മാതാ​പി​താ​ക്കളേ—ശൈശവം മുതൽ നിങ്ങളു​ടെ കുട്ടി​യു​ടെ ഹൃദയ​ത്തി​ലേക്ക്‌ ഇറങ്ങി​ച്ചെ​ല്ലു​ക

“[നിങ്ങളു​ടെ മക്കളെ] യഹോ​വ​യു​ടെ ശിക്ഷണ​ത്തി​ലും മാനസി​ക​ക്ര​മ​വൽക്ക​ര​ണ​ത്തി​ലും വളർത്തുക.”—എഫേസ്യർ 6:4.

1.യേശു​വി​ന്റെ ജീവി​ത​ത്തി​ലെ വിശേ​ഷാൽ പരി​ശോ​ധ​നാ​ക​ര​മായ ഒരു ഘട്ടത്തിൽ എന്തു സംഭവി​ച്ചു?

യേശു​ക്രി​സ്‌തു​വും അവന്റെ ശിഷ്യൻമാ​രും യരുശ​ലേ​മി​ലേക്കു പോകു​ക​യാ​യി​രു​ന്നു. അതിനു കുറച്ചു​നാൾമുമ്പ്‌ താൻ അനേകം കഷ്ടങ്ങള​നു​ഭ​വി​ക്കു​ക​യും ആ നഗരത്തിൽവച്ച്‌ വധിക്ക​പ്പെ​ടു​ക​യും ചെയ്യു​മെന്ന്‌ യേശു തന്റെ ശിഷ്യൻമാ​രോട്‌ രണ്ട്‌ വ്യത്യസ്‌ത സന്ദർഭ​ങ്ങ​ളിൽ പറഞ്ഞി​രു​ന്നു. (മർക്കോസ്‌ 8:31; 9:31) യേശു​വിന്‌ വിശേ​ഷാൽ പരി​ശോ​ധ​നാ​ക​ര​മാ​യി​രുന്ന ഈ ഘട്ടത്തിൽ “അവൻ തൊ​ടേ​ണ്ട​തിന്‌ ജനം തങ്ങളുടെ ശിശു​ക്ക​ളെ​യും അവന്റെ അടുക്കൽ കൊണ്ടു​വ​ന്നു​തു​ടങ്ങി”യെന്ന്‌ ബൈബിൾവി​വ​രണം പറയുന്നു.—ലൂക്കോസ്‌ 18:15.

2.(എ) ശിഷ്യൻമാർ ആളുകളെ തിരി​ച്ചു​വി​ടാൻ ശ്രമി​ച്ച​തെ​ന്തു​കൊ​ണ്ടാ​യി​രി​ക്കാം? (ബി) യേശു ഈ സാഹച​ര്യ​ത്തോട്‌ എങ്ങനെ പ്രതി​ക​രി​ച്ചു?

² ഇതി​നോട്‌ എന്ത്‌ പ്രതി​ക​ര​ണ​മു​ണ്ടാ​യി? ശിഷ്യൻമാർ ജനത്തെ ശകാരി​ക്കു​ക​യും അവരെ പറഞ്ഞയ​ക്കാൻ ശ്രമി​ക്കു​ക​യും ചെയ്‌തു. തങ്ങൾ അനാവ​ശ്യ​മായ ശല്യത്തിൽനി​ന്നും സമ്മർദ്ദ​ത്തിൽനി​ന്നും യേശു​വി​നെ സംരക്ഷി​ച്ചു​കൊണ്ട്‌ അവന്‌ ഒരു ഉപകാ​രം​ചെ​യ്യു​ക​യാ​ണെന്നു വിശ്വ​സി​ച്ചു​കൊണ്ട്‌ അവരിതു ചെയ്‌തു​വെ​ന്ന​തി​നു സംശയ​മില്ല. എന്നാൽ യേശു ഇങ്ങനെ പറഞ്ഞു​കൊണ്ട്‌ തന്റെ ശിഷ്യൻമാ​രോ​ടു കോപി​ച്ചു: “‘കൊച്ചു​കു​ട്ടി​കൾ എന്റെ അടുക്കൽ വരട്ടെ; അവരെ തടയാൻ ശ്രമി​ക്ക​രുത്‌’ . . . അവൻ കുട്ടി​കളെ തന്റെ ഭുജത്തിൽ എടുത്ത്‌ അവരെ അനു​ഗ്ര​ഹി​ച്ചു​തു​ടങ്ങി.” (മർക്കോസ്‌ 10:13-16) അതെ, തന്റെ മനസ്സി​ലും ഹൃദയ​ത്തി​ലു​മു​ണ്ടാ​യി​രുന്ന എന്തി​നെ​യും ഗണ്യമാ​ക്കാ​തെ യേശു ശിശു​ക്കൾക്കു​വേണ്ടി സമയ​മെ​ടു​ത്തു.

മാതാ​പി​താ​ക്കൾക്ക്‌ എന്ത്‌ പാഠം?

3.ഈ സംഭവ​ത്തിൽനിന്ന്‌ മാതാ​പി​താ​ക്കൻമാർ എന്തു പാഠം പഠിക്കണം?

³ മാതാ​പി​താ​ക്കൾക്ക്‌ ഇതിൽനി​ന്നുള്ള ഒരു പാഠം ഇതായി​രി​ക്കണം: നിങ്ങൾക്ക്‌ മററു കടപ്പാ​ടു​ക​ളു​ണ്ടെ​ങ്കി​ലും അല്ലെങ്കിൽ നിങ്ങൾ കുഴപ്പ​ങ്ങളെ അഭിമു​ഖീ​ക​രി​ക്കു​ന്നു​വെ​ങ്കി​ലും നിങ്ങളു​ടെ കുട്ടി​ക​ളോ​ടൊത്ത്‌ സമയം​ചെ​ല​വ​ഴി​ക്കു​ന്ന​തിന്‌ മുൻഗണന കൊടു​ക്കേ​ണ്ട​തുണ്ട്‌. ഒരുമി​ച്ചു ചെലവ​ഴി​ക്കുന്ന സമയം നിങ്ങളു​ടെ കുട്ടി​ക​ളു​ടെ ഹൃദയ​ങ്ങളെ കാത്തു​ര​ക്ഷി​ക്കു​ന്ന​തും അവരെ ശരിയായ മാർഗ്ഗ​ത്തിൽ നിർത്തു​ന്ന​തു​മായ ആത്മീയ​മൂ​ല്യ​ങ്ങൾ ഉദ്‌ബോ​ധി​പ്പി​ക്കു​ന്ന​തിന്‌ നിങ്ങളെ അനുവ​ദി​ക്കും. (ആവർത്തനം 6:4-9; സദൃശ​വാ​ക്യ​ങ്ങൾ 4:23-27) യഥാ​ക്രമം തിമൊ​ഥെ​യോ​സി​ന്റെ അമ്മയും വല്യമ്മ​യു​മാ​യി​രുന്ന യൂനി​ക്ക​യും ലോവീ​സും അവന്റെ കൊച്ചു ഹൃദയത്തെ സ്‌പർശി​ച്ച​തും അവന്റെ ജീവി​തത്തെ രൂപ​പ്പെ​ടു​ത്തി​യ​തു​മായ പ്രബോ​ധനം കൊടു​ക്കാൻ സമയ​മെ​ടു​ത്തു. തന്നിമി​ത്തം അവൻ ദൈവ​ത്തി​ന്റെ ഒരു അർപ്പി​ത​ദാ​സ​നാ​യി വളർന്നു​വന്നു.—2 തിമൊ​ഥെ​യോസ്‌ 1:5; 3:15.

4.കുട്ടികൾ എത്ര വില​പ്പെ​ട്ട​വ​രാണ്‌, അവരെ തങ്ങൾ വിലമ​തി​ക്കു​ന്നു​വെന്ന്‌ മാതാ​പി​താ​ക്കൾ എങ്ങനെ പ്രകട​മാ​ക്കണം?

⁴ ക്രിസ്‌തീ​യ​മാ​താ​പി​താ​ക്കൾക്ക്‌ യഹോ​വ​യാം ദൈവം കൊടു​ത്തി​രി​ക്കുന്ന കുട്ടി​കളെ അവർക്ക്‌ അവഗണി​ക്കാ​വു​ന്നതല്ല. അതെ, കുട്ടികൾ യഹോ​വ​യിൽനി​ന്നുള്ള വില​യേ​റിയ ഒരു ദാനമാണ്‌. (സങ്കീർത്തനം 127:3) അതു​കൊണ്ട്‌ അവരോ​ടൊത്ത്‌ സമയം ചെലവ​ഴി​ക്കുക—അവരുടെ ഹൃദയ​ങ്ങ​ളി​ലേ​ക്കി​റ​ങ്ങി​ച്ചെ​ല്ലുക, തിമൊ​ഥെ​യോ​സി​ന്റെ അമ്മയും വല്യമ്മ​യും മാതൃക വെച്ചതു​പോ​ലെ​തന്നെ. നിങ്ങൾ നിങ്ങളു​ടെ കുട്ടി​ക​ളോട്‌ അവരുടെ നടത്ത​യെ​ക്കു​റിച്ച്‌ സംസാ​രി​ച്ചു​കൊ​ണ്ടും അവർക്കു ശിക്ഷണം​കൊ​ടു​ത്തു​കൊ​ണ്ടും സമയം ചെലവ​ഴി​ക്ക​ണ​മെന്നു മാത്രമല്ല, നിങ്ങൾ അവരോ​ടൊത്ത്‌ ഭക്ഷണം​ക​ഴി​ക്ക​യും അവരോ​ടൊ​ത്തു വായി​ക്കു​ക​യും അവരോ​ടൊ​ത്തു കളിക്കു​ക​യും രാത്രി​യിൽ കിടക്കാൻ ഒരുങ്ങു​ന്ന​തിന്‌ അവരെ സഹായി​ക്കു​ക​യും ചെയ്യേ​ണ്ട​തുണ്ട്‌. നിങ്ങളു​ടെ കുട്ടി​ക​ളോ​ടൊ​ത്തു ചെലവ​ഴി​ക്കുന്ന ഈ സമയ​മെ​ല്ലാം മർമ്മ​പ്ര​ധാ​ന​മാണ്‌.

5.തന്റെ പിതൃത്വ ഉത്തരവാ​ദി​ത്വ​ങ്ങ​ളോ​ടു വിലമ​തി​പ്പു കാണിച്ച ഒരു ദൃഷ്ടാന്തം നൽകുക.

⁵ യഹോ​വ​യു​ടെ സാക്ഷി​ക​ളി​ലൊ​രാ​ളാ​യി​ത്തീർന്ന ഒരു ജാപ്പനീസ്‌ വ്യാപാ​രി ഈ വസ്‌തുത തിരി​ച്ച​റി​ഞ്ഞു. “ഉന്നത ജെ. എൻ. ആർ. കാര്യ​നിർവ്വാ​ഹക ഉദ്യോ​ഗസ്ഥൻ കുടും​ബ​ത്തോ​ടൊ​ത്താ​യി​രി​ക്കാൻ ജോലി വിടുന്നു” എന്ന ശീർഷ​ക​ത്തിൻകീ​ഴിൽ 1986 ഫെബ്രു​വരി 10-ലെ മെയ്‌നി​ച്ചി ഡെയ്‌ലി ന്യൂസ്‌ ഇങ്ങനെ റിപ്പോർട്ടു​ചെ​യ്‌തു: “ജാപ്പനീസ്‌ നാഷനൽ റയിൽവേ​യു​ടെ (ജെ. എൻ. ആർ) ഒരു ഉന്നത കാര്യ​നിർവഹണ ഉദ്യോ​ഗസ്ഥൻ തന്റെ കുടും​ബ​ത്തിൽനി​ന്നുള്ള വേർപാ​ടി​നു പകരം രാജിയെ തെര​ഞ്ഞെ​ടു​ത്തു . . . എന്ന്‌ ററമുറാ പറയുന്നു, ‘ഡയറക്ടർ ജനറലി​ന്റെ ജോലി ആർക്കും സ്വീക​രി​ക്കാം. എന്നാൽ ഞാൻ എന്റെ കുട്ടി​ക​ളു​ടെ ഏക പിതാ​വാണ്‌.’” നിങ്ങൾ നിങ്ങളു​ടെ പിതൃത്വ ഉത്തരവാ​ദി​ത്വ​ങ്ങൾ ഇത്ര ഗൗരവ​ത്തോ​ടെ സ്വീക​രി​ക്കു​ന്നു​വോ?

ഇപ്പോൾ പ്രത്യേ​ക​ശ്രമം ആവശ്യ​മാ​യി​രി​ക്കു​ന്ന​തെ​ന്തു​കൊണ്ട്‌?

6.ഇക്കാലത്ത്‌ മക്കളെ ശരിയാ​യി വളർത്തു​ന്നത്‌ വളരെ പ്രയാ​സ​മാ​യി​രി​ക്കു​ന്ന​തെ​ന്തു​കൊണ്ട്‌?

⁶ മനുഷ്യ​ച​രി​ത്ര​ത്തിൽ മുമ്പൊ​രി​ക്ക​ലും ദൈവ​വ​ചനം ഉദ്‌ബോ​ധി​പ്പി​ക്കുന്ന വിധത്തിൽ “യഹോ​വ​യു​ടെ ശിക്ഷണ​ത്തി​ലും മാനസി​ക​ക്ര​മ​വൽക്ക​ര​ണ​ത്തി​ലും” മക്കളെ വളർത്തു​ന്നത്‌ ഇത്ര പ്രയാ​സ​മാ​യി​ത്തീർന്നി​രി​ക്കാ​നി​ട​യില്ല. (എഫേസ്യർ 6:4) നാം “അന്ത്യനാ​ളു​ക​ളിൽ” ജീവി​ക്കു​ന്നു​വെ​ന്ന​താണ്‌ ഇതിന്റെ കാരണം, സാത്താ​നും അവന്റെ ഭൂതങ്ങൾക്കും അൽപ്പകാ​ലം മാത്രമേ ഉള്ളു​വെ​ന്ന​റി​ഞ്ഞു​കൊണ്ട്‌ കുപി​ത​രാ​യി​രി​ക്കു​ന്ന​തി​നാൽ അവർ വലിയ ദുരിതം വരുത്തി​ക്കൊ​ണ്ടി​രി​ക്കു​ക​യാണ്‌. (2 തിമൊ​ഥെ​യോസ്‌ 3:1-5; വെളി​പ്പാട്‌ 12:7-12) അങ്ങനെ തങ്ങളുടെ മക്കളെ ദൈവി​ക​വി​ധ​ത്തിൽ വളർത്താ​നുള്ള മാതാ​പി​താ​ക്ക​ളു​ടെ ശ്രമങ്ങളെ സാത്താന്റെ അധികാ​ര​ത്തി​ലുള്ള പ്രതി​കാ​ത്മക “വായു” തകിടം മറിക്കു​ക​യാണ്‌. ആ “വായു” അഥവാ സ്വാർത്ഥ​ത​യു​ടെ​യും അനുസ​ര​ണ​ക്കേ​ടി​ന്റെ​യും ആത്മാവ്‌ നാം ശ്വസി​ക്കുന്ന അക്ഷരീയ വായു പോലെ വ്യാപ​ക​മാണ്‌.—എഫേസ്യർ 2:2.

7, 8.(എ) റെറലി​വി​ഷന്‌ വീട്ടി​ലേക്ക്‌ എന്തിനെ ആനയി​ക്കാൻക​ഴി​യും, എന്നിരു​ന്നാ​ലും അനേകം മാതാ​പി​താ​ക്കൾ എന്തു ചെയ്യുന്നു? (ബി) റെറലി​വി​ഷനെ ഒരു ആയ ആയി ഉപയോ​ഗി​ക്കു​ന്നത്‌ മാതാ​പി​താ​ക്ക​ളു​ടെ ഉത്തരവാ​ദി​ത്വ​ത്തി​ന്റെ ഒരു പരിതാ​പ​ക​ര​മായ അവഗണ​ന​യാ​യി​രി​ക്കു​ന്ന​തെ​ന്തു​കൊണ്ട്‌?

⁷ വിശേ​ഷിച്ച്‌ റെറലി​വി​ഷൻ ഈ “ലോക​ത്തി​ന്റെ ആത്മാവി​നെ,” ഈ വിഷ“വായു”വിനെ, വീട്ടി​ലേ​ക്കെ​ത്തി​ക്കു​ക​യാണ്‌. (1 കൊരി​ന്ത്യർ 2:12) യഥാർത്ഥ​ത്തിൽ റെറലി​വി​ഷ​നിൽ പ്രത്യ​ക്ഷ​പ്പെ​ടു​ന്ന​തി​നെ വിനോ​ദ​മ​ണ്ഡ​ല​ത്തി​ലെ ശക്തവും അസാൻമാർഗ്ഗി​ക​വു​മായ ഒരു സ്വവർഗ്ഗ​ര​തി​വി​ഭാ​ഗം മിക്ക​പ്പോ​ഴും സ്വാധീ​നി​ക്കു​ന്നുണ്ട്‌. (റോമർ 1:24-32) നിങ്ങളു​ടെ കുട്ടികൾ അക്ഷരീയ വായു​മ​ലി​നീ​ക​ര​ണ​ത്തി​നെ​ന്ന​പോ​ലെ, അവതരി​പ്പി​ക്ക​പ്പെ​ടുന്ന ഭക്തികെട്ട ചിന്തക്കും ധാർമ്മി​ക​മാ​ലി​ന്യ​ത്തി​നും വിശേ​ഷാൽ വശംവ​ദ​രാണ്‌. എന്നാൽ അനേകം മാതാ​പി​താ​ക്കൾ എന്താണ്‌ ചെയ്യു​ന്നത്‌?

⁸ അവർ റെറലി​വി​ഷനെ ഒരു ആയ ആയി ഉപയോ​ഗി​ക്കു​ന്നു. “മോനേ, ഇപ്പോൾ വേണ്ട. എനിക്ക്‌ സമയമില്ല. പോയി റെറലി​വി​ഷൻ കണ്ടു​കൊ​ള്ളുക” എന്ന്‌ അവർ കുട്ടി​ക​ളോ​ടു പറയുന്നു. ഇവയാണ്‌ “അനേകം അമേരി​ക്കൻ ഭവനങ്ങ​ളിൽ ഒട്ടുമി​ക്ക​പ്പോ​ഴും പറയ​പ്പെ​ടുന്ന വാക്കുകൾ” എന്ന്‌ ഒരു പ്രമുഖ റെറലി​വി​ഷൻ പ്രക്ഷേ​പകൻ പറയുന്നു. എന്നിരു​ന്നാ​ലും റെറലി​വി​ഷ​നിൽ എന്തും കാണാൻ കുട്ടി​കളെ അയക്കു​ന്നത്‌ ഫലത്തിൽ അവരെ കയറൂരി വിടു​ക​യാണ്‌. (സദൃശ​വാ​ക്യ​ങ്ങൾ 29:15) അത്‌ മാതാ​പി​താ​ക്ക​ളു​ടെ ഉത്തരവാ​ദി​ത്വ​ത്തി​ന്റെ പരിതാ​പ​ക​ര​മായ അവഗണ​ന​യാണ്‌. മക്കളെ വളർത്തു​ന്ന​തു​സം​ബ​ന്ധിച്ച്‌ ഈ പ്രക്ഷേ​പകൻ പറഞ്ഞതു​പോ​ലെ: “മാതാ​പി​താ​ക്ക​ളാ​യി​രി​ക്കു​ന്നത്‌ സമയ​മെ​ടു​ക്കുന്ന ഒരു വലിയ ഉത്തരവാ​ദി​ത്ത​മാണ്‌, അത്‌ മററാ​രെ​യും ഏൽപ്പി​ക്കാ​വു​ന്നതല്ല, തീർച്ച​യാ​യും റെറലി​വി​ഷൻ സെററി​നെ ഏൽപ്പി​ക്കാ​വു​ന്നതല്ല.”

9.കുട്ടി​കൾക്ക്‌ വിശേ​ഷാൽ ഏത്‌ മലിനീ​ക​ര​ണ​ത്തിൽനിന്ന്‌ സംരക്ഷണം ആവശ്യ​മാണ്‌?

⁹ എന്നിരു​ന്നാ​ലും, നാം ജീവി​ക്കുന്ന കാലത്തി​ന്റെ സമ്മർദ്ദം​നി​മി​ത്തം, ശിഷ്യൻമാർ ചെയ്‌ത​തു​പോ​ലെ കൂടുതൽ പ്രധാ​ന​പ്പെ​ട്ട​തെന്നു വിചാ​രി​ക്കുന്ന കാര്യ​ത്തിൽ നിങ്ങൾക്ക്‌ ശ്രദ്ധി​ക്കാൻ കഴിയു​ന്ന​തിന്‌ കുട്ടി​കളെ പറഞ്ഞു​വി​ടാൻ നിങ്ങൾ ചായ്‌വു​ള്ള​വ​രാ​യി​രു​ന്നേ​ക്കാം. എന്നാൽ നിങ്ങളു​ടെ സ്വന്തം കുട്ടി​ക​ളെ​ക്കാൾ പ്രധാ​ന​പ്പെ​ട്ട​വ​രാ​യി എന്തുണ്ട്‌? അവരുടെ ആത്മീയ ജീവിതം അപകട​ത്തി​ലാണ്‌! 1986-ൽ സോവ്യ​ററ്‌ യൂണി​യ​നിൽ ചെർനോ​ബിൽ ന്യൂക്ലി​യർ അപകടം സംഭവി​ച്ച​പ്പോൾ കുട്ടി​കളെ മലിനീ​ക​ര​ണ​ത്തിൽനിന്ന്‌ സംരക്ഷി​ക്കു​ന്ന​തിന്‌ അവരെ അവി​ടെ​നിന്ന്‌ മാററിയ കാര്യം നിങ്ങൾ ഓർക്കു​ന്നു​ണ്ടാ​യി​രി​ക്കും. അതു​പോ​ലെ​തന്നെ, നിങ്ങൾ നിങ്ങളു​ടെ ആത്മീയ ആരോ​ഗ്യം കാത്തു​സൂ​ക്ഷി​ക്കാ​നാ​ഗ്ര​ഹി​ക്കു​ന്നു​വെ​ങ്കിൽ, നിങ്ങൾ അവരെ ലോക​ത്തി​ലെ വിഷ “വായു”വിൽനിന്ന്‌ സംരക്ഷി​ക്കേണ്ട ആവശ്യ​മുണ്ട്‌, അതാണ്‌ മിക്ക​പ്പോ​ഴും റെറലി​വി​ഷൻ സെററിൽനിന്ന്‌ പുറത്തു വരുന്നത്‌.—സദൃശ​വാ​ക്യ​ങ്ങൾ 13:20.

10.വേറെ ഏത്‌ വിഷവാ​യു​വി​ന്റെ ഉറവുകൾ കുട്ടി​കൾക്ക്‌ ഒരു അപകട​മാണ്‌, ഏത്‌ ബൈബിൾദൃ​ഷ്ടാ​ന്തം ഇത്‌ വിശദ​മാ​ക്കു​ന്നു?

¹⁰ എന്നിരു​ന്നാ​ലും, ധാർമ്മി​ക​മൂ​ല്യ​ങ്ങളെ നശിപ്പി​ക്കാ​നും ഇളം മനസ്സു​കളെ കഠിന​പ്പെ​ടു​ത്താ​നും കഴിയുന്ന വിഷ “വായു”വിന്റെ മററ്‌ ഉറവു​ക​ളുണ്ട്‌. അയൽവ​ക്ക​ത്തും സ്‌കൂ​ളി​ലു​മുള്ള കുട്ടി​ക​ളു​മാ​യുള്ള അനുചി​ത​മായ സഹവാ​സ​ത്തി​നും ഇളംഹൃ​ദ​യ​ങ്ങ​ളിൽ നട്ടിരി​ക്കുന്ന ബൈബിൾസ​ത്യ​ങ്ങളെ പുറന്ത​ള്ളാൻക​ഴി​യും. (1 കൊരി​ന്ത്യർ 15:33) യാക്കോ​ബി​ന്റെ ഇളയ പുത്രി​യാ​യി​രുന്ന ദീനാ​യിൽനിന്ന്‌ ഒരു പാഠം സ്വീക​രി​ക്കാൻക​ഴി​യും. അവൾ “ദേശത്തി​ലെ പുത്രി​മാ​രെ കാണാൻ പോകുക പതിവാ​യി​രു​ന്നു.” തൽഫല​മാ​യി, ചെറു​പ്പ​ക്കാ​രി​ലൊ​രാ​ളാൽ അവൾ ബലാൽസം​ഗം ചെയ്യ​പ്പെട്ടു. (ഉൽപ്പത്തി 34:1, 2) കുട്ടികൾ അന്നത്തേ​തി​ലും അധഃപ​തിച്ച ഇന്നത്തെ ലോക​ത്തി​ലെ ധാർമ്മിക കെണി​കളെ ഒഴിവാ​ക്കാൻ നന്നായി പ്രബോ​ധി​പ്പി​ക്ക​പ്പെ​ടു​ക​യും പരിശീ​ലി​പ്പി​ക്ക​പ്പെ​ടു​ക​യും​ചെ​യ്യേ​ണ്ട​തുണ്ട്‌.

ശൈശ​വം​മു​തൽ പരിശീ​ലി​പ്പി ക്കേണ്ട​തെ​ന്തു​കൊണ്ട്‌?

11.(എ) മാതാ​പി​താ​ക്ക​ളാ​ലുള്ള പരിശീ​ലനം എപ്പോൾ തുടങ്ങണം? (ബി) ഏതു നല്ല ഫലങ്ങൾ പ്രതീ​ക്ഷി​ക്കാൻ കഴിയും?

¹¹ എന്നാൽ മാതാ​പി​താ​ക്ക​ളാ​ലുള്ള പരിശീ​ലനം എപ്പോൾ തുടങ്ങണം? തിമൊ​ഥെ​യോ​സിന്‌ “ശൈശവം മുതൽ” പരിശീ​ലനം കിട്ടി​യെന്ന്‌ ബൈബിൾ പറയുന്നു. (2 തിമൊ​ഥെ​യോസ്‌ 3:15) ഇവിടത്തെ ഗ്രീക്ക്‌പ​ദ​മായ ബ്രെ​ഫോസ്‌ ലൂക്കോസ്‌ 1:41, 44-ലേതു​പോ​ലെ, മിക്ക​പ്പോ​ഴും ഒരു അജാത​ശി​ശു​വി​ന്റെ കാര്യ​ത്തി​ലു​പ​യോ​ഗി​ക്ക​പ്പെ​ടു​ന്നു​വെ​ന്നത്‌ താത്‌പ​ര്യ​ജ​ന​ക​മാണ്‌. അവിടെ ശിശു​വാ​യി​രുന്ന യോഹ​ന്നാൻ അവന്റെ അമ്മയുടെ ഗർഭാ​ശ​യ​ത്തിൽ തുള്ളി​യ​താ​യി പറയ​പ്പെട്ടു. എന്നാൽ മോശ ജനിച്ച കാലത്ത്‌ ഈജി​പ്‌റ​റിൽ ജീവനു ഭീഷണി​യു​ണ്ടായ നവജാത യിസ്രാ​യേ​ല്യ​ശി​ശു​ക്ക​ളു​ടെ കാര്യ​ത്തി​ലും ബ്രെ​ഫോസ്‌ ഉപയോ​ഗി​ക്ക​പ്പെ​ട്ടി​ട്ടുണ്ട്‌. (പ്രവൃ​ത്തി​കൾ 7:19, 20) തിമൊ​ഥെ​യോ​സി​ന്റെ കാര്യ​ത്തിൽ, ആ വാക്ക്‌ കേവലം ഒരു കുഞ്ഞിനെ അഥവാ ശിശു​വി​നെ വ്യക്തമാ​യി പരാമർശി​ക്കു​ന്നു, കേവലം ഒരു കൊച്ചു​കു​ട്ടി​യെ അല്ല. തിമൊ​ഥെ​യോസ്‌ ഒരു ശിശു​മാ​ത്ര​മാ​യി​രുന്ന കാലം മുതൽ, അവന്‌ ഓർമ്മ വെച്ച കാലം മുതൽ, വിശു​ദ്ധ​തി​രു​വെ​ഴു​ത്തു​ക​ളിൽനി​ന്നുള്ള പ്രബോ​ധനം അവനു ലഭിച്ചി​രു​ന്നു. എന്തു നല്ല ഫലങ്ങളാ​ണു​ണ്ടാ​യത്‌! (ഫിലി​പ്യർ 2:19-22) എന്നിരു​ന്നാ​ലും നവജാ​ത​ശി​ശു​ക്കൾക്ക്‌ അത്തരം പ്രാരം​ഭ​പ​ഠി​പ്പി​ക്ക​ലിൽനിന്ന്‌ യഥാർത്ഥ​ത്തിൽ പ്രയോ​ജനം കിട്ടു​മോ?

12.(എ) ശിശുക്കൾ എപ്പോൾ ധാരണ​ക​ളും വിവര​ങ്ങ​ളും ആഗിരണം ചെയ്‌തു​തു​ട​ങ്ങി​യേ​ക്കാം? (ബി) മാതാ​പി​താ​ക്കൻമാർ എപ്പോൾ, എങ്ങനെ തങ്ങളുടെ മക്കൾക്ക്‌ ആത്മീയ​പ്ര​ബോ​ധനം കൊടു​ത്തു തുടങ്ങണം?

¹² “മുഴു മനഃശാ​സ്‌ത്ര​മ​ണ്ഡ​ല​ത്തി​ലെ​യും അത്യന്തം ആവേശ​ക​ര​മായ വികാ​സ​ങ്ങ​ളി​ലൊന്ന്‌ ശിശു​വി​ന്റെ വലിയ പഠന​പ്രാ​പ്‌തി​യെ​ക്കു​റി​ച്ചുള്ള നമ്മുടെ പുതിയ ഗ്രാഹ്യ​മാണ്‌” എന്ന്‌ 1984-ൽ യേൽ യൂണി​വേ​ഴ്‌സി​റ​റി​യി​ലെ ഒരു പ്രൊ​ഫ​സ്സ​റായ ഡോ. എഡ്വേർഡ്‌ സിഗ്ലർ റിപ്പോർട്ടു​ചെ​യ്‌തു. യഥാർത്ഥ​ത്തിൽ ഹെൽത്ത്‌ മാസിക പറയുന്നു: “ഗർഭസ്ഥ​ശി​ശു​ക്കൾക്ക്‌ അപ്പോ​ഴും കാണാ​നും കേൾക്കാ​നും രുചി​ക്കാ​നും—വികാ​രങ്ങൾ ‘അനുഭ​വി​ക്കാ​നും’ കഴി​ഞ്ഞേ​ക്കും എന്ന്‌ പുതിയ ഗവേഷണം സൂചി​പ്പി​ക്കു​ന്നു.” തെളി​വ​നു​സ​രിച്ച്‌, മാതാ​പി​താ​ക്കൾ തങ്ങളുടെ കുട്ടിയെ പ്രബോ​ധി​പ്പി​ക്കാൻ എത്ര നേരത്തെ തുടങ്ങി​യാ​ലും അത്‌ വളരെ നേരത്തെ ആയിരി​ക്ക​യില്ല. (ആവർത്തനം 31:12) തങ്ങളുടെ കുട്ടി​കളെ പുസ്‌ത​ക​ങ്ങ​ളിൽനി​ന്നുള്ള ചിത്രങ്ങൾ കാണി​ച്ചും കഥകൾ പറഞ്ഞു​കേൾപ്പി​ച്ചും​കൊണ്ട്‌ അവർക്ക്‌ തുടങ്ങാ​വു​ന്ന​താണ്‌. കിൻറർഗാർട്ടൻ വളരെ താമസി​ക്കു​ന്നു എന്ന പുസ്‌ത​ക​ത്തിൽ “ജനനം മുതൽ മൂന്നു വയസ്സു​വ​രെ​യുള്ള വർഷങ്ങ​ളാണ്‌ നിർണ്ണാ​യ​ക​വർഷങ്ങൾ” എന്ന്‌ മസാറു ഇബുക്ക പറയുന്നു. കാരണം ഇളംമ​നസ്സ്‌ വിശേ​ഷാൽ വിവരങ്ങൾ അനായാ​സം ആഗിരണം ചെയ്യു​ന്ന​തും രൂപ​പ്പെ​ടു​ത്താ​വു​ന്ന​തു​മാണ്‌. അതിന്റെ തെളി​വാണ്‌ ഒരു ശിശു പെട്ടെന്ന്‌ ഒരു ഭാഷ വശമാ​ക്കു​ന്നത്‌. “മാതാ​പി​താ​ക്കൾ ശിശു​ക്കളെ ആശുപ​ത്രി​യിൽനിന്ന്‌ വീട്ടിൽ കൊണ്ടു​വ​രുന്ന നിമിഷം മുതൽ അവരെ വായി​ക്കാൻ പഠിപ്പി​ക്കേ​ണ്ട​താണ്‌” എന്നു​പോ​ലും ന്യൂ​യോർക്ക്‌ യൂണി​വേ​ഴ്‌സി​റ​റി​യി​ലെ ഒരു പ്രാരംഭ ശൈശ​വ​വി​ദ്യാ​ഭ്യാ​സ പ്രൊ​ഫസ്സർ പറയു​ക​യു​ണ്ടാ​യി!

13.പഠിക്കാ​നുള്ള ശിശു​ക്ക​ളു​ടെ പ്രാപ്‌തി​യെ വിശദ​മാ​ക്കു​ന്ന​തെന്ത്‌?

¹³ പഠിക്കാ​നുള്ള തന്റെ കുട്ടി​യു​ടെ പ്രാപ്‌തി​യെ​ക്കു​റിച്ച്‌ കാനഡാ​യിൽനി​ന്നുള്ള ഒരു മാതാവ്‌ എഴുതു​ന്നു: “ഒരു ദിവസം ഞാൻ നാലര വയസ്സുള്ള എന്റെ പുത്രൻ ഷാണിനെ എന്റെ ബൈബിൾക​ഥാ​പു​സ്‌ത​ക​ത്തിൽനിന്ന്‌ ഒരു കഥ വായി​ച്ചു​കേൾപ്പി​ക്കു​ക​യാ​യി​രു​ന്നു. ഞാൻ ഒരു ഘട്ടത്തിൽ നിർത്തി​യ​പ്പോൾ അവൻ ബൈബിൾകഥാ പുസ്‌ത​ക​ത്തിൽ കാണുന്ന പ്രകാരം പദാനു​പദം കഥ തുടർന്നു​പ​റ​ഞ്ഞു​തു​ട​ങ്ങി​യ​പ്പോൾ ഞാൻ അതിശ​യി​ച്ചു​പോ​യി. . . . ഞാൻ മറെറാ​ന്നും, പിന്നീടു മറെറാ​ന്നും പരീക്ഷി​ച്ചു, അവൻ എല്ലാം ഓർമ്മ​യിൽ വെച്ചി​രു​ന്നു. . . . യഥാർത്ഥ​ത്തിൽ അവൻ സ്ഥലങ്ങളു​ടെ​യും ആളുക​ളു​ടെ​യും പ്രയാ​സ​മുള്ള പേരുകൾ ഉൾപ്പെടെ ആദ്യത്തെ 33 കഥകൾ പദാനു​പദം മനഃപാ​ഠ​മാ​ക്കി​യി​രി​ക്കു​ന്നു.”a

14.(എ) ശിശു​ക്ക​ളു​ടെ നേട്ടങ്ങ​ളിൽ ആർ അത്ഭുത​പ്പെ​ടു​ന്നില്ല? (ബി) ക്രിസ്‌തീ​യ​മാ​താ​പി​താ​ക്ക​ളു​ടെ ലക്ഷ്യം എന്തായി​രി​ക്കണം? (സി) കുട്ടി​കളെ എന്തിന്‌ ഒരുക്കേണ്ട ആവശ്യ​മുണ്ട്‌, എന്തു​കൊണ്ട്‌?

¹⁴ പഠിക്കാ​നുള്ള ശിശു​ക്ക​ളു​ടെ പ്രാപ്‌തി സുപരി​ചി​ത​മാ​യവർ അങ്ങനെ​യുള്ള അഭ്യാ​സ​ങ്ങ​ളിൽ അതിശ​യി​ച്ചു​പോ​കു​ന്നില്ല. “നാം കുട്ടി​കൾക്കു പകരം ശിശു​ക്കളെ പഠിപ്പി​ക്കു​ക​യാ​ണെ​ങ്കിൽ ലോക​ത്തിന്‌ ഐൻസ്‌റ​റിൻ, ഷെയി​ക്‌സ്‌പി​യർ, ബീഥോ​വൻ, ലേണാർഡോ ഡാവിഞ്ചി എന്നിവ​രെ​പ്പോ​ലെ​യുള്ള ബുദ്ധി​രാ​ക്ഷ​സൻമാ​രെ​ക്കൊ​ണ്ടു നിറയാൻക​ഴി​യും” എന്ന്‌ മനുഷ്യ​സാ​ദ്ധ്യ​ത​യു​ടെ നേട്ടത്തി​നു​വേ​ണ്ടി​യുള്ള ഇൻസ്‌റ​റി​റ​റ്യൂ​ട്ടി​ന്റെ ഡയറക്ട​റായ ഡോ. ഗ്ലെൻ ഡോമൻ അവകാ​ശ​പ്പെ​ടു​ന്നു. തീർച്ച​യാ​യും ക്രിസ്‌തീയ മാതാ​പി​താ​ക്കൻമാ​രു​ടെ ലക്ഷ്യം ബുദ്ധി​രാ​ക്ഷ​സൻമാ​രെ ഉളവാ​ക്കു​ക​യെ​ന്നതല്ല, പിന്നെ​യൊ, കുട്ടികൾ ദൈവത്തെ സേവി​ക്കു​ന്ന​തിൽനിന്ന്‌ ഒരിക്ക​ലും വിട്ടു​മാ​റാ​ത്ത​വി​ധം അവരുടെ ഹൃദയ​ങ്ങ​ളി​ലേ​ക്കി​റ​ങ്ങി​ച്ചെ​ല്ലു​ക​യെ​ന്ന​താണ്‌. (സദൃശ​വാ​ക്യ​ങ്ങൾ 22:6) കുട്ടി സ്‌കൂ​ളിൽ അഭിമു​ഖീ​ക​രി​ക്കുന്ന പരി​ശോ​ധ​ന​കൾക്കു​വേണ്ടി അവനെ ഒരുക്കു​ന്ന​തിന്‌ അവൻ സ്‌കൂ​ളിൽ ചേരു​ന്ന​തിന്‌ ദീർഘ​നാൾ മുമ്പേ അത്തരം ശ്രമം ചെയ്യേ​ണ്ട​തുണ്ട്‌. ദൃഷ്ടാ​ന്ത​മാ​യി, കിൻറർഗാർട്ട​നോ ഡേ കെയർ പരിപാ​ടി​ക​ളോ കുട്ടി​കൾക്കു രസമാ​യി​രി​ക്കാ​വുന്ന ജൻമദി​ന​ത്തി​ന്റെ​യും വിശേ​ഷ​ദി​ന​ത്തി​ന്റെ​യും പാർട്ടി​കളെ വിശേ​ഷ​വൽക്ക​രി​ക്കു​ന്നു. അതു​കൊണ്ട്‌ യഹോ​വ​യു​ടെ ദാസൻമാർ എന്തു​കൊണ്ട്‌ പങ്കെടു​ക്കു​ന്നി​ല്ലെന്ന്‌ കുട്ടി മനസ്സി​ലാ​ക്കേ​ണ്ട​തുണ്ട്‌. അതല്ലെ​ങ്കിൽ അവൻ വളരു​മ്പോൾ തന്റെ മാതാ​പി​താ​ക്ക​ളു​ടെ മതത്തെ വെറു​ത്തേ​ക്കാം.

ഒരു കുട്ടി​യു​ടെ ഹൃദയ​ത്തി​ലേക്ക്‌ എങ്ങനെ ഇറങ്ങി​ച്ചെ​ല്ലാം

15, 16.തങ്ങളുടെ കുട്ടി​യു​ടെ ഹൃദയ​ത്തി​ലേക്ക്‌ ഇറങ്ങി​ച്ചെ​ല്ലാൻ തങ്ങളെ സഹായി​ക്കു​ന്ന​തിന്‌ മാതാ​പി​താ​ക്കൾക്ക്‌ എന്തു ഉപയോ​ഗി​ക്കാൻ കഴിയും, ഈ കരുത​ലു​കളെ ഫലകര​മാ​യി എങ്ങനെ ഉപയോ​ഗി​ക്കാൻ കഴിയും?

¹⁵ തങ്ങളുടെ കുട്ടി​യു​ടെ ഹൃദയ​ത്തി​ലേക്ക്‌ ഇറങ്ങി​ച്ചെ​ല്ലാൻ മാതാ​പി​താ​ക്കളെ സഹായി​ക്കു​ന്ന​തിന്‌ യഹോ​വ​യു​ടെ സാക്ഷികൾ മഹദ്‌ഗു​രു​വി​നെ ശ്രദ്ധിക്കൽ പോ​ലെ​യുള്ള പ്രസി​ദ്ധീ​ക​ര​ണങ്ങൾ നൽകി​യി​ട്ടുണ്ട്‌. ഈ പുസ്‌തകം “ജൻമദി​നങ്ങൾ ആഘോ​ഷിച്ച രണ്ടു മനുഷ്യർ” എന്ന അദ്ധ്യാ​യ​ത്തിൽ പാർട്ടി​കളെ സംബന്ധി​ച്ചും അവ “വലിയ വിനോ​ദ​മാ​യി​രി​ക്കാ​വുന്ന”തെങ്ങ​നെ​യെ​ന്നും പറയുന്നു. എന്നിരു​ന്നാ​ലും ബൈബി​ളിൽ പറഞ്ഞി​രി​ക്കുന്ന വെറും രണ്ടു ജൻമദിന പാർട്ടി​കൾ യഹോ​വയെ ആരാധി​ക്കാഞ്ഞ പുറജാ​തി​കൾ ആഘോ​ഷി​ച്ച​വ​യാ​ണെ​ന്നും ഓരോ പാർട്ടി​യി​ലും ‘ഒരാളു​ടെ തല വെട്ടി’യെന്നും ആ അദ്ധ്യായം വിശദീ​ക​രി​ക്കു​ന്നു. (മർക്കോസ്‌ 6:17-29; ഉല്‌പത്തി 40:20-22) നിങ്ങളു​ടെ കുട്ടി​യു​ടെ ഹൃദയ​ത്തി​ലേ​ക്കി​റ​ങ്ങി​ച്ചെ​ല്ലാൻ നിങ്ങൾക്ക്‌ എങ്ങനെ ഈ വിവരം ഉപയോ​ഗി​ക്കാൻക​ഴി​യും?

¹⁶ നിങ്ങൾക്ക്‌ മഹദ്‌ഗു​രു പുസ്‌ത​ക​ത്തി​ലെ ആകർഷ​ക​മായ രീതി ഉപയോ​ഗി​ച്ചു​കൊണ്ട്‌ ഇങ്ങനെ പറയാൻക​ഴി​യും “ഇപ്പോൾ, ബൈബി​ളി​ലു​ള്ള​തി​നെ​ല്ലാം ഒരു കാരണ​മു​ണ്ടെന്ന്‌ നമുക്ക​റി​യാം.” ഇനി ചോദി​ക്കുക: “അതു​കൊണ്ട്‌ ജൻമദി​ന​പാർട്ടി​കളെ സംബന്ധിച്ച്‌ ദൈവം എന്തു പറയു​ന്നു​വെന്നു നീ പറയുന്നു?” അങ്ങനെ ഈ കാര്യം സംബന്ധി​ച്ചു ചിന്തി​ക്കാ​നും ശരിയായ നിഗമ​ന​ങ്ങ​ളി​ലെ​ത്താ​നും നിങ്ങളു​ടെ കുട്ടി സഹായി​ക്ക​പ്പെ​ടു​ന്നു. മഹദ്‌ഗു​രു പുസ്‌ത​ക​ത്തി​നു പുറമേ മാതാ​പി​താ​ക്കൻമാ​രു​ടെ ഉപയോ​ഗ​ത്തിന്‌ മററ്‌ സാഹി​ത്യ​വും നൽക​പ്പെ​ട്ടി​ട്ടുണ്ട്‌. അവയിൽ എന്റെ ബൈബിൾ കഥാപു​സ്‌ത​ക​വും 1986 ജനുവ​രി​മു​തൽ വീക്ഷാ​ഗോ​പു​ര​ത്തി​ന്റെ ഓരോ ലക്കത്തി​ലും പ്രത്യ​ക്ഷ​പ്പെ​ട്ടി​ട്ടുള്ള “യേശു​വി​ന്റെ ജീവി​ത​വും ശുശ്രൂ​ഷ​യും” എന്ന പരമ്പര​യും ഉൾപ്പെ​ടു​ന്നു. നിങ്ങളു​ടെ കുട്ടി​ക​ളെ​യും നിങ്ങ​ളെ​ത്ത​ന്നെ​യും പഠിപ്പി​ക്കു​ന്ന​തിന്‌ നിങ്ങൾ ഈ ലേഖനങ്ങൾ ഉപയോ​ഗി​ക്കു​ന്നു​ണ്ടാ​യി​രു​ന്നോ?

17.ഇവിടെ മാതാ​പി​താ​ക്കൾക്ക്‌ ഏത്‌ പ്രാ​യോ​ഗി​ക​നിർദ്ദേ​ശങ്ങൾ കൊടു​ക്ക​പ്പെ​ടു​ന്നു?

¹⁷ നിങ്ങളു​ടെ കുട്ടി​യു​ടെ കാര്യ​ത്തിൽ, അവൻ സ്‌കൂ​ളിൽ അഭിമു​ഖീ​ക​രി​ക്കുന്ന പ്രശ്‌ന​ങ്ങ​ളെ​യും സാഹച​ര്യ​ങ്ങ​ളെ​യും കൈകാ​ര്യം​ചെ​യ്യുന്ന വിവരങ്ങൾ വീണ്ടും വീണ്ടും പരിചി​ന്തി​ക്കേ​ണ്ട​തുണ്ട്‌. നിങ്ങൾ ഇരുവ​രും യഹോ​വ​യോ​ടു കണക്കു​ബോ​ധി​പ്പി​ക്കേ​ണ്ട​വ​രാ​ണെന്ന്‌ നിങ്ങളു​ടെ കുട്ടി അറിയട്ടെ. (റോമർ 14:12) യഹോവ നമുക്കു​വേണ്ടി ചെയ്യുന്ന നല്ല കാര്യ​ങ്ങളെ ഊന്നി​പ്പ​റ​യു​ക​യും അങ്ങനെ യഹോ​വയെ പ്രസാ​ദി​പ്പി​ക്കാൻ ആഗ്രഹി​ക്കു​ന്ന​തിന്‌ കുട്ടി​യു​ടെ കൊച്ചു ഹൃദയത്തെ പ്രേരി​പ്പി​ക്കു​ക​യും ചെയ്യുക. (പ്രവൃ​ത്തി​കൾ 14:17) പഠനസ​മ​യ​ങ്ങളെ ഒരു ഉല്ലാസ​വേ​ള​യാ​ക്കുക. കുട്ടി​കൾക്ക്‌ കഥകൾ ഇഷ്‌ട​മാണ്‌. അതു​കൊണ്ട്‌ നിങ്ങളു​ടെ കുട്ടി​യു​ടെ ഹൃദയ​ത്തി​ലേക്ക്‌ ഇറങ്ങി​ച്ചെ​ല്ലുന്ന ഒരു സജീവ​വി​ധ​ത്തിൽ പ്രബോ​ധനം കൊടു​ക്കാൻ യഥാർത്ഥ​മാ​യി ശ്രമി​ക്കുക. ക്രമമാ​യി ഒന്നിച്ചു ഭക്ഷണം​ക​ഴി​ക്കു​ന്ന​തിൽ പരാജ​യ​പ്പെ​ടു​ന്ന​തി​നാൽ അനേകം കുടും​ബ​ങ്ങൾക്ക്‌ അങ്ങനെ​യുള്ള അത്‌ഭു​ത​ക​ര​മായ അവസരം നഷ്‌ട​മാ​കു​ന്നു. നിങ്ങൾ ഒരു കുടും​ബ​മെന്ന നിലയിൽ ഒന്നിച്ചു ഭക്ഷണം​ക​ഴി​ക്കു​ന്നു​വോ? ഇല്ലെങ്കിൽ ആ സ്ഥിതി​വി​ശേ​ഷത്തെ തിരു​ത്താൻ നിങ്ങൾക്കു കഴിയു​മോ?—പ്രവൃ​ത്തി​കൾ 2:42, 46, 47 എന്നിവ താരത​മ്യ​പ്പെ​ടു​ത്തുക.

18, 19.(എ) മാതാ​പി​താ​ക്കൾ തങ്ങളുടെ കുട്ടി​കളെ പഠിപ്പി​ക്കു​ന്ന​തിന്‌ എങ്ങനെ പട്ടിക ഉണ്ടാക്കണം, എന്തിനെ ഊന്നി​പ്പ​റ​യു​ന്നത്‌ അധിക​മാ​കു​ക​യില്ല? (ബി മാതാ​പി​താ​ക്ക​ളാ​ലുള്ള പരിശീ​ല​ന​ത്തി​ന്റെ ഒരു ആധുനി​ക​ദൃ​ഷ്‌ടാ​ന്ത​ത്തി​ന്റെ ഏതു വശങ്ങൾ നിങ്ങളിൽ മതിപ്പു​ള​വാ​ക്കു​ന്നു, ഒരു പിതാവ്‌ അവ ഉപയോ​ഗി​ക്കു​ക​യാ​ണെ​ങ്കിൽ എന്തു ഫലമു​ണ്ടാ​കു​മെന്ന്‌ നിങ്ങൾ വിശ്വ​സി​ക്കു​ന്നു?

¹⁸ പഠനസ​മയം കുട്ടി​യു​ടെ പ്രായ​ത്തി​നു തക്കപോ​ലെ ക്രമീ​ക​രി​ക്കേ​ണ്ട​താണ്‌. അതു​കൊണ്ട്‌ ശ്രദ്ധാ​ദൈർഘ്യം കുറവുള്ള ഒരു ശിശു​വി​നു​വേണ്ടി ദിന​ന്തോ​റും പല ഹ്രസ്വ സന്ദർഭങ്ങൾ ക്രമീ​ക​രി​ക്കുക. പിന്നീട്‌ പടിപ​ടി​യാ​യി അവയെ ദീർഘി​പ്പി​ക്കു​ക​യും ഉള്ളടക്കത്തെ വികസി​പ്പി​ക്കു​ക​യും​ചെ​യ്യുക. നിങ്ങളു​ടെ കുട്ടിയെ പഠിപ്പി​ക്കു​ന്ന​തിന്‌ ക്രമമായ സമയങ്ങ​ളു​ണ്ടാ​യി​രി​ക്കു​ന്ന​തി​ന്റെ പ്രാധാ​ന്യം എത്ര ഊന്നി​പ്പ​റ​ഞ്ഞാ​ലും അധിക​മാ​കു​ക​യില്ല. (ഉൽപ്പത്തി 18:19; ആവർത്തനം 11:18-21) ഇപ്പോൾ എഴുപ​തു​ക​ളി​ലാ​യി​രി​ക്കുന്ന ഒരു പിതാവ്‌ തന്റെ പുത്രനെ വളർത്തു​ന്ന​തിൽ നല്ല മാതൃക വെച്ചു. അവൻ ഇപ്പോൾ ഒരു മൂപ്പനാണ്‌. വർഷങ്ങൾക്കു​മുമ്പ്‌ അയാൾ തന്റെ പരിപാ​ടി വർണ്ണി​ച്ചു​കൊണ്ട്‌ ഇങ്ങനെ വിശദീ​ക​രി​ച്ചു:

¹⁹ “ഞങ്ങളുടെ കുട്ടിക്ക്‌ ഒരു വയസ്സു​ണ്ടാ​യി​രു​ന്ന​പ്പോൾ കിടക്കാൻനേ​രത്ത്‌ ഞാൻ അവനോട്‌ ഒരു വ്യക്തമായ ധാരണ ഉണ്ടാക​ത്ത​ക്ക​വണ്ണം നിറം പകർന്ന്‌ വികസി​പ്പിച്ച്‌ ബൈബിൾ കഥകൾ പറഞ്ഞു​തു​ടങ്ങി. അവൻ രണ്ടാം വയസ്സിൽ സംസാ​രി​ക്കാൻ തുടങ്ങിയ ഉടനെ ഞങ്ങൾ അവന്റെ കിടക്ക​ക്ക​രി​കിൽ മുട്ടു​കു​ത്തി ‘കർത്താ​വി​ന്റെ പ്രാർത്ഥന’ പദാനു​പദം അവനെ​ക്കൊണ്ട്‌ എന്റെ പിന്നാലെ ആവർത്തി​പ്പി​ക്കു​മാ​യി​രു​ന്നു. . . . അവനു മൂന്നു വയസ്സാ​യ​പ്പോൾ ഞാൻ അവനു​മാ​യി ഒരു നിരന്തര ബൈബി​ള​ദ്ധ്യ​യനം തുടങ്ങി . . . അവൻ അവന്റെ പുസ്‌ത​ക​ത്തിൽ ഞാൻ പറയു​ന്ന​തു​കേട്ട്‌ വാക്കുകൾ ആവർത്തി​ക്കു​മാ​യി​രു​ന്നു. അങ്ങനെ അവൻ വാക്കുകൾ നന്നായി ഉച്ചരി​ക്കാ​നി​ട​യാ​കു​ക​യും വലിയ വാക്കുകൾ പോലും വ്യക്തമാ​യി പറയാൻ പഠിക്കു​ക​യും​ചെ​യ്‌തു. . . . അവന്റെ ഹൃദയ​ത്തി​ലേക്ക്‌ ബൈബിൾസ​ത്യ​ങ്ങൾ ആണ്ടിറ​ങ്ങാൻ സഹായി​ക്കു​ന്ന​തിന്‌ അവന്‌ മൂന്നു വയസ്സു​ണ്ടാ​യി​രു​ന്ന​പ്പോൾ അവനെ​ക്കൊണ്ട്‌ ലളിത​മായ ബൈബിൾ വാക്യങ്ങൾ മനഃപാ​ഠ​മാ​ക്കി​ച്ചു. അവൻ കിൻറർഗാർട്ട​നിൽ ചേർന്ന​പ്പോ​ഴേക്ക്‌ അവന്‌ ഏതാണ്ട്‌ മുപ്പതു വാക്യങ്ങൾ അറിയാ​മാ​യി​രു​ന്നു. കഴിഞ്ഞ സെപ്‌റ​റം​ബ​റിൽ അവൻ ഒന്നാം ഗ്രേഡിൽ ചേർന്ന​പ്പോൾ അവന്‌ എഴുപതു വാക്യങ്ങൾ ഓർമ്മ​യി​ലു​ണ്ടാ​യി​രു​ന്നു. . . . ഞങ്ങളുടെ കുട്ടി കിടക്കാൻ പോകു​ന്ന​തി​നു​മുമ്പ്‌ ഞാൻ അവനെ​ക്കൊണ്ട്‌ ചില തിരു​വെ​ഴു​ത്തു​കൾ ആവർത്തി​പ്പി​ക്കു​മാ​യി​രു​ന്നു. അതു​പോ​ലെ​തന്നെ അവൻ രാവിലെ എഴു​ന്നേൽക്കു​മ്പോൾ മിക്ക​പ്പോ​ഴും അന്നത്തേ​ക്കുള്ള അവന്റെ അഭിവാ​ദ​ന​ങ്ങ​ളു​ടെ ഭാഗമാ​യി അവൻ ചുരു​ക്കം​ചില ബൈബിൾവാ​ക്യ​ങ്ങൾ ഉരുവി​ടു​ന്നു.”

20.ഒരു പഠിപ്പി​ക്കൽ പരിപാ​ടി​യിൽ എന്തുൾപ്പെ​ടു​ത്തണം, ഒരു കുട്ടിക്ക്‌ വീടു​തോ​റു​മുള്ള ശുശ്രൂഷ എങ്ങനെ ആസ്വദി​ക്കാൻക​ഴി​യും?

²⁰ അങ്ങനെ​യുള്ള ഒരു ക്രമാ​നു​ഗത പഠിപ്പി​ക്കൽപ​രി​പാ​ടി​യും ഒപ്പം ഉചിത​മായ മാതാ​പി​താ​ക്ക​ളു​ടെ ദൃഷ്ടാ​ന്ത​വും പൊരു​ത്ത​മുള്ള ശിക്ഷണ​ത്തി​ന്റെ ബാധക​മാ​ക്ക​ലും അവന്‌ ഇട്ടു​കൊ​ടു​ക്കുന്ന ജീവി​താ​രം​ഭ​ത്തിന്‌ അവൻ എക്കാല​വും നന്ദിയു​ള്ള​വ​നാ​യി​രി​ക്കും. (സദൃശ​വാ​ക്യ​ങ്ങൾ 22:15; 23:13, 14) പരിപാ​ടി​യു​ടെ മർമ്മ​പ്ര​ധാ​ന​മായ ഒരു ഭാഗം ഇളം​പ്രാ​യം മുതലുള്ള പരസ്യ​ശു​ശ്രൂ​ഷ​യു​ടെ പരിശീ​ല​ന​മാ​യി​രി​ക്കണം. ഒരു അർത്ഥവ​ത്തായ പങ്കു വഹിക്കാൻ നിങ്ങളു​ടെ കുട്ടിയെ ഒരുക്കി​ക്കൊണ്ട്‌ അത്‌ ഉല്ലാസ​പ്ര​ദ​മായ ഒരു അനുഭ​വ​മാ​ക്കി​ത്തീർക്കുക. മേൽപറഞ്ഞ പിതാവ്‌ തന്റെ പുത്ര​നെ​സം​ബ​ന്ധിച്ച്‌ കൂടു​ത​ലാ​യി ഇങ്ങനെ പറഞ്ഞു: “തിരു​വെ​ഴു​ത്തു​കൾ ഉദ്ധരി​ക്കാ​നുള്ള അവന്റെ പ്രാപ്‌തി അവനെ വീടു​തോ​റു​മുള്ള ശുശ്രൂ​ഷ​യിൽ വളരെ ഫലപ്ര​ദ​നാ​ക്കു​ന്നു. കാരണം അനേകം വീട്ടു​കാർ അത്ഭുത​പ്പെ​ടു​ക​യും അവൻ സമർപ്പി​ക്കുന്ന ബൈബിൾമാ​സി​കകൾ നിരസി​ക്കാൻ കഴിയാ​ത്ത​വ​രാ​യി​ത്തീ​രു​ക​യും ചെയ്യുന്നു. അവന്‌ മൂന്നു വയസ്സാ​യി​രു​ന്ന​പ്പോൾ മുതൽ അവൻ ഈ ക്രിസ്‌തീ​യ​ശു​ശ്രൂ​ഷ​യിൽ പങ്കെടു​ത്തി​രി​ക്കു​ന്നു. ഇപ്പോൾ [6-ാം വയസ്സിൽ] ബൈബിൾ സാഹി​ത്യം ആളുകൾക്കു സമർപ്പി​ക്കു​ന്ന​തിൽ എന്റെ ഭാര്യ​യെ​യും എന്നെയും​കാൾ ഫലപ്ര​ദ​നു​മാണ്‌.”—എവേക്ക്‌ ജനുവരി 22, 1965, പേജ്‌ 3-4.

21.(എ) മാതാ​പി​താ​ക്കൾക്ക്‌ തങ്ങളുടെ മക്കൾക്ക്‌ കൊടു​ക്കാൻക​ഴി​യുന്ന അതിമ​ഹ​ത്തായ ദാന​മെ​ന്താണ്‌? (ബി മാതാ​പി​താ​ക്കൾക്ക്‌ ഏത്‌ ബുദ്ധി​യു​പ​ദേശം കൊടു​ക്ക​പ്പെ​ടു​ന്നു, കൊച്ചു​കു​ട്ടി​ക​ളുള്ള മാതാ​പി​താ​ക്കൾക്കെ​ല്ലാം എന്തുണ്ടാ​യി​രി​ക്കണം?

²¹ സത്യമാ​യി, ക്രിസ്‌തീ​യ​മാ​താ​പി​താ​ക്കൾക്ക്‌ തങ്ങളുടെ മക്കൾക്ക്‌ വിട്ടേ​ക്കാൻ യഹോ​വ​യെ​ക്കു​റി​ച്ചുള്ള പരിജ്ഞാ​ന​മാ​കുന്ന അത്ഭുത​ക​ര​മായ ഒരു അവകാ​ശ​മുണ്ട്‌, അതോ​ടൊ​പ്പം മഹത്തായ പുതിയ ലോക​ത്തി​ലെ അനന്തജീ​വ​ന്റെ​യും സമാധാ​ന​ത്തി​ന്റെ​യും സന്തുഷ്ടി​യു​ടെ​യും പ്രതീ​ക്ഷ​ക​ളും. (സദൃശ​വാ​ക്യ​ങ്ങൾ 3:1-6, 13-18; 13:22) എല്ലാറ​റി​നു​മു​പ​രി​യാ​യി, ആ മഹത്തായ ഭാവി​യു​ടെ യാഥാർത്ഥ്യ​ത്തി​ലുള്ള വിശ്വാ​സ​വും യഹോ​വയെ സേവി​ക്കാ​നുള്ള ആഗ്രഹ​വും നിങ്ങളു​ടെ കുഞ്ഞു​ങ്ങ​ളു​ടെ ഹൃദയ​ങ്ങ​ളിൽ കെട്ടു​പണി ചെയ്യുക. സത്യാ​രാ​ധ​നയെ അവർക്ക്‌ സ്വാഭാ​വി​ക​വും സന്തുഷ്ട​വു​മായ ഒരു അനുഭ​വ​മാ​ക്കുക. (1 തിമൊ​ഥെ​യോസ്‌ 1:11) ശൈശ​വം​മു​തൽ യഹോ​വ​യി​ലുള്ള ആശ്രയം പഠിപ്പി​ക്കുക. അവരു​മാ​യുള്ള നിരന്തര പഠനസ​മ​യ​ങ്ങളെ ഒരിക്ക​ലും അവഗണി​ക്ക​രുത്‌! നിങ്ങളു​ടെ കുട്ടി​കൾക്ക്‌ ഏത്‌ വിവരങ്ങൾ ആവശ്യ​മു​ണ്ടെ​ന്നും അതുമാ​യി അവരുടെ ഹൃദയ​ത്തി​ലേക്ക്‌ ഏററം നന്നായി എങ്ങനെ ഇറങ്ങി​ച്ചെ​ല്ലാ​മെ​ന്നും തുടർച്ച​യാ​യി പുനഃ​പ​രി​ശോ​ധി​ച്ചു​കൊണ്ട്‌ അവക്ക്‌ ഏററം ഉയർന്ന മുൻഗണന കൊടു​ക്കുക. നിങ്ങൾ തിരക്കി​ലാണ്‌, സമ്മർദ്ദ​ത്തിൻകീ​ഴി​ലു​മാണ്‌; സാത്താ​നും അവന്റെ ലോക​വും അങ്ങനെ​യാ​ക്കു​ന്ന​തിൽ ശ്രദ്ധി​ക്കു​ന്നു. എന്നാൽ യേശു​വി​ന്റെ ദൃഷ്‌ഷാ​ന്തം ഓർക്കുക! നിങ്ങളു​ടെ കുട്ടി​ക​ളു​മാ​യി ക്രമമായ ഒരു അദ്ധ്യയനം നടത്താൻ പാടി​ല്ലാ​ത്ത​വണ്ണം ഒരിക്ക​ലും അത്ര തിരക്കി​ലാ​യി​രി​ക്ക​രുത്‌! (w88 8/1)

[അടിക്കു​റി​പ്പു​കൾ]

നിങ്ങൾ എങ്ങനെ പ്രതി​വ​ചി​ക്കും?

□ മാതാ​പി​താ​ക്കൾ തങ്ങളുടെ കുട്ടി​ക​ളു​ടെ ആവശ്യ​ങ്ങൾക്ക്‌ മുൻഗണന കൊടു​ക്ക​ണ​മെന്ന്‌ ഏത്‌ ബൈബിൾ തെളിവ്‌ പ്രകട​മാ​ക്കു​ന്നു?

□ തങ്ങളുടെ കുട്ടി​കളെ സംരക്ഷി​ക്കു​ന്ന​തിന്‌ മാതാ​പി​താ​ക്ക​ളാ​ലുള്ള പ്രത്യേ​ക​ശ്ര​മങ്ങൾ ആവശ്യ​മാ​യി​രി​ക്കു​ന്ന​തെ​ന്തു​കൊണ്ട്‌?

□ കുട്ടി​കളെ ശൈശ​വം​മു​തൽ പരിശീ​ലി​പ്പി​ക്കു​ന്നത്‌ വളരെ മർമ്മ​പ്ര​ധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌?

□ തങ്ങളുടെ കുട്ടി​യു​ടെ ഹൃദയ​ത്തി​ലേ​ക്കി​റ​ങ്ങി​ച്ചെ​ല്ലു​ന്ന​തിന്‌ മാതാ​പി​താ​ക്കൾക്കാ​യുള്ള ചില പ്രാ​യോ​ഗി​ക​നിർദ്ദേ​ശ​ങ്ങ​ളേവ?

□ ക്രിസ്‌തീയ മാതാ​പി​താ​ക്കൻമാർ ഒരിക്ക​ലും എന്തു അവഗണി​ക്ക​രുത്‌?

[12-ാം പേജിലെ ചിത്രം]

മാതാപിതാക്കളാലുള്ള പരിശീ​ലനം എത്ര നേരത്തെ തുടങ്ങു​ന്ന​തും വളരെ നേരത്തെ ആയിരി​ക്ക​യി​ല്ല