നിങ്ങൾ ‘സദാ ജാഗരൂ​ക​രാ​യി​രി​ക്കു​മോ?’

1, 2. (എ) അന്ത്യനാ​ളു​ക​ളെ​ക്കു​റിച്ച്‌ യേശു എന്തു വെളി​പ്പെ​ടു​ത്തി? (ബി) നമ്മൾ ഏതു ചോദ്യ​ങ്ങൾ ചർച്ച ചെയ്യും?

യെരു​ശ​ലേ​മി​ലെ ആലയത്തെ നോക്കി​ക്കൊണ്ട്‌ യേശു ഒലിവു മലയിൽ ഇരിക്കു​ക​യാണ്‌. യേശു​വി​നോ​ടൊ​പ്പം ശിഷ്യ​ന്മാ​രായ പത്രോസ്‌, അന്ത്രെ​യാസ്‌, യാക്കോബ്‌, യോഹ​ന്നാൻ എന്നിവ​രു​മുണ്ട്‌. ഭാവി​യെ​ക്കു​റി​ച്ചുള്ള പുളകം​കൊ​ള്ളി​ക്കുന്ന ഒരു പ്രവച​ന​ത്തെ​ക്കു​റിച്ച്‌ യേശു വിവരി​ക്കു​മ്പോൾ അവർ ശ്രദ്ധ​യോ​ടെ കേട്ടി​രി​ക്കു​ന്നു. യേശു സ്വർഗ​ത്തിൽ രാജാ​വാ​യി വാഴു​മ്പോൾ, ഈ ദുഷ്ട​ലോ​ക​ത്തി​ന്റെ അവസാ​ന​നാ​ളു​ക​ളിൽ സംഭവി​ക്കുന്ന കാര്യ​ങ്ങ​ളാണ്‌ ആ പ്രവചനം വെളി​പ്പെ​ടു​ത്തു​ന്നത്‌. ആവേശ​ക​ര​മായ ആ നാളു​ക​ളിൽ, തന്നെ പ്രതി​നി​ധാ​നം ചെയ്യുന്ന “വിശ്വ​സ്‌ത​നും വിവേ​കി​യു​മായ അടിമ” ഭൂമി​യിൽ ഉണ്ടായി​രി​ക്കു​മെ​ന്നും ആ അടിമ തന്റെ അനുഗാ​മി​കൾക്ക്‌ തക്കസമ​യത്ത്‌ ആത്മീയാ​ഹാ​രം നൽകു​മെ​ന്നും യേശു അവരോട്‌ പറയുന്നു.—മത്താ. 24:45-47.

² അതിനു ശേഷം, അതേ പ്രവച​ന​ത്തിൽത്ത​ന്നെ​യാണ്‌ യേശു പത്തു കന്യക​മാ​രെ​ക്കു​റി​ച്ചുള്ള ഉപമ പറയു​ന്നത്‌. (മത്തായി 25:1-13 വായി​ക്കുക.) ഈ ലേഖന​ത്തിൽ നമ്മൾ പിൻവ​രുന്ന ചോദ്യ​ങ്ങൾക്ക്‌ ഉത്തരം കണ്ടെത്തും: (1) ഈ ഉപമ നൽകുന്ന അടിസ്ഥാ​ന​സ​ന്ദേശം എന്താണ്‌? (2) വിശ്വ​സ്‌ത​രായ അഭിഷി​ക്തർ ഈ ഉപമയി​ലെ ബുദ്ധി​യു​പ​ദേശം ബാധക​മാ​ക്കി​യി​രി​ക്കു​ന്നത്‌ എങ്ങനെ, എന്താണ്‌ അതിന്റെ ഫലം? (3) യേശു​വി​ന്റെ ഉപമയിൽനിന്ന്‌ നമുക്ക്‌ ഓരോ​രു​ത്തർക്കും ഇന്ന്‌ എങ്ങനെ പ്രയോ​ജനം നേടാം?

 3. നമ്മുടെ പ്രസി​ദ്ധീ​ക​ര​ണ​ങ്ങ​ളിൽ പത്തു കന്യക​മാ​രെ​ക്കു​റി​ച്ചുള്ള യേശു​വി​ന്റെ ഉപമ എങ്ങനെ​യാണ്‌ വിശദീ​ക​രി​ച്ചി​രു​ന്നത്‌, അതു​കൊ​ണ്ടുള്ള പ്രശ്‌നം എന്തായി​രു​ന്നു?

³ ഏതാനും പതിറ്റാ​ണ്ടു​ക​ളാ​യി, വിശ്വ​സ്‌ത​നായ അടിമ ചില ബൈബിൾവി​വ​ര​ണങ്ങൾ വിശദീ​ക​രി​ക്കുന്ന വിധത്തിൽ ഭേദഗതി വരുത്തി​യ​താ​യി കഴിഞ്ഞ ലേഖന​ത്തിൽ നമ്മൾ മനസ്സി​ലാ​ക്കി. പ്രതീ​കാ​ത്മ​ക​മോ പ്രാവ​ച​നി​ക​മോ ആയ അർഥങ്ങ​ളേ​ക്കാൾ അധികം ആ വിവര​ണ​ത്തി​ലെ ഗുണപാ​ഠ​ങ്ങൾക്കാണ്‌ അടിമ ഇപ്പോൾ പ്രാധാ​ന്യം കൊടു​ക്കു​ന്നത്‌. പത്തു കന്യക​മാ​രെ​ക്കു​റി​ച്ചുള്ള യേശു​വി​ന്റെ ഉപമ ഉദാഹ​ര​ണ​മാ​യെ​ടു​ക്കാം. ഈ ഉപമയി​ലെ വിളക്കു​കൾ, എണ്ണ, പാത്രം എന്നിവ ഓരോ​ന്നും ആരെ​യെ​ങ്കി​ലും അല്ലെങ്കിൽ എന്തി​നെ​യെ​ങ്കി​ലും പ്രതീ​ക​പ്പെ​ടു​ത്തു​ന്ന​താ​യി നമ്മുടെ പ്രസി​ദ്ധീ​ക​ര​ണ​ങ്ങ​ളിൽ പലപ്പോ​ഴും പറഞ്ഞി​ട്ടുണ്ട്‌. ഉപമയി​ലെ നിസ്സാ​ര​മായ വിശദാം​ശ​ങ്ങ​ളി​ലേക്ക്‌ ശ്രദ്ധ​കൊ​ടു​ക്കു​മ്പോൾ അതിലെ ലളിത​വും അടിയ​ന്തി​ര​പ്രാ​ധാ​ന്യ​മു​ള്ള​തും ആയ സന്ദേശം നഷ്ടപ്പെ​ട്ടു​പോ​കാ​നുള്ള സാധ്യ​ത​യു​ണ്ടോ? ആ ചോദ്യ​ത്തി​നുള്ള ഉത്തരം പ്രാധാ​ന്യം അർഹി​ക്കു​ന്നു.

 4. (എ) ഉപമയി​ലെ മണവാളൻ ആരാ​ണെന്ന്‌ നമുക്ക്‌ എങ്ങനെ തിരി​ച്ച​റി​യാം? (ബി) ഉപമയി​ലെ കന്യക​മാർ ആരാ​ണെന്ന്‌ നമുക്ക്‌ എങ്ങനെ തിരി​ച്ച​റി​യാം?

⁴ യേശു​വി​ന്റെ ഉപമയി​ലെ അടിസ്ഥാ​ന​സ​ന്ദേശം എന്താ​ണെന്ന്‌ നമുക്കു നോക്കാം. ആദ്യമാ​യി, പത്തു കന്യക​മാ​രു​ടെ ഉപമയി​ലെ കഥാപാ​ത്ര​ങ്ങ​ളെ​ക്കു​റിച്ച്‌ ചിന്തി​ക്കുക. ആരാണ്‌ മണവാളൻ? അത്‌ യേശു​വാണ്‌. കാരണം, താനാണ്‌ മണവാ​ള​നെന്ന്‌ യേശു​തന്നെ നേരത്തെ പറഞ്ഞി​ട്ടുണ്ട്‌. (ലൂക്കോ. 5:34, 35) കന്യക​മാർ ആരാണ്‌? അവർ അഭിഷി​ക്ത​ക്രി​സ്‌ത്യാ​നി​ക​ളായ “ചെറിയ ആട്ടിൻകൂട്ട”മാണ്‌. അത്‌ നമുക്ക്‌ എങ്ങനെ അറിയാം? മണവാളൻ വരു​മ്പോൾ ഉപമയി​ലെ കന്യക​മാർ വിളക്കു കത്തിച്ച്‌ ഒരുങ്ങി​യി​രി​ക്കേ​ണ്ട​തു​ണ്ടാ​യി​രു​ന്നു. ഇതിനു സമാന​മായ വാക്കു​ക​ളാണ്‌ യേശു അഭിഷി​ക്ത​രായ തന്റെ അനുഗാ​മി​ക​ളോട്‌ പറഞ്ഞ​തെന്ന്‌ ശ്രദ്ധി​ക്കുക: “നിങ്ങളു​ടെ അര കെട്ടി​യും വിളക്കു കത്തിയും ഇരിക്കട്ടെ. വിവാ​ഹ​ത്തി​നു പോയി​ട്ടു മടങ്ങി​വ​രുന്ന തങ്ങളുടെ യജമാനൻ വാതി​ലിൽ മുട്ടു​മ്പോൾത്തന്നെ അവനു വാതിൽ തുറന്നു​കൊ​ടു​ക്കാൻ കാത്തി​രി​ക്കു​ന്ന​വ​രെ​പ്പോ​ലെ ആയിരി​ക്കണം നിങ്ങൾ.” (ലൂക്കോ. 12:32, 35, 36) കൂടാതെ, അപ്പൊ​സ്‌ത​ല​ന്മാ​രായ പൗലോ​സും യോഹ​ന്നാ​നും ക്രിസ്‌തു​വി​ന്റെ അഭിഷി​ക്ത​രായ അനുഗാ​മി​കളെ നിർമ​ല​ക​ന്യ​ക​മാ​രോ​ടാണ്‌ ഉപമി​ച്ചത്‌. (2 കൊരി. 11:2; വെളി. 14:4) അതു​കൊണ്ട്‌, മത്തായി 25:1-13-ലെ യേശു​വി​ന്റെ ബുദ്ധി​യു​പ​ദേ​ശ​വും മുന്നറി​യി​പ്പും അഭിഷി​ക്ത​രായ അനുഗാ​മി​കൾക്കു​ള്ള​താ​ണെന്ന്‌ നമുക്കു മനസ്സി​ലാ​ക്കാം.

 5. പത്തു കന്യക​മാ​രെ​ക്കു​റി​ച്ചുള്ള ഉപമ ബാധക​മാ​കുന്ന കാലഘട്ടം ഏതാ​ണെന്ന്‌ യേശു വെളി​പ്പെ​ടു​ത്തി​യത്‌ എങ്ങനെ?

⁵ അടുത്ത​താ​യി, ഈ ഉപമയി​ലെ ബുദ്ധി​യു​പ​ദേശം ബാധക​മാ​കുന്ന കാലഘട്ടം ഏതാ​ണെന്നു നോക്കാം. ഉപമയു​ടെ അവസാ​ന​ഭാ​ഗ​ത്താ​യി യേശു പറഞ്ഞ പിൻവ​രുന്ന വാക്കുകൾ ആ കാലഘട്ടം മനസ്സി​ലാ​ക്കാൻ നമ്മെ സഹായി​ക്കും: “മണവാളൻ എത്തി.” (മത്താ. 25:10) മത്തായി 24, 25 അധ്യാ​യ​ങ്ങ​ളി​ലെ പ്രവച​ന​ത്തിൽ യേശു​വി​ന്റെ ‘വരവി’നെക്കു​റി​ച്ചു പറയുന്ന എട്ടു പരാമർശങ്ങൾ 2013 ജൂലൈ 15 വീക്ഷാ​ഗോ​പു​രം ചർച്ച ചെയ്‌തി​രു​ന്നു. തന്റെ ‘വരവ്‌’ എന്നു പറഞ്ഞതി​ലൂ​ടെ യേശു ഉദ്ദേശി​ച്ചത്‌, മഹാക​ഷ്ട​ത്തി​ന്റെ സമയത്ത്‌ ഈ ദുഷ്ട​ലോ​കത്തെ ന്യായം വിധിച്ച്‌ അതിനെ നശിപ്പി​ക്കാൻ താൻ വരുന്ന​തി​നെ​യാണ്‌. അതു​കൊണ്ട്‌, പത്തു കന്യക​മാ​രെ​ക്കു​റി​ച്ചുള്ള ഉപമ ബാധക​മാ​കു​ന്നത്‌ അന്ത്യനാ​ളു​ക​ളി​ലാണ്‌. എന്നാൽ യേശു വരുന്നത്‌ മഹാക​ഷ്ട​ത്തി​ന്റെ സമയത്താ​യി​രി​ക്കും.

 6. ഈ ഉപമയി​ലെ അടിസ്ഥാ​ന​സ​ന്ദേശം എന്ത്‌?

⁶ ഈ ഉപമയിൽനിന്ന്‌ നമുക്കു പഠിക്കാൻ കഴിയുന്ന അടിസ്ഥാ​ന​സ​ന്ദേശം എന്താണ്‌? ഈ ബൈബിൾവി​വ​ര​ണ​ത്തി​ന്റെ പശ്ചാത്ത​ല​ത്തെ​ക്കു​റിച്ച്‌ ഒന്ന്‌ ചിന്തി​ക്കുക. മത്തായി 24-ാം അധ്യാ​യ​ത്തിൽ, വിശ്വ​സ്‌ത​നും വിവേ​കി​യും ആയ അടിമ​യെ​ക്കു​റിച്ച്‌ യേശു വിശദീ​ക​രി​ച്ചു. അന്ത്യനാ​ളു​ക​ളിൽ ക്രിസ്‌തു​വി​ന്റെ അനുഗാ​മി​കളെ നയിക്കുന്ന അഭിഷി​ക്ത​രായ പുരു​ഷ​ന്മാ​രു​ടെ ഒരു ചെറിയ കൂട്ടമാ​യി​രി​ക്കു​മാ​യി​രു​ന്നു ആ അടിമ. വിശ്വ​സ്‌ത​രാ​യി തുടര​ണ​മെന്ന്‌ യേശു അവർക്കു മുന്നറി​യി​പ്പും നൽകി. അടുത്ത അധ്യാ​യ​ത്തിൽ, അന്ത്യനാ​ളു​ക​ളിൽ ജീവി​ക്കുന്ന തന്റെ അഭിഷി​ക്ത​രായ എല്ലാ അനുഗാ​മി​കൾക്കും ബുദ്ധി​യു​പ​ദേശം നൽകാ​നാ​യി, യേശു പത്തു കന്യക​മാ​രെ​ക്കു​റി​ച്ചുള്ള ഉപമ പറഞ്ഞു. സ്വർഗീ​യ​പ്ര​തി​ഫലം നഷ്ടപ്പെ​ട്ടു​പോ​കാ​തി​രി​ക്കാൻ അവർ “സദാ ജാഗരൂ​ക​രാ​യി​രിക്ക”ണം എന്നതാ​യി​രു​ന്നു അതിലെ സന്ദേശം. (മത്താ. 25:13) ഇനി നമുക്ക്‌ ഈ ഉപമ വിശദ​മാ​യി വിശക​ലനം ചെയ്‌ത്‌ അഭിഷി​ക്തർ ഈ ബുദ്ധി​യു​പ​ദേശം എങ്ങനെ ബാധക​മാ​ക്കി​യി​രി​ക്കു​ന്നു എന്നു പരി​ശോ​ധി​ക്കാം.

7, 8. (എ) വിവേ​ക​മ​തി​ക​ളായ കന്യക​മാർ ഒരുങ്ങി​യി​രു​ന്നത്‌ എന്തു​കൊണ്ട്‌? (ബി) ഇന്ന്‌ അഭിഷി​ക്തർ തയ്യാറാ​യി​രി​ക്കു​ന്നത്‌ എങ്ങനെ?

⁷ വിവേ​ക​ഹീ​ന​രായ കന്യക​മാ​രിൽനിന്ന്‌ വ്യത്യ​സ്‌ത​രാ​യി, വിവേ​ക​മ​തി​ക​ളായ കന്യക​മാർ മണവാളൻ വന്നപ്പോൾ ഒരുങ്ങി​യി​രി​ക്കു​ക​യാ​യി​രു​ന്നെന്ന്‌ ഉപമയിൽ യേശു ഊന്നി​പ്പ​റഞ്ഞു. എന്തു​കൊണ്ട്‌? അവർ തയ്യാറാ​യി​രു​ന്നു, ജാഗ്ര​ത​യു​ള്ള​വ​രു​മാ​യി​രു​ന്നു. പത്തു കന്യക​മാ​രും രാത്രി​യിൽ വിളക്ക്‌ കെടാതെ സൂക്ഷി​ച്ചു​കൊണ്ട്‌ ജാഗ്രത പാലി​ക്ക​ണ​മാ​യി​രു​ന്നു. വിളക്കു​ക​ളോ​ടൊ​പ്പം പാത്ര​ങ്ങ​ളിൽ അധികം എണ്ണയും​കൂ​ടെ കരുതി​ക്കൊണ്ട്‌ വിവേ​ക​മ​തി​ക​ളായ അഞ്ചു കന്യക​മാർ തങ്ങൾ തയ്യാറാ​ണെന്ന്‌ തെളി​യി​ച്ചു. വിശ്വ​സ്‌ത​രായ അഭിഷി​ക്ത​ക്രി​സ്‌ത്യാ​നി​കൾ യേശു​വി​ന്റെ വരവി​നാ​യി തയ്യാറാ​യി​രി​ക്കു​ന്നത്‌ എങ്ങനെ​യാണ്‌?

⁸ അവസാ​ന​ത്തോ​ളം തങ്ങളുടെ നിയമനം പൂർത്തീ​ക​രി​ക്കാൻ അഭിഷി​ക്തർ തയ്യാറാ​യി​രി​ക്കു​ന്നു. ദൈവത്തെ സേവി​ക്കു​ന്ന​തിന്‌ സാത്താന്റെ ലോക​ത്തിൽ ലഭി​ച്ചേ​ക്കാ​വുന്ന ഭൗതി​ക​നേ​ട്ടങ്ങൾ വേണ്ടെ​ന്നു​വെ​ക്ക​ണ​മെന്ന്‌ അവർ തിരി​ച്ച​റി​യു​ന്നു. അവർ അത്‌ മനസ്സോ​ടെ​യാണ്‌ ചെയ്യു​ന്നത്‌. യഹോ​വ​യ്‌ക്കു തങ്ങളെ​ത്തന്നെ അർപ്പി​ക്കാ​നും യഹോ​വയെ വിശ്വ​സ്‌ത​മാ​യി സേവി​ക്കാ​നും അവർ ദൃഢചി​ത്ത​രാണ്‌. അന്ത്യം അടു​ത്തെ​ത്തി​യി​രി​ക്കു​ന്ന​തു​കൊ​ണ്ടല്ല, പിന്നെ​യോ അവർ യഹോ​വ​യെ​യും പുത്ര​നെ​യും സ്‌നേ​ഹി​ക്കു​ന്ന​തു​കൊ​ണ്ടാണ്‌ അങ്ങനെ ചെയ്യു​ന്നത്‌. അവർ നിർമലത കാത്തു​സൂ​ക്ഷി​ക്കു​ന്നു. ലോക​ത്തി​ന്റെ ഭൗതി​ക​ത്വം നിറഞ്ഞ​തും അധാർമി​ക​വും സ്വാർഥ​വും ആയ മനോ​ഭാ​വങ്ങൾ തങ്ങളെ ബാധി​ക്കാൻ അവർ അനുവ​ദി​ക്കു​ന്നില്ല. വിളക്കു​മാ​യി ഒരുങ്ങി​യി​രുന്ന വിവേ​ക​മ​തി​ക​ളായ കന്യക​മാ​രെ​പ്പോ​ലെ, മണവാ​ളന്റെ വരവി​നാ​യി ക്ഷമയോ​ടെ കാത്തി​രു​ന്നു​കൊണ്ട്‌ അഭിഷി​ക്തർ ആത്മീയ​പ്ര​കാ​ശം പരത്തി​ക്കൊ​ണ്ടേ​യി​രി​ക്കു​ന്നു—മണവാളൻ വൈകു​ന്നു​വെന്ന്‌ തോന്നു​ന്നെ​ങ്കി​ലും.—ഫിലി. 2:15.

 9. (എ) ആത്മീയ​മായ മയക്കം സംബന്ധിച്ച്‌ എന്ത്‌ മുന്നറി​യി​പ്പാണ്‌ യേശു നൽകി​യത്‌? (ബി) “ഇതാ, മണവാളൻ വരുന്നു!” എന്ന ആർപ്പു​വി​ളി​യോട്‌ അഭിഷി​ക്തർ എങ്ങനെ​യാണ്‌ പ്രതി​ക​രി​ച്ചത്‌? (അടിക്കു​റിപ്പ്‌ കൂടെ കാണുക.)

⁹ വിവേ​ക​മ​തി​ക​ളായ കന്യക​മാർ ജാഗ്രത പാലി​ച്ചു​കൊ​ണ്ടും മണവാ​ളന്റെ വരവി​നാ​യി ഒരുങ്ങി​യി​രി​ക്കു​ന്നു​വെന്ന്‌ തെളി​യി​ച്ചു. മണവാളൻ വരാൻ വൈകി​യെന്ന്‌ തോന്നി​യ​പ്പോൾ പത്തു കന്യക​മാർക്കും “മയക്കം വന്നു; അവർ ഉറക്കമാ​യി” എന്ന്‌ ഉപമയിൽ പറയുന്നു. ഏതെങ്കി​ലും അഭിഷി​ക്ത​ക്രി​സ്‌ത്യാ​നി ഇന്ന്‌ ‘ഉറങ്ങി​പ്പോ​കാൻ’ അതായത്‌, യേശു​വി​ന്റെ വരവി​നാ​യി കാത്തി​രി​ക്കവെ ശ്രദ്ധ വ്യതി​ച​ലി​ച്ചു​പോ​കാൻ, സാധ്യ​ത​യു​ണ്ടോ? ഉണ്ട്‌. തന്റെ വരവി​നാ​യി കാത്തി​രി​ക്കവെ മനസ്സൊ​രു​ക്ക​വും താത്‌പ​ര്യ​വും ഉള്ള ഒരു വ്യക്തി പോലും, ക്ഷീണി​ത​നാ​കാ​നോ അദ്ദേഹ​ത്തി​ന്റെ ശ്രദ്ധ വ്യതി​ച​ലി​ക്കാ​നോ സാധ്യ​ത​യു​ണ്ടെന്ന്‌ യേശു​വിന്‌ അറിയാ​മാ​യി​രു​ന്നു. അതു​കൊ​ണ്ടു​തന്നെ വിശ്വ​സ്‌ത​രായ അഭിഷി​ക്ത​ക്രി​സ്‌ത്യാ​നി​കൾ ജാഗരൂ​ക​രാ​യി​രി​ക്കാൻ മുമ്പെ​ന്ന​ത്തെ​ക്കാ​ളും ശ്രമം ചെയ്‌തി​രി​ക്കു​ന്നു. എങ്ങനെ? “ഇതാ, മണവാളൻ വരുന്നു!” എന്ന ആർപ്പു​വി​ളി​യു​ണ്ടാ​യ​പ്പോൾ ഉപമയി​ലെ പത്തു കന്യക​മാ​രും അതി​നോട്‌ അനുകൂ​ല​മാ​യി പ്രതി​ക​രി​ച്ചു. എന്നാൽ വിവേ​ക​മ​തി​ക​ളായ കന്യക​മാർ മാത്ര​മാണ്‌ ജാഗ്രത നിലനി​റു​ത്തി​യത്‌. (മത്താ. 25:5, 6; 26:41) സമാന​മാ​യി, അന്ത്യനാ​ളു​ക​ളിൽ വിശ്വ​സ്‌ത​രായ അഭിഷി​ക്ത​ക്രി​സ്‌ത്യാ​നി​കൾ യേശു ഉടൻ വരുന്നു എന്നതി​നുള്ള ശക്തമായ തെളി​വു​കൾ തിരി​ച്ച​റിഞ്ഞ്‌ പ്രവർത്തി​ക്കു​ന്നു. ഈ തെളി​വു​കൾ ആലങ്കാ​രി​ക​മാ​യി പറഞ്ഞാൽ, “ഇതാ, മണവാളൻ വരുന്നു!” എന്ന ആർപ്പു​വി​ളി പോ​ലെ​യാണ്‌. യേശു​വി​ന്റെ ആ വരവി​നാ​യി അവർ ഒരുങ്ങി​യി​രി​ക്കു​ന്നു.a യേശു​വി​ന്റെ ഉപമയി​ലെ അവസാ​ന​ഭാ​ഗം ഒരു പ്രത്യേക കാലഘ​ട്ട​ത്തിൽ ശ്രദ്ധ​കേ​ന്ദ്രീ​ക​രി​ക്കു​ന്നു. അടുത്ത​താ​യി നമുക്ക്‌ അത്‌ പരി​ശോ​ധി​ക്കാം.

10. വിവേ​ക​മ​തി​ക​ളും വിവേ​ക​ഹീ​ന​രും ആയ കന്യക​മാ​രു​ടെ സംഭാ​ഷ​ണ​ത്തെ​ക്കു​റിച്ച്‌ നമുക്ക്‌ എന്തു സംശയം തോന്നി​യേ​ക്കാം?

¹⁰ ഉപമയു​ടെ അവസാ​ന​ഭാ​ഗത്ത്‌ വിവേ​ക​ഹീ​ന​രായ കന്യക​മാർ വിവേ​ക​മ​തി​ക​ളായ കന്യക​മാ​രോട്‌ തങ്ങളുടെ വിളക്ക്‌ കെട്ടു​പോ​കാ​തി​രി​ക്കാൻ എണ്ണ ചോദി​ക്കു​ന്നു. എന്നാൽ വിവേ​ക​മ​തി​ക​ളായ കന്യക​മാർ അവരെ സഹായി​ക്കു​ന്നില്ല. (മത്തായി 25:8, 9 വായി​ക്കുക.) അഭിഷി​ക്ത​ക്രി​സ്‌ത്യാ​നി​കൾ എപ്പോ​ഴാണ്‌ സഹായം ആവശ്യ​മുള്ള ആർക്കെ​ങ്കി​ലും അത്‌ കൊടു​ക്കാ​തി​രു​ന്നി​ട്ടു​ള്ളത്‌? ഈ ഉപമ ബാധക​മാ​കുന്ന കാലഘട്ടം ഏതാ​ണെന്ന്‌ ഓർക്കുക. മഹാക​ഷ്ട​ത്തി​ന്റെ അവസാ​ന​ത്തോ​ട​ടുത്ത്‌ ന്യായം വിധി​ക്കാ​നാണ്‌ മണവാ​ള​നായ യേശു വരുന്നത്‌. അതു​കൊണ്ട്‌ ഈ സംഭാ​ഷണം നടക്കു​ന്നത്‌ മഹാകഷ്ടം അവസാ​നി​ക്കു​ന്ന​തിന്‌ തൊട്ടു​മു​മ്പാ​യി​രി​ക്കാ​നാണ്‌ സാധ്യത. അങ്ങനെ പറയാൻ കാരണം എന്താണ്‌? കാരണം, അപ്പോ​ഴേ​ക്കും അഭിഷി​ക്ത​ക്രി​സ്‌ത്യാ​നി​കൾക്ക്‌ അവരുടെ അന്തിമ​മു​ദ്ര ലഭിച്ചി​ട്ടു​ണ്ടാ​യി​രി​ക്കും

11. (എ) മഹാകഷ്ടം തുടങ്ങു​ന്ന​തി​നു തൊട്ടു മുമ്പ്‌ എന്തു സംഭവി​ക്കും? (ബി) വിവേ​ക​മ​തി​ക​ളായ കന്യക​മാർ, വിവേ​ക​ഹീ​ന​രായ കന്യക​മാ​രെ എണ്ണ വാങ്ങാൻ പറഞ്ഞു​വി​ടു​ന്ന​തി​ന്റെ അർഥം എന്താണ്‌?

¹¹ അതായത്‌, മഹാകഷ്ടം ആരംഭി​ക്കു​ന്ന​തി​നു മുമ്പ്‌, ഭൂമി​യി​ലുള്ള എല്ലാ വിശ്വ​സ്‌ത​രായ അഭിഷി​ക്തർക്കും അന്തിമ​മു​ദ്ര ലഭിച്ചി​ട്ടു​ണ്ടാ​കും. (വെളി. 7:1-4) അവർ സ്വർഗ​ത്തിൽ പോകു​മെന്ന്‌ അപ്പോൾമു​തൽ തീർച്ച​യാ​കും. എന്നാൽ മഹാകഷ്ടം തുടങ്ങു​ന്ന​തി​നു മുമ്പുള്ള വർഷങ്ങ​ളെ​ക്കു​റിച്ച്‌ ചിന്തി​ക്കുക. ജാഗ്രത പാലി​ക്കാ​തെ അവിശ്വ​സ്‌ത​രാ​യി​ത്തീ​രുന്ന അഭിഷി​ക്തർക്ക്‌ എന്തായി​രി​ക്കും സംഭവി​ക്കുക? അവർക്ക്‌ സ്വർഗീ​യ​പ്ര​തി​ഫലം നഷ്ടമാ​കും. വ്യക്തമാ​യും, അവർക്ക്‌ അന്തിമ​മു​ദ്ര ലഭിക്കു​ക​യില്ല. അപ്പോ​ഴേ​ക്കും വിശ്വ​സ്‌ത​രായ മറ്റു ക്രിസ്‌ത്യാ​നി​കളെ അവർക്കു പകരം അഭി​ഷേകം ചെയ്‌തി​ട്ടു​ണ്ടാ​കും. മഹാകഷ്ടം ആരംഭി​ച്ചു​ക​ഴി​യു​മ്പോൾ, വിവേ​ക​ഹീ​ന​രാ​യവർ മഹാബാ​ബി​ലോൺ നശിക്കു​ന്നതു കണ്ട്‌ അമ്പരന്നു​പോ​യേ​ക്കാം. യേശു​വി​ന്റെ വരവി​നാ​യി തങ്ങൾ ഒരുങ്ങി​യി​ട്ടി​ല്ലെന്ന്‌ അവർ തിരി​ച്ച​റി​യു​ന്നത്‌ അപ്പോൾ മാത്ര​മാ​യി​രി​ക്കാം. ആ വൈകിയ വേളയിൽ അവർ സഹായ​ത്തി​നാ​യി കേണ​പേ​ക്ഷി​ച്ചാൽ എന്തായി​രി​ക്കും സംഭവി​ക്കു​ന്നത്‌? ഉപമ അതിന്‌ ഉത്തരം നൽകുന്നു. വിവേ​ക​മ​തി​ക​ളായ കന്യക​മാർ തങ്ങളുടെ കൈയി​ലുള്ള എണ്ണ വിവേ​ക​ഹീ​ന​രായ കന്യക​മാർക്ക്‌ കൊടു​ത്തില്ല. പകരം, പോയി എണ്ണ വാങ്ങാൻ അവരോട്‌ ആവശ്യ​പ്പെട്ടു. ആ “അർധരാ​ത്രി”യിൽ, അവർക്ക്‌ എങ്ങുനി​ന്നും എണ്ണ വാങ്ങാൻ കഴിയു​മാ​യി​രു​ന്നില്ല. സമയം ഏറെ വൈകി​പ്പോ​യി​രു​ന്നു!

12. (എ) അഭിഷി​ക്ത​രിൽപ്പെട്ട ആരെങ്കി​ലും അന്തിമ​മു​ദ്ര​യി​ട​ലി​നു മുമ്പ്‌ അവിശ്വ​സ്‌ത​രാ​യി​ത്തീ​രു​ന്നെ​ങ്കിൽ, മഹാക​ഷ്ട​ത്തി​ന്റെ സമയത്ത്‌ അവർ എന്തു തിരി​ച്ച​റി​യും? (ബി) വിവേ​ക​ഹീ​ന​രായ കന്യക​മാ​രെ​പ്പോ​ലെ​യു​ള്ള​വർക്ക്‌ എന്തു സംഭവി​ക്കും?

¹² മഹാക​ഷ്ട​ത്തി​ന്റെ സമയത്ത്‌, അവിശ്വ​സ്‌ത​രാ​യി​ത്തീർന്ന​വരെ സഹായി​ക്കാൻ വിശ്വ​സ്‌ത​രായ അഭിഷി​ക്തർക്ക്‌ കഴിയില്ല. അപ്പോ​ഴേ​ക്കും ഏറെ വൈകി​യി​രി​ക്കും. അവിശ്വ​സ്‌തർക്ക്‌ എന്തു സംഭവി​ക്കും? എണ്ണ വാങ്ങാൻ പോയ വിവേ​ക​ഹീ​ന​രായ കന്യക​മാർക്ക്‌ എന്തു സംഭവി​ച്ചെന്ന്‌ ശ്രദ്ധി​ക്കുക. വിവരണം പറയുന്നു: “മണവാളൻ എത്തി. ഒരുങ്ങി​യി​രുന്ന കന്യക​മാർ അവനോ​ടൊ​പ്പം വിവാ​ഹ​വി​രു​ന്നി​നാ​യി അകത്തു പ്രവേ​ശി​ച്ചു. വാതിൽ അടയ്‌ക്ക​പ്പെട്ടു.” മഹാക​ഷ്ട​ത്തി​ന്റെ അവസാ​ന​ത്തിൽ മഹിമ​യോ​ടെ വരു​മ്പോൾ, യേശു തന്റെ വിശ്വ​സ്‌ത​രായ അഭിഷി​ക്തരെ സ്വർഗ​ത്തി​ലേക്കു കൂട്ടി​ച്ചേർക്കും. (മത്താ. 24:31; 25:10; യോഹ. 14:1-3; 1 തെസ്സ. 4:17) എന്നാൽ, വിവേ​ക​ഹീ​ന​രായ കന്യക​മാ​രെ​പ്പോ​ലെ​യുള്ള അവിശ്വ​സ്‌ത​രു​ടെ മുമ്പിൽ വാതിൽ തീർച്ച​യാ​യും അടയ്‌ക്ക​പ്പെ​ടും. അപ്പോൾ അവർ ഇങ്ങനെ വിലപി​ച്ചേ​ക്കാം: “യജമാ​നനേ, യജമാ​നനേ, ഞങ്ങൾക്കു വാതിൽ തുറന്നു​ത​രേ​ണമേ!” അപ്പോൾ യേശു എങ്ങനെ​യാ​യി​രി​ക്കും അവരോ​ടു പ്രതി​ക​രി​ക്കുക? ദുഃഖ​ക​ര​മായ സത്യം ഇതാണ്‌: കോലാ​ടു​തു​ല്യ​രായ അനേക​രോട്‌ പറയുന്ന അതേ വാക്കുകൾ യേശു ഇവരോ​ടും ഉച്ചരി​ക്കും: “ഞാൻ നിങ്ങളെ അറിയു​ന്നില്ല എന്നു ഞാൻ സത്യമാ​യി നിങ്ങ​ളോ​ടു പറയുന്നു.”—മത്താ. 7:21-23; 25:11, 12.

13. (എ) അഭിഷി​ക്ത​രിൽ പലരും അവിശ്വ​സ്‌ത​രാ​കു​മെന്ന്‌ നമ്മൾ നിഗമനം ചെയ്യേ​ണ്ട​തി​ല്ലാ​ത്തത്‌ എന്തു​കൊണ്ട്‌? (ബി) അഭിഷി​ക്ത​രിൽ യേശു​വിന്‌ നല്ല ബോധ്യ​മു​ണ്ടാ​യി​രു​ന്നെന്ന്‌ യേശു​വി​ന്റെ ഉപമ വെളി​പ്പെ​ടു​ത്തു​ന്നത്‌ എങ്ങനെ? (ലേഖനാ​രം​ഭ​ത്തി​ലെ ചിത്രം കാണുക.)

¹³ അഭിഷി​ക്ത​രിൽ പലരും അവിശ്വ​സ്‌ത​രാ​കു​മെ​ന്നും അവർക്കു പകരക്കാ​രെ കണ്ടെ​ത്തേ​ണ്ടി​വ​രു​മെ​ന്നും ആയിരു​ന്നോ യേശു ഉദ്ദേശി​ച്ചത്‌? അല്ല. മത്തായി 24-ാം അധ്യാ​യ​ത്തിൽ, വിശ്വ​സ്‌ത​നും വിവേ​കി​യും ആയ അടിമ​യോട്‌ ഒരു ദുഷ്ടനായ അടിമ​യാ​കാ​തി​രി​ക്കാൻ യേശു മുന്നറി​യി​പ്പു കൊടു​ത്ത​താ​യി നാം വായി​ക്കു​ന്നു. അങ്ങനെ സംഭവി​ക്കു​മെന്ന്‌ യേശു പ്രതീ​ക്ഷി​ച്ചു​വെന്നല്ല അതിന്റെ അർഥം. സമാന​മാ​യി, പത്തു കന്യക​മാ​രെ​ക്കു​റി​ച്ചുള്ള ഉപമയും ഒരു മുന്നറി​യി​പ്പാണ്‌. അഞ്ചു കന്യക​മാർ വിവേ​ക​ഹീ​ന​രും അഞ്ചുപേർ വിവേ​ക​മ​തി​ക​ളും ആയിരു​ന്ന​തു​പോ​ലെ, ഓരോ അഭിഷി​ക്ത​ക്രി​സ്‌ത്യാ​നി​യും തയ്യാറാ​യി​രി​ക്കാ​നും ജാഗ്ര​ത​യോ​ടെ​യി​രി​ക്കാ​നും സ്വയം തീരു​മാ​നി​ക്കണം. ആരെങ്കി​ലും അങ്ങനെ ചെയ്യാ​ത്ത​പക്ഷം ആ വ്യക്തി വിവേ​ക​ഹീ​ന​നും അവിശ്വ​സ്‌ത​നും ആയിത്തീർന്നേ​ക്കാം. അഭിഷി​ക്ത​രായ സഹോ​ദ​രീ​സ​ഹോ​ദ​ര​ന്മാർക്ക്‌ പൗലോസ്‌ ഇതു​പോ​ലൊ​രു ശക്തമായ മുന്നറി​യി​പ്പു കൊടു​ത്തി​ട്ടുണ്ട്‌. (എബ്രായർ 6:4-9 വായി​ക്കുക; ആവർത്ത​ന​പു​സ്‌തകം 30:19 താരത​മ്യം ചെയ്യുക.) എന്നാൽ തന്റെ സഹോ​ദ​രീ​സ​ഹോ​ദ​ര​ന്മാർക്ക്‌ തങ്ങളുടെ പ്രതി​ഫലം ലഭിക്കു​മെന്ന്‌ പൗലോ​സി​നു​ണ്ടാ​യി​രുന്ന ബോധ്യം ആ വാക്കു​ക​ളിൽ പ്രകട​മാണ്‌. പത്തു കന്യക​മാ​രെ​ക്കു​റി​ച്ചുള്ള ഉപമയി​ലെ മുന്നറി​യിപ്പ്‌ യേശു​വിന്‌ അഭിഷി​ക്ത​രെ​ക്കു​റിച്ച്‌ സമാന​മായ ബോധ്യ​മു​ണ്ടാ​യി​രു​ന്നെന്ന്‌ വെളി​പ്പെ​ടു​ത്തു​ന്നു. വിശ്വ​സ്‌തത പാലി​ക്കാ​നും ഒടുവിൽ വിസ്‌മ​യ​ക​ര​മായ പ്രതി​ഫലം സ്വീക​രി​ക്കാ​നും തന്റെ ഓരോ അഭിഷി​ക്ത​ദാ​സ​നും കഴിയു​മെന്ന്‌ യേശു​വിന്‌ അറിയാം!

14. പത്തു കന്യക​മാ​രെ​ക്കു​റി​ച്ചുള്ള ഉപമയിൽനിന്ന്‌ ‘വേറെ ആടുകൾക്കും’ പ്രയോ​ജനം നേടാൻ കഴിയു​ന്നത്‌ എന്തു​കൊണ്ട്‌?

¹⁴ യേശു​വി​ന്റെ ഉപമ പ്രധാ​ന​മാ​യും അഭിഷി​ക്തരെ ഉദ്ദേശി​ച്ചു​ള്ള​താണ്‌. എന്നാൽ ഈ ഉപമയിൽനിന്ന്‌ ‘വേറെ ആടുകൾക്ക്‌’ പ്രയോ​ജനം നേടാ​നാ​കു​മോ? (യോഹ. 10:16) തീർച്ച​യാ​യും! ഉപമയു​ടെ സന്ദേശം ലളിത​മാണ്‌: ‘സദാ ജാഗരൂ​ക​രാ​യി​രി​ക്കുക.’ യേശു ഒരിക്കൽ ഇങ്ങനെ പറഞ്ഞു: “എന്നാൽ നിങ്ങ​ളോ​ടു പറയു​ന്ന​തു​തന്നെ ഞാൻ എല്ലാവ​രോ​ടും പറയുന്നു: സദാ ജാഗരൂ​ക​രാ​യി​രി​ക്കു​വിൻ.” (മർക്കോ. 13:37) തന്റെ ശിഷ്യ​ന്മാ​രെ​ല്ലാം തയ്യാറാ​യി​രി​ക്കാ​നും ജാഗ്ര​ത​യോ​ടെ​യി​രി​ക്കാ​നും യേശു ആവശ്യ​പ്പെ​ടു​ന്നു. ശുശ്രൂഷ ജീവി​ത​ത്തിൽ ഒന്നാമതു വെക്കുന്ന അഭിഷി​ക്ത​രു​ടെ മികച്ച മാതൃക എല്ലാ ക്രിസ്‌ത്യാ​നി​കൾക്കും പകർത്താൻ കഴിയും. വിവേ​ക​ഹീ​ന​രായ കന്യക​മാർ വിവേ​ക​മ​തി​ക​ളായ കന്യക​മാ​രോട്‌ അവരുടെ പക്കലുള്ള എണ്ണയിൽനിന്ന്‌ കുറച്ചു ചോദി​ച്ചത്‌ ഓർക്കുക. എന്നാൽ അവർക്ക്‌ സഹായം ലഭിച്ചില്ല. അതിൽനിന്ന്‌ നമുക്ക്‌ എന്തു പഠിക്കാം? ദൈവ​ത്തോ​ടു വിശ്വ​സ്‌ത​രാ​യി​രി​ക്കുക എന്നത്‌ നമ്മുടെ ഓരോ​രു​ത്ത​രു​ടെ​യും ഉത്തരവാ​ദി​ത്വ​മാണ്‌. നമുക്കു​വേണ്ടി തയ്യാറാ​യി​രി​ക്കാ​നും ജാഗ്ര​ത​യോ​ടെ​യി​രി​ക്കാ​നും മറ്റാർക്കും കഴിയില്ല. അതെ, നീതി​യുള്ള ന്യായാ​ധി​പ​നാ​യി വേഗത്തിൽ വരുന്ന യേശു​ക്രി​സ്‌തു​വി​നോട്‌ നമ്മൾ ഓരോ​രു​ത്ത​രും വ്യക്തി​പ​ര​മാ​യി കണക്കു​ബോ​ധി​പ്പി​ക്കേ​ണ്ട​താണ്‌. അതു​കൊണ്ട്‌ നമുക്ക്‌ ഏവർക്കും ഒരുങ്ങി​യി​രി​ക്കാം!

15. ക്രിസ്‌തു​വി​ന്റെ​യും അവന്റെ മണവാ​ട്ടി​യു​ടെ​യും വിവാഹം സത്യ​ക്രി​സ്‌ത്യാ​നി​ക​ളെ​ല്ലാം അത്യാ​കാം​ക്ഷ​യോ​ടെ കാത്തി​രി​ക്കു​ന്നത്‌ എന്തു​കൊണ്ട്‌?

¹⁵ യേശു​വി​ന്റെ ഉപമയിൽ പറഞ്ഞി​രി​ക്കുന്ന വിവാ​ഹ​ത്തി​നാ​യി എല്ലാ ക്രിസ്‌ത്യാ​നി​ക​ളും അത്യാ​കാം​ക്ഷ​യോ​ടെ കാത്തി​രി​ക്കു​ന്നു. ഭാവി​യിൽ, അർമ്മ​ഗെ​ദ്ദോൻ യുദ്ധത്തി​നു ശേഷം അഭിഷി​ക്ത​ക്രി​സ്‌ത്യാ​നി​കൾ ക്രിസ്‌തു​വി​ന്റെ മണവാ​ട്ടി​യാ​യി​ത്തീ​രും. (വെളി. 19:7-9) സ്വർഗ​ത്തിൽ നടക്കുന്ന ആ വിവാ​ഹ​ത്തിൽനിന്ന്‌ അപ്പോൾ ഭൂമി​യി​ലുള്ള സകലരും പ്രയോ​ജനം നേടും. എന്തു​കൊണ്ട്‌? കാരണം, മനുഷ്യ​വർഗ​ത്തിന്‌ അതിലൂ​ടെ ലഭിക്കു​ന്നത്‌ എല്ലാം തികഞ്ഞ ഒരു ഭരണമാണ്‌. നമ്മുടെ നിത്യ​ജീ​വന്റെ പ്രത്യാശ സ്വർഗ​ത്തി​ലാ​യാ​ലും ഭൂമി​യി​ലാ​യാ​ലും, തയ്യാറാ​യി​രി​ക്കാ​നും ജാഗ്ര​ത​യോ​ടെ​യി​രി​ക്കാ​നും നമു​ക്കെ​ല്ലാം ദൃഢചി​ത്ത​രാ​യി​രി​ക്കാം. നമ്മൾ അങ്ങനെ ചെയ്യു​ന്നെ​ങ്കിൽ, യഹോവ നമുക്കാ​യി കരുതി​വെ​ച്ചി​രി​ക്കുന്ന വിസ്‌മ​യ​ക​ര​മായ ഭാവി നിശ്ചയ​മാ​യും നമുക്ക്‌ ആസ്വദി​ക്കാൻ കഴിയും.