മനുഷ്യന്‌ എങ്ങനെ ദൈവ​ത്തി​ന്റെ പ്രതി​ച്ഛാ​യ​യിൽ ആയിരി​ക്കാൻ കഴിയും?

“ഇങ്ങനെ ദൈവം തന്റെ സ്വരൂ​പ​ത്തിൽ [“പ്രതി​ച്ഛാ​യ​യിൽ,” NW] മനുഷ്യ​നെ സൃഷ്ടിച്ചു, ദൈവ​ത്തി​ന്റെ സ്വരൂ​പ​ത്തിൽ അവനെ സൃഷ്ടിച്ചു, ആണും പെണ്ണു​മാ​യി അവരെ സൃഷ്‌ടി​ച്ചു.” നിശ്വ​സ്‌ത​രേഖ പറയു​ന്നത്‌ അപ്രകാ​ര​മാണ്‌, എന്നാൽ എന്താണി​തി​ന്റെ അർഥം? ആദ്യ മനുഷ്യ​നും സ്‌ത്രീ​യും ദൈവ​ത്തി​ന്റെ പ്രതി​ച്‌ഛാ​യ​യിൽ എങ്ങനെ സൃഷ്ടി​ക്ക​പ്പെട്ടു?—ഉല്‌പത്തി 1:27.

അവർ ശാരീ​രി​ക​മാ​യി ദൈവ​ത്തെ​പ്പോ​ലെ ആയിരു​ന്നോ? ഇല്ല, അത്‌ അസാധ്യ​മാണ്‌. മനുഷ്യൻ മാംസ​മുള്ള, ഭൂമി​യിൽ ജീവി​ക്കാൻ രൂപകൽപ്പന ചെയ്യപ്പെട്ട നരനാണ്‌. ഒരു മനുഷ്യ​നും സമീപി​ച്ചു കൂടാ​നാ​വാത്ത അചിന്ത​നീ​യ​മായ സ്വർഗീയ മഹത്ത്വ​ത്തിൽ വസിക്കുന്ന ആത്മാവാ​ണു ദൈവം. (പുറപ്പാ​ടു 33:18-20; 1 കൊരി​ന്ത്യർ 15:50) അപ്പോൾ, ഏതു വിധത്തി​ലാ​ണു മനുഷ്യൻ ദൈവ​ത്തി​ന്റെ പ്രതി​ച്ഛാ​യ​യിൽ സൃഷ്ടി​ക്ക​പ്പെ​ട്ടി​രി​ക്കു​ന്നത്‌? ദൈവ​ത്തി​ന്റെ പ്രമുഖ ഗുണങ്ങ​ളായ സ്‌നേഹം, നീതി, ജ്ഞാനം, ശക്തി തുടങ്ങി​യ​വ​യും അതു​പോ​ലെ​തന്നെ മററുള്ള ഗുണങ്ങ​ളും പ്രയോ​ഗി​ക്കാ​നുള്ള പ്രാപ്‌തി മനുഷ്യ​നു നൽക​പ്പെ​ട്ടി​രി​ക്കു​ന്നു എന്നതിൽ തന്നെ.

യഹോ​വ​യു​ടെ ഗുണങ്ങൾ

യഹോ​വ​യാം ദൈവ​ത്തി​ന്റെ ഗുണങ്ങൾ അവിടു​ത്തെ സകല സൃഷ്ടി​യി​ലും പ്രതി​ഫ​ലി​ച്ചു കാണുന്നു. എന്നാൽ, ആദ്യ മാനുഷ ഇണകളായ ആദാമി​നോ​ടും ഹവ്വാ​യോ​ടു​മുള്ള അവിടു​ത്തെ ഇടപെ​ട​ലു​ക​ളിൽ അവ പ്രയോ​ഗ​രൂ​പ​ത്തിൽ ദൃശ്യ​മാ​യി. (റോമർ 1:20) മനുഷ്യ​നു ജീവി​ക്കാൻ ഏററവും പരുവ​മായ വിധത്തിൽ അവിടുന്ന്‌ ഭൂമിയെ സൃഷ്ടി​ച്ച​തിൽ അവിടു​ത്തെ സ്‌നേഹം കാണ​പ്പെട്ടു. മനുഷ്യ​നു തന്റെ സഖിയും തന്റെ കുട്ടി​ക​ളു​ടെ മാതാ​വു​മാ​യി​രി​ക്കാൻ പൂർണ​ത​യുള്ള ഒരു സ്‌ത്രീ​യെ യഹോവ സൃഷ്‌ടി​ച്ചു. അവിടുന്ന്‌ അവരെ വശ്യമ​നോ​ഹ​ര​മായ ഒരു തോട്ട​ത്തി​ലാ​ക്കി വയ്‌ക്കു​ക​യും തുടർന്നു ജീവി​ക്കാ​നും സന്തുഷ്ട​രാ​യി​രി​ക്കാ​നും ആവശ്യ​മായ സർവവും സമൃദ്ധ​മാ​യി നൽകു​ക​യും ചെയ്‌തു. അതിൽ ഏററവും അത്ഭുത​ക​ര​മാ​യി, എന്നേക്കും ജീവി​ക്കാ​നുള്ള അവസരം ദൈവം അവർക്കു നൽകി.—ഉല്‌പത്തി 2:7-9, 15-24.

ആദ്യ മാനുഷ ഇണകളെ ദൈവം പരീക്ഷി​ച്ച​തിൽ അവിടു​ത്തെ ജ്ഞാനം കാണ​പ്പെട്ടു. അവർ യഹോ​വ​യു​ടെ സാർവ​ത്രിക കുടും​ബ​ത്തി​ന്റെ ഭാഗമാ​യി നില​കൊ​ള്ളു​ക​യും മനുഷ്യ​ജാ​തി​യു​ടെ മാതാ​പി​താ​ക്ക​ളാ​യി എന്നേക്കും ജീവി​ക്കു​ക​യും ചെയ്യണ​മെ​ങ്കിൽ വിശ്വ​സ്‌ത​ത​യി​ലും സത്യാ​രാ​ധ​ന​യി​ലും അവർ മാതൃ​കകൾ ആയിരി​ക്കേ​ണ്ടി​യി​രു​ന്നു. അതു​കൊണ്ട്‌, ഉചിത​മായ ഒരു പരി​ശോ​ധ​ന​യിൻ കീഴിൽ തങ്ങളുടെ ഹൃദയ​നില പ്രകട​മാ​ക്കാ​നുള്ള അവസരം യഹോവ അവർക്കു നൽകി—നൻമതിൻമ​കളെ സംബന്ധിച്ച അറിവി​ന്റെ വൃക്ഷത്തിൽനിന്ന്‌ അവർ ഭക്ഷിക്ക​രു​താ​യി​രു​ന്നു. തന്റെ മനസ്സി​ലു​ണ്ടാ​യി​രുന്ന അത്ഭുതാ​വ​ഹ​മായ പദവികൾ അവർക്കു നൽകു​ന്ന​തി​നു മുമ്പായി യഹോ​വ​യോ​ടുള്ള അവരുടെ അനുസരണവും സ്‌നേ​ഹ​വും തെളി​യി​ക്കാൻ മനുഷ്യ​രെ അനുവ​ദി​ക്കു​ന്നതു ദൈവ​ത്തി​ന്റെ പക്ഷത്ത്‌ ജ്ഞാനമാ​യി​രു​ന്നു!

തന്റെ സൃഷ്ടി​ക​ളിൽ ദൈവം ഉയർന്ന നിലവാ​രങ്ങൾ നിഷ്‌കർഷി​ച്ച​തി​ലും ആ നിലവാ​ര​ങ്ങ​ളിൽ വിട്ടു​വീഴ്‌ച വരുത്താ​ത്ത​തി​ലും അവിടു​ത്തെ നീതി കാണ​പ്പെട്ടു. ശരിയാ​യി​രു​ന്നതു ചെയ്യാൻ ആദാമി​നും ഹവ്വായ്‌ക്കും എല്ലാ അവസര​വും അവിടുന്ന്‌ കൊടു​ത്ത​തി​ലും അതു കാണ​പ്പെട്ടു. അവർ ശരി ചെയ്യാൻ പരാജ​യ​പ്പെ​ട്ട​പ്പോൾ മത്സരത്തി​ന്റെ പ്രസ്‌താ​വിത ശിക്ഷ അനുഭ​വി​ക്കാൻ അവിടുന്ന്‌ അവരെ വിധി​ച്ച​തി​ലും അവിടു​ത്തെ നീതി കാണ​പ്പെട്ടു.

തന്റെ ശിക്ഷാ​വി​ധി നടപ്പാ​ക്കുന്ന കാര്യ​ത്തിൽ യഹോ​വ​യു​ടെ ശക്തി കാണ​പ്പെട്ടു. യഹോവ ഒരു ഭോഷ്‌കാ​ളി​യാ​ണെന്നു വൻമത്സ​രി​യായ സാത്താൻ വ്യംഗ്യ​മാ​യി ധ്വനി​പ്പി​ച്ചു. ഹവ്വാ ദൈവ​ത്തോട്‌ അനുസ​ര​ണ​ക്കേടു കാണി​ച്ചാൽ വലിയ സംഗതി​കൾ അവൾക്കു നൽകു​മെന്നു സാത്താൻ വാഗ്‌ദാ​നം ചെയ്‌തു. (ഉല്‌പത്തി 3:1-7) എന്നാൽ സാത്താനു തന്റെ വാഗ്‌ദാ​നം നിറ​വേ​റ​റാൻ കഴിഞ്ഞില്ല. ആദാമി​നെ​യും ഹവ്വാ​യെ​യും ഏദൻതോ​ട്ട​ത്തിൽനി​ന്നു പുറത്താ​ക്കു​ന്ന​തിൽനി​ന്നു യഹോ​വയെ തടയാൻ അവനു കഴിഞ്ഞില്ല. “നീ പൊടി​യാ​കു​ന്നു; പൊടി​യിൽ തിരികെ ചേരും” എന്ന ദൈവ​ത്തി​ന്റെ വാക്കു​ക​ളു​ടെ നിവൃ​ത്തി​യെ തടയാ​നും അവനു കഴിഞ്ഞില്ല. (ഉല്‌പത്തി 3:19) എന്നിരു​ന്നാ​ലും, യഹോവ ഉടൻതന്നെ മരണശിക്ഷ നടപ്പാ​ക്കി​യില്ല, ഈ കാര്യ​ത്തിൽ അവിടുന്ന്‌ തന്റെ സ്‌നേഹം കൂടു​ത​ലാ​യി പ്രകട​മാ​ക്കി. മക്കളെ ഉളവാ​ക്കാൻ അവിടുന്ന്‌ ആദാമി​നെ​യും ഹവ്വാ​യെ​യും അനുവ​ദി​ച്ചു. അതു മുഖാ​ന്തരം മനുഷ്യ​വർഗത്തെ സംബന്ധിച്ച അവിടു​ത്തെ ആദി​മോ​ദ്ദേ​ശ്യം ഒടുവിൽ നിവർത്തി​ക്ക​പ്പെ​ടു​മാ​യി​രു​ന്നു.—ഉല്‌പത്തി 1:28.

സാത്താന്റെ പ്രവൃ​ത്തി​കളെ നശിപ്പി​ക്കു​ക​യും ദിവ്യ പരമാ​ധി​കാ​ര​ത്തി​നെ​തി​രെ​യുള്ള ആ ആദിമ മത്സരത്തി​ന്റെ സങ്കടക​ര​മായ ഫലങ്ങളെ ഇല്ലാതാ​ക്കു​ക​യും ചെയ്യുന്ന ഒരു സന്തതിയെ നൽകാ​നുള്ള തന്റെ വാഗ്‌ദ​ത്ത​ത്തിൽ യഹോ​വ​യാം ദൈവ​ത്തി​ന്റെ നീതി​യും സ്‌നേ​ഹ​വും ശക്തിയും ജ്ഞാനവും പ്രകട​മാ​ക്ക​പ്പെട്ടു. (ഉല്‌പത്തി 3:15) എന്തൊരു അത്ഭുത​വാ​നായ സ്രഷ്ടാ​വാ​ണു നമുക്കു​ള്ളത്‌!

ദൈവത്തെ അനുക​രി​ക്കാ​നുള്ള ശ്രമങ്ങൾ

മേലാ​ലൊ​രി​ക്ക​ലും പൂർണ​ര​ല്ലെ​ങ്കി​ലും മനുഷ്യർക്ക്‌ ഇപ്പോ​ഴും ദൈവ​ത്തി​ന്റെ ഗുണങ്ങൾ പ്രകടി​പ്പി​ക്കാൻ കഴിയും. അതു​കൊണ്ട്‌ പൗലോസ്‌ തന്റെ നാളിലെ ക്രിസ്‌ത്യാ​നി​കളെ ഇങ്ങനെ പ്രോ​ത്സാ​ഹി​പ്പി​ച്ചു: “പ്രിയ​മക്കൾ എന്നപോ​ലെ ദൈവത്തെ അനുക​രി​പ്പിൻ.” (എഫെസ്യർ 5:1) എന്നിരു​ന്നാ​ലും, ചരി​ത്ര​ത്തി​ലു​ട​നീ​ളം മിക്കവ​രും ദൈവ​ത്തി​ന്റെ ഗുണങ്ങ​ളോ​ടു കടുത്ത അനാദ​ര​വാ​ണു പ്രകട​മാ​ക്കി​യി​രി​ക്കു​ന്നത്‌. നോഹ​യു​ടെ കാലമാ​യ​പ്പോ​ഴേ​ക്കും മനുഷ്യർ വളരെ​യ​ധി​കം വഷളാ​യി​ത്തീർന്നി​രു​ന്നു, അതു​കൊണ്ട്‌ നോഹ​യെ​യും അദ്ദേഹ​ത്തി​ന്റെ കുടും​ബ​ത്തെ​യും ഒഴിച്ച്‌ മുഴു മനുഷ്യ​വർഗ​ത്തെ​യും നശിപ്പി​ച്ചു​ക​ള​യാൻ യഹോവ ദൃഢനി​ശ്ചയം ചെയ്‌തു. നോഹ “നീതി​മാ​നും [ന്യായ​മു​ള്ള​വ​നും] തന്റെ തലമു​റ​യിൽ നിഷ്‌ക​ള​ങ്ക​നു​മാ​യി​രു​ന്നു.” ദൈവ​ത്തി​ന്റെ കൽപ്പനകൾ അനുസ​രി​ച്ചു​കൊണ്ട്‌ അവിടു​ത്തോ​ടുള്ള സ്‌നേഹം അദ്ദേഹം പ്രകട​മാ​ക്കി.a “ദൈവം തന്നോടു കല്‌പി​ച്ച​തൊ​ക്കെ​യും നോഹ ചെയ്‌തു; അങ്ങനെ തന്നേ അവൻ ചെയ്‌തു.” (ഉല്‌പത്തി 6:9, 22) നോഹ തന്റെ സഹമനു​ഷ്യ​നോ​ടുള്ള സ്‌നേ​ഹ​വും “നീതി​പ്ര​സം​ഗി” ആയിരി​ക്കു​ക​വഴി നീതി​യോ​ടുള്ള തന്റെ അടുത്ത ബന്ധവും പ്രകട​മാ​ക്കി. (2 പത്രൊസ്‌ 2:5) ബൃഹത്തായ ഒരു പെട്ടകം പണിയാ​നും അതിൽ ഭക്ഷണം ശേഖരി​ക്കാ​നും മൃഗങ്ങളെ കൂട്ടി​വ​രു​ത്താ​നും യഹോ​വ​യു​ടെ കൽപ്പന​പ്ര​കാ​രം പെട്ടക​ത്തി​നു​ള്ളിൽ കയറാ​നു​മുള്ള മാർഗ​നിർദേ​ശത്തെ പിൻപ​റ​റു​ക​വഴി അദ്ദേഹം ജ്ഞാനം പ്രകട​മാ​ക്കു​ക​യും തന്റെ ശാരീ​രിക ബലം ഉചിത​മാ​യി ഉപയോ​ഗി​ക്കു​ക​യും ചെയ്‌തു. ദുഷ്ടരായ അയൽക്കാർ തന്നെ ദുഷി​പ്പി​ക്കാൻ അനുവ​ദി​ക്കാ​ഞ്ഞ​തി​ലും അദ്ദേഹം നീതി​യോ​ടുള്ള തന്റെ സ്‌നേഹം പ്രകട​മാ​ക്കി.

സമാന​മാ​യി ദൈവിക ഗുണങ്ങൾ പ്രകട​മാ​ക്കിയ മററു പലരെ​ക്കു​റി​ച്ചും ബൈബിൾ വർണി​ക്കു​ന്നു. അവരിൽ അഗ്രഗ​ണ്യ​നായ വ്യക്തി​യാ​യി​രു​ന്നു യേശു​ക്രി​സ്‌തു, പൂർണ​മാ​യും ദൈവ​ത്തി​ന്റെ പ്രതി​ച്ഛാ​യ​യി​ലാ​യി​രുന്ന യേശു​വിന്‌ ഇപ്രകാ​രം പറയാൻ കഴിഞ്ഞു: “എന്നെ കണ്ടവൻ പിതാ​വി​നെ കണ്ടിരി​ക്കു​ന്നു.” (യോഹ​ന്നാൻ 14:9) യേശു പ്രകട​മാ​ക്കിയ ഗുണങ്ങ​ളിൽ മികച്ചു​നി​ന്നതു സ്‌നേ​ഹ​മാ​യി​രു​ന്നു. തന്റെ പിതാ​വി​നോ​ടും മനുഷ്യ​വർഗ​ത്തോ​ടു​മുള്ള സ്‌നേഹം, തന്റെ സ്വർഗീയ ഭവനം ഉപേക്ഷിച്ച്‌ ഭൂമി​യിൽ ഒരു മനുഷ്യ​നാ​യി ജീവി​ക്കാൻ അവിടു​ത്തെ പ്രേരി​പ്പി​ച്ചു. നീതി​നി​ഷ്‌ഠ​മായ നടത്തയി​ലൂ​ടെ തന്റെ പിതാ​വി​നെ മഹത്ത്വ​പ്പെ​ടു​ത്താ​നും രക്ഷയുടെ സുവാർത്ത മനുഷ്യ​വർഗ​ത്തോ​ടു പ്രസം​ഗി​ക്കാ​നും അത്‌ അവിടു​ത്തെ പ്രേരി​പ്പി​ച്ചു. (മത്തായി 4:23; യോഹ​ന്നാൻ 13:31) പിന്നീട്‌ മനുഷ്യ​വർഗ​ത്തി​ന്റെ രക്ഷക്കാ​യി​ട്ടും, അതിലും പ്രധാ​ന​മാ​യി, ദൈവ​നാ​മ​ത്തി​ന്റെ വിശു​ദ്ധീ​ക​ര​ണ​ത്തി​നാ​യി​ട്ടും തന്റെ പൂർണ​ത​യുള്ള ജീവൻ അർപ്പി​ക്കാൻ സ്‌നേഹം യേശു​വി​നെ പ്രേരി​പ്പി​ച്ചു. (യോഹ​ന്നാൻ 13:1) ദൈവത്തെ അനുക​രി​ക്കാൻ കഠിന​ശ്രമം ചെയ്യു​ന്ന​തിൽ യേശു​വി​നെ​ക്കാൾ നല്ല ഒരു മാതൃ​ക​യു​ണ്ടോ?—1 പത്രൊസ്‌ 2:21.

നമുക്കി​ന്നു കൂടു​ത​ലാ​യി ദൈവ​ത്തെ​പ്പോ​ലെ ആയിരി​ക്കാൻ എങ്ങനെ കഴിയും?

ഇന്നു നമു​ക്കെ​ങ്ങനെ ദൈവ​ത്തി​ന്റെ ഗുണങ്ങൾ പ്രകട​മാ​ക്കാ​നും അങ്ങനെ ദൈവ​ത്തി​ന്റെ പ്രതി​ച്ഛാ​യ​യിൽ പ്രവർത്തി​ക്കാ​നും കഴിയും? കൊള്ളാം, ഒന്നാമ​താ​യി സ്‌നേഹം എന്ന ഗുണം​ത​ന്നെ​യെ​ടു​ക്കുക. യേശു പറഞ്ഞു: “നിന്റെ ദൈവ​മായ കർത്താ​വി​നെ നീ പൂർണ്ണ​ഹൃ​ദ​യ​ത്തോ​ടും പൂർണ്ണാ​ത്മാ​വോ​ടും പൂർണ്ണ​മ​ന​സ്സോ​ടും​കൂ​ടെ സ്‌നേ​ഹി​ക്കേണം.” ദൈവ​ത്തോ​ടുള്ള സ്‌നേഹം നാം എങ്ങനെ​യാ​ണു കാണി​ക്കു​ന്നത്‌? അപ്പോ​സ്‌ത​ല​നായ യോഹ​ന്നാൻ മറുപടി നൽകുന്നു: “അവന്റെ കല്‌പ​ന​കളെ പ്രമാ​ണി​ക്കു​ന്ന​ത​ല്ലോ ദൈവ​ത്തോ​ടുള്ള സ്‌നേഹം; അവന്റെ കല്‌പ​നകൾ ഭാരമു​ള്ള​വയല്ല.”—മത്തായി 22:37; 1 യോഹ​ന്നാൻ 5:3.

യഹോ​വ​യു​ടെ കൽപ്പനകൾ അനുസ​രി​ക്കു​ന്ന​തി​നു നാം അവ തീർച്ച​യാ​യും അറിഞ്ഞി​രി​ക്കേ​ണ്ട​തുണ്ട്‌. ദൈവ​വ​ച​ന​മായ ബൈബിൾ, ബൈബിൾ സാഹി​ത്യ​ങ്ങൾ എന്നിവ വായി​ക്കു​ന്ന​തും പഠിക്കു​ന്ന​തും അവയെ​ക്കു​റി​ച്ചു ധ്യാനി​ക്കു​ന്ന​തും അതിൽ ഉൾപ്പെ​ടു​ന്നു. സങ്കീർത്ത​ന​ക്കാ​ര​നെ​പ്പോ​ലെ “നിന്റെ ന്യായ​പ്ര​മാ​ണം എനിക്കു എത്രയോ പ്രിയം; ഇടവി​ടാ​തെ അതു എന്റെ ധ്യാന​മാ​കു​ന്നു” എന്നു പറയാൻ നാം പ്രാപ്‌ത​രാ​യി​രി​ക്കണം. (സങ്കീർത്തനം 119:97) ദൈവ​വ​ച​ന​ത്തെ​ക്കു​റി​ച്ചു കൂടുതൽ കൂടുതൽ ആഴമായ ഗ്രാഹ്യം നമുക്കു കിട്ടു​മ്പോൾ ദൈവ​ത്തി​ന്റെ ചിന്താ​രീ​തി​യാൽ നാം നിറയു​ന്നു. നാം നീതിയെ സ്‌നേ​ഹി​ക്കാ​നും അധർമത്തെ വെറു​ക്കാ​നും ഇടയാ​യി​ത്തീ​രു​ന്നു. (സങ്കീർത്തനം 45:7) അവി​ടെ​യാണ്‌ ആദാമി​നു തെററു​പ​റ​റി​യത്‌. യഹോ​വ​യു​ടെ നിയമം അദ്ദേഹ​ത്തിന്‌ അറിയാ​മാ​യി​രു​ന്നു, എന്നാൽ അതി​നോ​ടു പററി​നിൽക്കാൻതക്ക സ്‌നേഹം അദ്ദേഹം കാട്ടി​യില്ല. ദൈവ​വ​ചനം വായി​ക്കു​മ്പോൾ ‘ഇത്‌ എനിക്ക്‌ എങ്ങനെ ബാധക​മാ​കു​ന്നു? എന്റെ നടത്ത ദൈവ​ത്തി​ന്റെ ഗുണങ്ങ​ളോ​ടു കൂടുതൽ ചേർച്ച​യിൽ വരുത്താൻ എനിക്ക്‌ എന്തു ചെയ്യാ​നാ​കും?’ എന്നിങ്ങനെ നാം നിരന്തരം ചോദി​ക്കണം.

യേശു ഇങ്ങനെ​യും പറഞ്ഞു: “കൂട്ടു​കാ​രനെ നിന്നെ​പ്പോ​ലെ തന്നേ സ്‌നേ​ഹി​ക്കേണം.” (മത്തായി 22:39) സുബോ​ധ​മുള്ള ഏതൊരു വ്യക്തി​യും തന്നെത്തന്നെ സ്‌നേ​ഹി​ക്കു​ക​യും തനിക്കാ​യി​ത്തന്നെ ഏററവും ഉത്തമ കാര്യങ്ങൾ ആഗ്രഹി​ക്കു​ക​യും ചെയ്യുന്നു. അതു തെററല്ല. എന്നാൽ സമാന​മായ സ്‌നേഹം നാം നമ്മുടെ അയൽവാ​സി​യോ​ടു കാണി​ക്കു​ന്നു​ണ്ടോ? “നൻമ ചെയ്യാൻ നിനക്കു പ്രാപ്‌തി​യു​ള്ള​പ്പോൾ അതിന്നു യോഗ്യൻമാ​രാ​യി​രി​ക്കു​ന്ന​വർക്കു ചെയ്യാ​തി​രി​ക്ക​രു​തു” എന്ന ബൈബിൾ കൽപ്പന നാം പിൻപ​റ​റു​ന്നു​ണ്ടോ?—സദൃശ​വാ​ക്യ​ങ്ങൾ 3:27; ഗലാത്യർ 6:10.

ജ്ഞാനം എന്ന ഗുണം സംബന്ധി​ച്ചോ? ഈ ഗുണം പ്രകട​മാ​ക്കാ​നുള്ള നമ്മുടെ പ്രയത്‌നം ബൈബിൾ പഠിക്കു​ന്ന​തി​ലേക്കു നമ്മെ നയിക്കു​ന്നു. കാരണം ദിവ്യ ജ്ഞാനത്തി​ന്റെ കലവറ അതാണ്‌. സങ്കീർത്തനം 119:98-100 ഇങ്ങനെ വായി​ക്കു​ന്നു: “നിന്റെ കല്‌പ​നകൾ എന്നെ എന്റെ ശത്രു​ക്ക​ളെ​ക്കാൾ ബുദ്ധി​മാ​നാ​ക്കു​ന്നു; അവ എപ്പോ​ഴും എന്റെ പക്കൽ ഉണ്ടു. നിന്റെ സാക്ഷ്യങ്ങൾ എന്റെ ധ്യാന​മാ​യി​രി​ക്ക​കൊ​ണ്ടു എന്റെ സകലഗു​രു​ക്കൻമാ​രി​ലും ഞാൻ ബുദ്ധി​മാ​നാ​കു​ന്നു. നിന്റെ പ്രമാ​ണ​ങ്ങളെ അനുസ​രി​ക്ക​യാൽ ഞാൻ വയോ​ധി​കൻമാ​രി​ലും വിവേ​ക​മേ​റി​യ​വ​നാ​കു​ന്നു.” സദൃശ​വാ​ക്യ​ങ്ങൾ 3:18-ൽ ജ്ഞാനത്തെ “ജീവവൃക്ഷ”മായി വർണി​ച്ചി​രി​ക്കു​ന്നു. നാം ജ്ഞാനം സമ്പാദിച്ച്‌ അതു പ്രാവർത്തി​ക​മാ​ക്കി​യാൽ നമുക്കു ദൈവ​ത്തി​ന്റെ അംഗീ​കാ​ര​വും നിത്യ​ജീ​വൻ എന്ന പ്രതി​ഫ​ല​വും ലഭിക്കും.—സഭാ​പ്ര​സം​ഗി 7:12.

നീതി സംബന്ധി​ച്ചോ? ഈ ദുഷ്ട​ലോ​ക​ത്തിൽ ദൈവത്തെ പ്രസാ​ദി​പ്പി​ക്കാ​നാ​ഗ്ര​ഹി​ക്കു​ന്ന​വർക്ക്‌ അത്യന്താ​പേ​ക്ഷി​ത​മായ ഒരു ഗുണമാണ്‌ നീതി. യേശു നീതിയെ (ന്യായത്തെ) സ്‌നേ​ഹി​ക്കു​ക​യും അധർമത്തെ വെറു​ക്കു​ക​യും ചെയ്‌തു. (എബ്രായർ 1:9) ഇന്നു ക്രിസ്‌ത്യാ​നി​കൾ അതുതന്നെ ചെയ്യുന്നു. യോഗ്യ​മായ ഗുണങ്ങളെ വിലമ​തി​ക്കാൻ നീതി അവരെ പ്രേരി​പ്പി​ക്കു​ന്നു. അവർ ഈ ലോക​ത്തി​ന്റെ നീതി​ര​ഹി​ത​മായ മാർഗ​ങ്ങളെ ഒഴിവാ​ക്കു​ക​യും ദൈ​വേഷ്ടം ചെയ്യു​ന്നത്‌ തങ്ങളുടെ ജീവി​ത​ത്തി​ലെ പരമ​പ്ര​ധാന സംഗതി​യാ​ക്കു​ക​യും ചെയ്യുന്നു.—1 യോഹ​ന്നാൻ 2:15-17.

ശക്തി സംബന്ധി​ച്ചാ​ണെ​ങ്കിൽ, നമു​ക്കെ​ല്ലാ​വർക്കും അത്‌ ഒരളവി​ലുണ്ട്‌. നമുക്കു സ്വാഭാ​വി​ക​മാ​യി ശാരീ​രി​ക​വും ബുദ്ധി​പ​ര​വു​മായ ശക്തിയുണ്ട്‌. കൂടാതെ നാം ക്രിസ്‌ത്യാ​നി​ക​ളെന്ന നിലയിൽ വളർന്നു​വ​രു​മ്പോൾ ഒരു ആത്മീയ അർഥത്തിൽ നാം ശക്തി വികസി​പ്പി​ച്ചെ​ടു​ക്കു​ന്നു. യഹോ​വ​യു​ടെ ഇഷ്ടം ചെയ്യാൻ നമുക്കു കഴിയുന്ന അളവോ​ളം തന്റെ പരിശു​ദ്ധാ​ത്മാ​വി​നെ ഉപയോ​ഗിച്ച്‌ യഹോവ നമ്മുടെ ശക്തിയെ വർധി​പ്പി​ക്കു​ന്നു. പൗലോസ്‌ ഇങ്ങനെ പറഞ്ഞു: “എന്നെ ശക്തനാ​ക്കു​ന്നവൻ മുഖാ​ന്തരം ഞാൻ സകലത്തി​ന്നും മതിയാ​കു​ന്നു.” (ഫിലി​പ്പി​യർ 4:13) യഹോ​വ​യു​ടെ ആത്മാവി​നാ​യി നാം പ്രാർഥി​ക്കു​ന്നെ​ങ്കിൽ അതേ ശക്തി നമുക്കു ലഭ്യമാണ്‌.

സുവാർത്ത പ്രസം​ഗി​ക്കൽ

നാം ദൈവ​ത്തി​ന്റെ പ്രമുഖ ഗുണങ്ങൾ പ്രദർശി​പ്പി​ക്കു​ന്നത്‌ പിൻവ​രുന്ന കൽപ്പന അനുസ​രി​ക്കു​ന്ന​തിൽ നന്നായി പ്രകട​മാ​കു​ന്നു: “നിങ്ങൾ പുറ​പ്പെട്ടു, പിതാ​വി​ന്റെ​യും പുത്ര​ന്റെ​യും പരിശു​ദ്ധാ​ത്മാ​വി​ന്റെ​യും നാമത്തിൽ സ്‌നാനം കഴിപ്പി​ച്ചും ഞാൻ നിങ്ങ​ളോ​ടു കല്‌പി​ച്ചതു ഒക്കെയും പ്രമാ​ണി​പ്പാൻ തക്കവണ്ണം ഉപദേ​ശി​ച്ചും​കൊ​ണ്ടു സകലജാ​തി​ക​ളെ​യും ശിഷ്യ​രാ​ക്കി​ക്കൊൾവിൻ; ഞാനോ ലോകാ​വ​സാ​ന​ത്തോ​ളം എല്ലാനാ​ളും നിങ്ങ​ളോ​ടു​കൂ​ടെ ഉണ്ടു.” (മത്തായി 28:19, 20) അത്തര​മൊ​രു വിദ്യാ​ഭ്യാ​സ​വേ​ല​യോ​ടു പ്രതി​ക​രി​ക്കു​ന്ന​വർക്ക്‌ അതു ജീവൻ കൈവ​രു​ത്തു​ന്നു. തുടക്ക​ത്തിൽ ഏറിയ​പ​ങ്കും നമുക്കു തികച്ചും അപരി​ചി​ത​രാ​യ​വ​രോ​ടുള്ള സ്‌നേ​ഹ​ത്തി​ന്റെ എന്തൊരു നല്ല പ്രകടനം!

കൂടു​ത​ലാ​യി, അത്തരം പ്രബോ​ധനം ജ്ഞാനമാർഗ​മാണ്‌. അതു നിലനിൽക്കുന്ന ഫലം കൈവ​രു​ത്തു​ന്നു. മററുള്ള ഏതു ജോലി​യെ​ക്കു​റി​ച്ചാണ്‌, “അങ്ങനെ ചെയ്‌താൽ നീ നിന്നെ​യും നിന്റെ പ്രസംഗം കേൾക്കു​ന്ന​വ​രെ​യും രക്ഷിക്കും” എന്നു പറയാൻ കഴിയുക? (1 തിമൊ​ഥെ​യൊസ്‌ 4:16) ശിഷ്യ​രാ​ക്കൽവേ​ല​യിൽ നഷ്ടം നേരി​ടുന്ന ആരുമില്ല. ശ്രദ്ധി​ക്കു​ന്ന​വ​രും പഠിപ്പി​ക്കു​ന്ന​വ​രും നിത്യാ​നു​ഗ്ര​ഹങ്ങൾ പ്രാപി​ക്കും.

നീതിയെ സംബന്ധി​ച്ചാ​ണെ​ങ്കിൽ, ക്രിസ്‌ത്യാ​നി​കൾ തങ്ങളുടെ ബൈബിൾ വിദ്യാർഥി​കളെ പഠിപ്പി​ക്കു​ന്നത്‌ ന്യായ​വും നീതി​യു​മുള്ള ബൈബിൾ തത്ത്വങ്ങ​ളാണ്‌. “നീതി​യു​ടെ ദൈവ”മായ യഹോ​വയെ സേവി​ക്കാൻ നാം അവരെ സഹായി​ക്കു​ക​യാണ്‌. (മലാക്കി 2:17, പി.ഒ.സി. ബൈബിൾ) യഹോ​വയെ സേവി​ക്കാൻ തങ്ങളുടെ ജീവി​തത്തെ സമർപ്പി​ക്കു​ക​യും വിശ്വ​സ്‌ത​മാ​യി തുടരു​ക​യും ചെയ്യു​ന്നവർ നീതി​മാൻമാ​രും ന്യായ​മു​ള്ള​വ​രും ആയി പ്രഖ്യാ​പി​ക്ക​പ്പെ​ടു​ന്നു. അത്‌ അർമ​ഗെ​ദോ​നി​ലെ അവരുടെ അതിജീ​വ​ന​ത്തി​ലേക്കു നയിക്കു​ന്നു.—റോമർ 3:24; യാക്കോബ്‌ 2:24-26.

ലോക​വ്യാ​പ​ക​മാ​യി സുവാർത്ത പ്രസം​ഗി​ക്കു​ക​യും പഠിപ്പി​ക്കു​ക​യും ചെയ്യു​ന്നത്‌ ശക്തിയു​ടെ എന്തൊരു പ്രകട​ന​മാണ്‌! (മത്തായി 24:14) ഭൂരി​ഭാ​ഗ​മാ​ളു​ക​ളും കേൾക്കാൻ ആഗ്രഹി​ക്കാത്ത പ്രദേ​ശ​ങ്ങ​ളിൽ തുടർച്ച​യാ​യി പ്രസം​ഗി​ക്കു​ന്ന​തി​നു സഹിഷ്‌ണുത ആവശ്യ​മാണ്‌. എന്നാൽ അവസാ​ന​ത്തോ​ളം സഹിച്ചു​നിൽക്കാൻ ആവശ്യ​മായ ശക്തി യഹോവ തന്റെ പരിശു​ദ്ധാ​ത്മാ​വി​ലൂ​ടെ നൽകുന്നു.—യെശയ്യാ​വു 40:30, 31; മത്തായി 24:13; ലൂക്കൊസ്‌ 11:13.

ആദാമി​ന്റെ അപൂർണ സന്തതി​ക​ളെന്ന നിലയിൽ നമുക്ക്‌ ഈ നല്ല ഗുണങ്ങൾ പൂർണ​മാ​യി ബാധക​മാ​ക്കാൻ കഴിയില്ല എന്നതു സത്യം​തന്നെ. എന്നാൽ ഓർക്കുക, മനുഷ്യൻ സൃഷ്ടി​ക്ക​പ്പെ​ട്ടി​രി​ക്കു​ന്നത്‌ ദൈവ​ത്തി​ന്റെ പ്രതി​ച്ഛാ​യ​യി​ലാണ്‌. നാം ദൈവ​ത്തെ​പ്പോ​ലെ ആയിരി​ക്കാൻ കൂടുതൽ കൂടുതൽ കഠിന​ശ്രമം ചെയ്യു​ന്നെ​ങ്കിൽ നമ്മുടെ നിലനിൽപ്പി​ന്റെ കാരണം നാം ഭാഗി​ക​മാ​യി നിവർത്തി​ക്കു​ക​യാണ്‌. (സഭാ​പ്ര​സം​ഗി 12:13) നമുക്കു ചെയ്യാൻ കഴിയുന്ന ഏററവും മെച്ചമാ​യതു ചെയ്യാൻ നാം കഠിന​ശ്രമം ചെയ്യു​ക​യും നമുക്കു വീഴ്‌ച സംഭവി​ക്കു​മ്പോൾ ക്ഷമയ്‌ക്കാ​യി അപേക്ഷി​ക്കു​ക​യും ചെയ്യു​ന്നെ​ങ്കിൽ ദൈവ​ത്തി​ന്റെ നീതി​യുള്ള പുതിയ ലോക​ത്തി​ലേക്ക്‌ അതിജീ​വി​ക്കാൻ നമുക്കു പ്രത്യാ​ശി​ക്കാ​വു​ന്ന​താണ്‌. അവി​ടെ​വച്ച്‌ നമുക്കു ക്രമേണ പൂർണത ലഭി​ച്ചേ​ക്കാം. എല്ലാവ​രും യഹോ​വ​യാം ദൈവ​ത്തി​ന്റെ ഗുണങ്ങൾ പൂർണ​മാ​യി പ്രകട​മാ​ക്കുന്ന, പൂർണ​ത​യുള്ള ആളുകൾ അധിവ​സി​ക്കുന്ന ഒരു പറുദീ​സാ ഭൂമി​യി​ലാ​യി​രി​ക്കും നാമ​പ്പോൾ. എന്തൊരു സന്തോഷം! അന്തിമ​മാ​യി, മനുഷ്യർ ദൈവ​ത്തി​ന്റെ പ്രതി​ച്ഛാ​യ​യിൽ ആയിരി​ക്കും, ആ പദപ്ര​യോ​ഗ​ത്തി​ന്റെ പൂർണ​മായ അർഥത്തിൽത്തന്നെ.

[അടിക്കു​റിപ്പ്‌]

[25-ാം പേജിലെ ചിത്രം]

യഹോവയാം ദൈവ​ത്തി​ന്റെ ഗുണങ്ങൾ എങ്ങനെ നട്ടുവ​ളർത്താ​മെന്നു യേശു നമുക്കു കാട്ടി​ത്ത​ന്നു

[26-ാം പേജിലെ ചിത്രം]

അന്തിമമായി പൂർണ​മായ അർഥത്തിൽത്തന്നെ മനുഷ്യർ ദൈവ​ത്തി​ന്റെ പ്രതി​ച്ഛാ​യ​യിൽ ആയിത്തീ​രും