“ആകാം​ക്ഷ​യോ​ടെ കാത്തി​രി​ക്കു​ന്നു”

“സൃഷ്ടി ദൈവ​പു​ത്ര​ന്മാ​രു​ടെ വെളി​പ്പാ​ടി​നെ ആകാം​ക്ഷ​യോ​ടെ കാത്തി​രി​ക്കു​ന്നു.”—റോമർ 8:19.

1. ഇന്നത്തെ ക്രിസ്‌ത്യാ​നി​ക​ളു​ടെ​യും ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​ക​ളു​ടെ​യും അവസ്ഥകൾക്കു തമ്മിൽ എന്ത്‌ സമാന​ത​യുണ്ട്‌?

ഇന്നത്തെ സത്യ ക്രിസ്‌ത്യാ​നി​ക​ളു​ടെ അവസ്ഥ ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​ക​ളു​ടേ​തി​നോ​ടു സമാന​മാണ്‌. മിശിഹാ പ്രത്യ​ക്ഷ​പ്പെ​ടേണ്ട നിയമിത സമയം തിരി​ച്ച​റി​യാൻ ഒരു പ്രവചനം അക്കാലത്തെ യഹോ​വ​യു​ടെ ദാസന്മാ​രെ സഹായി​ച്ചു. (ദാനീ​യേൽ 9:24-26) അതേ പ്രവചനം യെരൂ​ശ​ലേ​മി​ന്റെ നാശം മുൻകൂ​ട്ടി പറഞ്ഞെ​ങ്കി​ലും ആ നഗരം എന്നു നശിക്കു​മെന്നു മുൻകൂ​ട്ടി അറിയാൻ ക്രിസ്‌ത്യാ​നി​കളെ സഹായി​ക്കുന്ന യാതൊ​രു ഘടകവും അതിൽ ഇല്ലായി​രു​ന്നു. (ദാനീ​യേൽ 9:26ബി, 27) സമാന​മാ​യി, 19-ാം നൂറ്റാ​ണ്ടി​ലെ ആത്മാർഥ ഹൃദയ​രായ ബൈബിൾ വിദ്യാർഥി​കളെ പ്രതീ​ക്ഷാ​നിർഭരർ ആയിരി​ക്കാൻ ഒരു പ്രവചനം ദിവ്യ മാർഗ​ദർശ​ന​ത്താൽ ഇടയാക്കി. ദാനീ​യേൽ 4:25-ലെ “ഏഴു കാല”ങ്ങളെ “ജാതി​ക​ളു​ടെ കാല”ങ്ങളുമാ​യി ബന്ധപ്പെ​ടു​ത്തി​ക്കൊണ്ട്‌ അവർ 1914-ൽ ക്രിസ്‌തു​വിന്‌ രാജ്യ അധികാ​രം ലഭിക്കു​മെന്നു പ്രതീ​ക്ഷി​ച്ചു. (ലൂക്കൊസ്‌ 21:24; യെഹെ​സ്‌കേൽ 21:25-27) ദാനീ​യേ​ലി​ന്റെ പുസ്‌ത​ക​ത്തിൽ ധാരാളം പ്രവച​നങ്ങൾ ഉണ്ടെങ്കി​ലും അവയൊ​ന്നും സാത്താന്റെ മുഴു വ്യവസ്ഥി​തി​യും എന്നായി​രി​ക്കും നശിപ്പി​ക്ക​പ്പെ​ടു​ന്ന​തെന്നു കൃത്യ​മാ​യി കണക്കു​കൂ​ട്ടാൻ ഇന്നത്തെ ബൈബിൾ വിദ്യാർഥി​കളെ സഹായി​ക്കു​ന്നില്ല. (ദാനീ​യേൽ 2:31-44; 8:23-25; 11:36, 44, 45) എന്നിരു​ന്നാ​ലും, അത്‌ ഉടൻ സംഭവി​ക്കും, കാരണം “അന്ത്യകാല”ത്താണ്‌ നാം ജീവി​ക്കു​ന്നത്‌.—ദാനീ​യേൽ 12:4.a

ക്രിസ്‌തു​വി​ന്റെ സാന്നിധ്യ കാലത്ത്‌ ജാഗ്രത

2, 3. (എ) യേശു​വി​ന്റെ രാജ്യാ​ധി​കാ​ര​ത്തോ​ടെ​യുള്ള സാന്നിധ്യ കാലത്താണ്‌ നാം ജീവി​ക്കു​ന്നത്‌ എന്നതി​നുള്ള പ്രമുഖ തെളിവു നൽകു​ന്നത്‌ എന്ത്‌? (ബി) ക്രിസ്‌തു​വി​ന്റെ സാന്നി​ധ്യ​ത്തി​ന്റെ സമയത്ത്‌ ക്രിസ്‌ത്യാ​നി​കൾ സദാ ജാഗ്രത പാലി​ക്ക​ണ​മാ​യി​രു​ന്നു എന്ന്‌ എന്തു പ്രകട​മാ​ക്കു​ന്നു?

² 1914-ൽ ക്രിസ്‌തു​വിന്‌ രാജ്യാ​ധി​കാ​രം ലഭിക്കു​ന്ന​തി​നു മുമ്പ്‌ ഒരു പ്രവചനം ക്രിസ്‌ത്യാ​നി​കളെ പ്രതീ​ക്ഷാ​നിർഭരർ ആക്കിത്തീർത്തു എന്നതു സത്യം തന്നെ. എന്നാൽ തന്റെ സാന്നി​ധ്യ​ത്തെ​യും വ്യവസ്ഥി​തി​യു​ടെ സമാപ​ന​ത്തെ​യും കുറിച്ച്‌ യേശു നൽകിയ “അടയാളം” സംഭവ​ങ്ങളെ ആണ്‌ വിശേ​ഷ​വ​ത്‌ക​രി​ച്ചത്‌. അവയിൽ മിക്കവ​യും അവന്റെ സാന്നി​ധ്യം തുടങ്ങിയ ശേഷമേ കാണ​പ്പെ​ടു​മാ​യി​രു​ന്നു​ള്ളൂ. യേശു​വി​ന്റെ രാജ്യാ​ധി​കാ​ര​ത്തോ​ടെ​യുള്ള സാന്നിധ്യ കാലത്താ​ണു നാം ജീവി​ക്കു​ന്നത്‌ എന്നതിന്‌ ആ സംഭവങ്ങൾ പ്രമുഖ തെളി​വാ​യി വർത്തി​ക്കു​ന്നു. യുദ്ധങ്ങൾ, ഭക്ഷ്യക്ഷാ​മങ്ങൾ, ഭൂകമ്പങ്ങൾ, പകർച്ച​വ്യാ​ധി​കൾ, വർധിച്ച നിയമ​രാ​ഹി​ത്യം, ക്രിസ്‌ത്യാ​നി​കൾക്ക്‌ എതി​രെ​യുള്ള പീഡനം, രാജ്യ സുവാർത്ത​യു​ടെ ലോക​വ്യാ​പ​ക​മായ പ്രസംഗം എന്നിവ ആ സംഭവ​ങ്ങ​ളിൽ ഉൾപ്പെ​ടു​ന്നു.—മത്തായി 24:3-14; ലൂക്കൊസ്‌ 21:10, 11.

³ എന്നാൽ, “സദാ നോക്കി​പ്പാർത്തി​രി​പ്പിൻ, ഉണർന്നി​രി​പ്പിൻ . . . ജാഗ്ര​ത​യോ​ടി​രി​പ്പിൻ” എന്നതാണ്‌ യേശു ശിഷ്യ​ന്മാർക്കു നൽകിയ വിടവാ​ങ്ങൽ ബുദ്ധ്യു​പ​ദേ​ശ​ത്തി​ന്റെ മുഴു സാരവും. (മർക്കൊസ്‌ 13:33, 37 NW; ലൂക്കൊസ്‌ 21:36) ജാഗ്രത പാലി​ക്കാ​നുള്ള ആ ഉദ്‌ബോ​ധ​ന​ങ്ങ​ളു​ടെ സന്ദർഭം ശ്രദ്ധാ​പൂർവം പരി​ശോ​ധി​ച്ചാൽ, തന്റെ സാന്നി​ധ്യ​ത്തി​ന്റെ ആരംഭത്തെ സൂചി​പ്പി​ക്കുന്ന അടയാ​ള​ത്തിന്‌ സൂക്ഷ്‌മ ശ്രദ്ധ നൽകു​ന്ന​തി​നെ കുറി​ച്ചാ​യി​രു​ന്നില്ല യേശു അടിസ്ഥാ​ന​പ​ര​മാ​യി സംസാ​രി​ച്ച​തെന്നു മനസ്സി​ലാ​കും. മറിച്ച്‌, തന്റെ സാന്നി​ധ്യ​ത്തി​ന്റെ കാലത്ത്‌ ജാഗ്ര​ത​യു​ള്ളവർ ആയിരി​ക്കാൻ അവൻ തന്റെ യഥാർഥ ശിഷ്യ​ന്മാ​രോ​ടു കൽപ്പി​ക്കുക ആയിരു​ന്നു. എന്തിനു വേണ്ടി ആയിരു​ന്നു സത്യ ക്രിസ്‌ത്യാ​നി​കൾ സദാ ജാഗ്രത പാലി​ക്കേ​ണ്ടി​യി​രു​ന്നത്‌?

4. യേശു നൽകിയ അടയാളം ഏത്‌ ഉദ്ദേശ്യ​ത്തിന്‌ ഉപകരി​ക്കു​മാ​യി​രു​ന്നു?

⁴ “ഇവ [യഹൂദ വ്യവസ്ഥി​തി​യു​ടെ നാശത്തി​ലേക്കു നയിക്കുന്ന സംഭവങ്ങൾ] എപ്പോ​ഴാ​യി​രി​ക്കു​മെ​ന്നും നിന്റെ സാന്നി​ധ്യ​ത്തി​ന്റെ​യും വ്യവസ്ഥി​തി​യു​ടെ സമാപ​ന​ത്തി​ന്റെ​യും അടയാളം എന്തായി​രി​ക്കു​മെ​ന്നും” ഉള്ള ചോദ്യ​ത്തിന്‌ ഉത്തരമാ​യി​ട്ടാണ്‌ യേശു ആ മഹത്തായ പ്രവചനം നൽകി​യത്‌. (മത്തായി 24:3, NW) ക്രിസ്‌തു​വി​ന്റെ സാന്നി​ധ്യം മാത്രമല്ല മറിച്ച്‌ ഇന്നത്തെ ദുഷ്ട വ്യവസ്ഥി​തി​യു​ടെ അവസാ​ന​ത്തി​ലേക്കു നയിക്കുന്ന സംഭവ​ങ്ങ​ളും തിരി​ച്ച​റി​യാൻ മുൻകൂ​ട്ടി പറഞ്ഞ ആ അടയാളം ഉപകരി​ക്കു​മാ​യി​രു​ന്നു.

5. താൻ ആത്മീയ​മാ​യി സാന്നി​ധ്യ​വാൻ ആയിരി​ക്കെ തന്നെ, താൻ ഇനിയും ‘വരാനി​രി​ക്കു’ന്നതേ ഉള്ളൂ എന്ന്‌ യേശു പ്രകട​മാ​ക്കി​യത്‌ എങ്ങനെ?

⁵ തന്റെ “സാന്നിധ്യ” (ഗ്രീക്ക്‌, പറൂസിയ) കാലത്തു താൻ അധികാ​ര​ത്തോ​ടെ​യും മഹത്ത്വ​ത്തോ​ടെ​യും വരു​മെന്ന്‌ യേശു പ്രകട​മാ​ക്കി. ആ ‘വരവിനെ’ (എർക്കോ​മയി എന്ന ഗ്രീക്കു പദത്തിന്റെ വ്യത്യസ്‌ത രൂപങ്ങ​ളാൽ സൂചി​പ്പി​ക്ക​പ്പെ​ടു​ന്നു) സംബന്ധിച്ച്‌ അവൻ ഇപ്രകാ​രം പ്രഖ്യാ​പി​ച്ചു: “അപ്പോൾ മനുഷ്യ​പു​ത്രന്റെ അടയാളം ആകാശത്തു വിളങ്ങും; അന്നു ഭൂമി​യി​ലെ സകല​ഗോ​ത്ര​ങ്ങ​ളും പ്രലാ​പി​ച്ചും​കൊ​ണ്ടു, മനുഷ്യ​പു​ത്രൻ ആകാശ​ത്തി​ലെ മേഘങ്ങ​ളിൻമേൽ മഹാശ​ക്തി​യോ​ടും തേജ​സ്സോ​ടും കൂടെ വരുന്നതു കാണും. അത്തിയെ നോക്കി ഒരു ഉപമ പഠിപ്പിൻ; അതിന്റെ കൊമ്പു ഇളതായി ഇല തളിർക്കു​മ്പോൾ വേനൽ അടുത്തു എന്നു നിങ്ങൾ അറിയു​ന്നു​വ​ല്ലോ. അങ്ങനെ നിങ്ങൾ ഇതു ഒക്കെയും കാണു​മ്പോൾ അവൻ [ക്രിസ്‌തു] അടുക്കെ വാതി​ല്‌ക്കൽ തന്നേ ആയിരി​ക്കു​ന്നു എന്നു അറിഞ്ഞു​കൊൾവിൻ. നിങ്ങളു​ടെ കർത്താവു ഏതു ദിവസ​ത്തിൽ വരുന്നു എന്നു നിങ്ങൾ അറിയാ​യ്‌ക​കൊ​ണ്ടു ഉണർന്നി​രി​പ്പിൻ. അങ്ങനെ നിങ്ങൾ നിനെ​ക്കാത്ത നാഴി​ക​യിൽ മനുഷ്യ​പു​ത്രൻ വരുന്ന​തു​കൊ​ണ്ടു നിങ്ങളും ഒരുങ്ങി​യി​രി​പ്പിൻ.” (ചെരി​ച്ചെ​ഴു​ത്തു ഞങ്ങളു​ടേത്‌.)—മത്തായി 24:30, 32, 33, 42, 44.

യേശു ക്രിസ്‌തു വരുന്നത്‌ എന്തു​കൊണ്ട്‌?

6. “മഹതി​യാം ബാബി​ലോ”ന്റെ നാശം എങ്ങനെ സംഭവി​ക്കും?

⁶ 1914 മുതൽ യേശു​ക്രി​സ്‌തു രാജാവ്‌ എന്ന നിലയിൽ സാന്നി​ധ്യ​വാൻ ആണെങ്കി​ലും, ദുഷ്ടന്മാ​രെന്നു കണ്ടെത്ത​പ്പെ​ടു​ന്ന​വ​രു​ടെ മേൽ ന്യായ​വി​ധി നടപ്പാ​ക്കു​ന്ന​തി​നു മുമ്പായി അവൻ ഇനിയും വിവിധ വ്യവസ്ഥി​തി​ക​ളെ​യും വ്യക്തി​ക​ളെ​യും ന്യായം വിധി​ക്കേ​ണ്ട​തുണ്ട്‌. (2 കൊരി​ന്ത്യർ 5:10 താരത​മ്യം ചെയ്യുക.) വ്യാജമത ലോക​സാ​മ്രാ​ജ്യ​മായ “മഹതി​യാം ബാബി​ലോ”നെ നശിപ്പി​ക്കാൻ രാഷ്‌ട്രീയ ഭരണാ​ധി​കാ​രി​ക​ളു​ടെ മനസ്സു​കളെ യഹോവ ഉടൻതന്നെ പ്രേരി​പ്പി​ക്കും. (വെളി​പ്പാ​ടു 17:4, 5, 16, 17) “മഹതി​യാം ബാബി​ലോ”ന്റെ ഒരു പ്രമുഖ ഭാഗമായ ക്രൈ​സ്‌ത​വ​ലോ​ക​ത്തി​ലെ വിശ്വാ​സ​ത്യാ​ഗം ഭവിച്ച പുരോ​ഹി​ത​വർഗ​മാ​കുന്ന “അധർമ്മ​മൂർത്തി”യെ യേശു നശിപ്പി​ക്കു​മെന്ന്‌ പൗലൊസ്‌ അപ്പൊ​സ്‌തലൻ എടുത്തു​പ​റഞ്ഞു. അവൻ എഴുതി: “അധർമ്മ​മൂർത്തി വെളി​പ്പെ​ട്ടു​വ​രും; അവനെ കർത്താ​വായ യേശു തന്റെ വായിലെ ശ്വാസ​ത്താൽ ഒടുക്കി തന്റെ പ്രത്യ​ക്ഷ​ത​യു​ടെ പ്രഭാ​വ​ത്താൽ നശിപ്പി​ക്കും.”—2 തെസ്സ​ലൊ​നീ​ക്യർ 2:3, 8.

7. മനുഷ്യ​പു​ത്രൻ തന്റെ മഹത്ത്വ​ത്തിൽ എഴുന്ന​ള്ളു​മ്പോൾ അവൻ ഏത്‌ ന്യായ​വി​ധി നടപ്പാ​ക്കും?

⁷ ഭൂമി​യിൽ ഇപ്പോ​ഴും ശേഷി​ച്ചി​ട്ടുള്ള തന്റെ സഹോ​ദ​ര​ന്മാ​രോട്‌ എങ്ങനെ പെരു​മാ​റി എന്നതിന്റെ അടിസ്ഥാ​ന​ത്തിൽ ക്രിസ്‌തു സമീപ ഭാവി​യിൽ ജനതക​ളി​ലെ ആളുകളെ ന്യായം വിധി​ക്കും. നാം വായി​ക്കു​ന്നു: “മനുഷ്യ​പു​ത്രൻ എല്ലാ ദൂതന്മാ​രോ​ടും കൂടെ മഹത്വ​ത്തിൽ എഴുന്ന​ള്ളു​മ്പോൾ അവൻ തന്റെ മഹിമ​യു​ടെ സിംഹാ​സ​ന​ത്തിൽ ഉപവി​ഷ്ട​നാ​കും. അവന്റെ മുമ്പിൽ എല്ലാ ജനതക​ളും ഒരുമി​ച്ചു കൂട്ട​പ്പെ​ടും. ഇടയൻ ചെമ്മരി​യാ​ടു​കളെ കോലാ​ടു​ക​ളിൽനി​ന്നു വേർതി​രി​ക്കു​ന്ന​തു​പോ​ലെ അവൻ അവരെ തമ്മിൽ വേർതി​രി​ക്കും. അവൻ ചെമ്മരി​യാ​ടു​കളെ തന്റെ വലത്തു വശത്തും കോലാ​ടു​കളെ ഇടത്തു വശത്തും നിർത്തും.  . ..  രാജാവു [ചെമ്മരി​യാ​ടു​ക​ളോട്‌] മറുപടി പറയും: സത്യമാ​യി ഞാൻ നിങ്ങ​ളോ​ടു പറയുന്നു, എന്റെ ഏറ്റവും എളിയ ഈ സഹോ​ദ​രൻമാ​രിൽ ഒരുവന്‌ നിങ്ങൾ ഇതു ചെയ്‌തു​കൊ​ടു​ത്ത​പ്പോൾ എനിക്കു​ത​ന്നെ​യാണ്‌ ചെയ്‌തു​ത​ന്നത്‌. . . . ഇവർ [കോലാ​ടു​കൾ] നിത്യ​ശി​ക്ഷ​യി​ലേ​ക്കും [“നിത്യ​നാ​ശ​ത്തി​ലേ​ക്കും,” NW] നീതി​മാ​ന്മാർ നിത്യ​ജീ​വ​നി​ലേ​ക്കും പ്രവേ​ശി​ക്കും.”—മത്തായി 25:31-46, പി.ഒ.സി. ബൈ.

8. ഭക്തി​കെ​ട്ട​വ​രു​ടെ മേൽ ന്യായ​വി​ധി നടപ്പാ​ക്കാൻ ക്രിസ്‌തു വരുന്ന​തി​നെ പൗലൊസ്‌ വിവരി​ക്കു​ന്നത്‌ എങ്ങനെ?

⁸ ചെമ്മരി​യാ​ടു​ക​ളു​ടെ​യും കോലാ​ടു​ക​ളു​ടെ​യും ഉപമയിൽ പ്രകട​മാ​ക്കി​യി​രി​ക്കു​ന്നതു പോലെ, സകല ഭക്തി​കെ​ട്ട​വ​രു​ടെ​യും മേൽ യേശു അന്തിമ ന്യായ​വി​ധി നടപ്പാ​ക്കു​ന്നു. കഷ്ടപ്പാട്‌ അനുഭ​വി​ക്കുന്ന സഹവി​ശ്വാ​സി​കൾക്ക്‌ പൗലൊസ്‌ അപ്പൊ​സ്‌തലൻ ഇങ്ങനെ ഉറപ്പേകി: ‘കർത്താ​വായ യേശു തന്റെ ശക്തിയുള്ള ദൂതന്മാ​രു​മാ​യി സ്വർഗ്ഗ​ത്തിൽനി​ന്നു അഗ്നിജ്വാ​ല​യിൽ പ്രത്യ​ക്ഷ​നാ​യി ദൈവത്തെ അറിയാ​ത്ത​വർക്കും നമ്മുടെ കർത്താ​വായ യേശു​വി​ന്റെ സുവി​ശേഷം അനുസ​രി​ക്കാ​ത്ത​വർക്കും പ്രതി​കാ​രം കൊടു​ക്കു​മ്പോൾ, നിങ്ങൾക്കു ഞങ്ങളോ​ടു​കൂ​ടെ ആശ്വാസം പകരം നല്‌കു​ന്നതു ദൈവ​സ​ന്നി​ധി​യിൽ നീതി​യ​ല്ലോ. ആ നാളിൽ അവൻ തന്റെ വിശു​ദ്ധ​ന്മാ​രിൽ മഹത്വ​പ്പെ​ടേ​ണ്ട​തി​ന്നും ഞങ്ങളുടെ സാക്ഷ്യം നിങ്ങൾ വിശ്വ​സി​ച്ച​തു​പോ​ലെ വിശ്വ​സിച്ച എല്ലാവ​രി​ലും താൻ അതിശ​യ​വി​ഷയം ആകേണ്ട​തി​ന്നും വരു​മ്പോൾ സുവി​ശേഷം അനുസ​രി​ക്കാ​ത്തവർ കർത്താ​വി​ന്റെ സന്നിധാ​ന​വും അവന്റെ വല്ലഭത്വ​ത്തോ​ടു​കൂ​ടിയ മഹത്വ​വും വിട്ടകന്നു നിത്യ​നാ​ശം എന്ന ശിക്ഷാ​വി​ധി അനുഭ​വി​ക്കും.’ (2 തെസ്സ​ലൊ​നീ​ക്യർ 1:6-10) പുളക​പ്ര​ദ​മായ ഈ സകല സംഭവ​ങ്ങ​ളും നമ്മുടെ മുമ്പാ​കെ​യുള്ള സ്ഥിതിക്ക്‌, നാം വിശ്വാ​സം പ്രകട​മാ​ക്കു​ക​യും ക്രിസ്‌തു​വി​ന്റെ വരവി​നാ​യി ആകാം​ക്ഷാ​പൂർവം കാത്തി​രി​ക്കു​ക​യും ചെയ്യേ​ണ്ട​തല്ലേ?

ക്രിസ്‌തു​വി​ന്റെ വെളി​പ്പെ​ട​ലി​നാ​യി ആകാം​ക്ഷാ​പൂർവം കാത്തി​രി​ക്കൽ

9, 10. ഇപ്പോ​ഴും ഭൂമി​യി​ലുള്ള അഭിഷി​ക്തർ യേശു​ക്രി​സ്‌തു​വി​ന്റെ വെളി​പ്പെ​ട​ലി​നാ​യി ആകാം​ക്ഷാ​പൂർവം കാത്തി​രി​ക്കു​ന്നത്‌ എന്തു​കൊണ്ട്‌?

⁹ ‘കർത്താ​വായ യേശു​വി​ന്റെ, സ്വർഗ്ഗ​ത്തിൽനി​ന്നുള്ള പ്രത്യക്ഷത [“വെളി​പ്പെടൽ,” NW]’ ദുഷ്ടന്മാർക്കു നാശം വരുത്താൻ വേണ്ടി മാത്രമല്ല മറിച്ച്‌ നീതി​മാ​ന്മാർക്ക്‌ പ്രതി​ഫലം നൽകാ​നും കൂടി​യാണ്‌. ഇപ്പോ​ഴും ഭൂമി​യിൽ ശേഷി​ച്ചി​ട്ടുള്ള ക്രിസ്‌തു​വി​ന്റെ അഭിഷിക്ത സഹോ​ദ​ര​ന്മാർ അവന്റെ വെളി​പ്പെ​ട​ലി​നു മുമ്പ്‌ കഷ്ടത അനുഭ​വി​ച്ചേ​ക്കാ​മെ​ങ്കി​ലും തങ്ങളുടെ മഹത്തായ സ്വർഗീയ പ്രത്യാ​ശ​യിൽ ആനന്ദി​ക്കു​ന്നു. അഭിഷിക്ത ക്രിസ്‌ത്യാ​നി​കൾക്കു പത്രൊസ്‌ അപ്പൊ​സ്‌തലൻ എഴുതി: “ക്രിസ്‌തു​വി​ന്റെ കഷ്ടങ്ങൾക്കു പങ്കുള്ള​വ​രാ​കു​ന്തോ​റും സന്തോ​ഷി​ച്ചു​കൊൾവിൻ. അങ്ങനെ നിങ്ങൾ അവന്റെ തേജസ്സി​ന്റെ പ്രത്യ​ക്ഷ​ത​യിൽ [“വെളി​പ്പെ​ട​ലിൽ,” NW] ഉല്ലസി​ച്ചാ​ന​ന്ദി​പ്പാൻ ഇടവരും.”—1 പത്രൊസ്‌ 4:13.

¹⁰ തങ്ങളുടെ വിശ്വാ​സ​ത്തി​ന്റെ “പരി​ശോ​ധിത ഗുണം . . . യേശു​ക്രി​സ്‌തു​വി​ന്റെ പ്രത്യ​ക്ഷ​ത​യിൽ പുകഴ്‌ച്ച​യ്‌ക്കും മഹത്ത്വ​ത്തി​നും ബഹുമാ​ന​ത്തി​നും കാരണ​മാ​യി കണ്ടെത്ത​പ്പെ​ടേ​ണ്ട​തിന്‌” ക്രിസ്‌തു ‘തങ്ങളെ അവനിൽ ഒരുമി​ച്ചു കൂട്ടു​ന്നതു’ വരെ വിശ്വ​സ്‌ത​രാ​യി തുടരാൻ അഭിഷി​ക്തർ ദൃഢനി​ശ്ചയം ചെയ്‌തി​രി​ക്കു​ന്നു. (1 പത്രൊസ്‌ 1:7, NW; 2 തെസ്സ​ലൊ​നീ​ക്യർ 2:1, NW) വിശ്വ​സ്‌ത​രായ ആ ആത്മജനനം പ്രാപിച്ച ക്രിസ്‌ത്യാ​നി​ക​ളെ​ക്കു​റിച്ച്‌ ഇപ്രകാ​രം പറയാ​വു​ന്ന​താണ്‌: “ക്രിസ്‌തു​വി​ന്റെ സാക്ഷ്യം നിങ്ങളിൽ ഉറപ്പാ​യി​രു​ന്നു. . . . ഇങ്ങനെ നിങ്ങൾ ഒരു കൃപാ​വ​ര​ത്തി​ലും കുറവി​ല്ലാ​ത്ത​വ​രാ​യി നമ്മുടെ കർത്താ​വായ യേശു​ക്രി​സ്‌തു​വി​ന്റെ പ്രത്യക്ഷത [“വെളി​പ്പെടൽ,” NW]കാത്തി​രി​ക്കു​ന്നു.”—1 കൊരി​ന്ത്യർ 1:5, 7.

11. യേശു​ക്രി​സ്‌തു​വി​ന്റെ വെളി​പ്പെ​ട​ലി​നാ​യി കാത്തി​രി​ക്കവേ അഭിഷിക്ത ക്രിസ്‌ത്യാ​നി​കൾ എന്തു​ചെ​യ്യു​ന്നു?

¹¹ അഭിഷിക്ത ശേഷിപ്പ്‌, പിൻവ​രുന്ന പ്രകാരം എഴുതിയ പൗലൊ​സി​ന്റെ വികാ​ര​ങ്ങ​ളിൽ പങ്കു​ചേ​രു​ന്നു: “നമ്മിൽ വെളി​പ്പെ​ടു​വാ​നുള്ള തേജസ്സു വിചാ​രി​ച്ചാൽ ഈ കാലത്തി​ലെ കഷ്ടങ്ങൾ സാരമില്ല എന്നു ഞാൻ എണ്ണുന്നു.” (റോമർ 8:18) വിശ്വാ​സ​ത്തിന്‌ ഒരു താങ്ങായി അവർക്കു കാലഗ​ണ​ന​ക​ളു​ടെ ആവശ്യ​മില്ല. തങ്ങളുടെ സഹകാ​രി​ക​ളായ “വേറെ ആടുകൾ”ക്ക്‌ ഒരു ഉത്തമ ദൃഷ്ടാന്തം പ്രദാനം ചെയ്‌തു​കൊണ്ട്‌ അവർ യഹോ​വ​യു​ടെ സേവന​ത്തിൽ തിരക്കു​ള്ള​വ​രാ​യി തുടരു​ന്നു. (യോഹ​ന്നാൻ 10:16) ഈ ദുഷ്ട വ്യവസ്ഥി​തി​യു​ടെ അന്ത്യം സമീപി​ച്ചി​രി​ക്കു​ന്നു​വെന്ന്‌ ഈ അഭിഷി​ക്തർക്ക്‌ അറിയാം. അവർ പത്രൊ​സി​ന്റെ പിൻവ​രുന്ന ഉദ്‌ബോ​ധ​ന​ത്തി​നു ശ്രദ്ധ നൽകുന്നു: “നിങ്ങളു​ടെ മനസ്സു​കളെ പ്രവർത്ത​ന​ത്തി​നാ​യി ദൃഢീ​ക​രി​പ്പിൻ, നിങ്ങളു​ടെ ഇന്ദ്രിയ ശക്തികൾ പൂർണ​മാ​യി നിലനിർത്തു​വിൻ; യേശു​ക്രി​സ്‌തു​വി​ന്റെ വെളി​പ്പെ​ട​ലി​ങ്കൽ നിങ്ങൾക്കു ലഭിക്കാ​നി​രി​ക്കുന്ന അനർഹ​ദ​യ​യിൽ പ്രതീക്ഷ അർപ്പി​ച്ചു​കൊൾവിൻ.”—1 പത്രൊസ്‌ 1:13, NW.

‘സൃഷ്ടി ആകാം​ക്ഷ​യോ​ടെ കാത്തി​രി​ക്കു​ന്നു’

12, 13. മാനവ​സൃ​ഷ്ടി “ഫലശൂ​ന്യ​ത​യ്‌ക്കു കീഴ്‌പെ”ടുത്ത​പ്പെ​ട്ടത്‌ എങ്ങനെ, വേറെ ആടുകൾ എന്തിനാ​യി വാഞ്‌ഛി​ക്കു​ന്നു?

¹² ആകാം​ക്ഷ​യോ​ടെ കാത്തി​രി​ക്കാൻ വേറെ ആടുകൾക്ക്‌ എന്തെങ്കി​ലും കാരണ​മു​ണ്ടോ? നിശ്ചയ​മാ​യും ഉണ്ട്‌. ആത്മജനനം പ്രാപിച്ച “പുത്രന്മാ”രും (NW) സ്വർഗീയ രാജ്യ​ത്തിൽ “ക്രിസ്‌തു​വി​ന്നു കൂട്ടവ​കാ​ശി​ക​ളും” എന്ന നിലയിൽ യഹോ​വ​യാൽ ദത്തെടു​ക്ക​പ്പെ​ട്ട​വ​രു​ടെ മഹത്തായ പ്രത്യാ​ശ​യെ​ക്കു​റി​ച്ചു സംസാ​രിച്ച ശേഷം പൗലൊസ്‌ പറഞ്ഞു: “സൃഷ്ടി ദൈവ​പു​ത്ര​ന്മാ​രു​ടെ വെളി​പ്പാ​ടി​നെ ആകാം​ക്ഷ​യോ​ടെ കാത്തി​രി​ക്കു​ന്നു. സൃഷ്ടി ദ്രവത്വ​ത്തി​ന്റെ ദാസ്യ​ത്തിൽനി​ന്നു വിടു​ത​ലും ദൈവ​മ​ക്ക​ളു​ടെ തേജസ്സാ​കുന്ന സ്വാത​ന്ത്ര്യ​വും പ്രാപി​ക്കും എന്നുള്ള ആശയോ​ടെ മായെക്കു [“ഫലശൂ​ന്യ​ത​യ്‌ക്കു,” NW] കീഴ്‌പെ​ട്ടി​രി​ക്കു​ന്നു; മനഃപൂർവ്വ​മാ​യി​ട്ടല്ല, അതിനെ കീഴ്‌പെ​ടു​ത്തി​യ​വന്റെ കല്‌പന നിമി​ത്ത​മ​ത്രേ.”—റോമർ 8:14-21; 2 തിമൊ​ഥെ​യൊസ്‌ 2:10-12.

¹³ ആദാമി​ന്റെ പാപത്തി​ന്റെ ഫലമായി അവന്റെ സന്തതികൾ എല്ലാവ​രും പാപത്തി​ന്റെ​യും മരണത്തി​ന്റെ​യും അടിമ​ത്ത​ത്തിൽ ജനിച്ച്‌ ‘ഫലശൂ​ന്യ​ത​യ്‌ക്കു കീഴ്‌പെട്ടു.’ ആ അടിമ​ത്ത​ത്തിൽനി​ന്നു തങ്ങളെ​ത്തന്നെ വിടു​വി​ക്കാൻ അവർ പ്രാപ്‌തരല്ല. (സങ്കീർത്തനം 49:7, 8; റോമർ 5:12, 21) ഹാ, ‘ദ്രവത്വ​ത്തി​ന്റെ ദാസ്യ​ത്തിൽനി​ന്നു വിടുതൽ’ പ്രാപി​ക്കാൻ വേറെ ആടുകൾ എത്ര വാഞ്‌ഛി​ക്കു​ന്നു! എന്നാൽ അതു സംഭവി​ക്കു​ന്ന​തി​നു മുമ്പ്‌, യഹോ​വ​യു​ടെ സമയങ്ങ​ളും കാലങ്ങ​ളും അനുസ​രിച്ച്‌ ചില കാര്യങ്ങൾ നടക്കേ​ണ്ട​തുണ്ട്‌.

14. “ദൈവ​പു​ത്ര​ന്മാ​രു​ടെ വെളി​പ്പാ​ടി”ൽ എന്തായി​രി​ക്കും ഉൾപ്പെ​ടുക, ഇത്‌ മനുഷ്യ​വർഗം ‘ദ്രവത്വ​ത്തി​ന്റെ ദാസ്യ​ത്തിൽനി​ന്നു വിടുതൽ’ പ്രാപി​ക്കു​ന്ന​തിൽ കലാശി​ക്കു​ന്നത്‌ എങ്ങനെ?

¹⁴ ആദ്യം​തന്നെ അഭിഷിക്ത “ദൈവ​പു​ത്ര​ന്മാ​രു​ടെ” ശേഷിപ്പ്‌ ‘വെളി​പ്പെ​ടണം.’ അതിൽ എന്തായി​രി​ക്കും ഉൾപ്പെ​ടുക? അഭിഷി​ക്ത​രു​ടെ ‘മുദ്ര​യി​ട​പ്പെട’ൽ പൂർത്തി​യാ​കു​ക​യും അവർ ക്രിസ്‌തു​വി​നോ​ടൊ​പ്പം ഭരിക്കാ​നാ​യി മഹത്ത്വീ​ക​രി​ക്ക​പ്പെ​ടു​ക​യും ചെയ്‌തെന്ന്‌ ദൈവ​ത്തി​ന്റെ തക്ക സമയത്ത്‌ വേറെ ആടുകൾക്കു വ്യക്തമാ​യി​ത്തീ​രും. (വെളി​പ്പാ​ടു 7:2-4) പുനരു​ത്ഥാ​നം പ്രാപിച്ച ‘ദൈവ​പു​ത്ര​ന്മാർ’ സാത്താന്റെ ദുഷ്ട വ്യവസ്ഥി​തി​യെ നശിപ്പി​ക്കു​ന്ന​തിൽ ക്രിസ്‌തു​വി​നോ​ടൊ​പ്പം പങ്കെടു​ക്കു​മ്പോൾ അവരും ‘വെളി​പ്പെ​ടും.’ (വെളി​പ്പാ​ടു 2:26, 27; 19:14, 15) തുടർന്ന്‌, ക്രിസ്‌തു​വി​ന്റെ ആയിര​വർഷ വാഴ്‌ച​ക്കാ​ലത്ത്‌, യേശു​വി​ന്റെ മറുവി​ല​യാ​ഗ​ത്തി​ന്റെ പ്രയോ​ജ​നങ്ങൾ മാനുഷ “സൃഷ്ടി”ക്കു പ്രദാനം ചെയ്യാ​നുള്ള പുരോ​ഹിത സരണികൾ എന്ന നിലയി​ലും അവർ കൂടു​ത​ലാ​യി ‘വെളി​പ്പെ​ടും.’ മനുഷ്യ​വർഗം ‘ദ്രവത്വ​ത്തി​ന്റെ ദാസ്യ​ത്തിൽനി​ന്നു വിടുതൽ’ പ്രാപിച്ച്‌ ഒടുവിൽ ‘ദൈവ​മ​ക്ക​ളു​ടെ തേജസ്സാ​കുന്ന സ്വാത​ന്ത്ര്യം’ പ്രാപി​ക്കു​ന്ന​തിൽ അതു കലാശി​ക്കും. (വെളി​പ്പാ​ടു 20:5; 22:1, 2; റോമർ 8:20) അത്തരം മഹത്തായ പ്രതീ​ക്ഷകൾ ഉള്ള സ്ഥിതിക്ക്‌ വേറെ ആടുകൾ “ദൈവ​പു​ത്ര​ന്മാ​രു​ടെ വെളി​പ്പാ​ടി​നെ ആകാം​ക്ഷ​യോ​ടെ കാത്തി​രി​ക്കുന്ന”തിൽ അതിശ​യി​ക്കാ​നു​ണ്ടോ?—റോമർ 8:19.

യഹോ​വ​യു​ടെ ക്ഷമ രക്ഷയെ അർഥമാ​ക്കു​ന്നു

15. യഹോവ സംഭവ​ങ്ങ​ളു​ടെ സമയം നിർണ​യി​ക്കു​ന്ന​തി​നോ​ടുള്ള ബന്ധത്തിൽ നാം എന്ത്‌ ഒരിക്ക​ലും വിസ്‌മ​രി​ച്ചു​കൂ​ടാ?

¹⁵ യഹോവ വലിയ സമയപാ​ല​ക​നാണ്‌. സംഭവങ്ങൾ സംബന്ധിച്ച അവന്റെ സമയ നിർണയം തീർത്തും കുറ്റമ​റ്റ​താണ്‌ എന്നു തെളി​യും. കാര്യങ്ങൾ എല്ലായ്‌പോ​ഴും നമ്മുടെ വ്യക്തി​പ​ര​മായ പ്രതീ​ക്ഷ​യ്‌ക്കൊ​ത്തു നീങ്ങണ​മെ​ന്നില്ല. എന്നാൽ, ദൈവ​ത്തി​ന്റെ എല്ലാ വാഗ്‌ദാ​ന​ങ്ങ​ളും നിവൃ​ത്തി​യേ​റു​മെന്ന്‌ നമുക്കു പരിപൂർണ വിശ്വാ​സം ഉണ്ടായി​രി​ക്കാൻ കഴിയും. (യോശുവ 23:14) കാര്യങ്ങൾ അനേക​രും പ്രതീ​ക്ഷി​ച്ച​തി​ലും കൂടുതൽ കാലം മുന്നോ​ട്ടു പോകാൻ അവൻ അനുവ​ദി​ക്കു​ക​യാ​യി​രി​ക്കാം. എന്നാൽ അവന്റെ വഴികൾ ഗ്രഹി​ക്കാ​നും അവന്റെ ജ്ഞാനത്തിൽ പ്രശം​സി​ക്കാ​നും നമുക്കു ശ്രമി​ക്കാം. പൗലൊസ്‌ എഴുതി: “ഹാ, ദൈവ​ത്തി​ന്റെ ധനം, ജ്ഞാനം, അറിവു എന്നിവ​യു​ടെ ആഴമേ! അവന്റെ ന്യായ​വി​ധി​കൾ എത്ര അപ്ര​മേ​യ​വും അവന്റെ വഴികൾ എത്ര അഗോ​ച​ര​വും ആകുന്നു. കർത്താ​വി​ന്റെ മനസ്സു അറിഞ്ഞവൻ ആർ? അവന്നു മന്ത്രി​യാ​യി​രു​ന്നവൻ ആർ?”—റോമർ 11:33-35.

16. യഹോ​വ​യു​ടെ ക്ഷമയിൽനി​ന്നു പ്രയോ​ജനം അനുഭ​വി​ക്കാ​വുന്ന സ്ഥാനത്ത്‌ ആയിരി​ക്കു​ന്നത്‌ ആർ?

¹⁶ പത്രൊസ്‌ എഴുതി: “പ്രിയ​മു​ള്ള​വരേ, നിങ്ങൾ ഇവയ്‌ക്കാ​യി [പഴയ “ആകാശ”ത്തിന്റെ​യും “ഭൂമി”യുടെ​യും നാശത്തി​നും തത്‌സ്ഥാ​നത്ത്‌ “പുതിയ ആകാശ”ത്തിന്റെ​യും “പുതിയ ഭൂമി”യുടെ​യും സ്ഥാപന​ത്തി​നു​മാ​യി] കാത്തി​രി​ക്കു​ന്ന​തി​നാൽ അവൻ ഒടുവിൽ നിങ്ങളെ കറയും കളങ്കവും ഇല്ലാത്ത​വ​രാ​യി സമാധാ​ന​ത്തിൽ കാണേ​ണ്ട​തിന്‌ നിങ്ങളു​ടെ പരമാ​വധി ശ്രമി​ക്കുക. അതിനു​പു​റമേ, നമ്മുടെ കർത്താ​വി​ന്റെ ക്ഷമയെ രക്ഷ എന്നു വിചാ​രി​പ്പിൻ.” “ഒരു കള്ളനെ​പ്പോ​ലെ” അവിചാ​രി​ത​മാ​യി എത്തി​ച്ചേ​രുന്ന “കർത്താ​വി​ന്റെ ദിവസ”ത്തിൽ രക്ഷിക്ക​പ്പെ​ടാൻ യഹോ​വ​യു​ടെ ക്ഷമ നിമിത്തം ജനകോ​ടി​കൾക്ക്‌ അവസരം ലഭിക്കു​ന്നു. (ചെരി​ച്ചെ​ഴു​ത്തു ഞങ്ങളു​ടേത്‌.) (2 പത്രൊസ്‌ 3:9-15) ‘ഭയത്തോ​ടും വിറയ​ലോ​ടും കൂടെ നമ്മുടെ രക്ഷെക്കാ​യി പ്രവർത്തി’ക്കാനും അവന്റെ ക്ഷമ നമ്മെ ഓരോ​രു​ത്ത​രെ​യും അനുവ​ദി​ക്കു​ന്നു. (ഫിലി​പ്പി​യർ 2:12) മനുഷ്യ​പു​ത്രൻ ന്യായ​വി​ധി​ക്കാ​യി വരു​മ്പോൾ അംഗീ​ക​രി​ക്ക​പ്പെ​ടാ​നും “മനുഷ്യ​പു​ത്രന്റെ മുമ്പാകെ നിൽക്കു”ന്നതിൽ വിജയി​ക്കാ​നും ആഗ്രഹി​ക്കു​ന്നെ​ങ്കിൽ നാം ‘നമുക്കു​തന്നെ ശ്രദ്ധ നൽകുക’യും “സദാ ഉണർന്നി​രി”ക്കുകയും ചെയ്യണ​മെന്ന്‌ യേശു പറഞ്ഞു.—ലൂക്കൊസ്‌ 21:34-36, NW; മത്തായി 25:31-33, NW.

സഹിഷ്‌ണു​ത​യോ​ടെ സദാ കാത്തി​രി​ക്കൽ

17. പൗലൊസ്‌ അപ്പൊ​സ്‌ത​ലന്റെ ഏതു വാക്കു​കൾക്കു നാം ശ്രദ്ധ നൽകണം?

¹⁷ ‘ദൃശ്യ​മാ​യ​വ​യി​ലല്ല അദൃശ്യ​മാ​യ​വ​യിൽ’ സദാ നമ്മുടെ ദൃഷ്ടികൾ പതിപ്പി​ക്കാൻ പൗലൊസ്‌ തന്റെ ആത്മീയ സഹോ​ദ​ര​ന്മാ​രെ ഉദ്‌ബോ​ധി​പ്പി​ച്ചു. (2 കൊരി​ന്ത്യർ 4:16-18, ഓശാന ബൈ.) അവരുടെ മുമ്പാകെ വെച്ചി​രുന്ന സ്വർഗീയ പ്രതി​ഫ​ലത്തെ യാതൊ​ന്നും അവരുടെ കാഴ്‌ച​യിൽനി​ന്നു മറയ്‌ക്കാൻ അവൻ ആഗ്രഹി​ച്ചില്ല. നാം അഭിഷിക്ത ക്രിസ്‌ത്യാ​നി​ക​ളോ വേറെ ആടുക​ളോ ആയിരു​ന്നാ​ലും നമ്മുടെ മുമ്പാകെ വെച്ചി​രി​ക്കുന്ന അതിശ​യ​ക​ര​മായ പ്രത്യാശ മനസ്സിൽ അടുപ്പി​ച്ചു നിർത്തി​ക്കൊണ്ട്‌ നമുക്കു പിന്മാ​റാ​തി​രി​ക്കാം. “നാമോ നാശത്തി​ലേക്കു പിന്മാ​റു​ന്ന​വ​രു​ടെ കൂട്ടത്തി​ലല്ല, വിശ്വ​സി​ച്ചു ജീവരക്ഷ പ്രാപി​ക്കു​ന്ന​വ​രു​ടെ കൂട്ടത്തി”ലാണെന്നു പ്രകട​മാ​ക്കി​ക്കൊണ്ട്‌ നമുക്കു സദാ “ക്ഷമയോ​ടെ കാത്തിരി”ക്കാം.—എബ്രായർ 10:39; റോമർ 8:25.

18. ‘സമയങ്ങ​ളും കാലങ്ങ​ളും’ നമുക്ക്‌ ആത്മവി​ശ്വാ​സ​ത്തോ​ടെ യഹോ​വ​യു​ടെ കരങ്ങളിൽ ഏൽപ്പി​ക്കാൻ കഴിയു​ന്നത്‌ എന്തു​കൊണ്ട്‌?

¹⁸ സമയങ്ങ​ളും കാലങ്ങ​ളും നമുക്ക്‌ ആത്മവി​ശ്വാ​സ​ത്തോ​ടെ യഹോ​വ​യു​ടെ കരങ്ങളിൽ ഏൽപ്പി​ക്കാൻ കഴിയും. അവന്റെ വാഗ്‌ദാ​ന​ങ്ങ​ളു​ടെ നിവൃത്തി അവന്റെ സമയ പട്ടിക അനുസ​രി​ച്ചു​തന്നെ സംഭവി​ക്കും, ‘താമസി​ക്കു​ക​യില്ല.’ (ഹബക്കൂക്‌ 2:3) അതിനി​ടെ, തിമൊ​ഥെ​യൊ​സി​നുള്ള പൗലൊ​സി​ന്റെ ഉദ്‌ബോ​ധനം നമ്മുടെ കാര്യ​ത്തിൽ കൂടു​ത​ലാ​യി അന്വർഥ​മാ​കു​ന്നു. അവൻ പറഞ്ഞു: “ഞാൻ ദൈവ​ത്തെ​യും, ജീവി​കൾക്കും മരിച്ച​വർക്കും ന്യായ​വി​സ്‌താ​രം നടത്തു​വാ​നുള്ള ക്രിസ്‌തു​യേ​ശു​വി​നെ​യും സാക്ഷി​വെച്ചു അവന്റെ പ്രത്യ​ക്ഷ​ത​യും രാജ്യ​വും ചൊല്ലി സത്യം​ചെ​യ്‌തു കല്‌പി​ക്കു​ന്നതു: വചനം പ്രസം​ഗിക്ക; സമയത്തി​ലും അസമയ​ത്തി​ലും ഒരുങ്ങി​നില്‌ക്ക [“അത്‌ അടിയ​ന്തി​ര​ത​യോ​ടെ ചെയ്യുക,” NW]; . . . സുവി​ശേ​ഷ​കന്റെ പ്രവൃ​ത്തി​ചെയ്‌ക; നിന്റെ ശുശ്രൂഷ നിറപ​ടി​യാ​യി നിവർത്തിക്ക.”—2 തിമൊ​ഥെ​യൊസ്‌ 4:1-5.

19. യഹോ​വ​യു​ടെ ജനത്തിനു തുടർന്ന്‌ എന്തു ചെയ്യാ​നുള്ള സമയമാ​ണിത്‌, എന്തു​കൊണ്ട്‌?

¹⁹ ജീവൻ അപകട​ത്തി​ലാണ്‌—നമ്മു​ടെ​യും അയൽക്കാ​രു​ടെ​യും. പൗലൊസ്‌ എഴുതി: “നിന്നെ​ത്ത​ന്നേ​യും ഉപദേ​ശ​ത്തെ​യും സൂക്ഷി​ച്ചു​കൊൾക; ഇതിൽ ഉറെച്ചു​നില്‌ക്ക; അങ്ങനെ ചെയ്‌താൽ നീ നിന്നെ​യും നിന്റെ പ്രസംഗം കേൾക്കു​ന്ന​വ​രെ​യും രക്ഷിക്കും.” (1 തിമൊ​ഥെ​യൊസ്‌ 4:16) ഈ ദുഷ്ട വ്യവസ്ഥി​തിക്ക്‌ ഇനി വളരെ ചുരു​ങ്ങിയ കാലമേ ഉള്ളൂ. മുന്നി​ലുള്ള പുളക​പ്ര​ദ​മായ സംഭവ​ങ്ങൾക്കാ​യി ആകാം​ക്ഷ​യോ​ടെ കാത്തി​രി​ക്കവേ, തന്റെ ജനം രാജ്യ സുവാർത്ത പ്രസം​ഗി​ക്കണം എന്ന്‌ യഹോവ നിശ്ചയി​ച്ചി​രി​ക്കുന്ന സമയവും കാലവു​മാണ്‌ ഇതെന്ന ബോധ്യം നമുക്ക്‌ എല്ലായ്‌പോ​ഴും നിലനിർത്താം. അവനു തൃപ്‌തി​യാ​കു​ന്നതു വരെ ആ വേല നിർവ​ഹി​ക്ക​പ്പെ​ടണം. “അപ്പോൾ” യേശു പറഞ്ഞതു​പോ​ലെ “അവസാനം വരും.”—മത്തായി 24:14.

[അടിക്കു​റി​പ്പു​കൾ]

പുനരവലോകനം

□ കാലഗ​ണ​ന​ക​ളു​ടെ കാര്യ​ത്തിൽ, നമ്മുടെ സാഹച​ര്യം ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​ക​ളു​ടേ​തി​നു സമാന​മാ​യി​രി​ക്കു​ന്നത്‌ എങ്ങനെ?

□ ക്രിസ്‌തു​വി​ന്റെ സാന്നിധ്യ കാലത്തു​പോ​ലും ക്രിസ്‌ത്യാ​നി​കൾ സദാ “ഉണർന്നി​രി”ക്കേണ്ടത്‌ എന്തു​കൊണ്ട്‌?

□ “ദൈവ​പു​ത്ര​ന്മാ​രു​ടെ വെളി​പ്പാ​ടി”നായി മാനവ​സൃ​ഷ്ടി ആകാം​ക്ഷാ​പൂർവം കാത്തി​രി​ക്കു​ന്നത്‌ എന്തു​കൊണ്ട്‌?

□ ‘സമയങ്ങ​ളും കാലങ്ങ​ളും’ നമുക്ക്‌ ആത്മവി​ശ്വാ​സ​ത്തോ​ടെ യഹോ​വ​യു​ടെ കരങ്ങളിൽ ഏൽപ്പി​ക്കാൻ കഴിയു​ന്നത്‌ എന്തു​കൊണ്ട്‌?

[17-ാം പേജിലെ ചിത്രം]

ക്രിസ്‌തുവിന്റെ വരവു പ്രതീ​ക്ഷിച്ച്‌ ക്രിസ്‌ത്യാ​നി​കൾ സദാ ഉണർന്നി​രി​ക്ക​ണം

[18-ാം പേജിലെ ചിത്രം]

വിശ്വാസത്തെ കാലഗ​ണ​ന​ക​ളിൽ അധിഷ്‌ഠി​ത​മാ​ക്കാ​തെ, അഭിഷിക്ത ശേഷിപ്പ്‌ യഹോ​വ​യു​ടെ സേവന​ത്തിൽ സദാ തിരക്കു​ള്ളവർ ആയിരി​ക്കു​ന്നു