ട്യൂറിൻ കച്ച—യേശു​വി​ന്റെ ശവസം​സ്‌കാര കച്ചയോ?

ഇറ്റലിയിലെ ഉണരുക! ലേഖകൻ

നസറെ​ത്തി​ലെ യേശു​വി​ന്റെ മൃത​ദേഹം പൊതി​ഞ്ഞ​തെന്നു പറയ​പ്പെ​ടുന്ന കച്ച അഥവാ തുണി, 1998 ഏപ്രിൽ 18 മുതൽ ജൂൺ 14 വരെ ഇറ്റലി​യി​ലെ ട്യൂറി​നി​ലുള്ള സാൻ ജോവാ​നീ ബാറ്റി​സ്റ്റ​യി​ലെ കത്തീ​ഡ്ര​ലിൽ പ്രദർശി​പ്പി​ച്ചി​രു​ന്നു. വായു കടക്കാ​ത്ത​തും വെടി​യുണ്ട ഏൽക്കാ​ത്ത​തു​മായ ചില്ലു കൂട്ടിൽ ഒരു നിഷ്‌ക്രിയ വാതകം നിറച്ച്‌ അതിലാ​യി​രു​ന്നു കച്ച സൂക്ഷി​ച്ചി​രു​ന്നത്‌. അതിലെ അന്തരീ​ക്ഷ​സ്ഥി​തി സ്ഥിരമാ​ക്കി നിർത്തി​യി​രു​ന്നു.

വ്യത്യസ്‌ത ഉയരത്തി​ലുള്ള മൂന്നു പാതക​ളി​ലൂ​ടെ നടന്നു​നീ​ങ്ങവേ, നന്നായി സൂക്ഷി​ച്ചി​രി​ക്കുന്ന ഈ കച്ച സന്ദർശ​കർക്കു വ്യക്തമാ​യി ദർശി​ക്കാ​മാ​യി​രു​ന്നു. മുൻകൂർ ബുക്കു ചെയ്‌തുള്ള ഈ സന്ദർശനം രണ്ടു മിനിറ്റു നേര​ത്തേ​ക്കാ​യി പരിമി​ത​പ്പെ​ടു​ത്തി​യി​രു​ന്നു. സമ്മിശ്ര വികാ​രങ്ങൾ മുറ്റി​നിന്ന അന്തരീക്ഷം—ചിലർ ഹർഷോ​ന്മാ​ദ​ത്തിൽ ആയിരു​ന്നു, ധ്യാന നിമഗ്നർ ആയിരുന്ന ചിലരു​ടെ മിഴികൾ ഈറന​ണി​ഞ്ഞു, മറ്റു ചിലരാ​ണെ​ങ്കിൽ കേവല​മൊ​രു കൗതുക വസ്‌തു ആയിട്ടാണ്‌ അതിനെ വീക്ഷി​ച്ചത്‌. റിപ്പോർട്ടു ചെയ്യ​പ്പെ​ട്ടത്‌ അനുസ​രിച്ച്‌ ഏതാണ്ട്‌ 25 ലക്ഷം പേർ സന്ദർശ​ന​ത്തിന്‌ എത്തി.

“നിങ്ങളെ സംബന്ധി​ച്ചി​ട​ത്തോ​ളം ഈ കച്ചയ്‌ക്ക്‌ എന്തു പ്രാധാ​ന്യ​മാണ്‌ ഉള്ളത്‌?” എന്നതാ​യി​രു​ന്നു മിക്ക​പ്പോ​ഴും ഉയർന്നു കേട്ട ചോദ്യം. മത ചർച്ചകൾ ഇഷ്ടപ്പെ​ടു​ന്ന​വർക്ക്‌, ഈ വിഷയം അടുത്ത്‌ അപഗ്ര​ഥി​ക്കു​ന്ന​തി​നും യേശു​വി​ന്റെ ശവസം​സ്‌കാ​ര​വു​മാ​യി ബന്ധപ്പെട്ട ബൈബിൾ വിവര​ണങ്ങൾ വീണ്ടും വായി​ക്കു​ന്ന​തി​നും ഉള്ള ഒരു അവസരം അതു പ്രദാനം ചെയ്‌തു.—അടുത്ത പേജിലെ ചതുരം കാണുക.

14 അടി 3 ഇഞ്ചു നീളവും 3 അടി 7 ഇഞ്ചു വീതി​യു​മുള്ള ഒരു തുണി​യാണ്‌ ഈ കച്ച. മൃഗീയ മരണത്തിന്‌ ഇരയാ​യെന്ന്‌ അനുമാ​നി​ക്ക​പ്പെ​ടുന്ന ഒരു മനുഷ്യ​ന്റെ ശരീര​ത്തി​ന്റെ മുൻ-പിൻ ഭാഗങ്ങ​ളു​ടെ പ്രതി​രൂ​പങ്ങൾ അതിൽ പതിഞ്ഞി​ട്ടുണ്ട്‌. എന്നാൽ ചോദ്യം ഇതാണ്‌, 19-ലധികം നൂറ്റാ​ണ്ടു​കൾക്കു മുമ്പു യേശു​വി​ന്റെ ശരീരം പൊതി​യാൻ ഉപയോ​ഗിച്ച തുണി തന്നെയാ​ണോ ട്യൂറി​നി​ലെ ഈ കച്ച?

ചരി​ത്ര​പ്ര​സി​ദ്ധ​മായ കണ്ടുപി​ടി​ത്ത​ങ്ങൾ

“ഇത്തരം ഒരു കച്ച ഉണ്ടായി​രു​ന്ന​താ​യി ക്രിസ്‌തീയ യുഗത്തി​ന്റെ ആദ്യ നൂറ്റാ​ണ്ടു​ക​ളിൽ യാതൊ​രു രേഖയു​മില്ല” എന്ന്‌ ന്യൂ കാത്തലിക്‌ എൻ​സൈ​ക്ലോ​പീ​ഡിയ പ്രസ്‌താ​വി​ക്കു​ന്നു. മാനുഷ നിർമി​തി അല്ലെന്നു വിശ്വ​സി​ക്ക​പ്പെ​ട്ടി​രുന്ന ഒരു കച്ച, പൊ.യു. 544-ൽ ആധുനിക തുർക്കി​യു​ടെ ഭാഗമായ ഇഡിസ​യിൽ വെളി​ച്ച​ത്തു​വന്നു. ആ കച്ചയിൽ യേശു​വി​ന്റെ മുഖം ചിത്രീ​ക​രി​ക്ക​പ്പെ​ട്ടി​രി​ക്കു​ന്ന​താ​യി പറയ​പ്പെട്ടു. പൊ.യു. 944-ൽ, ആ തുണി കോൺസ്റ്റാ​ന്റി​നോ​പ്പി​ളിൽ ആയിരു​ന്നു​വെന്നു പറയു​ക​യു​ണ്ടാ​യി. എന്നാൽ, ആ തുണി തന്നെയാ​ണു ട്യൂറി​നി​ലെ കച്ച എന്നതി​നോ​ടു മിക്ക ചരി​ത്ര​കാ​ര​ന്മാർക്കും യോജി​പ്പില്ല.

14-ാം നൂറ്റാ​ണ്ടിൽ ഫ്രാൻസി​ലെ ഷോഫ്രേ ദി ഷാർനേ​യു​ടെ കൈവശം ഒരു കച്ച ഉണ്ടായി​രു​ന്നു. 1453-ൽ അത്‌ സാവോ​യി​യി​ലെ പ്രഭു​വായ ല്വീയു​ടെ കൈവശം ആയിത്തീർന്നു. അദ്ദേഹം അത്‌ സാവോ​യി​യാർഡി​ന്റെ തലസ്ഥാന നഗരി​യായ ഷാൻബ​റി​യി​ലെ ഒരു പള്ളിക്കു കൈമാ​റി. അവി​ടെ​നിന്ന്‌ 1578-ൽ അമാൻവേൽ ഫീലീ​ബെർ അതു ട്യൂറി​നി​ലേക്കു കൊണ്ടു​വന്നു.

വ്യത്യസ്‌ത അഭി​പ്രാ​യ​ങ്ങൾ

1988-ൽ, അന്നത്തെ ആർച്ച്‌ ബിഷപ്പാ​യി​രുന്ന അനസ്റ്റേ​ഷ്യോ ബാലെ​സ്‌​ട്രെ​റോ, ട്യൂറി​നി​ലെ കച്ചയുടെ പ്രായം തിട്ട​പ്പെ​ടു​ത്താ​നാ​യി റേഡി​യോ കാർബൺ കാലനിർണയ രീതിക്കു വിധേ​യ​മാ​ക്കി. സ്വിറ്റ്‌സർലൻഡ്‌, ഇംഗ്ലണ്ട്‌, ഐക്യ​നാ​ടു​കൾ എന്നിവി​ട​ങ്ങ​ളി​ലെ മൂന്നു പ്രസിദ്ധ പരീക്ഷ​ണ​ശാ​ല​ക​ളിൽ വെച്ചു നടത്തിയ പരി​ശോ​ധ​നകൾ, അതു മധ്യകാ​ല​ഘ​ട്ട​ത്തിൽ, അതായത്‌ ക്രിസ്‌തു​വി​ന്റെ മരണ​ശേഷം ദീർഘ കാലം കഴിഞ്ഞു നിർമി​ക്ക​പ്പെ​ട്ട​താ​യി​രി​ക്കും എന്നു വെളി​പ്പെ​ടു​ത്തി. ബാലെ​സ്‌​ട്രെ​റോ അത്‌ അംഗീ​ക​രി​ക്കു​ക​യും ചെയ്‌തു. എന്നാൽ ഒരു ഔദ്യോ​ഗിക പ്രസ്‌താ​വ​ന​യിൽ അദ്ദേഹം പിൻവ​രു​ന്ന​പ്ര​കാ​രം പറഞ്ഞു: “ഇവയുടെ മൂല്യ​നിർണയം ശാസ്‌ത്രത്തെ ഭരമേൽപ്പി​ക്കു​ക​വഴി, സഭ ക്രിസ്‌തു​വി​ന്റെ ഈ പൂജ്യ​ബിം​ബ​ത്തോ​ടുള്ള ഭക്ത്യാ​ദ​രവ്‌ അരക്കി​ട്ടു​റ​പ്പി​ക്കു​ന്നു. വിശ്വ​സ്‌തരെ സംബന്ധി​ച്ചി​ട​ത്തോ​ളം അതി​പ്പോ​ഴും ഒരു ആരാധനാ വസ്‌തു​വാ​യി നില​കൊ​ള്ളു​ന്നു.”

ഇപ്പോ​ഴ​ത്തെ ആർച്ച്‌ ബിഷപ്പായ ജോവാ​നീ സാൽഡ​രേനീ പ്രഖ്യാ​പി​ച്ചു: “ക്രൂശിൽനി​ന്നു തഴെയി​റ​ക്കിയ ക്രിസ്‌തു​വി​ന്റെ പ്രതി​രൂ​പ​മാണ്‌ ഇതിലു​ള്ളത്‌ എന്നു നമുക്കു പറയാ​നാ​കില്ല.” എന്നാൽ, അതേസ​മയം അദ്ദേഹം ഇങ്ങനെ തറപ്പിച്ചു പറഞ്ഞു: “സുവി​ശേ​ഷകർ വർണിച്ച വ്യക്തി​യു​ടെ പ്രതി​ച്ഛായ ഒരു വിശ്വാ​സിക്ക്‌ ആ പ്രതി​രൂ​പ​ത്തിൽ കാണാ​നാ​കും എന്നതിൽ യാതൊ​രു സംശയ​വു​മില്ല.” 1998 മേയ്‌ 24-നു കച്ചയുടെ പ്രദർശനം നടക്കവേ, ജോൺ പോൾ രണ്ടാമൻ പാപ്പാ അതിനെ “ക്രൂശി​തന്റെ പീഡിത ദേഹത്തി​ന്റെ പ്രതി​രൂ​പം” എന്നു വിളിച്ചു.

ട്യൂറി​നി​ലെ കച്ച യേശു​വി​ന്റെ ശവസം​സ്‌കാര കച്ചയാണ്‌ എന്നതിനെ തെളി​വു​കൾ നിരാ​ക​രി​ക്കു​ന്നതു മനസ്സി​ലാ​ക്കാ​വു​ന്ന​തേ​യു​ള്ളൂ. എന്നാൽ അതു യഥാർഥ​ത്തിൽ യേശു​വി​ന്റെ ശവസം​സ്‌കാര കച്ച ആണെങ്കിൽ തന്നെയും ബൈബി​ളി​ന്റെ പഠിപ്പി​ക്ക​ലു​കൾ അനുസ​രി​ക്കാൻ ആഗ്രഹി​ക്കുന്ന ഒരുവനെ സംബന്ധി​ച്ചി​ട​ത്തോ​ളം അതിനെ പൂജി​ക്കു​ന്നത്‌ ഉചിത​മാ​യി​രി​ക്കു​മോ?

ബൈബി​ളി​ന്റെ ഒരു റോമൻ കത്തോ​ലി​ക്കാ പരിഭാ​ഷ​യിൽ പത്തു കൽപ്പന​ക​ളിൽ രണ്ടാമത്തെ കൽപ്പന ഇങ്ങനെ പറയുന്നു: “മുകളിൽ ആകാശ​ത്തി​ലോ താഴെ ഭൂമി​യി​ലോ ഭൂമി​ക്ക​ടി​യി​ലോ ജലത്തി​ലോ ഉള്ള ഒന്നി​ന്റെ​യും പ്രതി​മ​യോ സ്വരൂ​പ​മോ നീ നിർമ്മി​ക്ക​രുത്‌; അവയ്‌ക്കു മുമ്പിൽ പ്രണമി​ക്കു​ക​യോ അവയെ ആരാധി​ക്കു​ക​യോ ചെയ്യരുത്‌.” (പുറപ്പാട്‌ 20:4, 5, പി.ഒ.സി ബൈബിൾ) സത്യ ക്രിസ്‌ത്യാ​നി​കൾ വാസ്‌ത​വ​ത്തിൽ അപ്പൊ​സ്‌ത​ല​നായ പൗലൊ​സി​ന്റെ പിൻവ​രുന്ന വാക്കുകൾ ചെവി​ക്കൊ​ള്ളു​ന്നു: “കാഴ്‌ച​യാൽ അല്ല വിശ്വാ​സ​ത്താ​ല​ത്രേ ഞങ്ങൾ നടക്കു​ന്നത്‌.”—2 കൊരി​ന്ത്യർ 5:7; 1 യോഹ​ന്നാൻ 5:21.

[24-ാം പേജിലെ ചതുരം]

കച്ചയും സുവി​ശേഷ വിവര​ണ​ങ്ങ​ളും

അരിമ​ഥ്യ​ക്കാ​ര​നായ യോ​സേഫ്‌ യേശു​വി​ന്റെ മൃതശ​രീ​രം സ്‌തം​ഭ​ത്തിൽനിന്ന്‌ ഇറക്കി “നിർമ്മ​ല​ശീ​ല​യിൽ” പൊതി​ഞ്ഞെന്നു സുവി​ശേഷ എഴുത്തു​കാർ പ്രസ്‌താ​വി​ക്കു​ന്നു. (മത്തായി 27:57-61; മർക്കൊസ്‌ 15:42-47; ലൂക്കൊസ്‌ 23:50-56) അപ്പൊ​സ്‌ത​ല​നായ യോഹ​ന്നാൻ കൂട്ടി​ച്ചേർക്കു​ന്നു: “നിക്കൊ​ദേ​മൊ​സും ഏകദേശം നൂറു​റാ​ത്തൽ മൂറും അകിലും കൊണ്ടുള്ള ഒരു കൂട്ടു കൊണ്ടു​വന്നു. അവർ യേശു​വി​ന്റെ ശരീരം എടുത്തു യെഹൂ​ദൻമാർ ശവം അടക്കുന്ന മര്യാ​ദ​പ്ര​കാ​രം അതിനെ സുഗന്ധ​വർഗ്ഗ​ത്തോ​ടു​കൂ​ടെ ശീല പൊതി​ഞ്ഞു കെട്ടി.”—യോഹ​ന്നാൻ 19:39-42.

യഹൂദ​ന്മാർ തങ്ങളുടെ ആചാര​പ്ര​കാ​രം മൃത​ദേ​ഹത്തെ കുളി​പ്പി​ക്കു​ക​യും തൈല​വും സുഗന്ധ​വർഗ​ങ്ങ​ളും പുരട്ടു​ക​യും ചെയ്‌തി​രു​ന്നു. (മത്തായി 26:12; പ്രവൃ​ത്തി​കൾ 9:37) ശബത്തിന്റെ പിറ്റേ ദിവസം രാവിലെ, കല്ലറയിൽ വെച്ചി​രുന്ന യേശു​വി​ന്റെ ശരീര​ത്തി​ന്റെ അവസാന ഒരുക്കങ്ങൾ നടത്താ​നാ​യി അവന്റെ സുഹൃ​ത്തു​ക്ക​ളാ​യി​രുന്ന ചില സ്‌ത്രീ​കൾ അവിടെ എത്തി. എന്നാൽ “അവനെ പൂശേ​ണ്ട​തി​ന്നു സുഗന്ധ​വർഗ്ഗ”വുമായി അവർ അവിടെ എത്തിയ​പ്പോൾ യേശു​വി​ന്റെ ശരീരം കല്ലറയിൽ ഉണ്ടായി​രു​ന്നില്ല!—മർക്കൊസ്‌ 16:1-6; ലൂക്കൊസ്‌ 24:1-3.

അവരുടെ പിന്നാലെ വന്ന പത്രൊസ്‌ കല്ലറയിൽ പ്രവേ​ശി​ച്ച​പ്പോൾ എന്താണു കണ്ടത്‌? ദൃക്‌സാ​ക്ഷി​യായ യോഹ​ന്നാൻ റിപ്പോർട്ടു ചെയ്യുന്നു: “ശീലകൾ കിടക്കു​ന്ന​തും അവന്റെ തലയിൽ ചുററി​യി​രുന്ന റൂമാൽ ശീലക​ളോ​ടു​കൂ​ടെ കിടക്കാ​തെ വേറിട്ടു ഒരിടത്തു ചുരുട്ടി വെച്ചി​രി​ക്കു​ന്ന​തും കണ്ടു.” (യോഹ​ന്നാൻ 20:6, 7) നിർമ​ല​ശീ​ലയെ കുറിച്ച്‌ ഇവിടെ യാതൊ​രു പരാമർശ​വും ഇല്ല എന്നതു ശ്രദ്ധി​ക്കുക—ശീലകളെ കുറി​ച്ചും തലയിൽ ചുറ്റി​യി​രുന്ന തുണിയെ കുറി​ച്ചും മാത്രമേ പരാമർശി​ക്കു​ന്നു​ള്ളു. ശീലക​ളെ​യും റൂമാ​ലി​നെ​യും കുറിച്ച്‌ യോഹ​ന്നാൻ എഴുതു​ന്ന​തു​കൊണ്ട്‌, നിർമ​ല​ശീല അഥവാ കച്ച അവിടെ ഉണ്ടായി​രു​ന്നെ​ങ്കിൽ അവൻ അതും പരാമർശി​ക്കു​മാ​യി​രു​ന്നു എന്നതു ന്യായ​യു​ക്ത​മാ​യി തോന്നു​ന്നി​ല്ലേ?

കൂടാതെ ഇതും പരിചി​ന്തി​ക്കുക: യേശു​വി​ന്റെ ശവസം​സ്‌കാര കച്ചയിൽ അവന്റെ പ്രതി​രൂ​പം പതിഞ്ഞി​രു​ന്നെ​ങ്കിൽ, അതു മറ്റുള്ള​വ​രു​ടെ ദൃഷ്ടി​യിൽ പെടു​ക​യും ഒരു ചർച്ചാ വിഷയം ആകുക​യും ചെയ്യു​മാ​യി​രു​ന്നു എന്നു തോന്നു​ന്നി​ല്ലേ? എന്നാൽ, സുവി​ശേ​ഷ​ങ്ങ​ളിൽ അല്ലാതെ ബൈബി​ളിൽ മറ്റൊ​രി​ട​ത്തും യേശു​വി​ന്റെ ശവസം​സ്‌കാര കച്ചയെ കുറിച്ച്‌ പറയു​ന്നില്ല.

മൂന്നും നാലും നൂറ്റാ​ണ്ടു​ക​ളി​ലെ, ക്രിസ്‌ത്യാ​നി​കൾ എന്ന്‌ അവകാ​ശ​പ്പെട്ട എഴുത്തു​കാർ പോലും യേശു​വി​ന്റെ പ്രതി​രൂ​പം പതിഞ്ഞ ഒരു തുണി നിലവി​ലു​ള്ള​താ​യി സൂചി​പ്പി​ച്ചി​ട്ടില്ല. എന്നാൽ മറ്റു നിരവധി സ്‌മാ​ര​കാ​വ​ശി​ഷ്ട​ങ്ങ​ളു​മാ​യി ബന്ധപ്പെട്ടു സംഭവിച്ച, അത്ഭുതങ്ങൾ എന്നു പറയ​പ്പെ​ടുന്ന ധാരാളം സംഭവ​ങ്ങളെ കുറിച്ച്‌ അവർ വളരെ​യ​ധി​കം എഴുതി​യി​ട്ടു​മുണ്ട്‌. അതു​കൊണ്ട്‌, ഇത്‌ ഉൾക്കൊ​ള്ളുക ബുദ്ധി​മു​ട്ടാണ്‌, കാരണം ജെസ്യൂട്ട്‌ പണ്ഡിത​നായ ഹെർബെർട്ട്‌ തുർസ്റ്റൺ പറയു​ന്നത്‌ അനുസ​രിച്ച്‌, 15-ഉം 16-ഉം നൂറ്റാ​ണ്ടു​ക​ളി​ലെ നിരീ​ക്ഷകർ “കച്ചയിലെ പ്രതി​രൂ​പ​ങ്ങളെ സമസ്‌ത വിശദാം​ശ​ങ്ങ​ളോ​ടും വർണങ്ങ​ളോ​ടും കൂടെ വിശദീ​ക​രി​ക്കു​ന്നുണ്ട്‌. അതു സൂചി​പ്പി​ക്കു​ന്നത്‌ ആ പ്രതി​രൂ​പങ്ങൾ ഉണ്ടാക്ക​പ്പെ​ട്ടിട്ട്‌ അധികം നാൾ ആയിരി​ക്കാൻ ഇടയില്ല എന്നാണ്‌.”

[23-ാം പേജിലെ ചിത്ര​ത്തിന്‌ കടപ്പാട്‌]

David Lees/©Corbis