നിങ്ങൾ ഓർമ്മി​ക്കു​ന്നു​ണ്ടോ?

നിങ്ങൾ അടുത്ത കാലത്തെ വീക്ഷാ​ഗോ​പു​രം ലക്കങ്ങൾ പ്രാ​യോ​ഗിക മൂല്യ​മു​ള്ള​താ​യി കണ്ടെത്തി​യോ? എങ്കിൽ, നിങ്ങൾക്ക്‌ താഴെ പറയുന്നവ ഓർമ്മി​ക്കാൻ കഴിയു​മോ​യെന്ന്‌ കാണുക.

◻ നെഹെ​മ്യാ​വി​ന്റെ പുസ്‌ത​ക​ത്തി​ലു​ട​നീ​ളം ഊന്നി​പ്പ​റ​ഞ്ഞി​രി​ക്കുന്ന ഏത്‌ തത്വം ഇന്നത്തെ നമുക്ക്‌ ഒരു പാഠമാണ്‌?

“യഹോവ തന്നെ വീട്‌ പണിയു​ന്നി​ല്ലെ​ങ്കിൽ പണിക്കാർ അതിന്‌ കഠിനാ​ദ്ധ്വാ​നം ചെയ്‌തി​രി​ക്കു​ന്നത്‌ വ്യർത്ഥ​മാണ്‌” എന്നതാണ്‌ തത്വം. (സങ്കീർത്തനം 127:1) ഇന്ന്‌ നമുക്ക്‌ യഹോ​വ​യു​ടെ അനു​ഗ്രഹം ഉണ്ടെങ്കി​ലേ നമ്മുടെ പദ്ധതി​ക​ളെ​ല്ലാം വിജയി​ക്കു​ക​യു​ള്ളു.—3⁄1 പേജ്‌ 29.

◻ ഹിന്ദു​മ​ത​ത്തി​ന്റെ ചില പ്രത്യേ​ക​തകൾ ഏവ?

ഹൈന്ദവ ആരാധ​കരെ യാതൊ​രു കേന്ദ്ര സമിതി​യും ഭരിക്കു​ന്നില്ല; അവർക്ക്‌ ഒരു നിയത​മായ ആരാധ​നാ​രൂ​പ​വു​മില്ല; അവരുടെ വിശ്വാ​സ​ത്തി​ന്റെ ഉറവി​ട​മെന്ന നിലയിൽ ബൈബിൾ പോലുള്ള ഏതെങ്കി​ലും ഒരു പുസ്‌ത​ക​മില്ല; എന്നാൽ പകരം, നൂററാ​ണ്ടു​ക​ളി​ലൂ​ട​നീ​ളം ഹൈന്ദവ ലിഖി​ത​ങ്ങ​ളു​ടെ ഒരു നീണ്ട നിരതന്നെ പ്രത്യ​ക്ഷ​മാ​യി​ട്ടുണ്ട്‌, അവയിൽനിന്ന്‌ ആറു പ്രകാ​ര​ത്തി​ലുള്ള ചിന്താ​ധാ​രകൾ ഉരുത്തി​രി​ഞ്ഞി​ട്ടുണ്ട്‌.—4⁄1 പേജ്‌ 4.

◻ സത്യമതം ഏതെന്ന്‌ നിർണ്ണ​യി​ക്കാൻ കഴിയു​ന്ന​തെ​ങ്ങനെ?

സത്യമതം ബൈബി​ളിൽ നൽകി​യി​രി​ക്കുന്ന സത്യം സംബന്ധി​ച്ചുള്ള ദൈവ​ത്തി​ന്റെ നിലവാ​ര​ങ്ങ​ളിൽ എത്തി​ച്ചേ​രണം; അത്‌ സ്‌നേ​ഹ​മെന്ന സമാധാ​ന​ഫലം ഉൽപ്പാ​ദി​പ്പി​ക്കണം; അത്‌ യഹോവ എന്ന ദൈവ​നാ​മത്തെ മഹത്വീ​ക​രി​ക്കു​ക​യും വേണം.—5⁄1 പേജ്‌ 7.

◻ യേശു ഡിസംബർ 25-ന്‌ ജനിച്ചു എന്നതിനെ ഖണ്ഡിക്കുന്ന ചില വസ്‌തു​തകൾ ഏവ?

ബേത്‌ളേ​ഹെ​മിൽ ഡിസംബർ മാസം മഴയുള്ള ഒരു ശൈത്യ​കാ​ല​മാണ്‌. അതു​കൊണ്ട്‌ ഇടയൻമാർ തങ്ങളുടെ ആട്ടിൻ കൂട്ടങ്ങ​ളു​മാ​യി രാത്രി​കാ​ല​ങ്ങ​ളിൽ വയലിൽ കഴിയു​ക​യി​ല്ലാ​യി​രു​ന്നു. റോമൻ കൈസർ തനി​ക്കെ​തി​രെ മത്സരി​ക്കാൻ ചായ്‌വുള്ള ഒരു ജനത്തോട്‌ അതി​ശൈ​ത്യ​കാ​ലത്ത്‌ യാത്ര ചെയ്‌ത്‌ പേർവഴി ചാർത്താൻ ആവശ്യ​പ്പെ​ടാ​നുള്ള സാദ്ധ്യ​ത​യില്ല.—5⁄1 പേജ്‌ 8.

◻ ഇയ്യോ​ബി​ന്റെ പീഡാ​നു​ഭ​വ​വേ​ള​ക​ളിൽ അവനെ പുലർത്തി​യ​തെന്ത്‌, ഇതിന്‌ ഇന്ന്‌ നമ്മെ സഹായി​ക്കാൻ കഴിയു​ന്ന​തെ​ങ്ങനെ?

ഈ ജീവിതം മാത്ര​മ​ല്ലു​ള്ള​തെന്ന്‌ ഇയ്യോ​ബിന്‌ വിശ്വാ​സ​മു​ണ്ടാ​യി​രു​ന്നു. (ഇയ്യോബ്‌ 14:13-15) യഹോവ തന്റെ വിശ്വസ്‌ത ദാസൻമാ​രെ ഉയർപ്പി​ക്കു​മെ​ന്നുള്ള ഇതേ വിശ്വാ​സ​ത്തിന്‌ സാത്താൻ വരുത്തി​യേ​ക്കാ​വുന്ന ഏത്‌ പരി​ശോ​ധ​ന​യേ​യും അഭിമു​ഖി​ക​രി​ക്കാൻ നമ്മെയും സഹായി​ക്കു​ന്ന​തി​നു കഴിയും. (എബ്രായർ 6:10; 11:6)—5⁄1 പേജ്‌ 31.

◻ മർക്കോസ്‌ 9:50-ൽ “നിങ്ങളിൽത്തന്നെ ഉപ്പുണ്ടാ​യി​രി​ക്കുക” എന്ന്‌ യേശു പറഞ്ഞ​പ്പോൾ അവൻ എന്ത്‌ അർത്ഥമാ​ക്കി?

യേശു തന്റെ ശിഷ്യൻമാർ പരിഗ​ണ​ന​യും നയവും ഔചി​ത്യ​വും സഹിതം വാക്കി​ലും നടത്തയി​ലും സമാധാ​ന​കാം​ക്ഷി​കൾ ആയിരി​ക്കു​ന്ന​തി​നെ—അന്യോ​ന്യം ഹൃദ്യ​മാ​യി പ്രവർത്തി​ക്കു​ന്ന​തി​നെ—പരാമർശി​ക്കു​ക​യാ​യി​രു​ന്നു.—6⁄1 പേജ്‌ 12.

◻ യഹോവ തന്റെ ദാസൻമാ​രെ ആശ്വസി​പ്പി​ക്കു​ക​യും പുലർത്തു​ക​യും ചെയ്യുന്ന ചില മാർഗ്ഗ​ങ്ങ​ളേവ?

യഹോവ തന്റെ പരിശു​ദ്ധാ​ത്മാ​വു മുഖേന തന്റെ ദാസൻമാ​രെ ആശ്വസി​പ്പി​ക്കു​ക​യും പുലർത്തു​ക​യും ചെയ്യുന്നു. (1 പത്രോസ്‌ 4:12-14) അവരുടെ പ്രാർത്ഥ​ന​യോട്‌ പ്രതി​ക​രി​ക്കു​ന്നതു മുഖാ​ന്ത​ര​വും അവൻ അവരെ ആശ്വസി​പ്പി​ക്കു​ന്നു. (ഫിലി​പ്യർ 4:6, 7) കൂടാതെ, ദൈവ​വ​ചനം ആശ്വാ​സ​ത്തി​ന്റെ വലിയ ഒരു ഉറവാണ്‌. യഹോവ കാണാ​ത്ത​തോ അവന്‌ നിയ​ന്ത്രി​ക്കാൻ കഴിയാ​ത്ത​തോ ആയ യാതൊ​ന്നും അവന്റെ ദാസൻമാർക്ക്‌ സംഭവി​ക്കാൻ കഴിയു​ന്നതല്ല എന്ന്‌ അത്‌ ഉറപ്പു​ത​രു​ന്നു.—7⁄1 പേജ്‌ 17.

◻ ഇന്നത്തെ കുടും​ബ​നാ​ഥൻമാർക്ക്‌ നോഹ നല്ലോരു മാതൃക വെച്ച​തെ​ങ്ങനെ?

നോഹ​യെ​ക്കു​റിച്ച്‌ ഇപ്രകാ​രം രേഖ​പ്പെ​ടു​ത്തി​യി​രി​ക്കു​ന്നു: “ദൈവം തന്നോട്‌ കല്‌പി​ച്ച​തെ​ല്ലാം നോഹ ചെയ്‌തു. അവൻ അങ്ങനെ​തന്നെ ചെയ്‌തു.” (ഉല്‌പത്തി 6:22) യഹോ​വ​യു​ടെ മുമ്പാ​കെ​യുള്ള നോഹ​യു​ടെ വിശ്വ​സ്‌ത​ത​യും ഉത്സാഹ​വും അവന്റെ പുത്രൻമാ​രു​ടെ മനസ്സു​ക​ളിൽ, അതേ ഗുണങ്ങൾ തങ്ങളുടെ ജീവി​ത​ത്തി​ലും പ്രകട​മാ​ക്കു​ന്നത്‌ പ്രധാ​ന​മാ​ണെന്ന്‌ ദൃഢമാ​യി പതിപ്പി​ച്ചു. അവൻ അവരോ​ടൊത്ത്‌ സംസാ​രി​ച്ചു​കൊ​ണ്ടും ജോലി ചെയ്‌തു​കൊ​ണ്ടും ഒരുമിച്ച്‌ കാര്യങ്ങൾ ചെയ്‌തു​കൊ​ണ്ടും പങ്കു​വെ​ച്ചു​കൊ​ണ്ടും ധാരാളം സമയം ചെലവ​ഴി​ച്ചു. “ഒരു നീതി​പ്ര​സം​ഗി”യെന്ന നിലയിൽ നോഹ യഹോ​വ​യു​ടെ നിയമ​ങ്ങ​ളും വ്യവസ്ഥ​ക​ളും തന്റെ കുടും​ബത്തെ പഠിപ്പി​ക്കു​ക​യും ചെയ്‌തു. (2 പത്രോസ്‌ 2:5) ഈ കാര്യ​ങ്ങ​ളി​ലെ​ല്ലാം നോഹ ഇന്നത്തെ കുടും​ബ​നാ​ഥൻമാർക്ക്‌ നല്ലോരു മാതൃക വെക്കു​ക​യു​ണ്ടാ​യി.—7⁄1 പേജ്‌ 28.

◻ ഒന്നാം നൂററ​ണ്ടി​ലെ ക്രിസ്‌ത്യാ​നി​കൾ പുറത്താ​ക്ക​പ്പെ​ടാത്ത ഒരു തെററ​കാ​ര​നോട്‌—എന്നാൽ ക്രിസ്‌തീയ മാർഗ്ഗത്തെ മന:പൂർവ്വം പരിത്യ​ജിച്ച ഒരുവ​നോട്‌—പ്രതി​വർത്തി​ച്ച​തെ​ങ്ങനെ?

‘നമ്മിൽ നിന്ന്‌ പോയ​വ​രെ​യും’ വ്യാ​ജോ​പ​ദേശം കൊണ്ടു​വ​ന്ന​വ​രെ​യും കുറിച്ച്‌ അപ്പോ​സ്‌ത​ല​നായ യോഹ​ന്നാൻ ബുദ്ധ്യു​പ​ദേശം നൽകി. (1 യോഹ​ന്നാൻ 2:19) 2 യോഹ​ന്നാൻ 10-ൽ ‘അത്തരക്കാ​രെ തങ്ങളുടെ ഭവനത്തിൽ സ്വീക​രി​ക്കു​ക​യോ’ അവർക്ക്‌ വന്ദനം പറയു​ക​യോ ചെയ്യരു​തെന്ന്‌ അവൻ ക്രിസ്‌ത്യാ​നി​കളെ ഉപദേ​ശി​ച്ചു. “വിശ്വാ​സ​ത്യാ​ഗം” എന്ന പദം ‘ഒഴിഞ്ഞു മാറൽ, ഉപേക്ഷി​ക്കൽ അല്ലെങ്കിൽ മത്സരം’ എന്നർത്ഥം വരുന്ന ഒരു ഗ്രീക്കു പദത്തിൽ നിന്നു​ള്ള​താണ്‌. ക്രിസ്‌തീയ സഭയിൽനിന്ന്‌ മന:പൂർവ്വ​മാ​യും ഔപചാ​രി​ക​മാ​യും സ്വയം നിസ്സഹ​വ​സിച്ച ഒരാൾ ആ വിവര​ണ​ത്തി​നു യോജി​ച്ചി​രി​ക്കും. വിശ്വസ്‌ത ക്രിസ്‌ത്യാ​നി​കൾ അത്തര​മൊ​രു വിശ്വാ​സ​ത്യാ​ഗി​യു​മാ​യി സഹവസി​ക്കാൻ ആഗ്രഹി​ക്കു​ക​യില്ല.—7⁄1 പേജ്‌ 30.