യഹോ​വ​യു​ടെ ഭയങ്കര​നാൾ അടുത്തി​രി​ക്കു​ന്നു

“യഹോ​വാ​ഭ​ക്തൻമാർക്കും അവന്റെ നാമത്തെ സ്‌മരി​ക്കു​ന്ന​വർക്കും വേണ്ടി അവന്റെ സന്നിധി​യിൽ ഒരു സ്‌മര​ണ​പു​സ്‌തകം എഴുതി​വെ​ച്ചി​രി​ക്കു​ന്നു.”—മലാഖി 3:16.

1, 2. ഏതു ഭയങ്കര നാളി​നെ​ക്കു​റി​ച്ചാ​ണു മലാഖി മുൻകൂ​ട്ടി​പ്പ​റ​യു​ന്നത്‌?

ഭയങ്കരം! നിമി​ഷ​ങ്ങൾക്കു​ള്ളിൽ ഒരു മഹാന​ഗരം തരിപ്പ​ണ​മാ​ക്ക​പ്പെട്ടു. 1945 ആഗസ്‌ററ്‌ 6-ലെ പ്രഭാതം പൊട്ടി​വി​ടർന്നത്‌ അങ്ങനെ​യാ​യി​രു​ന്നു. മരിച്ചത്‌ ഏതാണ്ട്‌ 80,000 പേർ! മാരക​മാ​യി പരി​ക്കേററ പതിനാ​യി​രങ്ങൾ! ആളിപ്പ​ട​രുന്ന തീ! ന്യൂക്ലി​യർ ബോംബ്‌ അതിന്റെ വേല നിർവ​ഹി​ക്കു​ക​യാ​യി​രു​ന്നു. ആ വിപത്തു യഹോ​വ​യു​ടെ സാക്ഷി​കളെ ബാധി​ച്ച​തെ​ങ്ങ​നെ​യാ​യി​രു​ന്നു? ഹിരോ​ഷി​മ​യിൽ ഒരൊററ സാക്ഷിയേ ഉണ്ടായി​രു​ന്നു​ള്ളു. ക്രിസ്‌തീയ നിർമലത നിമിത്തം ജയിലി​ന്റെ സംരക്ഷ​ണാ​ത്മക ഭിത്തി​കൾക്കു​ള്ളിൽ തടവി​ലാ​യി​രു​ന്നു അദ്ദേഹം അപ്പോൾ. ജയിൽ തകർന്നു തരിപ്പ​ണ​മാ​യി, എന്നാൽ നമ്മുടെ സഹോ​ദ​രനു പരി​ക്കേ​റ​റില്ല. അദ്ദേഹം പ്രസ്‌താ​വിച്ച പ്രകാരം, അദ്ദേഹത്തെ ‘ആററം​ബോം​ബി​ട്ടു തടവിൽനി​ന്നി​റക്കി’—ഒരുപക്ഷേ, ബോംബ്‌ ഉളവാ​ക്കിയ ഒരേ ഒരു സൽഫലം.

² ആ ബോം​ബു​സ്‌ഫോ​ടനം ഭയജന​ക​മാ​യി​രു​ന്നെ​ങ്കി​ലും, ആസന്നമാ​യി​രി​ക്കുന്ന, ‘യഹോ​വ​യു​ടെ വലുതും ഭയങ്കര​വു​മായ നാളി’നോടു താരത​മ്യ​പ്പെ​ടു​ത്തു​മ്പോൾ അത്‌ അപ്രധാ​ന​മാ​യി മങ്ങി​പ്പോ​കു​ന്നു. (മലാഖി 4:5) ഉവ്വ്‌, കഴിഞ്ഞ​കാല ചരി​ത്ര​ത്തിൽ ഭയങ്കര​നാ​ളു​കൾ ഉണ്ടായി​ട്ടുണ്ട്‌. എന്നാൽ യഹോ​വ​യു​ടെ ഈ നാൾ അവയെ​യെ​ല്ലാം കടത്തി​വെ​ട്ടു​ന്ന​താ​യി​രി​ക്കും.—മർക്കൊസ്‌ 13:19.

3. ജലപ്ര​ള​യം​വരെ “സകല ജഡ”ത്തിനും നോഹ​യു​ടെ കുടും​ബ​ത്തി​നും ഇടയിൽ ഏതു വൈരു​ദ്ധ്യം പ്രകട​മാ​യി​രു​ന്നു?

³ നോഹ​യു​ടെ നാളിൽ “സകല ജഡവും ഭൂമി​യിൽ തന്റെ വഴി വഷളാ​ക്കി​യി​രു​ന്നു,” തന്നിമി​ത്തം, “ഭൂമി അവരാൽ അതി​ക്ര​മം​കൊ​ണ്ടു നിറഞ്ഞി​രി​ക്കു​ന്നു; ഞാൻ അവരെ ഭൂമി​യോ​ടു​കൂ​ടെ നശിപ്പി​ക്കും” എന്നു ദൈവം പ്രഖ്യാ​പി​ച്ചു. (ഉല്‌പത്തി 6:12, 13) മത്തായി 24:39-ൽ [NW] രേഖ​പ്പെ​ടു​ത്തി​യി​രി​ക്കുന്ന പ്രകാരം, “പ്രളയം വന്ന്‌ അവരെ​യെ​ല്ലാം തുടച്ചു​നീ​ക്കി​യ​തു​വരെ” ആളുകൾ “ഗൗനി​ച്ചില്ല” എന്നു യേശു പറഞ്ഞു. എന്നാൽ “നീതി​പ്ര​സം​ഗി”യായി​രുന്ന വിശ്വ​സ്‌ത​നായ നോഹ ദൈവ​ഭ​യ​മുള്ള തന്റെ കുടും​ബ​ത്തോ​ടൊ​പ്പം ആ പ്രളയത്തെ അതിജീ​വി​ച്ചു.—2 പത്രോസ്‌ 2:5, NW.

4. സോ​ദോ​മും ഗൊ​മോ​റ​യും നൽകുന്ന മുന്നറി​യി​പ്പിൻ ദൃഷ്ടാ​ന്ത​മെന്ത്‌?

⁴ “അതു​പോ​ലെ സൊ​ദോ​മും ഗൊ​മോ​ര​യും ചുററു​മുള്ള പട്ടണങ്ങ​ളും അവർക്കു സമമായി ദുർന്ന​ടപ്പു ആചരിച്ചു അന്യജഡം മോഹി​ച്ചു നടന്നതി​നാൽ നിത്യാ​ഗ്നി​യു​ടെ ശിക്ഷാ​വി​ധി സഹിച്ചു​കൊ​ണ്ടു ദൃഷ്ടാ​ന്ത​മാ​യി കിടക്കു​ന്നു” എന്നു യൂദാ 7 വിവരി​ക്കു​ന്നു. അറപ്പു​ള​വാ​ക്കും​വി​ധം മലിന​മായ ജീവി​ത​രീ​തി പിൻപ​റ​റി​യ​തു​കൊ​ണ്ടാ​യി​രു​ന്നു അഭക്തരായ ആ ആളുകൾ നശിച്ചത്‌. ലൈം​ഗി​ക​ത​യ്‌ക്കു​വേണ്ടി പരക്കം​പാ​യുന്ന ഈ ആധുനിക ലോക​ത്തി​ലെ ആളുകൾക്ക്‌ ഇത്‌ ഒരു മുന്നറി​യി​പ്പാ​കട്ടെ! എന്നിരു​ന്നാ​ലും, ദൈവ​ഭ​യ​മു​ണ്ടാ​യി​രുന്ന ലോത്തും അദ്ദേഹ​ത്തി​ന്റെ പുത്രി​മാ​രും ആ മഹാവി​പ​ത്തിൽ ജീവ​നോ​ടെ സംരക്ഷി​ക്ക​പ്പെ​ട്ടു​വെ​ന്നതു ശ്രദ്ധി​ക്കുക. അതു​പോ​ലെ, അതി​വേഗം അടുത്തു​കൊ​ണ്ടി​രി​ക്കുന്ന മഹാക​ഷ്ട​ത്തിൽ യഹോ​വ​യു​ടെ ആരാധ​ക​രും സംരക്ഷി​ക്ക​പ്പെ​ടും.—2 പത്രൊസ്‌ 2:6-9.

5. യെരു​ശ​ലേ​മി​നു​മേൽ നടപ്പാ​ക്കിയ ന്യായ​വി​ധി​യിൽനി​ന്നു നമുക്ക്‌ എന്തു പഠിക്കാ​നാ​വും?

⁵ ഇനി, ഒരു കാലത്തു “സർവ്വഭൂ​മി​യു​ടെ​യും ആനന്ദ”മായി​രുന്ന, പ്രതാ​പ​ന​ഗ​ര​മാ​യി​രുന്ന, യെരു​ശ​ലേ​മി​നെ തുടച്ചു​നീ​ക്കാൻ യഹോവ ആക്രമണ സൈന്യ​ങ്ങളെ ഉപയോ​ഗി​ച്ച​തു​വഴി പ്രദാനം ചെയ്‌ത മുന്നറി​യി​പ്പിൻ ദൃഷ്ടാ​ന്തങ്ങൾ പരിചി​ന്തി​ക്കുക. (സങ്കീർത്തനം 48:2) ആദ്യം പൊ.യു.മു. (പൊതു​യു​ഗ​ത്തി​നു​മുമ്പ്‌) 607-ലും പിന്നെ പൊ.യു. (പൊതു​യു​ഗം) 70-ലുമാ​യി​രു​ന്നു ഈ ദുരന്ത സംഭവങ്ങൾ അരങ്ങേ​റി​യത്‌. ദൈവ​ജ​ന​മെന്ന്‌ അവകാ​ശ​പ്പെ​ട്ടി​രുന്ന ആളുകൾ സത്യാ​രാ​ധന ഉപേക്ഷി​ച്ച​താ​യി​രു​ന്നു കാരണം. സന്തോ​ഷ​ക​ര​മെന്നു പറയട്ടെ, യഹോ​വ​യു​ടെ വിശ്വസ്‌ത ദാസൻമാർ അതിജീ​വി​ച്ചു. പൊ.യു. 70-ലെ വിനാ​ശത്തെ (അടുത്ത പേജു​ക​ളിൽ ചിത്രീ​ക​രി​ച്ചി​രി​ക്കു​ന്നു) “ദൈവം സൃഷ്ടിച്ച സൃഷ്ടി​യു​ടെ ആരംഭം​മു​തൽ ഇന്നുവരെ സംഭവി​ച്ചി​ട്ടി​ല്ലാ​ത്ത​തും ഇനിമേൽ സംഭവി​ക്കാ​ത്ത​തും ആയ കഷ്ടകാലം” എന്നു വർണി​ച്ചി​രി​ക്കു​ന്നു. അതു വിശ്വാ​സ​ത്യാ​ഗ യഹൂദ വ്യവസ്ഥി​തി​യെ പരിപൂർണ​മാ​യി നീക്കി​ക്ക​ളഞ്ഞു. അതിനാൽ തീർച്ച​യാ​യും ഈ അർഥത്തിൽ അത്‌ ‘ഇനിമേൽ സംഭവി​ക്കി’ല്ല. (മർക്കൊസ്‌ 13:19) എന്നാൽ ഈ ദിവ്യ​ന്യാ​യ​വി​ധി നിർവ​ഹ​ണം​പോ​ലും മുഴു​ലോക വ്യവസ്ഥി​തി​യു​ടെ​യും​മേൽ ഇപ്പോൾ വരു​മെന്നു ഭയപ്പെ​ടുന്ന “മഹോ​പദ്ര”വത്തിന്റെ കേവല​മൊ​രു നിഴലേ ആയിരു​ന്നു​ള്ളു.—വെളി​പാട്‌ 7:14, NW.

6. യഹോവ ദുരന്തങ്ങൾ അനുവ​ദി​ക്കു​ന്നത്‌ എന്തു​കൊണ്ട്‌?

⁶ വളരെ​യ​ധി​കം ആളുക​ളു​ടെ ജീവ​നൊ​ടു​ക്കുന്ന ഭയങ്കര ദുരന്തങ്ങൾ ദൈവം അനുവ​ദി​ക്കു​ന്നത്‌ എന്തു​കൊണ്ട്‌? നോഹ​യു​ടെ​യും സോ​ദോ​മി​ന്റെ​യും ഗൊ​മോ​റ​യു​ടെ​യും യെരു​ശ​ലേ​മി​ന്റെ​യും കാര്യ​ത്തിൽ, ഭൂമി​യിൽ തങ്ങളുടെ വഴി വഷളാ​ക്കി​യ​വ​രു​ടെ​മേൽ ന്യായ​വി​ധി നടപ്പാ​ക്കു​ക​യാ​യി​രു​ന്നു യഹോവ. അക്ഷരീ​യ​മായ മലിനീ​ക​ര​ണ​ത്താ​ലും ധാർമിക അധഃപ​ത​ന​ത്താ​ലും ഈ മനോഹര ഗ്രഹത്തെ ദുഷി​പ്പിച്ച അവർ സത്യാ​രാ​ധന വിട്ടു​ക​ള​യു​ക​യോ തിരസ്‌ക​രി​ക്കു​ക​യോ ചെയ്‌തി​രു​ന്നു. നാം ഇപ്പോൾ നിൽക്കു​ന്നതു മുഴു​ലോ​ക​ത്തെ​യും ബാധി​ക്കുന്ന, സകല​ത്തെ​യും ഉൾപ്പെ​ടു​ത്തി​ക്കൊ​ണ്ടുള്ള ന്യായ​വി​ധി നിർവ​ഹ​ണ​ത്തി​ന്റെ വക്കത്താണ്‌.—2 തെസ്സ​ലൊ​നീ​ക്യർ 1:6-9.

‘അന്ത്യകാ​ലത്ത്‌’

7. (എ) എന്തു സംബന്ധി​ച്ചു പ്രാവ​ച​നിക സ്വഭാ​വ​മു​ള്ള​വ​യാ​യി​രു​ന്നു പുരാതന ന്യായ​വി​ധി​കൾ? (ബി) തൊട്ടു മുന്നിൽ മഹത്തായ എന്തു പ്രതീ​ക്ഷ​യുണ്ട്‌?

⁷ രണ്ടു പത്രൊസ്‌ 3:3-13-ൽ വർണി​ച്ചി​രി​ക്കുന്ന ഭയങ്കര മഹാക​ഷ്ട​ത്തോ​ടുള്ള ബന്ധത്തിൽ പ്രാവ​ച​നിക സ്വഭാ​വ​മു​ള്ള​വ​യാ​യി​രു​ന്നു പുരാതന നാളിലെ ആ നാശങ്ങൾ. അപ്പോ​സ്‌തലൻ പറയുന്നു: “സ്വന്ത​മോ​ഹ​ങ്ങളെ അനുസ​രി​ച്ചു​ന​ട​ക്കുന്ന പരിഹാ​സി​കൾ പരിഹാ​സ​ത്തോ​ടെ അന്ത്യകാ​ലത്തു വരു​മെന്നു വിശേ​ഷാൽ അറിഞ്ഞു​കൊൾവിൻ.” പിന്നെ നോഹ​യു​ടെ നാളി​ലേക്കു ശ്രദ്ധതി​രി​ച്ചു​കൊണ്ട്‌ പത്രോസ്‌ എഴുതു​ന്നു: “അന്നുള്ള ലോകം ജലപ്ര​ള​യ​ത്തിൽ മുങ്ങി നശിച്ചു എന്നും ഇപ്പോ​ഴത്തെ ആകാശ​വും ഭൂമി​യും അതേ വചനത്താൽ തീക്കായി സൂക്ഷി​ച്ചും ന്യായ​വി​ധി​യും ഭക്തികെട്ട മനുഷ്യ​രു​ടെ നാശവും സംഭവി​പ്പാ​നുള്ള ദിവസ​ത്തേക്കു കാത്തു​മി​രി​ക്കു​ന്നു.” സകല കഷ്ടങ്ങളി​ലും​വെച്ച്‌ ഏററവും വലിയ കഷ്ടത്തെ​ത്തു​ടർന്ന്‌, ദീർഘ​നാ​ളാ​യി നോക്കി​പ്പാർത്തി​രി​ക്കുന്ന മിശി​ഹാ​യു​ടെ രാജ്യ​ഭ​രണം പുതിയ മാനങ്ങൾ കൈവ​രി​ക്കും—‘നീതി വസിക്കുന്ന ഒരു പുതിയ ആകാശ​വും ഒരു പുതിയ ഭൂമി​യും.’ എന്തൊരു സന്തുഷ്ട പ്രത്യാശ!

8. ലോക​സം​ഭ​വങ്ങൾ ഒരു പാരമ്യ​ത്തി​ലേക്ക്‌ അടുത്തു​കൊ​ണ്ടി​രി​ക്കു​ന്ന​തെ​ങ്ങനെ?

⁸ 20-ാം നൂററാ​ണ്ടിൽ, ലോക​സം​ഭ​വങ്ങൾ ക്രമാ​നു​ഗ​ത​മാ​യി ഒരു പാരമ്യ​ത്തി​ലേക്ക്‌ അടുത്തു​കൊ​ണ്ടി​രി​ക്കു​ക​യാണ്‌. ഹിരോ​ഷി​മ​യു​ടെ ശൂന്യ​മാ​ക്കൽ ഒരു ദൈവിക പരി​ശോ​ധ​ന​യു​ടെ ഫലമ​ല്ലെ​ങ്കി​ലും അന്ത്യകാ​ല​ത്തേ​ക്കാ​യി യേശു മുൻകൂ​ട്ടി​പ്പറഞ്ഞ “ഭയങ്കര​കാ​ഴ്‌ച​കളു”ടെ കൂട്ടത്തിൽ ഇതിനെ പെടു​ത്താം. (ലൂക്കൊസ്‌ 21:11) അത്‌ ഉയർത്തി​വിട്ട ആണവഭീ​ഷണി മനുഷ്യ​വർഗ​ത്തി​നു​മേൽ ഉരുണ്ടു​കൂ​ടി​യി​രി​ക്കുന്ന ഒരു കൊടു​ങ്കാ​റ​റി​നെ​പ്പോ​ലെ​യാണ്‌. അതു​കൊണ്ട്‌, 1993 നവംബർ 29-ലെ ദ ന്യൂ​യോർക്കു ടൈം​സി​ലെ ഒരു തലക്കെട്ട്‌ ഇങ്ങനെ​യാ​യി​രു​ന്നു: “തോക്കു​കൾ ഒരുപക്ഷേ കുറ​ച്ചൊ​ക്കെ തുരു​മ്പി​ച്ചി​രി​ക്കാം, എന്നാൽ ആണവാ​യു​ധങ്ങൾ ഇപ്പോ​ഴും മിനു​ങ്ങി​ത്ത​ന്നെ​യാ​ണി​രി​ക്കു​ന്നത്‌.” അതിനി​ടെ രാഷ്‌ട്രങ്ങൾ തമ്മിലും വംശങ്ങൾ തമ്മിലും ഗോ​ത്രങ്ങൾ തമ്മിലു​മുള്ള യുദ്ധങ്ങൾ ഭയാനക കൊയ്‌ത്തു തുടരു​ക​യാണ്‌. പണ്ടൊക്കെ മരിക്കു​ന്നത്‌ ഏറിയ​പ​ങ്കും പട്ടാള​ക്കാ​രാ​യി​രു​ന്നു. ഇന്ന്‌, മരണം 80 ശതമാ​ന​വും സാധാ​ര​ണ​ക്കാ​രു​ടെ ഇടയി​ലാ​ണെ​ന്നാണ്‌ റിപ്പോർട്ട്‌. സ്വദേശം വിട്ട്‌ അഭയാർഥി​ക​ളാ​യി പലായനം ചെയ്യുന്ന ലക്ഷക്കണ​ക്കി​നാ​ളു​ക​ളു​ടെ കാര്യം പറയാ​നു​മില്ല.

9. മതനേ​താ​ക്കൻമാർ ലോക​ത്തോ​ടു സൗഹൃദം കാട്ടി​യി​രി​ക്കു​ന്ന​തെ​ങ്ങനെ?

⁹ യുദ്ധങ്ങ​ളി​ലും രക്തരൂ​ക്ഷിത വിപ്ലവ​ങ്ങ​ളി​ലും സജീവ​മാ​യി ഉൾപ്പെ​ട്ടു​കൊണ്ട്‌ മതനേ​താ​ക്കൻമാർ പലപ്പോ​ഴും “ലോക​ത്തോ​ടു സൗഹൃദം” കാട്ടി​യി​രി​ക്കു​ന്നു, ഇപ്പോ​ഴും അങ്ങനെ ചെയ്യു​ന്നുണ്ട്‌. (യാക്കോബ്‌ 4:4, NW) മാരക​മായ ആയുധങ്ങൾ വൻതോ​തിൽ ഉത്‌പാ​ദി​പ്പി​ക്കു​ക​യും മയക്കു​മ​രു​ന്നു സാമ്രാ​ജ്യ​ങ്ങൾ കെട്ടി​പ്പ​ടു​ക്കു​ക​യും ചെയ്യുന്ന വ്യാപാ​ര​ലോ​ക​ത്തി​ലെ അത്യാ​ഗ്ര​ഹി​ക​ളായ വൻതോ​ക്കു​ക​ളു​മാ​യി സഹകരി​ച്ചി​ട്ടു​ള്ള​വ​രാണ്‌ അവരിൽ ചിലർ. ഉദാഹ​ര​ണ​ത്തിന്‌, തെക്കേ അമേരി​ക്ക​യി​ലെ ഒരു മയക്കു​മ​രു​ന്നു നേതാ​വി​ന്റെ വധത്തെ​ക്കു​റി​ച്ചു റിപ്പോർട്ടു ചെയ്യവേ ദ ന്യൂ​യോർക്കു ടൈംസ്‌ പ്രസ്‌താ​വി​ച്ചു: “നിയമാ​നു​സൃത ബിസി​ന​സി​ലൂ​ടെ നേടിയ സമ്പത്താ​ണെ​ന്നും താൻ ധർമി​ഷ്‌ഠ​നാ​ണെ​ന്നു​മുള്ള അവകാ​ശ​വാ​ദ​ങ്ങ​ളു​ടെ മറപി​ടി​ച്ചാ​യി​രു​ന്നു അദ്ദേഹ​ത്തി​ന്റെ മയക്കു​മ​രുന്ന്‌ ഇടപാ​ടു​കൾ. അദ്ദേഹ​ത്തി​ന്റെ ചെലവിൽ നടത്തി​യി​രുന്ന പല റേഡി​യോ പരിപാ​ടി​ക​ളി​ലും റോമൻ കത്തോ​ലി​ക്കാ പുരോ​ഹി​തൻമാ​രു​ണ്ടാ​യി​രു​ന്നു.” മയക്കു​മ​രു​ന്നിന്‌ അടിമ​ക​ളാ​യി​ത്തീർന്ന ലക്ഷക്കണ​ക്കി​നാ​ളു​ക​ളു​ടെ ജീവിതം തകർത്ത​തി​നു പുറമേ, ആയിര​ക്ക​ണ​ക്കി​നു കൊല​പാ​ത​ക​ങ്ങ​ളാണ്‌ ഈ മയക്കു​മ​രു​ന്നു നേതാ​വി​ന്റെ വ്യക്തി​പ​ര​മായ നിർദേ​ശ​ത്തിൻകീ​ഴിൽ നടന്ന​തെന്ന്‌ ദ വാൾ സ്‌ട്രീ​ററ്‌ ജേർണൽ റിപ്പോർട്ടു ചെയ്യുന്നു. “കൃതജ്ഞ​ത​യെ​ന്നോ​ണം ഘാതകർ പ്രത്യേക കുർബാ​ന​യ്‌ക്കു പണം​കൊ​ടു​ക്കു​ന്നു. . . . അതേസ​മയം വധിക്ക​പ്പെ​ട്ട​യാ​ളു​ടെ ശവസം​സ്‌കാര ചടങ്ങു​മാ​യി ബന്ധപ്പെട്ട കുർബാന മററ്‌ എവി​ടെ​യെ​ങ്കി​ലും നടക്കു​ക​യാ​യി​രി​ക്കും,” ലണ്ടനിലെ ദ ടൈംസ്‌ രേഖ​പ്പെ​ടു​ത്തി. എന്തൊരു ദുഷ്ടത!

10. വഷളാ​യി​ക്കൊ​ണ്ടി​രി​ക്കുന്ന ലോകാ​വ​സ്ഥ​കളെ നാം എങ്ങനെ വീക്ഷി​ക്കണം?

¹⁰ ആർക്കറി​യാം ഭൂതനി​വേ​ശിത മനുഷ്യർ ഈ ഭൂമി​യിൽ ഇനിയും എന്തെല്ലാം നാശങ്ങൾ വരുത്തി​വെ​ക്കു​മെന്ന്‌? 1 യോഹ​ന്നാൻ 5:19 പ്രസ്‌താ​വി​ക്കു​ന്ന​തു​പോ​ലെ, “സർവ്വ​ലോ​ക​വും ദുഷ്ടന്റെ,” പിശാ​ചായ സാത്താന്റെ, “അധീന​ത​യിൽ കിടക്കു​ന്നു.” ഇന്ന്‌ “ഭൂമി​ക്കും സമു​ദ്ര​ത്തി​ന്നും അയ്യോ കഷ്ടം; പിശാചു തനിക്കു അല്‌പ​കാ​ല​മേ​യു​ള്ളു എന്നു അറിഞ്ഞു മഹാ​ക്രോ​ധ​ത്തോ​ടെ നിങ്ങളു​ടെ അടുക്കൽ ഇറങ്ങി​വ​ന്നി​രി​ക്കു​ന്നു.” (വെളി​പ്പാ​ടു 12:12) എന്നുവ​രി​കി​ലും, സന്തോ​ഷ​ക​ര​മെന്നു പറയട്ടെ, “യഹോ​വ​യു​ടെ നാമം വിളി​ച്ച​പേ​ക്ഷി​ക്കുന്ന ഏവനും രക്ഷിക്ക​പ്പെടു”മെന്നു റോമർ 10:13 [NW] നമുക്ക്‌ ഉറപ്പു​ത​രു​ന്നു.

ദൈവം ന്യായ​വി​ധി​ക്കാ​യി അടുത്തു​വ​രു​ന്നു

11. ഇസ്രാ​യേ​ലി​ലെ ഏത്‌ അവസ്ഥയാ​ണു മലാഖി​യു​ടെ പ്രവച​ന​ത്തി​നു നിദാ​ന​മാ​യത്‌?

¹¹ മനുഷ്യ​വർഗ​ത്തി​ന്റെ ആസന്ന ഭാവിയെ സംബന്ധി​ച്ച​ട​ത്തോ​ളം, സംഭവി​ക്കാൻ പോകു​ന്ന​തിൻമേൽ മലാഖി​യു​ടെ പ്രവചനം വെളിച്ചം വീശു​ന്നുണ്ട്‌. പുരാതന നാളിലെ എബ്രായ പ്രവാ​ച​കൻമാ​രു​ടെ നീണ്ട നിരയിൽ ഏററവും ഒടുവി​ലാ​യാ​ണു മലാഖി​യെ പട്ടിക​പ്പെ​ടു​ത്തി​യി​രി​ക്കു​ന്നത്‌. പൊ.യു.മു. 607-ൽ യെരു​ശ​ലേ​മി​ന്റെ ശൂന്യ​മാ​ക്കൽ ഇസ്രാ​യേൽ കണ്ടറി​ഞ്ഞി​രു​ന്നു. എന്നാൽ 70 വർഷങ്ങൾക്കു​ശേഷം ആ ജനതയെ സ്വദേ​ശ​ത്തേക്കു വരുത്തി​ക്കൊണ്ട്‌ യഹോവ കരുണാ​പൂർവ​ക​മായ സ്‌നേ​ഹദയ കാട്ടി​യി​രു​ന്നു. എന്നുവ​രി​കി​ലും, നൂറു വർഷത്തി​നു​ള്ളിൽ ഇസ്രാ​യേൽ വിശ്വാ​സ​ത്യാ​ഗ​ത്തി​ലേ​ക്കും ദുഷ്ടത​യി​ലേ​ക്കും വീണ്ടും വഴുതി​പ്പോ​കു​ക​യാ​യി​രു​ന്നു. ആളുകൾ യഹോ​വ​യു​ടെ നാമ​ത്തോട്‌ അനാദ​രവു കാട്ടു​ക​യും അവന്റെ നീതി​നി​ഷ്‌ഠ​മായ നിയമങ്ങൾ അവഗണി​ക്കു​ക​യും കണ്ണു​പൊ​ട്ടി​യ​തും മുടന്തു​ള്ള​തും രോഗം​പി​ടി​ച്ച​തു​മായ മൃഗങ്ങളെ യാഗം​ക​ഴി​ക്കാൻ കൊണ്ടു​വ​ന്നു​കൊണ്ട്‌ അവന്റെ ആലയത്തെ മലിന​പ്പെ​ടു​ത്തു​ക​യും ചെയ്യു​ക​യാ​യി​രു​ന്നു. അന്യസ്‌ത്രീ​കളെ വിവാഹം കഴിക്കാൻവേണ്ടി അവർ തങ്ങളുടെ യൗവന​ത്തി​ലെ ഭാര്യ​മാ​രെ ഉപേക്ഷി​ക്കു​ക​യാ​യി​രു​ന്നു.—മലാഖി 1:6-8; 2:13-16.

12, 13. (എ) അഭിഷിക്ത പുരോ​ഹി​ത​ഗ​ണ​ത്തിന്‌ ഏതു ശുദ്ധീ​ക​രണം ആവശ്യ​മാ​യി​രു​ന്നു? (ബി) ശുദ്ധീ​ക​ര​ണ​ത്തിൽനി​ന്നു മഹാപു​രു​ഷാ​ര​ത്തി​നും പ്രയോ​ജനം ലഭിക്കു​ന്ന​തെ​ങ്ങനെ?

¹² ഒരു ശുദ്ധീ​ക​ര​ണ​വേ​ല​യു​ടെ ആവശ്യ​മു​ണ്ടാ​യി​രു​ന്നു. അതി​നെ​ക്കു​റിച്ച്‌ മലാഖി 3:1-4-ൽ വർണി​ക്കു​ന്നുണ്ട്‌. പുരാ​ത​ന​നാ​ളി​ലെ ഇസ്രാ​യേ​ലി​നെ​പ്പോ​ലെ, യഹോ​വ​യു​ടെ ആധുനി​ക​നാ​ളി​ലെ സാക്ഷി​കൾക്കു ശുദ്ധീ​ക​രണം ആവശ്യ​മാ​യി​രു​ന്നു. അതിനാൽ മലാഖി വർണി​ക്കുന്ന ശുദ്ധീ​ക​ര​ണ​വേല അവർക്കു ബാധക​മാ​ക്കാ​വു​ന്ന​താണ്‌. ഒന്നാം ലോക​മ​ഹാ​യു​ദ്ധം അവസാ​നി​ക്കാ​റായ സമയം. അന്നൊക്കെ ചില ബൈബിൾ വിദ്യാർഥി​കൾ—യഹോ​വ​യു​ടെ സാക്ഷികൾ അന്ന്‌ അങ്ങനെ​യാണ്‌ അറിയ​പ്പെ​ട്ടി​രു​ന്നത്‌—ലൗകിക കാര്യ​ങ്ങ​ളിൽ കർശന​മായ നിഷ്‌പക്ഷത പാലി​ച്ചി​രു​ന്നില്ല. ലൗകിക കറകളിൽനി​ന്നു തന്റെ ആരാധ​ക​രു​ടെ ചെറിയ കൂട്ടത്തെ ശുദ്ധീ​ക​രി​ക്കാൻ 1918-ൽ യഹോവ തന്റെ ആത്മീയ ആലയ ക്രമീ​ക​ര​ണ​ത്തി​ലേക്കു തന്റെ “നിയമ​ദൂത”നെ, യേശു​ക്രി​സ്‌തു​വി​നെ, അയച്ചു. പ്രാവ​ച​നി​ക​മാ​യി യഹോവ ഇങ്ങനെ ചോദി​ച്ചി​രു​ന്നു: “അവൻ [ദൂതൻ] വരുന്ന ദിവസത്തെ ആർക്കു സഹിക്കാം? അവൻ പ്രത്യ​ക്ഷ​നാ​കു​മ്പോൾ ആർ നിലനി​ല്‌ക്കും? അവൻ ഊതി​ക്ക​ഴി​ക്കു​ന്ന​വന്റെ തീ പോ​ലെ​യും അലക്കു​ന്ന​വ​രു​ടെ ചാര​വെ​ള്ളം​പോ​ലെ​യും ആയിരി​ക്കും. അവൻ ഊതി​ക്ക​ഴി​ക്കു​ന്ന​വ​നെ​പ്പോ​ലെ​യും വെള്ളി ശുദ്ധി​വ​രു​ത്തു​ന്ന​വ​നെ​പ്പോ​ലെ​യും ഇരുന്നു​കൊ​ണ്ടു ലേവി​പു​ത്രൻമാ​രെ [അഭിഷിക്ത പുരോ​ഹി​ത​ഗ​ണത്തെ] ശുദ്ധീ​ക​രി​ച്ചു പൊന്നു​പോ​ലെ​യും വെള്ളി​പോ​ലെ​യും നിർമ്മ​ലീ​ക​രി​ക്കും; അങ്ങനെ അവർ നീതി​യിൽ യഹോ​വെക്കു വഴിപാ​ടു അർപ്പി​ക്കും.” ശുദ്ധീ​ക​രി​ക്ക​പ്പെട്ട ജനതയെന്ന നിലയിൽ അവർ അതുതന്നെ ചെയ്‌തി​രി​ക്കു​ന്നു!

¹³ ആ അഭിഷിക്ത പുരോ​ഹിത ഗണത്തിൽ 1,44,000 പേരേ​യു​ള്ളു. (വെളി​പ്പാ​ടു 7:4-8; 14:1, 3) എങ്കിലും, ഇന്നുള്ള മററു സമർപ്പിത ക്രിസ്‌ത്യാ​നി​ക​ളു​ടെ കാര്യ​മോ? ഇപ്പോൾ ലക്ഷങ്ങളാ​യി വർധി​ച്ചി​രി​ക്കുന്ന ഇവർ “ഒരു മഹാപു​രു​ഷാര”മായി​രി​ക്കു​ന്നു. ‘കുഞ്ഞാ​ടി​ന്റെ രക്തത്തിൽ തങ്ങളുടെ അങ്കി അലക്കി വെളു​പ്പി​ച്ചു’കൊണ്ട്‌ ലോക​ത്തി​ന്റെ വഴിക​ളിൽനിന്ന്‌ ഇവരും ശുദ്ധി​ചെ​യ്യ​പ്പെ​ടേ​ണ്ട​തുണ്ട്‌. (വെളി​പ്പാ​ടു 7:9, 14) അങ്ങനെ, കുഞ്ഞാ​ടായ യേശു​ക്രി​സ്‌തു​വി​ന്റെ മറുവി​ല​യാ​ഗ​ത്തിൽ വിശ്വാ​സ​മർപ്പി​ക്കു​ന്ന​തു​കൊണ്ട്‌, അവർക്കു യഹോ​വ​യു​ടെ മുമ്പാകെ നിർമ​ല​മായ ഒരു നില കാത്തു​സൂ​ക്ഷി​ക്കാൻ സാധി​ക്കു​ന്നു. യഹോ​വ​യു​ടെ ഭയങ്കര നാളായ മഹാക​ഷ്ട​ത്തിൽ ഉടനീളം അവർക്ക്‌ അതിജീ​വനം വാഗ്‌ദാ​നം ചെയ്യ​പ്പെ​ട്ടി​രി​ക്കു​ന്നു.—സെഫന്യാ​വു 2:2, 3.

14. പുതിയ വ്യക്തി​ത്വം നട്ടുവ​ളർത്തു​ന്ന​തിൽ തുടരവേ, ദൈവ​ജനം ഇന്ന്‌ ഏതു വാക്കു​കൾക്കു ചെവി​കൊ​ടു​ക്കണം?

¹⁴ പുരോ​ഹിത ശേഷി​പ്പി​നോ​ടൊ​പ്പം ഈ മഹാപു​രു​ഷാ​രം ദൈവ​ത്തി​ന്റെ കൂടു​ത​ലായ ഈ വാക്കുകൾ ചെവി​ക്കൊ​ള്ളണം: ‘ഞാൻ ന്യായ​വി​ധി​ക്കാ​യി നിങ്ങ​ളോ​ടു അടുത്തു​വ​രും; ഞാൻ ക്ഷുദ്ര​ക്കാർക്കും വ്യഭി​ചാ​രി​കൾക്കും കള്ളസ്സത്യം ചെയ്യു​ന്ന​വർക്കും കൂലി​യു​ടെ കാര്യ​ത്തിൽ കൂലി​ക്കാ​ര​നെ​യും വിധവ​യെ​യും അനാഥ​നെ​യും പീഡി​പ്പി​ക്കു​ന്ന​വർക്കും എന്നെ ഭയപ്പെ​ടാ​തി​രു​ന്ന​വർക്കും . . . വിരോ​ധ​മാ​യി ഒരു ശീഘ്ര​സാ​ക്ഷി​യാ​യി​രി​ക്കും. . . . യഹോ​വ​യായ ഞാൻ മാറാ​ത്തവൻ.’ (മലാഖി 3:5, 6) ഇല്ല, യഹോ​വ​യു​ടെ നിലവാ​ര​ങ്ങൾക്കു മാററ​മില്ല. അതു​കൊണ്ട്‌ അവർ ക്രിസ്‌തീയ വ്യക്തി​ത്വം നട്ടുവ​ളർത്തു​ന്ന​തിൽ തുടരവേ, ഇന്ന്‌ അവന്റെ ജനം യഹോ​വാ​ഭ​യ​ത്തോ​ടെ സകലതരം വിഗ്ര​ഹാ​രാ​ധ​ന​യും വെടിഞ്ഞ്‌ സത്യസ​ന്ധ​രും പരമാർഥ​രും ഔദാ​ര്യ​മാ​ന​സ​രു​മാ​കണം.—കൊ​ലൊ​സ്സ്യർ 3:9-14.

15. (എ) കരുണാ​പൂർവ​ക​മായ ഏതു ക്ഷണം യഹോവ നീട്ടി​ത്ത​രു​ന്നു? (ബി) നമുക്കു യഹോ​വ​യിൽനി​ന്നു “മോഷ്ടി​ക്കു​ന്നത്‌” എങ്ങനെ ഒഴിവാ​ക്കാം?

¹⁵ യഹോ​വ​യു​ടെ നീതി​നി​ഷ്‌ഠ​മായ വഴിക​ളിൽനി​ന്നു പിൻമാ​റി​പ്പോ​യി​ട്ടുള്ള ഏതൊ​രാൾക്കും “എന്റെ അടുക്ക​ലേക്കു മടങ്ങി​വ​രു​വിൻ” എന്നു പറഞ്ഞു​കൊണ്ട്‌ അവൻ ക്ഷണം നീട്ടി​ക്കൊ​ടു​ക്കു​ക​യാണ്‌. എന്നാൽ “ഏതിൽ ഞങ്ങൾ മടങ്ങി​വ​രേണ്ടു” എന്ന്‌ അവർ ചോദി​ക്കു​ന്നെ​ങ്കിൽ അവൻ ഇങ്ങനെ മറുപടി പറയുന്നു: “നിങ്ങൾ എന്നെ തോല്‌പി​ക്കു​ന്നു [“എന്നിൽനി​ന്നു മോഷ്ടി​ക്കു​ന്നു,” NW].” “ഏതിൽ ഞങ്ങൾ നിന്നെ തോല്‌പി​ക്കു​ന്നു [“നിന്നിൽനി​ന്നു മോഷ്ടി​ക്കു​ന്നു,” NW] എന്ന കൂടു​ത​ലായ ചോദ്യ​ത്തി​നുള്ള ഉത്തരമാ​യി, ആലയ​സേ​വ​ന​ത്തിൽ തങ്ങളുടെ ഏററവും നല്ലതു കാണി​ക്ക​യാ​യി കൊണ്ടു​വ​രാ​തെ അവർ അവനിൽനി​ന്നു മോഷ്ടി​ച്ചി​രി​ക്കു​ന്നു​വെന്നു യഹോവ പ്രസ്‌താ​വി​ക്കു​ന്നു. (മലാഖി 3:7, 8) യഹോ​വ​യു​ടെ ജനത്തിന്റെ ഭാഗമാ​യി​ത്തീർന്നി​രി​ക്കുന്ന നാം നമ്മുടെ ഊർജം, കഴിവു​കൾ, ഭൗതി​ക​സ്വത്ത്‌ എന്നിവ​യു​ടെ ഏററവും നല്ലതു യഹോ​വ​യു​ടെ സേവന​ത്തിൽ അർപ്പി​ക്കാൻ തീർച്ച​യാ​യും ആഗ്രഹി​ക്കണം. അങ്ങനെ, ദൈവ​ത്തിൽനി​ന്നു മോഷ്ടി​ക്കു​ന്ന​തി​നു​പ​കരം നാം ‘മുമ്പെ അവന്റെ രാജ്യ​വും നീതി​യും അന്വേ​ഷി​ച്ചു​കൊ​ണ്ടേ​യി​രി​ക്കും.’—മത്തായി 6:33.

16. മലാഖി 3:10-12-ൽ നാം എന്തു പ്രോ​ത്സാ​ഹനം കാണുന്നു?

¹⁶ ലോക​ത്തി​ന്റെ സ്വാർഥ​പ​ര​വും ഭൗതി​കാ​ത്മ​ക​വു​മായ രീതികൾ ഉപേക്ഷി​ക്കുന്ന സകലർക്കും ഒരു മഹത്തായ പ്രതി​ഫ​ല​മുണ്ട്‌. മലാഖി 3:10-12 അതിങ്ങനെ സൂചി​പ്പി​ക്കു​ന്നു: “ഞാൻ നിങ്ങൾക്കു ആകാശ​ത്തി​ന്റെ കിളി​വാ​തി​ലു​കളെ തുറന്നു, സ്ഥലം പോരാ​തെ​വ​രു​വോ​ളം നിങ്ങളു​ടെ​മേൽ അനു​ഗ്രഹം പകരു​ക​യി​ല്ല​യോ? എന്നിങ്ങനെ നിങ്ങൾ ഇതിനാൽ എന്നെ പരീക്ഷി​പ്പിൻ.” വിലമ​തി​പ്പുള്ള സകലർക്കും യഹോവ ആത്മീയ അഭിവൃ​ദ്ധി​യും ഫലസമ്പു​ഷ്ടി​യും വാഗ്‌ദാ​നം ചെയ്യുന്നു. “നിങ്ങൾ മനോ​ഹ​ര​മാ​യോ​രു ദേശം ആയിരി​ക്ക​യാൽ സകലജാ​തി​ക​ളും നിങ്ങളെ ഭാഗ്യ​വാൻമാർ [“സന്തുഷ്ടർ,” NW] എന്നു പറയും,” അവൻ കൂട്ടി​ച്ചേർക്കു​ന്നു. ഇന്നു ഭൂമി​യി​ലു​ട​നീ​ള​മുള്ള, കൃതാർഥ​രായ ദശലക്ഷ​ക്ക​ണ​ക്കി​നു ദൈവ​ജ​ന​ത​യു​ടെ കാര്യ​ത്തിൽ അതങ്ങ​നെ​ത​ന്നെ​യാ​ണെന്നു തെളി​ഞ്ഞി​ട്ടി​ല്ലേ?

ജീവന്റെ പുസ്‌ത​ക​ത്തി​ലെ നിർമ​ല​താ​പാ​ലകർ

17-19. (എ) റുവാ​ണ്ട​യി​ലെ കുഴപ്പങ്ങൾ അവി​ടെ​യുള്ള നമ്മുടെ സഹോ​ദ​ര​ങ്ങളെ എങ്ങനെ ബാധി​ച്ചി​രി​ക്കു​ന്നു? (ബി) ഏതു ബോധ്യ​ത്തോ​ടെ​യാണ്‌ ഈ വിശ്വ​സ്‌തർ മുന്നേ​റി​യി​രി​ക്കു​ന്നത്‌?

¹⁷ ഇത്തരു​ണ​ത്തിൽ, നമ്മുടെ റുവാണ്ടൻ സഹോ​ദ​രീ​സ​ഹോ​ദ​രൻമാ​രു​ടെ നിർമ​ല​ത​യെ​ക്കു​റി​ച്ചു നമുക്കു പ്രതി​പാ​ദി​ക്കാ​വു​ന്ന​താണ്‌. യഹോ​വ​യു​ടെ ആരാധ​ന​യു​ടെ ആത്മീയ ഭവനത്തി​ലേക്ക്‌ ഏററവും നല്ല ആത്മീയ കാണി​ക്ക​ക​ളാണ്‌ അവർ എല്ലായ്‌പോ​ഴും കൊണ്ടു​വ​ന്നി​രി​ക്കു​ന്നത്‌. ഉദാഹ​ര​ണ​ത്തിന്‌, 1993 ഡിസം​ബ​റിൽ അവരുടെ “ദിവ്യ ബോധന” ഡിസ്‌ട്രി​ക്‌ററ്‌ കൺ​വെൻ​ഷ​നിൽ 2,080 രാജ്യ​പ്ര​സാ​ധ​ക​രുള്ള അവരുടെ മൊത്തം ഹാജർ 4,075 ആയിരു​ന്നു. പുതിയ സാക്ഷി​ക​ളാ​യി സ്‌നാ​പ​ന​മേ​റ​റ​താ​കട്ടെ 230 പേരും. ഇവരിൽ ഏതാണ്ടു 150 പേർ പിറേറ മാസം സഹായ പയനി​യർമാ​രാ​യി പേർ ചാർത്തി.

¹⁸ 1994 ഏപ്രിൽ മാസം വംശീയ പക കൊടു​മ്പി​രി​ക്കൊ​ണ്ട​പ്പോൾ തലസ്ഥാ​ന​മായ കിഗാ​ളി​യി​ലെ നഗര മേൽവി​ചാ​ര​ക​നും അദ്ദേഹ​ത്തി​ന്റെ മുഴു​കു​ടും​ബ​വും ഉൾപ്പെടെ 180 സാക്ഷി​ക​ളെ​ങ്കി​ലും കൊല്ല​പ്പെട്ടു. കിഗാ​ളി​യി​ലെ വാച്ച്‌ ടവർ സൊ​സൈ​റ​റി​യു​ടെ ഓഫീ​സി​ലെ ആറു പരിഭാ​ഷകർ—നാലു പേർ ഹൂട്ടൂ​ക​ളും രണ്ടു പേർ ടൂട്‌സി​ക​ളും—കനത്ത ഭീഷണി​യി​ലാണ്‌ ആഴ്‌ച​ക​ളോ​ളം തങ്ങളുടെ വേലയിൽ തുടർന്നത്‌. പിന്നെ ടൂട്‌സി​കൾ പലായനം ചെയ്യേ​ണ്ടി​വ​ന്നെ​ങ്കി​ലും ഒരു ചെക്ക്‌പോ​യിൻറിൽവെച്ച്‌ അവർ കൊല്ല​പ്പെ​ടു​ക​യാ​ണു​ണ്ടാ​യത്‌. അവസാനം, അവശേ​ഷിച്ച തങ്ങളുടെ കമ്പ്യൂ​ട്ട​റും എടുത്തു​കൊണ്ട്‌ ശേഷിച്ച നാലു പേർ സയിറി​ലെ ഗൊമ​യി​ലേക്കു പലായനം ചെയ്‌തു. അവിടെ അവർ വീക്ഷാ​ഗോ​പു​രം കിനി​യാർവാണ്ട ഭാഷയി​ലേക്കു പരിഭാ​ഷ​പ്പെ​ടു​ത്തു​ന്ന​തിൽ വിശ്വ​സ്‌ത​ത​യോ​ടെ തുടർന്നും ഏർപ്പെട്ടു.—യെശയ്യാ​വു 54:17.

¹⁹ അഭയാർഥി​ക​ളായ ഈ സാക്ഷികൾ കടുത്ത ദാരി​ദ്ര്യ​ത്തി​ലാ​യി​രു​ന്നി​ട്ടും എല്ലായ്‌പോ​ഴും ആദ്യം ആവശ്യ​പ്പെ​ട്ടതു ഭൗതിക ഭക്ഷണമ​ല്ലാ​യി​രു​ന്നു, ആത്മീയ ഭക്ഷണമാ​യി​രു​ന്നു. പല രാജ്യ​ങ്ങ​ളിൽനി​ന്നുള്ള, സ്‌നേ​ഹ​മുള്ള സഹോ​ദ​രങ്ങൾ വലിയ ത്യാഗങ്ങൾ സഹിച്ച്‌ അവശ്യ സാധനങ്ങൾ അവർക്ക്‌ എത്തിച്ചു​കൊ​ടു​ത്തു. സമ്മർദ​പൂ​രിത സാഹച​ര്യ​ത്തി​ലാ​യി​രു​ന്ന​പ്പോൾ വാക്കി​നാ​ലും അടുക്കും ചിട്ടയ​മുള്ള പ്രവർത്ത​ന​ത്താ​ലും ഈ അഭയാർഥി​കൾ വിസ്‌മ​യാ​വ​ഹ​മായ സാക്ഷ്യം കൊടു​ത്തു. യഹോ​വ​യു​ടെ ആരാധ​ന​യി​ലേക്കു തങ്ങളുടെ ഏററവും മികച്ചതു കൊണ്ടു​വ​രാൻ അവർ തീർച്ച​യാ​യും തുടർന്നും പ്രവർത്തി​ച്ചി​രി​ക്കു​ന്നു. “ജീവി​ക്കു​ന്നു എങ്കിൽ നാം കർത്താ​വി​ന്നാ​യി ജീവി​ക്കു​ന്നു; മരിക്കു​ന്നു എങ്കിൽ കർത്താ​വി​ന്നാ​യി മരിക്കു​ന്നു; അതു​കൊ​ണ്ടു ജീവി​ക്കു​ന്നു എങ്കിലും മരിക്കു​ന്നു എങ്കിലും നാം കർത്താ​വി​ന്നു​ള്ളവർ തന്നേ” എന്ന റോമർ 14:8-ൽ പ്രകടി​പ്പി​ച്ചി​രി​ക്കുന്ന പൗലോ​സി​ന്റേ​തു​പോ​ലെ​യുള്ള ബോധ്യം അവർ പ്രകടി​പ്പി​ച്ചി​രി​ക്കു​ന്നു.

20, 21. (എ) യഹോ​വ​യു​ടെ സ്‌മര​ണ​പു​സ്‌ത​ക​ത്തിൽ ആരുടെ പേരുകൾ എഴുതി​യി​ട്ടില്ല? (ബി) ആ പുസ്‌ത​ക​ത്തിൽ ആരുടെ പേരുകൾ കാണ​പ്പെ​ടു​ന്നു, എന്തു​കൊണ്ട്‌?

²⁰ തന്നെ നിർമ​ല​ത​യിൽ സേവി​ക്കുന്ന സകല​രെ​യും കുറി​ച്ചുള്ള രേഖ യഹോവ സൂക്ഷി​ക്കു​ന്നു. മലാഖി​യു​ടെ പ്രവചനം ഇങ്ങനെ തുടരു​ന്നു: “യഹോ​വാ​ഭ​ക്തൻമാർ അന്നു തമ്മിൽ തമ്മിൽ സംസാ​രി​ച്ചു; യഹോവ ശ്രദ്ധ​വെച്ചു കേട്ടു; യഹോ​വാ​ഭ​ക്തൻമാർക്കും അവന്റെ നാമത്തെ സ്‌മരി​ക്കു​ന്ന​വർക്കും വേണ്ടി അവന്റെ സന്നിധി​യിൽ ഒരു സ്‌മര​ണ​പു​സ്‌തകം എഴുതി​വെ​ച്ചി​രി​ക്കു​ന്നു.”—മലാഖി 3:16.

²¹ യഹോ​വ​യു​ടെ നാമത്തെ ബഹുമാ​നി​ക്കു​ന്ന​തിൽ നാം ദൈവ​ഭയം പ്രകട​മാ​ക്ക​ണ​മെ​ന്നത്‌ ഇന്ന്‌ എത്ര പ്രധാ​ന​മാണ്‌! അങ്ങനെ ചെയ്യു​ന്നെ​ങ്കിൽ, ഈ ലോക വ്യവസ്ഥി​തി​യെ പുകഴ്‌ച​യോ​ടെ പിന്തു​ണ​യ്‌ക്കു​ന്ന​വർക്കു ലഭിക്കാൻ പോകു​ന്ന​തു​പോ​ലൊ​രു പ്രതി​കൂല ന്യായ​വി​ധി നമുക്ക്‌ അനുഭ​വി​ക്കേ​ണ്ടി​വ​രില്ല. ‘ജീവപു​സ്‌ത​ക​ത്തിൽ അവരുടെ പേരുകൾ എഴുതി​യി​ട്ടില്ല,’ എന്നു വെളി​പ്പാ​ടു 17:8 പറയുന്നു. സയുക്തി​ക​മാ​യി, യഹോ​വ​യു​ടെ ജീവപു​സ്‌ത​ക​ത്തിൽ എഴുതി​യി​രി​ക്കുന്ന ഏററവും പ്രമുഖ നാമം ജീവന്റെ മുഖ്യ കാര്യ​സ്ഥ​നായ, ദൈവ​ത്തി​ന്റെ സ്വന്തം പുത്ര​നായ യേശു​ക്രി​സ്‌തു​വി​ന്റേ​താണ്‌. “അവന്റെ നാമത്തിൽ ജാതികൾ പ്രത്യാ​ശ​വെക്കു”മെന്നു മത്തായി 12:20 പ്രഖ്യാ​പി​ക്കു​ന്നു. യേശു​വി​ന്റെ മറുവി​ല​യാ​ഗ​ത്തിൽ വിശ്വ​സി​ക്കുന്ന സകലർക്കും അതു നിത്യ​ജീ​വന്റെ ഉറപ്പു​കൊ​ടു​ക്കു​ന്നു. നമ്മുടെ ഓരോ​രു​ത്ത​രു​ടെ​യും പേരുകൾ യേശു​വി​ന്റെ പേരി​നോ​ടൊ​പ്പം ആ പുസ്‌ത​ക​ത്തിൽ ചേർക്ക​പ്പെ​ടു​ന്നത്‌ എന്തൊരു പദവി​യാണ്‌!

22. യഹോവ ന്യായ​വി​ധി നടപ്പാ​ക്കു​മ്പോൾ ഏതു വ്യത്യാ​സം വ്യക്തമാ​യി​ത്തീ​രും?

²² ന്യായ​വി​ധി ദൈവ​ദാ​സൻമാ​രെ എങ്ങനെ​യാ​യി​രി​ക്കും ബാധി​ക്കുക? മലാഖി 3:17, 18-ൽ യഹോവ ഉത്തരം നൽകുന്നു: “ഒരു മനുഷ്യൻ തനിക്കു ശുശ്രൂഷ ചെയ്യുന്ന മകനെ ആദരി​ക്കു​ന്ന​തു​പോ​ലെ ഞാൻ അവരെ ആദരി​ക്കും. അപ്പോൾ നിങ്ങൾ നീതി​മാ​നും ദുഷ്ടനും തമ്മിലും ദൈവത്തെ സേവി​ക്കു​ന്ന​വ​നും സേവി​ക്കാ​ത്ത​വ​നും തമ്മിലുള്ള വ്യത്യാ​സം വീണ്ടും കാണും.” നിത്യ​ച്‌ഛേ​ദ​ന​ത്തി​നു​വേണ്ടി വേർതി​രി​ക്ക​പ്പെ​ടുന്ന ദുഷ്ടൻമാ​രും രാജ്യ​മ​ണ്ഡ​ല​ത്തിൽ നിത്യ​ജീ​വ​നു​വേണ്ടി അംഗീ​കാ​രം ലഭിക്കുന്ന നീതി​മാൻമാ​രും തമ്മിലുള്ള വ്യത്യാ​സം സകലർക്കും വ്യക്തമാ​യി​ത്തീ​രും. (മത്തായി 25:31-46) അങ്ങനെ യഹോ​വ​യു​ടെ വലുതും ഭയങ്കര​വു​മായ ദിവസത്തെ ചെമ്മരി​യാ​ടു​തു​ല്യ​രായ വ്യക്തി​ക​ളു​ടെ ഒരു മഹാപു​രു​ഷാ​രം അതിജീ​വി​ക്കും.

നിങ്ങൾ ഓർമി​ക്കു​ന്നു​വോ?

◻ ബൈബിൾകാ​ല​ങ്ങ​ളിൽ യഹോവ ഏതെല്ലാം ന്യായ​വി​ധി​കൾ നിർവ​ഹി​ച്ചു?

◻ ഇന്നത്തെ അവസ്ഥകൾ പുരാതന നാളു​ക​ളു​ടേ​തി​നോ​ടു സമാന്ത​ര​മാ​യി​രി​ക്കു​ന്ന​തെ​ങ്ങനെ?

◻ മലാഖി​യു​ടെ പ്രവച​ന​ത്തി​ന്റെ നിവൃ​ത്തി​യാ​യി ഏതു ശുദ്ധീ​ക​രണം നടന്നി​രി​ക്കു​ന്നു?

◻ ദൈവ​ത്തി​ന്റെ സ്‌മര​ണ​പു​സ്‌ത​ക​ത്തിൽ ആരുടെ പേരുകൾ എഴുതി​യി​രി​ക്കു​ന്നു?