ക്രിസ്‌തീ​യ​യോ​ബേൽ സഹസ്രാ​ബ്ദ​ത്തിൽ പാരമ്യ​ത്തി​ലെ​ത്തു​ന്നു

1. യിസ്രാ​യേൽ റിപ്പബ്ലി​ക്കി​ലെ യഹൂദൻമാർ എന്തു പുനഃ​സ്ഥാ​പി​ക്കാൻ ശ്രമം ചെയ്‌തി​ട്ടില്ല, എന്തു​കൊണ്ട്‌?

യിസ്രാ​യേൽ റിപ്പബ്ലി​ക്കിൽപോ​ലും (1948-ൽ സ്ഥാപിതം) മോ​ശൈക ന്യായ​പ്ര​മാ​ണ​ത്തിൻ കീഴി​ലാ​ണു തങ്ങളെന്നു പരിഗ​ണി​ക്കുന്ന അനേകം യഹൂദൻമാർ യോബേൽ വർഷത്തി​ന്റെ ആഘോഷം പുനഃ​സ്ഥാ​പി​ച്ചി​ട്ടില്ല. അവർ അതിനു ശ്രമി​ച്ചാൽ പല കുഴപ്പങ്ങൾ ഉണ്ടാകും. വസ്‌തു​സം​ബ​ന്ധ​മായ അവകാ​ശങ്ങൾ ഉൾപ്പെ​ട്ടി​രി​ക്കു​ന്ന​തു​കൊണ്ട്‌ വമ്പിച്ച സാമ്പത്തിക പ്രശ്‌നങ്ങൾ ഉണ്ടാകും. യിസ്രാ​യേൽ റിപ്പബ്ലിക്ക്‌ പന്ത്രണ്ടു പുരാതന ഗോ​ത്രങ്ങൾ നിവസി​ച്ചി​രുന്ന ദേശ​മെ​ല്ലാം കൈവ​ശ​മാ​ക്കി​യി​ട്ടില്ല. അവർക്ക്‌ ലേവി​ഗോ​ത്ര​ത്തിൽപെട്ട മഹാപു​രോ​ഹി​തൻ സഹിതം ഒരു ആലയവു​മില്ല. ജനങ്ങളു​ടെ ഗോ​ത്ര​പ​ര​മായ താദാ​ത്മ്യ​ങ്ങൾ നഷ്ടപ്പെ​ട്ടു​പോ​യി​രി​ക്കു​ന്നു.

2. ചില ക്രിസ്‌ത്യാ​നി​കൾ ഇപ്പോൾത്തന്നെ പുരാതന യിസ്രാ​യേ​ലി​ന്റെ യോ​ബേ​ലി​നാൽ മുൻനി​ഴ​ലാ​ക്ക​പ്പെട്ട ഒരു യോബേൽ ആഘോ​ഷി​ച്ചു തുടങ്ങി​യി​രി​ക്കു​ന്ന​തെ​ങ്ങനെ?

² എന്നാൽ അത്‌ യോ​ബേ​ലാ​ഘോ​ഷ​ത്തി​ന്റെ അനു​ഗ്ര​ഹങ്ങൾ സംബന്ധിച്ച്‌ നമ്മെ എവിടെ വിടും? പുരാതന യോബേൽ സ്വാത​ന്ത്ര്യ​ത്തി​ന്റെ ഒരു ഉത്സവവർഷ​മാ​യി​രു​ന്നു​വെന്ന്‌ നാം അനുസ്‌മ​രി​ക്കു​ന്നു. അടിമ​ത്ത​ത്തി​ലേക്കു തങ്ങളേ​ത്തന്നെ വിററ യിസ്രാ​യേ​ല്യർ സ്വത​ന്ത്ര​രാ​ക്ക​പ്പെ​ടു​ക​യും പരമ്പരാ​ഗത വസ്‌തു​ക്കൾ തിരികെ കൊടു​ക്ക​പ്പെ​ടു​ക​യും ചെയ്‌തു. (ലേവ്യ​പു​സ്‌തകം 25:8-54) മുൻ ലേഖന​ത്തിൽ, ഈ ക്രമീ​ക​രണം മോ​ശൈ​ക​ന്യാ​യ​പ്ര​മാണ ഉടമ്പടി​യോ​ടു​കൂ​ടെ ക്രി. വ. 33-ൽ അവസാ​നി​ച്ചു​വെന്നു നാം കണ്ടുക​ഴി​ഞ്ഞു. (റോമർ 7:4, 6; 10:4) അനന്തരം ഒരു പുതിയ ഉടമ്പടി പ്രാബ​ല്യ​ത്തിൽ വരുത്ത​പ്പെട്ടു, അതു മുഖേന ദൈവ​ത്തിന്‌ വിശ്വാ​സി​ക​ളു​ടെ പാപങ്ങൾ മോചി​ക്കാ​നും അവരെ പരിശു​ദ്ധാ​ത്മാ​വു​കൊണ്ട്‌ അഭി​ഷേകം ചെയ്യാ​നും സ്വർഗ്ഗ​ത്തി​ലേക്കു കൊണ്ടു​പോ​കാൻ പുത്രൻമാ​രാ​യി ദത്തെടു​ക്കാ​നും കഴിയു​മാ​യി​രു​ന്നു. (എബ്രായർ 10:15-18) എന്നിരു​ന്നാ​ലും, ഈ പുതിയ ഉടമ്പടി ക്രമീ​ക​ര​ണ​ത്തിൽനിന്ന്‌ പ്രയോ​ജനം സിദ്ധി​ക്കു​ന്നവർ “ഭൂമി​യിൽനിന്ന്‌ വിലയ്‌ക്കു വാങ്ങ​പ്പെ​ട്ടി​രി​ക്കുന്ന” 1,44,000 പേരുടെ ഒരു “ചെറിയ ആട്ടിൻകൂ​ട്ടം” മാത്ര​മാണ്‌. അതു​കൊ​ണ്ടു വിശ്വ​സ്‌ത​രായ ദശലക്ഷ​ക്ക​ണ​ക്കി​നു മററു വിശ്വസ്‌ത ക്രിസ്‌ത്യാ​നി​കൾക്ക്‌ യോ​ബേ​ലി​നാൽ മുൻനി​ഴ​ലാ​ക്ക​പ്പെട്ട വിമോ​ചനം എങ്ങനെ ലഭിക്കാൻ കഴിയും?—ലൂക്കോസ്‌ 12:32; വെളി​പ്പാട്‌ 14:1-4.

എല്ലാവർക്കും​വേ​ണ്ടി​യുള്ള ഒരു ബലി

3. യേശു​വി​ന്റെ ബലി എത്ര ഫലപ്ര​ദ​വും നിലനിൽക്കു​ന്ന​തു​മാണ്‌?

³ ക്രിസ്‌തീ​യ​കാ​ല​ത്തി​നു മുൻപ്‌ വാർഷിക പാപപ​രി​ഹാര ദിവസ​ത്തി​ന്റെ പ്രയോ​ജ​നങ്ങൾ ഒരു വർഷ​ത്തേക്കു മാത്രമേ നിലനി​ന്നി​രു​ന്നു​ള്ളു. കർത്താ​വായ യേശു​ക്രി​സ്‌തു​വി​ന്റെ മറുവി​ല​യാ​ഗ​ത്തി​ന്റെ പ്രയോ​ജ​നങ്ങൾ തുടരു​ന്ന​വ​യാണ്‌, സ്ഥിരമാണ്‌. അതു​കൊണ്ട്‌, പ്രതി​മാ​തൃ​ക​യി​ലെ മഹാപു​രോ​ഹി​ത​നായ യേശു വീണ്ടും ഒരു മനുഷ്യ​നാ​യി തന്നേത്തന്നെ ബലി​ചെ​യ്യു​ക​യും അനന്തരം യഹോ​വ​യാം ദൈവ​ത്തി​ന്റെ അതിവി​ശു​ദ്ധ​ത്തിൽ ആ ബലിയു​ടെ മൂല്യം സമർപ്പി​ക്കു​ന്ന​തിന്‌ ആണ്ടു​തോ​റും സ്വർഗ്ഗ​ത്തി​ലേക്കു മടങ്ങി​പ്പോ​കു​ക​യും ചെയ്യേ​ണ്ടി​യി​രി​ക്കു​ന്നില്ല. തിരു​വെ​ഴു​ത്തു​കൾ പ്രസ്‌താ​വി​ക്കു​ന്ന​പ്ര​കാ​രം, “ക്രിസ്‌തു ഇപ്പോൾ മരിച്ച​വ​രിൽനിന്ന്‌ ഉയർപ്പി​ക്ക​പ്പെ​ട്ടി​രി​ക്കു​ന്ന​തു​കൊണ്ട്‌ മേലാൽ മരിക്കു​ന്നില്ല; മരണം മേലാൽ അവന്റെ​മേൽ യജമാ​ന​നാ​യി​രി​ക്കു​ന്നില്ല.”—റോമർ 6:9; എബ്രായർ 9:28.

4, 5. (എ) ക്രി. വ. 33-ലെ പെന്തെ​ക്കോ​സ്‌തു മുതൽ യേശു​വി​ന്റെ ബലി പ്രാ​യോ​ഗി​ക​മാ​ക്കു​ന്ന​തി​ന്റെ ഫലമെ​ന്താണ്‌? (ബി) അവന്റെ ബലി കൂടുതൽ വ്യാപ​ക​മാ​യി ബാധക​മാ​ക്കാൻ പോകു​ന്നു​വെ​ന്ന​തിന്‌ നമുക്ക്‌ എന്തു സൂചന​യുണ്ട്‌?

⁴ അതു​കൊണ്ട്‌, ക്രി. വ. 33 മുതലുള്ള വർഷങ്ങ​ളിൽ വിശ്വാ​സി​കൾ മഹത്വീ​ക​രി​ക്ക​പ്പെട്ട യേശു​ക്രി​സ്‌തു​വി​ന്റെ ആത്മജനനം പ്രാപിച്ച ശിഷ്യൻമാ​രാ​യി​ത്തീർന്ന​പ്പോൾ അവർ ക്രിസ്‌തീയ യോബേൽ ആഘോ​ഷി​ച്ചു​തു​ടങ്ങി. ‘പാപത്തി​ന്റെ​യും മരണത്തി​ന്റെ​യും നിയമ​ത്തിൽനിന്ന്‌ സ്വത​ന്ത്ര​രാ​ക്ക​പ്പെട്ട’തോടെ അവർ ഊർജ്ജ്വ​സ്വ​ലത നൽകുന്ന സ്വാത​ന്ത്ര്യം ആസ്വദി​ച്ചി​രി​ക്കു​ന്നു. (റോമർ 8:1, 2) മററു​ള്ള​വർക്കു​കൂ​ടെ പാപങ്ങൾ മോചി​ച്ചു​കി​ട്ടേ​ണ്ട​തി​നും അവർ അഭി​ഷേകം ചെയ്യ​പ്പെ​ടു​ക​യും ദൈവ​ത്തി​ന്റെ ആത്മീയ പുത്രൻമാ​രാ​യി​ത്തീ​രു​ക​യും ചെയ്യേ​ണ്ട​തി​നും അവർ ആ ക്രിസ്‌തീയ സന്ദേശം വിളം​ബരം ചെയ്യു​ക​കൂ​ടെ ചെയ്‌തി​രി​ക്കു​ന്നു. എന്നാൽ ഒരുവൻ 144,000 പേരായി പരിമി​ത​പ്പെ​ട്ടി​രി​ക്കുന്ന ആ കൂട്ടത്തിൽപെ​ട്ട​വ​ന​ല്ലെ​ങ്കിൽ അയാൾക്ക്‌ ഇപ്പോൾ സന്തോ​ഷ​ക​ര​മായ വിമോ​ചനം അനുഭ​വി​ക്കാൻ കഴിക​യി​ല്ലെന്ന്‌ ഇതിനർത്ഥ​മു​ണ്ടോ?

⁵ ഈ ബന്ധത്തിൽ റോമർ 8:19-21-ലെ അപ്പോ​സ്‌ത​ല​നായ പൗലോ​സി​ന്റെ വാക്കുകൾ പ്രധാ​ന​മാണ്‌: “സൃഷ്ടി​യു​ടെ ആകാം​ക്ഷാ​പൂർവ്വ​ക​മായ പ്രതീക്ഷ ദൈവ​പു​ത്രൻമാ​രു​ടെ വെളി​പ്പെ​ട​ലി​നു​വേണ്ടി കാത്തി​രി​ക്കു​ക​യാണ്‌. എന്തെന്നാൽ സൃഷ്ടി നിഷ്‌പ്ര​യോ​ജ​ന​ത്വ​ത്തിന്‌ [പാപപൂർണ്ണ​രാ​ക​യാ​ലും പാപം നീക്കാൻ അപ്രാ​പ്‌ത​രാ​ക​യാ​ലും] വിധേ​യ​മാ​ക്ക​പ്പെട്ടു.” അനന്തരം “സൃഷ്ടി​തന്നെ ദ്രവത്വ​ത്തി​ന്റെ അടിമ​ത്ത​ത്തിൽനിന്ന്‌ സ്വത​ന്ത്ര​മാ​ക്ക​പ്പെ​ടു​ക​യും ദൈവ​മ​ക്ക​ളു​ടെ മഹത്തായ സ്വാത​ന്ത്ര്യം പ്രാപി​ക്കു​ക​യും ചെയ്യു​മെ​ന്നുള്ള പ്രത്യാശ” ഉണ്ടെന്ന്‌ പൗലോസ്‌ ഊന്നി​പ്പ​റഞ്ഞു. അതു​കൊണ്ട്‌ അങ്ങനെ​യുള്ള സ്വാത​ന്ത്ര്യം സ്വർഗ്ഗ​ത്തിൽ “ദൈവ​മ​ക്കളാ”യിത്തീ​രു​ന്ന​വർക്കു പരിമി​ത​പ്പെ​ടു​ത്തി​യി​ട്ടില്ല. യോഹ​ന്നാൻ 3:16-ലെ സുപരി​ചിത വാക്കുകൾ അതിനെ സ്ഥിരീ​ക​രി​ക്കു​ന്നു. സൂചി​പ്പി​ക്ക​പ്പെ​ട്ട​തു​പോ​ലെ, അഭി​ഷേകം ചെയ്യപ്പെട്ട അപ്പോ​സ്‌ത​ല​നായ യോഹ​ന്നാൻ, “നമ്മു​ടേ​തി​നു മാത്രമല്ല, മുഴു​ലോ​ക​ത്തി​ന്റെ​യും പാപങ്ങൾക്കു​വേണ്ടി” ക്രിസ്‌തു മരിച്ചു​വെന്ന്‌ പറയു​ക​യു​ണ്ടാ​യി.—1 യോഹ​ന്നാൻ 2:2.

1919—ഒരു പ്രാരംഭ വിമോ​ച​നം

6, 7. ഏതുതരം വിമോ​ചനം 1919 മുതൽ വിളം​ബരം ചെയ്യ​പ്പെ​ട്ടി​രി​ക്കു​ന്നു, വിശേ​ഷാൽ അന്നുമു​ത​ലാ​യി​രി​ക്കു​ന്ന​തെ​ന്തു​കൊണ്ട്‌?

⁶ ആധുനി​ക​കാ​ല​ങ്ങ​ളിൽ ക്രിസ്‌തീയ യോ​ബേ​ലാ​ഘോ​ഷി​ക്കുന്ന അഭിഷി​ക്തർ, വിശേ​ഷിച്ച്‌ 1919 മുതൽ വിമോ​ചന സുവാർത്ത ഘോഷി​ച്ചു​കൊ​ണ്ടാ​ണി​രി​ക്കു​ന്നത്‌. ‘ആ കാലം മുതൽ എന്തു​കൊണ്ട്‌?’ എന്ന്‌ നിങ്ങൾ അടുത്ത​കാ​ല​ത്താ​ണു ജനിച്ച​തെ​ങ്കിൽ അതിശ​യി​ക്കു​ന്നു​ണ്ടാ​യി​രി​ക്കും. നിങ്ങളു​ടെ വിമോ​ച​ന​ത്തി​ന്റെ അനുഭവം ഉൾപ്പെ​ട്ടി​രി​ക്കു​ന്നു​വെന്നു മനസ്സിൽ പിടി​ച്ചു​കൊണ്ട്‌ നമുക്ക്‌ നോക്കാം.

⁷ ആ തീയതി​ക്കു ദശാബ്ദ​ങ്ങൾക്കു മുമ്പു​തന്നെ പ്രസി​ദ്ധ​മായ വേദാ​ദ്ധ്യ​യന പത്രി​ക​ക​ളി​ലേ​തു​പോ​ലെ​യുള്ള (1886-1917) ബൈബിൾ സത്യങ്ങൾ യഹോ​വ​യു​ടെ അഭിഷി​ക്തൻമാർ പ്രസി​ദ്ധീ​ക​രി​ച്ചു. അവർ വിജ്ഞാ​ന​പ്ര​ദ​ങ്ങ​ളായ അനേകം ചെറു​പു​സ്‌ത​ക​ങ്ങ​ളും ലഘു​ലേ​ഖ​ക​ളും വിതരണം ചെയ്‌തു. ഒന്നാം ലോക മഹായു​ദ്ധ​കാ​ലത്ത്‌ എതിർപ്പും പരി​ശോ​ധ​ന​യും വേർതി​രി​ക്ക​ലും അവരുടെ ഭാഗത്ത്‌ ഒരു മന്ദീഭാ​വ​വും ഉണ്ടായി. എന്നാൽ 1919-ൽ അഭിഷി​ക്ത​ശേ​ഷിപ്പ്‌ ബൈബിൾ സത്യങ്ങൾ ഘോഷി​ക്കാൻ പുതു തീക്ഷ്‌ണ​ത​യോ​ടെ പുറ​പ്പെട്ടു. ക്രി. വ. 30-ൽ “ബന്ദിക​ളോട്‌ ഒരു വിടു​ത​ലും കുരു​ട​രോട്‌ കാഴ്‌ച​യു​ടെ ഒരു വീണ്ടെ​ടു​ക്ക​ലും” പ്രസം​ഗി​ക്കാൻ താൻ അഭി​ഷേകം ചെയ്യ​പ്പെ​ട്ടു​വെന്ന്‌ യേശു​വി​നു പറയാൻ കഴിഞ്ഞ​തു​പോ​ലെ, ആധുനി​ക​നാ​ളി​ലെ ഈ അഭിഷി​ക്തർക്കും പറയാൻ കഴിയും. 1919 സെപ്‌റ​റം​ബർ 1-7-ലെa ഒരു പുളക​പ്ര​ദ​മായ കൺ​വെൻ​ഷ​നു​ശേഷം അവർ അസംഖ്യം ആളുകളെ വിമോ​ചി​പ്പിച്ച സത്യങ്ങൾ പ്രസം​ഗി​ക്കു​ന്ന​തിൽ മുന്നേ​റു​ക​യു​ണ്ടാ​യി.—ലൂക്കോസ്‌ 4:18.

8, 9. അനേകർ ഏതർത്ഥ​ത്തിൽ സ്വത​ന്ത്ര​രാ​ക്ക​പ്പെ​ട്ടി​രി​ക്കു​ന്നു, അങ്ങനെ​യുള്ള വിമോ​ചനം വിളം​ബരം ചെയ്യു​ന്ന​തിന്‌ ഏതു സഹായങ്ങൾ ഉപയോ​ഗി​ക്ക​പ്പെ​ട്ടി​രി​ക്കു​ന്നു?

⁸ ദൃഷ്ടാ​ന്ത​മാ​യി, ദൈവ​ത്തി​ന്റെ കിന്നരം എന്ന ബൈബിൾ പഠനസ​ഹാ​യി (1921) യെക്കു​റിച്ച്‌ പരിചി​ന്തി​ക്കുക. അതു മർമ്മ​പ്ര​ധാ​ന​മായ സത്യങ്ങളെ അവ ഒരു കിന്നര​ത്തി​ന്റെ പത്തു കമ്പിക​ളാ​യി​രി​ക്കു​ന്ന​തു​പോ​ലെ അവതരി​പ്പി​ച്ചു. അനേകർ “ദുഷ്ടൻമാ​രു​ടെ ശിക്ഷ . . . കെടു​ത്താൻ കഴിയാത്ത തീയും ഗന്ധകവും എരിയുന്ന ഒരു നിത്യ​ദ​ണ്ഡ​ന​മാണ്‌” എന്ന ഉപദേ​ശ​ത്താൽ ബൈബിൾ പഠനത്തിൽനിന്ന്‌ അകന്നു​മാ​റി​യി​രി​ക്കു​ന്ന​താ​യി ആ പുസ്‌തകം സമ്മതിച്ചു. “ഈ ഉപദേ​ശ​ത്തിന്‌ (1) അതു ന്യായ​ര​ഹി​ത​മാ​യി​രി​ക്കു​ന്ന​തി​നാൽ (2) അത്‌ നീതിക്ക്‌ വെറു​ക്ക​ത്ത​ക്ക​താ​യി​രി​ക്കു​ന്ന​തി​നാൽ (3) അത്‌ സ്‌നേ​ഹ​ത്തി​ന്റെ തത്വത്തി​നെ​തി​രാ​യി​രി​ക്കു​ന്ന​തി​നാൽ (4) അത്‌ തികച്ചും തിരു​വെ​ഴു​ത്തു വിരു​ദ്ധ​മാ​യി​രി​ക്കു​ന്ന​തി​നാൽ സത്യമാ​യി​രി​ക്കാ​വു​ന്ന​ത​ല്ലെന്ന്‌ ഈ പുസ്‌ത​ക​ത്തി​ന്റെ 60,00,000 വരുന്ന വായന​ക്കാർ മനസ്സി​ലാ​ക്കി. നരകത്തി​ലെ നിത്യ​ദ​ണ്ഡ​ന​ത്തി​ന്റെ​യോ ശുദ്ധീ​ക​ര​ണ​സ്ഥ​ലത്തെ കഠിന​വേ​ദ​ന​യു​ടെ​യോ ഭീതി​യിൽ വളർന്നു​വ​ന്നി​രുന്ന ആളുകൾക്ക്‌ അത്‌ എത്ര വിമോ​ച​ന​ദാ​യ​ക​മാ​യി​രു​ന്നു​വെന്ന്‌ നിങ്ങൾക്ക്‌ സങ്കൽപ്പി​ക്കാൻ കഴിയും!

⁹ അതെ, ഈ അഭിഷി​ക്ത​രാ​ലുള്ള ബൈബിൾ സത്യത്തി​ന്റെ തീക്ഷ്‌ണ​മായ പ്രസംഗം വ്യാ​ജോ​പ​ദേ​ശ​ങ്ങൾക്കും അന്ധവി​ശ്വാ​സ​ങ്ങൾക്കും (പൂർവ്വാ​രാ​ധന, പ്രേത​ങ്ങളെ അല്ലെങ്കിൽ ദുരാ​ത്മാ​ക്ക​ളെ​യുള്ള ഭയം എന്നിങ്ങ​നെ​യുള്ള) തിരു​വെ​ഴു​ത്തു വിരു​ദ്ധ​മായ ആചാര​ങ്ങൾക്കും അടിമ​പ്പെ​ട്ടി​രുന്ന ആളുകളെ സ്വത​ന്ത്ര​രാ​ക്കി. ചില ബൈബിൾ പഠന സഹായി​ക​ളു​ടെ പേരുകൾ തന്നെ ദശലക്ഷ​ങ്ങ​ളു​ടെ​മേൽ അവയ്‌ക്കു​ണ്ടാ​യി​രുന്ന വിമോ​ച​ക​സ്വാ​ധീ​നത്തെ പ്രതി​ഫ​ലി​പ്പി​ക്കു​ന്നു.b അങ്ങനെ, തന്റെ ശിഷ്യൻമാർ താൻ ചെയ്‌ത​തി​നെ​ക്കാൾ ‘വലിയ വേലകൾ ചെയ്യു’മെന്ന്‌ യേശു പറഞ്ഞ വാക്കുകൾ സത്യ​മെന്നു തെളി​ഞ്ഞി​രി​ക്കു​ന്നു. (യോഹ​ന്നാൻ 14:12) “അടിമ​കൾക്ക്‌ ഒരു വിടുതൽ” പ്രസം​ഗി​ച്ച​തിൽ യേശു ചെയ്‌ത പ്രാഥ​മിക ആത്മീയ വിമോ​ച​ന​വേ​ല​യോ​ടു താരത​മ്യ​പ്പെ​ടു​ത്തു​മ്പോൾ ദൈവ​ത്തി​ന്റെ ആധുനി​ക​കാല ദാസൻമാർ വളരെ​യ​ധി​കം പ്രവർത്തി​ച്ചി​രി​ക്കു​ന്നു—ഗോള​ത്തി​നു​ചു​റ​റു​മുള്ള അനേക ദശലക്ഷ​ങ്ങളെ സമീപി​ച്ചു​കൊ​ണ്ടു​തന്നെ.

10. കൂടു​ത​ലാ​യി വലിപ്പ​മേ​റിയ ഒരു വിമോ​ചനം അനുഭ​വ​പ്പെ​ടു​മെന്ന്‌ നമുക്ക്‌ പ്രതീ​ക്ഷി​ക്കാൻ കഴിയു​ന്ന​തെ​ന്തു​കൊണ്ട്‌?

¹⁰ എന്നിരു​ന്നാ​ലും, ഒന്നാം നൂററാ​ണ്ടിൽ ക്രി. വ. 33-ലെ പെന്തെ​ക്കോ​സ്‌തിൽ കൂടു​ത​ലായ ഒരു വിമോ​ചന വേല തുടങ്ങി​യെന്ന്‌ ഓർക്കുക. അന്ന്‌ “ചെറിയ ആട്ടിൻകൂട്ട”ത്തിന്‌ ക്രിസ്‌തീയ യോബേൽ തുടങ്ങി. അത്‌ അവരുടെ പാപങ്ങൾ മോചി​ക്ക​പ്പെ​ടും, അവർ സ്വർഗ്ഗ​ത്തിൽ “ദൈവ​പു​ത്രൻമാർ” ആയിത്തീ​രു​ന്ന​തി​ലേ​ക്കും നയിക്കു​ക​യും ചെയ്യു​മാ​യി​രു​ന്നു. നമ്മുടെ കാലത്തെ സംബന്ധി​ച്ചെന്ത്‌? അർപ്പി​ത​രായ മററ്‌ ദശലക്ഷ​ക്ക​ണ​ക്കി​നു ക്രിസ്‌ത്യാ​നി​കൾക്ക്‌ പാപത്തി​ന്റെ അടിമ​ത്ത​ത്തിൽനിന്ന്‌ മോചി​ത​രാ​കാ​നും അങ്ങനെ മഹത്തായ ഒരു യോബേൽ ആഘോ​ഷി​ക്കാ​നും കഴിയു​മോ? ഉവ്വ്‌, “പഴയകാ​ലത്തെ തന്റെ വിശുദ്ധ പ്രവാ​ച​കൻമാ​രു​ടെ വായ്‌ മുഖാ​ന്തരം ദൈവം സംസാ​രിച്ച സകല കാര്യ​ങ്ങ​ളു​ടെ​യും പുനഃ​സ്ഥി​തീ​കരണ”ത്തെക്കു​റിച്ച്‌ അപ്പോ​സ്‌ത​ല​നായ പത്രോസ്‌ പ്രസ്‌താ​വി​ച്ച​പ്പോൾ അവൻ അതു സൂചി​പ്പി​ക്കു​ക​യു​ണ്ടാ​യി.—പ്രവൃ​ത്തി​കൾ 3:21.

ദശലക്ഷ​ങ്ങൾക്കാ​യുള്ള ഒരു യോബേൽ

11. ആത്മീയ യിസ്രാ​യേ​ലി​നെ കവിഞ്ഞു വ്യാപി​ക്കുന്ന ഒരു വിമോ​ച​ന​ത്തി​നാ​യി നമുക്ക്‌ പ്രതീ​ക്ഷി​ക്കാ​മെന്ന്‌ ലേവ്യ​പു​സ്‌തകം 25-ാം അദ്ധ്യായം സൂചി​പ്പി​ക്കു​ന്ന​തെ​ങ്ങനെ?

¹¹ ലേവ്യ​പു​സ്‌തകം 25-ാം അദ്ധ്യാ​യ​ത്തിൽ യഹോ​വ​യു​ടെ നിലപാ​ടിൽ യിസ്രാ​യേ​ല്യർ താൻ ഈജി​പ്‌റ​റിൽ നിന്ന്‌ വിമോ​ചി​പ്പിച്ച തന്റെ അടിമ​ക​ളാ​ണെന്ന്‌ രണ്ടു പ്രാവ​ശ്യം ഓർമ്മി​പ്പി​ച്ചത്‌ ശ്രദ്ധാർഹ​മാണ്‌. (42-ഉം 55-ഉം വാക്യങ്ങൾ) ഈ യോ​ബേ​ല​ദ്ധ്യാ​യം ‘കുടി​പാർപ്പു​കാ​രെ​യും’ ‘അവരുടെ ഇടയിലെ അന്യ​ദേ​ശീ​യ​രെ​യും’ കുറി​ച്ചും പറയുന്നു. അങ്ങനെ​യു​ള്ള​വർക്ക്‌ ഇക്കാലത്തെ “മഹാപു​രു​ഷാര”ത്തോടു സമാന്ത​ര​ത്വ​മുണ്ട്‌, അവർ ആത്മീയ യിസ്രാ​യേ​ല്യ​രോ​ടൊത്ത്‌ ക്രിസ്‌തീയ സുവാർത്ത ഘോഷി​ച്ചു​കൊ​ണ്ടി​രി​ക്കു​ക​യാണ്‌.

12. ആയിര​ത്തി​ത്തൊ​ള്ളാ​യി​രത്തി മുപ്പത്തഞ്ചു മുതൽ ഏതു സന്തുഷ്ട​വി​കാ​സം പുരോ​ഗ​മ​ന​ത്തി​ലി​രി​ക്കു​ന്നു?

¹² “നല്ല ഇടയ”നായ യേശു​ക്രി​സ്‌തു താൻ “വേറെ ആളുകൾ” എന്നു പരാമർശി​ച്ച​വരെ 1935 മുതൽ അഭിഷി​ക്ത​ശേ​ഷി​പ്പി​നോ​ടുള്ള സജീവ സഹവാ​സ​ത്തി​ലേക്കു വരുത്തി​യി​രി​ക്കു​ന്നു. ഇവരെ അവൻ “കൊണ്ടു​വ​രേണ്ടി”യിരുന്നു. അവർ “ഏക ഇടയന്റെ” കീഴിൽ “ഏക ആട്ടിൻകൂ​ട്ടം” ആയിത്തീ​ര​ണ​മാ​യി​രു​ന്നു. (യോഹ​ന്നാൻ 10:16) “വേറെ ആടുക​ളു​ടെ” എണ്ണം ഇപ്പോൾ ദശലക്ഷ​ക്ക​ണ​ക്കി​നാണ്‌. നിങ്ങൾ ആ സന്തുഷ്ട​കൂ​ട്ട​ത്തിൽ പെട്ടവ​രാ​ണെ​ങ്കിൽ നിങ്ങൾ ഇപ്പോൾത്തന്നെ ദൈവ​ത്തി​ന്റെ ഒരു സ്‌നേ​ഹി​ത​നെ​ന്ന​നി​ല​യിൽ നീതി​മാ​നാ​യി എണ്ണപ്പെ​ടു​ന്നു. മനുഷ്യ​സൃ​ഷ്ടി​യു​ടെ ഒരു ഭാഗ​മെ​ന്ന​നി​ല​യിൽ നിങ്ങൾ ആസന്നമാ​യി​രി​ക്കുന്ന ഭൂമി​യി​ലെ “സകല കാര്യ​ങ്ങ​ളു​ടെ​യും പുനഃ​സ്ഥി​തീ​കരണ കാലങ്ങ​ളിൽ” “ദ്രവത്വ​ത്തി​ന്റെ അടിമ​ത്ത​ത്തിൽനിന്ന്‌ സ്വത​ന്ത്ര​രാ​ക്ക​പ്പെ​ടുന്ന”തിന്‌ നോക്കി​പ്പാർത്തി​രി​ക്കു​ക​യാണ്‌. ഇത്‌ തെററായ ഒരു പ്രത്യാ​ശയല്ല.—റോമർ 8:19-21; പ്രവൃ​ത്തി​കൾ 3:20, 21.

13. “മഹോ​പ​ദ്രവ”ത്തിനു​ശേഷം വിശേ​ഷാൽ ഏതനു​ഗ്രഹം സംഭവി​ക്കു​ന്ന​താ​യി നാം ശ്രദ്ധി​ക്കണം?

¹³ സ്വർഗ്ഗീയ ഭാവി സഹിതം ക്രിസ്‌തീയ യോബേൽ ആഘോ​ഷി​ക്കുന്ന 144000 പേരെ അപ്പോ​സ്‌ത​ല​നായ യോഹ​ന്നാൻ കണ്ടശേഷം അവൻ പിൻവ​രുന്ന പ്രകാരം പറയുന്ന ഒരു “മഹാപു​രു​ഷാര”ത്തെ വർണ്ണിച്ചു: “ഇവരാണ്‌ മഹോ​പ​ദ്ര​വ​ത്തിൽനി​ന്നു പുറത്തു​വ​രു​ന്നവർ, അവർ കുഞ്ഞാ​ടി​ന്റെ രക്തത്തിൽ തങ്ങളുടെ അങ്കികൾ അലക്കി വെളു​പ്പി​ച്ചി​രി​ക്കു​ന്നു. അതു​കൊ​ണ്ടാണ്‌ അവർ ദൈവ​ത്തി​ന്റെ സിംഹാ​സ​ന​ത്തിൻമു​മ്പി​ലാ​യി​രിക്കു​ന്നത്‌; അവർ അവന്റെ ആലയത്തിൽ അവന്‌ പകലും രാവും വിശു​ദ്ധ​സേ​വനം അർപ്പി​ച്ചു​കൊ​ണ്ടി​രി​ക്കു​ന്നു.”—വെളി​പ്പാട്‌ 7:14, 15.

14, 15. “മഹാപു​രു​ഷാര”ത്തിൽ പെട്ടവർക്ക്‌ ഇപ്പോൾ സന്തോ​ഷി​ക്കാൻ പ്രത്യേക കാരണ​മു​ള്ള​തെ​ന്തു​കൊണ്ട്‌?

¹⁴ മഹോ​പ​ദ്ര​വ​ത്തി​നു മുമ്പുള്ള ഇപ്പോൾപോ​ലും ഇവർ ക്രിസ്‌തു​വി​ന്റെ ചൊരി​യ​പ്പെട്ട രക്തത്തിൽ വിശ്വാ​സം പ്രകടി​പ്പി​ക്കു​ക​യും അങ്ങനെ അവന്റെ ബലിമ​ര​ണ​ത്തിൽനിന്ന്‌ പ്രയോ​ജനം നേടു​ക​യും ചെയ്യുന്നു. കൂടാതെ, മഹാബാ​ബി​ലോ​നിൽനിന്ന്‌ വിമോ​ചി​ത​രാ​യ​തി​ലും യഹോ​വ​യാം ദൈവ​ത്തിൻമു​മ്പാ​കെ ഒരു നല്ല മനഃസാ​ക്ഷി ലഭിച്ച​തി​ലും അവസാനം വരുന്ന​തി​നു മുമ്പ്‌ രാജ്യ​സു​വാർത്ത പ്രസം​ഗി​ച്ചു​കൊണ്ട്‌ മത്തായി 24:14-ന്റെ നിവൃ​ത്തി​യിൽ പങ്കുപ​റ​റു​ന്ന​തി​നുള്ള പദവി ലഭിച്ച​തി​ലും അവർ സന്തോ​ഷി​ക്കു​ന്നു.

¹⁵ എന്നിരു​ന്നാ​ലും, മഹാപു​രു​ഷാ​രം ജൻമസി​ദ്ധ​മായ പാപത്തിൽനി​ന്നും അപൂർണ്ണ​ത​യിൽനി​ന്നും വിമോ​ചി​പ്പി​ക്ക​പ്പെ​ടു​ന്ന​തി​നുള്ള പ്രത്യാശ സംബന്ധി​ച്ചെന്ത്‌? ആ സമയം അടുത്തി​രി​ക്കു​ന്നു​വോ? മുൻകൂ​ട്ടി പറഞ്ഞ സകല കാര്യ​ങ്ങ​ളും നിവൃ​ത്തി​യാ​കു​ന്ന​തി​നു മുൻപ്‌ നീങ്ങി​പ്പോ​കു​ക​യി​ല്ലെന്ന്‌ യേശു​ക്രി​സ്‌തു പറഞ്ഞ മനുഷ്യ​വർഗ്ഗ തലമു​റ​യിൽപെട്ട ചിലർ ഇപ്പോ​ഴും നമ്മോ​ടു​കൂ​ടെ ഉണ്ടെന്ന്‌ വിശ്വ​സി​ക്കു​ന്ന​തിന്‌ നമുക്കു നല്ല കാരണ​മുണ്ട്‌. (മത്തായി 24:34) അതു​കൊണ്ട്‌, “വ്യവസ്ഥി​തി​യു​ടെ സമാപന”ത്തിന്റെ മഹത്തായ പരിസ​മാ​പ്‌തി വളരെ സമീപ​ത്തി​ലാ​യി​രി​ക്കണം.—മത്തായി 24:3.

ക്രിസ്‌തീയ യോ​ബേ​ലി​ന്റെ മകുടം ചാർത്തുന്ന സവി​ശേ​ഷ​ത​കൾ

16. ദൈ​വോ​ദ്ദേ​ശ്യ​ത്തി​ന്റെ സാക്ഷാ​ത്‌ക്ക​ര​ണ​ത്തിൽ നാം എവിടെ നില​കൊ​ള്ളു​ന്നു, എന്ത്‌ ഭാവി​യിൽ സ്ഥിതി ചെയ്യുന്നു?

¹⁶ “സർവ്വശ​ക്ത​നായ ദൈവ​ത്തി​ന്റെ മഹാദി​വ​സ​ത്തി​ലെ യുദ്ധം” സത്വരം സമീപി​ച്ചു​വ​രു​ക​യാണ്‌. “ചെറിയ ആട്ടിൻകൂ​ട്ടം”ത്തിന്റെ ശേഷി​പ്പും വിശ്വ​സ്‌ത​രും ഭക്തരു​മായ അവരുടെ കൂട്ടാ​ളി​ക​ളു​ടെ “മഹാപു​രു​ഷാ​ര​വും” യഹോ​വ​യാം ദൈവ​ത്തോ​ടുള്ള നിർമ്മ​ല​ത​പാ​ലി​ക്കു​ക​യും ദിവ്യ​സം​ര​ക്ഷണം ലഭിക്കു​ന്ന​തിന്‌ നോക്കി​പ്പാർത്തി​രി​ക്കു​ക​യും ചെയ്യുന്നു. യഹോവ സകല ശത്രു സൈന്യ​ങ്ങ​ളെ​യും തകർത്തു പരാജ​യ​പ്പെ​ടു​ത്തി പരമാ​ധി​കാ​രി​യെന്ന നിലയിൽ തന്നെ സംസ്ഥാ​പി​ക്കു​ന്ന​തിന്‌ അവർ നോക്കി​പ്പാർത്തി​രി​ക്കു​ക​യാണ്‌. ഇത്‌ ക്രിസ്‌തീയ സ്വാത​ന്ത്ര്യ​ത്തി​ന്റെ ആസ്വാ​ദ​ന​ത്തി​നു മകുടം ചാർത്തുന്ന എന്തോരു സവി​ശേ​ഷ​ത​യാ​യി​രി​ക്കും!—വെളി​പ്പാട്‌ 16:14; 19:19-21; ഹബക്കൂക്ക്‌ 2:3.

17. ദശലക്ഷങ്ങൾ ഇനിയും മഹത്തായ ഒരു യോ​ബേ​ലിൽ എങ്ങനെ വിമോ​ചനം നേടും?

¹⁷ തുടർന്ന്‌ ശുദ്ധീ​ക​രി​ക്ക​പ്പെട്ട ഭൂമി​യിൽ ജയശാ​ലി​യായ യേശു​ക്രി​സ്‌തു​വി​ന്റെ വാഴ്‌ച നടക്കും. യഹോ​വ​യു​ടെ സാർവ്വ​ത്രിക പരമാ​ധി​കാ​രം വീണ്ടു സ്ഥിരീ​കൃ​ത​മാ​കും. രാജാ​ധി​രാ​ജാ​വും കർത്താ​ധി​കർത്താ​വു​മെന്ന നിലയിൽ യേശു​ക്രി​സ്‌തു​വിന്‌ ഭൂമി​യു​ടെ പൂർണ്ണ​നി​യ​ന്ത്രണം ഉണ്ടായി​രി​ക്കും. അന്ന്‌ അവൻ ദശലക്ഷ​ക്ക​ണ​ക്കി​നു മനുഷ്യർക്ക്‌ തന്റെ ബലിയു​ടെ പുണ്യം പ്രയോ​ഗി​ക്കും; വിശ്വാ​സം പ്രകട​മാ​ക്കു​ന്ന​വ​രും ദൈവം ക്രിസ്‌തു മൂലം നൽകുന്ന പാപ​മോ​ച​നത്തെ മനസ്സോ​ടെ സ്വീക​രി​ക്കു​ന്ന​വ​രു​മാ​യി മരിച്ച​വ​രിൽനി​ന്നു പുനരു​ത്ഥാ​നം പ്രാപി​ച്ച​വ​രും അവരിൽ ഉൾപ്പെ​ടും. ദൈവം “അവരുടെ കണ്ണുക​ളിൽനിന്ന്‌ കണ്ണുനീ​രെ​ല്ലാം തടച്ചു​ക​ള​യും, മേലാൽ മരണം ഉണ്ടായി​രി​ക്കു​ക​യില്ല, വിലാ​പ​മോ മുറവി​ളി​യോ വേദന​യോ ഇനി ഉണ്ടായി​രി​ക്ക​യില്ല” എന്നതു​തന്നെ അതിന്റെ തെളി​വാ​യി​രി​ക്കും. (വെളി​പ്പാട്‌ 21:3, 4) അത്‌ യഥാർത്ഥ വിമോ​ച​ന​മ​ല്ലെ​ങ്കിൽ മറെറ​ന്താണ്‌ യഥാർത്ഥ വിമോ​ചനം?

18. പുരാതന യോ​ബേ​ലി​ന്റെ ഒരു സവി​ശേ​ഷ​ത​യോ​ടു താരത​മ്യ​പ്പെ​ടു​ത്താ​വു​ന്ന​താ​യി പുതിയ വ്യവസ്ഥി​തി​യിൽ ഭൂമിയെ സംബന്ധിച്ച്‌ എന്തു സംഭവി​ക്കും?

¹⁸ തന്നെയു​മല്ല, മേലാൽ ഭൂമി അത്യാ​ഗ്ര​ഹി​ക​ളായ വ്യക്തി​ക​ളാ​ലോ കോർപ്പ​റേ​ഷ​നു​ക​ളാ​ലോ മാനു​ഷ​ഗ​വൺമെൻറു​ക​ളാ​ലോ നിയ​ന്ത്രി​ക്ക​പ്പെ​ടു​ക​യോ മലിനീ​ക​രി​ക്ക​പ്പെ​ടു​ക​യോ ഇല്ല. (വെളി​പ്പാട്‌ 11:18) പകരം അതു സത്യാ​രാ​ധ​കർക്കു തിരി​ച്ചു​കൊ​ടു​ക്ക​പ്പെ​ടും. അവർക്ക്‌ യെശയ്യാ പ്രവച​ന​ത്തി​ന്റെ അക്ഷരീയ നിവൃ​ത്തി​യിൽ പങ്കെടു​ക്കുന്ന ഉല്ലാസ​ക​ര​മായ വേല ലഭിക്കും. “അവർ തീർച്ച​യാ​യും മുന്തി​രി​ത്തോ​ട്ടങ്ങൾ നട്ടുണ്ടാ​ക്കി അവയുടെ ഫലം ഭക്ഷിക്കും. അവർ പണിയു​ക​യും മററാ​രെ​ങ്കി​ലും പാർക്കു​ക​യും ചെയ്യു​ക​യില്ല . . . അവർ വ്യർത്ഥ​മാ​യി അദ്ധ്വാ​നി​ക്കു​ക​യില്ല, അവർ ഉപദ്ര​വ​ത്തി​നാ​യി പ്രസവി​ക്കു​ക​യു​മില്ല; എന്തു​കൊ​ണ്ടെ​ന്നാൽ അവർ യഹോ​വ​യു​ടെ അനുഗൃ​ഹീ​തർ ഉൾപ്പെ​ടുന്ന സന്തതി ആയിരി​ക്കും.” (യെശയ്യാവ്‌ 65:21-25) സഹസ്രാ​ബ്ദ​വാ​ഴ്‌ച​യു​ടെ അവസാ​ന​മാ​കു​മ്പോ​ഴേക്ക്‌ അവകാ​ശ​പ്പെ​ടു​ത്തിയ പാപത്തി​ന്റെ​യും അപൂർണ്ണ​ത​യു​ടെ​യും സകല കണിക​ക​ളും തുടച്ചു​നീ​ക്ക​പ്പെ​ട്ടി​രി​ക്കും. ഭൂമി​യി​ലെ ദൈവ​ത്തി​ന്റെ വിശ്വ​സ്‌തൻമാർ യോ​ബേ​ലി​ന്റെ അവസാ​നത്തെ പരമകാ​ഷ്‌ഠ​യു​ടെ ആഘോഷം നടത്തു​ന്ന​താ​യി​രി​ക്കും. അങ്ങനെ യോ​ബേ​ലി​നാൽ മുൻനി​ഴ​ലാ​ക്ക​പ്പെട്ട വിമോ​ചനം സമ്പൂർത്തി​യാ​ക്ക​പ്പെ​ടും.—എഫേസ്യർ 1:10.

യോ​ബേ​ലി​ന്റെ സഹസ്രാബ്ദ പരകോ​ടി

19, 20. സഹസ്രാബ്ദ യോ​ബേ​ലിൽനിന്ന്‌ സംസി​ദ്ധ​മാ​കുന്ന അനു​ഗ്ര​ഹ​ങ്ങൾക്ക്‌ പ്രതി​ബന്ധം സൃഷ്ടി​ക്കാൻ സാത്താ​നും ഭൂതങ്ങ​ളും എങ്ങനെ ശ്രമി​ക്കും, എന്നാൽ പരിണ​ത​ഫ​ല​മെ​ന്താ​യി​രി​ക്കും?

¹⁹ മനുഷ്യ​വർഗ്ഗ​ത്തിൻമേ​ലുള്ള ക്രിസ്‌തു​വി​ന്റെ ആയിര​വർഷ​വാ​ഴ്‌ച​ക്കാ​ലത്ത്‌ ഭൂത​സൈ​ന്യ​ങ്ങ​ളു​ടെ അധിപ​തി​യായ പിശാ​ചായ സാത്താൻ രംഗത്തു​ണ്ടാ​യി​രി​ക്ക​യി​ല്ലെന്ന്‌ വെളി​പ്പാട്‌ 20:1-3 പറയുന്നു. സഹസ്രാ​ബ്ദ​ത്തി​ന്റെ ഒടുവിൽ അല്‌പ​കാ​ല​ത്തേക്ക്‌ ഇറങ്ങി​വ​രാൻ പിശാ​ചും ഭൂതങ്ങ​ളും അനുവ​ദി​ക്ക​പ്പെ​ടു​മ്പോൾ ഭൂമി ഈ ദുഷ്ടാ​ത്മാ​ക്കൾ വിട്ടി​ട്ടു​പോയ അവസ്ഥയി​ലല്ല. പിന്നെ​യോ അവർണ്ണ​നീ​യ​മാം​വി​ധം മനോ​ഹ​ര​മായ ഒരു അവസ്ഥയി​ലാ​യി​രി​ക്കു​ന്ന​താ​യി അവർ കാണും. വിശ്വ​സ്‌ത​രായ “മഹാപു​രു​ഷാര”വും യേശു​ക്രി​സ്‌തു ഒരു മറുവി​ല​യാ​യി ആർക്കു​വേണ്ടി മരിച്ചു​വോ ആ പുനരു​ത്ഥാ​നം പ്രാപിച്ച ശതകോ​ടി​ക്ക​ണ​ക്കി​നാ​ളു​ക​ളും ഭൂമിയെ അവകാ​ശ​പ്പെ​ടു​ത്തി​യി​രി​ക്കു​ന്ന​താ​യി അവർ കാണും. സഹസ്രാ​ബ്ദ​ത്തി​ന്റെ അവസാ​ന​മാ​കു​മ്പോ​ഴേക്ക്‌ ക്രിസ്‌തീ​യ​യോ​ബേൽ മനുഷ്യ​വർഗ്ഗത്തെ പാപത്തി​ന്റെ ഫലങ്ങളിൽനിന്ന്‌ പൂർണ്ണ​മാ​യി വിമോ​ചി​പ്പി​ക്കു​ക​യെന്ന അതിന്റെ ഉദ്ദേശ്യം സാക്ഷാ​ത്‌ക്ക​രി​ച്ചി​രി​ക്കും. (റോമർ 8:21) ആ നല്ല അവസ്ഥയെ നശിപ്പി​ക്കാൻ ശ്രമി​ക്കു​ന്നത്‌ എത്ര പൈശാ​ചി​ക​വും അപമാ​ന​ക​ര​വു​മാ​യി​രി​ക്കും! എന്നാൽ സർവ്വശ​ക്ത​നായ ദൈവ​ത്തി​ന്റെ അനുവാ​ദ​ത്താൽ പിശാച്‌ ഇതു ചെയ്യു​ന്ന​തിന്‌ അന്തിമ​മാ​യി ഒരു ശ്രമം നടത്തും. വെളി​പ്പാട്‌ 20:7-10, 14 ഈ ഫലത്തിൽ ഇങ്ങനെ എഴുത​പ്പെ​ട്ടി​രി​ക്കു​ന്നു:

²⁰ “ആയിരം വർഷം അവസാ​നി​ച്ചാ​ലു​ടനെ സാത്താൻ അവന്റെ തടവിൽനിന്ന്‌ അഴിച്ചു​വി​ട​പ്പെ​ടും, അവൻ ഭൂമി​യു​ടെ നാലു​കോ​ണു​ക​ളി​ലു​മുള്ള ഗോഗ്‌, മാഗോഗ്‌ എന്നീ ജനതകളെ വഴി​തെ​റ​റി​ക്കു​ന്ന​തിന്‌ പുറ​പ്പെ​ടും. ഇവരുടെ സംഖ്യ സമു​ദ്ര​ത്തി​ലെ മണൽപോ​ലെ​യാ​കു​ന്നു. അവർ ഭൂമി​യു​ടെ പരപ്പി​ലൂ​ടെ മുന്നേ​റു​ക​യും വിശു​ദ്ധൻമാ​രു​ടെ പാളയ​ത്തെ​യും പ്രിയ​ന​ഗ​ര​ത്തെ​യും വളയു​ക​യും ചെയ്‌തു. എന്നാൽ ആകാശ​ത്തു​നിന്ന്‌ തീ ഇറങ്ങി അവരെ ദഹിപ്പി​ച്ചു​ക​ളഞ്ഞു. അവരെ വഴി​തെ​റ​റി​ച്ചു​കൊ​ണ്ടി​രുന്ന പിശാച്‌ തീയും ഗന്ധകവും കത്തുന്ന തീത്താ​ടാ​ക​ത്തി​ലേക്ക്‌ എറിയ​പ്പെട്ടു.”

21. സഹസ്രാ​ബ്ദ​ത്തോ​ടെ ക്രിസ്‌തീ​യ​യോ​ബേൽ അവസാ​നി​ച്ച​ശേഷം സ്വർഗ്ഗീയ ദൈവ​പു​ത്രൻമാ​രു​ടെ ഏതു പ്രതി​ക​രണം ഇയ്യോബ്‌ 38:7-നെ അനുസ്‌മ​രി​പ്പി​ക്കു​ന്ന​താ​യി​രി​ക്കും?

²¹ യോബേൽ ക്രമീ​ക​ര​ണ​ത്താൽ ആനയി​ക്ക​പ്പെട്ട യഥാർത്ഥ സ്വാത​ന്ത്ര്യം തുടർന്ന്‌ എല്ലായി​ട​ത്തും ആസ്വദി​ക്ക​പ്പെ​ടും; സകല സൃഷ്ടി​ക​ളും സ്വത​ന്ത്ര​രാ​യി​രി​ക്കും, അവർ യഹോവ എന്നു നാമമുള്ള ഏകനെ ബഹുമാ​നി​ക്കു​ന്ന​താ​യി​രി​ക്കും. (സങ്കീർത്തനം 83:18) യഹോവ സർവ്വ അഖിലാ​ണ്ഡ​ത്തി​ലും തന്റെ ഉദ്ദേശ്യം സാക്ഷാ​ത്‌ക്ക​രി​ക്കു​ന്ന​തിൽ തുടരു​മ്പോൾ അതു സത്യമാ​യി​രി​ക്കും. ഭൂമി​യു​ടെ സൃഷ്ടി​പ്പി​ങ്കൽ, മനുഷ്യ​വർഗ്ഗം അതിൻമേൽ ആക്കി​വെ​ക്ക​പ്പെ​ടു​ന്ന​തി​നു മുമ്പ്‌ “പ്രഭാ​ത​ന​ക്ഷ​ത്രങ്ങൾ ഒത്തു​ചേർന്ന്‌ സന്തോ​ഷ​പൂർവ്വം ആർപ്പു​വി​ളി​ച്ചു,” ആ മനോ​ഹ​ര​മായ കാഴ്‌ച​യിൽ” ദൈവ​പു​ത്രൻമാ​രെ​ല്ലാം ആർത്തു ഘോഷി​ച്ചു.” (ഇയ്യോബ്‌ 38:7) സർവ്വശ​ക്ത​നായ ദൈവ​ത്തോട്‌ തങ്ങളുടെ തികഞ്ഞ സമർപ്പ​ണ​വും നിർമ്മ​ല​ത​യും പ്രകട​മാ​ക്കു​ക​യും തെളി​യി​ക്കു​ക​യും ചെയ്‌തി​ട്ടുള്ള സ്‌ത്രീ പുരു​ഷൻമാർ ഭൂമി​യിൽ അധിവ​സി​ക്കു​ന്നത്‌ കാണു​മ്പോൾ അവർ എത്രയ​ധി​കം അങ്ങനെ ചെയ്യു​ന്ന​താ​യി​രി​ക്കും.

22. സങ്കീർത്തനം 150:1-6-ൽ കാണ​പ്പെ​ടുന്ന ഉദ്‌ബോ​ധ​ന​ത്തി​നു ചേർച്ച​യാ​യി നമ്മുടെ മനോ​ഭാ​വം എന്തായി​രി​ക്കണം?

²² തിരു​വെ​ഴു​ത്തു​ക​ളു​ടെ​മേൽ വീശുന്ന കണ്ണഞ്ചി​ക്കുന്ന പ്രകാ​ശ​ത്തി​ന്റെ വെളി​ച്ച​ത്തിൽ എല്ലാം കണക്കി​ലെ​ടു​ക്കു​മ്പോൾ നമുക്ക്‌ സ്വ​പ്രേ​രി​ത​മാ​യി സ്വർഗ്ഗ​ത്തോ​ടു​കൂ​ടെ സന്തോ​ഷി​ക്കു​ക​യും ഹല്ലേലു​യ്യാ പറയു​ക​യു​മ​ല്ലാ​തെ മറെറാ​ന്നും കരണീ​യ​മാ​യില്ല! സങ്കീർത്ത​ന​ങ്ങ​ളു​ടെ പുസ്‌തകം നമുക്കു​വേണ്ടി ഈ ഉദ്‌ബോ​ധ​ന​ത്തോ​ടെ​യാണ്‌ അവസാ​നി​ക്കു​ന്നത്‌: “ഹല്ലേലൂ​യ്യാ. യഹോ​വയെ അവന്റെ വിശുദ്ധ മന്ദിര​ത്തിൽ സ്‌തു​തി​ക്കുക; അവന്റെ കോട്ട​യായ ആകാശ​ത്തിൽ ദൈവത്തെ സ്‌തു​തി​ക്കുക. അവൻറ വീര്യ​പ്ര​വൃ​ത്തി നിമിത്തം അവനെ സ്‌തു​തി​ക്കുക; അവന്റെ മഹിമാ​ധി​ക്യം നിമിത്തം അവനെ സ്‌തു​തി​ക്കുക. കാഹള​നാ​ദ​ത്തോ​ടെ അവനെ സ്‌തു​തി​ക്കുക; കിന്നര​ത്തോ​ടും വീണ​യോ​ടും​കൂ​ടെ അവനെ സ്‌തു​തി​ക്കുക. തപ്പി​നോ​ടും നൃത്തത്തി​നോ​ടും കൂടെ അവനെ സ്‌തു​തി​ക്കുക; തന്ത്രി​നാ​ദ​ത്തോ​ടും കുഴലി​നോ​ടും കൂടെ അവനെ സ്‌തു​തി​ക്കുക. ഉച്ചനാ​ദ​മുള്ള കൈത്താ​ള​ങ്ങ​ളോ​ടെ അവനെ സ്‌തു​തി​ക്കുക. ശ്വസി​ക്കുന്ന സകലവും കർത്താ​വി​നെ സ്‌തു​തി​ക്കട്ടെ. ഹല്ലേലൂ​യ്യാ.”—സങ്കീർത്തനം 150:1-6, തനാക്ക്‌ ബൈബിൾ (1985) അമേരി​ക്ക​യി​ലെ യഹൂദ പ്രസി​ദ്ധീ​കരണ സമൂഹം. (w87 1/1)

[അടിക്കു​റി​പ്പു​കൾ]

നിങ്ങൾ എങ്ങനെ ഉത്തരം പറയും?

◻ ക്രിസ്‌തു​വി​ന്റെ ശിഷ്യൻമാർ ക്രി. വ. 33-ൽ പെന്തെ​ക്കോ​സ്‌തിൽ എന്തിൽനിന്ന്‌ വിടു​വി​ക്ക​പ്പെട്ടു, അത്‌ അവർക്ക്‌ എന്തിന്റെ തുടക്കം കുറിച്ചു?

◻ ഒന്നാം നൂററാ​ണ്ടിൽ സംഭവി​ച്ച​തി​നെ​ക്കാൾ വലിയ വിമോ​ചനം പ്രതീ​ക്ഷി​ക്കാൻ കാരണ​മു​ള്ള​തെ​ന്തു​കൊണ്ട്‌?

◻ ഏതുതരം വിമോ​ച​ന​മാണ്‌ 1919 മുതൽ സംഭവി​ച്ചു​കൊ​ണ്ടി​രി​ക്കു​ന്നത്‌?

◻ “വേറെ ആടുകൾക്ക്‌” എങ്ങനെ, എപ്പോൾ, മഹത്തായ ഒരു യോ​ബേ​ലിൽനിന്ന്‌ പ്രയോ​ജനം ലഭിക്കും?

◻ യോ​ബേ​ലി​ന്റെ പരമകാ​ഷ്‌ഠ​ക്കു​ശേഷം ഭൂമി എങ്ങനെ​യാ​യി​രി​ക്കും?

[23-ാം പേജിലെ ചിത്രം]

1919-ൽ സീഡാർപോ​യിൻറിൽ സ്വാത​ന്ത്ര്യം വിളം​ബരം ചെയ്യ​പ്പെ​ടു​ന്നു

[24-ാം പേജിലെ ചിത്രം]

“വേറെ ആടുകൾ” സഹസ്രാബ്ദ യോ​ബേ​ലിൽ പങ്കെടു​ക്കു​ന്നു.