യേശു​വി​ന്റെ ജീവി​ത​വും ശുശ്രൂ​ഷ​യും

പ്രാർത്ഥ​ന​യും ദൈവ​ത്തി​ലുള്ള ആശ്രയ​വും

യേശു തന്റെ പ്രഭാ​ഷണം തുടരവേ തങ്ങളുടെ സാങ്കൽപ്പിക ദൈവ​ഭ​ക്തി​യു​ടെ ഒരു പ്രകടനം നടത്തു​ന്ന​വ​രു​ടെ കപടഭ​ക്തി​യെ അവൻ കുററം വിധി​ക്കു​ന്നു. “നിങ്ങൾ ദാനങ്ങൾ കൊടു​ക്കു​മ്പോൾ കപടഭ​ക്തി​ക്കാർ ചെയ്യു​ന്ന​തു​പോ​ലെ നിങ്ങളു​ടെ മുമ്പിൽ ഒരു കാഹള​മൂ​ത​രുത്‌” എന്ന്‌ അവൻ പറയുന്നു.

യേശു തുടരു​ന്നു: “നിങ്ങൾ പ്രാർത്ഥി​ക്കു​മ്പോൾ നിങ്ങൾ കപടഭ​ക്തി​ക്കാ​രെ​പ്പോ​ലെ ആയിരി​ക്ക​രുത്‌; എന്തു​കൊ​ണ്ടെ​ന്നാൽ അവർ മനുഷ്യ​രാൽ കാണ​പ്പെ​ടു​ന്ന​തിന്‌ സിന​ഗോ​ഗു​ക​ളി​ലും വിശാ​ല​വീ​ഥി​ക​ളു​ടെ കോണു​ക​ളി​ലും നിന്നു പ്രാർത്ഥി​ക്കാൻ ഇഷ്ടപ്പെ​ടു​ന്നു.” എന്നാൽ അവൻ ഉദ്‌ബോ​ധി​പ്പി​ക്കു​ക​യാണ്‌: “നിങ്ങൾ പ്രാർത്ഥി​ക്കു​മ്പോൾ നിങ്ങളു​ടെ രഹസ്യ​മു​റി​യി​ലേക്കു പോകു​ക​യും നിങ്ങളു​ടെ വാതിൽ അടച്ച​ശേഷം രഹസ്യ​ത്തി​ലുള്ള നിങ്ങളു​ടെ പിതാ​വി​നോ​ടു പ്രാർത്ഥി​ക്കു​ക​യും ചെയ്യുക.” യേശു​തന്നെ പരസ്യ​പ്രാർത്ഥ​നകൾ നടത്തി​യി​ട്ടുണ്ട്‌, അതു​കൊണ്ട്‌ അവൻ അവയെ കുററം വിധി​ക്കു​കയല്ല. ശ്രോ​താ​ക്ക​ളിൽ മതിപ്പു​ള​വാ​ക്കാ​നും അവരുടെ ആദരാ​ഭി​ന​ന്ദ​നങ്ങൾ ലഭിക്കാ​നും നടത്തുന്ന പ്രാർത്ഥ​ന​ക​ളെ​യാണ്‌ അവൻ കുററം വിധി​ക്കു​ന്നത്‌.

യേശു കൂടു​ത​ലാ​യി ഇങ്ങനെ ബുദ്ധി​യു​പ​ദേ​ശി​ക്കു​ന്നു: “പ്രാർത്ഥി​ക്കു​മ്പോൾ ജനതക​ളി​ലെ ആളുകൾ ചെയ്യു​ന്ന​തു​പോ​ലെ ഒരേ കാര്യങ്ങൾ വീണ്ടും വീണ്ടും പറയരുത്‌.” ആവർത്തനം അതിൽത്തന്നെ തെററാ​ണെന്ന്‌ യേശു അർത്ഥമാ​ക്കു​ന്നില്ല. ഒരിക്കൽ, പ്രാർത്ഥി​ച്ച​പ്പോൾ അവൻതന്നെ ആവർത്തിച്ച്‌ “ഒരേ വാക്ക്‌” ഉപയോ​ഗി​ച്ചു. എന്നാൽ അവൻ അംഗീ​ക​രി​ക്കാ​ത്തത്‌ ഓർമ്മ​യിൽ വെച്ചി​രി​ക്കുന്ന പദസം​ഹി​തകൾ “വീണ്ടും വീണ്ടും” പറയു​ന്ന​താണ്‌, കാണാ​പ്പാ​ഠം പഠിച്ച്‌ അർത്ഥമ​റി​യാ​തെ ഉരുവി​ടു​മ്പോൾ ജപമാ​ല​യി​ലെ മണികൾ എണ്ണുന്നവർ ചെയ്യു​ന്ന​തു​പോ​ലെ​തന്നെ.

പ്രാർത്ഥി​ക്കാൻ തന്റെ ശ്രോ​താ​ക്കളെ സഹായി​ക്കു​ന്ന​തിന്‌ യേശു ഒരു മാതൃ​കാ​പ്രാർത്ഥന നൽകുന്നു, അതിൽ ഏഴ്‌ അപേക്ഷകൾ ഉൾക്കൊ​ണ്ടി​രി​ക്കു​ന്നു. ആദ്യത്തെ മൂന്നെണ്ണം ഉചിത​മാ​യി ദൈവ​ത്തി​ന്റെ പരമാ​ധി​കാ​ര​ത്തി​നും അവന്റെ ഉദ്ദേശ്യ​ങ്ങൾക്കും അംഗീ​കാ​രം കൊടു​ക്കു​ന്നു. അവ ദൈവ​നാ​മം വിശു​ദ്ധീ​ക​രി​ക്ക​പ്പെ​ടു​ന്ന​തി​നും അവന്റെ രാജ്യം വരുന്ന​തി​നും അവന്റെ ഇഷ്ടം ചെയ്യ​പ്പെ​ടു​ന്ന​തി​നു​മുള്ള അപേക്ഷ​ക​ളാണ്‌. ശേഷിച്ച നാലെണ്ണം വ്യക്തി​പ​ര​മായ അപേക്ഷ​ക​ളാണ്‌, അതായത്‌, ദിവ​സേ​ന​യുള്ള ആഹാര​ത്തി​നും പാപങ്ങ​ളു​ടെ മോച​ന​ത്തി​നും ഒരുവന്റെ സഹനത്തി​ന​തീ​ത​മാ​യി പരീക്ഷി​ക്ക​പ്പെ​ടാ​തി​രി​ക്കു​ന്ന​തി​നും ദുഷ്ടനിൽനി​ന്നു വിടു​വി​ക്ക​പ്പെ​ടു​ന്ന​തി​നും​തന്നെ.

തുടർന്ന്‌ യേശു ഭൗതി​ക​സ്വ​ത്തു​ക്കൾക്ക്‌ അനുചി​ത​മായ പ്രാധാ​ന്യം കൊടു​ക്കു​ന്ന​തി​ലെ കെണിയെ കൈകാ​ര്യം ചെയ്യുന്നു. അവൻ ഇങ്ങനെ പ്രോൽസാ​ഹി​പ്പി​ക്കു​ന്നു: “പുഴു​വും തുരു​മ്പും തിന്നു​ക​ള​യു​ന്ന​ട​വും കള്ളൻമാർ ഭേദി​ച്ചു​ക​ടന്ന്‌ മോഷ്ടി​ക്കു​ന്ന​ട​വു​മായ ഭൂമി​യിൽ നിങ്ങൾക്കാ​യി നിക്ഷേ​പങ്ങൾ സ്വരൂ​പി​ക്ക​രുത്‌.” അങ്ങനെ​യുള്ള നിക്ഷേ​പങ്ങൾ നശ്വര​മാ​ണെ​ന്നു​മാ​ത്രമല്ല, അവ ദൈവ​മു​മ്പാ​കെ മൂല്യം വർദ്ധി​പ്പി​ക്കു​ന്നു​മില്ല.

അതു​കൊണ്ട്‌ യേശു പറയുന്നു: “എന്നാൽ നിങ്ങൾക്കു​വേണ്ടി സ്വർഗ്ഗ​ത്തിൽ നിക്ഷേ​പങ്ങൾ സ്വരൂ​പി​ക്കുക.” നിങ്ങളു​ടെ ജീവി​ത​ത്തിൽ ദൈവ​സേ​വ​നത്തെ ഒന്നാമ​താ​യി വെക്കു​ന്ന​തി​നാൽ ഇതു ചെയ്യ​പ്പെ​ടു​ന്നു. ദൈവ​ത്തി​ങ്കൽ അങ്ങനെ വർദ്ധി​ക്കുന്ന മൂല്യ​ത്തെ​യോ അതിന്റെ മഹത്തായ പ്രതി​ഫ​ല​ത്തെ​യോ ആർക്കും എടുത്തു​ക​ള​യാൻ കഴിക​യില്ല. അനന്തരം “നിന്റെ നിക്ഷേപം ഉള്ളടത്ത്‌ നിന്റെ ഹൃദയ​വും ഇരിക്കും” എന്ന്‌ യേശു കൂട്ടി​ച്ചേർക്കു​ന്നു.

ഭൗതി​ക​ത്വ​ത്തി​ന്റെ കെണിയെ കൂടു​ത​ലാ​യി കൈകാ​ര്യം​ചെ​യ്‌തു​കൊണ്ട്‌ യേശു ഈ ഉപമ പറയുന്നു: “ശരീര​ത്തി​ന്റെ വിളക്ക്‌ കണ്ണാകു​ന്നു. അപ്പോൾ നിന്റെ കണ്ണ്‌ ലഘു​വെ​ങ്കിൽ നിന്റെ മുഴു ശരീര​വും ശോഭ​ന​മാ​യി​രി​ക്കും; എന്നാൽ നിന്റെ കണ്ണ്‌ ദുഷ്ടമാ​ണെ​ങ്കിൽ നിന്റെ മുഴു ശരീര​വും ഇരുണ്ട​താ​യി​രി​ക്കും.” ഉചിത​മാ​യി പ്രവർത്തി​ക്കുന്ന കണ്ണ്‌ ശരീര​ത്തിന്‌ ഇരുണ്ട സ്ഥലത്ത്‌ കത്തിച്ച ഒരു വിളക്കു​പോ​ലെ​യാണ്‌. എന്നാൽ ശരിയാ​യി കാണു​ന്ന​തിന്‌ കണ്ണ്‌ ലഘുവാ​യി​രി​ക്കണം, അതായത്‌, അത്‌ ഒരു വസ്‌തു​വിൽ കേന്ദ്രീ​ക​രി​ക്കണം. കേന്ദ്രീ​ക​രണം പിഴച്ച കണ്ണ്‌ കാര്യ​ങ്ങ​ളെ​ക്കു​റി​ച്ചുള്ള തെററായ വിലയി​രു​ത്ത​ലി​ലേക്ക്‌, ഭൗതി​ക​കാ​ര്യ​ങ്ങളെ ദൈവ​സേ​വ​ന​ത്തി​നു​പരി കരുതു​ന്ന​തി​ലേക്ക്‌ നയിക്കു​ന്നു. “മുഴു​ശ​രീര”വും ഇരുണ്ടു​പോ​കു​ന്നു​വെ​ന്ന​താണ്‌ അതിന്റെ ഫലം.

യേശു ഈ സംഗതി​യെ ശക്തമായ ദൃഷ്ടാ​ന്ത​ത്തോ​ടെ പരകോ​ടി​യി​ലെ​ത്തി​ക്കു​ന്നു: “ആർക്കും രണ്ടു യജമാ​നൻമാ​രെ സേവി​ക്കാൻ കഴിക​യില്ല; എന്തെന്നാൽ അയാൾ ഒരാളെ വെറു​ക്കു​ക​യും മറേറ​യാ​ളെ സ്‌നേ​ഹി​ക്കു​ക​യും ചെയ്യും, അല്ലെങ്കിൽ അയാൾ ഒരാ​ളോ​ടു പററി​നിൽക്കു​ക​യും മറേറ​യാ​ളെ നിന്ദി​ക്കു​ക​യും ചെയ്യും. നിങ്ങൾക്ക്‌ ദൈവ​ത്തി​നു​വേ​ണ്ടി​യും ധനത്തി​നു​വേ​ണ്ടി​യും അടിമ​വേല ചെയ്യാൻ കഴിക​യില്ല.”

ഈ ബുദ്ധി​യു​പ​ദേശം കൊടുത്ത ശേഷം തന്റെ ശ്രോ​താ​ക്കൾ ദൈവ​സേ​വ​നത്തെ ഒന്നാമതു കരുതു​ന്നു​വെ​ങ്കിൽ ഭൗതി​കാ​വ​ശ്യ​ങ്ങൾസം​ബ​ന്ധിച്ച്‌ അവർ ഉൽക്കൺഠ​പ്പെ​ടേ​ണ്ട​തി​ല്ലെന്ന്‌ അവൻ ഉറപ്പു​കൊ​ടു​ത്തു. “ആകാശ​ത്തി​ലെ പക്ഷികളെ ഏകാ​ഗ്ര​മാ​യി നിരീ​ക്ഷി​ക്കുക, എന്തു​കൊ​ണ്ടെ​ന്നാൽ അവ വിത്തു വിതക്കു​ക​യോ കൊയ്യു​ക​യോ കളപ്പു​ര​ക​ളിൽ ശേഖരി​ച്ചു​വെ​ക്കു​ക​യോ ചെയ്യു​ന്നില്ല; എന്നിട്ടും നിങ്ങളു​ടെ സ്വർഗ്ഗീയ പിതാവ്‌ അവയെ പോഷി​പ്പി​ക്കു​ന്നു.” അനന്തരം “നിങ്ങൾ അവയെ​ക്കാ​ള​ധി​കം വിലയു​ള്ള​വ​രല്ലേ?” എന്ന്‌ അവൻ ചോദി​ക്കു​ന്നു.

അടുത്ത​താ​യി, യേശു വയലിലെ ലില്ല​ക​ളി​ലേക്കു വിരൽചൂ​ണ്ടു​ക​യും “ശലോ​മോൻ പോലും തന്റെ സകല മഹത്വ​ത്തി​ലും ഇവയി​ലൊ​ന്നി​നെ​പ്പോ​ലെ ചമഞ്ഞി​രു​ന്നില്ല” എന്ന്‌ കുറി​ക്കൊ​ള്ളു​ക​യും ചെയ്യുന്നു. അവൻ തുടരു​ന്നു: “ഇപ്പോൾ, ദൈവം വയലിലെ സസ്യത്തെ ഇങ്ങനെ വസ്‌ത്ര​മ​ണി​യി​ക്കു​ന്നു​വെ​ങ്കിൽ, . . . അൽപ്പവി​ശ്വാ​സി​കളേ, നിങ്ങളെ അവൻ വളരെ​യ​ധി​ക​മാ​യി വസ്‌ത്രം ധരിപ്പി​ക്കു​ക​യി​ല്ലേ?”

അതു​കൊ​ണ്ടു യേശു ഇങ്ങനെ ഉപസം​ഹ​രി​ക്കു​ന്നു: “ഒരിക്ക​ലും ഉൽക്കൺഠ​പ്പെ​ട്ടു​കൊണ്ട്‌ ‘നാം എന്തു തിന്നാ​നാണ്‌’ അല്ലെങ്കിൽ ‘നാം എന്തു കുടി​ക്കാ​നാണ്‌?’ ‘അല്ലെങ്കിൽ നാം എന്തു ധരിക്കാ​നാണ്‌?’ എന്നു പറയരുത്‌ . . . എന്തു​കൊ​ണ്ടെ​ന്നാൽ നിങ്ങൾക്ക്‌ ഈ കാര്യ​ങ്ങ​ളെ​ല്ലാം ആവശ്യ​മാ​ണെന്ന്‌ നിങ്ങളു​ടെ സ്വർഗ്ഗീയ പിതാ​വി​ന​റി​യാം. അപ്പോൾ, ഒന്നാമ​താ​യി രാജ്യ​വും അവന്റെ നീതി​യും അന്വേ​ഷി​ച്ചു​കൊ​ണ്ടി​രി​ക്കുക, ഈ മററു​ള്ള​വ​യെ​ല്ലാം നിങ്ങൾക്കു കൂട്ട​പ്പെ​ടും.” മത്തായി 6:1-34; 26: 36-45.

◆ യേശു പ്രാർത്ഥ​ന​സം​ബ​ന്ധിച്ച്‌ എന്തു നിർദ്ദേ​ശങ്ങൾ നൽകി?

◆ സ്വർഗ്ഗീയ നിക്ഷേ​പങ്ങൾ മേത്തര​മാ​യി​രി​ക്കു​ന്ന​തെ​ന്തു​കൊണ്ട്‌, അവ ലഭിക്കു​ന്ന​തെ​ങ്ങനെ?

◆ ഭൗതി​ക​ത്വം ഒഴിവാ​ക്കാൻ ഒരുവനെ സഹായി​ക്കു​ന്ന​തിന്‌ ഏത്‌ ഉപമകൾ പറയ​പ്പെട്ടു?

◆ ഉൽക്കൺഠ​പ്പെ​ടേണ്ട ആവശ്യ​മി​ല്ലെന്ന്‌ യേശു പറഞ്ഞ​തെ​ന്തു​കൊണ്ട്‌? (w86 11/1)