സന്തുഷ്ട​രാ​യി​രി​ക്കുക—ക്ലേശി​ത​രോ​ടു പ്രീതി​കാ​ട്ടു​ക

“കൂട്ടു​കാ​രനെ നിന്ദി​ക്കു​ന്നവൻ പാപം ചെയ്യുന്നു; എളിയ​വ​രോ​ടു കൃപകാ​ണി​ക്കു​ന്ന​വ​നോ ഭാഗ്യ​വാൻ.”—സദൃശ​വാ​ക്യ​ങ്ങൾ 14:21.

1, 2. മൂന്നു ഫിലി​പ്പി​യൻ കുടും​ബ​ങ്ങൾക്ക്‌ എന്തു സംഭവി​ച്ചു, ഏതു ചോദ്യ​ങ്ങൾ പരിചി​ന്തി​ക്കാൻ ഇതു നമ്മെ നയിക്കു​ന്നു?

പാംഗാ​സി​നൻ പ്രോ​വിൻസി​ലെ മൂന്നു ഫീലി​പ്പീൻ കുടും​ബങ്ങൾ ഒരു ക്രിസ്‌തീ​യ​യോ​ഗ​ത്തിൽ സംബന്ധി​ച്ചു​കൊ​ണ്ടി​രു​ന്ന​പ്പോൾ ഒരു അഗ്നിബാധ അവരുടെ വീടു​കളെ ചാമ്പലാ​ക്കി. വീട്ടിൽ മടങ്ങി​യെ​ത്തി​യ​പ്പോൾ അവർക്ക്‌ ആഹാര​വും കിടന്നു​റ​ങ്ങാൻ ഇടവു​മി​ല്ലാ​യി​രു​ന്നു. ഈ വിപത്തി​നെ​ക്കു​റിച്ച്‌ അറിഞ്ഞ​പ്പോൾ സഹക്രി​സ്‌ത്യാ​നി​കൾ ഭക്ഷണവു​മാ​യി പാഞ്ഞെ​ത്തു​ക​യും സഭയിലെ മററു​ള്ള​വ​രോ​ടു​കൂ​ടെ താമസ​സൗ​ക​ര്യം ക്രമീ​ക​രി​ക്കു​ക​യും ചെയ്‌തു. അടുത്ത പ്രഭാ​ത​ത്തിൽ ക്രിസ്‌ത്യാ​നി​കൾ മുളക​ളും മററു നിർമ്മാണ വസ്‌തു​ക്ക​ളു​മാ​യി വന്നു. ഈ സഹോ​ദ​ര​സ്‌നേഹം അയൽവാ​സി​ക​ളിൽ മതിപ്പു​ള​വാ​ക്കി. ആ മൂന്നു കുടും​ബ​ങ്ങ​ളും നല്ല രീതി​യിൽ സ്വാധീ​നി​ക്ക​പ്പെട്ടു. തീ അവരുടെ വീടു​കളെ നശിപ്പി​ച്ചു, എന്നാൽ അവരുടെ വിശ്വാ​സ​വും മററു ക്രിസ്‌തീയ ഗുണങ്ങ​ളും സ്‌നേ​ഹ​പൂർവ്വ​ക​മായ പ്രതി​ക​രണം നിമിത്തം നിലനിൽക്കു​ക​യും വളരു​ക​യും ചെയ്‌തു.—മത്തായി 6:33; 1 കൊരി​ന്ത്യർ 3:12-14 താരത​മ്യ​പ്പെ​ടു​ത്തുക.

² ഇത്തരം സംഭവങ്ങൾ ഹൃദ​യോ​ദ്ദീ​പ​ക​മല്ലേ? അവ മനഷ്യ ദയയി​ലുള്ള നമ്മുടെ വിശ്വാ​സത്തെ കെട്ടു​പണി ചെയ്യുന്നു, യഥാർത്ഥ ക്രിസ്‌ത്യാ​നി​ത്വ​ത്തി​ന്റെ ശക്തിയിൽ അതിലു​മേറെ വിശ്വാ​സം കെട്ടു​പണി ചെയ്യുന്നു. (പ്രവൃ​ത്തി​കൾ 28:2) ‘എല്ലാവർക്കും, വിശ്വാ​സ​ത്തിൽ നമ്മോടു ബന്ധപ്പെ​ട്ട​വർക്ക്‌, നൻമ ചെയ്യുന്ന’തിന്റെ അടിസ്ഥാ​നത്തെ നാം വിലമ​തി​ക്കു​ന്നു​ണ്ടോ? (ഗലാത്യർ 6:10) നമുക്ക്‌ ഈ കാര്യ​ത്തിൽ വ്യക്തി​പ​ര​മാ​യി കൂടുതൽ ചെയ്യാൻ എങ്ങനെ കഴിയും?

നമുക്ക്‌ ഒരു വിശിഷ്ട മാതൃക

3. നമ്മോ​ടുള്ള യഹോ​വ​യു​ടെ താത്‌പ​ര്യം സംബന്ധിച്ച്‌ നമുക്ക്‌ എന്തിൽ ഉറപ്പു​ണ്ടാ​യി​രി​ക്കാൻ കഴിയും?

³ ശിഷ്യ​നായ യാക്കോബ്‌ നമ്മോടു പറയുന്നു: “നല്ല ഏതു ദാനവും തികഞ്ഞ ഏതു സമ്മാന​വും ഉയരത്തിൽ നിന്നാ​കു​ന്നു.” (യാക്കോബ്‌ 1:17) അത്‌ എത്ര സത്യമാണ്‌, എന്തു​കൊ​ണ്ടെ​ന്നാൽ യഹോവ ആത്മീയ​വും ഭൗതി​ക​വു​മായ നമ്മുടെ നൻമക്കാ​യി സമൃദ്ധ​മാ​യി കരുതൽ ചെയ്യുന്നു! എന്നാൽ അവൻ എന്തിനാണ്‌ മുൻഗണന കൊടു​ക്കു​ന്നത്‌? ആത്മീയ​കാ​ര്യ​ങ്ങൾക്ക്‌. ഉദാഹ​ര​ണ​ത്തിന്‌, നമുക്ക്‌ ആത്മീയ വഴികാ​ട്ട​ലും പ്രത്യാ​ശ​യും ലഭി​ക്കേ​ണ്ട​തിന്‌ അവൻ നമുക്ക്‌ ബൈബിൾ നൽകി. ആ പ്രത്യാശ അവന്റെ പുത്ര​നാ​കുന്ന ദാനത്തിൻമേൽ കേന്ദ്രീ​ക​രി​ച്ചി​രി​ക്കു​ന്നു, അവന്റെ ബലിയാണ്‌ നമ്മോടു ക്ഷമിക്കു​ന്ന​തി​ന്റെ​യും നിത്യ​ജീ​വന്റെ പ്രത്യാശ നൽകു​ന്ന​തി​ന്റെ​യും അടിസ്ഥാ​നം.—യോഹ​ന്നാൻ 3:16; മത്തായി 20:28.

4. ദൈവം നമ്മുടെ ഭൗതി​കാ​വ​ശ്യ​ങ്ങ​ളി​ലും തത്‌പ​ര​നാ​ണെന്ന്‌ തെളി​വാ​യി​രി​ക്കു​ന്ന​തെ​ങ്ങനെ?

⁴ യഹോവ നമ്മുടെ ഭൗതി​ക​ക്ഷേ​മ​ത്തി​ലും തത്‌പ​ര​നാണ്‌. അപ്പോ​സ്‌ത​ല​നായ പൗലോസ്‌ പുരാതന ലുസ്ര​യി​ലെ ആളുക​ളു​മാ​യി ഇതു സംബന്ധിച്ച്‌ ന്യായ​വാ​ദം ചെയ്യു​ക​യു​ണ്ടാ​യി. അവർ സത്യാ​രാ​ധ​ക​ര​ല്ലാ​യി​രു​ന്നെ​ങ്കി​ലും, സ്രഷ്ടാവ്‌ ‘നമുക്ക്‌ ആകാശ​ത്തു​നി​ന്നു മഴയും ഫലപു​ഷ്‌ഠി​യുള്ള കാലങ്ങ​ളും നൽകി​ക്കൊ​ണ്ടും ആഹാര​വും നല്ല സന്തോ​ഷ​വും കൊണ്ട്‌ നമ്മുടെ ഹൃദയ​ങ്ങളെ നിറച്ചു​കൊ​ണ്ടും നൻമ​ചെ​യ്‌തി​രി​ക്കു​ന്നു’വെന്നതി​നെ അവർക്കു നിഷേ​ധി​ക്കാൻ കഴിയു​മാ​യി​രു​ന്നില്ല. (പ്രവൃ​ത്തി​കൾ 14:15-17) യഹോവ സ്‌നേ​ഹ​ത്തിൽനിന്ന്‌ നമ്മുടെ ആത്മീയാ​വ​ശ്യ​ങ്ങൾ സാധി​ച്ചു​ത​രി​ക​യും നമ്മുടെ ഭൗതി​ക​ജീ​വി​ത​ത്തിന്‌ കരുതൽ ചെയ്യു​ക​യും ചെയ്യുന്നു. ഇത്‌ അവൻ “സന്തുഷ്ട ദൈവ”മായി​രി​ക്കു​ന്ന​തിന്‌ സംഭാവന ചെയ്യു​ന്നു​വെന്ന്‌ നിങ്ങൾ വിചാ​രി​ക്കു​ന്നി​ല്ലേ?—1 തിമൊ​ഥെ​യോസ്‌ 1:11.

5. പുരാതന യിസ്രാ​യേ​ലി​നോ​ടുള്ള ദൈവ​ത്തി​ന്റെ ഇടപെ​ട​ലു​ക​ളിൽനിന്ന്‌ നമുക്ക്‌ എന്തു പഠിക്കാൻ കഴിയും?

⁵ പുരാതന യിസ്രാ​യേ​ലു​മാ​യുള്ള ദൈവ​ത്തി​ന്റെ ഇടപെ​ട​ലു​കൾ അവന്റെ ആരാധ​ക​രു​ടെ ആത്മീയാ​വ​ശ്യ​ങ്ങ​ളി​ലും അവരുടെ ഭൗതി​ക​സ്ഥി​തി​യി​ലു​മുള്ള അവന്റെ സന്തുലിത ശ്രദ്ധയെ ചിത്രീ​ക​രി​ക്കു​ന്നു. ഒന്നാമ​താ​യി, അവൻ തന്റെ ന്യായ​പ്ര​മാ​ണം തന്റെ ജനത്തിന്‌ ലഭ്യമാ​ക്കി. അവന്റെ രാജാ​ക്കൻമാർ ന്യായ​പ്ര​മാ​ണ​ത്തി​ന്റെ ഒരു വ്യക്തി​പ​ര​മായ പ്രതി തയ്യാറാ​ക്കേ​ണ്ടി​യി​രു​ന്നു. ജനം അവന്റെ ന്യായ​പ്ര​മാ​ണം വായി​ച്ചു​കേൾക്കു​ന്ന​തിന്‌ കാലി​ക​മാ​യി സമ്മേളി​ച്ചി​രു​ന്നു. (ആവർത്തനം 17:18; 31:9-13) ന്യായ​പ്ര​മാ​ണം ഒരു സമാഗമന കൂടാ​ര​ത്തി​നോ ആലയത്തി​നോ വ്യവസ്ഥ ചെയ്‌തി​രു​ന്നു. ജനത്തിന്‌ ദൈവ​ത്തി​ന്റെ പ്രീതി ലഭി​ക്കേ​ണ്ട​തിന്‌ പുരോ​ഹി​തൻമാർ യാഗങ്ങൾ കൈകാ​ര്യം ചെയ്യണ​മാ​യി​രു​ന്നു. യിസ്രാ​യേ​ല്യർ ആത്മീയ ഉത്ഭവങ്ങൾക്കാ​യി സമ്മേളി​ച്ചു, അവ അവരുടെ വാർഷി​കാ​രാ​ധ​ന​യു​ടെ സവി​ശേ​ഷ​ത​ക​ളാ​യി​രു​ന്നു. (ആവർത്തനം 16:1-17) ഇതി​ന്റെ​യെ​ല്ലാം ഫലമായി യിസ്രാ​യേല്യ വ്യക്തി​കൾക്ക്‌ ദൈവ​മു​മ്പാ​കെ ആത്മീയ​മാ​യി സമ്പന്നരാ​യി​രി​ക്കാൻ കഴിയു​മാ​യി​രു​ന്നു.

6, 7. യഹോവ ന്യായ​പ്ര​മാ​ണ​ത്തിൽ യിസ്രാ​യേ​ല്യ​രു​ടെ ശാരീ​രി​കാ​വ​ശ്യ​ങ്ങൾ സംബന്ധിച്ച്‌ താത്‌പ​ര്യം പ്രകട​മാ​ക്കി​യ​തെ​ങ്ങനെ?

⁶ എന്നിരു​ന്നാ​ലും, ദൈവം തന്റെ ദാസൻമാ​രു​ടെ ഭൗതിക സാഹച​ര്യ​ങ്ങ​ളിൽ എത്ര ശ്രദ്ധാ​ലു​വാ​ണെ​ന്നും പ്രകട​മാ​ക്കി. ഒരുപക്ഷേ നിങ്ങളു​ടെ മനസ്സി​ലേക്കു വരുന്നത്‌ ശുചീ​ക​രണം സംബന്ധിച്ച്‌ യിസ്രാ​യേ​ലിന്‌ കൊടു​ക്ക​പ്പെ​ട്ടി​രുന്ന നിയമ​ങ്ങ​ളും രോഗാ​ണു​ബാ​ധ​യു​ടെ വ്യാപ​നത്തെ കുറയ്‌ക്കു​ന്ന​തി​നുള്ള നടപടി​ക​ളു​മാ​യി​രി​ക്കാം. (ആവർത്തനം 14:11-21; 23:10-14) എന്നിരു​ന്നാ​ലും, ദരി​ദ്ര​രെ​യും ക്ലേശി​ത​രെ​യും സഹായി​ക്കു​ന്ന​തിന്‌ ദൈവം ചെയ്‌ത പ്രത്യേക കരുത​ലു​കളെ നാം അവഗണി​ക്ക​രുത്‌. മോശ​മായ ആരോ​ഗ്യ​മോ അഗ്നിബാ​ധ​യോ പ്രളയ​മോ പോലുള്ള ഒരു വിപത്തോ ഒരു യിസ്രാ​യേ​ല്യ​നെ ദാരി​ദ്ര്യ​ത്തി​ലാ​ഴ്‌ത്തി​യി​രി​ക്കാം. എല്ലാവ​രും സാമ്പത്തി​ക​മാ​യി തുല്യ​രാ​യി​രി​ക്കു​ക​യി​ല്ലെന്ന്‌ യഹോവ തന്റെ ന്യായ​പ്ര​മാ​ണ​ത്തിൽതന്നെ സമ്മതി​ച്ചി​രി​ക്കു​ന്നു. (ആവർത്തനം 15:11) എന്നാൽ ദരി​ദ്ര​രോ​ടും ക്ലേശി​ത​രോ​ടും സഹതപി​ക്കു​ന്ന​തി​ലു​പരി അവൻ ചെയ്‌തു. അവൻ സഹായ​ത്തിന്‌ ഏർപ്പാടു ചെയ്‌തു.

⁷ അങ്ങനെ​യു​ള്ള​വർക്ക്‌ ആഹാരം അടിയ​ന്തി​ര​മാ​യി ആവശ്യ​മാ​യി​രി​ക്കും. തന്നിമി​ത്തം യിസ്രാ​യേ​ലി​ലെ സാധു​ക്കൾക്ക്‌ വയലു​ക​ളി​ലും മുന്തി​രി​ത്തോ​ട്ട​ങ്ങ​ളി​ലും അല്ലെങ്കിൽ ഒലിവു വൃക്ഷങ്ങ​ളി​ലും​നിന്ന്‌ കാലാ​പ​റി​ക്കാൻ സ്വാത​ന്ത്ര്യ​മു​ണ്ടെന്ന്‌ ദൈവം നിർദ്ദേ​ശി​ച്ചു. (ആവർത്തനം 24:19-22; ലേവ്യ​പു​സ്‌തകം 19:9, 10; 23:22) മടിയ​രാ​യി​രി​ക്കു​ന്ന​തി​നോ വേല ചെയ്യാൻ കഴിവു​ള്ള​പ്പോൾ പൊതു​ജ​ന​ങ്ങ​ളിൽനി​ന്നുള്ള ദാനത്തിൽനിന്ന്‌ ഉപജീ​വി​ക്കാ​നോ ദൈവ​വഴി ആളുകളെ പ്രോ​ത്സാ​ഹി​പ്പി​ച്ചില്ല. കാലാ പറിക്കുന്ന ഒരു യിസ്രാ​യേ​ല്യൻ അന്നന്ന​ത്തേക്ക്‌ ആഹാരം ശേഖരി​ക്കു​ന്ന​തിന്‌ ഉഗ്രമായ വെയി​ലിൽ ഒരുപക്ഷേ നീണ്ട മണിക്കൂ​റു​കൾ ചെലവ​ഴി​ച്ചു​കൊണ്ട്‌ ശ്രമം ചെലു​ത്തേ​ണ്ടി​യി​രു​ന്നു. എന്നിരു​ന്നാ​ലും ഈ വിധത്തിൽ ദൈവം ദരി​ദ്രർക്കു​വേണ്ടി ഗണ്യമാ​യി കരുതൽ ചെയ്‌തി​രു​ന്നു​വെന്ന വസ്‌തു​തയെ നാം അവഗണി​ക്ക​രുത്‌.—രൂത്ത്‌ 2:2-7 താരത​മ്യ​പ്പെ​ടു​ത്തുക; സങ്കീർത്തനം 69:33; 102:17.

8. (എ) വ്യക്തി​ക​ളായ യിസ്രാ​യേ​ല്യർ തങ്ങളുടെ സഹോ​ദ​ര​ങ്ങൾക്കു​വേണ്ടി എന്തു ചെയ്യാൻ പ്രോ​ത്സാ​ഹി​പ്പി​ക്ക​പ്പെട്ടു? (യിരെ​മ്യാവ്‌ 5:26, 28 താരത​മ്യ​പ്പെ​ടു​ത്തുക.) (ബി) യഹോവ യിസ്രാ​യേ​ല്യർക്കു​ണ്ടാ​യി​രി​ക്കാൻ പ്രോ​ത്സാ​ഹി​പ്പിച്ച മനോ​ഭാ​വ​ത്തെ​യും ഇന്നു സാധാ​ര​ണ​മാ​യി​രി​ക്കുന്ന മനോ​ഭാ​വ​ത്തെ​യും നിങ്ങൾ എങ്ങനെ താരത​മ്യ​പ്പെ​ടു​ത്തും?

⁸ യെശയ്യാവ്‌ 58:6, 7-ലെതു​പോ​ലെ​യുള്ള പ്രസ്‌താ​വ​ന​ക​ളാൽ യഹോവ ക്ലേശി​ത​രി​ലുള്ള തന്റെ താൽപ്പ​ര്യ​ത്തെ കൂടു​ത​ലാ​യി ഊന്നി​പ്പ​റഞ്ഞു. സ്വസം​തൃ​പ്‌ത​രാ​യി​രുന്ന ചില യിസ്രാ​യേ​ല്യർ ഉപവാ​സ​ത്തി​ന്റെ ഒരു നാട്യം കാണി​ച്ച​പ്പോൾ ദൈവ​ത്തി​ന്റെ പ്രവാ​ചകൻ ഇങ്ങനെ പ്രഖ്യാ​പി​ച്ചു: “ഞാൻ ഇഷ്ടപ്പെ​ടുന്ന ഉപവാസം ഇതല്ലയോ? ഞെരു​ക്ക​പ്പെ​ട്ട​വരെ സ്വത​ന്ത്ര​രാ​യി വിട്ടയ​യ്‌ക്കു​ന്ന​തും നിങ്ങൾ ഏതു നുക​ത്തെ​യും രണ്ടായി ഒടിക്കു​ന്ന​തും. . . ? അത്‌ നിങ്ങളു​ടെ അപ്പത്തെ വിശക്കു​ന്ന​വന്‌ പങ്കു​വെ​യ്‌ക്കു​ന്ന​തും ക്ലേശി​ത​രും ഭവന രഹിത​രു​മാ​യ​വരെ നിങ്ങളു​ടെ വീട്ടിൽ കൊണ്ടു​വ​രു​ന്ന​തു​മ​ല്ല​യോ? നഗ്നനായ ആരെ​യെ​ങ്കി​ലും നിങ്ങൾ കാണു​ന്ന​പക്ഷം നിങ്ങൾ അവനെ ഉടുപ്പി​ക്കു​ന്ന​തും നിന്റെ സ്വന്തം ജഡത്തിൽനിന്ന്‌ ഒളിച്ചു​ക​ള​യാ​തി​രി​ക്കു​ന്ന​തു​മ​ല്ല​യോ?” ഇക്കാലത്ത്‌ ചില വ്യക്തികൾ തങ്ങളുടെ ‘സുഖ​മേഖല’യെന്നു വിളി​ക്കാ​വു​ന്ന​തി​നെ സംരക്ഷി​ക്കു​ന്നു. തങ്ങൾക്ക്‌ വ്യക്തി​പ​ര​മായ ത്യാഗ​മോ അസൗക​ര്യ​മോ വരുത്തി​ക്കൂ​ട്ടു​ന്നി​ല്ലെ​ങ്കിൽ മാത്രം ഒരു ദരി​ദ്രനെ സഹായി​ക്കാൻ അവർ സന്നദ്ധരാണ്‌. യെശയ്യാ​വി​ലൂ​ടെ​യുള്ള ദൈവ​വ​ച​നങ്ങൾ എത്ര വ്യത്യ​സ്‌ത​മായ ഒരു മനോ​ഭാ​വ​ത്തെ​യാണ്‌ ഊന്നി​പ്പ​റ​ഞ്ഞത്‌!—യെഹെ​സ്‌ക്കേൽ 18:5-9 കൂടെ കാണുക.

9. വായ്‌പ കൊടു​ക്കു​ന്നതു സംബന്ധിച്ച്‌ ന്യായ​പ്ര​മാ​ണം എന്തു ബുദ്ധി​യു​പ​ദേ​ശി​ച്ചു, ദൈവം എന്തു മനോ​ഭാ​വ​ത്തി​നു പ്രോ​ത്സാ​ഹി​പ്പി​ച്ചു?

⁹ ദരി​ദ്ര​രായ യിസ്രാ​യേല്യ സഹോ​ദ​രൻമാ​രോ​ടുള്ള താത്‌പ​ര്യം വായ്‌പ കൊടു​ക്കു​ന്ന​തിൽ പ്രകട​മാ​ക്കാൻ കഴിയു​മാ​യി​രു​ന്നു. വ്യാപാ​ര​ത്തി​ലേർപ്പെ​ടാ​നോ അതു വികസി​പ്പി​ക്കാ​നോ ഉപയോ​ഗി​ക്കാൻ ആർക്കെ​ങ്കി​ലും പണം വായ്‌പ കൊടു​ക്കു​മ്പോൾ ഒരു യിസ്ര​യേ​ല്യന്‌ പലിശ പ്രതീ​ക്ഷി​ക്കാൻ കഴിയു​മാ​യി​രു​ന്നു. എന്നിരു​ന്നാ​ലും, ദരി​ദ്ര​നായ ഒരു സഹോ​ദ​രന്‌ വായ്‌പ കൊടു​ക്കുന്ന പണത്തിന്‌ പലിശ ചുമത്ത​രു​തെന്ന്‌ യഹോവ പറഞ്ഞു, വായ്‌പ വാങ്ങു​ന്ന​യാ​ളു​ടെ നൈരാ​ശ്യം മററു വിധത്തിൽ അയാളെ ദുഷ്‌പ്ര​വൃ​ത്തിക്ക്‌ പ്രലോ​ഭി​പ്പി​ച്ചേ​ക്കാം. (പുറപ്പാട്‌ 22:25; ആവർത്തനം 15:7, 8, 11; 23:19, 20; സദൃശ​വാ​ക്യ​ങ്ങൾ 6:30, 31) നിർഭാ​ഗ്യ​വാൻമാ​രോ​ടുള്ള ദൈവ​ത്തി​ന്റെ മനോ​ഭാ​വം അവന്റെ ജനത്തിന്‌ ഒരു മാതൃ​ക​യാ​യി​രി​ക്ക​ണ​മാ​യി​രു​ന്നു. നമ്മോട്‌ ഇങ്ങനെ വാഗ്‌ദത്തം ചെയ്യു​ക​പോ​ലും ചെയ്‌തി​രി​ക്കു​ന്നു: “എളിയ​വ​നോ​ടു പ്രീതി​കാ​ട്ടു​ന്നവൻ യഹോ​വക്കു വായ്‌പ കൊടു​ക്കു​ക​യാ​കു​ന്നു, അവന്റെ പെരു​മാ​ററം അവൻ അവനു തിരികെ കൊടു​ക്കും.” (സദൃശ​വാ​ക്യ​ങ്ങൾ 19:17) അതി​നെ​ക്കു​റി​ച്ചു ചിന്തി​ക്കുക—നിങ്ങൾക്ക്‌ ധാരാ​ള​മാ​യി അവൻ തിരികെ നൽകു​മെ​ന്നുള്ള ഉറപ്പോ​ടെ യഹോ​വ​യ്‌ക്കു വായ്‌പ കൊടു​ക്കൽ!

10. ദൈവ​ത്തി​ന്റെ ദൃഷ്ടാന്തം പരിചി​ന്തി​ച്ച​ശേഷം നിങ്ങൾക്ക്‌ നിങ്ങ​ളോ​ടു​തന്നെ എന്തു ചോദി​ക്കാ​വു​ന്ന​താണ്‌?

¹⁰ തന്നിമി​ത്തം നമ്മളെ​ല്ലാം ഇങ്ങനെ ചോദി​ക്കേ​ണ്ടി​യി​രി​ക്കു​ന്നു: ക്ലേശി​ത​രോ​ടുള്ള ദൈവ​ത്തി​ന്റെ വീക്ഷണ​വും പെരു​മാ​റ​റ​വും എന്നെ സംബന്ധിച്ച്‌ എന്തർത്ഥ​മാ​ക്കു​ന്നു? നാം അവന്റെ പൂർണ്ണ​ത​യുള്ള മാതൃ​ക​യിൽനിന്ന്‌ പഠിച്ച്‌ അത്‌ അനുക​രി​ക്കാൻ ശ്രമി​ച്ചി​ട്ടു​ണ്ടോ? ഈ കാര്യ​ത്തിൽ ദൈവ​ത്തി​ന്റെ പ്രതി​ച്ഛാ​യ​യി​ലാ​യി​രി​ക്കു​ന്നതു സംബന്ധിച്ച്‌ എനിക്കു മെച്ച​പ്പെ​ടാൻ കഴിയു​മോ?—ഉൽപത്തി 1:26.

പിതാ​വി​നെ​പ്പോ​ലെ പുത്ര​നും

11. യേശു​വി​ന്റെ താത്‌പ​ര്യം അവന്റെ പിതാ​വി​ന്റെ​തി​ന്റെ​തി​നോട്‌ ഒക്കുന്ന​തെ​ങ്ങനെ? (2 കൊരി​ന്ത്യർ 8:9)

¹¹ യേശു​ക്രി​സ്‌തു “[യഹോ​വ​യു​ടെ] മഹത്വ​ത്തി​ന്റെ പ്രതി​ഫ​ല​ന​വും അവന്റെ അസ്‌തി​ത്വ​ത്തി​ന്റെ തന്നെ കൃത്യ​മായ പ്രതി​നി​ധാ​ന​വും” ആകുന്നു. (എബ്രായർ 1:3) അതു​കൊണ്ട്‌ സത്യാ​രാ​ധ​ന​യിൽ താല്‌പ​ര​രാ​യ​വ​രോ​ടുള്ള തന്റെ പിതാ​വി​ന്റെ താത്‌പ​ര്യ​ത്തെ അവൻ പ്രതി​ഫ​ലി​പ്പി​ക്കു​മെന്ന്‌ നമുക്കു പ്രതീ​ക്ഷി​ക്കാ​വു​ന്ന​താണ്‌. അവൻ പ്രതി​ഫ​ലി​പ്പി​ച്ചു. ഏററവു​മ​ധി​കം പരിഹാ​രം ആവശ്യ​മാ​യി​രു​ന്നത്‌ ആത്മീയ ദാരി​ദ്ര്യ​ത്തി​നാ​ണെന്ന്‌ യേശു പ്രകട​മാ​ക്കി: “തങ്ങളുടെ ആത്മീയ ദാരി​ദ്ര്യ​ത്തെ​ക്കു​റി​ച്ചു ബോധ​മു​ള്ളവർ സന്തുഷ്ട​രാ​കു​ന്നു, എന്തു​കൊ​ണ്ടെ​ന്നാൽ സ്വർഗ്ഗ​രാ​ജ്യം അവർക്കു​ള്ള​താണ്‌.” (മത്തായി 5:3; ലൂക്കോസ്‌ 6:20 താരത​മ്യ​പ്പെ​ടു​ത്തുക) “സത്യത്തി​നു സാക്ഷ്യം വഹി​ക്കേ​ണ്ട​തിന്‌ ഞാൻ ജനിച്ചി​രി​ക്കു​ന്നു, ഇതിനാ​യി ഞാൻ ലോക​ത്തി​ലേക്കു വന്നിരി​ക്കു​ന്നു” എന്നും ക്രിസ്‌തു പറഞ്ഞു. (യോഹ​ന്നാൻ 18:37) അതിൻപ്ര​കാ​രം അവൻ അത്ഭുതം പ്രവർത്തി​ക്കുന്ന ഒരുവ​നാ​യി​ട്ടോ രോഗ​ശാ​ന്തി​വ​രു​ത്തു​ന്ന​വ​നാ​യി​ട്ടോ അല്ല മുഖ്യ​മാ​യി അറിയ​പ്പെ​ട്ടത്‌, പിന്നെ​യോ ഒരു ഉപദേ​ഷ്ടാ​വാ​യി​ട്ടാ​യി​രു​ന്നു. (മർക്കോസ്‌ 10:17-21; 12:28-33) ഈ ബന്ധത്തിൽ, മർക്കോസ്‌ 6:30-34 ശ്രദ്ധി​ക്കുക. യേശു ആശ്വസി​ക്കു​ന്ന​തിന്‌ രഹസ്യ​മാ​യി കുറേ സമയം തേടി​യ​തി​നെ​ക്കു​റി​ച്ചു നാം വായി​ക്കു​ന്നു. അപ്പോൾ “ഇടയനി​ല്ലാത്ത ആടുക​ളെ​പ്പോ​ലെ . . . അവൻ ഒരു മഹാപു​രു​ഷാ​രത്തെ കണ്ടു.” അവൻ എങ്ങനെ പ്രതി​ക​രി​ച്ചു?” “അവൻ അവരെ പലതും പഠിപ്പി​ച്ചു തുടങ്ങി.” അതെ, യേശു അവരുടെ ഏററവും വലിയ ആവശ്യ​ത്തോ​ടുള്ള പ്രതി​ക​ര​ണ​മാ​യി സ്വന്തം പ്രവർത്ത​നത്തെ ദീർഘി​പ്പി​ച്ചു: അവർക്ക്‌ എന്നേക്കും ജീവി​ക്കാൻ സഹായ​ക​മായ സത്യമാ​യി​രു​ന്നു അവരുടെ ഏററവും വലിയ ആവശ്യം.—യോഹ​ന്നാൻ 4:14; 6:51.

12. മർക്കോസ്‌ 6:30-34-ൽ നിന്നും മർക്കോസ്‌ 6:35-44-ൽ നിന്നും യേശു​വി​ന്റെ വീക്ഷണങ്ങൾ സംബന്ധിച്ച്‌ നമുക്ക്‌ എന്തു പഠിക്കാൻ കഴിയും?

¹² യേശു വിനീ​ത​രായ യഹൂദൻമാ​രു​ടെ ആത്മീയാ​വ​ശ്യ​ങ്ങ​ളിൽ കേന്ദ്രീ​ക​രി​ച്ച​പ്പോൾ തന്നെ അവരുടെ ഭൗതി​കാ​വ​ശ്യ​ങ്ങളെ അവൻ അവഗണി​ച്ചില്ല. അക്ഷരീയ ഭക്ഷണത്തി​ന്റെ ആവശ്യം സംബന്ധി​ച്ചു യേശു ഉണർവ്വു​ള്ള​വ​നാ​യി​രു​ന്നു​വെന്ന്‌ മർക്കോ​സി​ന്റെ വിവരണം പ്രകട​മാ​ക്കു​ന്നു. “ഭക്ഷിക്കാൻ എന്തെങ്കി​ലും സ്വയം വാങ്ങു​ന്ന​തിന്‌” ജനക്കൂ​ട്ടത്തെ പറഞ്ഞയ​യ്‌ക്ക​ണ​മെന്ന്‌ അപ്പോ​സ്‌ത​ലൻമാർ ആദ്യം നിർദ്ദേ​ശി​ച്ചു. യേശു സമ്മതി​ച്ചില്ല. അപ്പോൾ തങ്ങളുടെ കൈവ​ശ​മു​ണ്ടാ​യി​രുന്ന പ്രവർത്ത​ന​ഫ​ണ്ടിൽ കുറെ എടുത്ത്‌ ഭക്ഷ്യം വാങ്ങു​ന്ന​തി​നു​പ​യോ​ഗി​ക്കാ​നുള്ള സാദ്ധ്യത അപ്പോ​സ്‌ത​ലൻമാർ ഉന്നയിച്ചു. പകരം, സ്‌ത്രീ​ക​ളെ​യും കുട്ടി​ക​ളെ​യും കൂടാതെ 5000 പുരു​ഷൻമാ​രെ പോഷി​പ്പിച്ച കീർത്തി​പ്പെട്ട അത്ഭുതം പ്രവർത്തി​ക്കാ​നാണ്‌ യേശു ഇഷ്ടപ്പെ​ട്ടത്‌. അപ്പവും മീനു​മാ​കുന്ന ഒരു അടിസ്ഥാ​ന​ഭ​ക്ഷണം പ്രദാനം ചെയ്യതു​കൊ​ണ്ടു​തന്നെ. ജനക്കൂ​ട്ട​ത്തി​ന്റെ ആവശ്യത്തെ അത്ഭുത​ക​ര​മാ​യി നിറ​വേ​റ​റു​ന്നത്‌ യേശു​വിന്‌ എളുപ്പ​മാ​യി​രു​ന്നു​വെന്ന്‌ ചിലർ ഇക്കാലത്ത്‌ വിചാ​രി​ച്ചേ​ക്കാം. എന്നാലും, അവന്‌ യഥാർത്ഥ താത്‌പ​ര്യ​മു​ണ്ടാ​യി​രു​ന്നു​വെന്ന വസ്‌തു​യെ നാം അവഗണി​ക്ക​രുത്‌. അവൻ അതനു​സ​രിച്ച്‌ പ്രവർത്തി​ച്ചു.—മർക്കോസ്‌ 6:35-44; മത്തായി 14:21.a

13. യേശു ആളുക​ളു​ടെ ക്ഷേമത്തി​ലുള്ള തന്റെ താത്‌പ​ര്യ​ത്തി​ന്റെ വേറെ ഏതു തെളി​വു​നൽകി?

¹³ നിർഭ്യാ​ഗ്യ​വാൻമാ​രോ​ടുള്ള യേശു​വി​ന്റെ വികാരം ദരി​ദ്രർക്കു​മ​തീ​ത​മാ​യി പോ​യെന്നു തെളി​യി​ക്കുന്ന സുവി​ശേഷ വിവര​ണങ്ങൾ നിങ്ങൾ വായി​ച്ചി​രി​ക്കാ​നി​ട​യുണ്ട്‌. അവൻ രോഗി​ക​ളെ​യും ക്ലേശി​ത​രെ​യും സഹായി​ച്ചു. (ലൂക്കോസ്‌ 6:17-19; 17:12-19; യോഹ​ന്നാൻ 5:2-9; 9:1-7) അവന്റെ അടുത്താ​യി​രി​ക്കാ​നി​ട​യാ​യ​വരെ മാത്രം സൗഖ്യ​മാ​ക്കു​ക​യാ​യി​രു​ന്നില്ല. ചില സമയങ്ങ​ളിൽ സഹായം കൊടു​ക്കു​ന്ന​തിന്‌ അവൻ രോഗി​യു​ടെ അടുക്ക​ലേക്കു സഞ്ചരിച്ചു.—ലൂക്കോസ്‌ 41:55.

14, 15. (എ) യേശു തന്റെ അനുഗാ​മി​കൾ തന്റേതു പോലുള്ള താത്‌പ​ര്യ​ങ്ങൾ പ്രകട​മാ​ക്കാൻ പ്രതീ​ക്ഷി​ച്ചു​വെന്ന്‌ നമുക്ക്‌ ഉറപ്പു​ണ്ടാ​യി​രി​ക്കാൻ കഴിയു​ന്ന​തെ​ന്തു​കൊണ്ട്‌?

¹⁴ എന്നിരു​ന്നാ​ലും, ദരി​ദ്ര​രും ക്ലേശി​ത​രു​മായ ശിഷ്യൻമാ​രു​ടെ (അഥവാ സത്യാ​ന്വേ​ഷി​ക​ളു​ടെ) ആവശ്യങ്ങൾ അത്ഭുതങ്ങൾ ചെയ്‌തു​കൊണ്ട്‌ ആശ്വാസം പകരാൻ കഴിവു​ണ്ടാ​യി​രു​ന്ന​വ​രു​ടെ മാത്രം കാര്യം ആയിരു​ന്നു​വോ? അല്ലായി​രു​ന്നു. യേശു​വി​ന്റെ ശിഷ്യൻമാ​രെ​ല്ലാ​വ​രും താത്‌പ​ര്യ​മെ​ടു​ക്കു​ക​യും അതനു​സ​രിച്ച്‌ പ്രവർത്തി​ക്കു​ക​യും ചെയ്യണ​മാ​യി​രു​ന്നു. ദൃഷ്ടാ​ന്ത​മാ​യി, നിത്യ​ജീ​വൻ ആഗ്രഹിച്ച ഒരു ധനിക​നായ മനുഷ്യ​നെ അവൻ ഇങ്ങനെ ഉപദേ​ശി​ച്ചു: “നിനക്കു​ള്ള​വ​യെ​ല്ലാം വിററ്‌ ദരി​ദ്രർക്കു വിതരണം ചെയ്യുക, അപ്പോൾ നിനക്ക്‌ സ്വർഗ്ഗ​ത്തിൽ നിക്ഷേ​പ​മു​ണ്ടാ​കം.” (ലൂക്കോസ്‌ 18:18-22) യേശു ഇങ്ങനെ​യും ബുദ്ധി​യു​പ​ദേ​ശി​ച്ചു: “നീ ഒരു വിരു​ന്നൊ​രു​ക്കു​മ്പോൾ ദരി​ദ്ര​രെ​യും അംഗഹീ​ന​രെ​യും മുടന്ത​രെ​യും കുരു​ട​രെ​യും ക്ഷണിക്കുക; അപ്പോൾ നീ സന്തുഷ്ട​നാ​യി​രി​ക്കും, എന്തു​കൊ​ണ്ടെ​ന്നാൽ നിനക്ക്‌ തിരി​ച്ചു​ത​രാൻ അവർക്കു യാതൊ​ന്നു​മില്ല. എന്തെന്നാൽ നീതി​മാൻമാ​രു​ടെ പുനരു​ത്ഥാ​ന​ത്തിൽ നിനക്കു പ്രതി​ഫലം ലഭിക്കും.”—ലൂക്കോസ്‌ 14:13, 14.

¹⁵ ക്രിസ്‌ത്യാ​നി ക്രിസ്‌തു​വി​ന്റെ ഒരു അനുകാ​രി​യാണ്‌. തന്നിമി​ത്തം നമ്മി​ലോ​രോ​രു​ത്തർക്കും ഇങ്ങനെ ചോദി​ക്കാ​വു​ന്ന​താണ്‌: ദരി​ദ്ര​രോ​ടും ക്ലേശി​ത​രോ​ടും നിർഭാ​ഗ്യ​വാൻമാ​രോ​ടു​മുള്ള യേശു​വി​ന്റെ മനോ​ഭാ​വ​ത്തെ​യും പ്രവർത്ത​ന​ങ്ങ​ളെ​യും ഞാൻ ഏതളവിൽ അനുക​രി​ക്കു​ന്നു? അപ്പോ​സ്‌ത​ല​നായ പൗലോ​സി​നെ​പ്പോ​ലെ “ഞാൻ ക്രിസ്‌തു​വി​ന്റെ അനുകാ​രി​യാ​യി​രി​ക്കു​ന്ന​തു​പോ​ലെ എന്റെ അനുകാ​രി​ക​ളാ​യി​ത്തീ​രുക” എന്ന്‌ എനിക്ക്‌ സത്യസ​ന്ധ​മാ​യി പറയാൻ കഴിയു​മോ?—1 കൊരി​ന്ത്യർ 11:1.

പൗലോസ്‌—ഒരു സന്തുഷ്ട മാതൃക

16. അപ്പോ​സ്‌ത​ല​നായ പൗലോ​സിന്‌ പ്രത്യേക താത്‌പ​ര്യ​മു​ണ്ടാ​യി​രു​ന്നത്‌ എന്തിലാ​യി​രു​ന്നു?

¹⁶ ഈ ബന്ധത്തിൽ പൗലോ​സി​നെ പരിഗ​ണി​ക്കു​ന്നത്‌ ഉചിത​മാണ്‌, എന്തു​കൊ​ണ്ടെ​ന്നാൽ അവനും അനുക​രി​ക്കു​ന്ന​തിന്‌ ഒരു നല്ല ദൃഷ്ടാ​ന്ത​മാണ്‌. നാം പ്രതീ​ക്ഷി​ക്കു​ന്ന​തു​പോ​ലെ, അവന്റെ മുഖ്യ ശ്രദ്ധ മററു​ള്ള​വ​രു​ടെ ആത്മീയാ​വ​ശ്യ​ങ്ങ​ളി​ലാ​യി​രു​ന്നു. അവൻ ’“മററു​ള്ള​വ​രോ​ടു നിരന്നു​കൊ​ള്ളുക” എന്ന്‌ യാചി​ക്കുന്ന, ക്രിസ്‌തു​വി​നു​പ​ക​ര​മുള്ള ഒരു സ്ഥാനപതി’യായി​രു​ന്നു. (2 കൊരി​ന്ത്യർ 5:20) പൗലോ​സി​ന്റെ പ്രത്യേക നിയമനം യഹൂ​ദേ​ത​ര​രു​ടെ ഇടയിൽ പ്രസം​ഗി​ക്കു​ന്ന​തി​നും അവരുടെ സഭകളെ കെട്ടു​പ​ണി​ചെ​യ്യു​ന്ന​തി​നു​മാ​യി​രു​ന്നു. അവൻ എഴുതി: “പരിച്‌ഛേ​ദ​ന​യേൽക്കാ​ത്ത​വർക്കു​വേണ്ടി എന്നെ സുവാർത്ത ഭരമേൽപ്പി​ച്ചി​രി​ക്കു​ന്നു.”—ഗലാത്യർ 2:7.

17. പൗലോസ്‌ ശാരീ​രിക താത്‌പ​ര്യ​ങ്ങൾക്കും ശ്രദ്ധ കൊടു​ത്തു​വെന്ന്‌ നാം എങ്ങനെ അറിയു​ന്നു?

¹⁷ എന്നാൽ താൻ ക്രിസ്‌തു​വി​നെ അനുക​രി​ക്കു​ന്നു​വെന്ന്‌ പൗലോസ്‌ പറഞ്ഞതു​കൊണ്ട്‌, അവൻ (യഹോ​വ​യേ​യും ക്രിസ്‌തു​വി​നെ​യും​പോ​ലെ) സഹാരാ​ധ​ക​രു​ടെ ശാരീ​രിക ക്ലേശങ്ങൾക്ക്‌ അഥവാ പ്രയാ​സ​ങ്ങൾക്ക്‌ ശ്രദ്ധ കൊടു​ത്തോ? പൗലോസ്‌ തന്നെ ഉത്തരം പറയട്ടെ. ഗലാത്യർ 2:9-ൽ അവൻ തുടർന്നു: ‘ഞങ്ങൾ ജനതക​ളു​ടെ അടുക്ക​ലേക്കു പോ​കേ​ണ്ട​തിന്‌ യാക്കോ​ബും കേഫാ​വും [പത്രോ​സും] യോഹ​ന്നാ​നും എനിക്കും ബർന്നബാ​സി​നും കൂട്ടാ​യ്‌മ​യു​ടെ വലങ്കൈ തന്നു.’ അനന്തരം അടുത്ത വാക്യ​ത്തിൽതന്നെ പൗലോസ്‌ ഇങ്ങനെ കൂട്ടി​ച്ചേർത്തു: “ഞങ്ങൾ ദരി​ദ്രരെ ഓർക്കുക മാത്രം ചെയ്യണം. അതുതന്നെ ചെയ്യാ​നാണ്‌ ഞാൻ ആത്മാർത്ഥ​മാ​യി ശ്രമി​ച്ചി​ട്ടു​ള്ളത്‌.” (ഗലാത്യർ 2:10) അങ്ങനെ താൻ അനേകം സഭകളു​ടെ ഉത്തരവാ​ദി​ത്ത​ങ്ങ​ളുള്ള ഒരു മിഷനറി—അപ്പോ​സ്‌ത​ല​നാ​ണെ​ങ്കി​ലും തന്റെ സഹോ​ദ​രീ​സ​ഹോ​ദ​രൻമാ​രു​ടെ ശാരീ​രി​ക​ക്ഷേ​മ​ത്തിൽ താൽപ​ര്യം കാണി​ക്കാൻ കഴിയാ​ത്ത​വി​ധം താൻ അത്ര തിരക്കി​ലാ​യി​രി​ക്കാ​വു​ന്ന​ത​ല്ലെന്ന്‌ പൗലോസ്‌ മനസ്സി​ലാ​ക്കി.

18. ഗലാത്യർ 2:10-ൽ ഏതു “ദരി​ദ്രരെ” പരാമർശി​ക്കു​ക​യാ​യി​രു​ന്നി​രി​ക്കാം, അവർക്ക്‌ ശ്രദ്ധ ലഭി​ക്കേ​ണ്ടി​യി​രു​ന്ന​തെ​ന്തു​കൊണ്ട്‌?

¹⁸ അവൻ ഗലാത്യർ 2:10-ൽ പറഞ്ഞ “ദരിദ്രർ” മുഖ്യ​മാ​യി യഹൂദ്യ​യി​ലെ യെരൂ​ശ​ലേ​മി​ലു​മു​ണ്ടാ​യി​രുന്ന യഹൂദ ക്രിസ്‌ത്യാ​നി​ക​ളാ​യി​രി​ക്കാ​നി​ട​യുണ്ട്‌. നേരത്തെ ഭക്ഷ്യത്തി​ന്റെ “ദൈനം​ദിന വിതര​ണ​ത്തിൽ തങ്ങളുടെ വിധവ​മാർ അവഗണി​ക്ക​പ്പെ​ട്ട​തു​കൊണ്ട്‌ എബ്രായ സംസാ​രി​ക്കുന്ന യഹൂദൻമാർക്കെ​തി​രെ ഗ്രീക്ക്‌ സംസാ​രി​ക്കുന്ന യഹൂദൻമാ​രു​ടെ ഭാഗത്ത്‌ പിറു​പി​റുപ്പ്‌” ഉണ്ടായി​രു​ന്നു. (പ്രവൃ​ത്തി​കൾ 6:1) അതു​കൊണ്ട്‌, താൻ ജനതക​ളു​ടെ ഒരു അപ്പോ​സ്‌ത​ല​നാ​ണെന്നു പറഞ്ഞ​പ്പോൾ താൻ ക്രിസ്‌തീയ സഹോ​ദ​ര​വർഗ്ഗ​ത്തി​ലെ ആരെയും അവഗണി​ക്കു​ന്നി​ല്ലെന്ന്‌ പൗലോസ്‌ വ്യക്തമാ​ക്കി. (റോമർ 11:13) “ശരീര​ത്തിൽ ഭിന്നത ഉണ്ടായി​രി​ക്ക​രുത്‌, എന്നാൽ . . . അതിലെ അംഗങ്ങൾക്ക്‌ പരസ്‌പരം ഒരേ പരിപാ​ലനം ഉണ്ടായി​രി​ക്കണം. ഒരു അംഗം കഷ്ടപ്പെ​ടു​ന്നു​വെ​ങ്കിൽ, മറെറാ​ല്ലാ അംഗങ്ങ​ളും അതോ​ടു​കൂ​ടെ കഷ്ടപ്പെ​ടു​ന്നു” എന്ന വാക്കു​ക​ളിൽ സഹോ​ദ​രൻമാ​രു​ടെ ശാരീ​രിക പരിപാ​ല​ന​വും ഉൾപ്പെ​ടു​ന്നു​വെന്ന്‌ അവൻ മനസ്സി​ലാ​ക്കി.—1 കൊരി​ന്ത്യർ 12:25, 26.

19. പൗലോ​സും മറ്റുള്ള​വ​രും ദരി​ദ്ര​രോ​ടുള്ള തങ്ങളുടെ താത്‌പ​ര്യ​ത്തി​ന​നു​സൃ​ത​മാ​യി പ്രവർത്തി​ച്ചു​വെന്നു നമുക്ക്‌ എന്തു തെളി​വുണ്ട്‌?

¹⁹ ദാരി​ദ്ര്യ​മോ പ്രാ​ദേ​ശിക ക്ഷാമമോ പീഡന​മോ നിമിത്തം യെരൂ​ശ​ലേ​മി​ലും യഹൂദ്യ​യി​ലു​മുള്ള ക്രിസ്‌ത്യാ​നി​കൾ കഷ്ടപ്പെ​ട്ട​പ്പോൾ ചില വിദൂര സഭകൾ പ്രതി​വർത്തി​ച്ചു. തീർച്ച​യാ​യും അവർ ദൈവ​സ​ഹാ​യ​ത്തി​നും ആശ്വാ​സ​ത്തി​നും വേണ്ടി പ്രാർത്ഥ​ന​യിൽ തങ്ങളുടെ ദരി​ദ്ര​സ​ഹോ​ദ​രൻമാ​രെ ഓർത്തി​രി​ക്കണം. എന്നാൽ അവർ അതു​കൊ​ണ്ടു തൃപ്‌തി​പ്പെ​ട്ടില്ല. “യെരൂ​ശ​ലേ​മി​ലെ വിശു​ദ്ധൻമാ​രിൽ ദരി​ദ്രർക്കു​വേ​ണ്ടി​യുള്ള ഒരു സംഭാ​വ​ന​യാൽ തങ്ങളുടെ വസ്‌തു​ക്കൾ പങ്കു​വെ​ക്കാൻ മക്കെ​ദോ​ന്യ​യി​ലും അഖായ​യി​ലു​മു​ള്ള​വർക്ക്‌ ഇഷ്ടമാ​യി​രു​ന്നു” എന്ന്‌ പൗലോസ്‌ എഴുതി. (റോമർ 15:26, 27) കഷ്ടപ്പെ​ടുന്ന തങ്ങളുടെ സഹോ​ദ​രൻമാർക്കു​വേണ്ടി അങ്ങനെ​യുള്ള സാമ്പത്തിക സഹായം ചെയ്‌തവർ “നമ്മിലൂ​ടെ ദൈവ​ത്തിന്‌ ഒരു നന്ദി​പ്ര​ക​ടനം ഉളവാ​ക്കുന്ന ഏതുതരം ഔദാ​ര്യ​ത്തി​നും സമ്പന്നരാ​ക്ക​പ്പെ​ടുക”യായി​രു​ന്നു. (2 കൊരി​ന്ത്യർ 9:1-13) അത്‌ അവർ സന്തുഷ്ട​രാ​യി​രി​ക്കാൻ കാരണ​മാ​യി​രി​ക്കു​ക​യി​ല്ലേ?

20. “ദരി​ദ്രരെ” സഹായി​ക്കാൻ സംഭാവന ചെയ്‌ത​വർക്ക്‌ സന്തുഷ്ട​രാ​യി​രി​ക്കാൻ കഴിഞ്ഞ​തെ​ന്തു​കൊണ്ട്‌?

²⁰ “യെരൂ​ശ​ലേ​മി​ലെ വിശു​ദ്ധൻമാ​രിൽ ദരി​ദ്ര​രാ​യ​വർക്കു​വേണ്ടി” തങ്ങളുടെ ഫണ്ട്‌ പങ്കുവെച്ച സഹോ​ദ​രൻമാർക്ക്‌ സന്തുഷ്ടിക്ക്‌ കൂടു​ത​ലായ ഒരു അടിസ്ഥാ​ന​മു​ണ്ടാ​യി​രു​ന്നു. സംഭാവന ചെയ്‌തവർ ക്ലേശി​തരെ പരിപാ​ലി​ച്ചത്‌ അവർക്ക്‌ ദൈവാം​ഗീ​കാ​രം ലഭിക്കാൻ സഹായി​ക്കു​മാ​യി​രു​ന്നു. എന്തു​കൊ​ണ്ടെന്ന്‌ റോമർ 15:26-ലും 2 കൊരി​ന്ത്യർ 9:13-ലും “സംഭാവന” എന്നു വിവർത്തനം ചെയ്‌തി​രുന്ന ഗ്രീക്ക്‌ പദത്തിൽ “കൂട്ടാ​യ്‌മ​യു​ടെ അടയാളം, സഹോദര ഐക്യ​ത്തി​ന്റെ തെളിവ്‌, ദാനം എന്നു​പോ​ലു”മുള്ള ആശയം ഉണ്ടെന്ന്‌ ഗൗനി​ക്കു​ന്ന​തി​നാൽ നമുക്കു കാണാൻ കഴിയും. അത്‌ എബ്രായർ 13:16-ൽ ഉപയോ​ഗി​ച്ചി​രി​ക്കു​ന്നു, അതിങ്ങനെ പറയുന്നു: “നൻമ​ചെ​യ്യ​ലും മററു​ള്ള​വർക്കു​വേ​ണ്ടി​യുള്ള വസ്‌തു​ക്ക​ളു​ടെ പങ്കു​വെ​ക്ക​ലും മറക്കരുത്‌, എന്തു​കൊ​ണ്ടെ​ന്നാൽ അങ്ങനെ​യുള്ള യാഗങ്ങ​ളിൽ ദൈവം നന്നായി പ്രസാ​ദി​ക്കു​ന്നു.”

നാം സന്തുഷ്ട​രാ​യി​രി​ക്കു​മോ?

21. സന്തുഷ്ടി നേടു​ന്ന​തിന്‌ എന്ത്‌ ഒരു അടിസ്ഥാ​നം നൽകു​മെന്ന്‌ നമുക്ക്‌ അനുമാ​നി​ക്കാൻ കഴിയും?

²¹ ഈ പരിചി​ന്ത​ന​ത്തിൽ, യഹോ​വ​യാം ദൈവ​വും യേശു​ക്രി​സ്‌തു​വും അപ്പോ​സ്‌ത​ല​നായ പൗലോ​സും ക്ലേശി​തരെ പരിപാ​ലി​ച്ചു​വെ​ന്ന​തി​ന്റെ തിരു​വെ​ഴു​ത്തു തെളിവ്‌ നാം പരി​ശോ​ധി​ക്കു​ക​യു​ണ്ടാ​യി. ആത്മീയാ​വ​ശ്യ​ങ്ങൾക്ക്‌ പ്രഥമ ശ്രദ്ധ ലഭിക്ക​ണ​മെന്ന്‌ അവരെ​ല്ലാം തിരി​ച്ച​റി​ഞ്ഞ​താ​യി നാം കണ്ടു. എന്നാൽ അവരെ​ല്ലാം വളരെ പ്രാ​യോ​ഗി​ക​മായ വിധങ്ങ​ളിൽ ദരി​ദ്ര​രി​ലും രോഗി​ക​ളി​ലും ദൗർഭാ​ഗ്യ​മ​നു​ഭ​വി​ക്കു​ന്ന​വ​രി​ലും താത്‌പ​ര്യം പ്രകടാ​മാ​ക്കി​യെ​ന്ന​തും സത്യമാണ്‌. പ്രാ​യോ​ഗി​ക​സ​ഹാ​യം കൊടു​ക്കു​ന്ന​തിൽ അവർക്കു സന്തുഷ്ടി കണ്ടെത്താൻ കഴിഞ്ഞു. അതു നമ്മേ സംബന്ധിച്ച്‌ കുറഞ്ഞ വിധത്തിൽ സത്യമാ​യി​രി​ക്ക​ണ​മോ? “‘സ്വീക​രി​ക്കു​ന്ന​തി​നെ​ക്കാൾ അധികം സന്തോഷം കൊടു​ക്കു​ന്ന​തി​ലുണ്ട്‌’ എന്നു കർത്താ​വായ യേശു തന്നെ പറഞ്ഞ​പ്പോ​ഴത്തെ അവന്റെ വാക്കുകൾ ഓർക്കുക” എന്ന്‌ അപ്പോ​സ്‌ത​ല​നായ പൗലോസ്‌ നമ്മെ ശക്തമായി ഉപദേ​ശി​ക്കു​ന്നു.—പ്രവൃ​ത്തി​കൾ 20:35.

22. ഈ സംഗതി​യു​ടെ ഏതു വശങ്ങൾ ഇനി നിങ്ങളു​ടെ ശ്രദ്ധ അർഹി​ക്കു​ന്നു?

²² എന്നാൽ എനിക്ക്‌ വ്യക്തി​പ​ര​മാ​യി എന്തു ചെയ്യാൻ കഴിയും? യഥാർത്ഥ ദരിദ്രർ ആരാ​ണെന്ന്‌ എനിക്ക്‌ എങ്ങനെ അറിയാൻ കഴിയും? അലസതക്കു പ്രോ​ത്സാ​ഹി​പ്പി​ക്കാ​തെ മററു​ള്ള​വ​രു​ടെ വികാ​ര​ങ്ങളെ പരിഗ​ണി​ക്കു​ന്ന​തും, ദയാപൂർവ്വ​ക​വും പ്രാ​യോ​ഗി​ക​വും സുവാർത്ത പരത്താ​നുള്ള എന്റെ ക്രിസ്‌തീയ കടമയു​മാ​യി സമനി​ല​യി​ലാ​യി​രി​ക്കു​ന്ന​തു​മായ ഒരു വിധത്തിൽ എനിക്ക്‌ എങ്ങനെ സഹായം കൊടു​ക്കാൻ കഴിയും എന്നു നിങ്ങൾ തീർച്ച​യാ​യും ചോദി​ച്ചേ​ക്കാം. നിങ്ങൾക്ക്‌ കൂടു​ത​ലായ സന്തുഷ്ടി കണ്ടെത്താ​നുള്ള അടിസ്ഥാ​ന​മി​ട്ടു​കൊണ്ട്‌ അടുത്ത ലേഖനം ഈ സംഗതി​യു​ടെ വശങ്ങൾ കൈകാ​ര്യം ചെയ്യു​ന്ന​താണ്‌. (w86 10/15)

[അടിക്കു​റി​പ്പു​കൾ]

നിങ്ങൾ ശ്രദ്ധി​ച്ചോ?

◻ ദൈവം നമ്മുടെ ആത്മീയാ​വ​ശ്യ​ങ്ങ​ളി​ലും അതു​പോ​ലെ​തന്നെ ഭൗതി​കാ​വ​ശ്യ​ങ്ങ​ളി​ലു​മുള്ള തന്റെ താത്‌പ​ര്യ​ത്തി​നു തെളിവു നൽകു​ന്ന​തെ​ങ്ങനെ?

◻ ആളുകളെ സത്യം പഠിപ്പി​ച്ചു​കൊണ്ട്‌ സഹായി​ക്കു​ന്ന​തി​നെ​ക്കാ​ളു​പ​രി​യായ താത്‌പ​ര്യം യേശു​വിന്‌ ഉണ്ടായി​രു​ന്നു​വെന്ന്‌ എന്തു പ്രകട​മാ​ക്കു​ന്നു?

◻ ദരി​ദ്രരെ സംബന്ധിച്ച്‌ പൗലോസ്‌ ഏതുതരം ദൃഷ്ടാന്തം വെച്ചു?

◻ യഹോ​വ​യു​ടെ​യും യേശു​വി​ന്റെ​യും അപ്പോ​സ്‌ത​ല​നായ പൗലോ​സി​ന്റെ​യും ദൃഷ്ടാ​ന്തങ്ങൾ പരിഗ​ണി​ച്ച​ശേഷം എന്തു ചെയ്യു​ന്ന​തി​ന്റെ ആവശ്യം നിങ്ങൾക്കു കാണാൻ കഴിയും?

(ബി) നാം നമ്മോ​ടു​തന്നെ എന്തു ചോദി​ക്കു​ന്നതു നന്നാണ്‌?