²⁵ മനുഷ്യ​വർഗം തുടർന്നും പാപത്തി​ന്റെ​യും മരണത്തി​ന്റെ​യും പിടി​യിൽ ആയിരു​ന്നെ​ങ്കി​ലും യേശു മരണത്തിൽ ഛേദി​ക്ക​പ്പെ​ടു​ക​യും സ്വർഗീയ ജീവനി​ലേക്കു പുനരു​ത്ഥാ​നം പ്രാപി​ക്കു​ക​യും ചെയ്‌ത​തോ​ടെ പ്രവചനം നിവൃ​ത്തി​യേറി. അതു ‘ലംഘന​ത്തിന്‌ അന്തം വരുത്തു​ക​യും പാപത്തെ ഇല്ലായ്‌മ ചെയ്യു​ക​യും തെറ്റിനു പ്രായ​ശ്ചി​ത്തം ചെയ്യു​ക​യും നീതി കൈവ​രു​ത്തു​ക​യും’ ചെയ്‌തു. യഹൂദ​ന്മാ​രെ പാപി​ക​ളാ​യി തുറന്നു​കാ​ട്ടു​ക​യും കുറ്റം​വി​ധി​ക്കു​ക​യും ചെയ്‌ത ന്യായ​പ്ര​മാണ ഉടമ്പടി ദൈവം നീക്കം ചെയ്‌തി​രു​ന്നു. (റോമർ 5:12, 19, 20; ഗലാത്യർ 3:13, 19; എഫെസ്യർ 2:15; കൊ​ലൊ​സ്സ്യർ 2:13, 14) ഇപ്പോൾ, അനുതാ​പ​മുള്ള ദുഷ്‌പ്ര​വൃ​ത്തി​ക്കാ​രു​ടെ പാപങ്ങൾ റദ്ദാക്കാ​നും അതിന്റെ ശിക്ഷ നീക്കം ചെയ്യാ​നും കഴിയു​മാ​യി​രു​ന്നു. വിശ്വാ​സം പ്രകട​മാ​ക്കു​ന്ന​വർക്കു മിശി​ഹാ​യു​ടെ പ്രായ​ശ്ചിത്ത യാഗത്തി​ലൂ​ടെ ദൈവ​വു​മാ​യി അനുര​ഞ്‌ജ​ന​ത്തി​ലാ​കാൻ സാധി​ക്കു​മാ​യി​രു​ന്നു. ‘യേശു​ക്രി​സ്‌തു​വി​നാ​ലുള്ള നിത്യ​ജീ​വൻ’ എന്ന ദൈവ​ദാ​ന​ത്തി​നാ​യി അവർക്കു കാത്തി​രി​ക്കാ​നും കഴിയു​മാ​യി​രു​ന്നു.—റോമർ 3:21-26; 6:22, 23; 1 യോഹ​ന്നാൻ 2:1, 2.

27. അഭി​ഷേകം ചെയ്യപ്പെട്ട “വിശു​ദ്ധ​ങ്ങ​ളിൽ വിശുദ്ധം” ഏത്‌, അത്‌ എങ്ങനെ​യാണ്‌ അഭി​ഷേകം ചെയ്യ​പ്പെ​ട്ടത്‌?

²⁷ “വിശു​ദ്ധ​ങ്ങ​ളിൽ വിശു​ദ്ധത്തെ” അഭി​ഷേകം ചെയ്യു​ന്ന​തി​നെ കുറി​ച്ചും പ്രവചനം മുൻകൂ​ട്ടി പറഞ്ഞി​രു​ന്നു. യെരൂ​ശ​ലേ​മി​ലെ ആലയത്തി​ന്റെ അതിവി​ശു​ദ്ധത്തെ അഥവാ ഏറ്റവും ഉള്ളിലെ അറയെ അഭി​ഷേകം ചെയ്യു​ന്ന​തി​നെ അല്ല ഇതു പരാമർശി​ക്കു​ന്നത്‌. “വിശു​ദ്ധ​ങ്ങ​ളിൽ വിശു​ദ്ധത്തെ” എന്ന പ്രയോ​ഗം ഇവിടെ ദൈവ​ത്തി​ന്റെ സ്വർഗീയ വിശുദ്ധ മന്ദിരത്തെ പരാമർശി​ക്കു​ന്നു. അവിടെ, യേശു തന്റെ മാനുഷ ബലിയു​ടെ മൂല്യം തന്റെ പിതാ​വിന്‌ അർപ്പിച്ചു. ഭൗമിക തിരു​നി​വാ​സ​ത്തി​ലും പിന്നീട്‌ ആലയത്തി​ലും ഉണ്ടായി​രുന്ന അതിവി​ശു​ദ്ധ​ത്താൽ പ്രതി​നി​ധാ​നം ചെയ്യപ്പെട്ട ആ സ്വർഗീയ, ആത്മീയ യാഥാർഥ്യ​ത്തെ ആ ബലി അഭി​ഷേകം ചെയ്‌തു അഥവാ വേർതി​രി​ച്ചു നിർത്തി.—എബ്രായർ 9:11, 12.

ദൈവ​ത്താൽ ഉറപ്പാ​ക്ക​പ്പെട്ട പ്രവചനം

28. “ദർശന​ത്തി​ന്റെ​യും പ്രവാ​ച​ക​ന്റെ​യും മേൽ മുദ്രയി”ട്ടതിനാൽ അർഥമാ​ക്ക​പ്പെ​ട്ടത്‌ എന്ത്‌?

²⁸ ഗബ്രീ​യേൽ ഉച്ചരിച്ച മിശി​ഹൈക പ്രവചനം “ദർശന​ത്തി​ന്റെ​യും പ്രവാ​ച​ക​ന്റെ​യും മേൽ മുദ്ര​യി​ടു”ന്നതിനെ കുറി​ച്ചും പറഞ്ഞു. മിശി​ഹാ​യെ കുറിച്ചു മുൻകൂ​ട്ടി പറഞ്ഞ​തെ​ല്ലാം—അവൻ തന്റെ ബലിയാ​ലും പുനരു​ത്ഥാ​ന​ത്താ​ലും സ്വർഗ​ത്തി​ലെ പ്രത്യ​ക്ഷ​പ്പെ​ട​ലി​നാ​ലും സാധിച്ച സകല കാര്യ​ങ്ങ​ളും അതു​പോ​ലെ​തന്നെ 70-ാമത്തെ ആഴ്‌ച​യിൽ സംഭവി​ക്കു​മാ​യി​രുന്ന മറ്റു സംഗതി​ക​ളും—ദിവ്യ അംഗീ​കാ​ര​ത്തി​ന്റെ മുദ്ര​യാൽ മുദ്ര​കു​ത്ത​പ്പെ​ടു​മെ​ന്നും സത്യമാ​ണെന്നു തെളി​യു​മെ​ന്നും വിശ്വാ​സ്യ​മാ​ണെ​ന്നും അത്‌ അർഥമാ​ക്കി. ദർശന​ത്തിന്‌ മുദ്ര​യി​ടു​മാ​യി​രു​ന്നു, മിശി​ഹാ​യ്‌ക്കാ​യി പരിമി​ത​പ്പെ​ടു​ത്ത​പ്പെ​ടു​മാ​യി​രു​ന്നു. അതിന്റെ നിവൃത്തി അവനി​ലും അവനി​ലൂ​ടെ​യുള്ള ദൈവ​ത്തി​ന്റെ പ്രവൃ​ത്തി​യി​ലും ആയിരി​ക്കു​മാ​യി​രു​ന്നു. മുൻകൂ​ട്ടി പറയപ്പെട്ട മിശി​ഹാ​യോ​ടുള്ള ബന്ധത്തിൽ മാത്രമേ നമുക്കു പ്രസ്‌തുത ദർശന​ത്തി​ന്റെ ശരിയായ വ്യാഖ്യാ​നം കണ്ടെത്താൻ കഴിയൂ. മറ്റു യാതൊ​ന്നും അതിന്റെ അർഥം അനാവ​രണം ചെയ്യു​മാ​യി​രു​ന്നില്ല.