e അനേകരും ലൂക്കോ​സി​ന്റെ വിവര​ണ​ത്തിൽ ലൂക്കൊസ്‌ 21:24-നുശേഷം ഊന്നി​പ്പ​റ​യ​ലിൽ ഒരു മാററം കാണുന്നു. “യേശു വിജാ​തീ​യ​രു​ടെ കാലങ്ങ​ളെ​ക്കു​റി​ച്ചു തുടർന്നു പറയുന്നു. . . . അനേകം പണ്ഡിതൻമാ​രു​ടെ​യും അഭി​പ്രാ​യ​ത്തിൽ ഇവി​ടെ​വച്ചു ശ്രദ്ധ മനുഷ്യ​പു​ത്രന്റെ വരവി​ലേക്കു തിരി​യു​ന്നു” എന്ന്‌ ഡോ. ലീയോൺ മോറിസ്‌ കുറി​ക്കൊ​ള്ളു​ന്നു. പ്രൊ​ഫസർ ആർ. ജിൻസ്‌ എഴുതു​ന്നു: “മനുഷ്യ​പു​ത്രന്റെ വരവ്‌—(മത്താ 24:29-31; മർക്കൊ 13:24-27). ‘വിജാ​തീ​യ​രു​ടെ കാലങ്ങൾ’ എന്ന സൂചന ഈ പ്രതി​പാ​ദ്യ​വി​ഷ​യ​ത്തിന്‌ ഒരു മുഖവുര നൽകുന്നു; [ലൂക്കോ​സി​ന്റെ] വീക്ഷണം ഇപ്പോൾ യരുശ​ലേ​മി​ന്റെ നാശത്തെ മറിക​ടന്നു ഭാവി​യി​ലേക്കു പ്രവേ​ശി​ച്ചി​രി​ക്കു​ന്നു.”

f പ്രൊഫസർ വാൾട്ടർ എൽ. ലീഫെൽഡ്‌ എഴുതു​ന്നു: “യേശു​വി​ന്റെ പ്രവച​ന​ങ്ങ​ളിൽ പിൻവ​രുന്ന രണ്ടു ഘട്ടങ്ങൾ അടങ്ങി​യി​രു​ന്നു​വെന്നു തീർച്ച​യാ​യും ഊഹി​ക്കാ​വു​ന്ന​താണ്‌: (1) ആലയം ഉൾപ്പെട്ട പൊ.യു. 70-ലെ സംഭവ​ങ്ങ​ളും (2) കുറച്ചു​കൂ​ടെ ദാർശ​നിക വാക്കു​ക​ളിൽ വർണി​ച്ചി​രി​ക്കുന്ന വിദൂ​ര​ഭാ​വി​യി​ലെ സംഭവ​ങ്ങ​ളും.” ജെ. ആർ. ഡമലൊ എഴുതിയ വിവരണം പറയുന്നു: “നമ്മുടെ കർത്താവ്‌ ഒരു സംഭവ​ത്തെയല്ല മറിച്ച്‌ രണ്ടു സംഭവ​ങ്ങ​ളെ​യാ​ണു പരാമർശി​ച്ച​തെ​ന്നും ഒന്നാമ​ത്തേത്‌ രണ്ടാമ​ത്തേ​തി​ന്റെ മാതൃ​ക​യാ​യി​രു​ന്നു​വെ​ന്നും തിരി​ച്ച​റി​യു​മ്പോൾ ഈ പ്രഭാ​ഷ​ണ​ത്തി​ലെ ഏററവും വലിയ പ്രയാ​സ​ങ്ങ​ളിൽ അനേക​വും അപ്രത്യ​ക്ഷ​മാ​കു​ന്നു. . . . വിശേ​ഷി​ച്ചും ‘വിജാ​തീ​യ​രു​ടെ കാലങ്ങളെ’ക്കുറിച്ചു പറയുന്ന [ലൂക്കോസ്‌] 21:24 യരുശ​ലേ​മി​ന്റെ പതനത്തി​നും ലോകാ​വ​സാ​ന​ത്തി​നും മധ്യേ ഒരു അനിശ്ചി​ത​മായ ഇടവേ​ളയെ പരാമർശി​ക്കു​ന്നു.”