പ്ലേറ്റിയ യുദ്ധം—ഒരു “കരടി”യെ മുട്ടു​കു​ത്തി​ക്കു​ന്നു

ഗ്രീസിലെ ഉണരുക! ലേഖകൻ

നഷ്ടപ്ര​താ​പ​ത്തി​ന്റെ മൂകസാ​ക്ഷി​ക​ളായ ഏതാനും ക്ഷേത്ര​ശി​ഷ്ടങ്ങൾ. ഉപേക്ഷി​ക്ക​പ്പെട്ട നിലയി​ലുള്ള ശിലാ​ശിൽപ്പ​ങ്ങ​ളും ചരൽ പാതക​ളും. ഗ്രീസി​ലെ ഏഥൻസിന്‌ 50 കിലോ​മീ​റ്റർ വടക്കു​പ​ടി​ഞ്ഞാറ്‌, അസോ​പൊസ്‌ നദീതീ​രത്തെ കുന്നു​കൾക്ക്‌ ഇടയി​ലുള്ള ഒരു ശൂന്യ സമതലം.

ഏകദേശം 2,500 വർഷം മുമ്പ്‌ പേർഷ്യ​ക്കാ​രും ഗ്രീക്കു​കാ​രും തമ്മിൽ നടന്ന സായുധ പോരാ​ട്ട​ത്തി​ന്റെ അന്തിമ രംഗങ്ങ​ളി​ലൊന്ന്‌ അരങ്ങേ​റിയ സ്ഥാനത്താ​ണു നാം നിൽക്കു​ന്നത്‌ എന്നതു നിസ്‌തർക്ക​മാണ്‌. പേർഷ്യൻ യുദ്ധങ്ങ​ളിൽവെച്ച്‌ ഏറ്റവും വലിയ കരയുദ്ധം—പ്ലേറ്റിയ യുദ്ധം—അരങ്ങേ​റി​യത്‌ ഇവി​ടെ​യാണ്‌.

യുദ്ധം നടന്നതി​ന്റെ സൂചനകൾ

ലോക ശക്തിക​ളു​ടെ ഉദയ​ത്തെ​യും അസ്‌ത​മ​യ​ത്തെ​യും കുറിച്ചു ബൈബിൾ പ്രവച​നങ്ങൾ നൂറ്റാ​ണ്ടു​കൾ മുമ്പേ മുൻകൂ​ട്ടി പറഞ്ഞി​രു​ന്നു, വളരെ നന്നായി എഴുത​പ്പെട്ട ഒരു തിരക്കഥ പോലെ. പ്രവചി​ച്ചി​രു​ന്നതു പോ​ലെ​തന്നെ, കരടി​യും ആട്ടു​കൊ​റ്റ​നു​മാ​യി ചിത്രീ​ക​രി​ക്ക​പ്പെട്ട മെദോ-പേർഷ്യ ലോക​ശക്തി പുതിയ പ്രദേ​ശങ്ങൾ, പ്രധാ​ന​മാ​യും പടിഞ്ഞാ​റൻ പ്രദേ​ശങ്ങൾ, വെട്ടി​പ്പി​ടി​ച്ചു​കൊ​ണ്ടു സൈനിക നീക്കങ്ങൾ നടത്തി. (ദാനീ​യേൽ 7:5; 8:4) എന്നുവ​രി​കി​ലും, പൊ.യു.മു. 490-ൽ ഗ്രീസിന്‌ എതി​രെ​യുള്ള സൈനിക നീക്കത്തിൽ മാര​ത്തോൺ എന്ന സ്ഥലത്തു വെച്ചു ദാര്യാ​വേശ്‌ ഒന്നാമൻ രാജാവു നയിച്ച പേർഷ്യൻ സൈന്യ​ത്തി​നു കനത്ത പരാജയം നേരിട്ടു. നാലു വർഷം കഴിഞ്ഞു ദാര്യാ​വേശ്‌ നാടു​നീ​ങ്ങി.

“പേർഷ്യ​യിൽ മൂന്നു രാജാ​ക്ക​ന്മാർകൂ​ടി ഉദയം​കൊ​ള്ളും” എന്നും നാലാ​മത്തെ പേർഷ്യൻ രാജാവ്‌ “എല്ലാവ​രെ​യും ഗ്രീക്കു​രാ​ജ്യ​ത്തിന്ന്‌ എതിരെ ഇളക്കി​വി​ടും” എന്നും ദാനീ​യേ​ലി​ന്റെ പ്രവചനം കൂടു​ത​ലാ​യി വിശദീ​ക​രി​ച്ചു. തെളി​വ​നു​സ​രിച്ച്‌ ആ രാജാവ്‌, ദാര്യാ​വേ​ശി​ന്റെ മകനായ സെർക്‌സിസ്‌ ആയിരു​ന്നു. (ദാനീ​യേൽ 11:2, ഓശാന ബൈബിൾ) മാര​ത്തോ​ണിൽ പേർഷ്യ​ക്കാർക്കു നേരിട്ട പരാജ​യ​ത്തി​നു പകരം വീട്ടാ​നാ​യി സെർക്‌സിസ്‌ പൊ.യു.മു. 480-ൽ, ഗ്രീസി​നെ​തി​രെ ഒരു വൻ സൈനിക ആക്രമണം നടത്തി. കനത്ത നാശന​ഷ്ടങ്ങൾ ഉണ്ടാ​യെ​ങ്കി​ലും തെർമോ​പ്പി​ലി​യി​ലെ യുദ്ധത്തിൽ അവർ വിജയി​ച്ചു. എന്നാൽ, തുടർന്നു സലാമിസിൽa വെച്ചു നടന്ന പോരാ​ട്ട​ത്തിൽ അവർ കനത്ത പരാജയം ഏറ്റുവാ​ങ്ങി.

മർഡോ​ണി​യസ്‌—വിമു​ഖ​നായ പോരാ​ളി​യോ?

അപമാ​നി​ത​നായ സെർക്‌സിസ്‌ 3,00,000-ത്തോളം പോന്ന തന്റെ സേനയു​ടെ​യും ഗ്രീസി​ന്റെ പിടി​ച്ച​ട​ക്ക​പ്പെട്ട പ്രദേ​ശ​ങ്ങ​ളു​ടെ​യും മേൽനോ​ട്ടം തഴക്കംവന്ന സൈന്യാ​ധി​പ​നായ മർഡോ​ണി​യ​സി​നെ ഏൽപ്പി​ച്ചിട്ട്‌ ലിദി​യ​യി​ലേക്കു തിരക്കി​ട്ടു മടങ്ങി. തെസ്സാ​ലി​യിൽ ശൈത്യ​കാ​ലം ചെലവ​ഴി​ക്കവെ മർഡോ​ണി​യസ്‌, ചില നിർദേ​ശങ്ങൾ സഹിതം ഒരു ദൂതനെ ഏഥൻസി​ലേക്ക്‌ അയച്ചു. ഏഥൻസി​നു പൂർണ​മാ​യി മാപ്പു നൽകാ​മെ​ന്നും അഗ്നിക്കി​ര​യാ​ക്കിയ ക്ഷേത്രങ്ങൾ പുനർനിർമി​ക്കാ​മെ​ന്നും പിടി​ച്ചെ​ടുത്ത പ്രദേ​ശങ്ങൾ തിരികെ നൽകാ​മെ​ന്നും സ്വയം​ഭരണ അധികാ​ര​മുള്ള സ്വതന്ത്ര നഗരമെന്ന തുല്യ പരിഗ​ണ​ന​യിൽ അവരു​മാ​യി സന്ധി ചെയ്യാ​മെ​ന്നും അതിൽ സൂചി​പ്പി​ച്ചി​രു​ന്നു. എന്നാൽ, ഏഥൻസു​കാർ ആ നിർദേ​ശ​ത്തി​നു തെല്ലും വിലകൽപ്പി​ക്കാ​തെ സൈനിക സഹായാർഥം സ്‌പാർട്ട​യി​ലേക്കു തിരിഞ്ഞു.

മർക്കട​മു​ഷ്ടി​ക്കാ​രായ ഗ്രീക്കു​കാ​രെ, അവരുടെ നേതാ​ക്ക​ന്മാർക്കു കൈക്കൂ​ലി കൊടു​ത്തു​കൊ​ണ്ടു ചൊൽപ്പ​ടി​ക്കു നിർത്താ​നാ​കു​മെന്ന്‌ മർഡോ​ണി​യ​സി​നോട്‌ അനുഭാ​വം കാട്ടി​യി​രുന്ന വിമത ഗ്രീക്കു​കാർ അദ്ദേഹത്തെ ഉപദേ​ശി​ച്ചു. എന്നാൽ, അത്തരം രീതികൾ അവലം​ബി​ക്കു​ന്ന​തി​നോ​ടു മർഡോ​ണി​യ​സിന്‌ അവജ്ഞയാ​യി​രു​ന്നു. ഗ്രീക്കു​കാ​രു​മാ​യി നേരി​ട്ടുള്ള ഏറ്റുമു​ട്ടൽ ഒഴിവാ​ക്കാ​നാണ്‌ അദ്ദേഹം അപ്പോ​ഴും ശ്രമി​ച്ചത്‌. തന്മൂലം, പോരാ​ട്ടം ഒഴിവാ​ക്കി​ക്കൊ​ണ്ടു കീഴട​ങ്ങാൻ അദ്ദേഹം ഏഥൻസു​കാർക്കു വീണ്ടും അവസര​മൊ​രു​ക്കി. എന്നാൽ അവർ തങ്ങളുടെ തീരു​മാ​ന​ത്തിൽ ഉറച്ചു​നി​ന്നു.

പാരമ്യം

അങ്ങനെ, പേർഷ്യൻ-ഗ്രീക്ക്‌ ഏറ്റുമു​ട്ട​ലി​ന്റെ പാരമ്യം പൊ.യു.മു. 479 ആഗസ്റ്റ്‌ മാസം പ്ലേറ്റി​യ​യിൽ അരങ്ങേറി. അവിടെ, സ്‌പാർട്ട​ക്കാ​ര​നായ പോ​സേ​നി​യസ്‌ എന്ന സൈന്യാ​ധി​പന്റെ നേതൃ​ത്വ​ത്തിൽ, സ്‌പാർട്ട​ക്കാ​രും ഏഥൻസു​കാ​രും മറ്റു ഗ്രീക്ക്‌ നഗരങ്ങ​ളിൽ നിന്നുള്ള സൈനി​ക​രും ഉൾപ്പെടെ 40,000-ത്തോളം പേർ വരുന്ന ഗ്രീക്കു കാലാൾപ്പട, 1,00,000 പേരട​ങ്ങുന്ന മർഡോ​ണി​യ​സി​ന്റെ ശക്തമായ സൈന്യ​ത്തോട്‌ ഏറ്റുമു​ട്ടി.

മൂന്ന്‌ ആഴ്‌ച​ക​ളോ​ളം, നേരി​ട്ടുള്ള ഏറ്റുമു​ട്ടൽ ഭയന്ന്‌ ഇരു സേനയി​ലെ​യും മികച്ച പോരാ​ളി​കൾ സന്ദേഹ​ത്തോ​ടെ അസോ​പൊസ്‌ നദിക്ക്‌ ഇരു കരകളി​ലും നിന്നു പോരാ​ട്ടം നടത്തി. ഐതി​ഹ്യം അനുസ​രിച്ച്‌, പ്രതി​രോ​ധി​ച്ചു നിന്നാൽ യുദ്ധത്തിൽ വിജയി​ക്കു​മെന്ന്‌ ഇരു സേനക​ളു​ടെ​യും ഭാവി​ക​ഥ​ന​ക്കാർ അവരോ​ടു പറഞ്ഞി​രു​ന്നു. എന്നുവ​രി​കി​ലും, പേർഷ്യൻ കാലാൾപ്പട ഗ്രീക്കു​കാ​രെ നിരന്തരം ഉപദ്ര​വി​ച്ചു​കൊ​ണ്ടി​രു​ന്നു. കൂടാതെ, അവരുടെ അവശ്യ വസ്‌തു​ക്ക​ളെ​ല്ലാം അവർ കൊള്ള​യ​ടി​ക്കു​ക​യും ഗ്രീക്കു​കാർ കുടി​വെ​ള്ള​ത്തിന്‌ ആശ്രയി​ച്ചി​രുന്ന കിണറു​ക​ളിൽ വിഷം കലക്കു​ക​യും ചെയ്‌തു.

മർഡോ​ണി​യ​സി​ന്റെ വീക്ഷണ​ത്തിൽ യുദ്ധം അവസാ​നി​ക്കാ​റാ​യി​രു​ന്നു. എന്നാൽ, ആ പേർഷ്യൻ സൈന്യാ​ധി​പൻ ശത്രു​സൈ​ന്യ​ത്തി​ന്റെ പോർമി​ടുക്ക്‌ ശരിക്കു മനസ്സി​ലാ​ക്കി​യി​രു​ന്നില്ല. സത്വര​മായ ഒരു ഗംഭീര വിജയ​മാണ്‌ അദ്ദേഹം പ്രതീ​ക്ഷി​ച്ചത്‌. തന്മൂലം, പെട്ടെന്നു തന്റെ സേനയു​മാ​യി നദി കുറുകെ കടന്നു​ചെന്ന്‌ അദ്ദേഹം ശത്രു​ക്കളെ ആക്രമി​ച്ചു.

കമ്പുകൾകൊ​ണ്ടു മിടഞ്ഞു​ണ്ടാ​ക്കിയ പരിച​ക​ളു​ടെ ‘ഭിത്തിക്കു’ പിന്നിൽ നിന്നു​കൊണ്ട്‌ പേർഷ്യ​ക്കാർ ശത്രു​ക്ക​ളു​ടെ നേർക്കു ശരവർഷം നടത്തി. പേർഷ്യ​ക്കാ​രോ​ടു ചേർന്ന വിമത ഗ്രീക്ക്‌ സഖ്യസേന 8,000 ഏഥൻസു​കാ​രെ ആക്രമി​ച്ച​പ്പോൾ മർഡോ​ണി​യ​സി​ന്റെ സേന 11,500 സ്‌പാർട്ട​ക്കാ​രെ മുട്ടു​കു​ത്തി​ച്ചു. ശരവർഷത്തെ ചെറു​ക്കാൻ സ്‌പാർട്ട​ക്കാർ തങ്ങളുടെ പരിച​കൾക്കു പിന്നിൽ മറഞ്ഞി​രു​ന്നു. തുടർന്ന്‌, അവർ ഒരു സേനാ​വ്യൂ​ഹം ചമച്ച്‌ സുസം​ഘ​ടി​ത​മായ പ്രത്യാ​ക്ര​മണം നടത്തി. കനത്ത ശരീര​കവച ധാരി​ക​ളാ​യി​രുന്ന അവർ നീണ്ട കുന്തങ്ങ​ളു​മാ​യി പേർഷ്യ​ക്കാ​രു​ടെ നേരെ പാഞ്ഞടു​ത്തു.

പരി​ഭ്രാ​ന്ത​രാ​യ പേർഷ്യ​ക്കാർ പിൻവാ​ങ്ങി. അതിനി​ടെ, ഏഥൻസു​കാർ ഒറ്റുകാ​രായ ഗ്രീക്കു​കാ​രെ കീഴടക്കി. പേർഷ്യൻ അശ്വ​സേ​ന​യു​ടെ സംരക്ഷ​ണ​യിൽ, മർഡോ​ണി​യ​സി​ന്റെ സൈന്യം ധൃതി​യിൽ നദി കടന്നു പിന്തി​രി​ഞ്ഞോ​ടി. എങ്കിലും, മർഡോ​ണി​യസ്‌ കൊല്ല​പ്പെട്ടു, കുതി​ര​പ്പു​റത്തു നിന്നു തള്ളിയി​ട്ടാണ്‌ അദ്ദേഹത്തെ വധിച്ചത്‌. നേതാവു നഷ്ടപ്പെട്ട പേർഷ്യൻ സേന ചിതറി​യോ​ടി.

അതേസ​മ​യം, കടലിന്‌ അക്കരെ അയോ​ണി​യ​യി​ലെ മൈക്കലി തീരത്തു​വെച്ചു ഗ്രീക്കു നാവി​ക​വ്യൂ​ഹം, ഒരു വർഷം മുമ്പ്‌ സലാമീ​സിൽ വെച്ച്‌ കഷ്ടിച്ചു രക്ഷപ്പെ​ട്ടോ​ടിയ പേർഷ്യൻ നാവി​ക​പ്പ​ട​യു​ടെ​മേൽ വമ്പിച്ച വിജയം നേടി. അങ്ങനെ, ശക്തമായ സംയുക്ത പേർഷ്യൻ സേനയ്‌ക്കു കനത്ത തിരി​ച്ച​ടി​യേറ്റു.

അംഗഭം​ഗം വന്ന “കരടി”

പിന്നീട്‌ ഒരിക്ക​ലും പേർഷ്യൻ സേന യൂറോ​പ്യൻ മണ്ണിൽ വെച്ചു പോരാ​ട്ടം നടത്തി​യി​ട്ടില്ല. ഒരു സംഘടിത സൈന്യം എന്ന നിലയിൽ പേർഷ്യൻ സേന പൂർണ​മാ​യി നശിപ്പി​ക്ക​പ്പെട്ടു. അതേത്തു​ടർന്ന്‌, എ സോറിങ്‌ സ്‌പി​രിറ്റ്‌ എന്ന പുസ്‌തകം പറയു​ന്ന​ത​നു​സ​രിച്ച്‌, “തലസ്ഥാന നഗരങ്ങ​ളി​ലുള്ള തന്റെ കൊട്ടാ​ര​ങ്ങ​ളി​ലും അന്തഃപു​ര​ങ്ങ​ളി​ലും ഒക്കെയാ​യി സെർക്‌സിസ്‌ ശിഷ്ടജീ​വി​തം ചെലവ​ഴി​ച്ചു. തന്റെ പിതാവു തുടങ്ങി​വെച്ച നിർമാണ പ്രവർത്ത​നങ്ങൾ പൂർത്തീ​ക​രി​ക്കാൻ ഇടയ്‌ക്കൊ​ക്കെ അദ്ദേഹം താത്‌പ​ര്യ​മെ​ടു​ത്തി​രു​ന്നു. അങ്ങനെ, പേർഷ്യൻ തലസ്ഥാ​ന​മായ പെർസെ​പൊ​ലി​സിൽ കൊട്ടാ​ര​ങ്ങ​ളു​ടെ​യും സ്‌മാരക മന്ദിര​ങ്ങ​ളു​ടെ​യും എണ്ണം വർധിച്ചു. മറ്റെ​ന്തെ​ങ്കി​ലും വിധത്തിൽ അദ്ദേഹം നേട്ടങ്ങൾ കൈവ​രി​ച്ചി​ട്ടു​ണ്ടെ​ങ്കിൽത്തന്നെ അതു തുലോം വിരള​മാണ്‌.”

ഒരിക്കൽ അധികാ​ര​മോ​ഹി ആയിരുന്ന ആ ജേതാവ്‌, കൊട്ടാര സുരക്ഷി​ത​ത്വ​ത്തിൻ കീഴിൽ രാഷ്‌ട്രീയ ഉപജാപ പ്രവർത്ത​ന​ങ്ങ​ളി​ലും കൊട്ടാ​ര​ത്തി​ലെ ഏഷണി​ക​ളി​ലു​മൊ​ക്കെ ശ്രദ്ധ കേന്ദ്രീ​ക​രി​ച്ചു​കൊണ്ട്‌ ജീവിതം കഴിച്ചു​കൂ​ട്ടി. ആ ചുറ്റു​പാ​ടി​ലും അദ്ദേഹ​ത്തി​നു സ്വസ്ഥത ഉണ്ടായി​രു​ന്നില്ല. പൊ.യു.മു. 465-ൽ ഒരു സംഘം ഗൂഢാ​ലോ​ച​ക​രു​ടെ നിർദേ​ശ​പ്ര​കാ​രം അദ്ദേഹം പള്ളി​മെ​ത്ത​യിൽ വെച്ചു​തന്നെ വധിക്ക​പ്പെട്ടു.

എ സോറിങ്‌ സ്‌പി​രിറ്റ്‌ ഇങ്ങനെ അഭി​പ്രാ​യ​പ്പെ​ടു​ന്നു: ‘ആ സാമ്രാ​ജ്യ​ത്തെ കുറി​ച്ചുള്ള പ്രസ്‌തുത കാലയ​ള​വി​ലെ വിവര​ങ്ങ​ളു​ടെ മുഖ്യ ഉറവി​ട​മാ​യി കണക്കാ​ക്കാ​വുന്ന ഗ്രീക്ക്‌ എഴുത്തു​കാ​രു​ടെ വീക്ഷണ​ത്തി​ലെ​ങ്കി​ലും, തുടർന്നു​വന്ന പേർഷ്യൻ രാജാ​ക്ക​ന്മാ​രിൽ ആരും കോ​രെ​ശി​ന്റെ​യോ (സൈറസ്‌) ദാര്യാ​വേ​ശി​ന്റെ​യോ അത്ര ഊർജ​സ്വ​ല​ത​യോ ബുദ്ധി​വൈ​ഭ​വ​മോ ഉള്ളവർ ആയിരു​ന്നില്ല. സെർക്‌സി​സി​ന്റെ മകൻ ആയിരുന്ന അർത്ഥഹ്‌ശ​ഷ്ടാവ്‌ ഒന്നാമനെ സംബന്ധി​ച്ചി​ട​ത്തോ​ളം പേർഷ്യൻ സാമ്രാ​ജ്യ​ത്വ നയത്തിൽ സൈന്യ​ത്തി​നല്ല മറിച്ച്‌ പണത്തി​നാ​യി​രു​ന്നു പ്രാധാ​ന്യം. ഗ്രീക്കു​കാ​രു​ടെ കാര്യാ​ദി​ക​ളിൽ തലയി​ടാൻ പേർഷ്യൻ സാമ്രാ​ജ്യ​ത്തി​ലെ നാണയം [ഡെയ്‌റിക്‌] ഉപയോ​ഗിച്ച്‌ അദ്ദേഹം ഓരോ​രോ നഗരരാ​ഷ്‌ട്ര​ങ്ങ​ളെ​യാ​യി വശത്താ​ക്കി​ക്കൊണ്ട്‌ കലഹം ഇളക്കി​വി​ട്ടു . . . സ്വർണം​കൊ​ണ്ടുള്ള ഡെയ്‌റിക്‌ നാണയ​ങ്ങ​ളിൽ വില്ലും ആവനാ​ഴി​യിൽ അമ്പുക​ളു​മാ​യി നിൽക്കുന്ന ദാര്യാ​വേ​ശി​ന്റെ ചിത്ര​മാണ്‌ ഉണ്ടായി​രു​ന്നത്‌. “പേർഷ്യൻ വില്ലാ​ളി​കൾ” എന്നാണ്‌ ഗ്രീക്കു​കാർ ആ നാണയത്തെ പരിഹ​സി​ച്ചു വിളി​ച്ചി​രു​ന്നത്‌.’

നാമാ​വ​ശേ​ഷ​മാ​കു​ന്നതു വരെ, ഗൂഢാ​ലോ​ച​ന​ക​ളും കൊല​പാ​ത​ക​ങ്ങ​ളും പേർഷ്യൻ രാജവം​ശ​ത്തി​ന്മേൽ കളങ്കം ചാർത്തു​ക​യും രക്തക്കറ വീഴ്‌ത്തു​ക​യും ചെയ്‌തു. സാമ്രാ​ജ്യം അധഃപ​തി​ച്ചു​കൊ​ണ്ടേ​യി​രു​ന്നു. അങ്ങനെ, പേർഷ്യൻ രാജവം​ശ​ത്തിന്‌ അധികാ​ര​ത്തി​ന്മേ​ലുള്ള പിടി അയയാ​നും ഭരണ​പ്രാ​പ്‌തി നഷ്ടപ്പെ​ടാ​നും തുടങ്ങി.

രാജ്യത്തെ ശക്തമാ​ക്കാൻ ഒടുക്കം വരെ ശ്രമങ്ങൾ നടത്ത​പ്പെ​ട്ടി​രു​ന്നെ​ങ്കി​ലും, മഹാനായ അലക്‌സാ​ണ്ടർ—കോ​രെ​ശി​നെ പോ​ലെ​തന്നെ സാമ്രാ​ജ്യം വിപു​ല​മാ​ക്കു​ന്ന​തിൽ അദ്ദേഹ​വും വ്യഗ്രത കാട്ടി​യി​രു​ന്നു—പൊ.യു.മു. നാലാം നൂറ്റാ​ണ്ടിൽ സാമ്രാ​ജ്യ​ത്തി​ലൂ​ടെ മാർച്ച്‌ ചെയ്യാൻ തുടങ്ങി​യ​പ്പോ​ഴേ​ക്കും പേർഷ്യൻ രാജവം​ശ​ത്തി​ന്റെ പതനം ആസന്നമാ​യി​രു​ന്നു. അങ്ങനെ, ഒരിക്കൽ കൂടി ബൈബിൾ പ്രവചനം അതിന്റെ സകല വിശദാം​ശ​ങ്ങ​ളി​ലും നിവൃ​ത്തി​യേറി.

[അടിക്കു​റി​പ്പു​കൾ]

[26-ാം പേജിലെ ചതുരം/ചിത്രങ്ങൾ]

മെദോ-പേർഷ്യ​യും ഗ്രീസും പോരാ​ട്ട​ത്തി​ന്റെ രണ്ടു നൂറ്റാ​ണ്ടു​കൾ

പൊ.യു.മു. 539. മെദോ-പേർഷ്യ നാലാ​മത്തെ ലോക​ശക്തി ആയിത്തീ​രു​ന്നു. മൂന്നു പ്രധാന ദിക്കു​ക​ളി​ലു​മുള്ള പ്രദേ​ശങ്ങൾ അതു പിടി​ച്ച​ട​ക്കു​ന്നു: വടക്ക്‌ (അസീറിയ), പടിഞ്ഞാറ്‌ (അയോ​ണിയ), തെക്ക്‌ (ഈജി​പ്‌ത്‌) (ദാനീ​യേൽ 7:5; 8:1-4, 20)

പൊ.യു.മു. 500. അയോ​ണി​യ​യി​ലെ (ഏഷ്യാ​മൈ​ന​റി​ലെ) ഗ്രീക്കു​കാർ പേർഷ്യൻ ഭരണാ​ധി​പ​ന്മാർക്കെ​തി​രെ വിപ്ലവം നടത്തുന്നു

പൊ.യു.മു. 490. ഏഥൻസു​കാർ മാര​ത്തോ​ണിൽ വെച്ച്‌ പേർഷ്യ​ക്കാ​രെ തുരത്തു​ന്നു

പൊ.യു.മു. 482. സെർക്‌സിസ്‌ ‘എല്ലാവ​രെ​യും ഗ്രീക്കു​രാ​ജ്യ​ത്തിന്‌ എതിരെ ഇളക്കി​വി​ടു​ന്നു’ (ദാനീ​യേൽ 11:2, ഓശാന ബൈ.)

പൊ.യു.മു. 480. കനത്ത നാശന​ഷ്ടങ്ങൾ നേരി​ട്ടെ​ങ്കി​ലും പേർഷ്യ​ക്കാർ തെർമോ​പ്പി​ലി​യി​ലെ യുദ്ധത്തിൽ വിജയം കൊയ്യു​ന്നു; സലാമീ​സിൽ വെച്ചു പേർഷ്യ​ക്കാർ തുരത്ത​പ്പെ​ടു​ന്നു.

പൊ.യു.മു. 479. പ്ലേറ്റി​യ​യിൽ വെച്ച്‌ ഏഥൻസു​കാ​രും സ്‌പാർട്ട​ക്കാ​രും പേർഷ്യ​ക്കാ​രു​ടെ​മേൽ വിജയം നേടുന്നു

പൊ.യു.മു. 336. അലക്‌സാ​ണ്ടർ മാസി​ഡോ​ണി​യ​യു​ടെ രാജാ​വാ​കു​ന്നു

പൊ.യു.മു. 331. ഗോഗ​മി​ല​യിൽ വെച്ചു മഹാനായ അലക്‌സാ​ണ്ടർ പേർഷ്യൻ സൈന്യ​ത്തെ തകർത്തു തരിപ്പ​ണ​മാ​ക്കു​ന്നു; ഗ്രീസ്‌ അഞ്ചാം ലോക​ശക്തി ആയിത്തീ​രു​ന്നു (ദാനീ​യേൽ 8:3-8, 20-22)

[ചിത്രങ്ങൾ]

ഒരു പേർഷ്യൻ വില്ലാളി

ഗ്രീക്ക്‌ അശ്വ​സൈ​ന്യ​ത്തി​ന്റെ ഘോഷ​യാ​ത്ര

[കടപ്പാട്‌]

Musée du Louvre, Paris

Photograph taken by courtesy of the British Museum

[26-ാം പേജിലെ ചതുരം]

സകല മാനുഷ പോരാ​ട്ട​ങ്ങ​ളു​ടെ​യും അന്തിമ പരിണതി

“ഈ രാജാ​ക്ക​ന്മാ​രു​ടെ കാലത്തു സ്വർഗ്ഗ​സ്ഥ​നായ ദൈവം ഒരുനാ​ളും നശിച്ചു​പോ​കാത്ത ഒരു രാജത്വം സ്ഥാപി​ക്കും; ആ രാജത്വം വേറെ ഒരു ജാതിക്കു ഏല്‌പി​ക്ക​പ്പെ​ടു​ക​യില്ല; അതു ഈ രാജത്വ​ങ്ങളെ ഒക്കെയും തകർത്തു നശിപ്പി​ക്ക​യും എന്നേക്കും നിലനി​ല്‌ക്ക​യും ചെയ്യും.”—ദാനീ​യേൽ 2:44.

[25-ാം പേജിലെ ചിത്രം]

പേർഷ്യൻ സൈന്യം തോറ്റു തുന്നം​പാ​ടിയ പ്ലേറ്റി​യ​യി​ലെ രണഭൂമി