മെഗി​ദ്ദോ പ്രവച​ന​പ​ര​മായ അർത്ഥ​ത്തോ​ടു​കൂ​ടിയ പുരാതന രണാങ്കണം

“അങ്ങനെ, യഹോവ നിന്റെ എല്ലാ ശത്രു​ക്ക​ളും നശിക്കട്ടെ.” 32 നൂററാ​ണ്ടു​കൾക്കു മുമ്പു കൂട്ടി​ച്ചേർത്ത ഒരു വിജയ ഗീതം ഉപസം​ഹ​രി​പ്പി​ക്കു​ന്നതു അപ്രകാ​ര​മാണ്‌. പുരാതന നഗരമായ മെഗി​ദ്ദോ​യ്‌ക്ക​ടുത്ത്‌ ഒരു സൈനിക വിജയമ ആഘോ​ഷി​ക്ക​യാ​യി​രു​ന്നു.

ബൈബിൾ വിവര​ണ​മ​നു​സ​രിച്ച്‌, ദൈവം യിസ്രാ​യേ​ലി​ലെ ന്യായാ​ധി​പ​നാ​യി​രു​ന്നു ബാരാ​ക്കി​നോട്‌ താബോർ പർവ്വത​ത്തിൽ 10,000 ആയുധ​ധാ​രി​ക​ളായ പുരു​ഷൻമാ​രെ ഇറക്കു​വാൻ കൽപ്പിച്ചു. പ്രതീതി ഉളവാ​ക്കുന്ന ഒരു സംഖ്യ? ഒരുപക്ഷേ. എന്നാൽ ആ 10,000 സ്വമേ​ധയാ പ്രവർത്തകർ വിപൽക്ക​ര​മാ​യി ഒരുക്ക​മി​ല്ലാ​ത്ത​വ​രാ​യി​രു​ന്നു. “പരിച​യോ കുന്തമോ ഒന്നും കണ്ടില്ല.” (ന്യായാ​ധി​പൻമാർ 5:8) എന്നിലു​ന്നാ​ലും ശത്രു​ക്കളെ സംബന്ധിച്ച്‌ അങ്ങനെ​യാ​യി​രു​ന്നില്ല. ജനറൽ സീസര നയിച്ചി​രുന്ന കനാന്യ സൈന്യം ഏററവും ആധുനി​ക​മായ സൈനിക സാങ്കേ​തിക ജ്ഞാനത്താൽ ഒരുക്ക​പ്പെ​ട്ട​വ​രാ​യി​രു​ന്നു: “ചക്രത്തിൽ ഇരുമ്പു​കൊ​ണ്ടുള്ള അരിവാൾ ഘടിപ്പിച്ച തൊള്ളാ​യി​രം രഥങ്ങൾ.” (ന്യായാ​ധി​പൻമാർ 4:3) ഇത്‌ കനാന്യർക്ക്‌ വാളിനു വേഗത​യും യുദ്ധത​ന്ത്ര​വും ഒരു വിപു​ല​മായ മനശാ​സ്‌ത്ര​പ​ര​മായ പ്രയോ​ജ​ന​വും നല്‌കി.

എന്നിരു​ന്നാ​ലും വിജയം സൈനിക ശക്തിയു​ടെ​യും ഉപകര​ണ​ങ്ങ​ളു​ടെ​യും ഫലമാ​യി​രു​ന്നില്ല. സീസരാ​യു​ടെ അത്യന്തം ശ്രേഷ്‌ഠ​രായ പടയാ​ളി​കൾ കുത്തി​യൊ​ഴു​കു​ന്ന​തും അപ്പോൾ ഉണങ്ങി​കി​ട​ന്നി​രു​ന്ന​തു​മായ കീശോൻ താഴ്‌വ​ര​യില കുരു​ക്ക​പ്പെ​ട്ടി​രു​ന്നു. യഹോവ ബാരാ​ക്കിന്‌ പിന്തു​ട​രു​ന്ന​തി​നുള്ള അടയാളം നൽകി. 10,000 പുരു​ഷൻമാർ മലയിൽ നിന്നു താഴോട്ട്‌ പരന്ന താഴ്‌വ​ര​യി​ലേക്ക്‌ ഇരച്ചി​റ​ങ്ങു​ന്നതു കേവലം സങ്കൽപ്പി​ക്കുക! എന്നാൽ അപ്പോൾ, അവിചാ​രി​ത​മാ​യി യഹോവ ഒരു ഘോര​മായ മഴ ചെയ്യാൻ ഇടയാക്കി. കാററും മഴയും ശത്രു​ക്ക​ളു​ടെ മുഖത്ത്‌ ആഞ്ഞടിച്ചു. കീശോൻ നദീത​ട​ത്തിൽ വെള്ളം ഇരമ്പി കുത്തി​യൊ​ഴു​കി. സീസര​യു​ടെ യുദ്ധര​ഥങ്ങൾ ഒരു ചെളി​ക്ക​ടി​യിൽ അനങ്ങാൻ പററാ​താ​ക്കി​ക​ളഞ്ഞു. കുഴഞ്ഞു​പോയ സീസര​യു​ടെ സൈന്യം പിൻതു​ടർന്നു വധിക്ക​പ്പെ​ടാൻ മാത്രം ഭയവി​ഹ്വ​ല​രാ​യി നാലു​പാ​ടും ഓടി. “ഒരുത്തൻപോ​ലും ശേഷി​ച്ചില്ല.”—ന്യായാ​ധി​പൻമാർ 4, 5 അദ്ധ്യാ​യങ്ങൾ.

ഈ ഊററ​മായ വിജയം “യഹോവേ, നിന്റെ ശത്രു​ക്ക​ളെ​ല്ലാം അങ്ങനെ നശിക്കട്ടെ, നിന്നെ സ്‌നേ​ഹി​ക്കു​ന്ന​വ​രോ സൂര്യൻ പ്രതാ​പ​ത്തോ​ടെ ഉദിക്കു​ന്ന​തു​പോ​ലെ​യും ആയിത്തീ​രട്ടെ,” (ന്യായാ​ധി​പൻമാർ 5:13) എന്ന വാക്കുകൾ നിശ്വ​സി​ക്കാൻ ഇടയാ​ക്കി​യ​തിൽ അതിശ​യ​മില്ല. എന്നിരു​ന്നാ​ലും “അങ്ങനെ” എന്ന വാക്കു ശ്രദ്ധി​ക്കുക. അതു ആ യുദ്ധം ദൈവ​ത്തി​ന്റെ എല്ലാ ശത്രു​ക്ക​ളും നശിപ്പി​ക്ക​പ്പെ​ടുന്ന ഒരു വലിയ യുദ്ധത്തെ മുന്നോട്ട്‌ ചൂണ്ടുന്ന പ്രവാ​ച​ക​പ​ര​മാ​യ​താ​യി​രു​ന്നു എന്ന്‌ ചൂണ്ടി​ക്കാ​ണി​ച്ചു.

എന്നിരു​ന്നാ​ലും, യിസ്രാ​യേ​ലി​നു ചുററു​മു​ണ്ടാ​യി​രുന്ന ശത്രു ജനങ്ങൾ അപകട​ക​ര​മായ സംഘട്ട​നത്തെ പെട്ടെന്നു മറന്നു​ക​ളഞ്ഞു. 47 വർഷങ്ങൾ മാത്രം കഴിഞ്ഞ്‌ മിദ്യാ​ന്യ​രു​ടെ നേതൃ​ത്വ​ത്തിൻ കീഴിൽ രാഷ്‌ട്ര​ങ്ങ​ളു​ടെ ഒരു സങ്കരം മെഗി​ദ്ദോ​യിൽ നിന്നു വ്യാപി​ച്ചു​കി​ട​ക്കുന്ന താഴ്‌വ​ര​യായ “ജിസ്രാ​യേൽ സമതല​ത്തിൽ ഒരുമി​ച്ചു കൂടാൻ തുടങ്ങു​ക​യും . . . പാളയ​മ​ടി​ക്ക​യും ചെയ്‌തു.” (ന്യായാ​ധി​പൻമാർ 6:33) പാളയ​മ​ടി​ച്ചു കിടന്നി​രുന്ന ശത്രുക്കൾ “വെട്ടു​ക്കി​ളി​ക​ളെ​പ്പോ​ലെ അനേകർ” ആയിരു​ന്നു. എന്നിരു​ന്നാ​ലും ഈ പ്രാവ​ശ്യം ഗിദ​യോ​ന്റെ നേതൃ​ത്വ​ത്തിൻ കീഴിൽ” പാളയ​ത്തി​നു ചുററി​ലു​മെ​ല്ലാ​മാ​യി” നിന്നി​രുന്ന യിസ്രാ​യേൽ സൈന്യം ഒരു ചെറു സംഘം മാത്രം, എന്നാൽ ധൈര്യ​ശാ​ലി​ക​ളു​മായ 300 പുരു​ഷൻമാർ അടങ്ങു​ന്ന​താ​യി​രു​ന്നു. ഒരു അടയാളം കാണി​ച്ച​പ്പോൾ ആ 300 പേർ കൊമ്പു​കൾ ഊതു​ക​യും ഉച്ചത്തിൽ കുടങ്ങൾ ഉടയ്‌ക്കു​ക​യും പന്തങ്ങൾ വീശു​ക​യും അപ്രകാ​രം ഒരു ഭീകര പടഹധ്വ​നി മുഴക്കു​ക​യും ചെയ്‌തു: “യഹോ​വ​യു​ടെ​യും ഗിദെ​യോ​ന്റെ​യും വാൾ!” മിദ്യാ​ന്യർ സംഭ്രാ​ന്ത​രാ​ക​യും ചെയ്‌തു! “യഹോവ ഓരോ​രു​ത്ത​ന്റെ​യും വാൾ അടുത്തു​ള്ള​വന്റെ നേരെ തിരി​പ്പി​ച്ചു,” ഗിദെ​യോ​ന്റെ ചെറിയ സംഘം നശിപ്പി​ക്കൽ പൂർത്തി​യാ​ക്ക​യും ചെയ്‌തു!”—ന്യായാ​ധി​പൻമാർ അദ്ധ്യായം 7.

ഇന്നു നാം മിദ്യാ​ന്യ​രു​ടെ തെററു വരുത്താൻ തുനി​യു​ക​യോ മെഗി​ദ്ദോ​യി​ലെ സംഭവങ്ങൾ അവഗണി​ക്ക​യോ ചെയ്യരുത്‌. ഈ പുരാതന യുദ്ധസ്ഥാ​നത്തെ കുറിച്ച്‌ ബൈബിൾ ഏകദേശം 12 പ്രാവ​ശ്യം സംസാ​രി​ക്കു​ന്നു. അതു കൂടാതെ, മെഗി​ദ്ദോ​യിൽ സംഭവിച്ച കാര്യ​ങ്ങൾക്ക്‌ നമ്മുടെ നാളി​ലേക്ക്‌ ഗൗരവ​പൂർവ്വ​ക​മായ അർത്ഥങ്ങൾ ഉണ്ടെന്ന്‌ ബൈബിൾ പ്രവചനം സൂചി​പ്പി​ക്കു​ന്നു. അതു​കൊ​ണ്ടു നമുക്ക്‌ ബൈബി​ളും പുരാ​വ​സ്‌തു വിജ്ഞാ​ന​വും ഈ ചരി​ത്ര​പ്ര​ധാ​ന​മായ സ്ഥലത്തെ സംബന്ധി​ച്ചു പറയു​ന്നത്‌ എന്തെന്നു നോക്കാം.

പുരാതന ലോകത്തെ ബന്ധിപ്പി​ക്കുന്ന റോഡു​കൾ

ഹാസാർ, ഗേസെർ എന്നീ നഗരങ്ങ​ളോ​ടൊത്ത്‌ മെഗി​ദ്ദോ​യും ഏഷ്യ​യെ​യും ആഫ്രി​ക്ക​യെ​യും തമ്മിൽ ബന്ധിപ്പി​ക്കുന്ന പ്രമുഖ സൈനിക വ്യാപാര വഴിക​ളാൽ ഒരിക്കൽ മുന്തി നിന്നി​രു​ന്നു. മെഗി​ദ്ദോ മററു രണ്ടു പട്ടണങ്ങ​ളു​ടെ​യും ഇടയിൽ സ്ഥിതി​ചെ​യ്‌തി​രു​ന്ന​തു​കൊണ്ട്‌ ഏററവും സമര തന്ത്ര പ്രധാ​ന​മാ​യ​താ​യി​രു​ന്നു അത്‌. എല്ലാ ദിശക​ളിൽ നിന്നും പ്രകൃ​ത്യാ​യുള്ള പടിവാ​തി​ലു​ക​ളും മലമ്പാ​ത​ക​ളും റോഡു​ക​ളും അവളുടെ താഴ്‌വര പ്രദേ​ശത്ത്‌ ഏകത്ര കേന്ദ്രീ​ക​രി​ച്ചി​രു​ന്നു. ബൈബി​ന്റെ ഭൂമി​ശാ​സ്‌ത്രം, “മെഗി​ദ്ദോ പുരാതന ലോകത്തെ ബന്ധിപ്പി​ക്കുന്ന ഒരു സംഗമ സ്ഥാനത്ത്‌, യഥാർത്ഥ​ത്തിൽ വലിയ സംഗമ സ്ഥാനങ്ങ​ളിൽ ഒന്നിൽ സ്ഥിതി​ചെ​യ്‌തി​രു​ന്നു” എന്ന്‌ വിശദീ​ക​രി​ക്കു​ന്നു.

മെഗി​ദ്ദോ കാർമേൽ പർവ്വത​നി​ര​യു​ടെ വടക്കു കിഴക്കെ വശത്ത്‌ ഏകദേശം 32 കി.മീ. വ്യാപി​ച്ചു ഒരു വിസ്‌തൃത താഴ്‌വര പ്രദേ​ശത്തെ അധീന​പ്പെ​ടു​ത്തി​യി​രു​ന്നു. മഴയുള്ള ശീതകാ​ലത്ത്‌ ചുററു​മുള്ള മലകളിൽ നിന്ന്‌ കീഴോട്ട്‌ ഒഴുകി​വ​രുന്ന വെള്ളം സമീപ​ത്തുള്ള കീശോൻ നദി കവിയു​ന്ന​തി​നി​ട​യാ​ക്കി​യി​രു​ന്നു. അപ്രകാ​രം ആ പ്രദേശം “കീശോ​ന്റെ കുത്തി​യൊ​ഴു​ക്കുള്ള താഴ്‌വര” എന്നും വിളി​ക്ക​പ്പെ​ട്ടി​രു​ന്നു. (ന്യായാ​ധി​പൻമാർ 4:13) യിസ്രാ​യേ​ലി​ന്റെ ഭൂമി​ശാ​സ്‌ത്രം എന്ന പുസ്‌തകം ഇപ്രകാ​രം പറയുന്നു: “ശീതകാല മഴക്കൊണ്ട്‌” താഴ്‌വ​ര​യി​ലെ മണ്ണ്‌ “ആഴമുള്ള ചെളി​യാ​യി മാറാൻ വിധേ​യ​മാണ്‌. . . . [കീ]ശോന്റെ ചെരിവ്‌ വളരെ ചെറിയ തോതി​ലു​ള്ള​തും നിർഗമന മാർഗ്ഗങ്ങൾ അവിടെ വളരെ കുറവു​മാണ്‌. . . . എളുപ്പ​ത്തിൽ കെട്ടി​ക്കി​ട​ക്കു​ന്നു; അങ്ങനെ ഇവിടെ ചതുപ്പു​നി​ലങ്ങൾ വ്യാപി​ച്ചു. ഈ സമതല​ത്തി​നു കേവലം എത്രമാ​ത്രം ചെളി​നി​റ​ഞ്ഞ​താ​കാൻ കഴിയു​മെന്ന്‌ സീസര​യും അയാളു​ടെ സൈന്യ​ങ്ങ​ളും കണ്ടു. എന്നിരു​ന്നാ​ലും, വരണ്ട വേനൽക്കാ​ലത്ത്‌ ഈ തുറന്ന സമതലം രഥങ്ങളെ യുദ്ധത്തി​നു പരിശീ​ലി​പ്പി​ക്കാൻ ഉത്തമ സ്ഥലമാ​യി​രു​ന്നു. (ഉത്തമഗീ​തം 6:11, 12 താരത​മ്യ​പ്പെ​ടു​ത്തുക) പട്ടാള​ക്കൂ​ട്ട​ങ്ങൾക്കും അവിടെ സൗകര്യ​പ്ര​ദ​മാ​യി സമ്മേളി​ക്കാൻ കഴിഞ്ഞി​രു​ന്നു.

അപ്പോൾ, ശലോ​മോൻ രാജാവ്‌ മെഗി​ദ്ദോ​യെ കോട്ട കെട്ടി അടക്കൽ നടപടി സ്വീക​രി​ച്ച​തിൽ അതിശ​യി​ക്കാ​നില്ല: “ശലോ​മോൻ രാജാവ്‌ . . . യെരൂ​ശ​ലേ​മി​ന്റെ മതിൽ, ഹാസോർ, മെഗി​ദ്ദോ, ഗേസെർ എന്നിവ പണിയാൻ നിർബ്ബ​ന്ധ​മാ​യി ആളുകളെ ചേർത്ത വിവരം ഇതാണ്‌.” (1 രാജാ​ക്കൻമാർ 9:15) ഒരു 70 അടി (12 മീ.) ഉയരമുള്ള കുന്ന്‌ ഒരു വിശാ​ല​മായ തുറന്ന താഴ്‌വ​ര​യിൽ ഉയർന്നു നിന്നു​കൊണ്ട്‌ മെഗി​ദ്ദോ ഒരിക്കൽ നിന്നി​രുന്ന സ്ഥാനം അടയാ​ള​പ്പെ​ടു​ത്തു​ന്നു. പുരാതന കാലങ്ങ​ളിൽ സാധാ​ര​ണ​യാ​യി പുതിയ കെട്ടി​ടങ്ങൾ പഴയവ​യു​ടെ നഷ്ടാവ​ശി​ഷ്ട​ങ്ങ​ളു​ടെ മുകളി​ലാ​യി​രു​ന്നു പണിതി​രു​ന്നത്‌. അതു​കൊണ്ട്‌ ഓരോ ലവലി​ലു​മുള്ള പണികള ചരി​ത്ര​ത്തി​ലെ ഓരോ പ്രത്യേക കാലത്തെ അടയാ​ള​പ്പെ​ടു​ത്തു​ന്നു. പുരാ​വ​സ്‌തു ഗവേഷകൻ, മുകൾ പരപ്പിൽ തുടങ്ങി താഴോട്ട്‌ ചരി​ത്ര​ത്തി​ന്റെ ഓരോ പാളികൾ കുഴി​ച്ചു​പോ​കു​ന്നു. മെഗി​ദ്ദോ​യിൽ, കുറഞ്ഞത്‌, അത്തരം 20 പാളികൾ കണ്ടു പിടി​ക്ക​പ്പെട്ടു. അതു, നഗരം അനേക പ്രാവ​ശ്യം പുനർനിർമ്മി​ച്ചു എന്ന്‌ സൂചി​പ്പി​ക്കു​ന്നു. ഈ ക്ഷമാശീ​ല​രായ ഗവേഷ​കരെ ബൈബിൾ എങ്ങനെ സഹായി​ച്ചി​രു​ന്നു?

നഗര പടിവാ​തി​ലു​ക​ളു​ടെ പണി നിസം​ശ​യ​മാ​യും മെഗി​ദ്ദോ, ഹാസോർ, ഗേസെർ എന്നിവക്കു ചുററും ശലോ​മോൻ കോട്ട​കെ​ട്ടിയ പദ്ധതി​യു​ടെ സുപ്ര​ധാ​ന​ഭാ​ഗ​മാ​യി​രു​ന്നു. കുറച്ചു​കാ​ലം മുമ്പ്‌ മെഗി​ദ്ദോ​യിൽ അത്തരം പടിവാ​തി​ലു​കൾ കണ്ടുപി​ടി​ക്ക​പ്പെട്ടു. അധികം താമസി​യാ​തെ ഹാസോ​റിൽ സമാന രീതി​യി​ലുള്ള പടിവാ​തി​ലു​കൾ കണ്ടുപി​ടി​ച്ചു. അതു​കൊണ്ട്‌ ബൈബി​ളിൽ നിന്നുള്ള ഒരു സൂചന​യ​നു​സ​രിച്ച്‌ പുരാ​വ​സ്‌തു ഗവേഷകർ ഗേസെ​രി​ലും അന്വേ​ഷണം ആരംഭി​ച്ചു. അവിചാ​രി​ത​മാ​യി​ട്ടല്ല, അവി​ടെ​യും അതേതരം പടിവാ​തി​ലു​കൾ കണ്ടുപി​ടി​ക്ക​പ്പെട്ടു. ബൈബിൾ വിദ്യാർത്ഥി​കൾക്ക്‌ ഇതിൽ എന്തു പ്രത്യേ​ക​ത​യാ​ണു​ള്ളത്‌? ഒരു സുപ്ര​സിദ്ധ പുരാ​വ​സ്‌തു ഗവേഷ​ക​നായ പ്രൊ​ഫസ്സർ യോഹാ​നാൻ അഹറോ​നി ഇപ്രകാ​രം പ്രസ്‌താ​വി​ക്കു​ന്നു:

“ഗവേഷ​ണങ്ങൾ നടത്തപ്പെട്ട മൂന്നു സ്ഥലങ്ങളിൽ ക്രി. മു. പത്താം നൂററാ​ണ്ടിൽ നിന്നുള്ള എക്കൽപാ​റ​യു​ടെ പാളി​യിൽ സമാന​രൂ​പ​ത്തി​ലുള്ള പടിവാ​തി​ലു​കൾ കണ്ടുപി​ടി​ക്ക​പ്പെട്ടു. . . . മൂന്നു കാവൽ മുറി​ക​ളോ​ടും കയറി​പോ​തു​ന്ന​തി​നുള്ള വഴിയു​ടെ ഓരോ വശത്തും നാലു സെററു തൂണു​ക​ളോ​ടും കൂടിയ ഈ ഇനം പടിവാ​തി​ലു​കൾ മററു രണ്ടു സ്ഥലങ്ങളി​ലും കൂടിയേ കണ്ടുപി​ടി​ക്ക​പ്പെ​ട്ടി​ട്ടു​ള്ളു. . . . അതു​കൊണ്ട്‌, മൂന്നു മുറി​ക​ളോ​ടു​കൂ​ടിയ, ഹാസോർ, മെഗി​ദ്ദോ, ഗേസെർ എന്നിവി​ട​ങ്ങ​ളി​ലെ പടിവാ​തി​ലു​കൾ ശലോ​മോൻ രാജാ​വി​ന്റെ ഭരണ കാല​ത്തേ​താ​ണെ​ന്നു​ള്ള​തി​നു പണ്ഡിതൻമാ​രു​ടെ​യി​ട​യിൽ പൂർണ്ണ യോജി​പ്പുണ്ട്‌.”

അതു​പോ​ലെ, ഡോ. യീഗാ​യേൽ യാദിൻ ഇപ്രകാ​രം നിഗമനം ചെയ്യുന്നു: “ശലോ​മോ​ന്റെ ഹാസോർ, മെഗി​ദ്ദോ, ഗേസെർ എന്നിവി​ട​ങ്ങ​ളി​ലെ കോട്ട​ക​ളു​ടെ കണ്ടുപി​ടു​ത്തം പുരാ​വ​സ്‌തു ഗവേഷ​കർക്ക്‌ ബൈബിൾ എത്ര പ്രധാ​ന​വും പ്രാ​യോ​ഗി​ക​വു​മായ വഴികാ​ട്ടി​യാ​ണെ​ന്നു​ള്ള​തി​ന്റെ ഒരു പ്രബോ​ധ​ന​പ​ര​മായ ദൃഷ്ടാ​ന്ത​മാണ്‌.

ഒരു നിർണ്ണാ​യക രണഭൂമി

മെഗി​ദ്ദോ​യു​ടെ സമരത​ന്ത്ര​പ്ര​ധാ​ന​മായ സ്ഥാനത്തി​ന്റെ വീക്ഷണ​ത്തിൽ ചരി​ത്ര​ത്തി​ന്റെ പ്രാരം​ഭ​ഘ​ട്ട​ത്തിൽ തന്നെ അതു ഒരു പോർക്ക​ള​മെന്ന ആശയ​ത്തോട്‌ ബന്ധപ്പെട്ടു എന്നതു പൂർണ്ണ​മാ​യും മനസ്സി​ലാ​ക്കാ​വു​ന്ന​താണ്‌. “മെഗി​ദ്ദോ” എന്നവാ​ക്കി​ന്റെ പുരാതന എബ്രായ പദത്തിന്റെ യഥാർത്ഥ അർത്ഥം “പതിവാ​യി സന്ധിക്കുന്ന സ്ഥലം, അല്ലെങ്കിൽ സൈനി​ക​രു​ടെ സമ്മേളനം” എന്നാ​ണെന്നു പറയ​പ്പെ​ടു​ന്നു. പ്രൊ​ഫസർ അഹറോ​നി ഇപ്രകാ​രം എഴുതി:

“ക്രി. മു. 15-ാം നൂററാ​ണ്ടു​വരെ ചരിത്ര ഉറവു​ക​ളിൽ പരാമർശി​ക്ക​പ്പെ​ട്ടി​രു​ന്നി​ല്ലെ​ങ്കി​ലും മെഗി​ദ്ദോ വളരെ പ്രാധാ​ന്യ​മുള്ള ഒരു കോട്ട​കെ​ട്ടിയ പട്ടണമാ​യി​രു​ന്നു. ആ കാലത്ത്‌ തുട്ട്‌മോസ്‌ III-ന്റെ എഴുത്തു​ക​ളിൽ അതു പ്രത്യ​ക്ഷ​പ്പെ​ടു​ന്നു. ഈ ഫറവോ​യു​ടെ ചരിത്ര ആഖ്യാ​ന​ത്തിൽ മത്സര കനാന്യ നഗരങ്ങ​ളു​ടെ ഒരു കൂട്ടു​കെട്ട്‌ മെഗി​ദ്ദോ നയിച്ചു എന്ന്‌ രേഖ​പ്പെ​ടു​ത്തു​ന്നു. . . . ഈജി​പ്‌ഷ്യൻ സൈന്യ​വും കനാന്യ രഥങ്ങളും ഈ മത്സരത്തി​ലെ നിർണ്ണാ​യക യുദ്ധം നടത്തി . . . മെഗി​ദ്ദോ​യ്‌ക്ക്‌ അടുത്ത്‌ വിശദാം​ശങ്ങൾ സൂക്ഷി​ക്ക​പ്പെ​ട്ടി​ട്ടുള്ള ഏററവും പുരാ​ത​ന​മായ സൈനിക ഇടപെ​ട​ലാണ്‌ ഇത്‌. കനാന്യ സൈന്യ​ത്തെ പൂർണ്ണ​മാ​യി തോല്‌പി​ച്ച​ശേഷം ഫറവോ 924 രഥങ്ങൾ ഉൾപ്പെടെ ഒരു സമർദ്ധ​മായ കൊള്ള പിടി​ച്ചെ​ടു​ത്തു!”

ദി ന്യൂ യിസ്രാ​യേൽ അററല​സ്സി​ന്റെ എഴുത്തു​കാ​ര​നായ ഡോ. സേവ്‌വിൽനേ ഈ താഴ്‌വ​രയെ സംബന്ധിച്ച്‌ കൂടു​ത​ലാ​യി “ചരി​ത്ര​ത്തി​ന്റെ ഉദയം മുതൽ 1-ാം ലോക​മ​ഹാ​യു​ദ്ധം വരെ പ്രസിദ്ധ യുദ്ധങ്ങ​ളു​ടെ രംഗം” എന്നു വർണ്ണി​ക്കു​ന്നു.

മെഗി​ദ്ദോ—അന്ത്യയു​ദ്ധ​ത്തി​ന്റെ സ്ഥാനം?

ബൈബി​ളി​ന്റെ അവസാ​നത്തെ പുസ്‌ത​ക​മായ വെളി​പ്പാ​ടില “മുഴു നിവസി​ത​ഭൂ​മി​യി​ലെ​യും രാജാ​ക്കൻമാർ” “ഹാർ—മഗെ​ദ്ദോൻ” [“മെഗി​ദ്ദോ പർവ്വതം”] അഥവാ അർമ്മ​ഗെ​ദ്ദോ​നിൽ “സർവ്വശ​ക്ത​നായ ദൈവ​ത്തി​ന്റെ മഹാദി​വ​സ​ത്തി​ലെ യുദ്ധത്തി​നു കൂട്ടി​ച്ചേർക്ക​പ്പെ​ടു​ന്ന​താ​യുള്ള ഒരു ദർശനം രേഖ​പ്പെ​ടു​ത്തു​ന്നു. (വെളി​പ്പാട്‌ 16:14, 16) പേരു​ക​ളി​ലുള്ള സാമ്യം നിമിത്തം ചിലർ ഈ യുദ്ധം അക്ഷരീയ മെഗി​ദ്ദോ​യു​ടെ സ്ഥാനത്ത്‌ സംഭവി​ക്കു​മെന്ന്‌ നിഗമനം ചെയ്‌തി​രി​ക്കു​ന്നു. എന്നിരു​ന്നാ​ലും മെഗി​ദ്ദോ കുന്ന്‌ ഒരു “പർവ്വതം” എന്ന പേരിനു യോഗ്യ​മല്ല. ഇതും കൂടെ പരിഗ​ണി​ക്കുക: മെഗി​ദ്ദോ​യു​ടെ താഴ്‌വര മുഴു​ഭൂ​മി​യി​ലേ​യും ഭരണകർത്താ​ക്കൻമാ​രെ അവരുടെ വമ്പിച്ച സൈന്യ​ങ്ങ​ളോ​ടും വിപു​ല​മായ യുദ്ധോ​പ​ക​ര​ണ​ങ്ങ​ളോ​ടും കൂടെ നിർത്താൻ തക്കവണ്ണം ആവശ്യ​ത്തി​നു വലുതാ​ണോ? “ഇതു ദാർശ​നിക ഭാഷയാണ്‌,” ദി ഇൻറർനാ​ഷനൽ ബൈബിൾ സ്‌ററൻഡാർഡ്‌ എൻ​സൈ​ക്ലോ​പി​ഡീയ നമ്മോട്‌ പറയുന്നു, “അർമ്മ​ഗെ​ദ്ദോൻ എന്നത്‌ ഒരു പ്രത്യേക പ്രദേ​ശ​ത്തി​ന്റെ പേരാ​യി​ട്ടല്ല എന്നാൽ അന്തിമ നിർണ്ണാ​യക പോരാ​ട്ട​ത്തി​നു​വേ​ണ്ടി​യുള്ള ഒരു പ്രതി​മാ​തൃ​കാ​പ​ര​മായ പദം എന്ന നിലയിൽ ഉപയോ​ഗി​ക്കു​ന്നു.”

അപ്പോൾ, “ഹാർ—മഗെ​ദ്ദോൻ” എന്താണ്‌? അതു പ്രത്യ​ക്ഷ​ത്തിൽ പ്രതീ​കാ​ത്മ​ക​മാണ്‌. നിർണ്ണാ​യക യുദ്ധങ്ങ​ളു​ടെ സ്ഥാനം എന്ന നിലയിൽ മെഗി​ദ്ദോ​യു​ടെ ചരി​ത്ര​ത്തി​ലേക്ക്‌ ശ്രദ്ധതി​രി​ച്ചു​കൊണ്ട്‌ “സകല രാഷ്‌ട്ര​ങ്ങ​ളും” ദൈവ​ജ​ന​ങ്ങൾക്കു നേരെ​യുള്ള വിദ്വേ​ഷ​ത്തി​ന്റെ പരമകാ​ഷ്‌ഠ​യി​ലെ​ത്തുന്ന അവസ്ഥയെ ചിത്രീ​ക​രി​ക്കാൻ വെളി​പ്പാട്‌ അതിനെ ഉപയോ​ഗി​ക്കു​ന്നു. (മത്തായി 24:9, 14) സത്യ​ക്രി​സ്‌ത്യാ​നി​കൾ ദൈവ​രാ​ജ്യ​ത്തെ പിന്താ​ങ്ങു​ന്ന​തിൽ വിശ്വ​സ്‌ത​രാ​യി തുടരു​ന്ന​തു​കൊണ്ട്‌ ഭൂമി​യി​ലെ ഭരണാ​ധി​പൻമാർ അവരെ നശിപ്പി​ക്കാൻ ഒന്നിക്കു​ക​യും ഫലത്തിൽ “സമ്മേളി​ക്ക​യും” ചെയ്യുന്നു. എന്നിരു​ന്നാ​ലും യഹോ​വ​യു​ടെ സാക്ഷികൾ പ്രതി​കാ​രം ചെയ്യു​ക​യില്ല. (യെശയ്യാവ്‌ 2:1-4) ദൈവം അവർക്കു​വേണ്ടി പോരാ​ടു​ന്ന​തി​നു അവരുടെ രാജാ​വി​നെ, കർത്താ​വായ യേശു​ക്രി​സ്‌തു​വി​നെ നിയമി​ച്ചി​രി​ക്കു​ന്നു. നിർണ്ണാ​യക നിമി​ഷ​ത്തിൽ, ഈ സ്വർഗ്ഗീയ രാജാവ്‌ “സ്വർഗ്ഗ​ത്തി​ലെ സൈന്യ​ങ്ങ​ളോട്‌” . . . കൂടെ ഇടപെ​ടു​ക​യും “ഭൂമി​യി​ലെ രാജാ​ക്കൻമാ​രെ​യും” അവരുടെ സൈന്യ​ങ്ങ​ളെ​യും ആക്രമി​ക്ക​യും ചെയ്യും. ഈ ആഗോ​ള​യു​ദ്ധം മെഗി​ദ്ദോ​യിൽ നടത്ത​പ്പെ​ട്ട​വ​പോ​ലെ തന്നെ നിർണ്ണാ​യ​ക​മാ​യി​രി​ക്കും. ദബോ​ര​യു​ടെ​യും ബാരാ​ക്കി​ന്റെ​യും വിജയ​ഗീ​തം പ്രവചി​ച്ച​തു​പോ​ലെ​തന്നെ ഭൂമി​യി​ലെ സകലശ​ത്രു​ക്ക​ളും “നശിക്കും.”—വെളി​പ്പാട്‌ 19:11-21: ന്യായാ​ധി​പൻമാർ 5:31.

നിങ്ങൾ യഹോ​വ​യു​ടെ സ്‌നേ​ഹി​ത​രോട്‌ ഒരുമി​ച്ചു കാണ​പ്പെ​ടു​മോ—അതോ അവന്റെ ശത്രു​ക്ക​ളു​ടെ കൂടെ​യോ? യഹോ​വ​യാം ദൈവ​ത്തോ​ടും അവന്റെ ജനത്തോ​ടും ഒരുമി​ച്ചു തങ്ങളുടെ നില സ്വീക​രി​ക്കാ​ത്തവർ ജീവൻ നഷ്ടപ്പെ​ടു​ത്തുന്ന യഥാർത്ഥ അപകട​ത്തി​ലാ​ണെന്നു ബൈബിൾ വ്യക്തമാ​ക്കു​ന്നു. (സെഫന്യാ​വു 2:3; 2 തെസ്സ​ലോ​നി​ക്യർ 1:7-9) തൽഫല​മാ​യി താമസം വരുത്താൻ സമയമില്ല! അർമ്മ​ഗെ​ദ്ദോ​നി​ലെ “മഹോ​പ​ദ്രവ”ത്തിന്റെ പരമകാ​ഷ്‌ഠയെ കൃത്യ​മാ​യി പരാമർശി​ച്ചു​കൊണ്ട്‌ മഹത്വീ​ക​രി​ക്ക​പ്പെട്ട യേശു​ക്രി​സ്‌തു, “നോക്കൂ! ഞാൻ ഒരു കള്ളനെ​പ്പോ​ലെ വരുന്നു”എന്നു മുന്നറി​യി​പ്പു നൽകുന്നു.—വെളി​പ്പാട്‌ 16:15; മത്തായി 24:21.

“സർവ്വശ​ക്ത​നായ ദൈവ​ത്തി​ന്റെ മഹാദി​വ​സ​ത്തി​ലെ യുദ്ധത്തി​നു” ഒരു മഹത്തായ അനന്തര​ഫ​ല​മു​ണ്ടാ​യി​രി​ക്കും. അതു ഈ ഭൂമിലെ ഒരു പരദീ​സ​യാ​ക്കി രൂപാ​ന്ത​ര​പ്പെ​ടു​ത്താ​നുള്ള ദൈവ​രാ​ജ്യ​ത്തി​നു വഴിതു​റ​ക്കും. (മത്തായി 6:9, 10; വെളി​പ്പാട്‌ 21:3-5) എന്നാൽ ഏററവും മെച്ചമാ​യി താഴെ പറയുന്ന പുരാതന പ്രവച​ന​ത്തി​ന്റെ മഹത്തായ ഒരു നിവൃ​ത്തി​യിൽ അഖിലാ​ണ്ഡ​ത്തി​ലെ ഏററവും വലിയ നാമത്തെ അതു സംസ്ഥാ​പി​ക്കും:

“മിദ്യാ​ന്യ​രോ​ടു ചെയ്‌ത​തു​പോ​ലെ അവരോ​ടു ചെയ്യേ​ണമേ, കീശോൻ തോടി​ന്റെ കുത്തി​യൊ​ഴു​കുന്ന താഴ്‌വ​ര​യിൽ വെച്ച്‌ സീസര​യോ​ടും യാബീ​നോ​ടും ചെയ്‌ത​തു​പോ​ലെ​തന്നേ. . . . നിന്റെ കൊടു​ങ്കാ​റ​റു​കൊണ്ട്‌ അവരെ പിന്തു​ട​രേ​ണമേ, നിന്റെ ചുഴലി​ക്കാ​റ​റു​കൊണ്ട്‌ അവരെ ഭ്രമി​പ്പി​ക്കേ​ണമേ. യഹോവേ ജനങ്ങൾ തിരു​നാ​മ​ത്തത്തെ അന്വേ​ഷി​ക്കേ​ണ്ട​തി​നു അവരുടെ മുഖങ്ങളെ അപമാ​നി​ക്കേ​ണമേ. അവർ എന്നേക്കും ലജ്ജിച്ചു ഭ്രമി​ക്ക​യും നാണിച്ചു നശിച്ചു​പോ​ക​യും ചെയ്യട്ടെ; അങ്ങനെ അവർ യഹോവ എന്നു നാമമുള്ള നീമാ​ത്രം സർവ്വഭൂ​മി​ക്കും മീതേ അത്യു​ന്നതൻ എന്നു അറിയട്ടെ.”—സങ്കീർത്തനം 83:9, 1-18. (w86 2/15)

[28-ാം പേജിലെ ഭൂപടങ്ങൾ]

(പൂർണ​രൂ​പ​ത്തിൽ കാണു​ന്ന​തിന്‌ പ്രസി​ദ്ധീ​ക​രണം നോക്കുക)

മെഗിദ്ദോ, ഏഷ്യ​യെ​യും ആഫ്രി​ക്ക​യെ​യും ബന്ധിച്ചി​രുന്ന പ്രമുഖ സൈനിക വ്യാപാര മാർഗ്ഗ​ങ്ങ​ളി​ലൊ​ന്നിൽ പ്രഭാ​വ​ത്തോ​ടെ വർത്തി​ച്ചി​രു​ന്നു

വ്യാപാരമാർഗ്ഗങ്ങൾ

ഹാസോർ

മെഗിദ്ദോ

ഗാസെർ

യരൂശലേം

[ഭൂപടം]

ആഫ്രിക്കാ

ഏഷ്യാ

[29-ാം പേജിലെ ചിത്രം]

മെഗിദ്ദോയിൽ നടത്തപ്പെട്ട യുദ്ധങ്ങ​ളെ​പ്പോ​ലെ തന്നെ ആഗോള യുദ്ധമായ അർമ്മ​ഗെ​ദ്ദോൻ നിർണ്ണാ​യ​ക​മാ​യി​രി​ക്കും. ദൈവ​ത്തി​ന്റെ എല്ലാ ഭൗമിക ശത്രു​ക്ക​ളും നശിപ്പി​ക്ക​പ്പെ​ടും