സധൈ​ര്യം യഹോ​വ​യു​ടെ രാജ്യം ഘോഷി​ക്കുക!

“അവൻ തന്റെ അടുക്കൽ വരുന്ന​വ​രെ​യെ​ല്ലാം ദയാപൂർവം സ്വീക​രി​ക്കു​ക​യും അവരോ​ടു ദൈവ​രാ​ജ്യം പ്രസം​ഗി​ക്കു​ക​യും ചെയ്യു​മാ​യി​രു​ന്നു.”—പ്രവൃ​ത്തി​കൾ 28:30, 31.

1, 2. അപ്പോ​സ്‌ത​ല​നായ പൗലോ​സിന്‌ ദിവ്യ പിന്തു​ണ​യു​ടെ എന്തു തെളി​വു​ണ്ടാ​യി​രു​ന്നു, അവൻ എന്തു ദൃഷ്ടാന്തം വെച്ചു?

യഹോവ എല്ലായ്‌പ്പോ​ഴും രാജ്യ​ഘോ​ഷ​കരെ പിന്താ​ങ്ങു​ന്നു. അപ്പോ​സ്‌ത​ല​നായ പൗലോ​സി​നെ സംബന്ധിച്ച്‌ അത്‌ എത്ര സത്യമാ​യി​രു​ന്നു! അവൻ ദിവ്യ​പി​ന്തു​ണ​യോ​ടെ ഭരണാ​ധി​പൻമാ​രു​ടെ മുമ്പാകെ ഹാജരാ​കു​ക​യും കൂട്ട​പ്ര​ക്ഷോ​ഭണം സഹിക്കു​ക​യും സധൈ​ര്യം യഹോ​വ​യു​ടെ രാജ്യം ഘോഷി​ക്കു​ക​യും ചെയ്‌തു.

² റോമിൽ ഒരു തടവു​പു​ള്ളി​യാ​യി​രു​ന്ന​പ്പോൾപോ​ലും പൗലോസ്‌ “തന്റെ അടുക്കൽ വരുന്ന​വ​രെ​യെ​ല്ലാം ദയാപൂർവം സ്വീക​രി​ക്കു​ക​യും അവരോ​ടു ദൈവ​രാ​ജ്യം പ്രസം​ഗി​ക്കു​ക​യും ചെയ്യു​മാ​യി​രു​ന്നു.” (പ്രവൃ​ത്തി​കൾ 28:30, 31) ഇന്നത്തെ യഹോ​വ​യു​ടെ സാക്ഷി​കൾക്ക്‌ എത്ര നല്ല ദൃഷ്‌ടാ​ന്തം! പ്രവൃ​ത്തി​ക​ളെന്ന ബൈബിൾപു​സ്‌ത​ക​ത്തി​ന്റെ അവസാന അദ്ധ്യാ​യ​ങ്ങ​ളിൽ ലൂക്കോസ്‌ റിപ്പോർട്ടു​ചെ​യ്‌തി​രി​ക്കുന്ന പ്രകാ​ര​മുള്ള പൗലോ​സി​ന്റെ ശുശ്രൂ​ഷ​യിൽനിന്ന്‌ നമുക്ക്‌ വളരെ​യ​ധി​കം പഠിക്കാൻ കഴിയും.—20:1–28:31.

സഹവി​ശ്വാ​സി​കൾ കെട്ടു​പ​ണി​ചെ​യ്യ​പ്പെ​ടു​ന്നു

3. ത്രോ​വ​സിൽ എന്തു സംഭവി​ച്ചു, നമ്മുടെ നാളി​നോട്‌ എന്തു സമാന്തരം കാണാം?

³ എഫേസൂ​സി​ലെ ലഹള ശമിച്ച​ശേഷം, പൗലോസ്‌ തന്റെ മൂന്നാ​മത്തെ മിഷന​റി​പ​ര്യ​ടനം തുടർന്നു. (20:1-12) എന്നിരു​ന്നാ​ലും, സിറി​യ​യി​ലേക്കു കപ്പൽയാ​ത്ര തുടങ്ങാ​റാ​യ​പ്പോൾ യഹൂദൻമാർ തനി​ക്കെ​തി​രെ ഗൂഢാ​ലോ​ചന നടത്തി​യ​താ​യി അവൻ മനസ്സി​ലാ​ക്കി. അവർ ആ കപ്പലിൽത്തന്നെ കയറി അവനെ കൊല്ലാൻ ആസൂ​ത്ര​ണം​ചെ​യ്‌തി​രി​ക്കാ​മെ​ന്നു​ള്ള​തു​കൊണ്ട്‌ അവൻ മാസി​ഡോ​ണി​യാ​യിൽകൂ​ടെ​യാണ്‌ പോയത്‌. ത്രോ​വാ​സിൽ ചെന്ന​പ്പോൾ, യഹോ​വ​യു​ടെ സാക്ഷി​ക​ളു​ടെ ഇടയിലെ സഞ്ചാര​മേൽവി​ചാ​ര​കൻമാർ ഇപ്പോൾ ചെയ്യു​ന്ന​തു​പോ​ലെ, അവൻ സഹവി​ശ്വാ​സി​കളെ കെട്ടു​പ​ണി​ചെ​യ്‌തു​കൊണ്ട്‌ ഒരു വാരം ചെലവ​ഴി​ച്ചു. അവൻ അവി​ടെ​നി​ന്നു പോകു​ന്ന​തി​ന്റെ തലേരാ​ത്രി​യിൽ അവൻ അർദ്ധരാ​ത്രി​വരെ തന്റെ പ്രസംഗം നീട്ടി. ഒരു ജനാല​ക്ക​ടു​ത്തി​രുന്ന യൂത്തി​ക്കോസ്‌ പ്രത്യ​ക്ഷ​ത്തിൽ പകലത്തെ അദ്ധ്വാ​ന​ത്താൽ ക്ഷീണി​ത​നാ​യി​രു​ന്നു. അവൻ ഉറക്കം​തൂ​ങ്ങി മൂന്നാം നിലയിൽനി​ന്നു വീണു മരിച്ചു. എന്നാൽ പൗലോസ്‌ അവനെ ജീവനിൽ പുനഃ​സ്ഥി​തീ​ക​രി​ച്ചു. ഇത്‌ എന്തു സന്തോ​ഷ​ത്തി​നി​ട​യാ​ക്കി​യി​രി​ക്കണം! അപ്പോൾ, അനേക ദശലക്ഷങ്ങൾ വരാനി​രി​ക്കുന്ന പുതിയ ലോക​ത്തിൽ പുനരു​ത്ഥാ​നം പ്രാപി​ക്കു​മ്പോൾ എന്തു സന്തോ​ഷ​മാ​യി​രി​ക്കും ഉണ്ടാകുക.—യോഹ​ന്നാൻ 5:28, 29.

4. ശുശ്രൂ​ഷ​സം​ബ​ന്ധിച്ച്‌, പൗലോസ്‌ എഫേസ്യ​മൂ​പ്പൻമാ​രെ എന്തു പഠിപ്പി​ച്ചു?

⁴ പൗലോസ്‌ യരൂശ​ലേ​മി​ലേ​ക്കുള്ള മാർഗ്ഗ​മ​ദ്ധ്യേ മിലേ​ത്തൂ​സിൽ എഫേസൂ​സി​ലെ മൂപ്പൻമാ​രു​മാ​യി യോഗം നടത്തി. (20:13-21) അവൻ അവരെ “വീടു​തോ​റും” പഠിപ്പി​ച്ചു​വെ​ന്നും “ദൈവ​ത്തോ​ടുള്ള അനുതാ​പ​ത്തെ​യും നമ്മുടെ കർത്താ​വായ യേശു​വി​ലുള്ള വിശ്വാ​സ​ത്തെ​യും കുറിച്ച്‌ യഹൂദൻമാ​രോ​ടും ഗ്രീക്കു​കാ​രോ​ടും പൂർണ്ണ​സാ​ക്ഷ്യം വഹിച്ചു”വെന്നും അവൻ അവരെ ഓർമ്മി​പ്പി​ച്ചു. ഒടുവിൽ മൂപ്പൻമാ​രാ​യി​ത്തീർന്നവർ അനുത​പി​ച്ചി​രു​ന്നു, അവർക്കു വിശ്വാ​സ​വു​മു​ണ്ടാ​യി​രു​ന്നു. അപ്പോ​സ്‌തലൻ ഇന്ന്‌ യഹോ​വ​യു​ടെ സാക്ഷികൾ ചെയ്യു​ന്ന​തു​പോ​ലെ​യുള്ള വീടു​തോ​റു​മുള്ള ശുശ്രൂ​ഷ​യിൽ അവിശ്വാ​സി​ക​ളോ​ടു സധൈ​ര്യം രാജ്യം ഘോഷി​ക്കാ​നും അവരെ പരിശീ​ലി​പ്പി​ച്ചു​കൊ​ണ്ടാ​ണി​രു​ന്നത്‌.

5. (എ) പരിശു​ദ്ധാ​ത്മാ​വി​നാ​ലുള്ള മാർഗ്ഗ​നിർദ്ദേശം സംബന്ധിച്ച്‌ പൗലോസ്‌ മാതൃ​കാ​യോ​ഗ്യ​നാ​യി​രു​ന്ന​തെ​ങ്ങനെ? (ബി) ‘ആട്ടിൻകൂ​ട്ടം മുഴു​വ​നും ശ്രദ്ധ​കൊ​ടു​ക്കാൻ’ മൂപ്പൻമാർക്ക്‌ ബുദ്ധി​യു​പ​ദേശം ആവശ്യ​മാ​യി​രു​ന്ന​തെ​ന്തു​കൊണ്ട്‌?

⁵ ദൈവ​ത്തി​ന്റെ പരിശു​ദ്ധാ​ത്മാ​വു മുഖേ​ന​യുള്ള മാർഗ്ഗ​നിർദ്ദേശം സ്വീക​രി​ക്കു​ന്ന​തിൽ പൗലോസ്‌ മാതൃ​കാ​യോ​ഗ്യ​നാ​യി​രു​ന്നു. (20:22-30) ബന്ധനങ്ങ​ളും ഉപദ്ര​വ​ങ്ങ​ളും കാത്തി​രു​ന്നി​ട്ടും “ആത്‌വി​നാൽ ബന്ധിത​നാ​യി” അഥവാ അതിന്റെ നടത്തി​പ്പ​നു​സ​രി​ക്കാ​നുള്ള കടപ്പാ​ടോ​ടെ അപ്പോ​സ്‌തലൻ യരൂശ​ലേ​മി​ലേക്കു പോകു​മാ​യി​രു​ന്നു. അവൻ ജീവനു മൂല്യം​ക​ല്‌പി​ച്ചു, എന്നാൽ ദൈവ​ത്തോ​ടുള്ള നിർമ്മലത പാലി​ക്കു​ന്ന​താ​യി​രു​ന്നു അവന്‌ അതി​പ്ര​ധാന സംഗതി. നമ്മുടെ കാര്യ​ത്തി​ലും അങ്ങനെ​യാ​യി​രി​ക്കണം. ‘പരിശു​ദ്ധാ​ത്മാ​വു തങ്ങളെ ആരുടെ ഇടയിൽ മേൽവി​ചാ​ര​കൻമാ​രാ​യി നിയമി​ച്ചോ ആ ആട്ടിൻകൂ​ട്ടം മുഴു​വ​നും ശ്രദ്ധ​കൊ​ടു​ക്കാൻ’ പൗലോസ്‌ മൂപ്പൻമാ​രെ പ്രോൽസാ​ഹി​പ്പി​ച്ചു. അവൻ “പോയ​ശേഷം” (പ്രത്യ​ക്ഷ​ത്തിൽ മരണത്തിൽ) “മർദ്ദക​രായ ചെന്നാ​യ്‌ക്കൾ” “ആട്ടിൻ കൂട്ട​ത്തോട്‌ ആർദ്ര​ത​യോ​ടെ പെരു​മാ​റു​ക​യില്ല.” അങ്ങനെ​യുള്ള പുരു​ഷൻമാർ മൂപ്പൻമാ​രു​ടെ ഇടയിൽനി​ന്നു​തന്നെ എഴു​ന്നേൽക്കു​ക​യും വിവേചന കുറവുള്ള ശിഷ്യൻമാർ അവരുടെ വളച്ചൊ​ടിച്ച ഉപദേ​ശങ്ങൾ സ്വീക​രി​ക്കു​ക​യും ചെയ്യും.—2 തെസ്സ​ലോ​നീ​ക്യർ 2:6.

6. (എ) പൗലോ​സിന്‌ ആത്മ​ധൈ​ര്യ​ത്തോ​ടെ മൂപ്പൻമാ​രെ ദൈവത്തെ ഭരമേൽപ്പി​ക്കാൻക​ഴി​ഞ്ഞ​തെ​ന്തു​കൊണ്ട്‌? (ബി) പൗലോസ്‌ പ്രവൃ​ത്തി​കൾ 20:35-ലെ തത്വം അനുസ​രി​ച്ച​തെ​ങ്ങനെ?

⁶ മൂപ്പൻമാർ വിശ്വാ​സ​ത്യാ​ഗ​ത്തി​നെ​തി​രെ സൂക്ഷി​ക്കാൻ ആത്മീയ​മാ​യി ജാഗരൂ​ക​രാ​യി കഴി​യേ​ണ്ട​തു​ണ്ടാ​യി​രു​ന്നു. (20:31-38) അപ്പോ​സ്‌തലൻ അവരെ എബ്രായ തിരു​വെ​ഴു​ത്തു​ക​ളും യേശു​വി​ന്റെ ഉപദേ​ശ​ങ്ങ​ളും പഠിപ്പി​ച്ചി​രു​ന്നു, അതിന്‌, “വിശു​ദ്ധീ​ക​രി​ക്ക​പ്പെട്ട എല്ലാവ​രു​ടെ​യും ഇടയിലെ അവകാ​ശ​മായ” സ്വർഗ്ഗീ​യ​രാ​ജ്യം പ്രാപി​ക്കു​ന്ന​തിന്‌ അവരെ സഹായി​ക്കാൻ കഴിയുന്ന വിശു​ദ്ധീ​ക​ര​ണ​ശ​ക്തി​യുണ്ട്‌. തനിക്കു​വേ​ണ്ടി​യും തന്റെ സഹായി​കൾക്കു​വേ​ണ്ടി​യും കരുതാൻ വേല ചെയ്‌തു​കൊണ്ട്‌ കഠിനാ​ദ്ധ്വാ​നി​ക​ളാ​യി​രി​ക്കാ​നും പൗലോസ്‌ മൂപ്പൻമാ​രെ പ്രോൽസാ​ഹി​പ്പി​ച്ചു. (പ്രവൃ​ത്തി​കൾ 18:1-3; 1 തെസ്സ​ലോ​നീ​ക്യർ 2:9) നാം സമാന​മായ ഒരു ഗതി പിന്തു​ടർന്നു​കൊണ്ട്‌ നിത്യ​ജീ​വൻ നേടാൻ മററു​ള്ള​വരെ സഹായി​ക്കു​ന്നു​വെ​ങ്കിൽ “സ്വീക​രി​ക്കു​ന്ന​തി​നെ​ക്കാൾ കൂടുതൽ സന്തോഷം കൊടു​ക്കു​ന്ന​തി​ലുണ്ട്‌” എന്ന യേശു​വി​ന്റെ വാക്കു​കളെ നാം വിലമ​തി​ക്കും. ഈ പ്രസ്‌താ​വ​ന​യു​ടെ അർത്ഥം സുവി​ശേ​ഷ​ങ്ങ​ളിൽ കാണ​പ്പെ​ടു​ന്നുണ്ട്‌, എന്നാൽ വാഗ്രൂ​പേ​ണ​യോ നിശ്വ​സ്‌ത​ത​യാ​ലോ അതു കിട്ടി​യി​രി​ക്കാ​വുന്ന പൗലോസ്‌ മാത്രമേ അത്‌ ഉദ്ധരി​ക്കു​ന്നു​ള്ളു. പൗലോ​സി​നെ​പ്പോ​ലെ​തന്നെ ആത്മത്യാ​ഗി​ക​ളാ​യി​രി​ക്കു​ന്ന​തി​നാൽ നമുക്ക്‌ വളരെ​യ​ധി​കം സന്തോ​ഷ​മ​നു​ഭ​വി​ക്കാൻ കഴിയും. എന്തിന്‌, അവന്റെ വേർപാട്‌ എഫേസ്യ​മൂ​പ്പൻമാ​രെ വളരെ​യ​ധി​കം ദുഃഖി​പ്പി​ക്ക​ത്ത​ക്ക​വണ്ണം അത്രയ​ധി​കം അവൻ തന്നേത്തന്നെ കൊടു​ത്തി​രു​ന്നു!

യഹോ​വ​യു​ടെ ഇഷ്ടം നടക്കട്ടെ

7. പൗലോസ്‌ ദൈ​വേ​ഷ്ട​ത്തി​നു കീഴ്‌പ്പെ​ടു​ന്ന​തിൽ നല്ല മാതൃക വെച്ച​തെ​ങ്ങനെ?

⁷ പൗലോ​സി​ന്റെ മൂന്നാ​മത്തെ മിഷന​റി​യാ​ത്ര അവസാ​ന​ത്തോ​ട​ടു​ത്ത​പ്പോൾ, (ഏകദേശം ക്രി.വ. 56) അവൻ ദൈ​വേ​ഷ്ട​ത്തി​നു വഴി​പ്പെ​ടു​ന്ന​തി​ന്റെ ഒരു നല്ല ദൃഷ്ടാന്തം വെച്ചു. (21:1-14) കൈസ​രി​യാ​യിൽ അവനും അവന്റെ സഹപ്ര​വർത്ത​ക​രും ഫിലി​പ്പോ​സി​നോ​ടു​കൂ​ടെ താമസി​ച്ചു, കന്യക​മാ​രാ​യി​രുന്ന അവന്റെ നാലു പുത്രി​മാർ പരിശു​ദ്ധാ​ത്മാ​വി​നാൽ ഭാവി​കാ​ര്യ​ങ്ങൾ മുൻകൂ​ട്ടി​പ്പ​റ​ഞ്ഞു​കൊണ്ട്‌ “പ്രവചി​ച്ചി​രു​ന്നു.” അവി​ടെ​വച്ച്‌ ക്രിസ്‌തീയ പ്രവാ​ച​ക​നാ​യി​രുന്ന അഗബസ്‌ പൗലോ​സി​ന്റെ അരക്കച്ച​കൊണ്ട്‌ സ്വന്തം കൈകാ​ലു​കൾ ബന്ധിക്കു​ക​യും അതിന്റെ ഉടമസ്ഥനെ യഹൂദൻമാർ യരൂശ​ലേ​മിൽ ബന്ധിക്കു​ക​യും വിജാ​തീ​യ​കൈ​ക​ളിൽ ഏൽപ്പി​ക്കു​ക​യും ചെയ്യു​മെന്ന്‌ പറയാൻ പരിശു​ദ്ധാ​ത്മാ​വി​നാൽ പ്രേരി​ത​നാ​കു​ക​യും ചെയ്‌തു. “കർത്താ​വായ യേശു​വി​ന്റെ നാമത്തി​നു​വേണ്ടി ബന്ധിക്ക​പ്പെ​ടു​വാൻ മാത്രമല്ല, യരൂശ​ലേ​മിൽ മരിക്കാ​നും ഞാൻ ഒരുക്ക​മാണ്‌” എന്ന്‌ പൗലോസ്‌ പറഞ്ഞു. “യഹോ​വ​യു​ടെ ഇഷ്ടം നടക്കട്ടെ” എന്നു പറഞ്ഞു​കൊണ്ട്‌ ശിഷ്യൻമാർ സമ്മതിച്ചു.

8. ചില​പ്പോൾ നല്ല ബുദ്ധി​യു​പ​ദേശം സ്വീക​രി​ക്കു​ന്നത്‌ പ്രയാ​സ​മാ​ണെന്ന്‌ നാം കണ്ടെത്തു​ന്നു​വെ​ങ്കിൽ, നമുക്ക്‌ എന്ത്‌ ഓർക്കാ​വു​ന്ന​താണ്‌?

⁸ ദൈവം പൗലോ​സി​ന്റെ ശുശ്രൂ​ഷ​യി​ലൂ​ടെ വിജാ​തീ​യ​രു​ടെ ഇടയിൽ ചെയ്‌ത​തി​നെ​ക്കു​റിച്ച്‌ അവൻ യരൂശ​ലേ​മി​ലെ മൂപ്പൻമാ​രോ​ടു പറഞ്ഞു. (21:15-26) നല്ല ഉപദേശം കൈ​ക്കൊ​ള്ളു​ന്നതു പ്രയാ​സ​മാ​ണെന്ന്‌ നാം എന്നെങ്കി​ലും കണ്ടെത്തു​ന്നു​വെ​ങ്കിൽ പൗലോസ്‌ അത്‌ എങ്ങനെ സ്വീക​രി​ച്ചു​വെന്ന്‌ നമുക്ക്‌ ഓർക്കാൻ കഴിയും. താൻ വിജാ​തീ​യ​ദേ​ശ​ങ്ങ​ളി​ലെ യഹൂദൻമാ​രെ “മോശ​യിൽനി​ന്നുള്ള ഒരു വിശ്വാ​സ​ത്യാ​ഗം” പഠിപ്പി​ക്കു​ക​യ​ല്ലെന്ന്‌ തെളി​യി​ക്കാൻ അവൻ ആചാര​പ​ര​മായ ശുദ്ധീ​ക​ര​ണ​ത്തി​നു വിധേ​യ​നാ​കാ​നും തന്റെയും വേറെ നാലു പേരു​ടെ​യും ചെലവു​കൾ വഹിക്കാ​നു​മുള്ള മൂപ്പൻമാ​രു​ടെ ബുദ്ധി​യു​പ​ദേശം അവൻ അനുസ​രി​ച്ചു. യേശു​വി​ന്റെ മരണം ന്യായ​പ്ര​മാ​ണത്തെ വഴിയിൽനി​ന്നു നീക്കം​ചെ​യ്‌തെ​ങ്കി​ലും നേർച്ചകൾ സംബന്ധിച്ച അതിന്റെ സവി​ശേ​ഷ​തകൾ നിറ​വേ​റ​റി​യ​തി​നാൽ പൗലോസ്‌ തെററു​ചെ​യ്‌തില്ല.—റോമർ 7:12-14.

ജനക്കൂട്ടം ആക്രമി​ച്ചെ​ങ്കി​ലും നിർഭയൻ

9. ജനക്കൂ​ട്ട​ത്തി​ന്റെ അക്രമം സംബന്ധിച്ച്‌ പൗലോ​സി​ന്റെ​യും ഇന്നത്തെ യഹോ​വ​യു​ടെ സാക്ഷി​ക​ളു​ടെ​യും അനുഭ​വങ്ങൾ തമ്മിൽ എന്തു സമാന്ത​ര​മുണ്ട്‌?

⁹ യഹോ​വ​യു​ടെ സാക്ഷികൾ മിക്ക​പ്പോ​ഴും ജനക്കൂ​ട്ട​ത്തി​ന്റെ അക്രമം ഗണ്യമാ​ക്കാ​തെ ദൈവ​ത്തോ​ടുള്ള നിർമ്മലത പാലി​ച്ചി​ട്ടുണ്ട്‌. (ദൃഷ്ടാ​ന്ത​ത്തിന്‌, യഹോ​വ​യു​ടെ സാക്ഷി​ക​ളു​ടെ 1975-ലെ വാർഷി​ക​പ്പു​സ്‌തകം, 180-90 വരെ പേജുകൾ കാണുക.) സമാന​മാ​യി ഏഷ്യാ​മൈ​ന​റിൽനി​ന്നുള്ള യഹൂദൻമാർ പൗലോ​സി​നെ​തി​രെ ജനക്കൂ​ട്ടത്തെ ഇളക്കി​വി​ട്ടു. (21:27-40) എഫേസ്യ​ക്കാ​ര​നായ ത്രൊ​ഫി​മോ​സി​നെ അവനോ​ടു​കൂ​ടെ കണ്ടതു​കൊണ്ട്‌ യവനരെ ആലയത്തി​ലേക്കു കടത്തി​വി​ട്ടു​കൊണ്ട്‌ അതിനെ അശുദ്ധ​മാ​ക്കു​ന്ന​താ​യി അവർ അപ്പോ​സ്‌ത​ല​ന്റെ​മേൽ വ്യാജാ​രോ​പണം കൊണ്ടു​വന്നു. റോമൻ ന്യായാ​ധി​പ​നാ​യി​രുന്ന ക്ലൗദ്യോസ്‌ ലിസി​യാ​സും അയാളു​ടെ ആൾക്കാ​രും ലഹള ശമിപ്പി​ച്ച​പ്പോ​ഴേക്ക്‌ അവനെ കൊന്നു​പോ​യേനെ! മുൻകൂ​ട്ടി​പ്പ​റ​ഞ്ഞി​രു​ന്ന​തു​പോ​ലെ, (എന്നാൽ യഹൂദൻമാർ നിമിത്തം) ലിസി​യാസ്‌ പൗലോ​സി​നെ ചങ്ങലയാൽ ബന്ധിച്ചി​രു​ന്നു. (പ്രവൃ​ത്തി​കൾ 21:11) അപ്പോ​സ്‌ത​ലനെ ആലയ​പ്രാ​കാ​ര​ത്തോ​ടു ചേർന്നുള്ള പടയാ​ളി​ക​ളു​ടെ ആസ്ഥാന​ത്തി​ലേക്കു കൊണ്ടു​പോ​കാ​നി​രി​ക്കു​ക​യാ​യി​രു​ന്നു, അപ്പോൾ പൗലോസ്‌ ഒരു രാജ്യ​ദ്രോ​ഹി​യ​ല്ലെ​ന്നും പിന്നെ​യോ ആലയ​പ്ര​ദേ​ശത്തു പ്രവേ​ശി​ക്കാൻ അനുവ​ദി​ക്ക​പ്പെട്ട ഒരു യഹൂദ​നാ​ണെ​ന്നും ലിസി​യാസ്‌ മനസ്സി​ലാ​ക്കി. സംസാ​രി​ക്കാൻ അനുവാ​ദം ലഭിച്ച​പ്പോൾ പൗലോസ്‌ എബ്രാ​യ​യിൽ ജനത്തോ​ടു പ്രസം​ഗി​ച്ചു.

10. യരൂശ​ലേ​മി​ലെ യഹൂദൻമാർ പൗലോ​സി​ന്റെ പ്രസംഗം എങ്ങനെ സ്വീക​രി​ച്ചു, അവൻ എന്തു​കൊണ്ട്‌ ചമ്മട്ടി​കൊണ്ട്‌ അടിക്ക​പ്പെ​ട്ടില്ല?

¹⁰ പൗലോസ്‌ ധീരമായ ഒരു സാക്ഷ്യം നൽകി. (22:1-30) അത്യന്തം ആദരി​ക്ക​പ്പെ​ടുന്ന ഗമാലി​യേ​ലി​നാൽ പഠിപ്പി​ക്ക​പ്പെട്ട ഒരു യഹൂദ​നാ​യി അവൻ തന്നേത്തന്നെ തിരി​ച്ച​റി​യി​ച്ചു. താൻ മാർഗ്ഗം അനുസ​രി​ക്കു​ന്ന​വരെ പീഡി​പ്പി​ക്കാൻ ഡമാസ്‌ക്ക​സി​ലേക്കു പോകുന്ന വഴി മഹത്വീ​ക​രി​ക്ക​പ്പെട്ട യേശു​ക്രി​സ്‌തു​വി​നെ കണ്ടതി​നാൽ താൻ അന്ധനാ​ക്ക​പ്പെ​ട്ടു​വെ​ന്നും എന്നാൽ അനന്യാസ്‌ തനിക്കു കാഴ്‌ച തിരി​കെ​ത്ത​ന്നു​വെ​ന്നും അപ്പോ​സ്‌തലൻ വിശദീ​ക​രി​ച്ചു. പിന്നീട്‌ കർത്താവ്‌ പൗലോ​സി​നോട്‌ ഇങ്ങനെ പറഞ്ഞി​രു​ന്നു: “നീ യാത്ര തുടരുക, എന്തു​കൊ​ണ്ടെ​ന്നാൽ ഞാൻ നിന്നെ ദൂരെ​യുള്ള ജനതക​ളു​ടെ അടുക്ക​ലേക്ക്‌ അയക്കും.” ആ വാക്കുകൾ ഒരു വനത്തിൽ തീപ്പൊ​രി​വീ​ഴു​ന്ന​തു​പോ​ലെ​യാണ്‌ വീണത്‌. പൗലോസ്‌ ജീവി​ക്കാൻ പാടില്ല എന്ന്‌ ആർത്തു​കൊണ്ട്‌ ജനക്കൂട്ടം കുപി​ത​രാ​യി തങ്ങളുടെ പുറം​വ​സ്‌ത്രങ്ങൾ ഊരി​യെ​റി​യു​ക​യും വായു​വി​ലേക്ക്‌ പൊടി വാരി​യെ​റി​യു​ക​യും ചെയ്‌തു. അതു​കൊണ്ട്‌ പൗലോ​സി​നെ അടിച്ചിട്ട്‌ യഹൂദൻമാർ എന്തു​കൊ​ണ്ടാണ്‌ പൗലോ​സി​നെ​തി​രാ​യി​രി​ക്കു​ന്ന​തെന്നു പരി​ശോ​ധി​ക്കാൻ ലിസി​യാസ്‌ അവനെ പടയാ​ളി​ക​ളു​ടെ ആസ്ഥാന​ത്തേക്കു കൊണ്ടു​പോ​യി. ‘കുററം​വി​ധി​ക്കാത്ത ഒരു റോമാ​ക്കാ​രനെ ചമ്മട്ടി​കൊ​ണ്ട​ടി​ക്കു​ന്നത്‌ നിയമാ​നു​സൃ​ത​മാ​ണോ?” എന്ന്‌ പൗലോസ്‌ ചോദി​ച്ച​പ്പോൾ ചമ്മട്ടി​പ്ര​ഹരം (കെട്ടു​ക​ളു​ള്ള​തോ ലോഹ​ക്ക​ഷ​ണ​മോ അസ്ഥിക്ക​ഷ​ണ​മൊ വെച്ചു​പി​ടി​പ്പി​ച്ചി​ട്ടു​ള്ള​തോ ആയ തുകൽവാ​റു​ക​ളോ​ടു​കൂ​ടിയ ഒരുപ​ക​രണം) തടയ​പ്പെട്ടു. പൗലോസ്‌ ഒരു റോമാ​പൗ​ര​നാ​ണെന്നു മനസ്സി​ലാ​ക്കി​യ​പ്പോൾ ലിസി​യാസ്‌ ഭയപ്പെ​ടു​ക​യും യഹൂദൻമാർ അവനെ കുററ​പ്പെ​ടു​ത്തു​ന്ന​തെ​ന്തു​കൊ​ണ്ടെന്നു മനസ്സി​ലാ​ക്കാൻ സന്നദ്രീ​മി​ന്റെ മുമ്പാകെ കൊണ്ടു​പോ​കു​ക​യും ചെയ്‌തു.

11. പൗലോസ്‌ ഏതു വിധത്തി​ലാണ്‌ ഒരു പരീശ​നാ​യി​രു​ന്നത്‌?

¹¹ താൻ “ദൈവ​മു​മ്പാ​കെ തികച്ചും തെളിഞ്ഞ ഒരു മനഃസാ​ക്ഷി​യോ​ടെ പെരു​മാ​റി”യിരി​ക്കു​ന്നു​വെന്നു പറഞ്ഞു​കൊണ്ട്‌ പൗലോസ്‌ സന്നദ്രീം മുമ്പാ​കെ​യുള്ള തന്റെ പ്രതി​വാ​ദം തുടങ്ങി​യ​പ്പോൾ അവനെ അടിക്കാൻ മഹാപു​രോ​ഹി​ത​നായ അനന്യാസ്‌ ആജ്ഞാപി​ച്ചു. (23:1-10) “വെള്ള തേച്ച ശവക്കല്ല​റ​യായ നിന്നെ ദൈവം അടിക്കാൻ പോകു​ക​യാണ്‌” എന്ന്‌ പൗലോസ്‌ പറഞ്ഞു. “നീ മഹാപു​രോ​ഹി​തനെ അധി​ക്ഷേ​പി​ക്കു​ക​യാ​ണോ?” എന്ന്‌ ചിലർ ചോദി​ച്ചു. തന്റെ കാഴ്‌ച​ക്കു​റ​വു​നി​മി​ത്തം പൗലോസ്‌ അനന്യാ​സി​നെ തിരി​ച്ച​റി​ഞ്ഞി​രി​ക്ക​യില്ല. എന്നാൽ കൗൺസി​ലിൽ പരീശൻമാ​രും സദൂക്യ​രു​മു​ണ്ടെന്നു മനസ്സി​ലാ​ക്കി​ക്കൊണ്ട്‌ ‘ഞാൻ പുനരു​ത്ഥാ​ന​പ്ര​ത്യാ​ശയെ പ്രതി ന്യായം​വി​ധി​ക്ക​പ്പെ​ടുന്ന ഒരു പരീശ​നാ​കു​ന്നു’ എന്ന്‌ പൗലോസ്‌ പറഞ്ഞു. ഇത്‌ സന്നദ്രീ​മിൽ പിളർപ്പു​ണ്ടാ​ക്കി, എന്തു​കൊ​ണ്ടെ​ന്നാൽ പരീശൻമാർ പുനരു​ത്ഥാ​ന​ത്തിൽ വിശ്വ​സി​ച്ചി​രു​ന്നു, എന്നാൽ സദൂക്യർ വിശ്വ​സി​ച്ചി​രു​ന്നില്ല. വളരെ​യ​ധി​കം ഭിന്നത​യു​ണ്ടാ​യ​തോ​ടെ ലിസി​യാസ്‌ അപ്പോ​സ്‌ത​ലനെ രക്ഷി​ക്കേ​ണ്ടി​വന്നു.

12. പൗലോസ്‌ യരുശ​ലേ​മിൽ തന്റെ ജീവനു​വേ​ണ്ടി​യുള്ള ഒരു ഗൂഢാ​ലോ​ച​ന​യിൽനിന്ന്‌ രക്ഷപ്പെ​ട്ട​തെ​ങ്ങനെ?

¹² അടുത്ത​താ​യി പൗലോസ്‌ അവന്റെ ജീവനു​വേ​ണ്ടി​യുള്ള ഒരു ഗൂഢാ​ലോ​ച​ന​യിൽനി​ന്നു രക്ഷപെട്ടു. (23:11-35) അവനെ കൊന്ന​ല്ലാ​തെ തിന്നു​ക​യോ കുടി​ക്കു​ക​യൊ ഇല്ലെന്ന്‌ നാല്‌പതു യഹൂദൻമാർ ശപഥം​ചെ​യ്‌തി​രു​ന്നു. പൗലോ​സി​ന്റെ മരുമകൻ ഇതു പൗലോ​സി​നെ​യും ലിസി​യാ​സി​നെ​യും അറിയി​ച്ചു. അപ്പോ​സ്‌തലൻ പട്ടാള​കാ​വ​ലിൽ നാടു​വാ​ഴി​യായ കൈസ​രി​യ​യി​ലെ അന്റോ​ണി​യസ്‌ ഫേലി​ക്‌സി​ന്റെ അടുക്ക​ലേക്കു കൊണ്ടു​പോ​ക​പ്പെട്ടു. കൈസ​രി​യാ യഹൂദ്യ​യു​ടെ റോമാ​ഭരണ തലസ്ഥാ​ന​മാ​യി​രു​ന്നു. പൗലോ​സിന്‌ ഒരു വിചാരണ വാഗ്‌ദാ​നം​ചെയ്‌ത ശേഷം ഫേലി​ക്‌സ്‌ പൗലോ​സി​നെ മഹാനായ ഹെരോ​ദാ​വി​ന്റെ അകമ്പടി​കൊ​ട്ടാ​ര​മായ ഗവർണ​റു​ടെ ആസ്ഥാനത്ത്‌ കാവലിൽ പാർപ്പി​ച്ചു.

ഭരണാ​ധി​പൻമാ​രു​ടെ മുമ്പാകെ ധൈര്യം

13. പൗലോസ്‌ ഫേലി​ക്‌സിന്‌ എന്തി​നെ​ക്കു​റി​ച്ചു സാക്ഷ്യം​കൊ​ടു​ത്തു, ഫലമെ​ന്താ​യി​രു​ന്നു?

¹³ അപ്പോ​സ്‌തലൻ പെട്ടെ​ന്നു​തന്നെ വ്യാജാ​രോ​പ​ണ​ങ്ങൾക്കെ​തി​രെ പ്രതി​വാ​ദം നടത്തു​ക​യും ഫേലി​ക്‌സി​നോ​ടു സധൈ​ര്യം സാക്ഷീ​ക​രി​ക്കു​ക​യും ചെയ്‌തു. (24:1-27) താൻ ജനക്കൂ​ട്ടത്തെ ഇളക്കി​വി​ട്ടി​ല്ലെന്ന്‌ പൗലോസ്‌ യഹൂദ കുററാ​രോ​പ​ക​രു​ടെ മുമ്പാകെ തെളി​യി​ച്ചു. താൻ ന്യായ​പ്ര​മാ​ണ​ത്തി​ലും പ്രവാ​ച​കൻമാ​രി​ലും വിവരി​ച്ചി​രി​ക്കുന്ന കാര്യങ്ങൾ വിശ്വ​സി​ക്കു​ന്നു​വെ​ന്നും “നീതി​മാൻമാ​രു​ടെ​യും നീതി​കെ​ട്ട​വ​രു​ടെ​യും പുനരു​ത്ഥാ​ന​ത്തിൽ” പ്രത്യാ​ശ​വെ​ക്കു​ന്നു​വെ​ന്നും അവൻ പറഞ്ഞു. പൗലോസ്‌ ദാനധർമ്മ​ങ്ങ​ളു​മാ​യി​ട്ടാ​യി​രു​ന്നു (പീഡന​ത്താൽ ദാരി​ദ്ര്യ​മ​നു​ഭ​വി​ച്ചി​രി​ക്കാ​മാ​യി​രുന്ന യേശു​വി​ന്റെ അനുഗാ​മി​കൾക്കാ​യുള്ള (സംഭാ​വ​നകൾ) യരൂശ​ലേ​മി​ലേക്കു പോയത്‌, ആചാര​പ​ര​മാ​യി ശുദ്ധീ​ക​ര​ണ​വും നടത്തി​യി​രു​ന്നു. ഫേലി​ക്‌സ്‌ ന്യായ​വി​ധി നീട്ടി​വെ​ച്ചു​വെ​ങ്കി​ലും പൗലോസ്‌ പിന്നീട്‌ അവനോ​ടും അവന്റെ ഭാര്യ​യായ ദ്രുസി​ല്ല​യോ​ടും (ഹെരോദ്‌ അഗ്രിപ്പാ I-ാമന്റെ പുത്രി) ക്രിസ്‌തു​വി​നെ​യും നീതി​യെ​യും ആത്മനി​യ​ന്ത്ര​ണ​ത്തെ​യും വരാനി​രി​ക്കുന്ന ന്യായ​വി​ധി​യെ​യും കുറിച്ചു പ്രസം​ഗി​ച്ചു. അങ്ങനെ​യുള്ള പ്രസം​ഗ​ത്തിൽ ഭയന്ന്‌ ഫേലി​ക്‌സ്‌ പൗലോ​സി​നെ പറഞ്ഞയച്ചു. എന്നിരു​ന്നാ​ലും, കൈക്കൂ​ലി കിട്ടു​മെന്ന്‌ വ്യർത്ഥ​മാ​യി ആശിച്ചു​കൊണ്ട്‌ പിന്നീട്‌ അവൻ മിക്ക​പ്പോ​ഴും പൗലോ​സി​നെ ആളയച്ചു​വ​രു​ത്തു​മാ​യി​രു​ന്നു. പൗലോസ്‌ നിർദ്ദോ​ഷി​യാ​ണെന്ന്‌ ഫേലി​ക്‌സി​ന​റി​യാ​മാ​യി​രു​ന്നു. എന്നാൽ യഹൂദൻമാ​രു​ടെ പ്രീതി​കി​ട്ടാ​നാ​ശി​ച്ചു​കൊണ്ട്‌ അവനെ ബന്ധനത്തിൽ സൂക്ഷിച്ചു. രണ്ടുവർഷം കഴിഞ്ഞ്‌ പോർഷ്യസ്‌ ഫെസ്‌തോസ്‌ ഫേലി​ക്‌സി​ന്റെ പിൻഗാ​മി​യാ​യി.

14. ഫെസ്‌തോ​സി​ന്റെ മുമ്പാകെ ഹാജരാ​യ​പ്പോൾ പൗലോസ്‌ ഏതു നിയമ​വ്യ​വ​സ്ഥയെ പ്രയോ​ജ​ന​പ്പെ​ടു​ത്തി, ഇതിൽ നിങ്ങൾ എന്തു സമാന്തരം കാണുന്നു?

¹⁴ പൗലോസ്‌ ഫെസ്‌തോ​സി​ന്റെ മുമ്പാ​കെ​യും ധീരമായ ഒരു പ്രതി​വാ​ദം നടത്തി. (25:1-12) അപ്പോ​സ്‌തലൻ മരണം അർഹി​ച്ചി​രു​ന്നെ​ങ്കിൽ അവൻ ഒഴിഞ്ഞു​മാ​റു​ക​യി​ല്ലാ​യി​രു​ന്നു, എന്നാൽ യാതൊ​രു മനുഷ്യ​നും പ്രീതി​ക്കു​വേണ്ടി അവനെ യഹൂദൻമാർക്കു വിട്ടു​കൊ​ടു​ക്കാൻ കഴിയു​മാ​യി​രു​ന്നില്ല. “ഞാൻ കൈസ​റിന്‌ അപ്പീൽ കൊടു​ക്കു​ന്നു”വെന്ന്‌ പൗലോസ്‌ പറഞ്ഞു. അവൻ റോമിൽ (ആ കാലത്ത്‌ നീറോ​യു​ടെ മുമ്പാകെ) വിസ്‌ത​രി​ക്ക​പ്പെ​ടു​ന്ന​തി​നുള്ള ഒരു റോമാ​പൗ​രന്റെ അവകാ​ശത്തെ പ്രയോ​ജ​ന​പ്പെ​ടു​ത്തു​ക​യാ​യി​രു​ന്നു. അപ്പീൽ അനുവ​ദി​ക്ക​പ്പെ​ട്ട​തി​നാൽ, പൗലോസ്‌ മുൻകൂ​ട്ടി​പ്പ​റ​യ​പ്പെ​ട്ടി​രു​ന്ന​തു​പോ​ലെ “റോമാ​യിൽ സാക്ഷീ​ക​രി​ക്കു”മായി​രു​ന്നു. (പ്രവൃ​ത്തി​കൾ 23:11) യഹോ​വ​യു​ടെ സാക്ഷി​ക​ളും ‘പ്രതി​വാ​ദം നടത്തി സുവാർത്തയെ നിയമ​പ​ര​മാ​യി സ്ഥാപി​ക്കാ​നുള്ള’ കരുത​ലു​കൾ പ്രയോ​ജ​ന​പ്പെ​ടു​ത്തു​ന്നു.—ഫിലി​പ്പി​യർ 1:7.

15. (എ) പൗലോസ്‌ അഗ്രി​പ്പാ​രാ​ജാ​വി​ന്റെ​യും കൈസ​റി​ന്റെ​യും മുമ്പാകെ ഹാജരാ​യ​പ്പോൾ ഏതു പ്രവചനം നിവർത്തി​ക്ക​പ്പെട്ടു? (ബി) പൗലോസ്‌ എങ്ങനെ ‘മുടി​ങ്കോ​ലു​കൾക്കെ​തി​രെ തൊഴി​ച്ചു’?

¹⁵ വടക്കൻയ​ഹൂ​ദ്യ​യി​ലെ ഹെരോദ്‌ അഗ്രിപ്പാII-ാമൻ രാജാ​വും അവന്റെ സഹോ​ദ​രി​യായ ബർന്നീ​ക്ക​യും (അവരു​മാ​യി അവന്‌ ഒരു നിഷി​ദ്ധ​ബ​ന്ധ​മാ​ണു​ണ്ടാ​യി​രു​ന്നത്‌) കൈസ​രി​യാ​യിൽ ഫെസ്‌തോ​സി​നെ സന്ദർശി​ച്ച​പ്പോൾ പൗലോ​സി​നെ കേൾക്കു​ക​യു​ണ്ടാ​യി. (25:13–26:23) അഗ്രി​പ്പാ​വി​നോ​ടും കൈസ​റോ​ടും സാക്ഷീ​ക​രി​ച്ച​തി​നാൽ പൗലോസ്‌ താൻ രാജാ​ക്കൻമാ​രു​ടെ മുമ്പാകെ കർത്താ​വി​ന്റെ നാമം വഹിക്കു​മെ​ന്നുള്ള പ്രവചനം നിവർത്തി​ച്ചു. (പ്രവൃ​ത്തി​കൾ 9:15) ഡമാസ്‌ക്ക​സി​ലേ​ക്കുള്ള വഴിമ​ദ്ധ്യേ എന്തു സംഭവി​ച്ചു​വെന്ന്‌ അഗ്രി​പ്പാ​യോ​ടു പറഞ്ഞു​കൊണ്ട്‌ “മുടി​ങ്കോ​ലു​കൾക്കെ​തി​രെ തൊഴി​ച്ചു​കൊ​ണ്ടി​രി​ക്കു​ന്നത്‌ നിനക്ക്‌ പ്രയാ​സ​മാ​ണെ”ന്ന്‌ യേശു പറഞ്ഞതാ​യി പൗലോസ്‌ പ്രസ്‌താ​വി​ച്ചു. ശാഠ്യ​മുള്ള ഒരു കാള ഒരു മുടി​ങ്കോ​ലി​ന്റെ കുത്തു​കളെ ചെറു​ത്തു​നിൽക്കു​ന്ന​തി​നാൽ അതി​നെ​ത്തന്നെ ഉപദ്ര​വി​ക്കു​ന്ന​തു​പോ​ലെ, ദൈവ​ത്തി​ന്റെ പിന്തു​ണ​യു​ണ്ടാ​യി​രുന്ന യേശു​വി​ന്റെ അനുഗാ​മി​കൾക്കെ​തി​രെ പൊരു​തി​യ​തി​നാൽ പൗലോസ്‌ തന്നേത്തന്നെ ഉപദ്ര​വി​ച്ചി​രു​ന്നു.

16. ഫെസ്‌തോ​സും അഗ്രി​പ്പാ​വും പൗലോ​സി​ന്റെ സാക്ഷ്യ​ത്തോട്‌ എങ്ങനെ പ്രതി​ക​രി​ച്ചു?

¹⁶ ഫെസ്‌തോ​സും അഗ്രി​പ്പാ​വും എങ്ങനെ പ്രതി​ക​രി​ച്ചു? (26:24-32) പുനരു​ത്ഥാ​ന​ത്തെ​ക്കു​റി​ച്ചു മനസ്സി​ലാ​ക്കാൻ കഴിയാ​തെ​യും പൗലോ​സി​ന്റെ ബോദ്ധ്യ​ത്തിൽ അത്ഭുത​പ്പെ​ട്ടു​കൊ​ണ്ടും “വലിയ പഠിപ്പു നിന്നെ ഭ്രാന്ത​നാ​ക്കു​ക​യാണ്‌!” എന്ന്‌ ഫെസ്‌തോസ്‌ പറഞ്ഞു. സമാന​മാ​യി, “സത്യത്തി​ന്റെ​യും സുബോ​ധ​ത്തി​ന്റെ​യും മൊഴി​കൾ ഉച്ചരിക്കു”ന്നതിൽ പൗലോ​സി​നെ​പ്പോ​ലെ​യാ​ണെ​ങ്കി​ലും യഹോ​വ​യു​ടെ സാക്ഷികൾ ഭ്രാന്ത​രാ​ണെന്ന്‌ ചിലർ ഇപ്പോൾ കുററ​പ്പെ​ടു​ത്തു​ന്നുണ്ട്‌. “ചുരു​ങ്ങിയ സമയം കൊണ്ട്‌ ഒരു ക്രിസ്‌ത്യാ​നി​യാ​കാൻ നീ എന്നെ പ്രേരി​പ്പി​ക്കും” എന്ന്‌ അഗ്രിപ്പാ പറഞ്ഞു. അവൻ വിചാരണ അവസാ​നി​പ്പി​ച്ചു, എന്നാൽ കൈസ​റി​നോ​ടു അപ്പീൽ ബോധി​പ്പി​ച്ചി​ല്ലാ​യി​രു​ന്നെ​ങ്കിൽ പൗലോ​സി​നെ വിട്ടയ​ക്കാ​മാ​യി​രു​ന്നു​വെന്ന്‌ സമ്മതി​ക്കു​ക​യു​ണ്ടാ​യി.

സമു​ദ്ര​ങ്ങ​ളി​ലെ അപകടങ്ങൾ

17. റോമി​ലേ​ക്കുള്ള പൗലോ​സി​ന്റെ യാത്രാ​സ​മ​യത്ത്‌ സമു​ദ്ര​ത്തിൽ നേരിട്ട അപകട​ങ്ങളെ നിങ്ങൾ എങ്ങനെ വർണ്ണി​ക്കും?

¹⁷ റോമി​ലേ​ക്കുള്ള യാത്ര പൗലോ​സി​നെ “സമു​ദ്ര​ത്തി​ലെ അപകടങ്ങൾ”ക്കു വിധേ​യ​നാ​ക്കി. (2 കൊരി​ന്ത്യർ 11:24-27) യൂലി​യൊസ്‌ എന്നു പേരായ ഒരു സൈനി​കോ​ദ്യോ​ഗ​സ്ഥ​നാ​യി​രു​ന്നു കൈസ​രി​യാ​യിൽനി​ന്നു റോമി​ലേക്കു സമു​ദ്ര​യാ​ത്ര നടത്തുന്ന തടവു​പു​ള്ളി​ക​ളു​ടെ ചുമത​ല​യു​ള്ളവൻ. (27:1-26) അവരുടെ കപ്പൽ സീദോ​നി​ലെ​ത്തി​യ​പ്പോൾ, വിശ്വാ​സി​കളെ സന്ദർശി​ക്കാൻ പൗലോസ്‌ അനുവ​ദി​ക്ക​പ്പെട്ടു. അവർ അവന്‌ ആത്മീയ​മാ​യി നവോൻമേഷം പകർന്നു. (3 യോഹ​ന്നാൻ 14 താരത​മ്യ​പ്പെ​ടു​ത്തുക.) ഏഷ്യാ​മൈ​ന​റി​ലെ മുറാ​യിൽ യൂലി​യൊസ്‌ ഇററലി​ക്കു പോകുന്ന ഒരു ധാന്യ​ക്ക​പ്പ​ലിൽ തടവു​കാ​രെ കയററി. ശക്തമായ കാററു​ണ്ടാ​യി​രു​ന്നി​ട്ടും അവർ ക്രേത്ത നഗരമായ ലസയ്യക്ക​ടു​ത്തുള്ള ശുഭസ​ങ്കേത തുറമു​ഖ​ത്തെത്തി. അവി​ടെ​നിന്ന്‌ ഫൊയ്‌നീ​ക്യ​ക്കുള്ള വഴിയിൽ പോകവേ ഒരു വടക്കു​കി​ഴക്കൻ കാററ്‌ കപ്പലിനെ ഉലച്ചു. വടക്കെ ആഫ്രി​ക്ക​യി​ലെ സിർത്തി​സിൽ (പൂഴി​മ​ണ​ലിൽ) ഉറച്ചു​പോ​യേ​ക്കു​മെന്നു ഭയന്ന്‌ നാവികർ “കപ്പൽസാ​മ​ഗ്രി”, ഒരുപക്ഷേ കപ്പൽപാ​യ്‌ക​ളും പായ്‌മ​ര​ങ്ങ​ളും, “ഇറക്കി.” കപ്പലിന്റെ ചേർപ്പു​കൾ അകന്നു​പോ​കാ​തി​രി​ക്കാൻ ചട്ടക്കൂ​ടി​നു​ചു​റ​റും കയർ കെട്ടി. അടുത്ത ദിവസം പിന്നെ​യും കൊടു​ങ്കാ​റ​റി​ലു​ല​ഞ്ഞ​തി​നാൽ ചരക്കു കടലി​ലി​ട്ടു​കൊണ്ട്‌ കപ്പലിന്റെ ഭാരം കുറച്ചു. മൂന്നാം ദിവസം അവർ കപ്പൽകോ​പ്പും (കപ്പൽപാ​യ്‌ക​ളും മററു സാമ​ഗ്രി​ക​ളും) കടലി​ലി​ട്ടു. ആശയറ​റു​പോ​കു​ന്ന​താ​യി തോന്നി​യ​പ്പോൾ ഒരു ദൂതൻ പൗലോ​സി​നു പ്രത്യ​ക്ഷ​പ്പെ​ടു​ക​യും അവൻ കൈസ​റു​ടെ മുമ്പാകെ നിൽക്കേ​ണ്ട​താ​ക​യാൽ ഭയപ്പെ​ട​രു​തെന്നു പറയു​ക​യും ചെയ്‌തു. യാത്ര​ക്കാ​രെ​ല്ലാം ഒരു ദ്വീപിൽ അടുക്കു​മെന്ന്‌ അപ്പോ​സ്‌തലൻ പറഞ്ഞ​പ്പോൾ എന്തോ​രാ​ശ്വാ​സ​മാ​യി​രു​ന്നു!

18. ഒടുവിൽ പൗലോ​സി​നും സഹയാ​ത്രി​കർക്കും എന്തു സംഭവി​ച്ചു?

¹⁸ കപ്പൽയാ​ത്ര​ക്കാർ അതിജീ​വി​ച്ചു. (27:27-44) 14-ാം ദിവസം അർദ്ധരാ​ത്രിക്ക്‌ കരയോ​ടു സമീപി​ച്ചു​വെന്ന്‌ നാവികർ മനസ്സി​ലാ​ക്കി. ആഴം​നോ​ട്ടം ഇതു സ്ഥിരീ​ക​രി​ച്ചു. പാറക​ളിൽതട്ടി അപകടം ഭവിക്കാ​തി​രി​ക്കാൻ നങ്കൂരങ്ങൾ ഇറക്ക​പ്പെട്ടു. പൗലോ​സി​ന്റെ പ്രോൽസാ​ഹ​ന​ത്താൽ 276 പേരും ഭക്ഷണം കഴിച്ചു. പിന്നീട്‌ ഗോതമ്പ്‌ കടലി​ലി​ട്ടു​കൊണ്ട്‌ കപ്പലിന്റെ ഭാരം കുറച്ചു. പ്രഭാ​ത​മാ​യ​പ്പോൾ നാവികർ നങ്കൂരങ്ങൾ അറക്കു​ക​യും തുഴകൾ അഴിക്കു​ക​യും പെരു​മ്പായ്‌ കാററി​ന​ഭി​മു​ഖ​മാ​യി ഉയർത്തു​ക​യും ചെയ്‌തു. കപ്പൽ ആഴംകു​റഞ്ഞ ഒരു സ്ഥലത്തു​റ​ക്കു​ക​യും അണിയം തകർന്നു ശിഥി​ല​മാ​കാൻ തുടങ്ങു​ക​യും​ചെ​യ്‌തു. എന്നാൽ എല്ലാവ​രും കരപററി.

19. പൗലോ​സിന്‌ മാൾട്ടാ​യിൽ എന്തു സംഭവി​ച്ചു, അവൻ അവിടത്തെ മററു​ള്ള​വർക്കു​വേണ്ടി എന്തു ചെയ്‌തു?

¹⁹ കപ്പൽചേ​ത​ത്തി​നി​ര​യാ​യവർ നനഞ്ഞു ക്ഷീണിച്ച്‌ മാൾട്ടാ​യി​ലെത്തി. ആ ദ്വീപു​വാ​സി​കൾ അവരോട്‌ “അസാധാ​രണ മാനുഷ ദയ” പ്രകട​മാ​ക്കി. (28:1-16) എന്നാൽ പൗലോസ്‌ തീയിൽ വിറകു വെച്ച​പ്പോൾ അനങ്ങാതെ കിടന്നി​രുന്ന ഒരു അണലിയെ ചൂട്‌ ഉജ്ജീവി​പ്പി​ക്കു​ക​യും അത്‌ അവന്റെ കൈയിൽ ചുററു​ക​യും ചെയ്‌തു. (മാൾട്ടാ​യിൽ ഇപ്പോൾ വിഷപ്പാ​മ്പു​ക​ളില്ല, എന്നാൽ ഇത്‌ ഒരു “വിഷമുള്ള ജീവി”യായി​രു​ന്നു.) “പ്രതി​കാ​ര​നീ​തി” ജീവി​ക്കാൻ അനുവ​ദി​ക്കാത്ത ഒരു കൊല​പാ​ത​കി​യാണ്‌ പൗലോ​സെന്ന്‌ മാൾട്ടാ​ക്കാർ വിചാ​രി​ച്ചു. എന്നാൽ അവൻ മരിച്ചു​വീ​ഴു​ക​യോ നീരു​വെ​ച്ചു​വീർക്കു​ക​യോ ചെയ്യാ​ഞ്ഞ​പ്പോൾ അവൻ ഒരു ദൈവ​മാ​ണെന്ന്‌ അവർ പറഞ്ഞു. പിന്നീട്‌ മാൾട്ടാ​യി​ലെ മുഖ്യ ഉദ്യോ​ഗ​സ്ഥ​നാ​യി​രുന്ന പുബ്ലി​യോ​സി​ന്റെ പിതാ​വുൾപ്പെടെ അനേകരെ പൗലോസ്‌ സൗഖ്യ​പ്പെ​ടു​ത്തി. അനന്തരം മൂന്നു മാസം കഴിഞ്ഞ്‌ പൗലോ​സും ലൂക്കോ​സും അരിസ്‌തർക്ക​സും “സ്യൂസ്‌പു​ത്രൻമാർ” (നാവി​കരെ അനു​ഗ്ര​ഹി​ക്കു​ന്ന​താ​യി സങ്കൽപ്പി​ക്ക​പ്പെ​ടുന്ന ഇരട്ട​ദൈ​വ​ങ്ങ​ളായ കാസ്‌റ​റ​റും പോള​ക്‌സും) എന്ന ചിഹ്ന​ത്തോ​ടു​കൂ​ടിയ ഒരു കപ്പലിൽ യാത്ര​തി​രി​ച്ചു. പുത്യൊ​ലി​യിൽ ഇറങ്ങി​യ​പ്പോൾ യൂലി​യോസ്‌ തന്റെ കീഴി​ലുള്ള ആൾക്കാ​രു​മാ​യി നീങ്ങി. റോമൻ തലസ്ഥാ​ന​ത്തു​നി​ന്നുള്ള ക്രിസ്‌ത്യാ​നി​കൾ അപ്യസി​ലെ ചന്തസ്ഥല​ത്തും അപ്യപാ​ത​യി​ലെ ത്രിമ​ണ്ഡ​പ​ത്തി​ലും അവരെ വന്നുക​ണ്ട​തിൽ പൗലോസ്‌ ദൈവ​ത്തി​നു നന്ദി​കൊ​ടു​ക്കു​ക​യും ധൈര്യം പ്രാപി​ക്കു​ക​യും ചെയ്‌തു. ഒടുവിൽ, ഒരു പടയാ​ളി​യു​ടെ കാവലി​ലാ​ണെ​ങ്കി​ലും റോമിൽ തനിച്ചു പാർക്കാൻ പൗലോസ്‌ അനുവ​ദി​ക്ക​പ്പെട്ടു.

യഹോ​വ​യു​ടെ രാജ്യം പ്രഘോ​ഷി​ച്ചു​കൊ​ണ്ടേ​യി​രി​ക്കുക!

20. പൗലോസ്‌ റോമി​ലെ തന്റെ വസതി​യിൽ ഏതു പ്രവർത്ത​ന​ത്തിൽ തിരക്കു​ള്ള​വ​നാ​യി​രു​ന്നു?

²⁰ പൗലോസ്‌ റോമ​യി​ലെ തന്റെ വസതി​യിൽ സധൈ​ര്യം യഹോ​വ​യു​ടെ രാജ്യം പ്രഘോ​ഷി​ച്ചു. (28:17-31) പ്രമു​ഖ​രായ യഹൂദൻമാ​രോട്‌ അവൻ പറഞ്ഞു: “ഇസ്രാ​യേ​ലി​ന്റെ പ്രത്യാ​ശ​നി​മി​ത്ത​മാണ്‌ എനിക്കു ചുററും ഈ ചങ്ങലയു​ള്ളത്‌.” ആ പ്രത്യാ​ശ​യിൽ മശിഹാ​യെ സ്വീക​രി​ക്കു​ന്നത്‌ ഉൾപ്പെ​ട്ടി​രു​ന്നു, അത്‌ നാമും കഷ്ടതസ​ഹി​ക്കാൻ സന്നദ്ധരാ​യി​രി​ക്കേണ്ട ഒരു സംഗതി​യാണ്‌. (ഫിലി​പ്പി​യർ 1:29) ആ മിക്ക യഹൂദൻമാ​രും വിശ്വ​സി​ച്ചി​ല്ലെ​ങ്കി​ലും അനേകം വിജാ​തീ​യർക്കും ഒരു യഹൂദ​ശേ​ഷി​പ്പി​നും ശരിയായ ഹൃദയ​നില ഉണ്ടായി​രു​ന്നു. (യെശയ്യാവ്‌ 6:9, 10) തന്റെ അടുക്കൽ വന്നവ​രെ​യെ​ല്ലാം പൗലോസ്‌ രണ്ടു വർഷക്കാ​ലം (ഏകദേശം ക്രി.വ. 59-61) സ്വീക​രി​ക്കു​ക​യും “അവരോ​ടു ദൈവ​രാ​ജ്യം പ്രസം​ഗി​ക്കു​ക​യും തടസ്സം കൂടാതെ ഏററവും വലിയ സംസാ​ര​സ്വാ​ത​ന്ത്ര്യ​ത്തോ​ടെ കർത്താ​വായ യേശു​ക്രി​സ്‌തു​വി​നെ​ക്കു​റി​ച്ചുള്ള കാര്യങ്ങൾ പഠിപ്പി​ക്കു​ക​യും ചെയ്‌തു.”

21. പൗലോസ്‌ തന്റെ ഭൗമി​ക​ജീ​വി​ത​ത്തി​ന്റെ അവസാ​ന​ത്തോ​ളം എന്തു മാതൃക വെച്ചു?

²¹ പ്രത്യ​ക്ഷ​ത്തിൽ പൗലോസ്‌ നിർദ്ദോ​ഷി​യാ​ണെന്ന്‌ നീറോ വിധി​ക്കു​ക​യും അവനെ വിട്ടയ​ക്കു​ക​യും ചെയ്‌തു. അനന്തരം അപ്പോ​സ്‌തലൻ തിമൊ​ഥെ​യോ​സി​നോ​ടും തീത്തോ​സി​നോ​ടും​കൂ​ടെ വീണ്ടും തന്റെ വേല തുടർന്നു. എന്നിരു​ന്നാ​ലും, അവൻ വീണ്ടും റോമിൽ (ഏകദേശം ക്രി.വ. 65) തടവി​ലാ​ക്ക​പ്പെ​ടു​ക​യും സാദ്ധ്യ​ത​യ​നു​സ​രിച്ച്‌ നീറോ​യു​ടെ കൈയാൽ രക്തസാ​ക്ഷി​മ​രണം അനുഭ​വി​ക്കു​ക​യും ചെയ്‌തു. (2 തിമൊ​ഥെ​യോസ്‌ 4:6-8) എന്നാൽ പൗലോസ്‌ ധീരനായ ഒരു രാജ്യ​ഘോ​ഷ​ക​നെന്ന നിലയിൽ അവസാ​ന​ത്തോ​ളം നല്ല മാതൃക വെച്ചു. ദൈവ​ത്തി​നു സമർപ്പി​ക്ക​പ്പെ​ട്ടി​രി​ക്കുന്ന സകലരും ഈ അന്ത്യനാ​ളു​ക​ളിൽ അതേ ആത്‌മാ​വോ​ടെ യഹോ​വ​യു​ടെ രാജ്യത്തെ സധൈ​ര്യം പ്രഘോ​ഷി​ക്കട്ടെ! (w90 6⁄15)

നിങ്ങൾ എങ്ങനെ ഉത്തരം പറയും?

◻ പൗലോസ്‌ എഫേസ്യ​മൂ​പ്പൻമാർക്ക്‌ ഏതു ശുശ്രൂ​ഷാ​പ​ര​മായ പരിശീ​ലനം കൊടു​ത്തു?

◻ പൗലോസ്‌ എങ്ങനെ ദൈ​വേ​ഷ്ട​ത്തോ​ടുള്ള കീഴ്‌പ്പെ​ട​ലി​ന്റെ ദൃഷ്ടാന്തം വെച്ചു?

◻ ജനക്കൂ​ട്ട​ത്തി​ന്റെ അക്രമം സംബന്ധിച്ച്‌ പൗലോ​സി​ന്റെ​യും ഇന്നത്തെ യഹോ​വ​യു​ടെ സാക്ഷി​ക​ളു​ടെ​യും അനുഭ​വ​ങ്ങ​ളിൽ എന്തു സമാന്ത​ര​മുണ്ട്‌?

◻ ഗവർണർ ഫെസ്‌തോ​സി​ന്റെ മുമ്പാ​കെ​യാ​യി​രു​ന്ന​പ്പോൾ പൗലോസ്‌ ഏതു നിയമ​വ്യ​വ​സ്ഥയെ പ്രയോ​ജ​ന​പ്പെ​ടു​ത്തി, ഇതിന്‌ ഏതു ആധുനി​ക​കാല സമാന്ത​ര​ത്വ​മുണ്ട്‌?

◻ പൗലോസ്‌ റോമി​ലെ തന്റെ വസതി​യിൽ ഏതു പ്രവർത്ത​ന​ത്തിൽ തിരക്കു​ള്ള​വ​നാ​യി​രു​ന്നു, ഏതു ദൃഷ്ടാന്തം വെച്ചു​കൊണ്ട്‌?