“യഹോ​വ​യു​ടെ കൈ അവരോ​ടു​കൂ​ടെ ഉണ്ടായി​രു​ന്നു”

“അങ്ങനെ യഹോ​വ​യു​ടെ വചനം ഒരു ശക്തമായ വിധത്തിൽ വളരു​ക​യും പ്രബല​പ്പെ​ടു​ക​യും​ചെ​യ്‌തു.”—പ്രവൃ​ത്തി​കൾ 19:20.

1.(എ) ക്രി. വ. ഒന്നാം നൂററാ​ണ്ടിൽ ക്രിസ്‌ത്യാ​നി​ത്വ​ത്തി​ന്റെ ശത്രുക്കൾ എന്തു പരാതി പറഞ്ഞു? (ബി) മിഷന​റി​യായ പൗലോസ്‌ ദൈവ​രാ​ജ്യ​സു​വാർത്ത പ്രസം​ഗി​ച്ച​ട​ത്തെ​ല്ലാം എന്തുണ്ടാ​യി, ആദിമ​ക്രി​സ്‌ത്യാ​നി​ക​ളോ​ടു​കൂ​ടെ എപ്പോ​ഴും എന്തുണ്ടാ​യി​രു​ന്നു?

ആയിര​ത്തി​ത്തൊ​ള്ളാ​യി​ര​ത്തിൽപരം വർഷം മുമ്പ്‌ ക്രിസ്‌തീയ സന്ദേശ​ത്തി​ന്റെ ശത്രു​ക്ക​ളും മിഷന​റി​യ​പ്പോ​സ്‌ത​ല​നായ പൗലോ​സി​ന്റെ എതിരാ​ളി​ക​ളും ഇങ്ങനെ പരാതി​പ്പെട്ടു: “നിവസി​ത​ഭൂ​മി​യെ കീഴ്‌മേൽ മറിച്ചി​രി​ക്കു​ന്നവർ ഇവി​ടെ​യും വന്നിരി​ക്കു​ന്നു, . . . [അവർ] യേശു എന്ന മറെറാ​രു രാജാ​വു​ണ്ടെന്നു പറഞ്ഞു​കൊണ്ട്‌ കൈസ​രു​ടെ ആജ്ഞകൾക്കെ​തി​രാ​യി പ്രവർത്തി​ക്കു​ന്നു.” (പ്രവൃ​ത്തി​കൾ 17:6, 7) ക്രിസ്‌തീയ മിഷന​റി​യാ​യി​രുന്ന പൗലോസ്‌ യഹോ​വ​യു​ടെ രാജ്യ​ത്തി​ന്റെ സുവാർത്ത അറിയി​ച്ച​ട​ത്തെ​ല്ലാം പ്രവർത്ത​ന​വും പ്രതി​പ്ര​വർത്ത​ന​വു​മു​ണ്ടാ​യി​രു​ന്നു, മിക്ക​പ്പോ​ഴും പീഡന​വും. മററ്‌ ആദിമ ക്രിസ്‌ത്യാ​നി​ക​ളും പീഡന​മ​നു​ഭ​വി​ച്ചു. എന്നാൽ എല്ലായ്‌പ്പോ​ഴും “യഹോ​വ​യു​ടെ കൈ അവരോ​ടു​കൂ​ടെ ഉണ്ടായി​രു​ന്നു.”—പ്രവൃ​ത്തി​കൾ 11:21.

2.ക്രിസ്‌തീയ മിഷനറി പ്രവർത്ത​ന​ത്തിന്‌ തുടക്ക​മി​ട്ട​താർ, എങ്ങനെ?

² ഈ മർമ്മ​പ്ര​ധാ​ന​മായ ക്രിസ്‌തീയ മിഷന​റി​പ്ര​വർത്ത​ന​ത്തിന്‌ തുടക്ക​മി​ട്ട​താ​രാ​യി​രു​ന്നു? അത്‌ യേശു ആയിരു​ന്നു, അവൻ ഉത്തേജ​ക​മായ ഒരു സന്ദേശ​വും അത്‌ പ്രചരി​പ്പി​ക്കു​ന്ന​തി​നുള്ള ഒരു അസാധാ​ര​ണ​രീ​തി​യു​മു​ണ്ടാ​യി​രുന്ന ഒരു മനുഷ്യ​നാ​യി​രു​ന്നു. ദൈവ​പു​ത്ര​നായ യേശു ദൈവ​രാ​ജ്യ​ത്തെ​ക്കു​റി​ച്ചുള്ള ഒരു ഞെട്ടി​ക്കുന്ന പ്രഖ്യാ​പ​ന​വു​മാ​യി​ട്ടാണ്‌ യഹൂദ​ജ​ന​ത്തി​ന്റെ അടുക്ക​ലേക്കു വന്നതെന്ന്‌ ഓർക്കുക. എന്നാൽ ന്യായ​പ്ര​മാ​ണ​ത്തി​ന്റെ പ്രവൃ​ത്തി​ക​ളി​ലൂ​ടെ​യുള്ള സ്വന്തം രക്ഷയിൽമാ​ത്രമേ അവർക്ക്‌ താൽപ​ര്യ​മു​ണ്ടാ​യി​രു​ന്നു​ള്ളു.—മത്തായി 4:17; ലൂക്കോസ്‌ 8:1; 11:45, 46.

“സകല ജനതകൾക്കും”

3.യേശു​വി​ന്റെ ഏതു പ്രവചനം അവന്റെ യഹൂദ​ശി​ഷ്യൻമാ​രെ അതിശ​യി​പ്പി​ച്ചി​രി​ക്കണം, എന്തു​കൊണ്ട്‌?

³ അങ്ങനെ തന്റെ മരണത്തിന്‌ മൂന്നു ദിവസം മുമ്പ്‌ യേശു തന്റെ യഹൂദ ശിഷ്യൻമാ​രോട്‌ ഇങ്ങനെ പറഞ്ഞ​പ്പോ​ഴത്തെ അവരുടെ അതിശയം നമുക്ക്‌ ഊഹി​ക്കാൻ കഴിയും: “രാജ്യ​ത്തി​ന്റെ ഈ സുവാർത്ത സകല ജനതകൾക്കും സാക്ഷ്യ​മാ​യി നിവസിത ഭൂമി​യി​ലെ​ല്ലാം പ്രസം​ഗി​ക്ക​പ്പെ​ടും; അപ്പോൾ അവസാ​നം​വ​രും.” അവന്റെ ശിഷ്യൻമാർക്ക്‌ “സകലജ​ന​ത​ക​ളോ​ടും” എന്നെങ്കി​ലും സുവാർത്ത പ്രസം​ഗി​ക്കാൻ എങ്ങനെ കഴിയു​മെന്ന്‌ അവർ അതിശ​യി​ച്ചി​രി​ക്കണം. വിശ്വാ​സി​ക​ളു​ടെ അത്തര​മൊ​രു ചെറിയ കൂട്ടത്തിന്‌ എന്നെങ്കി​ലും ഇത്ര ബ്രഹത്തായ ഒരു നിയമനം നിറ​വേ​റ​റാൻ എങ്ങനെ കഴിയും?—മത്തായി 24:14; മർക്കോസ്‌ 13:10.

4.പുനരു​ത്ഥാ​നം പ്രാപിച്ച യേശു തന്റെ ശിഷ്യൻമാർക്ക്‌ എന്തു കൽപ്പന കൊടു​ത്തു?

⁴ പിന്നീട്‌ പുനരു​ത്ഥാ​നം പ്രാപിച്ച യേശു ഇങ്ങനെ ഒരു കൽപ്പന കൂട്ടി​ച്ചേർത്തു: “സ്വർഗ്ഗ​ത്തി​ലും ഭൂമി​യി​ലു​മുള്ള സകല അധികാ​ര​വും എനിക്കു നൽക​പ്പെ​ട്ടി​രി​ക്കു​ന്നു. ആകയാൽ പോയി ഞാൻ നിങ്ങ​ളോ​ടു കൽപ്പി​ച്ചി​രി​ക്കുന്ന സകല കാര്യ​ങ്ങ​ളും അനുഷ്‌ഠി​ക്കാൻ സകല ജനതക​ളി​ലെ​യും ആളുകളെ പഠിപ്പി​ച്ചു​കൊണ്ട്‌ പിതാ​വി​ന്റെ​യും പുത്ര​ന്റെ​യും പരിശു​ദ്ധാ​ത്മാ​വി​ന്റെ​യും നാമത്തിൽ അവരെ സ്‌നാ​പ​നം​ക​ഴി​പ്പിച്ച്‌ അവരെ ശിഷ്യ​രാ​ക്കി​ക്കൊൾക.” അങ്ങനെ തങ്ങളുടെ യജമാ​നന്റെ സന്ദേശം “സകല ജനതക​ളി​ലെ​യും ആളുക​ളു​ടെ” അടുക്ക​ലേക്ക്‌ എത്തിക്കാൻ അവർ നിയോ​ഗി​ക്ക​പ്പെട്ടു.—മത്തായി 28:18-20.

5, 6.(എ) ദൈവ​രാ​ജ്യ​സു​വാർത്ത​യു​ടെ പ്രസംഗം വിജാ​തീ​യ​രി​ലേക്ക്‌ എത്തിയ​തെ​ങ്ങനെ, എന്തു ഫലമു​ണ്ടാ​യി? (ബി) വിജാ​തീ​യ​നാ​യി​രുന്ന കോർന്നേ​ലി​യോ​സി​നെ സംബന്ധിച്ച തന്റെ അനുഭവം പത്രോസ്‌ യരൂശ​ലേ​മി​ലെ മൂപ്പൻമാ​രോട്‌ പറഞ്ഞ​പ്പോൾ അവർ എങ്ങനെ പ്രതി​ക​രി​ച്ചു?

⁵ ഇതിൽ വിജാ​തീ​യ​രോ​ടുള്ള പ്രസം​ഗ​വും ഉൾപ്പെ​ട്ടി​രു​ന്നു. അതൊരു വെല്ലു​വി​ളി​യാ​ണെന്നു തെളിഞ്ഞു. മൂന്നിൽപരം വർഷത്തി​നു ശേഷമുള്ള പത്രോ​സി​ന്റെ മനോ​ഭാ​വം അതിനു തെളി​വാണ്‌. അശുദ്ധ​ജീ​വി​കളെ ഭക്ഷ്യമെന്ന നിലയിൽ തിന്നാൻ ഒരു ദർശന​ത്തി​ലൂ​ടെ പത്രോ​സി​നോ​ടു പറയ​പ്പെട്ടു. മുമ്പ്‌ അശുദ്ധ​മെന്ന്‌ കരുത​പ്പെ​ട്ടി​രുന്ന ജീവി​കളെ ഇപ്പോൾ ശുദ്ധ​മെന്ന്‌ വീക്ഷി​ക്ക​ണ​മെന്ന്‌ ദൈവം പത്രോ​സി​നോ​ടു സൂചി​പ്പി​ച്ച​പ്പോൾ അവൻ അന്ധാളി​ച്ചു​പോ​യി. അനന്തരം വിജാ​തീ​യ​നും ഒരു റോമൻ ശതാധി​പ​നു​മാ​യി​രുന്ന കോർന്നേ​ലി​യോ​സി​ന്റെ വീട്‌ സന്ദർശി​ക്കാൻ പത്രോസ്‌ ദൈവാ​ത്മാ​വി​നാൽ നയിക്ക​പ്പെട്ടു. അവി​ടെ​വച്ച്‌ കോർന്നേ​ലി​യോ​സി​നോ​ടു പ്രസം​ഗി​ക്ക​ണ​മെ​ന്നു​ള്ളത്‌ ദൈ​വേ​ഷ്ട​മാ​ണെന്ന്‌ അവൻ ഗ്രഹിച്ചു, എന്നാൽ മററു വർഗ്ഗങ്ങ​ളി​ലെ ആളുക​ളോ​ടുള്ള സമ്പർക്കം നിയമ​വി​രു​ദ്ധ​മാ​ണെ​ന്നാണ്‌ അവൻ മുമ്പ്‌ വിചാ​രി​ച്ചി​രു​ന്നത്‌. പത്രോസ്‌ സംസാ​രി​ച്ചു​കൊ​ണ്ടി​രു​ന്ന​പ്പോൾ പരിശു​ദ്ധാ​ത്മാവ്‌ ആ വിജാ​തീയ കുടും​ബ​ത്തിൻമേൽ ആവസിച്ചു, അത്‌ ഫലത്തിൽ, ക്രിസ്‌തീയ മിഷന​റി​പ്ര​വർത്ത​ന​ത്തി​നുള്ള വയൽ ഇപ്പോൾ യഹൂ​ദേതര ലോക​ത്തെ​യും ഉൾപ്പെ​ടു​ത്താൻ വികസി​ക്കേ​ണ്ട​താ​ണെന്ന്‌ സൂചി​പ്പി​ച്ചു.—പ്രവൃ​ത്തി​കൾ 10:9-16, 28, 34, 35, 44.

⁶ പത്രോസ്‌ യരൂശ​ലേ​മി​ലെ മൂപ്പൻമാ​രോട്‌ ഈ വികാ​സ​ത്തെ​ക്കു​റിച്ച്‌ വിശദീ​ക​രി​ച്ച​പ്പോൾ “അവർ മിണ്ടാ​തി​രി​ക്കു​ക​യും ‘ശരി, അപ്പോൾ, ജീവന്റെ ഉദ്ദേശ്യ​ത്തിൽ ദൈവം ജനതക​ളി​ലെ ആളുകൾക്കും അനുതാ​പം അനുവ​ദി​ച്ചി​രി​ക്കു​ന്നു’ എന്ന്‌ പറഞ്ഞു​കൊണ്ട്‌ ദൈവത്തെ മഹത്വ​പ്പെ​ടു​ത്തു​ക​യും ചെയ്‌തു.” (പ്രവൃ​ത്തി​കൾ 11:18) ഇപ്പോൾ വിജാ​തീയ ജനതകൾക്കും ക്രിസ്‌തു​വി​നെ​യും അവന്റെ രാജ്യ​ത്തെ​യും കുറി​ച്ചുള്ള സുവാർത്ത സൗജന്യ​മാ​യി സ്വീക​രി​ക്കാൻ കഴിയു​മാ​യി​രു​ന്നു!

ജനതകൾക്കാ​യുള്ള മിഷന​റി​മാർ

7.ക്രിസ്‌തീയ മിഷന​റി​പ്ര​വർത്തനം മെഡി​റ​റ​റേ​നി​യനു ചുററു​മുള്ള പ്രദേ​ശ​ങ്ങ​ളി​ലേക്ക്‌ വ്യാപി​ക്കാൻ തുടങ്ങി​യ​തെ​ങ്ങനെ, യഹോവ ഇതിനെ എങ്ങനെ വീക്ഷിച്ചു?

⁷ സ്‌തേ​ഫാ​ന​സി​ന്റെ രക്തസാ​ക്ഷി​മ​ര​ണ​ത്തി​നു​ശേഷം ആക്കം കൂടി​യി​രുന്ന പ്രസം​ഗ​വേ​ലക്ക്‌ ഇപ്പോൾ ഒരു പുതിയ മാനം കൈവന്നു. അപ്പോ​സ്‌ത​ലൻമാ​രൊ​ഴി​കെ​യുള്ള യരൂശ​ലേ​മി​ലെ സഭ ചിതറി​ക്ക​പ്പെ​ട്ടി​രു​ന്നു. ആദ്യം, പീഡി​പ്പി​ക്ക​പ്പെട്ട ആ യഹൂദ വിശ്വാ​സി​കൾ ഫൊയ്‌നീ​ക്യ, സൈ​പ്രസ്‌, അന്തോക്യ എന്നിവി​ട​ങ്ങ​ളി​ലെ യഹൂദൻമാ​രോ​ടു മാത്രമേ പ്രസം​ഗി​ച്ചു​ള്ളു. “എന്നിരു​ന്നാ​ലും, സൈ​പ്ര​സി​ലെ​യും കുറേ​ന​യി​ലെ​യും ചില മനുഷ്യർ  . .  ഗ്രീക്ക്‌ സംസാ​രി​ക്കുന്ന ആളുക​ളോട്‌ സംസാ​രി​ച്ചു​തു​ട​ങ്ങു​ക​യും കർത്താ​വായ യേശു​വി​നെ​ക്കു​റി​ച്ചുള്ള സുവാർത്ത ഘോഷി​ക്കു​ക​യും​ചെ​യ്‌തു.” ജനതക​ളി​ലെ ഈ മിഷനറി പ്രവർത്ത​നത്തെ യഹോവ എങ്ങനെ​യാണ്‌ വീക്ഷി​ച്ചത്‌? “യഹോ​വ​യു​ടെ കൈ അവരോ​ടു​കൂ​ടെ ഉണ്ടായി​രു​ന്നു, വിശ്വാ​സി​ക​ളാ​യി​ത്തീർന്ന ഒരു വലിയ സംഖ്യ കർത്താ​വി​ലേക്ക്‌ തിരിഞ്ഞു.” ആ ആദിമ​ക്രി​സ്‌ത്യാ​നി​ക​ളു​ടെ ധൈര്യ​ത്തി​നു നന്ദി, ഫലപ്ര​ദ​മായ മിഷന​റി​പ്ര​വർത്തനം മെഡി​റ​റ​റേ​നി​യനു ചുററു​മുള്ള പ്രദേ​ശ​ങ്ങ​ളി​ലേക്ക്‌ വ്യാപി​ച്ചു​തു​ട​ങ്ങു​ക​യാ​യി​രു​ന്നു. എന്നാൽ കൂടുതൽ സംഭവി​ക്കാ​നി​രി​ക്കു​ക​യാ​യി​രു​ന്നു.—പ്രവൃ​ത്തി​കൾ 4:31; 8:1; 11:19-21.

8.മിഷനറി വേലയു​ടെ വികസ​ന​ത്തി​നു​വേണ്ടി ഒരു നിർണ്ണാ​യ​ക​മായ നീക്കം നടത്താൻ ദൈവം എങ്ങനെ സൂചന നൽകി?

⁸ ക്രി.വ. 47-48നോടടുത്ത്‌ ദൈവം പരിശു​ദ്ധാ​ത്മാ​വു മുഖേന മിഷന​റി​വേ​ല​യു​ടെ വികസ​ന​ത്തി​നു​വേണ്ടി ഒരു നിർണ്ണാ​യ​ക​നീ​ക്കം നടത്താൻ സൂചന നൽകി. പ്രവൃ​ത്തി​കൾ 13: 2-4ലെ രേഖ നമ്മോടു പറയുന്നു: “‘എല്ലാവ​രി​ലും വെച്ച്‌ ബർന്നബാ​സി​നെ​യും ശൗലി​നെ​യും ഞാൻ അവരെ വിളി​ച്ചി​രി​ക്കുന്ന വേലക്കു​വേണ്ടി എനിക്കാ​യി വേർതി​രി​ക്കുക’ എന്ന്‌ പരിശു​ദ്ധാ​ത്മാവ്‌ പറഞ്ഞു. . . . അതനു​സ​രിച്ച്‌ പരിശു​ദ്ധാ​ത്മാ​വി​നാൽ അയയ്‌ക്ക​പ്പെട്ട ഈ മനുഷ്യർ സെലൂ​ക്യ​യി​ലേക്കു [സിറിയൻ അന്തോ​ക്യ​യി​ലെ തുറമു​ഖം] പോകു​ക​യും അവി​ടെ​നിന്ന്‌ അവർ സൈ​പ്ര​സി​ലേക്ക്‌ കപ്പൽയാ​ത്ര ചെയ്യു​ക​യും ചെയ്‌തു.” പൗലോ​സി​നും ബർന്നബാ​സി​നും അത്‌ എത്ര പുളക​പ്ര​ദ​മാ​യി​രു​ന്നി​രി​ക്കണം—അവരുടെ ആദ്യ വിദേ​ശ​നി​യ​മ​ന​ത്തി​ലേക്ക്‌ കപ്പൽയാ​ത്ര നടത്തൽ! അപ്പോ​സ്‌ത​ല​നായ പൗലോസ്‌ ക്രിസ്‌തീയ മിഷനറി പ്രവർത്ത​ന​ത്തിന്‌ നേതൃ​ത്വം​വ​ഹി​ക്കു​ക​യാ​യി​രു​ന്നു. അവൻ നമ്മുടെ 20-ാം നൂററാ​ണ്ടിൽ പൂർത്തീ​ക​രി​ക്ക​പ്പെ​ടുന്ന ഒരു വേലക്ക്‌ അടിസ്ഥാ​ന​മി​ടു​ക​യു​മാ​യി​രു​ന്നു.

9.അപ്പോ​സ്‌ത​ല​നായ പൗലോസ്‌ തന്റെ മിഷനറി പര്യട​നങ്ങൾ മുഖാ​ന്തരം എന്തു സാധിച്ചു?

⁹ പൗലോസ്‌ രേഖയി​ലുള്ള മൂന്നു മിഷനറി പര്യട​നങ്ങൾ നടത്താൻ പുറ​പ്പെട്ടു, കൂടാതെ, ഒരു തടവു​കാ​ര​നാ​യി റോമി​ലേ​ക്കുള്ള അവന്റെ യാത്ര​യും. ഇതിനി​ട​യിൽ അവൻ യൂറോ​പ്പി​ലെ പല നഗരങ്ങ​ളിൽ വേല ആരംഭി​ക്കു​ക​യും ഇന്ന്‌ സിറിയാ, സൈ​പ്രസ്‌ ക്രീററ്‌, ററർക്കി, ഗ്രീസ്‌, മാൾട്ടാ, സിസിലി, എന്നിങ്ങനെ അറിയ​പ്പെ​ടുന്ന രാജ്യ​ങ്ങ​ളി​ലും ദ്വീപു​ക​ളി​ലും രാജ്യ​സ​ന്ദേശം പ്രസം​ഗി​ക്കു​ക​യും​ചെ​യ്‌തു. അവൻ സ്‌പെ​യി​നിൽപോ​ലും എത്തിയി​രു​ന്നി​രി​ക്കണം. അവൻ അനേകം നഗരങ്ങ​ളിൽ സഭകൾ സ്ഥാപി​ക്കാൻ സഹായി​ച്ചു. അവന്റെ ഫലപ്ര​ദ​മായ മിഷനറി പ്രവർത്ത​ന​ത്തി​ന്റെ രഹസ്യ​മെ​ന്താ​യി​രു​ന്നു?

ഫലപ്ര​ദ​മായ പഠിപ്പി​ക്കൽ

10.പൗലോസ്‌ തന്റെ മിഷനറി പ്രവർത്ത​ന​ത്തിൽ വളരെ ഫലപ്ര​ദ​നാ​യി​രു​ന്ന​തെ​ന്തു​കൊണ്ട്‌?

¹⁰ പൗലോസ്‌ ക്രിസ്‌തു​വി​ന്റെ പഠിപ്പി​ക്കൽരീ​തി അനുക​രി​ച്ചു. അതു​കൊണ്ട്‌ അവന്‌ ആളുക​ളോ​ടു ബന്ധപ്പെ​ടാൻ അറിയാ​മാ​യി​രു​ന്നു. അവന്‌ പഠിപ്പി​ക്കാ​നും ഉപദേ​ഷ്ടാ​ക്ക​ളെന്ന നിലയിൽ മററു​ള്ള​വരെ പരിശീ​ലി​പ്പി​ക്കാ​നും അറിയാ​മാ​യി​രു​ന്നു. അവൻ തന്റെ പഠിപ്പി​ക്ക​ലി​നെ തിരു​വെ​ഴു​ത്തു​ക​ളിൽ അടിസ്ഥാ​ന​പ്പെ​ടു​ത്തി. അവൻ സ്വന്ത ജ്ഞാനത്താൽ മററു​ള്ള​വ​രിൽ മതിപ്പു​ള​വാ​ക്കാൻ ശ്രമി​ക്കാ​തെ തിരു​വെ​ഴു​ത്തു​ക​ളിൽനി​ന്നു ന്യായ​വാ​ദം​ചെ​യ്‌തു. (പ്രവൃ​ത്തി​കൾ 17:2, 3) തന്റെ സദസ്സി​നോ​ടു പൊരു​ത്ത​പ്പെ​ടാ​നും സ്ഥലപര​മായ രംഗവി​ധാ​നത്തെ തന്റെ സന്ദേശ​ത്തി​ന്റെ ആധാര​മാ​യി ഉപയോ​ഗി​ക്കാ​നും അവന്‌ അറിയാ​മാ​യി​രു​ന്നു. അവൻ പറഞ്ഞ​പ്ര​കാ​രം “ഞാൻ ഏററവു​മ​ധി​കം ആളുകളെ നേടേ​ണ്ട​തിന്‌ ഞാൻ എന്നേത്തന്നെ എല്ലാവ​രു​ടെ​യും അടിമ​യാ​ക്കി​യി​രി​ക്കു​ന്നു. അങ്ങനെ യഹൂദൻമാർക്ക്‌ ഞാൻ ഒരു യഹൂദ​നെ​പ്പോ​ലെ​യാ​യി . . . ന്യായ​പ്ര​മാ​ണ​മി​ല്ലാ​ത്ത​വർക്ക്‌ ഞാൻ ന്യായ​പ്ര​മാ​ണ​മി​ല്ലാ​ത്ത​വ​നെ​പ്പോ​ലെ​യാ​യി . . . ദുർബ​ലരെ നേടേ​ണ്ട​തിന്‌ ഞാൻ ദുർബ​ലർക്ക്‌ ദുർബ​ല​നാ​യി​ത്തീർന്നു. ഞാൻ തീർച്ച​യാ​യും ചിലരെ രക്ഷി​ക്കേ​ണ്ട​തിന്‌ എല്ലാത്ത​ര​മാ​ളു​കൾക്കും എല്ലാമാ​യി​ത്തീർന്നു.”—1 കൊരി​ന്ത്യർ 9:19-23; പ്രവൃ​ത്തി​കൾ 17:22, 23.

11.പൗലോ​സും അവന്റെ സഹപ്ര​വർത്ത​ക​രും ഫലപ്ര​ദ​രായ മിഷന​റി​മാ​രാ​യി​രു​ന്നു​വെന്ന്‌ എന്തു സൂചി​പ്പി​ക്കു​ന്നു, ക്രിസ്‌തീയ ശുശ്രൂഷ എത്ര വിപു​ല​വ്യാ​പ​ക​മാ​യി​രു​ന്നു?

¹¹ പൗലോ​സും അവന്റെ സഹപ്ര​വർത്ത​ക​രും ഫലപ്ര​ദ​രായ മിഷന​റി​മാ​രാ​യി​രു​ന്നു. സ്ഥിരനി​ഷ്‌ഠ​യാ​ലും സഹിഷ്‌ണു​ത​യാ​ലും അവർ പോയ​ട​ത്തെ​ല്ലാം അവർ ക്രിസ്‌തീ​യ​സ​ഭ​കളെ സ്ഥാപി​ക്കു​ക​യും ബലപ്പെ​ടു​ത്തു​ക​യും​ചെ​യ്‌തു. (പ്രവൃ​ത്തി​കൾ 13:14, 43, 48, 49; 14:19-28) ആദിമ ക്രിസ്‌തീ​യ​ശു​ശ്രൂഷ വളരെ വിപു​ല​വ്യാ​പ​ക​മാ​യി​രു​ന്ന​തു​കൊണ്ട്‌ ഒടുവിൽ “ആകാശ​ത്തിൻകീ​ഴുള്ള സകല സൃഷ്ടി​യി​ലും പ്രസം​ഗി​ക്ക​പ്പെ​ട്ട​തും . . . , സർവ​ലോ​ക​ത്തി​ലും ഫലംകാ​യി​ച്ചു​വർദ്ധി​ക്കു​ന്ന​തു​പോ​ലെ​തന്നെ നിങ്ങൾക്ക്‌ സമർപ്പി​ക്ക​പ്പെ​ട്ട​തു​മായ സുവാർത്ത​യു​ടെ സത്യത്തെ” സംബന്ധിച്ച്‌ പൗലോ​സിന്‌ എഴുതാൻ കഴിഞ്ഞു. സത്യമാ​യി, ആദിമ​ക്രി​സ്‌തീയ പ്രവർത്തനം ആളുകളെ ബാധിച്ചു.—കൊ​ലോ​സ്യർ 1:5, 6, 23.

12.വിശ്വാ​സ്യ​മായ ക്രിസ്‌തീയ മിഷന​റി​വേല ഒരു കാല​ത്തേക്ക്‌ നിന്നു​പോ​കാ​നി​ട​യാ​ക്കി​യ​തെന്ത്‌?

¹² എന്നിരു​ന്നാ​ലും, ക്രി.വ. രണ്ടാം നൂററാ​ണ്ടി​ന്റെ ആരംഭ​മാ​യ​തോ​ടെ, യേശു​വും അപ്പോ​സ്‌ത​ലൻമാ​രും മുന്നറി​യി​പ്പു​കൊ​ടു​ത്തി​രു​ന്ന​തു​പോ​ലെ ക്രിസ്‌തീ​യ​സ​ഭ​യി​ലേക്ക്‌ വിശ്വാ​സ​ത്യാ​ഗം നുഴഞ്ഞു​ക​യ​റു​ക​യാ​യി​രു​ന്നു. (മത്തായി 7:15, 21-23; പ്രവൃ​ത്തി​കൾ 20:29, 30; 1 യോഹ​ന്നാൻ 2:18, 19) തുടർന്നു​വന്ന നൂററാ​ണ്ടു​ക​ളിൽ ദൈവ​ശാ​സ്‌ത്ര​വും വിജാ​തീയ ഉപദേ​ശ​വും രാജ്യ​ദൂ​തി​നെ മുക്കി​ക്ക​ളഞ്ഞു. യഥാർത്ഥ ദൈവ​രാ​ജ്യം പ്രസം​ഗി​ക്കാ​നല്ല, പിന്നെ​യോ തങ്ങളുടെ രാഷ്‌ട്രീയ യജമാ​നൻമാ​രു​ടെ​യും രക്ഷാധി​കാ​രി​ക​ളു​ടെ​യും രാജ്യം—മിക്ക​പ്പോ​ഴും വാളാൽ— അരക്ഷി​ത​രായ നാട്ടു​കാ​രു​ടെ​മേൽ അടി​ച്ചേൽപ്പി​ക്കാൻ ക്രൈ​സ്‌ത​വ​ലോ​കം മിഷന​റി​മാ​രെ അയച്ചു. വിശ്വാ​സ്യ​മായ ക്രിസ്‌തീ​യ​മി​ഷ​ന​റി​വേല നിലച്ചു, എന്നാൽ എന്നേക്കു​മ​ല്ലാ​യി​രു​ന്നു.

13.ആധുനി​ക​കാ​ല​ങ്ങ​ളിൽ ഒരു മിഷന​റി​പ്ര​സ്ഥാ​ന​ത്തി​നു തുടക്ക​മി​ട്ട​തെ​ങ്ങനെ, 1916-ന്റെ അവസാ​ന​മാ​യ​പ്പോ​ഴേക്ക്‌ എന്തു നിർവ​ഹി​ക്ക​പ്പെട്ടു?

¹³ പത്തൊൻപ​താം നൂററാ​ണ്ടി​ന്റെ അവസാ​ന​മാ​യ​തോ​ടെ വാച്ച്‌ ററവർ സൊ​സൈ​റ​റി​യു​ടെ ഒന്നാമത്തെ പ്രസി​ഡ​ണ്ടാ​യി​രുന്ന ചാൾസ്‌ ററി. റസ്സൽ മിഷനറി പ്രവർത്ത​ന​ത്തി​ന്റെ ആവശ്യം കണ്ടു. അദ്ദേഹം അങ്ങനെ ഒരു വിപു​ല​മായ സാക്ഷീ​ക​ര​ണ​പ്ര​സ്ഥാ​നം സംഘടി​പ്പി​ച്ചു. അദ്ദേഹം​തന്നെ ഐക്യ​നാ​ടു​ക​ളി​ലെ അനേകം നഗരങ്ങ​ളിൽ സന്ദർശി​ക്കു​ക​യും സാദ്ധ്യ​മാ​കു​ന്ന​ട​ത്തോ​ളം രാജ്യ​ങ്ങ​ളിൽ സന്ദർശി​ക്കു​ന്ന​തിന്‌ കപ്പലിൽ ലോക​സ​ഞ്ചാ​രം നടത്തു​ക​യും​ചെ​യ്‌തു. അദ്ദേഹ​ത്തി​ന്റെ ബൈബി​ള​ധി​ഷ്‌ഠിത എഴുത്തു​കൾ 35 ഭാഷക​ളിൽ പ്രസി​ദ്ധീ​ക​രി​ക്ക​പ്പെട്ടു. അദ്ദേഹം ഒരു പരസ്യ​പ്ര​സം​ഗ​ക​നെന്ന നിലയിൽ പത്തുല​ക്ഷ​ത്തി​ല​ധി​കം മൈൽ സഞ്ചരി​ച്ചു​വെ​ന്നും 1916ലെ തന്റെ മരണത്തി​നു​മുമ്പ്‌ 30000-ൽ പരം പ്രഭാ​ഷ​ണങ്ങൾ നടത്തി​യെ​ന്നും പറയ​പ്പെ​ടു​ന്നു.

14.ജോസഫ്‌ എഫ്‌. റതർഫോർഡ്‌ മിഷനറി പ്രവർത്ത​നത്തെ പുരോ​ഗ​മി​പ്പി​ക്കാൻ എന്തു ചെയ്‌തു?

¹⁴ അദ്ദേഹ​ത്തി​ന്റെ പിൻഗാ​മി​യാ​യി​രുന്ന ജോസഫ്‌ എഫ്‌ റതർഫോർഡും മിഷനറി പ്രവർത്ത​ന​ത്തി​ന്റെ മർമ്മ പ്രധാ​ന​മായ ആവശ്യം തിരി​ച്ച​റി​ഞ്ഞു. 1920കളുടെ ആരംഭ​ത്തിൽ അദ്ദേഹം പ്രസം​ഗ​വേല സ്ഥാപി​ച്ചു​കി​ട്ടു​ന്ന​തിന്‌ സഹായി​ക്കാൻ പ്രാപ്‌തി​യുള്ള പുരു​ഷൻമാ​രെ വ്യത്യ​സ്‌ത​രാ​ജ്യ​ങ്ങ​ളി​ലേ​ക്ക​യച്ചു. മിഷന​റി​മാർ സ്‌പെ​യി​നി​ലും സൗത്ത​മേ​രി​ക്ക​യി​ലും വെസ്‌റ​റാ​ഫ്രി​ക്കാ​യി​ലും ഈ രാജ്യ​വേ​ലക്ക്‌ മുന്നോ​ടി​ക​ളാ​യി പ്രവർത്തി​ച്ചു. 1931ൽ സ്‌പെ​യി​നി​ലെ വേല ബലപ്പെ​ടു​ത്തു​ന്ന​തിന്‌ സന്നദ്ധ​വേ​ല​ക്കാർക്കു​വേണ്ടി ഒരു അഭ്യർത്ഥന പുറ​പ്പെ​ടു​വി​ക്ക​പ്പെട്ടു. ഇംഗ്ലണ്ടിൽനി​ന്നുള്ള മൂന്നു ചെറു​പ്പ​ക്കാർ ചെവി​കൊ​ടു​ക്കു​ക​യും 1936ൽ സ്‌പാ​നീഷ്‌ ആഭ്യന്ത​ര​യു​ദ്ധം പൊട്ടി​പ്പു​റ​പ്പെ​ടു​ന്ന​തു​വരെ നാലു വർഷം ഏററവും പ്രയാ​സ​ക​ര​മായ സാഹച​ര്യ​ങ്ങ​ളിൽ അവിടെ സേവി​ക്കു​ക​യും​ചെ​യ്‌തു. പിന്നീട്‌ അവർക്ക്‌ തങ്ങളുടെ ജീവനു​വേണ്ടി പലായനം ചെയ്യേ​ണ്ടി​വന്നു.

15.മിഷനറി പ്രവർത്ത​നത്തെ ഗണ്യമാ​യി വികസി​പ്പി​ക്കാൻ 1940-കളിൽ എന്തു നടന്നു?

¹⁵ ആയിര​ത്തി​ത്തൊ​ള്ളാ​യി​ര​ത്തി​നാൽപ്പ​തു​ക​ളു​ടെ ദശാബ്ദ​ത്തിൽ മിഷന​റി​പ്ര​വർത്ത​ന​ത്തിൽ മെച്ചപ്പെട്ട കാര്യങ്ങൾ സംഭവി​ക്കാ​നി​രി​ക്കു​ക​യാ​യി​രു​ന്നു. വാച്ച്‌ ടവർ സൊ​സൈ​റ​റി​യു​ടെ മൂന്നാ​മത്തെ പ്രസി​ഡ​ണ്ടാ​യി​രുന്ന നാഥാൻ എച്ച്‌. നോറി​നോ​ടു​കൂ​ടെ തീക്ഷ്‌ണ​ത​യുള്ള പുരു​ഷൻമാ​രു​ടെ ഒരു ടീം പ്രവർത്തി​ക്കു​ന്നു​ണ്ടാ​യി​രു​ന്നു. പ്രസ്‌പ​ഷ്ട​മാ​യി പരിശു​ദ്ധാ​ത്മാ​വി​ന്റെ നടത്തി​പ്പിൻകീ​ഴിൽ 1942ൽ രണ്ടാംലോകമഹായുദ്ധാനന്തരവെല്ലുവിളിക്കുവേണ്ടിയുള്ള ഒരുക്ക​മെന്ന നിലയിൽ ഒരു മിഷനറി സ്‌ക്കൂൾ തുറ​ക്കേ​ണ്ട​തി​ന്റെ ആവശ്യം അദ്ദേഹം കണ്ടു. ആ ലോക​യു​ദ്ധ​ത്തിൻമ​ദ്ധ്യേ അദ്ദേഹം മുൻകൈ എടുക്കു​ക​യും 1943 ഫെബ്രു​വ​രി​യിൽ വടക്കൻ ന്യൂ​യോർക്ക്‌ സ്‌റേ​റ​റ​റിൽ വാച്ച്‌ടവർ ഗിലയ​ദ്‌സ്‌ക്കൂൾ ഉൽഘാ​ട​നം​ചെ​യ്യ​പ്പെ​ടു​ക​യും ചെയ്‌തു. നാല്‌ അദ്ധ്യാ​പ​കൻമാർ സഹിതം അത്‌ പുരു​ഷൻമാ​രും സ്‌ത്രീ​ക​ളു​മാ​യി നൂറി​ല​ധി​കം തീക്ഷ്‌ണ​ത​യുള്ള പയനി​യർശു​ശ്രൂ​ഷ​കർക്ക്‌ ഓരോ ആറു മാസത്തി​ലും മിഷന​റി​സേ​വ​ന​ത്തി​നുള്ള ബൈബി​ള​ധി​ഷ്‌ഠിത പരിശീ​ലനം കൊടു​ത്തു. തൽഫല​മാ​യുള്ള അവരുടെ പ്രവർത്തനം ഫലപ്ര​ദ​മാ​യി​രു​ന്നോ?

16.(എ) എത്ര സാക്ഷികൾ 1943-ൽ പ്രസം​ഗി​ക്കു​ന്നു​ണ്ടാ​യി​രു​ന്നു, അത്‌ ഇന്നത്തേ​തി​നോട്‌ താരത​മ്യ​പ്പെ​ടു​ന്ന​തെ​ങ്ങനെ? (ബി) ഈ വർദ്ധന​വിൽ മിഷന​റി​മാർക്ക്‌ എന്തു പങ്കുണ്ടാ​യി​രു​ന്നു? വിശദീ​ക​രി​ക്കുക.

¹⁶ ആയിര​ത്തി​ത്തൊ​ള്ളാ​യി​ര​ത്തി​നാൽപ്പ​ത്തി​മൂ​ന്നിൽ 54 രാജ്യ​ങ്ങ​ളി​ലാ​യി പ്രസം​ഗി​ക്കുന്ന 126329 സാക്ഷികൾ മാത്രമേ ഉണ്ടായി​രു​ന്നു​ള്ളു. ഇന്നത്തെ അവസ്ഥ എന്താണ്‌? ഇന്ന്‌ 45 വർഷത്തി​നു​ശേഷം 212രാജ്യങ്ങളിലും സമുദ്ര ദ്വീപു​ക​ളി​ലു​മാ​യി മുപ്പത്തി​യ​ഞ്ചു​ല​ക്ഷ​ത്തി​ല​ധി​കം സജീവ​സാ​ക്ഷി​ക​ളുണ്ട്‌—28 ഇരട്ടി. ഈ വർദ്ധന​വി​ന്റെ ഒരു ഗണ്യമായ ഭാഗം ഗിലയദ്‌ സ്‌കൂ​ളിൽനിന്ന്‌ ബിരുദം നേടിയ 6000ത്തിലധികം മിഷന​റി​മാർ ഇട്ട നല്ല അടിസ്ഥാ​നം​നി​മി​ത്ത​മാ​യി​രു​ന്നു. ഇവർ 59 രാജ്യ​ങ്ങ​ളിൽനി​ന്നു വന്നവരാ​യി​രു​ന്നു. കഴിഞ്ഞ അഞ്ച്‌ ദശാബ്ദ​ക്കാ​ലത്ത്‌ അവർ 148 വ്യത്യ​സ്‌ത​രാ​ജ്യ​ങ്ങ​ളി​ലേക്ക്‌ അയയ്‌ക്ക​പ്പെട്ടു. അവരുടെ സഹായ​ത്തോ​ടെ, 45 വർഷം​മുമ്പ്‌ മുഴു​ലോ​ക​ത്തി​ലു​മു​ണ്ടാ​യി​രുന്ന ഒരു ലക്ഷത്തി​ലൽപ്പം​കൂ​ടു​തൽ സാക്ഷി​കൾക്കു പകരം ഇപ്പോൾ പത്തു രാജ്യ​ങ്ങ​ളിൽ സുവാർത്ത പ്രസം​ഗി​ക്കു​ക​യും പഠിപ്പി​ക്കു​ക​യും​ചെ​യ്യുന്ന ഒരു ലക്ഷത്തി​ല​ധി​കം സാക്ഷികൾ വീതമുണ്ട്‌. ഈ രാജ്യ​ങ്ങ​ളിൽ മിക്കതി​ലും ഗിലയദ്‌ മിഷന​റി​മാ​രാണ്‌ സുവി​ശേ​ഷി​ക്കൽവേ​ല​യു​ടെ പിന്നി​ലു​ണ്ടാ​യി​രു​ന്നത്‌.

17.ആദിമ​കാ​ല​ത്തെ​യും ആധുനിക കാല​ത്തെ​യും ക്രിസ്‌തീ​യ​മി​ഷ​ന​റി​പ്ര​വർത്ത​നത്തെ ഫലപ്ര​ദ​മാ​ക്കി​യി​രി​ക്കുന്ന മൂന്ന്‌ അടിസ്ഥാ​ന​ഘ​ട​ക​ങ്ങ​ളേവ?

¹⁷ നാം പരാമർശി​ക്കുന്ന ക്രിസ്‌തീ​യ​മി​ഷ​ന​റി​പ്ര​വർത്തനം ആദിമ​കാ​ല​ത്തേ​താ​യി​രു​ന്നാ​ലും ആധുനി​ക​കാ​ല​ത്തേ​താ​യി​രു​ന്നാ​ലും അതിനെ ഫലപ്ര​ദ​മാ​ക്കിയ അടിസ്ഥാ​ന​വ​സ്‌തു​ത​ക​ളുണ്ട്‌. ഒന്ന്‌ വീടു​തോ​റു​മുള്ള ശുശ്രൂ​ഷ​യിൽനി​ന്നും അനൗപ​ചാ​രിക സാക്ഷീ​ക​ര​ണ​ത്തിൽനി​ന്നും സംജാ​ത​മാ​കുന്ന ആളുക​ളു​മാ​യുള്ള നേരി​ട്ടുള്ള സമ്പർക്ക​വും ഭവന​ബൈ​ബി​ള​ദ്ധ്യ​യ​ന​ക്ര​മീ​ക​ര​ണ​വു​മാണ്‌. (യോഹ​ന്നാൻ 4:7-26; പ്രവൃത്തികൾ20:20) മറെറാന്ന്‌ മനുഷ്യ​വർഗ്ഗ​ത്തി​ന്റെ പ്രശ്‌ന​ങ്ങൾക്കുള്ള സ്ഥിരമായ ഏക പരിഹാ​ര​മെന്ന നിലയിൽ ദൈവ​രാ​ജ്യ​ത്തെ പ്രദീ​പ്‌ത​മാ​ക്കുന്ന ഋജുവും സരളവു​മായ ബൈബി​ള​ധി​ഷ്‌ഠി​ത​സ​ന്ദേ​ശ​മാണ്‌. (പ്രവൃ​ത്തി​കൾ 19:18; 28:16, 23, 30, 31) നമ്മുടെ മിഷന​റി​മാ​രിൽ അനേക​രും ദൈവ​ത്തി​ന്റെ നീതി​യുള്ള ഭരണത്തി​ന്റെ ആവശ്യം വളരെ പ്രകട​മാ​യി​രി​ക്കുന്ന അൽപ്പവി​ക​സി​ത​രാ​ജ്യ​ങ്ങ​ളി​ലാണ്‌. മൂന്നാ​മത്തെ ഒരു ഘടകം ക്രിസ്‌തു പഠിപ്പ​ച്ച​തും നമ്മുടെ ആധുനി​ക​മി​ഷ​ന​റി​മാർ തങ്ങളുടെ ദൈനം​ദി​ന​ഇ​ട​പെ​ട​ലു​ക​ളിൽ എല്ലാത​ര​ത്തി​ലും വംശത്തി​ലു​മുള്ള ആളുക​ളോട്‌ പ്രകട​മാ​ക്കുന്ന സ്‌നേ​ഹ​മാണ്‌. കഴിഞ്ഞ 45ൽ അധികം വർഷങ്ങ​ളിൽ വാച്ച്‌ട​വർമി​ഷ​ന​റി​മാർ യഹോ​വ​യു​ടെ സ്ഥാപന​ത്തി​ന്റെ ആഗോ​ള​വി​ക​സ​ന​ത്തിന്‌ ഒരു പ്രമു​ഖ​സം​ഭാ​വന ചെയ്‌തി​രി​ക്കു​ന്നു​വെ​ന്ന​തിന്‌ സംശയ​മില്ല.—റോമർ 1:14-17; 1 കൊരി​ന്ത്യർ 3:5, 6.

പയനി​യർആ​ത്മാവ്‌ പ്രബല​പ്പെ​ടു​ന്നു

18.വേറെ ആർ ഗിലയദ്‌ ബിരു​ദ​ധാ​രി​ക​ളെ​പ്പോ​ലെ അതേ മിഷന​റി​ആ​ത്മാവ്‌ ഉൾക്കൊ​ണ്ടി​രി​ക്കു​ന്നു?

¹⁸ ഗിലയദ്‌ ബിരു​ദ​ധാ​രി​ക​ളു​ടെ തീക്ഷ്‌ണ​മായ ദൃഷ്ടാന്തം മററു​ള്ള​വ​രിൽ മുഴു​സ​മ​യ​ശു​ശ്രൂ​ഷ​ക​രാ​യി​രിക്കാ​നുള്ള ഒരു ആഗ്രഹം ഉണർത്തി​യി​ട്ടു​ണ്ടെ​ന്നു​ള്ള​തി​നു സംശയ​മില്ല. മിഷന​റി​തീ​ക്ഷ്‌ണ​ത​യു​ടെ അതേ ആത്മാവ്‌ ഉൾക്കൊ​ണ്ടി​ട്ടുള്ള ശതസഹ​സ്ര​ക്ക​ണ​ക്കിന്‌ യഹോ​വ​യു​ടെ മററു സാക്ഷികൾ ഇന്നുണ്ട്‌. യഥാർത്ഥ​അർത്ഥ​ത്തിൽ ഇവരും പയനി​യർമാ​രാണ്‌, “തങ്ങളുടെ രക്ഷയുടെ മുന്നോ​ടി”യായ യേശു​വി​ന്റെ കാൽചു​വ​ടു​കളെ പിന്തു​ട​രു​ന്ന​വർതന്നെ.—എബ്രായർ 2:10; 12:2, മോഫ​ററ

19.പയനിയർ ആത്മാവുള്ള അനേകം സാക്ഷികൾ എന്തു ചെയ്യാൻ സ്വമേ​ധയാ മുന്നോ​ട്ടു വന്നിരി​ക്കു​ന്നു, അവർക്ക്‌ എങ്ങനെ പ്രതി​ഫലം കിട്ടി​യ​താ​യി അവർ വിചാ​രി​ക്കു​ന്നു?

¹⁹ ആയിര​ത്തി​ത്തൊ​ള്ളാ​യി​ര​ത്തി​അ​റു​പ​തു​കൾ മുതൽ പല രാജ്യ​ങ്ങ​ളി​ലേ​ക്കും മിഷന​റി​മാ​രെ അയക്കു​ന്നത്‌ വളരെ പ്രയാ​സ​മാ​യി​രി​ക്കു​ക​യാണ്‌. വാച്ച്‌ട​വർഗി​ല​യദ്‌ ബൈബിൾസ്‌കൂൾ വിദേ​ശ​രാ​ജ്യ​ങ്ങ​ളി​ലെ ആവശ്യ​മ​നു​സ​രിച്ച്‌ സാദ്ധ്യ​മാ​കു​ന്ന​ട​ത്തോ​ളം മിഷന​റി​മാ​രെ കൊടു​ക്കു​ന്ന​തിൽ തുടരു​ന്നു. എന്നിരു​ന്നാ​ലും, യഥാർത്ഥ പയനി​യർആ​ത്മാ​വുള്ള ആ സാക്ഷി​കൾക്ക്‌ ലോക​വ്യാ​പ​ക​മാ​യി ഒരു ഭയങ്കര വയലുണ്ട്‌. ആവശ്യം ഏറെയുള്ള രാജ്യ​ങ്ങ​ളിൽ സേവി​ക്കു​ന്ന​തിന്‌ സ്വന്തം ക്രമീ​ക​ര​ണങ്ങൾ ചെയ്യാൻ അനേകർ മുമ്പോ​ട്ടു​വ​ന്നി​ട്ടുണ്ട്‌. നിങ്ങൾ അവരോ​ടു ചേരാൻ കഴിയുന്ന ഒരാളാ​ണോ? അങ്ങനെ​യു​ള്ളവർ വികസ്വ​ര​രാ​ജ്യ​ങ്ങ​ളി​ലെ ചെമ്മരി​യാ​ടു​തു​ല്യ​രെ രാജ്യ​സ​ത്യ​ങ്ങൾകൊ​ണ്ടു പോഷി​പ്പി​ക്കു​ന്ന​തി​ന്റെ വലിയ സന്തോഷം പ്രയാ​സ​ങ്ങൾക്കും ത്യാഗ​ങ്ങൾക്കും പരിഹാ​രം വരുത്തു​ന്നു​ണ്ടെന്ന്‌ മിക്ക​പ്പോ​ഴും പറയുന്നു. പുതിയ “സഹോ​ദ​രൻമാ​രെ​യും സഹോ​ദ​രി​മാ​രെ​യും അമ്മമാ​രെ​യും മക്കളെ​യും” കണ്ടെത്തു​ന്ന​തി​ലും അവർക്ക്‌ “വരുവാ​നുള്ള വ്യവസ്ഥി​തി​യി​ലെ” നിത്യ​ജീ​വന്റെ അത്ഭുത​കാ​ര​മായ പ്രത്യാശ പങ്കു​വെ​ക്കു​ന്ന​തി​ലും അവർക്ക്‌ നൂറു​മ​ടങ്ങു പ്രതി​ഫ​ലം​കി​ട്ടു​ന്നു.—മർക്കോസ്‌ 10:28-30.

20.(എ) അനേകം രാജ്യ​ങ്ങ​ളിൽ പ്രസം​ഗ​വേ​ല​യു​ടെ അധിക​പ​ങ്കും നിർവ​ഹി​ക്കു​ന്ന​താർ? (ബി) ജപ്പാൻ മിക്കവാ​റും മറേറ​തൊ​രു രാജ്യ​ത്തെ​യും അപേക്ഷിച്ച്‌ കൂടുതൽ വയൽസേവന മണിക്കൂർ വാർഷി​ക​മാ​യി റിപ്പോർട്ടു​ചെ​യ്യു​ന്ന​തെ​ങ്ങനെ? (സ) ഏതു ചോദ്യം നാം പരിചി​ന്തി​ക്കു​ന്നത്‌ നല്ലതാണ്‌?

²⁰ തന്നെയു​മല്ല, സാധാ​ര​ണ​പ​യ​നി​യർമാ​രാ​യും സഹായ​പ​യ​നി​യർമാ​രാ​യും ഓരോ മാസവും വിശുദ്ധ സേവനം റിപ്പോർട്ടു​ചെ​യ്യുന്ന ശതസഹ​സ്ര​ക്ക​ണ​ക്കിന്‌ യഹോ​വ​യു​ടെ ദാസൻമാ​രുണ്ട്‌. ഇവരിൽ മിക്കവ​രും തങ്ങളുടെ സ്വന്തം പ്രദേ​ശ​ങ്ങ​ളിൽ ഉത്സാഹ​പൂർവം പ്രവർത്തി​ക്കു​ന്നു. അനേകം രാജ്യ​ങ്ങ​ളിൽ, പ്രസം​ഗ​ത്തി​ന്റെ ഏറിയ പങ്കും നിർവ​ഹി​ക്കു​ന്നത്‌ ഇവരാണ്‌, അവർ മിക്ക​പ്പോ​ഴും വാരം​തോ​റും ഒരേ വീടു​ക​ളിൽ സന്ദർശി​ക്കു​ന്നു. അവർ തങ്ങളുടെ പ്രദേ​ശത്ത്‌ പുതിയ സുഹൃ​ത്തു​ക്കളെ ഉളവാ​ക്കു​ക​യും വളരെ​യ​ധി​കം താൽപ​ര്യം നട്ടുവ​ളർത്തു​ക​യും ചെയ്യു​മ്പോൾ അവരുടെ ശോഭ​ന​മായ പ്രകൃ​ത​ത്തി​ലും സന്തോ​ഷ​ക​ര​മായ മനോ​ഭാ​വ​ത്തി​ലും അവരുടെ രാജ്യ​പ്ര​ത്യാ​ശ പ്രതി​ഫ​ലി​ക്കു​ന്നു. കൂടുതൽ പയനി​യർമാ​രു​ടെ അർത്ഥം ദൈവ​സ്‌തു​തി​ക്കാ​യി അനേകം മണിക്കൂ​റു​കൾകൂ​ടെ ചെലവ​ഴി​ക്ക​പ്പെ​ടു​ന്നു​വെ​ന്നാണ്‌. യഹോ​വ​യു​ടെ സാക്ഷി​ക​ളു​ടെ ബഹുഭൂ​രി​പ​ക്ഷ​വും മുൻബു​ദ്ധ​മ​ത​ക്കാ​രാ​യി​രി​ക്കുന്ന ജപ്പാനിൽ ഒരു ദശാബ്ദ​ത്തി​ല​ധി​കം കാലം ഐക്യ​നാ​ടു​കൾക്കു പുറത്തുള്ള ഏതൊരു രാജ്യ​ത്തെ​യും അപേക്ഷിച്ച്‌ കൂടുതൽ മണിക്കൂർ വാർഷി​ക​മാ​യി റിപ്പോർട്ടു​ചെ​യ്‌തി​രി​ക്കു​ന്നു. അതിനു കാരണം അവിടത്തെ രാജ്യ​പ്ര​സാ​ധ​ക​രു​ടെ പകുതി​യോ​ളം പേർ പയനി​യ​റിംഗ്‌ നടത്തു​ന്നു​വെ​ന്ന​താണ്‌. നിങ്ങൾക്കും ഈ ഏററവും മഹത്തായ പദവി​യിൽ, പയനി​യ​റിം​ഗിൽ പങ്കെടു​ക്കാൻ നിങ്ങളു​ടെ കാര്യങ്ങൾ ക്രമീ​ക​രി​ക്കാൻ കഴിയു​മോ?

21.(എ) സാധാ​ര​ണ​പ​യ​നി​യ​റാ​യി പേർചേർക്കാൻ സാഹച​ര്യം അനുവ​ദി​ക്കാത്ത മററു സാക്ഷി​കൾക്ക്‌ അപ്പോ​ഴും പയനിയർ ആത്മാവ്‌ പ്രകട​മാ​ക്കാൻ എങ്ങനെ കഴിയും? (ബി) ചെറു​പ്പ​ക്കാർക്ക്‌ എങ്ങനെ പയനിയർ ആത്മാവ്‌ പ്രകട​മാ​ക്കാൻ കഴിയും?

²¹ “സൽപ്ര​വൃ​ത്തി​കൾക്കു തീക്ഷ്‌ണ​ത​യുള്ള” മററു സാക്ഷി​ക​ളുണ്ട്‌. (തീത്തോസ്‌ 2:14) അവരിൽ പ്രായ​മു​ള്ള​വ​രും മോശ​മായ ആരോ​ഗ്യ​മു​ള്ള​വ​രും കുടും​ബ​പ​ര​മായ ഉത്തരവാ​ദി​ത്ത​മുള്ള അനേക​രു​മുണ്ട്‌. സാധാ​ര​ണ​പ​യ​നി​യർമാ​രാ​യി പേർചേർക്കാൻ സാഹച​ര്യ​ങ്ങ​ള​നു​വ​ദി​ക്കാത്ത സ്‌കൂൾകു​ട്ടി​ക​ളു​മുണ്ട്‌. ഇവർക്കും പയനി​യർമാ​രോ​ടൊത്ത്‌ സാദ്ധ്യ​മാ​കു​ന്ന​ട​ത്തോ​ളം സേവന​ത്തി​ലേർപ്പെ​ടു​ന്ന​തി​നാ​ലും തങ്ങളുടെ സ്വന്തം സാക്ഷീ​കരണ അവസര​ങ്ങ​ളെ​ക്കു​റിച്ച്‌ ക്രിയാ​ത്മ​ക​മായ മനോ​ഭാ​വം പുലർത്തു​ന്ന​തി​നാ​ലും പയനി​യർമാർക്ക്‌ പ്രോൽസാ​ഹ​ക​മായ പിന്തുണ കൊടു​ത്തു​കൊണ്ട്‌ പയനി​യർആ​ത്മാ​വു പ്രകട​മാ​ക്കാൻ കഴിയും. ചെറു​പ്പ​ക്കാർക്ക്‌ മുഴു​സ​മ​യ​രാ​ജ്യ​സേ​വ​നത്തെ തങ്ങളുടെ ലക്ഷ്യമാ​ക്കാൻ കഴിയും. സ്‌നാ​പ​ന​മേ​റ​റു​ക​ഴി​ഞ്ഞാൽ അവർക്ക്‌ ചില​പ്പോ​ഴൊ​ക്കെ സഹായ പയനി​യ​റിം​ഗിൽ പങ്കെടു​ക്കാൻ കഴിയും. യുവാ​വാ​യി​രുന്ന തിമൊ​ഥെ​യോ​സി​നെ​പ്പോ​ലെ, അവർക്ക്‌ ദൈവ​ജ​ന​ങ്ങ​ളോ​ടെ​ല്ലാ​മൊ​പ്പം ആത്മീയ പുരോ​ഗതി നേടു​ന്ന​തിന്‌ ഈ കാര്യ​ങ്ങ​ളെ​ക്കു​റി​ച്ചു വിചി​ന്ത​നം​ചെ​യ്യാ​വു​ന്ന​താണ്‌.—1 തിമൊ​ഥെ​യോസ്‌ 4:15, 16.

22.നമ്മുടെ ജീവി​ത​സാ​ഹ​ച​ര്യം എന്തുത​ന്നെ​യാ​യി​രു​ന്നാ​ലും നാം എന്തു ദൃഢനി​ശ്ചയം ചെയ്യണം, എന്തു നല്ല ഫലം ലഭിക്കും?

²² നമ്മുടെ ജീവി​ത​സാ​ഹ​ച​ര്യം എന്തുത​ന്നെ​യാ​യി​രു​ന്നാ​ലും നമ്മളെ​ല്ലാം യഹോ​വ​യു​ടെ ആത്മാവി​നാൽ അവന്റെ സേവന​ത്തിൽ പൂർണ്ണ​മാ​യി പങ്കെടു​ക്കാൻ പ്രേരി​പ്പി​ക്ക​പ്പെ​ടട്ടെ. നമ്മുടെ വിനീ​ത​മായ ശ്രമങ്ങൾ സംബന്ധിച്ച്‌ “യഹോ​വ​യു​ടെ വചനം ഒരു ശക്തമായ വിധത്തിൽ വളരു​ക​യും പ്രബല​പ്പെ​ടു​ക​യും​ചെ​യ്‌തു​കൊ​ണ്ടി​രു​ന്നു”വെന്ന്‌ പറയാൻ കഴിയ​ത്ത​ക്ക​വണ്ണം “യഹോ​വ​യു​ടെ കൈ” നമ്മി​ലോ​രോ​രു​ത്ത​രോ​ടും​കൂ​ടെ തുടർന്നു​ണ്ടാ​യി​രി​ക്കട്ടെ.—പ്രവൃ​ത്തി​കൾ 11:21; 19:20. (w89 1/1)

പുനരവലോകനചോദ്യങ്ങൾ

□ ക്രിസ്‌തീയ മിഷന​റി​വേ​ലക്കു തുടക്ക​മി​ട്ട​തെ​ങ്ങനെ, അത്‌ എത്ര വിപു​ല​മാ​യി​ത്തീ​രേ​ണ്ട​താ​യി​രു​ന്നു?

□ മ്രിഷ​നറി വേല വികസി​പ്പി​ക്കു​ന്ന​തിൽ അപ്പോ​സ്‌ത​ല​നായ പൗലോസ്‌ എന്തു പങ്കു വഹിച്ചു?

□ ആധുനി​ക​കാ​ല​ങ്ങ​ളിൽ മിഷനറി വേല പുനരു​ജ്ജീ​വി​പ്പി​ക്ക​പ്പെ​ട്ട​തെ​ങ്ങനെ?

□ മിഷനറി സേവന​ത്തെ​യും പയനിയർ സേവന​ത്തെ​യും ഏതു ഘടകങ്ങൾ ഫലപ്ര​ദ​മാ​ക്കി​യി​രി​ക്കു​ന്നു?

□ നമുക്കിന്ന്‌ പയനി​യർആ​ത്മാവ്‌ ഉൾക്കൊ​ള്ളാൻ എങ്ങനെ കഴിയും?

[13-ാം പേജിലെ ചാർട്ട്‌]

പത്തു രാജ്യ​ങ്ങ​ളി​ലെ രാജ്യ​പ്ര​വർത്തനം—1988

(ഇവയെ​ല്ലാം 1,00,000-ത്തിലധി​കം പ്രസാ​ധ​കരെ റിപ്പോർട്ടു​ചെ​യ്‌തു)

രാജ്യം പ്രസാ​ധ​ക​രു​ടെ ശരാശരി പ്രസംഗ സ്‌മാരക

അത്യുച്ചം പയനി​യർമാർ മണിക്കൂർ ഹാജർ

യു.എസ്‌.എ. 7,97,104 96,947 16,14,78,732 18,22,607

മെക്‌സിക്കോ 2,48,822 32,117 5,80,61,457 10,04,062

ബ്രസീൽ 2,45,610 22,725 4,42,18,022 7,18,414

ഇററലി 1,60,584 25,477 4,33,54,687 3,30,461

നൈജീരിയ 1,34,543 14,022 2,78,00,623 3,98,555

ജപ്പാൻ 1,28,817 52,183 6,06,26,840 2,97,171

ജർമ്മനി 1,25,068 8,416 2,20,29,942 2,15,385

ബ്രിട്ടൻ 1,13,412 11,927 2,21,03,713 2,11,060

ഫിലിപ്പൈൻസ്‌ 1,07,679 21,320 2,63,37,621 3,05,087

ഫ്രാൻസ്‌ 1,03,734 9,189 2,15,98,308 2,05,256

[10-ാം പേജിലെ ചിത്രം]

പൗലോസും ബർന്നബാ​സും പയനി​യർമി​ഷ​ന​റി​വേ​ലക്ക്‌ പുറ​പ്പെ​ടു​ന്നു