രക്ഷയ്‌ക്കാ​യി പരസ്യ​പ്ര​ഖ്യാ​പനം നടത്തുക

“യഹോ​വ​യു​ടെ നാമം വിളി​ച്ച​പേ​ക്ഷി​ക്കുന്ന എല്ലാവ​രും രക്ഷിക്ക​പ്പെ​ടും.”—റോമർ 10:13, NW.

1. ചരി​ത്ര​ത്തി​ലു​ട​നീ​ളം, ഏതു മുന്നറി​യി​പ്പു​കൾ നൽക​പ്പെ​ട്ടി​ട്ടുണ്ട്‌?

ചരിത്രം പല ‘യഹോ​വ​യു​ടെ ദിവസ​ങ്ങളെ’ക്കുറിച്ചു വർണി​ക്കു​ന്നുണ്ട്‌. നോഹ​യു​ടെ നാളിലെ പ്രളയം, സൊ​ദോം ഗൊ​മോ​ര​യു​ടെ നാശം, പൊ.യു.മു. 607-ലെയും പൊ.യു. 70-ലെയും യെരൂ​ശ​ലേ​മി​ന്റെ നാശങ്ങൾ എന്നിവ​യെ​ല്ലാം യഹോ​വ​യു​ടെ വലുതും അതിഭ​യ​ങ്ക​ര​വു​മായ ദിവസ​ങ്ങ​ളാ​യി​രു​ന്നു. യഹോ​വ​യ്‌ക്കെ​തി​രെ മത്സരി​ച്ച​വ​രു​ടെ​മേൽ ന്യായ​വി​ധി നടപ്പാ​ക്കിയ ദിവസ​ങ്ങ​ളാ​യി​രു​ന്നു അവയെ​ല്ലാം. (മലാഖി 4:5; ലൂക്കൊസ്‌ 21:22) ആ ദിവസ​ങ്ങ​ളിൽ, തങ്ങളുടെ ദുഷ്ടത​നി​മി​ത്തം അനേകർ നശിച്ചു. എന്നാൽ ചിലർ അതിജീ​വി​ച്ചു. ആസന്നമാ​യി​രി​ക്കുന്ന വിപത്തി​നെ​ക്കു​റി​ച്ചു ദുഷ്ടന്മാ​രെ അറിയി​ച്ചു​കൊ​ണ്ടും നീതി​മാ​ന്മാർക്കു രക്ഷ നേടാ​നുള്ള അവസരം പ്രദാ​നം​ചെ​യ്‌തു​കൊ​ണ്ടും യഹോവ മുന്നറി​യി​പ്പു നൽകി.

2, 3. (എ) പെന്ത​ക്കോ​സ്‌തിൽ ഏതു പ്രാവ​ച​നിക മുന്നറി​യിപ്പ്‌ ഉദ്ധരി​ക്ക​പ്പെട്ടു? (ബി) പൊതു​യു​ഗം 33-ലെ പെന്ത​ക്കോ​സ്‌തു മുതൽ, യഹോ​വ​യു​ടെ നാമം വിളി​ച്ച​പേ​ക്ഷി​ക്കു​ന്ന​തിൽ എന്തുൾപ്പെ​ട്ടി​രു​ന്നു?

² പൊ.യു. 70-ലെ യെരൂ​ശ​ലേ​മി​ന്റെ നാശം ഇതിന്റെ ഒരു ശ്രദ്ധേ​യ​മായ ദൃഷ്ടാ​ന്ത​മാണ്‌. ആ സംഭവ​ത്തെ​ക്കു​റിച്ച്‌ ഏതാണ്ട്‌ 900 വർഷം​മു​മ്പു​തന്നെ മുൻകൂ​ട്ടി​പ്പ​റ​ഞ്ഞു​കൊണ്ട്‌ യോവേൽ എഴുതി: “ഞാൻ ആകാശ​ത്തി​ലും ഭൂമി​യി​ലും അത്ഭുത​ങ്ങളെ കാണി​ക്കും: രക്തവും തീയും പുകത്തൂ​ണും തന്നേ. യഹോ​വ​യു​ടെ വലുതും ഭയങ്കര​വു​മാ​യുള്ള ദിവസം വരും​മു​മ്പെ സൂര്യൻ ഇരുളാ​യും ചന്ദ്രൻ രക്തമാ​യും മാറി​പ്പോ​കും.” ഒരുവന്‌ അത്തര​മൊ​രു ഭയാനക സമയത്തെ എങ്ങനെ അതിജീ​വി​ക്കാ​നാ​കും? നിശ്വ​സ്‌ത​ത​യിൽ യോവേൽ എഴുതി: “യഹോ​വ​യു​ടെ നാമം വിളി​ച്ച​പേ​ക്ഷി​ക്കു​ന്നവൻ ഏവനും രക്ഷിക്ക​പ്പെ​ടും; യഹോവ അരുളി​ച്ചെ​യ്‌ത​തു​പോ​ലെ സീയോൻപർവ്വ​ത​ത്തി​ലും യെരൂ​ശ​ലേ​മി​ലും ഒരു രക്ഷിത​ഗ​ണ​വും ശേഷി​ച്ചി​രി​ക്കു​ന്ന​വ​രു​ടെ കൂട്ടത്തിൽ യഹോവ വിളി​പ്പാ​നു​ള്ള​വ​രും ഉണ്ടാകും.”—യോവേൽ 2:30-32.

³ പൊ.യു. 33-ലെ പെന്ത​ക്കോ​സ്‌തിൽ പത്രൊസ്‌ അപ്പോ​സ്‌തലൻ യെരൂ​ശ​ലേ​മിൽ ഒരു കൂട്ടം യഹൂദ​ന്മാ​രെ​യും മതപരി​വർത്തി​ത​രെ​യും അഭിസം​ബോ​ധന ചെയ്‌തു​കൊണ്ട്‌ യോവേൽ പ്രവചനം ഉദ്ധരിച്ചു. അതി​ന്റെ​യൊ​രു നിവൃത്തി തങ്ങളുടെ നാളിൽ പ്രതീ​ക്ഷി​ക്കാ​മെന്ന്‌ അവൻ ശ്രോ​താ​ക്ക​ളോ​ടു പറഞ്ഞു: “ഞാൻ മീതെ ആകാശ​ത്തിൽ അത്ഭുത​ങ്ങ​ളും താഴെ ഭൂമി​യിൽ അടയാ​ള​ങ്ങ​ളും കാണി​ക്കും; രക്തവും തീയും പുകയാ​വി​യും തന്നേ. കർത്താ​വി​ന്റെ [“യഹോ​വ​യു​ടെ,” NW] വലുതും പ്രസി​ദ്ധ​വു​മായ നാൾ വരും മുമ്പെ സൂര്യൻ ഇരുളാ​യും ചന്ദ്രൻ രക്തമാ​യും മാറി​പ്പോ​കും. എന്നാൽ കർത്താ​വി​ന്റെ [“യഹോ​വ​യു​ടെ,” NW] നാമം വിളി​ച്ച​പേ​ക്ഷി​ക്കു​ന്നവൻ ഏവനും രക്ഷിക്ക​പ്പെ​ടും.” (പ്രവൃ​ത്തി​കൾ 2:16-21) പത്രൊ​സി​നെ ശ്രവി​ച്ചു​കൊ​ണ്ടി​രുന്ന ജനങ്ങ​ളെ​ല്ലാ​വ​രും മോ​ശൈക ന്യായ​പ്ര​മാ​ണ​ത്തിൻ കീഴി​ലു​ള്ള​വ​രാ​യി​രു​ന്നു, അതു​കൊണ്ട്‌ അവർക്കു യഹോ​വ​യു​ടെ നാമം അറിയാ​മാ​യി​രു​ന്നു. ഇനിമു​തൽ യഹോ​വ​യു​ടെ നാമം വിളി​ച്ച​പേ​ക്ഷി​ക്കു​ന്ന​തിൽ കൂടു​ത​ലായ അർഥവ്യാ​പ്‌തി കൈവ​രു​മെന്നു പത്രൊസ്‌ വിശദ​മാ​ക്കി. വിശേ​ഷി​ച്ചും, വധിക്ക​പ്പെട്ട്‌ അമർത്യ സ്വർഗീയ ജീവനി​ലേക്കു പുനരു​ത്ഥാ​നം പ്രാപിച്ച യേശു​വി​ന്റെ നാമത്തിൽ സ്‌നാ​പ​ന​മേൽക്കു​ന്നത്‌ ഇതിലുൾപ്പെട്ടു.—പ്രവൃ​ത്തി​കൾ 2:37, 38.

4. ക്രിസ്‌ത്യാ​നി​കൾ ഏതു സന്ദേശം പ്രസി​ദ്ധ​മാ​ക്കി?

⁴ പെന്ത​ക്കോ​സ്‌തു​മു​തൽ, ക്രിസ്‌ത്യാ​നി​കൾ പുനരു​ത്ഥാ​നം പ്രാപിച്ച യേശു​വി​നെ​ക്കു​റി​ച്ചുള്ള വചനം പ്രചരി​പ്പി​ച്ചു. (1 കൊരി​ന്ത്യർ 1:23) മനുഷ്യർക്കു യഹോ​വ​യാം ദൈവ​ത്തി​ന്റെ ആത്മീയ പുത്ര​ന്മാ​രാ​യി ദത്തെടു​ക്ക​പ്പെ​ടാ​നും ‘യഹോ​വ​യു​ടെ സദ്‌ഗു​ണങ്ങൾ ഘോഷി​പ്പാ​നുള്ള’ ഒരു ആത്മീയ ജനതയായ “ദൈവ​ത്തി​ന്റെ” പുതിയ “യിസ്രാ​യേലി”ന്റെ ഭാഗമാ​യി​ത്തീ​രാ​നും സാധി​ക്കു​മെന്ന്‌ അവർ അറിയി​ച്ചു. (1 പത്രൊസ്‌ 2:9, NW; ഗലാത്യർ 6:16) മരണ​ത്തോ​ളം വിശ്വ​സ്‌ത​ത​യോ​ടെ നില​കൊ​ണ്ടവർ യേശു​വി​നോ​ടൊ​പ്പം സഹഭര​ണാ​ധി​കാ​രി​ക​ളാ​യി അവന്റെ സ്വർഗീയ രാജ്യ​ത്തിൽ അമർത്യ സ്വർഗീയ ജീവൻ അവകാ​ശ​പ്പെ​ടു​ത്തു​മാ​യി​രു​ന്നു. (മത്തായി 24:13; റോമർ 8:15, 16; 1 കൊരി​ന്ത്യർ 15:50-54) കൂടാതെ, യഹോ​വ​യു​ടെ വരാനി​രി​ക്കുന്ന വലുതും ഭയങ്കര​വു​മായ ദിവസ​ത്തെ​ക്കു​റിച്ച്‌ ഈ ക്രിസ്‌ത്യാ​നി​കൾ ഘോഷി​ക്കേ​ണ്ടി​യി​രു​ന്നു. യെരൂ​ശ​ലേ​മി​നും ദൈവ​ജ​ന​ത​യെന്ന്‌ അവകാ​ശ​പ്പെ​ടു​ന്ന​വർക്കും പൂർവാ​ധി​കം കഠിന​മായ ഉപദ്രവം നേരി​ടു​മെ​ന്നും അവർ യഹൂദ​ലോ​കത്തെ അറിയി​ക്ക​ണ​മാ​യി​രു​ന്നു. എന്നിരു​ന്നാ​ലും, അതിജീ​വ​ക​രു​ണ്ടാ​കു​മാ​യി​രു​ന്നു. ആരെല്ലാം? യഹോ​വ​യു​ടെ നാമം വിളി​ച്ച​പേ​ക്ഷി​ക്കു​ന്നവർ.

‘അന്ത്യകാ​ലത്ത്‌’

5. പ്രവച​ന​ത്തി​ന്റെ ഏതു നിവൃ​ത്തി​കൾ ഇന്നു സംഭവി​ച്ചി​രി​ക്കു​ന്നു?

⁵ അനേക​വി​ധ​ങ്ങ​ളിൽ, അന്നത്തെ അവസ്ഥകൾ നാമിന്നു കാണുന്ന സംഗതി​കളെ മുൻനി​ഴ​ലാ​ക്കി. 1914 മുതൽ മനുഷ്യ​വർഗം ബൈബിൾ “അന്ത്യകാല”മെന്നും “വ്യവസ്ഥി​തി​യു​ടെ സമാപന”മെന്നും “അന്ത്യനാ​ളു​കളെ”ന്നും വിശേ​ഷി​പ്പി​ക്കുന്ന ഒരു പ്രത്യേക കാലഘ​ട്ട​ത്തി​ലാണ്‌. (ദാനീ​യേൽ 12:1, 4; മത്തായി 24:3-8; 2 തിമൊ​ഥെ​യൊസ്‌ 3:1-5, 13, NW) നമ്മുടെ നൂറ്റാ​ണ്ടിൽ, മൃഗീ​യ​യു​ദ്ധ​ങ്ങ​ളും അനിയ​ന്ത്രിത അക്രമ​ങ്ങ​ളും സമൂഹ​ത്തി​ന്റെ അധഃപ​ത​ന​വും പരിസ്ഥി​തി​നാ​ശ​വും ബൈബിൾ പ്രവച​ന​ത്തി​ന്റെ ശ്രദ്ധേ​യ​മായ നിവൃ​ത്തി​യാണ്‌. യേശു പ്രവചിച്ച അടയാ​ള​ത്തി​ന്റെ ഭാഗമാ​ണി​തെ​ല്ലാം. യഹോ​വ​യു​ടെ അന്തിമ​വും നിർണാ​യ​ക​വു​മായ അതിഭ​യങ്കര ദിവസത്തെ മനുഷ്യ​വർഗം അഭിമു​ഖീ​ക​രി​ക്കാ​റാ​യെന്ന്‌ ഇവ സൂചി​പ്പി​ക്കു​ന്നു. ഇത്‌ “ലോകാ​രം​ഭം​മു​തൽ ഇന്നുവ​രെ​യും സംഭവി​ച്ചി​ട്ടി​ല്ലാ​ത്ത​തും ഇനിമേൽ സംഭവി​ക്കാ​ത്ത​തും ആയ വലിയ കഷ്ട”ത്തിന്റെ പാരമ്യ​മായ അർമ​ഗെ​ദോൻ യുദ്ധത്തിൽ പാരമ്യ​ത്തി​ലെ​ത്തും.—മത്തായി 24:21; വെളി​പ്പാ​ടു 16:16.

6. (എ) സൗമ്യരെ രക്ഷിക്കാൻ യഹോവ പ്രവർത്തി​ച്ചു​കൊ​ണ്ടി​രു​ന്ന​തെ​ങ്ങനെ? (ബി) എങ്ങനെ അതിജീ​വി​ക്കാ​മെ​ന്നതു സംബന്ധി​ച്ചുള്ള പൗലൊ​സി​ന്റെ ബുദ്ധ്യു​പ​ദേശം നമുക്ക്‌ എവിടെ കണ്ടെത്താം?

⁶ വിനാ​ശ​ദി​വസം അടുത്തു​വ​രു​ന്തോ​റും, യഹോവ സൗമ്യ​രു​ടെ രക്ഷയ്‌ക്കാ​യി പ്രവർത്തി​ക്കു​ക​യാണ്‌. ഈ ‘അന്ത്യകാ​ലത്ത്‌’ ദൈവം തന്റെ ആത്മീയ ഇസ്രാ​യേ​ലിൽ ശേഷി​ക്കു​ന്ന​വരെ കൂട്ടി​വ​രു​ത്തു​ക​യും തന്റെ ഭൗമിക ദാസന്മാ​രു​ടെ ശ്രദ്ധയെ 1930 മുതൽ “സകല ജാതി​ക​ളി​ലും ഗോ​ത്ര​ങ്ങ​ളി​ലും വംശങ്ങ​ളി​ലും ഭാഷക​ളി​ലും​നി​ന്നു ഉള്ളതായി ആർക്കും എണ്ണിക്കൂ​ടാത്ത ഒരു മഹാപു​രു​ഷാര”ത്തെ കൂട്ടി​വ​രു​ത്തു​ന്ന​തി​ലേക്കു തിരി​ക്കു​ക​യും ചെയ്‌തി​രി​ക്കു​ന്നു. ഒരു കൂട്ടമെന്ന നിലയിൽ ഇവർ “മഹാക​ഷ്ട​ത്തിൽനി​ന്നു” ജീവ​നോ​ടെ പുറത്തു‘വരുന്ന​വ​രാണ്‌.’ (വെളി​പ്പാ​ടു 7:9, 14) എന്നാൽ ഓരോ വ്യക്തി​ക്കും തന്റെ അതിജീ​വനം എങ്ങനെ ഉറപ്പാ​ക്കാ​നാ​കും? പൗലൊസ്‌ അപ്പോ​സ്‌തലൻ ആ ചോദ്യ​ത്തിന്‌ ഉത്തരം നൽകുന്നു. അതിജീ​വി​ക്കു​ന്ന​തിന്‌ അവന്റെ നാളിൽ ബാധക​മാ​യ​തും നമ്മുടെ നാളിൽ ബാധക​മാ​കു​ന്ന​തു​മായ ഉത്തമ ബുദ്ധ്യു​പ​ദേശം റോമർ 10-ാം അധ്യാ​യ​ത്തിൽ അവൻ നൽകു​ന്നുണ്ട്‌.

രക്ഷയ്‌ക്കാ​യു​ള്ളൊ​രു പ്രാർഥന

7. (എ) റോമർ 10:1, 2-ൽ ഏതു പ്രത്യാശ തിരി​ച്ച​റി​യി​ച്ചി​രി​ക്കു​ന്നു? (ബി) ഇപ്പോൾ കൂടുതൽ വ്യാപ​ക​മാ​യി “സുവാർത്ത” ഘോഷി​ക്ക​പ്പെ​ടാൻ യഹോവ ഇടയാ​ക്കു​ന്ന​തെ​ന്തു​കൊണ്ട്‌?

⁷ പൗലൊസ്‌ റോമർക്കുള്ള ലേഖനം എഴുതി​യ​പ്പോൾ, യഹോവ ഇസ്രാ​യേ​ലി​നെ ഒരു ജനതയെന്ന നിലയിൽ അതി​നോ​ട​കം​തന്നെ തള്ളിക്ക​ള​ഞ്ഞി​രു​ന്നു. എന്നിട്ടും, അപ്പോ​സ്‌തലൻ തറപ്പി​ച്ചു​പ​റഞ്ഞു: “അവർ രക്ഷിക്ക​പ്പെ​ടേണം എന്നു തന്നേ എന്റെ ഹൃദയ​വാ​ഞ്‌ഛ​യും അവർക്കു​വേണ്ടി ദൈവ​ത്തോ​ടുള്ള യാചന​യും ആകുന്നു.” യഹൂദ​ന്മാർ വ്യക്തി​പ​ര​മായ അടിസ്ഥാ​ന​ത്തിൽ ദൈവ​ഹി​ത​ത്തെ​ക്കു​റി​ച്ചുള്ള സൂക്ഷ്‌മ​പ​രി​ജ്ഞാ​നം നേടി രക്ഷ പ്രാപി​ക്ക​ണ​മെ​ന്ന​താ​യി​രു​ന്നു അവന്റെ പ്രത്യാശ. (റോമർ 10:1, 2) കൂടാതെ, യോഹ​ന്നാൻ 3:16-ൽ സൂചി​പ്പി​ക്കു​ന്ന​തു​പോ​ലെ, വിശ്വാ​സം പ്രകട​മാ​ക്കി മുഴു​മ​നു​ഷ്യ​വർഗ​വും രക്ഷ പ്രാപി​ക്ക​ണ​മെന്നു യഹോവ ആഗ്രഹി​ക്കു​ന്നു: “തന്റെ ഏകജാ​ത​നായ പുത്ര​നിൽ വിശ്വ​സി​ക്കുന്ന ഏവനും നശിച്ചു​പോ​കാ​തെ നിത്യ​ജീ​വൻ പ്രാപി​ക്കേ​ണ്ട​തി​ന്നു ദൈവം അവനെ നല്‌കു​വാൻ തക്കവണ്ണം ലോകത്തെ സ്‌നേ​ഹി​ച്ചു.” യേശു​വി​ന്റെ മറുവി​ല​യാ​ഗം ആ മഹത്തായ രക്ഷയ്‌ക്കു വഴി തുറന്നു. നോഹ​യു​ടെ നാളി​ലും തുടർന്നുള്ള മറ്റു ന്യായ​വി​ധി നാളു​ക​ളി​ലും സംഭവി​ച്ച​തു​പോ​ലെ, രക്ഷയ്‌ക്കുള്ള വഴി കാണി​ച്ചു​കൊ​ടു​ത്തു​കൊണ്ട്‌ യഹോവ “സുവാർത്ത” ഘോഷി​പ്പി​ച്ചു.—മർക്കൊസ്‌ 13:10, 19, 20.

8. പൗലൊ​സി​ന്റെ മാതൃക പിൻപ​റ്റി​ക്കൊണ്ട്‌, സത്യ​ക്രി​സ്‌ത്യാ​നി​കൾ ഇന്ന്‌ ആരിൽ താത്‌പ​ര്യം പ്രകട​മാ​ക്കു​ന്നു, എങ്ങനെ?

⁸ യഹൂദ​ന്മാ​രോ​ടും വിജാ​തീ​യ​രോ​ടു​മുള്ള തന്റെ ഹൃദയ​വാഞ്‌ഛ പ്രകട​മാ​ക്കി​ക്കൊണ്ട്‌, പൗലൊസ്‌ എല്ലാ അവസര​ങ്ങ​ളി​ലും പ്രസം​ഗി​ച്ചു. അവൻ “യെഹൂ​ദ​ന്മാ​രെ​യും യവനന്മാ​രെ​യും സമ്മതി​പ്പി​ച്ചു.” അവൻ എഫെ​സൊ​സി​ലെ മൂപ്പന്മാ​രോ​ടു പറഞ്ഞു: ‘പ്രയോ​ജ​ന​മു​ള്ളതു ഒന്നും മറെച്ചു​വെ​ക്കാ​തെ പരസ്യ​മാ​യും വീടു​തോ​റും നിങ്ങ​ളോ​ടു അറിയി​ക്ക​യും ഉപദേ​ശി​ക്ക​യും ചെയ്‌തു. ദൈവ​ത്തി​ങ്ക​ലേ​ക്കുള്ള മാനസാ​ന്ത​ര​വും നമ്മുടെ കർത്താ​വായ യേശു​ക്രി​സ്‌തു​വി​ലുള്ള വിശ്വാ​സ​വും യെഹൂ​ദ​ന്മാർക്കും യവനന്മാർക്കും സാക്ഷീ​ക​രി​ച്ചു.’ (പ്രവൃ​ത്തി​കൾ 18:4; 20:20, 21) അതു​പോ​ലെ, യഹോ​വ​യു​ടെ സാക്ഷികൾ ഇന്ന്‌, ക്രിസ്‌ത്യാ​നി​ക​ളെന്ന്‌ അവകാ​ശ​പ്പെ​ടു​ന്ന​വ​രോ​ടു​മാ​ത്രമല്ല, എല്ലാ ആളുക​ളോ​ടും, “ഭൂമി​യു​ടെ അററ​ത്തോ​ള​വും” സുവാർത്ത പ്രസം​ഗി​ക്കു​ന്ന​തിൽ കഠിന​മാ​യി പ്രവർത്തി​ക്കു​ന്നു.—പ്രവൃ​ത്തി​കൾ 1:8; 18:5.

“വിശ്വാ​സ​വ​ചനം” ഏറ്റുപ​റ​യൽ

9. (എ) റോമർ 10:8, 9 ഏതുതരം വിശ്വാ​സ​ത്തെ​യാ​ണു പ്രോ​ത്സാ​ഹി​പ്പി​ക്കു​ന്നത്‌? (ബി) നമ്മുടെ വിശ്വാ​സം നാം എപ്പോൾ, എങ്ങനെ ഏറ്റുപ​റ​യണം?

⁹ നിലനിൽക്കുന്ന വിശ്വാ​സം രക്ഷയ്‌ക്കാ​വ​ശ്യ​മാണ്‌. ആവർത്ത​ന​പു​സ്‌തകം 30:14 ഉദ്ധരി​ച്ചു​കൊണ്ട്‌ പൗലൊസ്‌ പ്രഖ്യാ​പി​ച്ചു: ‘“വചനം നിനക്കു സമീപ​മാ​യി നിന്റെ വായി​ലും നിന്റെ ഹൃദയ​ത്തി​ലും ഇരിക്കു​ന്നു;” അതു ഞങ്ങൾ പ്രസം​ഗി​ക്കുന്ന വിശ്വാ​സ​വ​ചനം തന്നേ.’ (റോമർ 10:8) നാം ആ “വിശ്വാ​സ​വ​ചനം” പ്രസം​ഗി​ക്കു​മ്പോൾ, അതു നമ്മുടെ ഹൃദയ​ത്തിൽ അധിക​മ​ധി​കം രൂഢമൂ​ല​മാ​യി​ത്തീ​രു​ന്നു. പൗലൊ​സി​ന്റെ കാര്യ​ത്തിൽ അത്‌ അങ്ങനെ​യാ​യി​രു​ന്നു. മറ്റുള്ള​വ​രു​മാ​യി ആ വിശ്വാ​സം പങ്കു​വെ​ക്കു​ന്ന​തിൽ അവനെ​പ്പോ​ലെ​യാ​കാ​നുള്ള നമ്മുടെ ദൃഢനി​ശ്ച​യത്തെ ബലിഷ്‌ഠ​മാ​ക്കു​ന്ന​താണ്‌ അവന്റെ തുടർന്നുള്ള വാക്കുകൾ: “യേശു​വി​നെ കർത്താവു എന്നു വായി​കൊ​ണ്ടു ഏററു​പ​റ​ക​യും ദൈവം അവനെ മരിച്ച​വ​രിൽനി​ന്നു ഉയിർത്തെ​ഴു​ന്നേ​ല്‌പി​ച്ചു എന്നു ഹൃദയം​കൊ​ണ്ടു വിശ്വ​സി​ക്ക​യും ചെയ്‌താൽ നീ രക്ഷിക്ക​പ്പെ​ടും.” (റോമർ 10:9) മറ്റുള്ള​വ​രു​ടെ മുമ്പാ​കെ​യുള്ള ഈ ഏറ്റുപ​റ​ച്ചിൽ സ്‌നാ​പ​ന​സ​മ​യത്തു മാത്രമല്ല, സത്യത്തി​ന്റെ എല്ലാ മഹനീയ വശങ്ങ​ളെ​യും​കു​റിച്ച്‌ പരസ്യ​സാ​ക്ഷീ​ക​രണം നടത്തുന്ന, തുടർച്ച​യാ​യി ചെയ്യുന്ന ഒരു ഏറ്റുപ​റ​ച്ചി​ലാ​യി​രി​ക്കണം. അത്തരം സത്യം പരമാ​ധീശ കർത്താ​വായ യഹോ​വ​യു​ടെ മഹനീയ നാമ​ത്തെ​യും നമ്മുടെ മിശി​ഹൈക രാജാ​വും മറുവി​ല​ദാ​താ​വും കർത്താ​വു​മായ യേശു​ക്രി​സ്‌തു​വി​നെ​യും മഹത്തായ രാജ്യ​വാ​ഗ്‌ദാ​ന​ങ്ങ​ളെ​യും കേന്ദ്രീ​ക​രി​ച്ചു​ള്ള​താണ്‌.

10. റോമർ 10:10, 11-നോടുള്ള ചേർച്ച​യിൽ, നാം ഈ “വിശ്വാ​സ​വ​ചനം” കൈകാ​ര്യം ചെയ്യേ​ണ്ട​തെ​ങ്ങനെ?

¹⁰ അപ്പോ​സ്‌തലൻ തുടർന്നു പ്രസ്‌താ​വി​ക്കു​ന്ന​തു​പോ​ലെ, ഈ “വിശ്വാ​സ​വ​ചനം” സ്വീക​രി​ച്ചു ബാധക​മാ​ക്കാത്ത ആർക്കും രക്ഷയില്ല: ‘ഹൃദയം​കൊ​ണ്ടു നീതി​ക്കാ​യി വിശ്വ​സി​ക്ക​യും വായി​കൊ​ണ്ടു രക്ഷെക്കാ​യി ഏററു​പ​റ​ക​യും ചെയ്യുന്നു. “അവനിൽ വിശ്വ​സി​ക്കു​ന്നവൻ ഒരുത്ത​നും ലജ്ജിച്ചു​പോ​ക​യില്ല” എന്നു തിരു​വെ​ഴു​ത്തിൽ അരുളി​ച്ചെ​യ്യു​ന്നു​വ​ല്ലോ.’ (റോമർ 10:10, 11) നാം ഈ “വിശ്വാ​സ​വചന”ത്തെക്കു​റിച്ച്‌ സൂക്ഷ്‌മ​പ​രി​ജ്ഞാ​നം നേടി അതു ഹൃദയ​ത്തിൽ താലോ​ലി​ക്കു​ന്ന​തിൽ തുടരണം, അങ്ങനെ അതെക്കു​റി​ച്ചു മറ്റുള്ള​വ​രോ​ടു പറയാൻ നാം പ്രചോ​ദി​ത​രാ​കും. യേശു​ത​ന്നെ​യും നമ്മെ ഇങ്ങനെ അനുസ്‌മ​രി​പ്പി​ക്കു​ന്നു: “വ്യഭി​ചാ​ര​വും പാപവും ഉള്ള ഈ തലമു​റ​യിൽ ആരെങ്കി​ലും എന്നെയും എന്റെ വചനങ്ങ​ളെ​യും കുറിച്ചു നാണി​ച്ചാൽ അവനെ​ക്കു​റി​ച്ചു മനുഷ്യ​പു​ത്ര​നും തന്റെ പിതാ​വി​ന്റെ തേജസ്സിൽ വിശുദ്ധ ദൂതൻമാ​രു​മാ​യി വരു​മ്പോൾ നാണി​ക്കും.”—മർക്കൊസ്‌ 8:38.

11. സുവാർത്ത എത്ര വ്യാപ​ക​മാ​യി പ്രസം​ഗി​ക്ക​പ്പെ​ടണം, എന്തു​കൊണ്ട്‌?

¹¹ പ്രവാ​ച​ക​നായ ദാനീ​യേൽ മുൻകൂ​ട്ടി​പ്പ​റ​ഞ്ഞ​തു​പോ​ലെ, ഈ അന്ത്യകാ​ലത്ത്‌ രാജ്യ​സാ​ക്ഷ്യം ഭൂമി​യു​ടെ എല്ലാ ഭാഗ​ത്തേ​ക്കും വ്യാപി​ക്കു​ന്ന​ത​നു​സ​രിച്ച്‌ “ബുദ്ധി​മാ​ന്മാർ [“ഉൾക്കാ​ഴ്‌ച​യു​ള്ളവർ,” NW] ആകാശ​മ​ണ്ഡ​ല​ത്തി​ന്റെ പ്രഭ​പോ​ലെ” പ്രശോ​ഭി​ക്കു​ന്ന​വ​രാ​യി കാണ​പ്പെ​ടു​ന്നു. അവർ “പലരെ​യും നീതി​യി​ലേക്കു തിരിക്കു”കയാണ്‌. യഥാർഥ ജ്ഞാനം നിശ്ചയ​മാ​യും സമൃദ്ധ​മാ​യി​രി​ക്കു​ന്നു, എന്തെന്നാൽ ഈ അന്ത്യകാ​ല​ത്തെ​ക്കു​റി​ച്ചുള്ള പ്രവച​ന​ങ്ങ​ളി​ന്മേൽ യഹോവ പൂർവാ​ധി​കം പ്രകാശം ചൊരി​യു​ക​യാണ്‌. (ദാനീ​യേൽ 12:3, 4) സത്യ​ത്തെ​യും നീതി​യെ​യും സ്‌നേ​ഹി​ക്കുന്ന സകലരു​ടെ​യും അതിജീ​വ​ന​ത്തിന്‌ മർമ​പ്ര​ധാ​ന​മായ രക്ഷാസ​ന്ദേശം ഇതാണ്‌.

12. റോമർ 10:12-ഉം വെളി​പ്പാ​ടു 14:6-ൽ വർണി​ച്ചി​രി​ക്കുന്ന ദൂതന്റെ നിയമ​ന​വും പരസ്‌പരം ബന്ധപ്പെ​ട്ടി​രി​ക്കു​ന്ന​തെ​ങ്ങനെ?

¹² പൗലൊസ്‌ അപ്പോ​സ്‌തലൻ തുടരു​ന്നു: “യെഹൂദൻ എന്നും യവനൻ എന്നും വ്യത്യാ​സ​മില്ല; എല്ലാവർക്കും കർത്താവു ഒരുവൻ തന്നേ; അവൻ തന്നെ വിളി​ച്ച​പേ​ക്ഷി​ക്കുന്ന എല്ലാവർക്കും നല്‌കു​വാ​ന്ത​ക്ക​വണ്ണം സമ്പന്നൻ ആകുന്നു.” (റോമർ 10:12) “സുവാർത്ത” ഇന്ന്‌ കൂടുതൽ ആഗോ​ള​മായ അടിസ്ഥാ​ന​ത്തിൽ ഭൂമി​യു​ടെ എല്ലാ ഭാഗത്തു​മുള്ള എല്ലാ ആളുക​ളോ​ടും പ്രസം​ഗി​ക്ക​പ്പെ​ടേ​ണ്ട​താണ്‌. വെളി​പ്പാ​ടു 14:6-ലെ ദൂതൻ ‘ഭൂവാ​സി​ക​ളായ സകലജാ​തി​യും ഗോ​ത്ര​വും ഭാഷയും വംശവും ആയവ​രോ​ടു അറിയി​പ്പാ​നുള്ള ഒരു നിത്യ​സു​വി​ശേഷം’ നമ്മെ ഏൽപ്പി​ച്ചു​കൊണ്ട്‌ ആകാശ​മ​ധ്യേ പറക്കു​ന്നത്‌ തുടരു​ക​യാണ്‌. പ്രതി​ക​രി​ക്കു​ന്ന​വർക്ക്‌ ഇതെങ്ങനെ പ്രയോ​ജനം ചെയ്യും?

യഹോ​വ​യു​ടെ നാമം വിളി​ച്ച​പേ​ക്ഷി​ക്കൽ

13. (എ) 1998-ലേക്കുള്ള നമ്മുടെ വാർഷി​ക​വാ​ക്യ​മെന്ത്‌? (ബി) ഈ വാർഷി​ക​വാ​ക്യം ഇന്ന്‌ ഏറ്റവും ഉചിത​മാ​യി​രി​ക്കു​ന്ന​തെ​ന്തു​കൊണ്ട്‌?

¹³ യോവേൽ 2:32 ഉദ്ധരി​ച്ചു​കൊണ്ട്‌ പൗലൊസ്‌ പ്രഖ്യാ​പി​ക്കു​ന്നു: “യഹോ​വ​യു​ടെ നാമം വിളി​ച്ച​പേ​ക്ഷി​ക്കുന്ന എല്ലാവ​രും രക്ഷിക്ക​പ്പെ​ടും.” (റോമർ 10:13, NW) ആ വാക്കുകൾ 1998-ലേക്കുള്ള യഹോ​വ​യു​ടെ സാക്ഷി​ക​ളു​ടെ വാർഷി​ക​വാ​ക്യ​മാ​യി തിര​ഞ്ഞെ​ടു​ക്ക​പ്പെ​ട്ടി​രി​ക്കു​ന്നത്‌ എത്രയോ ഉചിതം! അവന്റെ നാമവും അതർഥ​മാ​ക്കുന്ന മഹത്തായ ഉദ്ദേശ്യ​ങ്ങ​ളും അറിയി​ച്ചു​കൊണ്ട്‌ യഹോ​വ​യി​ലുള്ള ആശ്രയ​ത്തോ​ടെ മുന്നോ​ട്ടു​പോ​കു​ന്ന​തിന്‌ ഇപ്പോൾ പൂർവാ​ധി​കം പ്രാധാ​ന്യ​മുണ്ട്‌! ഒന്നാം നൂറ്റാ​ണ്ടി​ലേ​തു​പോ​ലെ, ഈ ദുഷിച്ച വ്യവസ്ഥി​തി​യു​ടെ അന്ത്യനാ​ളു​ക​ളിൽ മാറ്റൊ​ലി​കൊ​ള്ളുന്ന ആഹ്വാനം തുടരു​ക​യാണ്‌: “ഈ വക്രത​യുള്ള തലമു​റ​യിൽനി​ന്നു രക്ഷിക്ക​പ്പെ​ടു​വിൻ.” (പ്രവൃ​ത്തി​കൾ 2:40) തങ്ങൾക്കും തങ്ങളുടെ സുവാർത്ത​യു​ടെ പരസ്യ​പ്ര​ഖ്യാ​പനം ശ്രദ്ധി​ക്കു​ന്ന​വർക്കും രക്ഷ പ്രദാ​നം​ചെ​യ്യു​ന്ന​തിന്‌ യഹോ​വ​യു​ടെ നാമം വിളി​ച്ച​പേ​ക്ഷി​ക്കാൻ ലോക​മെ​മ്പാ​ടു​മുള്ള ദൈവ​ഭ​ക്ത​രായ ഏവർക്കു​മുള്ള ഒരു കാഹള​ധ്വ​നി​സ​മാന ക്ഷണമാണ്‌ അത്‌.—1 തിമൊ​ഥെ​യൊസ്‌ 4:16.

14. ഏതു പാറ​യെ​യാ​ണു നാം രക്ഷയ്‌ക്കാ​യി വിളി​ച്ച​പേ​ക്ഷി​ക്കേ​ണ്ടത്‌?

¹⁴ ഭൂമി​യിൽ യഹോ​വ​യു​ടെ മഹാ ദിവസം പൊട്ടി​പ്പു​റ​പ്പെ​ടു​മ്പോൾ എന്തു സംഭവി​ക്കും? മിക്കവ​രും രക്ഷയ്‌ക്കാ​യി യഹോ​വ​യി​ങ്ക​ലേക്കു നോക്കു​ക​യില്ല. മനുഷ്യ​വർഗം പൊതു​വേ “മലക​ളോ​ടും പാറക​ളോ​ടും; ഞങ്ങളുടെ മേൽ വീഴു​വിൻ; സിംഹാ​സ​ന​ത്തിൽ ഇരിക്കു​ന്ന​വന്റെ മുഖം കാണാ​ത​വ​ണ്ണ​വും കുഞ്ഞാ​ട്ടി​ന്റെ കോപം തട്ടാത​വ​ണ്ണ​വും ഞങ്ങളെ മറെപ്പിൻ” എന്നു പറഞ്ഞു​കൊ​ണ്ടി​രി​ക്കും. (വെളി​പ്പാ​ടു 6:15, 16) അവരുടെ പ്രത്യാശ ഈ വ്യവസ്ഥി​തി​യി​ലെ പർവത​സ​മാന സംഘട​ന​ക​ളി​ലും സ്ഥാപന​ങ്ങ​ളി​ലു​മാ​യി​രി​ക്കും. എന്നാൽ ഏറ്റവും വലിയ പാറയായ യഹോ​വ​യാം ദൈവ​ത്തിൽ അവർ ആശ്രയി​ക്കു​ന്നെ​ങ്കിൽ എത്ര നന്നായി​രു​ന്നേനേ! (ആവർത്ത​ന​പു​സ്‌തകം 32:3, 4) അവനെ​ക്കു​റി​ച്ചു ദാവീദ്‌ രാജാവ്‌ പറഞ്ഞു: “യഹോവ എന്റെ ശൈല​വും എന്റെ കോട്ട​യും എന്റെ രക്ഷകനും” ആകുന്നു. യഹോവ ‘നമ്മുടെ രക്ഷയുടെ പാറ’യുമാ​കു​ന്നു. (സങ്കീർത്തനം 18:2; 95:1) അവന്റെ നാമം “ബലമുള്ള ഗോപുര”മാണ്‌, വരാനി​രി​ക്കുന്ന പ്രതി​സ​ന്ധി​യിൽനി​ന്നു നമ്മെ സംരക്ഷി​ക്കാൻ മതിയായ ശക്തിയുള്ള ഒരേ​യൊ​രു “ഗോപുര”മാണ്‌. (സദൃശ​വാ​ക്യ​ങ്ങൾ 18:10) അതു​കൊണ്ട്‌, ഇന്നു ജീവി​ച്ചി​രി​ക്കുന്ന അറുന്നൂ​റു കോടി​യാ​ളു​ക​ളിൽ സാധി​ക്കു​ന്ന​ത്ര​യും​പേരെ വിശ്വ​സ്‌ത​ത​യോ​ടെ​യും ആത്മാർഥ​ത​യോ​ടെ​യും യഹോ​വ​യു​ടെ നാമം വിളി​ച്ച​പേ​ക്ഷി​ക്കാൻ പഠിപ്പി​ക്കു​ന്നത്‌ മർമ​പ്ര​ധാ​ന​മാണ്‌.

15. വിശ്വാ​സ​വു​മാ​യി ബന്ധപ്പെട്ട്‌ റോമർ 10:14 എന്തു സൂചി​പ്പി​ക്കു​ന്നു?

¹⁵ ഉചിത​മാ​യി​ത്തന്നെ, പൗലൊസ്‌ അപ്പോ​സ്‌തലൻ തുടർന്നി​ങ്ങനെ ചോദി​ക്കു​ന്നു: “എന്നാൽ അവർ വിശ്വ​സി​ക്കാ​ത്ത​വനെ എങ്ങനെ വിളി​ച്ച​പേ​ക്ഷി​ക്കും?” (റോമർ 10:14) രക്ഷയ്‌ക്കാ​യി യഹോ​വയെ വിളി​ച്ച​പേ​ക്ഷി​ക്കാൻ “വിശ്വാ​സ​വ​ചനം” ഹൃദി​സ്ഥ​മാ​ക്കണം, അതിനു സഹായം ലഭിക്കേണ്ട നിരവ​ധി​യാ​ളു​കൾ ഇനിയു​മുണ്ട്‌. വിശ്വാ​സം മർമ​പ്ര​ധാ​ന​മാണ്‌. പൗലൊസ്‌ മറ്റൊരു ലേഖന​ത്തിൽ പ്രസ്‌താ​വി​ക്കു​ന്നു: “വിശ്വാ​സം കൂടാതെ ദൈവത്തെ പ്രസാ​ദി​പ്പി​പ്പാൻ കഴിയു​ന്നതല്ല; ദൈവ​ത്തി​ന്റെ അടുക്കൽ വരുന്നവൻ ദൈവം ഉണ്ടു എന്നും തന്നെ അന്വേ​ഷി​ക്കു​ന്ന​വർക്കു പ്രതി​ഫലം കൊടു​ക്കു​ന്നു എന്നും വിശ്വ​സി​ക്കേ​ണ്ട​ത​ല്ലോ.” (എബ്രായർ 11:6) എന്നിരു​ന്നാ​ലും, ഇനിയും ലക്ഷക്കണ​ക്കി​നാ​ളു​കൾ ദൈവ​ത്തിൽ വിശ്വാ​സം അർപ്പി​ക്കു​മോ? റോമർക്കുള്ള ലേഖന​ത്തിൽ പൗലൊസ്‌ ചോദി​ക്കു​ന്നു: “അവർ കേട്ടി​ട്ടി​ല്ലാ​ത്ത​വ​നിൽ എങ്ങനെ വിശ്വ​സി​ക്കും?” (റോമർ 10:14) യഹോവ അവർക്കു കേൾക്കാ​നുള്ള അവസര​മൊ​രു​ക്കു​ന്നു​ണ്ടോ? നിശ്ചയ​മാ​യും ഉണ്ട്‌! പൗലൊസ്‌ തുടർന്നു പറയു​ന്നത്‌ കേൾക്കുക: “പ്രസം​ഗി​ക്കു​ന്നവൻ ഇല്ലാതെ എങ്ങനെ കേൾക്കും?”

16. ദിവ്യ​ക്ര​മീ​ക​ര​ണ​ത്തിൽ, പ്രസം​ഗകർ അത്യന്താ​പേ​ക്ഷി​ത​മാ​യി​രി​ക്കു​ന്ന​തെ​ന്തു​കൊണ്ട്‌?

¹⁶ പ്രസം​ഗ​കരെ ആവശ്യ​മു​ണ്ടെ​ന്നത്‌ പൗലൊ​സി​ന്റെ വാദഗ​തി​യിൽനി​ന്നു സുവ്യ​ക്ത​മാണ്‌. “വ്യവസ്ഥി​തി​യു​ടെ സമാപ​നം​വരെ” പ്രസം​ഗ​കരെ ആവശ്യ​മു​ണ്ടെന്നു യേശു സൂചി​പ്പി​ച്ചു. (മത്തായി 24:14; 28:18-20) രക്ഷയ്‌ക്കാ​യി യഹോ​വ​യു​ടെ നാമം വിളി​ച്ച​പേ​ക്ഷി​ക്കാൻ ആളുകളെ സഹായി​ക്കു​ന്ന​തി​നുള്ള ദിവ്യ​ക്ര​മീ​ക​ര​ണ​ത്തിൽ പ്രസം​ഗ​വേല അടിസ്ഥാന സംഗതി​യാണ്‌. ക്രൈ​സ്‌ത​വ​ലോ​ക​ത്തിൽപ്പോ​ലും മിക്കവ​രും ദൈവ​ത്തി​ന്റെ മഹനീയ നാമത്തെ ബഹുമാ​നി​ക്കാൻ യാതൊ​ന്നും ചെയ്യു​ന്നില്ല. വിശദീ​ക​ര​ണാ​തീ​ത​മായ ത്രി​ത്വോ​പ​ദേ​ശ​ത്തി​ലെ മറ്റു രണ്ടു ഘടകങ്ങ​ളു​മാ​യി അനേകർ യഹോ​വയെ കൂട്ടി​ക്കു​ഴ​ച്ചി​രി​ക്കു​ന്നു, അങ്ങനെ അവർ ആശയറ്റ നിലയി​ലാണ്‌. ഇനി, അനേക​രും സങ്കീർത്തനം 14:1-ഉം 53:1-ഉം പറയുന്ന വിഭാ​ഗ​ത്തിൽപ്പെ​ടു​ന്നു: “ദൈവം ഇല്ല എന്നു മൂഢൻ തന്റെ ഹൃദയ​ത്തിൽ പറയുന്നു.” യഹോവ ജീവി​ക്കുന്ന ദൈവ​മാ​ണെന്ന്‌ അവർ അറി​യേ​ണ്ട​തുണ്ട്‌. കൂടാതെ ആസന്നമാ​യി​രി​ക്കുന്ന മഹോ​പ​ദ്ര​വ​ത്തിൽനി​ന്നു രക്ഷപ്പെ​ട​ണ​മെ​ങ്കിൽ അവന്റെ നാമം എന്തിനു​വേണ്ടി നില​കൊ​ള്ളു​ന്നു​വെ​ന്നും അവർ മനസ്സി​ലാ​ക്കണം.

പ്രസം​ഗ​ക​രു​ടെ ‘മനോഹര പാദങ്ങൾ’

17. (എ) ഒരു പുനഃ​സ്ഥാ​പന പ്രവചനം ഉദ്ധരി​ക്കു​ന്നത്‌ പൗലൊ​സി​നെ സംബന്ധി​ച്ചി​ട​ത്തോ​ളം ഉചിത​മാ​യി​രി​ക്കു​ന്ന​തെ​ന്തു​കൊണ്ട്‌? (ബി) ‘മനോഹര പാദങ്ങൾ’ ഉണ്ടായി​രി​ക്കു​ന്ന​തിൽ എന്തുൾപ്പെ​ട്ടി​രി​ക്കു​ന്നു?

¹⁷ പൗലൊസ്‌ അപ്പോ​സ്‌തലൻ മർമ​പ്ര​ധാ​ന​മായ ഒരു ചോദ്യം​കൂ​ടെ ചോദി​ക്കു​ന്നു: ‘ആരും അയക്കാതെ എങ്ങനെ പ്രസം​ഗി​ക്കും? “നന്മ സുവി​ശേ​ഷി​ക്കു​ന്ന​വ​രു​ടെ കാൽ [“പാദങ്ങൾ,” NW] എത്ര മനോ​ഹരം” എന്നു എഴുതി​യി​രി​ക്കു​ന്നു​വ​ല്ലോ.” (റോമർ 10:15) പൗലൊസ്‌ ഇവിടെ യെശയ്യാ​വു 52:7 ഉദ്ധരി​ക്കു​ക​യാണ്‌. അതാകട്ടെ 1919 മുതലുള്ള കാലഘ​ട്ട​ത്തി​നു ബാധക​മാ​യി​രി​ക്കുന്ന പുനഃ​സ്ഥി​തീ​കരണ പ്രവച​ന​ത്തി​ന്റെ ഭാഗമാ​ണു​താ​നും. ഇന്ന്‌, യഹോവ വീണ്ടും “സമാധാ​നത്തെ ഘോഷി​ച്ചു നന്മയെ സുവി​ശേ​ഷി​ക്ക​യും രക്ഷയെ പ്രസി​ദ്ധ​മാ​ക്കു​ക​യും”ചെയ്യു​ന്ന​വനെ അയയ്‌ക്കു​ക​യാണ്‌. അനുസ​ര​ണ​യോ​ടെ, ദൈവ​ത്തി​ന്റെ അഭിഷിക്ത ‘കാവൽക്കാ​രും’ അവരുടെ സഹകാ​രി​ക​ളും സന്തോ​ഷ​ത്തോ​ടെ ഘോഷി​ക്കു​ക​യാണ്‌. (യെശയ്യാ​വു 52:7, 8) ഇന്നു രക്ഷ പ്രസി​ദ്ധ​മാ​ക്കി വീടു​തോ​റും പോകു​ന്ന​വ​രു​ടെ പാദങ്ങൾ ക്ഷീണി​ക്കു​ക​യോ അവയിൽ പൊടി പറ്റുക​യോ ചെയ്‌തേ​ക്കാം; എന്നാൽ അവരുടെ മുഖം ആഹ്ലാദ​ത്താൽ വെട്ടി​ത്തി​ള​ങ്ങു​ക​യാണ്‌! സമാധാ​ന​സു​വാർത്ത ഘോഷി​ക്കാ​നും വിലപി​ക്കു​ന്ന​വരെ ആശ്വസി​പ്പി​ക്കാ​നും, അങ്ങനെ അവരെ രക്ഷയ്‌ക്കാ​യി യഹോ​വ​യു​ടെ നാമം വിളി​ച്ച​പേ​ക്ഷി​ക്കാൻ സഹായി​ക്കാ​നും തങ്ങളെ നിയമി​ച്ചി​രി​ക്കു​ന്നത്‌ യഹോ​വ​യാ​ണെന്ന്‌ അവർക്ക​റി​യാം.

18. സുവാർത്ത ഘോഷി​ക്കു​ന്ന​തി​ന്റെ അവസാന ഫലമെ​ന്താ​യി​രി​ക്കു​മെ​ന്നാണ്‌ റോമർ 10:16-18 പറയു​ന്നത്‌?

¹⁸ ‘കേട്ട സംഗതി’ ആളുകൾ ‘വിശ്വ​സി​ച്ചാ’ലും നിരസി​ച്ചാ​ലും പൗലൊ​സി​ന്റെ വാക്കുകൾ സത്യമാണ്‌: ‘അവർ കേട്ടി​ല്ല​യോ? കേട്ടി​രി​ക്കു​ന്നു നിശ്ചയം.’ എന്തിന്‌, വാസ്‌ത​വ​ത്തിൽ “അവരുടെ നാദം സർവ്വഭൂ​മി​യി​ലും അവരുടെ വചനം ഭൂതല​ത്തി​ന്റെ അററ​ത്തോ​ള​വും പരന്നു.” (റോമർ 10:16-18) സൃഷ്ടി​വേ​ല​ക​ളിൽ പ്രകട​മാ​യി​രി​ക്കു​ന്ന​പ്ര​കാ​രം “ആകാശം ദൈവ​ത്തി​ന്റെ മഹത്വത്തെ വർണ്ണി​ക്കുന്ന”തുപോ​ലെ, ഭൂമി​യിൽ അവന്റെ സാക്ഷികൾ “യഹോ​വ​യു​ടെ പ്രസാ​ദ​വർഷ​വും നമ്മുടെ ദൈവ​ത്തി​ന്റെ പ്രതി​കാ​ര​ദി​വ​സ​വും പ്രസി​ദ്ധ​മാ​ക്കു”കയും “ദുഃഖി​ത​ന്മാ​രെ​യൊ​ക്കെ​യും ആശ്വസി​പ്പി”ക്കുകയും വേണം. (സങ്കീർത്തനം 19:1-4; യെശയ്യാ​വു 61:2, 3)

19. ഇന്നു ‘യഹോ​വ​യു​ടെ നാമം’ വിളി​ച്ച​പേ​ക്ഷി​ക്കു​ന്ന​വർക്ക്‌ എന്തു സംഭവി​ക്കും?

¹⁹ യഹോ​വ​യു​ടെ വലുതും അതിഭ​യ​ങ്ക​ര​വു​മായ ദിവസം പൂർവാ​ധി​കം അടുത്തു​വ​രു​ക​യാണ്‌. “ആ ദിവസം അയ്യോ കഷ്ടം! യഹോ​വ​യു​ടെ ദിവസം അടുത്തി​രി​ക്കു​ന്നു. അതു സർവ്വശ​ക്തന്റെ പക്കൽനി​ന്നു സംഹാ​രം​പോ​ലെ വരുന്നു.” (യോവേൽ 1:15; 2:31) ജനതതി​കൾ സുവാർത്ത​യോട്‌ അടിയ​ന്തി​ര​മാ​യി പ്രതി​ക​രിച്ച്‌ യഹോ​വ​യു​ടെ സ്ഥാപന​ത്തി​ലേക്ക്‌ ചേക്കേ​റ​ണ​മെ​ന്ന​താ​ണു നമ്മുടെ പ്രാർഥന. (യെശയ്യാ​വു 60:8; ഹബക്കൂക്‌ 2:3) ദുഷ്ടന്മാർക്കു നാശം വരുത്തിയ യഹോ​വ​യു​ടെ മറ്റു ദിവസ​ങ്ങ​ളെ​ക്കു​റി​ച്ചോർക്കുക—നോഹ​യു​ടെ നാൾ, ലോത്തി​ന്റെ നാൾ, വിശ്വാ​സ​ത്യാ​ഗി​ക​ളായ ഇസ്രാ​യേ​ലി​ന്റെ​യും യഹൂദ​യു​ടെ​യും നാളുകൾ. നിത്യ​സ​മാ​ധാ​നം കുടി​കൊ​ള്ളുന്ന പറുദീ​സ​യ്‌ക്കു വഴി​യൊ​രു​ക്കാ​നുള്ള, യഹോ​വ​യു​ടെ കൊടു​ങ്കാറ്റ്‌ ഈ ഭൂമി​യിൽനി​ന്നു ദുഷ്ടത തുടച്ചു​നീ​ക്കാ​നി​രി​ക്കുന്ന എക്കാല​ത്തെ​ക്കാ​ളും വലിയ മഹോ​പ​ദ്ര​വ​ത്തി​ന്റെ വക്കത്താണു നാമി​പ്പോൾ. നിങ്ങൾ വിശ്വ​സ്‌ത​ത​യോ​ടെ “യഹോ​വ​യു​ടെ നാമം വിളി​ച്ച​പേ​ക്ഷി​ക്കുന്ന” ഒരുവ​നാ​യി​രി​ക്കു​മോ? എങ്കിൽ, ആഹ്ലാദി​ക്കുക! ദൈവം​ത​ന്നെ​യാണ്‌ നിങ്ങൾ രക്ഷിക്ക​പ്പെ​ടു​മെന്നു വാഗ്‌ദാ​നം ചെയ്‌തി​രി​ക്കു​ന്നത്‌.—റോമർ 10:13.

നിങ്ങൾ എങ്ങനെ ഉത്തരം പറയും?

□ പൊ.യു. 33-ലെ പെന്ത​ക്കോ​സ്‌തി​നെ​ത്തു​ടർന്ന്‌ ഏതു പുതിയ കാര്യങ്ങൾ ഘോഷി​ക്ക​പ്പെട്ടു?

□ ക്രിസ്‌ത്യാ​നി​കൾ “വിശ്വാ​സ​വചന”ത്തിനു ശ്രദ്ധ കൊടു​ക്കേ​ണ്ട​തെ​ങ്ങനെ?

□ ‘യഹോ​വ​യു​ടെ നാമം വിളി​ച്ച​പേ​ക്ഷി​ക്കുക’യെന്നതി​ന്റെ അർഥ​മെന്ത്‌?

□ ഏതർഥ​ത്തി​ലാണ്‌ രാജ്യ​സ​ന്ദേ​ശ​വാ​ഹ​കർക്ക്‌ ‘മനോഹര പാദങ്ങ’ളുള്ളത്‌?

[18-ാം പേജിലെ ചിത്രങ്ങൾ]

പോർട്ടോറിക്കോ, ഘാന, പെറു, പാപ്പുവ ന്യൂഗി​നി എന്നിവി​ട​ങ്ങ​ളിൽ—അതേ, ഗോള​മെ​മ്പാ​ടും—ദൈവ​ത്തി​ന്റെ ജനം അവന്റെ സദ്‌ഗു​ണങ്ങൾ ഘോഷി​ക്കു​ന്നു