ജീവിത-സേവന യോഗ​ത്തി​നുള്ള പഠനസഹായി—പരാമർശങ്ങൾ

ജൂൺ 5-11

ദൈവവചനത്തിലെ നിധികൾ | യിരെമ്യ 51-52

“യഹോ​വ​യു​ടെ വാക്കുകൾ ഓരോ​ന്നും അണുവിട തെറ്റാതെ നിറ​വേറി”

(യിരെമ്യ 51:11) “അസ്‌ത്രങ്ങൾ മിനുക്കൂ! പരിചകൾ എടുക്കൂ! യഹോവ ബാബി​ലോ​ണി​നെ നശിപ്പി​ക്കാൻ തീരു​മാ​നി​ച്ചി​രി​ക്കു​ന്നു. അതിനു​വേണ്ടി ദൈവം മേദ്യ​രാ​ജാ​ക്ക​ന്മാ​രു​ടെ മനസ്സ്‌ ഉണർത്തി​യി​രി​ക്കു​ന്നു. കാരണം, ഇത്‌ യഹോ​വ​യു​ടെ പ്രതി​കാ​ര​മാണ്‌, ദൈവ​ത്തി​ന്റെ ആലയത്തി​നു​വേ​ണ്ടി​യുള്ള പ്രതി​കാ​രം.”

(യിരെമ്യ 51:28) “ജനതകളെ അവൾക്കെ​തി​രെ നിയമി​ക്കൂ! അങ്ങനെ, മേദ്യ​രാ​ജാ​ക്ക​ന്മാ​രും അവിടത്തെ ഗവർണർമാ​രും കീഴധി​കാ​രി​ക​ളും അവർ ഭരിക്കുന്ന ദേശങ്ങ​ളും അവൾക്കെ​തി​രെ ചെല്ലട്ടെ.”

it-2-E 360 ¶2-3

മേദ്യ, മേദ്യർ

പേർഷ്യക്കാരോടൊപ്പം ബാബി​ലോ​ണി​നെ കീഴട​ക്കു​ന്നു. ബാബിലോണിനെതിരെ യഹോവ പ്രവർത്തി​ക്കു​മെന്ന്‌ ബി.സി. 8-ാം നൂറ്റാ​ണ്ടിൽ യശയ്യ പ്രവചി​ച്ചി​രു​ന്നു. യശയ്യ പറഞ്ഞത്‌ ഇതാണ്‌: “മേദ്യരെ അവർക്കു നേരെ എഴു​ന്നേൽപ്പി​ക്കു​ന്നു, അവർ വെള്ളിക്കു വില കല്‌പി​ക്കു​ന്നില്ല, സ്വർണ​ത്തിൽ അവർക്കു താത്‌പ​ര്യ​വു​മില്ല. അവരുടെ വില്ലുകൾ യുവാ​ക്കളെ ചിതറി​ച്ചു​ക​ള​യും.” (യശ 13:17-19; 21:2) ‘മേദ്യർ’ എന്ന വാക്ക്‌ ഇവിടെ പേർഷ്യ​ക്കാ​രെ​യും കുറി​ക്കു​ന്നു. പുരാതന ഗ്രീക്കു​ച​രി​ത്ര​കാ​ര​ന്മാർ ഈ പദം മേദ്യ​രെ​യും പേർഷ്യ​ക്കാ​രെ​യും കുറി​ക്കാ​നാ​യി ഉപയോ​ഗി​ച്ചി​രു​ന്നു. വെള്ളി​ക്കും സ്വർണ​ത്തി​നും അവർ വില കല്‌പി​ക്കാ​തി​രു​ന്നു എന്നതു സൂചി​പ്പി​ക്കു​ന്നത്‌, ബാബി​ലോ​ണി​നെ ആക്രമിച്ച്‌ കീഴട​ക്കുക എന്നതാ​യി​രു​ന്നു അവരുടെ മുഖ്യ​ല​ക്ഷ്യം എന്നാണ്‌. അല്ലാതെ അവരുടെ കൊള്ള​മു​ത​ലി​ലാ​യി​രു​ന്നില്ല ശത്രു​ക്ക​ളു​ടെ കണ്ണ്‌. അതു​കൊ​ണ്ടു​തന്നെ മേദ്യരെ ആ ഉദ്ദേശ്യ​ത്തിൽനിന്ന്‌ പിന്തി​രി​പ്പി​ക്കാൻ കൈക്കൂ​ലി​ക്കോ മറ്റു സമ്മാന​ങ്ങൾക്കോ കഴിയു​മാ​യി​രു​ന്നില്ല. മേദ്യ​രും അതു​പോ​ലെ പേർഷ്യ​ക്കാ​രും അമ്പും വില്ലും ആണ്‌ മുഖ്യാ​യു​ധ​മാ​യി ഉപയോ​ഗി​ച്ചി​രു​ന്നത്‌. മരം​കൊ​ണ്ടുള്ള വില്ല്‌ ചെമ്പോ താമ്ര​മോ ഉപയോ​ഗിച്ച്‌ ചില​പ്പോൾ ബലപ്പെ​ടു​ത്തി​യി​രു​ന്നു. (സങ്ക 18:34 താരത​മ്യം ചെയ്യുക.) അതിൽ വെച്ച്‌ എയ്യുന്ന അമ്പുകൾകൊണ്ട്‌ ‘ബാബി​ലോ​ണി​ലെ യുവാ​ക്കളെ ചിതറി​ച്ചു​ക​ളഞ്ഞു.’ അറ്റം മിനു​ക്കിയ അത്തരം അമ്പുകൾ ശരീര​ത്തി​ലേക്കു തുളച്ചു​ക​യ​റു​മാ​യി​രു​ന്നു.—യിര 51:11.

ബാബിലോണിനെ ആക്രമി​ക്കു​ന്ന​വ​രു​ടെ കൂട്ടത്തിൽ ‘മേദ്യ​രാ​ജാ​ക്ക​ന്മാ​രെ​ക്കു​റിച്ച്‌’ യിരെമ്യ പറഞ്ഞത്‌ നിങ്ങൾ ശ്രദ്ധി​ച്ചു​കാ​ണും. (യിര 51:11, 28) രാജാ​ക്ക​ന്മാർ എന്ന ആ ബഹുവ​ചനം കോ​രെ​ശി​ന്റെ കീഴി​ലുള്ള ഒരു മേദ്യ രാജാ​വി​നെ​യോ രാജാ​ക്ക​ന്മാ​രെ​യോ ആയിരി​ക്കാം അർഥമാ​ക്കു​ന്നത്‌. പുരാ​ത​ന​കാ​ലത്ത്‌ നിലവി​ലി​ല്ലാ​തി​രുന്ന ഒരു രീതി​യാണ്‌ ഇത്‌. (യിര 25:25-ഉം താരത​മ്യം ചെയ്യുക.) എന്നിട്ടും മേദ്യർ, പേർഷ്യ​ക്കാർ, ഏലാമ്യർ, മറ്റ്‌ അയൽഗോ​ത്ര​ങ്ങ​ളി​ലു​ള്ളവർ എന്നിവർ അടങ്ങുന്ന സൈന്യം ബാബി​ലോ​ണി​നെ പിടിച്ചടക്കിയപ്പോൾ മേദ്യ​നായ ദാര്യാ​വേ​ശി​നെ​യാണ്‌ “കൽദയ​രു​ടെ രാജ്യ​ത്തി​ന്റെ രാജാ​വാ​ക്കി​യത്‌.” തെളി​വ​നു​സ​രിച്ച്‌ പേർഷ്യ​ക്കാ​ര​നായ കോ​രെശ്‌ രാജാ​വാ​യി​രി​ക്കും അദ്ദേഹത്തെ നിയമി​ച്ചത്‌.—ദാനി 5:31; 9:1.

(യിരെമ്യ 51:30) “ബാബി​ലോ​ണി​ന്റെ യുദ്ധവീ​ര​ന്മാർ പോരാട്ടം നിറു​ത്തി​യി​രി​ക്കു​ന്നു. അവർ അവരുടെ കോട്ട​കൾക്കു​ള്ളിൽത്തന്നെ ഇരിക്കു​ക​യാണ്‌. അവരുടെ ശക്തി ചോർന്നു​പോ​യി​രി​ക്കു​ന്നു. അവർ സ്‌ത്രീ​ക​ളെ​പ്പോ​ലെ​യാ​യി. അവളുടെ വീടു​കൾക്കു തീയി​ട്ടി​രി​ക്കു​ന്നു. അവളുടെ പൂട്ടുകൾ തകർന്നി​രി​ക്കു​ന്നു.”

it-2-E 459 ¶4

നബോണീഡസ്‌

ബാബിലോൺ തകർന്ന രാത്രി​യെ​ക്കു​റിച്ച്‌ വൃത്താന്തം പറയുന്നത്‌ ഇങ്ങനെ​യാണ്‌: “യാതൊ​രു പോരാ​ട്ട​വും കൂടാതെ കോ​രെ​ശി​ന്റെ നേതൃ​ത്വ​ത്തി​ലുള്ള സൈന്യം ബാബി​ലോ​ണിൽ പ്രവേ​ശി​ച്ചത്‌.” ഇത്‌, “ബാബി​ലോ​ണി​ന്റെ യുദ്ധവീ​ര​ന്മാർ പോരാ​ട്ടം നിറു​ത്തി​യി​രി​ക്കു​ന്നു” എന്ന യിരെ​മ്യ​യു​ടെ വാക്കുകൾ നിവർത്തി​ച്ചു.—യിര 51:30.

(യിരെമ്യ 51:37) “ബാബി​ലോൺ കൽക്കൂ​മ്പാ​ര​ങ്ങ​ളും കുറുനരികളുടെ താവള​വും ആകും. ഞാൻ അതിനെ പേടിപ്പെടുത്തുന്ന ഒരിട​വും ആളുകൾ കണ്ട്‌ അതിശ​യ​ത്തോ​ടെ തല കുലു​ക്കുന്ന ഒരു സ്ഥലവും ആക്കും. അതു ജനവാ​സ​മി​ല്ലാ​തെ കിടക്കും.”

(യിരെമ്യ 51:62) “എന്നിട്ട്‌, ‘യഹോവേ, ഈ സ്ഥലം നശിച്ച്‌ മനുഷ്യ​നോ മൃഗമോ ഇല്ലാത്ത ശൂന്യ​സ്ഥ​ല​മാ​കു​മെ​ന്നും അവൾ എന്നും ഒരു പാഴ്‌നി​ല​മാ​യി​ക്കി​ട​ക്കു​മെ​ന്നും അങ്ങ്‌ പറഞ്ഞി​ട്ടു​ണ്ട​ല്ലോ’ എന്നു പറയണം.”

it-1-E 237 ¶1

ബാബിലോൺ

ബി.സി. 539-ൽ ബാബി​ലോൺ നശിപ്പി​ക്ക​പ്പെ​ട്ട​തോ​ടെ ആ നഗരത്തി​ന്റെ പ്രതാപം മങ്ങിത്തു​ടങ്ങി. പേർഷ്യൻ ചക്രവർത്തി​യായ ദാര്യാ​വേശ്‌ ഒന്നാമന്‌ (ഹിസ്റ്റാ​സ്‌പി​സിന്‌) എതിരെ രണ്ടു പ്രാവ​ശ്യം ബാബി​ലോൺ മത്സരിച്ചു. രണ്ടാം പ്രാവ​ശ്യം അതു പൂർണ​മാ​യും തകർക്ക​പ്പെട്ടു. പാതി പുതു​ക്കി​പ്പ​ണിത നഗരം സെർക്‌സസ്‌ ഒന്നാമനു നേർക്ക്‌ മത്സരത്തി​നു മുതിർന്നു. പക്ഷേ നഗരം കൊള്ള​യ​ടി​ക്ക​പ്പെട്ടു. മഹാനായ അലക്‌സാ​ണ്ടർ ചക്രവർത്തി ബാബി​ലോ​ണി​നെ തന്റെ തലസ്ഥാ​ന​മാ​ക്കാൻ ശ്രമിച്ചു. എന്നാൽ ബി.സി. 323-ൽ അദ്ദേഹം പെട്ടെന്നു മരണമ​ടഞ്ഞു. ബി.സി. 312-ൽ നിക്കേറ്റർ ഈ നഗരം ആക്രമിച്ച്‌ അവി​ടെ​യു​ണ്ടാ​യി​രുന്ന മിക്ക സാധന​ങ്ങ​ളും ടൈ​ഗ്രിസ്‌ നദിയു​ടെ തീര​ത്തേക്കു കടത്തി​ക്കൊ​ണ്ടു​പോ​യി. പുതിയ തലസ്ഥാ​ന​മായ സെലൂക്യ കെട്ടി​പ്പൊ​ക്കുക എന്നതാ​യി​രു​ന്നു ലക്ഷ്യം. ഒന്നാം നൂറ്റാ​ണ്ടു​വരെ ആ നഗരത്തിൽ ജൂതന്മാ​രു​ണ്ടാ​യി​രു​ന്നെന്ന്‌ പത്രോ​സി​ന്റെ ലേഖന​ത്തിൽനിന്ന്‌ വ്യക്തമാണ്‌. അദ്ദേഹം ബാബി​ലോൺ സന്ദർശി​ച്ച​താ​യി അതിൽ പറയു​ന്നുണ്ട്‌. (1പത്ര 5:13) എ.ഡി. 75-ന്റെ അവസാ​ന​കാ​ല​ത്തും ബാബി​ലോ​ണിൽ ബേലിന്റെ ക്ഷേത്ര​മു​ണ്ടാ​യി​രു​ന്ന​താ​യി അവി​ടെ​നിന്ന്‌ കണ്ടെടുത്ത ആലേഖ​ന​ങ്ങ​ളിൽ സൂചി​പ്പി​ക്കു​ന്നു. എ.ഡി. നാലാം നൂറ്റാ​ണ്ടോ​ടെ നഗരം നശിച്ച്‌ നാമാ​വ​ശേ​ഷ​മാ​യി. വെറും ‘കൽക്കൂ​മ്പാ​ര​ങ്ങ​ളാ​യി’ മാറി ആ നഗരം!—യിര 51:37.

ആത്മീയമുത്തുകൾക്കായി കുഴി​ക്കു​ക

(യിരെമ്യ 51:25) “ഭൂമിയെ മുഴുവൻ നശിപ്പി​ക്കുന്ന വിനാ​ശ​ക​പർവ​തമേ, ഞാൻ നിനക്ക്‌ എതിരാണ്‌” എന്ന്‌ യഹോവ പ്രഖ്യാ​പി​ക്കു​ന്നു. “ഞാൻ നിന്റെ നേരെ കൈ നീട്ടി പാറ​ക്കെ​ട്ടു​ക​ളിൽനിന്ന്‌ നിന്നെ താഴേക്ക്‌ ഉരുട്ടി​വി​ടും. ഞാൻ നിന്നെ കത്തിക്ക​രിഞ്ഞ ഒരു പർവത​മാ​ക്കും.”

it-2-E 444 ¶9

പർവതം

ഗവൺമെന്റുകളെ പ്രതി​നി​ധീ​ക​രി​ക്കു​ന്നു. രാജത്വ​ങ്ങ​ളെ​യും ഗവൺമെ​ന്റു​ക​ളെ​യും പ്രതീ​ക​പ്പെ​ടു​ത്താൻ ബൈബി​ളിൽ പലപ്പോ​ഴും പർവതങ്ങൾ എന്ന്‌ ഉപയോ​ഗി​ച്ചി​രി​ക്കു​ന്നു. (ദാനി 2:35, 44, 45; യശ 41:15; വെളി 17:9-11, 18) തങ്ങളുടെ സൈനി​ക​പോ​രാ​ട്ട​ങ്ങ​ളാൽ ബാബി​ലോൺ മറ്റു ദേശങ്ങളെ കീഴടക്കി നശിപ്പി​ച്ചു. അതു​കൊ​ണ്ടാണ്‌ അവളെ ‘വിനാ​ശ​ക​പർവതം’ എന്നു വിളി​ക്കു​ന്നത്‌.—യിര 51:24, 25.

(യിരെമ്യ 51:42) “കടൽ ബാബി​ലോ​ണി​നെ കടന്നാ​ക്ര​മി​ച്ചി​രി​ക്കു​ന്നു. അതിന്റെ എണ്ണമറ്റ തിരമാ​ലകൾ അവളെ മൂടി​യി​രി​ക്കു​ന്നു.”

it-2-E 882 ¶3

കടൽ

മേദ്യരുടെയും പേർഷ്യ​ക്കാ​രു​ടെ​യും കീഴട​ക്കി​മു​ന്നേ​റുന്ന സൈന്യ​ത്തെ​യാണ്‌ ബാബി​ലോ​ണി​നെ കടന്നാ​ക്ര​മി​ക്കുന്ന “കടൽ” എന്നതു​കൊണ്ട്‌ യിരെമ്യ അർഥമാ​ക്കി​യ​തെന്ന്‌ തെളി​വു​കൾ സൂചി​പ്പി​ക്കു​ന്നു.—യിര 51:42; ദാനി 9:26 താരതമ്യം ചെയ്യുക.

ജൂൺ 12-18

ദൈവവചനത്തിലെ നിധികൾ | വിലാപങ്ങൾ 1-5

“കാത്തി​രി​പ്പിൻ മനോ​ഭാ​വം സഹിച്ചു​നിൽക്കാൻ നമ്മളെ സഹായി​ക്കും”

(വിലാ​പങ്ങൾ 3:20, 21) “അങ്ങ്‌ ഉറപ്പാ​യും എന്നെ ഓർക്കു​ക​യും എന്നെ കുനി​ഞ്ഞു​നോ​ക്കു​ക​യും ചെയ്യും. ഞാൻ ഇത്‌ എന്റെ ഹൃദയ​ത്തിൽ സ്‌മരി​ക്കു​ന്നു, അതു​കൊണ്ട്‌ ഞാൻ ക്ഷമയോ​ടെ കാത്തി​രി​ക്കും.”

(വിലാ​പങ്ങൾ 3:24) “‘യഹോ​വ​യാണ്‌ എന്റെ ഓഹരി; അതു​കൊണ്ട്‌ ഞാൻ ദൈവ​ത്തി​നാ​യി ക്ഷമയോ​ടെ കാത്തി​രി​ക്കും’ എന്നു ഞാൻ പറഞ്ഞു.”

w12-E 6/1 14 ¶3-4

‘അങ്ങ്‌ . . . എന്നെ കുനി​ഞ്ഞു​നോ​ക്കും’

അത്യധികം വിഷമ​മു​ണ്ടാ​യി​രു​ന്നെ​ങ്കി​ലും യിരെമ്യ പ്രതീക്ഷ കൈവി​ട്ടില്ല. യിരെമ്യ ദൈവ​ത്തോ​ടു കണ്ണീ​രോ​ടെ ഇങ്ങനെ പറഞ്ഞു: “അങ്ങ്‌ ഉറപ്പാ​യും എന്നെ ഓർക്കു​ക​യും എന്നെ കുനി​ഞ്ഞു​നോ​ക്കു​ക​യും ചെയ്യും.” (വില 3:20) യിരെ​മ്യക്ക്‌ അക്കാര്യ​ത്തിൽ ഒരു സംശയ​വു​മു​ണ്ടാ​യി​രു​ന്നില്ല. യഥാർഥ​മാ​യി പശ്ചാത്ത​പി​ക്കുന്ന ആരെയും യഹോവ ഒരിക്ക​ലും മറക്കി​ല്ലെന്ന്‌ അദ്ദേഹ​ത്തിന്‌ ഉറപ്പാ​യി​രു​ന്നു. സർവശ​ക്ത​നായ ദൈവം എന്തു ചെയ്യു​മാ​യി​രു​ന്നു?—വെളി 15:3.

യഹോവ ‘കുനി​ഞ്ഞു​നോ​ക്കും’ എന്ന ഈ വാക്കുകൾ മനസ്സിൽ ഒരു സാന്ത്വ​ന​ത്തി​ന്റെ ചിത്രം നൽകുന്നു. “മുഴു​ഭൂ​മി​ക്കും മീതെ അത്യു​ന്നതൻ” ആയ യഹോവ തന്റെ ആരാധ​കരെ ‘കുനി​ഞ്ഞു​നോ​ക്കി’ പരിതാ​പ​ക​ര​മായ അവസ്ഥയി​ലാ​യി​രി​ക്കുന്ന അവരെ ഉയർത്തും, താനു​മാ​യി നല്ല ഒരു ബന്ധത്തി​ലേക്കു കൊണ്ടു​വ​രും. (സങ്ക 83:18) യിരെ​മ്യ​യു​ടെ മുറി​വേറ്റ ഹൃദയ​ത്തിന്‌ പ്രതീ​ക്ഷ​യു​ടെ ഈ വാക്കുകൾ വലിയ ആശ്വാ​സ​മേ​കു​ന്നു. പശ്ചാത്ത​പി​ക്കുന്ന ജനത്തെ വിടു​വി​ക്കുന്ന യഹോ​വ​യു​ടെ കൃത്യ​സ​മ​യ​ത്തി​നാ​യി ക്ഷമയോ​ടെ കാത്തി​രി​ക്കാൻ ഈ വിശ്വ​സ്‌ത​പ്ര​വാ​ചകൻ തീരു​മാ​നി​ച്ചു​റച്ചു.—വില 3:21.