മലങ്കാക്ക അതിനെ വ്യത്യ​സ്‌ത​മാ​ക്കു​ന്ന​തെന്ത്‌?

കാനഡയിലെ ഉണരുക! ലേഖകൻ

This paragraph is not in vernacular

ഇരുണ്ട നിറവും വിഷാദം മുറ്റി​നിൽക്കുന്ന ശബ്ദവു​മുള്ള ഈ പക്ഷിക്ക്‌ അസാധാ​ര​ണ​മായ എന്തെങ്കി​ലും സവി​ശേ​ഷ​ത​യു​ള്ള​താ​യി ആരെങ്കി​ലും കരുതു​മോ? എന്തിന്‌, പക്ഷിക​ളെ​ക്കു​റിച്ച്‌ അറിവി​ല്ലാത്ത ഒരു വ്യക്തിക്ക്‌ ഒറ്റ നോട്ട​ത്തിൽ ഇതു വലി​യൊ​രു കാക്കയാ​ണെന്നേ തോന്നൂ. മലങ്കാക്ക, അതിന്റെ കുടും​ബ​ത്തിൽപ്പെട്ട കടും നീലനി​റ​ത്തി​ലുള്ള ചിറകു​ക​ളോ​ടു​കൂ​ടിയ മണിക​ണ്‌ഠൻപ​ക്ഷി​യെ​പ്പോ​ലെ അത്ര പെട്ടെന്നു ശ്രദ്ധ പിടി​ച്ചു​പ​റ്റു​ന്നില്ല. കൂടാതെ, കുരി​കിൽ അല്ലെങ്കിൽ ഗായക​പ്പ​ക്ഷി​ക​ളു​ടെ കൂട്ടത്തി​ലാ​ണു മലങ്കാ​ക്കയെ പെടു​ത്തി​യി​രി​ക്കു​ന്ന​തെ​ങ്കി​ലും അതിന്റെ ശബ്ദം ഒരു ഗാനമാ​യി ആരും കരുതു​ക​യില്ല. എങ്കിലും, ഈ പക്ഷിയെ താഴ്‌ത്തി​മ​തി​ക്ക​രുത്‌. മധുര​മാ​യി പാടാ​നുള്ള കഴിവും വർണാ​ഭ​മായ ശരീര​വും ഇല്ലെങ്കി​ലും മറ്റനേകം വിധങ്ങ​ളിൽ ഇത്‌ ആ കുറവു​കൾ നികത്തു​ന്നു. മലങ്കാ​ക്ക​യ്‌ക്കു തനതായ സൗന്ദര്യ​വും സവി​ശേ​ഷ​ത​ക​ളു​മുണ്ട്‌. വാസ്‌ത​വ​ത്തിൽ, പല പക്ഷിശാ​സ്‌ത്ര​ജ്ഞ​ന്മാ​രും മലങ്കാ​ക്കയെ തനിച്ച്‌ ഒരു വർഗത്തിൽ പെടു​ത്തി​യി​രി​ക്കു​ന്നു.

വ്യതി​രിക്ത സവി​ശേ​ഷ​ത​കൾ

കാക്കക്കു​ടും​ബ​ത്തിൽവെച്ച്‌ (കോർവി​ഡേ) ഏറ്റവും വലുതും തലയെ​ടു​പ്പു​ള്ള​തും സാധാരണ മലങ്കാക്ക (കോർവസ്‌ കോ​റേ​ക്‌സ്‌) ആണ്‌. സാധാരണ കാക്കയു​ടേ​തി​നെ​ക്കാൾ രണ്ടിരട്ടി തൂക്കമുള്ള അതിന്‌ 60 സെൻറി​മീ​റ്റർ നീളം കാണും. വിടർത്തി​നിൽക്കുന്ന ചിറകു​ക​ളു​ടെ മൊത്തം നീളം ഏകദേശം ഒരു മീറ്ററാണ്‌. കാക്കയു​ടേ​തിൽനി​ന്നു വ്യത്യ​സ്‌ത​മാ​യി അതിന്‌ കൂറേ​ക്കൂ​ടെ ഭാരിച്ച കൊക്കും നീളത്തിൽ, ആപ്പിന്റെ ആകൃതി​യി​ലുള്ള വാലു​മുണ്ട്‌. അടുത്തു നിരീ​ക്ഷി​ച്ചാൽ മലങ്കാ​ക്കയെ തിരി​ച്ച​റി​യി​ക്കുന്ന, കഴുത്തി​നു​ചു​റ്റു​മുള്ള നീണ്ടു​വ​ളർന്ന തൂവലു​ക​ളും കാണാം. മറ്റു കാക്കകൾ ചിറക​ടി​ച്ചു വട്ടമിട്ടു പറക്കു​മ്പോൾ മലങ്കാക്ക ഉയർന്നു പറക്കു​ന്ന​തിൽ പേരു​കേ​ട്ട​താണ്‌.

ചേക്കേ​റും പക്ഷിക​ളിൽ ഏറ്റവും വലിയതു മലങ്കാ​ക്ക​യാ​ണെന്നു കണക്കാ​ക്കു​ന്നു. ഒരു മരശി​ഖ​ര​ത്തിൽ ചേക്കേ​റി​യി​രി​ക്കുന്ന ഈ വലിയ പക്ഷിയെ നിരീ​ക്ഷി​ച്ചാൽ അതു വീണു​പോ​കാ​തെ മരക്കൊ​മ്പി​ലി​രി​ക്കു​ന്നത്‌ എങ്ങനെ​യെന്നു നിങ്ങൾ അതിശ​യി​ക്കും. ഒരു ശിഖര​ത്തി​ലോ കമ്പിലോ അള്ളിപ്പി​ടി​ക്കു​ന്ന​തി​നാ​യി ഇരു പാദത്തി​ന്റെ​യും പുറകി​ലാ​യി അതിനു ബലിഷ്‌ഠ​മായ നഖര്‌ (claw) ഉണ്ട്‌; എങ്കിലും അള്ളിപ്പി​ടി​ച്ചി​രി​ക്കു​ന്ന​തി​ന്റെ രഹസ്യം അന്തർനിർമിത പൂട്ടൽസം​വി​ധാ​ന​മാണ്‌. ആ പക്ഷി മരക്കൊ​മ്പി​ലി​രി​ക്കു​മ്പോൾ പേശി​ക​ളും ഉപപേ​ശി​ക​ളും സ്വതവേ അതിന്റെ കാൽവി​ര​ലു​കളെ ഒരു മുഷ്ടി​പോ​ലെ ശക്തി​പ്പെ​ടു​ത്തു​ന്നു. മലങ്കാക്ക എല്ലാറ്റി​നും ഉപയോ​ഗി​ക്കുന്ന അതിന്റെ ബലിഷ്‌ഠ​മായ പാദങ്ങൾ നടക്കാ​നും മാന്താ​നും പറ്റുന്ന തരത്തി​ലു​ള്ള​താണ്‌. അതു​കൊണ്ട്‌, വിവിധ സ്ഥലങ്ങളിൽനി​ന്നു തീറ്റ ശേഖരി​ക്കാൻ അതിനു നല്ല കഴിവുണ്ട്‌.

“കറുത്ത മിന്നൽപ്പിണ”രിന്റെ ആവാസ​വും പറക്കലും

ഏതാനും ചില പക്ഷികൾക്കു​മാ​ത്രമേ മലങ്കാ​ക്ക​യു​ടേ​തു​പോ​ലെ വലിയ ആവാസ​മു​ള്ളൂ. അതു വാസ്‌ത​വ​ത്തിൽ ചുറ്റി​ത്തി​രി​യുന്ന ഒരു പക്ഷിയാണ്‌. ഉത്തരാർധ​ഗോ​ള​ത്തി​ന്റെ പല ഭാഗങ്ങ​ളി​ലും അതിനെ കാണാ​വു​ന്ന​താണ്‌. മരു​പ്ര​ദേ​ശങ്ങൾ; കാനഡ​യി​ലെ​യും സൈബീ​രി​യ​യി​ലെ​യും നിത്യ​ഹ​രിത വനങ്ങൾ—ഇവിടെ അതു ചുള്ളി​ക്ക​മ്പു​ക​ളും ലഭ്യമായ മറ്റു വസ്‌തു​ക്ക​ളും​കൊണ്ട്‌ ഉയരമുള്ള വൃക്ഷങ്ങ​ളിൽ സങ്കീർണ​മായ കൂടു​കൂ​ട്ടു​ന്നു; വടക്കേ അമേരി​ക്ക​യി​ലെ​യും സ്‌കാൻഡി​നേ​വി​യ​യി​ലെ​യും കടലിലെ കിഴു​ക്കാം​തൂ​ക്കായ പാറമ​ട​ക്കു​കൾ; ആർട്ടിക്‌ സമു​ദ്ര​ത്തി​ലെ ഉത്തര ധ്രുവ​സ​മ​ത​ല​പ്ര​ദേ​ശങ്ങൾ, ദ്വീപു​കൾ എന്നിങ്ങനെ ഭൂമി​ശാ​സ്‌ത്ര​പ​ര​മാ​യി വൈജാ​ത്യ​മുള്ള പ്രദേ​ശ​ങ്ങ​ളിൽ അവ ജീവി​ക്കു​ന്നു. അതിന്റെ സാധാരണ വാസസ്ഥലം മരുഭൂ​മി​യി​ലാ​ണെന്നു കാണ​പ്പെ​ടു​ന്നു. കാരണം, മലങ്കാക്ക പൊതു​വേ ഒരു മരുപ്പ​ക്ഷി​യാണ്‌.

അതിന്റെ വൈജാ​ത്യ​മുള്ള വാസസ്ഥ​ല​ത്തി​ന്റെ ദൃഷ്ടാ​ന്തങ്ങൾ ബൈബിൾ ദേശത്തു കാണാ​വു​ന്ന​താണ്‌. വലിയ കറുത്ത മലങ്കാ​ക്ക​ക​ളിൽ രണ്ട്‌ ഇനം അവി​ടെ​യാണ്‌ ജീവി​ക്കു​ന്നത്‌. ഒന്ന്‌, നീണ്ടു​പ​രന്നു കിടക്കുന്ന തെക്കു ഭാഗത്തുള്ള മരുഭൂ​മി​യിൽ കൂടു​വെ​ക്കു​മ്പോൾ മറ്റേത്‌ വടക്കു ഭാഗത്തു വസിക്കു​ന്നു. കറുത്ത മലങ്കാ​ക്കകൾ മലയി​ടു​ക്കു​ക​ളു​ടെ പോതു​ക​ളി​ലും വിടവു​ക​ളി​ലും കൂടു​കൂ​ട്ടു​ന്നു. കെരീ​ത്തി​ലെ നീരൊ​ഴു​ക്കുള്ള താഴ്‌വ​ര​യിൽ ഏലിയാവ്‌ ഒളിച്ചി​രു​ന്ന​പ്പോൾ അവനെ പോറ്റാൻ യഹോവ ഉപയോ​ഗി​ച്ചതു മലങ്കാ​ക്ക​ക​ളെ​യാ​യി​രു​ന്നു. (1 രാജാ​ക്ക​ന്മാർ 17:3-6, NW) ഏദോ​മി​ന്റെ ‘പാഴ്‌സ്ഥ​ല​ത്തും ശൂന്യ​ത്തി​ന്റെ തൂക്കു​ക​ട്ടി​യി​ലും’ നിവസി​ക്കുന്ന മലങ്കാ​ക്ക​ക​ളെ​ക്കു​റി​ച്ചുള്ള യെശയ്യാ​വി​ന്റെ വൃത്താ​ന്ത​വും അവയുടെ വാസസ്ഥ​ല​ത്തി​ന്റെ വർണന​യാണ്‌.—യെശയ്യാ​വു 34:11.

മലങ്കാ​ക്ക​കൾ കെങ്കേ​മ​രായ പറവക​ളാണ്‌. താഴെ, നിലത്തു തീറ്റയ്‌ക്കു​വേണ്ടി പരതി​ക്കൊണ്ട്‌ അവ വലിയ വട്ടത്തിൽ അനായാ​സം ഉയർന്നു​പ​റ​ക്കു​ന്നതു കാണാൻ നല്ല ചന്തമാണ്‌. കരണം​മ​റി​ഞ്ഞു​കൊ​ണ്ടും അൽപ്പസ​മ​യ​ത്തേക്കു തലകീ​ഴാ​യി പറന്നു​കൊ​ണ്ടു​പോ​ലും അവ വായു​വിൽ അഭ്യാസം കാണി​ക്കു​ന്നു, വിശേ​ഷിച്ച്‌ പ്രേമാ​ഭ്യർഥന നടത്തു​മ്പോൾ. ചില സമയങ്ങ​ളിൽ വെറും ആനന്ദത്തി​നാ​യും അവ അങ്ങനെ ചെയ്യു​ന്ന​താ​യി കാണ​പ്പെ​ടു​ന്നു. മലങ്കാ​ക്ക​യു​ടെ പറക്കൽ റേവൻസ്‌ ഇൻ വിന്റർ എന്ന പുസ്‌ത​ക​ത്തിൽ ബെർൻറ്‌ ഹൈൻറിക്‌ യഥോ​ചി​തം വർണി​ക്കു​ന്നു: “ആകാശ​ത്തു​നിന്ന്‌ അത്‌ ഒരു കറുത്ത മിന്നൽപ്പി​ണർപോ​ലെ ഊളി​യിട്ട്‌ മറിയു​ന്നു അല്ലെങ്കിൽ ചിറക​ടി​ക്കാ​തെ നിർവി​ഘ്‌നം പറക്കുന്നു.” “അത്‌ ആകാശ​ത്തി​ലെ വിശിഷ്ട പക്ഷിയാണ്‌, ഇതിലു​മ​ധി​കം കഴിവു​കൾ അതിനുണ്ട്‌” എന്നും അദ്ദേഹം കൂട്ടി​ച്ചേർക്കു​ന്നു. പ്രളയ​സ​മ​യത്തു പെട്ടക​ത്തിൽനിന്ന്‌ ആദ്യമാ​യി പുറത്തു​വി​ടാൻ നോഹ മലങ്കാ​ക്കയെ തിര​ഞ്ഞെ​ടു​ത്ത​തി​നുള്ള കാരണം അതിന്റെ പറക്കൽ ശക്തിയാ​ണെന്നു കരുത​പ്പെ​ടു​ന്നു.—ഉല്‌പത്തി 8:6, 7.

സാഹച​ര്യ​വു​മാ​യി ഇണങ്ങുന്ന തന്ത്രശാ​ലി​ക​ളായ കള്ളന്മാർ

പക്ഷിക​ളിൽവെച്ച്‌ സാഹച​ര്യ​വു​മാ​യി ഏറ്റവു​മ​ധി​കം ഇണങ്ങുന്ന തന്ത്രശാ​ലി​യായ ഒന്നാണു മലങ്കാ​ക്ക​യെന്നു പ്രകൃ​തി​ശാ​സ്‌ത്ര​ജ്ഞ​ന്മാർ പറയുന്നു. ഒരു പ്രസി​ദ്ധീ​ക​രണം പറയു​ന്ന​തു​പോ​ലെ “അതിന്റെ സൂത്രം ഐതി​ഹാ​സി​ക​മാണ്‌.” ഏതു സാഹച​ര്യ​ത്തെ അഭിമു​ഖീ​ക​രി​ക്കു​മ്പോ​ഴും, പ്രത്യേ​കിച്ച്‌ ആഹാര​ത്തി​ന്റെ കാര്യ​ത്തിൽ, നിലവി​ലുള്ള ചുറ്റു​പാ​ടു​ക​ളു​മാ​യി ഇണങ്ങി​പ്പോ​കാ​നുള്ള വെല്ലു​വി​ളി​യെ മലങ്കാക്ക വിജയ​ക​ര​മാ​യി നേരി​ടു​ന്ന​താ​യി തെളി​ഞ്ഞി​രി​ക്കു​ന്നു. തീർച്ച​യാ​യും, തീറ്റയു​ടെ കാര്യ​ത്തിൽ നിർബന്ധം പിടി​ക്കാ​ത്തതു നല്ലതു​തന്നെ! നഖരു​കൾകൊ​ണ്ടു പിടി​ക്കാ​വു​ന്ന​തെ​ന്തും—പഴങ്ങൾ, വിത്തുകൾ, അണ്ടിപ്പ​രിപ്പ്‌, മത്സ്യം, അഴുകിയ മാംസം, കൊച്ചു മൃഗങ്ങൾ, ഉച്ഛിഷ്ടം തുടങ്ങി​യവ—മലങ്കാക്ക തിന്നും. തീറ്റ എവി​ടെ​നി​ന്നു കിട്ടു​ന്നു​വെ​ന്ന​തൊ​ന്നും അതി​നൊ​രു വിഷയമല്ല. താപനില പൂജ്യം ഡിഗ്രി​ക്കു​താ​ഴെ വരുന്ന കാലാ​വ​സ്ഥ​യുള്ള അതിന്റെ വാസസ്ഥ​ലത്ത്‌ ചപ്പുച​വറു നിറഞ്ഞ പ്ലാസ്റ്റിക്ക്‌ സഞ്ചികൾ ചികയാൻ അതു മഞ്ഞിൽ ആഴത്തിൽ കുഴി​ക്കു​ക​പോ​ലും ചെയ്യുന്നു. കൂടാതെ, എങ്ങനെ​യും ആഹാരം കിട്ടു​മെന്നു മണത്തറിഞ്ഞ്‌ മലങ്കാ​ക്കകൾ നായാ​ട്ടു​കാ​രെ​യും മീൻപി​ടു​ത്ത​ക്കാ​രെ​യും ദിവസ​ങ്ങ​ളോ​ളം പിന്തു​ട​രും.

കോർവി​ഡേ അല്ലെങ്കിൽ കാക്കക്കു​ടും​ബ​ത്തി​ലെ അംഗങ്ങൾ പെരു​ങ്ക​ള്ള​ന്മാ​രാണ്‌. മലങ്കാ​ക്ക​ക​ളും ഇതിൽനി​ന്നു വ്യത്യ​സ്‌തരല്ല. മറ്റു പക്ഷിക​ളിൽനി​ന്നോ മൃഗങ്ങ​ളിൽനി​ന്നോ ആഹാരം മോഷ്ടി​ക്കാൻ അവയ്‌ക്ക്‌ ഒരു മടിയു​മില്ല. ഇവ നായ്‌ക്ക​ളെ​യും കബളി​പ്പി​ക്കു​ന്ന​താ​യി ശ്രദ്ധി​ക്ക​പ്പെ​ട്ടി​രി​ക്കു​ന്നു. രണ്ടു മലങ്കാ​ക്ക​ക​ളാ​യി​രി​ക്കും മാറി​മാ​റി കബളി​പ്പി​ക്കു​ന്നത്‌—ഒന്ന്‌ നായുടെ ശ്രദ്ധ തിരി​ക്കു​മ്പോൾ മറ്റേത്‌ ആഹാരം തട്ടി​യെ​ടു​ക്കും. ഒരു ഇന്യൂട്ട്‌ ചിത്ര​പ്പ​ണി​യിൽ, തന്ത്രശാ​ലി​യായ ഒരു മലങ്കാക്ക ഒരു ഐസ്‌-മീൻപി​ടു​ത്ത​ക്കാ​രന്റെ പക്കൽനി​ന്നു മീൻ തട്ടി​യെ​ടു​ക്കു​ന്നതു ചിത്രീ​ക​രി​ച്ചി​രി​ക്കു​ന്നു.

മലങ്കാ​ക്ക​ക​ളും ചെന്നാ​യ്‌ക്ക​ളും തമ്മിൽ ഒരു പ്രത്യേക അടുപ്പ​മുണ്ട്‌. അവ നിത്യ​വും ചെന്നാ​യ്‌ക്കൂ​ട്ട​ങ്ങളെ പിന്തു​ട​രു​ന്നു, ചെന്നാ​യ്‌ക്കൾ വേട്ടയാ​ടി​ക്കൊ​ല്ലുന്ന മൃഗങ്ങളെ തിന്നുന്നു. എന്നാൽ, ഇവി​ടെ​യും അവ ചിരി​പ്പി​ക്കുന്ന ചില വിദ്യകൾ കാട്ടുന്നു. മലങ്കാ​ക്കകൾ ചെന്നാ​യ്‌ക്കളെ കബളി​പ്പി​ക്കു​ന്നതു കണ്ടതായി ഡേവിഡ്‌ മെക്‌ രേഖ​പ്പെ​ടു​ത്തു​ന്നു. അദ്ദേഹം ഒരു മലങ്കാ​ക്ക​യു​ടെ കഥ പറയുന്നു. വിശ്ര​മി​ച്ചു​കൊ​ണ്ടി​രുന്ന ഒരു ചെന്നാ​യു​ടെ അടുക്ക​ലേക്ക്‌ അതു ചാടി​ച്ചാ​ടി ചെന്ന്‌ ചെന്നാ​യു​ടെ വാലിൽ കൊത്തി. ചെന്നായ്‌ അതിനെ പിടി​ക്കാ​നാ​ഞ്ഞ​പ്പോൾ അതു മറുവ​ശ​ത്തേക്കു ചാടി. ചെന്നായ്‌ മലങ്കാ​ക്ക​യു​ടെ പിന്നാലെ പാത്തും​പ​തു​ങ്ങി​യും ചെന്നു. എന്നാൽ, ചെന്നായ്‌ തൊട്ടു​പി​ന്നി​ലെ​ത്തി​യ​പ്പോ​ഴാണ്‌ അതു പറന്നത്‌. പിന്നെ അതു ചെന്നായ്‌ ഇരിക്കു​ന്ന​തിന്‌ ഏതാനും അടി അകലെ വന്നിരുന്ന്‌ അതേ കൃത്യം ആവർത്തി​ക്കു​ക​യാ​യി. ചെന്നാ​യ്‌ക്കു​ഞ്ഞു​ങ്ങ​ളു​മൊത്ത്‌ ‘തൊട്ടു​ക​ളി​ക്കുന്ന’ ഒരു മലങ്കാ​ക്ക​യെ​ക്കു​റിച്ച്‌ മറ്റൊരു വിവരണം പറയുന്നു. ചെന്നാ​യ്‌ക്കു​ഞ്ഞു​ങ്ങൾ കളിച്ചു ക്ഷീണി​ച്ച​പ്പോൾ, അവ വീണ്ടും കളിക്കാൻ തുടങ്ങു​ന്ന​തു​വരെ മലങ്കാക്ക ഉച്ചത്തിൽ ശബ്ദമു​ണ്ടാ​ക്കി​ക്കൊണ്ട്‌ ഇരുന്ന​ത്രെ.

ചരിഞ്ഞ, ലോഹ​നിർമി​ത​മേൽക്കൂ​ര​ക​ളുള്ള വാണി​ജ്യ​കെ​ട്ടി​ട​ങ്ങ​ളിൽ ചേക്കേ​റിയ ചില മലങ്കാ​ക്ക​ക​ളെ​ക്കു​റി​ച്ചു യെല്ലോ​നൈ​ഫി​ലെ വടക്കു​കി​ഴക്കൻ പ്രദേ​ശ​ങ്ങ​ളിൽനി​ന്നു പ്രക്ഷേ​പണം ചെയ്‌ത ഒരു റേഡി​യോ പരിപാ​ടി​യെ​പ്പറ്റി കനേഡി​യൻ ജിയോ​ഗ്ര​ഫിക്‌ മാഗസിൻ പ്രതി​പാ​ദി​ക്കു​ക​യു​ണ്ടാ​യി. ഒന്നുമ​റി​യാ​തെ കടന്നു​പോ​കുന്ന കാൽന​ട​ക്കാ​രു​ടെ ശരീര​ത്തി​ലേക്കു മേൽക്കൂ​ര​ക​ളിൽ കുമി​ഞ്ഞു​കൂ​ടി​യി​രുന്ന മഞ്ഞു തട്ടിയി​ടാൻ അവ കാത്തി​രു​ന്ന​തു​പോ​ലെ വെളി​വാ​യി. കാനഡ​യി​ലെ പശ്ചിമ തീരത്തുള്ള ഹൈഡ ആളുകൾ മലങ്കാ​ക്കയെ സൂത്ര​ക്കാ​രൻ എന്നു വിളി​ക്കു​ന്ന​തിൽ അത്ഭുത​പ്പെ​ടാ​നില്ല!

ഉച്ചാര​ണ​വും പഠന​പ്രാ​പ്‌തി​യും

മലങ്കാ​ക്ക​യു​ടെ “ശബ്ദസഞ്ചയം” അസാധാ​ര​ണ​മാം​വി​ധം വലിയ​തും വ്യത്യ​സ്‌ത​വു​മാണ്‌. നിരന്തരം ശല്യ​പ്പെ​ടു​ത്തു​ന്ന​തി​ന്റെ അടയാ​ള​മാ​യി തിരി​ച്ച​റി​യി​ക്കുന്ന ഉച്ചത്തി​ലുള്ള കാതു​തു​ള​യ്‌ക്കുന്ന ശബ്ദത്തി​നു​പു​റമേ അതിന്റെ ശബ്ദത്തിൽ ആർദ്ര​ത​യും സന്തോ​ഷ​വും അത്ഭുത​വും ഉത്സാഹ​വും ദേഷ്യ​വും പ്രകട​മാ​കു​ന്ന​താ​യി പറയ​പ്പെ​ടു​ന്നു. തങ്ങളുടെ ശബ്ദപരി​ധി​ക്കു​ള്ളിൽപ്പെ​ടുന്ന മറ്റു പക്ഷിക​ളു​ടെ ശബ്ദം അനുക​രി​ക്കാ​നും—വിശേ​ഷിച്ച്‌ ഒരു കാക്കയു​ടെ ശബ്ദം കൃത്യ​മാ​യി അനുക​രി​ക്കാ​നും—മലങ്കാ​ക്ക​കൾക്കു കഴിയും.

മലങ്കാ​ക്ക​ക​ളെ എത്ര​ത്തോ​ളം സംസാ​രി​ക്കാൻ പഠിപ്പി​ക്കാം എന്നതു ചെറി​യൊ​രു തർക്കവി​ഷ​യ​മാണ്‌. എങ്കിലും ബേർഡ്‌ ബ്രെയിൻസ്‌ എന്ന തന്റെ പുസ്‌ത​ക​ത്തിൽ കാൻഡെസ്‌ സാവേജ്‌, ഇണക്കി​യെ​ടുത്ത ചില മലങ്കാ​ക്ക​കളെ മനുഷ്യ​സം​സാ​രം അനുക​രി​ക്കാൻ പഠിപ്പി​ച്ചി​ട്ടു​ള്ള​തി​ന്റെ രേഖകൾ നൽകുന്നു. എഡ്‌ഗർ അലൻ പോ എന്ന കവി ഒരു മലങ്കാ​ക്കയെ സ്വന്തമാ​ക്കി വിഷാദം കലർന്ന ശബ്ദത്തിൽ “ഒരിക്ക​ലു​മില്ല” എന്ന്‌ അതി​നെ​ക്കൊണ്ട്‌ ഉരുവി​ടു​വി​ക്കാൻ കഠിന​പ്ര​യ​ത്‌നം നടത്തി​യ​താ​യി പറയ​പ്പെ​ടു​ന്നു. “ഒരു ചെറു​പ്പ​ക്കാ​രൻ തന്റെ പ്രിയ​പ്പെ​ട്ട​വ​ളു​ടെ മരണത്തിൽ വിലപി​ക്കു​ന്നത്‌” വർണി​ച്ചി​രി​ക്കുന്ന ദ റേവൻ എന്ന അദ്ദേഹ​ത്തി​ന്റെ വിഖ്യാ​ത​മായ കവിത​യ്‌ക്കു പ്രചോ​ദ​ന​മേ​കി​യത്‌ ഇതായി​രു​ന്നു.

മലങ്കാ​ക്ക​യു​ടെ പഠന​പ്രാ​പ്‌തി​യെ​ക്കു​റിച്ച്‌ ഒട്ടും തർക്കമില്ല. ബുദ്ധി​ശക്തി അനുസ​രി​ച്ചു തരംതി​രി​ക്കു​ക​യാ​ണെ​ങ്കിൽ പട്ടിക​യിൽ ഒന്നാമത്തെ സ്ഥാനം മലങ്കാ​ക്ക​യ്‌ക്കാ​യി​രി​ക്കും. മലങ്കാ​ക്കകൾ “പക്ഷി​ലോ​ക​ത്തി​ലെ ബുദ്ധി​ശ​ക്തി​ക്കു മകു​ടോ​ദാ​ഹ​ര​ണ​മാ​ണെന്നു വിചാ​രി​ക്കു”ന്നതായി വയൽ സസ്യശാ​സ്‌ത്ര​ജ്ഞ​നായ ബേർൻറ്‌ ഹെൻറിച്ച്‌ അഭി​പ്രാ​യ​പ്പെ​ടു​ന്നു. “പരീക്ഷ​ണ​ത്തി​നു വിധേ​യ​മാ​ക്കു​മ്പോൾ മലങ്കാ​ക്കകൾ ഉൾക്കാഴ്‌ച പ്രകടി​പ്പി​ക്കുന്ന”തായി അദ്ദേഹം പറയുന്നു. ഒരു പരീക്ഷ​ണ​ത്തിൽ, ചരടിൽ തൂക്കി​യി​ട്ടി​രുന്ന ഒരു മാംസ​ക്ക​ഷണം കൈക്ക​ലാ​ക്കേണ്ട വിധം ഒരു മലങ്കാക്ക ആറു മണിക്കൂർകൊണ്ട്‌ കണ്ടെത്തി. എന്നാൽ കാക്കകൾ 30 ദിവസ​ത്തി​നു​ശേ​ഷ​വും അതിന്‌ ശ്രമി​ച്ചു​കൊ​ണ്ടി​രി​ക്കു​ക​യാ​യി​രു​ന്നു. മലങ്കാ​ക്ക​കളെ എണ്ണാനും പഠിപ്പി​ച്ചി​ട്ടുണ്ട്‌. അവയുടെ ബുദ്ധി ദീർഘാ​യു​സ്സി​നു കാരണ​മാ​യേ​ക്കാം. മലങ്കാ​ക്കകൾ വനത്തിൽ 40-ലേറെ വർഷം​വ​രെ​യും കൂട്ടിൽ വളർത്തു​മ്പോൾ 70 വർഷം​വ​രെ​യും ജീവി​ക്കു​ന്നു. തീർച്ച​യാ​യും, മലങ്കാ​ക്ക​യു​ടെ ഏതു പ്രാപ്‌തി​ക്കും ബഹുമതി കരേ​റ്റേ​ണ്ടത്‌ അതിനെ സൃഷ്ടി​ച്ച​വന്റെ ജ്ഞാനത്തി​നു​തന്നെ.

ഈ പക്ഷി പരക്കെ അറിയ​പ്പെ​ടു​ന്നു. അതിന്റെ സവി​ശേ​ഷ​തകൾ അറിയു​ന്നവർ അതിനെ വിലമ​തി​ക്കു​ന്നു. ലോക​മെ​മ്പാ​ടു​മുള്ള ആളുക​ളു​ടെ പഴങ്കഥ​ക​ളിൽ അതു സ്ഥാനം​പി​ടി​ച്ചി​രി​ക്കു​ന്നു. ഗതകാ​ല​ത്തെ​യും ഏതൽക്കാ​ല​ത്തെ​യും എഴുത്തു​കാർ അതിനെ പ്രസി​ദ്ധ​മാ​ക്കി​യി​രി​ക്കു​ന്നു. (24-ാം പേജി​ലുള്ള ചതുരം കാണുക.) അതേ, മലങ്കാക്ക അങ്ങേയറ്റം രസകര​മായ സ്വഭാ​വ​വി​ശേ​ഷ​ത​ക​ളുള്ള ഒരു പക്ഷിയാണ്‌. പക്ഷേ അതിന്റെ സൗന്ദര്യ​ത്തെ​ക്കു​റിച്ച്‌ എന്തു പറയാൻ കഴിയും?

തനതായ സൗന്ദര്യം

‘കുറു​നി​രകൾ കാക്ക​യെ​പ്പോ​ലെ [“മലങ്കാക്ക,” NW] കറുത്തത്‌’ എന്നു കേട്ടി​ട്ടി​ല്ലേ? (ഉത്തമഗീ​തം 5:11) മഴവി​ല്ലു​പോ​ലെ വർണശ​ബ​ള​മായ ചാരനി​റം​ക​ലർന്ന നീലയും പർപ്പിൾ നിറവു​മുള്ള—ചില​പ്പോൾ തൂവലു​കൾക്ക​ടി​യിൽ പച്ചയുടെ സ്‌പർശ​വും ഉണ്ടായി​രി​ക്കും—അതിന്റെ തിളങ്ങുന്ന കറുത്ത പുറം​തൂ​വ​ലു​കൾ ഇംഗ്ലീ​ഷിൽ അതിനെ വിളി​ക്കുന്ന “റേവൻ” എന്ന പദത്തിന്‌ ശരിയായ അർഥം നൽകുന്നു. മതിപ്പു​ള​വാ​ക്കുന്ന ആകാര​ത്തോ​ടും തിളങ്ങുന്ന കറുത്ത ചിറകു​ക​ളോ​ടും​കൂ​ടിയ മലങ്കാക്ക അതിന്റെ മണലാ​രണ്യ ഭവനത്തി​ന്റെ തരിശു നിലങ്ങ​ളിൽ വ്യതി​രി​ക്ത​മാ​യി നില​കൊ​ള്ളു​ന്നതു വിഭാവന ചെയ്യുക. അല്ലെങ്കിൽ കറുത്തു വെട്ടി​ത്തി​ള​ങ്ങുന്ന ഈ പക്ഷിയും വീണു​കി​ട​ക്കുന്ന ശുദ്ധമായ പുതു​മ​ഞ്ഞും തമ്മിലുള്ള വൈരു​ദ്ധ്യം സങ്കൽപ്പി​ച്ചു​നോ​ക്കുക. കലാകാ​ര​ന്മാർ മലങ്കാ​ക്ക​യു​ടെ സൗന്ദര്യ​ത്തെ പകർത്തി​യി​ട്ടുണ്ട്‌. കലാകാ​ര​നായ റോബർട്ട്‌ ബേറ്റ്‌മാൻ അനുസ്‌മ​രി​ക്കു​ന്നു: “ശക്തമായ, നല്ല വെളി​ച്ച​മുള്ള ഒരു ഭൂപ്ര​ദേ​ശ​മായ യെല്ലോ​സ്റ്റോൺ പാർക്കി​ലെ വിശി​ഷ്ട​മായ, മഞ്ഞുപു​തച്ച മലനി​ര​ക​ളാൽ ഞാൻ ആകൃഷ്ട​നാ​യി. ഒരു മലങ്കാ​ക്ക​യു​ടെ വിശി​ഷ്ട​മായ ആകാര​വു​മാ​യി നല്ല ചേർച്ച​യാ​യി​രു​ന്നു അതിന്‌.”

വാസ്‌ത​വ​മാ​യും, സൗന്ദര്യ​ത്തി​ലും ചരി​ത്ര​ത്തി​ലും ആവാസ​ത്തി​ലും പറക്കലി​ലും സൂത്ര​ത്തി​ലും നിശ്ചയ​ദാർഢ്യ​ത്തി​ലും മലങ്കാക്ക വ്യതി​രി​ക്ത​മായ ഒരു പക്ഷിതന്നെ.

[24-ാം പേജിലെ ചതുരം]

മലങ്കാക്ക ഇതിഹാ​സ​ങ്ങ​ളി​ലും സാഹി​ത്യ​ങ്ങ​ളി​ലും

ഇതിഹാസങ്ങൾ:

ചൈനീസ്‌, ഈജി​പ്‌ഷ്യൻ, ഗ്രീക്ക്‌, സെമി​റ്റിക്‌, സൈബീ​രി​യൻ എന്നീ ഭാഷക​ളി​ലെ ഇതിഹാ​സങ്ങൾ മലങ്കാ​ക്കയെ കൊടു​ങ്കാ​റ്റോ മോശ​മായ കാലാ​വ​സ്ഥ​യോ മുൻകൂ​ട്ടി​പ്പ​റ​യുന്ന ഒന്നായി ചിത്രീ​ക​രി​ക്കു​ന്നു. ഒരുപക്ഷേ അത്തരം ഇതിഹാ​സ​ങ്ങ​ളു​ടെ ഉറവിടം നോഹ​യു​ടെ കാലത്തെ പ്രളയ​മാ​യി​രി​ക്കണം.

സൈബീരിയയിലെ ഇതിഹാ​സ​ങ്ങ​ളിൽ മലങ്കാക്ക ജീവ​നെ​യും സൃഷ്ടി​പ്പി​നെ​യും അർഥമാ​ക്കു​ന്നു. വടക്കേ അമേരി​ക്ക​യിൽ ആദിവാ​സി​കൾക്ക്‌ അത്‌ സൃഷ്ടി​പ്പിൻ ദൈവ​മാണ്‌.

ആഫ്രിക്ക, ഏഷ്യ, യൂറോപ്പ്‌ എന്നിവി​ട​ങ്ങ​ളി​ലെ ഇതിഹാ​സ​ങ്ങ​ളിൽ മലങ്കാക്ക മരണത്തെ അർഥമാ​ക്കു​ന്നു.

സാഹിത്യം:

ബൈബിളിൽ ആദ്യമാ​യി പേരെ​ടു​ത്തു പറഞ്ഞി​രി​ക്കുന്ന പക്ഷിയെന്ന നിലയിൽ മലങ്കാക്ക വ്യത്യ​സ്‌ത​മാണ്‌.—ഉല്‌പത്തി 8:7.

ഷേക്‌സ്‌പിയറിന്റെ രചനക​ളിൽ മലങ്കാ​ക്കയെ മുഖ്യ​മാ​യും ദുശ്ശകു​ന​വും ദുഷ്ടശ​ക്തി​യു​മാ​യി ചിത്രീ​ക​രി​ച്ചി​രി​ക്കു​ന്നു (ജൂലി​യസ്‌ സീസർ, മാക്‌ബത്ത്‌, ഒഥല്ലോ). എന്നാൽ, ഉപേക്ഷി​ക്ക​പ്പെട്ട കുട്ടി​കളെ പോറ്റുന്ന ഉപകർത്താ​വാ​യും അവയെ ചിത്രീ​ക​രി​ച്ചി​രി​ക്കു​ന്നു.—റ്റൈറ്റസ്‌ അഡ്രോ​ണി​ക്കസ്‌, ദ വിന്റേ​ഴ്‌സ്‌ ടെയ്‌ൽ.

ബാർനബീ റഡ്‌ജ്‌ എന്ന പുസ്‌ത​ക​ത്തിൽ ചാൾസ്‌ ഡിക്കൻസ്‌ ഒരു രസിക കഥാപാ​ത്ര​മാ​യി മലങ്കാ​ക്കയെ ചിത്രീ​ക​രി​ക്കു​ന്നു.

ദ റേവൻ എന്ന തന്റെ കവിത​യിൽ എഡ്‌ഗർ അലൻ പോ നഷ്ടസ്‌നേ​ഹ​ത്തോ​ടും നിരാ​ശ​യോ​ടും മലങ്കാ​ക്കയെ ബന്ധപ്പെ​ടു​ത്തി​യി​രി​ക്കു​ന്നു.

[25-ാം പേജിലെ ചതുരം]

പഠിക്കേണ്ട പാഠങ്ങൾ

മലങ്കാ​ക്ക​യിൽ നിന്നു പഠി​ക്കേ​ണ്ട​തായ പാഠങ്ങ​ളുണ്ട്‌. ദൈവ​ത്തി​ന്റെ സ്വന്തം പുത്രൻത​ന്നെ​യാ​ണു മലങ്കാ​ക്ക​യെ​ക്കു​റിച്ച്‌ ഇപ്രകാ​രം പറഞ്ഞത്‌: “അതു വിതെ​ക്കു​ന്നില്ല, കൊയ്യു​ന്നില്ല, അതിനു പാണ്ടി​ക​ശാ​ല​യും കളപ്പു​ര​യും ഇല്ല; എങ്കിലും ദൈവം അതിനെ പുലർത്തു​ന്നു.” (ലൂക്കൊസ്‌ 12:24, NW) അതിന്റെ ഭവനം മിക്കതും ആളൊ​ഴിഞ്ഞ സ്ഥലങ്ങളി​ലാ​യ​തു​കൊണ്ട്‌ വളരെ ദൂരെ​പ്പോ​യി തീറ്റി തേടേ​ണ്ടി​വ​രും. മലങ്കാ​ക്കകൾ ആയുഷ്‌കാ​ല​ത്തിൽ ഒരു ഇണയെ മാത്രമേ തിര​ഞ്ഞെ​ടു​ക്കു​ക​യു​ള്ളൂ. കൂടാതെ അവ അർപ്പിത മാതാ​പി​താ​ക്ക​ളു​മാ​യി​രി​ക്കും. കൂടു​കൂ​ട്ടു​മ്പോൾ അവയുടെ വിശന്നു​വലഞ്ഞ കുഞ്ഞു​ങ്ങ​ളു​ടെ കരച്ചിൽ ശമിപ്പി​ക്കാൻ ആഹാരം നിരന്തരം എത്തിച്ചു​കൊ​ടു​ക്കേ​ണ്ട​തുണ്ട്‌. സൃഷ്ടി​പ്പിൽ തെളി​ഞ്ഞു​കാ​ണുന്ന ജ്ഞാനം സംബന്ധിച്ച്‌ ഇയ്യോ​ബി​നെ പഠിപ്പി​ച്ച​പ്പോൾ യഹോവ ഒരു ഉദാഹ​ര​ണ​മെന്ന നിലയിൽ മലങ്കാ​ക്കയെ ഉൾപ്പെ​ടു​ത്തി. (ഇയ്യോബ്‌ 38:41, NW) മോ​ശൈക ന്യായ​പ്ര​മാ​ണ​ത്തിൽ അശുദ്ധ​മെന്നു പ്രഖ്യാ​പി​ക്ക​പ്പെട്ട മലങ്കാ​ക്ക​യ്‌ക്ക്‌ ദൈവം ആഹാരം പ്രദാനം ചെയ്യു​ന്ന​തു​കൊണ്ട്‌, അവനിൽ ആശ്രയി​ക്കുന്ന ആളുകളെ അവൻ ഉപേക്ഷി​ക്കു​ക​യി​ല്ലെന്നു നമുക്ക്‌ ഉറപ്പു​ണ്ടാ​യി​രി​ക്കാൻ കഴിയും.

[23-ാം പേജിലെ ചിത്ര​ത്തിന്‌ കടപ്പാട്‌]

Ravens on pages 23-5: © 1996 Justin Moore