നിങ്ങളു​ടെ മരിച്ചു​പോയ പ്രിയ​പ്പെ​ട്ടവർ—നിങ്ങൾ അവരെ വീണ്ടും കാണു​മോ?

അമ്മ മരിക്കു​മ്പോൾ ജോണിന്‌ ഒൻപതു വയസ്സേ ഉണ്ടായി​രു​ന്നു​ള്ളൂ. ചരമവീ​ട്ടിൽവെച്ചു സംഭവി​ച്ചത്‌ അവന്റെ ഓർമ​യി​ലി​താ തെളി​യു​ന്നു: “ഞാൻ മമ്മിക്കു​വേണ്ടി ഒരു ചിത്രം വരച്ചു. സ്വർഗ​ത്തി​ലെത്തി ഞങ്ങളെ​യും കാത്തി​രി​ക്കാൻ മമ്മി​യോട്‌ ആവശ്യ​പ്പെ​ടുന്ന ഒരു ചെറിയ കുറി​പ്പും ഞാൻ അതിൽ എഴുതി​വെച്ചു. അതു മമ്മിയു​ടെ ശവപ്പെ​ട്ടി​യിൽ വെയ്‌ക്കാൻ ഞാൻ ഡാഡിക്കു കൊടു​ത്തു. മമ്മി മരിച്ചു​വെ​ങ്കി​ലും എന്റെ ആ അവസാന സന്ദേശം മമ്മിക്കു ലഭിച്ചു എന്നു ചിന്തി​ക്കാ​നാണ്‌ എനിക്കി​ഷ്ടം.”—ഒരു മാതാ​വോ പിതാ​വോ മരിക്കു​മ്പോൾ എന്തനു​ഭ​വ​പ്പെ​ടു​ന്നു [ഇംഗ്ലീഷ്‌]—ജിൽ ക്രെ​മെൻറ്‌സി​നാ​ലു​ള്ളത്‌.

ജോൺ മമ്മിയെ ജീവനു​തു​ല്യം സ്‌നേ​ഹി​ച്ചി​രു​ന്നു എന്നതിൽ ഒരു സംശയ​വു​മില്ല. അവരുടെ നല്ല ഗുണങ്ങളെ വർണി​ച്ചിട്ട്‌ അവൻ പറഞ്ഞു: “ഒരുപക്ഷേ മോശം സംഗതി​കൾ ഓർക്കാൻ ഇഷ്ടപ്പെ​ടാ​ത്തത്‌ എന്റെ പ്രകൃ​ത​മാ​കാം. പക്ഷേ, മമ്മി​യെ​ക്കു​റി​ച്ചു മോശ​മാ​യ​തെ​ന്തെ​ങ്കി​ലും, അങ്ങനെ​യൊന്ന്‌ ആലോ​ചി​ക്ക​കൂ​ടി വയ്യ. ഞാൻ എന്റെ ജീവി​ത​ത്തിൽ കണ്ടിട്ടു​ള്ള​തി​ലേ​ക്കും ഏററവും സുന്ദരി​യാ​യി​രു​ന്നു മമ്മി.”

ജോണി​നെ​പ്പോ​ലെ, തങ്ങളുടെ മരിച്ചു​പോയ പ്രിയ​പ്പെ​ട്ട​വ​രെ​ക്കു​റിച്ച്‌ മധുര​സ്‌മ​ര​ണ​ക​ളു​മാ​യി നടക്കു​ന്നവർ അനേക​രുണ്ട്‌. അവരെ വീണ്ടും കാണണ​മെ​ന്നുള്ള വൈകാ​രിക ആഗ്രഹത്തെ അവരൊ​ട്ടു മറച്ചു​വെ​ക്കാ​റു​മില്ല. അർബുദം പിടി​പെട്ടു മരിച്ച 26 വയസ്സുള്ള മകനെ​ക്കു​റിച്ച്‌ അമ്മ ഈഡത്ത്‌ ഇങ്ങനെ​യാണ്‌ പറഞ്ഞത്‌: “എന്റെ മകൻ എവി​ടെ​യോ ജീവി​ച്ചി​രി​ക്കു​ന്നു എന്നു വിശ്വ​സി​ക്കണം എനിക്ക്‌. അതെന്റെ ഒരു ആവശ്യ​മാണ്‌. പക്ഷേ എവി​ടെ​യാ​ണെന്നു മാത്രം അറിയില്ല. ഞാൻ അവനെ വീണ്ടും കാണു​മോ? അറിയില്ല. പക്ഷേ കാണു​മെ​ന്നാണ്‌ എന്റെ പ്രതീക്ഷ.”

തീർച്ച​യാ​യും, മമനു​ഷ്യ​ന്റെ സ്‌നേ​ഹ​നി​ധി​യായ സ്രഷ്ടാവ്‌ സാധാരണ മമനു​ഷ്യ​ന്റെ ആഗ്രഹങ്ങൾ എന്തെന്നു മനസ്സി​ലാ​ക്കാ​ത്ത​വനല്ല. അതു​കൊ​ണ്ടാണ്‌ ലക്ഷക്കണ​ക്കി​നാ​ളു​കൾക്ക്‌ മരിച്ചു​പോയ തങ്ങളുടെ പ്രിയ​പ്പെ​ട്ട​വരെ തിരികെ ലഭിക്കുന്ന ഒരു സമയം വരുന്നു എന്ന്‌ അവൻ വാഗ്‌ദത്തം ചെയ്‌തി​രി​ക്കു​ന്നത്‌. മരിച്ച​വർക്കു സംഭവി​ക്കാ​നി​രി​ക്കുന്ന പുനരു​ത്ഥാ​ന​ത്തെ​പ്പ​റ​റി​യുള്ള കണക്കററ പരാമർശങ്ങൾ ദൈവ​ത്തി​ന്റെ വചനത്തിൽ അടങ്ങി​യി​ട്ടുണ്ട്‌.—യെശയ്യാ​വു 26:19; ദാനീ​യേൽ 12:2, 13; ഹോശേയ 13:14; യോഹ​ന്നാൻ 5:28, 29; വെളി​പ്പാ​ടു 20:12, 13.

സ്വർഗ​ത്തി​ലേക്കു പുനരു​ത്ഥാ​നം ചെയ്യ​പ്പെ​ടു​ന്നവർ ആരെല്ലാം?

നമുക്കു ജോണി​ന്റെ പ്രതീ​ക്ഷ​യെ​ക്കു​റി​ച്ചൊ​ന്നു ചിന്തി​ക്കാം. തന്റെ പ്രിയ​പ്പെട്ട മമ്മി സ്വർഗ​ത്തിൽ തന്നെയും കാത്തി​രി​ക്കു​ന്നു എന്നാണ​ല്ലോ ജോണി​ന്റെ പ്രതീക്ഷ. പള്ളിയിൽപ്പോ​ക്കു​കാ​രിൽ അനേക​രു​ടെ വിശ്വാ​സ​വും ഇതുതന്നെ. അത്തരം വീക്ഷണ​ങ്ങളെ പിന്താ​ങ്ങാൻ ശ്രമി​ക്കുന്ന ചില പുരോ​ഹി​തൻമാ​രും സാമൂ​ഹി​ക​പ്ര​വർത്ത​ക​രു​മുണ്ട്‌. ഇതിനാ​യി അവർ ബൈബിൾവാ​ക്യ​ങ്ങളെ തെററായ രീതി​യിൽ ഉദ്ധരി​ക്കു​ക​യും ചെയ്യുന്നു.

ഉദാഹ​ര​ണ​ത്തിന്‌, സന്തപ്‌തരെ സഹായി​ക്കുന്ന ഒരു വിദഗ്‌ധ​യായ ഡോ. എലിസ​ബത്ത്‌ കൂബ്‌ള​റോസ്‌ കുട്ടി​ക​ളെ​യും മരണ​ത്തെ​യും സംബന്ധിച്ച്‌ [ഇംഗ്ലീഷ്‌] എന്ന തന്റെ പുസ്‌ത​ക​ത്തിൽ ഇങ്ങനെ പറയു​ക​യു​ണ്ടാ​യി: “മരിക്കുക എന്നാൽ നാം നമ്മുടെ ശരീരത്തെ വിട്ടൊ​ഴി​യു​ന്നു എന്നേ അർഥമു​ള്ളൂ. പഴകി ദ്രവിച്ച കോട്ട്‌ നാം തള്ളിക്ക​ള​യു​ന്ന​തു​പോ​ലെ, അല്ലെങ്കിൽ ഒരു മുറി​യിൽനി​ന്നു മറെറാ​ന്നി​ലേക്കു പ്രവേ​ശി​ക്കു​ന്ന​തു​പോ​ലെ. സഭാ​പ്ര​സം​ഗി 12:7-ൽ നാം വായി​ക്കു​ന്നു: ‘പൊടി പണ്ടു ആയിരു​ന്ന​തു​പോ​ലെ ഭൂമി​യി​ലേക്കു തിരികെ ചേരും; ആത്മാവു അതിനെ നല്‌കിയ ദൈവ​ത്തി​ന്റെ അടുക്ക​ലേക്കു മടങ്ങി​പ്പോ​കും.’ യേശു പറഞ്ഞു: ‘ഞാൻ നിങ്ങൾക്കു സ്ഥലം ഒരുക്കു​വാൻ പോകു​ന്നു. ഞാൻ ഇരിക്കുന്ന ഇടത്തു നിങ്ങളും ഇരി​ക്കേ​ണ്ടതി’നായി​ത്തന്നെ. പിന്നെ കുരി​ശിൽ കിടന്ന കള്ളനോ​ടു പറഞ്ഞത്‌: ‘ഇന്നു നീ എന്നോ​ടു​കൂ​ടെ പരദീ​സ​യിൽ ഇരിക്കും.’”

മരിച്ചു​പോ​യ നമ്മുടെ പ്രിയ​പ്പെ​ട്ടവർ ഇപ്പോൾ ജീവി​ച്ചി​രി​ക്കു​ന്നു, സ്വർഗ​ത്തിൽ നമ്മെയും കാത്തി​രി​ക്കു​ന്നു എന്നൊ​ക്കെ​യാ​ണോ മേൽപ്പറഞ്ഞ വാക്യങ്ങൾ വാസ്‌ത​വ​ത്തിൽ അർഥമാ​ക്കു​ന്നത്‌? നമുക്ക്‌ ആ വാക്യ​ങ്ങളെ ഒന്നു ശ്രദ്ധാ​പൂർവം പരി​ശോ​ധി​ക്കാം. ആദ്യം സഭാ​പ്ര​സം​ഗി 12:7. വ്യക്തമാ​യും, ഈ വാക്കുകൾ എഴുതിയ ജ്ഞാനി​യായ മമനു​ഷ്യ​ന്റെ ഉദ്ദേശ്യം അതേ ബൈബിൾപു​സ്‌ത​ക​ത്തിൽ താൻ നേരത്തെ എഴുതി​വെ​ച്ചി​രി​ക്കു​ന്ന​തിൽനി​ന്നു നേർവി​പ​രീ​തം പ്രസ്‌താ​വി​ക്കുക എന്നതാ​യി​രു​ന്നില്ല: “ജീവി​ച്ചി​രി​ക്കു​ന്നവർ തങ്ങൾ മരിക്കും എന്നറി​യു​ന്നു; മരിച്ച​വ​രോ ഒന്നും അറിയു​ന്നില്ല.” (സഭാ​പ്ര​സം​ഗി 9:5) അദ്ദേഹം മനുഷ്യ​വർഗ​ത്തി​ന്റെ മരണ​ത്തെ​ക്കു​റിച്ച്‌ പൊതു​വേ ചർച്ച​ചെ​യ്യു​ക​യാ​യി​രു​ന്നു. കടുത്ത നിരീ​ശ്വ​ര​വാ​ദി​ക​ളും കൊടിയ കുററ​വാ​ളി​ക​ളും മരണ​ത്തെ​ത്തു​ടർന്നു ദൈവ​ത്തി​ലേക്കു മടങ്ങി​പ്പോ​കു​ന്നു എന്നു വിശ്വ​സി​ക്കു​ന്നതു ന്യായ​യു​ക്ത​മാ​ണോ? അല്ലേയല്ല. നാം നമ്മെത്തന്നെ നല്ലവരാ​യോ മോശ​ക്കാ​രാ​യോ വിചാ​രി​ച്ചാ​ലും അങ്ങനെ​യൊ​ന്നു നമ്മെക്കു​റി​ച്ചും പറയാ​നാ​വില്ല. നാം ആരും​തന്നെ ദൈവ​ത്തോ​ടൊ​പ്പം സ്വർഗ​ത്തി​ലാ​യി​രു​ന്നില്ല. അതു​കൊണ്ട്‌, നാം ദൈവ​ത്തി​ലേക്കു മടങ്ങി​പ്പോ​കും എന്ന്‌ എങ്ങനെ പറയാ​നാ​വും?

അപ്പോൾപ്പി​ന്നെ, മരണത്തിൽ ‘ആത്മാവ്‌ സത്യ​ദൈ​വ​ത്തി​ലേക്കു തിരി​ച്ചു​പോ​കു​ന്നു’ എന്നു പറഞ്ഞതി​നാൽ ബൈബി​ളെ​ഴു​ത്തു​കാ​രൻ എന്താണ്‌ അർഥമാ​ക്കി​യത്‌? “ആത്മാവ്‌” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന എബ്രാ​യ​പദം ഉപയോ​ഗി​ച്ച​പ്പോൾ അദ്ദേഹം ഒരു മനുഷ്യ​നെ മറെറാ​രു​വ​നിൽനി​ന്നു വ്യതി​രി​ക്ത​മാ​ക്കുന്ന അനുപ​മ​മായ എന്തോ ഒന്നിനെ പരാമർശി​ക്കു​ക​യാ​യി​രു​ന്നില്ല. മറിച്ച്‌, മനുഷ്യ​നെ​യും മൃഗങ്ങ​ളെ​യും സംബന്ധിച്ച്‌ അതേ നിശ്വസ്‌ത ബൈബി​ളെ​ഴു​ത്തു​കാ​രൻ സഭാ​പ്ര​സം​ഗി 3:19-ൽ [NW] വിശദ​മാ​ക്കു​ന്നു, “അവയ്‌ക്കെ​ല്ലാം ഒരു ആത്മാവ്‌ മാത്ര​മാ​ണു​ള്ളത്‌.” അപ്പോൾ മനുഷ്യ​ന്റെ​യും മൃഗങ്ങ​ളു​ടെ​യും ഭൗതിക ശരീര​ങ്ങ​ളു​ടെ നിർമാ​ണ​ഘ​ട​ക​ങ്ങ​ളായ കോശ​ങ്ങ​ളി​ലുള്ള ജീവശ​ക്തി​യെ​യാണ്‌ അദ്ദേഹം “ആത്മാവ്‌” എന്നതി​നാൽ അർഥമാ​ക്കി​യത്‌ എന്ന്‌ വ്യക്തമാണ്‌. നാം ഈ ആത്മാവി​നെ ദൈവ​ത്തിൽനി​ന്നു നേരിട്ടു സ്വീക​രി​ച്ചതല്ല. നാം ഗർഭത്തിൽ ഉരുവാ​ക്ക​പ്പെ​ടു​ക​യും പിന്നീട്‌ ജനിക്കു​ക​യും ചെയ്‌ത​പ്പോൾ അതു മാതാ​പി​താ​ക്ക​ളാൽ നമ്മി​ലേക്കു കൈമാ​ററം ചെയ്യ​പ്പെട്ടു. അതിലു​പരി, ഈ ആത്മാവ്‌ അക്ഷരീ​യ​മാ​യി ബഹിരാ​കാ​ശ​ത്തി​ലൂ​ടെ യാത്ര​ചെ​യ്‌ത്‌ ദൈവ​ത്തി​ലേക്കു തിരി​ച്ചു​പോ​കു​ന്നില്ല. ‘ആത്മാവ്‌ സത്യ​ദൈ​വ​ത്തി​ലേക്കു തിരി​ച്ചു​പോ​കു​ന്നു’ എന്ന പദപ്ര​യോ​ഗം ഒരു അലങ്കാ​ര​മാണ്‌. ഒരു മരിച്ച വ്യക്തി​യു​ടെ ഭാവി​ജീ​വ​നു​വേ​ണ്ടി​യുള്ള പ്രത്യാശ ഇപ്പോൾ ദൈവ​ത്തിൽ സ്ഥിതി​ചെ​യ്യു​ന്നു എന്നാണ്‌ അതിന്റെ അർഥം. അവൻ ആരെ ഓർക്കു​മെ​ന്നും ആത്യന്തി​ക​മാ​യി ആരെ ഉയിർപ്പി​ക്കു​മെ​ന്നു​മുള്ള തീരു​മാ​നം അവനു​ള്ള​താണ്‌. ഇത്‌ എത്ര വ്യക്തമാ​യി സങ്കീർത്തനം 104:29, 30-ൽ പ്രകട​മാ​ക്കി​യി​രി​ക്കു​ന്നു​വെന്ന്‌ നിങ്ങൾതന്നെ കാണുക.

ക്രിസ്‌തു​വി​ന്റെ വിശ്വസ്‌ത അനുഗാ​മി​ക​ളു​ടെ ഒരു പരിമിത സംഖ്യ, ആകെ 1,44,000 പേർമാ​ത്രം, ദൈവ​ത്തി​ന്റെ ആത്മപു​ത്രൻമാ​രെന്ന നിലയിൽ സ്വർഗീയ ജീവനി​ലേക്കു പുനരു​ത്ഥാ​നം ചെയ്യ​പ്പെ​ടാ​നാണ്‌ യഹോ​വ​യാം ദൈവം ഉദ്ദേശി​ച്ചി​ട്ടു​ള്ളത്‌. (വെളി​പ്പാ​ടു 14:1, 3) ഭൂമി​യി​ലെ മനുഷ്യ​വർഗത്തെ അനു​ഗ്ര​ഹി​ക്കു​ന്ന​തി​നു​വേണ്ടി ഇവർ ക്രിസ്‌തു​വി​നോ​ടു​കൂ​ടെ ഒരു സ്വർഗീയ ഗവൺമെൻറ്‌ രൂപീ​ക​രി​ക്കു​ന്നു.

ഇതേക്കു​റിച്ച്‌ ആദ്യം മനസ്സി​ലാ​ക്കി​യവർ യേശു​വി​ന്റെ വിശ്വസ്‌ത അപ്പോ​സ്‌ത​ലൻമാ​രാണ്‌. അവരോട്‌ അവൻ പറഞ്ഞു: “എന്റെ പിതാ​വി​ന്റെ ഭവനത്തിൽ അനേകം വാസസ്ഥ​ലങ്ങൾ ഉണ്ട്‌; ഇല്ലെങ്കിൽ ഞാൻ നിങ്ങ​ളോ​ടു പറയു​മാ​യി​രു​ന്നു. ഞാൻ നിങ്ങൾക്കു സ്ഥലം ഒരുക്കു​വാൻ പോകു​ന്നു. ഞാൻ പോയി നിങ്ങൾക്കു സ്ഥലം ഒരുക്കി​യാൽ, ഞാൻ ഇരിക്കുന്ന ഇടത്തു നിങ്ങളും ഇരി​ക്കേ​ണ്ട​തി​ന്നു പിന്നെ​യും വന്നു നിങ്ങളെ എന്റെ അടുക്കൽ ചേർത്തു​കൊ​ള്ളും.” (യോഹ​ന്നാൻ 14:2, 3) ആ അപ്പോ​സ്‌ത​ലൻമാ​രും ആദിമ ക്രിസ്‌ത്യാ​നി​ക​ളും മരിച്ചു. അവർക്ക്‌ ഒരു സ്വർഗീയ പുനരു​ത്ഥാ​നം പ്രതി​ഫ​ല​മാ​യി കൊടു​ക്കാൻവേ​ണ്ടി​യുള്ള യേശു​വി​ന്റെ വരവു​വരെ അവർ മരണത്തി​ലുള്ള അബോ​ധാ​വ​സ്ഥ​യിൽ കാത്തി​രി​ക്ക​ണ​മാ​യി​രു​ന്നു. അതു​കൊ​ണ്ടാണ്‌, ആദ്യത്തെ ക്രിസ്‌തീയ രക്തസാ​ക്ഷി​യായ സ്‌തേ​ഫാ​നോസ്‌ “നിദ്ര​പ്രാ​പി​ച്ചു” എന്നു നാം വായി​ക്കു​ന്നത്‌.—പ്രവൃ​ത്തി​കൾ 7:60; 1 തെസ്സ​ലൊ​നീ​ക്യർ 4:13.

ഭൂമി​യി​ലെ ജീവി​ത​ത്തി​നു​വേ​ണ്ടി​യുള്ള പുനരു​ത്ഥാ​നം

എന്നാൽ തന്നോ​ടൊ​പ്പം മരിച്ച കുററ​വാ​ളി​യോ​ടുള്ള യേശു​വി​ന്റെ വാഗ്‌ദ​ത്ത​മോ? ഒരു രാജ്യം സ്ഥാപിച്ച്‌ യഹൂദ ജനതയ്‌ക്ക്‌ ഭൂമി​യിൽ സമാധാ​ന​വും സുരക്ഷി​ത​ത്വ​വും പുനഃ​സ്ഥാ​പി​ച്ചു​കൊ​ടു​ക്കുന്ന ഒരു മിശി​ഹാ​യെ ദൈവം അയയ്‌ക്കു​മെന്ന്‌ അന്നാളി​ലെ അനേകം യഹൂദ​രെ​പ്പോ​ലെ ഈ മനുഷ്യ​നും വിശ്വ​സി​ച്ചി​രു​ന്നു. (1 രാജാ​ക്കൻമാർ 4:20-25 ലൂക്കൊസ്‌ 19:11; 24:21-ഉം പ്രവൃ​ത്തി​കൾ 1:6-ഉം ആയി താരത​മ്യം ചെയ്യുക.) കൂടാതെ, രാജാ​വാ​കാൻ ദൈവം തിര​ഞ്ഞെ​ടു​ത്തി​രി​ക്കു​ന്നത്‌ യേശു​വി​നെ​ത്ത​ന്നെ​യാണ്‌ എന്നതിൽ ഈ ദുഷ്‌പ്ര​വൃ​ത്തി​ക്കാ​രൻ വിശ്വാ​സം പ്രകട​മാ​ക്കി. എന്നിരു​ന്നാ​ലും, ഇതിനുള്ള സാധ്യ​ത​യിൻമേൽ നിഴൽവീ​ഴ്‌ത്തു​ന്ന​താ​യി​രു​ന്നു അപ്പോ​ഴത്തെ ആ നിമിഷം. കാരണം കുററം​ചു​മ​ത്ത​പ്പെട്ട ഒരു മനുഷ്യ​നെന്ന നിലയി​ലുള്ള യേശു​വി​ന്റെ മരണം ഉടൻ സംഭവി​ക്കു​മാ​യി​രു​ന്നു. അതു​കൊ​ണ്ടാണ്‌, കുററ​വാ​ളി​ക്കു യേശു വാഗ്‌ദാ​നം കൊടു​ത്ത​പ്പോൾ അത്‌ ഉറപ്പു​നൽകുന്ന ഈ വാക്കു​ക​ളി​ലാ​ക്കി​യത്‌: “സത്യമാ​യി ഇന്നു ഞാൻ നിന്നോ​ടു പറയുന്നു, നീ എന്നോ​ടു​കൂ​ടെ പറുദീ​സ​യിൽ ഉണ്ടായി​രി​ക്കും.”—ലൂക്കോസ്‌ 23:42, 43, NW.

“ഇന്ന്‌” എന്ന പദത്തി​നു​മു​മ്പിൽ കോമ​യി​ടുന്ന ബൈബിൾ പരിഭാ​ഷകൾ യേശു​വി​ന്റെ വാക്കുകൾ മനസ്സി​ലാ​ക്കാൻ ആഗ്രഹി​ക്കുന്ന ആളുകൾക്കു പ്രശ്‌നം സൃഷ്ടി​ക്കു​ക​യാണ്‌. അതേദി​വ​സം​തന്നെ യേശു ഏതെങ്കി​ലും പറുദീ​സ​യിൽ പോയില്ല. മറിച്ച്‌, ദൈവം അവനെ ഉയിർപ്പി​ക്കു​ന്ന​തു​വരെ മൂന്നു ദിവസ​ത്തേക്ക്‌ അവൻ മരണത്തി​ലുള്ള അബോ​ധാ​വ​സ്ഥ​യിൽ കിടക്കു​ക​യാ​യി​രു​ന്നു. യേശു​വി​ന്റെ പുനരു​ത്ഥാ​ന​ത്തി​നും സ്വർഗാ​രോ​ഹ​ണ​ത്തി​നും ശേഷം പോലും മനുഷ്യ​വർഗ​ത്തിൻമേൽ രാജാ​വാ​യി ഭരിക്കാ​നുള്ള സമയം വന്നെത്തും​വരെ തന്റെ പിതാ​വി​ന്റെ വലതു​ഭാ​ഗത്ത്‌ അവൻ കാത്തി​രി​ക്ക​ണ​മാ​യി​രു​ന്നു. (എബ്രായർ 10:12, 13) ഉടനെ, യേശു​വി​ന്റെ രാജ്യ​ഭ​രണം മനുഷ്യ​വർഗ​ത്തിന്‌ ആശ്വാസം കൈവ​രു​ത്തു​ക​യും മുഴു​ഭൂ​മി​യെ​യും ഒരു പറുദീ​സ​യാ​യി രൂപാ​ന്ത​ര​പ്പെ​ടു​ത്തു​ക​യും ചെയ്യും. (ലൂക്കൊസ്‌ 21:10, 11, 25-31) അപ്പോൾ, ഭൗമിക ജീവനി​ലേക്ക്‌ അയാളെ ഉയിർപ്പി​ച്ചു​കൊണ്ട്‌ കുററ​വാ​ളി​ക്കു താൻ കൊടുത്ത വാഗ്‌ദത്തം അവൻ നിവർത്തി​ക്കു​ന്ന​താ​യി​രി​ക്കും. ജീവി​ത​രീ​തി​യെ ദൈവ​ത്തി​ന്റെ നീതി​നി​ഷ്‌ഠ​മായ നിയമ​ങ്ങൾക്കു ചേർച്ച​യി​ലാ​ക്കാ​നുള്ള ആവശ്യ​മുൾപ്പെടെ മമനു​ഷ്യ​ന്റെ സകല ആവശ്യ​ങ്ങ​ളെ​യും അവൻ തൃപ്‌തി​പ്പെ​ടു​ത്തും എന്ന അർഥത്തിൽ യേശു ആ മനുഷ്യ​നോ​ടൊ​പ്പം ഉണ്ടായി​രി​ക്കും.

അനേക​രു​ടെ പുനരു​ത്ഥാ​നം

മനസ്‌താ​പം പ്രകട​മാ​ക്കിയ ആ കുററ​വാ​ളി​യു​ടെ കാര്യ​ത്തി​ലെ​ന്ന​പോ​ലെ, മിക്ക മനുഷ്യ​രു​ടെ​യും പുനരു​ത്ഥാ​നം നടക്കു​ന്നത്‌ ഭൂമി​യി​ലാ​യി​രി​ക്കും. ഇതു മനുഷ്യ​നെ സൃഷ്ടി​ച്ച​തി​ലെ ദൈ​വോ​ദ്ദേ​ശ്യ​വു​മാ​യി പൊരു​ത്ത​പ്പെ​ടു​ന്നു. പറുദീ​സാ​തോ​ട്ട​ത്തി​ലാ​ക്കി​വെ​ക്ക​പ്പെട്ട ആദ്യ മനുഷ്യ​നോ​ടും സ്‌ത്രീ​യോ​ടും ഭൂമിയെ കീഴട​ക്കാൻ പറഞ്ഞി​രു​ന്നു. അവർ ദൈവ​ത്തോട്‌ അനുസ​ര​ണ​യു​ള്ള​വ​രാ​യി നില​കൊ​ണ്ടി​രു​ന്നെ​ങ്കിൽ അവർ ഒരിക്ക​ലും വൃദ്ധരാ​കു​ക​യും മരിക്കു​ക​യു​മി​ല്ലാ​യി​രു​ന്നു. ദൈവ​ത്തി​ന്റെ തക്കസമ​യത്ത്‌ ആദാമി​നാ​ലും അവന്റെ പൂർണ​രായ സന്താന​ങ്ങ​ളാ​ലും മുഴു​ഭൂ​മി​യും കീഴ്‌പെ​ടു​ത്ത​പ്പെ​ടു​മാ​യി​രു​ന്നു, ഭൂമി ഒരു ആഗോള പറുദീ​സ​യു​മാ​കു​മാ​യി​രു​ന്നു.—ഉല്‌പത്തി 1:28; 2:8, 9.

പക്ഷേ, ആദാമും ഹവ്വായും മനഃപൂർവം പാപം​ചെ​യ്‌തു. തൻമൂലം അവർ തങ്ങളു​ടെ​മേ​ലും തങ്ങളുടെ ഭാവി സന്താന​ങ്ങ​ളു​ടെ​മേ​ലും മരണം വരുത്തി​വെച്ചു. (ഉല്‌പത്തി 2:16, 17; 3:17-19) അതു​കൊ​ണ്ടാണ്‌ ബൈബിൾ ഇങ്ങനെ പ്രസ്‌താ​വി​ക്കു​ന്നത്‌: “ഏകമനു​ഷ്യ​നാൽ [ആദാം] പാപവും പാപത്താൽ മരണവും ലോക​ത്തിൽ കടന്നു. ഇങ്ങനെ എല്ലാവ​രും പാപം ചെയ്‌ക​യാൽ മരണം സകലമ​നു​ഷ്യ​രി​ലും പരന്നി​രി​ക്കു​ന്നു.”—റോമർ 5:12.

അവകാ​ശ​പ്പെ​ടു​ത്തിയ പാപമി​ല്ലാ​തെ ജനിച്ച ഒരേ ഒരു മനുഷ്യ​നേ ഉണ്ടായി​രു​ന്നി​ട്ടു​ള്ളൂ. അതു ദൈവ​ത്തി​ന്റെ പൂർണ​ത​യുള്ള പുത്ര​നായ യേശു​ക്രി​സ്‌തു​വാ​യി​രു​ന്നു. അവന്റെ ജീവനെ സ്വർഗ​ത്തിൽനിന്ന്‌ ഒരു യഹൂദ കന്യക​യായ മറിയ​യു​ടെ ഗർഭപാ​ത്ര​ത്തി​ലേക്കു മാററി. പാപര​ഹി​ത​നാ​യി നില​കൊണ്ട യേശു മരി​ക്കേ​ണ്ട​തി​ല്ലാ​യി​രു​ന്നു. അതു​കൊണ്ട്‌, “ലോക​ത്തി​ന്റെ പാപ”ത്തിനുള്ള വീണ്ടെ​ടു​പ്പു​മൂ​ല്യം അവന്റെ മരണത്തി​നുണ്ട്‌. (യോഹ​ന്നാൻ 1:29; മത്തായി 20:28) അതു​കൊ​ണ്ടാണ്‌ യേശു​വിന്‌ ഇങ്ങനെ പറയാൻ കഴിഞ്ഞത്‌: “ഞാൻ തന്നേ പുനരു​ത്ഥാ​ന​വും ജീവനും ആകുന്നു; എന്നിൽ വിശ്വ​സി​ക്കു​ന്നവൻ മരിച്ചാ​ലും ജീവി​ക്കും.”—യോഹ​ന്നാൻ 11:25.

അതേ, അതു​കൊണ്ട്‌ നിങ്ങൾക്കു മരിച്ചു​പോയ നിങ്ങളു​ടെ പ്രിയ​പ്പെ​ട്ട​വ​രു​മാ​യി ഒത്തു​ചേ​രാ​നുള്ള പ്രതീക്ഷ വെച്ചു​പു​ലർത്താ​വു​ന്ന​താണ്‌. എന്നാൽ ഇതിനാ​വ​ശ്യ​മായ ചില സംഗതി​ക​ളുണ്ട്‌. നിങ്ങളു​ടെ വീണ്ടെ​ടു​പ്പു​കാ​രൻ എന്ന നിലയിൽ യേശു​വിൽ നിങ്ങൾ വിശ്വാ​സ​മർപ്പി​ക്കണം. ദൈവ​ത്തി​ന്റെ നിയുക്ത രാജാവ്‌ എന്ന നിലയിൽ അവനെ നിങ്ങൾ അനുസ​രി​ക്കു​ക​യും വേണം. ഈ ഭൂമി​യിൽ മോശ​മാ​യി എന്തെല്ലാ​മു​ണ്ടോ അവയെ ദൈവ​രാ​ജ്യം ഉടൻതന്നെ തുടച്ചു​മാ​റ​റും. അതിന്റെ ഭരണത്തി​നു കീഴ്‌പെ​ടാൻ വിസമ്മ​തി​ക്കുന്ന സകല മനുഷ്യ​രും നശിപ്പി​ക്ക​പ്പെ​ടും. എന്നുവ​രി​കി​ലും, ദൈവ​രാ​ജ്യ​ത്തി​ന്റെ പ്രജകൾ അതിജീ​വി​ക്കും. അവർ ഈ ഭൂമിയെ ഒരു പറുദീ​സ​യാ​യി രൂപാ​ന്ത​ര​പ്പെ​ടു​ത്തുന്ന വേലയിൽ തിര​ക്കോ​ടെ ഏർപ്പെ​ടും.—സങ്കീർത്തനം 37:10, 11; വെളി​പ്പാ​ടു 21:3-5.

അതോടെ പുനരു​ത്ഥാ​നം തുടങ്ങാ​നുള്ള പുളക​പ്ര​ദ​മായ സമയം എത്തുക​യാ​യി. മരിച്ച​വരെ തിരികെ സ്വാഗ​തം​ചെ​യ്‌തു കൊണ്ടു​വ​രാൻ അവിടെ നിങ്ങൾ ഉണ്ടായി​രി​ക്കു​മോ? അതെല്ലാം നിങ്ങൾ ഇപ്പോൾ എന്തു ചെയ്യുന്നു എന്നതിനെ ആശ്രയി​ച്ചി​രി​ക്കും. തന്റെ പുത്ര​നായ യേശു​ക്രി​സ്‌തു​വി​നാ​ലുള്ള യഹോ​വ​യു​ടെ രാജ്യ​ഭ​ര​ണ​ത്തിന്‌ ഇപ്പോൾ കീഴ്‌പെ​ടുന്ന സകല​രെ​യും അത്ഭുത​ക​ര​മായ അനു​ഗ്ര​ഹ​ങ്ങ​ളാണ്‌ കാത്തി​രി​ക്കു​ന്നത്‌.