യഹോ​വ സ​മ​യ​ങ്ങ​ളു​ടെ​യും കാലങ്ങ​ളു​ടെ​യും ദൈവം

“എല്ലാറ​റി​നും ഒരു നിശ്ചിത സമയമുണ്ട്‌.”—സഭാ​പ്ര​സം​ഗി 3:1.

1, 2. (എ) മനുഷ്യർ ഏതു വിധങ്ങ​ളിൽ സമയ​ത്തെ​ക്കു​റി​ച്ചു ബോധ​മു​ള്ള​വ​രാണ്‌? (ബി) സമയം പറയു​ന്ന​തിന്‌ നമുക്ക്‌ മാർഗ്ഗ​മി​ല്ലാ​യി​രു​ന്നെ​ങ്കിൽ ജീവി​ത​ത്തിൽ അധിക​വും എങ്ങനെ​യാ​കു​മാ​യി​രു​ന്നു?

അനുദിന ജീവി​ത​ത്തിൽ നാം സമയ​ത്തെ​ക്കു​റി​ച്ചു തികച്ചും ബോധ​മു​ള്ള​വ​രാണ്‌. ദൃഷ്ടാ​ന്ത​മാ​യി, സായാ​ഹ്ന​മാ​യെന്ന്‌ ഒരു ക്ലോക്കു കാണി​ക്കു​മ്പോ​ഴും സൂര്യൻ അസ്‌ത​മി​ക്കു​ന്ന​തും ആകാശങ്ങൾ ഇരുളു​ന്ന​തും നാം കാണു​മ്പോ​ഴും രാത്രി സമീപി​ച്ചി​രി​ക്കു​ന്ന​താ​യി നാം അറിയു​ന്നു. ഭൂമി​യു​ടെ ചില ഭാഗങ്ങ​ളിൽ ശരൽക്കാ​ലാ​വ​സാ​ന​മാ​യെന്നു പഞ്ചാംഗം കാണി​ക്കു​മ്പോ​ഴും വാരം​തോ​റും ഊഷ്‌മാ​വു താഴു​ന്ന​തും വൃക്ഷങ്ങ​ളി​ലെ ഇലകൾ പൊഴി​യു​ന്ന​തും നാം കാണു​മ്പോ​ഴും ശീതകാ​ലം അടുത്തു​വെന്നു നാം സ്ഥിരീ​ക​രി​ക്കു​ന്നു. അതു​കൊണ്ട്‌ സമയത്തി​ന്റെ അല്ലെങ്കിൽ കാലത്തി​ന്റെ തെളി​വു​കൾ ക്ലോക്കു​ക​ളും പാഞ്ചാം​ഗ​ങ്ങ​ളും നമ്മോട്‌ പറയു​ന്ന​തി​നെ സ്ഥിരീ​ക​രി​ക്കു​ന്നു.

² സമയങ്ങ​ളും കാലങ്ങ​ളും പറയാ​നുള്ള അപ്രാ​പ്‌തി ഇന്നത്തെ ജീവി​ത​ത്തി​ല​ധി​ക​ത്തെ​യും ഒരു തരം അരാജ​ക​ത്വ​ത്തി​ലേക്കു തള്ളിവി​ടും. ഉദാഹ​ര​ണ​ത്തിന്‌, സമയപ്പ​ട്ടിക ഉണ്ടാക്കാ​നുള്ള മാർഗ്ഗ​മി​ല്ലെ​ങ്കിൽ, തിര​ക്കേ​റിയ ഒരു വിമാ​ന​താ​വ​ള​ത്തിൽ നൂറു​ക​ണ​ക്കി​നു വിമാ​നങ്ങൾ ഇറങ്ങാൻ ശ്രമി​ക്കു​ന്ന​തി​നെ​ക്കു​റി​ച്ചു ചിന്തി​ക്കുക! അല്ലെങ്കിൽ സമയം പറയാ​നുള്ള മാർഗ്ഗ​മി​ല്ലെ​ങ്കിൽ, ദശലക്ഷ​ക്ക​ണ​ക്കി​നാ​ളു​കൾ സമയപ്പ​ട്ടി​ക​പ്ര​കാ​രം ജോലി തുടങ്ങാൻ ശ്രമി​ക്കു​ന്ന​തി​നെ​ക്കു​റി​ച്ചു ചിന്തി​ക്കുക!

3. സമയങ്ങ​ളും കാലങ്ങ​ളും ഉളവാ​ക്കി​യ​താർ?

³ സമയങ്ങ​ളും കാലങ്ങ​ളും ഉളവാ​ക്കി​യ​താ​രാണ്‌? അത്‌ അഖിലാ​ണ്ഡ​ത്തി​ന്റെ സ്രഷ്ടാ​വായ യഹോ​വ​യാം ദൈവ​മാ​യി​രു​ന്നു. ഉല്‌പത്തി 1:14 ഇങ്ങനെ പ്രസ്‌താ​വി​ക്കു​ന്നു: “‘പകലും രാത്രി​യും തമ്മിൽ ഒരു വേർതി​രിവ്‌ ഉണ്ടാക്കാൻ ആകാശ​വി​രി​വിൽ ജ്യോ​തിർഗോ​ളങ്ങൾ ഉണ്ടാകട്ടെ, അവ അടയാ​ള​ങ്ങ​ളാ​യും കാലങ്ങൾക്കു​വേ​ണ്ടി​യും ദിവസ​ങ്ങൾക്കും വർഷങ്ങൾക്കും വേണ്ടി​യും ഉപയോ​ഗ​പ്പെ​ടട്ടെ’ എന്ന്‌ ദൈവം തുടർന്നു പറഞ്ഞു.”

കൂടുതൽ പ്രധാ​ന​പ്പെട്ട സമയങ്ങ​ളും കാലങ്ങ​ളും

4-6. (എ) മാനു​ഷ​പ്ര​വർത്ത​ന​ങ്ങൾക്ക്‌ സമയങ്ങ​ളോ കാലങ്ങ​ളോ അറിയു​ന്ന​തി​നേ​ക്കാൾ പ്രാധാ​ന്യം എന്തിനാണ്‌? എന്തു​കൊണ്ട്‌? (ബി) നാം ഏതു ചോദ്യ​ങ്ങൾ ചോദി​ക്കണം?

⁴ മാനുഷ പ്രവർത്ത​ന​ങ്ങൾക്ക്‌ സമയം അല്ലെങ്കിൽ കാലം അറിയു​ന്നത്‌ പ്രധാ​ന​മാ​ണെ​ങ്കി​ലും വളരെ​യേറെ പ്രധാ​ന​മായ മറെറാ​ന്നുണ്ട്‌. ദൈവ​ത്തി​ന്റെ വീക്ഷണ​ത്തിൽ ഇത്‌ ഏതു സമയമാണ്‌ അല്ലെങ്കിൽ കാലമാണ്‌? സഭാ​പ്ര​സം​ഗി 3:1 ഇങ്ങനെ പ്രസ്‌താ​വി​ക്കു​ന്നു: “എല്ലാറ​റി​നും ഒരു നിശ്ചിത സമയമുണ്ട്‌, ആകാശ​ത്തിൻ കീഴുള്ള ഓരോ കാര്യ​ത്തി​നും ഒരു സമയമുണ്ട്‌.” മാനുഷ വീക്ഷണ​ത്തിൽ ഇതു സത്യമാ​യി​രി​ക്കെ, ദൈവ​ത്തി​ന്റെ വീക്ഷണ​ത്തിൽ ഇത്‌ ഏറെ സത്യമാണ്‌. തന്റെ ഉദ്ദേശ്യ​ങ്ങൾ നിറ​വേ​റ​റു​ന്ന​തിന്‌ അവന്‌ സുനി​ശ്ചിത കാലങ്ങ​ളും സമയങ്ങ​ളു​മുണ്ട്‌. നാം നമ്മുടെ ജീവി​തത്തെ ഈ വസ്‌തു​ത​യോട്‌ പൊരു​ത്ത​പ്പെ​ടു​ത്തു​ന്നി​ല്ലെ​ങ്കിൽ, അപ്പോൾ ക്ലോക്കു​ക​ളോ​ടോ പഞ്ചാം​ഗ​ങ്ങ​ളോ​ടോ നമ്മുടെ ജീവി​തത്തെ അനുരൂ​പ​പ്പെ​ടു​ത്താ​നുള്ള ക്രമീ​ക​ര​ണ​ങ്ങ​ളെ​ല്ലാം ഒടുവിൽ പ്രയോ​ജ​ന​ര​ഹി​ത​മെന്നു തെളി​യും.

⁵ ഇത്‌ ഇപ്രകാ​ര​മാ​യി​രി​ക്കു​ന്ന​തെ​ന്തു​കൊണ്ട്‌? എന്തു​കൊ​ണ്ടെ​ന്നാൽ ഈ ഭൂമി​ക്കും അതിലെ മനുഷ്യ​സൃ​ഷ്ടി​കൾക്കും വേണ്ടി യഹോ​വ​യ്‌ക്കു ഒരു ഉദ്ദേശ്യ​മുണ്ട്‌; അല്ലായി​രു​ന്നെ​ങ്കിൽ അവൻ അവയെ സൃഷ്ടി​ക്കു​ക​യി​ല്ലാ​യി​രു​ന്നു. നാം നമ്മുടെ ജീവി​തത്തെ ആ ഉദ്ദേശ്യ​ത്തോട്‌ ഏകോ​പി​പ്പി​ക്കു​ന്നി​ല്ലെ​ങ്കിൽ നാം അതിൽ ഉൾപെ​ടു​ക​യില്ല. അവന്റെ ഉദ്ദേശ്യം സമയപ്പ​ട്ടി​ക​യ​നു​സ​രിച്ച്‌ കൃത്യം നിറ​വേ​റ​റ​പ്പെ​ടു​മെന്ന്‌ തീർച്ച​യാണ്‌. അവൻ ഇങ്ങനെ പ്രഖ്യാ​പി​ക്കു​ന്നു: “എന്റെ വായിൽനി​ന്നു പറപ്പെ​ടുന്ന എന്റെ വചനം അങ്ങനെ​യെന്നു തെളി​യും. അതു നിഷ്‌ഫ​ല​മാ​യി എന്റെ അടുക്ക​ലേക്കു മടങ്ങു​ക​യില്ല, എന്നാൽ അത്‌ തീർച്ച​യാ​യും എന്റെ അഭിഷ്ടം സാധി​ക്കും, ഞാൻ അയച്ച കാര്യ​ത്തിൽ അതിന്‌ സുനി​ശ്ചി​ത​വി​ജയം ലഭിക്കു​ക​യും ചെയ്യും.”—യെശയ്യാവ്‌ 55:11.

⁶ അതു​കൊണ്ട്‌ നാം ഇങ്ങനെ ചോദി​ക്കേ​ണ്ടി​യി​രി​ക്കു​ന്നു. യഹോ​വ​യു​ടെ വീക്ഷണ​ത്തിൽ ഇത്‌ ഏത്‌ കാലമോ സമയമോ ആണ്‌? ഈ ലോക​ത്തി​ലെ രാഷ്‌ട്ര​ങ്ങ​ളും ജനങ്ങളും അവന്റെ സമയപ്പ​ട്ടി​ക​യോട്‌ എങ്ങനെ പൊരു​ത്ത​പ്പെ​ടു​ന്നു? തീർച്ച​യാ​യു, നിങ്ങൾ എങ്ങനെ പൊരു​ത്ത​പ്പെ​ടു​ന്നു? നിങ്ങൾ ദൈവ​ത്തി​ന്റെ ഉദ്ദേശ്യ​ത്തി​നും സമയപ്പ​ട്ടി​ക​ക്കും അനു​യോ​ജ്യ​മാ​യി നിങ്ങളു​ടെ ജീവി​തത്തെ പ്ലാൻ ചെയ്‌തി​ട്ടു​ണ്ടോ?

ഈ ലോക​ത്തി​ന്റെ ഉദ്ദേശ്യ​ത്തെ നിറ​വേ​റ്റു​ന്നു​വോ?

7. മതഭക്ത​രായ മിക്ക ആളുകൾക്കും എന്തു വീക്ഷണ​മാ​ണു​ള്ളത്‌, എന്നാൽ അതിൽ കഴമ്പി​ല്ലാ​ത്ത​തെ​ന്തു​കൊണ്ട്‌?

⁷ തങ്ങൾ ദൈവ​ത്തിൽ വിശ്വ​സി​ക്കു​ന്നു​വെന്ന്‌ പറയു​ന്ന​തു​കൊണ്ട്‌ തങ്ങൾ ദൈ​വോ​ദ്ദേ​ശ്യ​ത്തിൽ ഉൾപ്പെ​ട്ടി​ട്ടു​ണ്ടെന്ന്‌ അനേകർ വിചാ​രി​ക്കു​ന്നു. എന്നിരു​ന്നാ​ലും ആ ഉദ്ദേശ്യം എന്തണെന്ന്‌ ദൈവ​ത്തി​ന്റെ സ്വന്തം വചനത്തിൽനിന്ന്‌ നിങ്ങളെ കാണി​ക്കാൻ അവരോട്‌ ആവശ്യ​പ്പെ​ടു​മ്പോൾ അത്‌ ചെയ്യാൻ അവർക്കു പ്രാപ്‌തി​യില്ല. അവർ സ്വന്തമാർഗ്ഗ​ത്തിൽ പോകു​ക​യാണ്‌, എന്നിട്ടും എങ്ങനെ​യെ​ങ്കി​ലും ദൈവം തങ്ങളെ അനുകൂ​ലി​ക്കു​മെന്ന്‌ അവർ വിചാ​രി​ക്കു​ന്നു. മിക്ക ലോക​ഭ​ര​ണാ​ധി​പൻമാർക്കും നൂററാ​ണ്ടു​ക​ളി​ലു​ട​നീ​ളം സമാനാ​മായ ഒരു മനോ​ഭാ​വം ഉണ്ടായി​രു​ന്നി​ട്ടുണ്ട്‌. തങ്ങളുടെ പ്രവർത്ത​നങ്ങൾ എന്തുത​ന്നെ​യാ​യി​രു​ന്നാ​ലും, ദൈവം തങ്ങളി​ലൂ​ടെ തന്റെ ഉദ്ദേശ്യം നിറ​വേ​റ​റു​ക​യാ​ണെന്ന്‌ അവർ വിചാ​രി​ച്ചി​രി​ക്കു​ന്നു. എന്നാൽ ആ ഉദ്ദേശ്യം എന്താ​ണെന്ന്‌ പറയാൻ അവരും അപ്രാ​പ്‌ത​രാണ്‌.

8. സ്രഷ്ടാവ്‌ ഈ ലോക​ത്തി​ലെ ഭരണാ​ധി​കാ​രി​ക​ളെ​യും ജനങ്ങ​ളെ​യും പിന്താ​ങ്ങു​ന്നു​ണ്ടാ​യി​രി​ക്കു​മെന്ന്‌ വിചാ​രി​ക്കു​ന്നത്‌ ന്യായ​യു​ക്ത​മ​ല്ലാ​ത്ത​തെ​ന്തു​കൊണ്ട്‌?

⁸ ഭരണാ​ധി​കാ​രി​ക​ളും ഒരു മതമുള്ള ജനങ്ങളും ഉൾപ്പെ​ടെ​യുള്ള ഈ ലോകത്തെ ദൈവം പിന്താ​ങ്ങു​ന്നു​ണ്ടെന്നു ബൈബിൾ പ്രകട​മാ​ക്കു​ന്നു​ണ്ടോ? ഇതു പരിചി​ന്തി​ക്കുക: ദൈവ​ത്തി​ന്റെ ശക്തി ഭയാവ​ഹ​മാണ്‌. അവൻ പ്രപഞ്ചത്തെ സൃഷ്ടിച്ചു. അതിൽ ശതകോ​ടി​ക്ക​ണ​ക്കി​നു നക്ഷത്ര പംക്തികൾ ഉൾപ്പെ​ടു​ന്നു. ഓരോ​ന്നി​ലും അനേക​ശ​ത​കോ​ടി നക്ഷത്രങ്ങൾ അടങ്ങി​യി​രി​ക്കു​ന്നു. (സങ്കീർത്തനം 147:4) അതിനു​പു​റമേ, ദൈവ​ത്തിന്‌ അതിരററ ജ്ഞാനമുണ്ട്‌. ദൈവം തന്റെ ശക്തിയാ​ലും ജ്ഞാനത്താ​ലും രാഷ്‌ട്ര​ങ്ങളെ പിന്താ​ങ്ങു​ന്നു​ണ്ടാ​യി​രു​ന്നെ​ങ്കിൽ അവയ്‌ക്കു ഇത്രയ​ധി​കം അക്രമ​വും യുദ്ധവും അനീതി​യും ദുരി​ത​വും ഇത്ര​യേറെ നൂററാ​ണ്ട​ക​ളിൽ അനുഭ​വ​പ്പെ​ടു​മാ​യി​രു​ന്നോ? മററു ദേശിയ നേതാ​ക്ക​ളെ​യും അവരുടെ ദശലക്ഷ​ക്ക​ണ​ക്കി​നു ജനങ്ങ​ളെ​യും ദൈവം നയിക്കു​മോ? അവരും ദൈവ​ത്താൽ നയിക്ക​പ്പെ​ട​ന്നു​വെ​ന്നാ​ണ​ല്ലോ അവകാ​ശ​പ്പെ​ടു​ന്നത്‌. അത്‌ ന്യായ​യു​ക്ത​മാ​ണോ?

9. തന്റെ യഥാർത്ഥ ദാസൻമാ​രു​ടെ ആത്മീയാ​വസ്ഥ എന്തായി​രി​ക്ക​ണ​മെന്ന്‌ ദൈവ​വ​ചനം പറയുന്നു?

⁹ “ദൈവം കലക്കത്തി​ന്റെയല്ല, സമാധാ​ന​ത്തി​ന്റെ ദൈവ​മാ​കു​ന്നു” എന്ന്‌ 1 കൊരി​ന്ത്യർ 14:33-ൽ ബൈബിൾ നമ്മോടു പറയുന്നു. മാത്ര​വു​മല്ല, യഥാർത്ഥ​ത്തിൽ തന്റെ ജനമാ​യി​രി​ക്കു​ന്ന​വ​രോട്‌ യഹോവ പറയുന്നു. “നിങ്ങ​ളെ​ല്ലാ​വ​രും യോജി​പ്പിൽ സംസാ​രി​ക്കണം . . . നിങ്ങളു​ടെ ഇടയിൽ ഭിന്നതകൾ ഉണ്ടായി​രി​ക്ക​രുത്‌ . . . നിങ്ങൾ ഒരേ മനസ്സി​ലും ഒരേ ചിന്താ​ഗ​തി​യി​ലും ഉചിത​മാ​യി ഐക്യ​പ്പെ​ട്ടി​രി​ക്കേ​ണ്ട​തി​നു​തന്നെ.” (1 കൊരി​ന്ത്യർ 1:10) ദൈവ​ജ​ന​ത്തി​ന്റെ ഇടയിലെ ആരെങ്കി​ലു ഈ നിലവാ​ര​ത്തോട്‌ അനുരൂ​പ​പ്പെ​ടു​ന്നി​ല്ലെ​ങ്കി​ലോ? റോമർ 16:17 ബുദ്ധി​യു​പ​ദേ​ശി​ക്കു​ന്നു: “നിങ്ങൾ പഠിച്ചി​രി​ക്കുന്ന ഉപദേ​ശ​ത്തി​നു വിരു​ദ്ധ​മാ​യി ഭിന്നത​ക​ളു​ണ്ടാ​ക്കു​ന്ന​വരെ സൂക്ഷി​ച്ചു​കൊ​ള്ളുക . . . അവരെ ഒഴിവാ​ക്കുക.” അതു​കൊണ്ട്‌ ദേശി​യ​വും മതപര​മ​വു​മായ ഭിന്നത​ക​ളും ശണ്‌ഠ​ക​ളും അങ്ങനെ​യുള്ള രാഷ്‌ട്ര​ങ്ങ​ളെ​യും മതനേ​താ​ക്ക​ളെ​യും അവരുടെ അനുഗാ​മി​ക​ളെ​യും ദൈവം പിന്താ​ങ്ങു​ന്നി​ല്ലെ​ന്നു​ള്ള​തി​ന്റെ വ്യക്തമായ തെളി​വു​ക​ളാണ്‌.

10, 11. ഈ ലോക​ത്തി​ലെ ഭരണാ​ധി​കാ​രി​ക​ളെ​യും ജനങ്ങ​ളെ​യും ആർ പിന്താ​ങ്ങു​ന്നു​വെന്ന്‌ ഏതു തിരു​വെ​ഴു​ത്തു​കൾ പ്രകട​മാ​ക്കു​ന്നു?

¹⁰ അപ്പോൾ, യഥാർത്ഥ​ത്തിൽ അവരെ പിന്താ​ങ്ങു​ന്ന​താ​രാണ്‌? ഒന്നു യോഹ​ന്നാൻ 3-ാം അദ്ധ്യായം 10-12-വരെയുള്ള വാക്യങ്ങൾ പ്രസ്‌താ​വി​ക്കു​ന്നു: “ദൈവ​ത്തി​ന്റെ മക്കളും പിശാ​ചി​ന്റെ മക്കളും ഈ വസ്‌തു​ത​യാൽ തെളി​യു​ന്നു: നീതി പ്രവർത്തി​ക്കാത്ത യാതൊ​രു​വ​നും ദൈവ​ത്തിൽ നിന്ന്‌ ഉത്ഭവി​ക്കു​ന്നില്ല, തന്റെ സഹോ​ദ​രനെ സ്‌നേ​ഹി​ക്കാ​ത്ത​വ​നും അങ്ങനെ​തന്നെ. എന്തെന്നാൽ ആരംഭം മുതൽ നിങ്ങൾ കേട്ടി​രി​ക്കുന്ന സന്ദേശ​മി​താണ്‌, നമുക്ക്‌ അന്യോ​ന്യം സ്‌നേ​ഹ​മു​ണ്ടാ​യി​രി​ക്ക​ണ​മെന്ന്‌; ദുഷ്ടനിൽ നിന്ന്‌ ഉത്ഭവി​ക്കു​ക​യും തന്റെ സഹോ​ദ​രനെ കൊല്ലു​ക​യും ചെയ്‌ത കയീ​നെ​പ്പോ​ലെയല്ല.” കൂടാതെ, ഒന്നു യോഹ​ന്നാൻ 4-ാം അദ്ധ്യായം 20-ാം വാക്യം പറയുന്നു: “ആരെങ്കി​ലും ‘ഞാൻ ദൈവത്തെ സ്‌നേ​ഹി​ക്കു​ന്നു’ എന്ന പ്രസ്‌താ​വന ചെയ്‌തിട്ട്‌ തന്റെ സഹോ​ദ​രനെ വെറു​ക്കു​ക​യാ​ണെ​ങ്കിൽ അയാൾ ഒരു നുണയ​നാ​കു​ന്നു. എന്തെന്നാൽ താൻ കണ്ടിട്ടുള്ള തന്റെ സഹോ​ദ​രനെ സ്‌നേ​ഹി​ക്കാ​ത്ത​വന്‌, താൻ കണ്ടിട്ടി​ല്ലാത്ത ദൈവത്തെ സ്‌നേ​ഹി​ക്കാൻ കഴിയു​ന്നതല്ല.” അങ്ങനെ യേശു യോഹ​ന്നാൻ 13:35-ൽ ഈ ചട്ടം വെച്ചു: “നിങ്ങൾക്ക്‌ നിങ്ങളു​ടെ ഇടിൽതന്നെ സ്‌നേ​ഹ​മു​ണ്ടെ​ങ്കിൽ, ഇതിനാൽ നിങ്ങൾ എന്റെ ശിഷ്യൻമാ​രാ​കു​ന്നു​വെന്ന്‌ എല്ലാവ​രും അറിയും.”

¹¹ ദൈവ​ത്തി​ന്റെ യഥാർത്ഥ ദാസൻമാ​രു​ടെ ഇടയിൽ സ്ഥിതി​ചെ​യ്യേണ്ട സ്‌നേ​ഹ​വും ഐക്യ​വും, ലോക​നേ​താ​ക്കൻമാ​രും പൊതു​ജ​ന​ങ്ങ​ളും നൂററാ​ണ്ടു​ക​ളിൽ പിന്തു​ടർന്നു പോന്ന ഗതിയും തമ്മിൽ നിങ്ങൾ എന്തെങ്കി​ലും സാദൃ​ശ്യം കാണു​ന്നു​ണ്ടോ? നമ്മുടെ നൂററാ​ണ്ടിൽ തന്നെ, മതഭക്ത​രാ​ലുള്ള മററു മതഭക്ത​രു​ടെ സംഹാരം കോടി​ക്ക​ണ​ക്കി​നാ​ളു​ക​ളു​ടെ ജീവനെ ഹനിച്ചി​ട്ടുണ്ട്‌. മിക്ക​പ്പോ​ഴും അന്യോ​ന്യം കൊല്ലു​ന്നത്‌ ഒരേ മതത്തിൽ പെട്ടവർത​ന്നെ​യാണ്‌! ദൈവം അവരെ പിന്തു​ണ​യ്‌ക്കു​ന്നി​ല്ലെ​ന്നു​ള്ള​തി​ന്റെ സുനി​ശ്ചി​ത​തെ​ളി​വാ​ണത്‌. പകരം, ദൈവ​വ​ചനം പ്രകട​മാ​ക്കു​ന്ന​തു​പോ​ലെ, അവരെ പിന്തു​ണ​യ്‌ക്കു​ന്നത്‌ പിശാ​ചായ സാത്താ​ന​ല്ലാ​തെ മററാ​രു​മല്ല. അതു​കൊ​ണ്ടാണ്‌ അപ്പോ​സ്‌ത​ല​നായ യോഹ​ന്നാന്‌ ഇങ്ങനെ പറയാൻ കഴിഞ്ഞത്‌: “നാം ദൈവ​ത്തിൽ നിന്ന്‌ ഉത്ഭവി​ക്കു​ന്നു​വെന്ന്‌ നമുക്ക​റി​യാം, എന്നാൽ മുഴു​ലോ​ക​വും ദുഷ്ടനാ​യ​വന്റെ അധികാ​ര​ത്തിൽ കിടക്കു​ന്നു.” (1 യോഹ​ന്നാൻ 5:19) അതെ, സാത്താ​നാണ്‌ “ഈ വ്യവസ്ഥി​തി​യു​ടെ ദൈവം” (2 കൊരി​ന്ത്യർ 4:4) ഈ ലോക​ത്തി​ലെ നേതാ​ക്ക​ളു​ടെ​യും ജനങ്ങളു​ടെ​യും പിമ്പിലെ ശക്തി അവനാണ്‌. ഈ മനുഷ്യർ ദൈവ​ത്തിൽനി​ന്നു​ള്ള​വ​രാ​യി​രി​ക്കാ​വു​ന്ന​ത​ല്ലെന്ന്‌ അവരുടെ പ്രവർത്ത​നങ്ങൾ തെളി​യി​ക്കു​ന്നു.

സൗമ്യ​ത​യു​ള്ള​വരെ സംബന്ധിച്ച യഹോ​വ​യു​ടെ ഉദ്ദേശ്യം

12, 13. ഈ ഭൂമി​യെ​യും മനുഷ്യ​രേ​യും സംബന്ധിച്ച ദൈ​വോ​ദ്ദേ​ശ്യം എന്താണ്‌?

¹² എന്നിരു​ന്നാ​ലും, യഹോവ മനുഷ്യ​രെ സൃഷ്ടി​ച്ച​പ്പോൾ, മുഴു​ഭൂ​മി​യും ഏദൻതോ​ട്ടം​പോ​ലെ ഒരു പറുദീ​സാ ആയിത്തീ​ര​ണ​മെ​ന്നും പൂർണ്ണ​രും ഏകീകൃ​ത​രും സന്തുഷ്ട​രു​മായ ജനങ്ങളാൽ അധിവ​സി​ക്ക​പ്പെ​ട​ണ​മെ​ന്നും അവൻ ഉദ്ദേശി​ച്ചി​രു​ന്നു. (ഉല്‌പത്തി 1:26-28; 2:15; യെശയ്യാവ്‌ 45:18 ആ ഉദ്ദേശ്യം മത്സരി​ക​ളായ മനുഷ്യ​രാ​ലും ദുഷ്ടാ​ത്മ​സൃ​ഷ്ടി​ക​ളാ​ലും റദ്ദാക്ക​പ്പെ​ട്ടി​ട്ടില്ല, കൂടാതെ, യഹോവ സമയങ്ങ​ളു​ടെ​യും കാലങ്ങ​ളു​ടെ​യും ദൈവ​മാ​യ​തു​കൊണ്ട്‌, അവന്റെ ഉദ്ദേശ്യം അതിനാ​യി അവൻ നിശ്ചയി​ച്ചി​രി​ക്കുന്ന സമയത്ത്‌ സാക്ഷാ​ത്‌ക്ക​രി​ക്ക​പ്പെ​ടും. തന്നിൽനിന്ന്‌ വിട്ടു​നിൽക്കുന്ന മാനു​ഷാ​ധി​പ​ത്യം അനുവ​ദി​ക്ക​പ്പെ​ട്ടി​രി​ക്കുന്ന സമയം കഴിഞ്ഞും തന്റെ ഉദ്ദേശ്യ​ത്തി​നെ​തി​രാ​യി പോരാ​ടാൻ അവൻ അനുവ​ദി​ക്കു​ക​യില്ല.

¹³ ഈ ഭൂമിയെ സംബന്ധിച്ച യഹോ​വ​യു​ടെ ഉദ്ദേശ്യ​ത്തിൽ യേശു​വിന്‌ തികഞ്ഞ വിശ്വാ​സ​മു​ണ്ടാ​യി​രു​ന്നു. തന്നിൽ കുറെ വിശ്വാ​സം പ്രകട​മാ​ക്കിയ ദുഷ്‌പ്ര​വൃ​ത്തി​ക്കാ​ര​നോട്‌: “നീ എന്നോ​ടു​കൂ​ടെ പരദീ​സ​യിൽ ഉണ്ടായി​രി​ക്കും” എന്ന്‌ അവൻ പറയു​ക​യു​ണ്ടാ​യി. (ലൂക്കോസ്‌ 23:43) അത്‌ വരാനി​രി​ക്കുന്ന ഭൗമിക പരദീസാ ആയിരു​ന്നു. മുമ്പ്‌ ഒരു അവസര​ത്തിൽ “സൗമ്യ​പ്ര​കൃ​തർ സന്തുഷ്ട​രാ​കു​ന്നു, എന്തു​കൊ​ണ്ടെ​ന്നാൽ അവർ ഭൂമിയെ അവകാ​ശ​മാ​ക്കും” എന്ന്‌ യേശു സങ്കീർത്തം 37:11-ലെ ആശയത്തെ പരാമർശി​ച്ചി​രി​ക്കാ​നാണ്‌ സാദ്ധ്യത, അതിങ്ങനെ പറയുന്നു: “സൗമ്യ​ത​യു​ള്ള​വർതന്നെ ഭൂമിയെ കൈവ​ശ​മാ​ക്കും, അവർ തീർച്ച​യാ​യും സമാധാ​ന​സ​മൃ​ദ്ധി​യിൽ പരമാ​നന്ദം കണ്ടെത്തും.”

14. ഏതുതരം ആളുകൾ ഭൂമി​യി​യെ അവകാ​ശ​മാ​ക്കും?

¹⁴ ഭൂമിയെ അവകാ​ശ​മാ​ക്കുന്ന ഇവർ ആരാണ്‌? സങ്കീർത്തനം 37:34 ഇങ്ങനെ പ്രസ്‌താ​വി​ക്കു​ന്നു: “യഹോ​വ​യിൽ പ്രത്യാ​ശിച്ച്‌ അവന്റെ വഴിപാ​ലി​ക്കുക, ഭൂമിയെ കൈവ​ശ​പ്പെ​ടു​ത്തു​വാൻ അവൻ നിന്നെ ഉയർത്തും. ദുഷ്ടൻമാർ ഛേദി​ക്ക​പ്പെ​ടു​മ്പോൾ, നീ അതു കാണും.” 37-ഉം 38-ഉം വാക്യങ്ങൾ ഇങ്ങനെ കൂട്ടി​ച്ചേർക്കു​ന്നു: “നിഷ്‌ക്ക​ള​ങ്കനെ സൂക്ഷി​ക്കു​ക​യും നേരു​ള്ള​വനെ വീക്ഷി​ക്കു​ക​യും ചെയ്യുക, എന്തു​കൊ​ണ്ടെ​ന്നാൽ ആ മമനു​ഷ്യ​ന്റെ ഭാവി സമാധാന പൂർണ്ണ​മാ​യി​രി​ക്കും. എന്നാൽ ലംഘകർതന്നെ തീർച്ച​യാ​യും ഒന്നിച്ച്‌ നിർമ്മൂ​ല​മാ​ക്ക​പ്പെ​ടും; ദുഷ്ട ജനത്തിന്റെ ഭാവി തീർച്ച​യാ​യും ഛേദി​ക്ക​പ്പെ​ടും.” അതു​കൊണ്ട്‌ ഭൂമിയെ അവകാ​ശ​പ്പെ​ടു​ത്താ​നുള്ള ജനം യഹോ​വയെ അറിയു​ക​യും അവന്റെ വാഗ്‌ദാ​നങ്ങൾ വിശ്വ​സി​ക്കു​ക​യും വേണം. അവർ അവന്റെ നിയമങ്ങൾ അനുസ​രി​ക്കു​ക​യും വേണം. അവർ അവന്റെ നിയമങ്ങൾ അനുസ​രി​ക്കുക നിമിത്തം നിഷ്‌ക്ക​ള​ങ്ക​രും നേരു​ള്ള​വ​രു​മെന്ന്‌ അവനാൽ പരിഗ​ണി​ക്ക​പ്പെ​ടു​ക​യു​വേണം. ഒന്നു യോഹ​ന്നാൻ 2:17 പ്രഖ്യാ​പി​ക്കു​ന്ന​തു​പോ​ലെ: ലോകം നീങ്ങി​പ്പോ​കു​ക​യാണ്‌, അതിന്റെ മോഹ​വും അങ്ങനെ​തന്നെ, എന്നാൽ ദൈവ​ത്തി​ന്റെ ഇഷ്ടം ചെയ്യു​ന്നവൻ എന്നേക്കും നിൽക്കു​ന്നു.”

15. പ്രയോ​ജ​ന​ക​ര​മായ വലിയ ലോക​മാ​റ​റങ്ങൾ നടക്കു​ന്ന​തിന്‌ സംഭവി​ക്കേണ്ട സുപ്ര​ധാ​ന​മായ ഒരു സംഗതി​യെന്ത്‌?

¹⁵ എന്നിരു​ന്നാ​ലും, ആ മാററങ്ങൾ നടക്കു​ന്ന​തിന്‌ ഇപ്പോ​ഴത്തെ അവസ്ഥകൾ നേരേ തിരിഞ്ഞ്‌ വർദ്ധിച്ച പരിവർത്തനം ഉണ്ടാ​കേ​ണ്ടി​യി​രി​ക്കു​ന്നു. ഒരു സംഗതി, ഭൂമി​യി​ലെ ഇപ്പോ​ഴ​ത്തെത ഭരണാ​ധി​പ​ത്യ​ങ്ങ​ളെ​ല്ലാം നീക്ക​പ്പെ​ടേ​ണ്ടി​വ​രു​മെ​ന്നു​ള്ള​താണ്‌, എന്തു​കൊ​ണ്ടെ​ന്നാൽ മാനുഷ ഭരണം ഒരിക്ക​ലും അഭികാ​മ്യ​മായ അവസ്ഥകൾ കൈവ​രു​ത്തി​യി​ട്ടില്ല. എന്നാൽ ഭൂമിയെ പിടി​ച്ചു​കു​ലു​ക്കുന്ന അത്തരം മാററങ്ങൾ വരുത്താ​നുള്ള പ്രാപ്‌തി യഹോ​വ​യ്‌ക്കുണ്ട്‌. ദൃഷ്ടാ​ന്ത​മാ​യി, ബൈബിൾ ഇങ്ങനെ പ്രസ്‌താ​വി​ക്കു​ന്നു: “അവൻ കാലങ്ങ​ളെ​യും സമയങ്ങ​ളെ​യും മാററു​ക​യും രാജാ​ക്കൻമാ​രെ നീക്കു​ക​യും രാജാ​ക്കൻമാ​രെ വാഴി​ക്കു​ക​യും ചെയ്യുന്നു.”—ദാനി​യേൽ 2:21.

എതിരാ​ളി​കളെ നീക്കുന്നു

16, 17. (എ) തന്റെ ഉദ്ദേശ്യ​ത്തെ എതിർത്ത ഫറവോ​നോട്‌ യഹോവ എങ്ങനെ ഇടപ്പെട്ടു? (ബി) യഹോ​വ​യു​ടെ പ്രവാ​ച​ക​വ​ചനം എങ്ങനെ സ്ഥിരീ​ക​രി​ക്ക​പ്പെട്ടു?

¹⁶ കഴിഞ്ഞ കാലത്തെ ശക്തരായ ഭരണാ​ധി​പൻമാ​രോ​ടും രാജവം​ശ​ങ്ങ​ളോ​ടും, വിശേ​ഷിച്ച്‌ അവന്റെ ഉദ്ദേശ്യ​ങ്ങളെ തടസ്സ​പ്പെ​ടു​ത്താൻ ശ്രമി​ച്ച​വ​രോട്‌, യഹോവ ചെയ്‌ത​തി​നെ​ക്കു​റിച്ച്‌ പരിചി​ന്തി​ക്കുക. അവരും അവരുടെ സാമ്രാ​ജ്യ​ങ്ങ​ളും തകർത്തു തരിപ്പ​ണ​മാ​ക്ക​പ്പെട്ടു പൊടി​പോ​ലെ കാററിൽ പറത്ത​പ്പെ​ട്ടി​രി​ക്കു​ന്നു. ഉദാഹ​ര​ണ​ത്തിന്‌, ദൈവ​ജ​നത്തെ അടിമ​ക​ളാ​ക്കി ഈജി​പ്‌റ​റി​ലെ ഫറവോൻ ഉണ്ടായി​രു​ന്നു. എന്നാൽ യഹോ​വ​യ്‌ക്കു അവന്റെ ദാസൻമാ​രെ​ക്കു​റിച്ച്‌ ഒരു ഉദ്ദേശ്യ​മു​ണ്ടാ​യി​രു​ന്നു. അവരെ വിട്ടയ്‌ക്കാൻ ഫറവോ​നോട്‌ പറയു​ന്ന​തിന്‌ അവൻ മോശയെ അയച്ചു. എന്നാൽ ഫറവോൻ ധിക്കാ​ര​പൂർവ്വം ഇങ്ങനെ ആക്രോ​ശി​ച്ചു: “ഞാൻ അവന്റെ വാക്ക്‌ അനുസ​രി​ക്ക​ത്ത​ക്ക​വണ്ണം യഹോവ ആർ?” അവൻ ഇങ്ങനെ കൂട്ടി​ച്ചേർത്തു: “ഞാൻ യഹോ​വയെ അശേഷം അറിയു​ക​യില്ല, എന്തിന​ധി​കം, ഞാൻ യിസ്രാ​യേ​ലി​നെ വിട്ടയ്‌ക്കാൻ പോകു​ന്നില്ല.”—പുറപ്പാട്‌ 5:2.

¹⁷ ഫറവോൻ മനസ്സിനു മാററം​വ​രു​ത്താൻ യഹോവ അവന്‌ അനേകം അവസരങ്ങൾ കൊടു​ത്തു. എന്നിട്ടും, പുറപ്പാട്‌ 11:10 പറയു​ന്ന​തു​പോ​ലെ, ഓരോ പ്രാവ​ശ്യ​വും ഫറവോൻ ‘ശാഠ്യം പിടിച്ചു.’ എന്നിരു​ന്നാ​ലും യഹോ​വ​യ്‌ക്ക്‌ അപ്രതി​രോ​ധ്യ ശക്തിയാ​ണു​ള്ളത്‌. അവന്റെ നിശ്ചിത സമയം വന്നപ്പോൾ അവൻ ഫറവോ​നെ​യും അവന്റെ സൈന്യ​ങ്ങ​ളെ​യും ചെങ്കട​ലിൽ മുക്കി​ക്കൊ​ന്നു. പുറപ്പാട്‌ 14:28 പറയുന്നു: “അവരുടെ ഇടയിലെ ഒരുത്തൻ പോലും ശേഷി​ച്ചില്ല.” മറിച്ച്‌, യഹോ​വ​യു​ടെ ദാസൻമാർ സംരക്ഷി​ക്ക​പ്പെ​ടു​ക​യും വിടു​വി​ക്ക​പ്പെ​ടു​ക​യും ചെയ്‌തു. തന്നെയു​മല്ല, ഇത്‌ വിശ്വ​സ്‌ത​നാ​യി​രുന്ന അബ്രാ​ഹാ​മി​നോട്‌ നൂററാ​ണ്ടു​കൾക്കു മുമ്പ്‌ പറഞ്ഞി​രുന്ന 400 വർഷകാ​ല​ഘ​ട്ട​ത്തി​ന്റെ അന്ത്യത്തിൽ, യഹോ​വ​യു​ടെ പ്രവാ​ച​ക​വ​ചനം മുൻകൂ​ട്ടി​പ്പ​റ​ഞ്ഞി​രുന്ന കൃത്യ​സ​മ​യ​ത്തു​ത​ന്നെ​യാണ്‌ സംഭവി​ച്ചത്‌.

18. ബാബി​ലോ​നി​ലെ നെബു​ഖ​ദ്‌നേ​സ്സ​രോട്‌ യഹോവ എന്തു ചെയ്‌തു? എന്തു​കൊണ്ട്‌?

¹⁸ ഇനിയും ബാബി​ലോ​നി​ലെ നെബു​ഖ​ദ്‌നേസർ രാജാ​വു​ണ്ടാ​യി​രു​ന്നു. അവൻ ഒരു ദൈവ​മാ​ണെ​ന്നു​ള്ള​തു​പോ​ലെ തന്റെ ശക്തി​യേ​യും നേട്ടങ്ങ​ളെ​യും​കു​റി​ച്ചു വീമ്പി​ള​ക്കി​ത്തു​ടങ്ങി. “എന്നാൽ ആ വാക്ക്‌ രാജാ​വി​ന്റെ വായി​ലി​രി​ക്കു​മ്പോൾത്തന്നെ, ആകാശ​ത്തു​നിന്ന്‌ ഒരു ശബ്ദം വീണു: ‘രാജാ​വായ നെബു​ഖ​ദ്‌നേ​സ്സരേ, “രാജ്യം​തന്നെ നിന്നിൽനിന്ന്‌ വിട്ടു​പോ​യി​രി​ക്കു​ന്നു” എന്ന്‌ നിന്നോ​ടു പറയ​പ്പെ​ടു​ക​യാണ്‌.’ എന്ന്‌ ദാനി​യേൽ 4:31 പറയുന്നു. 32-ാം വാക്യം പറയു​ന്ന​തു​പോ​ലെ “മനുഷ്യ​വർഗ്ഗ​ത്തി​ന്റെ രാജ്യ​ത്തിൽ അത്യു​ന്നതൻ ഭരണാ​ധി​കാ​രി​യാ​ണെ​ന്നും താൻ ആഗ്രഹി​ക്കു​ന്ന​വന്‌ അവൻ അതു കൊടു​ക്കു​ന്നു​വെ​ന്നും അവൻ അറിയു​ന്ന​തു​വരെ അവൻ വയലിലെ ഒരു കാട്ടു​മൃ​ഗ​ത്തെ​പ്പോ​ലെ താഴ്‌ത്ത​പ്പെടു”മെന്ന്‌ യഹോവ അവനോ​ടു പറഞ്ഞു. യഹോവ അതിന്‌ ഉദ്ദേശി​ച്ചി​രുന്ന കൃത്യ​സ​മ​യത്ത്‌ അതുതന്നെ സംഭവി​ച്ചു.

19. ബാബി​ലോ​നും അതിന്റെ ഭരണാ​ധി​കാ​രി​യാ​യി​രുന്ന ബേൽശ​സ്സ​റി​നും എതിരാ​യി യഹോ​വ​യു​ടെ പ്രതി​കൂല ന്യായ​വി​ധി ഉണ്ടായ​തെ​ന്തു​കൊണ്ട്‌?

¹⁹ ബാബി​ലോ​നിൽ ഭരിച്ച അവസാ​നത്തെ രാജാവ്‌ ബേൽശ​സ്സ​റാ​യി​രു​ന്നു. അന്ന്‌ ആ സാമ്രാ​ജ്യം നിപതി​ക്കു​ന്ന​തി​നുള്ള യഹോ​വ​യു​ടെ സമയമാ​യി​രു​ന്നു. എന്തു​കൊണ്ട്‌? എന്തു​കൊ​ണ്ടെ​ന്നാൽ ബാബി​ലോ​ന്യർ യഹോ​വ​യു​ടെ ജനത്തെ അടിമ​ക​ളാ​ക്കി​വെ​ക്കു​ക​യും യഹോ​വയെ ദുഷി​ക്കു​ക​യും ചെയ്‌തു. ബേൽശസ്സർ തന്റെ ഉദ്യോ​ഗ​സ്ഥൻമാ​രിൽ ആയിരം പേർക്ക്‌ ഒരു വലിയ വിരുന്നു കഴിച്ചു​വെന്ന്‌ ദാനി​യേൽ 5-ാം അദ്ധ്യായം പ്രതി​പാ​ദി​ക്കു​ന്നു. അനന്തരം ബേൽശസ്സർ “തന്റെ പിതാ​വായ നെബു​ഖ​ദ്‌നേസ്സർ യരൂശ​ലേ​മി​ലെ [യഹോ​വ​യു​ടെ] ആലയത്തിൽനിന്ന്‌ എടുത്തു​കൊ​ണ്ടു​പോ​യി​രുന്ന സ്വർണ്ണ​വും വെള്ളി​യും കൊണ്ടുള്ള പാത്രങ്ങൾ കൊണ്ടു​വ​രാൻ പറഞ്ഞു . . . രാജാ​വും അവന്റെ മഹത്തു​ക്ക​ളും അവന്റെ വെപ്പാ​ട്ടി​ക​ളും അവന്റെ ഉപഭാ​ര്യ​മാ​രും അവയിൽനി​ന്നു കുടിച്ചു.” (ദാനി​യേൽ 5:2, 3) അവർ അടുത്ത​താ​യി ചെയ്‌ത​തെ​ന്തെന്ന്‌ ശ്രദ്ധി​ക്കുക: “അവർ വീഞ്ഞു കുടിച്ചു. അവർ പൊന്നും വെള്ളി​യും ചെമ്പും ഇരുമ്പും മരവും കല്ലും കൊണ്ടുള്ള ദൈവ​ങ്ങളെ സ്‌തു​തി​ച്ചു.” (ദാനി​യേൽ 5:4) യഹോ​വ​യു​ടെ ആരാധാ​ന​യ്‌ക്ക്‌ ഉപയോ​ഗി​ച്ചി​രുന്ന വിശുദ്ധ ഉപകര​ണ​ങ്ങ​ളിൽ നിന്ന്‌ കുടി​ച്ചു​കൊണ്ട്‌ അവർ യഹോ​വയെ പരിഹ​സി​ക്കു​ക​യും ദുഷി​ക്കു​ക​യും ചെയ്‌തു. തങ്ങളുടെ വ്യാജ ദൈവ​ങ്ങളെ ആരാധി​ച്ച​തി​നാൽ അവർ സാത്താ​നെ​യാണ്‌ ആരാധി​ച്ചത്‌.

20, 21. ദാനി​യേൽ ബേൽശ​സ്സ​റിന്‌ എന്തു സന്ദേശം കൊടു​ത്തു, അത്‌ എങ്ങനെ നിറ​വേ​റ​റ​പ്പെട്ടു?

²⁰ എന്നിരു​ന്നാ​ലും, അതേ നിമി​ഷ​ത്തിൽതന്നെ ഞെട്ടി​ക്കുന്ന ഒരു സംഭവം നടന്നു. ഒരു കൈയി​ലെ വിരലു​കൾ കൊട്ടാ​ര​ത്തി​ന്റെ ചുവരിൽ എഴുതു​ന്ന​താ​യി കാണ​പ്പെട്ടു! അത്‌ രാജാ​വി​നെ വളരെ​യ​ധി​കം ഞെട്ടി​ച്ച​തി​ന്റെ ഫലമായി “അവന്റെ മുഖഭാ​വം​തന്നെ മാറി, അവന്റെ സ്വന്തം ചിന്തകൾ അവനെ ഭയപ്പെ​ടു​ത്തി​ത്തു​ടങ്ങി, അവന്റെ അരയുടെ ഏപ്പുകൾ അയഞ്ഞു, അവന്റെ കാൽ മുട്ടു​കൾതന്നെ കൂട്ടി​യി​ടി​ക്കാൻ തുടങ്ങി.” (ദാനി​യേൽ 5:6) ബേൽശ​സ്സ​റി​ന്റെ മതോ​പ​ദേ​ഷ്ടാ​ക്ക​ളിൽ ആർക്കും​തന്നെ കൈ​യെ​ഴു​ത്തു മനസ്സി​ലാ​ക്കാൻ കഴിഞ്ഞില്ല. തന്നിമി​ത്തം അതു വ്യാഖ്യാ​നി​ക്കാൻ യഹോ​വ​യു​ടെ ദാസനായ ദാനി​യേൽ വരുത്ത​പ്പെട്ടു. സന്ദേശം യഹോ​വ​യിൽ നിന്നാ​ണെന്ന്‌ ദാനി​യേൽ രാജാ​വി​നെ അറിയി​ച്ചു. അത്‌ ഇതായി​രു​ന്നു: “ദൈവം നിന്റെ രാജ്യ​ത്തി​ന്റെ നാളുകൾ എണ്ണി അതിനെ അവസാ​നി​പ്പി​ച്ചി​രി​ക്കു​ന്നു: . . . നിന്നെ ത്രാസ്സിൽ തൂക്കി കുറവു​ള്ള​താ​യി കണ്ടിരി​ക്കു​ന്നു. . . . നിന്റെ രാജ്യം വിഭജിച്ച്‌ മേദ്യർക്കും പാർസ്യർക്കും കൊടു​ത്തി​രി​ക്കു​ന്നു.”—ദാനി​യേൽ 5:26-28.

²¹ അന്നു രാത്രി​തന്നെ മേദ-പാർസ്യ സൈന്യ​ങ്ങൾ ആശ്രദ്ധ​മാ​യി തുറന്നി​ട്ടി​രുന്ന ഗയിറ​റു​ക​ളി​ലൂ​ടെ നഗരത്തെ ആക്രമി​ച്ചു. ദാനി​യേൽ 5:30 ഉപസം​ഹ​രി​ക്കുന്ന പ്രകാരം: “ആ രാത്രി​യിൽതന്നെ ബേൽശസ്സർ . . . കൊല്ല​പ്പെട്ടു.” ബാബി​ലോ​ന്റെ പതനം യഹോ​വ​യു​ടെ ജനം അവരുടെ പ്രവാ​സ​ത്തി​ന്റെ തുടക്കം മുതൽ കൃത്യം 70 വർഷം കഴിഞ്ഞ​പ്പോൾ സ്വദേ​ശ​ത്തേക്ക്‌ മടങ്ങി​പ്പോ​കാൻ അനുവ​ദി​ച്ചു. അത്‌ യിരെ​മ്യാ 29:10-ൽ വെളി​പ്പെ​ടു​ത്തി​യി​രി​ക്കു​ന്ന​പ്രാ​കാ​രം കൃത്യ​മാ​യി യഹോ​വ​യു​ടെ സമയപ്പ​ട്ടി​ക​യ​നു​സ​രി​ച്ചാ​യി​രു​ന്നു.

22, 23. ഒന്നാം നൂററാ​ണ്ടിൽ ക്രിസ്‌ത്യാ​നി​കളെ എതിർത്ത ഹെരോദ്‌ അഗ്രിപ്പാ 1-ാമൻ രാജാ​വി​നോട്‌ യഹോവ എങ്ങനെ ഇടപെട്ടു?

²² ഒന്നാം നൂററാ​ണ്ടിൽ, റോമാ​സാ​മ്രാ​ജ്യ​ത്തി​ന്റെ ഭാഗമാ​യി​രുന്ന പലസ്‌തീ​നി​ലെ അവസാ​നത്തെ ഭരണാ​ധി​കാ​രി ഹെരോദ്‌ അഗ്രിപ്പാ ഒന്നാമൻ രാജാ​വാ​യി​രു​ന്നു. ഹെരോദ്‌ അപ്പോ​സ്‌ത​ല​നായ പാത്രാ​സി​നെ തടവി​ലാ​ക്കി​യി​രു​ന്നു, അവൻ മററു ക്രിസ്‌ത്യാ​നി​ക​ളെ​യും പീഡി​പ്പി​ച്ചി​രു​ന്നു. അവൻ അപ്പോ​സ്‌ത​ല​നായ യാക്കോ​ബി​നെ​യും കൊല്ലി​ച്ചു. (പ്രവൃ​ത്തി​കൾ 12:1, 2) ഹെരോദ്‌ കൊല​പാ​ത​ക​പ​ര​മായ ദ്വന്ദയു​ദ്ധ​ങ്ങ​ളും മററ്‌ പുറജാ​തീയ പ്രകട​ന​ങ്ങ​ളും ക്രമീ​ക​രി​ച്ചി​രു​ന്നു. ഇതെല്ലാം അയാൾ ദൈവ​ത്തി​ന്റെ ഒരു ആരാധ​ക​നാ​ണെ​ന്നുള്ള അവകാ​ശ​വാ​ദം വ്യാജ​മാ​ണെന്നു തെളി​യി​ച്ചു.

²³ എന്നാൽ ഈ എതിരാ​ളി​യെ സംഹരി​ക്കു​ന്ന​തി​നുള്ള യഹോ​വ​യു​ടെ തക്കസമയം വന്നു. പ്രവൃ​ത്തി​കൾ 12:21 മുതൽ 23 വരെ നമ്മോ​ടി​ങ്ങനെ പറയുന്നു: “ഹെരോദ്‌ ഒരു നിശ്ചി​ത​ദി​വസം രാജവ​സ്‌ത്രം ധരിച്ച്‌ ന്യായാ​സ​ന​ത്തിൽ ഇരിക്കു​ക​യും അവരോട്‌ ഒരു പൊതു​പ്ര​ഭാ​ഷണം നടത്തി​ത്തു​ട​ങ്ങു​ക​യും ചെയ്‌തു. ക്രമത്തിൽ, സമ്മേളി​ച്ചി​രുന്ന ജനം ‘ഒരു മമനു​ഷ്യ​ന്റെ ശബ്ദമല്ല, ഒരു ദൈവ​ത്തി​ന്റെ ശബ്ദം’ എന്ന്‌ ആർത്തു വിളി​ക്കാൻ തുടങ്ങി!” അടുത്ത​താ​യി എന്തു സംഭവി​ച്ചു? ബൈബിൾ പറയുന്നു: “ക്ഷണത്തിൽ യഹോ​വ​യു​ടെ ദൂതൻ അവനെ പ്രഹരി​ച്ചു, എന്തു​കൊ​ണ്ടെ​ന്നാൽ അവൻ ദൈവ​ത്തി​നു മഹത്വം കൊടു​ത്തില്ല; അവനെ പുഴുക്കൾ തിന്നു​ക​യും അവൻ മരണമ​ട​യു​ക​യും ചെയ്‌തു.” ദാനി​യേൽ 2:21 പ്രസ്‌താ​വി​ച്ചി​രുന്ന പ്രകാരം യഹോവ “രാജാ​ക്കൻമാ​രെ നീക്കുന്ന”തിന്റെ മറെറാ​രു ദൃഷ്ടാ​ന്ത​മാ​ണിത്‌.

24. അങ്ങനെ​യുള്ള ചരി​ത്ര​വ​സ്‌തു​തകൾ എന്തിനു സാക്ഷ്യം വഹിക്കു​ന്നു?

²⁴ ഇങ്ങനെ​യുള്ള ചരിത്ര സംഭവങ്ങൾ യഹോ​വക്കു തന്റെ ഉദ്ദേശ്യ​ങ്ങൾക്കാ​യി കാലങ്ങ​ളും സമയങ്ങ​ളും ഉണ്ടെന്ന്‌ സാക്ഷ്യ​പ്പെ​ടു​ത്തു​ന്നു. ഈ ഭൂമിയെ “നീതി വസിക്കാ​നി​രി​ക്കുന്ന” ഒരു പരദീ​സ​യാ​യി രൂപാ​ന്ത​ര​പ്പെ​ടു​ത്തു​ക​യെന്ന തന്റെ ഉദ്ദേശ്യം നിറ​വേ​റ​റു​ന്ന​തി​നുള്ള പ്രാപ്‌തി​യും ശക്തിയും തീർച്ച​യാ​യും യഹോ​വ​ക്കു​ണ്ടെ​ന്നും അവ പ്രകട​മാ​ക്കു​ന്നു.—2 പത്രോസ്‌ 3:13.(w86 4/15)

നിങ്ങൾ ഓർമ്മി​ക്കു​ന്നു​വോ?

◼ യഹോ​വ​യു​ടെ സമയങ്ങ​ളും കാലങ്ങ​ളും അറിയു​ന്നത്‌ വളരെ പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌?

◼ ദൈവം ഈ ലോക​ത്തി​ലെ ഭരണാ​ധി​പൻമാ​രെ​യും ജനങ്ങ​ളെ​യും പിന്താ​ങ്ങു​ന്നി​ല്ലാ​ത്ത​തെ​ന്തു​കൊണ്ട്‌?

◼ ഭൂമി​യിൽ ആസന്നമാ​യി​രി​ക്കുന്ന പരദീ​സയെ അവകാ​ശ​പ്പെ​ടു​ത്തു​ന്നത്‌ ഏതുതരം ആളുക​ളാണ്‌?

◼ തന്നെ എതിർക്കുന്ന ഭരണാ​ധി​കാ​രി​കളെ താഴെ​യി​റ​ക്കാ​നുള്ള തന്റെ പ്രാപ്‌തി യഹോവ പ്രകട​മാ​ക്കി​യി​രി​ക്കു​ന്ന​തെ​ങ്ങനെ?