കുപ്ര​സിദ്ധ “വേശ്യ” അവളുടെ വീഴ്‌ച

“അവൾ വീണി​രി​ക്കു​ന്നു! തന്റെ ദുർവൃ​ത്തി​യു​ടെ ക്രോ​ധ​വീഞ്ഞ്‌ സകല ജനതക​ളെ​യും കുടി​പ്പി​ച്ച​വ​ളായ മഹാബാ​ബി​ലോൻ വീണി​രി​ക്കു​ന്നു!”—വെളി​പ്പാട്‌ 14:8.

1.ആ കുപ്ര​സിദ്ധ “വേശ്യ” ആരാണ്‌, നാം അവളെ​ക്കു​റിച്ച്‌ അറി​യേ​ണ്ട​തെ​ന്തു​കൊണ്ട്‌?

ആ കുപ്ര​സിദ്ധ “വേശ്യ”—അവൾ ആരാണ്‌? നാം അവളെ​ക്കു​റിച്ച്‌ സംസാ​രി​ക്കേ​ണ്ട​തെ​ന്തു​കൊണ്ട്‌? രോമാ​ഞ്ച​ജ​ന​ക​ങ്ങ​ളായ നോവ​ലു​ക​ളും ചലച്ചി​ത്ര​ങ്ങ​ളും ററി.വി.യും വീഡി​യോ​ക​ളും ദുർമ്മാർഗ്ഗ​ത്തി​ന്റെ വെറു​പ്പി​ക്കുന്ന ഡോസു​കൾ വേണ്ടത്ര വിളമ്പു​ന്നി​ല്ലേ? സത്യം​തന്നെ! എന്നാൽ ഇത്‌ സാധാരണ നിശാ​വ​നി​തയല്ല. അവൾ യഥാർത്ഥ​ത്തിൽ സകല ചരി​ത്ര​ത്തി​ലും വച്ച്‌ ഏററം സ്വാധീ​ന​മുള്ള, ഏററം കുപ്ര​സി​ദ്ധ​യായ, ഏററം നിഷ്‌ഠു​ര​യായ, വേശ്യ​യാണ്‌. അവൾ 4,000-ത്തിലധി​കം വർഷമാ​യി തന്റെ പ്രേമാ​നു​കൂ​ല്യ​ങ്ങൾ വിററു​കൊ​ണ്ടാ​ണി​രി​ക്കു​ന്നത്‌! നാം നമ്മുടെ സംരക്ഷ​ണ​ത്തി​നു​വേണ്ടി അവളേ​ക്കു​റിച്ച്‌ അറി​യേ​ണ്ട​തുണ്ട്‌. വെളി​പ്പാട്‌ 14:8-ൽ ഒരു സ്വർഗ്ഗീയ ദൂതൻ ദുഷ്‌ക്കീർത്തി​യുള്ള ഈ സ്‌ത്രീ​യെ “മഹാബാ​ബി​ലോൻ” എന്നു വിളി​ക്കു​ക​യും ജനതകളെ വഴിപി​ഴ​പ്പി​ച്ചവൾ എന്നു വർണ്ണി​ക്കു​ക​യും ചെയ്യുന്നു. അവൾ അത്ര അപകട​കാ​രി​യാ​യി​രി​ക്കു​ന്ന​തു​കൊണ്ട്‌ അവളു​ടെ​മേൽ ന്യായ​വി​ധി നടത്താ​നുള്ള യഹോ​വ​യു​ടെ “നിയമിത സമയം അടുത്തി​രി​ക്കുന്ന”തായി അറിയു​ന്ന​തിൽ നാം സന്തുഷ്ട​രാ​യി​രി​ക്കേ​ണ്ട​താണ്‌.—വെളി​പ്പാട്‌ 1:3.

2.ഈ വേശ്യക്ക്‌ അവളുടെ പേര്‌ കിട്ടു​ന്ന​തെ​വി​ടെ​നി​ന്നാണ്‌, ഒരു വ്യാജ​മ​ത​ലോ​ക​സാ​മ്രാ​ജ്യ​ത്തിന്‌ തുടക്ക​മി​ട്ട​തെ​ങ്ങനെ?

² ഈ വേശ്യക്ക്‌ അവളുടെ പേർ കിട്ടി​യി​രി​ക്കു​ന്നത്‌ പുരാതന ബാബി​ലോ​നിൽനി​ന്നാണ്‌. അത്‌ “യഹോ​വ​ക്കെ​തി​രെ ബലവാ​നായ നായാ​ട്ടു​കാര”നായി​രുന്ന നി​മ്രോദ്‌ 4,000-ത്തിൽപരം വർഷം മുമ്പ്‌ മെസൊ​പ്പൊ​ത്താ​മ്യ​യിൽ സ്ഥാപിച്ച ഗർവി​ഷ്‌ഠ​മായ നഗരമാണ്‌. ബാബി​ലോ​ന്യർ ഒരു വിഗ്ര​ഹാ​രാ​ധ​നാ​പ​ര​മായ മതഗോ​പു​രം പണിതു​തു​ട​ങ്ങി​യ​പ്പോൾ യഹോവ അവരുടെ ഭാഷ കലക്കു​ക​യും അവരെ ഭൂമി​യു​ടെ അറുതി​ക​ളി​ലേക്കു ചിതറി​ക്കു​ക​യും ചെയ്‌തു. അവർ തങ്ങളോ​ടു​കൂ​ടെ അവരുടെ മതവും കൊണ്ടു​പോ​യി. അങ്ങനെ​യാണ്‌ ബാബി​ലോ​ന്യ​മ​ത​ത്തി​ന്റെ ഒരു ലോക​സാ​മ്രാ​ജ്യ​ത്തിന്‌ തുടക്ക​മി​ട്ടത്‌. സത്യമാ​യി അത്‌ മഹാ ബാബി​ലോൻ ആണ്‌. (ഉൽപ്പത്തി 10:8-10; 11:1-9) നമ്മുടെ കാലം വരെയും പുരാതന ബാബി​ലോ​നി​ലെ മർമ്മങ്ങൾ ലോക​മ​ത​ങ്ങ​ളു​ടെ വിശ്വാ​സ​ങ്ങ​ളി​ലും ആചാര​ങ്ങ​ളി​ലും പ്രതി​ഫ​ലി​ക്കു​ന്നുണ്ട്‌. (വെളി​പ്പാട്‌ 17:7) നഗരത്തി​ന്റെ എബ്രാ​യ​പേ​രായ ബാബേ​ലി​ന്റെ അർത്ഥം “കുഴപ്പം” എന്നാണ്‌, വ്യാജ​മ​ത​ത്തി​ന്റെ ഇന്നത്തെ സമ്മി​ശ്ര​ത​യു​ടെ ഒരു സമുചിത ലേബൽതന്നെ.

3.(എ) ബാബി​ലോൻ എത്രനാൾ ദൈവ​ജ​നത്തെ ബന്ദിക​ളാ​ക്കി നിർത്തി, അവരെ അത്‌ എന്തി​നോ​ടുള്ള സാമീ​പ്യ​ത്തിൽ നിർത്തി? (ബി) ബാബി​ലോന്‌ എപ്പോൾ വിപൽക്ക​ര​മായ ഒരു വീഴ്‌ച അനുഭ​വ​പ്പെട്ടു, ആ സമയത്ത്‌ അവളുടെ അവസാനം വരാഞ്ഞ​തെ​ന്തു​കൊണ്ട്‌?

³ പുരാതന ബാബി​ലോൻ ആ ആദ്യ തിരി​ച്ച​ടി​യിൽനിന്ന്‌ കരകയ​റു​ക​യും ക്രി.മു. 632-ൽ അശ്ശൂർ മറിച്ചി​ട​പ്പെ​ട്ട​തോ​ടെ ബൈബിൾച​രി​ത്ര​ത്തി​ലെ മൂന്നാ​മത്തെ ലോക​ശ​ക്തി​യാ​യി​ത്തീ​രു​ക​യും ചെയ്‌തു. ആ നിലയി​ലുള്ള അവളുടെ മഹത്വം അൽപ്പാ​യു​സ്സാ​യി​രു​ന്നു—നൂറു വർഷത്തിൽ താഴെ മാത്രം. എന്നാൽ അവയിൽ ഏതാണ്ട്‌ 70-ഓളം വർഷം അവൾ ദൈവ​ജ​ന​മായ യിസ്രാ​യേ​ലി​നെ അടിമ​ത്വ​ത്തിൽ നിർത്തി. ഇത്‌ അവരെ ബാബി​ലോ​നി​ലെ ആയിരം ക്ഷേത്ര​ങ്ങ​ളോ​ടും ചാപ്പലു​ക​ളോ​ടും ദൈവ​ത്ര​യ​ങ്ങ​ളോ​ടും പിശാ​ച​ത്ര​യ​ങ്ങ​ളോ​ടും മാതാ-പുത്ര ആരാധ​ന​യോ​ടും അമർത്യ​ദൈ​വ​ങ്ങ​ളെന്നു സങ്കൽപ്പി​ക്ക​പ്പെ​ട്ട​വരെ വിഗ്ര​ഹ​ങ്ങ​ളാ​ക്കിയ അവളുടെ ജ്യോ​തി​ഷ​ത്തോ​ടും സാമീ​പ്യ​ത്തിൽ നിർത്തി. അങ്ങനെ ബാബി​ലോൻന​ഗ​ര​ത്തിന്‌ ക്രി.മു. 539-ൽ ഒരു വിപൽക്ക​ര​മായ വീഴ്‌ച അനുഭ​വ​പ്പെ​ട്ട​പ്പോൾ അടിമ​ക​ളായ യിസ്രാ​യേ​ല്യർ വ്യാജ​മ​ത​ത്തി​ന്റെ ലോക​കേ​ന്ദ്ര​ത്തിൽ ഉണ്ടായി​രു​ന്നു. എന്നാൽ അപ്പോ​ഴും അവളുടെ അന്ത്യം വന്നിരു​ന്നില്ല! അവളുടെ ജേതാക്കൾ അവളെ ഒരു പ്രശസ്‌ത​മ​ത​കേ​ന്ദ്ര​മാ​യി തുടർന്ന്‌ ഉപയോ​ഗി​ച്ചു​പോ​ന്നു.

ഒരു ആഗോള മതസാ​മ്രാ​ജ്യം

4.(എ) യഹോ​വ​യു​ടെ പ്രവാ​ച​കൻമാർ ബാബി​ലോ​നെ​ക്കു​റിച്ച്‌ എന്തു പ്രഖ്യാ​പി​ച്ചു, ബാബി​ലോന്‌ എന്തു സംഭവി​ച്ചു? (ബി) ഭൂമി​യി​ലെ ജനങ്ങൾക്ക്‌ വിനാ​ശ​ക​ര​മാ​യി വേറെ ഏതു ബാബി​ലോൻ തുടർന്നു ജീവി​ക്കു​ന്നു?

⁴ “ദൈവം സോ​ദോ​മി​നെ​യും ഗോ​മോ​റ​യേ​യും മറിച്ചി​ട്ട​തു​പോ​ലെ” “നിർമ്മൂ​ല​നാ​ശ​ത്തി​ന്റെ ചൂലു​കൊണ്ട്‌” ബാബി​ലോ​നെ തൂത്തു​വാ​ര​ണ​മെ​ന്നുള്ള യഹോ​വ​യു​ടെ ന്യായ​വി​ധി അവന്റെ പ്രവാ​ച​കൻമാർ പ്രഖ്യാ​പി​ച്ചി​രു​ന്നു. ആ പ്രവച​നങ്ങൾ പിന്നീട്‌ നിവർത്തി​ച്ചോ? ഉവ്വ്‌, അവസാ​നത്തെ വിശദാം​ശം വരെയും! മുൻകൂ​ട്ടി പറഞ്ഞി​രു​ന്ന​തു​പോ​ലെ​തന്നെ, കാല​ക്ര​മ​ത്തിൽ പുരാതന ബാബി​ലോൻ ഇഴജന്തു​ക്ക​ളും കാട്ടു​മൃ​ഗ​ങ്ങ​ളും ഒഴിച്ച്‌ മനുഷ്യ​വാ​സ​മി​ല്ലാത്ത ഒരു കൽക്കൂ​ന​യാ​യി​ത്തീർന്നു! (യെശയ്യാവ്‌ 13:9, 19-22; 14:23; യിരെ​മ്യാവ്‌ 50:35, 38-40) എന്നിരു​ന്നാ​ലും, മറേറ ബാബി​ലോൻ, ആധുനിക മഹാബാ​ബി​ലോൻ, തുടർന്നു ജീവി​ക്കു​ക​യാണ്‌. വ്യാജ​മ​ത​ലോ​ക​സാ​മ്രാ​ജ്യ​മെന്ന നിലയിൽ അവൾ മൂല ബാബി​ലോ​ന്യ ഉപദേ​ശ​ങ്ങ​ളും ധിക്കാ​ര​മ​നോ​ഭാ​വ​വും നിലനിർത്തു​ക​യാണ്‌. അവൾ യഹോ​വ​യു​ടെ രാജ്യോ​ദ്ദേ​ശ്യ​ങ്ങൾ സംബന്ധിച്ച്‌ ഭൂമി​യി​ലെ ജനങ്ങളെ കുരു​ടാ​ക്കാ​നുള്ള സാത്താന്റെ മുഖ്യ ഉപകര​ണ​മാണ്‌.—2 കൊരി​ന്ത്യർ 4:3, 4.

5.(എ) ബാബി​ലോൻ അവളുടെ മഹത്വ​ത്തി​ന്റെ ഉച്ചാവ​സ്ഥ​യി​ലാ​യി​രു​ന്ന​പ്പോൾ ഏതു മതങ്ങൾ വികാസം പ്രാപി​ച്ചു, മുഴു ലോക​ത്തെ​യും വ്യാജ​മ​ത​ത്തെ​ക്കൊണ്ട്‌ കുഴപ്പി​ക്കു​ന്ന​തിൽ സാത്താൻ വിജയി​ക്കാ​ഞ്ഞ​തെ​ന്തു​കൊണ്ട്‌? (ബി) ക്രിസ്‌ത്യാ​നി​ത്വ​ത്തി​ന്റെ അവതര​ണ​ത്തി​നു​ശേഷം സാത്താൻ വ്യാജ​മ​തത്തെ ഉപയോ​ഗി​ച്ച​തെ​ങ്ങനെ?

⁵ ലോക​ശ​ക്തി​യാ​യി​രുന്ന ബാബി​ലോൻ അതിന്റെ മഹത്വ​ത്തി​ന്റെ പാരമ്യ​ത്തി​ലാ​യി​രുന്ന, ക്രിസ്‌തു​വി​നു​മുമ്പ്‌ ആറാം നൂററാ​ണ്ടോ​ട​ടുത്ത്‌ ഹിന്ദു​മ​ത​വും ബുദ്ധമ​ത​വും കൺഫ്യൂ​ഷ്യ​സ്‌മ​ത​വും ഷിന്റോ​മ​ത​വും മുൻപ​ന്തി​യി​ലേക്കു വന്നു. എന്നാൽ വ്യാജ​മ​ത​ത്തി​ലൂ​ടെ മുഴു​ലോ​ക​ത്തെ​യും കുഴപ്പ​ത്തി​ലാ​ക്കു​ന്ന​തിൽ സാത്താൻ വിജയി​ച്ചോ? ഇല്ല, എന്തെന്നാൽ യഹോ​വ​യു​ടെ പുരാതന സാക്ഷി​ക​ളു​ടെ ഒരു ശേഷിപ്പ്‌ യഹോ​വ​യു​ടെ ആരാധന പുനഃ​സ്ഥാ​പി​ക്കു​ന്ന​തിന്‌ ബാബി​ലോ​നിൽനിന്ന്‌ യരുശ​ലേ​മി​ലേക്കു മടങ്ങി​വന്നു. അങ്ങനെ, ആറു നൂററാ​ണ്ടു കഴിഞ്ഞ്‌ മശിഹാ​യെ സ്വാഗ​തം​ചെ​യ്യു​ന്ന​തി​നും ക്രിസ്‌തീ​യ​സ​ഭ​യു​ടെ ആദ്യ അംഗങ്ങ​ളാ​യി​ത്തീ​രു​ന്ന​തി​നും വിശ്വസ്‌ത യഹൂദൻമാർ അവിടെ ഉണ്ടായി​രു​ന്നു. വ്യാജ​മതം ദൈവ​ത്തി​ന്റെ സ്വന്തം പുത്രന്റെ രക്തസാ​ക്ഷി​മ​രണം കൈവ​രു​ത്തു​ക​യും, യേശു​വും അവന്റെ അപ്പോ​സ്‌ത​ലൻമാ​രും മുന്നറി​യി​പ്പു നൽകി​യി​രു​ന്ന​തു​പോ​ലെ സത്യ​ക്രി​സ്‌ത്യാ​നി​ത്വ​ത്തെ എതിർക്കു​ന്ന​തിൽ സാത്താന്റെ ഉപകര​ണ​മാ​യി​ത്തീ​രു​ക​യും​ചെ​യ്‌തു.—മത്തായി 7:15; പ്രവൃ​ത്തി​കൾ 20:29, 30; 2 പത്രോസ്‌ 2:1.

6.(എ) സാത്താൻ ക്രിസ്‌തീയ ഉപദേ​ശ​ങ്ങളെ ദുഷി​പ്പി​ച്ച​തെ​ങ്ങനെ, ദൈവത്തെ അപമാ​നി​ക്കുന്ന ഏതുപ​ദേ​ശങ്ങൾ വികാസം പ്രാപി​ച്ചു? (ബി) ബാബി​ലോ​ന്യ​സി​ദ്ധാ​ന്ത​ത്തെ​ക്കാ​ളു​പരി ബൈബിൾസ​ത്യ​ത്തെ ഇഷ്ടപ്പെട്ട ആയിര​ങ്ങൾക്ക്‌ എന്തു സംഭവി​ച്ചു?

⁶ പ്രത്യേ​കിച്ച്‌ ക്രി.വ. 70-ലെ യരുശ​ലേ​മി​ന്റെ രണ്ടാമത്തെ നാശത്തി​നു​ശേഷം, ക്രിസ്‌തീയ ഉപദേ​ശ​ങ്ങളെ ബാബി​ലോ​ന്യ രഹസ്യ​വാ​ദ​ത്തോ​ടും ലൗകിക ഗ്രീക്ക്‌ തത്വശാ​സ്‌ത്ര​ത്തോ​ടും കലർത്തി​ക്കൊണ്ട്‌ അവയെ ദുഷി​പ്പി​ക്കാൻ സാത്താൻ കള്ളയ​പ്പോ​സ്‌ത​ലൻമാ​രെ ഉപയോ​ഗി​ച്ചു. അങ്ങനെ ബൈബി​ളി​ലെ “ഏക യഹോവ”ക്കു പകരം ഒരു ‘ദിവ്യ ത്രി​യേകം,’ ത്രിത്വം, സ്ഥാപി​ക്ക​പ്പെട്ടു. (ആവർത്തനം 6:4; മർക്കോസ്‌ 12:29; 1 കൊരി​ന്ത്യർ 8:5, 6) ക്രിസ്‌തു​വി​ന്റെ മറുവി​ല​യു​ടെ​യും പുനരു​ത്ഥാ​ന​ത്തി​ന്റെ​യും വില​യേ​റിയ ബൈബി​ളു​പ​ദേ​ശ​ങ്ങളെ നിഷേ​ധി​ക്കാൻ പ്ലേറേറാ എന്ന അവിശ്വാ​സി​യായ തത്വശാ​സ്‌ത്രജ്ഞൻ പഠിപ്പിച്ച മനുഷ്യ​ദേ​ഹി​യു​ടെ അമർത്യ​ത​യു​ടെ ഉപദേശം ആനയി​ക്ക​പ്പെട്ടു. ഇത്‌ ഒരു അഗ്‌നി​ന​ര​ക​ത്തി​ലും അത്ര തന്നെ അഗ്‌നി​മ​യ​മ​ല്ലാത്ത ശുദ്ധീ​ക​ര​ണ​സ്ഥ​ല​ത്തി​ലു​മുള്ള വിശ്വാ​സ​ത്തിന്‌ വഴിതു​റന്നു. (സങ്കീർത്തനം 89:48; യെഹെ​സ്‌ക്കേൽ 18:4, 20) ദൈവത്തെ അപമാ​നി​ക്കു​ന്ന​തും ആളുക​ളു​ടെ ഭയങ്ങളെ മുത​ലെ​ടു​ക്കു​ന്ന​തു​മായ അത്തരം ഉപദേ​ശങ്ങൾ സഭയുടെ കീശ വീർപ്പി​ക്കാ​നാണ്‌ സഹായി​ച്ചി​ട്ടു​ള്ളത്‌. കൂടാതെ, മതകോ​ട​തി​യു​ടെ​യും നവീക​ര​ണ​ത്തി​ന്റെ​യും നാളു​ക​ളിൽ അഗ്‌നി​നരക ജ്വാലകൾ ദണ്ഡനം നടത്തു​ന്ന​തിന്‌ വൈദി​കർക്കു കാത്തി​രി​ക്കാൻ കഴിഞ്ഞില്ല. ബാബി​ലോ​ന്യ സിദ്ധാ​ന്ത​ത്തി​നു പകരം ബൈബിൾസ​ത്യ​ത്തെ ഇഷ്‌ട​പ്പെട്ട ആയിരങ്ങൾ കത്തോ​ലി​ക്ക​രാ​ലും പ്രോ​ട്ട​സ്‌റ​റൻറു​കാ​രാ​ലും ജീവ​നോ​ടെ സ്‌തം​ഭ​ത്തിൽ ദഹിപ്പി​ക്ക​പ്പെട്ടു. എന്നാൽ നാം കാണാൻപോ​കു​ന്ന​തു​പോ​ലെ, മഹാബാ​ബി​ലോ​ന്റെ വേശ്യാ​വൃ​ത്തി വ്യാജത്തെ പ്രോൽസാ​ഹി​പ്പി​ക്കു​ന്ന​തി​ലും ബഹുദൂ​രം വ്യാപി​ക്കു​ന്നു.

യഹോ​വ​യു​ടെ ന്യായ​വി​ധി​ദി​വസം

7.(എ) യഹോവ എപ്പോൾ, എങ്ങനെ, അടിസ്ഥാ​ന​ബൈ​ബിൾസ​ത്യ​ങ്ങളെ പുനഃ​സ്ഥി​തീ​ക​രി​ക്കു​ക​യും വ്യാജ​ബാ​ബി​ലോ​ന്യ ഉപദേ​ശ​ങ്ങളെ തുറന്നു​കാ​ട്ടു​ക​യും​ചെ​യ്‌തു? (ബി) ബൈബിൾ വിദ്യാർത്ഥി​കൾ ഏതു അടിസ്ഥാന ബൈബിൾസ​ത്യ​ങ്ങളെ പുനഃ​സ്ഥാ​പി​ച്ചു?

⁷ ഈ വേശ്യ​യു​ടെ​മേ​ലുള്ള യഹോ​വ​യു​ടെ ന്യായ​വി​ധി​ദി​വസം വരേണ്ടി​യി​രു​ന്നു! (എബ്രായർ 10:30) 1870-കളിൽ തുടങ്ങി ഒരുക്ക​ത്തി​ന്റെ ഒരു കാലഘ​ട്ട​മു​ണ്ടാ​യി​രു​ന്നു. അന്ന്‌ യഹോവ അടിസ്ഥാന ബൈബിൾസ​ത്യ​ങ്ങൾ പുനഃ​സ്ഥി​തീ​ക​രി​ക്കു​ന്ന​തി​നും ബാബി​ലോ​ന്യ വ്യാ​ജോ​പ​ദേ​ശ​ങ്ങളെ തുറന്നു​കാ​ട്ടു​ന്ന​തി​നും തന്റെ ദൂതനെ—ആത്മാർത്ഥ​ത​യുള്ള ബൈബിൾവി​ദ്യാർത്ഥി​ക​ളു​ടെ ഒരു സംഘത്തെ—അയച്ചു. (മലാഖി 3:1എ) ഈ “ദൂതൻ”സംഘം വെളി​പ്പാട്‌ 4:11-ലെ പ്രാവ​ച​നി​ക​വ​ച​നത്തെ അംഗീ​ക​രി​ച്ചു: “ഞങ്ങളുടെ ദൈവം​ത​ന്നെ​യായ യഹോവേ, നീ സകലവും സൃഷ്‌ടി​ച്ച​തു​കൊ​ണ്ടും നിന്റെ ഇഷ്‌ടം ഹേതു​വാ​യി അവ സ്ഥിതി​ചെ​യ്യു​ക​യും സൃഷ്‌ടി​ക്ക​പ്പെ​ടു​ക​യും ചെയ്‌ത​തു​കൊ​ണ്ടും നീ മഹത്വ​വും ബഹുമാ​ന​വും ശക്തിയും സ്വീക​രി​ക്കാൻ യോഗ്യ​നാ​കു​ന്നു.” ഈ “ദൂതൻ” മനുഷ്യ​വർഗ്ഗത്തെ വീണ്ടെ​ടു​ക്കാ​നുള്ള ദൈവ​ത്തി​ന്റെ കരുത​ലായ, യേശു​വി​ന്റെ മറുവി​ല​യാ​ഗ​ത്തി​ന്റെ ഒരു തുറന്ന വക്താവു​മാ​യി​ത്തീർന്നു. വീണ്ടെ​ടു​ക്ക​പ്പെട്ട മനുഷ്യ​വർഗ്ഗ​ത്തിൽ, ആദ്യം യേശു​വി​നോ​ടു​കൂ​ടെ അവന്റെ സ്വർഗ്ഗീ​യ​രാ​ജ്യ​ത്തിൽ ഭരിക്കാ​നുള്ള “ചെറിയ ആട്ടിൻകൂ​ട്ട​വും,” പിന്നീട്‌ പരദീ​സാ​ഭൂ​മി​യിൽ എന്നേക്കും ജീവി​ക്കുന്ന സഹസ്ര​ല​ക്ഷ​ങ്ങ​ളും ഉൾപ്പെ​ടും—അവരിൽ അധിക​വും മരിച്ച​വ​രിൽനിന്ന്‌ ഉയർപ്പി​ക്ക​പ്പെ​ടു​ന്ന​വ​രാണ്‌. (ലൂക്കോസ്‌ 12:32; 1 യോഹ​ന്നാൻ 2:2; പ്രവൃ​ത്തി​കൾ 24:15) അതെ, ബൈബിൾവി​ദ്യാർത്ഥി​കൾ ഈ അടിസ്ഥാ​ന​സ​ത്യ​ങ്ങളെ പുനഃ​സ്ഥാ​പി​ച്ചു; ഒരു ആലങ്കാ​രിക വിധത്തിൽ അവർ ‘നരകത്തിൽ വെള്ള​മൊ​ഴി​ക്കു​ക​യും ബാബി​ലോ​ന്യ നിത്യ​ദണ്ഡന സിദ്ധാ​ന്ത​ത്തി​ലെ തീ കെടു​ത്തു​ക​യും​ചെ​യ്‌തു’!a

8.(എ) ക്രൈ​സ്‌ത​വ​ലോ​ക​ത്തി​ലെ വൈദി​കർ ബൈബിൾവി​ദ്യാർത്ഥി​കളെ നശിപ്പി​ക്കാൻ ശ്രമി​ക്കു​ന്ന​തിന്‌ ഒന്നാം ലോക​മ​ഹാ​യു​ദ്ധത്തെ ഉപയോ​ഗി​ച്ച​തെ​ങ്ങനെ? (ബി) വാച്ച്‌ടവർ സൊ​സൈ​റ​റി​യു​ടെ എട്ട്‌ ഉദ്യോ​ഗ​സ്ഥൻമാർക്ക്‌ ജാമ്യം​നി​ഷേ​ധി​ച്ചു​കൊണ്ട്‌ തടവിൽ പാർപ്പിച്ച ജഡ്‌ജിക്ക്‌ എന്തു സംഭവി​ച്ചു?

⁸ ആയിര​ത്തി​ത്തൊ​ള്ളാ​യി​ര​ത്തി​പ്പ​തി​നാല്‌ എന്ന വർഷം ജാതി​ക​ളു​ടെ കാലങ്ങ​ളു​ടെ അവസാ​നത്തെ കുറി​ക്കു​മെന്ന്‌ ഏതാണ്ട്‌ 40 വർഷം ബൈബിൾവി​ദ്യാർത്ഥി​കൾ ധീരമാ​യി പ്രഖ്യാ​പി​ച്ചു. പ്രതീ​ക്ഷി​ച്ച​തു​പോ​ലെ ആ വർഷം ലോകത്തെ പിടി​ച്ചു​കു​ലു​ക്കുന്ന സംഭവങ്ങൾ വരുത്തി​ക്കൂ​ട്ടി, ഒന്നാം ലോക​മ​ഹാ​യു​ദ്ധം അവയിൽ ഏററം കുറഞ്ഞ​താ​യി​രു​ന്നില്ല. ഹാ, മഹാബാ​ബി​ലോ​ന്റെ ഏററം പ്രമു​ഖ​മായ ഭാഗമായ ക്രൈ​സ്‌ത​വ​ലോ​ക​ത്തി​ലെ വൈദി​കർ വെട്ടി​ത്തു​റന്നു പറയുന്ന ആ ബൈബിൾ വിദ്യാർത്ഥി​കളെ നശിപ്പി​ക്കാൻ ലോക​പ്ര​തി​സ​ന്ധി​യെ ഉപയോ​ഗി​ക്കാൻ ശ്രമിച്ചു! ഒടുവിൽ, 1918-ൽ അവർ രാജ്യ​ദ്രോ​ഹ​ക്കു​റ​റങ്ങൾ കെട്ടി​ച്ച​മച്ച്‌ വാച്ച്‌ ടവർ സൊ​സൈ​റ​റി​യു​ടെ എട്ട്‌ ഉദ്യോ​ഗ​സ്ഥൻമാ​രെ തീവണ്ടി​യിൽ കയററി കാരാ​ഗൃ​ഹ​ത്തി​ലേക്ക്‌ അയപ്പിച്ചു. എന്നാൽ ഒൻപതു മാസം കഴിഞ്ഞ്‌ ആ ഉദ്യോ​ഗ​സ്ഥൻമാർ വിമോ​ചി​ത​രാ​കു​ക​യും പിന്നീട്‌ കുററ​വി​മു​ക്ത​രെന്ന്‌ പ്രഖ്യാ​പി​ക്ക​പ്പെ​ടു​ക​യും ചെയ്‌തു. ഈ ബൈബിൾവി​ദ്യാർത്ഥി​കൾക്കു ജാമ്യം അനുവ​ദി​ക്കാ​തെ തടവിൽ സൂക്ഷി​ച്ചി​രുന്ന ഐക്യ​നാ​ടു​ക​ളി​ലെ ഫെഡറൽ ജഡ്‌ജി മാർട്ടിൻ ററി. മാൻറനെ പയസ്‌ 11-ാമൻ പാപ്പാ “മഹാനായ സെൻറ്‌ ഗ്രിഗ​റി​യു​ടെ ക്രമ​പ്ര​കാ​ര​മുള്ള പ്രഭു” ആക്കി ബഹുമാ​നി​ച്ചു. എന്നാൽ അയാളു​ടെ മഹത്വം അൽപ്പാ​യു​സ്സാ​യി​രു​ന്നു, എന്തു​കൊ​ണ്ടെ​ന്നാൽ 1939-ൽ അയാൾക്ക്‌ രണ്ടു വർഷത്തെ തടവും ഭാരിച്ച പിഴയും വിധി​ക്കു​ക​യു​ണ്ടാ​യി. എന്തു​കൊണ്ട്‌? എന്തു​കൊ​ണ്ടെ​ന്നാൽ അയാൾ മൊത്തം 26 ലക്ഷം രൂപാ കൈക്കൂ​ലി വാങ്ങി ആറ്‌ കോട​തി​വി​ധി​ക​ളിൽ വഞ്ചനകാ​ട്ടി​യ​താ​യി കണ്ടെത്ത​പ്പെട്ടു!

9.യഹോ​വ​യു​ടെ ജനത്തിന്‌ സംഭവി​ച്ചു​കൊ​ണ്ടി​രു​ന്ന​തി​നെ മലാഖി​യു​ടെ പ്രവചനം വിശദീ​ക​രി​ച്ച​തെ​ങ്ങനെ, അതു​കൊണ്ട്‌ ന്യായ​വി​ധി ആരിൽ തുടങ്ങി?

⁹ നാം ഇപ്പോൾത്തന്നെ കണ്ടുക​ഴി​ഞ്ഞ​തു​പോ​ലെ, യഹോ​വ​യു​ടെ ജനം 1918-ൽ കഠിന പരി​ശോ​ധ​ന​യു​ടെ ഒരു കാലഘ​ട്ട​ത്തിൽ പ്രവേ​ശി​ച്ചു. എന്താണു സംഭവി​ച്ചു​കൊ​ണ്ടി​രു​ന്ന​തെന്ന്‌ മലാഖി 3:1-3-ലെ പ്രവാ​ച​കന്റെ കൂടു​ത​ലായ വചനങ്ങൾ വിശദീ​ക​രി​ക്കു​ന്നു: “ജനങ്ങളായ നിങ്ങൾ അന്വേ​ഷി​ക്കു​ന്ന​വ​നായ യഥാർത്ഥ കർത്താ​വും [യഹോവ] ഉടമ്പടി​യു​ടെ [അബ്രാ​ഹാ​മ്യ] ദൂതനും”—യേശു—“തന്റെ ആലയത്തി​ലേക്കു പെട്ടെന്നു വരും.” അതെ, യഹോവ തന്റെ ക്രിസ്‌തു​വു​മാ​യി ന്യായ​വി​ധി​ക്കു​വേണ്ടി വന്നു. യഹോവ അപ്പോൾ ചോദി​ക്കു​ന്നു: “അവന്റെ വരവിന്റെ ദിവസത്തെ ആർ പൊറു​ക്കും, അവൻ പ്രത്യ​ക്ഷ​പ്പെ​ടു​മ്പോൾ ആർ നിൽക്കും? എന്തു​കൊ​ണ്ടെ​ന്നാൽ അവൻ ഊതി​ക്ക​ഴി​ക്കു​ന്ന​വന്റെ തീപോ​ലെ​യും അലക്കു​കാ​രന്റെ കാര​വെള്ളം പോ​ലെ​യും ആയിരി​ക്കും.” 1 പത്രോസ്‌ 4:17 അനുസ​രിച്ച്‌ “ദൈവ​ഗൃഹ”മെന്ന്‌ അവകാ​ശ​പ്പെ​ടു​ന്ന​വ​രി​ലാ​യി​രി​ക്കും ന്യായ​വി​ധി തുടങ്ങുക. അങ്ങനെ യഥാർത്ഥ ക്രിസ്‌ത്യാ​നി​കൾ യഹോ​വ​യു​ടെ സേവന​ത്തി​നു​വേണ്ടി ശുദ്ധീ​ക​രി​ക്ക​പ്പെ​ടു​ക​യും നിർമ്മ​ലീ​ക​രി​ക്ക​പ്പെ​ടു​ക​യും ചെയ്‌തു.

“എന്റെ ജനമേ, . . . അവളെ വിട്ടു​പോ​രുക”!

10.ആയിര​ത്തി​ത്തൊ​ള്ളാ​യി​രത്തി പത്തൊൻപത്‌ ആയതോ​ടെ, ക്രൈ​സ്‌ത​വ​ലോ​ക​ത്തിൻമേ​ലും സകല വ്യാജ​മ​ത​ത്തിൻമേ​ലും എന്തു ദിവ്യ​ന്യാ​യ​വി​ധി വന്നു, മഹാബാ​ബി​ലോന്‌ അത്‌ എന്തിൽ കലാശി​ച്ചു?

¹⁰ മഹാബാ​ബി​ലോ​ന്റെ അനുതാ​പ​മി​ല്ലാത്ത ഒരു ഭാഗമെന്ന നിലയിൽ ക്രൈ​സ്‌ത​വ​ലോ​ക​ത്തി​ലെ വൈദി​കർക്ക്‌ യഹോ​വ​യു​ടെ ന്യായ​വി​ധി​യിൽ നിൽക്കാൻ കഴിഞ്ഞില്ല. ലോക​യു​ദ്ധ​ത്തി​ലെ കൂട്ട​ക്കൊ​ല​യിൽ പങ്കെടു​ത്ത​വ​രും സത്യ​ക്രി​സ്‌ത്യാ​നി​ക​ളു​ടെ പീഡക​രു​മെന്ന നിലയിൽ അവർ തങ്ങളുടെ അങ്കികളെ ഭയങ്കര​മാ​യി കളങ്ക​പ്പെ​ടു​ത്തി. (യിരെ​മ്യാവ്‌ 2:34) ക്രിസ്‌തു​വി​ന്റെ അടുത്തു​വ​രുന്ന സ്വർഗ്ഗീ​യ​രാ​ജ്യ​ത്തെ സ്വാഗ​തം​ചെ​യ്യു​ന്ന​തി​നു പകരം അവർ ഒരു മനുഷ്യ​നിർമ്മിത സർവ്വരാ​ജ്യ​സ​ഖ്യ​ത്തെ പ്രോൽസാ​ഹി​പ്പി​ക്കു​ക​യാ​യി​രു​ന്നു, അവർ അതിനെ “ഭൂമി​യി​ലെ ദൈവ​രാ​ജ്യ​ത്തി​ന്റെ രാഷ്‌ട്രീ​യ​ഭാ​വം” എന്നു വർണ്ണി​ക്കാ​നി​ട​യാ​യി. യഹോവ ക്രൈ​സ്‌ത​വ​ലോ​ക​ത്തിൻമേ​ലും—തീർച്ച​യാ​യും സകല വ്യാജ​മ​ത​ത്തിൻമേ​ലും—ന്യായ​വി​ധി ഉച്ചരി​ച്ചു​ക​ഴി​ഞ്ഞി​രു​ന്നു​വെന്ന്‌ 1919 ആയതോ​ടെ തെളി​വാ​യി​രു​ന്നു! മഹാബാ​ബി​ലോൻ വീണി​രു​ന്നു, മരണത്തിന്‌ വിധി​ക്ക​പ്പെ​ട്ടി​രു​ന്നു! സത്യ​ത്തെ​യും നീതി​യെ​യും സ്‌നേ​ഹി​ക്കുന്ന സകലരും “എന്റെ ജനമേ, അവളുടെ നടുവിൽനിന്ന്‌ പുറത്തു​പോ​രു​ക​യും ഓരോ​രു​ത്ത​നും തന്റെ ദേഹിക്ക്‌ യഹോ​വ​യു​ടെ ഉഗ്ര​കോ​പ​ത്തിൽനിന്ന്‌ വിടുതൽ കൊടു​ക്കു​ക​യും ചെയ്യുക” എന്ന യിരെ​മ്യാവ്‌ 51:45-ലെ പ്രാവ​ച​നി​ക​കൽപ്പ​ന​യ​നു​സ​രിച്ച്‌ പ്രവർത്തി​ക്കാൻ സമയം അതി​ക്ര​മി​ച്ചി​രു​ന്നു.

11, 12.(എ) മഹാബാ​ബി​ലോ​ന്റെ മേലുള്ള ന്യായ​വി​ധി​യെ​ക്കു​റിച്ച്‌ വെളി​പ്പാട്‌ 17:1, 2-ൽ ഒരു ദൂതൻ എന്തു പറയുന്നു? (ബി) മഹാ​വേശ്യ ഇരിക്കുന്ന “പെരു​വെ​ള്ളങ്ങൾ” എന്താണ്‌, അവൾ ഭൂമി​യി​ലെ നിവാ​സി​കളെ “അവളുടെ ദുർവൃ​ത്തി​യു​ടെ വീഞ്ഞി​നാൽ മത്തരാ”ക്കിയ​തെ​ങ്ങനെ?

¹¹ മഹാബാ​ബി​ലോൻ വീണി​രി​ക്കു​ന്നു! എന്നാൽ അവൾ ഇതുവരെ നശിപ്പി​ക്ക​പ്പെ​ട്ടി​ട്ടില്ല. വ്യാജ​മ​ത​ത്തി​ന്റെ ഒരു ലോക​സാ​മ്രാ​ജ്യ​മെന്ന നിലയിൽ അവൾ സാത്താന്റെ ഒരു വിദഗ്‌ദ്ധ​വ​ഞ്ച​ന​യാ​യി ഒരു അൽപ്പകാ​ല​വും​കൂ​ടെ സ്ഥിതി​ചെ​യ്യും. അവളെ സംബന്ധിച്ച ദൈവ​ത്തി​ന്റെ അന്തിമ​വി​ധി എന്താണ്‌? നമുക്കു സംശയ​മില്ല! നമുക്കു നമ്മുടെ ബൈബി​ളിൽ വെളി​പ്പാട്‌ 17:1, 2-ലേക്ക്‌ തിരി​യാം. ഇവിടെ ഒരു ദൂതൻ അപ്പോ​സ്‌ത​ല​നായ യോഹ​ന്നാ​നെ​യും അവനി​ലൂ​ടെ ഇന്നത്തെ പ്രവച​ന​പ​ഠി​താ​ക്ക​ളെ​യും സംബോ​ധ​ന​ചെ​യ്യു​ന്നു: “വരുവിൻ, പെരു​വെ​ള്ള​ങ്ങ​ളു​ടെ​മേൽ ഇരിക്കു​ന്ന​വ​ളായ മഹാ​വേ​ശ്യ​യു​ടെ ന്യായ​വി​ധി ഞാൻ നിന്നെ കാണി​ച്ചു​ത​രാം, ഭൂമി​യി​ലെ രാജാ​ക്കൻമാർ അവളു​മാ​യി ദുർവൃ​ത്തി​യി​ലേർപ്പെ​ടു​ക​യും ഭൂവാ​സി​കൾ അവളുടെ ദുർവൃ​ത്തി​യു​ടെ വീഞ്ഞ്‌ കുടിച്ച്‌ മത്തരാ​കു​ക​യും​ചെ​യ്‌തു.” ഈ “പെരു​വെ​ള്ളങ്ങൾ” എന്ന പദപ്ര​യോ​ഗം ഇത്രയും നാൾ മഹാ​വേ​ശ്യ​യാൽ ഞെരു​ക്ക​പ്പെട്ട പ്രക്ഷുബ്ധ മനുഷ്യ​വർഗ്ഗ​സ​മൂ​ഹ​ങ്ങളെ പരാമർശി​ക്കു​ന്നു. “ഭൂവാ​സി​കൾ” അവളുടെ വീഞ്ഞു കുടിച്ചു മത്തരാ​യെന്ന്‌ പ്രവചനം പ്രസ്‌താ​വി​ക്കു​ന്നു. അവർ മഹാബാ​ബി​ലോ​ന്റെ വ്യാ​ജോ​പ​ദേ​ശ​ങ്ങ​ളും ലൗകിക അധാർമ്മിക നടപടി​ക​ളും മോന്തി​ക്കു​ടി​ക്കു​ക​യും, വിലകു​റഞ്ഞ, വ്യാജ​നിർമ്മി​ത​വീ​ഞ്ഞി​നാൽ ലഹരി​പി​ടി​ച്ച​തു​പോ​ലെ ചാഞ്ചാ​ടി​ന​ട​ക്കു​ക​യും ചെയ്യുന്നു.

¹² യാക്കോബ്‌ 4:4-ൽ നാം ഇങ്ങനെ വായി​ക്കു​ന്നു: “വ്യഭി​ചാ​രി​ണി​കളേ, ലോക​ത്തോ​ടുള്ള സഖിത്വം ദൈവ​ത്തോ​ടുള്ള ശത്രു​ത്വ​മാ​ണെന്ന്‌ നിങ്ങൾ അറിയു​ന്നി​ല്ലേ?” 20-ാം നൂററാ​ണ്ടി​ലെ മതം ലോക​ത്തി​ന്റെ പ്രീതി നേടാൻ തീർത്തും സന്നദ്ധമാണ്‌, അത്‌ ക്രൈ​സ്‌ത​വ​ലോ​ക​ത്തിൽ വിശേ​ഷാൽ സത്യമാണ്‌. അവളുടെ വൈദി​കർ അടുത്തു​വ​രുന്ന യഹോ​വ​യു​ടെ രാജ്യ​ത്തി​ന്റെ സുവാർത്ത പ്രഖ്യാ​പി​ക്കാ​തി​രി​ക്കു​ന്നു​വെന്നു മാത്രമല്ല, ബൈബി​ളി​ലെ സൻമാർഗ്ഗോ​പ​ദേ​ശ​ങ്ങളെ നിർവീ​ര്യ​മാ​ക്കു​ക​യും പള്ളിയം​ഗ​ങ്ങ​ളു​ടെ ഇടയിലെ ലൗകിക അനുവ​ദ​നീ​യ​തക്കു നേരെ കണ്ണടക്കു​ക​യും​ചെ​യ്യു​ന്നു. ജഡിക ദുർവൃ​ത്തി സംബന്ധിച്ച്‌ വൈദി​കർപോ​ലും അത്ര നിർദ്ദോ​ഷി​കളല്ല. അപ്പോ​സ്‌ത​ല​നായ പൗലോസ്‌ അതിനെ തികച്ചും കുററം​വി​ധി​ച്ചു​കൊണ്ട്‌ പറയുന്നു: “വഴി​തെ​റ​റി​ക്ക​പ്പെ​ട​രുത്‌. ദുർവൃ​ത്ത​രോ വിഗ്ര​ഹാ​രാ​ധി​ക​ളോ വ്യഭി​ചാ​രി​ക​ളോ പ്രകൃ​തി​വി​രുദ്ധ ഉദ്ദേശ്യ​ങ്ങൾക്കാ​യി സൂക്ഷി​ക്ക​പ്പെ​ടുന്ന പുരു​ഷൻമാ​രോ പുരു​ഷൻമാ​രോ​ടു​കൂ​ടെ ശയിക്കുന്ന പുരു​ഷൻമാ​രോ . . . ദൈവ​രാ​ജ്യം അവകാ​ശ​മാ​ക്കു​ക​യില്ല. എന്നാലും, നിങ്ങളിൽ ചിലർ അതായി​രു​ന്നു. എന്നാൽ നിങ്ങൾ കഴുകി ശുദ്ധി​യാ​ക്ക​പ്പെ​ട്ടി​രി​ക്കു​ന്നു.”—1 കൊരി​ന്ത്യർ 6:9-11.

“ചെളി​യിൽ ഉരുളു​ന്നു”

13, 14.(എ) ആധുനി​ക​നാ​ളി​ലെ വൈദി​കർ “കഴുകി ശുദ്ധി​യാക്ക”പ്പെട്ടി​ട്ടി​ല്ലെന്ന്‌ ഏതു ദൃഷ്ടാ​ന്തങ്ങൾ പ്രകട​മാ​ക്കു​ന്നു? (ബി) ചർച്ച്‌ ഓഫ്‌ ഇംഗ്ലണ്ടി​ന്റെ ഒരു സിനഡ്‌ സ്വവർഗ്ഗ​സം​ഭോഗ ജനനിക പ്രവർത്ത​ന​ങ്ങളെ സംബന്ധിച്ച്‌ ഏതു മനോ​ഭാ​വം കൈ​ക്കൊ​ണ്ടു, സഭയെ എങ്ങനെ പുനർനാ​മ​ക​രണം ചെയ്യണ​മെന്ന്‌ ഒരു വാർത്താ​ലേ​ഖകൻ നിർദ്ദേ​ശി​ച്ചു? (സി) അപ്പോ​സ്‌ത​ല​നായ പത്രോ​സി​ന്റെ ഏതു വാക്കു​ക​ളോട്‌ വിശ്വാ​സ​ത്യാ​ഗി​ക​ളായ വൈദി​കർ നന്നായി യോജി​ക്കു​ന്നു?

¹³ ആധുനി​ക​നാ​ളി​ലെ വൈദി​കർ “കഴുകി ശുദ്ധി​യാക്ക”പ്പെട്ടി​ട്ടു​ണ്ടോ? കൊള്ളാം, ദൃഷ്ടാ​ന്ത​ത്തിന്‌, ഒരിക്കൽ പ്രോ​ട്ട​സ്‌റ​റൻറ്‌ മതത്തിന്റെ ഒരു ശക്തിദുർഗ്ഗ​മാ​യി​രുന്ന ബ്രിട്ട​നി​ലെ സാഹച​ര്യം നോക്കുക. 1987 നവംബ​റിൽ ബ്രിട്ട​നി​ലെ പ്രധാ​ന​മ​ന്ത്രി ധാർമ്മി​ക​നേ​തൃ​ത്വം കൊടു​ക്കാൻ വൈദി​കരെ ആഹ്വാ​നം​ചെ​യ്‌ത​പ്പോൾ ഒരു ആംഗ്ലിക്കൻ സഭയുടെ റെക്ടർ പറയു​ക​യാണ്‌: “സ്വവർഗ്ഗ സംഭോ​ഗി​കൾക്ക്‌ മറെറ​ല്ലാ​വ​രെ​യും​പോ​ലെ​തന്നെ ലൈം​ഗി​ക​പ്ര​കാ​ശ​ന​ത്തി​നുള്ള അവകാ​ശ​മുണ്ട്‌; നാം അതിലെ നൻമക്കാ​യി നോക്കു​ക​യും [സ്വവർഗ്ഗ​സം​ഭോ​ഗി​ക​ളു​ടെ ഇടയിൽ] വിശ്വ​സ്‌ത​തക്കു പ്രോൽസാ​ഹി​പ്പി​ക്കു​ക​യും വേണം.” ഒരു ലണ്ടൻ ന്യൂസ്‌പേപ്പർ ഇങ്ങനെ റിപ്പോർട്ടു​ചെ​യ്‌തു: “ഒരു ആംഗ്ലിക്കൻ ദൈവ​ശാ​സ്‌ത്ര കോള​ജിൽ സ്വവർഗ്ഗ​സം​ഭോ​ഗ​ന​ട​പ​ടി​കൾ വളരെ പടർന്നു​പി​ടി​ച്ച​തു​കൊണ്ട്‌ സ്‌ററാഫ്‌ മറെറാ​രു കോള​ജിൽനി​ന്നുള്ള വിദ്യാർത്ഥി​കൾ അവിടെ സന്ദർശി​ക്കു​ന്ന​തി​നെ വില​ക്കേ​ണ്ടി​വന്നു.” “ഒരു ലണ്ടൻ ഡിസ്‌ട്രി​ക്‌ടിൽ സ്വവർഗ്ഗ​സം​ഭോ​ഗ​ചാ​യ്‌വുള്ള വൈദി​ക​രു​ടെ എണ്ണം ആകെയു​ള്ള​വ​രിൽ പകുതി​യി​ലേറെ ആയിരി​ക്കാ”മെന്ന്‌ ഒരു പഠനം കണക്കാക്കി. ഒരു ചർച്ച്‌ സിനഡിൽ ചർച്ച്‌ ഓഫ്‌ ഇംഗ്ലണ്ട്‌ വൈദി​ക​രു​ടെ 95 ശതമാനം ദുർവൃ​ത്തി​യെ​യും വ്യഭി​ചാ​ര​ത്തെ​യും പാപങ്ങ​ളാ​യി മുദ്ര​യ​ടിച്ച ഒരു പ്രമേ​യത്തെ പിന്താങ്ങി; എന്നാൽ സ്വവർഗ്ഗ ജനനിക പ്രവർത്ത​ന​ങ്ങളെ പാപമാ​യി മുദ്ര​യ​ടി​ച്ചില്ല; അങ്ങനെ​യുള്ള പ്രവർത്ത​നങ്ങൾ ആദർശ​യോ​ഗ്യ​മ​ല്ലെ​ന്നു​മാ​ത്രം പറയ​പ്പെട്ടു. ഇതി​നെ​ക്കു​റി​ച്ചെ​ല്ലാം അഭി​പ്രാ​യം പറഞ്ഞു​കൊണ്ട്‌, ഒരു വാർത്താ​ലേ​ഖകൻ ചർച്ച്‌ ഓഫ്‌ ഇംഗ്ലണ്ടി​നെ ശരിക്കും സോ​ദോ​മെ​ന്നും ഗോ​മോ​റ​യെ​ന്നും പുനർനാ​മ​ക​ര​ണം​ചെ​യ്യാ​മെന്ന്‌ സൂചി​പ്പി​ച്ചു. “ഒരു അനുവാ​ദാ​ത്മക തലമു​റ​യു​ടെ ഫലങ്ങ​ളെ​ക്കു​റിച്ച്‌ വിചി​ന്ത​നം​ചെ​യ്യു​മ്പോൾ ബ്രിട്ടീ​ഷു​കാർ ഭയചകി​ത​രാ​കു​ക​യാണ്‌” എന്ന്‌ മറെറാ​രു ലണ്ടൻ വർത്തമാ​ന​പ്പ​ത്രം പ്രഖ്യാ​പി​ച്ചു.

¹⁴ വിശ്വാ​സ​ത്യാ​ഗി​ക​ളായ വൈദി​കർ വർഷങ്ങ​ളാ​യി അപ്പോ​സ്‌ത​ല​നായ പത്രോ​സി​ന്റെ വാക്കു​ക​ളോട്‌ എത്ര നന്നായി യോജി​ക്കു​ന്നു: “സത്യ സദൃശ​വാ​ക്യ​ത്തി​ലെ മൊഴി അവർക്ക്‌ സംഭവി​ച്ചി​രി​ക്കു​ന്നു: ‘നായ്‌ അതിന്റെ സ്വന്തം ഛർദ്ദി​യി​ലേക്കു മടങ്ങി​യി​രി​ക്കു​ന്നു, കുളി​പ്പിച്ച പന്നി ചെളി​യിൽ ഉരുളാ​നും’”!—2 പത്രോസ്‌ 2:22.

15.(എ) ക്രൈ​സ്‌ത​വ​ലോ​ക​ത്തി​ലു​ട​നീ​ളം ധാർമ്മി​ക​മൂ​ല്യ​ങ്ങ​ളിൽ ഏതു തകർച്ച ഉണ്ടായി​ട്ടുണ്ട്‌? (ബി) ഈ കഷ്ടകര​മായ വിളവി​ന്റെ ഉത്തരവാ​ദി​ത്വം വഹി​ക്കേ​ണ്ട​താർ?

¹⁵ ക്രൈ​സ്‌ത​വ​ലോ​ക​ത്തി​ലു​ട​നീ​ളം ധാർമ്മി​ക​മൂ​ല്യ​ങ്ങ​ളിൽ ഒരു ഭീകര​മായ തകർച്ച​യുണ്ട്‌—തീർച്ച​യാ​യും മുഴു​ലോ​ക​ത്തി​ലു​മുണ്ട്‌. ചില ജനസമു​ദാ​യ​ങ്ങ​ളിൽ ഇപ്പോൾ വിവാഹം അനാവ​ശ്യ​മാ​ണെന്ന്‌ പരിഗ​ണി​ക്ക​പ്പെ​ടു​ന്നു. വിവാ​ഹി​തർ ദാമ്പത്യ വിശ്വ​സ്‌തത ഫാഷന​ല്ലെന്ന്‌ വിചാ​രി​ക്കു​ന്നു. തങ്ങളുടെ ബന്ധങ്ങളെ നിയമാ​നു​സൃ​ത​മാ​ക്കു​ന്നവർ ചുരു​ങ്ങി​വ​രു​ക​യാണ്‌, നിയമാ​നു​സൃ​ത​മാ​ക്കു​ന്ന​വ​രു​ടെ ഇടയിൽ വിവാ​ഹ​മോ​ച​ന​നി​രക്ക്‌ കുതി​ച്ചു​യ​രു​ക​യാണ്‌. ഐക്യ​നാ​ടു​ക​ളിൽ കഴിഞ്ഞ 25 വർഷക്കാ​ലത്ത്‌ വിവാ​ഹ​മോ​ച​നങ്ങൾ മൂന്നി​ര​ട്ടി​യി​ല​ധി​ക​മാ​യി, ഓരോ വർഷവും പത്തുല​ക്ഷ​ത്തിൽ കവിഞ്ഞു. ബ്രിട്ട​നിൽ 1965 മുതലുള്ള 20 വർഷ ഘട്ടത്തിൽ വിവാ​ഹ​മോ​ച​നങ്ങൾ 41,000-ത്തിൽനിന്ന്‌ 1,75,000 ആയി—നാലി​രട്ടി. അവിവാ​ഹി​തർ ഇരു ലിംഗ​വർഗ്ഗ​ങ്ങ​ളി​ലും​പെട്ട അവിവാ​ഹി​ത​രു​മാ​യി ഒത്തുപാർക്കാൻ കൂടു​ത​ലി​ഷ്ട​പ്പെ​ടു​ന്നു. അനേകർ ഒരു പങ്കാളി​യിൽനിന്ന്‌ മറെറാ​രു പങ്കാളി​യി​ലേക്ക്‌ മാറു​ക​യാണ്‌. ലൈം​ഗി​ക​മാ​യി പകരുന്ന ഭയങ്കര രോഗ​ങ്ങ​ളെ​ക്കു​റിച്ച്‌, മുഖ്യ​മാ​യും എയിഡ്‌സി​നെ​ക്കു​റിച്ച്‌, അവർ വിലപി​ക്കു​ന്നു. അവരുടെ അസാൻമാർഗ്ഗിക ജീവി​ത​ശൈ​ലി​യു​ടെ ഫലമാ​യി​ട്ടാണ്‌ അവ വ്യാപി​ക്കു​ന്ന​തെ​ങ്കി​ലും തങ്ങളുടെ സ്വവർഗ്ഗ​സം​ഭോ​ഗ​ന​ട​പ​ടി​ക​ളിൽ തുടരാൻ അവർ ശാഠ്യം​പി​ടി​ക്കു​ക​യാണ്‌. തെററു ചെയ്യുന്ന പള്ളിയം​ഗ​ങ്ങൾക്ക്‌ ക്രൈ​സ്‌ത​വ​ലോ​ക​ത്തി​ലെ വൈദി​കർ ശിക്ഷണം​കൊ​ടു​ത്തി​ട്ടില്ല. ദുർമ്മാർഗ്ഗ​ത്തി​നു​നേരേ കണ്ണടച്ചി​രി​ക്കുന്ന അളവോ​ളം അവർ ഈ കഷ്ടതര​മായ വിളവിന്‌ ഉത്തരവാ​ദി​ത്വം വഹി​ച്ചേ​തീ​രൂ.—യിരെ​മ്യാവ്‌ 5:29-31.

16.(എ) മഹാബാ​ബി​ലോൻ വീണി​രി​ക്കു​ന്നു​വെന്ന വസ്‌തു​തക്ക്‌ അടിവ​ര​യി​ടു​ന്ന​തെന്ത്‌, വെളി​പ്പാട്‌ 18:2-ലെ ഏത്‌ ദൂത ഉദ്‌ഘോ​ഷം ഉചിത​മാണ്‌? (ബി) ലോകാ​വ​സാ​നത്തെ അതിജീ​വി​ക്കാ​നാ​ഗ്ര​ഹി​ക്കുന്ന എല്ലാവ​രും എന്തു ചെയ്യണം?

¹⁶ വ്യാജ​മ​ത​ലോ​ക​സാ​മ്രാ​ജ്യ​ത്തി​ന്റെ ഈ സങ്കടക​ര​മായ അവസ്ഥ മഹാബാ​ബി​ലോൻ വീണി​രി​ക്കു​ന്നു​വെന്ന വസ്‌തു​തക്ക്‌ അടിവ​ര​യി​ടു​ക​യും ചെയ്യുന്നു. ദൈവം അവളെ ന്യായം​വി​ധിച്ച്‌ നാശത്തി​നു​വേണ്ടി വേർതി​രി​ച്ചി​രി​ക്കു​ക​യാണ്‌. അപ്പോൾ വെളി​പ്പാട്‌ 18:2-ലെ ദൂതന്റെ ഉറച്ച ശബ്ദത്തി​ലുള്ള ഉദ്‌ഘോ​ഷം എത്ര സമുചി​ത​മാണ്‌: “അവൾ വീണി​രി​ക്കു​ന്നു! മഹാബാ​ബി​ലോൻ വീണി​രി​ക്കു​ന്നു, അവൾ ഭൂതങ്ങ​ളു​ടെ ഒരു വാസസ്ഥ​ല​വും സകല അശുദ്ധ ഉച്ഛ്വസ​ന​ത്തി​ന്റെ​യും ഒളിസ്ഥ​ല​വും അശുദ്ധ​വും നിന്ദി​ത​വു​മായ ഏതു പക്ഷിയു​ടെ​യും ഒളിസ്ഥ​ല​വും ആയിത്തീർന്നി​രി​ക്കു​ന്നു!” ലോകാ​വ​സാ​നത്തെ അതിജീ​വി​ക്കാ​നാ​ഗ്ര​ഹി​ക്കുന്ന എല്ലാവ​രും 4-ാം വാക്യ​ത്തി​ലെ ആഹ്വാ​ന​ത്തിന്‌ ഉത്തരം കൊടു​ക്കാൻ ഇപ്പോൾ പ്രവർത്തി​ക്കു​ന്നത്‌ എത്ര പ്രധാ​ന​മാണ്‌: “എന്റെ ജനമേ, നിങ്ങൾ അവളുടെ പാപങ്ങ​ളിൽ പങ്കുപ​റ​റാ​നാ​ഗ്ര​ഹി​ക്കു​ന്നി​ല്ലെ​ങ്കിൽ, നിങ്ങൾ അവളുടെ ബാധക​ളു​ടെ ഓഹരി ലഭിക്കാ​നാ​ഗ്ര​ഹി​ക്കു​ന്നി​ല്ലെ​ങ്കിൽ, അവളെ വിട്ടു​പോ​രുക”! വ്യാജ​മ​ത​ത്തിൽനിന്ന്‌ പുറത്തു​പോ​രു​ന്നത്‌ തൊട്ടു​മു​മ്പി​ലുള്ള “മഹോ​പ​ദ്രവ”ത്തെ അതിജീ​വി​ക്കു​ന്ന​തി​നാ​വ​ശ്യ​മായ മർമ്മ​പ്ര​ധാ​ന​മായ നടപടി​യാണ്‌. (വെളി​പ്പാട്‌ 7:14) എന്നാൽ നാം കാണാൻപോ​കു​ന്ന​തു​പോ​ലെ കൂടുതൽ ആവശ്യ​മാണ്‌! (w89 4/15)

[അടിക്കു​റി​പ്പു​കൾ]

[8-ാം പേജിലെ ചതുരം]

വൈദിക ധാർമ്മി​കത

“കഴിഞ്ഞ അഞ്ചു വർഷക്കാ​ലത്ത്‌ ഐക്യ​നാ​ടു​ക​ളിൽ കത്തോ​ലി​ക്കാ പുരോ​ഹി​തൻമാർ ശല്യ​പ്പെ​ടു​ത്തിയ ശതക്കണ​ക്കി​നു കുട്ടികൾ ഗുരു​ത​ര​മായ വൈകാ​രി​കാ​ഘാ​തം അനുഭ​വി​ച്ചി​രി​ക്കു​ന്നു​വെന്ന്‌ കേസു​ക​ളിൽ ഉൾപ്പെ​ട്ടി​രുന്ന മാതാ​പി​താ​ക്ക​ളും മനഃശാ​സ്‌ത്ര​ജ്ഞൻമാ​രും പോലീസ്‌ ഉദ്യോ​ഗ​സ്ഥൻമാ​രും അറേറാർണി​മാ​രും പറയുന്നു.”—ആക്രോൺ ബിക്കൺ ജേണൽ, ജനുവരി 3, 1988.

“പുരോ​ഹി​തൻമാർ തങ്ങളുടെ കുട്ടി​കളെ ലൈം​ഗി​ക​മാ​യി ദ്രോ​ഹി​ച്ചു​വെന്ന്‌ വാദി​ക്കുന്ന കുടും​ബ​ങ്ങൾക്ക്‌ കോടി​ക്ക​ണ​ക്കി​നു രൂപാ നഷ്ടപരി​ഹാ​രം കൊടു​ക്കാൻ ഐക്യ​നാ​ടു​ക​ളി​ലെ റോമൻ കത്തോ​ലി​ക്കാ​സഭ നിർബ​ന്ധി​ത​മാ​ക്ക​പ്പെ​ട്ടി​രി​ക്കു​ന്നു. എന്നിട്ടും, സഭ അങ്ങനെ​യുള്ള കേസു​കളെ അവഗണി​ക്കു​ക​യും മൂടി​വെ​ക്കു​ക​യു​മാ​ണെന്ന്‌ അനേകം നിയമ​ജ്ഞൻമാ​രും ഇരയാ​യ​വ​രും പറയത്ത​ക്ക​വണ്ണം പ്രശ്‌നം വളരെ ഗുരു​ത​ര​മാ​യി​ത്തീർന്നി​രി​ക്കു​ന്നു.”—ദി മിയാമി ഹെറൾഡ്‌, ജനുവരി 3, 1988.

[6-ാം പേജിലെ ചിത്രങ്ങൾ]

ത്രിയേക ദൈവ​ങ്ങ​ളു​ടെ പ്രതി​മകൾ—പുരാതന ഈജി​പ്‌റ​റി​ലെ​യും ക്രൈ​സ്‌ത​വ​ലോ​ക​ത്തി​ലെ​യും

[കടപ്പാട്‌]

Saint-Remi Museum collection, Reims, photo by J. Terrisse

Louvre Museum, Paris

[9-ാം പേജിലെ ചിത്രം]

ബൈബിൾ ദുർമ്മാർഗ്ഗി​ക​ളായ മതനേ​താ​ക്കൻമാ​രെ ചെളി​യിൽ ഉരുളാൻ തിരി​യുന്ന കുളിച്ച പന്നി​യോ​ടു ഉപമി​ക്കു​ന്നു

ഈ ലേഖന​വും അടുത്ത​തും യഹോ​വ​യു​ടെ സാക്ഷി​ക​ളു​ടെ 1988-ലെ ദിവ്യ​നീ​തി ഡിസ്‌ട്രി​ക്‌ററ്‌ കൺ​വെൻ​ഷ​നു​ക​ളിൽ അവതരി​പ്പി​ക്ക​പ്പെട്ട “നിയമി​ത​സ​മയം അടുത്തി​രി​ക്കു​ന്നു” എന്ന സിം​പോ​സി​യ​ത്തി​ലെ സമാപ​ന​പ്ര​സം​ഗ​മാ​യി​രു​ന്നു