യേശു​വിന്‌ ഏകദേശം രണ്ടു വയസ്സു​ള്ള​പ്പോ​ഴാണ്‌ യോ​സേ​ഫും മറിയ​യും ഈജി​പ്‌തിൽനിന്ന്‌ യേശു​വി​നെ നസറെ​ത്തിൽ കൊണ്ടു​വ​രു​ന്നത്‌. സാധ്യ​ത​യ​നു​സ​രിച്ച്‌ ഈ സമയത്ത്‌ അവർക്ക്‌ യേശു അല്ലാതെ വേറെ മക്കളൊ​ന്നു​മില്ല. പിന്നീട്‌ യേശു​വി​ന്റെ അർധസ​ഹോ​ദ​ര​ന്മാർ ജനിക്കു​ന്നു, യാക്കോബ്‌, യോ​സേഫ്‌, ശിമോൻ, യൂദാസ്‌ എന്നിവ​രാണ്‌ അവർ. യോ​സേ​ഫി​നും മറിയ​യ്‌ക്കും പെൺകു​ട്ടി​ക​ളും ജനിക്കു​ന്നു, അതായത്‌ യേശു​വി​ന്റെ അർധസ​ഹോ​ദ​രി​മാർ. യേശു​വിന്‌ ആറ്‌ ഇളയ സഹോ​ദ​രീ​സ​ഹോ​ദ​ര​ന്മാ​രെ​ങ്കി​ലും ഉണ്ട്‌.

വളർന്നു വലുതാ​കുന്ന കുടും​ബത്തെ പോറ്റാൻ യോ​സേ​ഫിന്‌ നന്നായി അധ്വാ​നി​ക്കണം. യോ​സേഫ്‌ ഒരു മരപ്പണി​ക്കാ​ര​നാണ്‌. സ്വന്തം മോ​നെ​പ്പോ​ലെ​യാണ്‌ യോ​സേഫ്‌ യേശു​വി​നെ വളർത്തു​ന്നത്‌. അതു​കൊണ്ട്‌ ‘മരപ്പണി​ക്കാ​രന്റെ മകൻ’ എന്ന്‌ യേശു​വി​നെ വിളി​ച്ചി​രു​ന്നു. (മത്തായി 13:55) യേശു​വി​നെ​യും യോ​സേഫ്‌ മരപ്പണി പഠിപ്പി​ച്ചു. യേശു അതു നന്നായി പഠിക്കു​ക​യും ചെയ്‌തു. “ഇയാൾ ഒരു മരപ്പണി​ക്കാ​ര​നല്ലേ?” എന്നു​പോ​ലും ആളുകൾ യേശു​വി​നെ​ക്കു​റിച്ച്‌ പിന്നീടു പറഞ്ഞു.​—മർക്കോസ്‌ 6:3.