വ്യാജ​മ​തം വേ​ശ്യാ​വൃ​ത്തി​യിൽ ഏർപ്പെ​ടു​ന്നു

1.വേശ്യാ​വൃ​ത്തി അനേക​രാൽ വീക്ഷി​ക്ക​പ്പെ​ട്ടി​രി​ക്കു​ന്ന​തെ​ങ്ങനെ?

ചിലർ ഇതിനെ—വേശ്യ​യു​ടെ, വ്യഭി​ചാ​രി​ണി​യു​ടെ അല്ലെങ്കിൽ കുലട​യു​ടെ തൊഴി​ലി​നെ—ഏററം പ്രാകൃ​ത​മായ തൊഴിൽ എന്ന്‌ വിളി​ക്കു​ന്നു. സാധാരണ ഉപയോ​ഗി​ക്കു​ന്ന​ത​നു​സ​രിച്ച്‌, ഈ വാക്കു​കൾക്കെ​ല്ലാം ഒരേ അർത്ഥമാ​ണു​ള്ളത്‌. ഇത്‌ തന്റെ ശരീര​ത്തി​ന്റെ ഉപയോ​ഗത്തെ പുരു​ഷൻമാർക്ക്‌ വിൽക്കുന്ന ഒരു അധാർമ്മിക സ്‌ത്രീ​യെ പരാമർശി​ക്കു​ന്നു. എന്നിരു​ന്നാ​ലും, ഇത്‌ മാന്യ​മായ ഒരു തൊഴി​ലാ​യി കരുത​പ്പെ​ട്ടി​രുന്ന ഒരു കാലമു​ണ്ടാ​യി​രു​ന്നു!

2, 3.പുരാതന ബാബി​ലോ​നിൽ പുരോ​ഹി​തകൾ നിർവ്വ​ഹിച്ച ധർമ്മം പുരു​ഷൻമാ​രു​ടെ​യും സ്‌ത്രീ​ക​ളു​ടെ​യും വേശ്യാ​വൃ​ത്തി സംബന്ധിച്ച്‌ യിസ്രാ​യേ​ലി​നു നൽകിയ യഹോ​വ​യു​ടെ ന്യായ​പ്ര​മാ​ണ​ത്തോട്‌ എതിരാ​യി​രു​ന്ന​തെ​ങ്ങനെ?

² പുരാതന ബാബി​ലോ​ന്റെ പൗരോ​ഹി​ത്യ​ത്തെ​ക്കു​റിച്ച്‌ സംസാ​രി​ച്ചു​കൊണ്ട്‌ ബൈബിൾപു​രാ​വ​സ്‌തു​ശാ​സ്‌ത്ര പ്രാമാ​ണി​ക​നാ​യി​രുന്ന പ്രൊ​ഫസർ എസ്‌. എച്ച്‌. ഹൂക്ക്‌ പ്രസ്‌താ​വി​ച്ചു: “പൗരോ​ഹി​ത്യം പുരു​ഷൻമാർക്ക്‌ മാത്ര​മു​ള്ള​താ​യി​രു​ന്നില്ല. പിന്നെ​യോ സ്‌ത്രീ​കൾ വലിയ ക്ഷേത്ര​ങ്ങ​ളി​ലെ ഉദ്യോ​ഗ​സ്ഥ​വൃ​ന്ദ​ത്തി​ന്റെ ഭാഗമാ​യി​രു​ന്നു. പുരോ​ഹി​ത​ക​ളു​ടെ ഗണത്തി​ലാ​യി​രി​ക്കു​ന്നത്‌ ഒരു ബഹുമ​തി​യാ​യി കണക്കാ​ക്കി​യി​രു​ന്നു. തങ്ങളുടെ പുത്രി​മാ​രെ പൗരോ​ഹി​ത്യ​ജോ​ലി​ക്കാ​യി സമർപ്പിച്ച പല രാജാ​ക്കൻമാ​രെ കുറിച്ച്‌ നാം കേൾക്കു​ന്നു. . . . അവരുടെ ഏററം പ്രധാന പ്രവർത്തനം വിശു​ദ്ധ​വേ​ശ്യ​ക​ളെന്ന നിലയിൽ കാലാ​കാ​ല​ങ്ങ​ളി​ലുള്ള വലിയ പെരു​ന്നാ​ളു​ക​ളിൽ സേവി​ക്കുക എന്നതാ​യി​രു​ന്നു. . . .ഇഷ്ടാറി​ന്റെ [യുദ്ധത്തി​ന്റെ​യും സമൃദ്ധി​യു​ടെ​യും ദേവി] ക്ഷേത്ര​ത്തിൽ സാധാ​ര​ണ​യാ​യി അത്തരം സ്‌ത്രീ​ക​ളു​ടെ വലി​യോ​രു ഗണംത​ന്നെ​യു​ണ്ടാ​യി​രു​ന്നു.”

³ ഇത്‌ യിസ്രാ​യേൽ ജനത യഹോ​വ​യാം ദൈവ​ത്തിന്‌ അർപ്പി​ക്കേണ്ട ആരാധ​ന​യിൽനിന്ന്‌ തികച്ചും വ്യത്യ​സ്‌ത​മാ​യി​രു​ന്നു. ന്യായ​പ്ര​മാ​ണം വ്യക്തമാ​യി പ്രസ്‌താ​വി​ച്ചു: “യിസ്രാ​യേൽ പുത്രി​മാ​രിൽ ആരും ഒരു ആലയ വ്യഭി​ചാ​രി​ണി ആകരുത്‌. യിസ്രാ​യേൽ പുത്രൻമാ​രി​ലും ആരും ഒരു ആലയ വ്യഭി​ചാ​രി [സ്വവർഗ്ഗ​സം​ഭോ​ഗം ചെയ്യു​ന്നവൻ] ആകരുത്‌. നീ ഒരു വേശ്യ​യു​ടെ കൂലി​യോ ഒരു നായയു​ടെ വിലയോ നിന്റെ ദൈവ​മായ യഹോ​വ​യു​ടെ ഭവനത്തി​ലേക്ക്‌ യാതൊ​രു നേർച്ച​യാ​യി​ട്ടും കൊണ്ടു​വ​ര​രുത്‌. എന്തു​കൊ​ണ്ടെ​ന്നാൽ അത്‌ നിങ്ങളു​ടെ ദൈവ​മായ യഹോ​വക്ക്‌ അറപ്പാ​കു​ന്നു.” (ആവർത്തനം 23:17, 18) അതു​കൊണ്ട്‌, ദൈവ​ത്തി​ന്റെ വിശു​ദ്ധ​സ്ഥ​ലത്ത്‌ ഒരു വേശ്യ​യു​ടെ കൂലി ഒരു സംഭാ​വ​ന​യെന്ന നിലയിൽ സ്വീകാ​ര്യ​മാ​യി​രു​ന്നില്ല. മതപര​മായ യാതൊ​രു ബന്ധവും ഇല്ലാതുള്ള വേശ്യാ​വൃ​ത്തി​പോ​ലും നിന്ദ്യ​മാ​യി​രു​ന്നു. യിസ്രാ​യേ​ല്യ​രോട്‌ ഇപ്രകാ​രം കൽപ്പി​ക്ക​പ്പെട്ടു: “ദേശം വാസ്‌ത​വ​മാ​യി ദുഷ്‌ക്കർമ്മം​കൊണ്ട്‌ നിറയാ​തി​രി​ക്കേ​ണ്ട​തി​നും ദേശം വേശ്യാ​വൃ​ത്തി ചെയ്യാ​തി​രി​ക്കേ​ണ്ട​തി​നും നിന്റെ മകളെ ഒരു വേശ്യ​യാ​ക്കി​ക്കൊണ്ട്‌ അവളെ അശുദ്ധ​യാ​ക്ക​രുത്‌.” ഒരു “വെറു​പ്പായ കാര്യ”മായി വർണ്ണി​ക്ക​പ്പെ​ട്ടി​രി​ക്കുന്ന വേശ്യാ​വൃ​ത്തി​ക്കും സ്വവർഗ്ഗ​സം​ഭോ​ഗ​ത്തി​നു​മെ​തി​രെ​യുള്ള നിയമങ്ങൾ ആ ജാതിക്ക്‌ ആത്മീയ​മാ​യും ശാരീ​രി​ക​മാ​യും ഒരു സംരക്ഷ​ണ​മാ​യി​രു​ന്നു.—ലേവ്യ​പു​സ്‌തകം 19:29; 20:13.

ആത്മീയ വേശ്യാ​വൃ​ത്തി അതിലും മോശം

4.ഏററം മോശ​മായ തരത്തി​ലുള്ള വേശ്യാ​വൃ​ത്തി ഏതാണ്‌?

⁴ എന്നാൽ ദൈവ​ത്തി​ന്റെ വീക്ഷണ​ത്തിൽ വളരെ മോശ​മായ തരത്തി​ലുള്ള ഒരു വേശ്യാ​വൃ​ത്തി​യുണ്ട്‌—ആത്മീയ വേശ്യാ​വൃ​ത്തി. അല്ലെങ്കിൽ സത്യ​ദൈ​വത്തെ ആരാധി​ക്കു​ന്നു​വെന്ന്‌ അവകാ​ശ​പ്പെ​ടു​മ്പോൾതന്നെ വാസ്‌ത​വ​ത്തിൽ മററ്‌ ദൈവ​ങ്ങൾക്ക്‌ ആരാധ​ന​യും സ്‌നേ​ഹ​വും നൽകൽ. പുരാതന യരുശ​ലേം തന്റെ വേശ്യാ​വൃ​ത്തി​യെ ഒരു പടികൂ​ടെ മുമ്പോ​ട്ടു കൊണ്ടു​പോ​യി. അവൾ സത്യാ​രാ​ധ​നയെ മലിന​മാ​ക്കി​ക്കൊണ്ട്‌ ആത്മീയ ദുർവൃ​ത്തി​യി​ലേർപ്പെട്ട ജനതകൾക്ക്‌ സമ്മാനങ്ങൾ നൽകി.—യെഹെ​സ്‌ക്കേൽ 16:34.

5, 6.ഈ ഇരുപ​താം നൂററാ​ണ്ടിൽ ആര്‌ ആത്മീയ വേശ്യാ​വൃ​ത്തി ചെയ്യുന്നു, അത്‌ ഏത്‌ ചോദ്യ​ങ്ങ​ളി​ലേക്ക്‌ നയിക്കു​ന്നു?

⁵ ഈ ഇരുപ​താം നൂററാ​ണ്ടിൽപോ​ലും ലോക മതവ്യ​വ​സ്ഥി​തി​യിൽ ആത്മീയ വേശ്യാ​വൃ​ത്തി സാധാ​ര​ണ​മാണ്‌. ക്രൈ​സ്‌ത​വ​ലോ​ക​മാണ്‌ ആ വ്യവസ്ഥി​തി​യു​ടെ—“വേശ്യ​മാ​രു​ടെ​യും ഭൂമി​യി​ലെ മ്ലേച്ഛത​ക​ളു​ടെ​യും മാതാ​വായ മഹാബാ​ബി​ലോൻ” എന്ന്‌ ബൈബിൾ വിളി​ക്കുന്ന വ്യവസ്ഥി​തി​യു​ടെ—ഏററം പ്രമു​ഖ​ഭാ​ഗം.—വെളി​പ്പാട്‌ 17:5.

⁶ എന്നാൽ മഹാബാ​ബി​ലോ​ന്റെ അന്തിമ ന്യായ​വി​ധി എന്താണ്‌? ആ അന്തിമ ഫലം നിങ്ങ​ളെ​യും നിങ്ങളു​ടെ പ്രിയ​പ്പെ​ട്ട​വ​രെ​യും എങ്ങനെ ബാധി​ക്കും? ദൈവം പുരാതന യിസ്രാ​യേ​ലിൽ വേശ്യ​കളെ പ്രതി​കൂ​ല​മാ​യി ന്യായം വിധി​ച്ചെ​ങ്കിൽ അവൻ ആധുനിക ആത്മീയ വേശ്യാ​വൃ​ത്തി സംബന്ധിച്ച്‌ എന്തു ചെയ്യും? പിൻവ​രുന്ന ലേഖനങ്ങൾ ആ ചോദ്യ​ങ്ങ​ളും അവയോട്‌ ബന്ധപ്പെ​ട്ട​വ​യും പരി​ശോ​ധി​ക്കും. (w89 4/15)