അന്ത്യനാ​ളു​കൾ—അടുത്ത​താ​യി എന്ത്‌?

“ഞാൻ നിങ്ങ​ളോ​ടു സത്യം പറയുന്നു, ഈ കാര്യ​ങ്ങ​ളെ​ല്ലാം സംഭവി​ക്കു​ന്ന​തു​വരെ തീർച്ച​യാ​യും ഈ തലമുറ നീങ്ങി​പ്പോ​കു​ക​യില്ല.”—യേശു​ക്രി​സ്‌തു, മത്തായി 24:34, ന്യൂ ഇൻറർനാ​ഷനൽ വേർഷൻ.

യേശു “വ്യവസ്ഥി​തി​യു​ടെ . . . സമാപ​ന​ത്തി​ന്റെ അടയാളം” വിശദീ​ക​രി​ച്ചു​കൊ​ണ്ടി​രു​ന്ന​പ്പോൾ വിസ്‌മ​യാ​ധീ​ന​രായ തന്റെ ശിഷ്യൻമാ​രോട്‌ പറഞ്ഞതാണ്‌ മേലു​ദ്ധ​രിച്ച വാക്കുകൾ. (മത്തായി 24:3) ഇപ്പോൾ, “തലമുറ” എന്ന വാക്കി​നാൽ യേശു എന്താണ്‌ അർത്ഥമാ​ക്കി​യത്‌? ഏതു സംഭവങ്ങൾ വ്യവസ്ഥി​തി​യു​ടെ അവസാ​ന​ത്തി​ലേക്കു നയിക്കും? മററു വാക്കു​ക​ളിൽ പറഞ്ഞാൽ, സത്വര​ഭാ​വി​യി​ലെ ഏതു സംഭവ​ങ്ങൾക്കാണ്‌ നാം കാത്തി​രി​ക്കേ​ണ്ടത്‌?

ഒരു തലമു​റക്ക്‌ എന്തു നീളമു​ണ്ടാ​കാം?

ഒന്നാം ലോക​മ​ഹാ​യു​ദ്ധ​ത്തിൽ 47,43,826 യു.എസ്‌. സ്‌ത്രീ​പു​രു​ഷൻമാർ പങ്കെടു​ത്തെന്ന്‌ ദി അമേരി​ക്കൻ ലീജിയൻ മാഗസിൻ ചൂണ്ടി​ക്കാ​ട്ടി. എന്നാൽ 1984-ൽ അവരിൽ 2,72,000 പേർ മാത്രമേ ജീവി​ച്ചി​രു​ന്നു​ള്ളു. അവർ ഓരോ മണിക്കൂ​റി​ലും ശരാശരി ഒൻപതു​പേർ വീതം മരിച്ചു​കൊ​ണ്ടി​രി​ക്കു​ക​യാ​യി​രു​ന്നു. അപ്പോൾ 1914-ലെ ആ തലമുറ ഇപ്പോൾത്തന്നെ അപ്രത്യ​ക്ഷ​പ്പെ​ട്ടു​ക​ഴി​ഞ്ഞു​വെന്ന്‌ അതിനർത്ഥ​മു​ണ്ടോ?

യേശു​വി​ന്റെ വാക്കു​ക​ളെ​ക്കു​റി​ച്ചുള്ള തങ്ങളുടെ വിവര​ണ​ങ്ങ​ളിൽ മത്തായി​യും മർക്കോ​സും ലൂക്കോ​സും തലമു​റക്ക്‌ ഉപയോ​ഗിച്ച ഗ്രീക്ക്‌പദം ജനിയാ ആണ്‌. സന്ദർഭ​മ​നു​സ​രിച്ച്‌ അതിന്‌ വ്യത്യസ്‌ത പ്രാ​യോ​ഗി​ക​ത​ക​ളു​ണ്ടാ​യി​രി​ക്കാൻ കഴിയും. എന്നിരു​ന്നാ​ലും, പുതി​യ​നി​യമ ദൈവ​ശാ​സ്‌ത്ര​ത്തി​ന്റെ പുതിയ അന്തർദ്ദേ​ശീയ നിഘണ്ടു അതിനെ ഇങ്ങനെ നിർവ​ചി​ക്കു​ന്നു: “ഒരേ കാലത്തു ജനിച്ചവർ . . . ഒരുവന്റെ സമകാ​ലീ​ന​രു​ടെ സമൂഹം, ഒരു യുഗം എന്ന അർത്ഥവും അതി​നോ​ടു ബന്ധപ്പെ​ട്ടി​രി​ക്കു​ന്നു.” പുതിയ നിയമ​ത്തി​ന്റെ ഒരു ഗ്രീക്ക്‌-ഇംഗ്ലീഷ്‌ ലക്‌സി​ക്കൻ ഇങ്ങനെ പ്രസ്‌താ​വി​ക്കു​ന്നു: “ഒരേ കാലത്തു ജനിച്ച​വ​രു​ടെ ആകെ മൊത്തം, ഒരു നിശ്ചി​ത​കാല തലമു​റ​യിൽ ജീവി​ക്കുന്ന എല്ലാവ​രെ​യും, സമകാ​ലീ​നരെ, ഉൾപ്പെ​ടു​ത്താൻ വികസി​ത​മാ​യത്‌.” ഈ നിർവ​ച​നങ്ങൾ ഒരു ചരി​ത്ര​പ്ര​ധാന സംഭവ​കാ​ലത്ത്‌ ജനിച്ച എല്ലാവ​രെ​യും, ആ കാലത്ത്‌ ജീവി​ച്ചി​രുന്ന എല്ലാവ​രെ​യും, ഉൾപ്പെ​ടു​ത്താൻ അനുവ​ദി​ക്കു​ന്നു.

ജെ. ഏ. ബംഗൽ തന്റെ പുതിയ നിയമ പദ പഠനങ്ങ​ളിൽ ഇങ്ങനെ പ്രസ്‌താ​വി​ക്കു​ന്നു: “എബ്രായർ ഒരു തലമു​റ​യാ​യി കണക്കാ​ക്കു​ന്നത്‌ 75 വർഷ​ത്തെ​യാണ്‌. നീങ്ങി​പ്പോ​കു​ക​യില്ല, എന്ന വാക്കുകൾ സകലവും നിവൃ​ത്തി​യാ​കു​ന്ന​തി​നു മുമ്പ്‌ തീർച്ച​യാ​യും [യേശു​വി​ന്റെ നാളിലെ] ആ തലമുറ മുഴു​വ​നു​മല്ല, അധിക​പ​ങ്കും നീങ്ങി​പ്പോ​യി​രി​ക്ക​ണ​മെന്ന്‌ സൂചി​പ്പി​ക്കു​ന്നു.” യരുശ​ലേം നശിപ്പി​ക്ക​പ്പെട്ട ക്രി. വ. 70-ാം ആണ്ടോടെ അതു സത്യമാ​യി​ത്തീർന്നു.

അതു​പോ​ലെ, ഇന്ന്‌, 1914-ലെ തലമു​റ​യിൽ അധിക​പ​ങ്കും നീങ്ങി​പ്പോ​യി​രി​ക്കു​ക​യാണ്‌. എന്നിരു​ന്നാ​ലും, ആ വർഷമോ അതിനു​മു​മ്പോ ജനിച്ച ദശലക്ഷങ്ങൾ ഇപ്പോ​ഴും ഭൂമി​യി​ലുണ്ട്‌. അവരുടെ സംഖ്യ കുറഞ്ഞു​വ​രു​ക​യാ​ണെ​ങ്കി​ലും യേശു​വി​ന്റെ വാക്കുകൾ നിവർത്തി​ക്കും, “ഈ കാര്യ​ങ്ങ​ളെ​ല്ലാം സംഭവി​ക്കു​ന്ന​തു​വരെ തീർച്ച​യാ​യും ഈ തലമുറ നീങ്ങി​പ്പോ​കു​ക​യില്ല.” ഇത്‌ കള്ളനെ​പ്പോ​ലെ​യുള്ള, യഹോ​വ​യു​ടെ ദിവസം ആസന്നമാ​യി​രി​ക്കു​ന്നു​വെന്ന്‌ വിശ്വ​സി​ക്കു​ന്ന​തിന്‌ മറെറാ​രു കാരണ​മാണ്‌. അതു​കൊണ്ട്‌ ഏതു സംഭവങ്ങൾ ക്രിസ്‌ത്യാ​നി​കളെ ഉണർന്നി​രി​ക്കാൻ ജാഗരൂ​ക​രാ​ക്കണം?

“സമാധാ​ന​വും സുരക്ഷി​ത​ത്വ​വും” പെട്ടെന്ന്‌?

“യഹോ​വ​യു​ടെ ദിവസം കൃത്യ​മാ​യി രാത്രി​യി​ലെ ഒരു കള്ളനെ​പ്പോ​ലെ വരുന്നു​വെന്ന്‌ നിങ്ങൾക്കു​തന്നെ നന്നായി അറിയാം. അവർ ‘സമാധാ​ന​വും സുരക്ഷി​ത​ത്വ​വും!’ എന്നു പറയു​ന്ന​തെ​പ്പോ​ഴാ​യാ​ലും അപ്പോൾ അവരു​ടെ​മേൽ പെട്ടെ​ന്നുള്ള നാശം ക്ഷണത്തിൽ വരാനി​രി​ക്കു​ക​യാണ്‌.”—1 തെസ്സ​ലോ​നീ​ക്യർ 5:2, 3.

രണ്ടാം ലോക​മ​ഹാ​യു​ദ്ധ​ത്തി​ന്റെ 1945-ലെ അവസാ​നം​മു​തൽ രണ്ട്‌ എതിർശ​ക്തി​ക​ളായ ഐക്യ​നാ​ടു​ക​ളും സോവ്യ​ററ്‌ യൂണി​യ​നും അന്യോ​ന്യം മത്‌സ​രി​ക്കവേ മനുഷ്യ​വർഗ്ഗം യുദ്ധത്തി​ന്റെ വക്കിൽ ആടിനി​ന്നി​രി​ക്കു​ന്നു. 1962-ലെ ക്യൂബൻ മിസൈൽ പ്രതി​സന്ധി അപകട​ക​ര​മായ ഒരു നേരി​ട്ടുള്ള ഏററു​മു​ട്ട​ലാ​യി​രു​ന്നു. എന്നാൽ സോവ്യ​ററ്‌ യൂണിയൻ അതിന്റെ മി​സൈ​ലു​കൾ ക്യൂബാ​യിൽനി​ന്നു പിൻവ​ലി​ച്ചു. ഐക്യ​നാ​ടു​കൾ ഒതുക്ക​ത്തിൽ അതിന്റെ മി​സൈ​ലു​കൾ ടർക്കി​യിൽ നിന്നു നീക്കം ചെയ്‌തു. ഇത്‌ ശീതസ​മ​ര​ത്തി​ന്റെ അനേകം പ്രത്യ​ക്ഷ​ത​ക​ളിൽ ഒന്നു മാത്ര​മാ​യി​രു​ന്നു.

നിരാ​യു​ധീ​ക​രണം ദശാബ്ദ​ങ്ങ​ളിൽ വാദ​പ്ര​തി​വാ​ദ​ത്തി​നുള്ള ഒരു വിഷയ​മാ​യി​രി​ക്കു​ന്നു, അത്‌ ഇരു രാജ്യ​ങ്ങൾക്കും ഒരു പ്രചാ​ര​ണ​വ്യാ​യാ​മ​മാ​യി കലാശി​ച്ചി​രി​ക്കു​ന്നു. ഇപ്പോൾ, സെക്ര​ട്ടറി ഗോർബ​ച്ചേ​വി​ന്റെ ഗ്ലാസ്‌ന​സ്‌ത്‌ (തുറന്ന ഇടപെടൽ) നയത്തിന്റെ ശീതളാ​ന്ത​രീ​ക്ത​ത്തിൽ ന്യൂക്ലി​യർ ആയുധ​സാ​ഹ​ച​ര്യ​ത്തെ ലഘൂക​രി​ക്കു​ന്ന​തി​നെ​ക്കു​റിച്ച്‌ ഗൗരവ​മായ സംസാ​ര​മു​ള്ള​താ​യി കാണ​പ്പെ​ടു​ന്നു. ഇത്‌ പൊതു​ലോ​ക​ത്തിന്‌ ഒരു സാങ്കൽപ്പി​ക​സ​മാ​ധാ​ന​വും സുരക്ഷി​ത​ത്വ​വും കൈവ​രു​ത്തു​ന്ന​തി​ന്റെ നാന്ദി​യാ​ണോ​യെന്ന്‌ നമുക്ക്‌ മുൻകൂ​ട്ടി​ക്കാ​ണാൻ കഴിക​യില്ല. എന്നാൽ ബൈബിൾപ്ര​വ​ച​ന​മ​നു​സ​രിച്ച്‌ ഇതിനു​വേ​ണ്ടി​യാണ്‌ ക്രിസ്‌ത്യാ​നി​കൾ നോക്കി​യി​രി​ക്കു​ന്നത്‌. അത്‌ സംഭവി​ക്കു​മ്പോൾ, പിന്നെ​യെന്ത്‌?

“അവർ ‘സമാധാ​ന​വും സുരക്ഷി​ത​ത്വ​വും’ എന്നു പറയു​ന്ന​തെ​പ്പോ​ഴാ​യാ​ലും അപ്പോൾ” ബൈബി​ളി​ന്റെ സൂക്ഷ്‌മ​പ​ഠി​താ​ക്കൾ കബളി​പ്പി​ക്ക​പ്പെ​ടു​ക​യില്ല—അത്‌ ഐക്യ​രാ​ഷ്‌ട്ര​ങ്ങ​ളിൽനി​ന്നോ വൻശക്തി​ക​ളിൽനി​ന്നു​തന്നെ സ്വത​ന്ത്ര​മാ​യോ പുറ​പ്പെ​ട്ടാ​ലും അങ്ങനെ തന്നെ. ക്രിസ്‌തു മൂലമുള്ള രാജ്യ​ഗ​വൺമെൻറാ​കുന്ന നീതി​യുള്ള ഭരണാ​ധി​പ​ത്യ​ത്തിൽനി​ന്നു​മാ​ത്രമേ യഥാർത്ഥ സമാധാ​ന​വും സുരക്ഷി​ത​ത്വ​വും വരാൻ കഴിക​യു​ള്ളു​വെന്ന്‌ ബൈബിൾ വ്യക്തമാ​യി പ്രകട​മാ​ക്കു​ന്നു.

ആ കാരണ​ത്താൽ, ലോക​നേ​താ​ക്കൻമാർ ഭാവി​യിൽ നടത്തുന്ന സമാധാ​ന​ത്തി​ന്റെ​യും സുരക്ഷി​ത​ത്വ​ത്തി​ന്റെ​യും ഒരു സുപ്ര​ധാന പ്രഖ്യാ​പനം ദൈവം പ്രവർത്ത​ന​ത്തി​ലേക്കു നീങ്ങാ​നുള്ള ഒരു അടയാ​ള​മാ​യി​രി​ക്കും, “കൃത്യ​മാ​യി രാത്രി​യി​ലെ ഒരു കള്ളനെ​പ്പോ​ലെ”തന്നെ വിശ്വാ​സ​ര​ഹിത ലോകത്തെ അതിശ​യി​പ്പി​ച്ചു​കൊണ്ട്‌. അതെ, യഹോ​വ​യെ​യും അവന്റെ സാക്ഷി​ക​ളെ​യും പുച്ഛി​ച്ചി​രി​ക്കുന്ന സഭാപ​ര​വും രാഷ്‌ട്രീ​യ​വു​മായ ശക്തിക​ളു​ടെ​മേൽ “പെട്ടെ​ന്നുള്ള നാശം” നിപതി​ക്കും. നമുക്കിത്‌ എങ്ങനെ അറിയാം?

വെള്ളക്കു​തി​ര​പ്പു​റ​ത്തി​രി​ക്കു​ന്ന​വന്റെ നിർണ്ണാ​യക പ്രവർത്ത​നം

അപ്പോ​ക്ക​ലി​പ്‌സി​ലെ നാലു കുതി​ര​ക്കാ​രു​ടെ ദർശന​ത്തി​ലേക്ക്‌ മടങ്ങി​പ്പോ​കു​മ്പോൾ നാം പരാമർശി​ക്കാത്ത ഒരു കുതി​ര​ക്കാ​ര​നുണ്ട്‌—വെള്ളക്കു​തി​ര​പ്പു​റ​ത്തി​രി​ക്കുന്ന ആദ്യത്തവൻ. ബൈബി​ളെ​ഴു​ത്തു​കാ​രൻ അവനെ ഇങ്ങനെ വർണ്ണി​ക്കു​ന്നു: “ഞാൻ കണ്ടു, നോക്കൂ! ഒരു വെളുത്ത കുതിര; അതിൻമേൽ ഇരിക്കു​ന്ന​വന്‌ ഒരു വില്ലു​ണ്ടാ​യി​രു​ന്നു; അവന്‌ ഒരു കിരീടം കൊടു​ക്ക​പ്പെട്ടു, അവൻ ജയിച്ച​ട​ക്കാ​നും തന്റെ ജയിച്ച​ടക്കൽ പൂർത്തി​യാ​ക്കാ​നും പുറ​പ്പെട്ടു.” ഇത്‌ വെളി​പ്പാട്‌ 19-ാം അദ്ധ്യാ​യ​ത്തിൽ വർണ്ണി​ക്ക​പ്പെ​ട്ടി​രി​ക്കു​ന്ന​വൻത​ന്നെ​യാണ്‌: “നോക്കൂ! ഒരു വെളുത്ത കുതിര. അതിൻമേൽ ഇരിക്കു​ന്നവൻ വിശ്വ​സ്‌ത​നും സത്യവാ​നും എന്നു വിളി​ക്ക​പ്പെ​ടു​ന്നു, അവൻ ന്യായം​വി​ധി​ക്കു​ക​യും നീതി​യോ​ടെ യുദ്ധം​ന​ട​ത്തു​ക​യും ചെയ്യുന്നു. . . .അവൻ ജനതകളെ വെട്ടേ​ണ്ട​തിന്‌ അവന്റെ വായിൽനിന്ന്‌ മൂർച്ച​യുള്ള ഒരു നീണ്ട വാൾ പുറ​പ്പെ​ടു​ന്നു, അവൻ അവരെ ഒരു ഇരുമ്പു​കോൽകൊ​ണ്ടു മേയി​ക്കും.” ഈ ഒരുവൻ ആരാണ്‌? ഇതേ വിവരണം അവന്‌ “രാജാ​ക്കൻമാ​രു​ടെ രാജാ​വും കർത്താ​ക്കൻമാ​രു​ടെ കർത്താ​വും” എന്ന എഴുത​പ്പെട്ട ഒരു നാമമു​ണ്ടെന്ന്‌ നമ്മോടു പറയുന്നു. അത്‌ പുനരു​ത്ഥാ​നം പ്രാപിച്ച ദൈവ​പു​ത്ര​നായ ക്രിസ്‌തു​യേശു ആണ്‌.—വെളി​പ്പാട്‌ 6:2; 19:11-16.

അപ്പോൾ ഈ “രാജാ​ക്കൻമാ​രു​ടെ രാജാ​വിൽനിന്ന്‌” യുദ്ധം ആവശ്യ​മാ​ക്കി​ത്തീർക്കു​ന്ന​തെ​ന്താണ്‌? ദാനി​യേൽ 11-ാം അദ്ധ്യാ​യ​ത്തിൽ പ്രദീ​പ്‌ത​മാ​ക്ക​പ്പെ​ട്ടി​രി​ക്കുന്ന “വടക്കിന്റെ രാജാ​വും” (മുതലാ​ളി​ത്ത​വി​രുദ്ധ പാളയം) “തെക്കിന്റെ രാജാ​വും” (ഐക്യ​നാ​ടു​ക​ളു​ടെ കുടക്കീ​ഴി​ലുള്ള മുതലാ​ളി​ത്ത​രാ​ഷ്‌ട്രങ്ങൾ) ഒരു നിശ്ചലാ​വ​സ്ഥ​യി​ലാ​യി​ത്തീ​രു​ന്നു. (മുൻകൂ​ട്ടി​പ്പ​റ​ഞ്ഞി​രു​ന്ന​തു​പോ​ലെ “വടക്കിന്റെ രാജാവ്‌” ഇപ്പോൾത്തന്നെ, വിശേ​ഷിച്ച്‌ 1945 മുതൽ, അനേകം രാജ്യ​ങ്ങ​ളി​ലേക്ക്‌ കവി​ഞ്ഞൊ​ഴു​കി​യി​രി​ക്കു​ന്നു.)a

അതു​കൊണ്ട്‌, ഇപ്പോ​ഴത്തെ വ്യവസ്ഥി​തിക്ക്‌ അറുതി വരുത്തു​ന്ന​തി​നുള്ള ദൈവ​ത്തി​ന്റെ നിർണ്ണാ​യക ഇടപെ​ട​ലി​നു​മുമ്പ്‌ എന്തുകൂ​ടെ നടക്കണം?

ഒരു ഘട്ടത്തിൽ ഐക്യ​രാ​ഷ്‌ട്ര​ങ്ങ​ളി​ലെ സമൂല​പ​രി​ഷ്‌ക്ക​ര​ണ​വാ​ദി​ക​ളായ രാഷ്‌ട്രീയ ഘടകങ്ങൾ ലോക​ത്തി​ലെ രാഷ്‌ട്രീ​യ​ത്തി​ലി​ട​പെ​ടുന്ന മതങ്ങൾക്കെ​തി​രെ തിരി​യു​ക​യും അവരുടെ മുഖം​മൂ​ടി നീക്കു​ക​യും അന്ധവി​ശ്വാ​സി​ക​ളായ ആളുക​ളു​ടെ​മേ​ലുള്ള അവരുടെ ശക്തിയും നിയ​ന്ത്ര​ണ​വും നശിപ്പി​ക്കു​ക​യും​ചെ​യ്യും.—വെളി​പ്പാട്‌ 17:16, 17.b

ലോക​ത്തി​ലെ വ്യാജ​മ​ത​ഘ​ട​ക​ങ്ങ​ളു​ടെ ഈ നാശം ഒരു അനന്തര​ഫ​ല​മെന്ന നിലയിൽ യഹോ​വ​യു​ടെ സാക്ഷി​ക​ളു​ടെ​മേൽ ആക്രമണം വരുത്തു​മെ​ന്നു​ള്ള​തിന്‌ സംശയ​മില്ല. ക്രമത്തിൽ ഇത്‌ യഹോ​വ​യു​ടെ രാജാ​വാ​യി വെള്ളക്കു​തി​ര​പ്പു​റത്തു സവാരി​ചെ​യ്യു​ന്ന​വ​നാ​ലുള്ള ഒരു പ്രത്യാ​ക്ര​മ​ണ​ത്തി​ന്റെ കാഞ്ചി വലിച്ചു​വി​ടും. (യെഹെ​സ്‌ക്കേൽ 38:10-12, 21-23) ഇതിന്റെ ഫലത്തെ​ക്കു​റിച്ച്‌ ദാനി​യേൽ 2:44 എന്തു പറയുന്നു? “ആ രാജാ​ക്കൻമാ​രു​ടെ [ഇപ്പോ​ഴത്തെ രാഷ്‌ട്രീ​യ​ശ​ക്തി​ക​ളു​ടെ] കാലത്ത്‌ സ്വർഗ്ഗ​ത്തി​ലെ ദൈവം ഒരിക്ക​ലും നശിപ്പി​ക്ക​പ്പെ​ടു​ക​യി​ല്ലാത്ത ഒരു രാജ്യം സ്ഥാപി​ക്കും. . . . അത്‌ ഈ രാജ്യ​ങ്ങ​ളെ​യെ​ല്ലാം തകർത്ത​വ​സാ​നി​പ്പി​ക്കു​ക​യും അതുതന്നെ അനിശ്ചി​ത​കാ​ല​ങ്ങ​ളോ​ളം നിലനിൽക്കു​ക​യും ചെയ്യും.” അതെ, സാത്താന്റെ ഭൂമി​യി​ലെ ദൃശ്യ​രാ​ഷ്‌ട്രീ​യ​ഘ​ട​ക​ങ്ങൾക്കെ​തി​രാ​യുള്ള ദൈവ​ത്തി​ന്റെ അർമ്മ​ഗെ​ദ്ദോൻയു​ദ്ധം യഹോ​വ​ക്കും അവന്റെ രാജാ​ധി​രാ​ജാ​വി​നും സമ്പൂർണ്ണ​വി​ജ​യ​ത്തിൽ കലാശി​ക്കും.—വെളി​പ്പാട്‌ 16:14-16; 19:17-21.

പിന്നീ​ടെ​ന്തു​ണ്ടാ​കും? സമാധാ​ന​കാം​ക്ഷി​ക​ളും ദൈവ​ഭ​യ​മു​ള്ള​വ​രു​മായ ക്രിസ്‌ത്യാ​നി​ക​ളു​ടെ ചിരകാല അഭിലാ​ഷം—അനുസ​ര​ണ​മുള്ള മനുഷ്യ​വർഗ്ഗ​ത്തിൻമേ​ലുള്ള സഹസ്രാബ്ദ ദൈവ​രാ​ജ്യ​ഗ​വൺമെൻറി​ന്റെ ഭരണം! അന്ന്‌ വെളി​പ്പാട്‌ 21:3, 4-ലെ മഹത്തായ വാഗ്‌ദ​ത്തങ്ങൾ നിറ​വേ​റും: “നോക്കൂ! ദൈവ​ത്തി​ന്റെ കൂടാരം മനുഷ്യ​വർഗ്ഗ​ത്തോ​ടു​കൂ​ടെ​യാ​കു​ന്നു, അവൻ അവരോ​ടു​കൂ​ടെ വസിക്കും, അവർ അവന്റെ ജനങ്ങളാ​യി​രി​ക്കും. ദൈവം തന്നെ അവരോ​ടു​കൂ​ടെ ഉണ്ടായി​രി​ക്കും. അവൻ അവരുടെ കണ്ണുക​ളിൽനിന്ന്‌ കണ്ണുനീ​രെ​ല്ലാം തുടച്ചു​ക​ള​യും, മരണം മേലാൽ ഉണ്ടായി​രി​ക്കു​ക​യില്ല, വിലാ​പ​മോ മുറവി​ളി​യോ വേദന​യോ ഇനി ഉണ്ടായി​രി​ക്ക​യില്ല. മുൻകാ​ര്യ​ങ്ങൾ നീങ്ങി​പ്പോ​യി​രി​ക്കു​ന്നു.”

ആ ശ്രദ്ധേ​യ​മായ ബൈബിൾപ്ര​വ​ച​ന​ങ്ങ​ളെ​ക്കു​റി​ച്ചും അവ വ്യക്തി​പ​ര​മാ​യി നമുക്ക്‌ എന്തർത്ഥ​മാ​ക്കു​ന്നു​വെ​ന്ന​തി​നെ​ക്കു​റി​ച്ചും കൂടുതൽ വിവരങ്ങൾ ലഭിക്കാൻ നിങ്ങൾ ആഗ്രഹി​ക്കു​ന്നു​വെ​ങ്കിൽ ദയവായി നിങ്ങളു​ടെ പ്രദേ​ശത്തെ യഹോ​വ​യു​ടെ സാക്ഷി​കളെ സമീപി​ക്കുക. അല്ലെങ്കിൽ നിങ്ങളു​ടെ രാജ്യത്തെ ഈ മാസി​ക​യു​ടെ പ്രസാ​ധ​കർക്കെ​ഴു​തുക. (g88 4/8)

[അടിക്കു​റി​പ്പു​കൾ]

[14-ാം പേജിലെ ആകർഷ​ക​വാ​ക്യം]

തലമുറ—“ഒരേ കാലത്തു ജനിച്ച​വ​രു​ടെ ആകെ മൊത്തം, ഒരു നിശ്ചി​ത​കാ​ലത്ത്‌ ജീവി​ക്കുന്ന എല്ലാവ​രെ​യും, . . . ഉൾപ്പെ​ടു​ത്താൻ വികസി​ത​മാ​യത്‌.”—“പുതിയ നിയമ​ത്തി​ന്റെ ഒരു ഗ്രീക്ക്‌-ഇംഗ്ലീഷ്‌ ലെക്‌സി​ക്കൻ”

[16-ാം പേജിലെ ആകർഷ​ക​വാ​ക്യം]

ഐക്യരാഷ്‌ട്രങ്ങളിലെ സമൂല​പ​രി​ഷ്‌ക്ക​ര​ണ​വാ​ദി​ക​ളായ രാഷ്‌ട്രീ​യ​ഘ​ട​കങ്ങൾ ലോക​ത്തി​ലെ രാഷ്‌ട്രീ​യ​ത്തി​ലി​ട​പെ​ടുന്ന മതങ്ങൾക്കെ​തി​രെ തിരി​യു​മെന്ന്‌ ബൈബിൾപ്ര​വ​ചനം സൂചി​പ്പി​ക്കു​ന്നു.

[15-ാം പേജിലെ ചിത്രം]

അർമ്മഗെദ്ദോനുശേഷം ദൈവ​ത്തി​ന്റെ സമാധാ​ന​ത്തി​ന്റെ​യും നീതി​യു​ടെ​യും പുതിയ ലോക​ത്തിൽ ‘മുൻകാ​ര്യ​ങ്ങൾ നീങ്ങി​പ്പോ​യി​രി​ക്കും.’—വെളി​പ്പാട്‌ 21:3, 4