പ്രതീക്ഷ കൈവി​ടാ​തെ കാത്തി​രി​ക്കുക!

1, 2. യഹോ​വ​യു​ടെ ദാസന്മാർക്ക്‌ എന്ത്‌ വീക്ഷണ​മാ​ണു​ള്ളത്‌?

പ്രവച​നങ്ങൾ നിവൃ​ത്തി​യേ​റി​ക്കാ​ണാൻ യഹോ​വ​യു​ടെ ദാസന്മാർ എക്കാല​വും ക്ഷമയോ​ടെ കാത്തി​രു​ന്നി​ട്ടുണ്ട്‌. ഉദാഹ​ര​ണ​ത്തിന്‌, ബാബി​ലോ​ണ്യർ യെഹൂ​ദാ​ദേശം നശിപ്പി​ക്കു​മെന്ന്‌ യിരെ​മ്യാവ്‌ പ്രതീ​ക്ഷി​ച്ചി​രു​ന്നു. ബി.സി. 607-ൽ അതു സംഭവി​ച്ചു. (യിരെ. 25:8-11) പ്രവാ​സി​ക​ളായ യഹൂദ​ന്മാ​രെ യഹോവ യെഹൂ​ദാ​ദേ​ശ​ത്തേക്ക്‌ തിരി​കെ​ക്കൊ​ണ്ടു​വ​രു​മെന്ന്‌ പ്രവചിച്ച യെശയ്യാവ്‌ പറഞ്ഞു: “അവന്നായി കാത്തി​രി​ക്കു​ന്ന​വ​രൊ​ക്കെ​യും; ഭാഗ്യ​വാ​ന്മാർ.” (യെശ. 30:18) യഹോ​വ​യു​ടെ വാഗ്‌ദാ​നങ്ങൾ സത്യമാ​യി ഭവിക്കു​മെന്ന പ്രതീക്ഷ മീഖാ​പ്ര​വാ​ച​ക​നു​മു​ണ്ടാ​യി​രു​ന്നു. അവൻ ഇങ്ങനെ പറഞ്ഞു: “ഞാനോ യഹോ​വ​യി​ങ്ക​ലേക്കു നോക്കും.” (മീഖാ 7:7) അതു​പോ​ലെ, വാഗ്‌ദ​ത്ത​മി​ശി​ഹാ അഥവാ ക്രിസ്‌തു വരുമെന്ന ഉറപ്പ്‌ നൂറ്റാ​ണ്ടു​ക​ളോ​ളം ദൈവ​ദാ​സർക്കു​ണ്ടാ​യി​രു​ന്നു.—ലൂക്കോ. 3:15; 1 പത്രോ. 1:10-12.a

² യഹോ​വ​യു​ടെ രാജ്യ​ത്തെ​ക്കു​റിച്ച്‌ മുൻകൂ​ട്ടി​പ്പ​റ​ഞ്ഞി​രി​ക്കുന്ന കാര്യങ്ങൾ സത്യമാ​യി ഭവിക്കു​ന്നത്‌ കാണാൻ നമ്മളും ഇന്ന്‌ കാത്തി​രി​ക്കു​ന്നു. ആ രാജ്യ​ത്തി​ന്റെ രാജാവ്‌ എന്ന നിലയിൽ യേശു പെട്ടെ​ന്നു​തന്നെ ഈ അപകടം​പി​ടിച്ച ലോക​ത്തിൽനിന്ന്‌ ദൈവ​ദാ​സരെ രക്ഷിക്കും. അവൻ ദുഷ്ടന്മാ​രെ നശിപ്പി​ക്കും. എല്ലാ ദുരി​ത​ങ്ങൾക്കും അറുതി​വ​രു​ത്തും. (1 യോഹ. 5:19) അതു​കൊണ്ട്‌ യഹോ​വ​യു​ടെ ദിവസം ഏതു നിമിഷം വേണ​മെ​ങ്കി​ലും വരാ​മെന്ന്‌ നമ്മൾ പ്രതീ​ക്ഷി​ക്കണം. അതിനാ​യി ഒരുങ്ങി​യി​രി​ക്കാൻ നമ്മളാൽ ആകുന്ന​തെ​ല്ലാം ചെയ്യണം.

3. അന്ത്യം വരാൻ കാലങ്ങ​ളാ​യി കാത്തി​രി​ക്കു​ക​യാ​ണെ​ങ്കിൽ നമ്മൾ എന്ത്‌ ചിന്തി​ച്ചേ​ക്കാം?

³ ദൈ​വേഷ്ടം ഭൂമി​യിൽ നടപ്പി​ലാ​കുന്ന ദിവസ​ത്തി​നാ​യി നമ്മൾ ആകാം​ക്ഷ​യോ​ടെ കാത്തി​രി​ക്കു​ക​യാണ്‌. (മത്താ. 6:10) എന്നാൽ കാലങ്ങ​ളാ​യിട്ട്‌ ഇതിനാ​യി കാത്തി​രി​ക്കു​ക​യാ​ണെ​ങ്കിൽ നമ്മൾ ഇങ്ങനെ ചിന്തി​ച്ചേ​ക്കാം: ‘പ്രതീ​ക്ഷ​യോ​ടെ ഇപ്പോ​ഴും കാത്തി​രി​ക്കു​ന്ന​തിൽ എന്തെങ്കി​ലും അടിസ്ഥാ​ന​മു​ണ്ടോ?’

4. നമ്മളെ സംബന്ധി​ച്ചി​ട​ത്തോ​ളം ‘സദാ ജാഗരൂ​ക​രാ​യി​രി​ക്കേ​ണ്ടത്‌’ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

⁴ ‘സദാ ജാഗരൂ​ക​രാ​യി​രി​ക്കാ​നും’ ‘ഉണർന്നി​രി​ക്കാ​നും’ യേശു തന്റെ അനുഗാ​മി​ക​ളോട്‌ പറഞ്ഞു. അന്ത്യം വേഗം വരാനാ​യി നമ്മൾ കാത്തി​രി​ക്കേ​ണ്ടത്‌ പ്രധാ​ന​മാ​യി​രി​ക്കു​ന്നത്‌ അതു​കൊ​ണ്ടാണ്‌. (മത്താ. 24:42; ലൂക്കോ. 21:34-36) “യഹോ​വ​യു​ടെ ദിവസ​ത്തി​ന്റെ വരവി​നാ​യി കാത്തി​രു​ന്നും അതിനെ സദാ മനസ്സിൽക്ക​ണ്ടും​കൊണ്ട്‌” പുതിയ ലോക​ത്തെ​ക്കു​റി​ച്ചുള്ള യഹോ​വ​യു​ടെ വാഗ്‌ദാ​ന​ങ്ങ​ളിൽ ശ്രദ്ധ കേന്ദ്രീ​ക​രി​ക്കാൻ യഹോ​വ​യു​ടെ സംഘട​ന​യും നമ്മളെ നിരന്തരം ഓർമി​പ്പി​ക്കു​ന്നു.—2 പത്രോസ്‌ 3:11-13 വായി​ക്കുക.

5. യഹോ​വ​യു​ടെ ദിവസ​ത്തി​നാ​യി കാത്തി​രി​ക്കു​ന്ന​തിന്‌ മറ്റെന്ത്‌ കാരണ​മാണ്‌ നമുക്കു​ള്ളത്‌?

⁵ ഒന്നാം നൂറ്റാ​ണ്ടി​ലെ യേശു​വി​ന്റെ അനുഗാ​മി​കൾ യഹോ​വ​യു​ടെ ദിവസ​ത്തി​നാ​യി കാത്തി​രി​ക്കേ​ണ്ടി​യി​രു​ന്നെ​ങ്കിൽ, നമ്മളെ സംബന്ധിച്ച്‌ ഇക്കാലത്ത്‌ അത്‌ അതിലും പ്രധാ​ന​മാണ്‌. എന്തു​കൊണ്ട്‌? കാരണം, 1914 മുതൽ യേശു ദൈവ​രാ​ജ്യ​ത്തി​ന്റെ രാജാ​വാ​ണെ​ന്നും നമ്മൾ ജീവി​ക്കു​ന്നത്‌ അന്ത്യനാ​ളു​ക​ളിൽ അഥവാ “യുഗസ​മാ​പ്‌തി”യിൽ ആണെന്നും യേശു പറഞ്ഞ അടയാളം സൂചി​പ്പി​ക്കു​ന്നു. ഉദാഹ​ര​ണ​ത്തിന്‌, യേശു മുൻകൂ​ട്ടി​പ്പ​റ​ഞ്ഞ​തു​പോ​ലെ ലോകാ​വ​സ്ഥകൾ അടിക്കടി വഷളാ​യി​ക്കൊ​ണ്ടി​രി​ക്കു​ന്നു. രാജ്യ​ത്തി​ന്റെ സുവി​ശേഷം ഭൂമി​യി​ലെ​ങ്ങും പ്രസം​ഗി​ച്ചു​കൊ​ണ്ടു​മി​രി​ക്കു​ന്നു. (മത്താ. 24:3, 7-14) അന്ത്യനാ​ളു​കൾ എത്ര കാലം നീണ്ടു​നിൽക്കു​മെന്ന്‌ യേശു പറഞ്ഞില്ല. അന്ത്യം ഏതു സമയത്തും വരാം, അതു​കൊണ്ട്‌ നമ്മൾ എപ്പോ​ഴും ഒരുങ്ങി​യി​രി​ക്കണം.

6. അന്ത്യ​ത്തോട്‌ അടുക്കു​ന്തോ​റും ലോകാ​വ​സ്ഥകൾ കൂടുതൽ വഷളാ​കു​മെന്ന്‌ നമുക്ക്‌ എങ്ങനെ അറിയാം?

⁶ “അന്ത്യകാ​ലത്ത്‌” ആളുകൾ ദോഷ​ത്തിൽനി​ന്നു ദോഷ​ത്തി​ലേക്ക്‌ അധഃപ​തി​ക്കും എന്നാണ്‌ ബൈബിൾ പറയു​ന്നത്‌. (2 തിമൊ. 3:1, 13; മത്താ. 24:21; വെളി. 12:12) അതു​കൊണ്ട്‌ അവസ്ഥകൾ ഇപ്പോൾത്തന്നെ വഷളാ​ണെ​ങ്കി​ലും, ഇനിയും അത്‌ കൂടി​ക്കൂ​ടി​വ​രും എന്ന്‌ നമുക്ക്‌ അറിയാം. ഭാവി​യിൽ, ലോകാ​വ​സ്ഥകൾ ഇതിലും കൂടുതൽ വഷളാ​കുന്ന ഏതെങ്കി​ലും ഒരു സമയത്തെ ആയിരി​ക്കു​മോ “യുഗസ​മാ​പ്‌തി” സൂചി​പ്പി​ക്കു​ന്നത്‌?

7. അന്ത്യനാ​ളു​ക​ളി​ലെ ലോകാ​വ​സ്ഥ​ക​ളെ​ക്കു​റിച്ച്‌ മത്തായി 24:37-39 നമ്മളെ എന്ത്‌ പഠിപ്പി​ക്കു​ന്നു?

⁷ ‘മഹാക​ഷ്ട​ത്തിന്‌’ മുമ്പ്‌ എല്ലാ രാജ്യ​ങ്ങ​ളി​ലും യുദ്ധങ്ങ​ളു​ണ്ടാ​കു​മെ​ന്നും മിക്ക ആളുക​ളും രോഗ​വും പട്ടിണി​യും കൊണ്ട്‌ വലയു​മെ​ന്നും ചില​രൊ​ക്കെ ചിന്തി​ച്ചേ​ക്കാം. (വെളി. 7:14) അങ്ങനെ സംഭവി​ച്ചാൽ, ബൈബിൾപ്ര​വ​ച​നങ്ങൾ നിവൃ​ത്തി​യേ​റു​ക​യാ​ണെന്ന്‌ എല്ലാവർക്കും മനസ്സി​ലാ​കും. ബൈബിൾ പറയുന്ന കാര്യ​ങ്ങ​ളിൽ യാതൊ​രു താത്‌പ​ര്യ​വും ഇല്ലാത്ത​വർക്കു​പോ​ലും അത്‌ ‘പകൽപോ​ലെ’ വ്യക്തമാ​യി​രി​ക്കും! പക്ഷെ, അന്ത്യകാ​ലത്ത്‌ മിക്കവ​രും ഇതൊ​ന്നും ‘ഗൗനി​ക്കു​ക​യേ​യില്ല’ എന്നാണ്‌ യേശു പറഞ്ഞത്‌. അവർ അവരുടെ അനുദിന ജീവി​ത​കാ​ര്യ​ങ്ങ​ളിൽ മുഴു​കി​യി​രി​ക്കു​ക​യും യഹോ​വ​യു​ടെ ദിവസം വരു​മ്പോൾ ഞെട്ടി​പ്പോ​കു​ക​യും ചെയ്യും. (മത്തായി 24:37-39 വായി​ക്കുക.) അതു​കൊണ്ട്‌ ‘മഹാക​ഷ്ട​ത്തിന്‌’ മുമ്പ്‌ ലോകാ​വ​സ്ഥകൾ അങ്ങേയറ്റം വഷളാ​യി​ത്തീ​രും എന്ന്‌ നമ്മൾ പ്രതീ​ക്ഷി​ക്ക​രുത്‌ എന്നത്‌ വ്യക്തം.—ലൂക്കോ. 17:20; 2 പത്രോ. 3:3, 4.

8. യേശു പറഞ്ഞ അടയാ​ള​ത്തെ​ക്കു​റിച്ച്‌ ജാഗ്ര​ത​യു​ള്ള​വ​രാ​യി​രി​ക്കു​ന്ന​തു​കൊണ്ട്‌ നമുക്ക്‌ എന്ത്‌ ഉറപ്പുണ്ട്‌?

⁸ യേശു പറഞ്ഞ അടയാളം തങ്ങൾ ജീവി​ക്കുന്ന കാല​ത്തെ​ക്കു​റിച്ച്‌ അവന്റെ അനുഗാ​മി​കൾക്ക്‌ വ്യക്തമായ മുന്നറി​യി​പ്പു നൽകി. അതു​കൊ​ണ്ടു​തന്നെ, യേശു​വി​ന്റെ അനുഗാ​മി​കൾ ജാഗ്ര​ത​യു​ള്ള​വ​രാ​യി​രു​ന്നു. (മത്താ. 24:27, 42) യേശു നൽകിയ ആ അടയാ​ള​ത്തി​ന്റെ പല ഭാഗങ്ങ​ളും 1914 മുതൽ സത്യമാ​യി​ക്കൊ​ണ്ടി​രി​ക്കു​ക​യാണ്‌. നമ്മൾ ജീവി​ക്കു​ന്നത്‌ ‘യുഗസ​മാ​പ്‌തി​യിൽ’ ആണെന്ന്‌ നമുക്ക്‌ ഉറപ്പുണ്ട്‌. സാത്താന്റെ ദുഷ്ട​ലോ​കത്തെ എപ്പോൾ നശിപ്പി​ക്ക​ണ​മെന്ന്‌ യഹോവ മുന്നമേ തീരു​മാ​നി​ച്ചി​ട്ടു​ള്ള​താണ്‌.

9. അന്ത്യം വേഗം വരാൻ നമ്മൾ പ്രതീ​ക്ഷ​യോ​ടെ കാത്തി​രി​ക്കേ​ണ്ടത്‌ എന്തു​കൊണ്ട്‌?

⁹ നമ്മൾ അന്ത്യം വേഗം വരണമെന്ന പ്രതീ​ക്ഷ​യോ​ടെ​യി​രി​ക്കേ​ണ്ടത്‌ എന്തു​കൊണ്ട്‌? കാരണം, നമ്മൾ യേശു​ക്രി​സ്‌തു​വി​നെ അനുസ​രി​ക്കു​ന്നു. കൂടാതെ, അന്ത്യകാ​ല​ത്തെ​ക്കു​റിച്ച്‌ യേശു പറഞ്ഞ അടയാളം സത്യമാ​യി​ത്തീ​രു​ന്നത്‌ നമ്മൾ വ്യക്തമാ​യി കാണുന്നു. അന്ധമായ വിശ്വാ​സ​ത്തി​ന്റെ അടിസ്ഥാ​ന​ത്തി​ലല്ല, മറിച്ച്‌ ബൈബിൾപ്ര​വ​ച​ന​ങ്ങ​ളു​ടെ നിവൃത്തി നമ്മുടെ കണ്മുന്നിൽ കാണു​ന്ന​തു​കൊ​ണ്ടാണ്‌ അന്ത്യം അടു​ത്തെ​ത്തി​യി​രി​ക്കു​ന്നെന്ന്‌ നമുക്ക്‌ ഉറപ്പു​ള്ളത്‌. അതെ, നമ്മൾ ജാഗരൂ​ക​രാ​യി​രി​ക്കണം; വരാനി​രി​ക്കുന്ന അന്ത്യത്തി​നാ​യി ഒരുക്ക​മു​ള്ള​വ​രു​മാ​യി​രി​ക്കണം.

10, 11. (എ) “സദാ ജാഗരൂ​ക​രാ​യി​രി”ക്കാൻ യേശു തന്റെ അനുഗാ​മി​ക​ളോട്‌ പറഞ്ഞത്‌ എന്തു​കൊ​ണ്ടാണ്‌? (ബി) വിചാ​രി​ക്കു​ന്നത്ര വേഗത്തിൽ അന്ത്യം വരുന്നി​ല്ലെന്നു തോന്നു​ന്നെ​ങ്കിൽ എന്ത്‌ ചെയ്യാ​നാണ്‌ യേശു അവരോട്‌ പറഞ്ഞത്‌? (ലേഖനാ​രം​ഭ​ത്തി​ലെ ചിത്രം കാണുക.)

¹⁰ വർഷങ്ങ​ളാ​യി നമ്മളിൽ പലരും യഹോ​വയെ വിശ്വ​സ്‌ത​മാ​യി സേവി​ച്ചു​കൊണ്ട്‌ അവന്റെ ദിവസ​ത്തി​നാ​യി ആകാം​ക്ഷ​യോ​ടെ കാത്തി​രി​ക്കു​ക​യാണ്‌. നമ്മൾ കാത്തി​രി​ക്കാൻ തുടങ്ങി​യിട്ട്‌ എത്ര കാലമാ​യാ​ലും ശരി, ആ ദിവസം പെട്ടെ​ന്നു​തന്നെ വരു​മെന്ന്‌ നമ്മൾ പ്രതീ​ക്ഷി​ക്കണം. സാത്താന്റെ ലോകത്തെ നശിപ്പി​ക്കാൻ യേശു വരു​മ്പോൾ നമ്മളെ ഒരുങ്ങി​യി​രി​ക്കു​ന്ന​വ​രാ​യി കാണണം. തന്റെ അനുഗാ​മി​ക​ളോട്‌ യേശു ചെയ്യാൻ പറഞ്ഞത്‌ എന്താ​ണെന്ന്‌ ഒന്ന്‌ ഓർത്തു​നോ​ക്കൂ: “ആകയാൽ സൂക്ഷി​ച്ചു​കൊ​ള്ളു​വിൻ; ഉണർന്നി​രി​ക്കു​വിൻ; നിശ്ചയി​ക്ക​പ്പെട്ട സമയം എപ്പോ​ഴാ​ണെന്നു നിങ്ങൾക്ക്‌ അറിയി​ല്ല​ല്ലോ. ഒരു മനുഷ്യൻ തന്റെ ഭവനത്തി​ന്റെ ചുമതല ദാസന്മാ​രെ ഏൽപ്പി​ച്ചിട്ട്‌ അന്യ​ദേ​ശ​ത്തേക്കു പോകു​ന്ന​തു​പോ​ലെ​യാണ്‌ അത്‌; അവൻ തന്റെ ദാസന്മാർക്ക്‌ ഓരോ​രു​ത്തർക്കും ഓരോ വേല നൽകു​ക​യും ജാഗ്ര​ത​യോ​ടെ​യി​രി​ക്കാൻ വാതിൽക്കാ​വൽക്കാ​ര​നോ​ടു കൽപ്പി​ക്കു​ക​യും ചെയ്യുന്നു. വീടിന്റെ യജമാനൻ സന്ധ്യയ്‌ക്കോ അർധരാ​ത്രി​ക്കോ കോഴി​കൂ​കുന്ന നേരത്തോ അതിരാ​വി​ലെ​യോ, എപ്പോ​ഴാ​ണു വരുന്ന​തെന്ന്‌ അറിയാ​യ്‌ക​യാൽ നിങ്ങളും സദാ ജാഗരൂ​ക​രാ​യി​രി​ക്കു​വിൻ; അവൻ പെട്ടെന്നു വന്നെത്തു​മ്പോൾ നിങ്ങളെ ഉറങ്ങു​ന്ന​വ​രാ​യി കാണാ​തി​രി​ക്കേ​ണ്ട​തി​നു​തന്നെ. എന്നാൽ നിങ്ങ​ളോ​ടു പറയു​ന്ന​തു​തന്നെ ഞാൻ എല്ലാവ​രോ​ടും പറയുന്നു: സദാ ജാഗരൂ​ക​രാ​യി​രി​ക്കു​വിൻ.”—മർക്കോ. 13:33-37.

¹¹ യേശു 1914-ൽ ഭരണം തുടങ്ങി​യെന്ന്‌ അവന്റെ അനുഗാ​മി​കൾ മനസ്സി​ലാ​ക്കി​യ​പ്പോൾ അന്ത്യം എപ്പോൾ വേണ​മെ​ങ്കി​ലും വരാ​മെന്ന്‌ അവർ തിരി​ച്ച​റി​ഞ്ഞു. പ്രസം​ഗ​വേ​ല​യിൽ കൂടുതൽ പ്രവർത്തി​ച്ചു​കൊണ്ട്‌ അവർ അതിനാ​യി ഒരുങ്ങി. യേശു പറഞ്ഞത്‌, “കോഴി​കൂ​കുന്ന നേരത്തോ അതിരാ​വി​ലെ​യോ” ആയിരി​ക്കാം താൻ വരുന്ന​തെ​ന്നാണ്‌. അങ്ങനെ സംഭവി​ച്ചാൽ അവന്റെ അനുഗാ​മി​കൾ എന്തു ചെയ്യണ​മാ​യി​രു​ന്നു? യേശു പറഞ്ഞു: “സദാ ജാഗരൂ​ക​രാ​യി​രി​ക്കു​വിൻ.” നമ്മൾ കാത്തി​രി​ക്കാൻ തുടങ്ങി​യിട്ട്‌ കാലം ഏറെയാ​യെന്നു തോന്നി​യാ​ലും, അന്ത്യം അങ്ങ്‌ അകലെ​യാ​ണെ​ന്നോ നമ്മുടെ ജീവി​ത​കാ​ല​ത്തൊ​ന്നും അത്‌ വരി​ല്ലെ​ന്നോ ഇതിന്‌ അർഥമില്ല.

12. ഹബക്കൂക്‌ യഹോ​വ​യോട്‌ എന്താണ്‌ അപേക്ഷി​ച്ചത്‌, ദൈവം അവന്‌ എന്ത്‌ മറുപ​ടി​യാണ്‌ കൊടു​ത്തത്‌?

¹² യെരു​ശ​ലേ​മി​ന്റെ നാശ​ത്തെ​ക്കു​റിച്ച്‌ ഘോഷി​ച്ചു​കൊ​ണ്ടി​രി​ക്കെ ഹബക്കൂക്‌ പ്രവാ​ചകൻ അതിനാ​യി ക്ഷമയോ​ടെ കാത്തി​രു​ന്നു. അവനു മുമ്പു​ണ്ടാ​യി​രുന്ന മറ്റ്‌ പ്രവാ​ച​ക​ന്മാ​രും ഇതേ കാര്യം​തന്നെ വർഷങ്ങ​ളോ​ളം ഘോഷി​ച്ചി​രു​ന്ന​താണ്‌. എന്നാൽ ദുഷ്ടത​യും അനീതി​യും മുമ്പെ​ന്ന​ത്തെ​ക്കാ​ളും കൂടു​ത​ലാ​യി നടമാ​ടു​ന്നത്‌ ഹബക്കൂ​ക്കിന്‌ കാണാൻ കഴിഞ്ഞു. സഹായ​ത്തി​നാ​യി യഹോ​വ​യോട്‌ അപേക്ഷി​ച്ചു​കൊണ്ട്‌ അവൻ ഇങ്ങനെ ചോദി​ച്ചു: “യഹോവേ, ഞാൻ എത്രയോ കാലമാ​യി സഹായ​ത്തി​നു വേണ്ടി വിളി​ക്കു​ന്നു!” (ന്യൂ ഇൻഡ്യ ഭാഷാ​ന്തരം) അന്ത്യം എപ്പോൾ വരു​മെന്ന്‌ പറഞ്ഞി​ല്ലെ​ങ്കി​ലും ‘അത്‌ താമസി​ക്കില്ല’ എന്ന്‌ യഹോവ ഹബക്കൂ​ക്കിന്‌ ഉറപ്പു​കൊ​ടു​ത്തു. “അതിന്നാ​യി കാത്തി​രിക്ക” എന്നും യഹോവ പറഞ്ഞു.—ഹബക്കൂക്‌ 1:1-4; 2:3 വായി​ക്കുക.

13. ഹബക്കൂ​ക്കിന്‌ എങ്ങനെ ചിന്തി​ക്കാ​മാ​യി​രു​ന്നു, അത്‌ എന്ത്‌ അപകടം വരുത്തി​വെ​ക്കു​മാ​യി​രു​ന്നു?

¹³ അന്ത്യത്തി​നാ​യി കാത്തി​രുന്ന്‌ മടുത്ത ഹബക്കൂക്‌ ഇങ്ങനെ പറയു​ന്ന​താ​യി സങ്കല്‌പി​ക്കുക: ‘വർഷങ്ങ​ളാ​യിട്ട്‌ ഞാൻ യെരു​ശ​ലേ​മി​ന്റെ നാശം കാത്തി​രി​ക്കു​ക​യാണ്‌. അന്ത്യം വരാൻ ഇനിയും വളരെ കാല​മെ​ടു​ക്കും. ഞാൻ ഇനി പ്രസം​ഗി​ക്കേണ്ട ആവശ്യ​മു​ണ്ടെന്ന്‌ തോന്നു​ന്നില്ല. ഇനി അത്‌ മറ്റുള്ളവർ ചെയ്യട്ടെ.’ പ്രവാ​ചകൻ ഇങ്ങനെ ചിന്തി​ച്ചി​രു​ന്നെ​ങ്കിൽ എന്ത്‌ സംഭവി​ച്ചേനേ? അവന്‌ യഹോ​വ​യു​ടെ അംഗീ​കാ​രം നഷ്ടപ്പെ​ടു​മാ​യി​രു​ന്നു. ഇനി, അന്ത്യം വന്നപ്പോൾ അതിനാ​യി ഒരുക്ക​മു​ള്ള​വ​ന​ല്ലാ​യി​രു​ന്നെ​ങ്കിൽ അവന്‌ ജീവനും നഷ്ടമാ​യേനേ!

14. പ്രതീ​ക്ഷ​യോ​ടെ കാത്തി​രി​ക്കുന്ന നമ്മൾ നിരാ​ശ​പ്പെ​ടേ​ണ്ടി​വ​രി​ല്ലെന്ന്‌ ഉറപ്പു​ള്ളത്‌ എന്തു​കൊണ്ട്‌?

¹⁴ നിങ്ങൾ പുതിയ ലോക​ത്തി​ലാ​യി​രി​ക്കു​ന്ന​താ​യി ഒന്നു ഭാവന​യിൽ കണ്ടു​നോ​ക്കൂ. അന്ത്യനാ​ളു​ക​ളെ​ക്കു​റി​ച്ചുള്ള എല്ലാ പ്രവച​ന​ങ്ങ​ളും യഹോവ പറഞ്ഞതു​പോ​ലെ​തന്നെ നിറ​വേ​റി​ക്ക​ഴി​ഞ്ഞു. നിങ്ങൾ മുമ്പെ​ന്ന​ത്തെ​ക്കാ​ളും അധികം യഹോ​വ​യിൽ വിശ്വ​സി​ക്കു​ന്നു. അവൻ വാഗ്‌ദാ​നം ചെയ്‌ത​തെ​ല്ലാം ഇതുവരെ നിറ​വേ​റ്റി​യ​തു​പോ​ലെ ഇനിയു​ള്ള​തും നിറ​വേ​റ്റു​മെന്ന്‌ നിങ്ങൾക്ക്‌ ഉറപ്പുണ്ട്‌. (യോശുവ 23:14 വായി​ക്കുക.) അന്ത്യം വരാൻ ഏറ്റവും ഉചിത​മായ സമയം നിശ്ചയി​ച്ച​തി​നും അതിനാ​യി കാത്തി​രി​ക്കാൻ തന്റെ ജനത്തിന്‌ മുന്നറി​യി​പ്പു നൽകി​യ​തി​നും നിങ്ങൾ യഹോ​വ​യോട്‌ അങ്ങേയറ്റം നന്ദിയും വിലമ​തി​പ്പും ഉള്ളവരാ​യി​രി​ക്കി​ല്ലേ?—പ്രവൃ. 1:7; 1 പത്രോ. 4:7.

15, 16. വ്യവസ്ഥി​തി​യു​ടെ ഈ സമാപ​ന​കാ​ലത്ത്‌ പ്രസം​ഗ​വേ​ല​യിൽ നമ്മളാൽ കഴിയു​ന്ന​തെ​ല്ലാം ചെയ്യേ​ണ്ടത്‌ എന്തു​കൊണ്ട്‌?

¹⁵ നമ്മുടെ ജീവിതം യഹോ​വ​യു​ടെ സേവനത്തെ ചുറ്റി​പ്പ​റ്റി​യു​ള്ള​താ​യി​രി​ക്കാൻ യഹോ​വ​യു​ടെ സംഘടന നമ്മളെ ഓർമി​പ്പി​ച്ചു​കൊ​ണ്ടേ​യി​രി​ക്കും. ഈ മുന്നറി​യി​പ്പു​കൾ ദൈവ​സേ​വ​ന​ത്തിൽ തിരക്കു​ള്ള​വ​രാ​യി​രി​ക്കാൻ മാത്രമല്ല, നമ്മുടെ സന്ദേശം എത്ര​ത്തോ​ളം അടിയ​ന്തി​ര​വും പ്രധാ​ന​വും ആണെന്ന്‌ മനസ്സി​ലാ​ക്കാ​നും നമ്മളെ സഹായി​ക്കു​ന്നു. യേശു പറഞ്ഞ അടയാളം ഇപ്പോൾത്തന്നെ നിവൃ​ത്തി​യേ​റി​ക്കൊ​ണ്ടി​രി​ക്കു​ക​യാ​ണെ​ന്നും അന്ത്യം അതി​വേഗം അടുത്തു​കൊ​ണ്ടി​രി​ക്കു​ക​യാ​ണെ​ന്നും നമുക്ക്‌ ഉറപ്പുണ്ട്‌. അതു​കൊണ്ട്‌, നമ്മൾ ദൈവ​രാ​ജ്യ​താ​ത്‌പ​ര്യ​ങ്ങൾ മുൻനി​റു​ത്തി ജീവിതം നയിക്കു​ന്നു; രാജ്യ​ത്തി​ന്റെ സുവി​ശേഷം പ്രസം​ഗി​ച്ചു​കൊ​ണ്ടി​രി​ക്കു​ന്നു.—മത്താ. 6:33; മർക്കോ. 13:10.

¹⁶ നമ്മൾ മറ്റുള്ള​വ​രോട്‌ സുവാർത്ത പ്രസം​ഗി​ക്കു​മ്പോൾ നാശത്തി​ലേക്കു പാഞ്ഞടു​ക്കുന്ന സാത്താന്റെ ലോക​ത്തിൽനിന്ന്‌ അവരെ രക്ഷപ്പെ​ടാൻ സഹായി​ക്കു​ക​യാണ്‌. കപ്പലപ​ക​ട​ങ്ങ​ളിൽവെച്ച്‌ ഏറ്റവും ദാരു​ണ​മായ ഒന്നായി​രു​ന്നു 1945-ൽ വിൽഹെം ഗുസ്റ്റ്‌ലൊഫ്‌ എന്ന കപ്പൽ മുങ്ങി​യ​പ്പോൾ സംഭവി​ച്ചത്‌. ആയിരങ്ങൾ മരണമ​ടഞ്ഞു. എന്നാൽ നമ്മുടെ ഒരു സഹോ​ദ​രി​യും ഭർത്താ​വും ആ കപ്പലപ​ക​ട​ത്തിൽനിന്ന്‌ രക്ഷപ്പെട്ടു. കപ്പൽ മുങ്ങി​ത്താ​ഴു​മ്പോൾ ഒരു സ്‌ത്രീ നിലവി​ളി​ച്ചു​കൊണ്ട്‌ ഇങ്ങനെ പറഞ്ഞത്‌ സഹോ​ദരി ഓർക്കു​ന്നു: “അയ്യോ! എന്റെ പെട്ടികൾ. എന്റെ ആഭരണങ്ങൾ. . . എല്ലാം ആ മുറി​യി​ലാ​യി​പ്പോ​യ​ല്ലോ! അയ്യോ എന്റെ എല്ലാം പോയി!” എന്നാൽ എന്താണ്‌ കൂടുതൽ പ്രധാ​ന​മെന്ന്‌ മറ്റ്‌ യാത്ര​ക്കാർ മനസ്സി​ലാ​ക്കി​യി​രു​ന്നു. അതു​കൊ​ണ്ടു​തന്നെ അവർ അനേക​രു​ടെ ജീവൻ രക്ഷിക്കാൻ സകല ശ്രമവും ചെയ്‌തു. ഇന്നും ആളുക​ളു​ടെ ജീവൻ അപകട​ത്തി​ലാണ്‌. പ്രസം​ഗ​വേ​ല​യു​ടെ അടിയ​ന്തി​ര​സ്വ​ഭാ​വം മനസ്സിൽ അടുപ്പി​ച്ചു​നി​റു​ത്തി​ക്കൊണ്ട്‌ നിസ്വാർഥ​രായ ആ യാത്ര​ക്കാ​രെ​പ്പോ​ലെ ആയിരി​ക്കാൻ നമ്മളും ആഗ്രഹി​ക്കു​ന്നു. ഈ വ്യവസ്ഥി​തി​യു​ടെ അന്ത്യത്തെ അതിജീ​വി​ക്കാൻ ആളുകളെ സഹായി​ക്കു​ന്ന​തിന്‌ നമ്മളാൽ കഴിയു​ന്ന​തെ​ല്ലാം ചെയ്യേ​ണ്ടത്‌ അതി​പ്ര​ധാ​ന​മാണ്‌.

17. അന്ത്യം ഏതു സമയത്ത്‌ വേണ​മെ​ങ്കി​ലും വന്നേക്കാ​മെന്ന്‌ നമ്മൾ വിശ്വ​സി​ക്കേ​ണ്ടത്‌ എന്തു​കൊണ്ട്‌?

¹⁷ ബൈബിൾപ്ര​വ​ച​നങ്ങൾ നിവൃ​ത്തി​യേ​റു​ന്ന​തും ഈ ദുഷ്ടവ്യ​വ​സ്ഥി​തി​യു​ടെ അന്ത്യം തൊട്ട​ടുത്ത്‌ എത്തിയി​രി​ക്കു​ന്ന​തും നമുക്ക്‌ വ്യക്തമാ​യി കാണാം. “പത്തു​കൊ​മ്പും കാട്ടു​മൃ​ഗ​വും” വ്യാജ​മ​ത​മായ മഹതി​യാം ബാബി​ലോ​ണിന്‌ എതിരെ തിരി​യു​ന്ന​തും കാത്തി​രി​ക്കു​ക​യാണ്‌ നമ്മൾ. (വെളി. 17:16) ഇത്‌ സംഭവി​ക്കാൻ വളരെ സമയ​മെ​ടു​ക്കു​മെന്ന്‌ നമ്മൾ നിഗമനം ചെയ്യേ​ണ്ട​തില്ല. വ്യാജ​മ​തത്തെ ആക്രമി​ക്കാൻ ദൈവം ‘അവരുടെ മനസ്സിൽ ഒരു പദ്ധതി ഉദിപ്പി​ക്കു​മെ​ന്നും’ അത്‌ പെട്ടെന്ന്‌, ഏതു സമയത്ത്‌ വേണ​മെ​ങ്കി​ലും സംഭവി​ച്ചേ​ക്കാ​മെ​ന്നും നമ്മൾ മറക്കരുത്‌. (വെളി. 17:17) സാത്താന്റെ ദുഷിച്ച ലോക​ത്തി​ന്റെ അന്ത്യം അതി​വേഗം അടുത്തു​കൊ​ണ്ടി​രി​ക്കു​ക​യാണ്‌. അതു​കൊണ്ട്‌ യേശു​വി​ന്റെ ഈ മുന്നറി​യിപ്പ്‌ നമ്മൾ അനുസ​രി​ക്കണം: “നിങ്ങളു​ടെ ഹൃദയം അമിത​ഭ​ക്ഷ​ണ​ത്താ​ലും മദ്യപാ​ന​ത്താ​ലും ജീവി​ത​ത്തി​ന്റെ ആകുല​ത​ക​ളാ​ലും ഭാര​പ്പെ​ട്ടിട്ട്‌ നിനച്ചി​രി​ക്കാത്ത നേരത്ത്‌ ആ ദിവസം പെട്ടെ​ന്നൊ​രു കെണി​പോ​ലെ നിങ്ങളു​ടെ​മേൽ വരാതി​രി​ക്കാൻ സൂക്ഷി​ച്ചു​കൊ​ള്ളു​വിൻ.” (ലൂക്കോ. 21:34, 35; വെളി. 16:15) നമുക്ക്‌ ജാഗ്ര​ത​യോ​ടെ​യി​രി​ക്കാം; യഹോ​വ​യു​ടെ സേവന​ത്തിൽ തിരക്കു​ള്ള​വ​രാ​യി​രി​ക്കാം. “തന്നേ കാത്തി​രി​ക്കു​ന്ന​വന്നു വേണ്ടി” ദൈവം പ്രവർത്തി​ക്കു​മെന്ന ബോധ്യ​ത്തോ​ടെ അവനിൽ ആശ്രയി​ക്കാം.—യെശ. 64:4.

18. അടുത്ത ലേഖന​ത്തിൽ ഏത്‌ ചോദ്യ​ത്തിന്‌ ഉത്തരം ലഭിക്കും?

¹⁸ ഈ ദുഷിച്ച ലോക​ത്തി​ന്റെ അന്ത്യത്തി​നാ​യി കാത്തി​രി​ക്കു​ന്ന​തോ​ടൊ​പ്പം, ശിഷ്യ​നായ യൂദാ​യു​ടെ ഈ വാക്കു​കൾക്ക്‌ നമ്മൾ ശ്രദ്ധ​കൊ​ടു​ക്കണം: “പ്രിയരേ, നിത്യ​ജീ​വൻ പ്രാപി​ക്കാൻ തക്കവണ്ണം നമ്മുടെ കർത്താ​വായ യേശു​ക്രി​സ്‌തു​വി​ന്റെ കരുണ​യ്‌ക്കാ​യി കാത്തി​രി​ക്കവെ, നിങ്ങളു​ടെ അതിവി​ശു​ദ്ധ​വി​ശ്വാ​സത്തെ ആധാര​മാ​ക്കി നിങ്ങൾക്കു​തന്നെ ആത്മീയ​വർധന വരുത്തി​യും പരിശു​ദ്ധാ​ത്മാ​വിൽ പ്രാർഥി​ച്ചും​കൊണ്ട്‌ ദൈവ​സ്‌നേ​ഹ​ത്തിൽ നിങ്ങ​ളെ​ത്തന്നെ കാത്തു​കൊ​ള്ളു​വിൻ.” (യൂദാ 20, 21) ദൈവ​ത്തി​ന്റെ പുതിയ ലോകം പെട്ടെന്ന്‌ വരാൻ നമ്മൾ പ്രതീ​ക്ഷ​യോ​ടെ കാത്തി​രി​ക്കു​ക​യാ​ണെന്ന്‌ നമുക്ക്‌ എങ്ങനെ തെളി​യി​ക്കാം? അടുത്ത ലേഖന​ത്തിൽ നമ്മൾ അത്‌ ചർച്ച ചെയ്യും.