ശ്രദ്ധിക്കൂ—യഹോ​വ​യു​ടെ കാവൽക്കാ​രൻ സംസാ​രി​ക്കു​ന്നു!

“ഞാൻ നിന്നെ യിസ്രാ​യേൽഗൃ​ഹ​ത്തിന്‌ ഒരു കാവൽക്കാ​ര​നാ​ക്കി​യി​രി​ക്കു​ക​യാണ്‌,. . .നീ എന്നിൽനി​ന്നു കേട്ട്‌ അവർക്കു മുന്നറി​യി​പ്പു കൊടു​ക്കണം.”—യെഹെ​സ്‌ക്കേൽ 3:17.

1. യഹോ​വ​യു​ടെ “കാവൽക്കാ​രൻ” സംസാ​രി​ക്കു​മ്പോൾ ശ്രദ്ധി​ക്കേ​ണ്ട​തെ​ന്തു​കൊണ്ട്‌?

യഹോ​വ​യു​ടെ “കാവൽക്കാ​രൻ” ഇപ്പോൾത്തന്നെ ദൈവ​ത്തി​ന്റെ ദൂത്‌ സംസാ​രി​ക്കു​ന്നുണ്ട്‌. നിങ്ങൾ ശ്രദ്ധി​ക്കു​ന്നു​ണ്ടോ? നിങ്ങളു​ടെ ജീവൻതന്നെ ആ ദൂതി​നോട്‌ വിലമ​തി​പ്പോ​ടും നടപടി​യോ​ടും കൂടെ പ്രതി​ക​രി​ക്കു​ന്ന​തി​നെ ആശ്രയി​ച്ചാ​ണി​രി​ക്കു​ന്നത്‌. ഈ ദുഷ്ട വ്യവസ്ഥി​തി​യെ നശിപ്പി​ച്ചു​കൊ​ണ്ടും തന്റെ ജനത്തെ കാത്തു​സൂ​ക്ഷി​ച്ചു​കൊ​ണ്ടും യഹോവ തന്റെ വിശുദ്ധ നാമത്തെ വിശു​ദ്ധീ​ക​രി​ക്കു​മ്പോൾ, പെട്ടെ​ന്നു​തന്നെ ‘ജനതകൾ യഹോ​വയെ അറിയും.’ നിങ്ങൾ അവരിൽ ഉൾപ്പെ​ടു​വാൻ പ്രത്യാ​ശി​ക്കു​ന്നു​വോ? (യെഹെ​സ്‌ക്കേൽ 36:23; 39:7; 2 പത്രോസ്‌ 3:8–13) പ്രത്യാ​ശി​ക്കു​ന്നു​ണ്ടാ​യി​രി​ക്കാം, എന്നാൽ യഹോ​വ​യു​ടെ “കാവൽക്കാ​രൻ” സംസാ​രി​ക്കു​മ്പോൾ നിങ്ങൾ ശ്രദ്ധി​ക്കു​ന്നു​വെ​ങ്കിൽ മാത്രം.

2. ദൈവ​ത്തി​ന്റെ പ്രവാ​ച​കൻമാ​രെ ശ്രദ്ധി​ക്കു​ന്ന​തി​ലുള്ള പരാജയം യഹൂദാ​രാ​ജ്യ​ത്തിന്‌ എന്തിൽ കലാശി​ച്ചു?

² ദൈവ​ത്തി​ന്റെ പ്രവാ​ച​കൻമാ​രെ ശ്രദ്ധി​ക്കു​ന്ന​തി​ലുള്ള പരാജയം ക്രി.മു. 607–ൽ യഹൂദാ​രാ​ജ്യ​ത്തിൻമേൽ വിപത്തു വരുത്തി. ശത്രു​ജ​ന​തകൾ ബാബി​ലോ​ന്യ കൈക​ളാ​ലുള്ള ആ ശൂന്യ​മാ​ക്ക​ലിൽ ആഹ്ലാദി​ച്ചു. എന്നാൽ തങ്ങളുടെ സ്വദേ​ശ​ത്തേ​ക്കുള്ള വിശ്വസ്‌ത യഹൂദൻമാ​രു​ടെ ക്രി.മു. 537–ലെ മടങ്ങി​വ​ര​വി​നുള്ള തന്ത്രം യഹോവ ആവിഷ്‌ക്ക​രി​ച്ച​പ്പോൾ യഹോ​വ​യു​ടെ നാമം എത്ര മഹത്വീ​ക​രി​ക്ക​പ്പെട്ടു!

3. യെഹെ​സ്‌ക്കേൽ പുസ്‌ത​ക​ത്തിൽ എന്തടങ്ങി​യി​രി​ക്കു​ന്നു?

³ ആ ശൂന്യ​മാ​ക്ക​ലും പുന:സ്ഥിതീ​ക​ര​ണ​വും യഹോ​വ​യു​ടെ കാവൽക്കാ​ര​നാ​യി​രുന്ന യെഹെ​സ്‌ക്കേൽ മുൻകൂ​ട്ടി​പ്പ​റഞ്ഞു. അവന്റെ നാമം വഹിക്കു​ന്ന​തും അവൻ ക്രി.മു. 591നോടടുത്ത്‌ പൂർത്തീ​ക​രി​ച്ച​തു​മായ ബൈബിൾപു​സ്‌ത​ക​ത്തിൽ (1) യെഹെ​സ്‌ക്കേ​ലി​ന്റെ നിയോ​ഗം; (2) പ്രാവ​ച​നിക നാടകങ്ങൾ; (3) യിസ്രാ​യേ​ലി​നെ​തി​രായ ദൂതുകൾ; (4) യരുശ​ലേ​മി​ന്റെ ന്യായ​വി​ധി​സം​ബ​ന്ധിച്ച പ്രവച​നങ്ങൾ; (5) മററു ജനതകൾക്കെ​തി​രായ പ്രവച​നങ്ങൾ; (6) പുന:സ്ഥിതീ​കരണ വാഗ്‌ദ​ത്തങ്ങൾ; (7) മാഗോ​ഗി​ലെ ഗോഗി​നെ​തി​രായ ഒരു പ്രവചനം (8) ദൈവ​ത്തി​ന്റെ വിശു​ദ്ധ​മ​ന്ദി​ര​ത്തി​ന്റെ ഒരു ദർശനം എന്നിവ അടങ്ങി​യി​രി​ക്കു​ന്നു. ഈ പുസ്‌തകം നാം പഠിക്കു​മ്പോൾ അതു വായി​ക്കാൻ ഞങ്ങൾ നിങ്ങളെ ക്ഷണിക്കു​ക​യാണ്‌. അങ്ങനെ അത്‌ ഇന്നു നമ്മെ എങ്ങനെ ബാധി​ക്കു​ന്നു​വെന്ന്‌ നിങ്ങൾ മനസ്സി​ലാ​ക്കും, യഹോ​വ​യു​ടെ “കാവൽക്കാ​രൻ” സംസാ​രി​ക്കു​മ്പോൾ ശ്രദ്ധി​ക്കു​ന്ന​തു​മാ​യി​രി​ക്കും.a

ദൈവ​ത്തി​ന്റെ കാവൽക്കാ​രൻ നിയോ​ഗി​ക്ക​പ്പെ​ടു​ന്നു

4. (എ) യെഹെ​സ്‌ക്കേൽ ദർശന​ത്തിൽ എന്തു കണ്ടു? (ബി) “ജീവികൾ” ആരായി​രു​ന്നു, അവയ്‌ക്ക്‌ എന്തു ഗുണങ്ങൾ ഉണ്ടായി​രു​ന്നു?

⁴ ക്രി.മു. 613 തമ്മൂസ്‌ 5-ന്‌ (യഹൂദാ​രാ​ജാ​വായ യഹോ​യാ​ക്കീ​ന്റെ ബാബി​ലോ​ന്യ പ്രവാ​സ​ത്തി​ന്റെ അഞ്ചാമാ​ണ്ടിൽ] 30 വയസ്സു​ണ്ടാ​യി​രുന്ന യെഹെ​സ്‌ക്കേൽ പ്രവാ​ചകൻ ഗണനീ​യ​മായ ഒരു യൂപ്ര​ട്ടീ​സ്‌ക​നാ​ലാ​യി​രുന്ന “കേബാർനദി”യുടെ തീരത്തെ യഹൂദ​ബ​ന്ദി​ക​ളിൽ ഉൾപ്പെ​ട്ടി​രു​ന്നു. ദർശന​ത്തിൽ, അവൻ യഹോ​വ​യു​ടെ സ്വർഗ്ഗീയ രഥത്തെ കാണു​ക​യു​ണ്ടാ​യി, അതിനെ “നാലു ജീവികൾ” പരിച​രി​ച്ചി​രു​ന്നു. (യെഹെ​സ്‌ക്കേൽ 1:4-10 വായി​ക്കുക) ‘ഓരോ ജീവി​ക്കും’ അഥവാ ചിറ​കോ​ടു​കൂ​ടിയ കെരു​ബി​നും നാലു മുഖങ്ങൾ ഉണ്ടായി​രു​ന്നു. (യെഹെ​സ്‌ക്കേൽ 10:1-20; 11:22) കെരു​ബു​കൾക്ക്‌ ദൈവ​ദ​ത്ത​മായ സ്‌നേ​ഹ​വും (മനുഷ്യൻ), നീതി​യും (സിംഹം), ശക്തിയും (കാള), ജ്ഞാനവും (കഴുകൻ) ഉണ്ടെന്ന്‌ ഇവ സൂചി​പ്പി​ക്കു​ന്നു. ഓരോ കെരു​ബും ‘ഒരു ചക്രത്തി​നു​ള്ളി​ലെ വലിയ ഒരു ചക്രത്തി’നരികെ നിന്നി​രു​ന്നു. ദൈവ​ത്തി​ന്റെ ആത്മാവിന്‌ അഥവാ പ്രവർത്ത​ന​നി​ര​ത​മായ ശക്തിക്ക്‌ അവയെ ഏതു ദിശയി​ലേ​ക്കും നീക്കാൻ കഴിയു​മാ​യി​രു​ന്നു.—യെഹെ​സ്‌ക്കേൽ 1:1-21.

5. സ്വർഗ്ഗീ​യ​രഥം എന്തിനെ പ്രതി​നി​ധാ​നം​ചെ​യ്യു​ന്നു, അതിന്റെ ഈ കാഴ്‌ച യഹോ​വ​യു​ടെ ജനത്തെ എങ്ങനെ ബാധി​ക്കണം?

⁵ രഥത്തിൽ സഞ്ചരി​ക്കു​ന്നവൻ യഹോ​വ​യു​ടെ ഒരു തേജോ​മ​യ​മായ പ്രതി​നി​ധാ​ന​മാ​യി​രു​ന്നു. (യെഹെ​സ്‌ക്കേൽ 1:22-28 വായി​ക്കുക.) രഥം എത്ര നന്നായി ദൈവ​ത്തി​ന്റെ ദൂത ആത്മ സ്ഥാപനത്തെ പ്രതി​നി​ധാ​നം ചെയ്യുന്നു! (സങ്കീർത്തനം 18:10; 103: 20, 21; ദാനി​യേൽ 7:9, 10) ഈ ജീവി​കളെ ഭരിക്കു​ക​യും തന്റെ ഉദ്ദേശ്യ​പ്ര​കാ​രം ഉപയോ​ഗി​ക്കു​ക​യും ചെയ്യു​ന്നു​വെന്ന അർത്ഥത്തി​ലാണ്‌ യഹോവ അതിൻമേൽ സവാരി ചെയ്യു​ന്നത്‌. സഞ്ചാരി കൂട്ടത്തിൽ കണ്ട മഴവി​ല്ലി​നെ​പ്പോ​ലെ ശാന്തനാ​യി​രു​ന്നു, എന്നാൽ യെഹെ​സ്‌ക്കേൽ അമ്പരന്നു​പോ​യി​രു​ന്നു. തീർച്ച​യാ​യും തന്റെ സ്വർഗ്ഗീയ സൈന്യ​ങ്ങ​ളു​ടെ പരമോ​ന്നത സംഘാ​ട​ക​നെന്ന നിലയിൽ യഹോ​വ​യ്‌ക്കുള്ള മഹത്വ​ത്തി​ന്റെ​യും ശക്തിയു​ടെ​യും ഈ വീക്ഷണം അവന്റെ ഭൗമിക സ്ഥാപന​ത്തി​ന്റെ ഭാഗമെന്ന നിലയിൽ അവനെ സേവി​ക്കു​ന്ന​തി​ന്റെ പദവി​ക്കു​വേണ്ടി നമ്മെ വിനീ​ത​മാ​യി നന്ദിയു​ള്ള​വ​രാ​ക്കി​ത്തീർക്കേ​ണ്ട​താണ്‌.

6. (എ) യെഹെ​സ്‌ക്കേ​ലിന്‌ എന്തു നിയമനം ലഭിച്ചു, അവൻ ദൈവ​സേ​വ​നത്തെ എങ്ങനെ വീക്ഷിച്ചു? (ബി) ഏതുതരം ജനത്തിന്റെ ഇടയിൽ യെഹെ​സ്‌ക്കേൽ പ്രവചി​ക്കേ​ണ്ടി​യി​രു​ന്നു, ദൈവം അവനോട്‌ ഇടപെട്ട വിധം അറിയു​ന്ന​തു​കൊ​ണ്ടു എന്തു പ്രയോ​ജനം?

⁶ “മനുഷ്യ​പു​ത്രൻ” എന്നു വിളി​ച്ചു​കൊണ്ട്‌ യെഹെ​സ്‌ക്കേ​ലി​ന്റെ മാനു​ഷ​ജൻമ​ത്തെ​യും എളിമാ​വ​സ്ഥ​യെ​യും ഓർപ്പി​ച്ചു​വെ​ങ്കി​ലും അവൻ യഹോ​വ​യു​ടെ പ്രവാ​ച​ക​നാ​യി നിയമി​ക്ക​പ്പെട്ടു. (യെഹെ​സ്‌ക്കേൽ 2:1-5 വായി​ക്കുക.) യെഹെ​സ്‌ക്കേൽ മത്സരജ​ന​ത​ക​ളായ യിസ്രാ​യേ​ലി​ന്റെ​യും യഹൂദ​യു​ടെ​യും രാജ്യ​ങ്ങ​ളി​ലേക്ക്‌ പോ​കേ​ണ്ടി​യി​രു​ന്നു. ആദ്യമാ​യി, അവൻ ദിവ്യ​കൽപ്പ​ന​പ്ര​കാ​രം വിലാ​പ​ഗീ​ത​ങ്ങ​ള​ട​ങ്ങിയ ഒരു ചുരുൾ തിന്നു. എന്നാൽ അവൻ ദൈവ​ത്തി​ന്റെ പ്രവാ​ച​ക​നാ​യി​രി​ക്കു​ന്ന​തിൽ നന്ദിയു​ള്ള​വ​നാ​യി​രു​ന്ന​തു​കൊണ്ട്‌ അതിനു ത്‌നേ​നി​ന്റെ രുചി​യാ​യി​രു​ന്നു. സമാന​മാ​യി, അഭിഷി​ക്ത​ക്രി​സ്‌ത്യാ​നി​ക​ളും അവരുടെ സഹദാ​സൻമാ​രും യഹോ​വ​യു​ടെ സാക്ഷി​ക​ളാ​യി​രി​ക്കു​ന്നത്‌ മധുരാ​നു​ഭ​വ​മെന്നു കണ്ടെത്തു​ന്നു. യെഹെ​സ്‌ക്കേൽ കഠിന​ഹൃ​ദ​യ​രും കഠിന​മ​ന​സ്‌ക്ക​രു​മായ ജനങ്ങളു​ടെ ഇടയിൽ പ്രവചി​ക്ക​ണ​മാ​യി​രു​ന്നു, എന്നാൽ ദൈവം അവന്റെ മുഖത്തെ അവരുടെ മുഖങ്ങ​ളെ​പ്പോ​ലെ ദൃഢത​യും അവന്റെ നെററി​യെ വജ്രം​പോ​ലെ കടുപ്പ​വു​മു​ള്ള​താ​ക്കി​ത്തീർക്കും. അവർ കേട്ടാ​ലും കേട്ടി​ല്ലെ​ങ്കി​ലും അവൻ സധീരം പ്രവചി​ക്കും. പ്രയാ​സ​മുള്ള സാഹച​ര്യ​ങ്ങ​ളിൽ ദൈവം യെഹെ​സ്‌ക്കേ​ലി​നെ പിന്താ​ങ്ങി​യ​തു​പോ​ലെ, ഏതു പ്രദേ​ശ​ത്തും സധീരം സാക്ഷീ​ക​രി​ക്കാൻ അവൻ നമ്മെ സഹായി​ക്കു​മെന്ന്‌ അറിയു​ന്നത്‌ സന്തോ​ഷ​പ്ര​ദ​മാണ്‌.—യെഹെ​സ്‌ക്കേൽ 2:6-3:11.

7. യെഹെ​സ്‌ക്കേ​ലി​ന്റെ നിയോ​ഗ​ത്തിൽ എന്തു ഉത്തരവാ​ദി​ത്തം ഉൾപ്പെ​ട്ടി​രു​ന്നു?

⁷ ചുരു​ളി​ന്റെ തീററി അതിന്റെ സന്ദേശ​ത്തി​നു അനു​യോ​ജ്യ​മായ ഒരു ‘ഉഗ്രഭാ​വം’ യെഹെ​സ്‌ക്കേ​ലിൽ ഉളവാക്കി. റെറൽ-അബീബിൽ അവൻ സന്ദേശ​ത്തെ​ക്കു​റി​ച്ചു വിചി​ന്ത​നം​ചെ​യ്‌തു​കൊണ്ട്‌ ‘ഏഴു ദിവസം സ്‌തം​ബ്ധ​നാ​യി’ വസിച്ചു. (യെഹെ​സ്‌ക്കേൽ 3:12-15) ഗഹനമായ ആത്മീയ​കാ​ര്യ​ങ്ങൾ ഗ്രഹി​ക്കു​ന്ന​തിന്‌ നാമും വിചി​ന്ത​നം​ചെ​യ്യു​ക​യും ഉൽസാ​ഹ​പൂർവം പഠിക്കു​ക​യും വേണം. ഒരു സന്ദേശം പ്രഖ്യാ​പി​ക്കാ​നു​ണ്ടാ​യി​രു​ന്ന​തു​കൊണ്ട്‌ യെഹെ​സ്‌ക്കേൽ ദൈവ​ത്തി​ന്റെ കാവൽക്കാ​ര​നാ​യി നിയോ​ഗി​ക്ക​പ്പെട്ടു. (യെഹെ​സ്‌ക്കേൽ 3:16-21 വായി​ക്കുക.) പുതു​താ​യി നിയമി​ക്ക​പ്പെട്ട കാവൽക്കാ​രൻ നിയമ​ലം​ഘി​ക​ളായ യിസ്രാ​യേ​ല്യർ ദിവ്യ​വി​ധി​നിർവ​ഹ​ണത്തെ അഭിമു​ഖീ​ക​രി​ക്കു​ക​യാ​ണെന്ന്‌ അവർക്കു മുന്നറി​യി​പ്പു കൊടു​ക്ക​ണ​മാ​യി​രു​ന്നു.

8. ഇന്ന്‌ യഹോ​വ​യു​ടെ “കാവൽക്കാ​രനാ”യി ആർ സേവി​ക്കു​ന്നു, അവരോട്‌ ആർ സഹവസി​ക്കു​ന്നു?

⁸ കാവൽക്കാ​ര​നെ​ന്ന​നി​ല​യിൽ യെഹെ​സ്‌ക്കേൽ പരാജ​യ​പ്പെ​ടുന്ന പക്ഷം ഇരയാ​കു​ന്ന​വ​രു​ടെ മരണത്തി​നു യഹോവ അവനെ ഉത്തരവാ​ദി​യാ​ക്കു​മാ​യി​രു​ന്നു. അവൻ ശാസന​നൽകാൻ ആഗ്രഹി​ക്കാ​ത്തവർ അവനെ ആലങ്കാ​രിക കയറു​കൾകൊ​ണ്ടു കെട്ടു​മെ​ങ്കി​ലും അവൻ സധീരം ദൈവ​ത്തി​ന്റെ സന്ദേശം പ്രഖ്യാ​പി​ക്കും. (യെഹെ​സ്‌ക്കേൽ 3:22-27) നമ്മുടെ നാളിൽ, ക്രൈ​സ്‌ത​വ​ലോ​കം ശ്രദ്ധി​ക്കാൻ വിസമ്മ​തി​ക്കു​ക​യും അഭിഷിക്ത ക്രിസ്‌ത്യാ​നി​ക​ളു​ടെ​മേൽ നിയ​ന്ത്ര​ണങ്ങൾ ഏർപ്പെ​ടു​ത്താൻ ശ്രമി​ക്കു​ക​യു​മാണ്‌. എന്നാൽ 1919 മുതൽ ഈ അഭിഷി​ക്തൻമാർ ഈ വ്യവസ്ഥി​തി​യു​ടെ “അന്ത്യകാല”ത്തിനു​വേ​ണ്ടി​യുള്ള യഹോ​വ​യു​ടെ സന്ദേശം സധീരം ഘോഷി​ച്ചു​കൊണ്ട്‌ അവന്റെ കാവൽക്കാ​ര​നാ​യി സേവി​ച്ചി​രി​ക്കു​ന്നു. (ദാനി​യേൽ 12:4) യേശു​വി​ന്റെ “വേറെ ആടുകളു”ടെ വർദ്ധി​ച്ചു​വ​രുന്ന ഒരു “മഹാപു​രു​ഷാ​രം” ഈ വേലയിൽ അവരോ​ടു ചേർന്നി​രി​ക്കു​ന്നു. (വെളി​പ്പാട്‌ 7:9,10; യോഹ​ന്നാൻ 10:16) “കാവൽക്കാ​രൻ”വർഗ്ഗം ദൈവ​ത്തി​ന്റെ സന്ദേശം പ്രസ്‌താ​വി​ച്ചു​കൊ​ണ്ടി​രി​ക്കു​ന്ന​തു​കൊണ്ട്‌ തീർച്ച​യാ​യും അഭിഷി​ക്ത​രി​ലും “മഹാപു​രു​ഷാര”ത്തിലും​പെട്ട ഓരോ​രു​ത്ത​രും ഒരു ക്രമമുള്ള പ്രസാ​ധ​ക​നാ​യി അത്‌ ഘോഷി​ക്കാ​നാ​ഗ്ര​ഹി​ക്കും.

അഭിന​യി​ക്ക​പ്പെട്ട പ്രവച​ന​ങ്ങൾ

9. (എ) യെഹെ​സ്‌ക്കേൽ നമുക്ക്‌ എങ്ങനെ ഒരു മാതൃക വെച്ചു? (ബി) യെരു​ശ​ലേ​മി​ന്റെ ബാബി​ലോ​ന്യ ഉപരോ​ധത്തെ ചിത്രീ​ക​രി​ക്കാൻ യെഹെ​സ്‌ക്കേൽ എന്തു ചെയ്‌തു, 390 ദിവസ​ങ്ങ​ളാ​ലും 40 ദിവസ​ങ്ങ​ളാ​ലും സൂചി​പ്പി​ക്ക​പ്പെ​ട്ട​തെന്ത്‌?

⁹ അടുത്ത​താ​യി യെഹെ​സ്‌ക്കേൽ താഴ്‌മ​യോ​ടും ധൈര്യ​ത്തോ​ടും​കൂ​ടെ പ്രാവ​ച​നിക മൂക​പ്ര​ക​ട​നങ്ങൾ അഭിന​യി​ക്കു​ക​യും താഴ്‌മ​യോ​ടും ധൈര്യ​ത്തോ​ടും​കൂ​ടെ ദൈവ​ദ​ത്ത​മായ നിയമ​നങ്ങൾ നിറ​വേ​റ​റാൻ നമ്മെ പ്രേരി​പ്പി​ക്കേണ്ട ഒരു ദൃഷ്ടാന്തം വെക്കു​ക​യും ചെയ്‌തു. ബാബി​ലോ​ന്യ ഉപരോ​ധത്തെ ചിത്രീ​ക​രി​ക്കു​ന്ന​തിന്‌, അവൻ യെരു​ശ​ലേ​മി​ന്റെ ഒരു ചിത്രം കൊത്തി​യി​രുന്ന ഒരു ഇഷ്ടികയെ അഭിമു​ഖീ​ക​രി​ച്ചു​കൊണ്ട്‌ അവൻ കിടക്ക​ണ​മാ​യി​രു​ന്നു. പത്തു​ഗോ​ത്ര യിസ്രാ​യേൽരാ​ജ്യ​ത്തി​ന്റെ അകൃത്യം വഹിക്കു​ന്ന​തിന്‌ യെഹെ​സ്‌ക്കേൽ തന്റെ ഇടതു​വ​ശം​ചെ​രിഞ്ഞ്‌ 390 ദിവസം കിടക്ക​ണ​മാ​യി​രു​ന്നു, അനന്തരം രണ്ടു​ഗോ​ത്ര യഹൂദ​യു​ടെ പാപം വഹിക്കു​ന്ന​തിന്‌ 40 ദിവസം വലതു​വശം ചെരി​ഞ്ഞും. ഒരു ദിവസം ഒരു വർഷത്തി​നു പകരമാ​യി​രു​ന്നു. അങ്ങനെ 390 വർഷം ക്രി.മു. 997ലെ യിസ്രാ​യേ​ലി​ന്റെ സ്ഥാപിക്കൽ മുതൽ ക്രി.മു. 607ലെ അതിന്റെ നാശം​വരെ ആയിരു​ന്നു. യഹൂദ​യു​ടെ 40 വർഷങ്ങൾ ദൈവ​ത്തി​ന്റെ പ്രവാ​ച​ക​നാ​യുള്ള ക്രി.മു. 647ലെ യിരെ​മ്യാ​വി​ന്റെ നിയമ​നം​മു​തൽ ക്രി.മു. 607ലെ യഹൂദ​യു​ടെ ശൂന്യ​മാ​ക്കൽവ​രെ​യാ​യി​രു​ന്നു.—യെഹെ​സ്‌ക്കേൽ 4:1-8; യിരെ​മ്യാവ്‌ 1:1-3.

10. യെഹെ​സ്‌ക്കേൽ നിരോ​ധ​ന​ത്തി​ന്റെ ഫലങ്ങൾ അഭിന​യി​ച്ച​തെ​ങ്ങനെ, ദൈവം അവനെ പോറ​റി​യെന്ന വസ്‌തു​ത​യിൽനിന്ന്‌ നമുക്ക്‌ എന്തു പാഠം പഠിക്കാൻ കഴിയും?

¹⁰ യെഹെ​സ്‌ക്കേൽ അടുത്ത​താ​യി ഉപരോ​ധ​ത്തി​ന്റെ ഫലങ്ങൾ അഭിന​യി​ച്ചു. ക്ഷാമത്തെ സൂചി​പ്പി​ക്കാൻ അവൻ ദിവസ​വും വെറും എട്ടിലൽപ്പം അധികം ഔൺസ്‌ (0.2കി.) ആഹാര​വും ഏകദേശം ഒരു പൈൻറ്‌ (0.5ലി.) വെള്ളവും കൊണ്ട്‌ ഉപജീ​വി​ച്ചു. അവന്റെ അപ്പം (കോത്‌ന​മ്പി​ന്റെ​യും ബാർലി​യു​ടെ​യും മുഴുത്ത ബീൻസി​ന്റെ​യും പയറി​ന്റെ​യും ഒരു പ്രത്യേ​ക​തരം കോത​മ്പി​ന്റെ​യും ഒരു അവിഹി​ത​മി​ശ്രി​തം കാഷ്ടം കത്തിച്ചു പാകം​ചെ​യ്‌തത്‌) അശുദ്ധ​മാ​യി​രു​ന്നു. (ലേവ്യ​പു​സ്‌തകം 19:19) ഈ പ്രവർത്തനം യെരു​ശ​ലേം​നി​വാ​സി​കൾ വലിയ ഞെരുക്കം അനുഭ​വി​ക്കു​മെന്ന്‌ പ്രകട​മാ​ക്കി. എന്നാൽ പ്രയാസ സാഹച​ര്യ​ങ്ങ​ളിൽ യഹോവ യെഹെ​സ്‌ക്കേ​ലി​നെ പോറ​റി​യ​തു​പോ​ലെ സകല വൈഷ​മ്യ​ങ്ങ​ളി​ലും വിശ്വ​സ്‌ത​രാ​യി നിലനിൽക്കു​ന്ന​തി​നും നമ്മുടെ പ്രസം​ഗ​നി​യോ​ഗം നിറ​വേ​റ​റു​ന്ന​തി​നും ദൈവം നമ്മെ സഹായി​ക്കു​മെ​ന്ന​റി​യു​ന്നത്‌ എത്ര സന്തോ​ഷ​പ്ര​ദ​മാണ്‌!—യെഹെ​സ്‌ക്കേൽ 4:9-17.

11. (എ) യെഹെ​സ്‌ക്കേൽ 5:1-4-ൽ എന്ത്‌ പ്രവർത്ത​ന​ങ്ങ​ളെ​ക്കു​റി​ച്ചു പറഞ്ഞി​രി​ക്കു​ന്നു, അവയുടെ പ്രാധാ​ന്യം എന്തായി​രു​ന്നു? (ബി) യെഹെ​സ്‌ക്കേ​ലി​ന്റെ അഭിന​യ​ങ്ങളെ ദൈവം നിവർത്തി​ച്ചു​വെന്ന വസ്‌തു​തക്ക്‌ നമ്മിൽ എന്തു ഫലമു​ണ്ടാ​യി​രി​ക്കണം?

¹¹ അടുത്ത​താ​യി യെഹെ​സ്‌ക്കേൽ ഒരു വാൾ ഉപയോ​ഗിച്ച്‌ തന്റെ മുടി​യും താടി​യും വടിച്ചു. (യെഹെ​സ്‌ക്കേൽ 5:1-4 വായി​ക്കുക.) ക്ഷാമം​കൊ​ണ്ടും പകർച്ച​വ്യാ​ധി​കൊ​ണ്ടും മരിക്കു​ന്നവർ പ്രവാ​ചകൻ യെരു​ശ​ലേ​മി​ന്റെ നടുവിൽ കത്തിച്ച തന്റെ മൂന്നി​ലൊ​ന്നു മുടി​പോ​ലെ ആയിരി​ക്കും. യുദ്ധത്തിൽ മരിക്കു​ന്നവർ വാളു​കൊ​ണ്ട​രിഞ്ഞ മൂന്നി​ലൊ​ന്നു​പോ​ലെ ആയിരി​ക്കും. അതിജീ​വി​ക്കു​ന്നവർ കാററിൽ പറത്തപ്പെട്ട അവന്റെ മൂന്നി​ലൊ​ന്നു മുടി​പോ​ലെ ജനതക​ളു​ടെ ഇടയിൽ ചിതറി​ക്ക​പ്പെ​ടും. എന്നാൽ ചില പ്രവാ​സി​കൾ 70 വർഷത്തെ ശൂന്യ​ത​ക്കു​ശേഷം യഹൂദ​യിൽ സത്യാ​രാ​ധന ഏറെറ​ടു​ക്കു​മെന്നു പ്രകട​മാ​ക്കാൻ ചിതറി​ക്ക​പ്പെട്ട അംശത്തിൽനിന്ന്‌ എടുത്ത്‌ യെഹെ​സ്‌ക്കേ​ലി​ന്റെ വസ്‌ത്ര​ത്തിൽ കെട്ടിയ ഏതാനും ചില മുടി​കൾപോ​ലെ ആയിരി​ക്കും. (യെഹെ​സ്‌ക്കേൽ 5:5-17) ഇതും മററു പ്രാവ​ച​നിക അഭിന​യ​ങ്ങ​ളും യഹോവ നിവർത്തി​ച്ചു​വെന്ന വസ്‌തുത പ്രവചനം നിവർത്തി​ക്കു​ന്നവൻ എന്നനി​ല​യിൽ അവനിൽ ആശ്രയി​ക്കാൻ നമ്മെ പ്രേരി​പ്പി​ക്കേ​ണ്ട​താണ്‌.—യെശയ്യാവ്‌ 42:9; 55:11.

നാശം മുമ്പിൽ!

12. (എ) ആക്രമ​ണ​കാ​രി​കൾ എന്തു ചെയ്യു​മെന്ന്‌ യെഹെ​സ്‌ക്കേൽ 6:1-7 സൂചി​പ്പി​ക്കു​ന്നു? (ബി) യെഹെ​സ്‌ക്കേ​ലി​ന്റെ പ്രവച​ന​മ​നു​സ​രിച്ച്‌ പ്രതി​മാ​തൃ​ക​യി​ലെ യെരു​ശ​ലേം എന്താണ്‌, അവൾക്ക്‌ എന്തു സംഭവി​ക്കും?

¹² ക്രി.മു.613-ൽ യഹൂദ​യി​ലെ വിഗ്ര​ഹാ​രാ​ധി​ക​ളായ നിവാ​സി​കൾക്ക്‌ എന്തു ഭവിക്കു​മെന്നു സൂചി​പ്പി​ക്കാൻ യെഹെ​സ്‌ക്കേൽ ദേശത്തെ സംബോ​ധ​ന​ചെ​യ്‌തു. (യെഹെ​സ്‌ക്കേൽ 6:1-7 വായി​ക്കുക.) ആക്രമ​ണ​കാ​രി​കൾ വ്യാജാ​രാ​ധ​ന​യി​ലു​പ​യോ​ഗിച്ച ഉന്നതസ്ഥ​ല​ങ്ങ​ളെ​യും ധൂപക്കാ​ലു​ക​ളെ​യും യാഗപീ​ഠ​ങ്ങ​ളെ​യും തകർത്തു​ക​ള​യും. ക്ഷാമത്താ​ലും പകർച്ച​വ്യാ​ധി​യാ​ലും യുദ്ധത്താ​ലു​മുള്ള വിനാ​ശ​ത്തെ​ക്കു​റി​ച്ചുള്ള ചിന്തതന്നെ ഒരുവൻ “കഷ്ട!”മെന്നു വിളി​ച്ചു​പ​റ​യാ​നി​ട​യാ​ക്കും, കൈകൾകൊ​ട്ടി​യും കാൽകൊ​ണ്ടു ചവിട്ടി​യും അതിനെ ദൃഢീ​ക​രി​ക്കു​ക​യും ചെയ്യും. ആത്മീയ ദുർവൃ​ത്ത​രു​ടെ മൃത​ദേ​ഹങ്ങൾ ഉന്നതസ്ഥ​ല​ങ്ങ​ളിൽ ചിതറി​ക്കി​ട​ക്കും. പ്രതി​മാ​തൃ​ക​യി​ലെ യെരു​ശ​ലേ​മായ ക്രൈ​സ്‌ത​വ​ലോ​കം സമാന​മായ നാശം അനുഭ​വി​ക്കു​മ്പോൾ തന്റെ വിപത്ത്‌ യഹോ​വ​യിൽനി​ന്നാ​ണെന്ന്‌ അവൾ അറിയും.—യെഹെ​സ്‌ക്കേൽ 6:8-14.

13. യഹോ​വ​യു​ടെ കൈയി​ലെ “വടി” എന്തായി​രു​ന്നു, അതിന്റെ ഉപയോ​ഗ​ത്തിൽനിന്ന്‌ എന്തു ഫലമു​ണ്ടാ​ക​ണ​മാ​യി​രു​ന്നു?

¹³ ‘ദേശത്തി​ന്റെ നാല്‌ അറുതി​ക​ളിൻമേ​ലും അവസാനം വരുക​യാ​യി​രു​ന്നു,’ യഹൂദ​യു​ടെ അവിശ്വസ്‌ത മതവ്യ​വ​സ്ഥി​തി​യിൻമേൽതന്നെ. ദൈവ​ത്തി​ന്റെ കൈയി​ലെ “വടി”—നെബു​ഖ​ദ്‌നേ​സ​രും അവന്റെ ബാബി​ലോ​ന്യ​സൈ​ന്യ​വും—യഹോ​വ​യു​ടെ ജനത്തി​നും അവന്റെ ആലയത്തി​നും എതിരെ പ്രവർത്തി​ക്കു​മ്പോൾ അനർത്ഥ​ങ്ങ​ളു​ടെ ഒരു “മാല” ഒരു വിഗ്ര​ഹാ​രാ​ധി​യു​ടെ കഴുത്തിൽ വീഴും. യഹൂദ​യിൽ വാങ്ങു​ക​യും വിൽക്കു​ക​യും ചെയ്യു​ന്ന​വ​രു​ടെ “കൂട്ട”ത്തിൽപ്പെ​ട്ടവർ ഒന്നുകിൽ കൊല്ല​പ്പെ​ടു​ക​യോ അല്ലെങ്കിൽ പ്രവാ​സ​ത്തി​ലേക്കു കൊണ്ടു​പോ​ക​പ്പെ​ടു​ക​യോ ചെയ്യും, ജീവ​നോ​ടി​രി​ക്കാൻ സാധിച്ച ഏതൊ​രു​വ​ന്റെ​യും കൈകൾ കുഴഞ്ഞു​വീ​ഴും. തങ്ങളുടെ വ്യാജ​മ​ത​വ്യ​വ​സ്ഥി​തി​യു​ടെ തകിടം​മ​റി​ക്ക​ലിൽ അവർ വിലപി​ച്ചു​കൊ​ണ്ടു തങ്ങളുടെ തല കഷണ്ടി​പോ​ലെ ക്ഷൗരം​ചെ​യ്യും.—യെഹെ​സ്‌ക്കേൽ 7:1-18.

14. കോഴക്ക്‌ യെരു​ശ​ലേ​മി​നു​വേണ്ടി എന്തു ചെയ്യാൻ കഴിയു​മാ​യി​രു​ന്നില്ല, അതു ക്രൈ​സ്‌ത​വ​ലോ​ക​ത്തിന്‌ എന്തു സൂചി​പ്പി​ക്കു​ന്നു.

¹⁴ യഹോ​വ​യെ​യും അവന്റെ വധനിർവ​ഹ​ണ​സൈ​ന്യ​ത്തെ​യും കോഴ​കൊ​ടു​ത്തു വശത്താ​ക്കാൻ സാദ്ധ്യമല്ല. (യെഹെ​സ്‌ക്കേൽ 7:19 വായി​ക്കുക.) കൽദയ “കവർച്ച​ക്കാർ” വിശു​ദ്ധ​ഉ​പ​ക​ര​ണങ്ങൾ പിടി​ച്ചെ​ടു​ക്കു​ക​യും ആലയത്തെ ശൂന്യ​മാ​ക്കു​ക​യും​ചെ​യ്യു​മ്പോൾ കോഴക്ക്‌ “മറയ്‌ക്ക​പ്പെട്ട” സ്ഥലത്തെ, അതായത്‌ വിശു​ദ്ധ​സ്ഥ​ലത്തെ, അശുദ്ധ​മാ​ക്ക​പ്പെ​ടു​ന്ന​തിൽനി​ന്നു തടയാൻ കഴിയു​മാ​യി​രു​ന്നില്ല. സെദക്യാ​രാ​ജാവ്‌ പിടി​ക്ക​പ്പെ​ടു​ക​യും ലേവ്യ​പു​രോ​ഹി​തൻമാ​രി​ലെ മുഖ്യൻമാർ കൊല്ല​പ്പെ​ടു​ക​യും​ചെ​യ്‌ത​പ്പോൾ ‘ശക്തൻമാ​രു​ടെ അഹങ്കാരം നിലയ്‌ക്കാൻ’ യഹോവ ഇടയാക്കി. (2 രാജാ​ക്കൻമാർ 25:4-7, 18-21) ഇല്ല, ഉപരോ​ധി​ക്ക​പ്പെട്ട യെരു​ശ​ലേ​മി​ലെ പാപി​കളെ ഉടമ്പടി​ലം​ഘി​കൾ എന്ന നിലയിൽ ദൈവം ‘ന്യായം​വി​ധി​ച്ച​പ്പോൾ’ കോഴ​കൊ​ടുത്ത്‌ അവർക്ക്‌ വിപത്തിൽനിന്ന്‌ രക്ഷപെ​ടാൻ കഴിഞ്ഞില്ല. സമാന​മാ​യി, ക്രൈ​സ്‌ത​വ​ലോ​കം വിശു​ദ്ധ​മാ​യി കരുതുന്ന കാര്യ​ങ്ങ​ളു​ടെ ആസന്നമായ അശുദ്ധ​മാ​ക്ക​ലി​ന്റെ സമയത്ത്‌ അവളു​ടെ​മേ​ലുള്ള ദിവ്യ​ന്യാ​യ​വി​ധി​നിർവ​ഹ​ണ​ത്തിൽനിന്ന്‌ കോഴ കൊടു​ത്തു രക്ഷപ്പെ​ടാൻ അവൾക്കു കഴിക​യില്ല. അപ്പോൾ യഹോ​വ​യു​ടെ “കാവൽക്കാ​രനെ” ശ്രദ്ധി​ക്കു​ന്ന​തിന്‌ സമയം തീരെ വൈകി​പ്പോ​യി​രി​ക്കും.—യെഹെ​സ്‌ക്കേൽ 7:20-27.

അറയ്‌ക്കത്തക്ക കാര്യ​ങ്ങ​ളെ​പ്രതി നെടു​വീർപ്പി​ടൽ

15. യെഹെ​സ്‌ക്കേൽ യെരു​ശ​ലേ​മിൽ എന്തു കണ്ടു, ഇതിനു നമ്മു​ടെ​മേൽ എന്തു ഫലം ഉണ്ടായി​രി​ക്കണം?

¹⁵ യെഹെ​സ്‌ക്കേൽ ക്രി.മു. 612 ഏലൂൾ 5 ന്‌ മഹത്വ​വാ​നായ ദൈവത്തെ ദർശന​ത്തിൽ കണ്ടപ്പോൾ ‘ഒരു കൈയു​ടെ പ്രതി​നി​ധാ​നം അവനെ മുടിക്കു പിടിച്ച്‌ എടുക്കു​ക​യും’ നിശ്വ​സ്‌ത​ത​യു​ടെ ആത്‌മാ​വി​നാൽ യെരു​ശ​ലേ​മി​ലേക്കു കൊണ്ടു​പോ​കു​ക​യും ചെയ്‌തു. സ്വർഗ്ഗീ​യ​ര​ഥ​വും അവി​ടേക്കു നീങ്ങി​യി​രു​ന്നു. യെഹെ​സ്‌ക്കേൽ അവിടെ ദർശി​ച്ചത്‌ വിശ്വാ​സ​ത്യാ​ഗി​കളെ ശ്രദ്ധി​ക്കു​ന്ന​തി​ന്റെ ചിന്തയിൽതന്നെ നാം പിൻവ​ലി​യാ​നി​ട​യാ​ക്കേ​ണ്ട​താണ്‌. (സദൃശ​വാ​ക്യം 11:9) ആലയത്തിൽ യിസ്രാ​യേല്യ വിശ്വാ​സ​ത്യാ​ഗി​കൾ ഒരു വിഗ്ര​ഹാ​രാ​ധ​നാ​പ​ര​മായ പ്രതീ​കത്തെ (ഒരുപക്ഷേ ഒരു പവി​ത്ര​ദ​ണ്ഡി​നെ) ആരാധി​ക്കു​ക​യാ​യി​രു​ന്നു, അത്‌ തീക്ഷ്‌ണത ജനിക്കാൻത​ക്ക​വണ്ണം ദൈവത്തെ പ്രകോ​പി​പ്പി​ച്ചു. (പുറപ്പാട്‌ 20:2-6) അകത്തെ പ്രാകാ​ര​ത്തി​ലേക്കു പ്രവേ​ശി​ച്ച​പ്പോൾ എത്ര അറയ്‌ക്കത്തക്ക കാര്യങ്ങൾ യെഹെ​സ്‌ക്കേൽ കണ്ടു! (യെഹെ​സ്‌ക്കേൽ 8:10,11 വായി​ക്കുക.) 70 യിസ്രാ​യേല്യ മൂപ്പൻമാർ നിന്ദ്യ​മായ ചുവർകൊ​ത്തു​പ​ണി​ക​ളാൽ പ്രതി​നി​ധാ​നം​ചെ​യ്യ​പ്പെട്ട വ്യാജ​ദൈ​വ​ങ്ങൾക്ക്‌ ധൂപം​കാ​ട്ടി​ക്കൊ​ണ്ടി​രു​ന്നത്‌ എത്ര അപമാ​ന​ക​ര​മാ​യി​രു​ന്നു!—യെഹെ​സ്‌ക്കേൽ 8:1-12.

16. യെഹെ​സ്‌ക്കേ​ലി​ന്റെ ദർശനം വിശ്വാ​സ​ത്യാ​ഗ​ത്തി​ന്റെ ഫലംസം​ബ​ന്ധിച്ച്‌ എന്തു സൂചി​പ്പി​ക്കു​ന്നു?

¹⁶ വിശ്വാ​സ​ത്യാ​ഗം എത്ര മാരക​മാ​ണെന്ന്‌ യെഹെ​സ്‌ക്കേ​ലി​ന്റെ ദർശനം പ്രകട​മാ​ക്കു​ന്നു. എന്തിന്‌, യിസ്രാ​യേ​ല്യ​സ്‌ത്രീ​കൾ ഒരു ബാബി​ലോ​ന്യ ദൈവ​വും ഫലപു​ഷ്ടി​ദേ​വ​ത​യായ ഇഷ്‌ടാ​റി​ന്റെ കാമു​ക​നു​മാ​യി​രുന്ന തമ്മൂസി​നു​വേണ്ടി വിലപി​ക്കാൻ നയിക്ക​പ്പെ​ട്ടി​രു​ന്നു! 25 യിസ്രാ​യേ​ല്യ​മൂ​പ്പൻമാർ ആലയത്തി​ന്റെ അകത്തെ പ്രാകാ​ര​ത്തിൽ സൂര്യനെ ആരാധി​ച്ചു​കൊ​ണ്ടി​രു​ന്നത്‌ എത്ര ശോച​നീ​യ​മാ​യി​രു​ന്നു! (ആവർത്തനം 4:15-19) ഒരുപക്ഷേ പുരു​ഷ​ലിം​ഗത്തെ പ്രതി​നി​ധാ​നം​ചെ​യ്യുന്ന ഒരു അശ്ലീല​ചു​ള്ളി അവർ ദൈവ​ത്തി​ന്റെ മൂക്കിനു നേരെ നീട്ടി. യഹോവ അവരുടെ പ്രാർത്ഥന കേൾക്കു​ക​യി​ല്ലാ​ത്തത്‌ അതിശ​യമല്ല, അങ്ങനെ​തന്നെ ക്രൈ​സ്‌ത​വ​ലോ​കം “മഹോ​പ​ദ്രവ”സമയത്ത്‌ അവന്റെ സഹായം തേടു​ന്നത്‌ വെറു​തെ​യാ​യി​രി​ക്കും!—യെഹെ​സ്‌ക്കേൽ 8:13-18; മത്തായി 24:21.

അതിജീ​വ​ന​ത്തി​നു​വേണ്ടി അടയാ​ള​മി​ട​പ്പെ​ടു​ന്നു

17. ഏതു ഏഴു പുരു​ഷൻമാ​രെ ദർശന​ത്തിൽ കണ്ടു, അവർ എന്തു ചെയ്‌തു?

¹⁷ അടുത്ത​താ​യി, നാം ഏഴു പുരു​ഷൻമാ​രെ കാണുന്നു—ചണവസ്‌ത്രം​ധ​രിച്ച ഒരാളും തകർക്കുന്ന ആയുധങ്ങൾ ധരിച്ച വേറെ ആറു​പേ​രും. (യെഹെ​സ്‌ക്കേൽ 9:1-7 വായി​ക്കുക.) “ആറു പുരു​ഷൻമാർ” യഹോ​വ​യു​ടെ സ്വർഗ്ഗീയ വധാധി​കൃ​ത​സൈ​ന്യ​ത്തെ പ്രതി​നി​ധാ​നം​ചെ​യ്‌തു, എന്നാൽ അവനു ഭൗമിക ഏജൻറൻമാ​രെ ഉപയോ​ഗി​ക്കാൻ കഴിയു​മാ​യി​രു​ന്നു. ചണവസ്‌ത്രം ധരിച്ച പുരുഷൻ നെററി​യിൽ അടയാ​ള​മി​ട്ട​വർക്ക്‌ ദൈവ​ത്തി​ന്റെ സഹതാപം അനുഭ​വ​പ്പെ​ടു​മാ​യി​രു​ന്നു, എന്തു​കൊ​ണ്ടെ​ന്നാൽ അവർക്ക്‌ ആലയത്തിൽ ചെയ്യ​പ്പെ​ട്ടി​രുന്ന അറയ്‌ക്കത്തക്ക കാര്യ​ങ്ങ​ളോട്‌ സഹാനു​ഭാ​വം ഇല്ലായി​രു​ന്നു. അവിടെ വിഗ്ര​ഹാ​രാ​ധി​ക​ളായ 70 പുരു​ഷൻമാ​രി​ലും തമ്മൂസി​നു​വേണ്ടി കരയുന്ന സ്‌ത്രീ​ക​ളി​ലും 25 സൂര്യാ​രാ​ധ​ക​രി​ലും “ആറു പുരു​ഷൻമാ​രാ”ലുള്ള സംഹാരം തുടങ്ങി. ക്രി.മു. 607-ൽ ഇവരും ദൈവ​ത്തോ​ടു അവിശ്വ​സ്‌ത​രാ​യി​രുന്ന മററു​ള്ള​വ​രും ബാബി​ലോ​ന്യ​രാൽ കൊല്ല​പ്പെട്ടു.

18. (എ) ആധുനി​ക​കാ​ലത്തെ ‘ചണവസ്‌ത്രം ധരിച്ച പുരുഷൻ’ ആരാണ്‌? (ബി) “അടയാള”മെന്താണ്‌, ഇപ്പോൾ അത്‌ ആർക്കാ​ണു​ള്ളത്‌, അതുള്ളത്‌ എന്തിൽ കലാശി​ക്കും?

¹⁸ പ്രതി​മാ​തൃ​ക​യി​ലെ ‘ചണവസ്‌ത്രം ധരിച്ച പുരുഷൻ’ അഭിഷി​ക്ത​ക്രി​സ്‌ത്യാ​നി​ക​ളു​ടെ വർഗ്ഗമാണ്‌. അവർ ക്രിസ്‌തു​വി​ന്റെ “വേറെ ആടുകളു”ടെ “മഹാപു​രു​ഷാ​രത്തി”ന്റെ ഭാഗമാ​യി​ത്തീ​രു​ന്ന​വ​രു​ടെ​മേൽ ഒരു പ്രതീ​കാ​ത്മക അടയാ​ള​മി​ടു​ന്ന​തിന്‌ വീടു​തോ​റും പോകു​ന്നു. അങ്ങനെ​യുള്ള ചെമ്മരി​യാ​ടു​കൾ ക്രിസ്‌തു​തു​ല്യ​മായ ഒരു വ്യക്തി​ത്വ​മുള്ള സമർപ്പി​ത​രും സ്‌നാ​ന​മേ​റ​റ​വ​രു​മായ വ്യക്തി​ക​ളാ​ണെ​ന്നുള്ള തെളി​വാണ്‌ അടയാളം. അവർ ക്രൈ​സ്‌ത​വ​ലോ​ക​ത്തിൽ ചെയ്യ​പ്പെ​ടുന്ന ‘അറയ്‌ക്കത്തക്ക കാര്യ​ങ്ങൾനി​മി​ത്തം നെടു​വീർപ്പി​ട്ടു വിലപി​ക്കു​ക​യാണ്‌,’ അവർ വ്യാജ​മ​ത​ലോ​ക​സാ​മ്രാ​ജ്യ​മാ​കുന്ന മഹാബാ​ബി​ലോ​നിൽനിന്ന്‌ പുറത്തു​വ​ന്നി​രി​ക്കു​ന്നു. (വെളി​പ്പാട്‌ 18:4,5) അവരുടെ “അടയാളം” “മഹോപ ദ്രവ”കാലത്ത്‌ അവർ സംരക്ഷി​ക്ക​പ്പെ​ട​ണ​മെന്ന്‌ ദൈവ​ത്തി​ന്റെ വധാധി​കൃ​ത​സൈ​ന്യ​ത്തി​നു വ്യക്തമാ​ക്കും. അവർക്ക്‌ ഇനിയും മററു​ള്ള​വർക്കു അടയാ​ള​മി​ടു​ന്ന​തിൽ അഭിഷി​ക്ത​രോ​ടു ചേരു​ന്ന​തി​നാൽ ആ അടയാളം നിലനിർത്താൻ കഴിയും. അതു​കൊണ്ട്‌ നിങ്ങൾക്ക്‌ ‘അടയാ​ള​മി​ട്ടി​ട്ടു​ണ്ടെ​ങ്കിൽ’ ‘അടയാ​ള​മി​ടൽ’വേലയിൽ തീക്ഷ്‌ണ​മാ​യി പങ്കെടു​ക്കുക.—യെഹെ​സ്‌ക്കേൽ 9:8-11.

അഗ്നിമ​യ​മായ നാശം മുമ്പിൽ!

19. ‘ചണവസ്‌ത്രം​ധ​രിച്ച’ ആധുനിക പുരുഷൻ ക്രൈ​സ്‌ത​വ​ലോ​ക​ത്തിൻമേൽ എന്തു വിതറു​ന്നു?

¹⁹ ചണവസ്‌ത്രം ധരിച്ച പുരുഷൻ കത്തുന്ന കനലി​നു​വേണ്ടി സ്വർഗ്ഗീ​യ​ര​ഥ​ത്തി​ന്റെ ചക്രങ്ങൾക്കി​ട​യി​ലേക്ക്‌ ചെന്നു. യെരു​ശ​ലേ​മി​ന്റെ നാശം അഗ്‌നി​സ​മാ​ന​മായ ദൈവ​ക്രോ​ധ​പ്ര​ക​ട​ന​മാ​യി​രി​ക്കു​മെന്നു മുന്നറി​യി​പ്പു കൊടു​ത്തു​കൊണ്ട്‌ കനൽ അതിൻമേൽ വിതറ​പ്പെട്ടു. (യെഹെ​സ്‌ക്കേൽ 10:1-8; വിലാ​പങ്ങൾ 2:2-4; 4:11) യെഹെ​സ്‌ക്കേ​ലി​ന്റെ നാളിൽ ബാബി​ലോ​ന്യർ മുഖേന യഹോ​വ​യു​ടെ കോപം പകര​പ്പെട്ടു. (2 ദിനവൃ​ത്താ​ന്തം 36:15-21; യിരെ​മ്യാവ്‌ 25:9-11) എന്നാൽ നമ്മുടെ നാളിനെ സംബന്ധി​ച്ചെന്ത്‌? പ്രതി​മാ​തൃ​ക​യി​ലെ ‘ചണവസ്‌ത്രം ധരിച്ച പുരുഷൻ’ ക്രൈ​സ്‌ത​വ​ലോ​ക​ത്തിൻമേ​ലും മഹാബാ​ബി​ലോ​നി​ന്റെ ശേഷിച്ച ഭാഗത്തിൻമേ​ലും ദിവ്യ​ക്രോ​ധം താമസി​യാ​തെ പകര​പ്പെ​ടു​മെ​ന്നുള്ള അറിയി​പ്പാ​യി ദൈവ​ത്തി​ന്റെ അഗ്നിമ​യ​മായ സന്ദേശം ക്രൈ​സ്‌ത​വ​ലോ​ക​ത്തി​ലു​ട​നീ​ളം വാരി​വി​ത​റു​ക​യാണ്‌. തീർച്ച​യാ​യും, യഹോ​വ​യു​ടെ “കാവൽക്കാര”നെ ശ്രദ്ധി​ക്കാൻ വിസമ്മ​തി​ക്കു​ന്ന​വർക്ക്‌ അതിജീ​വ​ന​ത്തി​നുള്ള പ്രത്യാ​ശ​യില്ല.—യെശയ്യാവ്‌ 61:1,2; വെളി​പ്പാട്‌ 18:8-10,20.

20. (എ) സ്വർഗ്ഗീ​യ​ര​ഥ​ച​ക്ര​ങ്ങ​ളും കെരു​ബു​ക​ളും തമ്മിലുള്ള യോജിപ്പ്‌ നമ്മെ എങ്ങനെ ബാധി​ക്കണം? (ബി) ചില പ്രഭു​ക്കൻമാർ എന്തു ചെയ്യു​ക​യാ​യി​രു​ന്നു, അവർ യെരു​ശ​ലേ​മി​നെ എന്തി​നോ​ടു തെററാ​യി ഉപമിച്ചു?

²⁰ വീണ്ടും ദൈവ​ത്തി​ന്റെ സ്വർഗ്ഗീ​യ​സ്ഥാ​പ​ന​മാ​കുന്ന സ്വർഗ്ഗീ​യ​ര​ഥ​ത്തി​ലേക്കു ശ്രദ്ധ തിരി​ക്ക​പ്പെ​ടു​ന്നു. രഥച​ക്ര​ങ്ങ​ളും കെരു​ബു​ക​ളും തമ്മിലുള്ള യോജി​പ്പു ശ്രദ്ധി​ക്കു​മ്പോൾ, നാം ദൈവ​ത്തി​ന്റെ ഭൗമി​ക​സ്ഥാ​പ​ന​ത്തോട്‌ പൂർണ്ണ​മാ​യി സഹകരി​ക്കാൻ പ്രേരി​ത​രാ​കേ​ണ്ട​താണ്‌. വിശ്വ​സ്‌ത​ത​യാൽ നാം വഞ്ചകരായ മനുഷ്യ​രിൽനിന്ന്‌ അതിനെ സംരക്ഷി​ക്കേ​ണ്ട​തു​മാണ്‌. (യെഹെ​സ്‌ക്കേൽ 10:9-22) യെഹെ​സ്‌ക്കേ​ലി​ന്റെ നാളിൽ അത്തരം മനുഷ്യർ ഉണ്ടായി​രു​ന്നു, എന്തു​കൊ​ണ്ടെ​ന്നാൽ ഭരണമ​ണ്ഡ​ല​ത്തി​ലെ 25 പ്രഭു​ക്കൻമാർ ഈജി​പ്‌റ​റി​ന്റെ സഹായ​ത്തോ​ടെ ദൈവ​ത്തി​ന്റെ വധാധി​കൃ​ത​സൈ​ന്യ​ങ്ങൾക്കെ​തി​രെ വിപ്ലവ​ത്തി​നു ഗൂഢാ​ലോ​ചന നടത്തു​ന്നതു അവൻ കണ്ടു. അവർ യെരു​ശ​ലേ​മി​നെ ഒരു കുട്ടക​ത്തോ​ടും തങ്ങളേ​ത്തന്നെ അതിനു​ള്ളി​ലെ സുരക്ഷിത മാംസ​ത്തോ​ടും ഉപമിച്ചു. എന്നാൽ അവർ എത്ര തെററി​പ്പോ​യി​രു​ന്നു! ബാബി​ലോ​ന്യ​രായ “അന്യരു”ടെ “വാൾ” ഗൂഢാ​ലോ​ച​ന​ക്കാ​രിൽ ചിലരെ കൊല്ലു​മാ​യി​രു​ന്നു, അതേ സമയം മററു​ള്ളവർ ബന്ദിക​ളാ​യി​ത്തീ​ര​ണ​മാ​യി​രു​ന്നു. തന്റെ നിയമം ലംഘി​ച്ച​തി​നു ദൈവം അവരെ ഉത്തരവാ​ദി​ക​ളാ​ക്കി​യ​തു​കൊ​ണ്ടാണ്‌ ഇതു സംഭവി​ക്കേ​ണ്ടി​യി​രു​ന്നത്‌. (യെഹെ​സ്‌ക്കേൽ 11:1-13; പുറപ്പാട്‌ 19:1-8; 24:1-7; യിരെ​മ്യാവ്‌ 52:24-27) ക്രൈ​സ്‌ത​വ​ലോ​കം ദൈവ​ത്തോട്‌ ഒരു ഉടമ്പടി​യി​ലാ​ണെന്ന്‌ അവകാ​ശ​പ്പെ​ടു​ന്നു​വെ​ങ്കി​ലും ലൗകിക സഖ്യങ്ങ​ളിൽ വിശ്വാ​സ​മർപ്പി​ക്കു​ന്ന​തു​കൊണ്ട്‌ യഹോ​വ​യു​ടെ വധാധി​കൃ​ത​സൈ​ന്യ​ങ്ങ​ളു​ടെ ആക്രമ​ണ​ത്തിൻകീ​ഴിൽ അവൾ നശിക്കും.

21. യഹൂദ​യു​ടെ 70വർഷ ശൂന്യ​കാ​ല​ത്ത​തി​നു ശേഷം എന്തു സംഭവി​ച്ചു, സമാന​മായ എന്തു വികാസം അഭിഷി​ക്ത​ശേ​ഷി​പ്പി​നെ ബാധിച്ചു?

²¹ യിസ്രാ​യേ​ല്യർ ക്രി.മു. 617-ലെന്നവണ്ണം ‘ദേശങ്ങ​ളു​ടെ ഇടയിൽ ചിതറിക്ക’പ്പെട്ടി​രു​ന്നെ​ങ്കി​ലും അനുതാ​പ​മു​ണ്ടാ​യി​രുന്ന പ്രവാ​സി​കൾക്ക്‌ ദൈവം “ഒരു വിശു​ദ്ധ​മ​ന്ദി​ര​മോ” അഭയമോ ആയിരു​ന്നു. (യെഹെ​സ്‌ക്കേൽ 11:14-16) എന്നാൽ മറെറന്തു പ്രതീ​ക്ഷി​ക്കാൻ കഴിയു​മാ​യി​രു​ന്നു? (യെഹെ​സ്‌ക്കേൽ 11:17-21 വായി​ക്കുക) യഹൂദ​യു​ടെ 70-വർഷ ശൂന്യ​ത്തി​നു​ശേഷം, ഒരു ശേഷിപ്പ്‌ ശുദ്ധീ​ക​രി​ക്ക​പ്പെട്ട “യിസ്രാ​യേൽ മണ്ണിൽ” പുനസ്ഥി​തീ​ക​രി​ക്ക​പ്പെട്ടു. സമാന​മാ​യി, ഒരു ബാബി​ലോ​ന്യ അടിമ​ത്വ​ത്തി​നു ശേഷം അഭിഷി​ക്ത​ശേ​ഷിപ്പ്‌ 1919-ൽ വിടു​വി​ക്ക​പ്പെട്ടു. ഒരു കാലത്തു ശൂന്യ​മാ​യി​ക്കി​ടന്ന ആത്മീയ യിസ്രാ​യേ​ലി​ന്റെ “മണ്ണ്‌” ദൈവാ​ത്മാ​വി​ന്റെ നടത്തി​പ്പിൻകീ​ഴിൽ ശുദ്ധീ​ക​രി​ക്ക​പ്പെ​ട്ടി​രി​ക്കു​ന്നു. അതു​കൊണ്ട്‌, സംരക്ഷ​ണ​ത്തി​നു​വേണ്ടി അടയാ​ള​മി​ട​പ്പെ​ട്ടി​രി​ക്കു​ന്നവർ പുനഃ​സ്ഥി​തീ​ക​രി​പ്പെട്ട ആത്മീയ​യി​സ്രാ​യേ​ലി​ന്റെ ശേഷി​പ്പി​നോ​ടൊത്ത്‌ ദിവ്യ​പ്രീ​തി അനുഭ​വി​ക്കു​ക​യാണ്‌. നിങ്ങൾ ദൈവ​ത്തി​ന്റെ “കാവൽക്കാ​രനെ” ശ്രദ്ധി​ക്കു​ന്ന​തിൽ തുടരു​ന്നു​വെ​ങ്കിൽ യഹോവ തന്റെ വാൾ ഉറയിൽനിന്ന്‌ ഊരു​മ്പോൾ അതിജീ​വി​ക്കു​ന്ന​വ​രിൽ നിങ്ങൾ ഉൾപ്പെ​ട്ടേ​ക്കാം. (w88 9/15)

[അടിക്കു​റി​പ്പു​കൾ]

നിങ്ങൾ ഓർമ്മി​ക്കു​ന്നു​വോ?

◻ യഹോ​വ​യു​ടെ “കാവൽക്കാ​രൻ” സംസാ​രി​ക്കു​മ്പോൾ ശ്രദ്ധി​ക്കേ​ണ്ട​തെ​ന്തു​കൊണ്ട്‌?

◻ ദൈവ​ത്തി​ന്റെ സ്വർഗ്ഗീ​യ​ര​ഥ​ത്താൽ പ്രതി​നി​ധാ​നം​ചെ​യ്യ​പ്പെ​ട്ട​തെന്ത്‌?

◻ ഇന്ന്‌ യഹോ​വ​യു​ടെ “കാവൽക്കാ”രനായി സേവി​ക്കു​ന്ന​താർ?

◻ യെഹെ​സ്‌ക്കേൽ യെരു​ശ​ലേ​മിൽ എന്തു വിശ്വാ​സ​ത്യാ​ഗ​പ​ര​മായ പ്രവൃ​ത്തി​കൾ കണ്ടു, ഈ ദർശനം നമ്മെ എങ്ങനെ ബാധി​ക്കണം?

◻ ഇന്നത്തെ ‘ചണവസ്‌ത്രം​ധ​രിച്ച പുരുഷൻ’ ആരാണ്‌, അയാൾ നെററി​യിൽ ഇടുന്ന “അടയാളം” എന്താണ്‌?