രത്‌നങ്ങൾ മത്തായി​യു​ടെ സുവി​ശേ​ഷ​ത്തിൽനിന്ന്‌

യേശു​ക്രി​സ്‌തു​വി​ന്റെ ജനന​ത്തെ​യും ജീവി​ത​ത്തെ​യും മരണ​ത്തെ​യും പുനരു​ത്ഥാ​ന​ത്തെ​യും കുറി​ച്ചുള്ള ഒരു പുളക​പ്ര​ദ​മായ വിവര​ണ​മെ​ഴു​താൻ യഹോ​വ​യാം ദൈവം മുൻ നികു​തി​പി​രി​വു​കാ​ര​നാ​യി​രുന്ന മത്തായി​യെ നിശ്വ​സ്‌ത​നാ​ക്കി. പത്താം നൂററാ​ണ്ടി​നു​ശേ​ഷ​മുള്ള നിരവധി കൈ​യെ​ഴു​ത്തു​പ്ര​തി​ക​ളു​ടെ അടിയി​ലെ കുറി​പ്പു​കൾ ഈ സുവി​ശേഷം യേശു​വി​ന്റെ സ്വർഗ്ഗാ​രോ​ഹ​ണ​ത്തി​ന്റെ എട്ടാം വർഷത്തിൽ എഴുത​പ്പെ​ട്ടു​വെന്നു പറയുന്നു. (ഏകദേശം ക്രി.വ. 41) ഇത്‌ ആഭ്യന്തര തെളി​വി​നു വിരു​ദ്ധ​മാ​യി​രി​ക്കു​ന്നില്ല, എന്തു​കൊ​ണ്ടെ​ന്നാൽ വിവരണം ക്രി.വ. 33-ൽ യേശു കൊടുത്ത ശിഷ്യ​രാ​ക്കൽനി​യോ​ഗ​ത്തോ​ടെ അവസാ​നി​ക്കു​ക​യും ക്രി.വ. 70-ൽ റോമാ​യാ​ലു​ണ്ടായ യരുശ​ലേ​മി​ന്റെ നാശ​ത്തെ​ക്കു​റിച്ച്‌ യാതൊ​ന്നും പറയാ​തി​രി​ക്കു​ക​യും​ചെ​യ്യു​ന്നു.

നാലാം നൂററാ​ണ്ടി​ലെ ചരി​ത്ര​കാ​ര​നായ യൂസേ​ബി​യസ്‌ തന്റെ ഹിസ്‌റേ​റ​റി​യാ എക്ലിസ്യാ​സ്‌റ​റ​ക്കാ​യിൽ രണ്ടാം നൂററാ​ണ്ടി​ലെ പാപ്പി​യാ​സി​നെ​യും ഐറേ​നി​യ​സി​നെ​യും മൂന്നാം നൂററാ​ണ്ടി​ലെ ഓറി​ജ​നെ​യും ഉദ്ധരി​ക്കു​ന്നു. അവരെ​ല്ലാം ഈ സുവി​ശേഷം മത്തായി എബ്രാ​യ​യി​ലെ​ഴു​തി​യ​താ​ണെന്നു പറയു​ക​യും ചെയ്യുന്നു. ഇത്‌ യഥാർത്ഥ​ത്തിൽ അരാമ്യ​യാ​യി​രു​ന്നോ? ജോർജി​യാ യൂണി​വേ​ഴ്‌സി​റ​റി​യി​ലെ മത പ്രൊ​ഫ​സ്സ​റായ ജോർജ്‌ ഹോവാർഡ്‌ പറയുന്ന പ്രമാ​ണ​ങ്ങ​ള​നു​സ​രിച്ച്‌ അല്ല. അദ്ദേഹം ഇങ്ങനെ എഴുതി: “ഈ സങ്കൽപ്പം മുഖ്യ​മാ​യി പലസ്‌തീ​നിൽ യേശു​വി​ന്റെ നാളു​ക​ളി​ലെ എബ്രാ​യക്കു പകരം അരാമ്യ പ്രബല​പ്പെ​ട്ട​തു​കൊണ്ട്‌ അത്‌ മേലാൽ ഉപയോ​ഗ​ത്തി​ലി​ല്ലാ​യി​രു​ന്നു​വെന്ന വിശ്വാ​സം നിമി​ത്ത​മാണ്‌. മിക്കതും എബ്രായ രചനക​ളാ​യി​രുന്ന ചാവു​ക​ടൽചു​രു​ളു​ക​ളു​ടെ തുടർന്നുള്ള കണ്ടുപി​ടു​ത്ത​വും യേശു​വി​ന്റെ പൊതു കാലഘ​ട്ട​ത്തി​ലെ പലസ്‌തീ​നിൽനി​ന്നുള്ള മററു എബ്രായ പ്രമാ​ണ​ങ്ങ​ളു​ടെ കണ്ടുപി​ടു​ത്ത​വും എബ്രായ ഒന്നാം നൂററാ​ണ്ടിൽ സജീവ​മാ​യി പ്രാബ​ല്യ​ത്തി​ലി​രു​ന്നു​വെന്ന്‌ ഇപ്പോൾ തെളി​യി​ക്കു​ന്നു.” തെളി​വ​നു​സ​രിച്ച്‌, എബ്രാ​യ​രു​ടെ പ്രയോ​ജ​ന​ത്തി​നു​വേ​ണ്ടി​യാണ്‌ മത്തായി തന്റെ സുവി​ശേഷം എഴുതി​യത്‌, എന്നാൽ അത്‌ സാധാരണ ഗ്രീക്കി​ലേക്ക്‌ അവൻ വിവർത്ത​നം​ചെ​യ്‌തി​രി​ക്കാം.

മത്തായി​യു​ടെ സുവി​ശേഷം വായി​ക്കാൻ ഞങ്ങൾ നിങ്ങളെ പ്രോൽസാ​ഹി​പ്പി​ക്കു​ക​യാണ്‌. അതിൽ അടങ്ങി​യി​രി​ക്കുന്ന ഏതാനും ചില രത്‌ന​ങ്ങളെ നാം വീക്ഷി​ക്കു​മ്പോൾ ആ വിവര​ണത്തെ വ്യക്തമാ​ക്കുന്ന പശ്ചാത്തല വിവരം ശ്രദ്ധി​ക്കുക.

ജനനവും പ്രാരംഭ ശുശ്രൂ​ഷ​യും

യേശു​വി​ന്റെ വംശാ​വ​ലി​യും ജനനവും വിവരി​ച്ചു​കൊ​ണ്ടാണ്‌ മത്തായി​യു​ടെ സുവി​ശേഷം തുടങ്ങു​ന്നത്‌. മറിയ ഗർഭി​ണി​യാ​ണെന്ന്‌ കണ്ടെത്ത​പ്പെ​ട്ട​പ്പോൾ അവളുടെ പ്രതി​ശ്രു​ത​നായ യോ​സേഫ്‌ “അവളെ രഹസ്യ​മാ​യി ഉപേക്ഷി​ക്കാൻ തീരു​മാ​നി​ച്ചു.” (മത്തായി 1:19) എന്നാൽ അവർ വിവാ​ഹ​നി​ശ്ച​യം​ചെ​യ്‌തി​രി​ക്ക​മാ​ത്രം ചെയ്‌തി​രു​ന്ന​തു​കൊണ്ട്‌ അവന്‌ അത്‌ എങ്ങനെ ചെയ്യാൻ കഴിയും? ശരി, യഹൂദൻമാ​രെ സംബന്ധി​ച്ചി​ട​ത്തോ​ളം വിവാ​ഹ​നി​ശ്ച​യം​ചെ​യ്‌തി​രുന്ന സ്‌ത്രീക്ക്‌ വിവാ​ഹി​ത​യു​ടെ അതേ കടപ്പാ​ടു​കൾ ഉണ്ടായി​രു​ന്നു. അവൾ ആരെങ്കി​ലു​മാ​യി ലൈം​ഗി​ക​ബ​ന്ധ​ങ്ങ​ളിൽ ഏർപ്പെ​ട്ടി​രു​ന്നെ​ങ്കിൽ ഒരു വ്യഭി​ചാ​രി​ണി​യെ​ന്ന​പോ​ലെ അവളെ കല്ലെറി​ഞ്ഞു​കൊ​ല്ലാൻ കഴിയു​മാ​യി​രു​ന്നു. (ആവർത്തനം 22:23-29) വിവാ​ഹ​നി​ശ്ച​യ​ത്തി​ന്റെ ബാദ്ധ്യത നിമിത്തം, യാതൊ​രു ചടങ്ങും അവരെ വിവാ​ഹ​ബ​ന്ധ​ത്തിൽ ഏകീക​രി​ച്ചി​രു​ന്നി​ല്ലെ​ങ്കി​ലും യോ​സേഫ്‌ മറിയയെ ഉപേക്ഷി​ക്കാൻ പ്ലാൻചെ​യ്‌തു.

മത്തായി​യു​ടെ സുവി​ശേ​ഷ​ത്തി​ന്റെ ആദ്യ അദ്ധ്യാ​യ​ങ്ങ​ളിൽ യേശു​വി​ന്റെ ഗിരി​പ്ര​ഭാ​ഷണം അടങ്ങി​യി​രി​ക്കു​ന്നു. അതിൽ, ഒരു സഹോ​ദ​രനെ “പറയാൻകൊ​ള്ളാത്ത ഒരു നിന്ദാ​വാക്ക്‌” വിളി​ക്കു​ന്നവൻ “സുപ്രീം കോടതി”യിൽ കണക്കു​ബോ​ധി​പ്പി​ക്കേ​ണ്ടി​വ​രു​മെന്ന്‌ ക്രിസ്‌തു മുന്നറി​യി​പ്പു​കൊ​ടു​ത്തു. (5:22) അത്തരം സംസാരം ഒരുവന്റെ സഹോ​ദ​രനെ ഒരു മരത്തലയൻ എന്നു വിളി​ക്കു​ന്ന​തു​പോ​ലെ​യാ​യി​രി​ക്കും.

എന്നാൽ “സുപ്രീം കോടതി” എന്താണ്‌? അത്‌ യരുശ​ലേ​മി​ലെ 71 അംഗ സന്നദ്രീ​മാ​യി​രു​ന്നു. അതിലെ അംഗത്വ​ത്തിന്‌ യോഗ്യ​നാ​കാൻ എന്തു പശ്ചാത്തലം ആവശ്യ​മാ​യി​രു​ന്നു? മക്ലി​ന്റോ​ക്കി​ന്റെ​യും സ്‌​ട്രോം​ഗി​ന്റെ​യും സൈ​ക്ലോ​പ്പി​ഡി​യാ പറയുന്നു: “അപേക്ഷകൻ ധാർമ്മി​ക​മാ​യും ശാരീ​രി​ക​മാ​യും നിർദ്ദോ​ഷി​യാ​യി​രി​ക്കണം. അയാൾ മദ്ധ്യവ​യ​സ്‌ക്ക​നാ​യി​രി​ക്ക​ണ​മാ​യി​രു​ന്നു. പൊക്ക​മു​ള്ള​വ​നും സുമു​ഖ​നും ധനിക​നും പഠിപ്പു​ള്ള​വ​നു​മാ​യി​രി​ക്ക​ണ​മാ​യി​രു​ന്നു . . . അയാൾക്ക്‌ പല ഭാഷകൾ അറിവു​ണ്ടാ​യി​രി​ക്ക​ണ​മാ​യി​രു​ന്നു . . . വളരെ പ്രായ​മു​ള്ള​വ​രും മതാനു​സാ​രി​ക​ളും ഷണ്ഡൻമാ​രും നെഥി​നി​മു​ക​ളും അവരുടെ സ്വഭാ​വ​വൈ​ചി​ത്ര്യ​ങ്ങൾ നിമിത്തം അയോ​ഗ്യ​രാ​യി​രു​ന്നു; മക്കളി​ല്ലാത്ത സ്ഥാനാർത്ഥി​ക​ളെ​യും തെര​ഞ്ഞെ​ടു​ക്കാൻ പാടി​ല്ലാ​യി​രു​ന്നു, എന്തു​കൊ​ണ്ടെ​ന്നാൽ അവർക്ക്‌ കുടും​ബ​കാ​ര്യ​ങ്ങ​ളിൽ സഹതപി​ക്കാൻ കഴിയു​മാ​യി​രു​ന്നില്ല . . . ; തങ്ങൾ ഒരു പുരോ​ഹി​ത​ന്റെ​യോ ലേവ്യ​ന്റെ​യോ ഇസ്രാ​യേ​ല്യ​ന്റെ​യോ നിയമാ​നു​സൃത സന്താന​മാ​ണെന്ന്‌ തെളി​യി​ക്കാൻ കഴിയാ​ത്ത​വ​രെ​യും പാടി​ല്ലാ​യി​രു​ന്നു. . . . മഹാ സന്നദ്രീ​മി​ലേ​ക്കുള്ള ഒരു സ്ഥാനാർത്ഥി ഒന്നാമ​താ​യി തന്റെ സ്വന്ത പട്ടണത്തിൽ ന്യായാ​ധി​പ​തി​യാ​യി​രി​ക്ക​ണ​മെന്ന്‌ ആവശ്യ​പ്പെ​ട്ടി​രു​ന്നു; അവിടെ നിന്ന്‌ ചെറിയ സന്നദ്രീ​മി​ലേക്ക്‌ മാററ​പ്പെ​ട്ടി​രി​ക്ക​ണ​മാ​യി​രു​ന്നു . . . . പിന്നീട്‌ രണ്ടാമത്തെ ചെറിയ സന്നദ്രീ​മി​ലേക്ക്‌ പുരോ​ഗ​മി​ച്ചി​രി​ക്ക​ണ​മാ​യി​രു​ന്നു . . . എഴുപ​ത്തൊ​ന്നു പേരിൽ ഒരാളാ​യി​രി​ക്കു​ന്ന​തി​നു മുമ്പ്‌ ഇതൊക്കെ ആവശ്യ​മാ​യി​രു​ന്നു.”

അങ്ങനെ, “തന്റെ സഹോ​ദ​രനെ പറയാൻകൊ​ള്ളാത്ത ഒരു നിന്ദാ​വാ​ക്കു വിളി​ക്കുന്ന ആരെ”യും യഹൂദ സുപ്രീം കോടതി കുററം വിധിച്ച്‌ മരണശിക്ഷ വിധിച്ച ഒരാ​ളോ​ടു താരത​മ്യ​പ്പെ​ടു​ത്താ​വു​ന്ന​താ​ണെന്ന്‌ യേശു അർത്ഥമാ​ക്കി. നമ്മുടെ സഹോ​ദ​രൻമാ​രെ താറടി​ക്കാ​തി​രി​ക്കാൻ എന്തോരു മുന്നറി​യിപ്പ്‌! അത്യു​ന്ന​ത​കോ​ട​തി​യിൽ, “സർവഭൂ​മി​യു​ടെ​യും ന്യായാ​ധി​പതി”യായ യഹോ​വ​യു​ടെ മുമ്പാകെ, നാം ഒരിക്ക​ലും കുററ​വി​ധി അർഹി​ക്കാ​തി​രി​ക്ക​ത്ത​ക്ക​വണ്ണം നമുക്കു നമ്മുടെ നാവിനു കടിഞ്ഞാ​ണി​ടാം.—ഉൽപ്പത്തി 18:25; യാക്കോബ്‌ 3:2-12.

യേശു ഫലപ്ര​ദ​നായ ഒരു ഉപദേ​ഷ്ടാവ്‌

ഈ സുവി​ശേഷം യേശു​വി​നെ ചോദ്യ​ങ്ങൾക്ക്‌ വിദഗ്‌ദ്ധ​മാ​യി ഉത്തരം കൊടു​ക്കാൻ കഴിയുന്ന ഒരു ഉപദേ​ഷ്ടാ​വാ​യും ചിത്രീ​ക​രി​ക്കു​ന്നു. ദൃഷ്ടാ​ന്ത​മാ​യി, ഒരു ചോദ്യ​ത്തി​നു​ത്ത​ര​മാ​യി അവൻ തന്റെ ശിഷ്യൻമാർ എന്തു​കൊ​ണ്ടു ഉപവസി​ക്കു​ന്നി​ല്ലെന്ന്‌ വിശദീ​ക​രി​ച്ചു. (9:14-17) അവൻ ജീവി​ച്ചി​രു​ന്ന​പ്പോൾ ഉപവസി​ക്കാൻ അവർക്കു കാരണ​മി​ല്ലാ​യി​രു​ന്നു. എന്നാൽ അവൻ മുൻകൂ​ട്ടി​പ്പ​റ​ഞ്ഞ​തു​പോ​ലെ അവൻ മരിച്ച​പ്പോൾ അവർ ഉപവസി​ക്കു​ക​യും ദുഃഖി​ക്കു​ക​യും ചെയ്‌തു, എന്തു​കൊ​ണ്ടെ​ന്നാൽ അവന്റെ മരണത്തിന്‌ അനുവ​ദി​ക്ക​പ്പെ​ട്ട​തെ​ന്തു​കൊ​ണ്ടെന്ന്‌ അവർക്ക​റി​യാൻ പാടി​ല്ലാ​യി​രു​ന്നു. എന്നിരു​ന്നാ​ലും, പെന്തെ​ക്കോ​സ്‌തിൽ പരിശു​ദ്ധാ​ത്മാ​വു ലഭിച്ച​ശേഷം അവർ പ്രകാ​ശി​ത​രാ​കു​ക​യും മേലാൽ ദുഃഖ​ത്തോ​ടെ ഉപവസി​ക്കാ​തി​രി​ക്കു​ക​യും​ചെ​യ്‌തു.

പിന്നെ​യും അതേവി​ഷയം ചർച്ച​ചെ​യ്‌തു​കൊണ്ട്‌ ആരും ഒരു പഴയ വസ്‌ത്രം ചുരു​ങ്ങാത്ത തുണി​യോ​ടു തുന്നി​ച്ചേർക്കു​ന്നി​ല്ലെന്ന്‌ യേശു കൂട്ടി​ച്ചേർത്തു, എന്തു​കൊ​ണ്ടെ​ന്നാൽ അതിന്റെ ശക്തി ഒരു കീറലി​നെ കുറേ​ക്കൂ​ടെ മോശ​മാ​ക്കു​ന്നു. പുതിയ വീഞ്ഞ്‌ പഴയ തുരു​ത്തി​ക​ളിൽ ഒഴിക്കാ​റി​ല്ലെ​ന്നും അവൻ പറഞ്ഞു. ഒരു തുരുത്തി അഥവാ തോൽക്കു​ടം ഒരുപക്ഷേ ഒരു പാദത്തിൽ മാത്രം തയ്യലുള്ള ഊറക്കിട്ട മൃഗചർമ്മ​മാ​യി​രു​ന്നു. പുളി​ക്കുന്ന പുതു​വീഞ്ഞ്‌ സാധാ​ര​ണ​യാ​യി കാർബൺഡ​യോ​ക്‌​സൈഡ്‌ ഉൽപ്പാ​ദി​പ്പി​ക്കു​ന്നു. അത്‌ പഴയ ഉണങ്ങിയ തുരു​ത്തി​കളെ പൊട്ടി​ക്കാൻതക്ക മർദ്ദം ചെലു​ത്തു​ന്നു. സമാന​മാ​യി, ക്രിസ്‌തു പഠിപ്പിച്ച സത്യം അയവി​ല്ലാഞ്ഞ പഴയ യഹൂദ മതത്തിന്‌ വഹിക്കാൻ പാടി​ല്ലാ​ത്ത​വി​ധം ശക്തമാ​യി​രു​ന്നു. തന്നെയു​മല്ല, അവൻ ഉപവാ​സാ​ചാ​ര​ങ്ങ​ളോ​ടും മററു കർമ്മങ്ങ​ളോ​ടും​കൂ​ടെ ജീർണ്ണിച്ച ഏതെങ്കി​ലും മതവ്യ​വ​സ്ഥി​തി​യെ തുന്നി​ക്കൂ​ട്ടാൻ അഥവാ നിലനിർത്താൻ ശ്രമി​ക്കു​ക​യാ​യി​രു​ന്നില്ല. എന്നാൽ, ഒരു പുതിയ ആരാധ​നാ​വ്യ​വ​സ്ഥി​തി ഏർപ്പെ​ടു​ത്താൻ ദൈവം യേശു​വി​നെ ഉപയോ​ഗി​ച്ചു. തീർച്ച​യാ​യും അപ്പോൾ മിശ്ര​വി​ശ്വാ​സ​പ്ര​സ്ഥാ​ന​ങ്ങളെ പിന്താ​ങ്ങാ​നോ വ്യാജ​മ​തത്തെ നിലനിർത്താ​നോ യാതൊ​ന്നും നാം ചെയ്യാൻ പാടില്ല.

ദൈവ​പു​ത്ര​നിൽനി​ന്നുള്ള ബുദ്ധി​യു​പ​ദേശം ശ്രദ്ധി​ക്കു​ക

മറുരൂ​പ​ത്തെ​ക്കു​റി​ച്ചുള്ള മത്തായി​യു​ടെ വിവര​ണ​മ​നു​സ​രിച്ച്‌, ദൈവം യേശു​വി​നെ തന്റെ അംഗീ​കൃ​ത​പു​ത്ര​നെന്നു വിളി​ക്കു​ക​യും നാം അവനെ ശ്രദ്ധി​ക്ക​ണ​മെന്നു പറയു​ക​യും​ചെ​യ്‌തു. (17:5) അതു​കൊണ്ട്‌ നാം അവനിൽ വിശ്വാ​സ​മർപ്പി​ക്കുന്ന ഒരാളെ ഇടറി​ക്കുന്ന ഏതൊ​രാ​ളെ​യും കഴുത്തിൽ ഒരു തിരി​കല്ലു കെട്ടി കടലിൽ താഴ്‌ത്തു​ന്ന​താണ്‌ മെച്ച​മെ​ന്നുള്ള മുന്നറി​യി​പ്പുൾപ്പെടെ ക്രിസ്‌തു​വി​ന്റെ സകല ബുദ്ധി​യു​പ​ദേ​ശ​വും അനുസ​രി​ക്കേ​ണ്ട​തു​ത​ന്നെ​യാണ്‌. (18:6) ഇത്‌ ഏതു തരം കല്ലായി​രു​ന്നു? ചെറിയ ഒന്നല്ലാ​യി​രു​ന്നു, എന്തെന്നാൽ നാലോ അഞ്ചോ അടി വ്യാസ​മുള്ള ഒരു പിള്ളക്ക​ല്ലി​നെ​യാണ്‌ യേശു അർത്ഥമാ​ക്കി​യത്‌. അത്‌ അടിയി​ലെ ഒരു വലിയ കല്ലിൽ തിരി​ക്കു​ന്ന​തിന്‌ ഒരു മൃഗത്തി​ന്റെ ശക്തി ആവശ്യ​മാ​യി​രു​ന്നു. കഴുത്തിൽ അത്ര വലിയ ഭാര​ത്തോ​ടെ ആർക്കും കടലിൽ അതിജീ​വി​ക്കാൻ കഴിക​യില്ല. ഫലത്തിൽ, തന്റെ അനുഗാ​മി​ക​ളി​ലാ​രെ​യെ​ങ്കി​ലും ഇടറി​ക്കു​ന്ന​തി​ന്റെ കുററം ഒഴിവാ​ക്കാൻ യേശു നമ്മെ ബുദ്ധി​യു​പ​ദേ​ശി​ക്കു​ക​യാ​യി​രു​ന്നു. ഇതേ ഉദ്ദേശ്യ​ത്തിൽ അപ്പോ​സ്‌ത​ല​നായ പൗലോസ്‌ എഴുതി: “മാംസം തിന്നാ​തി​രി​ക്കു​ന്ന​തും വീഞ്ഞു കുടി​ക്കാ​തി​രി​ക്കു​ന്ന​തും നിന്റെ സഹോ​ദരൻ ഇടറുന്ന യാതൊ​ന്നും ചെയ്യാ​തി​രി​ക്കു​ന്ന​തും നല്ലതാണ്‌.”—റോമർ 14:21.

ദൈവ​പു​ത്രൻ ശാസ്‌ത്രി​മാ​രു​ടെ​മേ​ലും പരീശൻമാ​രു​ടെ​മേ​ലും കഷ്ടം ഉച്ചരി​ക്കു​ക​യും അവർ വെള്ള തേച്ച ശവക്കല്ല​റ​ക​ളോട്‌ സദൃശ​മാ​ണെന്നു പറയു​ക​യും ചെയ്‌ത​പ്പോൾ അവൻ പരോ​ക്ത​മായ ബുദ്ധി​യു​പ​ദേശം നൽകു​ക​യാ​യി​രു​ന്നു. (23:27, 28) ആളുകൾ യാദൃ​ച്ഛി​ക​മാ​യി തൊട്ടിട്ട്‌ അശുദ്ധ​രാ​കാ​തി​രി​ക്കാൻ ശവക്കു​ഴി​ക​ളും കല്ലറക​ളും വെള്ള​തേ​ക്കുന്ന പതിവു​ണ്ടാ​യി​രു​ന്നു. ഈ നടപടി​യെ പരാമർശി​ച്ച​തി​നാൽ ശാസ്‌ത്രി​മാ​രും പരീശൻമാ​രും ബാഹ്യ​മാ​യി നീതി​മാൻമാ​രാ​യി കാണ​പ്പെ​ട്ടെ​ങ്കി​ലും “കപടഭ​ക്തി​യും അധർമ്മ​വും നിറഞ്ഞ​വ​രാ​യി​രു​ന്നു”വെന്ന്‌ യേശു പ്രകട​മാ​ക്കി. ഈ സൂചിത ബുദ്ധി​യു​പ​ദേശം ശ്രദ്ധി​ക്കു​ന്നത്‌ നാം വക്രത ഒഴിവാ​ക്കി “കപടഭാ​വം കൂടാതെ വിശ്വാ​സ​ത്തിൽനിന്ന്‌” പ്രവർത്തി​ക്കാൻ ഇടയാ​ക്കും.—1 തിമൊ​ഥെ​യോസ്‌ 1:5; സദൃശ​വാ​ക്യ​ങ്ങൾ 3:32; 2 തിമൊ​ഥെ​യോസ്‌ 1:5.

നമ്മുടെ മാതൃ​കാ​പു​രു​ഷൻ ഒരു നിർമ്മ​ല​താ​പാ​ലകൻ

‘തന്റെ സാന്നി​ദ്ധ്യ​ത്തി​ന്റെ അടയാ​ളത്തെ’ സംബന്ധിച്ച യേശു​വി​ന്റെ പ്രവചനം രേഖ​പ്പെ​ടു​ത്തി​യ​ശേഷം മത്തായി ക്രിസ്‌തു​വി​ന്റെ ഒററി​ക്കൊ​ടു​ക്ക​ലി​നെ​യും അറസ്‌റ​റി​നെ​യും വിസ്‌താ​ര​ത്തെ​യും മരണ​ത്തെ​യും പുനരു​ത്ഥാ​ന​ത്തെ​യും കുറിച്ചു പറയുന്നു. സ്‌തം​ഭ​ത്തിൽവെച്ച്‌ യേശു മയക്കു​മ​രു​ന്നി​ന്റെ ഫലമുള്ള ഒരു പദാർത്ഥ​മായ കൈപ്പു കലർത്തിയ വീഞ്ഞ്‌ നിരസി​ച്ചു. (27:34) സാധാ​ര​ണ​യാ​യി സ്‌ത്രീ​കൾ തൂക്കി​ക്കൊ​ല​യു​ടെ വേദന ഇല്ലാതാ​ക്കാൻ കുററ​പ്പു​ള്ളി​കൾക്കാണ്‌ അത്തരം വീഞ്ഞ്‌ കൊടു​ത്തി​രു​ന്നത്‌. വീഞ്ഞിൽ “മീറാ ചേർത്ത്‌ ലഹരി​വ​രു​ത്തി”യിരു​ന്നു​വെന്ന്‌ മർക്കോസ്‌ 15:23 പറയുന്നു, അതു സ്വാദു വർദ്ധി​പ്പി​ക്കു​മാ​യി​രു​ന്നു. പ്രത്യ​ക്ഷ​ത്തിൽ, ക്രിസ്‌തു നിരസിച്ച വീഞ്ഞിൽ കൈപ്പും മീറാ​യും ഉണ്ടായി​രു​ന്നു. അവൻ തന്റെ ഭൗമി​ക​ഗ​തി​യു​ടെ പരകോ​ടി​യി​ങ്ക​ലെ​ത്തി​യ​പ്പോൾ അവൻ ലഹരി​പി​ടി​ക്കാ​നോ മയങ്ങി​പ്പോ​കാ​നോ ആഗ്രഹി​ച്ചില്ല. മരണ​ത്തോ​ളം വിശ്വ​സ്‌ത​നാ​യി​രി​ക്കാൻ തന്റെ ഇന്ദ്രി​യ​ങ്ങ​ളു​ടെ പൂർണ്ണ​നി​യ​ന്ത്ര​ണ​മു​ണ്ടാ​യി​രി​ക്കാൻ യേശു ആഗ്രഹി​ച്ചു. നമ്മുടെ മാതൃ​കാ​പു​രു​ഷ​നെ​പ്പോ​ലെ നാം എല്ലായ്‌പ്പോ​ഴും യഹോ​വ​യാം ദൈവ​ത്തോട്‌ നിർമ്മലത പാലി​ക്കു​ന്ന​തിൽ തൽപ്പര​രാ​യി​രി​ക്കട്ടെ.—സങ്കീർത്തനം 26:1, 11. (w89 7/15)