യഹോവ ദൈവ​രാ​ജ്യ​ത്തി​ലൂ​ടെ നമ്മുടെ എല്ലാ പ്രശ്‌ന​ങ്ങ​ളും പെട്ടെ​ന്നു​തന്നെ പരിഹ​രി​ക്കും! എത്ര നല്ല സന്തോ​ഷ​വാർത്ത, അല്ലേ? ഈ സന്തോ​ഷ​വാർത്ത എല്ലാവ​രും അറി​യേ​ണ്ട​തല്ലേ? തന്റെ അനുഗാ​മി​കൾ ഈ സന്തോ​ഷ​വാർത്ത എല്ലാവ​രെ​യും അറിയി​ക്ക​ണ​മെന്ന്‌ യേശു കല്‌പി​ച്ചു. (മത്തായി 28:19, 20) യേശു​വി​ന്റെ ഈ കല്‌പന യഹോ​വ​യു​ടെ സാക്ഷികൾ എങ്ങനെ​യാ​ണ്‌ അനുസ​രി​ക്കു​ന്നത്‌?

1. മത്തായി 24:14-ലെ യേശു​വി​ന്റെ വാക്കുകൾ ഇന്നു നിറ​വേ​റു​ന്നത്‌ എങ്ങനെ?

‘ദൈവ​രാ​ജ്യ​ത്തി​ന്റെ സന്തോ​ഷ​വാർത്ത ഭൂലോ​ക​ത്തെ​ങ്ങും പ്രസം​ഗി​ക്ക​പ്പെ​ടും’ എന്ന്‌ യേശു മുൻകൂ​ട്ടി​പ്പ​റഞ്ഞു. (മത്തായി 24:14) യഹോ​വ​യു​ടെ സാക്ഷികൾ വളരെ സന്തോ​ഷ​ത്തോ​ടെ​യാണ്‌ യേശു​വി​ന്റെ ഈ കല്‌പന അനുസ​രി​ക്കു​ന്നത്‌. ലോക​മെ​ങ്ങു​മാ​യി 1,000-ത്തിലധി​കം ഭാഷക​ളിൽ ഞങ്ങൾ ഈ സന്തോ​ഷ​വാർത്ത അറിയി​ക്കു​ന്നു. എത്ര വലിയ ഒരു വേല! എത്രയ​ധി​കം ആളുക​ളു​ടെ സമയവും തയ്യാ​റെ​ടു​പ്പും കഠിനാ​ധ്വാ​ന​വും ഇതിന്റെ പിന്നിൽ വേണം! എന്നാൽ യഹോ​വ​യു​ടെ സഹായ​മി​ല്ലാ​തെ ഈ പ്രവർത്തനം ഇത്ര നന്നായി ചെയ്യാ​നാ​കില്ല.

2. സന്തോ​ഷ​വാർത്ത അറിയി​ക്കാൻ ഞങ്ങൾ എന്തെല്ലാം ചെയ്യുന്നു?

ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​ക​ളെ​പ്പോ​ലെ ഞങ്ങളും “വീടു​തോ​റും” പോയി ആളുക​ളോ​ടു സംസാ​രി​ക്കു​ന്നു. (പ്രവൃ​ത്തി​കൾ 5:42) ഇങ്ങനെ ചിട്ട​യോ​ടെ ക്രമീ​കൃ​ത​മാ​യി പ്രവർത്തി​ക്കു​ന്ന​തു​കൊണ്ട്‌ ഞങ്ങൾക്ക്‌ ഓരോ വർഷവും ലക്ഷക്കണ​ക്കിന്‌ ആളുക​ളോ​ടു സന്തോ​ഷ​വാർത്ത അറിയി​ക്കാൻ കഴിയു​ന്നു. എന്നാൽ ആളുകൾ എപ്പോ​ഴും വീട്ടി​ലി​ല്ലാ​ത്ത​തു​കൊണ്ട്‌ അവരെ കാണാ​നി​ട​യുള്ള പൊതു​സ്ഥ​ല​ങ്ങ​ളി​ലും മറ്റിട​ങ്ങ​ളി​ലും വെച്ച്‌ ഞങ്ങൾ അവരോ​ടു സംസാ​രി​ക്കാ​റുണ്ട്‌. യഹോ​വ​യെ​ക്കു​റി​ച്ചും യഹോവ ചെയ്യാൻ പോകുന്ന കാര്യ​ങ്ങ​ളെ​ക്കു​റി​ച്ചും മറ്റുള്ള​വ​രോ​ടു പറയാൻ കിട്ടുന്ന എല്ലാ അവസര​ങ്ങ​ളും ഞങ്ങൾ ഉപയോ​ഗി​ക്കു​ന്നു.

3. സന്തോ​ഷ​വാർത്ത പ്രസം​ഗി​ക്കാ​നുള്ള ഉത്തരവാ​ദി​ത്വം ആർക്കാണ്‌?

സന്തോ​ഷ​വാർത്ത പ്രസം​ഗി​ക്കു​ന്നത്‌ യഥാർഥ ക്രിസ്‌ത്യാ​നി​ക​ളു​ടെ​യെ​ല്ലാം ഉത്തരവാ​ദി​ത്വ​മാണ്‌. അതു ഞങ്ങൾ ഗൗരവ​മാ​യി എടുക്കു​ന്നു. ആളുക​ളു​ടെ ജീവൻ അപകട​ത്തി​ലാ​ണെന്ന്‌ അറിയാ​വു​ന്ന​തു​കൊണ്ട്‌ കഴിവി​ന്റെ പരമാ​വധി മറ്റുള്ള​വ​രോ​ടു സന്തോ​ഷ​വാർത്ത അറിയി​ക്കാൻ ഞങ്ങൾ ശ്രമി​ക്കു​ന്നു. (1 തിമൊ​ഥെ​യൊസ്‌ 4:16 വായി​ക്കുക.) ഈ പ്രവർത്ത​ന​ത്തി​നു ഞങ്ങൾ ശമ്പളം വാങ്ങു​ന്നില്ല. കാരണം, “സൗജന്യ​മാ​യി നിങ്ങൾക്കു ലഭിച്ചു; സൗജന്യ​മാ​യി​ത്തന്നെ കൊടു​ക്കുക” എന്നാണ​ല്ലോ ബൈബിൾ പറയു​ന്നത്‌. (മത്തായി 10:7, 8) ഞങ്ങളുടെ സന്ദേശം എല്ലാവ​രും സ്വീക​രി​ക്കാ​റില്ല. എങ്കിലും ഞങ്ങൾ ഈ പ്രവർത്ത​ന​ത്തിൽ തുടരു​ന്നു. കാരണം, ഇതു ഞങ്ങളുടെ ആരാധ​ന​യു​ടെ ഭാഗമാണ്‌, ഇതിലൂ​ടെ ഞങ്ങൾ യഹോ​വയെ സന്തോ​ഷി​പ്പി​ക്കു​ന്നു.

ആഴത്തിൽ പഠിക്കാൻ

4. എല്ലാവ​രു​ടെ​യും അടുക്കൽ എത്താൻ കഠിന​ശ്രമം ചെയ്യുന്നു

വീഡി​യോ: പ്രസം​ഗ​വേല “ഭൂമി​യു​ടെ അറ്റംവ​രെ​യും” (7:33)

• സന്തോ​ഷ​വാർത്ത പ്രസം​ഗി​ക്കു​ന്ന​തി​നു​വേണ്ടി യഹോ​വ​യു​ടെ സാക്ഷികൾ ചെയ്യുന്ന ശ്രമങ്ങ​ളിൽ നിങ്ങൾക്ക്‌ ഏറ്റവും ഇഷ്ടപ്പെ​ട്ടത്‌ എന്താണ്‌?

മത്തായി 22:39; റോമർ 10:13-15 എന്നീ വാക്യങ്ങൾ വായി​ക്കുക. എന്നിട്ട്‌ ഈ ചോദ്യ​ങ്ങൾ ചർച്ച ചെയ്യുക:

• നമ്മൾ സന്തോ​ഷ​വാർത്ത അറിയി​ക്കു​ന്നത്‌ അയൽക്കാ​രോ​ടുള്ള സ്‌നേ​ഹ​ത്തി​ന്റെ തെളി​വാ​ണെന്നു പറയു​ന്നത്‌ എന്തു​കൊണ്ട്‌?

• സന്തോ​ഷ​വാർത്ത പ്രസം​ഗി​ക്കു​ന്ന​വരെ കാണു​മ്പോൾ യഹോ​വ​യ്‌ക്ക്‌ എന്താണു തോന്നു​ന്നത്‌?—15-ാം വാക്യം കാണുക.

5. ഞങ്ങൾ ദൈവ​ത്തി​ന്റെ സഹപ്ര​വർത്ത​ക​രാണ്‌

യഹോ​വ​യാണ്‌ നമ്മുടെ പ്രവർത്ത​ന​ങ്ങളെ മുന്നോ​ട്ടു നയിക്കു​ന്ന​തെന്നു കാണി​ക്കുന്ന ധാരാളം അനുഭ​വ​ങ്ങ​ളുണ്ട്‌. അതിൽ ഒരെണ്ണം നോക്കാം. ന്യൂസി​ലൻഡി​ലുള്ള പോൾ എന്ന സഹോ​ദരൻ ഒരു ദിവസം ഉച്ചകഴിഞ്ഞ്‌ വീടു​തോ​റും പ്രസം​ഗി​ക്കു​ക​യാ​യി​രു​ന്നു. അപ്പോൾ ഒരു സ്‌ത്രീ​യെ കണ്ടുമു​ട്ടി. ‘ആരെങ്കി​ലും വന്ന്‌ തന്നോടു ദൈവ​ത്തെ​ക്കു​റിച്ച്‌ സംസാ​രി​ച്ചി​രു​ന്നെ​ങ്കിൽ’ എന്ന്‌ ആ സ്‌ത്രീ അന്നു രാവിലെ പ്രാർഥി​ച്ചതേ ഉണ്ടായി​രു​ന്നു​ള്ളൂ. യഹോ​വ​യു​ടെ പേര്‌ വിളി​ച്ചാ​യി​രു​ന്നു പ്രാർഥി​ച്ചത്‌. പോൾ പറയുന്നു: “അവർ പ്രാർഥിച്ച്‌ മൂന്നു മണിക്കൂർ ആയപ്പോ​ഴേ​ക്കും ഞാൻ അവിടെ എത്തി.”

1 കൊരി​ന്ത്യർ 3:9 വായി​ക്കുക. എന്നിട്ട്‌ ഈ ചോദ്യം ചർച്ച ചെയ്യുക:

• ന്യൂസി​ലൻഡി​ലെ അനുഭ​വ​വും അതു​പോ​ലുള്ള മറ്റ്‌ അനുഭ​വ​ങ്ങ​ളും യഹോവ പ്രസം​ഗ​പ്ര​വർത്ത​നത്തെ നയിക്കു​ന്നു എന്ന്‌ എങ്ങനെ​യാണ്‌ തെളി​യി​ക്കു​ന്നത്‌?

പ്രവൃ​ത്തി​കൾ 1:8 വായി​ക്കുക. എന്നിട്ട്‌ ഈ ചോദ്യം ചർച്ച ചെയ്യുക:

• പ്രസം​ഗ​പ്ര​വർത്തനം നന്നായി ചെയ്യാൻ യഹോ​വ​യു​ടെ സഹായം ആവശ്യ​മാ​യി​രി​ക്കു​ന്നത്‌ എന്തു​കൊണ്ട്‌?

നിങ്ങൾക്ക്‌ അറിയാ​മോ?

ഓരോ ആഴ്‌ച​യി​ലെ​യും ഇടദി​വ​സത്തെ മീറ്റി​ങ്ങിൽ സന്തോ​ഷ​വാർത്ത പ്രസം​ഗി​ക്കു​ന്ന​തി​നുള്ള പരിശീ​ലനം നമുക്കു കിട്ടു​ന്നുണ്ട്‌. നിങ്ങൾ ഇടദി​വ​സത്തെ മീറ്റി​ങ്ങിൽ പങ്കെടു​ത്തി​ട്ടു​ണ്ടോ? അവി​ടെ​നിന്ന്‌ കിട്ടുന്ന പരിശീ​ല​ന​ത്തെ​ക്കു​റിച്ച്‌ നിങ്ങൾക്ക്‌ എന്തു തോന്നു​ന്നു?

6. സന്തോ​ഷ​വാർത്ത പ്രസം​ഗി​ക്കാ​നുള്ള ദൈവ​ക​ല്‌പന ഞങ്ങൾ അനുസ​രി​ക്കു​ന്നു

ഒന്നാം നൂറ്റാ​ണ്ടിൽ, യേശു​വി​ന്റെ ശിഷ്യ​ന്മാർ സന്തോ​ഷ​വാർത്ത അറിയി​ക്കു​ന്നതു തടയാൻ എതിരാ​ളി​കൾ ശ്രമിച്ചു. എന്നാൽ ആ ക്രിസ്‌ത്യാ​നി​കൾ സന്തോ​ഷ​വാർത്ത പ്രസം​ഗി​ക്കാ​നുള്ള തങ്ങളുടെ അവകാശം “നിയമ​പ​ര​മാ​യി സ്ഥാപി​ച്ചെ​ടു​ക്കാൻ” ശ്രമിച്ചു. (ഫിലി​പ്പി​യർ 1:7) ഇന്ന്‌ യഹോ​വ​യു​ടെ സാക്ഷി​ക​ളും അങ്ങനെ​യാണ്‌ ചെയ്യു​ന്നത്‌.a

വീഡി​യോ: സന്തോ​ഷ​വാർത്ത​യ്‌ക്കു​വേണ്ടി നിയമ​പ​ര​മാ​യി വാദി​ക്കുന്നു (2:28)

പ്രവൃ​ത്തി​കൾ 5:27-42 വായി​ക്കുക. എന്നിട്ട്‌ ഈ ചോദ്യം ചർച്ച ചെയ്യുക:

• നമ്മൾ സന്തോ​ഷ​വാർത്ത പ്രസം​ഗി​ക്കു​ന്നതു നിറു​ത്തു​ക​യി​ല്ലാ​ത്തത്‌ എന്തു​കൊണ്ട്‌?—29, 38, 39 വാക്യങ്ങൾ കാണുക.

ചുരു​ക്ക​ത്തിൽ

എല്ലാ ജനതക​ളെ​യും സന്തോ​ഷ​വാർത്ത അറിയി​ക്കാൻ യേശു തന്റെ അനുഗാ​മി​ക​ളോ​ടു പറഞ്ഞു. ഈ പ്രവർത്തനം നന്നായി ചെയ്യാൻ യഹോവ തന്റെ ജനത്തെ സഹായി​ക്കു​ന്നു.

ഓർക്കുന്നുണ്ടോ?

• ലോക​മെ​ങ്ങും സന്തോ​ഷ​വാർത്ത അറിയി​ക്കു​ന്നത്‌ എങ്ങനെ​യാണ്‌?

• നമ്മൾ സന്തോ​ഷ​വാർത്ത അറിയി​ക്കു​ന്നതു മറ്റുള്ള​വ​രോ​ടുള്ള സ്‌നേ​ഹ​ത്തി​ന്റെ തെളി​വാണ്‌ എന്നു പറയു​ന്നത്‌ എന്തു​കൊണ്ട്‌?

• സന്തോ​ഷ​വാർത്ത പ്രസം​ഗി​ക്കു​ന്നതു സന്തോഷം തരുന്ന ഒരു കാര്യ​മാ​യിട്ട്‌ നിങ്ങൾക്കു തോന്നു​ന്നു​ണ്ടോ? എന്തു​കൊണ്ട്‌?

കൂടുതൽ മനസ്സി​ലാ​ക്കാൻ

യഹോവയുടെ സാക്ഷികൾ വൻ നഗരങ്ങ​ളിൽ എങ്ങനെ​യാണ്‌ സന്തോ​ഷ​വാർത്ത പ്രസം​ഗി​ക്കു​ന്നത്‌ എന്നു കാണുക.

മെട്രോ നഗരങ്ങ​ളി​ലെ പ്രത്യേക സാക്ഷീ​ക​ര​ണ​വേല—പാരീസ്‌ (5:11)

അഭയാർഥികളോടു സന്തോ​ഷ​വാർത്ത അറിയി​ക്കാൻ യഹോ​വ​യു​ടെ സാക്ഷികൾ എന്തു ശ്രമമാണ്‌ ചെയ്‌തത്‌?

അഭയാർഥികളുടെ ആത്മീയ​ദാ​ഹം ശമിപ്പി​ക്കു​ന്നു (5:59)

അനേകവർഷങ്ങളായി സന്തോ​ഷ​വാർത്ത പ്രസം​ഗി​ക്കുന്ന ഒരാളു​ടെ അനുഭവം നോക്കാം.

ഈ ജീവി​ത​ഗതി തിര​ഞ്ഞെ​ടു​ത്ത​തിൽ ഞാൻ സന്തോ​ഷി​ക്കു​ന്നു (6:29)

സന്തോഷവാർത്ത പ്രസം​ഗി​ക്കു​ന്ന​തിന്‌ അനുകൂ​ല​മാ​യി വന്ന ചില സുപ്ര​ധാന കോട​തി​വി​ധി​ക​ളെ​ക്കു​റിച്ച്‌ മനസ്സി​ലാ​ക്കാം.

“ദൈവ​രാ​ജ്യ​ത്തി​ന്റെ പ്രചാ​രകർ കോട​തി​യെ സമീപി​ക്കു​ന്നു” (ദൈവ​രാ​ജ്യം ഭരിക്കു​ന്നു!, അധ്യായം 13)

തന്റെ അനുഗാ​മി​കൾ സ്‌നാ​ന​മേൽക്ക​ണ​മെന്ന്‌ യേശു പഠിപ്പി​ച്ചു. (മത്തായി 28:19, 20 വായി​ക്കുക.) എന്നാൽ എന്താണ്‌ സ്‌നാനം? സ്‌നാ​ന​മേൽക്കാൻ ഒരാൾ എന്തൊ​ക്ക​യാ​ണു ചെയ്യേ​ണ്ടത്‌?

1. എന്താണ്‌ സ്‌നാനം?

ബൈബി​ളിൽ ‘സ്‌നാ​ന​പ്പെ​ടു​ത്തുക’ എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന പദത്തിന്‌ ഗ്രീക്കു ഭാഷയിൽ ഉപയോ​ഗി​ച്ചി​രി​ക്കു​ന്നത്‌ ‘വെള്ളത്തിൽ മുക്കുക’ എന്ന്‌ അർഥം വരുന്ന പദമാണ്‌. യേശു സ്‌നാ​ന​മേ​റ്റത്‌ യോർദാൻ നദിയിൽ മുങ്ങി​യാണ്‌. അതിനു ശേഷം യേശു “വെള്ളത്തിൽനിന്ന്‌ കയറി” എന്ന്‌ നമ്മൾ ബൈബി​ളിൽ വായി​ക്കു​ന്നു. (മർക്കോസ്‌ 1:9, 10) ഇതു​പോ​ലെ യഥാർഥ ക്രിസ്‌ത്യാ​നി​ക​ളും വെള്ളത്തിൽ പൂർണ​മാ​യി മുങ്ങി​യാണ്‌ സ്‌നാ​ന​മേൽക്കു​ന്നത്‌.

2. സ്‌നാനം എന്തിന്റെ തെളി​വാണ്‌?

ഒരാൾ സ്‌നാ​ന​മേൽക്കു​മ്പോൾ ആ വ്യക്തി ദൈവ​മായ യഹോ​വ​യ്‌ക്ക്‌ തന്നെത്തന്നെ സമർപ്പി​ച്ചു എന്നു കാണി​ക്കു​ക​യാണ്‌. ദൈവ​ത്തി​നു സമർപ്പി​ക്കുക എന്നാൽ എന്താണ്‌? ഒരു വ്യക്തി സ്‌നാ​ന​മേൽക്കു​ന്ന​തി​നു മുമ്പ്‌ ദൈവ​ത്തോട്‌ വ്യക്തി​പ​ര​മായ ഒരു പ്രാർഥ​ന​യിൽ, താൻ ഇനി എന്നും യഹോ​വയെ സേവി​ച്ചു​കൊ​ള്ളാ​മെന്ന്‌ വാക്കു​കൊ​ടു​ക്കു​ന്ന​താണ്‌ സമർപ്പണം. അതിന്റെ അർഥം ആ വ്യക്തി ഇനി യഹോ​വയെ മാത്രമേ ആരാധി​ക്കൂ എന്നാണ്‌. കൂടാതെ, ജീവി​ത​ത്തിൽ യഹോ​വ​യു​ടെ ഇഷ്ടം ചെയ്യു​ന്ന​തി​നാ​യി​രി​ക്കും അദ്ദേഹം ഏറ്റവും പ്രാധാ​ന്യം കൊടു​ക്കുക. മാത്രമല്ല, യേശു​വി​ന്റെ ഉപദേ​ശങ്ങൾ അനുസ​രി​ച്ചു​കൊ​ണ്ടും മാതൃക പകർത്തി​ക്കൊ​ണ്ടും ആ വ്യക്തി “സ്വയം ത്യജിച്ച്‌” യേശു​വി​നെ ‘അനുഗ​മി​ക്കാൻ’ തീരു​മാ​നി​ക്കു​ക​യാണ്‌. (മത്തായി 16:24) സമർപ്പിച്ച്‌ സ്‌നാ​ന​മേൽക്കുന്ന ഒരു വ്യക്തിക്കു ദൈവ​മായ യഹോ​വ​യോ​ടും സഹാരാ​ധ​ക​രോ​ടും ഒരു അടുത്ത സുഹൃ​ദ്‌ബ​ന്ധ​ത്തി​ലേക്കു വരാൻ കഴിയും.

3. സ്‌നാ​ന​മേൽക്കു​ന്ന​തി​നു മുമ്പ്‌ ഒരു വ്യക്തി എന്തൊക്കെ ചെയ്യണം?

യഹോ​വ​യെ​ക്കു​റിച്ച്‌ നന്നായി പഠിച്ചു​കൊ​ണ്ടും യഹോ​വ​യി​ലുള്ള വിശ്വാ​സം ശക്തമാ​ക്കി​ക്കൊ​ണ്ടും നിങ്ങൾക്കു സ്‌നാ​ന​ത്തി​നാ​യി തയ്യാ​റെ​ടു​ക്കാൻ കഴിയും. (എബ്രായർ 11:6 വായി​ക്കുക.) അറിവും വിശ്വാ​സ​വും കൂടു​മ്പോൾ യഹോ​വ​യോ​ടുള്ള സ്‌നേ​ഹ​വും കൂടും. പഠിച്ച കാര്യങ്ങൾ മറ്റുള്ള​വ​രോ​ടു പറയാ​നും യഹോവ ആഗ്രഹി​ക്കുന്ന വിധത്തിൽ ജീവി​ക്കാ​നും യഹോ​വ​യോ​ടുള്ള സ്‌നേഹം നിങ്ങളെ പ്രേരി​പ്പി​ക്കും. (2 തിമൊ​ഥെ​യൊസ്‌ 4:2; 1 യോഹ​ന്നാൻ 5:3) ദൈവ​ത്തിന്‌ ‘ഇഷ്ടപ്പെട്ട വിധത്തിൽ നടക്കു​ക​യും ദൈവത്തെ പൂർണ​മാ​യി പ്രസാ​ദി​പ്പി​ക്കാൻ’ ആത്മാർഥ​മാ​യി ശ്രമി​ക്കു​ക​യും ചെയ്യുന്ന ഒരാൾ, തന്റെ ജീവിതം ദൈവ​ത്തി​നു സമർപ്പിച്ച്‌ സ്‌നാ​ന​മേൽക്കാൻ തീരു​മാ​നി​ച്ചേ​ക്കാം.—കൊ​ലോ​സ്യർ 1:9, 10.a

ആഴത്തിൽ പഠിക്കാൻ

4. യേശു​വി​ന്റെ സ്‌നാ​ന​ത്തിൽനിന്ന്‌ പഠിക്കാം

യേശു​വി​ന്റെ സ്‌നാ​ന​ത്തെ​ക്കു​റി​ച്ചുള്ള കൂടുതൽ വിവരങ്ങൾ മനസ്സി​ലാ​ക്കാൻ മത്തായി 3:13-17 വായി​ക്കുക. എന്നിട്ട്‌ ഈ ചോദ്യ​ങ്ങൾ ചർച്ച ചെയ്യുക:

• സ്‌നാ​ന​മേറ്റ സമയത്ത്‌ യേശു ഒരു ശിശു​വാ​യി​രു​ന്നോ?

• എങ്ങനെ​യാണ്‌ യേശു​വി​നെ സ്‌നാ​ന​പ്പെ​ടു​ത്തി​യത്‌? വെള്ളം തളിച്ചാ​ണോ?

ദൈവം തന്നെ ഏൽപ്പിച്ച പ്രത്യേക ഉത്തരവാ​ദി​ത്വം സ്‌നാ​ന​മേ​റ്റ​തി​നു ശേഷമാണ്‌ യേശു ചെയ്യാൻ തുടങ്ങി​യത്‌. ലൂക്കോസ്‌ 3:21-23; യോഹ​ന്നാൻ 6:38 എന്നീ വാക്യങ്ങൾ വായി​ക്കുക. എന്നിട്ട്‌ ഈ ചോദ്യം ചർച്ച ചെയ്യുക:

• സ്‌നാ​ന​മേ​റ്റ​തി​നു ശേഷം യേശു ഏതു കാര്യ​ത്തി​നാണ്‌ തന്റെ ജീവി​ത​ത്തിൽ ഒന്നാം സ്ഥാനം കൊടു​ത്തത്‌?

5. നിങ്ങൾക്കും സ്‌നാ​ന​മെന്ന ലക്ഷ്യത്തിൽ എത്താം

ദൈവ​ത്തി​നു ജീവിതം സമർപ്പി​ക്കുക, സ്‌നാ​ന​പ്പെ​ടുക എന്നൊക്കെ കേൾക്കു​മ്പോൾ നമുക്ക്‌ ആദ്യം ഒരു ഉത്‌കണ്‌ഠ തോന്നി​യേ​ക്കാം. എന്നാൽ യഹോ​വ​യെ​ക്കു​റിച്ച്‌ പഠിക്കു​ന്ന​തിൽ തുടരുക. അപ്പോൾ സ്‌നാ​ന​മേൽക്കാ​നുള്ള ആത്മവി​ശ്വാ​സം നിങ്ങൾക്കു കിട്ടും. അങ്ങനെ ചെയ്‌ത ചിലരെ പരിച​യ​പ്പെ​ടു​ന്ന​തി​നാ​യി വീഡി​യോ കാണുക.

വീഡി​യോ: യഹോ​വ​യു​മാ​യുള്ള ബന്ധം കൂടുതൽ ശക്തി​പ്പെ​ടു​ത്താം (1:11)

യോഹ​ന്നാൻ 17:3; യാക്കോബ്‌ 1:5 എന്നീ വാക്യങ്ങൾ വായി​ക്കുക. എന്നിട്ട്‌ ഈ ചോദ്യം ചർച്ച ചെയ്യുക:

• സ്‌നാ​ന​ത്തി​നു തയ്യാ​റെ​ടു​ക്കാൻ ഒരാളെ സഹായി​ക്കു​ന്നത്‌ എന്താണ്‌?

1. യഹോവയെ എന്നും സേവി​ച്ചു​കൊ​ള്ളാ​മെന്ന്‌ പ്രാർഥ​ന​യിൽ വാക്കു​കൊ​ടു​ക്കു​ന്ന​താണ്‌ സമർപ്പണം

2. നമ്മളെത്തന്നെ ദൈവ​ത്തി​നു സമർപ്പി​ച്ചു എന്ന്‌ സ്‌നാ​ന​സ​മ​യത്ത്‌ നമ്മൾ ചുറ്റു​മു​ള്ള​വർക്കു കാണി​ച്ചു​കൊ​ടു​ക്കു​ക​യാണ്‌

6. സ്‌നാ​ന​പ്പെ​ടു​മ്പോൾ നമ്മൾ യഹോ​വ​യു​ടെ കുടും​ബ​ത്തി​ന്റെ ഭാഗമാ​കു​ന്നു

സ്‌നാ​ന​മേറ്റു കഴിയു​മ്പോൾ നമ്മൾ ലോക​മെ​ങ്ങു​മുള്ള ഒരു കുടും​ബ​ത്തി​ന്റെ ഭാഗമാ​യി​ത്തീ​രു​ക​യാണ്‌. നമ്മൾ പല ദേശങ്ങ​ളി​ലും പശ്ചാത്ത​ല​ങ്ങ​ളി​ലും നിന്നു​ള്ള​വ​രാണ്‌. എങ്കിലും നമു​ക്കെ​ല്ലാം ഒരേ വിശ്വാ​സ​ങ്ങ​ളാണ്‌ ഉള്ളത്‌. ശരിയും തെറ്റും സംബന്ധിച്ച്‌ നമുക്കുള്ള നിലവാ​ര​ങ്ങ​ളും ഒന്നാണ്‌. സങ്കീർത്തനം 25:14; 1 പത്രോസ്‌ 2:17 എന്നീ വാക്യങ്ങൾ വായി​ക്കുക. എന്നിട്ട്‌ ഈ ചോദ്യം ചർച്ച ചെയ്യുക:

• ഒരാൾ സ്‌നാ​ന​മേറ്റു കഴിയു​മ്പോൾ യഹോ​വ​യു​മാ​യും സഹാരാ​ധ​ക​രു​മാ​യും ഉള്ള ബന്ധത്തിൽ എന്തു മാറ്റമാണ്‌ ഉണ്ടാകു​ന്നത്‌?

ചുരു​ക്ക​ത്തിൽ

തന്റെ അനുഗാ​മി​കൾ സ്‌നാ​ന​മേൽക്ക​ണ​മെന്ന്‌ യേശു പഠിപ്പി​ച്ചു. അതിന്‌ ഒരു വ്യക്തി യഹോ​വ​യി​ലുള്ള വിശ്വാ​സം ശക്തമാ​ക്കണം, യഹോ​വ​യു​ടെ നിലവാ​രങ്ങൾ അനുസ​രിച്ച്‌ ജീവി​ക്കണം, തന്നെത്തന്നെ യഹോ​വ​യ്‌ക്ക്‌ സമർപ്പി​ക്കണം.

ഓർക്കുന്നുണ്ടോ?

• എന്താണ്‌ സ്‌നാനം? അതു വളരെ പ്രധാ​ന​പ്പെ​ട്ടത്‌ ആയിരി​ക്കു​ന്നത്‌ എന്തു​കൊണ്ട്‌?

• സമർപ്പ​ണ​വും സ്‌നാ​ന​വും തമ്മിലുള്ള ബന്ധം എന്താണ്‌?

• സമർപ്പിച്ച്‌ സ്‌നാ​ന​മേൽക്കാൻ എങ്ങനെ ഒരുങ്ങാം?

കൂടുതൽ മനസ്സി​ലാ​ക്കാൻ

സ്‌നാനം എന്താ​ണെന്നു കൂടു​ത​ലാ​യി മനസ്സി​ലാ​ക്കാം.

“എന്താണ്‌ സ്‌നാനം?” (വെബ്‌​സൈ​റ്റി​ലെ ലേഖനം)

ഒരാൾക്ക്‌ സ്‌നാ​ന​മെന്ന പടിയി​ലേക്ക്‌ എങ്ങനെ പുരോ​ഗ​മി​ക്കാം?

“യഹോ​വ​യോ​ടുള്ള സ്‌നേഹം സ്‌നാ​ന​പ്പെ​ടാൻ നിങ്ങളെ പ്രചോ​ദി​പ്പി​ക്കും” (വീക്ഷാ​ഗോ​പു​രം 2020 മാർച്ച്‌)

വികാരത്തിന്റെ പുറത്ത്‌ എടുക്കേണ്ട ഒരു തീരു​മാ​നമല്ല സ്‌നാനം എന്ന കാര്യം വ്യക്തമാ​ക്കുന്ന ഒരു അനുഭവം വായി​ക്കുക.

“ഞാൻ സത്യം സ്വയം കണ്ടെത്താൻ അവർ ആഗ്രഹി​ച്ചു” (വെബ്‌​സൈ​റ്റി​ലെ ലേഖനം)

നിങ്ങൾക്കു വെക്കാൻ കഴിയുന്ന ഒരു ലക്ഷ്യമാണ്‌ സ്‌നാനം. അതിനു​വേണ്ടി എങ്ങനെ ഒരുങ്ങാം?

“ഞാൻ സ്‌നാ​ന​മേൽക്ക​ണോ​?” (വെബ്‌​സൈ​റ്റി​ലെ ലേഖനം)