മലിനീ​ക​രണം തടയ​പ്പെ​ടു​ന്നു—സത്വരം!

“പരിസ്ഥി​തി പൊതു​വേ വിചാ​രി​ക്ക​പ്പെ​ടു​ന്ന​തി​നേ​ക്കാൾ വളരെ അരക്ഷി​ത​മാ​ണെ​ന്നുള്ള നിഗമ​നത്തെ ഒഴിവാ​ക്കാൻ കഴിക​യില്ല.” ഏററവു​മ​ധി​കം വിൽപ്പ​ന​യു​ണ്ടാ​യി​രുന്ന പുസ്‌ത​ക​ത്തി​ന്റെ കർത്താവ്‌ ആയ ജി. ആർ. ടെയിലർ ആ വാക്കു​ക​ളെ​ഴു​തിയ 1970-കളിൽ അവ സത്യമാ​യി​രു​ന്നെ​ങ്കിൽ ഇന്ന്‌ എത്രയ​ധി​കം സത്യമാ​യി​രി​ക്കും! മലിനീ​ക​ര​ണ​ത്തി​നുള്ള സ്ഥിരമായ പരിഹാ​ര​ത്തി​ന്റെ മാർഗ്ഗ​മ​ദ്ധ്യേ​യുള്ള തടസ്സങ്ങളെ മനുഷ്യൻതന്നെ നീക്കാ​നുള്ള സാദ്ധ്യത കുറയു​ക​യാണ്‌. മനുഷ്യന്‌ ദിവ്യ​സ​ഹാ​യം ആവശ്യ​മാ​ണെ​ന്നു​ള്ള​താണ്‌ പ്രകട​മായ സത്യം.

ദൈവം മനുഷ്യ​രെ സൃഷ്ടി​ച്ച​പ്പോൾ ഭൂമിയെ പരിപാ​ലി​ക്കാൻ അവൻ അവരോ​ടു നിർദ്ദേ​ശി​ച്ചു. (ഉൽപ്പത്തി 1:28; 2:15) പകരം, അജ്ഞതയി​ലും അഹങ്കാ​ര​ത്തി​ലും അവർ അതിനെ മലിന​പ്പെ​ടു​ത്തി​യി​രി​ക്കു​ന്നു. എന്നാൽ “ഭൂമിയെ നശിപ്പി​ക്കു​ന്ന​വരെ നശിപ്പി​ക്കു”മെന്ന്‌ സ്രഷ്‌ടാവ്‌ വാഗ്‌ദത്തം ചെയ്‌തി​ട്ടുണ്ട്‌. ഭൂമിയെ മനഃപൂർവം മലിനീ​ക​രി​ക്കു​ന്ന​വരെ ദൈവ​രാ​ജ്യ ഗവൺമെൻറ്‌ നശിപ്പി​ച്ചു​ക​ഴി​യു​മ്പോൾ മലിനീ​ക​ര​ണ​ത്തി​ന്റെ കാരണ​ങ്ങളെ നീക്കം​ചെ​യ്യാൻ കഴിയും.—വെളി​പ്പാട്‌ 11:18.

ഇത്‌ എങ്ങനെ സാധി​ക്കു​മെന്നു നിർദ്ദേ​ശി​ച്ചു​കൊണ്ട്‌ യെശയ്യാവ്‌ 11:9 പറയുന്നു: “അവർ എന്റെ വിശു​ദ്ധ​പർവ​ത​ത്തി​ലെ​ങ്ങും ഒരു ദോഷം ചെയ്യു​ക​യോ നാശം വരുത്തു​ക​യോ ഇല്ല; എന്തു​കൊ​ണ്ടെ​ന്നാൽ ഭൂമി തീർച്ച​യാ​യും യഹോ​വ​യെ​ക്കു​റി​ച്ചുള്ള പരിജ്ഞാ​നം​കൊ​ണ്ടു നിറയും.” ഭൂമിക്ക്‌ ഏതെങ്കി​ലും ദോഷ​മോ നാശമോ വരുത്തി​ക്കൂ​ട്ടു​ന്ന​തൊ​ഴി​വാ​ക്കുന്ന അതിന്റെ സ്‌നേ​ഹ​മ​യി​ക​ളായ പരിപാ​ല​ക​രാ​യി വർത്തി​ക്കു​ന്ന​തിന്‌ ഭൂമി​യെ​യും അതിന്റെ പരിസ​ര​ത്തെ​യും​കു​റിച്ച്‌ അറി​യേ​ണ്ട​തെ​ല്ലാം സ്രഷ്ടാവ്‌ മനുഷ്യ​രെ പഠിപ്പി​ക്കു​മെ​ന്നു​ള്ള​തി​നു സംശയ​മില്ല.

ദൈവം ആദ്യമ​നു​ഷ്യ​രെ സൃഷ്ടിച്ച അതേ പൂർണ്ണ​ത​യു​ടെ അവസ്ഥയി​ലേക്ക്‌ അവൻ അവരെ പുനഃ​സ്ഥി​തീ​ക​രി​ക്കും. സൂക്ഷ്‌മ​പ​രി​ജ്ഞാ​ന​ത്താൽ നിറയു​ന്ന​തും പൂർണ്ണ​വി​വേ​ച​ന​യാൽ നിയ​ന്ത്രി​ക്ക​പ്പെ​ടു​ന്ന​തു​മായ പൂർണ്ണ​ത​യുള്ള മനസ്സുകൾ മാനു​ഷി​ക​തെ​റ​റി​നു ചായ്‌വു​ള്ള​താ​യി​രി​ക്കു​ക​യില്ല. ഇപ്പോൾ നമുക്ക​റി​വുള്ള ഉദാസീ​ന​ത​യും ജഡത്തിന്റെ മററു ദൗർബ​ല്യ​ങ്ങ​ളും നീക്കം​ചെ​യ്യ​പ്പെ​ടും. ദിവ്യ​സം​ര​ക്ഷണം മൂഢമായ അപകട​ങ്ങളെ ഇല്ലാതാ​ക്കും. മൂലകങ്ങൾ പോലും പൂർണ്ണ​നി​യ​ന്ത്ര​ണ​ത്തിൽ നിർത്ത​പ്പെ​ടും.—മർക്കോസ്‌ 4:39 താരത​മ്യ​പ്പെ​ടു​ത്തുക.

“യഹോ​വ​യെ​ക്കു​റി​ച്ചുള്ള പരിജ്ഞാ​നം” മററു​ള്ള​വ​രോ​ടുള്ള ഒരു സ്‌നേ​ഹ​പൂർവ​ക​മായ പരിഗ​ണ​ന​യും ദൈവ​ത്തി​ന്റെ സൃഷ്‌ടി​ക​ളോ​ടുള്ള ഒരു വിലമ​തി​പ്പും മനുഷ്യ​രിൽ നിവേ​ശി​പ്പി​ക്കും. ആ ഗുണങ്ങൾ മലിനീ​ക​രി​ക്കാൻ ആഗ്രഹി​ക്കു​ന്ന​തിൽനിന്ന്‌ വ്യക്തി​കളെ തടയും. യഥാർത്ഥ​ത്തിൽ, ഇത്‌ ഇപ്പോൾത്തന്നെ ഇത്തരം ആളുകളെ ഉളവാ​ക്കി​ക്കൊ​ണ്ടി​രി​ക്കു​ക​യാണ്‌. അവർ “പഴയ വ്യക്തി​ത്വ​ത്തെ അതിന്റെ ആചാര​ങ്ങ​ളോ​ടെ ഉരിഞ്ഞു​ക​ള​ഞ്ഞി​രി​ക്കുന്ന”വരും ക്രിസ്‌തീയ തത്വങ്ങ​ള​നു​സ​രി​ച്ചു ജീവി​ക്കാൻ കഠിന​ശ്ര​മം​ചെ​യ്യു​ന്ന​വ​രു​മായ ആളുക​ളാണ്‌. ദൃഷ്ടാ​ന്ത​മാ​യി, “നീ നിന്റെ അയൽക്കാ​രനെ നിന്നേ​പ്പോ​ലെ​തന്നെ സ്‌നേ​ഹി​ക്കണം.” അല്ലെങ്കിൽ, “നിങ്ങളു​ടെ ജീവി​ത​രീ​തി പണസ്‌നേ​ഹ​ത്തിൽനി​ന്നു വിമു​ക്ത​മാ​യി​രി​ക്കട്ടെ.” മറെറാന്ന്‌: “ഓരോ​രു​ത്ത​നും സ്വന്തം പ്രയോ​ജ​നമല്ല, മറേറ​യാ​ളു​ടേത്‌ അന്വേ​ഷി​ച്ചു​കൊ​ണ്ടി​രി​ക്കട്ടെ.”—കൊ​ലോ​സ്യർ 3:9, 10; മർക്കോസ്‌ 12:31; എബ്രായർ 13:5; 1 കൊരി​ന്ത്യർ 10:24.

നിർദ്ദ​യ​കൊ​ല​യാ​ളി ഒടുവിൽ തടയ​പ്പെ​ടു​ന്നു!

ഇതുവരെ മലിനീ​ക​ര​ണ​ത്തി​ന്റെ മുഖ്യ പ്രോൽസാ​ഹ​ക​നെ​ക്കു​റിച്ച്‌ ഒന്നും പറഞ്ഞില്ല. അവൻ ഒരു അദൃശ്യ കൊല​യാ​ളി​യാണ്‌, ദൈവ​ത്തി​ന്റെ വലിയ എതിരാ​ളി​യായ പിശാച്‌. (യോഹ​ന്നാൻ 8:44; എബ്രായർ 2:14) സാത്താന്റെ വികല​മായ മനസ്സ്‌ ദൈവത്തെ അവമതി​ക്കാ​നും ദൈവ​സൃ​ഷ്‌ടി​യെ നശിപ്പി​ക്കാ​നു​മുള്ള മാർഗ്ഗങ്ങൾ ചിന്തി​ക്കു​ന്ന​തിൽ വിദഗ്‌ദ്ധ​മാണ്‌. മലിനീ​കൃ​ത​വും അശുദ്ധ​വു​മായ ഒരു ഭൂമി സ്രഷ്‌ടാ​വിന്‌ ബഹുമതി കൈവ​രു​ത്തു​ന്നില്ല, അത്‌ ഉജ്ജ്വല​മാ​യി നിർമ്മ​ല​വും മനോ​ഹ​ര​വു​മാ​യി​രി​ക്കാ​നാണ്‌ രൂപകൽപ്പന ചെയ്യ​പ്പെ​ട്ടി​രി​ക്കു​ന്നത്‌; പിശാ​ചി​ന്റെ ഇംഗിതം ചെയ്യു​ന്ന​തി​ലേക്ക്‌ തങ്ങളെ വഴി​തെ​റ​റി​ക്കാൻ പിശാ​ചി​നെ അനുവ​ദി​ക്കുന്ന ദൈവ​സാ​ദൃ​ശ്യ​ത്തിൽ സൃഷ്ടി​ക്ക​പ്പെട്ട മനുഷ്യ​രും സ്രഷ്ടാ​വിന്‌ ബഹമതി വരുത്തു​ന്നില്ല. (എഫേസ്യർ 2:2) സാത്താൻ സ്ഥിതി​ചെ​യ്യു​ന്ന​ട​ത്തോ​ളം​കാ​ലം മലിനീ​ക​ര​ണ​ത്തി​നെ​തി​രായ പോരാ​ട്ടം പരാജ​യ​പ്പെ​ട്ടു​കൊ​ണ്ടി​രി​ക്കും പക്ഷേ കാത്തി​രി​ക്കുക!

ദൈവ​ത്തി​ന്റെ വാഗ്‌ദത്തം ഇതാണ്‌: “സ്വർഗ്ഗ​ത്തിൽനിന്ന്‌ ഒരു ദൂതൻ ഇറങ്ങി​വ​രു​ന്നത്‌ ഞാൻ കണ്ടു . . . പിശാ​ചും സാത്താ​നു​മെന്നു വിളി​ക്ക​പ്പെ​ടുന്ന ആദ്യപാ​മ്പായ മഹാസർപ്പത്തെ അവൻ പിടി​ക്കു​ക​യും ഒരു ആയിരം വർഷ​ത്തേക്ക്‌ ബന്ധിക്കു​ക​യും​ചെ​യ്‌തു . . . അവൻ ആയിരം ആണ്ട്‌ അവസാ​നി​ക്കു​ന്ന​തു​വരെ ജനതകളെ മേലാൽ വഞ്ചിക്കാ​തി​രി​ക്കേ​ണ്ട​തി​നു​തന്നെ.” (വെളി​പ്പാട്‌ 20:1-3) ആ ദൂതൻ കർത്താ​വായ യേശു​ക്രി​സ്‌തു ആണ്‌. അവൻ സാത്താനെ ബന്ധിക്കു​ക​യും അങ്ങനെ ഒരു ആയിരം വർഷ​ത്തേക്ക്‌ അഖിലാ​ണ്ഡ​ത്തിൽനിന്ന്‌ അവന്റെ സ്വാധീ​നത്തെ നീക്കു​ക​യും ചെയ്യും. അതോടെ മലിനീ​ക​ര​ണ​വി​മു​ക്ത​മായ ഒരു ലോക​ത്തി​ന്റെ മുഖ്യ തടസ്സം നീക്ക​പ്പെ​ടു​ന്നു.

ക്രിസ്‌തു​വി​ന്റെ ആയിര​വർഷ​വാ​ഴ്‌ച​ക്കാ​ലത്ത്‌ ഭൂഗ്ര​ഹ​ത്തിന്‌ മലിനീ​ക​ര​ണ​ത്തി​ന്റെ നുഴഞ്ഞു​ക​യ​റ​റ​ത്തിൽനിന്ന്‌ വിമു​ക്ത​മാ​കാൻ വേണ്ടത്ര സമയമു​ണ്ടാ​യി​രി​ക്കും. ഇപ്പോൾത്തന്നെ വരുത്തി​ക്കൂ​ട്ടിയ തകരാറ്‌ ദൈവ​രാ​ജ്യ​ത്തിന്‌ അനായാ​സം പരിഹ​രി​ക്കാൻ കഴിയും. ഇതിനി​ട​യിൽ, മലിനീ​ക​ര​ണ​ത്തി​ന്റെ മാരക​മായ വിളയു​ടെ വീക്ഷണ​ത്തിൽ നാം നമ്മാൽ കഴിയു​ന്ന​തു​പോ​ലെ അതിന്റെ നുഴഞ്ഞു​ക​യ​റ​റ​ത്തിൽനിന്ന്‌ നമ്മേത്തന്നെ ജ്ഞാനപൂർവം സംരക്ഷി​ക്കേ​ണ്ട​താണ്‌. തീർച്ച​യാ​യും, ഇതു ചെയ്യു​ന്ന​തി​നുള്ള മാർഗ്ഗങ്ങൾ പരിമി​ത​മാണ്‌. ‘വെള്ളം കുടി​ക്ക​രുത്‌, വായു ശ്വസി​ക്ക​യു​മ​രുത്‌’ എന്ന റേറാം ലേറെ​റു​ടെ തമാശ​യായ ബുദ്ധി​യു​പ​ദേശം സ്വീക​രി​ക്കു​ന്നത്‌ അശേഷം പ്രാ​യോ​ഗി​ക​വു​മല്ല. എന്നാൽ മററു നടപടി​കൾ സ്വീക​രി​ക്കാൻ കഴിയും. (9-ാം പേജിലെ ചതുരം കാണുക.)

അങ്ങനെ​യു​ള്ള നടപടി​കൾ സ്വീക​രി​ക്കു​മ്പോൾ, മലിനീ​ക​ര​ണ​ത്തി​ന്റെ നുഴഞ്ഞു​ക​യ​റ​റ​ത്തി​നെ​തി​രാ​യുള്ള ഏററം നല്ല സംരക്ഷണം ദൈവ​രാ​ജ്യ​ത്തിൽ ആശ്രയം വെക്കു​ന്ന​താണ്‌. അതു മാത്രമേ പ്രശ്‌ന​ത്തിന്‌ ശാശ്വ​ത​പ​രി​ഹാ​രം വരുത്തു​ക​യു​ള്ളു. കഴിഞ്ഞ​വർഷം യഹോ​വ​യു​ടെ സാക്ഷികൾ ഈ മലിനീ​ക​ര​ണ​വി​മു​ക്ത​മായ പുതിയ ലോക​ത്തിൽ ജീവി​ക്കു​ന്ന​തി​നുള്ള ദൈവിക വ്യവസ്ഥകൾ പഠിക്കാ​നാ​ഗ്ര​ഹ​മു​ള്ള​വ​രു​മാ​യി മുപ്പതു​ല​ക്ഷ​ത്തി​ല​ധി​കം പ്രതി​വാര ബൈബി​ള​ദ്ധ്യ​യ​നങ്ങൾ നടത്തി. സൗജന്യ​മാ​യി വാഗ്‌ദാ​നം​ചെ​യ്യ​പ്പെ​ടുന്ന ഈ സേവന​ത്തിൽനിന്ന്‌ പ്രയോ​ജനം നേടാൻ നിങ്ങൾ ആഗ്രഹി​ക്കു​ന്നു​വോ?

മലിനീ​ക​ര​ണ​ത്തി​നെ​തി​രാ​യുള്ള—നിർദ്ദ​യ​കൊ​ല​യാ​ളി​ക്കെ​തി​രാ​യുള്ള—നമ്മുടെ പോരാ​ട്ടം പെട്ടെ​ന്ന​വ​സാ​നി​ക്കു​മെ​ന്ന​റി​യു​ന്നത്‌ എന്തോരു സന്തോ​ഷ​മാണ്‌! അതു​പോ​ലെ​തന്നെ മലിനീ​ക​ര​ണ​ത്തി​ന്റെ മാരക​മായ വിളയെ നേരി​ടാ​നുള്ള നമ്മുടെ പോരാ​ട്ട​വും. കൊല​യാ​ളി​കൾത​ന്നെ​യായ മലിനീ​ക​ര​ണ​വും അതിന്റെ മുഖ്യ​പ്രോൽസാ​ഹ​ക​നായ പിശാ​ചായ സാത്താ​നും ഒടുവിൽ തടയ​പ്പെ​ടും—സത്വരം​തന്നെ! (g88 5/8)

[9-ാം പേജിലെ ചതുരം]

മലിനീകരണത്തിനെതിരായ വ്യക്തി​പ​ര​മായ സംരക്ഷണം

◼ നിരന്തരം വേണ്ടത്ര വ്യായാ​മ​വും വിശ്ര​മ​വും എടുത്തു​കൊണ്ട്‌ നിങ്ങളു​ടെ പൊതു ആരോ​ഗ്യം സൂക്ഷി​ക്കു​ക

◼ പുകവ​ലി​യും മദ്യത്തി​ന്റെ​യും മയക്കു​മ​രു​ന്നി​ന്റെ​യും ദുരു​പ​യോ​ഗ​വും അല്ലെങ്കിൽ ശരീര​ത്തി​ന്റെ പ്രതി​രോ​ധ​സം​വി​ധാ​ന​ങ്ങളെ ദുർബ​ല​പ്പെ​ടു​ത്തുന്ന മററു ശീലങ്ങ​ളും ഒഴിവാ​ക്കു​ക

◼ അമിത​മാ​യി വെയിൽകൊ​ള്ളു​ന്നത്‌ ഒഴിവാ​ക്കു​ക

◼ നിങ്ങളു​ടെ പ്രദേ​ശത്ത്‌ ദുഷിച്ച വെള്ളത്തി​ന്റെ അപകട​മു​ണ്ടെ​ങ്കിൽ ഒരു വാട്ടർ ഫിൽററർ ഉപയോ​ഗി​ക്കു​ക

◼ ന്യായ​മാ​യി സാദ്ധ്യ​മാ​കു​ന്ന​ട​ത്തോ​ളം രാസ​ചേ​രു​വ​ക​ള​ട​ങ്ങിയ ഭക്ഷ്യവ​സ്‌തു​ക്കൾ ഒഴിവാ​ക്കു​ക

◼ മിക്കവാ​റും എല്ലാ ഔഷധ​ങ്ങൾക്കും പാർശ്വ​ഫ​ല​ങ്ങ​ളു​ള്ള​തു​കൊണ്ട്‌ ആവശ്യ​മി​ല്ലാത്ത ഔഷധ​പ്ര​യോ​ഗ​മൊ​ഴി​വാ​ക്കുക

◼ മലിനീ​ക​ര​ണത്തെ തടയാ​നുള്ള നിയമ​പ​ര​മായ നിബന്ധ​ന​ക​ളോട്‌ സഹകരി​ക്കു​ക

[10-ാം പേജിലെ ചിത്രം]

ദൈവത്തിന്റെ പുതിയ ലോക​ത്തി​ലെ മലിനീ​ക​ര​ണ​വി​മു​ക്ത​മായ മനോ​ഹാ​രി​ത​സം​ബ​ന്ധിച്ച്‌ വഞ്ചനാ​ത്‌മ​ക​മാ​യി യാതൊ​ന്നു​മു​ണ്ടാ​യി​രി​ക്ക​യില്ല