ദൈവ​വു​മാ​യുള്ള സമാധാ​നം നേടുക—സമർപ്പ​ണ​ത്താ​ലും സ്‌നാ​ന​ത്താ​ലും

“യഹോവ തുടർന്നു പറഞ്ഞു: ‘ . . . അടയാ​ള​മുള്ള യാതൊ​രു മനുഷ്യ​ന്റെ​യും അടുക്കൽ പോക​രുത്‌‘”—യെഹെ​സ്‌ക്കേൽ 9:4, 6.

1, 2. (എ)പൊതു​ജ​നങ്ങൾ ദൈവ​വു​മാ​യി സമാധാ​ന​ത്തി​ല​ല്ലാ​ത്ത​തെ​ന്തു​കൊണ്ട്‌? (ബി) എല്ലാവ​രും അങ്ങനെ​യുള്ള സമാധാ​നം നേടു​ന്നത്‌ മർമ്മ​പ്ര​ധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌?

ദൈവ​വു​മാ​യുള്ള സമാധാ​നം നേടുക? എന്തു​കൊണ്ട്‌? ദൈവ​വു​മാ​യി തങ്ങൾ ശത്രു​ത​യി​ലാ​ണെന്ന്‌ ആരും കരുതു​ന്നില്ല. എന്നിരു​ന്നാ​ലും, ദൈവ​ത്തി​ന്റെ ഒരു യഥാർത്ഥ ശത്രു ആയിരി​ക്കാ​നും അതി​നെ​ക്കു​റിച്ച്‌ ബോധ​വാ​ന​ല്ലാ​തി​രി​ക്കാ​നു​മുള്ള സാദ്ധ്യ​ത​യു​ണ്ടോ? അപ്പോ​സ്‌ത​ല​നായ പൗലോസ്‌ ഒന്നാം നൂററാ​ണ്ടി​ലെ ക്രിസ്‌ത്യാ​നി​ക​ളോട്‌ ഇങ്ങനെ വിശദീ​ക​രി​ച്ചു: “ഒരു കാലത്ത്‌ നമ്മളെ​ല്ലാം നമ്മുടെ ജഡത്താ​ലും ചിന്തക​ളാ​ലും ഇച്ഛിക്ക​പ്പെ​ടുന്ന കാര്യങ്ങൾ ചെയ്‌തു​കൊണ്ട്‌ ജഡിക മോഹ​ങ്ങൾക്ക​നു​യോ​ജ്യ​മാ​യി നടന്നു, നാം ശേഷി​ച്ച​വ​രെ​പ്പോ​ലെ​തന്നെ, സ്വാഭാ​വി​ക​മാ​യി ക്രോ​ധ​ത്തി​ന്റെ മക്കൾ ആയിരു​ന്നു.—എഫേസ്യർ 2:3.

² അതു​പോ​ലെ ഇന്ന്‌, നിങ്ങൾ ദൈവത്തെ പ്രസാ​ദി​പ്പി​ക്കു​ന്ന​തിൽ തൽപ്പര​നാ​യി​രി​ക്കാ​മെ​ങ്കി​ലും, ആദാമിൽനിന്ന്‌ അവകാ​ശ​പ്പെ​ടു​ത്തിയ പാപം നിങ്ങളു​ടെ വീക്ഷണത്തെ ബാധി​ക്കു​ന്നു. അതിന്‌ “ജഡത്താൽ ഇച്ഛിക്ക​പ്പെ​ടുന്ന കാര്യ​ങ്ങളെ” നിങ്ങൾ പിന്തു​ട​രാ​നി​ട​യാ​ക്കാൻ കഴിയും. നിങ്ങൾ യഹോ​വ​യു​ടെ സാക്ഷി​ക​ളോ​ടു​കൂ​ടെ ബൈബിൾ പഠിക്കുന്ന ഒരു വ്യക്തി​യോ സാക്ഷി​ക​ളായ മാതാ​പി​താ​ക്ക​ളുള്ള ഒരു സ്‌നാ​ന​മേൽക്കാത്ത യുവാ​വോ ആണെങ്കിൽ പോലും സ്വന്തഇഷ്ടം ചെയ്യാ​നുള്ള ഒരു സ്വാർത്ഥ മനോ​ഭാ​വ​മാ​യി​രി​ക്കാം നിങ്ങളു​ടെ ജീവി​ത​ത്തി​ലേ​റെ​യും പ്രകട​മാ​കു​ന്നത്‌. അത്‌ നിങ്ങളെ ദൈവ​ത്തിൽനിന്ന്‌ അന്യ​പ്പെ​ടു​ത്തു​ന്ന​തിൽ തുടർന്നേ​ക്കാം. അത്തര​മൊ​രു ഗതിയിൽ തുടരുന്ന ഒരു വ്യക്തി ‘തനിക്കു​വേണ്ടി ക്രോധം കൂട്ടി​വെ​ക്കു​ക​യാണ്‌ ചെയ്യു​ന്നത്‌.’ (റോമർ 2:5; കൊ​ലോ​സ്യർ 1:21; 3:5-8) സത്വരം സമീപി​ച്ചു​വ​രുന്ന “ക്രോ​ധ​ത്തി​ന്റെ​യും ദൈവ​ത്തി​ന്റെ നീതി​യുള്ള ന്യായ​വി​ധി​യു​ടെ വെളി​പ്പെ​ട​ലി​ന്റെ​യും ദിവസ​ത്തിൽ” ദൈവം പൂർണ്ണ​മാ​യി തന്റെ കോപം വെളി​പ്പെ​ടു​ത്തും. (റോമർ 1:28-2:6) നിങ്ങൾക്ക്‌ ദൈവ​വു​മാ​യുള്ള സമാധാ​നം നേടാ​നും ഈ “ക്രോ​ധ​ദി​വസ”ത്തെ അതിജീ​വി​ക്കാ​നും എങ്ങനെ കഴിയും?

സമാധാ​ന​ത്തി​ന്റെ അടിസ്ഥാ​നം

3. ദൈവം നിരപ്പി​നുള്ള അടിസ്ഥാ​നം പ്രദാനം ചെയ്‌ത​തെ​ങ്ങനെ?

³ സഹായി​ക്കു​ന്ന​തിന്‌ യഹോവ മുൻകൈ എടുത്തു. “അവൻ നമ്മെ സ്‌നേ​ഹി​ക്കു​ക​യും നമ്മുടെ പാപങ്ങൾക്കു​വേണ്ടി ഒരു പരിഹാ​ര​യാ​ഗ​മാ​യി തന്റെ പുത്രനെ അയയ്‌ക്കു​ക​യും ചെയ്‌തു.” (1 യോഹ​ന്നാൻ 4:10) യേശു​വി​ന്റെ ബലിമ​രണം പാപപ​രി​ഹാ​രം വരുത്തു​ന്നു, അതായത്‌ യഹോ​വ​യു​ടെ നീതിയെ തൃപ്‌തി​പ്പെ​ടു​ത്തു​ന്നു. ഇതു പാപങ്ങ​ളു​ടെ മോച​ന​ത്തി​നും ഒടുവിൽ ദൈവ​വും മനുഷ്യ​നും തമ്മിലുള്ള ശത്രു​ത​യു​ടെ പൂർണ്ണ​മായ നീക്കത്തി​നും നിയമ​പ​ര​മായ ഒരു അടിസ്ഥാ​നം നൽകുന്നു. അതെ, അപ്പോ​സ്‌ത​ല​നായ പൗലോസ്‌ എഴുതി​യ​തു​പോ​ലെ “ദൈവ​ത്തി​ന്റെ പുത്രന്റെ മരണത്താൽ അവനോ​ടു നിരപ്പാ​കുക” സാദ്ധ്യ​മാണ്‌.—റോമർ 5:8-10.

4. യെഹെ​സ്‌ക്കേ​ലിന്‌ ഏതു പ്രസക്ത​മായ ദർശനം കൊടു​ക്ക​പ്പെട്ടു? നമുക്ക്‌ ഇത്‌ പ്രാധാ​ന്യ​മു​ള്ള​താ​യി​രി​ക്കു​ന്ന​തെ​ന്തു​കൊണ്ട്‌?

⁴ എന്നാൽ ക്രിസ്‌തു​വി​ന്റെ ബലിയിൽനിന്ന്‌ വ്യക്തി​പ​ര​മാ​യി പ്രയോ​ജനം കിട്ടു​ന്ന​തിന്‌ നാം ചില നടപടി​കൾ സ്വീക​രി​ക്കേ​ണ്ട​താണ്‌. ഇവ യെഹെ​സ്‌ക്കേൽ പ്രവാ​ച​കനു കൊടു​ക്ക​പ്പെട്ട ഒരു നാടകീയ ദർശന​ത്തിൽ സൂചി​പ്പി​ക്ക​പ്പെ​ട്ടി​രി​ക്കു​ന്നു. അതു ദൈവ​ത്തി​ന്റെ “ക്രോ​ധ​ദി​വസം” ആസന്നമാ​യി​രി​ക്കുന്ന നമ്മുടെ കാലത്ത്‌ നിവൃ​ത്തി​യേ​റുന്ന ഒരു ദർശന​മാണ്‌. ദൈവ​ത്തി​ന്റെ വധാധി​കൃത സൈന്യ​ങ്ങൾ ദർശന​ത്തിൽ ആറു സായുധ പുരു​ഷൻമാ​രാൽ ചിത്രീ​ക​രി​ക്ക​പ്പെ​ടു​ന്നു. അവർ ദൈവ​ക്രോ​ധം വെളി​പ്പെ​ടു​ത്തു​ന്ന​തി​നു മുൻപ്‌ ഒരു കാര്യ​ദർശി​യു​ടെ മഷികു​പ്പി​യോ​ടു​കൂ​ടിയ ഏഴാമത്തെ ഒരു പുരു​ഷ​നോട്‌ ഇങ്ങനെ പറയ​പ്പെ​ടു​ന്നു: “നഗരത്തി​ന്റെ മദ്ധ്യത്തി​ലൂ​ടെ കടന്നു​പോ​കുക, . . . അതിൻമ​ദ്ധ്യേ ചെയ്യ​പ്പെ​ടുന്ന സകല മ്ലേച്ഛകാ​ര്യ​ങ്ങ​ളും നിമിത്തം നെടു​വീർപ്പി​ട്ടു, കരയുന്ന പുരു​ഷൻമാ​രു​ടെ നെററി​യിൽ നീ ഒരു അടയാളം ഇടണം.’ ഞാൻ കേൾക്കെ [ആറ്‌ സായു​ധ​പു​രു​ഷൻമാ​രോ​ടു] അവൻ പറഞ്ഞു: ‘അവന്റെ പിന്നാലെ നഗരത്തി​ലൂ​ടെ കടന്ന്‌ വെട്ടുക. . . . എന്നാൽ അടയാ​ള​മുള്ള യാതൊ​രു മനുഷ്യ​ന്റെ​യും അടുക്കൽ പോക​രുത്‌.’”—യെഹെ​സ്‌ക്കേൽ 9:1-6.

5. അനുതാ​പ​ത്തി​ലേക്കു നയിക്കു​ന്ന​തെന്ത്‌?

⁵ സത്യ​ദൈ​വത്തെ ആരാധി​ക്കു​ന്ന​താ​യി അവകാ​ശ​പ്പെ​ട്ടി​രുന്ന ആളുകൾ ‘ദേശത്തെ അക്രമം​കൊ​ണ്ടു നിറയ്‌ക്കു​ക​യും’ ലൈം​ഗിക ദുർമ്മാർഗ്ഗ​ത്തി​ലും വിഗ്ര​ഹാ​രാ​ധ​ന​യി​ലും മററു സകലതരം ദുർന്ന​ട​ത്ത​യി​ലും ഏർപ്പെ​ടു​ക​യും ചെയ്‌തി​രു​ന്ന​തു​കൊണ്ട്‌ സംരക്ഷ​ണാർത്ഥം ‘അടയാ​ള​മി​ട​പ്പെ​ട്ടി​രുന്ന’ ഇവർ അസ്വസ്ഥ​രാ​യി​രു​ന്നു. (യെഹെ​സ്‌ക്കേൽ 8:5-18; യിരെ​മ്യാവ്‌ 7:9) അതു​പോ​ലെ​തന്നെ ഇന്നും ‘അടയാ​ള​മിട’പ്പെടേ​ണ്ടവർ ബൈബി​ളി​ന്റെ ഒരു പഠനത്തി​ലൂ​ടെ ദൈവ​ത്തി​ന്റെ പ്രമാ​ണ​ങ്ങളെ വിലമ​തി​ക്കാ​നും അവനെ അപമാ​നി​ക്കുന്ന പഠിപ്പി​ക്ക​ലു​ക​ളും ആചാര​ങ്ങ​ളും സംബന്ധിച്ച്‌ ഹൃദയ​ത്തിൽ സങ്കട​പ്പെ​ടാ​നും, അതെ, ‘നെടു​വീർപ്പി​ട്ടു കരയാൻ’ ആദ്യം പഠി​ക്കേ​ണ്ട​താണ്‌. ഒരുപക്ഷേ അജ്ഞതയാൽ ചിലർ ദുഷ്‌പ്ര​വൃ​ത്തി​യിൽ ഏർപ്പെ​ടു​ക​യോ പിന്തു​ണ​കൊ​ടു​ത്തു​കൊണ്ട്‌ അവയ്‌ക്കു സമ്മതം മൂളു​ക​യോ ചെയ്‌തി​രി​ക്കാം. എന്നിരു​ന്നാ​ലും ഇപ്പോൾ അവർ അത്തരം പ്രവർത്ത​ന​ങ്ങളെ ദൈവം വീക്ഷി​ക്കു​ന്ന​തു​പോ​ലെ വീക്ഷി​ക്കു​ന്നു—അറപ്പോ​ടെ! (റോമർ 1:24-32; യെശയ്യാവ്‌ 2:4; വെളി​പ്പാട്‌ 18:4; യോഹ​ന്നാൻ 15:19) ഈ വർദ്ധിച്ച വിലമ​തിപ്പ്‌ ദൈവ​വു​മാ​യുള്ള സമാധാ​നം നേടു​ന്ന​തി​ന്റെ ആദ്യന​ട​പ​ടി​ക​ളി​ലൊ​ന്നി​ലേക്ക്‌ നയിക്കു​ന്നു: അനുതാ​പം. അപ്പോ​സ്‌ത​ല​നായ പത്രോസ്‌ ഇങ്ങനെ പ്രോ​ത്സാ​ഹി​പ്പി​ച്ചു. “യഹോ​വ​യാം വ്യക്തി​യിൽനിന്ന്‌ ആശ്വാ​സ​കാ​ലങ്ങൾ വരേണ്ട​തിന്‌ [ക്രോ​ധമല്ല] നിങ്ങളു​ടെ പാപങ്ങൾ മായി​ച്ചു​കി​ട്ട​ത്ത​ക്ക​വണ്ണം അനുത​പി​ക്കു​ക​യും തിരിഞ്ഞു വരിക​യും ചെയ്യുക.” (പ്രവൃ​ത്തി​കൾ 3:19) അങ്ങനെ​യുള്ള മോചനം എത്ര ആശ്വാ​സ​ദാ​യ​ക​മാണ്‌!

“അടയാളം” സ്വീക​രി​ക്കൽ

6. പുരാ​ത​ന​കാ​ല​ങ്ങ​ളിൽ ചിലയാ​ളു​കൾ ഏതു കാരണ​ത്തിന്‌ അടയാ​ള​മി​ട​പ്പെ​ട്ടി​രു​ന്നു?

⁶ ദൈവ​ക്രോ​ധ​ത്തിൽനിന്ന്‌ ഒഴിവാ​ക്ക​പ്പെ​ടു​ന്ന​തിന്‌ ‘നെടു​വീർപ്പി​ട്ടു കരയു​ന്നവർ’ തങ്ങളുടെ നെററി​യിൽ അടയാ​ള​മി​ട​പ്പെ​ടേ​ണ്ടി​യി​രു​ന്നു. (യെഹെ​സ്‌ക്കേൽ 9:4) പുരാതന കാലങ്ങ​ളിൽ വ്യക്തമാ​യി തിരി​ച്ച​റി​യു​ന്ന​തിന്‌ മിക്ക​പ്പോ​ഴും അടിമ​ക​ളു​ടെ നെററി​യിൽ അടയാ​ള​മി​ടു​മാ​യി​രു​ന്നു. നെററി​യി​ലും മററു​ള്ള​ട​ങ്ങ​ളി​ലു​മുള്ള വ്യക്തമായ അടയാ​ളങ്ങൾ ഒരു വ്യക്തി ഒരു പ്രത്യേക ദൈവത്തെ ആരാധി​ച്ചി​രു​ന്നു​വെ​ന്നും പ്രകട​മാ​ക്കി​യേ​ക്കാം.a(യെശയ്യാവ്‌ 44:5 താരത​മ്യ​പ്പെ​ടു​ത്തുക) അതു​കൊണ്ട്‌ നമ്മുടെ നാളിൽ, യഹോ​വ​യു​ടെ ആരാധ​ക​രും അടിമ​ക​ളു​മാ​യി വ്യക്തമാ​യി തിരി​ച്ച​റി​യി​ക്കുന്ന വ്യതി​രി​ക്ത​വും ജീവര​ക്താ​ക​ര​വു​മായ അടയാ​ള​മെ​ന്താണ്‌?

7. പ്രതീ​കാ​ത്മക അടയാളം എന്താണ്‌?

⁷ പ്രതീ​കാ​ത്മ​ക​മായ അടയാളം (1) നിങ്ങൾ യേശു​ക്രി​സ്‌തു​വി​ന്റെ സമർപ്പി​ത​നും സ്‌നാ​ന​മേ​റ​റ​വ​നു​മായ ഒരു ശിഷ്യ​നാ​ണെന്ന്‌ (2) നിങ്ങൾ ക്രിസ്‌തു​തു​ല്യ​മായ പുതിയ വ്യക്തി​ത്വം ധരിച്ചി​രി​ക്കു​ന്നു​വെന്ന്‌ കാണി​ക്കുന്ന തെളി​വാണ്‌—അത്‌ ആവരണ​മി​ല്ലാത്ത നിങ്ങളു​ടെ നെററി​യിൽ പ്രദർശി​പ്പി​ച്ചി​രി​ക്കു​ന്ന​തു​പോ​ലെ​യാണ്‌. (എഫേസ്യർ 4:20-24) അങ്ങനെ ‘അടയാ​ള​മി​ട​പ്പെ​ടു​ന്നവർ’ ആദ്യം ഒരു സമർപ്പണം ചെയ്യേ​ണ്ടി​യി​രി​ക്കു​ന്ന​തി​നാൽ അതിൽ എന്ത്‌ ഉൾപ്പെ​ട്ടി​രി​ക്കു​ന്നു​വെന്ന്‌ നാം അറി​യേ​ണ്ട​തുണ്ട്‌. യേശു വിശദീ​ക​രി​ക്കു​ന്നു: “ആരെങ്കി​ലും എന്റെ പിന്നാലെ വരാനാ​ഗ്ര​ഹി​ക്കു​ന്നു​വെ​ങ്കിൽ, അവൻ തന്നെത്താൻ ത്യജിച്ച്‌ തന്റെ ദണ്ഡനസ്‌തം​ഭ​മെ​ടുത്ത്‌ എന്നെ തുടർച്ച​യാ​യി അനുഗ​മി​ക്കട്ടെ.”—മർക്കോസ്‌ 8:34.

8, 9. (എ) ‘തന്നെത്താൻ ത്വജി​ക്കുക’ എന്നതിന്റെ അർത്ഥ​മെന്ത്‌? (ബി) സമർപ്പണം ആവശ്യ​പ്പെ​ടു​ന്ന​തി​നെ എങ്ങനെ ചിത്രീ​ക​രി​ക്കാൻ കഴിയും?

⁸ “ത്യജി​ക്കുക” എന്നു വിവർത്തനം ചെയ്‌തി​രി​ക്കുന്ന ഗ്രീക്ക്‌ പദത്തിന്റെ അർത്ഥം “പൂർണ്ണ​മാ​യി നിരസി​ക്കുക” അഥവാ “പരിത്യ​ജി​ക്കുക” എന്നാണ്‌. തന്നിമി​ത്തം, ‘നിങ്ങ​ളേ​ത്തന്നെ ത്യജി​ക്കുക’ എന്നതിന്റെ അർത്ഥം വല്ലപ്പോ​ഴും ഒരു പ്രത്യേക ഉല്ലാസം അഥവാ ആസക്തി നിരസി​ക്കുക എന്നല്ല. പകരം അതിന്റെ അർത്ഥം നിങ്ങളു​ടെ വ്യക്തി​പ​ര​മായ ആഗ്രഹ​ങ്ങ​ളാ​ലും അഭീഷ്ട​ങ്ങ​ളാ​ലും നിങ്ങളു​ടെ ജീവിതം ഭരിക്ക​പ്പെ​ടാൻ അനുവ​ദി​ക്കുന്ന കാര്യ​ത്തിൽ നിങ്ങ​ളോ​ടു തന്നെ ഇല്ല എന്നു പറയാൻ സന്നദ്ധനാ​യി​രി​ക്കുക എന്നാണ്‌. ഈ ആശയം വ്യത്യസ്‌ത ഭാഷക​ളി​ലേക്ക്‌ ഭാഷാ​ന്തരം ചെയ്‌തി​രി​ക്കു​ന്ന​തെ​ങ്ങ​നെ​യെന്ന്‌ ശ്രദ്ധി​ക്കു​ന്ന​തി​നാൽ യേശു​വി​ന്റെ വാക്കു​ക​ളു​ടെ വ്യാപ്‌തി കാണാൻ നാം സഹായി​ക്ക​പ്പെ​ടു​ന്നു. “ഒരുവന്റെ സ്വന്തം ഹൃദയം ആഗ്രഹി​ക്കു​ന്നതു ചെയ്യു​ന്നതു നിർത്തുക.” (സെൽററൽ, മെക്‌സി​ക്കോ), “മേലാൽ തനിക്കു​ള്ള​ത​ല്ലാ​യി​രി​ക്കുക” (കാഞ്ചോ​ബാൽ, ഗോട്ടി​മാ​ലാ) “സ്വയം പുറം​തി​രി​ഞ്ഞു​ക​ള​യുക” (ജാവനീസ്‌, ഇൻഡോ​നേ​ഷ്യാ). അതെ, ഇതിന്റെ അർത്ഥം പല കാര്യ​ങ്ങ​ളിൽ ചെയ്യാൻ കഴിയുന്ന ഒരു പ്രതിജ്ഞ എന്നു മാത്രമല്ല, പിന്നെ​യോ സമ്പൂർണ്ണ​മായ ഒരു സമർപ്പണം എന്നാണ്‌.

⁹ മുമ്പ്‌ തികച്ചും സ്വത​ന്ത്ര​യാ​യി പെരു​മാ​റി​യി​രുന്ന സൂസൻ എന്ന ഒരു ക്രിസ്‌തീയ സ്‌ത്രീ തനിക്ക്‌ സമർപ്പണം എന്തർത്ഥ​മാ​ക്കി​യെന്ന്‌ വിശദീ​ക​രി​ക്കു​ന്നു: “ഞാൻ മറെറാ​രാൾക്ക്‌ എന്നെ മുഴു​വ​നാ​യി ഏൽപ്പി​ച്ചു​കൊ​ടു​ക്കു​ക​യാ​യി​രു​ന്നു. ഇപ്പോൾ യഹോവ എന്റെ പ്രവർത്ത​ന​ഗതി നിശ്ചയി​ക്കു​ക​യും എന്തു ചെയ്യണ​മെന്ന്‌ എന്നോടു പറയു​ക​യും എന്റെ മുൻഗ​ണ​നകൾ തീരു​മാ​നി​ക്കു​ക​യും ചെയ്യുന്നു.” നിങ്ങൾ യഹോ​വ​യാം ദൈവ​ത്തിന്‌ ഇതേ സമ്പൂർണ്ണ സമർപ്പണം ചെയ്യാൻ സന്നദ്ധനാ​ണോ? പ്രതീ​കാ​ത്മക അടയാളം, യജമാ​നന്റെ ഒരു സന്തുഷ്ട അടിമ എന്നപോ​ലെ നിങ്ങൾ ദൈവ​ത്തിന്‌ ‘ഉള്ളവ’നെന്നു തിരി​ച്ച​റി​യി​ക്കു​ന്നു​വെ​ന്നോർക്കുക.—പുറപ്പാട്‌ 21:5, 6; റോമർ 14:8, താരത​മ്യ​പ്പെ​ടു​ത്തുക.

10. ഒരു സമർപ്പണം ചെയ്യു​ന്ന​തി​നു മുമ്പ്‌ ഏതു കാര്യങ്ങൾ ഒരുവൻ പരിചി​ന്തി​ക്കണം?

¹⁰ “നിങ്ങളിൽ ഒരു ഗോപു​രം പണിയാൻ ആഗ്രഹി​ക്കുന്ന ആർ അതു പൂർത്തീ​ക​രി​ക്കാൻ മതിയാ​യത്‌ ഉണ്ടോ​യെ​ന്ന​റി​യാൻ ആദ്യം ഇരുന്നു ചെലവു കണക്കു​കൂ​ട്ടാ​തി​രി​ക്കു​ന്നു?” എന്ന്‌ യേശു ചോദി​ച്ചു. (ലൂക്കോസ്‌ 14:28) അതു​കൊണ്ട്‌ ക്രിസ്‌തീ​യ​യോ​ഗ​ങ്ങ​ളിൽ ക്രമമാ​യി ഹാജരാ​കാൻ നിങ്ങൾ സന്നദ്ധരാ​ണോ? (എബ്രായർ 10:25) ദൈവം തന്റെ ദാസർക്കു​വേ​ണ്ടി​വെ​ച്ചി​രി​ക്കുന്ന ഉന്നതമായ ധാർമ്മിക നിലവാ​രം പുലർത്താൻ സന്നദ്ധരാ​ണോ? (1 തെസ്സ​ലോ​നീ​ക്യർ 4:3, 4, 7) നിങ്ങൾ കഴിയു​ന്നത്ര പൂർണ്ണ​മാ​യി രാജ്യ​പ്ര​സം​ഗ​വേ​ല​യിൽ പങ്കെടു​ക്കു​ന്നു​ണ്ടോ? ഒരു ജീവി​ത​വൃ​ത്തി തെര​ഞ്ഞെ​ടു​ക്കു​മ്പോ​ഴോ ജീവി​ത​ല​ക്ഷ്യ​ങ്ങൾ വെക്കു​മ്പോ​ഴോ ദൈ​വേ​ഷ്ടത്തെ ഒന്നാമതു വെയ്‌ക്കു​മോ? (മത്തായി 6:33; സഭാ​പ്ര​സം​ഗി 12:1) നിങ്ങളു​ടെ കുടും​ബ​ക​ട​പ്പാ​ടു​ക​ളിൽ ശ്രദ്ധി​ക്കു​മോ? (എഫേസ്യർ 5:22-6:4; 1 തിമൊ​ഥെ​യോസ്‌ 5:8) നിങ്ങൾ പ്രാർത്ഥ​ന​യിൽ ഒരു വ്യക്തി​പ​ര​മായ സമർപ്പണം ചെയ്‌തു കഴിയു​മ്പോൾ കൂടു​ത​ലായ ഒരു നടപടി ഇതി​നെ​ക്കു​റി​ച്ചു മററു​ള്ള​വരെ ഔദ്യോ​ഗി​ക​മാ​യി അറിയി​ക്കു​ന്നു.

സ്‌നാനം—ആർക്ക്‌?

11. സ്‌നാ​പനം എന്തിനെ പ്രതീ​ക​വൽക്ക​രി​ക്കു​ന്നു, അതിനാൽ എന്തു സാധി​ക്കു​ന്നു?

¹¹ തന്റെ അനുഗാ​മി​കളെ സ്‌നാ​ന​പ്പെ​ടു​ത്ത​ണ​മെന്ന്‌ യേശു കൽപ്പിച്ചു. (മത്തായി 28:19, 20) അവരെ മുഴു​വ​നാ​യി വെള്ളത്തിൽ ആഴ്‌ത്തു​ക​യും പൊക്കി​യെ​ടു​ക്കു​ക​യും ചെയ്യണ​മാ​യി​രു​ന്നു. ഒരു കുഴി​ച്ചി​ട​ലും പുനരു​ത്ഥാ​ന​വും പോലെ, ഇത്‌ ഒരു വ്യക്തി തന്റെ സ്വാർത്ഥ​ജീ​വി​ത​ഗതി സംബന്ധി​ച്ചു മരിക്കു​ന്ന​തി​നെ​യും ദൈ​വേഷ്ടം ചെയ്യാൻ ജീവി​പ്പി​ക്ക​പ്പെ​ടു​ന്ന​തി​നെ​യും നന്നായി ചിത്രീ​ക​രി​ക്കു​ന്നു. സ്‌നാ​ന​ത്താൽ നിങ്ങൾ ദൈവ​ത്തി​ന്റെ ലോക​വ്യാ​പ​ക​സ​ഭ​യോ​ടുള്ള ബന്ധത്തിൽ നിങ്ങ​ളേ​ത്തന്നെ യഹോ​വ​യു​ടെ സാക്ഷി​ക​ളി​ലൊ​രാ​ളാ​യി തിരി​ച്ച​റി​യി​ക്കു​ന്നു.b സ്‌നാനം ദൈവ​വു​മാ​യി ചെയ്യുന്ന ഒരു പാവന​മായ കരാറി​നെ പ്രാബ​ല്യ​ത്തി​ലാ​ക്കു​ന്നു. (പുറപ്പാട്‌ 19:3-8 താരത​മ്യ​പ്പെ​ടു​ത്തുക.) നിങ്ങളു​ടെ ജീവിതം അവന്റെ നിയമ​ങ്ങൾക്ക​നു​യോ​ജ്യ​മാ​യി​രി​ക്കണം. (സങ്കീർത്തനം 15; 1 കൊരി​ന്ത്യർ 6:9-11) ദൈവ​ത്തി​ന്റെ ഒരു ശുശ്രൂ​ഷ​ക​നെ​ന്ന​നി​ല​യിൽ നിങ്ങളെ നിയോ​ഗി​ക്കുന്ന സ്‌നാനം “ഒരു നല്ല മനഃസാ​ക്ഷി​ക്കു​വേണ്ടി ദൈവ​ത്തോ​ടു ചെയ്യുന്ന അപേക്ഷ”യെയും പ്രതി​ബിം​ബി​പ്പി​ക്കു​ന്നു, എന്തു​കൊ​ണ്ടെ​ന്നാൽ നിങ്ങൾ ദൈവ​വു​മാ​യി സമാധാ​ന​ത്തി​ലാ​ണെന്ന്‌ നിങ്ങൾ അറിയു​ന്നു.—1 പത്രോസ്‌ 3:21.

12. കുട്ടികൾ അവരുടെ മാതാ​പി​താ​ക്ക​ളു​ടെ “അടയാള”ത്താൽ സംരക്ഷി​ക്ക​പ്പെ​ടു​ന്ന​തെ​പ്പോൾ?

¹² യുവാ​ക്കൾപോ​ലും സ്‌നാ​ന​ത്തെ​ക്കു​റി​ച്ചു പരിഗ​ണി​ക്ക​ണ​മോ? ശരി, ദർശന​ത്തി​ലെ ആറു സായുധ പുരു​ഷൻമാ​രോട്‌ യഹോവ ഇങ്ങനെ പറഞ്ഞു​വെ​ന്നോർക്കുക: “വൃദ്ധ​നെ​യും യുവാ​വി​നെ​യും കൊച്ചു​കു​ട്ടി​യെ​യും സ്‌ത്രീ​ക​ളെ​യും നിങ്ങൾ കൊന്നു​ക​ള​യണം—മുടി​ച്ചു​ക​ള​യണം. എന്നാൽ അടയാ​ള​മുള്ള യാതൊ​രു മനുഷ്യ​ന്റെ​യും അടുക്കൽ പോക​രുത്‌.” (യെഹെ​സ്‌ക്കേൽ 9:6) തീർച്ച​യാ​യും മാതാ​പി​താ​ക്കൾ യഹോ​വയെ സ്‌നേ​ഹി​ക്കാൻ തങ്ങളുടെ മക്കളെ വളർത്തി​ക്കൊ​ണ്ടു​വ​രി​ക​യും അവർ അനുസ​ര​ണ​പൂർവ്വം പ്രതി​ക​രി​ക്കു​ക​യു​മാ​ണെ​ങ്കിൽ ഒരു സമർപ്പണം ചെയ്യാൻതക്ക പ്രായ​മി​ല്ലാത്ത കുട്ടികൾ മാതാ​പി​താ​ക്ക​ളു​ടെ “അടയാള”ത്താൽ സംരക്ഷി​ക്ക​പ്പെ​ടും. (1 കൊരി​ന്ത്യർ 7:14) എന്നിരു​ന്നാ​ലും, ഒരു കുട്ടി വ്യക്തി​പ​ര​മായ ഒരു തീരു​മാ​നം ചെയ്യാ​നുള്ള ബുദ്ധി​യു​ള്ള​വ​നും “നൻമ ചെയ്യാൻ അറിയാ​വുന്ന” ഘട്ടത്തി​ലെ​ത്തി​യ​വ​നു​മാ​ണെ​ങ്കിൽ അവൻ തന്റെ മാതാ​പി​താ​ക്ക​ളു​ടെ “അടയാള”ത്തിന്റെ യോഗ്യ​ത​യിൻ കീഴിൽ അനിശ്ചി​ത​കാ​ലം തുടരു​മെന്ന്‌ സങ്കൽപ്പി​ക്ക​രുത്‌.—യാക്കോബ്‌ 4:17.

13. സ്‌നാ​ന​ത്തി​നുള്ള ഒരു കുട്ടി​യു​ടെ യോഗ്യത നിർണ്ണ​യി​ക്കു​ന്നത്‌ സംബന്ധിച്ച്‌ പരിഗ​ണി​ക്കേണ്ട ചില കാര്യ​ങ്ങ​ളേവ?

¹³ ഒരു സമർപ്പണം ചെയ്യു​ന്ന​തി​നു മുൻപ്‌, ഉൾപ്പെ​ട്ടി​രി​ക്കു​ന്ന​തെ​ന്തെന്നു മനസ്സി​ലാ​ക്കാൻ മതിയായ അറിവ്‌ കുട്ടിക്ക്‌ ഉണ്ടായി​രി​ക്കണം, അവൻ ദൈവ​വു​മാ​യി വ്യക്തി​പ​ര​മായ ഒരു ബന്ധം നേടേ​ണ്ട​തു​മാണ്‌. അവൻ ബൈബിൾ തത്വങ്ങൾ അറിഞ്ഞി​രി​ക്കു​ക​യും അവയോ​ടു പററി​നിൽക്കു​ക​യും വേണം, അവയിൽനി​ന്നുള്ള ഏതു വ്യതി​ച​ല​ന​ത്തി​നും താൻ കണക്കു ബോധി​പ്പി​ക്കേ​ണ്ടി​വ​രു​മെ​ന്നുള്ള അറി​വോ​ടെ​തന്നെ. അവന്‌ തന്റെ വിശ്വാ​സം മററു​ള്ള​വർക്കു പങ്കു​വെ​ക്കു​ന്ന​തിൽ വേണ്ടത്ര പരിച​യ​മു​ണ്ടാ​യി​രി​ക്കണം; അതു സത്യാ​രാ​ധ​ന​യു​ടെ മർമ്മ​പ്ര​ധാ​ന​മായ ഭാഗമാ​ണെന്ന്‌ അറിഞ്ഞി​രി​ക്കു​ക​യും വേണം. അവൻ ദൈവത്തെ സേവി​ക്കാൻ യഥാർത്ഥ​മാ​യി ആഗ്രഹി​ക്കണം. സ്വാഭാ​വി​ക​മാ​യി, അവൻ മുതിർന്ന ഒരാളു​ടെ പക്വത പ്രകട​മാ​ക്കാൻ പ്രതീ​ക്ഷി​ക്ക​പ്പെ​ടു​ക​യില്ല, എന്നാൽ അവന്റെ ആത്മീയ​പു​രോ​ഗതി ന്യായ​മാ​യി സ്ഥിരമാ​യി​രി​ക്കേ​ണ്ട​താണ്‌.

14. ഒരു ചെറു​പ്പ​ക്കാ​രൻ തന്റെ സ്‌നാ​നത്തെ ഒരു സംരക്ഷ​ണ​മാ​യി കരുതി​യ​തെ​ന്തു​കൊണ്ട്‌?

¹⁴ ഒരുവൻ ‘ചെലവു കണക്കു​കൂ​ട്ടി​യി​ട്ടു​ണ്ടെ​ങ്കിൽ’ ഒരു യുവാ​വെ​ന്ന​നി​ല​യിൽ ഒരു സമർപ്പണം ചെയ്യു​ന്നത്‌ ഒരുവനെ പ്രാതി​കൂ​ല്യ​ത്തി​ലാ​ക്കു​ന്നില്ല. മിക്കവാ​റും എല്ലാ പുതിയ ക്രിസ്‌ത്യാ​നി​കളെ സംബന്ധി​ച്ചും സ്‌നാ​ന​ത്തി​നു​ശേഷം വിലമ​തിപ്പ്‌ ആഴമേ​റി​യ​താ​യി​ത്തീ​രു​ന്നു. “ഒരു ചെറു​പ്പ​ക്കാ​ര​നെ​ന്ന​നി​ല​യിൽ സ്‌നാ​ന​മേ​റ​റത്‌ എനിക്ക്‌ ഒരു സംരക്ഷ​ണ​മാ​യി​രു​ന്നു” എന്ന്‌ ഡേവിഡ്‌ വിശദീ​ക​രി​ച്ചു. “എനിക്കു പ്രായ​മേ​റി​വ​ന്ന​പ്പോൾ സഭയിലെ സ്‌നാ​ന​മേൽക്കാത്ത ചില യുവാക്കൾ മൂപ്പൻമാ​രു​ടെ അധികാ​ര​ത്തിൽനിന്ന്‌ വിമു​ക്ത​രാ​ണെന്നു വിചാ​രി​ച്ച​തും തന്നിമി​ത്തം ദുർന്ന​ട​ത്ത​യി​ലേക്ക്‌ തിരി​ഞ്ഞു​പോ​യ​തും ഞാൻ നിരീ​ക്ഷി​ക്കു​ക​യു​ണ്ടാ​യി. എന്നാൽ ഞാൻ എന്റെ ജീവി​തത്തെ ദൈവ​ത്തി​നു സമർപ്പി​ച്ചി​രു​ന്ന​താ​യി ഞാൻ എല്ലായ്‌പ്പോ​ഴും ഓർത്തു. എന്റെ ജീവിതം എടുക്ക​പ്പെ​ട്ടി​രു​ന്നു, തന്നിമി​ത്തം എനിക്ക്‌ അങ്ങനെ​യുള്ള യുവാ​ക്കളെ അനുക​രി​ക്കാൻ കഴിയു​മാ​യി​രു​ന്നില്ല.

15. (എ) യുവാ​ക്കൾക്ക്‌ സത്യാ​രാ​ധന സംബന്ധിച്ച്‌ ഗൗരവ​പൂർണ്ണ​മായ ഒരു വീക്ഷണം നിലനിർത്തുക സാദ്ധ്യ​മാ​ണെന്ന്‌ നാം എങ്ങനെ അറിയു​ന്നു? (ബി) മാതാ​പി​താ​ക്കൾക്ക്‌ ഏററവും നന്നായി എങ്ങനെ സഹായി​ക്കാൻ കഴിയും?

¹⁵ ‘എന്നാൽ എന്റെ മകനോ മകളോ സ്‌നാ​ന​മേ​റ​റിട്ട്‌ പിന്നീട്‌ തണുത്തു​പോ​കു​ക​യാ​ണെ​ങ്കി​ലോ‘ എന്നു ചില മാതാ​പി​താ​ക്കൾ സ്വയം ചോദി​ക്കു​ന്നു. തീർച്ച​യാ​യും, ഒരു കുട്ടി മാതാ​പി​താ​ക്കളെ പ്രീതി​പ്പെ​ടു​ത്താൻവേണ്ടി മാത്ര​മോ ചില സുഹൃ​ത്തു​ക്കൾ സ്‌നാ​ന​പ്പെ​ടു​ന്ന​തു​കൊ​ണ്ടോ സ്‌നാ​ന​മേൽക്ക​രുത്‌. എന്നിരു​ന്നാ​ലും, യുവ​പ്രാ​യ​ക്കാ​രാ​യി​രു​ന്ന​പ്പോൾ യോ​സേ​ഫി​നും ശമൂ​വേ​ലി​നും യോശീ​യാ​വു രാജാ​വി​നും യേശു​വി​നു​മെ​ല്ലാം ദൈവാ​രാ​ധ​ന​യെ​ക്കു​റിച്ച്‌ ഗൗരവ​പൂർണ്ണ​മായ വീക്ഷണ​മു​ണ്ടാ​യി​രു​ന്നു, അതി​നോ​ടു പററി​നിൽക്കു​ക​യും ചെയ്‌തു. (ഉല്‌പത്തി 37:2; 39:1-3; 1 ശമൂവേൽ 1:24-28; 2:18-21; 2 ദിനവൃ​ത്താ​ന്തം 34:3; ലൂക്കോസ്‌ 2:42-49) ആധുനി​ക​കാ​ല​ങ്ങ​ളിൽ ജീൻ എന്നു പേരുള്ള ഒരു ക്രിസ്‌ത്യാ​നി പത്തു വയസ്സു​മാ​ത്ര​മു​ണ്ടാ​യി​രു​ന്ന​പ്പോൾ സ്‌നാ​ന​മേ​ററു. വർഷങ്ങൾക്കു​ശേഷം, അവൾക്ക്‌ യഥാർത്ഥ​ത്തിൽ ഈ നടപടി​യെ​ക്കു​റിച്ച്‌ ഗ്രാഹ്യ​മു​ണ്ടാ​യി​രു​ന്നോ​യെന്നു ചോദി​ച്ച​പ്പോൾ, അവൾ ഇങ്ങനെ മറുപടി പറഞ്ഞു: “എനിക്ക്‌ യഹോ​വ​യോ​ടു സ്‌നേ​ഹ​മു​ണ്ടെ​ന്നും യേശു നമുക്കു​വേണ്ടി ചെയ്‌ത​തി​നെ ഞാൻ വിലമ​തി​ക്കു​ന്നു​വെ​ന്നും ഞാൻ യഹോ​വയെ സ്‌നേ​ഹി​ക്കാ​നാ​ഗ്ര​ഹി​ക്കു​ന്നു​വെ​ന്നും എനിക്ക​റി​യാ​മാ​യി​രു​ന്നു.” അവൾ സ്‌നാ​ന​ത്തി​നു​ശേഷം ഏതാണ്ടു 40 വർഷം വിശ്വ​സ്‌ത​മാ​യി സേവി​ച്ചി​രു​ന്നു. ഓരോ കുട്ടി​യും ഒരു വ്യക്തി​യാണ്‌; ഒരുവ​നും ഒരു പ്രായ​പ​രി​ധി വെക്കാൻ കഴിക​യില്ല. മാതാ​പി​താ​ക്കൾ കുട്ടി​യു​ടെ ഹൃദയ​ത്തി​ലേക്ക്‌ ഇറങ്ങി​ച്ചെ​ല്ലാൻ ശ്രമി​ച്ചു​കൊണ്ട്‌ ദൈവ​ഭക്തി വളർത്തി​യെ​ടു​ക്കാൻ അവനെ അല്ലെങ്കിൽ അവളെ സഹായി​ക്കേ​ണ്ട​താണ്‌.c അവർ തങ്ങളുടെ മക്കളുടെ മുമ്പാകെ സമർപ്പ​ണ​ത്തി​ന്റെ​യും സ്‌നാ​ന​ത്തി​ന്റെ​യും പദവി വെക്കു​ക​യും സ്ഥിരത​യുള്ള ആരാധ​ക​രാ​യി​രി​ക്കാൻ അവരെ ബലിഷ്‌ഠ​രാ​ക്കു​ക​യും വേണം.

തടസ്സങ്ങൾ തരണം ചെയ്യൽ

16. ശിരോ​വി​ജ്ഞാ​ന​ത്തെ​ക്കാ​ള​ധി​കം ആവശ്യ​മാ​യി​രി​ക്കു​ന്ന​തെ​ന്തു​കൊണ്ട്‌?

¹⁶ ബൈബിൾ പരിജ്ഞാ​നം അത്യന്താ​പേ​ക്ഷി​ത​മാ​ണെ​ങ്കി​ലും, “അടയാള”ത്തിൽ ശിരോ​വി​ജ്ഞാ​ന​ത്തി​ല​ധി​കം ഉൾപ്പെ​ടു​ന്നു. ഉദാഹ​ര​ണ​ത്തിന്‌, വ്യാജ​ദൈ​വ​ങ്ങൾക്ക്‌ ധൂപം കാട്ടി​യ​തിന്‌ വധിക്ക​പ്പെട്ട മൂപ്പൻമാർക്ക്‌ യഹോ​വ​യു​ടെ എഴുത​പ്പെട്ട വചന​ത്തെ​ക്കു​റിച്ച്‌ വിപു​ല​മായ അറിവു​ണ്ടാ​യി​രു​ന്നി​രി​ക്കാ​നി​ട​യുണ്ട്‌. എന്നാൽ അടച്ചിട്ട വാതി​ലു​കൾക്കു പിൻപി​ലെ അവരുടെ പെരു​മാ​ററം അവർ സത്യാ​രാ​ധ​ക​ര​ല്ലാ​യി​രു​ന്നു​വെന്നു പ്രകട​മാ​ക്കി. (യെഹെ​സ്‌ക്കേൽ 8:7-12; 9:6) അതു​കൊണ്ട്‌ അതിജീ​വ​ന​ത്തി​നു​വേണ്ടി ‘അടയാ​ള​മി​ട​പ്പെ​ടു​ന്ന​തിന്‌ “യഥാർത്ഥ​നീ​തി​യി​ലും വിശ്വ​സ്‌ത​ത​യി​ലും ദൈ​വേ​ഷ്ട​പ്ര​കാ​രം സൃഷ്ടി​ക്ക​പ്പെ​ടുന്ന പുതിയ വ്യക്തി​ത്വം ധരിക്കേണ്ട”താവശ്യ​മാണ്‌.—എഫേസ്യർ 4:22-24.

17. (എ) ഏതു തടസ്സമാണ്‌ സ്‌നാ​ന​ത്തിൽനിന്ന്‌ ചിലരെ പിൻമാ​റ​റി​നിർത്തു​ന്നത്‌? (ബി) യാക്കോബ്‌ 4:8-ലെ ബുദ്ധി​യു​പ​ദേശം എങ്ങനെ ബാധക​മാ​ക്കാൻ കഴിയും?

¹⁷ ഒരു ശക്തമായ തടസ്സം നിങ്ങളു​ടെ പാപപൂർണ്ണ​മായ ജഡത്തിന്റെ സ്വാധീ​ന​മാണ്‌. (റോമർ 8:7, 8) ചിലർ ഗൗരവ​മായ ചില ജഡിക ഭൗർബ്ബ​ല്യ​ങ്ങൾ നിയ​ന്ത്രി​ക്കാ​ത്തതു നിമിത്തം അല്ലെങ്കിൽ അവിഹിത ലൗകി​കോ​ല്ലാ​സ​ങ്ങ​ളിൽ ആസക്തരാ​കാ​നാ​ഗ്ര​ഹി​ക്കുക നിമിത്തം സ്‌നാ​ന​ത്തിൽനിന്ന്‌ പിൻമാ​റി​നിൽക്കു​ക​പോ​ലും ചെയ്യു​ന്നുണ്ട്‌. (യാക്കോബ്‌ 4:1, 4) അങ്ങനെ​യു​ള്ള​വർക്ക്‌ വില​യേ​റിയ ഒരു ബന്ധം നഷ്ടപ്പെ​ടു​ക​യാണ്‌. ദൈവ​വ​ചനം ഇങ്ങനെ ബുദ്ധി​യു​പ​ദേ​ശി​ക്കു​ന്നു: “ദൈവ​ത്തോട്‌ അടുത്തു ചെല്ലുക, എന്നാൽ അവൻ നിങ്ങ​ളോട്‌ അടുത്തു​വ​രും. പാപി​കളേ, നിങ്ങളു​ടെ കൈകളെ വെടി​പ്പാ​ക്കു​വിൻ, അനിശ്ചി​തരേ, നിങ്ങളു​ടെ ഹൃദയ​ങ്ങളെ നിർമ്മ​ലീ​ക​രി​ക്കു​വിൻ.” (യാക്കോബ്‌ 4:8) നിർണ്ണാ​യ​ക​മായ പ്രവർത്തനം ആവശ്യ​മാണ്‌. ദൃഷ്ടാ​ന്ത​മാ​യി, ബൈബിൾ പഠിക്കാൻ തുടങ്ങിയ ഒരു മനുഷ്യൻ 16 വർഷം മദ്യവും മയക്കു​മ​രു​ന്നും ദുരു​പ​യോ​ഗ​പ്പെ​ടു​ത്തി​യി​രു​ന്നു. ഇതുനി​മി​ത്തം മാരക​മായ രോഗ​ത്തി​ലാ​യി. നിശ്ചയ​ദാർഢ്യ​ത്തോ​ടെ അയാൾ ഈ ദുഃശീ​ല​ങ്ങളെ തരണം ചെയ്‌തു. “എന്നാൽ ഞാൻ സമർപ്പ​ണ​ത്തി​ലേക്കു പുരോ​ഗ​മി​ച്ചു​കൊ​ണ്ടി​രി​ക്കവേ ഒരു സ്‌ത്രീ അവളു​മാ​യി പ്രേമ​ബ​ന്ധ​ത്തി​ലാ​കാൻ എന്നോട്‌ അപേക്ഷി​ച്ചു തുടങ്ങി. അത്‌ ഒരു യഥാർത്ഥ പരീക്ഷ​യാ​യി​രു​ന്നു”വെന്ന്‌ അയാൾ ഏററു​പ​റഞ്ഞു. “എനിക്ക്‌ ഭ്രാന്താ​ണെന്ന്‌ ആ സ്‌ത്രീ വിചാ​രി​ച്ചെ​ങ്കി​ലും ഞാൻ യഹോ​വ​യു​ടെ സാക്ഷി​ക​ളു​മാ​യി ബൈബിൾ പഠിച്ചു​കൊ​ണ്ടി​രി​ക്കു​ക​യാ​ണെ​ന്നും എനിക്ക്‌ അതു ചെയ്യാ​വു​ന്ന​ത​ല്ലെ​ന്നും ഞാൻ അവളോ​ടു പറഞ്ഞു.” അയാളു​ടെ ഈ പ്രതി​വ​ച​ന​ത്തിന്‌ പ്രേരി​പ്പി​ച്ച​തെ​ന്താ​യി​രു​ന്നു? “മദ്യത്തിൽനിന്ന്‌ വിമു​ക്ത​നാ​കാൻ എന്നെ സഹായി​ച്ചു​കൊണ്ട്‌ യഹോവ എന്റെ ജീവി​ത​ത്തിൽ ചെയ്‌ത​തെ​ന്തെന്ന്‌ ഞാൻ കണ്ടിരു​ന്നു. അവൻ മററു വിധങ്ങ​ളി​ലും എന്നെ സഹായി​ച്ചു. ഇത്‌ എന്നെ അവനോട്‌ അടുപ്പി​ച്ചു​കൊ​ണ്ടി​രു​ന്നു. എനിക്ക്‌ അവനെ നിരാ​ശ​പ്പെ​ടു​ത്താൻ കഴിയു​മാ​യി​രു​ന്നില്ല.” ഈ മനുഷ്യൻ ദൈവ​ത്തോട്‌ അടുത്തു​നിന്ന്‌ വളർച്ച പ്രാപി​ച്ചി​രു​ന്നു.

18. തടസ്സങ്ങൾ തരണം ചെയ്യു​ന്ന​തി​നുള്ള ഒരു താക്കോൽ എന്താണ്‌?

¹⁸ നിങ്ങൾക്ക്‌ എത്രമാ​ത്രം അറിവു​ണ്ടെ​ന്നു​ള്ളതല്ല. നിങ്ങളു​ടെ അറിവി​നെ നിങ്ങൾ എത്രമാ​ത്രം സ്‌നേ​ഹി​ക്കു​ന്നു​വെ​ന്ന​താണ്‌ ഗണ്യം. സങ്കീർത്തനം 119:165 പറയുന്നു: “നിന്റെ നിയമത്തെ സ്‌നേ​ഹി​ക്കു​ന്ന​വർക്ക്‌ [അറിയുക മാത്രം ചെയ്യു​ന്ന​വർക്കല്ല] സമൃദ്ധ​മായ സമാധാ​ന​മുണ്ട്‌, അവർക്ക്‌ ഇടർച്ച ഇല്ല.” താക്കോൽ ദൈവ​നി​യ​മത്തെ സ്‌നേ​ഹി​ക്കു​ന്ന​താണ്‌, നിങ്ങളു​ടെ ജീവി​ത​ത്തിൽ അതിന്റെ മൂല്യത്തെ ആഴമായി വിലമ​തി​ക്കു​ന്ന​താണ്‌.—യെശയ്യാവ്‌ 48:17, 18.

19, 20. (എ) ഏതു തടസ്സങ്ങളെ തരണം ചെയ്യേ​ണ്ട​താണ്‌, നമുക്ക്‌ എന്തു ഉറപ്പുണ്ട്‌? (ബി) വിജയ​പൂർവ്വം എല്ലാ തടസ്സങ്ങ​ളെ​യും തരണം ചെയ്യു​ന്നത്‌ എന്തിൽ കലാശി​ക്കും.?

¹⁹ തീർച്ച​യാ​യും, മററു തടസ്സങ്ങ​ളോ ഇടർച്ച​ക​ളോ സംജാ​ത​മാ​യേ​ക്കാം. “എന്നേ സംബന്ധിച്ച്‌ അതിക​ഠി​ന​മാ​യി​രു​ന്നത്‌ മനുഷ്യ​രെ​യുള്ള ഭയമാ​യി​രു​ന്നു. എനിക്കു ചില ലോക ‘സുഹൃ​ത്തു​ക്കൾ’ ഉണ്ടായി​രു​ന്നു, അവരോ​ടു​കൂ​ടെ ഞാൻ കുടി​ക്കു​മാ​യി​രു​ന്നു. ഞാൻ എന്റെ ജീവി​തത്തെ ദൈവ​ത്തിന്‌ സമർപ്പി​ക്കാൻ പോകു​ക​യാ​യ​തു​കൊണ്ട്‌ ഞാൻ എന്റെ സഹവാസം നിർത്തു​ക​യാ​ണെന്ന്‌ അവരോ​ടു പറയു​ന്ന​താ​യി​രു​ന്നു എനിക്ക്‌ ഏററം പ്രയാ​സ​മാ​യി​രുന്ന കാര്യം” എന്ന്‌ മേൽപ്പറഞ്ഞ സഹോ​ദരൻ പറയു​ക​യു​ണ്ടാ​യി. (സദൃശ​വാ​ക്യ​ങ്ങൾ 29:25) മററു ചിലർ കുടും​ബാം​ഗ​ങ്ങ​ളു​ടെ നിന്ദയെ അഭിമു​ഖീ​ക​രി​ച്ചി​രി​ക്കു​ന്നു. തന്റെ ഭർത്താ​വി​ന്റെ എതിർപ്പി​നെ തരണം ചെയ്‌ത, പുതു​താ​യി സ്‌നാ​ന​മേററ ഒരു സാക്ഷി ഇങ്ങനെ പ്രസ്‌താ​വി​ച്ചു: “ഒരു മുഖ്യ​ത​ട​സ്സ​ത്തി​നു പകരം ഞാൻ ഓരോ​ന്നോ​രോ​ന്നാ​യി തരണം ചെയ്യേ​ണ്ടി​യി​രുന്ന അനേകം ചെറിയ തടസ്സങ്ങൾ ഉണ്ടായി​രു​ന്നു.” ഓരോ തടസ്സവും വരു​മ്പോൾ അവയെ വിശ്വ​സ്‌ത​ത​യോ​ടെ തരണം ചെയ്യു​ന്നത്‌ നിങ്ങളു​ടെ ഹൃദയത്തെ ഉറപ്പി​ക്കും. ദൈവ​നി​യ​മത്തെ സ്‌നേ​ഹി​ക്കു​ന്ന​വർക്ക്‌ തരണം ചെയ്യാൻ കഴിയാത്ത തടസ്സമി​ല്ലെന്ന്‌ ഉറപ്പു​ണ്ടാ​യി​രി​ക്കുക!—ലൂക്കോസ്‌ 16:10.

²⁰ അത്തരം വിലങ്ങു​ത​ടി​കളെ നിങ്ങൾ തരണം ചെയ്യു​മ്പോൾ നിങ്ങൾ “സമൃദ്ധ​മായ സമാധാ​നം” നേടും. (സങ്കീർത്തനം 119:165) അതെ, “നിങ്ങൾ വഴിയിൽ സുരക്ഷി​ത​മാ​യി നടക്കും . . . നിങ്ങളു​ടെ ഉറക്കം ഉല്ലാസ​പ്ര​ദ​മാ​യി​രി​ക്കേ​ണ്ട​താണ്‌. നിങ്ങൾ പെട്ടെ​ന്നുള്ള യാതൊ​രു ഭീഷണി​യേ​യും ഭയപ്പെ​ടേ​ണ്ട​യാ​വ​ശ്യ​മു​ണ്ടാ​കു​ക​യില്ല, ദുഷ്ടൻമാ​രു​മേൽ കൊടു​ങ്കാ​ററു വരുന്ന​തു​കൊണ്ട്‌ അതി​നെ​യും. ഫലത്തിൽ യഹോ​വ​തന്നെ നിങ്ങളു​ടെ ധൈര്യ​മെന്ന്‌ തെളി​യും.”—സദൃശ​വാ​ക്യ​ങ്ങൾ 3:23-26. (w87 4/15)

[അടിക്കു​റി​പ്പു​കൾ]

പുനര​വ​ലോ​കന പോയിൻറു​കൾ

◻ താനു​മാ​യുള്ള സമാധാ​നം നേടു​ന്ന​തിന്‌ ദൈവം നമ്മെ സഹായി​ക്കു​ന്ന​തെ​ങ്ങനെ?

◻ ജീവര​ക്താ​ക​ര​മായ പ്രതീ​കാ​ത്മക അടയാളം എന്താണ്‌?

◻ സമർപ്പ​ണ​ത്തി​ന്റെ​യും സ്‌നാ​ന​ത്തി​ന്റെ​യും പ്രാധാ​ന്യ​മെ​ന്താണ്‌?

◻ ഏതുതരം തടസ്സങ്ങളെ അഭിമു​ഖീ​ക​രി​ക്കേ​ണ്ടി​യി​രി​ക്കു​ന്നു, ഇവയെ എങ്ങനെ തരണം ചെയ്യാൻ കഴിയും?

[19-ാം പേജിലെ ചതുരം]

നിമജ്ജനമോ തളിക്ക​ലോ?

യേശു​വി​ന്റെ സ്‌നാ​പ​ന​ത്തെ​ക്കു​റി​ച്ചുള്ള വിവരണം അവൻ “വെള്ളത്തിൽനി​ന്നു പുറത്തു​വ​രുന്ന”തിനെ​ക്കു​റി​ച്ചു പറയുന്നു. (മർക്കോസ്‌ 1:10) യേശു വെള്ളത്തിൽ നിമജ്ജനം ചെയ്യ​പ്പെ​ട്ടത്‌ സ്‌നാ​പനം (ബാപ്‌റ​റ​സ്‌മാ) എന്നു വിവർത്തനം ചെയ്‌തി​രി​ക്കുന്ന ഗ്രീക്ക്‌ പദത്തിന്റെ അർത്ഥത്തിന്‌ ചേർച്ച​യി​ലാണ്‌. ബാപ്‌​റൈ​സോ എന്ന പദത്തിൽനി​ന്നാണ്‌ അത്‌ ഉത്ഭവി​ക്കു​ന്നത്‌, അതിന്റെ അർത്ഥം “മുക്കുക, നിമജ്ജനം ചെയ്യുക” എന്നാണ്‌. ചില​പ്പോൾ കപ്പൽ മുങ്ങു​ന്ന​തി​നെ വർണ്ണി​ക്കാൻ അത്‌ ഉപയോ​ഗി​ക്ക​പ്പെ​ടു​ന്നു. ഒരു വ്യക്തി മറെറാ​രാ​ളെ ആഴത്തിൽ മുക്കു​ന്ന​തി​നെ വർണ്ണി​ക്കാൻ രണ്ടാം നൂററാ​ണ്ടി​ലെ എഴുത്തു​കാ​ര​നായ ലൂഷിയൻ ബന്ധപ്പെട്ട ഒരു പദം ഉപയോ​ഗി​ക്കു​ന്നു: “അവന്‌ വീണ്ടും പൊങ്ങി​വ​രാൻ കഴിയാ​ത്ത​വി​ധം അവനെ അത്ര ആഴത്തിൽ ആഴ്‌ത്തു​ന്നു.” ദ ന്യൂ ഇൻറർനാ​ഷനൽ ഡിക്‌ഷ​ണറി ഓഫ്‌ ന്യൂ റെറസ്‌റ​റ​മെൻറ്‌ തിയോ​ളജി ഇങ്ങനെ നിഗമനം ചെയ്യുന്നു: “മറിച്ചുള്ള തറപ്പിച്ചു പറയൽ ഉണ്ടെങ്കി​ലും യഹൂദ​സ​ന്ദർഭ​ങ്ങ​ളി​ലും ക്രിസ്‌തീയ സന്ദർഭ​ങ്ങ​ളി​ലും ബാപ്‌​റൈ​റ​സോ സാധാ​ര​ണ​യാ​യി ‘നിമജ്ജനം ചെയ്യുക’ എന്നർത്ഥ​മാ​ക്കി​യെ​ന്നും അത്‌ സ്‌നാ​പ​ന​ത്തി​ന്റെ സാങ്കേ​തിക പദമാ​യി​ത്തീർന്ന​പ്പോൾ പോലും നിമജ്ജ​ന​ത്തി​ന്റെ ആശയം നിലനിൽക്കു​ന്നു​വെ​ന്നും തോന്നു​ന്നു.”