“എന്റെ രാജ്യം ഈ ലോക​ത്തി​ന്റെ ഭാഗമല്ല”

1, 2. (എ) ലോകം എങ്ങനെ​യാണ്‌ ഇത്ര വിഭജി​ത​മാ​യി​രി​ക്കു​ന്നത്‌? (ബി) ഈ ലേഖന​ത്തിൽ നമ്മൾ ഏതു ചോദ്യ​ങ്ങൾക്ക്‌ ഉത്തരം കണ്ടെത്തും?

“ചെറു​പ്പം​തൊ​ട്ടേ അനീതി കണ്ടാണു ഞാൻ വളർന്നു​വ​ന്നത്‌. അതു​കൊണ്ട്‌ രാജ്യത്ത്‌ നിലവി​ലി​രുന്ന ഭരണരീ​തി​യെ ഞാൻ വെറുത്തു. തീവ്ര​വാ​ദ​മെന്നു മുദ്ര​കു​ത്തുന്ന ആശയങ്ങളെ ഞാൻ പിന്തു​ണച്ചു. നേരു പറഞ്ഞാൽ, വളരെ​ക്കാ​ലം ഞാൻ ഒരു തീവ്ര​വാ​ദി​യു​ടെ കാമു​കി​യാ​യി​രു​ന്നു.” തന്റെ പഴയകാ​ല​ത്തെ​ക്കു​റിച്ച്‌ ഓർമി​ച്ചു​കൊണ്ട്‌ ദക്ഷിണ യൂറോ​പ്പിൽനി​ന്നുള്ള ഒരു സഹോ​ദരി പറഞ്ഞതാണ്‌ ഇത്‌. ആഫ്രി​ക്ക​യു​ടെ തെക്കു​ഭാ​ഗ​ത്തുള്ള ഒരു സഹോ​ദ​ര​നും മുമ്പ്‌ അക്രമത്തെ ന്യായീ​ക​രി​ച്ചി​രു​ന്നു. അദ്ദേഹം പറയുന്നു: “എന്റെ വംശമാണ്‌ ഏറ്റവും മികച്ച​തെ​ന്നാ​യി​രു​ന്നു എന്റെ ചിന്ത. ഞാൻ ഒരു രാഷ്‌ട്രീ​യ​പ്പാർട്ടി​യിൽ ചേരു​ക​യും ചെയ്‌തു. കുന്തം​കൊണ്ട്‌ എതിരാ​ളി​കളെ വകവരു​ത്താൻ ഞങ്ങളെ പഠിപ്പി​ച്ചി​രു​ന്നു. മറ്റു രാഷ്‌ട്രീ​യ​പ്പാർട്ടി​കളെ പിന്തു​ണ​ച്ചി​രുന്ന ഞങ്ങളുടെ സ്വന്തം വംശക്കാ​രെ​പ്പോ​ലും ഞങ്ങൾ ഇല്ലാതാ​ക്കി​യി​രു​ന്നു.” മധ്യ യൂറോ​പ്പി​ലുള്ള ഒരു സഹോ​ദരി തുറന്നു​പ​റ​യു​ന്നു: “മറ്റു രാജ്യ​ക്കാ​രോ​ടും മറ്റു മതസ്ഥ​രോ​ടും എനിക്കു കടുത്ത മുൻവി​ധി​യാ​യി​രു​ന്നു, എനിക്ക്‌ അവരെ വെറു​പ്പാ​യി​രു​ന്നു.”

² ആധുനി​ക​ലോ​കത്ത്‌ വളർന്നു​വ​രുന്ന ഒരു പ്രവണ​ത​യാണ്‌ ഈ മൂന്നു പേരു​ടെ​യും മനോ​ഭാ​വ​ങ്ങ​ളിൽ പ്രതി​ഫ​ലി​ച്ചു​കാ​ണു​ന്നത്‌. സ്വാത​ന്ത്ര്യ​ത്തി​നു​വേ​ണ്ടി​യുള്ള അക്രമാ​സ​ക്ത​മായ പോരാ​ട്ടങ്ങൾ പെരു​കു​ന്നു, രാഷ്‌ട്രീ​യ​കാ​ര്യ​ങ്ങളെ ചൊല്ലി ആളുകൾ പരസ്‌പരം പോര​ടി​ക്കു​ന്നു. ഇനി, പല രാജ്യ​ങ്ങ​ളി​ലും വിദേ​ശി​ക​ളോ​ടുള്ള വിദ്വേ​ഷം കൂടി​ക്കൂ​ടി വരുക​യാണ്‌. ബൈബിൾ മുൻകൂ​ട്ടി​പ്പറഞ്ഞ കാര്യം എത്ര സത്യമാണ്‌! ഈ അവസാ​ന​കാ​ലത്ത്‌ ആളുകൾ പൊതു​വേ ‘ഒരു കാര്യ​ത്തോ​ടും യോജി​ക്കാ​ത്ത​വ​രാ​യി​രി​ക്കും’ എന്ന്‌ അതു പറയുന്നു. (2 തിമൊ. 3:1, 3) ലോകം ഇത്രയ​ധി​കം വിഭജി​ത​മാ​യി​രി​ക്കു​മ്പോൾ ക്രിസ്‌ത്യാ​നി​കൾക്ക്‌ എങ്ങനെ അവരുടെ ഐക്യം കാത്തു​സൂ​ക്ഷി​ക്കാൻ കഴിയും? യേശു​വി​ന്റെ കാലത്ത്‌ രാഷ്‌ട്രീ​യ​കാ​ര്യ​ങ്ങൾ ആകെ കുഴഞ്ഞു​മ​റിഞ്ഞ അവസ്ഥയി​ലാ​യി​രു​ന്നു. ആ സമയത്ത്‌ യേശു ഒരു പ്രത്യേ​ക​സാ​ഹ​ച​ര്യം കൈകാ​ര്യം ചെയ്‌തത്‌ എങ്ങനെ​യെന്നു നമുക്കു നോക്കാം, അതിൽനിന്ന്‌ നമുക്കു പലതും പഠിക്കാൻ കഴിയും. ഇപ്പോൾ മൂന്നു പ്രധാ​ന​കാ​ര്യ​ങ്ങൾ പരി​ശോ​ധി​ക്കാം: രാഷ്‌ട്രീ​യ​കാ​ര്യ​ങ്ങ​ളിൽ യേശു ഒരുത​ര​ത്തി​ലും ഉൾപ്പെ​ടാ​തി​രു​ന്നത്‌ എന്തു​കൊണ്ട്‌? ദൈവ​ത്തി​ന്റെ ദാസന്മാർ രാഷ്‌ട്രീ​യ​കാ​ര്യ​ങ്ങ​ളിൽ പക്ഷം​ചേ​ര​രു​തെന്നു യേശു കാണി​ച്ചു​കൊ​ടു​ത്തത്‌ എങ്ങനെ? നമ്മൾ അക്രമ​ത്തി​ന്റെ പാത സ്വീക​രി​ക്ക​രു​തെന്നു യേശു പഠിപ്പി​ച്ചത്‌ എങ്ങനെ?

3, 4. (എ) യേശു​വി​ന്റെ നാളിലെ മിക്ക ജൂതന്മാർക്കും എന്ത്‌ ആഗ്രഹ​മാ​ണു​ണ്ടാ​യി​രു​ന്നത്‌? (ബി) ഈ ചിന്തകൾ യേശു​വി​ന്റെ ശിഷ്യ​ന്മാ​രെ എങ്ങനെ​യാ​ണു സ്വാധീ​നി​ച്ചത്‌?

³ യേശു പ്രസം​ഗിച്ച ജൂതന്മാ​രിൽ മിക്കവ​രും റോമൻഭ​ര​ണ​ത്തിൽനിന്ന്‌ സ്വത​ന്ത്ര​രാ​കാൻ വളരെ​യ​ധി​കം ആഗ്രഹ​മു​ള്ള​വ​രാ​യി​രു​ന്നു. ആളുക​ളു​ടെ ഈ ദേശീ​യ​വി​കാ​രത്തെ ജൂതതീ​വ്ര​വാ​ദി​കൾ കൂടുതൽ ജ്വലി​പ്പി​ച്ചു. ഈ തീവ്ര​വാ​ദി​ക​ളിൽ മിക്കവ​രും ഗലീല​ക്കാ​ര​നായ യൂദാ​സി​ന്റെ ആശയങ്ങ​ളാ​ണു പിൻപ​റ്റി​യി​രു​ന്നത്‌. അനേകരെ വഴി​തെ​റ്റിച്ച ഒന്നാം നൂറ്റാ​ണ്ടി​ലെ ഒരു വ്യാജ​മി​ശിഹ ആയിരു​ന്നു യൂദാസ്‌. അയാൾ, “റോമി​നു നികുതി കൊടു​ക്കാൻ തയ്യാറായ തന്റെ നാട്ടു​കാ​രെ ഭീരു​ക്ക​ളെന്നു വിളി​ക്കു​ക​യും റോമിന്‌ എതിരെ വിപ്ലവ​ത്തിന്‌ അവരെ പ്രേരി​പ്പി​ക്കു​ക​യും ചെയ്‌തു” എന്നു ജൂതചരിത്രകാരനായ ജോസീ​ഫസ്‌ പറയുന്നു. റോമാ​ക്കാർ യൂദാ​സി​നെ കൊന്നു​ക​ളഞ്ഞു. (പ്രവൃ. 5:37) തീവ്ര​വാ​ദി​ക​ളിൽ ചിലർ തങ്ങളുടെ ലക്ഷ്യം സാക്ഷാ​ത്‌ക​രി​ക്കാൻ അക്രമ​ത്തി​ന്റെ പാത തിര​ഞ്ഞെ​ടു​ക്കു​ക​പോ​ലും ചെയ്‌തു.

⁴ ജൂതന്മാ​രിൽ ബഹുഭൂ​രി​പ​ക്ഷ​വും രാഷ്‌ട്രീ​യ​സ്വാ​ത​ന്ത്ര്യം നേടി​ത്ത​രുന്ന ഒരു മിശി​ഹ​യ്‌ക്കു​വേണ്ടി ആകാം​ക്ഷ​യോ​ടെ കാത്തി​രി​ക്കു​ക​യാ​യി​രു​ന്നു. ആ മിശിഹ തങ്ങളുടെ രാജ്യ​ത്തി​നു മഹത്ത്വ​വും റോമി​ന്റെ ഭരണത്തിൽനിന്ന്‌ സ്വാത​ന്ത്ര്യ​വും കൈവ​രു​ത്തു​മെന്ന്‌ അവർ പ്രതീ​ക്ഷി​ച്ചു. (ലൂക്കോ. 2:38; 3:15) മിക്കവ​രും കരുതി​യതു മിശിഹ ഈ ഭൂമി​യിൽ, ഇസ്രാ​യേ​ലിൽ, ഒരു രാജ്യം സ്ഥാപി​ക്കു​മെ​ന്നാണ്‌. അപ്പോൾ അന്യനാ​ടു​ക​ളിൽ ചിതറി​പ്പാർക്കുന്ന ലക്ഷക്കണ​ക്കി​നു ജൂതന്മാർക്കു സ്വന്തനാ​ട്ടി​ലേക്കു മടങ്ങി​വ​രാൻ കഴിയു​മെ​ന്നും അവർ വിചാ​രി​ച്ചു. സ്‌നാ​പ​ക​യോ​ഹ​ന്നാൻ ഒരിക്കൽ യേശു​വി​നോ​ടു ചോദി​ച്ചത്‌ ഓർക്കുക: “വരാനി​രി​ക്കു​ന്ന​യാൾ അങ്ങുത​ന്നെ​യാ​ണോ, അതോ ഇനി മറ്റൊ​രാ​ളെ ഞങ്ങൾ കാത്തി​രി​ക്ക​ണോ?” (മത്താ. 11:2, 3) മറ്റൊ​രാൾ വന്ന്‌ ജൂതന്മാ​രു​ടെ എല്ലാ പ്രതീ​ക്ഷ​ക​ളും സഫലീ​ക​രി​ക്കു​മോ എന്നായി​രി​ക്കാം യോഹ​ന്നാൻ ചോദി​ച്ച​തി​ന്റെ അർഥം. പുനരു​ത്ഥാ​നം പ്രാപിച്ച യേശു​വി​നെ, എമ്മാവൂ​സി​ലേ​ക്കുള്ള യാത്ര​യ്‌ക്കി​ടെ കണ്ടുമു​ട്ടിയ രണ്ടു ശിഷ്യ​ന്മാ​രും യേശു ഇസ്രാ​യേ​ലി​നെ മോചി​പ്പി​ക്കു​മെന്ന പ്രതീ​ക്ഷ​യാ​ണു വെച്ചു​പു​ലർത്തി​യി​രു​ന്നത്‌. (ലൂക്കോസ്‌ 24:21 വായി​ക്കുക.) പിന്നീട്‌ യേശു​വി​ന്റെ അപ്പോ​സ്‌ത​ല​ന്മാ​രും യേശു​വി​നോ​ടു ചോദി​ച്ചു: “കർത്താവേ, അങ്ങ്‌ ഇസ്രാ​യേ​ലി​നു രാജ്യം പുനഃ​സ്ഥാ​പി​ച്ചു​കൊ​ടു​ക്കു​ന്നത്‌ ഇപ്പോ​ഴാ​ണോ?”—പ്രവൃ. 1:6.

 5. (എ) യേശു തങ്ങളുടെ രാജാ​വാ​ക​ണ​മെന്നു ഗലീല​യി​ലെ ആളുകൾ ആഗ്രഹി​ച്ചത്‌ എന്തു​കൊണ്ട്‌? (ബി) യേശു അവരുടെ ചിന്താ​ഗതി തിരു​ത്തി​യത്‌ എങ്ങനെ​യാണ്‌?

⁵ മിശി​ഹ​യെ​ക്കു​റിച്ച്‌ ഇത്തരം പ്രതീ​ക്ഷ​ക​ളു​ണ്ടാ​യി​രു​ന്ന​തു​കൊണ്ട്‌ യേശു തങ്ങളുടെ രാജാ​വാ​ക​ണ​മെന്നു ഗലീല​യി​ലെ ആളുകൾ ആഗ്രഹി​ച്ചു. ഒരു നല്ല നേതാ​വാ​കാൻ യേശു​വി​നു കഴിയു​മെന്ന്‌ അവർ ചിന്തി​ച്ചി​ട്ടു​ണ്ടാ​കും. കാരണം, യേശു ഒരു നല്ല പ്രസം​ഗ​ക​നാ​യി​രു​ന്നു, രോഗി​കളെ സൗഖ്യ​മാ​ക്കാ​നുള്ള കഴിവു​ണ്ടാ​യി​രു​ന്നു, അത്ഭുത​ക​ര​മാ​യി ആഹാരം കൊടു​ക്കാ​നുള്ള പ്രാപ്‌തി​യും ഉണ്ടായി​രു​ന്നു. ഒരിക്കൽ ഏതാണ്ട്‌ 5,000 പുരു​ഷ​ന്മാ​ര​ട​ങ്ങിയ ഒരു കൂട്ടത്തെ യേശു പോഷി​പ്പി​ച്ച​പ്പോൾ ആളുകൾ അതിശ​യി​ച്ചു​പോ​യി. “അവർ വന്ന്‌ തന്നെ പിടിച്ച്‌ രാജാ​വാ​ക്കാൻപോ​കു​ന്നെന്ന്‌ അറിഞ്ഞ യേശു തനിച്ച്‌ വീണ്ടും മലയി​ലേക്കു പോയി.” (യോഹ. 6:10-15) എന്നാൽ പിറ്റെ ദിവസം ഗലീല​ക്ക​ട​ലി​ന്റെ മറുക​രെ​വെച്ച്‌ ആളുക​ളു​ടെ ഈ ഉത്സാഹ​മൊ​ക്കെ ഏതാണ്ട്‌ കെട്ടടങ്ങി. കാരണം, തന്റെ പ്രവർത്ത​ന​ത്തി​ന്റെ ഉദ്ദേശ്യം യേശു അവി​ടെ​വെച്ച്‌ ജനക്കൂ​ട്ട​ത്തി​നു വ്യക്തമാ​ക്കി​ക്കൊ​ടു​ത്തു. ആ ജനതയ്‌ക്കു ഭൗതി​ക​നേ​ട്ടങ്ങൾ നൽകാനല്ല, ആത്മീയ​മായ അനു​ഗ്ര​ഹങ്ങൾ നൽകാ​നാ​ണു താൻ വന്നത്‌ എന്ന്‌ യേശു വിശദീ​ക​രി​ച്ചു. യേശു അവരോ​ടു പറഞ്ഞു: “നശിച്ചു​പോ​കുന്ന ആഹാര​ത്തി​നു​വേ​ണ്ടി​യല്ല, നിത്യ​ജീ​വൻ നേടി​ത്ത​രുന്ന നശിക്കാത്ത ആഹാര​ത്തി​നു​വേണ്ടി പ്രയത്‌നി​ക്കുക.”—യോഹ. 6:25-27.

 6. ഭൂമി​യിൽ അധികാ​ര​സ്ഥാ​നങ്ങൾ ആഗ്രഹി​ക്കു​ന്നി​ല്ലെന്നു യേശു വ്യക്തമാ​ക്കി​യത്‌ എങ്ങനെ? (ലേഖനാ​രം​ഭ​ത്തി​ലെ ചിത്രം കാണുക.)

⁶ താൻ യരുശ​ലേം കേന്ദ്ര​മാ​ക്കി ഒരു ഭൗമി​ക​രാ​ജ്യം സ്ഥാപി​ക്കു​മെന്നു യേശു​വി​ന്റെ അനുഗാ​മി​ക​ളിൽ ചിലർ വിശ്വ​സി​ക്കു​ന്ന​താ​യി മരണത്തിന്‌ അൽപ്പകാ​ലം മുമ്പ്‌ യേശു മനസ്സി​ലാ​ക്കി. മിനക​ളു​ടെ ദൃഷ്ടാന്തം പറഞ്ഞു​കൊണ്ട്‌ യേശു അവരുടെ ചിന്ത തിരുത്തി. ആ കഥയിലെ ‘കുലീ​ന​നായ മനുഷ്യൻ’ യേശു​വി​നെ​യാ​ണു ചിത്രീ​ക​രി​ച്ചത്‌. താൻ കുറെ കാല​ത്തേക്ക്‌ ഒരു “ദൂര​ദേ​ശ​ത്തേക്കു” പോക​ണ​മെന്നു യേശു ആ കഥയി​ലൂ​ടെ സൂചി​പ്പി​ച്ചു. (ലൂക്കോ. 19:11-13, 15) റോമൻ ഭരണാ​ധി​കാ​രി​ക​ളോ​ടും യേശു തന്റെ നിഷ്‌പ​ക്ഷ​നി​ല​പാ​ടു വിശദീ​ക​രി​ച്ചു. പൊന്തി​യൊസ്‌ പീലാ​ത്തൊസ്‌ യേശു​വി​നോ​ടു ചോദി​ച്ചു: “നീ ജൂതന്മാ​രു​ടെ രാജാ​വാ​ണോ?” (യോഹ. 18:33) യേശു ഒരു രാഷ്‌ട്രീ​യ​ക​ലാ​പ​ത്തി​നു തിരി​കൊ​ളു​ത്തി​യേ​ക്കു​മോ എന്ന്‌ അദ്ദേഹം ഭയപ്പെ​ട്ടു​കാ​ണും. അദ്ദേഹ​ത്തി​ന്റെ ഭരണകാ​ലത്ത്‌ ഉടനീളം ഇത്തരം കലാപങ്ങൾ ഒരു പ്രധാ​ന​പ്ര​ശ്‌ന​മാ​യി​രു​ന്നു. യേശു ഇങ്ങനെ ഉത്തരം പറഞ്ഞു: “എന്റെ രാജ്യം ഈ ലോക​ത്തി​ന്റെ ഭാഗമല്ല.” (യോഹ. 18:36) അതെ, യേശു​വി​ന്റെ രാജ്യം സ്വർഗീ​യ​മായ ഒന്നായി​രു​ന്നു. അതു​കൊ​ണ്ടു​തന്നെ യേശു രാഷ്‌ട്രീ​യ​കാ​ര്യ​ങ്ങ​ളിൽ ഉൾപ്പെ​ടു​മാ​യി​രു​ന്നില്ല. ‘സത്യത്തി​നു സാക്ഷി​യാ​യി നിൽക്കുക’ എന്നതാണു ഭൂമി​യി​ലെ തന്റെ ദൗത്യ​മെന്നു യേശു പീലാ​ത്തൊ​സി​നോ​ടു പറഞ്ഞു.—യോഹ​ന്നാൻ 18:37 വായി​ക്കുക.

 7. സ്വാത​ന്ത്ര്യ​ത്തി​നു​വേ​ണ്ടി​യുള്ള പ്രസ്ഥാ​ന​ങ്ങളെ മനസ്സു​കൊ​ണ്ടു​പോ​ലും പിന്തു​ണ​യ്‌ക്കാ​തി​രി​ക്കു​ന്നതു ബുദ്ധി​മു​ട്ടാ​യേ​ക്കാ​വു​ന്നത്‌ എന്തു​കൊണ്ട്‌?

⁷ യേശു​വി​നു തന്റെ ദൗത്യം എന്താ​ണെന്നു വ്യക്തമാ​യി അറിയാ​മാ​യി​രു​ന്നു. അതു​പോ​ലെ നമ്മുടെ നിയമ​ന​ത്തെ​ക്കു​റിച്ച്‌ നമുക്കും വ്യക്തമാ​യി അറിയാ​മെ​ങ്കിൽ മനസ്സു​കൊ​ണ്ടു​പോ​ലും ഒരു രാഷ്‌ട്രീ​യ​പ്ര​സ്ഥാ​ന​ത്തെ​യും നമ്മൾ പിന്തു​ണ​യ്‌ക്കില്ല. എന്നാൽ ഇതു ബുദ്ധി​മു​ട്ടാ​യി​രു​ന്നേ​ക്കാം. ഒരു സഞ്ചാര​മേൽവി​ചാ​രകൻ ഇങ്ങനെ എഴുതു​ന്നു: “ഞങ്ങളുടെ ഈ പ്രദേ​ശത്ത്‌ ആളുകൾ കൂടു​തൽക്കൂ​ടു​തൽ തീവ്ര​ചി​ന്താ​ഗ​തി​ക്കാ​രാ​യി മാറു​ക​യാണ്‌. എല്ലായി​ട​ത്തും ദേശീ​യ​വി​കാ​രം അലയടി​ക്കു​ന്നു, രാഷ്‌ട്രീ​യ​സ്വാ​ത​ന്ത്ര്യം തങ്ങളുടെ ജീവി​താ​വ​സ്ഥകൾ മെച്ച​പ്പെ​ടു​ത്തു​മെന്നു മിക്കവ​രും കരുതു​ന്നു. സന്തോ​ഷ​ക​ര​മെന്നു പറയട്ടെ, ദൈവ​രാ​ജ്യ​ത്തി​ന്റെ സന്തോ​ഷ​വാർത്ത ഘോഷി​ക്കു​ന്ന​തിൽ മുഴു​കി​ക്കൊണ്ട്‌ നമ്മുടെ സഹോ​ദ​രങ്ങൾ അവരുടെ ഐക്യം കാത്തു​സൂ​ക്ഷി​ക്കു​ന്നു. നമ്മൾ അനുഭ​വി​ക്കുന്ന അനീതി ഉൾപ്പെടെ എല്ലാ പ്രശ്‌ന​ങ്ങ​ളു​ടെ​യും പരിഹാ​ര​ത്തി​നാ​യി സഹോ​ദ​രങ്ങൾ ദൈവ​ത്തി​ലേ​ക്കാ​ണു നോക്കു​ന്നത്‌.”

 8. ഒന്നാം നൂറ്റാ​ണ്ടി​ലെ ജൂതന്മാർ സഹി​ക്കേ​ണ്ടി​വന്ന കഷ്ടപ്പാ​ടിന്‌ ഒരു ഉദാഹ​രണം പറയുക.

⁸ അനീതി പലപ്പോ​ഴും രാഷ്‌ട്രീ​യ​പ്ര​ശ്‌ന​ങ്ങളെ ആളിക്ക​ത്തി​ക്കു​ന്നു. നികുതി കൊടു​ക്കു​ന്നതു യേശു​വി​ന്റെ കാലത്ത്‌ ചൂടു​പി​ടിച്ച ഒരു രാഷ്‌ട്രീ​യ​പ്ര​ശ്‌ന​മാ​യി​രു​ന്നു. നേരത്തേ സൂചി​പ്പിച്ച ഗലീല​ക്കാ​ര​നായ യൂദാസ്‌ നടത്തിയ വിപ്ലവ​ത്തെ​ക്കു​റിച്ച്‌ ഓർക്കുക. ആളുകൾ നികുതി നൽകു​ന്നു​ണ്ടെന്ന്‌ ഉറപ്പു​വ​രു​ത്താൻ നടത്തിയ ഒരു കണക്കെ​ടു​പ്പാ​യി​രു​ന്നു ആ വിപ്ലവ​ത്തി​നു കാരണ​മാ​യത്‌. യേശു​വി​ന്റെ ശ്രോ​താ​ക്കൾ ഉൾപ്പെ​ടെ​യുള്ള റോമൻപ്ര​ജകൾ ചരക്കു​നി​കു​തി, ഭൂനി​കു​തി, വീട്ടു​കരം തുടങ്ങിയ പല തരം നികു​തി​കൾ കൊടു​ക്കാൻ ബാധ്യ​സ്ഥ​രാ​യി​രു​ന്നു. നികു​തി​പി​രി​വു​കാർ ലേലത്തി​ലൂ​ടെ​യാ​യി​രി​ക്കും നികുതി പിരി​ക്കാ​നുള്ള അവകാശം ചില​പ്പോൾ നേടി​യെ​ടു​ക്കു​ന്നത്‌. എന്നിട്ട്‌ ആ അധികാ​രം ഉപയോ​ഗിച്ച്‌ അവർ ധാരാളം പണമു​ണ്ടാ​ക്കും. അവരുടെ അഴിമതി കാരണം നികുതി കൊടു​ക്കു​ന്നത്‌ ആളുകൾക്ക്‌ ഒരു വലിയ ഭാരമാ​യി. ഉദാഹ​ര​ണ​ത്തിന്‌, യരീ​ഹൊ​യി​ലെ മുഖ്യ നികു​തി​പി​രി​വു​കാ​ര​നായ സക്കായി ആളുകളെ പിഴി​ഞ്ഞാ​ണു സമ്പന്നനാ​യത്‌. (ലൂക്കോ. 19:2, 8) നികു​തി​പി​രി​വു​കാ​രിൽ പലരും ഇത്തരക്കാ​രാ​യി​രു​ന്നു.

9, 10. (എ) ഒരു രാഷ്‌ട്രീ​യ​പ്ര​ശ്‌ന​ത്തിൽ ഉൾപ്പെ​ടു​ത്തി യേശു​വി​നെ ശത്രുക്കൾ കുടു​ക്കാൻ ശ്രമി​ച്ചത്‌ എങ്ങനെ? (ബി) യേശു​വി​ന്റെ മറുപ​ടി​യിൽനിന്ന്‌ നമുക്ക്‌ എന്ത്‌ പഠിക്കാം? (ലേഖനാ​രം​ഭ​ത്തി​ലെ ചിത്രം കാണുക.)

⁹ നികുതി കൊടു​ക്കുന്ന വിഷയ​ത്തിൽ യേശു ഏതു പക്ഷത്താ​ണെന്നു ചോദി​ച്ചു​കൊണ്ട്‌ ഒരിക്കൽ ശത്രുക്കൾ യേശു​വി​നെ കുടു​ക്കാൻ ശ്രമിച്ചു. റോമി​ന്റെ അധീന​ത​യി​ലു​ണ്ടാ​യി​രു​ന്നവർ ആളോ​ഹരി ഒരു ദിനാറെ വീതം “തലക്കരം” കൊടു​ക്ക​ണ​മാ​യി​രു​ന്നു. (മത്തായി 22:16-18 വായി​ക്കുക.) ജൂതന്മാർക്ക്‌ ഇതി​നോ​ടു കടുത്ത വിരോ​ധ​മാ​യി​രു​ന്നു. കാരണം തലക്കരം കൊടു​ക്കു​ന്നതു റോമൻ ഭരണ​ത്തോ​ടുള്ള വിധേ​യ​ത്വം സൂചി​പ്പി​ച്ചു. നികുതി കൊടു​ക്കേണ്ട എന്നു യേശു പറയു​ക​യാ​ണെ​ങ്കിൽ, യേശു​വിന്‌ എതിരെ രാജ്യ​ദ്രോ​ഹ​ക്കു​റ്റം ചുമത്താ​മെന്ന്‌ ഈ ചോദ്യം ഉയർത്തി​ക്കൊ​ണ്ടു​വന്ന ‘ഹെരോ​ദി​ന്റെ അനുയാ​യി​കൾ’ കരുതി. അതേസ​മയം, നികുതി കൊടു​ക്ക​ണ​മെന്നു പറഞ്ഞാൽ യേശു​വി​നു സ്വന്തം അനുഗാ​മി​ക​ളു​ടെ പിന്തുണ നഷ്ടപ്പെ​ടാ​നുള്ള സാധ്യ​ത​യു​ണ്ടാ​യി​രു​ന്നു.

¹⁰ ഈ വിഷയ​ത്തിൽ നിഷ്‌പ​ക്ഷ​നാ​യി​രി​ക്കാൻ യേശു ശ്രദ്ധിച്ചു. യേശു ഇങ്ങനെ പറഞ്ഞു: “സീസർക്കു​ള്ളതു സീസർക്കും ദൈവ​ത്തി​നു​ള്ളതു ദൈവ​ത്തി​നും കൊടു​ക്കുക.” (മത്താ. 22:21) നികു​തി​പി​രി​വു​കാർ അഴിമ​തി​ക്കാ​രാ​ണെന്നു യേശു​വിന്‌ അറിയാ​മാ​യി​രു​ന്നു. എന്നാൽ മനുഷ്യ​ന്റെ എല്ലാ പ്രശ്‌ന​ങ്ങൾക്കു​മുള്ള യഥാർഥ​പ​രി​ഹാ​രം ദൈവ​രാ​ജ്യ​മാ​ണെ​ന്നും യേശു​വിന്‌ അറിയാ​മാ​യി​രു​ന്നു. ആ മുഖ്യ​വി​ഷ​യ​ത്തിൽനിന്ന്‌ ശ്രദ്ധ മാറാൻ യേശു ആഗ്രഹി​ച്ചില്ല. അങ്ങനെ യേശു തന്റെ എല്ലാ അനുഗാ​മി​കൾക്കും​വേണ്ടി മാതൃ​ക​വെച്ചു. അതു​കൊണ്ട്‌ യേശു​വി​ന്റെ അനുഗാ​മി​ക​ളായ നമ്മൾ ഇത്തരം പ്രശ്‌ന​ങ്ങ​ളിൽ ആരു​ടെ​യും പക്ഷം പിടി​ക്ക​രുത്‌. ഒരു കാര്യം എത്ര ശരിയാ​ണെ​ന്നും എത്ര ന്യായ​മാ​ണെ​ന്നും തോന്നി​യാ​ലും നമ്മൾ അതി​ലൊ​ന്നും ഉൾപ്പെ​ടു​ക​യില്ല. പകരം, ക്രിസ്‌ത്യാ​നി​കൾ ദൈവ​ത്തി​ന്റെ രാജ്യ​വും ദൈവ​ത്തി​ന്റെ നീതി​യും അന്വേ​ഷി​ക്കു​ന്നു. അതു​കൊണ്ട്‌ അനീതി നടമാ​ടുന്ന കാര്യ​ങ്ങ​ളിൽ അവർ രോഷം​കൊ​ള്ളു​ക​യോ ശക്തമായ അഭി​പ്രാ​യ​പ്ര​ക​ട​നങ്ങൾ നടത്തു​ക​യോ ചെയ്യു​ന്നില്ല.—മത്താ. 6:33.

11. അനീതി​ക്കെ​തി​രെ പോരാ​ടാ​നുള്ള ഏറ്റവും നല്ല മാർഗം ഏതാണ്‌?

¹¹ ഒരിക്കൽ വെച്ചു​പു​ലർത്തി​യി​രുന്ന ശക്തമായ രാഷ്‌ട്രീ​യ​കാ​ഴ്‌ച​പ്പാ​ടു​കൾ വിട്ടു​ക​ള​യു​ന്ന​തിൽ മിക്ക യഹോ​വ​യു​ടെ സാക്ഷി​ക​ളും വിജയി​ച്ചി​രി​ക്കു​ന്നു. ഗ്രേറ്റ്‌ ബ്രിട്ട​നി​ലെ ഒരു സഹോ​ദരി പറയുന്നു: “സർവക​ലാ​ശാ​ല​യി​ലെ സാമൂ​ഹ്യ​ശാ​സ്‌ത്ര പഠന ക്ലാസുകൾ പൂർത്തി​യാ​ക്കിയ ഞാൻ തീവ്ര​ചി​ന്താ​ഗ​തി​ക്കാ​രി​യാ​യി മാറി. കറുത്ത വർഗക്കാ​രു​ടെ അവകാ​ശ​ങ്ങൾക്കു​വേണ്ടി പോരാ​ടാൻ ഞാൻ ആഗ്രഹി​ച്ചു. കാരണം, ഞങ്ങൾ അത്ര​യേറെ അനീതി​യാണ്‌ അനുഭ​വി​ച്ചി​രു​ന്നത്‌. അനീതി​യെ​ക്കു​റി​ച്ചുള്ള വാദ​പ്ര​തി​വാ​ദ​ങ്ങ​ളി​ലൊ​ക്കെ ഞാൻ ജയിച്ചി​രു​ന്നെ​ങ്കി​ലും അവസാനം നിരാശ മാത്ര​മാ​യി​രു​ന്നു ബാക്കി. വർഗവി​വേ​ച​ന​ത്തി​ന്റെ കാരണങ്ങൾ ആളുക​ളു​ടെ ഹൃദയ​ങ്ങ​ളിൽനി​ന്നാ​ണു പിഴു​തെ​റി​യേ​ണ്ട​തെന്ന്‌ എനിക്ക്‌ അറിഞ്ഞു​കൂ​ടാ​യി​രു​ന്നു. ബൈബിൾ പഠിക്കാൻ തുടങ്ങി​യ​പ്പോൾ എന്റെ ഹൃദയ​ത്തിൽ മാറ്റങ്ങൾ വരു​ത്തേ​ണ്ട​തി​ന്റെ ആവശ്യം ഞാൻ മനസ്സി​ലാ​ക്കി. ഇതിന്‌ എന്നെ ക്ഷമയോ​ടെ സഹായി​ച്ചതു വെള്ളക്കാ​രി​യായ ഒരു സഹോ​ദ​രി​യാ​യി​രു​ന്നു. ഇപ്പോൾ ഞാൻ ഒരു ആംഗ്യ​ഭാ​ഷാ​സ​ഭ​യിൽ സാധാരണ മുൻനി​ര​സേ​വി​ക​യാ​യി പ്രവർത്തി​ക്കു​ക​യാണ്‌. വേർതി​രി​വൊ​ന്നു​മി​ല്ലാ​തെ എല്ലാ തരം ആളുക​ളെ​യും സഹായി​ക്കാൻ ഞാൻ പഠിച്ചു​കൊ​ണ്ടി​രി​ക്കു​ന്നു.”

12. തന്റെ ശിഷ്യ​ന്മാ​രോട്‌ ഏതു തരം ‘പുളിച്ച മാവ്‌’ ഒഴിവാ​ക്കാ​നാ​ണു യേശു ആവശ്യ​പ്പെ​ട്ടത്‌?

¹² യേശു​വി​ന്റെ നാളിൽ മതവും രാഷ്‌ട്രീ​യ​വും മിക്ക​പ്പോ​ഴും കൂടി​ക്കു​ഴഞ്ഞ്‌ കിടക്കു​ക​യാ​യി​രു​ന്നു. യേശു​വി​ന്റെ കാലത്തെ പലസ്‌തീ​നി​ലെ അനുദി​ന​ജീ​വി​തം എന്ന പുസ്‌തകം ഇങ്ങനെ പറയുന്നു: “നമ്മൾ ഇന്നു രാഷ്‌ട്രീ​യ​പ്പാർട്ടി​കൾ എന്നു വിളി​ക്കു​ന്ന​തി​നോട്‌ ഏതാണ്ട്‌ സമമാ​യി​രു​ന്നു അന്നത്തെ ജൂതന്മാർക്കി​ട​യി​ലു​ണ്ടാ​യി​രുന്ന മതപര​മായ കക്ഷിപി​രി​വു​കൾ.” അതു​കൊണ്ട്‌ യേശു ശിഷ്യ​ന്മാർക്ക്‌ ഈ മുന്നറി​യി​പ്പു നൽകി: “സൂക്ഷി​ച്ചു​കൊ​ള്ളുക! പരീശ​ന്മാ​രു​ടെ​യും ഹെരോ​ദി​ന്റെ​യും പുളിച്ച മാവി​നെ​ക്കു​റിച്ച്‌ ജാഗ്രത വേണം.” (മർക്കോ. 8:15) ഹെരോ​ദി​നെ​ക്കു​റി​ച്ചുള്ള പരാമർശം സാധ്യ​ത​യ​നു​സ​രിച്ച്‌ ഹെരോ​ദി​ന്റെ അനുയാ​യി​ക​ളെ​യാ​യി​രി​ക്കണം സൂചി​പ്പി​ക്കു​ന്നത്‌. പരീശ​ന്മാ​രെ​ക്കു​റിച്ച്‌ പറഞ്ഞാൽ, റോമൻഭ​ര​ണ​ത്തിൽനി​ന്നുള്ള ജൂതന്മാ​രു​ടെ സ്വാത​ന്ത്ര്യ​ത്തെ പിന്തു​ണ​ച്ചി​രു​ന്ന​വ​രാ​യി​രു​ന്നു അവർ. മത്തായി​യു​ടെ വിവര​ണ​ത്തിൽനി​ന്നും യേശു ഈ സംഭാ​ഷ​ണ​സ​മ​യത്ത്‌ സദൂക്യ​രെ​ക്കു​റി​ച്ചും പറയു​ന്ന​താ​യി കാണാം. റോമി​ന്റെ ആധിപ​ത്യ​ത്തിൽ തുടര​ണ​മെ​ന്നാ​യി​രു​ന്നു അവരുടെ നിലപാട്‌. അവരിൽ പലർക്കും റോമൻ ഭരണത്തി​ന്റെ കീഴിൽ നല്ല അധികാ​ര​സ്ഥാ​നങ്ങൾ ഉണ്ടായി​രു​ന്നു. ഈ മൂന്നു കൂട്ടരു​ടെ​യും പഠിപ്പി​ക്ക​ലു​ക​ളിൽനിന്ന്‌ അകന്നു​നി​ന്നു​കൊ​ള്ളാ​നാ​ണു യേശു തന്റെ ശിഷ്യരെ ശക്തമായി ഉദ്‌ബോ​ധി​പ്പി​ച്ചത്‌. (മത്താ. 16:6, 12) രസകര​മെന്നു പറയട്ടെ, ആളുകൾ യേശു​വി​നെ രാജാ​വാ​ക്കാൻ ശ്രമിച്ച്‌ അധികം നാൾ പിന്നി​ടു​ന്ന​തി​നു മുമ്പാണ്‌ ഈ സംഭാ​ഷണം നടന്നത്‌.

13, 14. (എ) രാഷ്‌ട്രീ​യ​വും മതപര​വും ആയ പ്രശ്‌നങ്ങൾ എങ്ങനെ​യാണ്‌ അക്രമ​ത്തി​ലേ​ക്കും അനീതി​യി​ലേ​ക്കും നയിച്ചത്‌? (ബി) നമ്മളോട്‌ അനീതി കാണി​ച്ചാ​ലും നമ്മൾ ഒരിക്ക​ലും അക്രമ​ത്തി​ന്റെ പാത സ്വീക​രി​ക്ക​രു​താ​ത്തത്‌ എന്തു​കൊണ്ട്‌? (ലേഖനാ​രം​ഭ​ത്തി​ലെ ചിത്രം കാണുക.)

¹³ മതം രാഷ്‌ട്രീ​യ​കാ​ര്യ​ങ്ങ​ളിൽ ഉൾപ്പെ​ടു​മ്പോൾ അക്രമം പൊട്ടി​പ്പു​റ​പ്പെ​ടാ​നുള്ള സാധ്യത വളരെ കൂടു​ത​ലാണ്‌. അത്തരം സാഹച​ര്യ​ങ്ങ​ളിൽ തന്റെ ശിഷ്യ​ന്മാർ നിഷ്‌പ​ക്ഷ​രാ​യി നിൽക്ക​ണ​മെന്നു യേശു പഠിപ്പി​ച്ചു. മുഖ്യ​പു​രോ​ഹി​ത​ന്മാ​രും പരീശ​ന്മാ​രും യേശു​വി​നെ കൊല്ലാൻ ആഗ്രഹി​ച്ച​തി​ന്റെ ഒരു കാരണം അതാണ്‌. തങ്ങളുടെ സ്ഥാനമാ​ന​ങ്ങൾക്കു ഭീഷണി ഉയർത്തുന്ന ഒരു രാഷ്‌ട്രീയ-മത ശത്രു​വാ​യി​ട്ടാണ്‌ അവർ യേശു​വി​നെ കണ്ടത്‌. അവർ പറഞ്ഞു: “ഇവനെ ഇങ്ങനെ വിട്ടാൽ എല്ലാവ​രും അവനിൽ വിശ്വ​സി​ക്കും. റോമാ​ക്കാർ വന്ന്‌ നമ്മുടെ സ്ഥലം കൈയ​ട​ക്കും, നമ്മുടെ ജനത​യെ​യും പിടി​ച്ച​ട​ക്കും.” (യോഹ. 11:48) അങ്ങനെ മഹാപു​രോ​ഹി​ത​നായ കയ്യഫയു​ടെ നേതൃ​ത്വ​ത്തിൽ യേശു​വി​നെ കൊല്ലാ​നുള്ള പദ്ധതികൾ ആസൂ​ത്രണം ചെയ്യാൻ തുടങ്ങി.—യോഹ. 11:49-53; 18:14.

¹⁴ രാത്രി​യിൽ, ഇരുട്ടി​ന്റെ മറവിൽ യേശു​വി​നെ അറസ്റ്റ്‌ ചെയ്യാൻ കയ്യഫ പടയാ​ളി​കളെ അയച്ചു. അങ്ങേയറ്റം ലജ്ജാക​ര​മായ ഈ പദ്ധതി​യെ​ക്കു​റിച്ച്‌ യേശു​വിന്‌ അറിയാ​മാ​യി​രു​ന്നു. ആ സാഹച​ര്യ​ത്തിൽ അപ്പോ​സ്‌ത​ല​ന്മാ​രെ ഒരു പ്രധാ​ന​പ്പെട്ട പാഠം പഠിപ്പി​ക്കു​ന്ന​തി​നു​വേണ്ടി വാളുകൾ കൈയിൽ കരുതാൻ യേശു അവസാ​നത്തെ ഭക്ഷണത്തി​ന്റെ സമയത്ത്‌ അവരോ​ടു പറഞ്ഞു. അതിന്‌ അവി​ടെ​യു​ണ്ടാ​യി​രുന്ന രണ്ടു വാളുകൾ ധാരാ​ള​മാ​യി​രു​ന്നു. (ലൂക്കോ. 22:36-38) ആ രാത്രി കുറെ​ക്ക​ഴിഞ്ഞ്‌ യേശു​വി​നെ അറസ്റ്റ്‌ ചെയ്യാൻ വന്ന ജനക്കൂ​ട്ട​ത്തി​ലെ ഒരാളെ പത്രോസ്‌ വാളു​കൊണ്ട്‌ ആക്രമി​ച്ചു. യേശു​വി​നെ രാത്രി​യിൽ അറസ്റ്റ്‌ ചെയ്യാൻ വന്നത്‌ അനീതി​യാ​ണെന്ന്‌ അറിയാ​മാ​യി​രുന്ന പത്രോ​സിന്‌ അങ്ങേയറ്റം അമർഷം തോന്നി​യെ​ന്ന​തിൽ ഒരു സംശയ​വു​മില്ല. (യോഹ. 18:10) പക്ഷേ യേശു പത്രോ​സി​നോ​ടു പറഞ്ഞു: “വാൾ ഉറയിൽ ഇടുക; വാൾ എടുക്കു​ന്ന​വ​രെ​ല്ലാം വാളിന്‌ ഇരയാ​കും.” (മത്താ. 26:52, 53) അതേ രാത്രി ഏതാനും മണിക്കൂ​റു​കൾക്കു മുമ്പ്‌ നടത്തിയ പ്രാർഥ​ന​യിൽ, തന്റെ ശിഷ്യ​ന്മാർ ഈ ലോക​ത്തി​ന്റെ ഭാഗമല്ല എന്നു യേശു പറഞ്ഞി​രു​ന്നു. യേശു ഇപ്പോൾ അവരെ പഠിപ്പിച്ച പ്രധാ​ന​പ്പെട്ട ഈ പാഠം ആ വാക്കു​ക​ളോ​ടു ചേർച്ച​യി​ലാ​യി​രു​ന്നു. (യോഹ​ന്നാൻ 17:16 വായി​ക്കുക.) അനീതി​ക്കെ​തി​രെ പോരാ​ടു​ന്നത്‌ യഹോ​വ​യ്‌ക്കു വിട്ടു​കൊ​ടു​ക്കേണ്ട ഒരു കാര്യ​മാണ്‌.

15, 16. (എ) സംഘർഷങ്ങൾ ഒഴിവാ​ക്കാൻ ദൈവ​വ​ചനം ക്രിസ്‌ത്യാ​നി​കളെ സഹായി​ച്ചി​രി​ക്കു​ന്നത്‌ എങ്ങനെ? (ബി) ഇന്നത്തെ ലോകത്തെ നോക്കു​മ്പോൾ യഹോവ വ്യത്യ​സ്‌ത​മായ എന്താണു കാണു​ന്നത്‌?

¹⁵ ഈ ലേഖന​ത്തി​ന്റെ തുടക്ക​ത്തിൽ പറഞ്ഞ ദക്ഷിണ യൂറോ​പ്പി​ലെ സഹോ​ദരി ഇതേ പാഠം പഠിച്ചു. സഹോ​ദരി പറയുന്നു: “അക്രമ​ത്തി​ലൂ​ടെ ഒരിക്ക​ലും നീതി സ്ഥാപി​ക്കാ​നാ​കി​ല്ലെന്ന്‌ എനിക്ക്‌ ഇപ്പോൾ അറിയാം. അക്രമ​ത്തി​ന്റെ പാത തിര​ഞ്ഞെ​ടു​ക്കു​ന്ന​വരെ കാത്തി​രി​ക്കു​ന്നതു മിക്ക​പ്പോ​ഴും മരണമാ​യി​രി​ക്കും. ഇനി, മറ്റു പലരും പകയും വിദ്വേ​ഷ​വും ഉള്ളവരാ​യി​ത്തീർന്നി​രി​ക്കു​ന്നു. ദൈവ​ത്തി​നു മാത്രമേ ഭൂമി​യിൽ യഥാർഥ​നീ​തി സ്ഥാപി​ക്കാൻ കഴിയൂ എന്നു ബൈബി​ളിൽനിന്ന്‌ മനസ്സി​ലാ​ക്കാൻ കഴിഞ്ഞ​തിൽ എനിക്കു വളരെ​യ​ധി​കം സന്തോ​ഷ​മുണ്ട്‌. കഴിഞ്ഞ 25 വർഷമാ​യി ഈ സന്ദേശം ഞാൻ മറ്റുള്ള​വ​രോ​ടു പ്രസം​ഗി​ക്കു​ക​യാണ്‌.” കുന്തം​കൊണ്ട്‌ മറ്റുള്ള​വരെ വകവരു​ത്താൻ പരിശീ​ലനം കിട്ടിയ തെക്കൻ ആഫ്രി​ക്ക​യി​ലെ ആ സഹോ​ദ​രന്റെ കാര്യ​മോ? കുന്തം ഉപേക്ഷിച്ച അദ്ദേഹം ‘ദൈവാ​ത്മാ​വി​ന്റെ വാളായ’ ദൈവ​വ​ചനം കൈയിൽ എടുത്തു. വംശം ഏതെന്നു നോക്കാ​തെ അതിലെ സമാധാ​ന​ത്തി​ന്റെ സന്ദേശം അദ്ദേഹം എല്ലാ അയൽക്കാ​രോ​ടും ഘോഷി​ക്കു​ന്നു. (എഫെ. 6:17) യഹോ​വ​യു​ടെ സാക്ഷി​യാ​യ​തി​നു ശേഷം മധ്യ യൂറോ​പ്പി​ലെ ആ സഹോ​ദരി താൻ മുമ്പ്‌ വെറു​ത്തി​രുന്ന വംശത്തി​ലെ ഒരു സഹോ​ദ​രനെ വിവാഹം കഴിച്ചു. ക്രിസ്‌തു​വി​നെ​പ്പോ​ലെ​യാ​കാൻ ആഗ്രഹി​ച്ച​തു​കൊ​ണ്ടാണ്‌ ഈ മൂന്നു പേരും മാറ്റങ്ങൾ വരുത്തി​യത്‌.

¹⁶ ഇതു​പോ​ലെ മാറ്റങ്ങൾ വരുത്തു​ന്നത്‌ എത്ര പ്രധാ​ന​മാണ്‌! ബൈബിൾ മനുഷ്യ​സ​മു​ദാ​യത്തെ ഇളകി​മ​റി​യുന്ന, പ്രക്ഷു​ബ്ധ​മായ കടലി​നോ​ടാണ്‌ ഉപമി​ക്കു​ന്നത്‌. (യശ. 17:12; 57:20, 21; വെളി. 13:1) രാഷ്‌ട്രീ​യ​പ്ര​ശ്‌നങ്ങൾ ആളുകളെ ഇളക്കു​ക​യും ഭിന്നി​പ്പി​ക്കു​ക​യും കണ്ണിൽച്ചോ​ര​യി​ല്ലാ​തെ അക്രമ​ത്തിൽ ഏർപ്പെ​ടാൻ അവരെ പ്രേരി​പ്പി​ക്കു​ക​യും ചെയ്യുന്നു. എന്നാൽ നമ്മൾ നമ്മുടെ ഇടയിലെ ഐക്യ​വും സമാധാ​ന​വും കാത്തു​പ​രി​പാ​ലി​ക്കു​ന്നു. ലോകം ഭിന്നി​ച്ചു​നിൽക്കു​മ്പോൾ, തന്റെ ജനം ഐക്യ​ത്തോ​ടെ ഒരുമിച്ച്‌ നിൽക്കു​ന്നതു കാണു​ന്നത്‌ യഹോ​വ​യു​ടെ ഹൃദയത്തെ എത്രയ​ധി​കം സന്തോ​ഷി​പ്പി​ക്കും!—സെഫന്യ 3:17 വായി​ക്കുക.

17. (എ) നമുക്കി​ട​യി​ലെ ഐക്യം വർധി​പ്പി​ക്കാൻ ചെയ്യാ​നാ​കുന്ന മൂന്നു കാര്യങ്ങൾ എന്തൊക്കെ? (ബി) അടുത്ത ലേഖന​ത്തിൽ നമ്മൾ എന്തു പഠിക്കും?

¹⁷ നമുക്കി​ട​യി​ലെ ഐക്യം വർധി​പ്പി​ക്കാൻ മൂന്നു കാര്യങ്ങൾ ചെയ്യാ​നാ​കും എന്നു നമ്മൾ പഠിച്ചു: (1) അനീതിക്ക്‌ അറുതി​വ​രു​ത്തു​ന്ന​തി​നു ദൈവ​ത്തി​ന്റെ സ്വർഗീ​യ​രാ​ജ്യ​ത്തിൽ നമ്മൾ പ്രത്യാശ അർപ്പി​ക്കു​ന്നു. (2) രാഷ്‌ട്രീ​യ​പ്ര​ശ്‌ന​ങ്ങ​ളിൽ പക്ഷം പിടി​ക്കു​ന്നതു നമ്മൾ ഒഴിവാ​ക്കു​ന്നു. (3) നമ്മൾ അക്രമ​ത്തി​ന്റെ പാത തിര​ഞ്ഞെ​ടു​ക്കു​ന്നില്ല. ചിലപ്പോൾ മുൻവിധി നമ്മുടെ ഐക്യ​ത്തി​നു ഭീഷണി ഉയർത്തി​യേ​ക്കാം. ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​ക​ളെ​പ്പോ​ലെ നമുക്കും ഈ പ്രശ്‌നം എങ്ങനെ വിജയ​ക​ര​മാ​യി കൈകാ​ര്യം ചെയ്യാ​മെന്ന്‌ അടുത്ത ലേഖന​ത്തിൽ പഠിക്കും.