യേശു​വി​ന്റെ ജീവി​ത​വും ശുശ്രൂ​ഷ​യും

ശബ്ബത്തിൽ സൽപ്ര​വൃ​ത്തി​കൾ ചെയ്യുന്നു

ഇത്‌ പൊതു​യു​ഗം 31-ലെ വസന്തകാ​ലം. യേശു യഹൂദ​യിൽനിന്ന്‌ ഗലീല​യി​ലേക്ക്‌ പോകവെ ശമര്യ​യി​ലെ കിണറ​റി​ങ്കൽ വച്ച്‌ സ്‌ത്രീ​യോട്‌ സംസാ​രി​ച്ച​ശേഷം ചില മാസങ്ങൾ പിന്നി​ട്ടി​രി​ക്കു​ന്നു.

ഗലീല​യി​ലെ​മ്പാ​ടും ഉപദേ​ശി​ച്ച​ശേഷം യേശു വീണ്ടും യഹൂദ്യ​യി​ലേക്ക്‌ പോകു​ന്നു. അവൻ അവി​ടെ​യുള്ള സിന്ന​ഗോ​ഗു​ക​ളിൽ പ്രസം​ഗി​ക്കു​ന്നു. അവന്റെ ഗലീല​യി​ലെ ശുശ്രൂ​ഷ​യു​മാ​യി താരത​മ്യ​പ്പെ​ടു​ത്തു​മ്പോൾ യഹൂദ്യ​യി​ലെ അവന്റെ പ്രവർത്ത​ന​ത്തെ​ക്കു​റിച്ച്‌ ബൈബിൾ അല്‌പമേ പറയു​ന്നു​ള്ളു. പ്രസ്‌പ​ഷ്ട​മാ​യി, യഹൂദ്യ​യി​ലെ അവന്റെ ശുശ്രൂ​ഷ​യ്‌ക്ക്‌ ഗലീല​യിൽ ലഭിച്ച​തു​പോ​ലെ അനുകൂ​ല​മായ ഒരു പ്രതി​ക​രണം ലഭിച്ചില്ല.

താമസി​യാ​തെ യേശു പൊ. യു. 31-ലെ പെസഹാ​യ്‌ക്കു​വേണ്ടി യഹൂദ്യ​യു​ടെ പ്രമുഖ നഗരമായ യെരൂ​ശ​ലേ​മി​ലേക്ക്‌ പോകു​ന്നു. ഇവിടെ, നഗരത്തി​ന്റെ ആട്ടുവാ​തിൽക്കൽ, ബേഥ്‌സെദാ എന്ന കുളം ഉണ്ട്‌. അവിടെ അനേകം വ്യാധി​ക്കാ​രും കുരു​ട​രും മുടന്ത​രും വരുന്നുണ്ട്‌. വെള്ളം കലങ്ങു​മ്പോൾ ഈ കുളത്തി​ലെ വെള്ളത്തി​ലി​റ​ങ്ങി​യാൽ ആളുകൾ സുഖ​പ്പെ​ടു​മെന്ന്‌ അവർ വിശ്വ​സി​ക്കു​ന്നു.

ഇത്‌ ശബ്ബത്തു​ദി​വസം. യേശു 38 വർഷമാ​യി രോഗി​യാ​യി​രി​ക്കുന്ന ഒരു മനുഷ്യ​നെ കുളത്തി​ങ്കൽ കാണുന്നു. ദീർഘ​കാ​ല​മാ​യുള്ള ആ മമനു​ഷ്യ​ന്റെ രോഗ​ത്തെ​ക്കു​റിച്ച്‌ മനസ്സി​ലാ​ക്കി​ക്കൊണ്ട്‌ യേശു ഇപ്രകാ​രം ചോദി​ക്കു​ന്നു. “നിനക്ക്‌ സൗഖ്യ​മാ​ക​ണ​മോ?”

“യജമാ​നനേ വെള്ളം കലങ്ങു​മ്പോൾ എന്നെ കുളത്തി​ലാ​ക്കു​വാൻ എനിക്കാ​രു​മില്ല, ഞാൻ തന്നേ ചെല്ലു​മ്പോൾ മറെറാ​രു​ത്തൻ എനിക്കു മുമ്പായി ഇറങ്ങുന്നു” എന്ന്‌ അവൻ ഉത്തരം പറയുന്നു.

“എഴു​ന്നേ​ററ്‌ നിന്റെ കിടക്ക​യെ​ടുത്ത്‌ നടക്ക” എന്ന്‌ യേശു അവനോട്‌ പറയുന്നു. ഉടൻതന്നെ ആ മനുഷ്യൻ സൗഖ്യം പ്രാപിച്ച്‌ അവന്റെ കിടക്ക​യെ​ടുത്ത്‌ നടക്കുന്നു!

എന്നാൽ യഹൂദൻമാർ ആ മനുഷ്യ​നെ കാണു​മ്പോൾ ഇപ്രകാ​രം പറയുന്നു: “ഇന്ന്‌ ശബ്ബത്താണ്‌. ഇന്ന്‌ കിടക്ക​യെ​ടു​ക്കു​ന്നത്‌ നിനക്ക്‌ വിഹി​തമല്ല.”

“എന്നെ സൗഖ്യ​മാ​ക്കി​യവൻ ‘നിന്റെ കിടക്ക​യെ​ടു​ത്തു നടക്ക’ എന്ന്‌ എന്നോടു പറഞ്ഞു” എന്ന്‌ ആ മനുഷ്യൻ അവരോ​ടു​ത്തരം പറഞ്ഞു.

“‘കിടക്ക​യെ​ടു​ത്തു നടക്കാൻ’ നിന്നോ​ടു പറഞ്ഞ മനുഷ്യൻ ആരാണ്‌?” അവർ ചോദി​ക്കു​ന്നു. പുരു​ഷാ​രം നിമിത്തം യേശു മറെറാ​രു ഭാഗ​ത്തേക്ക്‌ മാറി​യ​തി​നാൽ സൗഖ്യം പ്രാപി​ച്ചവൻ യേശു​വി​ന്റെ പേര്‌ അറിഞ്ഞി​രു​ന്നില്ല. എന്നിരു​ന്നാ​ലും പിന്നീട്‌, യേശു​വും ആ മനുഷ്യ​നും ആലയത്തിൽ വച്ച്‌ കണ്ടുമു​ട്ടു​ന്നു. അങ്ങനെ തന്നെ സൗഖ്യ​മാ​ക്കി​യവൻ ആരെന്ന്‌ ആ മനുഷ്യൻ ഗ്രഹി​ക്കു​ന്നു.

അങ്ങനെ, തന്നെ സൗഖ്യ​മാ​ക്കി​യവൻ യേശു​വാ​ണെന്ന്‌ സൗഖ്യം പ്രാപി​ച്ചവൻ യഹൂദൻമാ​രോ​ടു പറയുന്നു. ഇത്‌ മനസ്സി​ലാ​ക്കവെ, യഹൂദൻമാർ യേശു​വി​നെ സമീപി​ക്കു​ന്നു. എന്തിനു​വേണ്ടി? അവൻ ഈ അത്ഭുത​കാ​ര്യ​ങ്ങൾ ചെയ്യു​ന്ന​തെ​ങ്ങ​നെ​യെ​ന്ന​റി​യു​വാ​നാ​ണോ? അല്ല. പ്രത്യുത, അവൻ ശബ്ബത്തിൽ ഇക്കാര്യ​ങ്ങൾ ചെയ്യു​ന്ന​തി​നാൽ അവനിൽ കുററം കണ്ടുപി​ടി​ക്കു​ന്ന​തി​നു​വേ​ണ്ടി​യാണ്‌. അവർ അവനെ ദ്രോ​ഹി​ക്കാൻ തുടങ്ങി! ലൂക്കോസ്‌ 4:44; യോഹ​ന്നാൻ 5:1-16.

◆ യേശു​വി​ന്റെ മുൻ യഹൂദ്യാ​സ​ന്ദർശ​ന​ത്തി​നു​ശേഷം എത്രനാൾ പിന്നി​ട്ടി​രി​ക്കു​ന്നു?

◆ ബേഥ്‌സെദാ കുളം വളരെ പ്രശസ്‌ത​മാ​യി​രി​ക്കു​ന്ന​തെ​ന്തു​കൊണ്ട്‌?

◆ യേശു കുളത്തി​ങ്കൽ എന്തത്ഭുതം ചെയ്യുന്നു, യഹൂദൻമാ​രു​ടെ പ്രതി​ക​ര​ണ​മെ​ന്താ​യി​രു​ന്നു? (w86 6/15)