നിങ്ങൾ യഹോ​വ​യു​ടെ ദൃഷ്ടി​യിൽ വില​യേ​റി​യ​വ​രാണ്‌!

“നിത്യ​സ്‌നേ​ഹം​കൊ​ണ്ടു ഞാൻ നിന്നെ സ്‌നേ​ഹി​ച്ചി​രി​ക്കു​ന്നു; അതു​കൊ​ണ്ടു ഞാൻ നിനക്കു ദയ ദീർഘ​മാ​ക്കി​യി​രി​ക്കു​ന്നു.”—യിരെ​മ്യാ​വു 31:3.

1. യേശു​വി​ന്റെ നാളിലെ സാധാ​ര​ണ​ക്കാ​രോ​ടുള്ള അവന്റെ മനോ​ഭാ​വം പരീശൻമാ​രു​ടേ​തിൽനിന്ന്‌ ഏതുവി​ധ​ത്തിൽ വ്യത്യ​സ്‌ത​മാ​യി​രു​ന്നു?

അവന്റെ കണ്ണുക​ളിൽ അവർക്കതു കാണാൻ കഴിഞ്ഞു. യേശു​വെന്ന ഈ മനുഷ്യൻ ഒരു രീതി​യി​ലും അവരുടെ മതനേ​താ​ക്കൻമാ​രെ​പ്പോ​ലെ ആയിരു​ന്നില്ല; അവൻ കരുത​ലു​ള്ള​വ​നാ​യി​രു​ന്നു. അവന്‌ ജനങ്ങ​ളോ​ടു സഹതാപം തോന്നി കാരണം അവർ “ഇടയനി​ല്ലാത്ത ആടുക​ളെ​പ്പോ​ലെ കുഴഞ്ഞ​വ​രും ചിന്നി​യ​വ​രു​മാ​യി”രുന്നു. (മത്തായി 9:36) അവരുടെ മതനേ​താ​ക്കൻമാർ സ്‌നേ​ഹ​വും കരുണ​യു​മുള്ള ഒരു ദൈവത്തെ പ്രതി​നി​ധാ​നം ചെയ്യുന്ന സ്‌നേ​ഹ​പു​ര​സ്സ​രായ ഇടയൻമാർ ആയിരി​ക്കേ​ണ്ട​വ​രാ​യി​രു​ന്നു. അതിനു​പ​കരം, അവർ സാധാ​ര​ണ​ക്കാ​രായ ജനങ്ങളെ വെറും പ്രാകൃ​ത​ജനം—ശപിക്ക​പ്പെ​ട്ട​വ​രും—എന്ന രീതി​യിൽ തരംതാ​ഴ്‌ത്തി കണ്ടു.a (യോഹ​ന്നാൻ 7:47-49; താരത​മ്യം ചെയ്യുക: യെഹെ​സ്‌കേൽ 34:4.) വ്യക്തമാ​യും അത്തരം ദുഷിച്ച, തിരു​വെ​ഴു​ത്തു​വി​രു​ദ്ധ​മായ വീക്ഷണം യഹോവ തന്റെ ജനത്തെ വീക്ഷി​ച്ച​തിൽനി​ന്നു തികച്ചും വ്യത്യ​സ്‌ത​മാ​യി​രു​ന്നു. അവൻ തന്റെ ജനതയായ ഇസ്രാ​യേ​ലി​നോട്‌ ഇങ്ങനെ പറഞ്ഞു: “നിത്യ​സ്‌നേ​ഹം​കൊ​ണ്ടു ഞാൻ നിന്നെ സ്‌നേ​ഹി​ച്ചി​രി​ക്കു​ന്നു.”—യിരെ​മ്യാ​വു 31:3.

2. ഇയ്യോബ്‌ ദൈവ​ത്തി​ന്റെ ദൃഷ്ടി​യിൽ ഒന്നിനും​കൊ​ള്ളാ​ത്ത​വ​നാ​ണെന്ന്‌ അവനെ ബോധ്യ​പ്പെ​ടു​ത്താൻ അവന്റെ സുഹൃ​ത്തു​ക്കൾ ശ്രമി​ച്ച​തെ​ങ്ങനെ?

² ഇങ്ങനെ​യൊ​ക്കെ​യാ​ണെ​ങ്കി​ലും, തങ്ങൾ ഒന്നിനും​കൊ​ള്ള​രു​താ​ത്ത​വ​രാ​ണെന്ന ബോധ്യം യഹോ​വ​യു​ടെ പ്രിയ​പ്പെട്ട ചെമ്മരി​യാ​ടു​ക​ളിൽ ആദ്യമാ​യി ഉണർത്താൻ ശ്രമി​ച്ചതു തീർച്ച​യാ​യും പരീശൻമാ​രാ​യി​രു​ന്നില്ല. ഇയ്യോ​ബി​ന്റെ ദൃഷ്ടാന്തം പരിചി​ന്തി​ക്കുക. യഹോ​വയെ സംബന്ധി​ച്ചി​ട​ത്തോ​ളം ഇയ്യോബ്‌ നീതി​മാ​നും നിഷ്‌ക​ള​ങ്ക​നു​മാ​യി​രു​ന്നു. എന്നാൽ, ഇയ്യോബ്‌ അധാർമി​ക​നും അസ്‌തി​ത്വ​ത്തി​ന്റേ​തായ യാതൊ​രു ലക്ഷണവും അവശേ​ഷി​പ്പി​ക്കാ​തെ മരിച്ചു​പോ​കുന്ന ഒരു ദുഷ്ട വിശ്വാ​സ​ത്യാ​ഗി​യു​മാ​യി​രു​ന്നു​വെന്ന്‌ ആ മൂന്ന്‌ “ആശ്വാ​സകർ” ഇയ്യോ​ബി​നെ​പ്പ​ററി കുത്തു​വാ​ക്കു പറഞ്ഞു. ദൈവം സ്വന്ത ദൂതൻമാ​രെ​പ്പോ​ലും വിശ്വ​സി​ക്കാ​തെ സ്വർഗ​ത്തെ​ത്ത​ന്നെ​യും അശുദ്ധ​മാ​യി വീക്ഷി​ച്ച​തു​കൊണ്ട്‌ ഇയ്യോ​ബി​ന്റെ പക്ഷത്തു​നിന്ന്‌ അവൻ ഒരു നീതി​യും കണക്കി​ടു​ക​യി​ല്ലെന്ന്‌ അവർ തറപ്പിച്ചു പറഞ്ഞു!—ഇയ്യോബ്‌ 1:8; 4:18; 15:15, 16; 18:17-19; 22:3.

3. തങ്ങൾ ഒന്നിനും കൊള്ളാ​ത്ത​വ​രും സ്‌നേ​ഹി​ക്ക​പ്പെ​ടാ​ത്ത​വ​രു​മാ​ണെന്ന്‌ ആളുകളെ ബോധ്യ​പ്പെ​ടു​ത്താ​നുള്ള ശ്രമത്തിൽ സാത്താൻ എന്തു മാർഗങ്ങൾ ഉപയോ​ഗി​ക്കു​ന്നു?

³ തങ്ങൾ സ്‌നേ​ഹി​ക്ക​പ്പെ​ടു​ന്നി​ല്ലെ​ന്നും ഒന്നിനും​കൊ​ള്ളാ​ത്ത​വ​രാ​ണെ​ന്നും ആളുകളെ ധരിപ്പി​ക്കു​ന്ന​തി​നുള്ള ശ്രമത്തിൽ പിശാച്‌ ഇപ്പോ​ഴും ഈ ‘തന്ത്രങ്ങൾ’ ഉപയോ​ഗി​ക്കു​ക​യാണ്‌. (എഫേസ്യർ 6:11, NW അടിക്കു​റിപ്പ്‌) പിശാച്‌ മിക്ക​പ്പോ​ഴും ആളുക​ളു​ടെ പൊങ്ങ​ച്ച​ത്തെ​യും അഹങ്കാ​ര​ത്തെ​യും തൃപ്‌തി​പ്പെ​ടു​ത്തി​ക്കൊ​ണ്ടാ​ണു വഞ്ചിക്കു​ന്നത്‌ എന്നതു ശരിതന്നെ. (2 കൊരി​ന്ത്യർ 11:3) എങ്കിലും, തനിക്കു ചവിട്ടി​മെ​തി​ക്കാ​വു​ന്ന​വ​രു​ടെ ആത്മാഭി​മാ​ന​ത്തി​നു ക്ഷതം വരുത്തു​ന്ന​തി​ലും അവൻ നിർവൃ​തി​യ​ട​യു​ന്നു. ഈ ദുർഘ​ടം​പി​ടിച്ച “അന്ത്യകാ​ലത്തു” പ്രത്യേ​കി​ച്ചും അത്‌ അങ്ങനെ​ത​ന്നെ​യാണ്‌. ഇന്ന്‌ അനേക​രും “വാത്സല്യ​മി​ല്ലാത്ത” കുടും​ബ​ങ്ങ​ളിൽ വളർന്നു​വ​രു​ന്നു; അനേകർക്കും ദിവസേന ഉഗ്രൻമാ​രും സ്വാർഥ​രും തന്റേടി​ക​ളു​മായ ആളുക​ളു​മാ​യി ഇടപഴ​കേണ്ടി വരുന്നു. (2 തിമൊ​ഥെ​യൊസ്‌ 3:1-5) വർഷങ്ങ​ളോ​ളം നീണ്ടു​നിന്ന ദുഷ്‌പെ​രു​മാ​ററം, വർഗ​ഭേദം, വിദ്വേ​ഷം, ദുർവി​നി​യോ​ഗം എന്നിവ തങ്ങൾ കൊള്ള​രു​താ​ത്ത​വ​രും സ്‌നേ​ഹി​ക്ക​പ്പെ​ടാ​ത്ത​വ​രു​മാ​ണെന്ന്‌ അത്തരം ആളുകളെ ബോധ്യ​പ്പെ​ടു​ത്തി​യി​ട്ടു​ണ്ടാ​വും. “എനിക്ക്‌ സ്‌നേ​ഹി​ക്കാ​നോ സ്‌നേ​ഹി​ക്ക​പ്പെ​ടാ​നോ തോന്നു​ന്നില്ല. എന്നെപ്പ​ററി ദൈവം എന്തെങ്കി​ലും കരുതു​ന്നു​ണ്ടെന്നു വിശ്വ​സി​ക്കാൻ എനിക്കു പ്രയാ​സം​തോ​ന്നു​ന്നു” എന്ന്‌ ഒരു വ്യക്തി എഴുതി.

4-5. (എ) തന്നെ ഒന്നിനും​കൊ​ള്ളു​ക​യി​ല്ലെന്ന വ്യക്തി​പ​ര​മായ ആശയം തിരു​വെ​ഴു​ത്തു വിരു​ദ്ധ​മാ​യി​രി​ക്കു​ന്ന​തെ​ന്തു​കൊണ്ട്‌? (ബി) നമ്മുടെ ഒരു ശ്രമം​കൊ​ണ്ടും പ്രയോ​ജ​ന​മി​ല്ലെന്നു ചിന്തി​ക്കു​ന്ന​തു​കൊ​ണ്ടുള്ള അപകട​ക​ര​മായ ഒരു പരിണ​ത​ഫലം എന്ത്‌?

⁴ തന്നെ ഒന്നിനും​കൊ​ള്ളു​ക​യി​ല്ലെന്ന ആശയം ദൈവ​വ​ച​ന​ത്തി​ലെ സത്യത്തി​ന്റെ, മറുവി​ല​യെ​പ്പ​റ​റി​യുള്ള പഠിപ്പി​ക്ക​ലി​ന്റെ, കാതലിൽ കുത്തു​ന്ന​പോ​ലെ​യാണ്‌. (യോഹ​ന്നാൻ 3:16) നമുക്ക്‌ എന്നേക്കും ജീവി​ക്കാ​നുള്ള അവസരം വിലയ്‌ക്കു വാങ്ങാൻവേണ്ടി ദൈവം ഉന്നതമായ വില—തന്റെ സ്വന്തം പുത്രന്റെ വില​യേ​റിയ ജീവൻ—കൊടു​ത്തെ​ങ്കിൽ അവൻ തീർച്ച​യാ​യും നമ്മെ സ്‌നേ​ഹി​ക്കു​ന്നു​വെ​ന്ന​തിൽ സംശയ​മില്ല; തീർച്ച​യാ​യും നാം അവന്റെ ദൃഷ്ടി​യിൽ കൊള്ളാ​വു​ന്ന​വ​രാ​യി​രി​ക്കണം!

⁵ കൂടാതെ, നാം ദൈവത്തെ സന്തോ​ഷി​പ്പി​ക്കാ​ത്ത​വ​രാണ്‌, നമ്മുടെ ശ്രമങ്ങ​ളൊ​ന്നും തക്ക ഫലമു​ള്ളതല്ല, എന്ന തോന്നൽ എത്ര നിരു​ത്സാ​ഹ​ജ​ന​ക​മാ​യി​രി​ക്കും! (താരത​മ്യം ചെയ്യുക: സദൃശ​വാ​ക്യ​ങ്ങൾ 24:10.) നിഷേ​ധാ​ത്മ​ക​മായ ഈ വീക്ഷണ​ത്തി​ന്റെ വെളി​ച്ച​ത്തിൽ, സാധ്യ​മു​ള്ളി​ട​ത്തോ​ളം ദൈവ​സേ​വ​ന​ത്തിൽ നമ്മെ കൂടുതൽ സഹായി​ക്കാ​നാ​യി സദു​ദ്ദേ​ശ്യ​ത്തോ​ടെ നൽക​പ്പെ​ടുന്ന പ്രോ​ത്സാ​ഹ​നം​പോ​ലും തങ്ങളെ കുററം​വി​ധി​ക്കു​ന്ന​തി​നു സമാന​മാ​ണെന്നു ചിലർക്കു തോന്നാൻ ഇടയാ​ക്കി​യേ​ക്കാം. അത്‌, നാം ചെയ്യു​ന്ന​തൊ​ന്നും പോരാ എന്ന നമ്മുടെ സ്വന്തം ആന്തരിക ബോധ്യ​ത്തെ പ്രതി​ധ്വ​നി​പ്പി​ക്കു​ന്ന​താ​യി തോന്നി​ച്ചേ​ക്കാം.

6. നമ്മെപ്പ​റ​റി​ത്ത​ന്നെ​യുള്ള അത്യന്തം നിഷേ​ധാ​ത്മക ചിന്തയ്‌ക്കുള്ള ഏററവും നല്ല പ്രതി​വി​ധി എന്താണ്‌?

⁶ എങ്കിലും, അത്തരം നിഷേ​ധാ​ത്മക വിചാരം നിങ്ങൾക്കു​ണ്ടാ​കു​ന്ന​തു​പോ​ലെ തോന്നു​ന്നെ​ങ്കിൽ നിരാ​ശ​പ്പെ​ട​രുത്‌. നമ്മില​നേ​ക​രും ഇടയ്‌ക്കി​ടെ സ്വയം നിശി​ത​മാ​യി വിമർശി​ക്കു​ന്ന​വ​രാണ്‌. കൂടാതെ, ദൈവ​വ​ചനം “ഗുണീ​ക​ര​ണത്തി”നുവേ​ണ്ടി​യും “കോട്ട​കളെ ഇടിപ്പാൻ”വേണ്ടി​യും രൂപകൽപ്പന ചെയ്‌തി​രി​ക്കു​ന്ന​താ​ണെന്ന്‌ ഓർക്കുക. (2 തിമൊ​ഥെ​യൊസ്‌ 3:16; 2 കൊരി​ന്ത്യർ 10:4) “നാം സത്യത്തി​ന്റെ പക്ഷത്തു നില്‌ക്കു​ന്നവർ എന്നു ഇതിനാൽ അറിയും; ഹൃദയം നമ്മെ കുററം വിധി​ക്കു​ന്നു എങ്കിൽ ദൈവം നമ്മുടെ ഹൃദയ​ത്തെ​ക്കാൾ വലിയ​വ​നും എല്ലാം അറിയു​ന്ന​വ​നും എന്നു നമ്മുടെ ഹൃദയത്തെ അവന്റെ സന്നിധി​യിൽ ഉറപ്പി​ക്കാം” എന്ന്‌ അപ്പോ​സ്‌ത​ല​നായ യോഹ​ന്നാൻ എഴുതി. (1 യോഹ​ന്നാൻ 3:19, 20) എങ്കിൽ, നാം യഹോ​വക്കു വില​യേ​റി​യ​വ​രാ​ണെന്നു ബൈബിൾ പഠിപ്പി​ക്കുന്ന മൂന്നു വിധം നമുക്കു പരിചി​ന്തി​ക്കാം.

യഹോവ നിങ്ങളെ വില​യേ​റി​യ​വ​രാ​യി കണക്കാ​ക്കു​ന്നു

7. ദൈവ​ത്തി​ന്റെ ദൃഷ്ടി​യിൽ ക്രിസ്‌ത്യാ​നി​കൾക്കുള്ള വില​യെ​ക്കു​റിച്ച്‌ യേശു അവരെ എങ്ങനെ​യാ​ണു പഠിപ്പി​ച്ചത്‌?

⁷ ആദ്യമാ​യി, നാമോ​രോ​രു​ത്ത​രും ദൈവ​ത്തി​ന്റെ ദൃഷ്ടി​യിൽ വിലയു​ള്ള​വ​രാ​ണെന്നു ബൈബിൾ നേരിട്ടു പഠിപ്പി​ക്കു​ന്നു. “രണ്ടു കാശിന്നു അഞ്ചു കുരി​കി​ലി​നെ വില്‌ക്കു​ന്നി​ല്ല​യോ? അവയിൽ ഒന്നി​നെ​പ്പോ​ലും ദൈവം മറന്നു​പോ​കു​ന്നില്ല. നിങ്ങളു​ടെ തലയിലെ മുടി​പോ​ലും എല്ലാം എണ്ണിയി​രി​ക്കു​ന്നു; ആകയാൽ ഭയപ്പെ​ടേണ്ടാ; ഏറിയ കുരി​കി​ലി​നെ​ക്കാ​ളും നിങ്ങൾ വിശേ​ഷ​ത​യു​ള്ളവർ” എന്ന്‌ യേശു പറഞ്ഞു. (ലൂക്കൊസ്‌ 12:6, 7) അന്നൊക്കെ ഭക്ഷ്യവ​സ്‌തു​വാ​യി വിററി​രുന്ന പക്ഷിക​ളിൽ കുരി​കി​ലാ​യി​രു​ന്നു ഏററവും തരംതാണയിനം എന്നുവ​രി​കി​ലും, അവയി​ലൊ​ന്നു​പോ​ലും സ്രഷ്ടാ​വി​ന്റെ ശ്രദ്ധയിൽപ്പെ​ടാ​തെ പോയില്ല. അങ്ങനെ അതിശ​യി​പ്പി​ക്കുന്ന ഒരു വിപരീത താരത​മ്യ​ത്തിന്‌ അടിത്ത​റ​പാ​കി: പക്ഷിക​ളെ​ക്കാൾ എത്രയോ ഏറെ വിലയുള്ള മനുഷ്യ​നെ സംബന്ധിച്ച്‌ ദൈവം സകലതും അറിയു​ന്നു. അത്‌ അക്ഷരാർഥ​ത്തിൽ നമ്മുടെ തലമുടി ഓരോ​ന്നും എണ്ണിയി​രി​ക്കു​ന്ന​പോ​ലെ​യാണ്‌!

8. യഹോ​വക്കു നമ്മുടെ തലമു​ടി​പോ​ലും എണ്ണാൻ കഴിയു​മെന്നു ചിന്തി​ക്കു​ന്നതു യാഥാർഥ്യ​മാ​യി​രി​ക്കു​ന്നത്‌ എന്തു​കൊണ്ട്‌?

⁸ തലമുടി എണ്ണിയി​രി​ക്കു​ന്നു​വെ​ന്നോ? യേശു​വി​ന്റെ ദൃഷ്ടാ​ന്ത​ത്തി​ന്റെ ഈ ഘടകം അയഥാർഥ​മാ​ണെന്നു നിങ്ങൾ ശങ്കിക്കു​ന്നു​വെ​ങ്കിൽ ഇതു പരിചി​ന്തി​ക്കുക: തന്റെ വിശ്വസ്‌ത ദാസൻമാ​രെ ഉയിർപ്പി​ക്ക​ത്ത​ക്ക​വണ്ണം—അവരുടെ സങ്കീർണ​മായ ജനിതകം സഹിതം, ഓരോ വിശദാം​ശ​ത്തി​ലും അവരുടെ മുഴു സ്‌മര​ണ​ക​ളും അനുഭ​വ​ങ്ങ​ളും സഹിതം, അവരെ പുതു​താ​യി സൃഷ്ടി​ച്ചു​കൊണ്ട്‌—ദൈവം അവരെ പൂർണ​മാ​യി ഓർക്കു​ന്നു. അതുമാ​യി തുലനം ചെയ്യു​മ്പോൾ നമ്മുടെ തലമുടി എണ്ണുന്നത്‌ (സാധാരണ തലയിൽ ഏതാണ്ട്‌ 1,00,000 മുടി കിളിർക്കും) ഒരു ലളിത​മായ വേലയാ​യി​രി​ക്കും!—ലൂക്കൊസ്‌ 20:37, 38.

യഹോവ നമ്മിൽ കാണു​ന്നത്‌ എന്താണ്‌?

9. (എ) യഹോവ വിലകൽപ്പി​ക്കുന്ന ചില ഗുണങ്ങൾ ഏവ? (ബി) അത്തരം ഗുണങ്ങൾ അവനു വില​യേ​റി​യ​താ​ണെന്നു നിങ്ങൾ ചിന്തി​ക്കു​ന്നത്‌ എന്തു​കൊണ്ട്‌?

⁹ രണ്ടാമ​താ​യി, യഹോവ നമ്മിൽ വിലക​ണ്ടെ​ത്തു​ന്നു​വെന്നു ബൈബിൾ പഠിപ്പി​ക്കു​ന്നു. ലളിത​മാ​യി പറഞ്ഞാൽ, നമ്മുടെ ക്രിയാ​ത്മക ഗുണങ്ങ​ളി​ലും ശ്രമങ്ങ​ളി​ലും അവൻ ആനന്ദി​ക്കു​ന്നു. ദാവീദ്‌ രാജാവു തന്റെ പുത്ര​നായ ശലോ​മോ​നോ​ടു പറഞ്ഞു: “യഹോവ സർവ്വ ഹൃദയ​ങ്ങ​ളെ​യും പരി​ശോ​ധി​ക്ക​യും വിചാ​ര​ങ്ങ​ളും നിരൂ​പ​ണ​ങ്ങ​ളും എല്ലാം ഗ്രഹി​ക്ക​യും ചെയ്യുന്നു.” (1 ദിനവൃ​ത്താ​ന്തം 28:9) അക്രമ​വും വിദ്വേ​ഷ​വും നിറഞ്ഞ ഈ ലോകത്തു ദൈവം ശതകോ​ടി​ക്ക​ണ​ക്കി​നു ഹൃദയങ്ങൾ പരി​ശോ​ധി​ക്കു​മ്പോൾ സമാധാ​ന​വും സത്യവും നീതി​യും സ്‌നേ​ഹി​ക്കുന്ന ഒരു ഹൃദയം കണ്ടെത്തു​മ്പോൾ അവൻ എത്ര ആനന്ദി​ത​നാ​യി​രി​ക്കും! (താരത​മ്യം ചെയ്യുക: യോഹ​ന്നാൻ 1:47; 1 പത്രൊസ്‌ 3:4.) തന്റെ നേർക്കുള്ള സ്‌നേ​ഹ​ഭ​രി​ത​മായ ഒരു ഹൃദയം, തന്നെപ്പ​ററി അറിയാൻ അന്വേ​ഷി​ക്കു​ക​യും ആ അറിവു മററു​ള്ള​വ​രു​മാ​യി പങ്കിടു​ക​യും ചെയ്യുന്ന ഒരു ഹൃദയം, ദൈവം കണ്ടെത്തു​മ്പോൾ എന്തു സംഭവി​ക്കു​ന്നു? തന്നെപ്പ​ററി മററു​ള്ള​വ​രോ​ടു സംസാ​രി​ക്കു​ന്നതു താൻ ശ്രവി​ക്കു​ന്നു​വെ​ന്നും എല്ലാ “യഹോ​വാ​ഭ​ക്തൻമാർക്കും അവന്റെ നാമത്തെ സ്‌മരി​ക്കു​ന്ന​വർക്കും വേണ്ടി . . . ഒരു സ്‌മര​ണ​പു​സ്‌തകം എഴുതി​വെ​ച്ചി​രി​ക്കു”ന്നുവെ​ന്നു​പോ​ലും മലാഖി 3:16-ൽ യഹോവ നമ്മോടു പറയുന്നു. അത്തരം ഗുണങ്ങൾ അവനു വില​യേ​റി​യ​വ​യാണ്‌!

10-11. (എ) യഹോവ തങ്ങളുടെ സദ്‌ഗു​ണ​ങ്ങൾക്കു വിലകൽപ്പി​ക്കു​ന്നു​വെ​ന്ന​തി​ന്റെ തെളിവ്‌ അവഗണി​ക്കാൻ ചിലർ പ്രവണത കാട്ടി​യേ​ക്കാ​വു​ന്ന​തെ​ങ്ങനെ? (ബി) യഹോവ നല്ല ഗുണങ്ങളെ എല്ലാ വിധത്തി​ലും വിലകൽപ്പി​ക്കു​ന്നു​വെന്ന്‌ അബീയാ​വി​ന്റെ ദൃഷ്ടാന്തം കാണി​ക്കു​ന്ന​തെ​ങ്ങനെ?

¹⁰ എന്നിരു​ന്നാ​ലും, സ്വയം കുററം​വി​ധി​ക്കുന്ന ഹൃദയം ദൈവ​ദൃ​ഷ്ടി​യിൽ നമുക്കുള്ള വിലയു​ടെ അത്തരം തെളി​വി​നെ നിരാ​ക​രി​ച്ചെന്നു വരാം. അത്‌ നിഷ്‌കർഷ​ത്തോ​ടെ ഇങ്ങനെ മന്ത്രി​ച്ചേ​ക്കാം, ‘എങ്കിലും ആ ഗുണങ്ങ​ളിൽ എന്നെക്കാൾ മാതൃ​കാ​യോ​ഗ്യ​രായ എത്രയോ പേർ ഉണ്ട്‌. എന്നെ അവരു​മാ​യി താരത​മ്യം ചെയ്യു​മ്പോൾ യഹോ​വക്ക്‌ എത്ര നിരാശ അനുഭ​വ​പ്പെ​ടും!’ യഹോവ താരത​മ്യം ചെയ്യു​ന്നില്ല, അവൻ കർക്കശനല്ല, ഒട്ടും കുറയാ​തെ എല്ലാം വേണമെന്ന പിടി​വാ​ശി​ക്കാ​ര​നു​മല്ല. (ഗലാത്യർ 6:4) വളരെ ചതുര​ത​യോ​ടെ​യാണ്‌ അവൻ ഹൃദയ​ങ്ങളെ വായി​ക്കു​ന്നത്‌, തന്നെയു​മല്ല, നല്ല ഗുണങ്ങളെ എല്ലാ വിധത്തി​ലും അവൻ വിലകൽപ്പി​ക്കു​ന്നു.

¹¹ ദൃഷ്ടാ​ന്ത​ത്തിന്‌, യൊ​രോ​ബെ​യാം രാജാ​വി​ന്റെ മുഴു കുല​ത്തെ​യും വധിക്കു​ന്ന​തിന്‌, “കാഷ്‌ഠം” കോരി​ക്ക​ള​യു​ന്ന​പോ​ലെ കോരി​ക്ക​ള​യു​ന്ന​തിന്‌, യഹോവ കൽപ്പന പുറ​പ്പെ​ടു​വി​ച്ച​പ്പോൾ രാജാ​വി​ന്റെ പുത്രൻമാ​രി​ലൊ​രാ​ളായ അബീയാ​വി​നെ മാന്യ​മാ​യി അടക്കം ചെയ്യണ​മെന്ന്‌ അവൻ കൽപ്പിച്ചു. എന്തു​കൊണ്ട്‌? “യിസ്രാ​യേ​ലി​ന്റെ ദൈവ​മായ യഹോ​വെക്കു പ്രസാ​ദ​മുള്ള കാര്യം അല്‌പം കാണു​ക​യാൽ.” (1 രാജാ​ക്കൻമാർ 14:10, 13) അബീയാ​വു യഹോ​വ​യു​ടെ ഒരു വിശ്വസ്‌ത ആരാധ​ക​നാ​യി​രു​ന്നു​വെന്ന്‌ അത്‌ അർഥമാ​ക്കു​ന്നു​ണ്ടോ? തന്റെ ദുഷ്ട കുടും​ബാം​ഗ​ങ്ങ​ളെ​പ്പോ​ലെ അവനും മരിച്ച​തി​നാൽ അങ്ങനെ​യാ​യി​രു​ന്നി​രി​ക്ക​ണ​മെന്നു നിർബ​ന്ധ​മില്ല. (ആവർത്ത​ന​പു​സ്‌തകം 24:16) എന്നിട്ടും, യഹോവ അബീയാ​വി​ന്റെ ഹൃദയ​ത്തിൽ “പ്രസാ​ദ​മുള്ള കാര്യം അല്‌പം” കണ്ടതിന്‌ അവൻ വിലകൽപ്പി​ക്കു​ക​യും തദനു​സ​രണം പെരു​മാ​റു​ക​യും ചെയ്‌തു. മുഴു ബൈബി​ളി​നെ​പ്പ​റ​റി​യു​മുള്ള മാത്യു ഹെൻറി​യു​ടെ ഭാഷ്യം (ഇംഗ്ലീഷ്‌) ഇങ്ങനെ സൂചി​പ്പി​ക്കു​ന്നു: “എന്തെങ്കി​ലും ഒരു നല്ല കാര്യ​മു​ണ്ടെ​ങ്കിൽ അതു കണ്ടെത്തും: അൽപ്പമാ​യി​രു​ന്നാൽപ്പോ​ലും അതന്വേ​ഷി​ക്കുന്ന ദൈവം അതു കണ്ടെത്തും, അതിൽ സന്തോ​ഷി​ക്കു​ക​യും ചെയ്യും.” അൽപ്പമ​ള​വി​ലെ​ങ്കി​ലും നല്ല ഗുണം ദൈവം നിങ്ങളിൽ കണ്ടെത്തു​ന്നു​വെ​ങ്കിൽ അവനെ വിശ്വ​സ്‌ത​ത​യോ​ടെ സേവി​ക്കാൻ നിങ്ങൾ ശ്രമി​ക്കു​ന്നി​ട​ത്തോ​ളം കാലം അതു വളർത്തി​യെ​ടു​ക്കാൻ അവനു കഴിയു​മെന്ന കാര്യം മറക്കരുത്‌.

12-13. (എ) യഹോവ നമ്മുടെ ശ്രമങ്ങളെ വിലയു​ള്ള​താ​യി കരുതു​ന്നു എന്നു സങ്കീർത്തനം 139:3 കാണി​ക്കു​ന്ന​തെ​ങ്ങനെ? (ബി) യഹോവ നമ്മുടെ പ്രവർത്ത​നങ്ങൾ അരി​ച്ചെ​ടു​ക്കു​ന്നു​വെന്ന്‌ എന്തർഥ​ത്തിൽ പറയാ​നാ​വും?

¹² യഹോവ നമ്മുടെ ശ്രമങ്ങൾക്കു സമാന​മായ ഒരു വിധത്തിൽ വിലകൽപ്പി​ക്കു​ന്നു. സങ്കീർത്തനം 139:1-3-ൽ നാം ഇങ്ങനെ വായി​ക്കു​ന്നു: “യഹോവേ, നീ എന്നെ ശോധ​ന​ചെ​യ്‌തു അറിഞ്ഞി​രി​ക്കു​ന്നു; ഞാൻ ഇരിക്കു​ന്ന​തും എഴു​ന്നേ​ല്‌ക്കു​ന്ന​തും നീ അറിയു​ന്നു. എന്റെ നിരൂ​പണം നീ ദൂരത്തു​നി​ന്നു ഗ്രഹി​ക്കു​ന്നു. എന്റെ നടപ്പും കിടപ്പും നീ ശോധന ചെയ്യുന്നു; എന്റെ വഴിക​ളൊ​ക്കെ​യും നിനക്കു മനസ്സി​ലാ​യി​രി​ക്കു​ന്നു.” അതു​കൊണ്ട്‌, യഹോവ നമ്മുടെ സകല പ്രവൃ​ത്തി​ക​ളും അറിയു​ന്നു. എന്നാൽ യഹോവ അറിയു​ക​മാ​ത്രമല്ല ചെയ്യു​ന്നത്‌. എബ്രായ ഭാഷയിൽ “എന്റെ വഴിക​ളൊ​ക്കെ​യും നിനക്കു മനസ്സി​ലാ​യി​രി​ക്കു​ന്നു” എന്ന പ്രയോ​ഗം, “നീ എന്റെ വഴിക​ളെ​ല്ലാം നിധി​പോ​ലെ കാക്കുന്നു” അല്ലെങ്കിൽ “നീ എന്റെ വഴിക​ളെ​ല്ലാം കാത്തു​പ​രി​പാ​ലി​ക്കു​ന്നു” എന്ന അർഥവും ധ്വനി​പ്പി​ക്കു​ന്നു. (താരത​മ്യം ചെയ്യുക: മത്തായി 6:19, 20) എങ്കിലും, നാം ഇത്രയ​ധി​കം അപൂർണ​രും പാപി​ക​ളു​മാ​യി​രി​ക്കെ നമ്മുടെ വഴികൾ കാത്തു​പ​രി​പാ​ലി​ക്കാൻ യഹോ​വക്ക്‌ എങ്ങനെ കഴിയും?

¹³ രസകര​മെന്നു പറയട്ടെ, ചില പണ്ഡിതൻമാർ പറയു​ന്ന​പ്ര​കാ​രം, തന്റെ നടപ്പും വിശ്രമ ഘട്ടങ്ങളും യഹോവ “ശോധന ചെയ്യുന്നു” എന്നു ദാവീദ്‌ എഴുതി​യ​പ്പോൾ എബ്രായ ഭാഷയിൽ അതിന്റെ അക്ഷരീയ അർഥം “അരി​ച്ചെ​ടു​ക്കുക” അല്ലെങ്കിൽ “പാററി​യെ​ടു​ക്കുക” എന്ന്‌ അർഥമാ​ക്കി. ഒരു പരാമർശ ഗ്രന്ഥം ഇപ്രകാ​രം അഭി​പ്രാ​യ​പ്പെട്ടു: “അതിന്റെ അർഥം . . . ഉമി മുഴുവൻ പാററി​ക്ക​ളഞ്ഞ്‌ ധാന്യങ്ങൾ മുഴുവൻ അവശേ​ഷി​പ്പി​ക്കുക—വില​യേ​റി​യ​തെ​ല്ലാം സംരക്ഷി​ക്കുക—എന്നാണ്‌. അതു​കൊണ്ട്‌ ഇവിടെ അത്‌ അർഥമാ​ക്കു​ന്നത്‌ ദൈവം, ആലങ്കാ​രിക അർഥത്തിൽ, അവനെ അരി​ച്ചെ​ടു​ത്തു എന്നാണ്‌. അവൻ ഉമി​യെ​ല്ലാം അഥവാ വിലയി​ല്ലാ​ത്ത​തെ​ല്ലാം, പറത്തി​ക്ക​ള​യു​ക​യും അവശേ​ഷി​ക്കു​ന്നത്‌ അകൃ​ത്രി​മ​വും സത്തയു​മാ​ണെന്ന്‌ ഉറപ്പു​വ​രു​ത്തു​ക​യും ചെയ്‌തു.” സ്വയം കുററം​വി​ധി​ക്കുന്ന ഹൃദയം നമ്മുടെ പ്രവർത്ത​ന​ങ്ങളെ വിപരീത മാർഗ​ത്തിൽ അരി​ച്ചെ​ടു​ത്തേ​ക്കാം, കഴിഞ്ഞ​കാല തെററു​ക​ളെ​പ്പ​ററി യാതൊ​രു ദയയു​മി​ല്ലാ​തെ നമ്മെ പരുഷ​മാ​യി ശകാരി​ക്കു​ക​യും നമ്മുടെ നേട്ടങ്ങളെ വിലയി​ല്ലാ​ത്ത​താ​യി തള്ളിക്ക​ള​യു​ക​യും ചെയ്‌തു​കൊ​ണ്ടു​തന്നെ. എന്നാൽ നാം ആത്മാർഥ​മാ​യി അനുത​പി​ക്കു​ക​യും നമ്മുടെ തെററു​കൾ ആവർത്തി​ക്കാ​തി​രി​ക്കാൻ കഠിന​ശ്രമം ചെലു​ത്തു​ക​യും ചെയ്യു​ന്നെ​ങ്കിൽ യഹോവ നമ്മുടെ പാപങ്ങൾ പൊറു​ക്കും. (സങ്കീർത്തനം 103:10-14; പ്രവൃ​ത്തി​കൾ 3:19) അവൻ നമ്മെ അരിക്കു​ക​യും നമ്മുടെ സത്‌പ്ര​വൃ​ത്തി​കൾ ഓർക്കു​ക​യും ചെയ്യുന്നു. നാം വിശ്വ​സ്‌ത​രാ​യി നില​കൊ​ള്ളുന്ന കാല​മെ​ല്ലാം അവൻ അവ ഓർക്കു​ന്നു​വെ​ന്ന​താ​ണു വാസ്‌തവം. അവ മറക്കുക എന്നു പറയു​ന്നത്‌ അവൻ അനീതി​യാ​യി വീക്ഷി​ക്കും, അവൻ ഒരിക്ക​ലും നീതി​കെ​ട്ട​വ​ന​ല്ല​താ​നും!—എബ്രായർ 6:10.

14. ക്രിസ്‌തീയ ശുശ്രൂ​ഷ​യി​ലുള്ള നമ്മുടെ പ്രവർത്ത​നത്തെ യഹോവ വിലകൽപ്പി​ക്കു​ന്നു​വെന്നു കാണി​ക്കു​ന്ന​തെന്ത്‌?

¹⁴ ദൈവം വിലകൽപ്പി​ക്കുന്ന ചില സത്‌പ്ര​വൃ​ത്തി​കൾ എന്തെല്ലാ​മാണ്‌? അവന്റെ പുത്ര​നായ യേശു​ക്രി​സ്‌തു​വി​നെ അനുക​രി​ച്ചു നാം ചെയ്യുന്ന എന്തും. (1 പത്രൊസ്‌ 2:21) അങ്ങനെ​യെ​ങ്കിൽ, വളരെ പ്രധാ​ന​പ്പെട്ട ഒരു വേല തീർച്ച​യാ​യും ദൈവ​രാ​ജ്യ​ത്തെ​പ്പ​റ​റി​യുള്ള സുവാർത്ത വ്യാപി​പ്പി​ക്കു​ന്ന​താണ്‌. ‘“നൻമ സുവി​ശേ​ഷി​ക്കു​ന്ന​വ​രു​ടെ കാൽ എത്ര മനോ​ഹരം”’ എന്നു നാം റോമർ 10:15-ൽ വായി​ക്കു​ന്നു. നമ്മുടെ കാലുകൾ “മനോഹര”മായി നാം സാധാ​ര​ണ​ഗ​തി​യിൽ ചിന്തി​ക്കാ​റി​ല്ലെ​ന്നു​വ​രി​കി​ലും പൗലോസ്‌ ഇവിടെ ഉപയോ​ഗി​ക്കുന്ന പദം, ഗ്രീക്ക്‌ സെപ്‌റ​റു​വ​ജിൻറ്‌ വേർഷ​നിൽ റിബേക്ക, റാഹേൽ, യോ​സേഫ്‌ എന്നിവരെ—സൗന്ദര്യ​ത്തി​ന്റെ കാര്യ​ത്തിൽ ശ്രദ്ധേ​യ​രായ ഈ മൂന്നു​പേ​രെ​യും—വർണി​ക്കാൻ ഉപയോ​ഗി​ച്ചി​രി​ക്കുന്ന അതേ പദംത​ന്നെ​യാണ്‌. (ഉല്‌പത്തി 26:7; 29:17; 39:6) അതു​കൊണ്ട്‌, യഹോ​വ​യു​ടെ സേവന​ത്തിൽ നാം ഏർപ്പെ​ടു​ന്നത്‌ അവന്റെ ദൃഷ്ടി​യിൽ മനോ​ഹ​ര​വും വില​യേ​റി​യ​തു​മാണ്‌.—മത്തായി 24:14; 28:19, 20.

15-16. യഹോവ നമ്മുടെ സഹിഷ്‌ണു​ത​യ്‌ക്കു വിലകൽപ്പി​ക്കു​ന്ന​തെ​ന്തു​കൊണ്ട്‌, സങ്കീർത്തനം 56:8-ലെ ദാവീദ്‌ രാജാ​വി​ന്റെ വാക്കുകൾ ഈ വസ്‌തു​ത​യ്‌ക്ക്‌ അടിവ​ര​യി​ടു​ന്നത്‌ എങ്ങനെ?

¹⁵ ദൈവം വിലകൽപ്പി​ക്കുന്ന നമ്മുടെ മറെറാ​രു ഗുണം സഹിഷ്‌ണു​ത​യാണ്‌. (മത്തായി 24:13) നിങ്ങൾ യഹോ​വക്കു പുറം​തി​രി​യാ​നാ​ണു സാത്താൻ ആഗ്രഹി​ക്കു​ന്നത്‌. നിങ്ങൾ യഹോ​വ​യോ​ടു വിശ്വ​സ്‌ത​രാ​യി നില​കൊ​ള്ളുന്ന ഓരോ ദിവസ​വും സാത്താന്റെ പരിഹാ​സ​ത്തിന്‌ ഉത്തരം നൽകാൻ നിങ്ങൾ സഹായിച്ച മറെറാ​രു ദിവസ​മാണ്‌. (സദൃശ​വാ​ക്യ​ങ്ങൾ 27:11) ചില​പ്പോ​ഴെ​ല്ലാം സഹിഷ്‌ണുത കാണി​ക്കുക അത്ര എളുപ്പ​മുള്ള കാര്യമല്ല. ആരോഗ്യ പ്രശ്‌നങ്ങൾ, സാമ്പത്തിക ബുദ്ധി​മു​ട്ടു​കൾ, വൈകാ​രിക സമ്മർദം എന്നിവ​യും മററു വിലങ്ങു​ത​ടി​ക​ളും കടന്നു​പോ​കുന്ന ഓരോ ദിനവും ക്ലേശക​ര​മാ​ക്കി​യേ​ക്കാം. അത്തരം ക്ലേശങ്ങൾക്കു​മ​ധ്യേ​യുള്ള സഹിഷ്‌ണുത യഹോ​വക്കു പ്രത്യേ​കി​ച്ചും വില​യേ​റി​യ​താണ്‌. അതു​കൊ​ണ്ടാ​ണു ദാവീദു രാജാവ്‌ തന്റെ കണ്ണീര്‌ ഒരു ആലങ്കാ​രിക “തുരു​ത്തി​യിൽ” ആക്കി​വെ​ക്കാൻ, “അവ നിന്റെ പുസ്‌ത​ക​ത്തിൽ ഇല്ലയോ” എന്ന്‌ ആത്മവി​ശ്വാ​സ​ത്തോ​ടെ ചോദി​ച്ചു​കൊ​ണ്ടു യഹോ​വ​യോട്‌ അപേക്ഷി​ച്ചത്‌. (സങ്കീർത്തനം 56:8) അതേ, യഹോ​വ​യോ​ടുള്ള വിശ്വ​സ്‌തത നിലനിർത്തു​ന്ന​തി​നു നാം സഹിക്കുന്ന കണ്ണുനീ​രും കഷ്ടപ്പാ​ടു​മെ​ല്ലാം അവൻ വില​യേ​റി​യ​താ​യി എണ്ണുക​യും ഓർക്കു​ക​യും ചെയ്യും. അവയും യഹോ​വ​യു​ടെ ദൃഷ്ടി​യിൽ വില​യേ​റി​യ​താണ്‌.

¹⁶ നമ്മുടെ മികച്ച ഗുണങ്ങ​ളു​ടെ​യും ശ്രമങ്ങ​ളു​ടെ​യും വീക്ഷണ​ത്തിൽ നമ്മി​ലോ​രു​ത്ത​രി​ലും വിലകൽപ്പി​ക്കുന്ന ധാരാളം കാര്യങ്ങൾ യഹോവ കണ്ടെത്തു​ന്നു​വെ​ന്നത്‌ എത്ര വ്യക്തമാണ്‌! സാത്താന്റെ ലോകം നമ്മോട്‌ എങ്ങനെ പെരു​മാ​റി​യാ​ലും വേണ്ടില്ല, യഹോവ നമ്മെ വില​യേ​റി​യ​വ​രും “സകല ജാതി​ക​ളു​ടെ​യും മനോ​ഹ​ര​വ​സ്‌തു”ക്കളുടെ ഭാഗവു​മാ​യാ​ണു വീക്ഷി​ക്കു​ന്നത്‌.—ഹഗ്ഗായി 2:7.

തന്റെ സ്‌നേഹം പ്രകടി​പ്പി​ക്കാൻ യഹോവ ചെയ്‌തി​രി​ക്കു​ന്നത്‌

17. യഹോ​വ​യും യേശു​വും നമ്മെ വ്യക്തി​ക​ളെ​ന്ന​നി​ല​യിൽ സ്‌നേ​ഹി​ക്കു​ന്നു​വെന്നു ക്രിസ്‌തു​വി​ന്റെ മറുവി​ല​യാ​ഗം ബോധ്യ​പ്പെ​ടു​ത്തേ​ണ്ടത്‌ എന്തു​കൊണ്ട്‌?

¹⁷ മൂന്നാ​മ​താ​യി, നമ്മോ​ടുള്ള തന്റെ സ്‌നേഹം പ്രകടി​പ്പി​ക്കാൻ യഹോവ അനേകം കാര്യങ്ങൾ ചെയ്യുന്നു. നാം ഒന്നിനും കൊള്ളാ​ത്ത​വ​രും സ്‌നേ​ഹി​ക്ക​പ്പെ​ടാൻ കൊള്ളാ​ത്ത​വ​രു​മാണ്‌ എന്ന സാത്താന്യ നുണയ്‌ക്കുള്ള ഏററവും ശക്തമായ ഉത്തരം ക്രിസ്‌തു​വി​ന്റെ മറുവി​ല​യാ​ഗ​മാ​ണെ​ന്നതു തീർച്ച​യാണ്‌. ദണ്ഡനസ്‌തം​ഭ​ത്തിൽ യേശു അനുഭ​വിച്ച വേദനാ​ജ​ന​ക​മായ മരണവും അതി​നെ​ക്കാ​ളു​പരി, തന്റെ പ്രിയ​പു​ത്രൻ മരിക്കു​ന്നതു കണ്ടപ്പോൾ യഹോവ സഹിച്ച വേദന​യും അവർക്കു നമ്മോ​ടുള്ള സ്‌നേ​ഹ​ത്തി​നു തെളി​വാ​ണെന്ന കാര്യം നാം ഒരിക്ക​ലും മറക്കരുത്‌. കൂടാതെ, ആ സ്‌നേഹം വ്യക്തി​പ​ര​മായ രീതി​യിൽ നമുക്കു ബാധക​മാണ്‌. അപ്പോ​സ്‌ത​ല​നായ പൗലോസ്‌ അതിനെ അങ്ങനെ​യാ​ണു വീക്ഷി​ച്ചത്‌. തൻമൂലം, “എന്നെ സ്‌നേ​ഹി​ച്ചു എനിക്കു​വേണ്ടി തന്നെത്താൻ ഏല്‌പി​ച്ചു​കൊ​ടുത്ത ദൈവ​പു​ത്ര”നെന്ന്‌ അവൻ എഴുതി.—ഗലാത്യർ 2:20.

18. ഏതർഥ​ത്തി​ലാ​ണു യഹോവ നമ്മെ ക്രിസ്‌തു​വി​ലേക്ക്‌ അടുപ്പി​ക്കു​ന്നത്‌?

¹⁸ ക്രിസ്‌തു​വി​ന്റെ ബലിയിൽനി​ന്നു പ്രയോ​ജ​നങ്ങൾ അനുഭ​വി​ക്കു​ന്ന​തി​നു നമ്മെ വ്യക്തി​പ​ര​മാ​യി സഹായി​ച്ചു​കൊണ്ട്‌ യഹോവ തന്റെ സ്‌നേഹം തെളി​യി​ച്ചു. “എന്നെ അയച്ച പിതാവു ആകർഷി​ച്ചി​ട്ട​ല്ലാ​തെ ആർക്കും എന്റെ അടുക്കൽ വരുവാൻ കഴിക​യില്ല” എന്ന്‌ യേശു യോഹ​ന്നാൻ 6:44-ൽ പറഞ്ഞു. വ്യക്തി​പ​ര​മാ​യി നമ്മുടെ പക്കൽ എത്തി​ച്ചേ​രുന്ന പ്രസം​ഗ​വേ​ല​യും നമ്മുടെ പരിമി​തി​ക​ളോ അപൂർണ​ത​യോ ഗണ്യമാ​ക്കാ​തെ ആത്മീയ സത്യങ്ങൾ ഗ്രഹി​ക്കു​ന്ന​തി​നും ബാധക​മാ​ക്കു​ന്ന​തി​നും നമ്മു​ടെ​മേൽ ചൊരി​യുന്ന അവന്റെ പരിശു​ദ്ധാ​ത്മാ​വും മുഖാ​ന്തരം യഹോവ വ്യക്തി​പ​ര​മാ​യി നമ്മെ അവന്റെ പുത്ര​നി​ലേ​ക്കും നിത്യ​ജീ​വ​നി​ലേ​ക്കും അടുപ്പി​ക്കു​ന്നു. അതു​കൊണ്ട്‌, “നിത്യ​സ്‌നേ​ഹം​കൊ​ണ്ടു ഞാൻ നിന്നെ സ്‌നേ​ഹി​ച്ചി​രി​ക്കു​ന്നു അതു​കൊ​ണ്ടു ഞാൻ നിനക്കു ദയ ദീർഘ​മാ​ക്കി​യി​രി​ക്കു​ന്നു” എന്ന്‌ ഇസ്രാ​യേ​ലി​നെ​പ്പ​ററി പറഞ്ഞതു​പോ​ലെ നമ്മെപ്പ​റ​റി​യും യഹോ​വക്കു പറയാൻ കഴിയും.—യിരെ​മ്യാ​വു 31:3.

19. പ്രാർഥി​ക്കു​ന്ന​തി​നുള്ള പദവി യഹോ​വക്കു നമ്മുടെ നേർക്കുള്ള വ്യക്തി​പ​ര​മായ സ്‌നേ​ഹ​ത്തെ​പ്പ​ററി ബോധ്യ​പ്പെ​ടു​ത്തേ​ണ്ടത്‌ എന്തു​കൊണ്ട്‌?

¹⁹ എന്നുവ​രി​കി​ലും, ഏററവും ഉററവി​ധ​ത്തിൽ നാം യഹോ​വ​യു​ടെ സ്‌നേഹം അനുഭ​വി​ക്കു​ന്നത്‌ ഒരുപക്ഷേ പ്രാർഥ​ന​യെന്ന പദവി​യി​ലൂ​ടെ​യാണ്‌. തന്നോട്‌ “ഇടവി​ടാ​തെ പ്രാർത്ഥി​പ്പിൻ” എന്ന ക്ഷണം അവൻ നമുക്കു നൽകുന്നു. (1 തെസ്സ​ലൊ​നീ​ക്യർ 5:17) അവൻ ചെവി​ചാ​യ്‌ക്കു​ന്നു! “പ്രാർത്ഥന കേൾക്കു​ന്നവ”നെന്നു​പോ​ലും അവൻ വിളി​ക്ക​പ്പെ​ട്ടി​രി​ക്കു​ന്നു. (സങ്കീർത്തനം 65:2) ഈ സ്ഥാനം അവൻ ആരെയും, സ്വന്തം പുത്ര​നെ​പ്പോ​ലും, ഏൽപ്പി​ച്ചി​ട്ടില്ല. ഒന്നു ചിന്തി​ച്ചു​നോ​ക്കൂ: സംസാ​ര​സ്വാ​ത​ന്ത്ര്യ​ത്തോ​ടെ പ്രാർഥ​ന​യിൽ തന്നെ സമീപി​ക്കാൻ അഖിലാ​ണ്ഡ​ത്തി​ന്റെ സ്രഷ്ടാവ്‌ നമ്മെ പ്രേരി​പ്പി​ക്കു​ന്നു. നിങ്ങളു​ടെ പ്രാർഥന, താൻ ഒരുപക്ഷേ ചെയ്യാൻ ഉദ്ദേശി​ക്കാ​തി​രുന്ന കാര്യം ചെയ്യാൻ യഹോ​വയെ പ്രേരി​പ്പി​ച്ചെന്നു വരാം.—എബ്രായർ 4:16; യാക്കോബ്‌ 5:16; കാണുക: യെശയ്യാ​വു 38:1-16.

20. ദൈവ​ത്തി​നു നമ്മോ​ടുള്ള സ്‌നേഹം ദുരഭി​മാ​ന​ത്തി​നോ ഞാനെന്ന ഭാവത്തി​നോ ഉള്ള ഒഴിക​ഴി​വ​ല്ലാ​ത്തത്‌ എന്തു​കൊണ്ട്‌?

²⁰ സമനി​ല​യുള്ള ഒരു ക്രിസ്‌ത്യാ​നി​യും ദൈവ​ത്തി​ന്റെ സ്‌നേ​ഹ​ത്തി​ന്റെ​യും ആദരവി​ന്റെ​യും തെളി​വി​നെ താൻ ആയിരി​ക്കു​ന്ന​തി​ലു​മ​ധി​കം പ്രാധാ​ന്യ​മു​ള്ള​വ​നാ​യി സ്വയം വീക്ഷി​ക്കാ​നുള്ള ഒഴിക​ഴി​വാ​യി കണക്കാ​ക്കു​ക​യില്ല. “ഭാവി​ക്കേ​ണ്ട​തി​ന്നു മീതെ ഭാവി​ച്ചു​യ​രാ​തെ ദൈവം അവനവന്നു വിശ്വാ​സ​ത്തി​ന്റെ അളവു പങ്കിട്ട​തു​പോ​ലെ സുബോ​ധ​മാ​കും​വണ്ണം ഭാവി​ക്കേ​ണ​മെന്നു ഞാൻ എനിക്കു ലഭിച്ച കൃപയാൽ നിങ്ങളിൽ ഓരോ​രു​ത്ത​നോ​ടും പറയുന്നു” എന്ന്‌ പൗലോസ്‌ എഴുതി. (റോമർ 12:3) നമ്മുടെ സ്വർഗീയ പിതാ​വി​ന്റെ സ്‌നേ​ഹ​ത്തി​ന്റെ ഊഷ്‌മ​ള​ത​യിൽ മുങ്ങി​ത്തു​ടി​ക്കു​മ്പോൾതന്നെ നമുക്കു സുബോ​ധ​മു​ള്ള​വ​രാ​യി​രി​ക്കാം, ദൈവ​ത്തി​ന്റെ സ്‌നേ​ഹദയ അനർഹ​മാ​ണെ​ന്നും നമുക്ക്‌ ഓർമി​ക്കാം.—താരത​മ്യം ചെയ്യുക: ലൂക്കൊസ്‌ 17:10.

21. നാം നിരന്തരം ത്യജി​ക്കേണ്ട സാത്താന്യ നുണ​യേത്‌, എന്നും ധ്യാനി​ക്കേണ്ട ദിവ്യ​സ​ത്യം ഏത്‌?

²¹ നശിച്ചു​കൊ​ണ്ടി​രി​ക്കുന്ന ഈ പഴയ വ്യവസ്ഥി​തി​യിൽ സാത്താൻ ഉന്നമി​പ്പി​ക്കുന്ന ഏത്‌ ആശയങ്ങ​ളെ​യും ചെറു​ക്കു​ന്ന​തി​നു നമ്മാൽ ആകുന്ന​തെ​ല്ലാം നമു​ക്കോ​രോ​രു​ത്തർക്കും ചെയ്യാം. നാം ഒന്നിനും കൊള്ള​രു​താ​ത്ത​വ​രാ​ണെ​ന്നോ സ്‌നേ​ഹി​ക്ക​പ്പെ​ടാ​ത്ത​വ​രാ​ണെ​ന്നോ ഉള്ള ചിന്ത ത്യജി​ക്കു​ന്നത്‌ അതിൽ ഉൾപ്പെ​ടു​ന്നു. ദൈവ​ത്തി​ന്റെ തീവ്ര​മായ സ്‌നേഹം കരകവി​ഞ്ഞൊ​ഴു​കു​ന്നതു തടയാ​നുള്ള ഒരു വരമ്പായി സ്വയം കാണാ​നോ സർവവും കാണുന്ന അവന്റെ കണ്ണുകൾക്കു​പോ​ലും കാണാൻ വയ്യാത്ത​വി​ധം അത്ര നിസ്സാ​ര​മാ​ണു നിങ്ങളു​ടെ സത്‌പ്ര​വൃ​ത്തി​കൾ എന്നു ചിന്തി​ക്കാ​നോ അവന്റെ വില​യേ​റിയ പുത്രന്റെ മരണത്തി​നു​പോ​ലും മറയ്‌ക്കാ​നാ​വാ​ത്ത​വി​ധം അത്ര വലുതാ​ണു നിങ്ങളു​ടെ പാപ​മെന്നു ചിന്തി​ക്കാ​നോ ഈ വ്യവസ്ഥി​തി നിങ്ങളെ പഠിപ്പി​ച്ചി​ട്ടു​ണ്ടെ​ങ്കിൽ അതു നുണയാണ്‌. അത്തരം നുണകൾ അവ അർഹി​ക്കുന്ന വെറു​പ്പോ​ടെ ത്യജിച്ചു കളയുക! “മരണത്തി​ന്നോ ജീവന്നോ ദൂതൻമാർക്കോ വാഴ്‌ച​കൾക്കോ അധികാ​ര​ങ്ങൾക്കോ ഇപ്പോ​ഴു​ള്ള​തി​ന്നോ വരുവാ​നു​ള്ള​തി​ന്നോ ഉയരത്തി​ന്നോ ആഴത്തി​ന്നോ മററു യാതൊ​രു സൃഷ്ടി​ക്കോ നമ്മുടെ കർത്താ​വായ യേശു​ക്രി​സ്‌തു​വി​ലുള്ള ദൈവ​സ്‌നേ​ഹ​ത്തിൽനി​ന്നു നമ്മെ വേറു​പി​രി​പ്പാൻ കഴിക​യില്ല എന്നു ഞാൻ ഉറെച്ചി​രി​ക്കു​ന്നു” എന്ന റോമർ 8:38, 39-ലെ അപ്പോ​സ്‌ത​ല​നായ പൗലോ​സി​ന്റെ നിശ്വസ്‌ത വാക്കുകൾ നമുക്ക്‌ എല്ലായ്‌പോ​ഴും മനസ്സിൽ പിടി​ക്കാം.

[അടിക്കു​റി​പ്പു​കൾ]

നിങ്ങൾ എന്തു വിചാ​രി​ക്കു​ന്നു?

◻ നാം ഒന്നിനും​കൊ​ള്ളാ​ത്ത​വ​രാ​ണെ​ന്നും സ്‌നേ​ഹി​ക്ക​പ്പെ​ടാ​ത്ത​വ​രാ​ണെ​ന്നും നമ്മെ ബോധ്യ​പ്പെ​ടു​ത്താൻ സാത്താൻ ശ്രമി​ക്കു​ന്ന​തെ​ന്തു​കൊണ്ട്‌?

◻ യഹോവ നമ്മെ ഓരോ​രു​ത്ത​രെ​യും വിലയു​ള്ള​താ​യി കരുതു​ന്നു​വെന്നു യേശു പഠിപ്പി​ച്ച​തെ​ങ്ങനെ?

◻ യഹോവ നമ്മുടെ നല്ല ഗുണങ്ങളെ വിലയു​ള്ള​താ​യി കരുതു​ന്നു​വെന്നു നാം അറിയു​ന്ന​തെ​ങ്ങനെ?

◻ യഹോവ നമ്മുടെ ശ്രമങ്ങളെ നിധി​പോ​ലെ കാക്കു​ന്നു​വെന്നു നമുക്ക്‌ എങ്ങനെ ഉറപ്പു​ണ്ടാ​യി​രി​ക്കാൻ കഴിയും?

◻ വ്യക്തി​ക​ളെന്ന നിലയിൽ യഹോ​വക്കു നമ്മോ​ടുള്ള സ്‌നേഹം അവൻ എങ്ങനെ​യാ​ണു തെളി​യി​ച്ചി​രി​ക്കു​ന്നത്‌?

[13-ാം പേജിലെ ചിത്രം]

തന്റെ നാമത്തിൽ ചിന്തി​ക്കു​ന്ന​വ​രെ​യെ​ല്ലാം യഹോവ ശ്രദ്ധി​ക്കു​ക​യും ഓർക്കു​ക​യും ചെയ്യുന്നു