“ഞങ്ങളോ​ടു പറയൂ, ഇതെ​പ്പോൾ സംഭവി​ക്കും?”

“ഞാൻ പുതി​യതു അറിയി​ക്കു​ന്നു; അതു ഉത്ഭവി​ക്കു​മ്മു​മ്പെ ഞാൻ നിങ്ങളെ കേൾപ്പി​ക്കു​ന്നു.”—യെശയ്യാ​വു 42:9.

1, 2. (എ) ഭാവി​യെ​ക്കു​റി​ച്ചു യേശു​വി​ന്റെ അപ്പോ​സ്‌ത​ലൻമാർ എന്താണു ചോദി​ച്ചത്‌? (ബി) ഒരു സംയുക്ത അടയാ​ള​ത്തെ​ക്കു​റി​ച്ചുള്ള യേശു​വി​ന്റെ മറുപടി അതിന്റെ നിവൃത്തി കണ്ടതെ​ങ്ങനെ?

ദിവ്യ ബോധനം ഉത്ഭൂത​മാ​കു​ന്നത്‌ ‘ആരംഭ​ത്തി​ങ്കൽ തന്നേ അവസാനം പ്രസ്‌താ​വി​ക്കു’ന്നവനായ യഹോ​വ​യാം ദൈവ​ത്തിൽനി​ന്നാണ്‌. (യെശയ്യാ​വു 46:10) മുൻ ലേഖനം പ്രകട​മാ​ക്കി​യ​പ്ര​കാ​രം “അതു എപ്പോൾ സംഭവി​ക്കും? അതിന്നു എല്ലാം നിവൃത്തി വരുന്ന കാലത്തി​ന്റെ ലക്ഷണം എന്തു എന്നു ഞങ്ങളോ​ടു പറഞ്ഞാ​ലും” എന്ന്‌ ആവശ്യ​പ്പെ​ട്ടു​കൊണ്ട്‌ അപ്പോ​സ്‌ത​ലൻമാർ യേശു​വിൽനിന്ന്‌ ഇത്തരം ബോധനം തേടി.—മർക്കൊസ്‌ 13:4.

² മറുപ​ടി​യാ​യി, യഹൂദ​വ്യ​വ​സ്ഥി​തി പെട്ടെ​ന്നു​തന്നെ നശിക്കാ​നി​രി​ക്കു​ന്നു​വെ​ന്ന​തി​ന്റെ തെളിവു നൽകുന്ന സംഭവങ്ങൾ അടങ്ങുന്ന ഒരു സംയുക്ത “അടയാളം” യേശു വിവരി​ച്ചു. ഇതു പൊ.യു. 70-ലെ യരുശ​ലേ​മി​ന്റെ നാശ​ത്തോ​ടെ നിവൃ​ത്തി​യേറി. എന്നാൽ യേശു​വി​ന്റെ പ്രവച​ന​ത്തി​നു കാലത്തി​ന്റെ നീരൊ​ഴു​ക്കിൽ ഒരു വലിയ നിവൃ​ത്തി​യു​ണ്ടാ​കേ​ണ്ടി​യി​രു​ന്നു. “ജാതി​ക​ളു​ടെ നിയമി​ത​കാ​ലങ്ങൾ” 1914-ൽ അവസാ​നി​ച്ചു​ക​ഴി​ഞ്ഞ​പ്പോൾ, ഇപ്പോ​ഴത്തെ ദുഷ്ട വ്യവസ്ഥി​തി “മഹോ​പ​ദ്രവ”ത്തിൽ ചെന്നവ​സാ​നി​ക്കു​മെന്നു പ്രകട​മാ​ക്കി​ക്കൊണ്ട്‌ ഒരു അടയാളം വ്യാപ​ക​മായ തോതിൽ ലഭ്യമാ​യി​വ​രു​മാ​യി​രു​ന്നു.a (ലൂക്കോസ്‌ 21:24, NW) ഈ അടയാളം ലോക​മ​ഹാ​യു​ദ്ധ​ങ്ങ​ളി​ലും 20-ാം നൂററാ​ണ്ടി​ലെ നിർണാ​യ​ക​മായ മററു സംഭവ​ങ്ങ​ളി​ലും നിവൃ​ത്തി​യേ​റി​യെന്ന്‌ ഇന്നു ജീവി​ക്കുന്ന ലക്ഷങ്ങൾക്കു സാക്ഷ്യ​പ്പെ​ടു​ത്താൻ കഴിയും. പൊ.യു. 33 മുതൽ 70 വരെ സംഭവിച്ച കാര്യങ്ങൾ ദൃഷ്ടാ​ന്തീ​ക​രി​ച്ച​തു​പോ​ലെ​യുള്ള ആധുനി​ക​നാ​ളി​ലെ ഈ നിവൃത്തി യേശു​വി​ന്റെ പ്രവച​ന​ങ്ങ​ളു​ടെ മുഖ്യ നിവൃ​ത്തി​യെ​യും അടയാ​ള​പ്പെ​ടു​ത്തു​ന്നു.

3. മറെറാ​രു അടയാ​ള​ത്തെ​ക്കു​റി​ച്ചു സംസാ​രി​ക്കവേ ഏതു കൂടു​ത​ലായ സംഭവ​വി​കാ​സ​ങ്ങ​ളാണ്‌ യേശു മുൻകൂ​ട്ടി​പ്പ​റ​ഞ്ഞത്‌?

³ ജാതി​ക​ളു​ടെ നിയമി​ത​കാ​ല​ങ്ങ​ളെ​ക്കു​റി​ച്ചു ലൂക്കോസ്‌ സൂചി​പ്പി​ച്ച​തി​നു​ശേഷം ‘വ്യവസ്ഥി​തി​യു​ടെ സമാപ​ന​ത്തി​ന്റെ’ സംയുക്ത ‘അടയാള’ത്തിനു പുറമേ സംഭവ​വി​കാ​സ​ങ്ങ​ളു​ടെ കൂടു​ത​ലായ പരമ്പര മത്തായി​യു​ടെ​യും മർക്കോ​സി​ന്റെ​യും ലൂക്കോ​സി​ന്റെ​യും സമാന്ത​ര​മായ വിവര​ണങ്ങൾ വർണി​ക്കു​ന്നു. (മത്തായി 24:3) (15-ാം പേജിൽ വിവര​ണ​ത്തി​ലെ ഈ ആശയം ഇരട്ട വരകൊണ്ട്‌ അടയാ​ള​പ്പെ​ടു​ത്തി​യി​രി​ക്കു​ന്നു.) മത്തായി പറയുന്നു: “ആ കാലത്തി​ലെ കഷ്ടം കഴിഞ്ഞ ഉടനെ സൂര്യൻ ഇരുണ്ടു​പോ​കും; ചന്ദ്രൻ പ്രകാശം കൊടു​ക്കാ​തി​രി​ക്കും; നക്ഷത്രങ്ങൾ ആകാശ​ത്തു​നി​ന്നു വീഴും; ആകാശ​ത്തി​ലെ ശക്തികൾ ഇളകി​പ്പോ​കും. അപ്പോൾ മനുഷ്യ​പു​ത്രന്റെ അടയാളം ആകാശത്തു വിളങ്ങും; അന്നു ഭൂമി​യി​ലെ സകല ഗോ​ത്ര​ങ്ങ​ളും പ്രലാ​പി​ച്ചും​കൊ​ണ്ടു, മനുഷ്യ​പു​ത്രൻ ആകാശ​ത്തി​ലെ മേഘങ്ങ​ളിൻമേൽ മഹാശ​ക്തി​യോ​ടും തേജ​സ്സോ​ടും കൂടെ വരുന്നതു കാണും. അവൻ തന്റെ ദൂതൻമാ​രെ മഹാ കാഹള​ധ്വ​നി​യോ​ടും​കൂ​ടെ അയക്കും; അവർ അവന്റെ വൃതൻമാ​രെ ആകാശ​ത്തി​ന്റെ അറുതി​മു​തൽ അറുതി​വ​രെ​യും നാലു ദിക്കിൽനി​ന്നും കൂട്ടി​ച്ചേർക്കും.” (തടിച്ച അക്ഷരത്തി​ലുള്ള ചെരി​ച്ചെ​ഴു​ത്തു ഞങ്ങളു​ടേത്‌.)—മത്തായി 24:29-31.

കഷ്ടവും സ്വർഗീയ പ്രതി​ഭാ​സ​ങ്ങ​ളും

4. യേശു സൂചി​പ്പിച്ച സ്വർഗീയ പ്രതി​ഭാ​സ​ങ്ങ​ളെ​ക്കു​റിച്ച്‌ എന്തു ചോദ്യ​ങ്ങൾ ഉയർന്നു​വ​രു​ന്നു?

⁴ അവ എപ്പോൾ നിറ​വേ​റു​മാ​യി​രു​ന്നു? മൂന്നു സുവി​ശേഷ വിവര​ണ​ങ്ങ​ളും സ്വർഗീയ പ്രതി​ഭാ​സ​ങ്ങ​ളെന്നു വിളി​ക്കാ​വുന്ന സൂര്യ​നും ചന്ദ്രനും ഇരുണ്ടു പോകു​ന്ന​തി​നെ​യും നക്ഷത്രങ്ങൾ വീഴു​ന്ന​തി​നെ​യും കുറിച്ചു സൂചി​പ്പി​ക്കു​ന്നു. ഇതു “കഷ്ട”ത്തിനു ശേഷമാ​യി​രി​ക്കും എന്നു യേശു പറഞ്ഞു. പൊ.യു. 70-ൽ പാരമ്യ​ത്തി​ലെ​ത്തിയ കഷ്ടമാ​യി​രു​ന്നോ യേശു​വി​ന്റെ മനസ്സിൽ ഉണ്ടായി​രു​ന്നത്‌, അതോ നമ്മുടെ ആധുനിക നാളിൽ ഇനിയും സംഭവി​ക്കാ​നി​രി​ക്കുന്ന മഹോ​പ​ദ്ര​വ​ത്തെ​ക്കു​റി​ച്ചാ​ണോ യേശു സംസാ​രി​ച്ചത്‌?—മത്തായി 24:29; മർക്കൊസ്‌ 13:24.

5. ആധുനിക നാളു​ക​ളി​ലെ ഉപദ്ര​വ​ത്തെ​ക്കു​റിച്ച്‌ ഒരു കാലഘ​ട്ട​ത്തിൽ എന്തു വീക്ഷണ​മാ​ണു പുലർത്തി​യി​രു​ന്നത്‌?

⁵ ജാതി​ക​ളു​ടെ നിയമിത കാലങ്ങൾ 1914-ൽ അവസാ​നി​ച്ച​തു​മു​തൽ ദൈവ​ത്തി​ന്റെ ജനം ആ “മഹാക​ഷ്ട​ത്തിൽ” അതീവ തത്‌പ​ര​രാ​യി​രു​ന്നി​ട്ടുണ്ട്‌. (വെളി​പ്പാ​ടു 7:14) ആധുനി​ക​കാ​ലത്തെ മഹോ​പ​ദ്ര​വ​ത്തിന്‌ ഒന്നാം ലോക​മ​ഹാ​യു​ദ്ധ​ത്തി​ന്റെ സമയത്ത്‌ സമുചി​ത​മായ തുടക്ക​മു​ണ്ടാ​കും, അതിനു​ശേഷം വിഘ്‌ന​മു​ണ്ടാ​ക്കുന്ന ഇടവേ​ള​യും, അവസാ​ന​ഭാ​ഗ​മാ​യി “സർവ്വശ​ക്ത​നായ ദൈവ​ത്തി​ന്റെ മഹാദി​വ​സ​ത്തി​ലെ യുദ്ധ”വും സംഭവി​ക്കു​മെന്ന്‌ അവർ വിചാ​രി​ച്ചു. അത്‌ അപ്രകാ​ര​മാ​യി​രു​ന്നെ​ങ്കിൽ “വ്യവസ്ഥി​തി​യു​ടെ സമാപന”ത്തിനു തൊട്ടു​മു​മ്പുള്ള ദശകങ്ങ​ളിൽ എന്തു സംഭവി​ക്കു​മാ​യി​രു​ന്നു?—വെളി​പ്പാ​ടു 16:14; മത്തായി 13:39; 24:3, NW; 28:20.

6. സ്വർഗീയ പ്രതി​ഭാ​സ​ങ്ങ​ളെ​ക്കു​റി​ച്ചുള്ള യേശു​വി​ന്റെ പ്രവച​ന​ത്തി​ന്റെ നിവൃത്തി എന്താ​ണെ​ന്നാ​ണു വിചാ​രി​ച്ചി​രു​ന്നത്‌?

⁶ കൊള്ളാം, ഈ ഇടവേ​ള​യിൽ ദൈവ​ത്തി​ന്റെ കൂട്ടി​വ​രു​ത്ത​പ്പെട്ട ജനങ്ങളാൽ നടത്ത​പ്പെ​ടുന്ന പ്രസം​ഗ​വേല ഉൾപ്പെടെ സംയുക്ത അടയാളം നിവൃ​ത്തി​യേ​റു​ന്നതു കാണു​മെന്നു വിചാ​രി​ച്ചു. മുൻകൂ​ട്ടി​പ്പ​റ​യ​പ്പെട്ട സ്വർഗീയ പ്രതി​ഭാ​സ​ങ്ങ​ളും 1914-18-ന്റെ പ്രാരം​ഭ​ഘ​ട്ട​ത്തി​നു​ശേ​ഷ​മുള്ള ഇടവേ​ള​യിൽ പ്രതീ​ക്ഷി​ക്കാ​വു​ന്ന​താ​ണെന്നു വിചാ​രി​ച്ചി​രു​ന്നു. (മത്തായി 24:29; മർക്കൊസ്‌ 13:24, 25; ലൂക്കൊസ്‌ 21:25) ആകാശ​ങ്ങ​ളിൽ നടക്കുന്ന അക്ഷരീയ സംഗതി​ക​ളിൽ ശ്രദ്ധ കേന്ദ്രീ​ക​രി​ക്ക​പ്പെട്ടു—ശൂന്യാ​കാശ ഗവേഷണം, റോക്ക​റ​റു​കൾ, കോസ്‌മിക്ക്‌ അല്ലെങ്കിൽ ഗാമ രശ്‌മി​കൾ, ചന്ദ്രനിൽ കാലു​കു​ത്തൽ അഥവാ താവള​മു​ണ്ടാ​ക്കൽ എന്നീ സംഗതി​ക​ളിൽത്തന്നെ.

7. മഹോ​പ​ദ്ര​വ​ത്തെ​ക്കു​റി​ച്ചുള്ള ഏതു മാററം​വന്ന ഗ്രാഹ്യ​മാ​ണു പ്രദാനം ചെയ്യ​പ്പെ​ട്ടി​രി​ക്കു​ന്നത്‌?

⁷ എന്നിരു​ന്നാ​ലും, 1970 ജനുവരി 15-ലെ ദ വാച്ച്‌ടവർ യേശു​വി​ന്റെ പ്രവചനം, വിശേ​ഷി​ച്ചും മഹോ​പ​ദ്ര​വ​ത്തി​ന്റെ വരവ്‌, പുനഃ​പ​രി​ശോ​ധി​ച്ചു. ഒന്നാം നൂററാ​ണ്ടിൽ സംഭവി​ച്ച​തി​ന്റെ വീക്ഷണ​ത്തിൽ ആധുനിക കഷ്ടത്തിന്‌ 1914-18-ലെ കാലഘ​ട്ട​ത്തിൽ ഒരു തുടക്ക​വും ദശകങ്ങൾ നീണ്ടു​നിൽക്കുന്ന ഇടവേ​ള​യും പിന്നീട്‌ ഒരു പുനരാ​രം​ഭ​വും ഉണ്ടാകാ​നി​ട​യില്ല എന്ന്‌ അതു പ്രകടമാക്കി. ആ മാസിക ഇങ്ങനെ ഉപസം​ഹ​രി​ച്ചു: “ഇനിമേൽ സംഭവി​ക്കു​ക​യി​ല്ലാത്ത ‘മഹോ​പ​ദ്രവം’ മുന്നിൽ കിടക്കു​ന്ന​തേ​യു​ള്ളൂ കാരണം (ക്രൈ​സ്‌ത​വ​ലോ​കം ഉൾപ്പെടെ) ലോക മതസാ​മ്രാ​ജ്യ​ത്തി​ന്റെ നാശ​ത്തെ​തു​ടർന്നുള്ള അർമ​ഗെ​ദോ​നി​ലെ ‘സർവശ​ക്ത​നായ ദൈവ​ത്തി​ന്റെ മഹാദി​വ​സ​ത്തി​ലെ യുദ്ധ’ത്തെയാണ്‌ അത്‌ അർഥമാ​ക്കു​ന്നത്‌.”

8. ആധുനി​ക​കാല ഉപദ്ര​വ​ത്തെ​ക്കു​റി​ച്ചുള്ള വീക്ഷണ​ത്തി​നു മാററം​വ​ന്നി​രി​ക്കെ മത്തായി 24:29 എങ്ങനെ വിശദീ​ക​രി​ക്ക​പ്പെട്ടു?

⁸ എന്നാൽ സ്വർഗീയ പ്രതി​ഭാ​സം ഉണ്ടാകു​ന്നതു “കഷ്ടം കഴിഞ്ഞ ഉടനെ” ആയിരി​ക്കു​മെന്നു മത്തായി 24:29 പറയുന്നു. (ചെരി​ച്ചെ​ഴുത്ത്‌ ഞങ്ങളു​ടേത്‌.) അതെങ്ങ​നെ​യാ​യി​രി​ക്കും? ഇവിടെ, പൊ.യു. 70-ൽ പാരമ്യ​ത്തി​ലെ​ത്തിയ “കഷ്ട”ത്തെയാണ്‌ അർഥമാ​ക്കി​യ​തെന്ന്‌ 1975 മേയ്‌ 1-ലെ ദ വാച്ച്‌ടവർ അഭി​പ്രാ​യ​പ്പെട്ടു. എന്നാൽ നമ്മുടെ കാലത്തെ സ്വർഗീയ പ്രതി​ഭാ​സം പൊ.യു. 70-ലെ ഒരു സംഭവ​ത്തി​നു ശേഷം “ഉടനെ”യായി​രു​ന്നു സംഭവി​ച്ച​തെന്ന്‌ ഏതർഥ​ത്തിൽ പറയാൻ കഴിയും? ഇടയി​ലുള്ള നൂററാ​ണ്ടു​കൾ ദൈവ​ദൃ​ഷ്ടി​യിൽ ചുരു​ങ്ങി​യ​താ​യി​രി​ക്കു​മെന്നു ന്യായ​വാ​ദം ചെയ്യ​പ്പെട്ടു. (റോമർ 16:20; 2 പത്രൊസ്‌ 3:8) എന്നിരു​ന്നാ​ലും, ഈ പ്രവച​ന​ത്തി​ന്റെ, വിശേ​ഷി​ച്ചും മത്തായി 24:29-31-ന്റെ ഒരു ഗഹനമായ പരി​ശോ​ധന തീർത്തും വ്യത്യ​സ്‌ത​മായ ഒരു വിശദീ​ക​ര​ണ​ത്തി​ലേക്കു വിരൽ ചൂണ്ടുന്നു. “പൂർണ​ത​യുള്ള നാൾ വരുന്ന​തു​വരെ” പ്രകാശം ശോഭി​ച്ചു വരുന്നത്‌ എങ്ങനെ​യെന്ന്‌ ഇത്‌ ചിത്രീ​ക​രി​ക്കു​ന്നു. (സദൃശ​വാ​ക്യ​ങ്ങൾ 4:18, അമേരി​ക്കൻ പ്രമാണ ഭാഷാ​ന്തരം)b പുതിയ അഥവാ മാററം​വ​രു​ത്തിയ ഒരു വിശദീ​ക​രണം ഉചിത​മാ​യി​രി​ക്കു​ന്നത്‌ എന്തു​കൊ​ണ്ടെന്നു നമുക്കു പരിചി​ന്തി​ക്കാം.

9. ആകാശ​ങ്ങ​ളിൽ നടക്കുന്ന സംഭവ​വി​കാ​സ​ങ്ങ​ളെ​ക്കു​റി​ച്ചുള്ള യേശു​വി​ന്റെ വചനങ്ങൾക്ക്‌ എബ്രായ തിരു​വെ​ഴു​ത്തു​കൾ പശ്ചാത്ത​ല​മൊ​രു​ക്കു​ന്ന​തെ​ങ്ങനെ?

⁹ ‘സൂര്യൻ ഇരുണ്ടു​പോ​കു​ന്ന​തി​നെ​ക്കു​റി​ച്ചും ചന്ദ്രൻ വെളിച്ചം തരാതി​രി​ക്കു​ന്ന​തി​നെ​ക്കു​റി​ച്ചും നക്ഷത്രങ്ങൾ വീഴു​ന്ന​തി​നെ​ക്കു​റി​ച്ചും’ ഉള്ള പ്രവചനം യേശു തന്റെ നാല്‌ അപ്പോ​സ്‌ത​ലൻമാർക്കു നൽകി. യഹൂദൻമാർ എന്നനി​ല​യിൽ അവർ അത്തരം ഭാഷ എബ്രായ തിരു​വെ​ഴു​ത്തു​ക​ളിൽനി​ന്നു തിരി​ച്ച​റി​യു​മാ​യി​രു​ന്നു. ദൃഷ്ടാ​ന്ത​ത്തിന്‌, സെഫന്യാ​വു 1:15-ൽ ദൈവ​ത്തി​ന്റെ ന്യായ​വി​ധി​സ​മ​യത്തെ “ആ ദിവസം ക്രോ​ധ​ദി​വസം, കഷ്ടവും സങ്കടവും ഉള്ള ദിവസം, ശൂന്യ​ത​യും നാശവും ഉള്ള ദിവസം, ഇരുട്ടും അന്ധകാ​ര​വും ഉള്ള ദിവസം, മേഘവും മൂടലും ഉള്ള ദിവസം” എന്നു വിളി​ച്ചി​ട്ടുണ്ട്‌. വ്യത്യസ്‌ത എബ്രായ പ്രവാ​ച​കൻമാ​രും സൂര്യൻ ഇരുണ്ടു​പോ​കു​ന്ന​തി​നെ​ക്കു​റി​ച്ചും ചന്ദ്രൻ പ്രകാ​ശി​ക്കാ​തി​രി​ക്കു​ന്ന​തി​നെ​ക്കു​റി​ച്ചും നക്ഷത്രങ്ങൾ വെളിച്ചം തരാതി​രി​ക്കു​ന്ന​തി​നെ​ക്കു​റി​ച്ചും വർണിച്ചു. ബാബി​ലോൻ, ഏദോം, ഈജി​പ്‌ത്‌, ഇസ്രാ​യേ​ലി​ന്റെ വടക്കേ രാജ്യം എന്നിവ​ക്കെ​തി​രെ​യുള്ള ദിവ്യ സന്ദേശ​ങ്ങ​ളിൽ ഇത്തരം ഭാഷ നിങ്ങൾക്കു കാണാ​വു​ന്ന​താണ്‌.—യെശയ്യാ​വു 13:9, 10; 34:4, 5; യിരെ​മ്യാ​വു 4:28; യെഹെ​സ്‌കേൽ 32:2, 6-8; ആമോസ്‌ 5:20; 8:2, 9.

10, 11. (എ) ആകാശ​ങ്ങ​ളി​ലെ സംഗതി​ക​ളെ​ക്കു​റി​ച്ചു യോവേൽ പ്രവചി​ച്ച​തെ​ന്താണ്‌? (ബി) പൊ.യു. 33-ൽ യോ​വേ​ലി​ന്റെ പ്രവച​ന​ത്തി​ന്റെ ഏതു ഭാഗങ്ങൾ നിവൃ​ത്തി​യേറി, ഏതു നിവൃ​ത്തി​യേ​റി​യില്ല?

¹⁰ യേശു പറഞ്ഞതു കേട്ട​പ്പോൾ പത്രോ​സും മററുള്ള മൂന്നു​പേ​രും യോവേൽ 2:28-31-ലും 3:15-ലും നൽകി​യി​രി​ക്കുന്ന പ്രവചനം മിക്കവാ​റും അനുസ്‌മ​രി​ച്ചു​കാ​ണും: “അതിന്റെ ശേഷമോ ഞാൻ സകല ജഡത്തിൻമേ​ലും എന്റെ ആത്മാവി​നെ പകരും; നിങ്ങളു​ടെ പുത്രൻമാ​രും പുത്രി​മാ​രും പ്രവചി​ക്കും; . . . ഞാൻ ആകാശ​ത്തി​ലും ഭൂമി​യി​ലും അത്ഭുത​ങ്ങളെ കാണി​ക്കും; രക്തവും തീയും പുകത്തൂ​ണും​തന്നെ. യഹോ​വ​യു​ടെ വലുതും ഭയങ്കര​വു​മാ​യുള്ള ദിവസം വരും​മു​മ്പെ സൂര്യൻ ഇരുളാ​യും ചന്ദ്രൻ രക്തമാ​യും മാറി​പ്പോ​കും.” “സൂര്യ​നും ചന്ദ്രനും ഇരുണ്ടു​പോ​കും; നക്ഷത്രങ്ങൾ പ്രകാശം നൽകു​ക​യു​മില്ല.”

¹¹ പ്രവൃ​ത്തി​കൾ 2:1-4-ലും 14-21-ലും വിശദീ​ക​രി​ച്ചി​രി​ക്കു​ന്ന​തു​പോ​ലെ പൊ.യു. 33-ലെ പെന്ത​ക്കോ​സ്‌തു​ദി​വസം സ്‌ത്രീ​ക​ളും പുരു​ഷൻമാ​രു​മ​ട​ങ്ങിയ 120 ശിഷ്യ​രു​ടെ​മേൽ ദൈവം പരിശു​ദ്ധാ​ത്മാ​വി​നെ പകർന്നു. ഇതു യോവേൽ മുൻകൂ​ട്ടി​പ്പ​റ​ഞ്ഞ​താ​യി​രു​ന്നു​വെന്ന്‌ അപ്പോ​സ്‌ത​ല​നായ പത്രോസ്‌ വെളി​പ്പെ​ടു​ത്തി. എന്നാൽ ‘സൂര്യൻ ഇരുണ്ടു​പോ​കു​ന്ന​തി​നെ​ക്കു​റി​ച്ചും ചന്ദ്രൻ രക്തമാ​യി​ത്തീ​രു​ന്ന​തി​നെ​ക്കു​റി​ച്ചും നക്ഷത്രങ്ങൾ പ്രകാശം തരാതി​രി​ക്കു​ന്ന​തി​നെ’ക്കുറി​ച്ചു​മുള്ള യോ​വേ​ലി​ന്റെ വാക്കുകൾ സംബന്ധി​ച്ചെന്ത്‌? ഇതു പൊ.യു. 33-ലോ യഹൂദ വ്യവസ്ഥി​തി​യു​ടെ സമാപ​ന​ത്തി​ന്റെ 30-ലധികം വർഷക്കാ​ല​ത്തോ നിവൃ​ത്തി​യേ​റി​യ​താ​യി ഒന്നും സൂചി​പ്പി​ക്കു​ന്നില്ല.

12, 13. യോവേൽ മൂൻകൂ​ട്ടി​പ്പറഞ്ഞ സ്വർഗീയ പ്രതി​ഭാ​സങ്ങൾ നിവൃ​ത്തി​യേ​റി​യ​തെ​ങ്ങനെ?

¹² യോവേൽ പ്രവച​ന​ത്തി​ന്റെ അവസാ​ന​ഭാ​ഗം “യഹോ​വ​യു​ടെ വലുതും ഭയങ്കര​വു​മായ ദിവസ​ത്തി​ന്റെ വരവി”നോടു—യരുശ​ലേ​മി​ന്റെ നാശ​ത്തോ​ടു—കൂടുതൽ അടുത്തു ബന്ധപ്പെ​ട്ടി​രു​ന്നു എന്നതു വ്യക്തമാണ്‌. പൊ.യു. 70-ൽ യരുശ​ലേ​മി​നു വന്നുഭ​വിച്ച കഷ്ടത്തെ​ക്കു​റിച്ച്‌ 1966 നവംബർ 15-ലെ ദ വാച്ച്‌ടവർ ഇങ്ങനെ പറഞ്ഞു: “യരുശ​ലേ​മി​നോ​ടും അവളുടെ സന്തതി​ക​ളോ​ടു​മുള്ള ബന്ധത്തിൽ അതു തീർച്ച​യാ​യും ‘യഹോ​വ​യു​ടെ ഒരു ദിവസ’മായി​രു​ന്നു. ആ ദിവസ​ത്തോ​ടുള്ള ബന്ധത്തിൽ വളരെ​യ​ധി​കം ‘രക്തവും തീയും പുകമ​ഞ്ഞും’ ഉണ്ടായി​രു​ന്നു, കൂടാതെ, സൂര്യൻ പകൽ സമയത്തു നഗരത്തി​ലെ മൂടൽ മാററി​യ​തു​മില്ല, ചന്ദ്രൻ രാത്രി​യിൽ പ്രശാ​ന്ത​മായ വെള്ളി​നി​ലാ​വി​നെയല്ല, ചിന്തപ്പെട്ട രക്തത്തെ​യാണ്‌ അനുസ്‌മ​രി​പ്പി​ച്ചത്‌.”c

¹³ അതേ, നാം ശ്രദ്ധിച്ച മററു പ്രവച​ന​ങ്ങ​ളെ​പ്പോ​ലെ, യോവേൽ മുൻകൂ​ട്ടി​പ്പറഞ്ഞ സ്വർഗീയ പ്രതി​ഭാ​സ​ങ്ങ​ളും യഹോവ വിധി നടപ്പാ​ക്കി​യ​പ്പോൾ നിവൃ​ത്തി​യേ​റേ​ണ്ടി​യി​രു​ന്നു. യഹൂദ വ്യവസ്ഥി​തി​യു​ടെ സമാപ​ന​ത്തി​ന്റെ മുഴു​കാ​ല​ഘ​ട്ട​ത്തി​ലും നീണ്ടു​കി​ട​ക്കാ​തെ, സൂര്യ​ന്റെ​യും ചന്ദ്ര​ന്റെ​യും നക്ഷത്ര​ങ്ങ​ളു​ടെ​യും ഇരുൾച്ച സംഭവി​ച്ചതു യരുശ​ലേ​മി​നെ​തി​രെ വധാധി​കൃത ശക്തികൾ വന്നപ്പോ​ഴാ​യി​രു​ന്നു. യുക്ത്യാ​നു​സൃ​തം, ഈ വ്യവസ്ഥി​തി​യു​ടെ​മേൽ ദൈവ​ത്തി​ന്റെ വിധി​നിർവ​ഹണം സംഭവി​ച്ചു​തു​ട​ങ്ങു​മ്പോൾ യോ​വേ​ലി​ന്റെ ആ പ്രവച​ന​ഭാ​ഗ​ത്തി​ന്റെ ഒരു വലിയ നിവൃത്തി നമുക്കു പ്രതീ​ക്ഷി​ക്കാൻ കഴിയും.

സ്വർഗീയ പ്രതി​ഭാ​സ​ത്തി​നു​മുമ്പ്‌ ഏത്‌ ഉപദ്രവം?

14, 15. മത്തായി 24:29-നെ സംബന്ധി​ച്ചുള്ള നമ്മുടെ ഗ്രാഹ്യ​ത്തിൻമേൽ യോ​വേ​ലി​ന്റെ പ്രവച​ന​ത്തിന്‌ എന്തു ഫലമാ​ണു​ള്ളത്‌?

¹⁴ യോ​വേ​ലി​ന്റെ പ്രവച​ന​ത്തി​ന്റെ നിവൃത്തി മത്തായി 24:29-ലെ വാക്കുകൾ (സമാന​മായ ഭാഷ ഉപയോ​ഗി​ക്കുന്ന മററു പ്രവച​ന​ങ്ങ​ളോ​ടുള്ള ചേർച്ച​യിൽ) ഗ്രഹി​ക്കാൻ നമ്മെ സഹായി​ക്കു​ന്നു. വ്യക്തമാ​യും, ‘സൂര്യൻ ഇരുണ്ടു​പോ​കു​ന്ന​തി​നെ​ക്കു​റി​ച്ചും ചന്ദ്രൻ വെളിച്ചം തരാതി​രി​ക്കു​ന്ന​തി​നെ​ക്കു​റി​ച്ചും നക്ഷത്രങ്ങൾ വീഴുന്ന’തിനെ​ക്കു​റി​ച്ചും യേശു പറഞ്ഞത്‌ ഈ വ്യവസ്ഥി​തി​യു​ടെ സമാപ​ന​ത്തി​ന്റെ അനേക​ദ​ശ​ക​ങ്ങ​ളിൽ സംഭവി​ക്കുന്ന ശൂന്യാ​കാശ റോക്ക​ററ്‌ വിക്ഷേ​പ​ണ​ങ്ങ​ളെ​യോ ചന്ദ്രനി​ലെ കാലു​കു​ത്ത​ലി​നെ​യോ അതു​പോ​ലെ എന്തി​നെ​യെ​ങ്കി​ലു​മോ പരാമർശി​ക്കു​ന്നില്ല. മറിച്ച്‌, “യഹോ​വ​യു​ടെ വലുതും ഭയങ്കര​വു​മായ ദിവസ”ത്തോട്‌, ഇനി സംഭവി​ക്കാ​നി​രി​ക്കുന്ന വിനാ​ശ​ത്തോട്‌, ബന്ധപ്പെട്ട സംഭവ​ങ്ങ​ളി​ലേ​ക്കാണ്‌ അവിടുന്ന്‌ വിരൽ ചൂണ്ടി​യത്‌.

¹⁵ സ്വർഗീയ പ്രതി​ഭാ​സങ്ങൾ “കഷ്ടം കഴിഞ്ഞ ഉടനെ” സംഭവി​ക്കു​ന്ന​തെ​ങ്ങ​നെ​യെ​ന്നുള്ള നമ്മുടെ അറിവു​മാ​യി ഇതു ബന്ധപ്പെ​ട്ടി​രി​ക്കു​ന്നു. യേശു പൊ.യു. 70-ൽ പരകോ​ടി​യി​ലെ​ത്തിയ കഷ്ടത്തെ പരാമർശി​ക്കു​ക​യ​ല്ലാ​യി​രു​ന്നു. മറിച്ച്‌, തന്റെ വാഗ്‌ദത്ത ‘സാന്നി​ധ്യ​ത്തെ’ പാരമ്യ​ത്തിൽ എത്തിച്ചു​കൊണ്ട്‌, ഭാവി​യിൽ ലോക​വ്യ​വ​സ്ഥി​തി​യു​ടെ​മേൽ വന്നുഭ​വി​ക്കാ​നി​രി​ക്കുന്ന മഹോ​പ​ദ്ര​വ​ത്തി​ന്റെ തുടക്ക​ത്തി​ലേക്കു വിരൽ ചൂണ്ടു​ക​യാ​യി​രു​ന്നു. (മത്തായി 24:3) ആ കഷ്ടം ഇപ്പോ​ഴും നമ്മുടെ ഭാവി​യി​ലാണ്‌.

16. മർക്കൊസ്‌ 13:24 ഏത്‌ ഉപദ്ര​വ​ത്തി​ലേ​ക്കാ​ണു വിരൽചൂ​ണ്ടി​യത്‌, എന്തു​കൊണ്ട്‌?

¹⁶ മർക്കൊസ്‌ 13:24-ലെ [NW] “ആ ഉപദ്ര​വ​ത്തി​നു​ശേഷം ആ നാളു​ക​ളിൽ സൂര്യൻ ഇരുണ്ടു​പോ​ക​യും ചന്ദ്രൻ പ്രകാശം കൊടു​ക്കാ​തി​രി​ക്ക​യും . . . ചെയ്യും” എന്ന വാക്കു​കളെ സംബന്ധി​ച്ചെന്ത്‌? ഇവിടെ “ആ” എന്ന പദം വിദൂ​ര​ഭാ​വി​യി​ലെ എന്തി​നെ​യെ​ങ്കി​ലും കുറി​ക്കു​ന്ന​തി​നുള്ള ഗ്രീക്കി​ലെ നിർദേശക സർവനാ​മ​മായ ഇക്കെയി​നോ​സി​ന്റെ വിവിധ രൂപങ്ങ​ളു​ടെ പരിഭാ​ഷ​യാണ്‌. വളരെ​ക്കാ​ല​ങ്ങൾക്കു മുമ്പു സംഭവി​ച്ച​തോ (മുമ്പു പ്രസ്‌താ​വി​ച്ച​തോ) ആയ എന്തി​നെ​യെ​ങ്കി​ലു​മോ അല്ലെങ്കിൽ വളരെ വിദൂര ഭാവി​യി​ലെ എന്തി​നെ​യെ​ങ്കി​ലു​മോ പ്രതി​പാ​ദി​ക്കു​ന്ന​തിന്‌ ഇക്കെയി​നോസ്‌ എന്ന പദം ഉപയോ​ഗി​ക്കാ​വു​ന്ന​താണ്‌. (മത്തായി 3:1; 7:22; 10:19; 24:38; മർക്കൊസ്‌ 13:11, 17, 32; 14:25; ലൂക്കൊസ്‌ 10:12; 2 തെസ്സ​ലൊ​നീ​ക്യർ 1:10) അതു​കൊണ്ട്‌, റോമാ​ക്കാർ ഇളക്കി​വിട്ട കഷ്ടത്തെയല്ല, മറിച്ച്‌ ഇപ്പോ​ഴത്തെ വ്യവസ്ഥി​തി​യു​ടെ അന്ത്യത്തി​ലുള്ള യഹോ​വ​യു​ടെ ശക്തമായ നടപടി​യെ പരാമർശി​ച്ചു​കൊ​ണ്ടു മർക്കൊസ്‌ 13:24 “ആ ഉപദ്രവ”ത്തിലേക്കു വിരൽ ചൂണ്ടി.

17, 18. മഹോ​പ​ദ്രവം എങ്ങനെ വികാ​സം​പ്രാ​പി​ക്കും എന്നതു സംബന്ധി​ച്ചു വെളി​പ്പാട്‌ എന്തു വെളിച്ചം വീശുന്നു?

¹⁷ വെളി​പ്പാ​ടി​ന്റെ 17 മുതൽ 19 വരെയുള്ള അധ്യാ​യങ്ങൾ മത്തായി 24:29-31-ലെയും മർക്കൊസ്‌ 13:24-27-ലെയും ലൂക്കൊസ്‌ 21:25-28-ലെയും ഈ പുതിയ ഗ്രാഹ്യ​ത്തോ​ടു യോജി​ക്കു​ക​യും അതിനു സാക്ഷ്യം വഹിക്കു​ക​യും ചെയ്യുന്നു. എങ്ങനെ? ഈ ഉപദ്രവം പെട്ടെന്ന്‌ ആരംഭി​ക്കു​ക​യും അവസാ​നി​ക്കു​ക​യും ചെയ്യു​ക​യി​ല്ലെന്നു സുവി​ശേ​ഷങ്ങൾ പ്രകട​മാ​ക്കു​ന്നു. അതു തുടങ്ങി​യ​തി​നു​ശേഷം “മനുഷ്യ​പു​ത്രന്റെ അടയാളം കാണു”ന്നതിനും പ്രതി​ക​രി​ക്കു​ന്ന​തി​നും—പ്രലാ​പി​ക്കു​ന്ന​തി​നും ലൂക്കൊസ്‌ 21:26 പറയു​ന്ന​തു​പോ​ലെ “ഭൂലോ​ക​ത്തി​നു എന്തു ഭവിപ്പാൻ പോകു​ന്നു എന്നു പേടി​ച്ചും നോക്കി​പ്പാർത്തും​കൊ​ണ്ടു മനുഷ്യർ നിർജ്ജീ​വൻമാർ ആകാ”നും—അനുസ​ര​ണം​കെട്ട മനുഷ്യ​വർഗ​ത്തിൽ കുറെ​പ്പേർ അപ്പോ​ഴും ഭൂമി​യിൽ ജീവ​നോ​ടെ​യു​ണ്ടാ​കും. ആകുലീ​ക​രി​ക്കുന്ന ആ ഭയം തങ്ങളുടെ ആസന്നമായ നാശത്തെ കുറി​ക്കുന്ന “അടയാളം” കാണു​ന്ന​തു​കൊ​ണ്ടാ​യി​രി​ക്കും.

¹⁸ സാർവ​ദേ​ശീയ “കാട്ടു​മൃഗ”ത്തിന്റെ സൈന്യ​വ​ത്‌കൃത “കൊമ്പു​കൾ” മഹാബാ​ബി​ലോ​നായ “മഹാ​വേശ്യ”ക്കെതിരെ തിരി​യു​മ്പോൾ ഭാവി​യി​ലെ മഹോ​പ​ദ്രവം ആരംഭി​ക്കു​മെന്നു വെളി​പ്പാ​ടു വിവരണം കാണി​ക്കു​ന്നു.d (വെളി​പ്പാ​ടു 17:1, 10-16) എന്നാൽ അനേക​മാ​ളു​കൾ അവശേ​ഷി​ക്കും, കാരണം രാജാ​ക്കൻമാ​രും വ്യാപാ​രി​ക​ളും കപ്പിത്താൻമാ​രും വ്യാജ​മ​ത​ത്തി​ന്റെ നാശം​കണ്ടു വിലപി​ക്കു​ന്നു. തങ്ങളുടെ ന്യായ​വി​ധി​യാണ്‌ അടുത്ത​തെന്ന്‌ അനേകർ തിരി​ച്ച​റി​യു​മെ​ന്ന​തിൽ സംശയ​മില്ല.—വെളി​പ്പാ​ടു 18:9-19.

എന്താണു സംഭവി​ക്കാൻ പോകു​ന്നത്‌?

19. മഹോ​പ​ദ്രവം തുടങ്ങു​മ്പോൾ നമുക്ക്‌ എന്തു പ്രതീ​ക്ഷി​ക്കാ​വു​ന്ന​താണ്‌?

¹⁹ പെട്ടെ​ന്നു​തന്നെ സംഭവി​ക്കാൻ പോകു​ന്ന​തിൽ ഗണ്യമായ പ്രകാശം ചൊരി​യു​ന്ന​തി​നു മത്തായി​യു​ടെ​യും മർക്കോ​സി​ന്റെ​യും ലൂക്കോ​സി​ന്റെ​യും സുവി​ശേ​ഷ​ഭാ​ഗങ്ങൾ വെളി​പ്പാ​ടി​ന്റെ 17 മുതൽ 19 വരെയുള്ള അധ്യാ​യ​ങ്ങ​ളോ​ടു ചേരുന്നു. ദൈവ​ത്തി​ന്റെ നിയമിത സമയത്തു (മഹാബാ​ബി​ലോ​നായ) വ്യാജ​മ​ത​ലോ​ക​സാ​മ്രാ​ജ്യ​ത്തി​നെ​തി​രെ ഉള്ള ഒരാ​ക്ര​മ​ണ​ത്തോ​ടെ മഹോ​പ​ദ്രവം ആരംഭി​ക്കും. ഇത്‌ അവിശ്വസ്‌ത യരുശ​ലേ​മി​നു സമാന​മായ ക്രൈ​സ്‌ത​വ​ലോ​ക​ത്തി​നെ​തി​രെ വിശേ​ഷി​ച്ചും തീവ്ര​മാ​യി​രി​ക്കും. ഉപദ്ര​വ​ത്തി​ന്റെ ഈ ഘട്ടത്തിനു “ശേഷം ഉടനെ” “സൂര്യ​നി​ലും ചന്ദ്രനി​ലും നക്ഷത്ര​ങ്ങ​ളി​ലും ലക്ഷ്യങ്ങ​ളും ഭൂമി​യി​ലെ ജാതി​കൾക്കു (മുമ്പു​ണ്ടാ​യി​ട്ടി​ല്ലാത്ത) പരിഭ്രമ”വും ഉണ്ടാകും.—മത്തായി 24:29; ലൂക്കൊസ്‌ 21:25.

20. ഭാവി​യിൽ നമുക്കു പ്രതീ​ക്ഷി​ക്കാ​വുന്ന സ്വർഗീയ പ്രതി​ഭാ​സ​ങ്ങ​ളെന്ത്‌?

²⁰ ‘സൂര്യൻ ഇരുണ്ടു​പോ​കു​ന്ന​തും ചന്ദ്രൻ വെളിച്ചം തരാതി​രി​ക്കു​ന്ന​തും നക്ഷത്രങ്ങൾ ആകാശ​ത്തു​നി​ന്നും വീഴു​ന്ന​തും ആകാശ​ത്തി​ലെ ശക്തികൾ ഇളകി​പ്പോ​കു​ന്ന​തും’ ഏതർഥ​ത്തിൽ ആയിരി​ക്കും? നിസ്സം​ശ​യ​മാ​യും മഹോ​പ​ദ്ര​വ​ത്തി​ന്റെ ആദ്യഭാ​ഗത്ത്‌ അനേകം പ്രകാ​ശ​ഗോ​ള​ങ്ങളെ—മതമണ്ഡ​ല​ത്തി​ലെ ഉന്നത പുരോ​ഹി​തരെ—വെളി​പ്പാ​ടു 17:16-ൽ സൂചി​പ്പി​ച്ചി​രി​ക്കുന്ന “പത്തു കൊമ്പു​കൾ” നഗ്നമാ​ക്കു​ക​യും തുടച്ചു​നീ​ക്കു​ക​യും ചെയ്‌തി​രി​ക്കും. രാഷ്‌ട്രീയ ശക്തിക​ളും ഇളക്ക​പ്പെ​ടു​മെ​ന്ന​തിൽ സംശയം വേണ്ട. ഭൗതിക ആകാശ​ങ്ങ​ളി​ലും ഭീതി​പ്പെ​ടു​ത്തുന്ന സംഭവങ്ങൾ ഉണ്ടായി​രി​ക്കു​മോ? അതിനുള്ള നല്ല സാധ്യ​ത​യുണ്ട്‌, മാത്രമല്ല, അത്‌ യഹൂദ വ്യവസ്ഥി​തി​യു​ടെ സമാപ​ന​ത്തോ​ട​ടു​ത്തു സംഭവി​ച്ച​താ​യി ജോസീ​ഫസ്‌ വർണി​ച്ച​തി​നെ​ക്കാൾ പലമടങ്ങു ഭീതി​പ്പെ​ടു​ത്തു​ന്ന​തു​മാ​യി​രി​ക്കും. പുരാതന കാലങ്ങ​ളിൽ ഇത്തരം അത്യാ​പ​ത്തു​കൾക്കി​ട​യാ​ക്കാൻ ദൈവം തന്റെ ശക്തി ഉപയോ​ഗി​ച്ചി​ട്ടു​ണ്ടെന്നു നമുക്ക​റി​യാം, അവിടു​ത്തേക്കു വീണ്ടും അങ്ങനെ ചെയ്യാൻ കഴിയും.—പുറപ്പാ​ടു 10:21-23; യോശുവ 10:12-14; ന്യായാ​ധി​പൻമാർ 5:20; ലൂക്കൊസ്‌ 23:44, 45.

21. ഒരു ഭാവി “അടയാളം” എങ്ങനെ സംഭവി​ക്കും?

²¹ ഈ ഘട്ടത്തിൽ, മൂന്നു സുവി​ശേഷ എഴുത്തു​കാ​രും അടുത്ത സംഭവ​വി​കാ​സം അവതരി​പ്പി​ക്കു​ന്ന​തി​നു ടോട്ടെ (അപ്പോൾ) എന്ന ഗ്രീക്കു പദമാണ്‌ ഉപയോ​ഗി​ക്കു​ന്നത്‌. “അപ്പോൾ മനുഷ്യ​പു​ത്രന്റെ അടയാളം ആകാശത്തു വിളങ്ങും.” (മത്തായി 24:30; മർക്കൊസ്‌ 13:26; ലൂക്കൊസ്‌ 21:27) ഒന്നാം ലോക​മ​ഹാ​യു​ദ്ധ​ത്തി​നു​ശേഷം യേശു​വി​ന്റെ യഥാർഥ ശിഷ്യൻമാർ അവിടു​ത്തെ അദൃശ്യ സാന്നി​ധ്യ​ത്തി​ന്റെ സംയുക്ത അടയാളം തിരി​ച്ച​റി​ഞ്ഞി​രി​ക്കു​ന്നു, എന്നാൽ അനേക​രും അതു തിരി​ച്ച​റി​ഞ്ഞി​ട്ടില്ല. എന്നാൽ മത്തായി 24:30 “മനുഷ്യ​പു​ത്രന്റെ” മറെറാ​രു “അടയാളം” ഭാവി​യിൽ പ്രത്യ​ക്ഷ​പ്പെ​ടു​ന്ന​തി​ലേക്കു വിരൽ ചൂണ്ടുന്നു. അതു ശ്രദ്ധി​ക്കാൻ സകല ജാതി​ക​ളും നിർബ​ന്ധി​ത​രാ​കും. യേശു അദൃശ്യ​ത​യു​ടെ “മേഘങ്ങ​ളിൽ വരു”മ്പോൾ, അവിടു​ത്തെ രാജകീയ ശക്തിയു​ടെ അമാനു​ഷി​ക​മായ പ്രകടനം നിമിത്തം ലോക​വ്യാ​പ​ക​മാ​യുള്ള മത്സരി​ക​ളായ മനുഷ്യർ ആ “വരവു” [ഗ്രീക്ക്‌, എർക്കോ​മെനൻ] തിരി​ച്ച​റി​യേ​ണ്ടി​വ​രും.—വെളി​പ്പാ​ടു 1:7.

22. മത്തായി 24:30-ലെ “അടയാളം” കാണു​ന്ന​തി​ന്റെ പരിണ​ത​ഫലം എന്തായി​രി​ക്കും?

²² അടുത്ത​താ​യി സംഭവി​ക്കു​ന്നത്‌ അറിയി​ക്കാൻ മത്തായി 24:30 ടോട്ടെ വീണ്ടും ഉപയോ​ഗി​ക്കു​ന്നു. തങ്ങളുടെ അവസ്ഥയു​ടെ പരിണ​ത​ഫലം വിവേ​ചി​ച്ച​റി​ഞ്ഞു​കൊ​ണ്ടു ജനതകൾ മാറത്ത​ടി​ക്കു​ക​യും വിലപി​ക്കു​ക​യും ചെയ്യും, ഒരുപക്ഷേ, തങ്ങളുടെ നാശം ആസന്നമാ​ണെന്ന്‌ അവർ തിരി​ച്ച​റി​ഞ്ഞു​കൊ​ണ്ടു​തന്നെ. ദൈവ​ത്തി​ന്റെ ദാസരു​ടെ​കാ​ര്യം എത്രയോ വിഭിന്നം, എന്തെന്നാൽ നമ്മുടെ വിടുതൽ അടുത്തി​രി​ക്കു​ന്നെ​ന്ന​റി​ഞ്ഞു നമുക്കു തലകൾ ഉയർത്താൻ കഴിയും! (ലൂക്കൊസ്‌ 21:28) സ്വർഗ​ത്തി​ലും ഭൂമി​യി​ലും ഉള്ള സത്യാരാധകർ മഹാ​വേ​ശ്യ​യു​ടെ നാശത്തിൽ സന്തോ​ഷി​ക്കു​ന്ന​താ​യി വെളി​പ്പാ​ടു 19:1-6-ഉം പ്രകട​മാ​ക്കു​ന്നു.

23. (എ) തിര​ഞ്ഞെ​ടു​ക്ക​പ്പെ​ട്ട​വർക്കു​വേണ്ടി യേശു എന്തു നടപടി സ്വീക​രി​ക്കും? (ബി) ശേഷി​പ്പി​നെ സ്വർഗ​ത്തി​ലേക്ക്‌ എടുക്കു​ന്ന​തി​നെ​ക്കു​റിച്ച്‌ എന്തു പറയാൻ കഴിയും?

²³ മർക്കൊസ്‌ 13:27-ൽ യേശു​വി​ന്റെ പ്രവചനം തുടർന്നു പറയുന്നു: “അന്നു [ടോട്ടെ] അവൻ തന്റെ ദൂതൻമാ​രെ അയച്ചു, തന്റെ വൃതൻമാ​രെ [തിരഞ്ഞെടുക്കപ്പെട്ടവരെ, NW] ഭൂമി​യു​ടെ അറുതി​മു​തൽ ആകാശ​ത്തി​ന്റെ അറുതി​വ​രെ​യും നാലു ദിക്കിൽനി​ന്നും കൂട്ടി​ച്ചേർക്കും.” ഇവിടെ യേശു ഭൂമി​യിൽ അപ്പോ​ഴും ജീവി​ച്ചി​രി​ക്കുന്ന “തിര​ഞ്ഞെ​ടു​ക്ക​പ്പെട്ട”വരായ 1,44,000-ന്റെ ശേഷി​പ്പിൽ ശ്രദ്ധ കേന്ദ്രീ​ക​രി​ക്കു​ന്നു. വ്യവസ്ഥി​തി​യു​ടെ സമാപ​ന​ത്തി​ന്റെ ആരംഭ​ത്തിൽ യേശു​വി​ന്റെ ഈ അഭിഷിക്ത ശിഷ്യൻമാർ ദിവ്യാ​ധി​പത്യ ഐക്യ​ത്തി​ലേക്കു കൂട്ടി​ച്ചേർക്ക​പ്പെട്ടു. എന്നിരു​ന്നാ​ലും, ഇവിടെ നൽകി​യി​രി​ക്കുന്ന ക്രമം അനുസ​രിച്ച്‌, മർക്കൊസ്‌ 13:27-ഉം മത്തായി 24:31-ഉം വേറെ ചിലതു വർണി​ക്കു​ന്നു. അവശേ​ഷി​ക്കുന്ന “വൃതൻമാ​രെ” [തിരഞ്ഞെടുക്കപ്പെട്ടവരെ, NW] “മഹാ കാഹള ധ്വനി​യോ​ടെ” ഭൂമി​യു​ടെ അററങ്ങ​ളിൽനി​ന്നു ശേഖരി​ക്ക​പ്പെ​ടും. അവർ എങ്ങനെ ശേഖരി​ക്ക​പ്പെ​ടും? നിസ്സ​ന്ദേ​ഹ​മാ​യി, യഹോവ അവരെ അന്തിമ​മാ​യി “മുദ്ര കുത്തു”കയും “വിളി​ക്ക​പ്പെ​ട്ട​വ​രും തിര​ഞ്ഞെ​ടു​ക്ക​പ്പെ​ട്ട​വ​രും വിശ്വ​സ്‌ത​രു​മായ”വരുടെ ഭാഗമാ​യി തിരി​ച്ച​റി​യി​ക്കു​ക​യും ചെയ്യും. രാജാ​ക്കൻമാ​രും പുരോ​ഹി​തൻമാ​രും ആയിരി​ക്കേ​ണ്ട​തി​നു ദൈവ​ത്തി​ന്റെ നിയമി​ത​സ​മ​യത്ത്‌ അവർ സ്വർഗ​ത്തി​ലേക്കു കൂട്ടി​ച്ചേർക്ക​പ്പെ​ടു​ക​യും ചെയ്യും.e ഇത്‌ അവർക്കും അവരുടെ വിശ്വസ്‌ത സഹകാ​രി​ക​ളായ “മഹാപു​രു​ഷാര”ത്തിനും സന്തോഷം കൈവ​രു​ത്തും, കാരണം മഹാപു​രു​ഷാ​രം പറുദീ​സാ ഭൂമി​യി​ലെ നിത്യ​ജീ​വൻ ആസ്വദി​ക്കാൻ “മഹോ​പ​ദ്ര​വ​ത്തിൽനി​ന്നു പുറത്തു” വരുന്ന​തിന്‌ അടയാ​ള​മി​ട​പ്പെ​ടും.—മത്തായി 24:22; വെളി​പ്പാ​ടു 7:3, 4, 9-17; 17:14; 20:6; യെഹെ​സ്‌കേൽ 9:4, 6.

24. വരാൻ പോകുന്ന സംഭവ​വി​കാ​സ​ങ്ങ​ളു​ടെ എന്ത്‌ അനു​ക്ര​മ​ത്തെ​യാ​ണു മത്തായി 24:29-31 വെളി​പ്പെ​ടു​ത്തു​ന്നത്‌?

²⁴ “ഞങ്ങളോ​ടു പറയൂ” എന്ന്‌ അപ്പോ​സ്‌ത​ലൻമാർ ആവശ്യ​പ്പെ​ട്ട​പ്പോൾ യേശു​വി​ന്റെ മറുപ​ടി​യിൽ അവർക്കു ഗ്രഹി​ക്കാ​വു​ന്ന​തിൽ അധികം കാര്യങ്ങൾ അടങ്ങി. എന്നിട്ടും തങ്ങളുടെ ജീവി​ത​കാ​ലത്ത്‌ അവിടു​ത്തെ പ്രവച​ന​ത്തി​ന്റെ മാതൃ​കാ​പ​ര​മായ ഒരു നിവൃത്തി കാണാൻ കഴിഞ്ഞ​തിൽ അവർ സന്തോ​ഷി​ച്ചു. യേശു​വി​ന്റെ മറുപ​ടി​യെ​ക്കു​റി​ച്ചുള്ള നമ്മുടെ പഠനം ആസന്ന ഭാവി​യിൽ നടക്കാൻപോ​കുന്ന കാര്യ​ങ്ങ​ളെ​ക്കു​റി​ച്ചുള്ള അവിടു​ത്തെ പ്രവച​ന​ഭാ​ഗത്തെ കേന്ദ്രീ​ക​രി​ച്ചു​ള്ള​താ​യി​രു​ന്നു. (മത്തായി 24:29-31; മർക്കൊസ്‌ 13:24-27; ലൂക്കൊസ്‌ 21:25-28) നമ്മുടെ വിടുതൽ അടുത്തു​കൊ​ണ്ടി​രി​ക്ക​യാ​ണെന്ന്‌ ഇപ്പോൾത്തന്നെ നമുക്കു കാണാൻ കഴിയു​ന്നുണ്ട്‌. നമുക്കു മഹോ​പ​ദ്ര​വ​ത്തി​ന്റെ തുടക്ക​ത്തി​ലേ​ക്കും അതിനു​ശേഷം മനുഷ്യ​പു​ത്രന്റെ അടയാ​ള​ത്തി​ലേ​ക്കും അതിനു​ശേഷം ദൈവം തിര​ഞ്ഞെ​ടു​ക്ക​പ്പെ​ട്ട​വരെ കൂട്ടി​ച്ചേർക്കു​ന്ന​തി​ലേ​ക്കും നോക്കി​പ്പാർത്തി​രി​ക്കാൻ കഴിയും. ഒടുവിൽ യഹോ​വ​യു​ടെ വധാധി​കൃ​ത​നെ​ന്ന​നി​ല​യിൽ അർമ​ഗെ​ദോ​നിൽ നമ്മുടെ യോദ്ധാ​വാം രാജാ​വായ സിംഹാ​സ​ന​സ്ഥ​നായ യേശു “തന്റെ ജയിച്ച​ടക്കൽ പൂർത്തീ”കരിക്കും. (വെളി​പ്പാ​ടു 6:2) 1914 മുതൽ ഇങ്ങോട്ടു കർത്താ​വായ യേശു​വി​ന്റെ നാളിനെ അടയാ​ള​പ്പെ​ടു​ത്തി​യി​ട്ടുള്ള “വ്യവസ്ഥി​തി​യു​ടെ സമാപന”ത്തിന്റെ മഹത്തായ പരമാ​ന്ത്യം എന്നനി​ല​യി​ലും യഹോ​വ​യു​ടെ ദിവസം വരും. അന്നു യഹോവ പ്രതി​കാ​രം ചെയ്യും.

25. ലൂക്കൊസ്‌ 21:28-ന്റെ ഭാവി നിവൃ​ത്തി​യിൽ നമു​ക്കെ​ങ്ങനെ പങ്കുപ​റ​റാ​വു​ന്ന​താണ്‌?

²⁵ “ഇതു സംഭവി​ച്ചു തുടങ്ങു​മ്പോൾ നിങ്ങളു​ടെ വീണ്ടെ​ടു​പ്പു അടുത്തു​വ​രു​ന്ന​തു​കൊ​ണ്ടു നിവിർന്നു തല പൊക്കു​വിൻ” എന്ന യേശു​വി​ന്റെ വാക്കു​ക​ളു​ടെ ഭാവി​നി​വൃ​ത്തി​യോ​ടു പ്രതി​ക​രി​ക്കേ​ണ്ട​തി​നു ദിവ്യ ബോധ​ന​ത്തിൽനി​ന്നു നിങ്ങൾ പ്രയോ​ജനം അനുഭ​വി​ക്കു​ന്ന​തിൽ തുടരട്ടെ. (ലൂക്കൊസ്‌ 21:28) യഹോവ തന്റെ പരിശുദ്ധ നാമം വിശു​ദ്ധ​മാ​ക്കാൻ നടപടി എടുക്കവേ, തിര​ഞ്ഞെ​ടു​ക്ക​പ്പെ​ട്ട​വർക്കും മഹാപു​രു​ഷാ​ര​ത്തി​നും എന്തൊരു മഹത്തായ ഭാവി​യാ​ണു മുമ്പിൽ സ്ഥിതി​ചെ​യ്യു​ന്നത്‌!

[അടിക്കു​റി​പ്പു​കൾ]

നിങ്ങൾ ഓർക്കു​ന്നു​ണ്ടോ?

◻ യോവേൽ 2:28-31-ന്റെയും 3:15-ന്റെയും ഭാഗങ്ങൾ ഒന്നാം നൂററാ​ണ്ടിൽ നിവൃ​ത്തി​യേ​റി​യ​തെ​ങ്ങനെ?

◻ മത്തായി 24:29 പരാമർശി​ക്കുന്ന ഉപദ്രവം ഏത്‌, നാം അങ്ങനെ നിഗമനം ചെയ്യു​ന്ന​തെ​ന്തു​കൊണ്ട്‌?

◻ ഏതു സ്വർഗീയ പ്രതി​ഭാ​സ​ങ്ങ​ളി​ലേ​ക്കാ​ണു മത്തായി 24:29 വിരൽചൂ​ണ്ടു​ന്നത്‌, ഇതു മഹോ​പ​ദ്ര​വ​ത്തി​നു​ശേഷം ഉടനടി​യാ​യി​രി​ക്കാ​വു​ന്നത്‌ എങ്ങനെ?

◻ ലൂക്കൊസ്‌ 21:26, 28 ഭാവി​യിൽ എങ്ങനെ നിവൃ​ത്തി​യേ​റു​ന്ന​താ​യി​രി​ക്കും?

[16, 17 പേജിലെ ചിത്രം]

ആലയ പ്രദേശം

[കടപ്പാട്‌]

Pictorial Archive (Near Eastern History) Est.