വരുവാ​നുള്ള ആയിരം വർഷത്തിനുവേണ്ടി ഇപ്പോൾ സംവി​ധാ​നം​ചെ​യ്യു​ന്നു

“അവർ . . . ആയിരം വർഷം അവനോ​ടു കൂടെ രാജാ​ക്കൻമാ​രാ​യി ഭരിക്കും.”—വെളി​പ്പാട്‌ 20:6

1. ഇന്നു മുതൽ ആയിര​ത്തിൽപരം വർഷങ്ങൾക്കു​ശേഷം ഭൂമി​യി​ലെ കാര്യ​ങ്ങ​ളു​ടെ അവസ്ഥ എന്തായി​രി​ക്കും?

എന്ത്‌! ഇന്നു മുതൽ ആയിര​ത്തിൽപരം വർഷം കഴിഞ്ഞും മനുഷ്യ​വർഗ്ഗം ഇവിടെ ഭൂമി​യി​ലു​ണ്ടാ​യി​രി​ക്കു​മെ​ന്നാ​ണോ ഞങ്ങൾ അർത്ഥമാ​ക്കു​ന്നത്‌? അതുത​ന്നെ​യാണ്‌ ഞങ്ങൾ അർത്ഥമാ​ക്കു​ന്നത്‌! അതുമാ​ത്രമല്ല, അന്ന്‌ സകല മനുഷ്യ​വർഗ്ഗ​വും ഈ ഗോള​ത്തിൽ മനുഷ്യാ​സ്‌തി​ത്വ​ത്തി​ന്റെ തുടക്ക​ത്തി​ലെ ഒന്നാം മനുഷ്യ​നെ​യും സ്‌ത്രീ​യെ​യും പോലെ ശരീര​ത്തി​ലും ഹൃദയ​ത്തി​ലും മനസ്സി​ലും പൂർണ്ണ​രാ​യി​രി​ക്കും. അതെ, ഇന്നു മുതൽ ഒരു ആയിരം വർഷം കഴിയു​മ്പോൾ മനുഷ്യർ തങ്ങളുടെ ദൈവ​വും പുനഃ​സ്ഥാ​പ​ക​നു​മാ​യ​വന്റെ പ്രതി​ച്‌ഛാ​യ​യി​ലും സാദൃ​ശ്യ​ത്തി​ലു​മാ​യി​രി​ക്കും. (ഉല്‌പത്തി 1:26-30) അവർ ഒരു “ഏദൻതോ​ട്ട​ത്തിൽ,” ഒരു ഉല്ലാസ​ത്തി​ന്റെ പറുദീ​സ​യിൽ, മനുഷ്യ​നി​വാ​സി​കൾ തിങ്ങി​പ്പാർക്കാത്ത ശുദ്ധീ​ക​രി​ക്ക​പ്പെട്ട ഒരു ഭൂമി​യിൽ, ജീവിതം പൂർണ്ണ​മാ​യി ആസ്വദി​ക്കു​ന്ന​താ​യി​രി​ക്കും. (ഉല്‌പത്തി 2:15) ഇതെല്ലാം ഭൂമി​യെ​യും അതിൽ വസിക്കാ​നു​ള്ള​വ​രെ​യും സംബന്ധിച്ച സ്രഷ്ടാ​വി​ന്റെ ആദിമ ഉദ്ദേശ്യ​ത്തി​ന്റെ നിവൃ​ത്തി​യാ​യി​ട്ടാ​യി​രി​ക്കും. ഈ മനോ​ഹ​ര​മായ നേട്ടം ഏതു എതിർപ്പും വകവെ​ക്കാ​തെ സകല മനുഷ്യ​വർഗ്ഗ​ത്തെ​യും അനു​ഗ്ര​ഹി​ക്കു​ന്ന​തി​നുള്ള തന്റെ സ്‌നേ​ഹ​പൂർവ​ക​മായ വാഗ്‌ദാ​ന​ത്തോ​ടു അവൻ വിശ്വ​സ്‌ത​നാ​യി​രി​ക്കു​ന്ന​താ​യി അവനെ സംസ്ഥാ​പി​ക്കും.

2. ഏതാണ്ടു പത്തൊൻപതു നൂററാ​ണ്ടു മുമ്പത്തെ ആളുകൾക്ക്‌ പൂർണ്ണ​രാ​ക്ക​പ്പെ​ടുന്ന മനുഷ്യ​വർഗ്ഗം എങ്ങനെ​യാ​യി​രി​ക്കു​മെ​ന്നു​ള്ള​തി​ന്റെ ഒരു വീക്ഷണം കിട്ടി​യ​തെ​ങ്ങനെ?

² ആ അനുഗൃ​ഹീ​ത​മായ നേട്ടം ദൈവ​ത്തി​ന്റെ മഹത്വീ​ക​രി​ക്ക​പ്പെട്ട പുത്രൻ മുഖേ​ന​യുള്ള അവന്റെ ആയിര​വർഷ​വാ​ഴ്‌ചക്ക്‌ മകുടം​ചാർത്തു​ന്ന​താ​യി​രി​ക്കും. ആ പുത്രൻ 19ൽപരം നൂററാ​ണ്ടു​മുമ്പ്‌ ഒരു പൂർണ്ണ​മ​നു​ഷ്യ​നെന്ന നിലയിൽ ഭൂമി​യിൽ 33 1⁄2 വർഷം ചെലവ​ഴി​ച്ചി​രു​ന്നു. ആ കാലത്ത്‌ അവന്റെ പ്രത്യക്ഷത ഏതു തരമാ​യി​രു​ന്നു​വെന്ന്‌ നാം വായി​ക്കു​ന്നു: “വചനം ജഡമായി നമ്മുടെ ഇടയിൽ വസിച്ചു, നമുക്ക്‌ അവന്റെ മഹത്വ​ത്തി​ന്റെ, ഒരു പിതാ​വിൽനി​ന്നുള്ള ഒരു ഏകജാ​ത​പു​ത്ര​ന്റേ​തു​പോ​ലെ​യുള്ള മഹത്വ​ത്തി​ന്റെ, ഒരു വീക്ഷണം ലഭിച്ചു; അവനിൽ അനർഹ​ദ​യ​യും സത്യവും നിറഞ്ഞി​രു​ന്നു.” (യോഹ​ന്നാൻ 1:14) അതു​കൊണ്ട്‌ യേശു​ക്രി​സ്‌തു​വിൽ ഇസ്രാ​യേൽജനം ഒരു പൂർണ്ണ മനുഷ്യ​ജീ​വി എങ്ങനെ​യു​ള്ള​വ​നാ​ണെന്നു കണ്ടു. (ലൂക്കോസ്‌ 3:23, 38) അതെ, 19 നൂററാ​ണ്ടു​മുമ്പ്‌ ചിലയാ​ളു​കൾ വരാനി​രി​ക്കുന്ന ഭൗമി​ക​പ​റു​ദീ​സ​യിൽ പൂർണ്ണ​രാ​ക്ക​പ്പെ​ടുന്ന മനുഷ്യ​വർഗ്ഗം എങ്ങനെ​യാ​യി​രി​ക്കു​മെന്ന്‌ കാണു​ക​യു​ണ്ടാ​യി.

3, 4. (എ) യേശു​ക്രി​സ്‌തു​വും 1,44,000വും മുഖേ​ന​യുള്ള യഹോ​വ​യു​ടെ വാഴ്‌ച യഥാർത്ഥ​ത്തിൽ എത്ര ദീർഘ​മാ​യി​രി​ക്കും? (ബി) ആ കാലഘ​ട്ട​ത്തിന്‌ ഏത്‌ പദപ്ര​യോ​ഗം ഉപയോ​ഗി​ക്ക​പ്പെ​ട്ടി​രി​ക്കു​ന്നു, അത്‌ വാച്ച്‌ ററവർ പ്രസി​ദ്ധീ​ക​ര​ണ​ങ്ങ​ളു​ടെ ചില ശീർഷ​ക​ങ്ങ​ളിൽ പ്രതി​ഫ​ലി​പ്പി​ക്ക​പ്പെ​ട്ട​തെ​ങ്ങനെ?

³ യേശു​ക്രി​സ്‌തു​വും മഹത്വീ​ക​രി​ക്ക​പ്പെ​ടുന്ന അവന്റെ 1,44,000 ശിഷ്യൻമാ​രും ചേർന്നുള്ള യഹോ​വ​യു​ടെ രാജ്യ​ഭ​ര​ണ​ത്തി​ന്റെ ദൈർഘ്യം ആയിരം വർഷമാ​യി​രി​ക്കു​മെന്ന്‌ മുൻകൂ​ട്ടി​പ്പ​റ​യ​പ്പെട്ടു. ആ ആയിര​വർഷ​വാ​ഴ്‌ചയെ സംബന്ധിച്ച്‌ വൃദ്ധ അപ്പോ​സ്‌ത​ല​നാ​യി​രുന്ന യോഹ​ന്നാൻ ഇങ്ങനെ എഴുതി: “ഞാൻ സിംഹാ​സ​നങ്ങൾ കണ്ടു, അവയിൽ ഇരുന്നവർ ഉണ്ടായി​രു​ന്നു, അവർക്ക്‌ ന്യായ​വി​ധി​യു​ടെ അധികാ​രം കൊടു​ക്ക​പ്പെട്ടു. അതെ, തങ്ങൾ യേശു​വി​നു വഹിച്ച സാക്ഷ്യം നിമി​ത്ത​വും ദൈവ​ത്തെ​ക്കു​റി​ച്ചു സംസാ​രി​ച്ചതു നിമി​ത്ത​വും കോടാ​ലി​കൊ​ണ്ടു വധിക്ക​പ്പെ​ട്ട​വ​രു​ടെ​യും കാട്ടു​മൃ​ഗ​ത്തെ​യോ അതിന്റെ പ്രതി​മ​യെ​യോ ആരാധി​ക്കാ​തി​രി​ക്കു​ക​യും തങ്ങളുടെ നെററി​യി​ലും തങ്ങളുടെ കൈ​മേ​ലും അടയാളം സ്വീക​രി​ക്കാ​തി​രി​ക്കു​ക​യും ചെയ്‌ത​വ​രു​ടെ​യും ദേഹി​കളെ ഞാൻ കണ്ടു. അവർ ജീവനി​ലേക്കു വരുക​യും ക്രിസ്‌തു​വി​നോ​ടു​കൂ​ടെ ഒരു ആയിരം വർഷം രാജാ​ക്കൻമാ​രാ​യി ഭരിക്കു​ക​യും​ചെ​യ്‌തു. (മരിച്ച​വ​രിൽ ശേഷി​ച്ചവർ ആയിരം വർഷം അവസാ​നി​ക്കു​ന്ന​തു​വരെ ജീവനി​ലേക്കു വന്നില്ല.) ഇതാണ്‌ ഒന്നാമത്തെ പുനരു​ത്ഥാ​നം. ഒന്നാം പുനരു​ത്ഥാ​ന​ത്തിൽ പങ്കുള്ള ഏവനും സന്തുഷ്ട​നും വിശു​ദ്ധ​നു​മാ​കു​ന്നു; ഇവരു​ടെ​മേൽ രണ്ടാം മരണത്തിന്‌ അധികാ​ര​മില്ല, എന്നാൽ അവർ ദൈവ​ത്തി​ന്റെ​യും ക്രിസ്‌തു​വി​ന്റെ​യും പുരോ​ഹി​തൻമാ​രാ​യി​രി​ക്കും, അവനോ​ടു​കൂ​ടെ ആയിരം വർഷം രാജാ​ക്കൻമാ​രാ​യി ഭരിക്കു​ക​യും ചെയ്യും.”—വെളി​പ്പാട്‌ 20:4-6.

⁴ ആയിരം വർഷം ഒരു സഹസ്രാ​ബ്ദ​മാ​യ​തു​കൊണ്ട്‌ ആ കാലഘട്ടം ക്രിസ്‌തു​വി​ന്റെ സഹസ്രാ​ബ്ദ​വാഴ്‌ച എന്നു വിളി​ക്ക​പ്പെ​ടു​ന്നു. ഈ ബൈബി​ളു​പ​ദേശം സ്വീക​രി​ക്കു​ക​യും പഠിപ്പി​ക്കു​ക​യും ചെയ്യു​ന്നവർ ചില​പ്പോൾ സഹസ്രാ​ബ്ദ​ഭ​ര​ണ​വി​ശ്വാ​സി​കൾ അഥവാ സഹസ്രാ​ബ്ദ​വാ​ദി​കൾ എന്നു വിളി​ക്ക​പ്പെ​ടു​ന്നു, ഇത്‌ “ആയിരം” എന്നതിന്റെ ഗ്രീക്ക്‌ പദപ്ര​കാ​ര​മാണ്‌. രസാവ​ഹ​മാ​യി, (ഒരു കാലത്ത്‌ വാച്ച്‌ ററവർ ബൈബിൾ ആൻഡ്‌ ട്രാക്‌ററ്‌ സൊ​സൈ​ററി പ്രസി​ദ്ധ​പ്പെ​ടു​ത്തിയ) വേദാ​ദ്ധ്യ​യന പത്രി​ക​ക​ളു​ടെ വാല്യങ്ങൾ ആദ്യം സഹസ്രാ​ബദോ​ദയം എന്നു വിളി​ക്ക​പ്പെ​ട്ടി​രു​ന്നു. സാർവ​ദേ​ശീയ ബൈബിൾ വിദ്യാർത്ഥി​കൾ ഒരു കാലത്ത്‌ ഉപയോ​ഗി​ച്ചി​രുന്ന പാട്ടു​പു​സ്‌തകം സഹസ്രാ​ബദോ​ദയ ഗീതങ്ങൾ എന്നു വിളി​ക്ക​പ്പെ​ട്ടി​രു​ന്നു.

5. ക്രിസ്‌തു​വി​ന്റെ ആയിര​വർഷ​വാ​ഴ്‌ച​ക്കാ​ലത്ത്‌ സാത്താ​ന്റെ​യും അവന്റെ ഭൂതങ്ങ​ളു​ടെ​യും അവസ്ഥ​യെ​ന്താ​യി​രി​ക്കും?

⁵ വെളി​പ്പാട്‌ 20:4-ലെ “ഒരു ആയിരം വർഷം” എന്ന പദപ്ര​യോ​ഗം പ്രതീ​കാ​ത്മ​കമല്ല, പിന്നെ​യോ ഒരു ആയിരം സൗരവർഷത്തെ പരാമർശി​ക്കു​ന്നു. ആ സഹസ്രാ​ബ്ദ​ത്തിൽ പിശാ​ചായ സാത്താ​നും അവന്റെ ഭൂത സൈന്യ​ങ്ങ​ളും അഗാധ​ത്തി​ലാ​യി​രി​ക്കും, എന്തു​കൊ​ണ്ടെ​ന്നാൽ ക്രിസ്‌തു​വി​ന്റെ ആയിര​വർഷ​വാ​ഴ്‌ച​യെ​ക്കു​റി​ച്ചു പറയു​ന്ന​തി​നു തൊട്ടു​മുമ്പ്‌ അപ്പോ​സ്‌ത​ല​നായ യോഹ​ന്നാൻ ഇങ്ങനെ പറഞ്ഞു: “അഗാധ​ത്തി​ന്റെ താക്കോ​ലും കൈയിൽ ഒരു വലിയ ചങ്ങലയു​മാ​യി ഒരു ദൂതൻ സ്വർഗ്ഗ​ത്തിൽനിന്ന്‌ ഇറങ്ങി​വ​രു​ന്നതു ഞാൻ കണ്ടു. അവൻ പിശാ​ചും സാത്താ​നു​മായ ആദ്യപാ​മ്പായ മഹാസർപ്പത്തെ പിടി​ക്കു​ക​യും അവനെ ഒരു ആയിരം വർഷ​ത്തേക്കു ബന്ധിക്കു​ക​യും​ചെ​യ്‌തു. അവൻ അവനെ അഗാധ​ത്തി​ലേക്ക്‌ എറിയു​ക​യും അതടക്കു​ക​യും അവൻമേൽ അതിനു മുദ്ര​വെ​ക്കു​ക​യും ചെയ്‌തു, അവൻ മേലാൽ ഒരു ആയിരം വർഷം അവസാ​നി​ക്കു​ന്ന​തു​വരെ ജനതകളെ വഴി​തെ​റ​റി​ക്കാ​തി​രി​ക്കേ​ണ്ട​തി​നു​തന്നെ. ഈ കാര്യ​ങ്ങൾക്കു​ശേഷം അവൻ അല്‌പ​കാ​ല​ത്തേക്ക്‌ അഴിച്ചു​വി​ട​പ്പെ​ടേ​ണ്ട​താണ്‌.”—വെളി​പ്പാട്‌ 20:1-3.

6. (എ) ക്രിസ്‌തു​വി​ന്റെ ആയിര​വർഷ​വാ​ഴ്‌ച​യു​ടെ അവസാ​ന​ത്തിന്‌ ചില റോമൻക​ത്തോ​ലി​ക്കർ ഏതു തീയതി നൽകി​യി​ട്ടുണ്ട്‌? (ബി) കത്തോ​ലി​ക്കാ അവകാ​ശ​വാ​ദങ്ങൾ ശരിയാ​യി​രു​ന്നെ​ങ്കിൽ അടിത്ത​ട്ടി​ല്ലാത്ത കുഴി​യിൽനി​ന്നുള്ള സാത്താന്റെ മോച​ന​ത്തി​ന്റെ അല്‌പ​കാ​ലം ഇപ്പോൾത്തന്നെ എത്ര ദീർഘ​മാ​യി​രി​ക്കു​ന്നു?

⁶ യേശു​ക്രി​സ്‌തു​വി​ന്റെ ആയിര​വർഷ​വാഴ്‌ച ഫ്രഞ്ച്‌ സൈന്യ​ങ്ങൾ റോം പിടി​ച്ചെ​ടു​ക്കു​ക​യും അതിന്റെ ഭരണാ​ധി​കാ​രി​യെന്ന നിലയിൽനിന്ന്‌ പാപ്പായെ നീക്കു​ക​യും ചെയ്‌ത 1799-ൽ അവസാ​നി​ച്ചു​വെന്ന്‌ ചില റോമൻ കത്തോ​ലി​ക്കർ അവകാ​ശ​പ്പെ​ട്ടി​ട്ടുണ്ട്‌. പാപ്പായെ ഒരു തടവു​കാ​ര​നാ​യി ഫ്രാൻസി​ലേക്കു കൊണ്ടു​പോ​കു​ക​യും അവി​ടെ​വച്ച്‌ അദ്ദേഹം മരിക്കു​ക​യും​ചെ​യ്‌തു. അന്ന്‌ സാത്താ​നും അവന്റെ ഭൂതങ്ങ​ളും “അല്‌പ​കാല”ത്തേക്ക്‌ തങ്ങളുടെ വഞ്ചനാ​ത്‌മ​ക​പ്ര​വർത്തനം വീണ്ടും തുടങ്ങാൻ “അടിത്ത​ട്ടി​ല്ലാത്ത കുഴി​യിൽ”നിന്ന്‌ അഥവാ “അഗാധ”ത്തിൽനിന്ന്‌ വിമോ​ചി​പ്പി​ക്ക​പ്പെ​ട്ടു​വെന്ന്‌ കത്തോ​ലി​ക്കാ വൈദി​കർ പറഞ്ഞി​ട്ടുണ്ട്‌. (വെളി​പ്പാട്‌ 20:1-3, കാത്തലിക്ക്‌ ഡുവേ വേർഷൻ) അതു സത്യമാ​ണെ​ങ്കിൽ “അല്‌പ​കാ​ലം” ഇപ്പോൾത്തന്നെ അവസാനം ദൃശ്യ​മാ​കാ​തെ 190 വർഷം തുടർന്നി​രി​ക്കു​ന്നു​വെന്ന്‌ അതർത്ഥ​മാ​ക്കും.

7. യേശു​ക്രി​സ്‌തു​വി​ന്റെ സഹസ്രാ​ബ്ദ​വാ​ഴ്‌യു​ടെ കാല​ത്തെ​യും സ്വഭാ​വ​ത്തെ​യും കുറിച്ച്‌ ബൈബിൾ എന്തു സൂചി​പ്പി​ക്കു​ന്നു?

⁷ എന്നിരു​ന്നാ​ലും, തിരു​വെ​ഴു​ത്തു​ക​ള​നു​സ​രിച്ച്‌, യേശു​ക്രി​സ്‌തു​വി​ന്റെ യഥാർത്ഥ സഹസ്രാ​ബ്ദ​വാഴ്‌ച ഇപ്പോ​ഴും ഭാവി​യി​ലാണ്‌. അത്‌ വളരെ അടുത്തി​രി​ക്കു​ന്നു​വെന്ന്‌ ബൈബിൾ പ്രവച​ന​ങ്ങ​ളു​ടെ ഏതൽക്കാല നിവൃത്തി പ്രകട​മാ​ക്കു​ന്നു. യഥാർത്ഥ സഹസ്രാബ്ദ ഭരണകാ​ലത്ത്‌ സാത്താ​നും അവന്റെ ഭൂതങ്ങ​ളും യഥാർത്ഥ​മാ​യി അഗാധ​ത്തി​ല​ട​ക്ക​പ്പെ​ടും. യേശു​ക്രി​സ്‌തു​വും അവന്റെ 1,44,000 കൂട്ടവ​കാ​ശി​ക​ളും പിശാ​ചി​ന്റെ സ്ഥാപന​ത്തിൽനി​ന്നുള്ള ഇടപെടൽ കൂടാതെ സകല മനുഷ്യ​വർഗ്ഗ​ത്തിൻമേ​ലും വാഴും. തന്റെ “സ്‌നേ​ഹിത”നായ അബ്രാ​ഹാ​മി​നോ​ടുള്ള യഹോ​വ​യു​ടെ ഉടമ്പടി​യു​ടെ നിവൃ​ത്തി​യാ​യി വീണ്ടെ​ടു​ക്ക​പ്പെ​ടുന്ന സകല മനുഷ്യ​വർഗ്ഗ​ത്തി​ന്റെ​യും നിത്യാ​നു​ഗ്രഹം “മഹാപു​രു​ഷാര”ത്തിൽ തുടങ്ങും, അവർ ഈ ദുഷ്ട വ്യവസ്ഥി​തി അവസാ​നി​ക്കുന്ന സമാന്ത​ര​മി​ല്ലാത്ത “ഉപദ്രവ”കാലത്തെ അതിജീ​വി​ക്കും. അത്‌ യേശു​ക്രി​സ്‌തു ആകുന്ന “കുഞ്ഞാ​ടി​ന്റെ രക്ത”ത്താൽ വീണ്ടെ​ടു​ക്ക​പ്പെ​ടുന്ന ശതകോ​ടി​ക്ക​ണ​ക്കി​നുള്ള മാനുഷ മൃതരി​ലേക്കു വ്യാപി​ക്കും. (യാക്കോബ്‌ 2:21-23; വെളി​പ്പാട്‌ 7:1-17; ഉല്‌പത്തി 12:3; 22:15-18; മത്തായി 24:21, 22) ഈ ലക്ഷ്യത്തിൽ ഇവർ തങ്ങളുടെ സ്‌മാ​ര​ക​ക്ക​ല്ല​റ​ക​ളി​ലെ മരണനി​ദ്ര​യിൽനിന്ന്‌ ഭൂമി​യി​ലെ ജീവനി​ലേക്ക്‌ പുനരു​ത്ഥാ​നം പ്രാപി​ക്കും.—യോഹ​ന്നാൻ 5:28, 29.

ഒരു ക്രിസ്‌തീയ സംഘടന

8. പുതിയ സൃഷ്ടി എന്ന പുസ്‌തകം ഏതു സ്ഥാപന​ത്തെ​ക്കു​റി​ച്ചു വർണ്ണിച്ചു, എന്നാൽ ഏതു സംഘട​നാ​വേ​ലയെ അതു വിഭാ​വ​ന​ചെ​യ്‌തില്ല?

⁸ ദിവ്യ ഉദ്ദേശ്യ​ത്തി​ന്റെ നിവൃ​ത്തി​യിൽ ഒരു പുതിയ സ്ഥാപനം ആ അനു​ഗ്ര​ഹ​ങ്ങൾക്കു നൂററാ​ണ്ടു​കൾക്കു മുമ്പു​തന്നെ രംഗത്തു വന്നു. ആ സ്ഥാപനത്തെ സംബന്ധിച്ച്‌ നാം ഇങ്ങനെ വായി​ക്കു​ന്നു: “ആരെങ്കി​ലും ക്രിസ്‌തു​വി​നോ​ടുള്ള ഐക്യ​ത്തിൽ ആണെങ്കിൽ അവൻ ഒരു പുതിയ സൃഷ്ടി​യാ​കു​ന്നു.” “പരിച്‌ഛേ​ദ​ന​യോ അഗ്രചർമ്മ​മോ ഏതുമില്ല, എന്നാൽ ഒരു പുതിയ സൃഷ്ടി [ഒരു പുതിയ ജീവി, ജയിംസ രാജാ​വി​ന്റെ ഭാഷാ​ന്തരം] എന്തോ ആണ്‌.” (2 കൊരി​ന്ത്യർ 5:17; ഗലാത്യർ 6:15) 1904-ൽ പുതിയ സൃഷ്ടി എന്ന പുസ്‌തകം ക്രി.വ. ഒന്നാം നൂററാ​ണ്ടിൽ അസ്‌തി​ത്വ​ത്തി​ലേക്കു വന്ന ഈ പുതിയ സ്ഥാപന​ത്തി​ലേക്കു ശ്രദ്ധ ക്ഷണിച്ചു. (വേദാ​ദ്ധ്യ​യന പത്രിക, പരമ്പര VI, പാഠം V, “പുതിയ സൃഷ്ടി​യു​ടെ സംഘടന” എന്ന അഭിധാ​ന​ത്തിൽ.) 1914-ലെ ജാതി​ക​ളു​ടെ കാലങ്ങ​ളു​ടെ അവസാനം എന്തർത്ഥ​മാ​ക്കു​മെ​ന്നതു സംബന്ധിച്ച അതിന്റെ വീക്ഷണം നിമിത്തം മനുഷ്യ​ച​രി​ത്ര​ത്തി​ലെ ഒന്നാം ലോക​മ​ഹാ​യു​ദ്ധ​ത്തി​ന്റെ വികല​പ്പെ​ടു​ത്തുന്ന ഫലങ്ങൾക്കു​ശേഷം നടക്കേ​ണ്ടി​യി​രുന്ന ശ്രദ്ധേ​യ​മായ സംഘട​നാ​വേ​ലയെ ആ പുസ്‌തകം വിഭാ​വ​ന​ചെ​യ്‌തില്ല.—ലൂക്കോസ്‌ 21:24,KJ.

9. പുതിയ സൃഷ്ടി​യു​ടെ ശേഷിപ്പ്‌ ഏത്‌ അവസര​ത്തി​ലേക്ക്‌ ഉയർന്നു?

⁹ ആത്‌മീ​യ​മായ പുതിയ സൃഷ്‌ടി​യു​ടെ ശേഷി​പ്പി​ന്റെ, 1918-ലെ ഒന്നാം ലോക​മ​ഹാ​യു​ദ്ധാ​വ​സാ​നം​വ​രെ​യുള്ള സംരക്ഷ​ണ​വും യുദ്ധാ​ന​ന്ത​ര​വർഷ​മായ 1919-ലെ അവരുടെ ജഡത്തിലെ സൂക്ഷി​പ്പും ഒരു അതിശ​യ​മാ​യി അനുഭ​വ​പ്പെട്ടു. എന്നാൽ സഹസ്രാ​ബ്‌ദാ​വ​സ്ഥകൾ കൈവ​ന്നില്ല. തെളി​വ​നു​സ​രിച്ച്‌, അന്ന്‌, യേശു​ക്രി​സ്‌തു​വി​നോ​ടു​കൂ​ടെ സഹസ്രാ​ബ്‌ദ​വേ​ല​യിൽ പങ്കെടു​ക്കാ​നുള്ള സ്വർഗ്ഗീ​യ​പ്ര​ത്യാ​ശ സാക്ഷാ​ത്‌ക്ക​രി​ക്കു​ന്ന​തി​നു​മുമ്പ്‌ പുതിയ സൃഷ്‌ടി​യു​ടെ ശേഷി​പ്പിന്‌ ഭൂമി​യിൽ കൂടുതൽ വേല ചെയ്യേ​ണ്ട​തു​ണ്ടാ​യി​രു​ന്നു. അതു​കൊണ്ട്‌, ശേഷി​പ്പി​ന്റെ പുനരു​ജ്ജീ​വ​ന​വും പുനഃ​സം​ഘ​ട​ന​യും നടക്കേ​ണ്ട​തി​ന്റെ വലിയ ആവശ്യ​മാ​ണു​ണ്ടാ​യി​രു​ന്നത്‌. അതു​കൊണ്ട്‌, അചഞ്ചല​മായ വിശ്വാ​സ​ത്തോ​ടും ഭാവി​യി​ലെ വേലയി​ലുള്ള ആകാം​ക്ഷ​യോ​ടും കൂടെ അവർ അവസര​ത്തി​നൊ​ത്തു​യർന്നു.

10. പുതിയ വ്യവസ്ഥി​തി​യി​ലേക്ക്‌ അതിജീ​വി​ക്കാൻ പ്രതീ​ക്ഷിച്ച ദശലക്ഷ​ങ്ങ​ളെ​ക്കു​റിച്ച്‌ ഏതു ചോദ്യ​ങ്ങൾ ഉയർന്നു?

¹⁰ മനുഷ്യ​വർഗ്ഗ​ത്തിൽപെട്ട ചിലർ ഈ ദുഷ്ടവ്യ​വ​സ്ഥി​തി​യു​ടെ അനർത്ഥ​ക​ര​മായ അവസാ​നത്തെ അതിജീ​വിച്ച്‌ യേശു​ക്രി​സ്‌തു​വി​ന്റെ സഹസ്രാ​ബ്ദ​വാ​ഴ്‌ച​യി​ലേക്കു കടക്കു​മെ​ന്നുള്ള പ്രതീക്ഷ അഭിഷിക്ത ശേഷിപ്പ്‌ വെച്ചു​പു​ലർത്തി. 1918 എന്ന യുദ്ധവർഷ​ത്തിൽ കാലി​ഫോർണി​യാ​യി​ലെ ലോസ്‌ ആൻജലി​സിൽ “ഇപ്പോൾ ജീവി​ക്കുന്ന ദശലക്ഷങ്ങൾ ഒരിക്ക​ലും മരിക്കാ​തി​രു​ന്നേക്കാ”മെന്നുള്ള പരസ്യ​പ്ര​സം​ഗം നടത്ത​പ്പെ​ട്ട​ശേഷം ഇതു വിശേ​ഷാൽ അങ്ങനെ​ത​ന്നെ​യാ​യി​രു​ന്നു. ദശലക്ഷ​ക്ക​ണ​ക്കി​നുള്ള ഈ ഭാവി അർമ്മ​ഗെ​ദ്ദോൻ അതിജീ​വകർ സംഘടി​ത​രാ​ക​ണ​മാ​യി​രു​ന്നോ? (വെളി​പ്പാട്‌ 16:14-16) അവർ “പുതിയ ഭൂമി”യുടെ ഭാഗമാ​യി​ത്തീ​രു​ന്ന​തിന്‌ സഹസ്രാ​ബ്ദ​ത്തി​ലേക്ക്‌ ആനയി​ക്ക​പ്പെ​ടു​ന്ന​തി​നു​മുമ്പ്‌ ശേഷി​പ്പി​നോ​ടു​കൂ​ടെ രാജ്യ​പ്ര​സം​ഗ​വേ​ല​യിൽ ഏർപ്പെ​ടു​മോ? (2 പത്രോസ്‌ 3:13) ഈ ചോദ്യ​ങ്ങൾക്ക്‌ യുദ്ധാ​ന​ന്ത​ര​വി​കാ​സ​ങ്ങ​ളാൽ ഉത്തരം ലഭിക്കു​മാ​യി​രു​ന്നു.

11. (എ) ശേഷി​പ്പി​നോ​ടു​കൂ​ടെ ഏക ആട്ടിൻകൂ​ട്ട​മാ​യി​ത്തീ​രേ​ണ്ടി​യി​രുന്ന വേറെ ആടുക​ളു​ടെ കാര്യ​ത്തിൽ എന്തു ചെയ്യണ​മാ​യി​രു​ന്നു? (ബി) പ്രത്യാ​ശ​ക​ളി​ലുള്ള വ്യത്യാ​സം ശേഷി​പ്പും വേറെ ആടുക​ളും തമ്മിൽ ഭിന്നി​പ്പിന്‌ കാരണ​മ​ല്ലാ​ഞ്ഞ​തെ​ന്തു​കൊണ്ട്‌?

¹¹ നല്ല ഇടയനായ യേശു​ക്രി​സ്‌തു​വി​ന്റെ പിൻവ​രുന്ന വാക്കുകൾ തക്കസമ​യത്ത്‌ മുൻപ​ന്തി​യി​ലേക്കു വന്നു: “ഈ തൊഴു​ത്തിൽ ഉൾപ്പെ​ടാത്ത വേറെ ആടുകൾ എനിക്കുണ്ട്‌; അവയെ​യും ഞാൻ കൊണ്ടു​വ​രണം, അവ എന്റെ ശബ്ദം ശ്രദ്ധി​ക്കും, അവ ഒരു ആട്ടിൻകൂ​ട്ടം, ഒരു ഇടയൻ, ആകും.” (യോഹ​ന്നാൻ 10:16) 1919 മുതലുള്ള യുദ്ധാ​ന​ന്ത​ര​വേ​ല​ക്കു​വേണ്ടി അഭിഷിക്ത ശേഷിപ്പ്‌ സംഘടി​പ്പി​ക്ക​പ്പെ​ടേണ്ട ആവശ്യ​മു​ണ്ടാ​യി​രു​ന്നെ​ങ്കിൽ, പിന്നീട്‌ വേറെ ആടുകൾ ഈ തൊഴു​ത്തി​ലെ ശേഷി​പ്പി​നോ​ടു​കൂ​ടെ ഒരു ആട്ടിൻകൂ​ട്ട​മാ​യി​ത്തീ​രു​ക​യും ചെയ്യണ​മാ​യി​രു​ന്നെ​ങ്കിൽ, അപ്പോ​ഴെന്ത്‌? എന്തിന്‌, ആ വേറെ ആടുക​ളും ആ ശേഷി​പ്പി​നോ​ടൊത്ത്‌ സംഘടി​പ്പി​ക്ക​പ്പെ​ട​ണ​മാ​യി​രു​ന്നു! വേറെ ആടുകൾക്ക്‌ ഉല്ലാസ​ത്തി​ന്റെ ഒരു ഭൗമിക പറുദീ​സ​യി​ലെ ജീവനാ​കുന്ന ഒരു വ്യത്യസ്‌ത പ്രത്യാ​ശ​യാ​ണു​ണ്ടാ​യി​രു​ന്ന​തെന്ന വസ്‌തുത അവരും ശേഷി​പ്പും തമ്മിലുള്ള ഭിന്നതക്ക്‌ കാരണ​മാ​യി​രു​ന്നില്ല. എല്ലാവ​രും ഒരൊററ ഇടയനെ അനുഗ​മി​ക്കു​ക​യാ​യി​രു​ന്നു, അഭിഷിക്ത ശേഷി​പ്പി​ന്റെ രാജ്യ​ത്തി​ലെ മഹത്വീ​ക​രണം വരെ ഇരു കൂട്ടങ്ങ​ളും തമ്മിൽ വേർപാ​ടു​ണ്ടാ​യി​രി​ക്കു​ക​യില്ല.

12. (എ) മനുഷ്യ​വർഗ്ഗ​ത്തി​ന്റെ രക്ഷയെ​ക്കാൾ വളരെ​യേറെ പ്രാധാ​ന്യ​മു​ള്ള​തെ​ന്തി​നാണ്‌? (ബി) രാജ്യത്തെ പ്രസി​ദ്ധ​മാ​ക്കു​ന്നത്‌ പ്രഥമ പ്രാധാ​ന്യ​മു​ള്ള​താ​യി​ത്തീർന്ന​തെ​പ്പോൾ, എന്തു​കൊണ്ട്‌?

¹² പാപത്തിൽനി​ന്നും മരണത്തിൽനി​ന്നു​മുള്ള മനുഷ്യ​രു​ടെ രക്ഷ, സാത്താന്റെ ലോക​ത്താ​ലുള്ള ആധിപ​ത്യ​ത്തി​ന്റെ അവസാനം, ഭൂവ്യാ​പ​ക​മാ​യി പുനഃ​സ്ഥാ​പി​ക്ക​പ്പെ​ടുന്ന പറുദീ​സ​യി​ലേ​ക്കുള്ള മനുഷ്യ​വർഗ്ഗ​ത്തി​ന്റെ പുനഃ​സ്ഥി​തീ​ക​രണം എന്നിവ യഹോ​വ​യു​ടെ സ്‌നേ​ഹ​പൂർവ​ക​മായ ഉദ്ദേശ്യ​ത്തി​ന്റെ മുന്തിയ സവി​ശേ​ഷ​ത​ക​ളാണ്‌. എന്നിരു​ന്നാ​ലും, സർവ അഖിലാ​ണ്ഡ​ത്തി​നും വളരെ​യേറെ പ്രധാ​ന​മായ ഒന്നുണ്ട്‌. അതെന്താണ്‌? അത്‌ യഹോ​വ​യാം ദൈവ​ത്തി​ന്റെ സാർവ​ത്രി​ക​പ​ര​മാ​ധി​കാ​ര​ത്തി​ന്റെ സംസ്ഥാ​പ​ന​വും ഒപ്പം അവന്റെ വിശു​ദ്ധ​നാ​മ​ത്തി​ന്റെ വിശു​ദ്ധീ​ക​ര​ണ​വു​മാണ്‌. വാഴുന്ന രാജാ​വായ യേശു​ക്രി​സ്‌തു​വി​നാ​ലുള്ള യഹോ​വ​യു​ടെ രാജ്യ​ത്തി​ന്റെ പരസ്യം​ചെ​യ്യ​ലി​ന്റെ സമയോ​ചി​ത​ത്വം ഒഹായോ സീഡാർപോ​യിൻറി​ലെ സാർവ​ദേ​ശീയ ബൈബിൾ വിദ്യാർഥി​ക​ളു​ടെ രണ്ടാമത്തെ കൺ​വെൻ​ഷ​നിൽവെച്ച്‌ 1922-ൽ ഊന്നി​പ്പ​റ​യ​പ്പെട്ടു. 1914-ൽ ജാതി​ക​ളു​ടെ കാലങ്ങൾ അവസാ​നി​ച്ചി​രു​ന്ന​തു​കൊണ്ട്‌ യേശു​വി​ന്റെ ഈ പ്രാവ​ച​നിക വാക്കു​ക​ളു​ടെ നിർവ​ഹ​ണ​ത്തി​നുള്ള തക്ക സമയം വന്നിരു​ന്നു: “രാജ്യ​ത്തി​ന്റെ ഈ സുവാർത്ത സകല ജനതകൾക്കും സാക്ഷ്യ​മാ​യി നിവസിത ഭൂമി​യി​ലെ​ല്ലാം പ്രസം​ഗി​ക്ക​പ്പെ​ടും; അപ്പോൾ അവസാനം വരും.” (മത്തായി 24:14) യഹോ​വ​യു​ടെ സാർവ​ത്രിക പരമാ​ധി​കാ​രത്തെ സംസ്ഥാ​പി​ക്കു​ക​യും അവന്റെ വിശു​ദ്ധ​നാ​മത്തെ വിശു​ദ്ധീ​ക​രി​ക്കു​ക​യും ചെയ്യുന്ന രാജ്യം 1914-ൽ സ്വർഗ്ഗ​ത്തിൽ സ്ഥാപി​ക്ക​പ്പെ​ട്ടി​രു​ന്നു. യേശു​ക്രി​സ്‌തു തന്റെ ശത്രു​ക്ക​ളു​ടെ മദ്ധ്യേ വാഴു​ക​യാ​യി​രു​ന്നു. രാജ്യ​ത്തെ​യും രാജാ​വി​നെ​യും പരസ്യ​പ്പെ​ടു​ത്തു​ന്ന​തിന്‌ ലഭ്യമായ സകല മുഖാ​ന്ത​ര​ങ്ങ​ളു​മു​പ​യോ​ഗിച്ച്‌ പ്രസം​ഗി​ക്ക​പ്പെ​ടേണ്ട മഹത്തായ സുവാർത്ത ഇതായി​രു​ന്നു!

13. രാജ്യ​പ്ര​ഘോ​ഷ​ണ​വേ​ലക്ക്‌ ദൈവം എന്തു ഏർപ്പാ​ടു​ചെ​യ്‌തു, എന്തു​കൊണ്ട്‌?

¹³ യഹോവ സാർവ​ത്രിക തോതി​ലുള്ള ഒരു സംഘാ​ട​ക​നാണ്‌, എന്തു​കൊ​ണ്ടെ​ന്നാൽ അവൻ അത്യു​ന്ന​ത​നാണ്‌, പരമോ​ന്ന​ത​നാണ്‌. അവൻ ഇപ്പോൾ ഈ വ്യവസ്ഥി​തി​യു​ടെ അവസാനം വരുന്ന​തി​നു​മുമ്പ്‌ ഇവിടെ ഭൂമി​യിൽ സാർവ​ദേ​ശീ​യ​മാ​യി തന്റെ രാജ്യം ഘോഷി​ക്കുന്ന വേല സമ്പൂർണ്ണ​മാ​യി സംഘടി​പ്പി​ക്കു​ന്ന​തിൽ ശ്രദ്ധിച്ചു. അഭിഷി​ക്ത​രു​ടെ ശേഷി​പ്പിൽ ഇപ്പോ​ഴും ജീവി​ക്കുന്ന അംഗങ്ങൾ തന്നിമി​ത്തം തന്റെ ഇഷ്ടം​ചെ​യ്യാൻ ഒരു സാർവ​ദേ​ശീ​യ​സ്ഥാ​പ​ന​മാ​യി ഉരുക്കി​ച്ചേർക്ക​പ്പെട്ടു. സാത്താൻ യഹോ​വ​യു​ടെ സാർവ​ത്രി​ക​പ​ര​മാ​ധി​കാ​രത്തെ വെല്ലു​വി​ളി​ച്ച​തു​കൊണ്ട്‌ ആ പരമാ​ധി​കാ​ര​ത്തി​ന്റെ യാഥാർത്ഥ്യ​ത്തെ​യും ഔചി​ത്യ​ത്തെ​യും സദാകാ​ല​ത്തേ​ക്കു​മാ​യി സംസ്ഥാ​പി​ക്കു​ക​യും നീതീ​ക​രി​ക്കു​ക​യും ചെയ്യേ​ണ്ട​താ​ണെന്ന്‌ അവർ ലോക​ത്തോ​ടു ഘോഷി​ക്കേ​ണ്ട​താണ്‌.

സഹസ്രാ​ബ്ദ​ത്തി​നു​മു​മ്പത്തെ സംഘാ​ട​നം

14. (എ) നമ്മുടെ പൊതു​യു​ഗ​ത്തി​നു മുമ്പ്‌ ഏതു സ്ഥാപനം യഹോ​വ​യു​ടെ സാർവ​ത്രി​ക​സ്ഥാ​പ​ന​ത്തി​ന്റെ ഭൗമി​ക​ഭാ​ഗ​മാ​യി​ത്തീർന്നു? (ബി) ദാവീദ്‌ ഒരു പ്രമു​ഖ​സം​ഘാ​ട​ക​നാ​ണെന്നു തെളി​ഞ്ഞ​തെ​ങ്ങനെ?

¹⁴ നമ്മുടെ പൊതു​യു​ഗ​ത്തി​നു മുമ്പത്തെ 15 നൂററാ​ണ്ടു​ക​ളിൽ യഹോ​വ​യാം ദൈവ​ത്തി​നു ഭൂമി​യിൽ ഒരു ദൃശ്യ​സ്ഥാ​പ​ന​മു​ണ്ടാ​യി​രു​ന്നു. ബൈബിൾ ചരി​ത്ര​ത്തി​ലെ ഒന്നാം ലോക​സാ​മ്രാ​ജ്യ​മാ​യി​രുന്ന ഈജി​പ്‌റ​റിൽ നിന്നുള്ള ഇസ്രാ​യേൽ ജനത്തിന്റെ വിടു​ത​ലി​നു​ശേഷം അവരെ സംഘടി​പ്പി​ക്കു​ന്ന​തിന്‌ അവൻ പ്രവാ​ച​ക​നായ മോശയെ തന്റെ മദ്ധ്യസ്ഥ​നാ​യി ഉപയോ​ഗി​ച്ചു. മോ​ശൈ​ക​ന്യാ​യ​പ്ര​മാ​ണ​ത്തിൻകീ​ഴിൽ, ഇസ്രയേൽ യഹോ​വ​യു​ടെ സാർവ​ത്രി​ക​സ്ഥാ​പ​ന​ത്തി​ന്റെ ദൃശ്യ​ഭാ​ഗ​മാ​യി​ത്തീർന്നു. ദൈവ​ത്തി​ന്റെ ആ തെര​ഞ്ഞെ​ടു​ക്ക​പ്പെട്ട ജനത്തിന്റെ ഇടയിലെ ഒരു മുന്തിയ സംഘാ​ടകൻ ഇടയ രാജാ​വായ ദാവീ​ദാ​യി​രു​ന്നു. അവനെ സംബന്ധിച്ച്‌ നാം ഇങ്ങനെ വായി​ക്കു​ന്നു: “ദാവീദ്‌ ലേവി​പു​ത്രൻമാ​രാ​യി​രുന്ന ഗെർശോൻ, കഹാത്ത്‌, മെരാരി, എന്നിവ​രു​ടെ പേരിൽ അവരെ [യഹോ​വ​യു​ടെ വിശു​ദ്ധ​മ​ന്ദി​ര​ത്തിൽ സേവിച്ച ലേവ്യരെ] വിഭാ​ഗ​ങ്ങ​ളാ​യി സംഘടി​പ്പി​ച്ചു.” “അവൻ അവരെ [പുരോ​ഹി​തൻമാ​രെ] അവരുടെ ഇടയിൽ ചീട്ടി​ട്ടു​കൊണ്ട്‌ സംഘടി​പ്പി​ച്ചു, എന്തു​കൊ​ണ്ടെ​ന്നാൽ എലെയാ​സ​രി​ന്റെ വംശത്തി​ലും ഈഥാ​മാ​റി​ന്റെ വംശത്തി​ലും വിശുദ്ധ ഉദ്യോ​ഗ​സ്ഥൻമാ​രും ദൈവ​ത്തി​ന്റെ ഉദ്യോ​ഗ​സ്ഥൻമാ​രും ഉണ്ടായി​രു​ന്നു.”—1 ദിനവൃ​ത്താ​ന്തങ്ങൾ 23:3, 6; 24:1, 5, ദി ന്യൂ ഇംഗ്ലീഷ ബൈബിൾ.

15. (എ) ഇസ്ര​യേ​ല്യർ ഏതു വിധത്തി​ലാണ്‌ ഈജി​പ്‌ററ്‌ വിട്ടു​പോ​യത്‌? (ബി) ആരും​കൂ​ടെ ഈജി​പ്‌ററ്‌ വിട്ടു​പോ​രാൻ തീരു​മാ​നി​ച്ചു, അവർ ഇസ്ര​യേ​ല്യ​രോ​ടു​കൂ​ടെ നിന്നോ?

¹⁵ ദാവീ​ദി​ന്റെ കാലത്തി​നു നൂറു​ക​ണ​ക്കി​നു വർഷങ്ങൾക്കു​മുമ്പ്‌ ഇസ്രയേൽ ഈജി​പ്‌ററ്‌ വിട്ടു​പോ​യ​പ്പോൾ അവർ ഭ്രാന്ത​മായ രീതി​യിൽ ഓടി​പ്പോ​കു​ക​യ​ല്ലാ​യി​രു​ന്നു, പിന്നെ​യോ ക്രമീ​കൃ​ത​മായ ഒരു രീതി​യിൽ വിട്ടു​പോ​കു​ക​യാ​യി​രു​ന്നു. ഇത്‌ അവരുടെ മദ്ധ്യസ്ഥ​നാ​യി​രുന്ന മോശ​യു​ടെ ഭാഗത്തെ നല്ല സംഘട​നാ​പ്ര​വർത്ത​നത്തെ സൂചി​പ്പി​ച്ചു. ഇസ്ര​യേ​ല്യേ​ത​ര​രു​ടെ ഒരു വലിയ സമൂഹ​വും അവരോ​ടു​കൂ​ടെ പുറ​പ്പെ​ട്ടു​പോ​യി, അവർ ഈജി​പ്‌റ​റി​ലെ തങ്ങളുടെ ദൈവ​ങ്ങ​ളെ​ക്കാ​ളെ​ല്ലാം ശക്തനാ​യി​രുന്ന അത്ഭുതം​പ്ര​വർത്തി​ക്കു​ന്ന​വ​നായ ദൈവ​മായ യഹോ​വ​യു​ടെ ജനത്തോ​ടു ചേർന്നു നിൽക്കാൻ തീരു​മാ​നി​ച്ചു. പല പ്രയാ​സ​ങ്ങ​ളു​ണ്ടാ​യി​രു​ന്നി​ട്ടും യഹോ​വ​യു​ടെ തെര​ഞ്ഞെ​ടു​ക്ക​പ്പെട്ട ജനത്തോട്‌ സൻമന​സ്സു​ണ്ടാ​യി​രു​ന്ന​തി​നാൽ “ഈ വലിയ സമ്മി​ശ്ര​പു​രു​ഷാ​രം” ഭയജന​ക​മായ സീനായി മരുഭൂ​മി​യിൽ കുറേ​ക്കാ​ലം കഴിഞ്ഞും അവരോ​ടു​കൂ​ടെ ഉണ്ടായി​രു​ന്നു. (പുറപ്പാട്‌ 12:37-51; സംഖ്യ​പു​സ്‌തകം 11:4) തെളി​വ​നു​സ​രിച്ച്‌ ആ സമ്മി​ശ്ര​പു​രു​ഷാ​രം മോശ​യു​ടെ പിൻഗാ​മി​യാ​യി​രുന്ന യോശു​വ​യു​ടെ നേതൃ​ത്വ​ത്തിൻകീ​ഴിൽ വാഗ്‌ദ​ത്ത​നാ​ട്ടിൽ പ്രവേ​ശി​ച്ചു, എന്തു​കൊ​ണ്ടെ​ന്നാൽ അങ്ങനെ​യുള്ള അന്യ​ദേ​ശ​വാ​സി​കൾക്കു​വേണ്ടി കരുതൽ ചെയ്യാൻ ദൈവം വിധിച്ചു.

16. (എ) വലിയ സമ്മി​ശ്ര​പു​രു​ഷാ​രം ആരെ മുൻനി​ഴ​ലാ​ക്കി? (ബി) ഈ വ്യവസ്ഥി​തി​യു​ടെ അന്ത്യത്തെ അതിജീ​വി​ക്കാൻ അവർ എന്തു ചെയ്യണം?

¹⁶ ഫറവോ​ന്റെ ഈജി​പ്‌റ​റിൽനി​ന്നുള്ള വലിയ സമ്മി​ശ്ര​സം​ഘം 20-ാം നൂററാ​ണ്ടി​ലെ ഒരു മഹാപു​രു​ഷാ​രത്തെ മുൻനി​ഴ​ലാ​ക്കി. അവർ ആത്മീയ ഇസ്ര​യേ​ല്യ​രല്ല, എന്നാൽ നല്ല ഇടയനായ യേശു​ക്രി​സ്‌തു​വി​ന്റെ വേറെ ആടുക​ളാണ്‌. അവർ അഭിഷി​ക്ത​ശേ​ഷി​പ്പി​നോ​ടു​കൂ​ടെ വലിപ്പ​മേ​റിയ ഫറവോ​നായ പിശാ​ചായ സാത്താൻ ദൈവ​മാ​യി​രി​ക്കുന്ന ഈ വ്യവസ്ഥി​തി​യായ പ്രതി​മാ​തൃ​ക​യി​ലെ ഈജി​പ്‌റ​റിൽനി​ന്നുള്ള പൂർണ്ണ​വി​ടു​ത​ലി​നു​വേണ്ടി നോക്കി​പ്പാർത്തി​രി​ക്കു​ക​യാണ്‌. (യോഹ​ന്നാൻ 10:16; 2 കൊരി​ന്ത്യർ 4:4; വെളി​പ്പാട്‌ 7:9) എന്നാൽ സാത്താന്റെ പഴയ​ലോ​ക​ത്തി​ന്റെ ഉഗ്രമായ നാശത്തെ അതിജീ​വി​ക്കാ​നും വലിപ്പ​മേ​റിയ യോശു​വാ​യായ യേശു​ക്രി​സ്‌തു​വിൻ കീഴി​ലുള്ള വാഗ്‌ദ​ത്തം​ചെ​യ്യ​പ്പെട്ട പുതിയ ലോക​ത്തി​ലേക്കു പ്രവേ​ശി​ക്കാ​നും എന്തു ചെയ്യണം? (2 പത്രോസ്‌ 3:13) അവർ അഭിഷി​ക്ത​ശേ​ഷി​പ്പായ യഹോ​വ​യു​ടെ ദൃശ്യ​സ്ഥാ​പ​ന​ത്തി​ന്റെ കേന്ദ്ര​ബി​ന്ദു​വി​ന്റെ സംഘട​നാ​പ​ര​മായ ക്രമീ​ക​ര​ണ​ങ്ങ​ളോട്‌ ചേർച്ച​യിൽ നിൽക്കേ​ണ്ട​താണ്‌.

17. ഈ അസംഘ​ടിത ലോക​ത്തിൽ മഹാപു​രു​ഷാ​ര​ത്തിൽപെ​ട്ടവർ എങ്ങനെ പ്രവർത്തി​ക്കു​ന്നു, അവർ എന്തിനു നോക്കി​പ്പാർത്തി​രി​ക്കു​ന്നു?

¹⁷ വിശേ​ഷിച്ച്‌ 20-ാം നൂററാ​ണ്ടി​ന്റെ നാലാം ദശാബ്ദ​ത്തി​ന്റെ മദ്ധ്യം മുതൽ വേറെ ആടുക​ളു​ടെ മഹാപു​രു​ഷാ​രം മഹത്വീ​ക​രി​ക്ക​പ്പെട്ട ഏക ഇടയനും വാഴുന്ന രാജാ​വു​മായ യേശു​ക്രി​സ്‌തു​വിൻ കീഴിൽ സംഘടി​ത​മായ ഏക ആട്ടിൻകൂ​ട്ട​ത്തി​ലേക്കു വരുത്ത​പ്പെ​ട്ടി​രി​ക്കു​ന്നു. ഐക്യ​രാ​ഷ്‌ട്ര​സം​ഘടന നിലവി​ലി​രു​ന്നി​ട്ടും കൂടുതൽ കൂടുതൽ അസംഘ​ടി​ത​മാ​യി​ക്കൊ​ണ്ടി​രി​ക്കുന്ന ഒരു ലോക​ത്തിൽ ഈ മഹാപു​രു​ഷാ​ര​ത്തിൽപെ​ട്ടവർ മുഴു​ഹൃ​ദ​യ​ത്തോ​ടെ അഭിഷി​ക്ത​ശേ​ഷി​പ്പി​നെ പിന്താ​ങ്ങു​ക​യും അങ്ങനെ യഹോ​വ​യു​ടെ പരിശു​ദ്ധാ​ത്മാ​വി​ന്റെ ഏകീക​ര​ണ​ശ​ക്തിക്ക്‌ തെളിവു നൽകു​ക​യും ചെയ്യുന്നു. യേശു​ക്രി​സ്‌തു​വി​ന്റെ ആയിര​വർഷ​വാ​ഴ്‌ച​ക്കാ​ലത്ത്‌ ഭൂമി​യി​ലെ പ്രത്യേക സേവന​ത്തി​നു​വേണ്ടി നോക്കി​പ്പാർത്തി​രി​ക്കെ അവർ ദൃഢനി​ശ്ച​യ​ത്തോ​ടെ ശേഷി​പ്പി​നോ​ടു​കൂ​ടെ സംഘടി​ത​രാ​യി നില​കൊ​ള്ളു​ന്നു. (w89 9⁄1)

നിങ്ങളുടെ ആശയങ്ങൾ എന്താണ്‌?

◻ യേശു​ക്രി​സ്‌തു​വി​ന്റെ സഹസ്രാ​ബ്‌ദ​വാ​ഴ്‌ച​യു​ടെ കാല​ത്തെ​യും സ്വഭാ​വ​ത്തെ​യും കുറിച്ച്‌ തിരു​വെ​ഴു​ത്തു​കൾ എന്തു സൂചി​പ്പി​ക്കു​ന്നു?

◻ മനുഷ്യ​വർഗ​ത്തി​ന്റെ രക്ഷയെ​ക്കാൾ വളരെ​യേറെ പ്രാധാ​ന്യ​മു​ള്ള​തെ​ന്തി​നാണ്‌?

◻ നമ്മുടെ പൊതു​യു​ഗ​ത്തി​നു​മുമ്പ്‌, ഏതു സ്ഥാപനം യഹോ​വ​യു​ടെ സാർവ​ത്രിക സ്ഥാപന​ത്തി​ന്റെ ഭൗമിക ഭാഗമാ​യി​ത്തീർന്നു?

◻ വലിയ സമ്മി​ശ്ര​പു​രു​ഷാ​ര​ത്താൽ മുൻനി​ഴ​ലാ​ക്ക​പ്പെ​ട്ടവർ ആയിര​വർഷ​വാ​ഴ്‌ച​യി​ലേക്ക്‌ അതിജീ​വി​ക്കു​ന്ന​തെ​ങ്ങനെ?