“നിങ്ങൾ നികു​തി​കൾ അടയ്‌ക്കാൻ കടപ്പെ​ട്ടി​രി​ക്കു​ന്നു​വെ​ങ്കിൽ നികു​തി​കൾ അടയ്‌ക്കു​വിൻ”

“മരണത്തി​നും നികു​തി​കൾക്കു​മൊ​ഴി​കെ ഈ ലോക​ത്തിൽ ഒന്നിനും ഉറപ്പില്ല.” 18-ാം നൂററാ​ണ്ടി​ലെ അമേരി​ക്കൻ രാജ്യ​ത​ന്ത്ര​ജ്ഞ​നും ഉപജ്ഞാ​താ​വു​മാ​യി​രുന്ന ബഞ്ചമിൻ ഫ്രാങ്ക്‌ളിൻ അപ്രകാ​രം പറയു​ക​യു​ണ്ടാ​യി. ഒട്ടു മിക്ക​പ്പോ​ഴും ഉദ്ധരി​ക്ക​പ്പെ​ടുന്ന അദ്ദേഹ​ത്തി​ന്റെ വാക്കുകൾ പ്രതി​ഫ​ലി​പ്പി​ക്കു​ന്നത്‌ നികു​തി​ക​ളു​ടെ അനിവാ​ര്യ​ത​യെ​മാ​ത്രമല്ല അവ ഉണർത്തുന്ന ഭീതി​യെ​യു​മാണ്‌. അനേകരെ സംബന്ധി​ച്ചി​ട​ത്തോ​ളം നികു​തി​കൾ കൊടു​ക്കു​ന്നത്‌ മരിക്കു​ന്ന​തി​നു തുല്യ​മാണ്‌.

നികു​തി​കൾ കൊടു​ക്കുക എന്നത്‌ അഹിത​ക​ര​മെ​ങ്കി​ലും യഥാർഥ ക്രിസ്‌ത്യാ​നി​കൾ സഗൗരവം പരിഗ​ണി​ക്കുന്ന ഒരു കടമയാ​ണിത്‌. റോമി​ലെ ക്രിസ്‌തീയ സഭയ്‌ക്ക്‌ അപ്പോ​സ്‌ത​ല​നായ പൗലോസ്‌ എഴുതി: “ഓരോ മനുഷ്യ​നും നിങ്ങൾ അയാൾക്കു കടപ്പെ​ട്ടി​രി​ക്കു​ന്നതു കൊടു​ക്കു​വിൻ: നിങ്ങൾ നികു​തി​കൾ അടയ്‌ക്കാൻ കടപ്പെ​ട്ടി​രി​ക്കു​ന്നു​വെ​ങ്കിൽ നികു​തി​കൾ അടയ്‌ക്കു​വിൻ; ചുങ്ക​മെ​ങ്കിൽ ചുങ്കം; ആദര​വെ​ങ്കിൽ ആദരവ്‌; ബഹുമാ​ന​മെ​ങ്കിൽ ബഹുമാ​നം.” (റോമർ 13:7, ന്യൂ ഇൻറർനാ​ഷണൽ വേർഷൻ) കൂടാതെ, യേശു​ക്രി​സ്‌തു പ്രത്യേ​കി​ച്ചും നികു​തി​കളെ ഉദ്ദേശി​ച്ചാണ്‌ “കൈസർക്കു​ള്ളതു കൈസർക്കും ദൈവ​ത്തി​ന്നു​ള്ളതു ദൈവ​ത്തി​ന്നും കൊടു​പ്പിൻ” എന്നു പറഞ്ഞത്‌.—മർക്കൊസ്‌ 12:14, 17.

“ശ്രേഷ്‌ഠാ​ധി​കാ​ര​ങ്ങളെ” അസ്‌തി​ത്വ​ത്തി​ലി​രി​ക്കാൻ യഹോവ അനുവ​ദി​ച്ചി​രി​ക്കു​ന്നു. തൻമൂലം, അവർക്ക്‌ ആപേക്ഷി​ക​മാ​യി കീഴ്‌പെ​ടാൻ ദൈവം തന്റെ ദാസ​രോട്‌ ആവശ്യ​പ്പെ​ടു​ന്നു. എന്നാൽ, തന്റെ ആരാധകർ നികു​തി​കൾ കൊടു​ക്ക​ണ​മെന്ന കാര്യ​ത്തിൽ ദൈവം എന്തു​കൊ​ണ്ടാ​ണു നിർബന്ധം ചെലു​ത്തു​ന്നത്‌? പൗലോസ്‌ മൂന്ന്‌ അടിസ്ഥാന കാരണങ്ങൾ സൂചി​പ്പി​ക്കു​ന്നു: (1) നിയമ​ലം​ഘ​കരെ ശിക്ഷി​ക്കു​ന്ന​തിൽ ‘ശ്രേഷ്‌ഠാ​ധി​കാ​രിക’ളുടെ ‘ക്രോധം’; (2) നികു​തി​കൾ വെട്ടി​ക്കു​ന്ന​പക്ഷം, ഒരു ക്രിസ്‌ത്യാ​നി​യു​ടെ അശുദ്ധ​മാ​യി​ത്തീ​രുന്ന മനസ്സാക്ഷി; (3) പലവിധ സേവന​ങ്ങ​ളും ഒരു പരിധി​വരെ ക്രമസ​മാ​ധാ​ന​നി​ല​യും പ്രദാ​നം​ചെ​യ്യുന്ന ഈ “പൊതു​ജ​ന​സേ​വകർ”ക്ക്‌ അതിന്റെ തുക കൊടു​ക്കേ​ണ്ട​തി​ന്റെ ആവശ്യം. (റോമർ 13:1-7, NW) നികുതി കൊടു​ക്കാൻ അനേകർക്കും ഇഷ്ടമി​ല്ലാ​യി​രി​ക്കാം. എന്നാൽ, പൊലീസ്‌ സംരക്ഷ​ണ​മോ അഗ്നിശമന സംരക്ഷ​ണ​മോ റോഡ്‌ പരിപാ​ല​ന​മോ പൊതു​ജന സ്‌കൂ​ളു​ക​ളോ തപാൽവ​കു​പ്പോ ഇല്ലാത്ത ഒരു ദേശത്തു താമസി​ക്കു​ന്നത്‌ അവർക്ക്‌ അതി​നെ​ക്കാൾ ഇഷ്ടമി​ല്ലാത്ത കാര്യ​മാണ്‌. അമേരി​ക്കൻ അഭിഭാ​ഷ​ക​നായ ഒലിവർ വെൻഡൽ ഹോം​മ്‌സ്‌ ഒരിക്കൽ ഇങ്ങനെ പറഞ്ഞു: “സംസ്‌കാ​ര​സ​മ്പ​ന്ന​മായ സമുദാ​യ​ത്തി​നു നാം നൽകു​ന്ന​തെ​ന്തോ അതാണു നികുതി.”

നികുതി കൊടു​ക്കുക എന്നത്‌ ദൈവ​ത്തി​ന്റെ സേവകരെ സംബന്ധി​ച്ചി​ട​ത്തോ​ളം പുത്തരി​യല്ല. പുരാതന ഇസ്രാ​യേ​ലി​ലെ നിവാ​സി​കൾ തങ്ങളുടെ രാജാ​വി​നെ പിന്തു​ണ​യ്‌ക്കു​ന്ന​തിന്‌ ഒരു തരത്തി​ലുള്ള നികുതി കൊടു​ത്തി​രു​ന്നു. അവരിൽ ചില ഭരണാ​ധി​പൻമാർ അന്യാ​യ​മായ നികുതി ചുമത്ത​ലി​ലൂ​ടെ ആളുക​ളു​ടെ​മേൽ അമിത​ഭാ​രം​വെച്ചു. തങ്ങളു​ടെ​മേൽ ആധിപ​ത്യം പുലർത്തിയ ഈജി​പ്‌ത്‌, പേർഷ്യ, റോം തുടങ്ങിയ വിദേശ ശക്തികൾക്കും യഹൂദൻമാർ കപ്പങ്ങളും നികു​തി​ക​ളും കൊടു​ത്തു. അതു​കൊണ്ട്‌ പൗലോസ്‌ നികു​തി​ക​ളെ​ക്കു​റിച്ച്‌ പറഞ്ഞ​പ്പോൾ അദ്ദേഹം എന്തി​നെ​ക്കു​റി​ച്ചാ​ണു പറയു​ന്ന​തെന്ന്‌ അദ്ദേഹ​ത്തി​ന്റെ നാളിലെ ക്രിസ്‌ത്യാ​നി​കൾക്കു നന്നായ​റി​യാ​മാ​യി​രു​ന്നു. നികു​തി​കൾ ന്യായ​യു​ക്ത​മാ​യി​രു​ന്നാ​ലും അല്ലെങ്കി​ലും, ഗവൺമെൻറ്‌ ഈ പണം എങ്ങനെ ചെലവ​ഴി​ക്കും എന്നതു കണക്കാ​ക്കാ​തെ തങ്ങൾ കടപ്പെ​ട്ടി​രുന്ന നികുതി കൊടു​ക്ക​ണ​മെന്ന്‌ അവർക്ക​റി​യാ​മാ​യി​രു​ന്നു. അത്‌ ഇന്നും ക്രിസ്‌ത്യാ​നി​കൾക്ക്‌ ബാധക​മാണ്‌. എന്നിരു​ന്നാ​ലും, ഈ സങ്കീർണ കാലങ്ങ​ളിൽ നികു​തി​കൾ നൽകു​ന്ന​തിന്‌ ഏതു തത്ത്വങ്ങൾ നമുക്കു മാർഗ​നിർദേശം നൽകും?

അഞ്ചു മാർഗ​ദർശക തത്ത്വങ്ങൾ

ക്രമമു​ള്ളവർ ആയിരി​ക്കുക. നാം സേവി​ക്കു​ക​യും അനുക​രി​ക്കു​ക​യും ചെയ്യു​ന്നത്‌ “കലക്കത്തി​ന്റെ ദൈവമല്ല സമാധാ​ന​ത്തി​ന്റെ ദൈവ”മായ യഹോ​വയെ ആണ്‌. (1 കൊരി​ന്ത്യർ 14:33; എഫെസ്യർ 5:1) നികു​തി​കൾ കൊടു​ക്കു​ന്ന​തി​നോ​ടുള്ള ബന്ധത്തിൽ ക്രമമു​ള്ളവർ ആയിരി​ക്കുക എന്നത്‌ നിർണാ​യക കാര്യ​മാണ്‌. നിങ്ങളു​ടെ രേഖക​ളെ​ല്ലാം പൂർണ​വും കൃത്യ​വും അടുക്കും​ചി​ട്ട​യു​മു​ള്ള​വ​യും ആണോ? സാധാ​ര​ണ​ഗ​തി​യിൽ ചെലവു​കൂ​ടിയ ഫയലിങ്‌ സമ്പ്രദാ​യ​ത്തി​ന്റെ ആവശ്യ​മില്ല. ഓരോ വിധത്തി​ലു​മുള്ള രേഖയ്‌ക്കും​വേണ്ടി (രസീതു​കൾ പോലെ) ലേബ​ലൊ​ട്ടിച്ച ഒരു ഫോൾഡർ മതിയാ​കും. അതിൽ നിങ്ങളു​ടെ വ്യത്യസ്‌ത ചെലവു​കൾ തരംതി​രി​ച്ചു സൂചി​പ്പി​ക്കാ​വു​ന്ന​താണ്‌. ഓരോ വർഷ​ത്തേ​ക്കു​മുള്ള ഇവയെ ഒരു വലിയ ഫോൾഡ​റിൽ സമാഹ​രി​ച്ചാൽ മതിയാ​കും. അനേക രാജ്യ​ങ്ങ​ളി​ലും കഴിഞ്ഞ​കാല രേഖക​ളെ​ല്ലാം ഗവൺമെൻറ്‌ പരി​ശോ​ധി​ച്ചേ​ക്കാ​മെ​ന്ന​തു​കൊണ്ട്‌ അത്തരം ഫയലുകൾ വർഷങ്ങ​ളോ​ളം സൂക്ഷി​ക്കേ​ണ്ടത്‌ അത്യാ​വ​ശ്യ​മാ​യി വരുന്നു. അതു​കൊണ്ട്‌, വീണ്ടും ആവശ്യ​മി​ല്ലെന്ന്‌ ഉറപ്പാ​കു​ന്ന​തു​വരെ ഒന്നും എറിഞ്ഞു​ക​ള​യ​രുത്‌.

സത്യസന്ധർ ആയിരി​ക്കുക. പൗലോസ്‌ ഇങ്ങനെ എഴുതി: “ഞങ്ങൾക്കു​വേണ്ടി പ്രാർത്ഥി​പ്പിൻ. സകലത്തിലും നല്ലവരാ​യി നടപ്പാൻ ഇച്ഛിക്ക​കൊ​ണ്ടു ഞങ്ങൾക്കു നല്ല [“സത്യസ​ന്ധ​മായ,” NW] മനസ്സാക്ഷി ഉണ്ടെന്നു ഞങ്ങൾ ഉറച്ചി​രി​ക്കു​ന്നു.” (എബ്രായർ 13:18) സത്യസ​ന്ധ​രാ​യി​രി​ക്കുക എന്ന ഹൃദയം​ഗ​മ​മായ ആഗ്രഹം നികു​തി​കൾ കൊടു​ക്കു​മ്പോൾ നാം എടുക്കുന്ന തീരു​മാ​ന​ങ്ങ​ളെ​യെ​ല്ലാം നയി​ക്കേ​ണ്ട​തുണ്ട്‌. ഗവൺമെൻറി​നെ അറിയി​ക്കേണ്ട ആദായ​ത്തിൻമേൽ കൊടു​ക്കേണ്ട നികു​തി​യെ​പ്പ​ററി ആദ്യം ചിന്തി​ക്കാം. അനേക നാടു​ക​ളി​ലും കൂടു​ത​ലായ വരുമാ​നം—ടിപ്പുകൾ, ചില്ലറ​പ്പ​ണി​കൾ, വില്‌പ​നകൾ എന്നിവ​യി​ലൂ​ടെ ലഭിക്കുന്ന വരുമാ​നം—നിശ്ചിത തുകയ്‌ക്കു മീതെ​യാ​കുന്ന ഉടനെ അതു നികു​തി​ചു​മ​ത്ത​ലി​നു വിധേ​യ​മാണ്‌. “സത്യസ​ന്ധ​മായ മനസ്സാക്ഷി” ഉള്ള ഒരു ക്രിസ്‌ത്യാ​നി താൻ താമസി​ക്കു​ന്നി​ടത്തു നികുതി കൊടു​ക്കേണ്ട വരുമാ​ന​മെ​ന്താ​ണെന്നു കണ്ടെത്തു​ക​യും ഉചിത​മായ നികുതി കൊടു​ക്കു​ക​യും ചെയ്യും.

ഇളവു ചെയ്യലാ​ണു രണ്ടാമ​ത്തേത്‌. നികു​തി​ദാ​യ​ക​രു​ടെ ആദായ നികു​തി​യിൽ ഗവൺമെൻറു​കൾ പൊതു​വേ ഇളവ്‌ അനുവ​ദി​ക്കാ​റുണ്ട്‌. അത്തരം ഇളവി​നു​വേണ്ടി അവകാ​ശ​മു​ന്ന​യി​ക്കു​മ്പോൾ “കൃത്രി​മ​ത്വം​കാ​ണി​ക്കുന്ന”തിൽ എന്തെങ്കി​ലും തെററു​ള്ള​താ​യി സത്യസ​ന്ധ​ത​യി​ല്ലാത്ത ഈ ലോകത്ത്‌ അനേക​രും കരുതു​ന്നില്ല. ഐക്യ​നാ​ടു​ക​ളിൽ ഒരു വ്യക്തി ഭാര്യ​യ്‌ക്കു​വേണ്ടി രോമം​കൊ​ണ്ടുള്ള വിലകൂ​ടിയ ഒരു കോട്ടു വാങ്ങി കച്ചവട​സ്ഥ​ലത്ത്‌ ഒരു ദിവസ​ത്തേക്കു തൂക്കി​യി​ട്ടു. ജോലി​സ്ഥ​ലത്തെ “അലങ്കാ​ര​വ​സ്‌തു​വെന്നു” പറഞ്ഞ്‌ അതിൻമേൽ ഇളവു വാങ്ങാൻവേ​ണ്ടി​യാണ്‌ അയാൾ അങ്ങനെ ചെയ്‌തത്‌! മറെറാ​രു മനുഷ്യൻ മകളുടെ വിവാ​ഹ​ച്ചെ​ലവ്‌ കച്ചവട​ക്കി​ഴി​വാ​ണെന്ന്‌ അവകാ​ശ​പ്പെട്ടു. വേറൊ​രാൾ തന്നോ​ടൊ​പ്പം 4 മാസം ഭാര്യ​യും പൂർവേ​ഷ്യ​യിൽ യാത്ര​ചെ​യ്‌തു​വെന്ന്‌ അവകാ​ശ​പ്പെ​ട്ടു​കൊ​ണ്ടു തുകയിൽ ഇളവു വരുത്താൻ ശ്രമിച്ചു. വാസ്‌ത​വ​ത്തിൽ ഭാര്യ അവി​ടെ​യു​ണ്ടാ​യി​രു​ന്നതു മുഖ്യ​മാ​യും സാമു​ദാ​യി​ക​വും വിനോ​ദ​പ​ര​വു​മായ ഉദ്ദേശ്യ​ത്തി​ലാ​യി​രു​ന്നു. ഇത്തരം കേസു​കൾക്ക്‌ ഒരന്തവു​മി​ല്ലാ​ത്ത​പോ​ലെ തോന്നു​ന്നു. ലളിത​മാ​യി​പ്പ​റ​ഞ്ഞാൽ, വാണി​ജ്യ​ക്കി​ഴി​വിൽപ്പെ​ടാത്ത എന്തി​നെ​യെ​ങ്കി​ലും അങ്ങനെ വിളി​ക്കു​ന്നത്‌ ഒരുവി​ധ​ത്തിൽപ്പ​റ​ഞ്ഞാൽ നുണയാണ്‌. നമ്മുടെ ദൈവ​മായ യഹോവ അത്യന്തം വെറു​ക്കുന്ന ഒന്നാണത്‌.—സദൃശ​വാ​ക്യ​ങ്ങൾ 6:16-19.

ജാഗ്ര​ത​യു​ള്ള​വർ ആയിരി​ക്കുക. “പാമ്പി​നെ​പ്പോ​ലെ ബുദ്ധി​യു​ള്ള​വ​രും പ്രാവി​നെ​പ്പോ​ലെ കളങ്കമി​ല്ലാ​ത്ത​വ​രും ആയിരി”ക്കാൻ യേശു തന്റെ ശിഷ്യൻമാ​രെ പ്രേരി​പ്പി​ച്ചു. (മത്തായി 10:16) ആ ഉപദേശം നാം നികുതി കൊടു​ക്കുന്ന കാര്യ​ത്തിൽ തികച്ചും ബാധക​മാ​യേ​ക്കാ​വു​ന്ന​താണ്‌, വികസിത രാജ്യ​ങ്ങ​ളിൽ പ്രത്യേ​കി​ച്ചും. ഇപ്പോൾ കൂടുതൽ ആളുകൾ തങ്ങൾ എത്ര​ത്തോ​ളം നികുതി കൊടു​ക്ക​ണ​മെന്നു കണക്കു​കൂ​ട്ടു​ന്ന​തിന്‌ കണക്കുകൾ ശരിയാ​ക്കുന്ന കമ്പനി​ക​ളെ​യോ വിദഗ്‌ധ​രെ​യോ ആശ്രയി​ക്കു​ക​യാണ്‌. പിന്നീട്‌, അവർ ഫാറത്തിൽ വെറുതെ ഒപ്പിട്ട്‌ ചെക്ക്‌ അയക്കുന്നു. ഈ സന്ദർഭം സദൃശ​വാ​ക്യ​ങ്ങൾ 14:15-ൽ നൽകി​യി​രി​ക്കുന്ന മുന്നറി​യി​പ്പു പാലി​ക്കു​ന്ന​തിന്‌ ഉചിത​മായ സമയമാണ്‌: “അല്‌പ​ബു​ദ്ധി ഏതു വാക്കും വിശ്വ​സി​ക്കു​ന്നു; സൂക്ഷ്‌മ​ബു​ദ്ധി​യോ തന്റെ നടപ്പു സൂക്ഷി​ച്ചു​കൊ​ള്ളു​ന്നു.”

മനസ്സാ​ക്ഷി​ക്കു​ത്തി​ല്ലാത്ത കണക്കെ​ഴു​ത്തു​കാ​ര​നോ നികുതി തയ്യാറാ​ക്കുന്ന അനുഭ​വ​പ​രി​ചയം കുറവു​ള്ള​യാ​ളോ പറയുന്ന ‘ഏതു വാക്കി​ലും’ വിശ്വ​സി​ക്കു​ന്ന​തു​കൊണ്ട്‌ ഏതാനും പേരൊ​ന്നു​മല്ല ഗവൺമെൻറു​മാ​യുള്ള പ്രശ്‌ന​ത്തിൽ അകപ്പെ​ട്ടി​ട്ടു​ള്ളത്‌. സൂക്ഷ്‌മ ബുദ്ധി​യു​ള്ള​വ​രാ​യി​രി​ക്കു​ന്നത്‌ എത്രയോ മെച്ചമാണ്‌! നിങ്ങൾ ഒപ്പിടു​ന്ന​തി​നു​മുമ്പ്‌ ഏതു പ്രമാ​ണ​വും സസൂക്ഷ്‌മം വായി​ച്ചു​കൊണ്ട്‌ ജാഗ്രത കാട്ടുക. കൂടു​ത​ലാ​യി ചേർത്തി​രി​ക്കു​ന്ന​തോ തള്ളിക്ക​ള​ഞ്ഞി​രി​ക്കു​ന്ന​തോ ഇളവു വരുത്തി​യി​രി​ക്കു​ന്ന​തോ ആയ ചില കാര്യങ്ങൾ പന്തിയ​ല്ലെന്നു നിങ്ങളു​ടെ ശ്രദ്ധയിൽപ്പെ​ട്ടാൽ അത്‌ സത്യസ​ന്ധ​വും നിയമ​പ​ര​വു​മാ​ണെന്നു നിങ്ങൾക്കു പൂർണ സംതൃ​പ്‌തി ഉണ്ടാകു​ന്ന​തു​വരെ വിശദീ​ക​രി​ക്കാൻ—ആവശ്യ​മെന്നു തോന്നി​യാൽ പലവട്ടം വിശദീ​ക​രി​ക്കാൻ—ആവശ്യ​പ്പെ​ടുക. പല നാടു​ക​ളി​ലും നികുതി നിയമങ്ങൾ സങ്കീർണ​മാ​യി​ത്തീർന്നി​രി​ക്കു​ന്നു​വെ​ന്നതു സമ്മതി​ക്കു​ന്നു. എങ്കിലും, സാധ്യ​മാ​കു​ന്നി​ട​ത്തോ​ളം നിങ്ങൾ ഒപ്പിടുന്ന എന്തും മനസ്സി​ലാ​ക്കുക എന്നത്‌ ബുദ്ധി​യാണ്‌. നികു​തി​യെ​പ്പ​ററി വിവര​മുള്ള ഒരു സഹക്രി​സ്‌ത്യാ​നിക്ക്‌ ചില സന്ദർഭ​ങ്ങ​ളിൽ നിങ്ങൾക്ക്‌ ഉൾക്കാഴ്‌ച നൽകാൻ കഴിയു​മെന്നു നിങ്ങൾ കണ്ടെത്തി​യേ​ക്കാം. ഒരു വക്കീൽ എന്നനി​ല​യിൽ നികു​തി​കാ​ര്യ​ങ്ങൾ കൈകാ​ര്യം ചെയ്യുന്ന ഒരു ക്രിസ്‌തീയ മൂപ്പൻ സംക്ഷി​പ്‌ത​മാ​യി ഇങ്ങനെ പറഞ്ഞു: “സത്യമാ​യി​രി​ക്കാൻ ഒട്ടും സാധ്യ​ത​യി​ല്ലാത്ത ഒരു സംഗതി നിങ്ങളു​ടെ കണക്കെ​ഴു​ത്തു​കാ​രൻ നിർദേ​ശി​ക്കു​ന്നു​വെ​ങ്കിൽ ഒരുപക്ഷേ അത്‌ സത്യസ​ന്ധ​മാ​യി​രി​ക്കു​ക​യില്ല!”

ഉത്തരവാ​ദി​ത്വ​മു​ള്ളവർ ആയിരി​ക്കുക. “ഓരോ​രു​ത്തൻ താന്താന്റെ ചുമടു ചുമക്കു​മ​ല്ലോ” എന്ന്‌ അപ്പോ​സ്‌ത​ല​നായ പൗലോസ്‌ എഴുതി. (ഗലാത്യർ 6:5) നികുതി അടയ്‌ക്കു​ന്ന​തി​നോ​ടുള്ള ബന്ധത്തിൽ ഓരോ ക്രിസ്‌ത്യാ​നി​യും സത്യസ​ന്ധ​നും നിയമം പാലി​ക്കു​ന്ന​വ​നും ആയിരി​ക്കു​ന്ന​തി​നുള്ള ഉത്തരവാ​ദി​ത്വം വഹിക്കണം. ഇത്‌ സഭയിലെ മൂപ്പൻമാർ തങ്ങളുടെ സംരക്ഷ​ണ​ത്തിൻകീ​ഴി​ലുള്ള ആടുകളെ മേൽനോ​ട്ടം വഹിക്കു​ന്ന​തിൽ ഉൾപ്പെ​ടുന്ന ഒരു സംഗതി​യല്ല. (താരത​മ്യം ചെയ്യുക: 2 കൊരി​ന്ത്യർ 1:24.) സമുദാ​യ​ത്തിൽ അപവാദം ഇളക്കി​വി​ടു​ന്ന​പോ​ലുള്ള എന്തെങ്കി​ലും ഗുരു​ത​ര​മായ ദുഷ്‌പ്ര​വൃ​ത്തി അവരുടെ ശ്രദ്ധയിൽ പെടു​ന്ന​തു​വരെ അവർ നികുതി കാര്യ​ങ്ങ​ളിൽ ഇടപെ​ടു​ക​യില്ല. പൊതു​വേ പറഞ്ഞാൽ, തിരു​വെ​ഴു​ത്തു തത്ത്വങ്ങൾ ബാധക​മാ​ക്കു​ന്ന​തിന്‌ ശരിയാ​യി പരിശീ​ലി​പ്പി​ക്ക​പ്പെട്ട മനസ്സാക്ഷി ഉപയോ​ഗി​ക്കു​ന്ന​തിന്‌ ക്രിസ്‌ത്യാ​നി വ്യക്തി​ഗ​ത​മാ​യി ഉത്തരവാ​ദി​ത്വം വഹിക്കുന്ന ഒരു മേഖല​യാ​ണിത്‌. (എബ്രായർ 5:14) നികുതി രേഖയിൽ ഒപ്പിടു​ന്നത്‌—അത്‌ ആരു തയ്യാറാ​ക്കി​യ​താ​യാ​ലും ശരി—നിങ്ങൾ പ്രമാണം വായി​ച്ചു​വെ​ന്നും അതിൽ അടങ്ങി​യി​രി​ക്കു​ന്നതു സത്യമാ​ണെന്നു വിശ്വസിക്കുന്നുവെന്നുമുള്ളതിന്റെ നിയമ​പ​ര​മായ പ്രസ്‌താ​വ​ന​യാ​ക്കി​ത്തീർക്കു​മെന്ന്‌ അറിയു​ന്ന​തും ഇതിൽ ഉൾപ്പെ​ടു​ന്നു.a

അനിന്ദ്യർ ആയിരി​ക്കുക. അനിന്ദ്യർ ആയിരു​ന്നാ​ലേ ക്രിസ്‌തീയ മേൽവി​ചാ​ര​കൻമാർക്ക്‌ ആ സ്ഥാനം വഹിക്കു​ന്ന​തി​നുള്ള യോഗ്യത നേടാൻ കഴിയൂ. സമാന​മാ​യി, മുഴു സഭയും ദൈവ​ദൃ​ഷ്ടി​യിൽ അനിന്ദ്യ​രാ​യി​രി​ക്കണം. (1 തിമൊ​ഥെ​യൊസ്‌ 3:2; താരത​മ്യം ചെയ്യുക: എഫെസ്യർ 5:27.) തൻമൂലം നികു​തി​കൊ​ടു​ക്കുന്ന കാര്യ​ത്തിൽപ്പോ​ലും സമുദാ​യ​ത്തിൽ സൽപ്പേരു നിലനിർത്താൻ അവർ ശ്രമി​ക്കു​ന്നു. ഇക്കാര്യ​ത്തിൽ യേശു​ക്രി​സ്‌തു​തന്നെ മാതൃ​ക​വെച്ചു. മന്ദിര​ത്തി​ന്റെ നികുതി, നിസ്സാ​ര​മായ രണ്ടു ദ്രഹ്മപ്പണം, യേശു കൊടു​ത്തോ​യെന്ന്‌ അവന്റെ ശിഷ്യ​നായ പത്രോ​സി​നോട്‌ ചോദി​ക്കു​ക​യു​ണ്ടാ​യി. വാസ്‌ത​വ​ത്തിൽ, മന്ദിരം തന്റെ പിതാ​വി​ന്റെ ഭവനമാ​യി​രു​ന്ന​തി​നാ​ലും ഒരു രാജാ​വും സ്വന്തം പുത്ര​ന്റെ​മേൽ നികുതി ചുമത്തു​ക​യി​ല്ലാ​യി​രു​ന്ന​തി​നാ​ലും യേശു ഈ നികു​തി​യിൽനിന്ന്‌ ഒഴിവു​ള്ള​വ​നാ​യി​രു​ന്നു. യേശു അങ്ങനെ അർഥമാ​ക്കി​യെ​ങ്കി​ലും അവൻ നികുതി കൊടു​ക്കു​ക​തന്നെ ചെയ്‌തു. വാസ്‌ത​വ​ത്തിൽ, അതിന്‌ ആവശ്യ​മാ​യി​രുന്ന പണത്തി​നു​വേണ്ടി അവൻ ഒരു അത്ഭുതം പ്രവർത്തി​ക്കു​ക​പോ​ലും ചെയ്യു​ക​യു​ണ്ടാ​യി! നികുതി കൊടു​ക്കു​ന്ന​തിൽനിന്ന്‌ ഒരുപക്ഷേ ഒഴിവു​ള്ള​വ​നാ​യി​രുന്ന അവൻ എന്തു​കൊണ്ട്‌ അങ്ങനെ ചെയ്യണം? യേശു പറഞ്ഞ​പ്ര​കാ​രം അത്‌ “അവർക്കു ഇടർച്ച വരുത്താ​തി​രി​ക്കേ​ണ്ടതി”ന്‌ ആയിരു​ന്നു.—മത്തായി 17:24-27.b

ദൈവ​ത്തി​നു ബഹുമാ​നം കൈവ​രു​ത്തുന്ന സൽപ്പേരു നിലനിർത്തു​ക

മററു​ള്ള​വർക്കു തങ്ങൾ ഇടർച്ച​വ​രു​ത്ത​രു​തെന്ന കാര്യ​ത്തിൽ ഇന്ന്‌ യഹോ​വ​യു​ടെ സാക്ഷികൾ അതേ​പോ​ലെ​തന്നെ ചിന്തയു​ള്ള​വ​രാണ്‌. വിശ്വ​സ്‌ത​രും നികുതി കൊടു​ക്കുന്ന പൗരൻമാ​രു​മെന്ന നിലയിൽ യഹോ​വ​യു​ടെ സാക്ഷികൾ മൊത്ത​ത്തിൽ ലോക​മെ​മ്പാ​ടും സൽപ്പേര്‌ നിലനിർത്തു​ന്നു​വെ​ന്ന​തിൽ അതിശ​യി​ക്കാ​നൊ​ന്നു​മില്ല. ദൃഷ്ടാ​ന്ത​ത്തിന്‌, സ്‌പാ​നിഷ്‌ പത്രമായ എൽ ഡിയാ​റി​യോ വാസ്‌കോ സ്‌പെ​യി​നിൽ വിപു​ല​വ്യാ​പ​ക​മാ​യി​രുന്ന നികു​തി​വെ​ട്ടി​പ്പി​നെ​ക്കു​റിച്ച്‌ അഭി​പ്രാ​യം പറഞ്ഞു. എന്നാൽ അത്‌ ഇങ്ങനെ സൂചി​പ്പി​ക്കു​ക​യു​ണ്ടാ​യി: “യഹോ​വ​യു​ടെ സാക്ഷികൾ മാത്ര​മാണ്‌ ഇതിൽനിന്ന്‌ ഒഴിവു​ള്ളവർ. അവർ [സ്ഥലം] വാങ്ങു​ക​യോ വിൽക്കു​ക​യോ ചെയ്യു​മ്പോൾ അതിന്റെ വില കാണി​ച്ചു​കൊണ്ട്‌ അവർ ഉണ്ടാക്കുന്ന രേഖ തികച്ചും സത്യമാണ്‌.” സമാന​മാ​യി, ഏതാനും വർഷത്തി​നു​മുമ്പ്‌ യു.എസ്‌. പത്രമായ സാൻഫ്രാൻസി​സ്‌കോ എക്‌സാ​മി​നർ ഇങ്ങനെ അഭി​പ്രാ​യ​പ്പെട്ടു: “നിങ്ങൾ [യഹോ​വ​യു​ടെ സാക്ഷി​കളെ] മാതൃകാ പൗരൻമാ​രാ​യി കരുതി​യെ​ന്നു​വ​രാം. അവർ കൃത്യ​മാ​യി നികുതി കൊടു​ക്കു​ക​യും രോഗി​കളെ പരിപാ​ലി​ക്കു​ക​യും നിരക്ഷരത നിർമാർജനം ചെയ്യാൻ കഠിന​ശ്രമം ചെലു​ത്തു​ക​യും ചെയ്യുന്നു.”

കഠിനാ​ധ്വാ​ന​ത്തി​ലൂ​ടെ നേടി​യെ​ടുത്ത ഈ സൽപ്പേ​രി​നു കളങ്കം ചാർത്താ​നി​ട​യുള്ള എന്തെങ്കി​ലും ചെയ്യാൻ ഒരു സത്യ​ക്രി​സ്‌ത്യാ​നി​യും ആഗ്രഹി​ക്കു​ക​യില്ല. ഒരു തീരു​മാ​ന​മെ​ടു​ക്കേ​ണ്ട​താ​യി വരു​ന്നെ​ങ്കിൽ കുറച്ചു പണം സമ്പാദി​ക്കാൻ കഴിയു​ന്ന​പക്ഷം ഒരു നികു​തി​വെ​ട്ടി​പ്പു​കാ​രൻ എന്നറി​യ​പ്പെ​ട്ടാ​ലും വേണ്ടില്ല എന്നു നിങ്ങൾ കരുതു​മോ? ഇല്ല. നിങ്ങളു​ടെ സൽപ്പേ​രി​നു കളങ്കം ചാർത്തി​ക്കൊണ്ട്‌ നിങ്ങളു​ടെ യഥാർഥ വില കളഞ്ഞു​കു​ളി​ക്കാ​നും യഹോ​വ​യു​ടെ ആരാധന മോശ​മാ​യി വീക്ഷി​ക്ക​പ്പെ​ടാ​നും ഇടവരു​ത്തു​ന്ന​തി​നു പകരം നിങ്ങൾ പണം നഷ്ടപ്പെ​ടാൻ അനുവ​ദി​ക്കും എന്നതു തീർച്ച​യാണ്‌.

വാസ്‌ത​വ​ത്തിൽ നീതി​യും വിശ്വ​സ്‌ത​ത​യു​മുള്ള ഒരു വ്യക്തി​യെന്ന സൽപ്പേരു നിലനിർത്തു​ന്ന​തി​നു നിങ്ങൾക്കു ചില​പ്പോ​ഴൊ​ക്കെ പണം നഷ്ടപ്പെ​ടു​ത്തേണ്ടി വന്നേക്കാം. ഏതാണ്ട്‌ 24 നൂററാ​ണ്ടു​കൾക്കു​മുമ്പ്‌ ഗ്രീക്കു തത്ത്വചി​ന്ത​ക​നായ പ്ലേറേറാ ഇങ്ങനെ അഭി​പ്രാ​യ​പ്പെട്ടു: “ഒരേ ആദായ​ത്തിൻമേൽ ആദായ​നി​കു​തി കൊടു​ക്കേ​ണ്ടി​വ​രു​മ്പോൾ നീതി​മാൻ കൂടു​ത​ലും നീതി​കെ​ട്ടവൻ കുറവും കൊടു​ക്കും.” നീതി​മാ​നാ​യി​രി​ക്കു​ന്ന​തിന്‌ പണം മുട​ക്കേ​ണ്ടി​വ​രു​ന്ന​തിൽ നീതി​മാൻ ഖേദി​ക്കു​ന്നില്ല എന്ന്‌ അദ്ദേഹം കൂട്ടി​ച്ചേർത്തി​രു​ന്നെ​ങ്കിൽ കൊള്ളാ​യി​രു​ന്നു. അത്തരം സൽപ്പേര്‌ ഉണ്ടായി​രി​ക്കു​ന്ന​തു​പോ​ലും മുടക്കി​നു​തക്ക മൂല്യ​മു​ള്ള​താണ്‌. ക്രിസ്‌ത്യാ​നി​ക​ളു​ടെ കാര്യ​ത്തിൽ ഇത്‌ തികച്ചും സത്യമാണ്‌. അവരുടെ സൽപ്പേര്‌ അവർക്കു വില​യേ​റി​യ​താണ്‌ കാരണം അത്‌ അവരുടെ സ്വർഗീയ പിതാ​വി​നെ മഹത്ത്വ​പ്പെ​ടു​ത്തു​ന്നു. കൂടാതെ അവരുടെ ജീവി​ത​രീ​തി​യി​ലേ​ക്കും അവരുടെ ദൈവ​മായ യഹോ​വ​യി​ലേ​ക്കും മററു​ള്ള​വരെ ആകർഷി​ക്കാൻ അതു സഹായ​മേ​കു​ക​യും ചെയ്യും.—സദൃശ​വാ​ക്യ​ങ്ങൾ 11:30; 1 പത്രൊസ്‌ 3:1.

എല്ലാറ​റി​നു​മു​പരി, സത്യ​ക്രി​സ്‌ത്യാ​നി​കൾ യഹോ​വ​യു​മാ​യുള്ള തങ്ങളുടെ ബന്ധത്തിനു വിലകൽപ്പി​ക്കു​ന്നു. അവർ ചെയ്യു​ന്ന​തെ​ല്ലാം ദൈവം കാണുന്നു. അവനെ സന്തോ​ഷി​പ്പി​ക്കാൻ അവർ ആഗ്രഹി​ക്കു​ക​യും ചെയ്യുന്നു. (എബ്രായർ 4:13) അതു​കൊണ്ട്‌ ഗവൺമെൻറി​നെ വഞ്ചിക്കു​ന്ന​തി​നുള്ള പ്രലോ​ഭ​നത്തെ അവർ തള്ളിക്ക​ള​യു​ന്നു. ദൈവം വിശ്വ​സ്‌ത​മായ, നീതി​നി​ഷ്‌ഠ​മായ നടത്തയിൽ പ്രസാ​ദി​ക്കു​ന്നു​വെന്ന്‌ അവർ തിരി​ച്ച​റി​യു​ന്നു. (സങ്കീർത്തനം 15:1-3) കൂടാതെ, അവർ യഹോ​വ​യു​ടെ ഹൃദയത്തെ സന്തോ​ഷി​പ്പി​ക്കാൻ ആഗ്രഹി​ക്കു​ന്ന​തു​കൊണ്ട്‌ തങ്ങൾക്കു ബാധ്യ​ത​യുള്ള എല്ലാ നികു​തി​ക​ളും അവർ അടയ്‌ക്കു​ന്നു.—സദൃശ​വാ​ക്യ​ങ്ങൾ 27:11; റോമർ 13:7.

[അടിക്കു​റി​പ്പു​കൾ]