“ശാന്തഹൃദയം ശരീരത്തിനു ജീവൻ നല്‌കുന്നു.”—സദൃശവാക്യങ്ങൾ 14:30, ന്യൂ ഇൻഡ്യ ബൈബിൾ ഭാഷാന്തരം.

ശാന്തശീലരെയും മുൻകോപികളെയും താരതമ്യം ചെയ്‌തുകൊണ്ട്‌ ജേർണൽ ഓഫ്‌ ദി അമേരിക്കൻ കോളേജ്‌ ഓഫ്‌ കാർഡിയോളജി ഇപ്രകാരം പറയുകയുണ്ടായി: “സിഎച്ച്‌ഡി-ക്ക്‌ (കൊറോണറി ഹാർട്ട്‌ ഡിസീസ്‌) കോപശീലവും ശത്രുതാമനോഭാവവും ആയി ബന്ധമുണ്ട്‌ എന്നതിന്‌ പല തെളിവുകളും കണ്ടെത്തിയിട്ടുണ്ട്‌.” ജേർണൽ തുടരുന്നു: “സിഎച്ച്‌ഡി തടയാനും ചികിത്സിച്ചുഭേദമാക്കാനും വൈദ്യചികിത്സയും മരുന്നുകളും മാത്രം പോരാ. . . . കോപശീലവും ശത്രുതാമനോഭാവവും മാറ്റിയെടുക്കുക എന്ന ലക്ഷ്യത്തിലുള്ള മനശ്ശാസ്‌ത്രപരമായ ഒരു സമീപനംകൂടെ ആവശ്യമാണ്‌.” ചുരുക്കത്തിൽ, ബൈബിൾ പറയുന്നതുപോലെ ശാന്തഹൃദയം നല്ല ആരോഗ്യത്തിന്‌ അത്യന്താപേക്ഷിതമാണ്‌.