു കല്‌പി​ച്ചി​രു​ന്നു. (പുറ 22:25; ആവ 15:7, 8; സങ്ക 37:26; 112:5) എന്നാൽ അന്യ​ദേ​ശ​ക്കാർ പലിശ കൊടു​ക്ക​ണ​മാ​യി​രു​ന്നു. (ആവ 23:20) ദരി​ദ്രരെ സഹായി​ക്കാൻ പണം കടം കൊടു​ക്കുന്ന കാര്യ​ത്തി​ലല്ല, ബിസ്സി​നെസ്സ്‌ ഇടപാ​ടു​കൾക്കാ​യി വായ്‌പ കൊടു​ക്കുന്ന കാര്യ​ത്തി​ലാണ്‌ ഇങ്ങനെ​യൊ​രു നിയമം ഉണ്ടായി​രു​ന്ന​തെന്നു ജൂതവ്യാ​ഖ്യാ​തക്കൾ അഭി​പ്രാ​യ​പ്പെ​ടു​ന്നു. സാധാ​ര​ണ​ഗ​തി​യിൽ അന്യ​ദേ​ശ​ക്കാർ ഇസ്രാ​യേ​ലിൽ വന്നിരു​ന്നത്‌ തത്‌കാ​ല​ത്തേ​ക്കാണ്‌, മിക്ക​പ്പോ​ഴും കച്ചവട​ത്തി​നു​വേ​ണ്ടി​യാ​യി​രു​ന്നു. അവരിൽനിന്ന്‌ പലിശ വാങ്ങാ​മാ​യി​രു​ന്നു. കാരണം അവരും പണം വായ്‌പ കൊടു​ത്തി​രു​ന്നതു പലിശ വാങ്ങി​യി​ട്ടു​ത​ന്നെ​യാണ്‌.

ആഗസ്റ്റ്‌ 9-15

ദൈവ​വ​ച​ന​ത്തി​ലെ നിധികൾ | ആവർത്തനം 24-26

“യഹോവ സ്‌ത്രീ​ക​ളോ​ടു പരിഗ​ണ​ന​യു​ള്ള​വ​നാ​ണെന്ന്‌ മോശ​യു​ടെ നിയമം വ്യക്തമാ​ക്കു​ന്നു”

it-2-E 1196 ¶4

സ്‌ത്രീ

കല്യാണം കഴിഞ്ഞാൽ ഒരു വർഷ​ത്തേക്ക്‌ ഒരാളെ സൈനി​ക​സേ​വ​ന​ത്തിൽനിന്ന്‌ ഒഴിവാ​ക്കി​യി​രു​ന്നു. അങ്ങനെ ഒരു കുട്ടി​യു​ണ്ടാ​കാ​നുള്ള അവസരം ആ ദമ്പതി​കൾക്കു ലഭിക്കു​മാ​യി​രു​ന്നു. ഭർത്താവ്‌ ദൂരെ​യാ​യി​രി​ക്കു​മ്പോൾ മാത്രമല്ല, എങ്ങാനും യുദ്ധത്തിൽ മരിച്ചു​പോ​യാ​ലും ആ കുഞ്ഞ്‌ അമ്മയ്‌ക്ക്‌ ഒരു ആശ്വാ​സ​മാ​യി​രി​ക്കും.—ആവ 20:7; 24:5.

it-1-E 963 ¶2

കാലാ പെറു​ക്കു​ക

ദാവീദ്‌ പറഞ്ഞു: “ഒരു നീതി​മാൻപോ​ലും ഉപേക്ഷി​ക്ക​പ്പെ​ട്ട​താ​യോ അവന്റെ മക്കൾ ആഹാരം ഇരക്കു​ന്ന​താ​യോ ഇതുവരെ കണ്ടിട്ടില്ല.” (സങ്ക 37:25) ദൈവ​നി​യ​മ​മ​നു​സ​രിച്ച്‌ ദരി​ദ്രർക്കു കാലാ പെറു​ക്കാൻ അനുവാ​ദ​മു​ണ്ടാ​യി​രു​ന്നു. അതു​കൊണ്ട്‌ അവർക്കും മക്കൾക്കും മറ്റുള്ള​വ​രോട്‌ ഇരക്കേ​ണ്ടി​വ​രില്ല. പകരം ജോലി ചെയ്‌ത്‌ അവർക്ക്‌ ആഹാര​ത്തി​നുള്ള വക കണ്ടെത്താ​മാ​യി​രു​ന്നു.

w11-E 3/1 23

നിങ്ങൾക്ക്‌ അറിയാ​മോ?

പുരാതന ഇസ്രാ​യേ​ലിൽ ഒരാൾ ആൺമക്ക​ളി​ല്ലാ​തെ മരിച്ചു​പോ​യാൽ, അദ്ദേഹ​ത്തി​ന്റെ വംശപ​രമ്പര നിലനി​റു​ത്താൻ ഭർത്തൃ​സ​ഹോ​ദരൻ ആ വിധവയെ വിവാഹം ചെയ്‌ത്‌ മക്കളെ ജനിപ്പി​ക്ക​ണ​മാ​യി​രു​ന്നു. (ഉൽപത്തി 38:8) പിന്നീട്‌ ഈ സമ്പ്രദാ​യം മോശ​യു​ടെ നിയമ​ത്തി​ന്റെ ഭാഗമാ​യി. ഇതിനെ ഭർത്തൃ​സ​ഹോ​ദ​ര​ധർമം അഥവാ ദേവര​വി​വാ​ഹം എന്നാണു വിളി​ച്ചി​രു​ന്നത്‌.—ആവർത്തനം 25:5, 6.

ഒന്നാം നൂറ്റാ​ണ്ടി​ലെ ജൂതച​രി​ത്ര​കാ​ര​നായ ഫ്‌ളേ​വി​യസ്‌ ജോസീ​ഫസ്‌ ഈ സമ്പ്രദാ​യ​ത്തി​ന്റെ പ്രയോ​ജ​ന​ത്തെ​ക്കു​റിച്ച്‌ പറയു​ന്നുണ്ട്‌: ഇത്‌ കുടും​ബ​പ്പേര്‌ നിലനി​റു​ത്താൻ മാത്രമല്ല കുടും​ബ​സ്വത്ത്‌ നഷ്ടപ്പെ​ട്ടു​പോ​കാ​തി​രി​ക്കാ​നും സഹായി​ച്ചി​രു​ന്നു. ഇനി, വിധവ​യ്‌ക്ക്‌ അതൊരു സംരക്ഷ​ണ​വു​മാ​യി​രു​ന്നു.

ആത്മീയ​ര​ത്‌ന​ങ്ങൾ

it-1-E 640 ¶5

വിവാ​ഹ​മോ​ച​നം

മോച​ന​പ​ത്രം. ഭാര്യയെ എളുപ്പ​ത്തിൽ ഉപേക്ഷി​ക്കാൻ മോശ​യ്‌ക്കു കൊടുത്ത നിയമം ഒരു ഇസ്രാ​യേ​ല്യ​ഭർത്താ​വി​നെ അനുവ​ദി​ച്ചി​രു​ന്നെന്ന്‌ ഒരിക്ക​ലും ചിന്തി​ക്ക​രുത്‌. (ആളുകൾ പിൽക്കാ​ലത്ത്‌ ആ നിയമം ദുരു​പ​യോ​ഗം ചെയ്‌തെ​ന്നു​ള്ളതു ശരിയാണ്‌.) വിവാ​ഹ​മോ​ചനം ചെയ്യണ​മെ​ങ്കിൽ ഭർത്താവ്‌ ചില നിയമ​ന​ട​പ​ടി​കൾ സ്വീക​രി​ക്ക​ണ​മാ​യി​രു​ന്നു: ‘ഒരു മോച​ന​പ​ത്രം എഴുതി കൈയിൽ കൊടു​ത്തിട്ട്‌’ വേണമാ​യി​രു​ന്നു ‘അവളെ വീട്ടിൽനിന്ന്‌ പറഞ്ഞയ​യ്‌ക്കാൻ.’ (ആവ 24:1) ഇതെക്കു​റിച്ച്‌ കൂടു​ത​ലായ വിശദാം​ശ​ങ്ങ​ളൊ​ന്നും തിരു​വെ​ഴു​ത്തു​കൾ നൽകു​ന്നി​ല്ലെ​ങ്കി​ലും സാധ്യ​ത​യ​നു​സ​രിച്ച്‌ ഭാര്യയെ ഉപേക്ഷി​ക്കു​ന്ന​തി​നു മുമ്പായി ഭർത്താവ്‌ അതെപ്പറ്റി അധികാ​ര​ത്തി​ലു​ള്ള​വ​രോ​ടു സംസാ​രി​ക്ക​ണ​മാ​യി​രു​ന്നു. ആ പുരു​ഷ​ന്മാ​രാ​കട്ടെ, രമ്യത​യി​ലാ​കാൻ ദമ്പതി​കളെ പ്രോ​ത്സാ​ഹി​പ്പി​ച്ചി​രു​ന്നു. മോച​ന​പ​ത്രം തയ്യാറാ​ക്കാ​നും നിയമ​ന​ട​പ​ടി​ക​ളി​ലൂ​ടെ കടന്നു​പോ​കാ​നും കുറച്ച്‌ സമയ​മെ​ടു​ക്കു​മാ​യി​രു​ന്നു. തന്റെ തീരു​മാ​നം ഒന്നു പുനഃ​പ​രി​ശോ​ധി​ക്കാൻ അദ്ദേഹ​ത്തിന്‌ അപ്പോൾ കഴിയു​മാ​യി​രു​ന്നു. ഇനി, തക്ക കാരണ​മി​ല്ലാ​തെ വിവാ​ഹ​മോ​ചനം അനുവ​ദി​ച്ചി​രു​ന്നു​മില്ല. ഈ കാര്യ​ങ്ങ​ളൊ​ക്കെ അദ്ദേഹം പാലി​ക്കു​ക​യാ​ണെ​ങ്കിൽ എടുത്തു​ചാ​ടി അദ്ദേഹം വിവാ​ഹ​ബന്ധം അവസാ​നി​പ്പി​ക്കു​ക​യില്ല. ഭാര്യ​യു​ടെ അവകാ​ശങ്ങൾ സംരക്ഷി​ക്കാ​നും അതു സഹായി​ച്ചി​രു​ന്നു.

ആഗസ്റ്റ്‌ 16-22

ദൈവ​വ​ച​ന​ത്തി​ലെ നിധികൾ | ആവർത്തനം 27-28

“ഈ അനു​ഗ്ര​ഹ​ങ്ങ​ളെ​ല്ലാം . . . നിങ്ങളു​ടെ മേൽ സമൃദ്ധ​മാ​യി വർഷി​ക്കും”

w10 12/15 20 ¶18

ദൈവാ​ത്മാ​വി​നാൽ നയിക്ക​പ്പെ​ടുന്ന രാജാ​വിൽനിന്ന്‌ അനു​ഗ്ര​ഹങ്ങൾ പ്രാപി​ക്കുക!

¹⁸ ദൈവ​വ​ച​ന​ത്തിൽ പറഞ്ഞി​രി​ക്കുന്ന കാര്യങ്ങൾ ഗൗരവ​ത്തോ​ടെ കാണു​ക​യും ദൈവം നൽകുന്ന ആത്മീയ ഭക്ഷണം നന്നായി ഭക്ഷിക്കു​ക​യും ചെയ്യു​ന്നത്‌ ‘കേട്ടനു​സ​രി​ക്കു​ന്ന​തിൽ’ ഉൾപ്പെ​ടു​ന്നു. (മത്താ. 24:45) ദൈവ​ത്തെ​യും അവന്റെ പുത്ര​നെ​യും അനുസ​രി​ക്കു​ന്ന​തും അതിന്റെ ഭാഗമാണ്‌. “എന്നോടു ‘കർത്താവേ, കർത്താവേ’ എന്നു പറയുന്ന ഏവനുമല്ല, സ്വർഗ​സ്ഥ​നായ എന്റെ പിതാ​വി​ന്റെ ഇഷ്ടം ചെയ്യു​ന്ന​വ​ന​ത്രേ സ്വർഗ​രാ​ജ്യ​ത്തിൽ കടക്കു​ന്നത്‌” എന്ന്‌ യേശു പറയു​ക​യു​ണ്ടാ​യി. (മത്താ. 7:21) “മനുഷ്യ​രാ​കുന്ന ദാനങ്ങളെ,” അതായത്‌ നിയമിത മൂപ്പന്മാ​രെ അനുസ​രി​ച്ചു​കൊണ്ട്‌, ദൈവം സ്ഥാപിച്ച ക്രിസ്‌തീയ സഭയ്‌ക്കു മനസ്സോ​ടെ കീഴ്‌പെ​ടു​ന്ന​തും ‘കേട്ടനു​സ​രി​ക്കു​ന്ന​തിൽ’ ഉൾപ്പെ​ടു​ന്നു.—എഫെ. 4:8.

w01 9/15 10 ¶2

യഹോ​വ​യു​ടെ അനു​ഗ്ര​ഹങ്ങൾ നിങ്ങളിൽ വന്നുനി​റ​യു​മോ?

² ആവർത്ത​ന​പു​സ്‌തകം 28:2-ൽ ‘ചെവി​ക്കൊ​ള്ളു​ന്ന​തിൽ തുടരുക’ എന്നു വിവർത്തനം ചെയ്‌തി​രി​ക്കുന്ന എബ്രായ ക്രിയാ​പദം തുടർച്ച​യായ പ്രവർത്ത​നത്തെ കുറി​ക്കു​ന്നു. യഹോ​വ​യു​ടെ ജനം അവന്റെ വാക്കുകൾ വല്ലപ്പോ​ഴും ചെവി​ക്കൊ​ണ്ടാൽ പോരാ, മറിച്ച്‌ എല്ലായ്‌പോ​ഴും ചെവി​ക്കൊ​ള്ളണം. എങ്കിൽ മാത്രമേ ദിവ്യാ​നു​ഗ്ര​ഹങ്ങൾ അവരിൽ വന്നുനി​റ​യു​ക​യു​ള്ളൂ. ‘വന്നുനി​റ​യുക’ എന്നു വിവർത്തനം ചെയ്‌തി​രി​ക്കുന്ന എബ്രായ ക്രിയാ​പദം വേട്ടയാ​ട​ലി​നോട്‌ ബന്ധപ്പെട്ട ഒരു പദമാ​ണെന്നു സ്ഥാപി​ക്ക​പ്പെ​ട്ടി​ട്ടുണ്ട്‌. “പിടി​കൂ​ടുക” അല്ലെങ്കിൽ “എത്തിപ്പി​ടി​ക്കുക” എന്നൊ​ക്കെ​യാണ്‌ മിക്ക​പ്പോ​ഴും അതിന്റെ അർഥം.

w10 9/15 8 ¶4

യഹോ​വ​യു​ടെ അനു​ഗ്രഹം നേടാൻ ആത്മാർഥ​മാ​യി പരി​ശ്ര​മി​ക്കു​ക

⁴ ഇസ്രാ​യേ​ല്യർ ഏതു മനോ​ഭാ​വ​ത്തോ​ടെ​യാണ്‌ അനുസ​രി​ക്കേ​ണ്ടി​യി​രു​ന്നത്‌? “ഉന്മേഷ​ത്തോ​ടും നല്ല ഹൃദയ​സ​ന്തോ​ഷ​ത്തോ​ടും​കൂ​ടെ” അവർ തന്നെ സേവി​ക്കാ​നാണ്‌ ദൈവം ആഗ്രഹി​ച്ചത്‌. അല്ലാത്ത​പക്ഷം അവർ തന്റെ അപ്രീ​തി​ക്കു പാത്ര​മാ​കു​മെന്ന്‌ അവൻ പറഞ്ഞു. (ആവർത്ത​ന​പു​സ്‌തകം 28:45-48എ വായി​ക്കുക.) നാം വെറും യാന്ത്രി​ക​മാ​യി അനുസ​രി​ക്കാ​നല്ല ദൈവം പ്രതീ​ക്ഷി​ക്കു​ന്നത്‌; ആ രീതി​യിൽ കൽപ്പനകൾ അനുസ​രി​ക്കാൻ മൃഗങ്ങൾക്കും ഭൂതങ്ങൾക്കും പോലും കഴിയും. (മർക്കോ. 1:27; യാക്കോ. 3:3) ദൈവ​ത്തോ​ടുള്ള യഥാർഥ അനുസ​രണം അവനോ​ടുള്ള സ്‌നേ​ഹ​ത്തി​ന്റെ പ്രകട​ന​മാണ്‌. ദൈവത്തെ മനസ്സോ​ടെ അനുസ​രി​ക്കു​ന്ന​വർക്ക്‌, ദൈവ​ത്തി​ന്റെ കൽപ്പനകൾ ഭാരമു​ള്ള​വ​യ​ല്ലെ​ന്നും “തന്നെ ആത്മാർഥ​മാ​യി അന്വേ​ഷി​ക്കു​ന്ന​വർക്ക്‌ അവൻ പ്രതി​ഫലം നൽകു​ന്നു​വെ​ന്നും” ഉള്ള വിശ്വാ​സ​ത്തിൽനി​ന്നു​ള​വാ​കുന്ന സന്തോഷം ലഭിക്കും.—എബ്രാ. 11:6; 1 യോഹ. 5:3.

ആത്മീയ​ര​ത്‌ന​ങ്ങൾ

it-1-E 360

അതിർത്തി

സാധാ​ര​ണ​ഗ​തി​യിൽ തങ്ങളുടെ നിലത്ത്‌ കൃഷി ചെയ്‌ത്‌ കിട്ടുന്ന വിളവി​നെ ആശ്രയി​ച്ചാ​ണു ഭൂവു​ട​മകൾ കഴിഞ്ഞി​രു​ന്നത്‌. അയൽക്കാ​രന്റെ അതിർത്തി മാറ്റുന്ന ഒരാൾ അയാളു​ടെ ഉപജീ​വ​ന​ത്തി​നുള്ള വക തട്ടി​യെ​ടു​ക്കു​ക​യാ​യി​രു​ന്നു. അത്‌ മോഷ​ണ​ത്തി​നു തുല്യ​മാ​യി​രു​ന്നു.—ഇയ്യ 24:2.

ആഗസ്റ്റ്‌ 23-29

ദൈവ​വ​ച​ന​ത്തി​ലെ നിധികൾ | ആവർത്തനം 29-30

“യഹോ​വയെ സേവി​ക്കു​ന്നത്‌ അത്ര ബുദ്ധി​മു​ട്ടുള്ള ഒരു കാര്യമല്ല”

w10 7/1 27 ¶2

യഹോവ നമുക്ക്‌ തിര​ഞ്ഞെ​ടു​പ്പു​സ്വാ​ത​ന്ത്ര്യം നൽകി​യി​രി​ക്കു​ന്നു

ദൈവം നമ്മോട്‌ ആവശ്യ​പ്പെ​ടു​ന്നത്‌ എന്താ​ണെന്നു മനസ്സി​ലാ​ക്കു​ന്ന​തും അത്‌ പ്രവർത്തി​ക്കു​ന്ന​തും ബുദ്ധി​മു​ട്ടുള്ള സംഗതി​യാ​ണോ? “ഞാൻ ഇന്നു നിന്നോ​ടു ആജ്ഞാപി​ക്കുന്ന ഈ കൽപ്പന നിനക്കു പ്രയാ​സ​മു​ള്ളതല്ല, ദൂരമാ​യു​ള്ള​തു​മല്ല” എന്ന്‌ മോശ എഴുതി. (11-ാം വാക്യം) നമുക്കു കഴിയാത്ത കാര്യങ്ങൾ ചെയ്യാൻ യഹോവ ഒരിക്ക​ലും നമ്മോട്‌ ആവശ്യ​പ്പെ​ടു​ക​യില്ല. ന്യായ​മാ​യ​തും നമുക്കു ചെയ്യാൻ സാധി​ക്കു​ന്ന​തു​മായ കാര്യ​ങ്ങളേ അവൻ നിഷ്‌കർഷി​ക്കു​ന്നു​ള്ളൂ. അത്‌ എന്താ​ണെന്ന്‌ മനസ്സി​ലാ​ക്കാ​നും മാർഗ​മുണ്ട്‌. അതിനാ​യി നമുക്ക്‌ ‘സ്വർഗ്ഗ​ത്തിൽ കയറേണ്ട’ ആവശ്യ​മില്ല, ‘സമുദ്രം കടന്നു’ പോ​കേ​ണ്ട​തു​മില്ല. (12, 13 വാക്യങ്ങൾ) നാം ജീവി​ക്കേ​ണ്ടത്‌ എങ്ങനെ​യെന്ന്‌ ബൈബിൾ വ്യക്തമാ​യി നമ്മോടു പറയുന്നു.—മീഖാ 6:8.

w10 7/1 27 ¶1

യഹോവ നമുക്ക്‌ തിര​ഞ്ഞെ​ടു​പ്പു​സ്വാ​ത​ന്ത്ര്യം നൽകി​യി​രി​ക്കു​ന്നു

“യഹോ​വ​യോ​ടു ഞാൻ അവിശ്വ​സ്‌തത കാണി​ക്കു​മോ എന്ന ഭയം അകാര​ണ​മാ​യി എന്നെ വേട്ടയാ​ടി​യി​രു​ന്നു” എന്ന്‌ ക്രിസ്‌ത്യാ​നി​യായ ഒരു സ്‌ത്രീ പറയുന്നു. ബാല്യ​ത്തി​ലെ കയ്‌പേ​റിയ അനുഭ​വ​ങ്ങ​ളാണ്‌ ക്രിസ്‌തീയ ജീവി​ത​ത്തിൽ തനിക്കു വിജയി​ക്കാ​നാ​വി​ല്ലെന്നു ചിന്തി​ക്കാൻ അവരെ പ്രേരി​പ്പി​ച്ചത്‌. എന്നാൽ അതു ശരിയാ​ണോ? സാഹച​ര്യ​ങ്ങ​ളു​ടെ നടുവിൽ നിസ്സഹാ​യ​രാ​യി നിൽക്കാൻ വിധി​ക്ക​പ്പെ​ട്ട​വ​രാ​ണോ നമ്മൾ? അല്ല. യഹോ​വ​യാം ദൈവം നമുക്ക്‌ ഇച്ഛാസ്വാ​ത​ന്ത്ര്യം നൽകി​യി​ട്ടുണ്ട്‌. അതു​കൊണ്ട്‌ ജീവി​ത​ത്തിൽ ഏതു പാത തിര​ഞ്ഞെ​ടു​ക്ക​ണ​മെന്ന്‌ നമുക്ക്‌ സ്വയം തീരു​മാ​നി​ക്കാ​നാ​കും. നാം ശരിയായ പാത തിര​ഞ്ഞെ​ടു​ക്ക​ണ​മെ​ന്നാണ്‌ യഹോവ ആഗ്രഹി​ക്കു​ന്നത്‌. അത്‌ എങ്ങനെ ചെയ്യാ​മെന്ന്‌ അവന്റെ വചനമായ ബൈബിൾ നമ്മോടു പറയുന്നു. ആവർത്ത​ന​പു​സ്‌തകം 30-ാം അധ്യായം അതി​നൊ​രു ഉദാഹ​ര​ണ​മാണ്‌. അവിടെ എഴുതി​യി​രി​ക്കുന്ന മോശ​യു​ടെ വാക്കു​ക​ളെ​ക്കു​റി​ച്ചു ചിന്തി​ക്കാം.

w10 7/1 27 ¶4

യഹോവ നമുക്ക്‌ തിര​ഞ്ഞെ​ടു​പ്പു​സ്വാ​ത​ന്ത്ര്യം നൽകി​യി​രി​ക്കു​ന്നു

നാം ഏതു ഗതി തിര​ഞ്ഞെ​ടു​ക്കു​ന്നു എന്നതിൽ ദൈവം തത്‌പ​ര​നാ​ണോ? തീർച്ച​യാ​യും! “ജീവനെ തിര​ഞ്ഞെ​ടു​ത്തു​കൊൾക” എന്ന്‌ മോശ​യി​ലൂ​ടെ ദൈവം അരുളി​ച്ചെ​യ്‌തു. (20-ാം വാക്യം) എന്നാൽ ജീവനെ തിര​ഞ്ഞെ​ടു​ക്കാൻ നമുക്ക്‌ എങ്ങനെ കഴിയും? “നിന്റെ ദൈവ​മായ യഹോ​വയെ സ്‌നേ​ഹി​ക്ക​യും അവന്റെ വാക്കു കേട്ടനു​സ​രി​ക്ക​യും അവനോ​ടു ചേർന്നി​രി​ക്ക​യും” ചെയ്‌തു​കൊണ്ട്‌ നമുക്ക്‌ അതിനു കഴിയു​മെന്ന്‌ മോശ പറയു​ക​യു​ണ്ടാ​യി. (20-ാം വാക്യം) നാം യഹോ​വയെ സ്‌നേ​ഹി​ക്കു​ന്നെ​ങ്കിൽ എന്തൊക്കെ സംഭവി​ച്ചാ​ലും അവനെ അനുസ​രി​ക്കാ​നും വിശ്വ​സ്‌ത​ത​യോ​ടെ അവനോ​ടു പറ്റിനിൽക്കാ​നും നാം ആഗ്രഹി​ക്കും. തീർച്ച​യാ​യും, ഇങ്ങനെ​യൊ​രു ഗതി പിൻപ​റ്റു​ന്നെ​ങ്കിൽ നാം ജീവനെ തിര​ഞ്ഞെ​ടു​ക്കു​ക​യാ​യി​രി​ക്കും. അങ്ങനെ​യു​ള്ള​വരെ കാത്തി​രി​ക്കു​ന്നത്‌ പുതിയ ലോക​ത്തി​ലെ നിത്യ​ജീ​വ​നാണ്‌. അതി​നെ​ക്കാൾ മെച്ചമായ ഒരു ജീവി​ത​ഗതി വേറെ​യു​ണ്ടോ?—2 പത്രോസ്‌ 3:11-13; 1 യോഹ​ന്നാൻ 5:3.

ആത്മീയ​ര​ത്‌ന​ങ്ങൾ

it-1-E 665 ¶3

ചെവി

കേൾക്കാൻ പറ്റാത്ത​വി​ധം അവരുടെ ചെവി അടച്ചു​വെ​ച്ചി​രി​ക്കു​ന്ന​തു​പോ​ലെ​യാ​യി​രു​ന്നു അത്‌. യഹോവ അവരുടെ ചെവി തുറന്നു​കൊ​ടു​ത്തില്ല. യഹോ​വ​യു​ടെ ഇഷ്ടം ചെയ്യാൻ ആഗ്രഹി​ക്കു​ന്ന​വ​രു​ടെ കാര്യ​ത്തിൽ യഹോവ അവരുടെ ചെവി തുറന്നു​കൊ​ടു​ക്കും അഥവാ കാര്യങ്ങൾ മനസ്സി​ലാ​ക്കാൻ അവരെ സഹായി​ക്കും. എന്നാൽ ഒരു വ്യക്തി ദൈവ​ത്തോട്‌ അനുസ​ര​ണ​ക്കേടു കാണി​ക്കു​ന്നെ​ങ്കിൽ കേൾക്കാൻ പറ്റാത്ത​വി​ധം അവരുടെ ചെവി അടഞ്ഞി​രി​ക്കാൻ യഹോവ അനുവ​ദി​ക്കും. അപ്പോൾ ആ വ്യക്തിക്ക്‌ യഹോ​വ​യു​ടെ ചിന്തകൾ മനസ്സി​ലാ​ക്കാ​നാ​കില്ല.—ആവ 29:4; റോമ 11:8.

ആഗസ്റ്റ്‌ 30–സെപ്‌റ്റം​ബർ 5

ദൈവ​വ​ച​ന​ത്തി​ലെ നിധികൾ | ആവർത്തനം 31-32

“ദൈവ​പ്ര​ചോ​ദി​ത​മായ ഒരു പാട്ടിലെ ദൃഷ്ടാ​ന്ത​ങ്ങ​ളിൽനിന്ന്‌ പഠിക്കുക”

w20.06 10 ¶8-9

“അങ്ങയുടെ പേര്‌ ഭയപ്പെ​ടാൻ എന്റെ ഹൃദയം ഏകാ​ഗ്ര​മാ​ക്കേ​ണമേ”

⁸ ഇസ്രാ​യേ​ല്യർ വാഗ്‌ദ​ത്ത​ദേ​ശത്ത്‌ പ്രവേ​ശി​ക്കു​ന്ന​തി​നു തൊട്ടു​മുമ്പ്‌, യഹോവ മോശയെ ഒരു പാട്ടിന്റെ വരികൾ പഠിപ്പി​ച്ചു. (ആവ. 31:19) മോശ ആ പാട്ട്‌ ജനത്തെ പഠിപ്പി​ക്ക​ണ​മാ​യി​രു​ന്നു. ആവർത്തനം 32:2, 3-നെക്കു​റിച്ച്‌ (വായി​ക്കുക) ധ്യാനി​ക്കു​മ്പോൾ യഹോവ തന്റെ പേര്‌ ഒളിച്ചു​വെ​ക്കാൻ ആഗ്രഹി​ക്കു​ന്നി​ല്ലെന്നു വ്യക്തമാണ്‌. അതു​പോ​ലെ, പരിശു​ദ്ധ​മാ​ണെ​ന്ന​തി​ന്റെ പേരിൽ ആരും ആ പേര്‌ ഉച്ചരി​ക്കാ​തി​രി​ക്കാ​നും യഹോവ ആഗ്രഹി​ക്കു​ന്നില്ല. വാസ്‌ത​വ​ത്തിൽ ബുദ്ധി​ശ​ക്തി​യുള്ള തന്റെ സൃഷ്ടി​ക​ളെ​ല്ലാം തന്റെ പേര്‌ അറിയ​ണ​മെ​ന്നാണ്‌ യഹോവ ആഗ്രഹി​ക്കു​ന്നത്‌. യഹോ​വ​യെ​യും യഹോ​വ​യു​ടെ മഹനീ​യ​നാ​മ​ത്തെ​യും പറ്റി പഠിപ്പി​ച്ച​പ്പോൾ അതു കേൾക്കാ​നാ​യത്‌ ആ ജനത്തിനു കിട്ടിയ വലിയ ഒരു പദവി​യ​ല്ലാ​യി​രു​ന്നോ! ചെടികൾ തഴച്ചു​വ​ള​രാൻ മഴ സഹായി​ക്കു​ന്ന​തു​പോ​ലെ, മോശ അവരെ പഠിപ്പിച്ച കാര്യങ്ങൾ അവരുടെ വിശ്വാ​സം ശക്തമാ​ക്കു​ക​യും അവർക്കു നവോ​ന്മേഷം പകരു​ക​യും ചെയ്‌തു. നമുക്ക്‌ എങ്ങനെ ആ രീതി​യിൽ പഠിപ്പി​ക്കാൻ കഴിയും?

⁹ വീടു​തോ​റു​മുള്ള ശുശ്രൂ​ഷ​യി​ലാ​യി​രി​ക്കു​മ്പോ​ഴും പരസ്യ സാക്ഷീ​ക​ര​ണ​ത്തി​ലാ​യി​രി​ക്കു​മ്പോ​ഴും യഹോവ എന്ന ദൈവ​നാ​മം ആളുകളെ കാണി​ച്ചു​കൊ​ടു​ക്കാൻ നമുക്കു ബൈബിൾ ഉപയോ​ഗി​ക്കാം. യഹോ​വയെ മഹത്ത്വ​പ്പെ​ടു​ത്തുന്ന മനോ​ഹ​ര​മായ പ്രസി​ദ്ധീ​ക​ര​ണ​ങ്ങ​ളും വീഡി​യോ​ക​ളും വെബ്‌​സൈ​റ്റി​ലെ വിവര​ങ്ങ​ളും നമുക്കു കാണി​ച്ചു​കൊ​ടു​ക്കാം. യാത്ര ചെയ്യു​മ്പോ​ഴും ജോലി​സ്ഥ​ല​ത്തും സ്‌കൂ​ളി​ലും നമ്മുടെ പ്രിയ​പ്പെട്ട ദൈവ​ത്തെ​യും ദൈവ​ത്തി​ന്റെ വ്യക്തി​ത്വ​ത്തെ​യും കുറിച്ച്‌ പറയാൻ ചില​പ്പോൾ നമുക്ക്‌ അവസരങ്ങൾ കിട്ടും. മനുഷ്യ​രെ​യും ഭൂമി​യെ​യും കുറി​ച്ചുള്ള യഹോ​വ​യു​ടെ ഉദ്ദേശ്യ​ത്തെ​ക്കു​റിച്ച്‌ അവരോ​ടു സംസാ​രി​ക്കു​മ്പോൾ യഹോവ നമ്മളെ​യെ​ല്ലാം എത്രമാ​ത്രം സ്‌നേ​ഹി​ക്കു​ന്നു​ണ്ടെന്ന്‌ അവർ ജീവി​ത​ത്തിൽ ആദ്യമാ​യി മനസ്സി​ലാ​ക്കി​യേ​ക്കാം. സ്‌നേ​ഹ​വാ​നായ സ്വർഗീ​യ​പി​താ​വി​നെ​ക്കു​റി​ച്ചുള്ള സത്യം മറ്റുള്ള​വ​രോ​ടു പറയു​ന്ന​തി​ലൂ​ടെ ദൈവ​നാ​മം വിശു​ദ്ധീ​ക​രി​ക്കു​ന്ന​തിൽ നമ്മുടെ പങ്ക്‌ നമ്മൾ ചെയ്യു​ക​യാണ്‌. കാരണം യഹോ​വ​യെ​ക്കു​റിച്ച്‌ ഇന്ന്‌ ആളുകളെ പറഞ്ഞു​പ​ഠി​പ്പി​ച്ചി​രി​ക്കുന്ന പലതും നുണയും ദൂഷണ​വും മാത്ര​മാ​ണെന്നു മനസ്സി​ലാ​ക്കാൻ നമ്മൾ അവരെ സഹായി​ക്കു​ക​യാണ്‌. ഏറ്റവും നവോ​ന്മേഷം പകരുന്ന കാര്യ​ങ്ങ​ളാണ്‌, ബൈബി​ളിൽനിന്ന്‌ നമ്മൾ ഇന്ന്‌ ആളുകളെ പഠിപ്പി​ക്കു​ന്നത്‌.—യശ. 65:13, 14.

w09 10/1 20 ¶4

ബൈബി​ളി​ലെ വാങ്‌മയ ചിത്രങ്ങൾ മനസ്സി​ലാ​ക്കു​ക

അചേതന വസ്‌തു​ക്ക​ളോ​ടും ബൈബിൾ യഹോ​വയെ സാദൃ​ശ്യ​പ്പെ​ടു​ത്തി​യി​ട്ടുണ്ട്‌. “യിസ്രാ​യേ​ലിൻ പാറ,” ‘ശൈലം,’ “കോട്ട” എന്നിങ്ങ​നെ​യെ​ല്ലാം ബൈബിൾ അവനെ വർണി​ക്കു​ന്നു. (2 ശമൂവേൽ 23:3; സങ്കീർത്തനം 18:2; ആവർത്ത​ന​പു​സ്‌തകം 32:4) ഇവിടത്തെ സാധാരണ ധർമം എന്താണ്‌? സുദൃ​ഢ​വും സുസ്ഥി​ര​വു​മായ ഒരു വലിയ പാറ​പോ​ലെ​യാണ്‌ യഹോവ; നമുക്ക്‌ സുസ്ഥി​ര​മായ ഒരു സങ്കേത​മാ​യി അവൻ വർത്തി​ക്കു​ന്നു.

w01 10/1 9 ¶7

യഹോ​വയെ അനുക​രി​ച്ചു​കൊണ്ട്‌ മക്കളെ പരിശീ​ലി​പ്പി​ക്കുക

⁷ ഇസ്രാ​യേ​ല്യ​രോ​ടുള്ള ഇടപെ​ട​ലു​ക​ളിൽ യഹോവ പ്രകട​മാ​ക്കിയ സ്‌നേ​ഹത്തെ കുറിച്ചു ചിന്തി​ക്കുക. ബാല്യാ​വ​സ്ഥ​യിൽ ആയിരുന്ന ഇസ്രാ​യേൽ ജനത​യോ​ടുള്ള യഹോ​വ​യു​ടെ സ്‌നേ​ഹത്തെ കുറിച്ചു വിവരി​ക്കാൻ മോശെ മനോ​ഹ​ര​മായ ഒരു ഉപമ ഉപയോ​ഗി​ച്ചു. അതു സംബന്ധിച്ച്‌ നാം ഇങ്ങനെ വായി​ക്കു​ന്നു: “കഴുകൻ തന്റെ കൂടു അനക്കി കുഞ്ഞു​ങ്ങൾക്കു മീതെ പറക്കു​മ്പോ​ലെ താൻ ചിറകു വിരിച്ചു അവനെ എടുത്തു തന്റെ ചിറകി​ന്മേൽ അവനെ വഹിച്ചു. യഹോവ തനിയേ [യാക്കോ​ബി​നെ] നടത്തി.” (ആവർത്ത​ന​പു​സ്‌തകം 32:9, 11, 12) കുഞ്ഞു​ങ്ങളെ പറക്കാൻ പഠിപ്പി​ക്കു​ന്ന​തിന്‌ തള്ളക്കഴു​കൻ ‘കൂട്‌ അനക്കു’ന്നു. ചിറകു വിരിച്ചു നിൽക്കു​ക​യും ചിറകി​ട്ട​ടി​ക്കു​ക​യും ചെയ്‌തു​കൊണ്ട്‌ അവൾ അവയെ പറക്കാൻ പ്രേരി​പ്പി​ക്കു​ന്നു. സാധാരണ ഗതിയിൽ കിഴു​ക്കാം തൂക്കായ ഒരു പാറയു​ടെ മുകളി​ലുള്ള കൂട്ടിൽനിന്ന്‌ ഒടുവിൽ കുഞ്ഞ്‌ താഴേക്കു ചാടു​മ്പോൾ, തള്ളപ്പക്ഷി അവയ്‌ക്കു ‘മീതെ പറക്കുന്നു.’ കുഞ്ഞ്‌ നിലത്തു പതിക്കു​മെന്നു തോന്നി​യാൽ, തള്ള താഴേക്കു പറന്നു​ചെന്ന്‌ അതിനെ “തന്റെ ചിറകി​ന്മേൽ” വഹിക്കും. യഹോവ തന്റെ നവജാത ഇസ്രാ​യേൽ ജനതയെ സമാന​മായ ഒരു വിധത്തിൽ പരിപാ​ലി​ച്ചു. അവൻ ആ ജനത്തിനു മോ​ശൈക ന്യായ​പ്ര​മാ​ണം നൽകി. (സങ്കീർത്തനം 78:5-8) തന്റെ ജനം ആപത്തിൽ അകപ്പെ​ടു​ന്ന​പക്ഷം, അവരുടെ രക്ഷയ്‌ക്ക്‌ എത്താൻ അവൻ സശ്രദ്ധം അവരെ കാവൽ ചെയ്‌തു.

ആത്മീയ​ര​ത്‌ന​ങ്ങൾ

w04 9/15 27 ¶11

ആവർത്ത​ന​പു​സ്‌ത​ക​ത്തിൽനി​ന്നുള്ള വിശേ​ഷാ​ശ​യ​ങ്ങൾ

31:12. സഭാ​യോ​ഗ​ങ്ങ​ളിൽ കുട്ടികൾ മുതിർന്ന​വ​രോ​ടൊ​പ്പം ഇരിക്കു​ക​യും കാര്യങ്ങൾ ശ്രദ്ധി​ച്ചു​കേട്ട്‌ പഠിക്കു​ക​യും വേണം.